VOAL

VOAL

Please Wait ...
0%

Skemë borxhesh dhe mashtrimesh, arrestohet në Paraguaj djali i ish-prefektit të Shkodrës (fotot dhe video)

By | October 14, 2019

Komentet

Shqipëri: Rekord i ri me 90 raste pozitive dhe 2 viktima, Ministria e Shëndetësisë: Situatë serioze tek Infektivi

TIRANË

Vijon të rritet frikshëm numri i të infektuarve me koronavirus në Shqipëri, ku gjatë 24 orëve të fundit është regjistruar një tjetër rekord.

Ministria e Shëndetësisë raporton se kanë rezultuar pozitivë me koronavirus 90 persona. Gjithashtu, në Spitalin Infektiv kanë ndërruar jetë edhe dy pacientë të infektuar.

Ndërkohë, MSH thekson se situata në Spitalin Infektiv paraqitet serioze, ku “Aktualisht janë të shtruar 81 pacientë në spital, 11 pacientë janë në terapi intensive në gjendje serioze dhe 5 prej tyre janë të intubuar në gjendje të rënde”.

Deklarata e plotë e Dr. Flutura Beqo nga Ministria e Shëndetësisë dhe Mbrojtjes Sociale:

Ministria e Shëndetësisë dhe Mbrojtjes Sociale ju informon rreth situatës së COVID 19 në Shqipëri, në 24 orët e fundit.

Situata në spitalin infektiv paraqitet serioze, me pacientë që trajtohen në terapi intensive por edhe pacientë të intubuar, një pjesë e tyre mosha të reja.

Aktualisht janë të shtruar 81 pacientë në spital, 11 pacientë janë në terapi intensive në gjendje serioze dhe 5 prej tyre janë të intubuar në gjendje të rënde.
Fatkeqësisht dy qytetarë nuk e kanë fituar dot betejën me sëmundjen në spitalin infektiv. Një 81 vjeçar nga Shkodra dhe një 63 vjeçar nga Elbasani, të shtruar prej disa ditësh në spitalin infektiv në gjendje të rënduar, nuk kanë mundur të mbijetojnë, megjithë përpjekjet e stafit mjekësor. Ministria e Shëndetësisë dhe Mbrojtjes Sociale u shpreh ngushëllimet familjarëve.

Gjatë 24 orëve të fundit janë kryer 420 testime për të dyshuar të prekur me COVID19, nga të cilat janë konfirmuar 90 raste pozitive.
Shpërndarja gjeografike e rasteve është si vijon: 36 raste në Tiranë, 15 në Durrës, 11 në Vlorë, nga 8 raste në Kukës, Krujë, 4 në Kurbin, 3 në Elbasan, 2 në Lushnje, nga 1 rast në Lezhë, Kamëz, Dibër.
Në 24 orët e fundit janë shëruar 43 qytetarë, duke e çuar në 1875 numrin e të shëruarve që nga fillimi i epidemisë.
Në vendin tonë aktualisht janë 1318 persona aktivë me COVID19, kryesisht në Tiranë, Shkodër, Krujë, Durrës.

Ministria e Shëndetësisë dhe Mbrojtjes Sociale i rikujton bizneset se duhet të respektojnë me rigorozitet protokollet për të ruajtur shëndetin e punonjësve dhe qytetarëve.

I drejtohemi me një lutje të gjithë qytetarëve: Tregohuni të kujdesshëm, respektoni distancimin fizik, higjienën personale.
Mbajtja e maskës në ambiente të mbyllura është e domosdoshme.
Mbani maskën kudo ku nuk mund të ruani distancën fizike, për të mbrojtur veten dhe të tjerët, për të parandaluar përhapjen e infeksionit.

Izolohuni nëse keni shenja të sëmundjes dhe telefononi në numrin unik të Urgjencës Kombëtare, 127.
Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (10 Korrik 2020)
Testime totale 31513
Raste pozitive 3278
Raste të shëruara 1875
Raste Aktive 1318
Humbje jete 85 (Qarku Tiranë 46, Durrës 13, Fier 5, Vlorë 2, Shkodër 13, Kukës 1, Elbasan 3, Lezhë 1, Berat 1)

Shpërndarja gjeografike e rasteve aktive sipas qarqeve:
Tiranë 529
Durrës 229
Shkodër 169
Vlorë 120
Lezhë 65
Fier 41
Kukës 40
Elbasan 34
Korçë 32
Berat 24
Dibër 18
Gjirokastër 17

(BalkanWeb)

Tiranë, memorial kushtuar Holokaustit

Në Tiranë, u inaugurua të enjten një memorial kushtuar Holokaustit dhe mbrojtjes që shqiptarët u dhanë hebrenjve gjatë luftës së dytë botërore. Realizimi i tij u bë i mundur falë një projekti të nisur vite më parë dhe të mbështetur nga qeveria amerikane.

