VOAL

VOAL

Please Wait ...
0%

Si të përdorni eukaliptin për shëndetin e mirë të mushkërive

By | December 14, 2019

Komentet

Si të pastroni peshkun e freskët në disa hapa të thjeshtë

Shija e tij e mrekullueshme është një tjetër vlerë e shtuar që e bën peshkun një ndër pjatat më tunduese për të gjithë familjen.

Peshku është një nga ushqimet më të shëndetshme që mund të servirni të tavolinat tuaja.

Shumë i rekomanduar nga mjekë dhe dietologë jo pa qëllim, pasi është i pasur më vitamina shumë të vlefshme për trupin.

Është burimi më i madh i acideve yndyrore omega-3, që ndihmojnë në rigjenerimin e trurit të gjithë organizmit.

Shija e tij e mrekullueshme është një tjetër vlerë e shtuar që e bën peshkun një ndër pjatat më tunduese për të gjithë familjen.

Megjithëse recetat mund të jenë të shumëllojshme në varësi të traditave apo shijeve, për pastrimin ka vetëm disa metoda efikase.

Në këtë artikull AgroWeb.org ju shpjegon pikërisht mënyrën e saktë të pastrimit të peshkut, e sidomos peshqve të mëdhenj.

Si të pastroni dhe zgjidhni peshkun e freskët

Para se të nisni me pastrimin e peshkut, është e rëndësishme ta blini atë sa më të freskët.

Shikoni gjithnjë poshtë flegrave apo velëzave që ndodhen në pjesën e hapur pas kokës.

Nëse këto pjesë janë të kuqe atëherë peshku është i freskët.

Një tjetër mënyrë e kontrollit është të shikoni sytë dhe të ndjeni aromën.

Kur sytë janë të qartë dhe shndrijnë atëherë sërish peshku është i freskët dhe mund ta konsumoni pa problem.

Më pas mund të filloni lehtësisht me pastrimin perfekt të tij sipas këshillave të AgroWeb.org.

Pastroni krahët

Fillimisht pritini me një gërshërë kuzhine apo thikë krahët anësore të peshkut që ndodhen në të dy anët e tij.

Veproni njësoj edhe me pjesën e sipërme, në kurrizin e peshkut ku ndodhet edhe pjesa tjetër e luspave të dala dhe me gjemba.

Sipas dëshirës mund të prisni edhe pjesën e bishtit në fund pa i hequr tulin e bishtit.

Pastrimi i pjesës së brendshme

Më pas sërish duke përdorur gërshërët ose një thikë të mprehtë, çaheni me kujdes pjesën e barkut të peshkut dhe pastrojeni.

Nxirrni jashtë të gjithë pjesën e brendshme të barkut me duar duke bërë kujdes.

Kur të ndjeni që është tërësisht bosh dhe i pastruar, shpëlajeni me ujë të bollshëm nga brenda pjesës që pastruat dhe jashtë.

Heqja e luspave

Zgjidhni një thikë të mprehtë dhe duke bërë kujdes filloni të pastroni luspat duke nisur nga bishti i peshkut drejt kokës.

Mbështesni pjesën e mprehtë të thikës tek peshku dhe rrëshqiteni nëpër luspa në mënyrë që ato të largohen plotësisht.

Bëjeni këtë proces disa herë nëse është e nevojshme në mënyrë që peshku juaj të jetë tërësisht i pastër.

AgroWeb.org ju këshillon që këtë proces ta kryeni afër lavamanit apo brenda ndonjë qeseje të madhe.

Kjo pasi luspat mund të shpërndahen nëpër kuzhinën tuaj gjatë proçesit të pastrimit.

Pasi të ndjeni me duar se peshku është pastruar tërësisht lajeni atë sërish me ujë të freskët e të bollshëm.

Këtë metodë mund ta bëni me të gjithë llojet e peshqve dhe më pas janë gati për të vazhduar me përgatitjen e recetave që dëshironi.

Mënyra perfekte e pjekjes së peshkut në furrë – Gati në 30 minuta

Gjithsesi, vështirësia e vërtetë e kësaj pjate qëndron tek mënyra e duhur e përgatitjes që shija të jetë perfekte.

Konsiderohet si një nga pjatat më të shijshme dhe të shëndetshme për t’u konsumuar.

Po flasim për peshkun, të cilin njerëzit ose e preferojnë shumë ose nuk e konsumojnë fare.

E për këtë ka një debat të madh, për shkak të shijes dhe aromës së veçantë që ky ushqim ka.

Gjithsesi, vështirësia e vërtetë e kësaj pjate qëndron tek mënyra e duhur e përgatitjes që shija të jetë perfekte.

