VOAL

VOAL

Please Wait ...
0%

TA BËJME SHQIPËRINË SI BJELLORUSIA! Nga Alfred Mirashi Milot

By | April 27, 2021
blank

Komentet

blank

Libri Hamit Haxhija “Nderi i Kombit” – Nga Xhafer LECI

– Hamit Haxhija (05.01.1955 – 11.07.1990), oficer i vrarë-helmuar në ushtrinë e ish Jugosllavisë, si edhe shumë oficerë e ushtarë tjerë shqiptarë të pafajshëm, të vrarë e mbytur në forma të ndyshme, me procese të montuara!

Është një libër shumë orgjinal, i shkruar me fakte dëshmi të pamohueshme, duke e mbështetur me dokumente, nga lindja e Hamitit, shkollimi e deri në vrasjen e Tij.

blank

 

Pamje nga ceremonia madhështore e varrimit dhe, promovimi i lapidarit!

 

blank

– Autor: Arif Haxhija, vëlla i Hamitit, botuar në Gjakovë, 2020-, 285 faqe.
Ai shkruan shkurt, edhe për historikun, traditën atdhetare, qendresën e familjes dhe fshatit të tij, Botush e Gjakovës, gjatë shekujve në luftëra kundër pushtuesve serbo-sllavë, osmanësve…
-Në fillimvitet 1970-ta, Hamiti kishte regjistruar gjimnazin ushtarak në Beograd, me shumë shokë shqiptarë, ku ka vazhduar dhe mbarur edhe akademinë ushtarake, deri në arritjen e gradës së kapitenit të klasit të parë.

– Hamiti ka qenë oficër në garnizonin e Nishit.
Ai, si i ri kishte mësuar-frymëzuar nga filozofitë e odave shqiptare, për të kaluarën e vuajtjeve të mëdha të popullit shqiptar nga pushtues të shumtë. Si shumë atdhetarë të tjerë, edhe Hamiti kishte ndjerë dhimbje, për masakrat, vrasjet, dëbimet e dhunshme, duke bërë pastrim etnik, vuajtjet e papërshkruara të shqiptarëve të Sanxhakut, të Nishit eToplicës, 1878-1881. Pak nga ata kanë pasur fatin të mbijetojnë!

 – Fillimi i vëzhgimit, ndjekjes së Hamitit, për zhdukjen e tij fizike kishte filluar, me rastin e burgosjes politike te dy vëllazërve të Hamitit, Arifit dhe Haxhisë në vitet 1980-ta dhe, më vonë me denocimin publik, të Lubisha Vishnjevac, i cili kishte vrarë, Fadil Tallën, në vitin 1998, para shtëpisë së tij dhe, kishte plagosur dy ushtarë shqiptarë, që te tre të rinj.
– Oficerët serbo-malazez, kanë dashur që oficerët dhe ushtarët shqiptarë, të denojnë demonstratat e vitit 1981. Hamiti këtë nuk e kishte  bërë atëherë, e as më 1989, kundër demonstratave për mbrojtjen e mos ndryshimit të Kushtetutës së vitit 1974, grevës së minatorëve të “ Trepçës”…

– Helmimi i 8 mijë fëmijëve shqiptarë, në mars të vitit 1990, nëpër shkolla të shqiptarëve, në krejt Kosovën, ku pati edhe viktima, ishte krim kriminal i qeverisë shoviniste serbe.
– Helmimi u shtri edhe tek individë atdhetarë shqiptarë, cilët ishin bërë halë në sytë e sigurimsave të Serbosllavisë.
– Në lidhje me helmimin e Hamitit, kishte shkruar një servil, sherbëtor i pushtuesit serb, me iniciale M.M., tek “Rilindja”, e enjte 02.08.1990.

I njëjti kishte shkruar, gënjyer edhe për vdekjen dhe varrimin e ushtarit Xhevdet Aruçi. Tani, sigurisht me porosi, kishte shkruar edhe rreth vrasjes së kapitenit Hamit Haxhija, cili mundohet ta paraqes vdekjen e Hamitit, nga sëmundja me diagnozë “Leocemi”!
Gënjeshtra e këtij shpifësi, sherbëtor i UDB-së, demantohet me dëshmi të pamohueshme në bazë të fakteve, dokumenteve, ku prej fillimit në Nish dhe Beograd  ( VMA) diagnoza ka qenë helmim i rëndë, vetëm pas vdekjes i është caktuar (fletë lëshimi) “Leokemi” 

Në spitalin e Nishit ka qendrur nga data 18-22 qershor 1990.
Ndërsa në Spitalin e Akademisë Ushtarake të Mjekësisë në Beograd, qendron në repartet e helmimit, nga data 22.06.deri më 03.07.1990, duke përjetuar dhimbje të mëdha nga temperatura e lartë.
– Disa oficer të ushtrisë Jugosllave, nga Garnizoni i Gjakovës kishin ardhur me një tog ushtarak, cili duhej ti bënte formalitet sipas rregullave ushtarake ,me kundërshtim e familjes dhe masës së madhe janë detyruar të largohen.

-Autori përmend edhe vrasjet e rreth 40 ushtarëve shqiptarë, në forma të ndryshme në APJ.
Ai përmend edhe emra oficerësh, miq, shokë e vendas të Hamitit, si oficererët Islam Sadiki, zëvendës Ministrin e Mbrojtjes, Agim Mehmeti, ligjërus në Akademinë Ushtarake në Sarajevë dhe disa vende tjera si në Namibi, Irak, Libi,…me lëndën Taktika.
– Në vitin 1987 nga Gjykata Ushtarake në Sarajevë, Agim Mehmeti dënohet me 3 vjet 9 muaj burg, bashkë me të edhe grupi i shumë oficerë tjerë shqiptarë.

-Shumë falëmnderit që ma dhurove këtë libër me shumë vlerë, miku im Arif, të cilin dhimbshëm e lexova.
Autori është mërgimtar-veprimtar i hershëm dhe ish i burgosur politik, ka botuar tri vepra:
1.-Dritat e gjerdanit të lirisë kombëtare (Monografi), 2013
2.-Botusha gjatë shekujve (Monografi), 2019

blank

3.- Hamit Haxhija “Nderi i Kombit”, 2020
Lavdi dhe nderim të përjetshëm !

Wendlingen, 08.05.2021

blank

Kraske: Kërcënohemi nga konflikte të reja, nëse BE-ja s’i ndal fantazitë për kufij etnikë në Ballkanin Perëndimor

Fantazitë e ndarjes përgjatë vijave etnike po ringjallen në ish-Jugosllavi. Nëse BE nuk ia del të ndalë nacionalizmat, kërcënojnë konflikte të reja të pakontrolluara në Ballkanin Perëndimor, shkruan Marion Kraske.

Filmi i Jasmila Zbanic “Quo Vadis Aida”  i cili në çmimet Oscar të këtij viti ishte në renditjen e “filmave më të mirë të huaj”, është impresionues. Regjisorja boshnjake rrëfen me emocion për dëshpërimin e njerëzve në Srebrenicë, kur trupat serbe të drejtuara nga Ratko Mladiç në korrik 1995 pushtojnë me shpejtësi Bosnjen lindore për të ushtruar atë që ishte synim final: Krijimin e Serbisë së Madhe. Për këtë ata vranë 8300 djem e burra, shumica myslimanë. Gjenocid në tokën europiane.

Filmi i Zbanic është një paralajmërim që vjen në momentin e duhur. Sepse 26 vjet pasi mori fund lufta në ish-reublikat jugosllave Bosnje e Hercegovina me Marrëveshjen e Dejtonit, ky vend është ekspozuar sërish ndaj sulmeve të reja. Ashtu si në vitet 90-të kur presidenti kroat, Franjo Tuxhman dhe pushtetmbajtësi serb, Slobodan Milosheviç e ndanë Bosnjen mes tyre, tani ekstremistë të papërmirësueshëm përpiqen t’i japin fund kësaj. Të shkatërrojnë Bosnjen me të gjithë multietnicitetin e saj.