Në fjalën e saj ambasadorja e Shteteve të Bashkuara Yuri Kim tha se nuk besonte se ka shumë vende e shumë popuj në botë që mund të ngrenë një memorial të tillë. Ndërsa atë që shumë shqiptarë të zakonshëm bënë në atë periudhë e cilësoi si “një histori frymëzuese të humanizmit, të kurajos dhe të nderit, me fjalë të tjera, një histori të besës shqiptare”.

Duke kujtuar disa nga episodet e familjeve shqiptare që sakrifikuan për të mbrojtur dhe ndihmuar hebrenjtë, kryeministri Edi Rama foli për “një histori e cila përmban për të gjithë, detyrimin për ta ruajtur jo thjesht si një histori që tregohet, por si një vlerë të madhe që duhet trashëguar brez pas brezi”.

Ai tha se “shpëtimi i hebrenjve gjatë Holokaustit është një monument i madh i historisë së gjallë të njerëzve të zakonshëm të Shqipërisë dhe një monument i madh në piedestalin e bashkëjetesës fetare”. zëri i amerikës

“Kapriço” e Edi Ramës iu kushton taksapaguesve shqiptarë 100 milionë euro. Publikohet vendimi “sekret”

 

Qeveria shqiptare po shqyrton mundësitë që ka për të shlyer disa fatura, njëra prej të cilave kap vlerën e 100 milionë eurove, fatura që janë krijuar nga aventura të ndryshme të ndërmarra nga zyrtarët shqiptarë gjatë viteve të shkuara dhe që janë pasuar nga gjyqe arbitrazhi.


Një dokument i titulluar “Raporti i mesvitit mbi zbatimin e buxhetit 2020” , i cili është publikuar së fundmi në faqen e internetit të Ministrisë së Financave, shënon se Shqipërisë i nevojiten 109.5 milionë euro për të paguar faturat e tetë çështjeve, vendimet e së cilave janë marrë në dëm të shtetit shqiptar ose janë në proces. Nga të gjitha këto çështje, çështja “Hydro dhe të tjerët kundër Shqipërisë”, mbart faturën më të rëndë prej 99.5 milionë eurosh.Gjyqet e arbitrazhit në përgjithësi zhvillohen në sekret të plotë dhe taksapaguesit rrallë herë marrin vesh se çfarë ka ndodhur. Të dhëna të përcipta mbi çështjen publikohen në faqen e gjykatës. Sipas këtyre të dhënave, vendimi i kompensimit për Beçhettin është pranë ekzekutimit.

Gjyqi mes biznesmenit italian lidhet me vendimin e qeverisë aktuale për të konfiskuar asetet e tij në Shqipëri, përfshirë hidrocentralin në ndërtim të Kalivaçit dhe televizionin Agon Channel në kuadër të një hetimi për pastrim parash.

Urdhri i sekuestros dhe kërkesa për arrestimin e Bechettit u bë temë e një debati politik në Shqipëri në vitin 2015 ku opozita politike dhe vetë Becchetti akuzoi qeverinë e kryeministrit Edi Rama se kishte orkestruar një sulm ndaj tij për shkak të vijës editoriale kritike të Agon Channel ndaj qeverisë së Ramës. Rama këmbënguli se qeveria po luftonte një skemë pastrimi parash.

Përveç detyrimeve ndaj vendimeve të gjykatave të arbitrazhit, taksapaguesit shqiptarë kanë edhe 4 miliardë lekë (rreth 33 milionë euro) detyrime të prapambetura për vendimet gjyqësore të formës së prerë të caktuara nga gjykatat shqiptare. Këto vendime janë kryesisht për shkak të pushimeve të padrejta nga puna por gjatë dy viteve të fundit po rritet edhe numri i kompanive private që hedhin në gjyq shtetin dhe fitojnë shuma të konsiderueshme.

“Perëndia mund t’i rikthejë në jetë të vdekurit”, zbulohet sekti që rekrutoi familjen Josifi

Një grupim i quajtur “Guard Tower” apo “Kulla e rojes”, dyshohet se ka rekrutuar familjen Josifi nga Përmeti që çoi në vetëflijimin e Zhaneta Josifit dhe njërës prej vajzave.

Burime nga Prokuroria bëjnë me dije se gjithë familja është rekrutuar nga ky sekt rreth 6 vite më parë në Tiranë. Pas vetëvrasjes së kryefamiljarit, Lluka Josifi, Zhanetës dhe dy vajzave u është dhënë ndihmë financiare nga ky sekt duke bërë që të krijonin marrëdhënie të ngushtë me to.

Ky grupim, pjesë e Dëshmitarëve të Jehovait, ka për qëllim afrimin e sa më shumë njerëzve. Në publikimet e shumta që gjenden online për këtë sekt bie në sy përgjigjja e pyetjes çfarë ndodh kur vdesim.

“Bibla mëson se Perëndia mund t’i zgjojë të vdekurit, si të thuash nga gjumi, dhe t’i rikthejë në jetë. Për ata që Perëndia ringjall, vdekja nuk është fundi i gjithçkaje”.