Kështu që për amvisat, që të kenë në pak kohë një pjatë të shëndetshme dhe plot shije ne tavolinat e tyre, AgroWeb.org ju sugjeron një recetë të veçantë.

Ndiqeni më poshtë mënyrën e saktë se si të piqni peshkun në furrë, plot shije, aromë dhe në një kohë shumë të shkurtër.

Përbërësit

1 peshk rreth 400 gr

2 domate

1 thelbi hudhër

vaj ulliri

majdanoz

lëng limoni

piper i zi

kripë

Përgatitja

Për të nisur me përgatitjen e kësaj pjate , si fillim AgroWeb.org ju këshillon që ta pastroni peshkun dhe ta shpëlani atë me ujë të bollshëm.

Më pas zgjidhni një tavë mesatare pjekje dhe mbulojeni të gjithën me letër pjekje.

Vendosni dy letra pjekje afër njëra tjetrës në qendër të tavës në mënyrë që fletët e saj të qëndrojnë jashtë.

Pasi t’i keni puthitur mirë anët e letrave në mes të tavës, vendosni brenda peshkun gati për pjekje.

Shtoni kripën dhe piperin sipas dëshirës tuaj, duke e lyer mirë peshkun dhe prisni domatet në feta të holla.

Shtrojini edhe ato sipër peshkut, bashkë me hudhrën e prerë në copëza të vogla.

Në fund shtoni një tufë të vogël majdanoz të grirë, lëng limoni dhe vaj ulliri nëpër të gjithë sipërfaqen e tavës.

Për më shumë shije disa nga përbërësit, si domatet, hudhra apo majdanozi mund t’i fusni edhe brenda barkut të peshkut.

Kur të keni mbaruar me përgatitjen, merrni të dyja fletët e letrës së pjekjes që ndodhen jashtë tavës dhe bashkojini me kujdes me duar duke formuar një zarf të madh.

Kujdesuni që zarfi që do të krijoni të jetë mjaftueshëm i madh dhe të mos jetë i puthitur me peshkun në mënyrë që të mos ngjitet.

Veproni njësoj si në në foton e mëshposhtëme të shpjeguar nga AgroWeb.org.

Futeni peshkun tuaj të piqet në furrë të parangrohur në temperaturën 200 gradë Celsius për 30 minuta.

Kjo kohë është e parashikuar për një peshk të madhësisë 400 gr, siç thuhet dhe më lart në këtë recetë, por koha e pjekjes mund të jetë e ndryshme në varësi të madhësisë së peshkut.

Pasi të ndjeni që tava juaj është gati, nxirreni peshkun nga letra e furrës bashkë me domatet dhe servireni sipas dëshirës.

Dalloni vlerat e frutave dhe perimeve sipas ngjyrave që kanë

Falë ngjyrave të mrekullueshme që ato i gjejmë në treg, frutat dhe perimet na mundësojnë një ushqyerje të ylbertë.

Një nga këshillat më popullore dhe më të vërteta për një shëndet më të mirë është ngrënia e sa më shumë frutave dhe perimeve në ditë.

Falë ngjyrave të mrekullueshme që ato i gjejmë në treg, frutat dhe perimet na mundësojnë një ushqyerje të ylbertë të mirë jo vetëm për stomakun por edhe për trurin.

Në këtë artikull të AgroWeb.org do të mësoni rëndësinë e ngjyrave dhe vlerat që ofrojnë frutat dhe perimet sipas ngjyrës.

Portokalli/E Kuqe

E kuqja dhe portokallia janë dy prej ngjyrave më të ndezura të spektrit të frutave dhe perimeve.

Ushqimet me ngjyrë portokalli më të shëndetshme janë:

  • Karrota
  • Patatja e ëmbël,
  • Kungulli,
  • Pjepri.

Këto ushqime përmbajnë beta-karoten të cilën organizmi e kthen në vitaminë A.

Kjo vitaminë është thelbësore për rruazat e bardha të gjakut, imunitetin, kockat dhe qelizat.

Kjo vitaminë merret edhe nga disa prej ushqimeve më të mira me ngjyrë të kuqe që janë:

  • Domatet,
  • Shalqini
  • Qitro.

Ato janë të pasura me shumë antioksidantë.

Ushqimet Me Ngjyrë Të Gjelbër

Në këtë kategori, futen barishtet por edhe disa prej perimeve më të mira për shëndetin siç janë brokoli, lakra dhe spinaqi.

Ushqimet me ngjyrë të gjelbër përmbajnë shumë kalium, fibër, folat, vitaminat A, E dhe C.

Ushqimet Me Ngjyra Të Errët

Në këtë kategori futen ushqimet me ngjyrë blu, vjollcë ose edhe kafe siç janë:

  • Frutat e pyllit,
  • Qershitë,
  • Rrushi i kuq,
  • Vera e kuqe,
  • Kakaoja
  • Disa lloje çajrash.

