VOAL

VOAL

Please Wait ...
0%

Si ndikon rritja e temperaturave tek personat që vuajnë nga gurët në veshka

By | June 14, 2019

Komentet

Çfarë i ndodh metabolizmit kur hani pas orës tetë në darkë

Shëndeti i Stomakut.

Të gjithë e kemi dëgjuar paralajmërimin se nuk duhet të hash darkë pas orës tetë, ose do të shtosh në peshë.

Por metabolizmi ynë nuk është se ndalon së punuari në darkë. Prandaj çelësi i suksesit qëndron tek raporti i kalorive që konsumoni dhe atyre që digjni.

Gjithsesi nëse flasim për personat që duan të bien nga pesha është mirë që të mos konsumojnë produkte të rënda gjatë darkës.

Shumica e personave e arrijnë limitin e kalorive ditore brenda darkës dhe prandaj këshillohet që të mos konsumojnë më ushqime gjatë darkës.

Por nëse ju e keni llogaritur që sasinë e kalorive ditore ta konsumoni në një orar më të zgjatur, këtu nuk ka asnjë problem në lidhje me rënien nga pesha.

Duke thënë këtë është e rëndësishme që të vini re se çfarë keni konsumuar para orës tetë të darkës.

Nëse e keni tejkaluar me ndonjë vakt të plotë, apo nuk keni ecur mjaftueshëm për të djegur disa prej kalorive, është e mira që të mos bini në mëkat.

Si dhe është e mira që të qëndroni larg karbohidrateve, pasi ato kthehen në glikogjen.

Mund të digjni kalori gjatë gjumit?

Përmes një procesi të komplikuar, mëlçia përdor glikogjenin për të rregulluar nivelet e sheqerit.

Por kur kjo substancë prodhohet me shumicë, fillon dhe grumbullohet si masa dhjamore në trup.

Pra nëse keni uri gjatë natës kini kujdes me ushqimin që zgjidhni për të ngrënë.

Zgjidhni frutat ose perimet dhe qëndroni larg ëmbëlsirave apo ushqimeve me yndyrë.

Një këshillë për ju; provoni të konsumoni një filxhan me çaj qetësues siç është kamomili, dafina apo sherebela.

Hani një darkë të plotë

Sigurohuni që të konsumoni një vakt sa më të plotë që do të largojë nevojën për të ngrënë pas saj.

Këshillohet që të qëndroni larg ushqimeve me karbohidrate dhe me yndyrna të plota.

Pini shumë ujë dhe pastaj mbylleni ditën me një filxhan me çajin tuaj të preferuar.

Lani dhëmbët para se të flini

Jo vetëm për higjeni dhe përkujdesjen e dhëmbëve, por edhe si një mekanizëm që ju ndërpret urinë.

Njësoj si çamçakëzi, edhe pasta e dhëmbëve krijon ndjesinë e ngopjes dhe ju heq mendjen nga ushqimi.

Flini në një orar të përshtatshëm

NDonjëherë kur rrini zgjuar deri në orët e vona mund të bini e pre e ngrënies së pa menduar.

Pra ju thjesht hani se nuk keni çfarë të bëni, apo thjesht jeni të mëzitur./AgroWeb.org

Mandarinat e gjelbra shqiptare – Fuqitë e forta natyrore kundër problemeve shëndetësore

Mandarinat e gjelbra janë një lajm i mirë për ata që kontrollojnë sasinë e sheqerit natyral që marrin nga frutat.

Shumëkush i preferon mandarinat e gjelbra me një shije të thellë, të thartë e të ëmbël në të njëjtën kohë.

Ato janë bujare duke na dhënë vitaminën e nevojshme C për sistemin imunitar, i cili na ndihmon të luftojmë ftohjet, virozat dhe gripin.

Shqipëria është me fat që ka agrume nga më cilësoret. Në këto ditë, të parat që kanë dalë në treg janë mandarinat gjysëm të gjelbra.

Duke qenë se janë mandarinat e para të sezonit, ato nuk janë të pjekura plotësisht dhe shija e tyre dominohet nga athtësia.

Të Mira Për Kontrollin e Sheqerit, Shëndetin e Mëlçisë dhe Presionin e Gjakut

Mandarinat e gjelbra janë një lajm i mirë për ata që kontrollojnë sasinë e sheqerit natyral që marrin nga frutat. Sidomos për diabetikët e tipit 1 dhe 2, mandarinat e gjelbra janë një zgjidhje ideale.

Gjithashtu athtësia e mandarinave të gjelbëra është e jashtëzakonshme për shëndetin e mëlçisë apo për përmirësimin e tretjes.