Së fundmi qarkullojnë fantazi ndarjeje, që vënë pikëpyetje mbi ekzistencën e republikës në qendër të ish-Jugosllavisë. Një e ashtuquajtur “nonpaper”, sipas raportimeve në media, vjen nga dora e kryeministrit slloven, Janez Jansa. Dokumenti i zbuluar propagandon qartë vendosjen e kufijve të rinj përgjatë vijave etnike. Vëzhguesit janë të mendimit, se pjesë të dokumentit janë përpiluar në Budapest, me gjasë krijime të rrethit të kryeministrit hungarez, Viktor Orban, ndikimi i rrymave populiste-nacionaliste është i dukshëm.

Dëbime, vrasje, përdhunime masive

Në thelb është formuluar krijimi i një Serbie të Madhe, Kroacie të Madhe dhe Shqipërie të Madhe. Kjo nënkupton një ringjallje të rrezikshme të atyre ideologjive që në fillim të viteve 90-të çuan në dëbime, vrasje dhe përdhunime masive. E megjithkëtë ato kanë përkrahës.

Prej kohësh Kroacia lobon në Bruksel për një variant të zbutur të ndarjes së Bosnjes. Në fakt është e njëjta gjë: Ekstremistë kroatë-boshnjakë kërkojnë një etnitet të vetin “të tretë”. Kërkohet thellimi i ndarjes etnike dhe më së miri bashkimi me vendin amë kroat. Nga Beogradi vijnë tone gjithnjë e më agresive: Bashkimi i botës serbe ka kohë që ka filluar, tha këto ditë ministri i Brendshëm serb, Aleksandar Vulin dhe “nuk mund të ndalet më.”

Paralajmërime nga Bosnja

Këto lojëra fantazishë për një “ndarje paqësore” të Bosnjes janë një sulm serioz ndaj rendit aktual të paqes, e kjo gjen reflektim në alarmin që ngre në raportin e tij Përfaqësuesi i Lartë i Bashkësisë Ndërkombëtare në Bosnje, Valentin Inzko në Këshillin e Sigurimit.

Ministri i Jashtëm gjerman, Heiko Maas i përjashton kategorikisht ndryshimet e kufijve në Ballkan. Pyetja që shtrohet është, se sa të gatshëm janë në Berlin dhe Bruksel për t’ua bërë pa hezitim të qartë këtë qarqeve provokuese nga Zagrebi në Lubjanë, Budapest dhe Beograd dhe të kujdesen që politikat e përgjakshmë të Karaxhiçit dhe të tjerëve të mos tirren më si vizione tës ë ardhmes?

Dobësia e BE

Në këto ide të fundit të paraqitura vihet në pah edhe dobësia e Bashkimit Europian, që në rajon krijoi një vakuum të rrezikshëm. Kështu deri më tani Brukseli nuk ia doli të krijojë një perspektivë të qartë. Në vend të demokratizimit të pakompromis u zgjodh një bashkëjetesë e dyshimtë me etno-klanet qeverisëse që kontribuoi në forcimin e pushtetit të elitave të korruptuara dhe forcimin e axhendave ekstremiste.

Shembulli më i mirë për këtë politikë të zbutjes ishte iniciativa “landswap” – këmbim territoresh për Serbinë dhe Kosovën. Përveç kësaj BE legjitimoi vitin e kaluar në Bosnje me të ashtuquajturin “Deal” i Mostarit pikërisht partitë nacionaliste, që e mbajnë vendin në një paralizim të vazhdueshëm. Në të njëjtën kohë lihen në baltë ata aktorë, që janë vërtet aleatët e Europës: aktivistë për të drejtat e njeriut si publicistja në Mostar, Stefica Galic.

Efekte të rrezikshme domino

Brukseli do të bënte mirë, t’u jepte një fund të qartë narrativave fantazmë me etnokrati të pastra, veçanërisht brenda BE. Efekte të rrezikshme domino duken që tani. Presidenti serb Aleksandar Vuçiç, që për një kohë të gjatë në politikën e jashtme gjermane shihej si një spirancë stabilititeti, përpiqet përmes ushtrimit të influencës të destabilizojë jo vetëm Bosnjen, por edhe vendet fqinje si Mali i Zi apo Kosova.

Edhe Kroacia e nxit gjithnjë e më shumë luftën e ftohtë kundrejt fqinjit të dobët. Kështu presidenti kroat, Zoran Milanovic tregoi para pak ditësh se sa pak ndërmerr kundër ideologjive përçmuese ndaj njeriut anëtarja më e re e BE-së. Pa asnjë drojë presidenti kroat priti një të dënuar për krime lufte nga ato shoqata kroato-boshnjake (HVO), që në luftën e Bosnjes vranë civilë.

Kundër paqes

Teza e kreut të shtetit kroat – jo gjithkush që është dënuar nga Tribunali Ndërkombëtar i Hagës është kriminel lufte. Sipas një studimi aktual, Kroacia nuk është përballur ende si duhet me të shkuarën fashiste në Luftën e Dytë Botërore: Vetëm një e treta e të rinjve të anketuar kanë pranuar, se shteti i pavarur i atëhershëm kroat, NDH ishte një marionetë e Gjermanisë naziste.

Ajo që dihet: Stabilokracitë me zjarrvënës shpirtërorë në krye si edhe gjoja-zgjidhjet përgjatë vijave etnike nuk janë receta për të ardhmen e Ballkanit Perëndimor, por bien ndesh me një Europë paqësore. Perëndimi duhet të reagojë menjëherë për këtë, kërkon eksperti i Ballkanit Daniel Serwer në një “non paper” të tijën dhe kujton ndikimin në rritje të Rusisë dhe Kinës. Nëse ky rajon do të vazhdojë si tani, sipas ekspertit, kjo do të ketë pasoja për destablizimin, mund të sjellë konflikte etnike dhe rritje të migrimit. Nëse BE nuk ia del që të bashkojë forcat e saj, nuk përjashtohet dhuna. Përpjekja e fundit “për të bashkuar” serbët, paralajmëron publicisti boshnjak, Dragan Bursaç përfundoi me gjenocid.

Politologja dhe gazetarja, Marion Kraske drejtoi zyrën e Sarajevës të Fondacionit Heinrich Böll për Bosnje-Hercegovniën, Maqedoninë e Veriut dhe Shqipërinë nga viti 2015-2021.

blank

Washington Post thotë se SHBA-të mblodhën fshehurazi të dhënat e gazetarëve

VOA

Departamenti i Drejtësisë në kohën e ish presidentit Trump, mblodhi fshehurazi regjistrimet telefonike të tre gazetarëve të Washington Postit, të cilët mbuluan hetimin federal për lidhjet midis Rusisë dhe fushatës presidenciale të vitit 2016, shkroi gazeta të premten.

Zbulimi çon në një përplasje të re midis qeverisë federale dhe organizatave të lajmeve e mbrojtësve të lirisë së shtypit, të cilët konsiderojnë se marrja e regjistrimeve të gazetarëve, është ndërhyrje në veprimtarinë e mbledhjes së lajmeve, të mbrojtur me kushtetutë. Veprime të ngjashme kanë ndodhur rrallë gjatë dekadës së kaluar, duke përfshirë një konfiskim të regjistrave telefonik të gazetarëve dhe redaktorëve të agjencisë së lajmeve Associated Press mbi një rrëfim të vitit 2012, që zbuloi një komplot të shmangur për sulm me bombë.

Në një deklaratë të botuar nga gazeta, Cameron Barr, kryeredaktor ekzekutiv, tha se “jemi thellësisht të shqetësuar nga ky përdorim i pushtetit qeveritar për të kërkuar qasje në komunikimet e gazetarëve. Departamenti i Drejtësisë duhet menjëherë të bëjë të qarta arsyet e tij për këtë ndërhyrje në veprimtarinë e gazetarëve që bëjnë punën e tyre, një veprimtari e mbrojtur nga amendamenti i parë (i Kushtetutës)”.

blank

Ky veprim me sa duket kishte për qëllim identifikimin e burimeve të gazetarëve në shkrimet rreth sigurisë kombëtare, të botuara në muajt e parë të administratës së ish presidentit Trump, ndërsa hetuesit federalë shqyrtuan me kujdes nëse fushata e tij e vitit 2016, ishte bashkërenduar me Kremlinin për të ndikuar mbi zgjedhjet.