Të gjitha ushqimet e lartpërmendura janë të pasura me flavonoidë.

Këto substanca janë të rëndësishme për shëndetin mendor dhe qarkullimin e gjakut.

Ushqimet Me Ngjyrë Të Verdhë

Në këtë kategori futen kryesisht yndyrnat.

Disa prej tyre, si margarina dhe gjalpi janë të dëmshëm për shëndetin, ndërkohë që vaji i ullirit është i shëndetshëm sepse përmban antioksidantë por edhe ndihmon në përthithjen e vitaminave që treten në yndyrë siç është vitamina A, D, E dhe K.

Përveç këtyre kategorive, një ushqyerje e ylbertë duhet të përfshirë edhe ushqimet me ngjyrë të bardhë siç janë ato të bulmetit por edhe me ngjyrë natyrale siç janë drithërat, kryesisht ato të papërpunuar.

A ndien truri dhimbje? – Faktet interesante që duhet t’i dini

Dehidratimi është një tjetër shkak për dhimbjen e kokës

Ka pretendime sipas të cilave, truri nuk ndien dhimbje.

Nëse është kështu, atëherë nga burojnë dhimbjet e kokës?

Sipas shkencëtarëve, trurit i mungojnë receptorët që dallojnë dëmin që po i shkaktohet trupit dhe që më pas e sinjalizojnë atë drejt zonave të tjera.

Fakti që trurit i mungojnë këto receptorë, nuk do të thotë se pjesa tjetër e kokës vuan nga një mungesë e tillë.

Me pjesën tjetër të kokës nënkuptojmë: enët e gjakut, muskujt dhe nervat e qafës, fytyrës dhe skalpit.

Si Shkaktohen Dhimbjet e Kokës Nëse Truri Nuk Ndien Dhimbje?

Dhimbjet e kokës shkaktohen pikërisht nga problemet në pjesët e lartpërmendura.

Receptorët në fjalë aktivizohen nga presioni, temperaturat ekstreme por edhe kapsaicina e cila është përbërësi më aktiv tek specat djegës.

Ka njerëz të cilët i kap dhimbja e kokës kur hanë akullore ose diçka shumë të ftohtë.

Kjo dhimbje shfaqet nga ndryshimi i menjëhershëm në qarkullimin e gjakut në venat që ndodhen në pjesën e brendshme të fytit dhe në tru.

Dehidratimi është një tjetër shkak për dhimbjen e kokës.

Mungesa e ujit irriton enët e gjakut në kokë dhe shkakton atë ndjesinë e çekanit brenda kokës.

Kjo vërehet kryesisht në rast se keni kaluar disa orë të mira duke pirë alkol.

Ka raste kur dhimbja e kokës shkaktohet edhe nga stërmundimi i nofullës dhe kërcitja e dhëmbëve kur njerëzit janë në gjumë.

Edhe nëse truri nuk ka receptorë të tillë, dhimbja e kokës mund të sinjalizojë një problem me trurin.

Dhimbjet e tejzgjatura të kokës që nuk ikin as me ilaçe janë shenja të një problem serioz në tru siç është: kanceri, hemoragjia ose infeksioni.

Dhimbjet shfaqen jo për shkak të aktivizimit të receptorëve por për shkak se truri enjtet dhe shkakton presion në të gjithë kokën.

Mungesa e receptorëve nuk do të thotë se truri nuk e përjeton dhimbjen. Kjo për faktin se truri është një organ që interpreton, vlerëson dhe përjeton të gjitha sinjalet ndijore të lëshuara nga trupi.

Për më tepër, ekspertët shpjegojnë se ndjesia e dhimbjes ndikohet shumë nga mendimet, ndjenjat dhe marrëdhëniet njerëzore.

Për shembull, nëse njeriu ndien dhimbje, e vlerëson atë në bazë të përvojave të mëparshme.

Kjo do të thotë se është pikërisht njeriu që vlerëson intensitetin e dhimbjes, dhe këtu futen emocionet, ndjenjat e të tjerë. /AgroWeb.org

Lagështira apo thatësira cila e ndikon më shumë gjumin e mirë

Një ambient me lagështirë ndikon drejtpërdrejt në përkeqësimin e alergjive dhe sëmundjeve respiratore

 

Lagështia lë gjurmë në cilësinë e gjumit.

Këtë e thonë ekspertët sipas të cilëve luhatjet e niveleve të lagështisë mund të shkaktojnë mjaft probleme.

Studimet kanë zbuluar se cilësia e mirë e ajrit, që përfshin edhe nivelin e saktë të lagështisë, përmirëson cilësinë e gjumit.