Antioksidantët që gjenden tek mandarinat, ulin kolesterolin e keq dhe largojnë radikalet e lira nga organizmi. Shumë të pasura me fibra, mandarinat lehtësojnë rënien në peshë.

Nëse konsumoni mandarina të gjelbra rregullisht, tensioni juaj i gjakut do të jetë më i ekuilibruar.

Vitamina C tek ky frut plot shije lufton të ftohtin e gripin dhe forcon imunitetin.

Përfitimet kundër plakjes së parakohshme

Vitaminës C i thurin shumë lavde kur vjen puna tek roli i saj në sistemin imunitar.

Por roli i kësaj vitamine është shumë i çmuar në prodhimin e kolagjenit që ndihmon në mbrojtjen e qelizave nga dëmet e shkaktuara prej ndotjes së mjedisit.

Lexoni më poshtë rekomandimin e AgroWeb.org se si thjeshtësisht mund të kombinoni agrumet më të mira të stinës për një lëng që ju jep shije dhe shumë shëndet të mirë.

Përbërësit:

– 3 mandarina të gjelbra
– 1 limon i verdhë
– 2 kërcenj selinoje
– 4 gjethe spinaqi

Udhëzimet për përgatitjen në shtëpi

Lajini produktet me ujë të rrjedhshëm

Qëroni mandarinat dhe limonët

Hidhini të gjithë përbërësit në një shtrydhëse frutash dhe shijoni lëngun dhe mushtin e tyre

Produkte të tjera zëvëndësuese

Mandarinën mund ta shoqëroni edhe me portokallin ose karrotën. Limonin e verdhë mund ta këmbeni me qitron, e cila sjell shumë përfitime për shëndetin.

Selinonë mund ta zëvëndësoni me kunguj të vegjël ose një a dy tufa me majdanoz të freskët.

Spinaqin mund ta zëvëndësoni me fletë sallata jeshile, marule ose pazi.

Pesë trajtime të thjeshta natyrale kundër tharjes së duarve

Mjalti ndihmon për një paraqitje më rinore të lëkurës së duarve.

Ndryshimi i stinëve dhe temperaturave manifestohet edhe në simptoma të ndryshme që prekin shëndetin e lëkurës.

Duart janë të parat që përballen me pasojat e këtyre ndryshimeve.

Ato përthahen dhe rrudhen më shpejt, jo vetëm prej temperaturave të ftohta por edhe prej ekspozimit afatgjatë ndaj ujit, kimikateve të ndryshme, papastërtive dhe diellit.

6 Kurat Më Të mira Natyrale Kundër Tharjes Së Duarve

Vaji I Ullirit

Të dhënat e AgroWeb.org tregojnë se vaji i ullirit përmban acide yndyrore të shëndetshme dhe antioksidantë.

Këta të fundit e ushqejnë, hidratojnë dhe zbusin lëkurën.

Mjafton të lyeni lëkurën me vaj ulliri dhe ta mbani për pak minuta përpara se ta lani.

Mjalti

Mjalti ndihmon për një paraqitje më rinore të lëkurës së duarve.

Ai është i pasur me antioksidantë dhe lufton mikrobet.

Lëkura e duarve është më e ushqyer dhe më e butë.

Ajka E Qumështit

Ajka e qumështit përmban acid laktik që ndihmon në eliminimin e qelizave të vdekura.

Sipas të dhënave të AgroWeb.org, ajo ruan ekuilibrin e pehashit në lëkurë dhe e ushqen atë.

Ajka është e pasur me yndyrë ndaj e zbut ndjeshëm lëkurën e duarve.

Mjafton të fërkoni duart me ajkën e freskët dhe ta mbani atë për 10 deri në 15 minuta.

Më pas lajini duart me ujë të vakët.

Këtë kurë mund ta bëni çdo ditë dhe duart tuaja të tjerët do t’i kenë zili.

Kosi

Kosi është aleat i shkëlqyer i lëkurës.

Vetitë e tij janë të ngjashme me ato të ajkës së qumështit.

Acidi laktik largon qelizat e vdekura dhe e hidraton ndjeshëm lëkurën.

Lëngu I Limonit

Lëngu i limonit bën mrekullira kundër përtharjes së lëkurës.

Ai është një burim i shkëlqyer i kaliumit që i jep jetë dhe shkëlqim lëkurës së thatë.

Vitamina C nga ana tjetër shmang rrudhat e para që shkaktohen nga tharja afatgjatë e lëkurës.