Dyshohet se ky sekt mund të kenë predikuar dhe aplikuar metoda ekstreme, duke çuar në vetëflijimin e Zhaneta dhe Anisa Josifit. Të njëjtat burime thanë se po hetohen personat që kanë hyrë muajt e fundit në banesën e familjes Josifi në Kombinat, të cilët mendohet se kanë ndjekur ritualin për ringjalljen e Anisa Josifit.

Këta persona dyshohet se ishin në dijeni për vdekjen e 30-vjeçares dhe i kanë sugjeruar edhe nënës dhe vajzës së saj të sakrifikonin, duke mos ngrënë, apo duke mos dalë fare nga banesa.

Policia dhe prokuroria presin dëshminë e Blerta Josifit për të mësuar si humbi jetën Anisa. Burimet thanë se nëse vërtetohet se persona të jashtëm kanë hyrë në banesë dhe kanë sugjeruar të ndiqet një ritual i caktuar, atëherë ndaj tyre mund të ngrihet edhe akuzë për vrasje./ Tv Klan

COVID-19, 8 raste të reja në Berat, mes tyre një mësuese dhe një efektiv. Policia e Beratit në alarm

Sërish raste të reja me koronavirus në Berat. Mësohet se brenda 24 orëve të fundit janë zbuluar 8 raste të reja, duke e çuar në 16 numrin e rasteve aktive në Berat. Gazetarja Eneida Petova raporton për ‘BalkanWeb’ se njëri prej rasteve është një punonjës policie dhe një mësuese anglishte në një nga shkollat e Beratit. Të infektuarit me koronavirus janë 6 meshkuj dhe 2 femra, ata i përkasin moshave nga 32-87 vjeç dhe janë të gjithë kontakte të rasteve të mëparshëm.

Po ashtu bëhet e ditur se një çift të moshuarish, përkatësisht 87 dhe 86-vjeç janë infektuar nga fqinja e tyre, gruaja 45-vjeçare që rezultoi e prekur disa ditë më parë dhe u dërgua në gjendje të rëndë drejt Spitalit të Infektivit. Ndërkohë, 4 raste janë kontakte të të burgosurit në IEPV-në e Beratit, që u infektua gjatë qëndrimit 3-mujor në banesë për shkak të pandemisë.

Edhe punonjësi i policisë dhe mësuesja e anglishtes, testet e të cilëve rezultuan pozitivë me Covid-19 janë kontakte të rasteve të mëparshme. Mjekët epidemiologë të Drejtorisë Rajonale të Shëndetit Publik Berat, menjëherë pas konfirmimit të 8 rasteve të reja, janë duke kryer hetimin epidemiologjik për gjurmimin e kontakteve të tyre, ndërkohë që nuk konfirmohet ende numri i tamponeve të marra sot prej tyre në qytetin e Beratit.

Rasti i sotëm me Covid, që i përket punonjësit të policisë, ka vënë në alarm të gjithë DPV-në Berat por nga ana e DSHP-së konfirmohet se është herët për t’u testuar të gjithë punonjësit e policisë, përveç kontakteve të tij të afërta. Po nga kjo drejtori konfirmohet se ditën e sotme, në bashkëpunim me bashkinë e Beratit, ata do të dezinfektojnë banesa e 8 rasteve të reja që kanë rezultuar sot pozitivë në Berat.

Pogradeci shënon një vatër të re me COVID-19, në Kolonjë nëna infekton djalin

Dy raste të reja i shtohen Pogradecit dhe Bashkisë së Kolonjës. Gazetarja Lorena Kodra raporton për ‘BalkanWeb’ se rasti i Kolonjës bën fjalë për një 30-vjeçar, djali i zonjës që doli pak ditë më parë e infektuar nga ky virus.

Mësohet se të dy, nënë e bir, janë izoluar së bashku ndërsa mjeket epidemiologë po vijojnë punën për shkëputjen e zinxhirit.

Rasti i dytë është shënuar në qytetin e Pogradecit, ndërsa bëhet fjalë për një vatër të re pasi nuk dihet ende se nga është infektuar.

Kulturë Teatri i ri Kombëtar, bashkia hap tender e pret oferta për 11 ditë

Fatmira Nikolli – Pa u bërë ende dy muaj nga shembja natën e godinës së Teatrit Kombëtar, Bashkia e Tiranës ka shpallur tenderin për “Studim-Projektim- Ndërtim i Teatrit Kombëtar”.  Shpallja e tenderit nxjerr në pah se shembja u bë pa pasur një plan konkret për teatrin e ri, ndërsa tenderi duket se rrëzon projektin e Bjarke Ingels megjithëse emri i tij u përmend sërish ditët e shembjes me shpjegimin se projekti tashmë qe dhuratë nga një kompani private.