Rekomandimet shkencore për nivelin e duhur të lagështisë thonë se ai duhet të jetë nga 30 deri në 45 përqind.

Nëse lagështia në shtëpinë tuaj është mbi 50 përqind, ajo shkakton rritjen dhe përhapjen e mykut.

Gjatë stinës së alergjive, niveli i lagështisë rekomandohet të jetë nën 50 përqind që të ulë rrezikun e baktereve dhe alergenëve.

Përse Duhet Lagështia

Sistemi respirator i njeriut përmban qime mikroskopike të cilat kanë nevojë për lagështi në largimin e baktereve nga hunda dhe kraharori.

Thatësira e pengon këtë proces dhe bakteren shumohen në organizëm.

Kur Është Koha Që Të Rregulloni Nivelin E Lagështisë Në Shtëpi

Kur në dollapët tuaj shfaqet myku, atëherë në to ka shumë lagështirë.

Nëse peshqirët e banjës qëndrojnë të lagësht, atëherë niveli i lagështisë është i lartë.

Nëse ju thahet fyti ose ju çahen buzët pas gjumit, ajri është i thatë.

Gjakderdhja e tepërt nga hundët mund të tregojë edhe një ajër shumë të thatë.

Ajri i Thatë, E Ftohura Dhe Bllokimet Gjatë Gjumit.

Ajri i thatë irriton rrugët e frymëmarrjes dhe lehtëson hyrjen e viruseve të cilët jetojnë më gjatë në ajër të thatë.

Njeriu ftohet më shpesh dhe bllokimi i rrugëve të frymëmarrjes e lë pa gjumë.

Kësisoj kuptohet lehtë se si nivelet tepër të ulëta të lagështisë ndikojnë tek gjumi por edhe shëndeti i përgjithshëm.

Nga ana tjetër, ajri i thatë shkakton edhe gjakderdhje nga hundët.

Ajri i thatë ndikon edhe në shëndetin e lëkurës e cila preket më lehtë nga ekzema.

Nëse tashmë vuani nga alergji të ndryshme, duhet të dini që ajri i thatë i përkeqëson ato.

Mënyra më e thjeshtë për të shtuar nivelin e lagështisë në shtëpi është që të hapni dushin për disa minuta, pse të lëni në dhomën e gjumit një enë me ujë e cila do të avullojë./AgroWeb.org

Hithra me limon, trajtimi natyral kundër anemisë

Hithra është e pasur me vitamina dhe minerale, ndër të cilat veçojmë hekurin.

Anemia është një sëmundje që shkaktohet nga mungesa e hekurit ose si shenjë shoqëruese e një problemi tjetër shëndetësor.

Simptomat e anemisë përfshijnë lodhjen, rënien e flokëve, takikardinë e të tjera.

Ilaçet dhe kurat farmaceutike janë të shumta. Por duhet të keni kujdes nga suplementët e hekurit.

Kujdesi nis duke mësuar më shumë për efektet anësore të këtyre suplementëve.

Hekuri shkakton oksidim në organizëm që sjell probleme në tretje.

Sipas të dhënave të AgroWeb.org, për të parandaluar një problem të tillë duhet të rrisni konsumin e ushqimeve të pasura me hekur siç janë barishtet, bishtajoret, panxhari, majdanozi e të tjerë.

Nëse preferoni të konsumoni suplementë, sigurohuni që të përmirësoni përthithjen e këtij minerali duke e shoqëruar gjithmonë me ushqime të pasura me vitaminë C.

Pas diagnostikimit dhe medikamenteve të rekomanduar nga mjeku, ju rekomandojmë të përdorni edhe këtë kurë natyrale me hithër dhe limon.

Kjo kurë me dy përbërës do t’ju mundësojë të parandaloni dhe trajtoni aneminë në mënyrë natyrale.

Hithra është e pasur me vitamina dhe minerale, ndër të cilat veçojmë hekurin.

Ajo ka aftësi të përmirësojë tretjen dhe të pastrojë gjakun.

Limoni është gjithashtu i fuqishëm në pastrimin e organizmit dhe në përthithjen e ushqyesve.

Limoni është i pasur me vitaminë C, që siç e thamë më lart ndihmon në përthithjen e hekurit nga ushqimet.

Kura me Hithra dhe Limon Kundër Anemisë

Duke parë vlerat e këtyre dy përbërësve, vjen natyrshëm ideja e bashkimit të tyre në një kurë të vetme kundër anemisë.

Përbërësit:

5 lugë gjelle me gjethe të thara hithre. Mund të përdorni edhe gjethe të njoma.

Lëngu i një limoni

1 litër ujë

Përgatitja:

Ziejeni ujin në një tenxhere.

Kur sapo të ketë marrë valë, hiqeni nga zjarri dhe shtoni hithrën e thatë.