Agrobizneset shqiptare pjesë e financimit 3 miliardë Euro nga BERZH

Banka Europiane për Rindërtim dhe Zhvillim pritet të bëjë një financim mbi 3 miliardë euro në mbi 160 projekte agrobiznesi në Europën Juglindore, përfshirë Shqipërinë.

Sektori i agrobiznesit në Europën Juglindore mund të adresojë me sukses sfidat e së ardhmes nëpërmjet rritjes së bashkëpunimit brenda sektorit dhe integrimit më të madh rajonal, sipas një konference të industrisë së nivelit të lartë të organizuar nga BERZH.

Pjesëmarrësit në “Samitin e Rregullave të Konsumatorit” në Beograd thanë që bashkëpunimi intensiv midis të gjithë aktorëve përgjatë zinxhirit të vlerës ishte i domosdoshëm pasi agrobiznesi u përball me çështje urgjente, siç janë ndryshimi i kërkesës së konsumatorit, transformimi dixhital dhe ndryshimi i klimës.

Të pranishëm në konferencë ishin më shumë se 120 përfaqësues nga kompani aktive në të gjithë zinxhirin e agrobiznesit nga Bashkimi Europian, Europa Juglindore, Lindja e Mesme, Afrika dhe Turqia.

Gjatë konferencës u ra dakord që rajoni të bëhej:

  • më konkurrues,
  • duheshin modele të reja biznesi që lejonin transformimin e sistemeve të prodhimit, shpërndarjes dhe konsumit.

Reagimet nga Drejtues të BERZH që Ishin Prezent Gjatë Samitit të Rregullave të Konsumatorit

Natalya Zhukova, drejtore e BERZH për Agrobiznesin, tha: “Ne jemi këtu për të promovuar Investime të reja Direkte të Huaja dhe për të mbështetur agrobizneset, përfshirë bizneset e vogla të orientuara nga eksporti, për të hyrë në tregjet e reja të nivelit të lartë të tilla si BE duke prodhuar produkte me cilësi të lartë. Ne e shohim integrimin – brenda rajonit dhe pjesën tjetër të Europës – jo vetëm si një instrument të fuqishëm për zgjerimin e tregtisë së mallrave dhe shërbimeve, por edhe si një mënyrë për të nxitur shkëmbimin e ideve të reja dhe inovacionit.”

Miljan Rdrale, shefi i BERZH për Agrobiznesin për Europën Qendrore dhe Lindore, shtoi: “Në nivel global, sektori po kalon ndryshime të pashembullta të shkaktuara nga faktorë të ndryshëm: lëvizjet demografike, paqëndrueshmëria e regjimeve tregtare, dixhitalizimi, ndryshimi i klimës dhe rritja e kërkesës së konsumatorit. Shumë biznese në të gjithë botën e kuptojnë sot se qëndrueshmëria dhe inovacioni janë domosdoshmëri për operacionet e tyre dhe brenda zinxhirëve të tyre të furnizimit. Ne në BERZH jemi të gatshëm ta mbështesim këtë – me financim, ekspertizë teknike dhe reforma të politikave.”/Burim: Revista Monitor

Preshi shqiptar – Vlerat për shëndetin dhe pse duhet ta konsumoni

Preshi është një zgjedhje e shkëlqyer për të gjithë ata që duan të ndjekin një dietë të shëndetshme.

Vlerat e kesaj superperimeje janë të nënvlerësuara.

Por padyshim i njihnin mirë Grekët e Lashtë, Romakët dhe Egjiptianët përshembull, që i jepnin preshit kredite për vlerat e tyre terapeutike.

Perandori romak Nero gjithashtu e pinte dëndur lëngun e preshit për të forcuar zërin.

Ndërkohë që ne shqiptarët, preshin e përdorim në shumë mënyra; të gatuar në supë, ashtu të gjallë apo në lakrorin karakteristik që njihet në botë për vulën e tij “Made in Albania”.

Sepse preshi ka aq shumë të mira shëndetësore saqë nuk mund të injorohet.

Ato fillojnë që nga lehtësimi i dhembjeve të fytit, tek mbajtja larg e gurëve në veshka, deri te luftimi i qelizave të dëmshme, sa për të përmendur disa syresh.

Dhe padyshim ajo që është e mirë për shëndetin, shpesh ndodh të jetë e mirë edhe për biznesin.

Kështu thotë për AgroWeb.org edhe Kujtim Lika, i cili e eksporton këtë perim në rajon.

