VOAL

VOAL

Please Wait ...
0%

Si të përdorni qepët kundër artritit, reumatizmës dhe osteoporozës

By | May 21, 2019

Komentet

Ndotja nga makinat nxit astmën tek fëmijët në mbarë botën

Astma e fëmijërisë është sëmundja kronike më serioze mes fëmijëve sipas Organizatës Botërore të Shëndetit. Një raport i ri thotë se ndotja nga trafiku është një shkaktar kryesor i sëmundjes. Kevin Enochs i Zërit të Amerikës sjell më shumë hollësi.

Dihet se ndotja nga trafiku është një kontribues i madh tek ndryshimet klimatike, por hulumtime të reja sugjerojnë se gjithashtu

është një faktor kryesor i problemeve shëndetësore në mbarë botën. Susan Annenberg është me Institutin Milken për Shëndetin Publik.

“Përllogaritjet e fundit tregojnë se ndotja e ajrit faktikisht është faktor kryesor i rrezikut shëndetësor në mbarë botën, më i madh se çdo shkaktar mjedisor që shkakton sëmundje.”

Sipas Organizatës Botërore të Shëndetit, ndotja e ajrit shkakton rreth 3.7 milionë vdekje të parakohshme çdo vit.

Por ky studim i ri nga Universiteti George Washington në kryeqytetin amerikan tregon një ndotës specifik, dioksidin e nitrogjenit, NO2, nga ndotja që çlirojnë makinat, si shkaku kryesor i astmës së fëmijërisë në shumë qytete të botës.

“Ndotja nga dioksidi i nitrogjenit ka një ndikim të madh tek shumë fëmijë në mbarë botën të diagnostikuar me astmë. Ndikimet më të mëdha janë parë në qytete ku pothuajse rreth 50 përqind e rasteve të reja të

astmës mes fëmijëve në disa qytete në mbarë botën i atribuohen ndotjes nga dioksidi i nitrogjenit”, -thotë Susan Annenberg me Institutin Milken për Shëndetin Publik.

Ndërsa një element tejet shqetësues nga studimi është se qytetet ku po përhapet astma kanë nivelet e dioksidit të nitrogjenit brenda kufijve të konsideruar të sigurtë nga Organizata Botërore e Shëndetësisë.

“Një nga gjetjet më të habitshme është se aktualisht 90 përqind e rasteve të astmës së shkaktuar nga dioksidi i nitrogjenit ndodhën në zona që përmbushin udhëzimet e Organizatës Botërore të Shëdentësisë për ndotjen mesatare vjetore”, thotë Ploy Pattanun Achakulwisut, e Institutit Milken për Shëndetin Publik.

Shumica e qyteteve me nivele të larta të ndotjes nga makinat janë në shtete si Kina, India dhe Shtetet e Bashkuara. Zgjidhja, thonë hulumtuesit, është vazhdimi luftës kundër fenomenit të gazeve që

krijojnë fenomenin serë dhe ngohjen globale, sepse të dy problemet janë të lidhura ngushtë.

“Një prej gjetjeve është se qytetet që kishin nivele të larta dioksidi nitrogjeni po ashtu kishin nivele të larta të gazeve të efektit serë. Një gjë që mund të bëhet është mënjanimi i djegies së lëndëve fosile dhe reduktimi në çfarëdo lloj mënyre”, thotë zonja Annenberg.

Hulumtuesit thonë se shpresojnë të bëjnë studime të mëtejshme për të kuptuar se cilat kimikate specifike nga ndotja e makinave shkaktojnë astmën, në mënyrë që të trajtojnë këto burime specifike të ndotjes.

Terapia e vallëzimit

Kalimi i kohës në plazh dhe vallëzimi si mënyrë për të larguar dhimbjet, frikën dhe dëshpërimin – është kjo teknika e terapistes Julia Vishnepolsky në Los Angeles, e cila ndihmon pacientët të ulin stresin dhe ankthin ndërsa mësojnë se si të jenë në paqe me jetën e tyre. Korrespondentja e Zërit të Amerikës, Angelina Bagdasaryan u takua me terapisten për të mësuar më shumë rreth fuqisë terapeutike të kërcimit.

Julia Vishnepolsky thotë se çdo lëvizje i shërben një qëllimi. Ndërsa dëgjon muzikë me kufje, Vishnepolsky vallëzon duke hequr emocionet, për të ulur stresin dhe ankthin.

“Im atë vdiq papritur nëntë vjetë më parë dhe kuptova se kërcimi më ndihmoi të përballoja emocionet e dëshpërimit. E kuptoja veten më mirë përmes vallëzimit”, thotë ajo.