Mbylleni kapakun dhe lëreni hithrën të tretet në ujë për 5 minuta.

Më pas kullojeni lëngun, shtoni lëngun e limonit dhe nëse dëshironi pak mjaltë.

Nëse keni gjethe të njoma, atëhere ziejini bashkë me ujin.

Këtë pije mund ta pini përgjatë ditës por jo gjatë vakteve.

Për shembull, mund të pini një gotë me stomak bosh, një paradite dhe një pasdite.

Pija duhet konsumuar për 15 ditë për të shtuar nivelet e hekurit dhe për të parandaluar aneminë.

Pas këtyre dy javëve, kufizojeni pirjen e lëngut në një gotë në ditë.

Mos harroni të bëni limonin pjesë e vakteve tuaja për të përmirësuar përthithjen e hekurit.

Majdanozi i freskët është gjithashtu një barishte që duhet ta konsumoni, sepse përmban edhe hekur edhe vitaminë C./AgroWeb.org 

Çfarë kanë të përbashkët njerëzit e lumtur

Marrëdhëniet me njerëzit e tjerë janë thelbësore për lumturinë e individit

Studimet për rolin e lumturisë në mirëqenien e njeriut kanë marrë një hov të madh vitet e fundit.

Ekspertët janë veçanërisht të interesuar për sjelljet, qasjet dhe zgjedhjet që nxisin lumturinë tek njerëzit.

Deri tani, ata kanë zbuluar se njeriu mund të ketë nën kontroll të paktën 40% të lumturisë së tij.

Pjesa tjetër kontrollohet nga genet dhe faktorët e jashtëm.

Në këtë artikull të AgroWeb.org do të mësoni për 9 sjelljet dhe zgjedhjet që e bëjnë njeriun më të lumtur.

Marrëdhëniet Shoqërore

Marrëdhëniet me njerëzit e tjerë janë thelbësore për lumturinë e individit.

Një studim specifik që u shtri në një periudhë kohore prej 70 vitesh zbuloi se njerëzit më të lumtur e më të shëndetshëm janë ata që kanë kultivuar marrëdhënie të forta e të shëndosha me njerëz tek të cilët kanë besim dhe gjejnë mbështetje.

Koha Është Flori

Studimet tregojnë se njerëzit e lumtur janë më të interesuar të kenë kohë se para.

Kjo qasje ndaj jetës se koha është flori, i bën njerëzit më të lumtur.

Paraja

Paraja është e rëndësishme për mirëqenien dhe lumturinë.

Megjithatë, studimet tregojnë se sa më të larta të jenë të ardhurat vjetore, aq më e madhe do të jetë lumturia.

Ndërgjegjësimi

Njerëzit që nuk e lënë rutinën dhe ditën t’i vëjë përpara janë më të ndërgjegjshëm për ambientin që i rrethon dhe bukuritë e tij.

Mjafton një gjest i vogël si nuhatja e një trëndafili që t’ju japë energji dhe kënaqësi.

Mos i angazhoni gjërat dhe gjestet e vogla, thonë ekspertët.

Mirësia

Një veprim i mirë ka ndikim mjaft pozitiv tek humori.

Vullnetarizmi, mirësia, bujaria, dashamirësia janë të gjitha tipare të njerëzve të lumtur.

Aktiviteti Fizik

Aktiviteti fizik është i rëndësishëm jo vetëm për djegien e kalorive.

Studimet tregojnë se aktiviteti fizik është i lidhur ngushtë me lumturinë, sepse pikë së pari, lufton stresin dhe largon barrën e mendimeve të këqija.

Më Shumë Eksperienca

Njerëzit kanë tendencën të jenë më të lumtur nëse shpenzojnë para për eksperienca dhe jo për gjëra materiale.

Studiuesit thonë se blerjet që ju mundësojnë eksperienca të reja do ju bëjnë më të lumtur.

Jeto Çastin

Njerëzit e lumtur kanë tendencën të jenë të vetëdijshëm për çdo moment të ditës që kalojnë.

Ata meditojnë dhe vlerësojnë çdo moment, gjë që i bën të lumtur por edhe të shëndetshëm.

Kape çastin dhe jetoje.

Çaji i luledeles kundër kollës dhe bronkitit – Si ta përdorni për shëndetin

Ky çaj ndihmon kundër shumë infeksioneve të rrugëve të frymëmarrjes siç është bronshiti, kolla apo sinoziti.

Luledelet sjellin shumë buzëqeshje tek të rritur e fëmijë.

Prania e tyre në lëndina lajmëron ardhjen e pranverës, ndërkohë që çdo petale fluturon në ajër bashkë me dëshirat e rrëfyera në fshehtësi.

Luledelet nuk janë të  bukura vetëm për sytë apo për kurorat më të bukura.