Sekuestrimi i regjistrimeve u miratua nga udhëheqja e Departamentit të Drejtësisë vitin e kaluar. Gazetarët – Ellen Nakashima, Greg Miller dhe Adam Entous, i cili që atëherë është larguar nga Washington Posti – u njoftuan me letra me 3 maj që Departamenti i Drejtësisë kishte marrë të dhëna për bisedat e tyre në telefonat në shtëpi, në punë dhe në telefonat celular.

Regjistrimet e kërkuara, sipas gazetës, mbulojnë periudhën nga 15 prilli i vitit 2017, deri më 31 korrik të vitit 2017. Udhëzimet e Departamentit të Drejtësisë për hetimin e rrjedhjeve në media, urdhërojnë që veprime të tilla të ndërmerren vetëm kur të jenë shterur rrugët e tjera për marrjen e informacionit dhe që gazetarët e prekur të njoftohen, nëse nuk përcaktohet se kjo do të pengonte hetimin ose do të ndërhynte në sigurinë kombëtare.

“Ndërsa është e rrallë, Departamenti ndjek procedurat e vendosura brenda politikës së tij të udhëzimeve për media kur ndjek procesin ligjor për të marrë të dhëna telefonike dhe regjistrime të postës elektronike nga punonjësit e medias si pjesë e një hetimi për zbulimin e paautorizuar të informacionit të klasifikuar”, tha në një deklaratë zëdhënësi i departamentit, Marc Raimond.

Ai tha se cak i këtyre hetimeve nuk janë gazetarët “por ata që kanë qasje në informacionet e mbrojtjes kombëtare të cilët ua ofrojnë mediave dhe kësisoj nuk arrijnë ta mbrojnë atë siç kërkohet ligjërisht”.

Bruce Brown, drejtor ekzekutiv i Komitetit të Gazetarëve për Lirinë e Shtypit, tha se kjo “ngre shqetësime serioze rreth amendamentit të parë”.

“Është e domosdoshme që udhëheqja e re e Departamentit të Drejtësisë të shpjegojë saktësisht kur prokurorët morën këta regjistrime, pse vetëm tani po njoftojnë gazetën Washingotn Post dhe mbi çfarë baze Departamenti i Drejtësisë vendosi të heqë dorë nga detyrimi i njoftimit paraprak nën udhëzimet e tij, kur hetimi me sa duket përfshinë raportimin e para tri viteve”, tha zoti Brown.

blank

Qeveria gjithashtu tha se kishte marrë një urdhër gjykate për të mbledhur të dhëna nga posta elektronike e gazetarëve që do të tregonin se me kë kishin shkëmbyer porosi, por nuk i mori ato shënime, tha gazeta.

Washington Post tha që Departamenti i Drejtësisë nuk saktësoi qëllimin e urdhrit dhe nuk identifikoi ndonjë artikull të veçantë. Por, periudha kohore e përfshirë në urdhër, përfshinë botimin e një artikulli që sugjeronte se përgjimet e shërbimeve të zbulimit tregonin se zoti Jeff Session, në atë kohë prokuror i përgjithshëm i ish presidentit Trump, kishte diskutuar çështjet e fushatës me ambasadorin e atëhershëm të Rusisë, Sergey Kislyak.

Departamenti i Drejtësisë nën ish-Prokurorin e Përgjithshëm, Eric Holder, në 2015 shpalli udhëzimet e rishikuara për mbledhjen e të dhënave nga mediat gjatë hetimeve për rrjedhje të informacionit, duke ndryshuar gjuhën që organizatat e lajmeve thanë se ishte e paqartë.

Politika e përditësuar ishte një përgjigje ndaj zemërimit të medias me taktikat e administratës së ish presidentit Barack Obama, që shiheshin si tepër agresive dhe armiqësore ndaj tyre.

Jeff Session, pasardhës i prokurorit Holder, shpalli në vitin 2017 një qasje të ripërtërirë ndaj rrjedhjes së informacionit lidhur me sigurinë kombëtare në media.

blank

Rrëfimi i shqiptaro-amerikanit që la Amerikën për Kosovën

Burim Goxhuli

Në Kosovë ekziston një prirje e të rinjve për t’u larguar nga vendi, në kërkim të mundësive dhe një jete më të mirë. Por janë shumë të rralla rastet kur dikush nga Perëndimi vendos të kthehet në vendlindje për t’i kontribuar shoqërisë. Një ndër ta është Egzon Gashi, shqiptaro-amerikani që deri para tre vitesh jetonte në ShBA. Në një intervistë për Zërin e Amerikës ai shpjegon arsyet që e shtynë të merrte këtë vendim dhe tregon për punën që po bën në Kosovë për përmirësimin e cilësisë së arsimit. Kolegu Burim Goxhuli e takoi atë në Uashington, ku ai kishte ardhur për t’u takuar me të afërmit dhe me kolegë universitetesh.

Në vitin 1992, kur Egzon Gashi ishte vetëm gjashtë muajsh, familja e tij emigroi në Amerikë.

Një histori e ngjashme me atë të shumë familjeve shqiptare, që në atë kohë u detyruan të braktisnin Kosovën.

Por pas 25 vjetësh, në vitin 2018, Egzoni vendos të kthehet në vendin e lindjes.

“Vazhdimisht me familje, me nënë, baba, vëlla dhe motra kemi shkuar në Kosovë çdo verë dhe kemi qëndruar atje prej ditës, që ka mbaruar shkolla në Amerikë, deri në shator, kur ka filluar shkolla. E kemi kaluar gjithë verën në Kosovë. Në atë kohë takoja shumë kusherinj, dajë, teze, xhaxhallarë dhe jam lidhur shumë personalisht me Kosovën dhe gjithmonë e kisha një përshtypje që ndoshta dikur do kthehem në Kosovë për të kontribuar, për shkak se kisha një lidhje të veçantë me vendlindjen”, thotë ai.

Egzoni u kthye në Kosovë pasi kreu studimet pasuniversitare në dy prej universiteteve më të mira në botë, fillimisht për marrëdhënie ndërkombëtare në Oksford e pastaj edhe në fushën e edukimit në Johns Hopkins.

Veç njohurive të fitura gjatë studimeve, Egzoni solli në Kosovë edhe degën e rrjetit global “Teach for All”, një organizatë që synon përmirësimin e cilësisë së edukimit të vendeve në nevojë.

“Në fillim kisha në plan të qëndroja në Kosovë vetëm tre vite, të sillja idenë e organizatës atje dhe t’ia lë dikujt tjetër për ta udhëhequr. Por aq mirë po shkojnë punët dhe aq shumë po më pëlqen Kosova në përgjithësi, saqë tash e kam pa afat qëndrimin në Kosovë. Në qershor bëhen tre vite dhe për aq sa kaloj mirë dhe kam përkrahje, kam në plan të vazhdoj atje”, thotë Egzoni.

Prej dy vjetësh “Teach for Kosova” zbaton një projekt që ofron mundësi karriere për të rinj të shkolluar jo vetëm nga fakulteti i edukimit por edhe nga degë të tjera të Universitetit të Prishtinës.

“Ne çdo vit rekrutojmë të rinj të sapodiplomuar, ose që janë në fillim të karrierës, i angazhojmë për një periudhë dy vjeçare në mësimdhënie. Paraprakisht kemi një trajnim pesë-javor që quhet instituti i “Teach for Kosova” ku i trajnojmë mësimdhënësit që të jenë të gatshëm për ditën e parë të mësimit, që fillon në shtator. Pastaj këta vendosen si mësimdhënës të rregullt. Qëllimi është të sjellim rini të talentuar në edukim duke i dërguar ata në shkollat më me nevojë në Kosovë”, thotë ai.

