VOAL

VOAL

Please Wait ...
0%

Sugjerim Prishtinës që t’ia kujtojë Tiranës – Nga SHABAN MURATI

By | December 23, 2019

Komentet

Standartet e dyfishta shqiptare – Nga SHABAN MURATI

 Një shtetas turk, i akuzuar në shtetin e tij si anëtar i një organizate terroriste, hyn në mënyrë të paligjëshme në Shqipëri, arrestohet dhe ekstradohet në janar 2020 me kërkesë të shtetit të vet.

Si me sustë ngrihen 100 shoqata jo qeveritare dhe portale në Shqipëri kundër autoriteteve tona dhe në mbrojtje të të drejtave të njeriut të të ekstraduarit turk. Emri i turkut bëhet i njohur në Shqipëri si me qenë yll i Barças.

Një shtetas rus, i akuzuar në shtetin e tij si anëtar i një organizate terroriste, hyn në mënyrë të paligjëshme në Shqipëri, arrestohet dhe ekstradohet në shkurt 2020 me kërkesë të shtetit të vet. Nuk u ngrit qoftë dhe një person i vetëm nga ato 100 shoqata jo qeveritare dhe portale të mbronte të drejtat e njeriut të të ekstraduarit rus. Askush në Shqipëri nuk e di emrin e rusit.

Prishtina mund ta pyesë Tiranën – Nga SHABAN MURATI

Prishtina mund ta pyesë Tiranën:

A i ka marrë leje Serbia Shqipërisë për marrëdhëniet speciale, marrëveshjet strategjike dhe kursin e bashkimit me “Srpska republikën”, dhe cili këshilltar serb apo jugosllav u mësoi rajave të Tiranës idiotizmin me brirë që Shqipëria dhe Kosova për të avancuar marrëdhëniet e tyre dypalëshe si shtete sovrane u dashka të marrin leje te Serbia?

Disa zyrtarë të rëndësishëm të shtetit shqiptar praktikojnë në forma zyrtare diskriminimin fetar – Nga SHABAN MURATI

Është dëmprurëse tendenca që, në kohën kur i mburremi botës me arritjen e madhe të harmonisë fetare, disa zyrtarë të rëndësishëm të shtetit shqiptar praktikojnë në forma zyrtare diskriminimin fetar.

Dhe nuk ka më absurde se sa kur disa zyrtarë të rëndësishëm të shtetit shqiptar në paraqitjet e tyre zyrtare flasin si klerikë

Parulla ironike e ditës: IBRAHIM RUGOVËN NUK KA KUSH E PËRMEND! – Nga JUSUF BUXHOVI

 

Kështu ndodh në realitetin e “Fermes së kafshëve” kur kauzat madhore siç ishte ajo e bërjes së shtetit, harrohen deri në zhveshje të turpshme nga lakmia për pushtet!…

Në Shqipërinë internacionaliste dhe kozmopolite – Nga SHABAN MURATI

Presidenti i Rusisë, Vladimir Putin, në ndryshimet e reja kushtetuese, që paraqiti më 15 janar 2020, përfshin këto kushte për kandidatët për president të vendit:

-Të ketë jetuar 25 vitet e fundit në mënyrë të pandërprerë në vend.

-Të mos ketë dhe të mos ketë pasur asnjëherë shtetësi të huaj.

-Të mos ketë dhe të mos ketë pasur asnjëherë leje-qendrimi në një shtet të huaj.

Në Shqipërinë internacionaliste dhe kozmopolite gjatë 30 viteve të postkomunizmit kemi portrete kryeministrash dhe kandidatësh për kryeministër dhe për president me shtetësi të huaj dhe me leje-qendrimi në një shtet të huaj.

Gjejeni kush e mbron shtetin.

Harxhojnë miliona dollarë për të lobuar në SHBA për pushtet personal, por asnjë dollar për njohjet e Kosovës – Nga SHABAN MURATI

Vështirë ta shpjegojë ndokush absurdin e partive politike të Shqipërisë, të cilat harxhojnë miliona dollarë për të lobuar në SHBA për forcimin e pushtetit personal të kryetarit të partisë në Shqipëri, gjë që nuk e bën asnjë parti politike e asnjë shteti anëtar të NATO-s. Po këto parti politike të Shqipërisë gjatë 12 viteve të shtetit të pavarur të Kosovës nuk kanë harxhuar një dollar për kompani lobimi në favor të njohjes së Kosovës nëpër botë.

Historinë s’e varros dot – Stalini dhe Hitleri janë takuar në Lvov më 1939 – Nga SHABAN MURATI

Historinë s’e varros dot -«Stalini dhe Hitleri janë takuar në Lvov më 1939. Ky është dokument, nuk është sekret. Ata u përpoqën të merren vesh».

Deklaratë e ish presidentit të Ukrainës, Leonid Kravçuk, në 29 janar 2020 në televizionin rus «Rasija 1». -«Stalini dhe Hitleri janë takuar në Lvov». Deklaratë e presidentit të Ukrainës, Volodimir Zelensky, në 27 janar 2020 në Varshavë.