Ato mund të përgatiten edhe si çaj freskues dhe gjallërues për organizmin.

Çaji i Luledeles Kundër Kollës Dhe Bronshitit

Ky çaj ndihmon kundër shumë infeksioneve të rrugëve të frymëmarrjes siç është bronshiti, kolla apo sinoziti.

Përgatitja e këtij çaji është shumë e thjeshtë.

Mjafton të mblidhni një tufë me lule dhe t’i mbani në një pjatë plastike buzë një dritareje të ndriçuar mirë nga dielli.

Lulet kanë nevojë për 2 ditë për tu tharë plotësisht.

Pasi të thahen ju mund t’i mbani në një kavanoz qelqi ose t’i përdorni si çaj.

Për çajin mund të përdorni edhe lule të freskëta por në sasi të dyfishtë.

Për përgatitjen e çajit ju nevojiten: 250 ml ujë të nxehtë dhe një tufë me luledele.

Ziejeni ujin dhe më pas hiqeni çajnikun nga zjarri.

Shtoni lulet dhe mbylleni kapakun.

Lërini në çajnik për 10 minuta dhe kur uji të ketë marrë një nuancë të verdhë të çelët, kullojeni me një napë të pastër.

Çajin pijeni menjëherë sapo të jetë ftohur pak.

Doza e rekomanduar e këtij çaji është tre filxhanë të vegjël në ditë.

Vlerat e Luledeles Për Shëndetin

Luledelet përmbajnë shumë vajra esencialë të cilët lëshohen në ujë dhe ndihmojnë kundër të ftohurës e bronshitit.

Kjo lule mund të përdoret edhe për të stimuluar oreksin por edhe për të përmirësuar tretjen.

Çaji i luledeles është efikas kundër diaresë dhe në disa raste edhe kundër konstipacionit.

Luledelja mund të përdoret edhe në kuzhinë.

Gjethet, lulet dhe petalet kanë një shije të këndshme dhe për rrjedhojë ato mund të përdoren në supa e sallata./AgroWeb.org

Udhërrëfyesi praktik për larjen e rrobave të dimrit

Rregulli i përgjithshëm për larjen e xhupave të dimrit është që t’i kategorizoni sipas materialit dhe gjithmonë të lexoni udhëzuesin.

Palltot, xhupat dhe xhaketat e dimrit kanë nevojë të lahen dhe pastrohen një ose dy herë në çdo stinë.

Nëse pallton ose xhupin e vishni çdo ditë, ai duhet larë dy herë në sezon.

Palltot e një materiali më të veçantë duhen dërguar tek pastrimi kimik për më shumë përkujdesje.

Udhërrëfyesi Praktik Për Larjen e Rrobave Të Dimrit

Rregulli i përgjithshëm për larjen e xhupave të dimrit është që t’i kategorizoni sipas materialit dhe gjithmonë të lexoni udhëzuesin

Xhupat prej najloni, me push apo pupla duhen larë së bashku me ujë të ftohtë dhe larës të zakonshëm.

Ato duhen mbërthyer në mënyrë që kopsat dhe zinxhiri të mos shkaktojë ndonjë grisje.

Sa i përket palltove, ato mund t’i lani në programin e lavatriçes për larje me dorë dhe që të pengoni zhubrosjen e pallots, fusni disa topa të vegjël tenisi.

Ato jo vetëm që do ta mbajnë pallton të butë dhe pa rrudha por edhe do të përshpejtojnë procesin e tharjes.

Nëse palltot tuaja janë prej leshi, zgjidhni sërish programin më delikat të larjes së rrobave, ose lajeni me dorë.

Në vend të solucionit larës të zakonshëm, përdorni shampo për bebe ose një solucion të përshtatshëm për rroba leshi.

Për ta tharë, pallton vendoseni drejt dhe horizontalisht duke e sheshuar me dorë për të ruajtur formën sidomos tek shpatullat dhe krahët.

Xhaketat dhe xhupat e lëkurës duhen pastruar vetëm në pastrim kimik.

Ruajtja e Rrobave Të Dimrit

Palltot dhe xhupat prej lëkurë, leshi dhe kadifeje kanë nevojë për hapësirë dhe nuk duhet të rrinë ngjeshur me njëri tjetrin.

Ato duhen mbajtur në varëse druri në pak distancë nga njëra tjetra.

Palltot mund t’i ruani të palosura mirë edhe në kuti të ndryshme plastike.

Xhupat dhe xhaketat e dimrit mund të ruhen në qese të përshtatshme për vakum.

Të gjitha rrobat e dimrit duhen mbajtur në vende të thata, të errëta dhe të freskëta./AgroWeb.org

Stresi dhe mërzia nxisin dhimbjet e reumatizmës

Lidhja mes reumatizmës dhe motit sipas shkencëtarëve nuk është klinikisht domethënëse.