Këtë të premte Bashkia e Tiranës, ka shpallur procedurën për projektimin e godinës së re të Teatrit, me fond limit rreth 60 milionë lekë të reja, ndërsa më herët, po bashkia ka folur për kredi në bankë që të arrijë te ndërtojë teatrin. Në tenderin e shpallur dje, thuhet se “Burimi i Financimit: Vënë në dispozicion nga buxheti i Bashkisë së Tiranës për vitin 2020, miratuar me VKB nr 61, datë 01.06.2020 për disa ndryshime ne VKB Nr. 157 datë 26.12.2019, “Për miratimin e programit buxhetor afatmesëm 2020-2022 dhe detajimin e buxhetit të Bashkisë së Tiranës për vitin 2020”. Në dy vite deklaratat për financim kanë kundërshtuar njëra -tjetrën. Në fillim u kërkua PPP, sepse shteti nuk kishte buxhet, kur PPP ia dështoi me pretendimin se kompania nuk plotësoi kërkesat e artistëve në komisionin përzgjedhës, u tha se do ndërtohet me kredi. Por vendimi i fundit flet për rishikim të buxhetit të bashkisë- para të taksapaguesve- me të cilat në vetëm 150 ditë pritet një teatër i ri.

Ofertat nga studiot private pritet të dorëzohen brenda 10 ditëve, e konkretisht në datën 14 korrik 2020. Kjo do të thotë se kompanitë kanë vetë 10 ditë kohë për të menduar, projektuar, studiuar e mandej propozuar një projekt,  çka bëhet praktikisht e pamundur nëse më herët nuk ke qenë i përgatitur për një thirrje të tillë. Kujtojmë se një shpallje e ngjashme u bë vitin e kaluar, por zyrtarisht shpallja e zgjedhja e një fituesi dështoi ndërsa po sipas deklaratave zyrtare, projekti ekzistues  ra ngase kompania e ligjit special nuk merrte përsipër ndërtimin e një skene rotative. Shpallja e djeshme ka shkaktuar kakofoni në vargun dyvjeçar të deklaratave publike e dokumenteve zyrtare, ndërsa më se 10 padi janë në gjykata e SPAK për çështjen e teatrit dhe zyrtarëve të lartë të përfshirë në shembjen e tij.

Referuar të dhënave zyrtare, godina e re e “Teatrit Kombëtar” propozohet ”për ndërtim në truallin ekzistues, sipas të gjitha standardeve kombëtare dhe ndërkombëtare të projektimit të objekteve të ngjashme”. Bashkia e Tiranës, në dokumentet e tenderit, ka prezantuar detaje mbi mënyrën se si kërkohet të jetë projekti për Teatrin e ri Kombëtar, por, në asnjë rresht nuk përmendet nëse ajo do të jetë strukturë më vete apo pjesë e një kompleksi kullash shërbimi. Autoriteti kontraktor ka caktuar mënyrën se si do të kryhet pikëzimi i kompanive pjesëmarrëse në tenderin për studimin dhe projektimin e Teatrit Kombëtar.

Niveli maksimal i pikëve është parashikuar 100, i cili ndahet në disa nën-kategori.

– Përvoja në punë të ngjashme si konsulent do të vlerësohet nga 0-10 pikë;

– Metodologjia e propozuar do të vlerësohet nga 20-30 pikë;

– Kualifikimet e stafit do të vlerësohet nga 20-50 pikë.

Minimumi i pikëve që duhet të marrë një studio projektimi para se të vijojë garën, do të jetë 70.

Për t’u shpallur të suksesshme, studiot e projektimit duhet që të kenë përvojë të suksesshme në kontrata të mëparshme me vlerë sa 40% e fondit limit për këtë tender, çka do të thotëse duhet të jenë shpallur fitues në tenderë projektues me vlerë minimalisht 24 milionë lekë të rinj.

FOTOT: Po prek të rinjtë, Kalo nxjerr pamjet alarmuese: Bëni kujdes vëllezër e motra pa dallim feje, krahine e ideje

Teksa vendi ynë po përballet me një situatë të vështirë si pasojë e Covid, mjeku i njohur infeksionist Tritan Kalo vjen me një tjetër thirrje të fortë për qytetarët.

Nëpërmjet një postimi në “Facebook” Kalo thekson se koronavirusi prek jo vetë moshat e vjetra, por edhe të rinjtë.

Sipas tij këto ditë ka pasur raste të moshave nën 35 vjeç.

Kalo ka publikuar edhe pamje, ku tregon si janë shkatërruar mushkëritë e të rinjve nga koronavirusi.

Postimi i Kalos:

Një dukuri e veçantë në ecurinë e këtyre ditëve të kësaj “flame mbarëbotërore”, janë shtimet e rasteve në të rinjtë, nën 35 vjeç…Pamje e mëposhtme alarmuese të CT-Cannereve u përkasin pikërisht dy prej tyre.