Në dy vitet e para organizata rekrutoi 37 të sapodiplomuar ndërsa synon 20 deri 25 të rinj çdo vit. Sipas zotit Gashi kjo është shifër e mjaftueshme pasi Kosova nuk ka mungesë të mësuesve, por të cilësisë së tyre, ndërsa shton se mësimdhënësit duhet t’i nënshtrohen vlerësimit të vazhdueshëm.

“Kur bëhet dikush mësimdhënës në Kosovë pak a shumë shihet si një pozitë e përhershme edhe përgjegjësi ka, por llogaridhënie nuk ka. Në Kosovë është problem përmirësimi i sistemit të arsimit. Përveç kësaj, politizimi i sistemit të arsimit është shumë i theksuar në Kosovë, fatkeqësisht. Shpesh herë vendet e punës bazohen në partinë politike që mbështet, apo në lidhjet që ke me njerëz të komunës ose fshatit dhe është e pamundur që dikush i Klinës të japë mësim në Mitrovicë, duke kufizuar kështu mundësitë e mësimdhënës”, thekson ai.

Shqiptaro-amerikani beson se ndryshimi mund të arrihet por me më shumë përkushtim dhe besim nga rinia në Kosovë.

“Do t’u sugjeroja të rinjve të mbështeten tek njëri tjetri. Sepse kemi shumë të rinj, mbi 50 për qind e popullsisë është nën 30 vjeç. Nëse bashkohen, ata mund të bëjnë ndryshime në vend. Mund të sjellin ndryshime të shpejta sepse Kosova është vend i vogël. Pra të mos jenë të dëshpëruar, por ta kuptojnë se edhe në vendin tënd mund të sjellësh ide dhe ndryshime. Dhe mund të kesh sukses. Ndoshta unë jam një shembull, që jam kthyer prej Amerikës atje, por e di që kam edhe shumë shokë që qëndrojnë atje dhe kanë shumë sukses”, thotë ai.

Projekti i radhës i organizatës “Teach for Kosova” është të ftojë shqiptarë të diasporës, që duan të ndjekin shembullin e Egzonit për kontribuar në vendlindje.

Ai shpreson që një ditë rrjeti “Teach for All” të përhapet edhe në Shqipëri, Maqedoninë e Veriut dhe Mal të Zi.

blank

Një pllakë për t’i ndarë viktimat

Kosovë: memorial i ngritur për kujtim të viktimave të një sulmi të avionëve të NATO-s, gjatë bombardimeve të vitit 1999 mbi Jugosllavi, mbi një urë në fshatin Lluzhan të Podujevës.

Shkëlqim Hysenaj

Në fshatin Lluzhan të Podujevës, është vendosur një memorial në përkujtim të viktimave që humbën jetën nga bombardimet e forcave ajrore të NATO-s, më 1 maj, 1999.

NATO kishte pranuar gabimin dhe kishte thënë se cak i sulmit ishte ura, që përdorej nga policia dhe ushtria serbe dhe se në kohën e lëshimit të raketës nga piloti, aty kaloi rastësisht autobusi i cili u godit. Në këtë sulm u vranë 31 shqiptarë dhe 13 serbë.

Në pllakën e mermerit, janë vendosur emrat e 31 viktimave shqiptare, të cilët ishin duke udhëtuar drejt kryeqytetit të Kosovës, Prishtinës.

Por aty mungojnë emrat e qytetarëve serbë që u vranë, derisa ishin duke udhëtuar në autobusin e njëjtë.

blank

Kosovë: memoriali vetëm me emrat e 31 shqiptarëve të vrarë nga një sulm i avionëve të NATOS-, më 1999 në Lluzhan të Podujevës.

Radio Evropa e Lirë ka kontaktuar kryetarin e kësaj komune, Shpejtim Bulliqi, për ta pyetur se pse nuk janë shënuar emrat e të gjitha viktimave.

Por Bulliqi është nervozuar me pyetjet, duke thënë se nuk dëshiron të komentojë asgjë rreth kësaj teme.

“Ajo është iniciativë e familjarëve. Të lutem, dëgjom çfarë po flas. Është iniciativë e familjarëve dhe çdo gjë që keni të bëni me këtë situatë, pyetni familjarët. S’kam ndonjë lloj komenti, ju lutem”, tha Bulliqi.

Ditën e përurimit të pllakës, Bulliqi postoi në rrjete sociale një status, në të cilin tha se “kemi shpalosur pllakën përkujtimore, me të gjithë emrat e viktimave që kanë pësuar nga kjo tragjedi”.

Megjithëse kryetari Bulliqi mohoi se komuna ka pasur ndonjë përgjegjësi në ndërtimin e këtij memoriali, në postimin e bërë me datë 1 maj në facebook, ai shkruan se “ndërtimi i këtij memoriali është financuar nga Komuna e Podujevës”.

Ndonëse mungojnë emrat e qytetarëve serbë që u vranë në këtë incident, në pllakë është shënuar numri 32 dhe disa pika…., e që nënkupton se ka pasur edhe viktima të tjera.

Kryetari i Podujevës Shpejtim Bulliqi gjatë ceremonisë së përurimit të pllakës.

Kryetari i Podujevës Shpejtim Bulliqi gjatë ceremonisë së përurimit të pllakës.

Blakaj: Viktimat kishin fatin e njëjtë

Fondi për të Drejtën Humanitare – Kosovë, ka kritikuar Komunën e Podujevës për mospërfshirjen e emrave të qytetareve serbë.

Bekim Blakaj që drejton këtë organizatë, thotë se viktimat nuk duhet ndarë në baza etnike, pasi sipas tij, të gjithë ata persona që u vranë gabimisht nga bombardimi i avionëve të NATO-s, më 1 maj 1999, kishin fatin e keq të njëjtë.

“Pra ndarja në linja etnike e viktimave të luftës, për më keq të viktimave të cilat e kanë humbur jetën në një ngjarje të njëjtë, pra e kanë pasur fatin e keq të njëjtë, të ndahen pas 22 vjetësh, është përnjëmend e dhimbshme dhe përveç kësaj, krijon pakënaqësi dhe e rrënon dinjitetin e familjarëve të viktimave”, tha Blakaj.

Blakaj thotë se mohimi i viktimave dëmton procesin e pajtimit në mes të shqiptarëve dhe serbëve.

“Kjo nuk e lehtëson fare procesin e ballafaqimit me të kaluarën, në mënyrë të duhur dhe përafrimin e komuniteteve të viktimave dhe nuk na lë shpresë për një pajtim në mes të komuniteteve”, tha Blakaj.

Në Fondin për të Drejtën Humanitare, kritikojnë edhe faktin pse në pllakë nuk është shkruar asnjë rresht që tregon historinë e kësaj ngjarjeje tragjike.

Ura në të cilën ndodhi bombardimi i autobusit me udhëtarë në fshatin Lluzhan të Podujevës.

Ura në të cilën ndodhi bombardimi i autobusit me udhëtarë në fshatin Lluzhan të Podujevës.

Por çfarë ndodhi me 1 maj 1999?

Asokohe Kosova ishte në luftë dhe aleanca e NATO-s kishte intensifikuar sulmet ajrore ndaj forcave policore e ushtarake serbe.

Një autobus i kompanisë “Nish Ekspres”, ishte i mbushur me udhëtarë dhe po shkonte në drejtim të Prishtinës.

Rreth orës 13:00, gabimisht një aeroplan i NATO-s, goditi autobusin duke lënë të vrarë 44 persona.

Në mesin e viktimave ishin 31 civilë shqiptarë, 13 serbë prej të cilëve 7 ishin civilë.

Në luftën e fundit në Kosovë sipas Fondit për të Drejtën Humanitare, janë vrarë rreth 13,500 persona.

Shumica prej të vrarëve janë civilë shqiptarë.

Kosovë: kurora lulesh të vendosura mbi urë në Lluzhan të Podujevës, në kujtim të viktimave që vdiqën në autobus nga një sulm i avionëve të NATO-s më 1999.