“Preshi hyn padiskutim në familjen e perimeve për të cilat ka më shumë kërkesë”, thotë Lika për Agroweb. Ai e eksporton preshin shqiptar kryesisht në Poloni, Bullgari, Bosnjë Hercegovinë dhe Ukrainë.

Preshi është shumë rezistent ndaj të ftohtit dhe ngricave.  Ai ka mundësi që të kultivohet deri nga fundi i muajit prill pothuajse në shumë zona të vendit.

Prodhimin më të madh e ka zona e Lezhës me 600 kv dhe Tirana me 300kv, duke u eksportuar përgjatë të gjithë dimrit dhe pranverës.

“Ne eksportojmë në të gjithë rajonin”, thotë për AgroWeb.org, Saimir Biti një tjetër eksportues duke pohuar se kërkesa për këtë perim ka ardhur në rritje.

“Do të thoja madje dhe më shumë se lulelakra, karrota apo kungulli. Gjatë kohës së komunizmit preshi ishte një nga perimet me prodhimtari dhe eksport të lartë.

Në Shqipëri një kilogram presh shitet mjaft lirë, ndërkohë që në Britaninë e Madhe përshembull çmimi shkon në 400 lekë për 400 gramë presh dhe në Shtetet e Bashkuara shifra mund të shkojë deri 1300 lekë për 1 kg.

Po, është kaq i shtrenjtë për shkak dhe të vlerave të mëdha që ka si perim.

Tretet shumë më shpejt se qepët dhe ka vlera laksative, antiseptike, diuretike dhe ndihmon kundër artritit.

Dhe nëse konsumohen rregullisht të ndihmon të jesh në formë dhe i shëndetshëm.

Shikoni se çfarë i bën preshi trupin tonë dhe do të fluturoni drejt tregut për ta blerë.

preshi

Ndihmon në funksionimin e mirë të veshkave

Duke qenë se preshi përmban 1/8 e e sasisë ditore të potasit që duhet të marrë një i rritur, inkurajon në funksionimin e mirë të veshkave duke shërbyer si diuretik.

Presh për një zemër të shëndetshme

Ngrënia e preshit ka treguar se ul kolesterolin e keq dhe në të njëjtën kohë rrit kolesterolin e mirë.

Kjo është shumë e rëndësishme për të parandaluar trashjen e pllakave të enëve të gjakut që gjenden në disa lloj sëmundjesh.

Nëse pllakat trashen shumë apo këputen ato mund të shkaktojnë atak kardiak ose hemoragji.

Perimet e familjes allium, ku përfshihet dhe preshi ndihmojnë në uljen e presionit të gjakut, një faktor tjetër që kontribuon në sëmundjet kardiake.

Për stabilizimin e sheqerit në gjak

Preshi është një burim shumë i mirë me manganez dhe vitaminë B6, vitaminë C, folat dhe hekur.

Të gjithë këto ushqyes veprojnë në trupin e njeriut duke stabilizuar sheqerin në gjak. Po ashtu duke ulur përthithjen e sheqerit nga trakti tretës.

I shkëlqyer dhe për nënat shtatëzëna

Preshi është një burim shumë i mirë me vitaminë B dhe folat. Folati është shumë i rëndësishëm për gratë shtatëzëna duke ulur rriskun për defektet e shtyllës kurrizore.

Një porcion me presh të gatuar përmban gati 1/3 e sasisë së folatit të rekomanduar për konsum nga një i rritur.

Për një dietë të shëndetshme

Preshi është një zgjedhje e shkëlqyer për të gjithë ata që duan të ndjekin një dietë të shëndetshme, duke qenë se ka pak kalori dhe është plot me vitamina e minerale./AgroWeb.org

Shega dhe diabeti – Ndikimi në shëndetin e zemrës

E mbushur me vlera dhe shije, shegët prej kohës njihen si një ilaç natyral që promovon shëndetin e mirë.

Me një pamje po aq mahnitëse dhe interesante sa kanë dhe shijen, shegët mund të quhen eliksiri i vërtetë i jetës.

Kokrrizat e vogla të panumërta me ngjyrën karakteristike të kuqe, mblidhen në mënyrë perfekte brenda këtij fruti me vlera të jashtëzakonshme shëndetësore.

Shega është pa dyshim një ndër frutat më përfaqësuese të stinës së vjeshtës.

E mbushur me vlera dhe shije, shegët prej kohës njihen si një ilaç natyral që promovon shëndetin e mirë.

Shumë studime dhe ekspertë e konfirmojnë këtë prej vitesh.

Ndaj në këtë artikull nga AgroWeb.org ju tregojmë ndikimin e shegës kundër diabetit dhe për shëndetin e mirë të zemrës.