Njerëzit që vuajnë nga reumatizma shpesh fajësojnë ndryshimin e stinëve dhe motin e keq për intensitetin e dhimbjeve të tyre.

Lidhja mes reumatizmës dhe motit sipas shkencëtarëve nuk është klinikisht domethënëse. Kjo do të thotë se deri tani nuk është gjetur një lidhje e fortë mes simptomave të reumatizmës dhe motit të keq.

Ajo që shkencëtarët kanë konfirmuar është se stresi dhe mërzia ka një rol të fortë në shpërthimin e simptomave të reumatizmës dhe artritit.

Pra, sipas tyre, kur jeni të mërzitur e të stresuar, kockat dhembin më shumë.

Shkencëtarët shpjegojnë se ulja e stresit në jetën e përditshme është një pjesë e rëndësishme e përkujdesjes për veten dhe mbrojtjes nga dhimbjet e reumatizmës.

Më poshtë do të mësoni për 4 hapa të nevojshëm që duhet t’i praktikoni çdo ditë dhe rregullisht që të qëndroni larg situatave stresuese që nxisin dhimbjet.

Frymëmarrja

Qëndroni ulur në një vend të qetë. Mbyllni sytë dhe merrni frymë thellë dhe ngadalë.

Sa herë që të merrni frymë thellë përsërisni fjalë pozitive siç janë “paqe”, “qetësi” e të tjerë.

Imagjinojeni veten sikur jeni duke u relaksuar në një vend të bukur.

Pikturojeni këtë vend në mendjen tuaj dhe mundohuni të përfytyroni paraqitjen, aromat, tingujt e atij vendi.

Kaloni disa minuta pushime në vendin e ‘ëndrrave tuaja.’

Aktiviteti Fizik

Aktivitete fizike siç mund të jetë ecja, ndihmojnë në largimin e stresit, dhimbjeve dhe përmirësimit të gjumit.

Lëvizjet tuaja shoqërojini gjithmonë me frymëmarrje të thellë dhe të qëndrueshme.

Ndërveprimi Social

Bisedoni me miqtë e ngushtë dhe ndani me ta shkaqet që ju bëjnë të ndiheni të stresuar.

Një tjetër mënyrë për tu ndjerë të çliruar është që të mbani një ditar, të pikturoni ose të qëndisni.

Vendosja e Prioriteteve

Në mëngjes ose në mbrëmje përpara se të flini, vendosni një listë prioritetesh për ditën tjetër.

Caktoni me rradhë gjërat që duhen bërë dhe hiqni dorë nga gjërat e panevojshme.

Nëse ndiheni sikur stresi ju ka mposhtur atëherë konsultohuni me një mjek për ide më të specializuara se si të menaxhoni stresin./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore. 

OKB – Mbetjet Farmaceutike në Shqipëri një Problem Serioz

Këto mbetje ndahen në disa grupe të ndryshme për nga rëndësia dhe rrezikshmëria e tyre në organizëm e mjedis.

Mbetje farmaceutike konsiderohet çdo pasije apo produkt që del nga zona spitalore apo farmacitë dhe mbart një rrezik infektimi apo kontaminimi.

Këtu përfshihen të gjithë medikamentet që përdoren në qendra spitalore, farmaci, ambulanca, dentist apo veteriner.

Këto mbetje ndahen në disa grupe të ndryshme për nga rëndësia dhe rrezikshmëria e tyre në organizëm e mjedis.

Janë ndër të vetmet që nuk mund të depozitohen në landfillet normale të qyteteve, për shkak të rrezikshmërisë së madhe që mund të përcjellin.

Në të gjitha vendet e zhvilluara të botës janë hartuar plane të detajuara menaxhimi dhe asgjësimi sa më efikas të këtyre mbetjeve.

Në këtë artikull nga AgroWeb.org ju tregojmë më shumë mbi këtë çështje dhe menaxhimin e këtyre mbetjeve në vend.

Situata në Shqipëri

Edhe në Shqipëri egziston një ligj për menaxhimin e mbetjeve për të gjithë vendin.

Gjithashtu edhe një vendim i veçantë për mbetjet spitalore i cili përcakton qartë të gjitha masat e nevojshme që duhen marrë për këtë çështje.

Megjithëse përgjatë 30 viteve të fundit, duket se  panorama e menaxhimit të këtyre mbetjeve nuk është ajo e paracaktuara nga ligji.

Këtë e konfirmon edhe një nga publikimet e fundit të OKB për Shqipërinë, ku thuhet se keqmenaxhimi i mbetjeve kimike është një problem shumë serioz.