(Sipas historianëve perëndimorë takimi i Stalinit me Hitlerin është zhvilluar në fshehtësi në stacionin hekurudhor të Lvovit në tetor 1939, pas nënshkrimit të paktit Ribentrop-Molotov në gusht 1939. Rusia nuk e ka pranuar asnjëherë këtë fakt).

Shkenca e sotme gjermane në ndihmë të kujtesës shqiptare – Nga SHABAN MURATI

-Hanns Christian Lohr, “Themelimi i Shqipërisë. Wilhelm Widi dhe diplomacia e Fuqive të Mëdha në Ballkan, 1912-1914”, Tiranë 2019, Shtëpia Botuese “Skanderbeg Books”.

Për luftën e parë ballkanike “Planet e aleatëve të Ballkanit në atë kohë ishin që ta coptonin krejt Shqipërinë midis katër vendeve. Sipas këtyre planeve, vilajeti i dikurshëm turk, Shkodra, duhet të ndahej midis Malit të Zi dhe Serbisë. Përveç kësaj, Beogradit iu caktua edhe vilajeti i Kosovës. Një pjesë tjetër e vendit, vilajeti i Manastirit, duhet t’i takonte Bullgarisë. Më tej kishin rënë dakord që Greqisë t’i dorëzonin vilajetin e Janinës. Krahas këtij plani, ekzistonte edhe një marrëveshje midis Greqisë dhe Serbisë, sipas së cilës Shqipëria duhet të ndahej midis dy vendeve në linjën Durrës-lugina e Vardarit”. Fq.52

Për Konferencën e Ambasadorëve në Londër “Dëshirat e popullit shqiptar, siç i shprehën qeveria provizore apo Kongresi Kombëtar në Trieste, vështirë se do t’i kishin në vëmendje Fuqitë e Konferencës së Londrës. Kjo tregohej edhe në faktin se gjatë pothuaj tetë muajve, kur Fuqitë konsultoheshin për krijimin e Shqipërisë së re, delegacioni shqiptar u thirr për konsultë në bisedime vetëm njëherë të vetme”. Fq.127

Për Komisionin Ndërkombëtar të caktimit të kufijve të jugut ”Nacionalistët epirotas dhe trupat pushtuese greke u përpoqën më tej që të ndryshonin kushtet me anë të shtrëngimit, aq sa ta bënin të sigurtë qendrimin e territorit nën Greqi: Ata dëbuan shqiptarët myslimanë nga qytetet e Gjirokastrës, Delvinës dhe Libohovës, dhe për këtë arsye çuan grekë, të cilët u veshën si shqiptarë. Qëllimi i këtij aksioni ishte i qartë: Komisioni Ndërkombëtar për kufijtë duhet të gënjehej për kushtet e vërteta”. “Bandat epirote këtu vazhduan të përndiqnin popullsinë myslimane. Sipas raporteve bashkëkohore, midis tetorit të vitit 1913 dhe majit të vitit 1914, u vranë rreth 20 mijë njerëz nga nacionalistët grekë”. Fq.176,235.

Nuk e di sa janë të besueshme arkivat shqiptare për brezat pasardhës – Nga SHABAN MURATI

Nuk e di sa janë të besueshme arkivat shqiptare për brezat pasardhës, sepse në historinë e shtetit shqiptar deri në ditët tona kemi gjithmonë dy të vërteta të kundërta për ngjarjet, për gjendjen dhe për personalitetet. E keqja kombëtare është se historianët shqiptarë, njësoj si politikanët, lexojnë vetëm njerën.

A është arabishtja gjuha e parë zyrtare në Gjakovë? – Nga Gani Mehmetaj

 

Ky mbishkrim vetëm në gjuhën arabe me shkronja arabe, nuk është në Arabinë Saudite, nuk është as në Kuvajt, Siri a Irak, është në Gjakovë, afër qendrës së qytetit. Prapa ballinës arabisht (shqipen e ndalon islami sepse e trajton gjuhë të djallit) është Teqeja e Gjakovës, e shpërfytyruar dhe e “rinovuar: nga TIKA, organizatë kulturocide që nuk la objekt sakral pa e shëmtuar e shpërfytyruar në Dardani e në Shqipëri. Në një skaj të teqës shkruan diçka shqip, por në ballë është gjuha arabe si të ishte gjuha e parë zyrtare në Gjakovë.
Gjakova çerdhja e dikurshme e nacionalizmit nuk e di si nuk e kanë vërejtur dhe si e kanë pranuar këtë fyerje të rëndë.

Spiunët e Sigurimit dhe UDB-së Shqipëria i bën ministra, deputetë, ambasadorë, kalorës të Skënderbeut, Nderi i Kombit… – Nga SHABAN MURATI

Nuk ka burrë nëne të kuptojë sistemin e vlerave në demokracinë e sotme shqiptare, ku një spiun të sigurimit të shtetit, që ka qenë punëtor ose kooperativist, e diskreditojnë, kurse spiunë të sigurimit të shtetit apo të UDB, me profesion gjykatës, shkrimtarë, profesorë, akademikë, artistë, aktorë, etj. nderohen dhe bëhen ministra, deputetë, ambasadorë, kalorës të Skënderbeut dhe madje disa syresh marrin edhe “Nderi i kombit”. Emrat dhe bustet e këtyre spiunëve të sërës Shqipëria e sotme ua le brezave për t’i nderuar…