Kosovë: kurora lulesh të vendosura mbi urë në Lluzhan të Podujevës, në kujtim të viktimave që vdiqën në autobus nga një sulm i avionëve të NATO-s më 1999.

Çka tha NATO për sulmin?

Pak kohë pas incidentit, NATO kishte sqaruar rrethanat e ngjarjes.

Asokohe zëdhënësi i NATO-s, Konrad Freytag, kishte pranuar bombardimin e një autobusi civil duke thënë se cak i sulmit ishte ura në fshatin Lluzhan. Kjo urë sipas Freytag ishte rrugë kyçe që përdorej nga forcat policore e ushtarake serbe, për të kryer sulme në vise të tjera të Kosovës.

“Fatkeqësisht, pasi është lëshuar raketa, një autobus kaloi mbi urë, por nuk u pa nga piloti, vëmendja e të cilit ishte përqendruar në cakun që ai kishte për synim ta sulmonte “, kishte deklaruar Freytag më 1 maj 1999.

Pas goditjes, gjysma e autobusit të shkatërruar kishte rënë poshtë urës.

blank

Vret ariun Arthur, më i madhi në Rumani dhe Evropë, Princi Emanuel von und zu Lihtenshtajni në qendër të kritikave

VOAL – Princi Emanuel von und zu Lihtenshtajni është në qendër të kritikave për vrasjen e një ariu në një zonë të mbrojtur të Rumanisë: emri i tij ishte Arthur, ai ishte 17 vjeç, dhe ai ishte shembulli më imponues në vend dhe, sipas disa OJQ-ve , të të gjithë Evropës. Marsin e kaluar ai u vra në Malet Karpate gjatë një udhëtimi për gjueti dhe pas disa javësh doli se 42 vjeçari, pasardhës i shtëpisë sunduese të Principatës, kishte tërhequr këmbëzën (stërgjyshi i tij ishte vëllai i gjyshit të princit në fuqi Hans Adam II).

Autoritetet lokale nuk e konfirmojnë. Por sipas raporteve nga Ministria Rumune e Mjedisit, Emmanuel von und zu Lihtenshtajni i cili jeton në Riegersburg në Styria, erdhi nga Austria për të shkuar në gjueti, pasi përfitoi nga një përjashtim nga ndalimi i gjuetisë së ariut, dhënë kur një kafshë konsiderohet e rrezikshme. Sidoqoftë, përjashtimi kishte të bënte me një ekzemplar femër problematik dhe jo me mashkullin e madh që jetonte në një pyll dhe kurrë nuk u konsiderua si rrezik nga popullata lokale.

Shoqatat lokale të mjedisit janë ngritur. Ato dyshojnë se princi ka ardhur në Rumani posaçërisht për të ndihmuar disa fshatarë të heqin qafe një grabitqar. Përkundrazi ato thonë se janë të sigurt se, si shumë gjuetarë të tjerë të gatshëm të paguajnë shuma të mëdha për të marrë pjesë në gjueti, ai kishte dëshirën e vetme për të pasur një trofe të ri. ATS-eb

 

blank

Një foto me plejadën e Artistëve që bëri Art dhe solli vlera

Një foto Arkivi që e ka sjellë Maestro Rafet Rudi, kompozitori dhe dirigjenti nga Kosova  me plejadën e Artistëve që bëri Art dhe solli vlera të përherëshme për kombin.

Maestro Rudi në rrjeton social kujton:

Pas 10 vjetësh ndërprjeje absolute të komunikimt në mes kompozitorëve nga Tirana dhe Prishtina (1981-1991), për shkaqe të njohura politike, ishim ne (Fahri Beqiri, Bahkim Shehu dhe unë) të parët që erdhën më Tiranë me ftesë të Lidhjes së Shkrimtarëve dhe Artistëve, dhe me angazhimin e jashtëzakonshëm të mikut tonë (autoritetit të pakontestueshëm të asaj periudhe), kompozitorit Feim Ibrahimi.

Pas dhjetë ditësh qëndrimit dhe çmalljes, në Tiranën, edhe më të trazuar se Kosova(!), në ditën e kthimit për Kosovë, para Hotelit Tirana, dolën të na përcellin miqtë tanë Feim dhe Vera Ibrahimi, Tish Daija, Panajot Kanaqi, Avni Mula, Rifat Teqja, Gaqo Çako, Ethem Ruka, Fahri Beqiri, Bashkim Shehu (në këmbë), Pandi Bello dhe Rafet Rudi (të ulur) e disa të tjerë, emrat e të cilëve në këtë moment nuk më kujtohen… Atë ditë me aq diellë dhe me aq shpresë, ne ktheheshim ‘në flakën dhe ferrin’ e Kosovës por, fatkeqësisht, gjendja nuk ishte shumë më e mirë edhe në Tiranën, që ne e lamë pas…

 

blank

blank

Skandali- Ushtarakët shqiptarë veshën me jelekë trafikantët që do të transportin me gomone klandestinët

Efektivë të Ushtrisë Shqiptare, kanë paisur me jelekë shpëtimi trafikantët që tentuan të transportojnë në rrugë detare nga Shqipëria drejt italisë, 55 klandestinë Sirianë, Iranianë dhe Egjiptianë.

Skandali ka ndodhur në repartin e Rojes Bregdetare të Flotës Detare në Vlorë më 8 janar 2021. “Ora News”, zbardh këtë skandal, që mëngjesin e së enjtes çoi në arrestimin e 5 anëtarëve të ekuipazhit të anijes ushtarake “P-116”, Sejfulla Beja, Bledar Bufaj, Roland Cani, Ardit Alikaj, dhe Besmir Meçe.

Dy trafikantëve nga Vlora, Emiljano Likaj, tashmë i arrestuar dhe një tjetër ende në kërkim, u janë dhënë jelekë shpëtimi nga ekuipazhi i anijes ushtarake, madje para se të largoheshin, ata kanë qëndruar në kabinën e drejtimit të anijes, dhe kanë biseduar në telefon me familjarët e tyre.

Bisedat telefonike janë kryer rreth orës 23:48 të datës 8 janar 2021, duke përdorur telefonin celular të anijes Ushtarake. Policia dhe prokuroria e Vlorës, pas pesë muaj hetime kanë çuar për ndjekje penale për akuzën e “Shpërdorimit të detyrës”, pesë efektivët e Flotës Detare që shërbenin në anijen ushtarake P-116.”Bora”.

Në dëshmitë e emigrantëve thuhet se bashkë me ta në bordin e anijes së shpëtimit, kanë hipur dhe dy shtetas shqiptarë që drejtonin gomonen. Ata janë futur në kabinën e drejtimit të anijes nga ana e personelit ushtarak.

Pasi janë afruar rreth 100 metra pranë bregut apo rreth pesë minuta përpara se të ankoroheshin në kalatë, dy trafikantët shqiptarë që drejtonin gomonen e mbytur,i janë dhënë jelekë shpëtimi me ngjyrë portokalli dhe janë lënë të lirë, duke u hedhur në det për t’i shpëtuar arrestimit nga policia.”

Në këtë mënyrë, kur anija e Flotë Detare është ankoruar në kalatë, aty kanë zbritur vetëm 55 klandestinët dhe jo dy trafikantët që ishin hedhur nga anija duke u larguar me not.