Ajo që filloi si hobi u shndërrua në një profesion – Julia filloi terapinë përmes vallëzimit, mori një diplomë për këshillimin klinik të shëndetit mendor dhe iu përkushtua terapisë së arteve ekspresive dhe lëvizjes së vallëzimit.

Ajo zgjodhi me kujdes klasën e përsosur, në plazhin e Venecias në Los Angelesit në shtetin e Kalifornisë.

“Ne studiojmë ndërlidhjen e fortë midis lëvizjes së trupit dhe emocioneve, mësojmë të përdorim muzikën dhe vallëzim për të na ndihmuar të largojmë depresionin, të ulim stresin dhe të tejkalojmë traumat e fëmijërisë. Kur kërcejmë, ne tregojmë një histori që ndonjëherë është shumë e vështirë të thuhet me fjalë”, thotë Julia.

Çdo të hënë, dhjetëra – ndonjëherë qindra njerëz vijnë në plazh dhe duke luajtur muzikë në kufjet e tyre, praktikojnë terapinë e vallëzimit. Klasat kushtojnë 20 dollarë, por nëse dikush nuk është në gjendje të paguajë, ata janë megjithatë të mirëpritur. Zonja Vishnepolsky beson se nëse dikush ndjen nevojën për të ardhur në klasë, ata duhet të vijnë.

Një DJ luan muzikën që grupi mund ta dëgjojë me kufje. Terapistja tregon lëvizjet ndërsa njerëzit përpiqen të shprehen përmes kërcimit dhe të lënë në plazh hallet e tyre.

“Ndjehem e lirë, e çliruar. Ndjej se stresi i të qënurit njeri ka filluar të largohet… është për tu shënuar. Shpesh herë njerëzit qajnë për të nxjerrë emocionet. Ky është vendi ku mund të vish dhe të ndjesh çdo gjë”, thotë praktikantja Christina Weber.

“Ndjehem e çliruar. Sikur nuk kam asnjë njeri rrotull dhe thjesht vallëzoj. Jam pranë oqeanit dhe vallëzoj. Është një mrekulli!”, thotë Edgar.

Për kalimtarët, mund të duket si një klub vallëzimi pa muzikë në plazh, por banorët e zonës janë mësuar me këtë pamje.

DJ Dave Kim thotë se i pëlqen të luajë për pacientët. Dikur, edhe për të ishte muzika ajo që e ndihmoi të mëkëmbej.

“Para tre vjetësh pata një goditje ishemike, një mpiksje gjaku në tru. Kjo bëri që të paralizohesha në anën e djathtë të trupit. Kështu që, duhej të punoja vërtet shumë për të rivendosur lidhje mes trurit dhe trupit tim – dhe kur arrita ta bëja këtë, isha në gjendje të rehabilitohesha”, thotë ai.

Julia Vishnepolsky gjithashtu bën klasa të terapisë muzikore në ambientet e azileve që ajo thotë se ndihmon të moshuarit të përballojnë vetminë.

Kërcimi nuk është vetëm për dasma. Kërcimi funksionon në çfarëdolloj gjendje që të jesh. Njerëzit mund të thonë – oh nuk jam në humor për të kërcyer, por ai është pikërisht momenti kur duhet të kërcesh dhe të vallëzosh!”, thotë ajo.

Fëmijët nuk duhet të hanë kërpudha, ja pse

Shumë prej nesh e dinë që kërpudhat kanë pasoja në shëndetin tonë, por e keni menduar ndonjëhere se çfarë mund të pësojmë prej tyre? Kërpudhat përmbajnë hitinë, të cilën trupi e tret me vështirësi, si edhe sasia e madhe e proteinave bimore.



Mirëpo, këto proteina gjithashtu janë shumë të rënda për përpunim dhe kërkojnë që trupi të prodhojë enzima të caktuara. Enzimat e tilla, për shembull, nuk i prodhon trupi i fëmijës.

Nga ana tjetër, kërpudhat përmbajnë vitamina D, B3, kripëra minerale, proteina dhe këto në pothuajse sasi të njëjta si edhe mishi, vitamina të grupit B, amino-thartira, substanca ekstraktive etj.

Kjo është shumë impresive, mirëpo larg nga ajo që kërpudhat nuk mund të zëvendësohen me perime dhe pemë të tjera.

Rezulton që peshën në stomak, ngarkesën e pankreasit dhe traktit gastrointestinal i marrin nga kërpudhat, ndërkaq dobitë potenciale për trupin mund të kompensohen me pemë dhe perime të freskëta.

Farat e rrushit – Si t’i përdorni për veshkat dhe mëlçinë

Frutat përshpejtojnë metabolizmin, por kjo ndodh vetëm nëse jeni aktivë.