Në publikimin zyrtar të tyre thuhet se shpesh mbetjet farmaceutike groposen në toka të hapura për njerëzit apo digjen në ambiente publike.

Rreziku që vjen nga këto mbetje është i madh dhe konstant, pasi mund të infektojnë jo vetëm tokën, të mbjellat, por edhe ujin e lumenjtë.

Në këtë mënyrë mund të krijohen probleme të mëdha si në mjedis ashtu edhe në popullsi, duke krijuar rrezik për sëmundje të ndryshme.

Në vitin 2015 në vendin tonë u kapën rreth 1 ton ilaçe të skaduara të depozituara në një lum në komunën Zall Herr shumë afër Tiranës.

Sipas OKB ky problem vazhdon ende edhe sot, e kryesisht për shkak të keqmenaxhimit kombëtar të këtyre mbetjeve kimike nga organet shtetërore.

Çfarë pritet të bëhet

Për të parandaluar këto probleme edhe në të ardhmen Shqipëria dhe OKB po bashkëpunojnë në një projekt 20 mujor që ka nisur në Shtator të 2019.

”Një projekt ambicioz për të vendosur dhe forcuar panoramën institucionale në vend dhe kapacitetet ndërkombëtare në menaxhimin e mbetjeve kimike” – thuhet në publikimin nga OKB.

Nën vazhdën e këtij projekti, Shqipërisë do t’i duhet të themelojë një Njësi Menaxhimi të Mbetjeve që do të varet nga Agjencia Kombëtare e Barnave dhe Paisjeve Mjekësore.

Qëllimi më i madh i krijimit të kësaj njësie është menaxhimi i duhur i mbetjeve farmaceutike, si dhe reduktimi sa më i madh i tyre.

Gjithashtu, një nga pikat e forta të këtij programi është rritja e ndërgjegjes dhe informacionit mbi dëmet që këto veprime shkaktojnë tek njeriu dhe mjedisi.

Ngrohja globale – Toka plot 420 muaj me temperatura jashtë normales

Emetimet e gazrave në atmosferë janë në kulmin e tyre dhe po rriten në mënyrë të paprecedentë.

Shkurti i vitit 1985, ishte muaji i fundit që toka ka pasur një temperaturë normale, të paktën në krahasim me shekullin e 20-të.

Në 420 muajt në vazhdim, temperatura e tokës ka qenë mbi mesataren e regjistruar në shekullin e 20-të.

Ndërkohë, sipas të dhënave të Departamentit Amerikan Për Oqeanet Dhe Administrimin  Atmosferik kanë treguar se dhjetori i vitit 2019 ishte i dyti për nga nxehtësia i regjistruar në 140 vitet e fundit.

Sipas të njëjtave të dhënave, muaji dhjetor në gjashtë vitet e shkuara ka qenë më i nxehti në histori.

Çfarë Dihet Deri Tani?

Sipas të dhënave të cilave u referohet AgroWeb.org :

2019 ka qenë viti më i nxehtë i regjistruar ndonjëherë.

19 nga 20 vitet e fundit kanë qenë më të nxehtit të regjistruar ndonjëherë.

Oqeaniet vazhdojnë të përthithin nxehtësi dhe janë ngrohur tej mase që nga viti 1990.

Paralajmërimet e Ekspertëve

Ekspertët paralajmërojnë se ngrohja e vazhdueshme e klimës do të shoqërohet me problematika të mëdha në glob.

Sipas tyre, emetimet e gazrave në atmosferë janë në kulmin e tyre dhe po rriten në mënyrë të paprecedentë.

Nivelet e dioksidit të karbonit nuk kanë qenë kaq të larta në të paktën 800,000 vitet e fundit, në mos në miliona vitet e fundit.

Po Evropa?

Studimet të cilave u referohet AgroWeb.org kanë paralajmëruar gjithashtu se ndryshimet klimatike do të kenë pasoja edhe në vendin tonë.

Një raport i vitit 2016, shpjegonte se deri në vitin 2050, afro 250 njerëz mund të humbasin jetën në vit si pasojë e ndryshimeve në regjimin ushqimor si pasojë e klimës.

Shqetësues është fakti se Evropa është më e prekura, ku Greqia dhe Italia kanë gjithashtu shifra alarmante me respektivisht 124 dhe 89 vdekje për një millionë banorë në vit.

Ndryshimet ekstreme të motit, si përmbytjet dhe temperaturat e larta, sipas ekspertëve të studimit të publikuar në “The Lancet medical journal”, do të shkatërrojnë të mbjellat dhe sigurimi i ushqimit mund të pakësohet me një të tretën deri në vitin 2050.

Kjo do të çonte në një ulje prej 99 kalorish për person në ditë, duke ndikuar drejtpërdrejt në peshën trupore të njeriut./AgroWeb.org