Si Ndikon Shega Tek Diabetikët

Në një studim të publikuar në vitin 2014 të cilit i referohet AgroWeb.org, tregohen vlerat e shegës tek të sëmurët me diabeti të tipit 2.

Pavarësisht se vetë shega është një frut që përmban sheqer dhe mund të duket si zgjedhje e gabuar, ekspertët thonë të kundërtën.

Në studimin ku morën pjesë vetëm 85 veta të cilët konsumuan sasi të caktuara lëngu shege, u vu re se vetëm pas tre orësh këta persona pësuan ulje të nivelit të sheqerit në gjak.

Megjithëse mjekët nuk japin ende të dhëna se si ky frut e ndikon dhe e heq glukozën e tepërt nga trupi, ka disa shifra se si duhet ta konsumoni.

Këshillohet një sasi e caktuar për konsumin e këtij fruti në ditë në mënyrë që të përfitoni vlera të shumta.

Ekspertët rekomandojnë 1.5 ml për çdo kilogramë, pra rreth 105 ml për një person me peshë 70 kg.

Konsumimi i kokrrave të shegës apo lëngut të saj ndihmon në uljen ndjeshëm të glukozës në gjak.

Duke ulur kështu rrezikun e prekjes nga diabeti.

Këto shifra janë të njëjta si për femra ashtu edhe për meshkujt.

Si Ndikon Tek Shëndeti i Zemrës

Lëngu i shegës mund të ndikojë edhe në shëndetin e mirë të zemrës tek të sëmurët me diabet.

Ky frut ndihmon në uljen e rrezikut të prekjes nga arterioskleroza.

Gjithashtu dhe një sërë sëmundjesh të tjera kardiovaskulare, të cilat mund të shkaktohen nga diabeti.

Duke qenë një antioksidant shumë i fuqishëm e plot vlera e ndihmon organizmin në shumë mënyra.

Ku përfshihet ulja e sheqerit në gjak, kolesterolit të keq gjithashtu edhe në frendimin e përhapjes së qelizave të këqija në trup.

Prandaj përfitoni ta konsumoni këtë frut të mrekullueshëm përsa kohë e gjeni të freskët gjatë muajve të vjeshtës.

Dimri që vjen pritet të jetë më i ftohti i 8 viteve të fundit – Cilat janë parashikimet

Sipas parashikimeve meteorologjike, dimri i vërtetë pritet të ndodhë jo në fillim të stinës së tij, pra, jo në muajin dhjetor.

Pritet të jetë dimri më i ftohtë i tetë viteve të fundit. Acari dhe i ftohti ekstrem pritet të përfshijë Europën, Ballkanin Perëndimor, përfshirë dhe Shqipërinë gjatë stinës së dimrit.

Sipas parashikimeve meteorologjike, dimri i vërtetë pritet të ndodhë jo në fillim të stinës së tij, pra, jo në muajin dhjetor.

Ngrohtë në Dhjetor, Acar Ekstrem në Janar

Meteorologët, të cilëve u referohet AgroWeb.org  deklarojnë se stina e dimrit do të nisë jo si zakonisht, muaji dhjetor do të karakterizohet nga temperatura relatavisht të larta për këtë stinë duke lëvizur midis 12-17 gradë celcius.

Por gjithçka do të ndryshojë gjatë muaji janar. Temperatura ekstremisht të ulëta do të karakterizojnë gjithë Europën, përfshirë dhe Shqipërinë.

Masat e acarta ajrore do të jenë të pazakonta ku temperatura pritet të shkojë deri edhe -10 deri – 20 gradë celcius në disa zona të caktuara.

Meteorologu amerikan Todd Crawford, thotë se pjesa e madhe e Evropës veriore gjatë janarit dhe shkurtit do të kaplohet nga të ftohtit ekstrem, që do konsiderohet si dimri më i ftohtë në tetë vitet e fundit.

Vjeshta

Në jug të Evropës gjatë tetorit e deri në dhjetor pritet të jetë më nxehtë nga sa zakonisht karakterizohen këto muaj.

Në Britani të Madhe, në pjesën veriore të Evropës dhe në jug të Skandinavisë pritet të ketë reshje, e në jug të Evropës, si dhe vendet e ballkanit Perëndimor  do të jetë më thatë.

Për pjesën e Shqipërisë, përgjithësisht muaji tetor pritet të jetë i ngrohtë dhe pa rreshje shiu. Shira lokale me intensitet të ulët parashikohen vetëm në disa zona veriore të vendit në javën e tretë të muajit.