Mjaft konsumatorë preferojnë t’i nxjerrin farat e rrushit, madje të tjerë nuk konsumojnë as lëkurën e këtyre kokrrave. A e dini pse bëjnë gabim?

Numri më i madh i përbërësve të dobishëm është i përqendruar në farat e rrushit të zi.

Këto fara, bazuar në studimet më moderne shkencore, rezultojnë si të shkëlqyera në pastrimin e organizmit nga mbetjet dëmtuese dhe metalet e rënda.

AgroWeb.org ju sjell një përmbledhje të rëndësishme të vetive mirëbërëse të farave dhe lëkurës së kokrrave të rrushit dhe efekteve të tyre në shëndetin e organizmit.

Plot me Omega 6 dhe 9.

Farat e rrushit arrijnë të aktivizojnë qarkullimin jetësor në shtresat e poshtme të lëkurës së njeriut. Ky qarkullim shumë i rëndësishëm rivitalizon dhe ndihmon për të parandaluar plakjen e shpejtë të vetë lëkurës.

Farat përmbajnë, madje janë shumë të pasura me aminoacidet Omega 6 dhe Omega 9. Ato janë të mrekullueshme për rigjenerimin e qelizave dhe ndikojnë fuqishëm në hidratimin e lëkurës.

Farat e rrushit janë ndër produktet më të këshilluara kundër efekteve të plakjes, jo vetëm të lëkurës por edhe të të organizmit njerëzor.

Farat janë plot me antioksidantë natyralë dhe mbrojnë shëndetin falë  përmbajtjes me vajra esencialë shumë të rrallë.

Vaji esencial i farave të rrushit është i njohur tashmë botërisht për përdorimin në kuzhinë për efektet e dobishme kundër kolesterolit të keq.

Vaji esencial i farave të rrushit është mirëbërës edhe për pamjen e jashtme. Përbërja jo-yndyrore e këtij vaji i përshtatet çdo tipi të lëkurës.

Kjo përbërje përdoret për masazhet e trupit ose të flokëve, por gjithashtu shërben si bazë për produktet estetike.

Por çfarë i bën farat e rrushit të kenë efekte kaq magjike?

Farat përmbajnë polifenole, në formën e molekulave të mbushura me vitaminë E, të cilat janë të pasura me antioksidantë natyrorë. Kjo pasuri e tillë në vlera i bën farat e rrushit të ofrojnë veti kaq speciale për shëndetin.

Shumë nga vlerat e mrekullueshme të rrushit vijnë për shkak të polifenoleve të pranishme në lëkurën e kokrrave të frutit. Këtu përfshihen antioksidantë si taninat.

Taninat janë antioksidantë që veprojnë në mënyrë direkte për zvogëlimin e rrezikut të dëmtimit prej radikaleve të lira në sistemin e qarkullimit të gjakut.

Rrushi është i natyralisht i pasur me sheqerna mirëbërës të cilët rregulojnë aktivitetin e mëlçisë, e cila i grumbullon ato për përdorim kur është e nevojshme nga organizmi.

E rëndësishme për t’u theksuar është fakti se diabetikët duhet ta përdorin rrushin në mënyrë shumë të kontrolluar.

Rrushi përdoret gjerësisht edhe për qëllime terapeutike ose kuruese për organizmin.

Specialistët e ushqimit dhe ata mjekësore këshillojnë që të përdoret nga ata që vuajnë nga nefritet dhe problemet dhe gurët në veshka.

Po ashtu nga personat që vuajnë nga prania e gurëve të mëlçisë, probleme të fshikëzës urinare madje edhe ata që vuajnë nga tensioni i lartë i gjakut.

Lëngu i rrushit ofron efekte kurative për probleme si bronkiti kronik, azma bronkiale, si dhe në përgjithësi për krejt sëmundjet e mushkërive. Rrushi, sidomos i zi, është një nga frutat më të shëndetshme dhe më të pasura në vlera.

Falë përmbajtjes së lartë të ujit, kripërave minerale, fibrave dhe kokrrat e rrushit stabilizojnë nivelet e mineraleve për organizmin. Ato pastrojnë trupin e njeriut duke lehtësuar procesin e eliminimit të toksinave.