Për të arritur në brigjet e Italisë klandestinët që rrezikuan të mbyteshin në det, sipas burimeve, paguanin nga 4 deri në 5 mijë euro, ndërsa në ndihmë të kësaj veprimtarie ishte krijuar edhe një infrastrukturë e plotë./ Ora News#

blank

blank

Me mua a me Kosovën? – Nga ÇUN LAJÇI

 

Kur je me hallet e smundjës, edhe hallet e atdheut stërmadhohen e bahen dregza, që shpërthejnë, aty ku t’dhembë ma s’shumti!
Ofshajë tue lexua akuza nga palët kundërshtuese, (që mbetën si kukuvajkat e humbuna n’foletë e hueja)!
Gruja, që m’rrin të koka, e rrudhë ballin e s’flet, por sytë sikur i thonë: Rri bre burr mos shkruej ma, se edhe mjekët mund t’jenë t’njenës apo palës tjetër, e ta marrin inat, e ti ke nevojë për nji këshillë, nji ilaç, e gjithçka me pare e shumëçka shtrejt!
Po moj i them po, por edhe për Donikën dikush derdhi gjak n’Helbron, e s’durohen fjalët e pagueme e të turpshme ma!?
E ajo asht e Isufit! E ajo nuk ndalët s’kërkuemi drejtësi për viktimat e krimeve të luftës e atyne të cilat u banë për motive politike, sepse nuk do të këtë qetësi derisa ato të zbardhën.
S’i t’mos ofshajë, moj e mirë i them, kur çakejt kanë mbetë edhe pa eshtna, e tani i turrën nji ministreshe që din ma shumë se nji parti… dy e tri!?
Lexo çka shkruen Dr. Maxharraj (që s’e njoh)?
Ky s’asht i çmendun as i smutë si unë!? Ky s’e ka me inat si unë, vetëm pse Isuf Gërvallën e kisha kolegë n’teatër viteve 70-ta!
Unë mund t’jem subjektiv, por ky s’besoj t’jetë?
Lexo e mos fol i them, dhe ia jepi telefonin.
Jo, prit! Ma lexo me za se dua ta ndëgjojnë edhe muret e infektueme!
E zani rrjedhe ngadalë:
“Pse kryesia e PDK-së nuk merret me u/d së kryetarit të vetë Enver Hoxhaj, i cili fillimisht ishte kundër UÇK-së dhe luftës së sajë të drejtë çlirimtare nga dhuna shtetërore e regjimit të Slobodan Milosheviqit?
Ai nga Zvicra, derisa djemtë dhe vashat tona po vdisnin në luftën heroike kundër shkaut, ai thoshte se nëse ”UÇK e fiton luftën ai do të kërkonte azil politik në Serbi””,
potencon tutje Maxharrraj.
– Dhe heshtin muret e hesht fjala, por unë ofshajë!
Sa gjarpnin e paske pasë rritë moj Kosovë them, dhe nga idhnimi me mbërthen kolli!
Motër moj i them infermierës, a ka ilaç që e zhdukë inatin, smirën e zilinë mes shqiptarve?
Nëse ka, ma bjer se edhe covidin ndoshta e mbyti!
Ajo qeshet e gruja prap e rrudhë ballin!
P.S.
Harrova.
Sot m’kontrolloi prap Dr. Vllaznimi. Mirë bahet m’tha mirë!
Me mua a me Kosovën?
Me ty me ty dhe iku të pacientët tjerë!

Pulmologji, 06.05.2021

blank

Kompanitë kosovare ia mësyjnë SHBA-së, rriten eksportet

Pije energjike Golden Eagle, të prodhuara nga kompania kosovare “Frutex”, eksportohen në tri shtete të SHBA-së

 

Nadie Ahmeti

Kompanitë e Kosovës kanë arritur të eksportojnë mallra në Shtetet e Bashkuara në vlerë 30 milionë euro në katër muajt e këtij viti, për dallim me vetëm 2 milionë sa ishte në periudhën e njëjtë në vitin e kaluar, ka thënë për Radion Evropa e Lirë, zëdhënësi i Doganës së Kosovës, Adriatik Stavileci.

Kurse në vitin 2019, e gjithë vlera e eksporteve nga Kosova në SHBA ishte vetëm 3 milionë euro.

Kësaj rritje të eksportit i ka kontribuar statusi preferencial tregtar, që Kosova gëzon me Shtetet e Bashkuara të Amerikës, status ky që i lejon dërgimin e mallrave të liruara nga detyrimet doganore, me qëllim të promovimintë të rritjes ekonomike në shtetet në zhvillim.

Janë rreth 3,500 produkte nga sektorë të ndryshëm, që Kosova mund t’i eksportojë në ekonominë më të madhe të botës, pa pasur nevojë të paguaj taksa.

“Frutex” ka dyfishuar eksportin në SHBA

Një ndër kompanitë nga Kosova që eksporton produktet në tregun e Shteteve të Bashkuara të Amerikës, është kompania “Frutex” nga Suhareka, e cila merret me prodhimin e pijeve joalkoolike dhe energjike.

Pronari i kësaj kompanie, Shaqir Palushi në një bisedë për Radion Evropa e Lirë, tha se gjatë këtij viti ka dyfishuar sasinë e produkteve në tregun amerikan.

“Që nga viti 2019, kompania vazhdimisht është e pranishme në tregun e Amerikës. Aktualisht, jemi në New York, Kaliforni dhe në Çikago. Rritja gjatë këtij viti është dyfishuar, por nuk është e mjaftueshme. Shpresoj se për një periudhë të shpejtë, dy ose tre vjeçare, sasia do dhjetëfishohet, sepse e shohim si potencial të jashtëzakonshëm dhe mundësi të shpejtë të plasimit të produkteve në atë treg”, thekson Palushi.

Zeka: Në SHBA po eksportohen produkte finale

Arsyeja e rritjes se eksportit të produkteve “ Made in Kosova” në Shtetet e Bashkuara të Amerikës, është shfrytëzimi i çrregullimeve që janë krijuar në zingjirin e furnizimit global, përgjatë viteve të fundit, sidomos pas shpërthimit të pandemisë se shkaktuar nga koronavirusi, tha Arian Zeka, drejtor ekzekutiv në Odën Ekonomike Amerikane në Kosovë (OEAK).

Ai e quan sukses rritjen e eksportit, pasi sipas tij, po eksportohen produkte finale.

“Në këtë rast bëhet fjalë për eksportim të produkteve me vlerë më të madhe. Kjo ka qenë dëshirë edhe e OEAK-së por edhe të tjerëve, që nga Kosova mos të eksportohen vetëm lëndë të para, produkte të papërpunuara ose gjysme të përpunuara, por të eksportohen produkte finale me vlerë më të lartë. Këtu bëhet fjalë për eksportimin e dyshekëve, nga kompania “Comodita Home“ dhe pijeve nga kompania “Frutex”, por edhe sektorë të tjerë që e shfrytëzojnë këtë mundësi”, tha Zeka.

Radio Evropa e Lirë ka kontaktuar përfaqësues të kompanisë “Devolli Group”, për të marr informacione lidhur më eksportin në SHBA, por deri në momentin e publikimit të raportit, ata nuk kanë dhënë ndonjë përgjigjje.

Kompanitë prodhuese duhet të shfrytëzojnë GSP

Por, Shaqir Palushi, nga kompania “Frutex” pret përmirësimin e situatës me pandeminë e shkaktuar nga koronavirusi, në mënyrë që të vizitoi SHBA-në për të gjetur edhe kompani të tjera bashkëpunimi.

“Sigurisht që ky treg do të ishte edhe më i madh, mos të kishte ndodhur pandemia. Pandemia ka shkaktuar probleme edhe në shtrirjen e produktit, por edhe në pamundësi që ne ta vizitojmë fizikisht. Sepse, kur jemi prezent fizikisht si prodhues në atë treg, ne bëjmë më shumë për atë treg”, shprehet ai.

Arian Zeka fton kompanitë prodhuese dhe përpunuese nga Kosova, që të shfrytëzojnë statusin preferencial tregtar që Kosova gëzon me Shtetet e Bashkuara të Amerikës, në kuadër të të ashtuquajturit Sistem i Përgjithësuar i Preferencave (GSP), për të eksportuar produktet e tyre në SHBA.

“Oda Amerikane ka promovuar vazhdimisht për përfitimet e këtij aranzhimi preferencial të njëanshëm, që është përkrahje për eksportet e Kosovës në SHBA. Dhe tashme jemi të lumtur që po shohim edhe rezultate konkrete në këtë aspekt”, thekson Zeka.