Ndërsa për muajin nëntor, temperaturat do të vijojnë të ngrohta por rreshjet e shiut do të jenë më prezente.

Konkretisht, sipas shërbimit meteorologjik, AccuWeather, të cilit i referohet AgroWeb.org, në javën e dytë dhe të tretë të muajit nëntor pritet të ketë rreshje shiu dhe një rënie të vogël temperaturash.

Megjithatë, në tërësi të cilat në tërësish do mbeten të larta në krahasim me temperaturat që karakterizojnë këtë stinë.

Zbulohet formula për një zemër të shëndetshme gjithë jetën

Ngrënia e pesë racioneve me fruta dhe perime në ditë është e domosdoshme për shëndetin e zemrës.

Shëndeti i mirë i zemrës është një objektiv parësor që duhet ta ketë çdo njeri.

Ai nuk ka plotësisht një origjinë gjenetike dhe është në varësi edhe të stilit të jetesës.

Rrjedhimisht, njeriu mund të marrë disa masa, sado të vogla, për të bërë një ndryshim rrënjësor në shëndetin e zemrës.

Rreziku i sëmundjeve të zemrës pëson një ulje shumë të madhe kur njeriu heq dorë nga jeta pasive dhe angazhohet në aktivitet fizik për të paktën një orë në javë.

Ekspertët thonë se sa më aktiv të  jetë njeriu, aq më shëndetplotë është ai.

Megjithatë, sipas studimeve të cilave u referohet AgroWeb.org, një orë aktivitet i plotë fizik gjatë javës bën një ndryshim të rëndësishëm.

Studimet e fundit rekomandojnë ndjekjen e planit 5-10-8 që synon të minimizojë rreziqet e sëmundjes së zemrës dhe të garantojë një shëndet të mirë dhe afatgjatë të saj.

Gjeni më poshtë të shpjeguar në artikullin e AgroWeb.org formulën e jetëgjatësisë.

5 Racione Fruta Dhe Perime

Ngrënia e pesë racioneve me fruta dhe perime në ditë është e domosdoshme për shëndetin e zemrës.

Në mëngjes mund të konsumoni një racion frutash dhe perimesh dhe më pas të konsumoni disa të tjerë gjatë vakteve.

Bëni një përpjekje të vërtetë dhe qëndrojini parimit të pesë racioneve fruta dhe perime në ditë.

Përzgjedhja e tyre është tërësisht në dorën tuaj.

10 Minuta Aktivitet Fizik

AgroWeb.org ju këshillon të kryeni çdo ditë të paktën 10 minuta aktivitet intensiv fizik në ditë.

Rekomandimet thonë që njeriu duhet të lëvizë minimalisht për 30 minuta në ditë, por 10 minuta munden të bëjnë ndryshim.

Studimet kanë treguar se një aktivitet fizik për 60 deri në 90 minuta në javë e ul rrezikun e sëmundjeve të zemrës me 50 përqind.

Ngjisni shkallët, ecni, lëvizni në të mirë të zemrës.

8 Orë Gjumë

Cilësia e gjumit është shumë e rëndësishme për zemrën.

Garantimi i saj mund të jetë proces sfidues për ju, megjithatë është shumë e rëndësishme.

Ndonëse nevojat për gjumë të njerëzve janë të ndryshme, synoni të flini 8 orë gjumë të mirë dhe pa shqetësime.

Këto hapa mund të provohen fillimisht gjatë harkut kohor të dy javëve përpara se të bëni ndryshime madhore në stilin tuaj të jetesës./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Hudhrat e kuqe të Shqipërisë – Pse çmohen fort për vlerat shëndetësore dhe shijen

E veçanta e kësaj hudhre është shija e fortë që ka duke i bërë speciale gatime.

Ka disa produkte tipike shqiptare që ndoshta nuk përbëjnë shumë kuriozitet për vetë ne shqiptarët por kur vjen puna tek turistët e huaj, ato tërheqin menjëherë vëmendjen.

Një grup turistësh gjermanë, teksa vizituan rajonin e Prespës u mahnitën nga gatimet tradicionale shqiptare atje, teksa shijen më të veçantë të disa prej gatimeve tipike e kanë gjetur tek hudhrat e kuqe.

Madje, ata janë kujdesur që disa tufëza të vogla me hudhra të kuqe t’i marrin me vete si produkte bio dhe të veçanta nga Shqipëria.

Ladi Çomo, administruesi i një pike agroturizmi thotë për AgroWeb.org se hudhrat e kuqe janë një produkt që tërheq shumë vëmendjen e turistëve të huaj.