Këshilla për përdorimin

Ndajeni rrushin në kokrra. Më pas t’i shtrydhni në pajisjet e kuzhinës tuaj për të përfituar lëngun magjik. Pajisja juaj do të bluajë frutat, lëkurat dhe farat e tyre dhe do të merrni vlera të rëndësishme për shëndetin./AgroWeb.org

Qindra tonelata mish i kontaminuar me salmonelë në Portin e Durrësit

Rreth 387 ton mish i destinuar për tregun shqiptar janë bllokuar në portin e Durrësit për shkak të pasigurisë për konsumatorët.Autoriteti Kombëtar i Ushqimit ka vijuar me monitorimet për cilësinë dhe efektivitetin e kontrolleve zyrtare të ushqimit.Pas disa kontrolleve në terren dhe në Pikat e Inspektimit Kufitar, inspektorët e ushqimit të AKU Durrës, konkluduan se disa ngarkesa me produkte importi janë të pasigurta për konsum njerëzor.

AKU në sajë të përfundimeve të inspektorëve të terrenit vendosi për kthimin e të gjithë sasisë së dërgesës në vendin e origjinës.

Më Konkretisht:

Tre ngarkesa me sasi totale 74.946 ton “Mish Derri” me origjinë nga Kanadaja, importuar nga subjekti “FRIGO ALB shpk”, rezultuan se nuk përmbushin kërkesat ligjore të sigurisë ushqimore.

Këto ngarkesa kishin mangësi në besueshmërinë e dokumentacionit shoqërues.

Kryesisht të certifikatës veterinare si dhe analizat që raportonin prezencë Ractopaminë, një produkt mjekësor veterinar i paregjistruar dhe i ndaluar për përdorim në Shqipëri dhe BE.

Dy ngarkesa me sasi totale 52.257 ton “Mish Viçi” me origjinë nga Brazili, importuar nga subjekti “Apetit shpk”, me destinacion final Kosovën, rezultuan me mangësi dhe mospërputhje thelbësore në dokumentacionin shoqërues të mallit.

Çertifikata e origjinës dhe ajo veterinare mbanin të dhëna të ndryshme nga dokumenti i transportit dhe fatura komerciale. Gjë që e bën mallin ushqimor të importuar pa identitet të konfirmuar dhe të pasigurt për konsum.

Rezultatet Nga Analizat e Kryera

Më herët, analizat e kryera për disa nga ngarkesat me produkte ushqimore mish të importuar rezultuan me ngarkesë mikrobiologjike, Salmonella spp.

Si rrjedhojë, produkti ushqimor i importuar me këto ngarkesa është i pasigurt dhe i papërshtatshëm për konsum njerëzor.

Subjektet e Penalizuara

Për ketë arsye dhe referuar bazës ligjore dhe rregullatore në fuqi, Autoriteti Kombëtar i Ushqimit vendosi kthimin e këtyre ngarkesave në vendin e origjinës, më konkretisht:

  • Katër ngarkesa me sasi totale 107.240 ton “Mish derri” me origjinë nga Brazili, importuar nga subjekti “ZICO sh.a.” është finalizuar praktika dhe ngarkesat janë kthyer në vendin e origjinës.
  • Gjashtë ngarkesa (152.631 ton në total) janë në proces përmbyllje praktike për kthimin ne vendin e origjinës ose asgjësim, më konkretisht:
    • 51.984 ton “Mish Derri” me origjinë nga Brazili, importuar nga subjekti “AMG shpk”,
    • 27 ton “Fileto Pule” nga Brazili, importuar nga subjekti “KING MIT”,
    • 25.999 ton “Mish Derri” nga Brazili, importuar nga subjekti “FRIGO ALB shpk”,
    • 22.648 ton “Mish Viçi” nga Brazili, importuar nga subjekti “DEKON FRIGO shpk”.
    • 25 ton “Mish Derri” me origjinë nga Qipro, importuar nga subjekti “EHW shpk”,

Me finalizimin e praktikës për kthimin ne vendin e origjinës ose asgjësim, rezultati do të njoftohet në rrjetin Europian të shkëmbimit të informacionit mbi rreziqet që lidhen me ushqimin (RASFF)./AgroWeb.org

5 ushqimet që mund t’i konsumoni përditë

Cili është mëkati ynë më i madh? Që jo pak herë heqim dorë nga ushqimi vetëm për të qenë disa kilogramë më pak.

Linjat perfekte të trupit kërkojnë vullnet, vendosmëri dhe disiplinë, por e dini që ndonjëherë pjesë e kësaj pakete janë edhe “ushqimet e këqija”?

Aspak për t’u habitur sipas nutricionistëve, që besojnë se duke e privuar veten nga gjërat që ju dhurojnë kënaqësi, nuk do të jeni asnjëherë në shëndetin tuaj optimal fizik dhe mendor. Mbase duhet t mendoni mirë rikthimin tek këto ‘zakone të këqija’.