GSP është program tregtar i Shteteve të Bashkuara të Amerikës, i cili lejon importe të liruara nga detyrimet doganore të mallrave nga shtetet përfituese, me qëllim promovimin e rritjes ekonomike në shtetet në zhvillim. Rreth 3,500 produkte nga sektorë të ndryshëm nga Kosova, janë të pranueshme për të hyrë në Shtetet e Bashkuara të Amerikës pa paguar taksë.

blank

Artan Fuga: Sistemi politik shqiptar nuk lejon zgjedhje të lira dhe të barabarta, as rrotacion forcash

Akademiku Artan Fuga deklaron se sistemi politik shqiptar nuk lejon zgjedhje të lira dhe të barabarta, as rrotacion forcash politike në pushtet ose në opozitë.

Përmes një postimi në ‘Facebook’, Fuga thekson se ka forca politike që monopolizojnë pushtetin dhe nga ato që monopolizojnë opozitën.

Sipas tij, “puna është se edhe opozita nuk dëgjon. As ajo nuk e ka ndërgjegjen se çfarë ka ndodhur, nuk kupton se ku është, por ka hyrë në një histori dedektivash me Sherlok Holmes duke kërkuar video dhe hajdutë votash.”.

REAGIMI I FUGËS
“Simetria politike” si kurthi i opozitës
Ne librin time Shoqëria Piramidale kam argumentuar gjerësisht se sistemi politik shqiptar nuk lejon zgjedhje të lira dhe të barabarta, as rrotacion forcash politike në pushtet ose në opozitë. Ka forca politike që monopolizojnë pushtetin dhe forca politike që monopolizojnë opozitën, ose forca politike që bëjnë sikur “janë të reja”, por pa besueshmëri, prandaj dështojnë.
Pa u demokratizuar ky pushtet politik që të lejojë vullnetin e lirë popullor të shprehet lirshëm zgjedhjet janë manipuluar jo kundër ligjit, por në përputhje me ligjin e paligjshëm.
Lexojeni Shoqërinë Piramidale brenda botimit ORIGJINAT E PUSHTETIT, PRONES, PASURISE në Shqipërinë postkomuniste dhe do të jemi të qartë me njeri tjetrin.
Cila është këtu përgjegjësia e opozitës në këto zgjedhje, sepse për atë të qeverisë as nuk ka vend të flitet sepse ajo as nuk dëgjon nga ky vesh, por ndodhet brenda një narcizimi politik të pakufijshëm.
Puna është se edhe opozita nuk dëgjon. As ajo nuk e ka ndërgjegjen se çfarë ka ndodhur, nuk kupton se ku është, por ka hyrë në një histori dedektivash me Sherlok Holmes duke kërkuar video dhe hajdutë votash.

Cfarë duket se nuk kupton?
1. Sistemi i mosfunksionimit të votave qendron te mënyra piramidale e shoqërisë së sotme kur në të kaluarën opozita ka qenë pjesë e krijimit të këtij modeli. Ky sistem duhej denoncuar vazhdimisht dhe të mos kihet iluzione, asnjë se ai lejon demokracine elektorale. Iluzion për fitore me një ligj elektoral që e bënte qeverinë ta kishte tanimë në “synduk” fitoren.
2. Pra “vjedhja” votave bëhet me ligj dhe ligji është kodi zgjedhor që opozita në fund të fundit ra dakord.
3. Opozita gabon kur mendon sikurse është në tekste zyrtare të saj politikisht jo korrekt se në fillim votohet pastaj ajo ndryshon sistemin politik. Kjo është paradoksale sepse sistemi politik nuk lejon pra ndryshim vullnetit elektoral, sipas liiiiiigjiiiiit!
4. Sado vjedhje dhe manipulime të jenë bërë ndikimi i tyre është i papërfillshëm para manipulimeve të bëra me ligj. Këto opozita i dinte përpara dhe duhej të reagonte para daljes së votave nga kutia e votimit, jo pas daljes së rezultatit. Kur kërkon prova tani, sado t’i gjejë a mos i gjejë, manipulimi është te ligji jo te shkelja e ligjit.
5. Opozita nuk duhet të bjerë në atë që quhet “simetri politike”, pra të kërkojë të marrë të njejtin sistem qeverisjeje dhe ta perdori “mire”, ajo vete. Nuk ecën kjo. As të krijojë një parti monolitike simetrike si ajo në qeveri. Aq më pak të bëjë një fushatë elektorale simetrike si qeveria bazuar te imazhi i nje njeriut te vetëm sado i zoti të jetë ky! Aq më shumë të thuash se bëra një “fushatë perëndimore” në një sistem politik lindor, kjo është një keqkuptim i madh me pasoja.
Pa një analizë të këtyre faktorëve por duke he qur çdo vetëreflektim çështja e demokracisë në Shqipëri është një histori e mbyllur.

blank

EMRAT- Tonelata droge nga Shqipëria në Itali, shkatërrohet banda shqiptaro-nigeriane në shtetin fqinj

Gazetari italian Antonio Fraschilla ka përshkruar me detaje shkatërrimin e një grupi të strukturuar kriminal që kishte në përbërje 27 janë shqiptarë, 23 nigerianë, katër italianë dhe një gambian.

Protagonistët e grupit ishin dy: shqiptari nga Vlora Geraldo Bejaj dhe Momodu Sule nga Nigeria. Të dy organizonin transportimin e tonelatave me marijuanë që merrej nga Vlora, çohej në Romë përmes Puglias dhe shitej në sheshet e farmacive të gjysmës së Italisë, nga Napoli në Brescia. Transport bëhej edhe në Europën Lindore. Vetëm në javët e fundit prokuroria e Romës i drejtuar nga Michele Prestipino, me kërkesë të zv/prokurores Nadia Plastina, pas dy viteve hetime filloi arrestimet për 55 personat që i përkisnin klanit shqiptaro-italian.

Hetimet zbuluan edhe mesazhet e shkëmbyera mes trafikantëve. “Tre kilogramë menjëherë,”- shkruante njëri në një mesazh.  “Nuk ka problem,”- i përgjigjej tjetri. Droga e sekuestruar gjatë arrestimeve kap vlerën e 2 milion eurove.  Ajo që ka bërë më shumë habi, sipas gazetarit, ishte se në këtë grup nuk u gjet asnjë gjurmë e Cosa Nostra-s, Camorra-s ose e klanit ‘Ndrangheta, siç ndodh rëndom në grupet me trafikantë shqiptarë.

Shkrimi i plotë:

Një pakt i madh midis klanit shqiptar të Vlorës dhe klanit nigerian të lidhur me “Macet e Zeza” dhe “grupin Eiye”. Një pakt hekuri, i blinduar, për të transportuar ton marihuanë nga Evropa Lindore dhe, përmes Pulias, për ta çuar atë në Romë dhe nga këtu në sheshet e farmacive të gjysmës së Italisë, nga Napoli në Brescia. Protagonistët janë dy drejtues: Geraldo Bejaj dhe Momodu Sule, të dy në të tridhjetat, të panjohur nga shumica, por që sunduan radhët e kësaj organizate të çuditshme transversale dhe të blinduar që menaxhonte trafikun e drogës në të gjithë anët e vendit. Njëri u tha njerëzve të tij: “Tre kilogramë menjëherë”. Dhe tjetri, në kthim, pasi mori mesazhin përmes korrierëve të ndryshëm u përgjigj: “Nuk ka problem”. Në këtë pakt nuk ka asnjë gjurmë të Cosa Nostra, Camorra ose ‘Ndrangheta.