“Duke qenë se është një produkt i veçantë dhe shijen e ka më unike se hudhrat e bardha ne mundohemi që t’ua prezantojmë vetë turistëve, të cilët jo vetëm mbeten të mahnitur kur e provojnë por marrin gjithnjë me vete.

E veçanta e kësaj hudhre është shija e fortë që ka duke i bërë speciale gatime.

Ndërkohë që hudhra e kuqe vlerësohet shumë edhe për vlerat e forta shëndetësore që ka. Këtu në zonën tonë ajo përdoret gjerësisht në kura të ndryshme popullore” thotë Çomo për AgroWeb.org.

E njohur në Shqipëri, E rrallë në botë

Hudhra e kuqe është një varietet i veçantë, që fatmirësisht gjendet në zona të ndryshme të Shqipërisë por në botë ajo mbetet e rrallë.

Dikur, fara e saj ka qenë shumë popullore sidomos në fshatrat e vendit, zona në të cilat fshatarët kujdesen që ta kultivojnë edhe sot.

Një varietet i rrallë, shumë i njohur nga shefat më prestigjioze të kuzhinës në botë ashtu si edhe nga mjekësia popullore për përdorimet e saj shëruese.

Ndonëse nuk haset shpesh në tregjet e mëdha, hudhrat e kuqe gjenden lehtë në tregjet e fshatarëve dhe kanë të njëjtin çmim si ato të bardha.

AgroWeb.org ju sjell më poshtë vlerat e veçanta të hudhrës së kuqe, të cilat çmohen fort për vetitë e tyre shëndetësore.

Përfitimet Shëndetësore Të Hudhrës Së Kuqe

Quhet e kuqe për shkak të ngjyrës së lëkurës së saj ndonëse thelpinjtë e saj janë të bardhë.

Për nga pikëpamja e vlerave ushqimore, hudhra e kuqe ka të njëtat vlera ashtu si edhe e bardha  por në krahasim me këtë të fundit ka disa veti të tjera më të veçanta shëndetësore.

E përdorur në receta të ndryshme ajo u jep gatimeve një shije të këndshme dhe aromë fantastike.

Hudhra e kuqe vlerësohet për përmbajtjen e saj natyrale të organosulfurit, një substancë me shumë përfitime për shëndetin e organizmit.

Këto substance vlerësohen se mbrojnë organizmin nga sëmundjet tumoriale.

Hudhra e kuqe vlerësohet gjithashtu për vetitë e forta anti inflamatore duke luftuar shumë sëmundje kronike, tumore, obezitetin, sëmundjet e zemrës ashtu si edhe diabetin.

Gjithashtu, ajo ka fuqi kundër infeksioneve, virozave dhe baktereve duke vepruar si një antibiotic i vërtet natyral në organizëm.

Hudhra e kuqe është një burim i mirë vitaminash dhe mineralesh ndërsa vlerësohet për vetitë e saj antioksidante.

Shije e Fortë, Gatime Speciale

Hudhra e kuqe veçon për shijen e saj të fortë, të thellë dhe pak pikante.

Ajo përdoret në receta të shefave prestigjioze të kuzhinës në përgatitjen e salcave të ndryshme.

E përdorur në receta të ndryshme ajo u jep gatimeve një shije të këndshme dhe aromë fantastike.

Ndaj dhe në pika të ndryshme agroturizmi në vend, hudhra e kuqe është shndërruar në një përbërës unik që me sa duket po tërheq shijen e turistëve të huaj.

Ja pse gratë kanë nevojë për më shumë gjumë se burrat

Çfarë tregojnë studimet më të fundit mbi gjumin.

Mënyra e të fjeturit dhe sasia e nevojshme e orëve të gjumit ndryshojnë shumë nga meshkujt tek femrat.

Studimet shkencore tregojnë se gratë përballen me pagjumësinë më shumë se burrat.

Kjo besohet të ndodhë për shkak të ndryshimeve hormonale. Për pasojë, gratë kanë më shumë nevojë për gjumë se burrat.

Sipas të dhënave të studimit të Qendrës Kërkimore të Universitetit Loughborough, gratë kanë nevojë mesatarisht për të paktën 20 minuta më shumë gjumë se burrat.

Përse Gratë Kanë Nevojë Për Më Shumë Gjumë Se Burrat

Truri i Grave ‘Funksionon’ Ndryshe

Ekspertët shpjegojnë se gratë janë mëse të zonja të kryejnë më shumë punë e detyra në të njëjtën kohë.