1. Patatet e ëmbla janë një burim i mirë fibrash

Patatet e ëmbla janë burim i mirë potasiumi dhe fibrash, por më e mira është t’i hani të pjekura. Hajini me lëkurë, antioksidantët në lëkurën e patateve reduktojnë rrezikun e prekjes nga lloje të ndryshme kanceri, përfshirë të gjoksit, zorrës së trashë dhe kancerin në vezore.

2. Pirja e whiskey-t mund të luftojë kancerin

Nëse konsumohet me masë, pija alkoolike mund të ketë shumë përfitime në shëndetin tuaj. mund të luftojë kancerin, të rrisë nivelin e kolesterolit të mirë dhe minimizon shanset për t’u prekur nga sëmundjet e zemrës. Një gotë në ditë për gratë dhe disa gota në ditë për burrat!

3.Hani çokollatë të zezë një herë në ditë

Një katror çokollate çdo ditë ju mbron nga sëmundjet e zemrës dhe ul me 23% rrezikun e prekjes nga trompoza. Çokollata përmabn magnez, që ju jep energji dhe parandalon migrenën.

4.Petullat ju ndalojnë të hani kot gjatë ditës

Nuk është fundi i botës nëse hani një petull një herë në ca kohë. Njerëzit që e ndalojnë veten të hane ushqimet që i duan, ka më pak gjasa të ndjekin me përpikmëri dietën e tyre ushqimore. Kjo sepse duke ndaluar veten të hani një kategori të caktuar ushqimesh, do filloni të hani gjëra që s’ju kishte shkuar mendja, duke sabotuar çdo përpjekje për të përmirësuar dietën tuaj.

5.Birra ju mbron nga diabeti

Birrën e shmangin të gjithë nëse duan të bien në peshë, sepse të jep bark, por nëse pihet me masë mund të ketë shumë përfitime për shëndetin tuaj. Ul presionin e gjakut, parandalon diabetin dhe ndihmon për rënien në peshë. Është burim i vitaminës B si niacina, riboflavina, vitamina B6 dhe B12 dhe acidi folik që mund të parandalojë defektet në lindje.

Ja pse ecja këmbëzbathur në plazh është e shëndetshme

Përveç se të merrni diell, të laheni, të relaksoheni dhe të luani, në plazh mund të bëhen edhe shumë aktivitete të tjera si për shembull të ecni këmbëzbathur në rërë, gurë apo në ujë. Jo vetëm që është diçka shumë e këndshme por dhe e shëndetshme. Në fakt ka disa të mira të të ashtuquajturës “beach walking”.

Të ecni pa këpucë në rërë lejon këmbët të lëvizin në mënyrë natyrale dhe të stimulojë qarkullimin e gjakut. Është mirë që këtë ecje ta bëni kur temperaturat nuk janë shumë të larta si për shembull herët në mëngjes apo në darkë vonë. Por cilat janë të mirat e tjera?

1. Digjni shumë kalori dhe pa shpenzuar asgjë.

2. Ecja në plazh ju ndihmon për të shkarkuar tensionin.

3. Furnizoheni me vitaminë D.

4.Të ecni zbathur në plazh është mirë për të forcuar muskulaturën.

5. Të ecni zbathur në breg të detit masazhoni tabanin e këmbës.

6. Eksfolioni lëkurën.

7. Luftoni fryrjen e këmbëve

8. Mbusheni me energji pozitive

9. Ju kthehet humori i mirë.

Vaj luledielli apo vaj misri – Çfarë duhet të dini për ndryshimin mes tyre

Nga të gjithë vajrat që gjenden në treg, më të përdorurat nga amvisat shqiptare janë vaji i ullirit, vaji i misrit dhe vaji i lulediellit.

Në ditët e sotme, tregjet ofrojnë një larmi vajrash gatimi.

Në supermarket mund të gjesh vaj ulliri, vaj luledielli, vaj misri, vaj të arrës së kokosit apo vaj kikiriku të cilët gjejnë përdorim të gjerë në kuzhinë.

Nga të gjithë vajrat që gjenden në treg, më të përdorurat nga amvisat shqiptare janë vaji i ullirit, vaji i misrit dhe vaji i lulediellit.

Sipas të dhënave të cilave u referohet AgroWeb.org, Shqipëria nuk ka një prodhim të brendshëm të farave të lulediellit, ndaj kompanitë importojnë vaj të papërpunuar që më pas përpunohet në vaj konsumi.

Të dhënat e Ministrisë së Bujqësisë për vitin 2013 tregojnë se konsumi i vajit të lulediellit në vend ishte mbi 34,000 ton.

Vaji i lulediellit përdoret kryesisht për skuqje, përgatitjen e ushqimeve të shpejta dhe atyre të përpunuara.

Ky lloj vaji përmban sasi të larta të acideve yndyrore omega-6.