BËNI kujdes vëllezër e motra….Zbatoni me bindje e përpikmëri këshillat e PROFESIONISTËVE për distancim fizik, higjienë personale, ajrim të mjediseve, ushqim, rehidrim, mbajtjen e maskave në mjediset e mbyllura apo të mbipopulluara….Përkujdesuni si për jetët tuaja por edhe të atyre që gjallojnë pranë jush…

Tirana këto kohët e fundit sikur “nuk e ndjen fare” erën e dezinfektimit të rrugëve dhe të mjediseve publike, e jo vetëm…HIGJENA kolektive është një domosdoshmëri në këtë sfidë…..

Po ashtu miq, kolegë, dashamirës dhe bashkëkombas, Sars-Cov-2/COVID-19 nuk ka përkatësi partiake dhe ajo nuk “përkëdhel” të majtët apo të djathtët…Është nje virus sëmundje-shkaktues dhe jetë-marrës “Pa dallim Feje, Krahine dhe Ideje”…..MIRËBESIMI reciprok dhe NDËRGJEGJËSIMI kurrë nuk duhet t’ju mungojë….ASGJË nuk është e pamundshme kur NE bëhemi bashkë në përpjekjet tona…

Budina betejën me Covid: Virusin e mora në spital, në protestë me mijëra njerëz nuk u infektova. Do ta ndjek penalisht

Regjisori Robert Budina ka arritur të fitojë kundër COVID-19.

Ai në testin e fundit ka rezultuar negativ dhe sot ka vijuar protestën për rindertimin e teatrit aty ku ishte dhe siç ishtë.

Budina në një video të publikuar nga Aleanca për Mbrojtjen e Teatrit ka qenë tek sheshi i teatri dhe ka treguar eksperiencën e tij me virusin. Ai është shprehur se çështjen e infektimit do ta ndjek penalisht, pasi Kryeministri Edi Rama i publikoi emrin si të infektuar.

“Do t’i shkoj deri në fund të vërtetës se me çfarë të drejte kryeministri ndërhyn në jetën personale të aktivistëve të mbrojtjes së teatrit”, u shpreh ai. Më tej ai ka folur dhe për infektimit dhe shprehet se virusin mund ta ketë marrë nga persona që kanë qenë të infektuar më parë.

“Kur ky kryeministër dhe kryetar Bashkie duhet të mendojnë për punonjësit e tyre që të mos i zërë koronavirusi, mendojnë të mbyllin Teatrin Kombëtar. Koronavirusin nuk e merr nëpër protesta.

Edhe unë që më nxorën me koronavirus dhe nuk e dimë si është e vërteta, rashë në kontakt me njerëz të infektuar nga spitali Infektiv dhe e mora. Ndërsa në protesta duke takuar dhjetëra apo mijëra njerëz nuk e mora”, është shprehur ai.

Robert Budina u infektuar bashkë me vëllain e tij, Edmond Budina.

Lajmin për infektimin e dy vëllezërve e bëri publik Edi Rama, i cili në një mesazh në rrjetet sociale shkruante se u uronte shërim të shpejtë.

Dy Budinat kanë qenë pa simptoma dhe janë shprehur se nuk kanë qenë kurrë të infektuar, por nga ana tjetër kanë njoftuar se do padisin Ramën për publikimin emrit të tyre.

Sekti fetar apo varfëria? Kush e vrau familjen e mirë Josifi?

Hetimet e deritanishme të Policisë për tragjedinë që ndodhi në familjen Josifi, në Kombinat të Tiranës, kanë nxjerrë në dritë faktin se vajza e vogël kishte vdekur prej disa muajsh dhe mbahej në shtëpi në sekret të plotë nga nëna dhe motra, e mbështjellë me batanije dhe jorgan në dhomën e saj.

Askush nuk e dinte, askush nuk dyshoi, pasi vizitat ishin të rralla dhe sepse familja ishte bërë çdo ditë e më pak e shoqërueshme me të tjerët. Hetuesit janë përqendruar tek pista e flijimit nëpërmjet refuzimit të ushqimit, ose një vetëhelmim.

Motivet besohet se janë dy, besimi në jetën përtej vdekjes dhe ringjalljen duke shpresuar në një botë më të mirë, të bukur dhe pa probleme, kurse e dyta varfëria, depresioni, zhgënjimi me jetën që bënin dhe pesimizmi që i rrethonte. Kushtet ekonomike, sociale, papunësia dhe rrethana të tjera, mund të kenë ndezur “shkëndijën” përfundimtare.

Zhaneta Josifi dhe Anisa Josifi, nënë e bijë, tashmë janë deklaruar të vdekura, kurse vajza tjetër, Blerta, po mjekohet në Spitalin Psikiatrik prej ditës së djeshme, për shkak të tronditjes së thellë.

Tashmë hetuesit dyshojnë se Anisa Josifi, vajza e cila u gjet e pajetë, kishte ndërruar jetë prej disa kohësh, por mbahej në banesë duke u lyer me vaj dhe uthull, në mënyrë që të mos ndihej era e trupit të dekompozuar.