Në javët e fundit prokuroria e Romës e drejtuar nga Michele Prestipino, me kërkesë të zv / prokurores Nadia Plastina e cila koordinoi dy vjet hetime nga karabinierët, dhe mbi masat e miratuara nga Gip Nicolò Marino, filloi arrestimet për 55 personat që i përkisnin klanit shqiptaro-italian. Duke lexuar mijëra faqe përgjimesh, gjurmimesh dhe raportimesh, rezulton se si trajtohej trafiku nga kjo marrëveshje e madhe. Dhe përtej kapjeve të bëra gjatë arrestimeve për një vlerë prej rreth 2 milion euro droge, dyshimi, më i madh, i gjyqtarëve është se kjo është vetëm maja e ajsbergut. E sigurt është që përmes kësaj marrëveshje, Momodu, që sipas zyrës së prokurorit, do të kishte menaxhuar furnizimin e qendrave tregtare jo vetëm në Romë, por edhe në Brescia, Parma, Isernia dhe Napoli. Ndërsa Bejaj do të kishte qenë pika e kontaktit për dërgesat jo vetëm në Romë por edhe për ato në Venecia, Verona dhe Firence. Pas dy vitesh hetimi, e njëjta prokurore Plastina vëren me habi unike të kësaj organizate e cila, megjithëse kaloi dhe operoi në territore që janë simbolike të mafieve italiane, nuk duket se kishte pasur ndonjë kontakt me italianët të lidhur me krimin e organizuar.

Fushat e marihuanës

Ky hetim nisi në vitin 2018 nga disa arrestime të bëra nga karabinierët në Romë “në zonën përfshirë stacionin hekurudhor Romë-Tiburtina dhe stacionin e autobusëve Tibus, të vendosur në Via Largo Guido Mazzoni”. Nga këto ndalesa të para vjen mekanizmi i transportit me autobus dhe stafetë, nga Pulia në Romë: “Kryeqyteti pas një viti hetimesh ka rezultuar të jetë bërë qendra e klasifikimit për ton marijuanë që janë përcjellë në territorin Romak për t’u devijuar më pas në të gjithë Italinë dhe madje edhe jashtë saj (Gjermani, Austri dhe me të gjitha gjasat vendet e tjera fqinje Evropiane) “, vunë në dukje hetuesit, të cilët shtojnë në një deklaratë:” U gjet në mbi një vit hetimesh ekskluziviteti i marrëdhënies midis shoqatave shqiptare dhe nigeriane.

Të gjithë të arrestuarit shqiptarë vijnë nga Vlora, me autobusë të planifikuar ose me automjete të organizatës transversale. Droga paraqitet, të gjitha, me të njëjtën paketim me shirit ngjitës me ngjyra, shumë shpesh që ka një ngjyrë të ndryshme për të dalluar paketimet bazuar në sasinë. Çmimi fiks për tregtarët si kompensim: 50 euro për çdo kilogram të shitur.

Hetimi specifik mbi krimin nigerian të përfshirë është gjithashtu interesant. “Historikisht– shkruan prokurori në urdhëresën kryesore që çoi në arrestime – prania e komuniteteve nigeriane duhet të gjurmohet, që nga vitet ’80, veçanërisht në Italinë Veriore, në Piemonte (me Torinën në krye), në Lombardi, në Veneto dhe Emilia Romagna dhe njëkohësisht shprehjet e para kriminale gjithashtu manifestohen me arrestimin e “korrierëve” të parë të drogës. Ndër strukturat kriminale me origjinë afrikane, ajo nigeriane, e përbërë nga qeliza të ndryshme kriminale të pavarura dhe me struktura operacionale të diferencuara por të ndërlidhura, të vendosura në Itali dhe në vendet e tjera evropiane dhe jashtë-evropiane, është shumë e përhapur. Mafia nigeriane është akoma e pranishme në të gjithë Evropën dhe madje edhe përtej oqeanit, veçanërisht në Shtetet e Bashkuara. Origjinat e organizatës janë të lidhura me flukset migratore të qyteteve të Benin City dhe Lagos: shoqata është e ndarë në grupe, disa prej të cilave tani janë të vendosura në Itali, të tilla si vëllazëria e quajtur “Eiye”, e degëzuar mirë në Italinë Veriore . Gjyqet kanë provuar se si të hysh në “Eiye” duhet patjetër t’i nënshtrohesh një riti të vërtetë inicimi që konsiston në besimin e një rrahjeje nga bashkëpunëtori aspirues.

Përveç Venetos, disa hetime kanë treguar kohët e fundit praninë e këtij klani në Torino, Lombardi dhe gjithashtu në Sardenjë. Në jug, nga ana tjetër, mbizotërojnë grupet e lidhura me vëllazërinë “sëpata e zezë”, të lindur në Benin City. Baza kryesore operacionale e këtij grupi ishte e vendosur në Castel Volturno: përgjatë bregdetit Domitian, disa klane nigeriane organizojnë trafikimin e qenieve njerëzore dhe prostitutave. “Sëpata e zezë” është gjithashtu e pranishme në Siçili, veçanërisht në zonën e Palermos. Në kryeqytetin sicilian ata do të kishin gjithashtu një bazë në qendrën historike, brenda tregut Ballarò. Më në fund, klani në zhvillim u identifikua në atë të “Maceve të Zeza”. Ata bënë tatuazh macen në njërën shpatull dhe shenjat e thella në bark janë rezultat i ritualit të përkatësisë. Ato janë evolucioni i mafies nigeriane, një nga “më të rrezikshmet, agresivët dhe më të përhapurit në mesin e mafieve transnacionale”. Hetimet e kryera në këtë procedim janë futur në këtë kontekst kombëtar dhe ndërkombëtar, të cilat kanë lejuar, siç u përmend.

Sipas hetuesve, referenca në Itali e aksit nigerian-shqiptar ishte Sule me krahun e tij të djathtë Bekim Fisti. Sule u përgjua disa herë me bashkëbiseduesit shqiptarë të cilëve u dërgoi mesazhe me kërkesa: “Tre kile menjëherë”, “katër kile menjëherë”. Dhe rrjeti u vu në lëvizje. Në krye të organizatës, referenca ishte Bejaj “që fotografitë e hetimeve në kontakt të drejtpërdrejtë me përdoruesit nga prefiksi shqiptar me rastin e zbarkimeve në Pulia, një rajon i zgjedhur për” uljen “e anijeve të gomës transportuar në mënyrë të paligjshme mallra në bord) që vijnë nga Shqipëria . Bejaj gjithashtu organizon një samit me disa bosë shqiptarë në qendrën tregtare Roma Est përmes Collatina.

Kthimi në frontin nigerian, për hetuesit ajo që doli pas dy vjet hetimi është «një strukturë e vërtetë hierarkike, e karakterizuar nga një organigramë shumë e veçantë. Në fakt, siç është përmendur tashmë, organizata nigeriane në fjalë përbëhet në një nivel operacional nga disa grupe kriminale të pranishme në kryeqytet, secila prej të cilave është autonome në veprimtarinë e vet, por, në të njëjtën kohë, është e gatshme të ofrojë mbështetjen e saj te grupet e tjera për çdo nevojë operacionale, nga furnizimi me ilaçe, te mbështetja logjistike me automjete dhe shtëpi; secili ka një figurë mbizotëruese, një “bos” të vërtetë, i cili përveç që drejton grupin e tij, menaxhon marrëdhëniet me parisianët. Edhe kjo pikë e fundit, e bën të qartë dhe të qartë se kemi të bëjmë me një organizatë të vetme kriminale me origjinë nigeriane e cila padyshim ka arritur marrëveshje me dimensione shumë më të mëdha me organizatën tjetër kriminale me origjinë shqiptare subjekt i këtij hetimi. Në fakt, aktiviteti zgjati për gati një vit, njerëzit e monitoruar janë shumë të shumtë, si dhe gjetjet e bëra me arrestime dhe kapje të mëpasshme të sasive të mëdha të substancave narkotike: megjithatë kombinimi i “furnizuesit shqiptar” dhe “blerësit nigerian” nuk është kurrë nuk dështoi ».

Një pakt që do të konfirmonte atë që ishte denoncuar tashmë në 2010, por si një rast i izoluar: domethënë, një aks midis nigerianëve dhe shqiptarëve për shitjen e kokainës, gjithmonë i bazuar në kryeqytet. Me sa duket, lidhjet midis dy organizatave janë të vendosura mirë dhe dhjetë vjet më vonë doli pakti për marihuanën.

(Balkanweb)


blank
blank
blank
blank
blank
blank
blank
blank
blank
blank
blank
blank
Send this to a friend