Kjo sasi mund të arrijë deri në 70 përqind.

Megjithatë këto yndyrna përkeqësojnë inflamacionin në trup dhe e vënë organizmin përballë rreziqeve të mëdha shëndetësore.

Vaji I Lulediellit Dhe Vajit I Misrit – Dallimet Dhe Veçoritë

Kaloritë

Të dhënat të cilave u referohet AgroWeb.org tregojnë se të dy vajrat përmbajnë pothuajse të njëjtën sasi kalorish.

Një filxhan çaji me vaj përmban 1,900 kalori.

Në të dyja rastet kaloritë vijnë nga yndyrnat.

Profili I Yndyrnave

Yndyrnat tek vaji i lulediellit janë 90 përqind yndyrna të shëndetshme të pangopura dhe 10 përqind yndyrna të ngopura jo të shëndetshme.

Yndyrnat tek vaji i misrit janë 85 % yndyrna të shëndetshme të pangopura dhe 15 % yndyrna të ngopura.

Kjo do të thotë se vaji i lulediellit është një zgjedhje pak më e mirë në aspektin shëndetësor.

Megjithatë në të dyja rastet vlerat janë pothuajse të njëjta.

Për një gatim të shëndetshëm, AgroWeb.org ju këshillon përdorimin e vajit të ullirit ekstra të virgjër.

Vajrat Në Gatim

Dy prej karakteristikave më të rëndësishme të një vaji gatimi janë aroma dhe pika e djegies.

Vaji i misrit digjet më shpejt se vaji i lulediellit.

Kjo nënkupton se vaji i lulediellit është një zgjedhje më e mirë për gatimet e skuqura me temperaturë të lartë.

Për më tepër ai nuk ka një aromë të fortë dhe nuk eliminon aromat karakteristike të ushqimeve.

Në aspekt kostosh, vaji i lulediellit kushton më lirë, ndërsa ai i misrit ka një kosto më të shtrenjtë.

A shkakton kafja dhimbje koke – Cila është doza e saktë ditore

Nëse jeni konsumues të rregullt të kafes dhe nuk hiqni dot dorë nga kjo pije sigurohuni që të qëndroni në sasitë e paracaktuara nga mjekët.

Mbarëvajtja e të gjithë organizmit është çelësi i një jete të gjatë.

E për ta arritur këtë një stil jetese i shëndetshëm është gjithnjë i nevojshëm.

Filloni nga ushqimi, ajo çfarë konsumoni çdo ditë është më e rëndësishme nga sa mund të duket në moment.

Çdo ushqim, gatim apo pije jep efektet e veta në organizëm, qofshin këto pozitive apo negative.

Në këtë përfundim kanë dalë edhe mjekët në një stadium të fundit të cilit i referohet AgroWeb.org.

Sipas tyre një nga pijet më popullore në botë kafja shkakton dhimbje koke dhe migrenë.

Si Ndikon Kafeina Tek Migrena

Migrena është një sëmundje kronike që shkakton dhimbje të vazhdueshme koke.

Ajo mund të shfaqet pa pritur në çdo fazë të jetës.

Megjithëse shpesh herë shkaqet nuk janë në dorën e personave që vuajnë nga kjo sëmundje, stili i jetesës mund të jetë favorizues ose jo.

Ka një diskutim të gjatë dhe të njohur mbi konsumimin e kafeinës dhe dhimbjen e vazhdueshme të kokës.

Një studim i Universitetit të Harvardit të cilit i referohet AgroWeb.org, hedh dritë mbi disa të dhëna në lidhje me sëmundjen e migrenës.

Ekspertët mblodhën të dhëna nga përafërsisht 100 persona, të cilëve iu duhej të shënonin sasinë e saktë të konsumimit të kafes në ditë.

Këtu u përfshinë edhe pije të tjera me përmbajtje të lartë kafeine siç janë çajrat e fortë, si çaji i zi apo pijet me gaz.

Të gjithë pjesëmarrësit në studim kishin shenja të kësaj sëmundje kronike dhe dhimbje koke të vazhdueshme.

Rezultatet treguan se gjatë konsumimit të këtyre ushqimeve specifike, dhimbja e kokës ndër këta persona bëhej më intensive dhe e shpeshtë.

Sa Është Doza Ditore që Duhet të Konsumoni

Ekspertët rekomandojnë që nëse vuani nga migrena të mos konsumoni më shumë se tre filxhanë kafe në ditë.

Sasia e kafeinës është e ndryshme në pije të ndryshme, por nuk duhet të kaloni 180 mg në ditë.