Burime policore thanë se Blerta Josifi, vajza e mbijetuar, ka deklaruar para hetuesve: “Nuk e keni idenë çfarë kaluam ne për të fituar ringjalljen!”, ndërsa është shprehur se motra e saj kishte 15 muaj që kishte vdekur.

Por këto informacione nuk janë ende zyrtare nëse i referohen vërtetë dëshmisë së 34-vjeçares.

Kunati i Zhaneta Josifit ka treguar se kishte më shumë se dy muaj që nuk kishte parë atë dhe vajzën e saj, Blerta. “I shkova në shtëpi, kërkova Anisën, më tha nuk e lëmë të dalë se nuk ka bërë ditët e Zotit”. Ai shprehet jashtë kamerave se Anisën kishte që nga muaji mars 2019 që nuk e kishte parë.

Pista se nëna dhe dy vajzat ishin anëtare të “Dëshmitarëve të Jehovait” shihet me dyshime, pavarësisht se u gjetën broshura të ndryshme me përmbajtje fetare. Kjo, pasi ky sekt thotë se e konsideron vetëvrasjen si një mëkat, pasi jeta është e dhënë nga Zoti dhe e shenjtë dhe se kush merr jetën e vetë nuk bën pjesë në planet e ringjalljes.

Zyra e medias e “Dëshmitarëve të Johovait” në Tiranë këmbëngul që familja Josifi nuk ishte pjesë e kësaj organizate fetare. Në një reagim për mediat, zëdhënësi për media i kësaj organizate, Arben Lubonja, u shpreh se gruaja dhe dy vajzat nuk janë shoqëruar asnjëherë me Dëshmitarët e Jehovait.

Ish-fqinjët e familjes në Përmet thonë se edhe burri i Zhanetës, Llukan Josifi, është vetëvrarë para 6 vitesh, duke u hedhur nga pallati. Ndoshta ngjarja shokuese e humbjes së kryefamiljarit dhe kushtet e rënduara ekonomike, janë bërë shtysë drejt aktit fatal të tre grave.

Nëna dhe dy vajzat u gjetën rreth orës 19:30 në banesën e tyre pas shqetësimit të vëllait të kryefamiljares se motra nuk po i përgjigjej.

Ndërkohë drejtori i Policisë së Tiranës, Rebani Jaupi në një prononcim për mediat nga vendi i ngjarjes dhe se tek trupat e viktimave nuk ka pasur shenja dhune. Ai u shpreh se janë konstatuar shenja të mosushqyerjes, ndërsa vajzat ishin të arsimuara, por të papuna.

Fqinja: Vinte erë e keqe, e ëma më tha që Anisa po bën ditët e Zotit

Një e afërme që jeton pranë banesës së familjes Josifi, foli e shqetësuar për atë që kishte ndodhur dhe dyshimet që kishte.

“Një vit e gjysmë më parë kanë qenë në një sebep familjar. Anisën kisha që në janar 2019 pa e parë. Kur kam shkuar për vizitë në shtëpi, kam ndjerë erën e keqe, e kanë pyetur çfarë është. E ëma më tha, “Anisa nuk del se po bën ditët e Zotit, era e keqe vjen se nuk duhet të lahet”. Me Jehovain kanë qenë në Përmet, pasi u vetëvra burri u shkëputën dhe tani merren me një sekt tjetër fetar që praktikonin”, tha ajo.

Bashkëshorti i Zhanetës u vetëvra, fqinjët në Përmet: Ishin familje shumë e mirë

Fqinjët e familjes Josifi në Përmet thanë për mediat se edhe aty njiheshin për njerëz të mirë. Sipas tyre, bashkëshorti i Zhanetës para disa vitesh u vetëvra duke u hedhur nga pallati.

Pas kësaj ngjarjeje, gruaja dhe dy vajzat shkuan në Tiranë. “Kjo kishte dy vajza dhe burrin. Bënte tregti, ishte goxha zonjë edhe burri ishte i shkëlqyer, por ishte me një krah. Ai është hedhur nga pallati para 5-6 vitesh. Më pas gruaja mori vajzat dhe iku në Tiranë. Ai burri ishte kryevepër, por edhe gruaja në punën e saj. Ai ndoshta u mërzit që ishte me një krah dhe u vetëvra. Më ka ardhur shumë gjynah. Me Jehovain nuk di gjë të kenë qenë ato”, shprehet një prej banoreve.

“Ishin njerëz shumë të mirë, nuk i bënin kujt keq. Kemi qenë në një lagje dhe kur kemi qenë të vogla me mamanë e saj luanim. I ati u hodh nga kati i katërt. Ishin shumë të mira. Ajo merrej fillimisht me tregti këtu, shisnin tek tregu”, u shpreh një tjetër fqinje.

Dëshmia tronditëse: “E pyesja se ku është Anisa, më thoshte….”