Nëse konsumoni tre kafe ekspres në ditë kujdesuni që të mos konsumoni pije të tjera që kanë përmbajtje kafeine.

Evitoni konsumimin e kafes gjatë krizave të dhimbjes së kokës.

Pasi jo vetëm që nuk do t’jua pushojë, por do të japë pasoja edhe të nesërmen.

Nëse jeni konsumues të rregullt të kafes dhe nuk hiqni dot dorë nga kjo pije sigurohuni që të qëndroni në sasitë e paracaktuara nga mjekët.

Përfitimet e birrës për kockat e grave janë më të mira se ato të qumështit

Sipas Qendrës Kombëtare të Vlerësimit të Riskut të Osteoporozës, duket se birra prodhohet vetëm për mirëqenien e femrave, pasi ofron më shumë përfitime sesa qumështi ose kalciumi.

Përfitimet e birrës për gratë: le t’i zbulojmë së bashku

Sa më shumë vite kalojnë, aq më e ndërlikuar bëhet ruajtja e densitetit të kockave. Sidoqoftë, me sa duket, tani e tutje, ne mund të mbështetemi te një aleat i pa dyshuar, siç është birra.

Por cilat janë përfitimet e saj?

Le të fillojmë duke thënë se jo vetëm që një gotë birrë ndihmon në përmirësimin e funksionimit të trupit, por e rrit atë pas një përpjekje fizike dhe kjo është veçanërisht e vërtetë për gratë.

Një shembull? Sipas një studimi shkencor, pirja madje edhe e një gote të vetme birre zvogëlon rregullisht shanset për thyerje. Dhe ky nuk është një avantazh i vogël, sepse ky lloj frakture lidhet ndjeshëm me një rënie të konsiderueshme të jetëgjatësisë së grave. Kjo është thënë nga një studim i kryer nga Neë England Journal of Medicine, i cili përfshiu rreth 12,000 gra të moshuara, me rezultate shumë interesante.

Rezultatet e hulumtimit befasues

Rezultatet e studimit nuk ishin të pabesueshme! Ata e lidhën konsumin e birrës me një probabilitet më të ulët të paaftësive njohëse dhe degjeneruese sesa ata që nuk e pinë atë. Merita shkon tek HOPS, përbërësi themelor i birrës, i cili ka veti të bollshme dhe të jashtëzakonshme medicinale dhe kozmetike. Kjo bimë speciale është një përbërës thelbësor në prodhimin e birrës.

HOPS: karakteristikat dhe përdorimet

I përket familjes së kërpit dhe kanabinoidit, ai vepron si një zëvendësues i një hormoni dhe madje zvogëlon sindromën e menopauzës. Në të kaluarën, ishte përdorur për efektet qetësuese dhe antiseptike dhe për vetitë fantastike antibakteriale. Në Evropë është veçanërisht i famshëm për shkak të vetive antidepresive dhe antioksiduese. Për më tepër, duke qenë një bimë kanabinoid ajo ka elemente psikoaktive.

Sidoqoftë, birra është një pije alkoolike dhe për këtë arsye është gjithmonë më mirë të shmangni ekzagjerimin sepse siç dihet, abuzimi i alkoolit është i dëmshëm si për trupin ashtu edhe për mendjen. Doza e rekomanduar nga ekspertët është pak më shumë se gjysmë gotë në ditë, moderimi, si gjithmonë, është sekreti për gjithçka. /Revista Psikologjia.

Accuweather: Ballkanin e pret një vjeshtë e tmerrshme

Stuhi të herëpashershme, përmbytje dhe rrëshqitje dheu. Kjo pritet të jetë situata gjatë vjeshtës. Ky ndryshim temperaturash raportohet nga shërbimi meteorologjik “AccuWeather”, ndërsa më të prekura do të jenë Italia dhe Ballkani.Sipas kësaj kompanie, parashikohet që stuhitë e rastit do të vazhdojnë në Itali dhe Ballkan gjatë vjeshtës, me shira të dendura, të cilët mund të shkaktojnë përmbytje dhe rrëshqitje dheu. Ndërsa vjeshta vazhdon, rreziku i stuhive të mëdha do të ulet, por rreziku i reshjeve të mëdha të shiut do të vijojë të jetë prezent.“AccuWeather” thekson se më së shumti reshje do të ketë në tetor dhe nëntor, dhe temperaturat pritet të qëndrojnë afër ose pak më të ulëta se zakonisht për këtë kohë të vitit.

 


Accuweather njofton gjithashtu mundësinë e depërtimit të ajrit të ftohtë nga lindja dhe veriu në fund të vjeshtës, i cili do të sjellë më shumë borë nga Hungaria dhe Rumania në Ballkan.“Shpesh moti i paqëndrueshëm do të ketë një ndikim negativ në bujqësi dhe aktivitete në natyrë në rajon”, tha meteorologu Taylor Royce.“AccuWeather” thekson në raport se ndryshe nga shumica e Evropës, ku temperaturat mbi normale mund të priten gjatë vjeshtës, një tranzicion më i mprehtë në mot më të ftohtë është i mundur në Evropën Lindore.

“Vjeshta mund të fillojë me temperatura të buta, por goditjet e masave të ajrit të ftohtë parashikohen të jenë më të shpeshta nga tetori deri në nëntor. Ndërsa nëntori vazhdon, temperaturat e ulëta do të ulen, sikur të ishte dhjetori ose janari”-thuhet në raport.

Ndërthurja e teknologjisë me fuqinë e trurit

Teknologjia e lidhur me forcën e trurit po ndihmon individët e paralizuar apo që kanë humbur gjymtyrët që të rifitojnë një pjesë të aftësive që kanë humbur.

Keven Walgamott ka një krah protezë që duket si e huazuar nga filmi Star Wars. Proteza “LUKE” faktikisht është frymëzuar nga krahu robotik i personazhit Luke Skywaker nga seriali ‘The Empire Strikes Back”.

Walgamont humbi dorën e majtë dhe një pjesë të krahut 17 vjetë më parë në një aksident elektrik. Ai është një nga shtatë pacientët në Universitetin Utah që po teston krahun Luke i cili u mundëson atyre të përdorin trurin për të kryer veprime delikate siç është kapja dhe lëshimi i vezës.

Krahu Luke ka 15 vite në zhvillim e sipër. Përmirësimi i fundit mundëson lidhjen me indet nervore në parakrahun e pacientit, nga ku përcillen të dhënat tek truri për të komanduar krahun. Kjo u mundëson atyre të kuptojnë se çfarë force të përdorin që nga shtrëngimi dorës apo këputja e një kokrre rrushi.

Shkencëtarët në Institutin Federal të Teknologjisë së Zvicrës kanë zhvilluar një sistem që i mundëson njerëzit me dëmtime të rënda të sistemit motorik që të kontrollojnë lojrat elektronike përmes mendimit. Samuel Kunz është pacient i paralizuar pas një aksidenti dhe ka dalë vullnetar për testimet.

“Po përpiqem të lëviz dorën dhe gishtat në mendjen time. Ndaj duhet të jem shumë i përqendruar.”

Ai po merr pjesë në një test për komunikimin e trurit me kompjuterin duke marrë drejtimin gjatë garave me makina në një lojë elektronike.

“Komunikimi mes gishtrinjve të mi dhe trurit nuk egziston më. Po përpiqem në mendjen time të lëviz gishtrinjtë dhe më duhet shumë përqendrim që të bëj të njëjtën gjë çdo herë.”

Imagjinata për të lëvizur dorën e tij të majtë bën që makina të kthehet majtas. Të menduarit rreth krahut të djathtë e kthen makinën djathtas dhe lëvizja e të dyja duarve njëkohësisht bën që makina të shkojë drejt.

Një komandë tjetër është kur pacienti ndjehet i pushuar dhe me mendje të qetë, bën që makina të ngadalësojë shpejtësinë. Këto sinjale transmetohen tek kompjuteri përmes elektrodave të vëna në kokën e pacientit. Dr. Rea Lehner punon për Institutin Federal të Teknologjisë së Zvicrës.

“Për të siguruar lidhjen mes trurit dhe kompjuterit nevojitet një përforcues, një kapak me elektroda që mat sinjalet e trurit të pacientit. Sinjali i trurit është tejet i vogël dhe sinjali i aktivitetit të muskulit është shumë i madh. Duhet të sigurohemi për të filtruar të gjitha aktivitetet e muskujve dhe të kemi vetëm sinjalin e pastër të trurit.”

Pacienti po praktikon kontrollin e lojës përmes trurit në mënyrë që të marrë pjesë në një kampionat special vitin që vjen të quajtur Cybathon, ku njerëzit me aftësi të kufizuara konkurojnë duke përdorur teknologjinë më të mirë.

Konkursi inagurues u mbajt në Zurih në vitin 2016.

Sfida më e madhe teknologjike është deshifrimi i sinjaleve komplekse të trurit duke përdorur sensorë që nuk e beazdisin njeriun. Gjenerata e ardhshme ndoshta do të ketë sensorë dhe elektroda që vendosen direk tek truri i pacientit. Synimi përfundimtar i hulumtimeve është të mundësojë individët me kufizime fizike që të kontrollojnë me fuqinë e trurit të tyre pajisje si karriget me rrota. za