Një tjetër dëshmi trondistëse vjen nga një banore e pallatit ku jetonte Zhaneta Josifi me dy vajzat. Ajo thotë se ato kishin kohë që nuk dilnin nga banesa, ndërsa nuk pranon as persona të afërm.

“Kishim hyrje dalje, muhabet. Unë shkova në Greqi, kur u ktheva i vete dhe i them, ku e ke Anisën ? Fle gjumë tha. Shikoja nga dritarja dhe nuk dilnin, edhe dy lule që kishin aty po i thaheshin. I vete Zhanetës dhe i them, ku e ke Anisën, apo e ke në Gjermani. Vuri buzën në gaz dhe më tha: jo e kam këtu. Dy vjet unë as Blertën dhe as Anisën nuk i kam parë më.

Momenti i fundit që kam parë Zhanetën ka qenë në mars. E pashë në supermarket poshtë dhe një ditë kur erdhi policia dhe bashkia që i sollën ushqime. I vajta para një muaj, i rashë derës. Lina më tha, të lutem shumë largohu nga shtëpia ime dhe mos ta pafsha bojën. Vinin edhe të afërmit, por nuk i pranonte”, u shpreh banorja.

Zyra e “Dëshmitarëve të Jehovait”: Familja Josifi nuk ishte pjesë e organizatës, jetën e çmojmë si gjënë më të shtrenjtë”

Zyra e Publikut të “Dëshmitarëve e Johovait” në Tiranë reaguan pas lajmeve në media se nëna dhe dy vajzat e familjes Josifi ishin anëtare të këtij sekti fetar. Por ata e mohuan, duke u shprehur se asnjë nga familja Josifi nuk ishte pejsë e kësaj organizate.

Në një reagim për mediat, zëdhënësi për media i kësaj organizate, Arben Lubonja, tha se gruaja dhe dy vajzat nuk janë shoqëruar asnjëherë me “Dëshmitarët e Jehovait”.

“Jemi shumë të tronditur nga lajmi i bërë publik dje në media shqiptare për humbjen e jetës në familjen Josifi. Lajmi na hidhëron dhe u shprehim ngushëllimet tona familjarëve që kanë humbur njerëzit e tyre të afërm. Pjesëtarët e familjes Josifi jo vetëm që nuk kanë qenë pjesëtarë të organizatës sonë, por as nuk janë shoqëruar ndonjëherë me “Dëshmitarët e Jehovait”.

“Dëshmitarët e Jehovait” kanë pikëpamjen e Zotit për jetën dhe e çmojnë atë si gjënë më të shtrenjtë. vetëvrasja me pretendimin për të shkuar në një jetë më të mirë nuk përputhet me asnjë mënyrë me besimin e tonë”, thuhet në deklaratë.

Në fakt, kjo organizatë predikon vërtetë jetën pas vdekjes nëpërmjet ringjalljes në parajsë, por gjithashtu predikon kundër vetëvrasjes, pasi jeta është e shenjtë dhe Zoti e cilëson si një mëkat. Për më tepër që sipas predikimit, kush i merr jetën vetes, atëherë bën mëkat dhe nuk mund të fitojë ringjalljen. Ndaj dyshohet se ndoshta nëna dhe vajzat kanë patur të tjera arsye për veprimet që i çuan drejt një fundi fatal.

Arrestohen dy policë rrugorë të Tiranës, i bllokuan makinën qytetares, i kërkonin seks për t’ia rikthyer (emrat)

Dy efektivë të Policisë Rrugore në Tiranë kanë rënë në pranga. Ata akuzohen se në këmbim të dorëzimit të automjetit të sekuestruar në pronësi të një shtetaseje, i kanë kërkuar favore seksuale.

Ata janë Laurenc Duda dhe Henrik Zelija.

Gjatë hetimeve, është provuar për të dy efektivët se e kanë sorollatur këtë shtetase duke zvarritur procedurat ligjore të dorëzimit të automjetit me qëllim përfitimin e favoreve seksuale.

Njoftimi i Ministrisë së Brendshme: 

Prokuroria e Posaçme Kundër Korrupsionit dhe Krimit të Organizuar, (SPAK) në bashkëpunim me Drejtorinë Rajonale të SHÇBA-së, Tiranë finalizuan pas disa muajsh hetime me metoda speciale, operacionin për ndalimin e 2 punonjësve të policisë në strukturën e Komisariatit të Policisë të Qarkullimit Rrugor Tiranë.

Sot u ekzekutuan urdhrat e ndalimit të Prokurorit të SPAK, në kuadër të procedimit penal për veprat penale “Korrupsion pasiv i personave që ushtrojne funksione publike” dhe “Shpërdorim i detyrës, kryer në bashkëpunim”, për punonjësit e Policisë:

– H.Z., me detyrë Oficer i Policisë Gjyqësore pranë Komisariatit Rajonal të Policisë Rrugore Tiranë;

– L.D., me detyrë Shef Seksioni për Verifikimin e Shkeljeve Administrative.

Nga hetimet e deritanishme është e provuar dhe dokumentuar procedurialisht se dy punonjësit, gjatë ushtrimit të detyrës në këmbim të dorëzimit të automjetit në pronësi të një shtetaseje të sekuestruar në cilësinë e provës materiale për një ngjarje ndodhur në shtator 2019, i kanë kërkuar përfitime të jashtëligjshme në formë rryshfeti dhe favore seksuale.

Ndër të tjera janë siguruar prova se me veprimet dhe mosveprimet me dashje, në një periudhe kohore relativisht të gjatë, kanë zvarritur procedurat ligjore të dorëzimit të automjetit me qëllim përfitimin e favoreve të mësipërme, duke konsumuar elementë të shpërdorimit të detyrës dhe të korrupsionit pasiv. Hetimet vijojnë.

SHÇBA fton qytetarët të denoncojnë çdo rast abuzimi me detyrën të punonjësve të policisë, duke telefonuar në numrin falas 0800 90 90, duke garantuar reagim të shpejtë dhe të ashpër ligjor.

Pse vetëvriten “Dëshmitarët e Jehovait”? Ngjarja në Kombinat dhe disa histori nga Tirana e dekadës së shkuar

“Kishte kohë që nuk e kemi parë Anisën të dalë nga shtëpia. Mbase javë“.

Kështu e nis rrëfimin një fqinje e tre grave, dy prej të cilave nënë e bijë u gjendën të vdekura, ndërsa e treta Blera Josifi u transportua me urgjencë në spital për t’i shpëtuar jetën.

“Mendojmë,  thotë një ekspert i kriminalistikës, se së paku prej tre javësh nga mos ushqyerja ka ndërruar jetë Anisa Josifi. Duke refuzuar ushqimin e dyta që ka humbur jetën nga kjo mënyrë e rrallë vetëflijimi është e ëma që dyshohet të ketë vdekur së paku dy ditë më parë, ndërkohë që femra e tretë që jetonte me to , përpëlitej mes jetës dhe vdekjes”.

“Vajzës i është dhënë asistenca dhe vlerat ushqimore në rrugë mjekësore”, tregoi një ekspert policie i cili këmbëngul se pavarësisht këtyre dyshimeve do të jetë fjala e mjekëve ligjorë që do përcaktojnë definitivisht shkaqet e vetëflijimit. Por, era e keqe në shtëpinë e tyre si edhe dekompozimi i trupit të më të resë tregon se ato e kishin vendosur të vdisnin duke i dhënë fund jetës me refuzimin e ushqimit.

“Ato ishin të qeta në botën e tyre. Ne përpiqeshim t’i ndihmonim, por ato refuzonin. Kishin kohë që frekuentonin fenë. Me prejardhje ishin nga Përmeti. Bashkëshorti I Zhanetës ndërroi jetë dhe të treja nënë e bijë jetonin bashkë”, tregon një qytetare, e cila nuk di të tregojë saktësisht se për çfarë besimi bëhet fjalë dhe kur saktësisht ato hynë në besim.

Zhaneta dhe dy vajzat e saj kishin në shtëpi libra për ringjalljen pohoi shkurtimisht një ekspert policie, sipas të cilit duhet bërë kujdes për ta thënë paraprakisht besimin e tre grave.

“Por e vetmja që do të hedhë dritë veç ekspertizës mjeko-ligjore do të jetë edhe dëshmia e të mbijetuarës”, shtoi burimi policor në komisariatin e Kombinatit.

Precedenti

Po përse policia po rezervohet të mos tregojë përfundimisht se për çfarë besimi bëhet fjalë? Jozyrtarisht thuhet se bëhet fjalë për “Dëshmitarët e Jehovait”, të cilët gjatë dy dekadave kanë patur jo pak raste vetëvrasjesh, kryesisht të adoleshentëve.

Pika kulmore e dhënies fund të jetës nga praktikantët e këtij sekti është shënuar rreth viteve 2004 deri në 2008, ku në Tiranë u raportuan edhe fëmijë që mendohej që u vetëvranë. Njëri prej tyre jetonte në zonën e Krrabës, ndërsa tjetri në Paskuqan. Por, katër muaj më parë, po në Tiranë ndërroi jetë një djalë i ri, forma e vetëvrasjes ishte e padëgjuar më parë në kryeqytet. Ai refuzonte ushqimin.

Pas përpjekjve të familjes, të cilët kishin njoftuar edhe psikologët për ndryshimin radikal të viktimës, i riu sipas burimeve u largua nga shtëpia.

Ai u denoncua i larguar nga e ëma në polici dhe pas shumë kërkimeve, djali u gjet i pajetë nga mos ushqyerja në afërsi të zonës së Mjull Bathores.

Por kjo ngjarje u mbaj sekret në atë kohë dhe hetimet po vazhdojnë ende për t’i vendosur një emër se çfarë praktikonte viktima.