Rrjedhimisht, ato e lodhin më shumë trurin gjatë ditës dhe kanë nevojë për më tepër gjumë natën.

Gratë Flenë Më Pak Gjatë Ciklit Menstrual

33 përqind e grave në botë thonë se nuk flenë mjaftueshëm gjatë ditëve të ciklit menstrual.

Për fat të keq, shumica e grave nuk arrijnë dot të kompensojnë orët e humbura të gjumit.

Kjo shkakton një lodhje më të madhe në punë dhe mungesë energjie.

Ekspertët rekomandojnë rritjen e nivelit të melatoninës dhe fjetjen më herët në mbrëmje.

Triptofani është substanca që rrit nivelin e melatoninës për gjumë të mirë dhe gjendet tek ushqime si bulmeti, arrorët, thjerrëzat dhe orizi.

Mungesa E Gjumit Ndikon Në Kujtesën E Grave

Mungesa e gjumit përkeqëson kujtesën si tek burrat ashtu edhe tek gratë, por tek këto të fundit, ndikimi është më i madh.

Shkencëtarët rekomandojnë dremitjen gjatë ditës për të përmirësuar kujtesën dhe vëmendjen.

Gratë E Bëjnë Gjumin Më Të Shqetësuar

Sipas rezultateve të studimeve burrat, kanë tendencën të lëvizin më shumë në shtrat duke prishur gjumin e partneres së tyre.

Shtoni këtu edhe fëmijët e vegjël që tentojnë shtratin e prindërve në kërkim të mëmës dhe situata ndërlikohet më tepër.

Për pasojë, gratë që nuk flenë vetëm kanë nevojë për pak më tepër gjumë.

Dita E Një Gruaje Është Shumë E Ngjeshur

Gratë mbajnë barrën e rëndë të punëve të shtëpisë dhe rritjes së fëmijëve.

Kjo ‘punë e papaguar’ kërkon shumë energji dhe i drobit gratë duke rritur nevojën për gjumë.

Si Mund Të Flini Më Shumë Gjumë

Lexueset e AgroWeb.org u rekomandohet të:

Dremisin gjatë ditës kurdo që u krijohet mundësia

Shmangin pijet me kafeinë dhe alkolin pasdite

Të mbajnë dhomën e gjumit në errësirë dhe të freskët

Të mos përdorin telefonin ose shohin tv të paktën 30 minuta përpara gjumit

Të flenë më herët.

Përpiquni ta kujtoni këtë artikull të paktën 30 minuta përpara fjetjes. Gjumë të ëmbël!/

Kur hani shegë – Çfarë ndodh në organizmin tuaj brenda 30 minutash

Shega ndihmon qarkullimin e gjakut dhe i mban arteriet të hapura.

Të mirat që vijnë kur hani shegë janë të provuara shkencërisht. Shegët kanë aftësinë të mbrojnë shëndetin dhe ofrojnë përfitime unike

Librat e shenjtë të besimeve të ndryshme fetare e kanë përshkruar shegën si frutin që jep jetë.

Shega i përmbahet tërësisht reputacionit të saj, sepse si frut nuk ka të sharë dhe arrin të parandalojë e shërojë shumë probleme shëndetësore.

Të mirat që vijnë nga konsumimi i shegës janë të provuara shkencërisht dhe përfshijnë aftësinë për të mbrojtur zemrën dhe trurin por edhe për të luftuar kancerin.

Të dhënat shkencore të cilave u referohet AgroWeb.org thonë se kur hani shegë çdo ditë do të ulni rrezikun e shfaqjes së kancerit, veçanërisht të gjirit dhe prostatës.

Vetëm 30 minuta pas ngrënies së shegës aktiviteti ynë rritet me 32 për qind. Shega shuan etjen, nxit oreksin dhe përmirëson tretjen e ushqimeve.

Cilat janë përfitimet e të ngrënit shegë çdo ditë dhe çfarë ndodh me organizmin

Shega arrin të pengojë prodhimin e estrogjenit dhe pakëson rrezikun e shfaqjes së kancerit të gjirit.

Studimet kanë treguar se konsumi ditor i shegës ul nivelet e inflamacionit të prostatës që hapin rrugën drejt shfaqjes së kancerit.

Shega ka aftësinë të parandalojë rritjen e tumorëve.

Studimet shkencore kanë treguar se vaji esencial i kokrrave të shegës, lëngu dhe ekstraktet e saj i detyrojnë qelizat kancerogjene të vetë shkatërrohen.

Lëngu dhe ekstraktet nuk kanë të njëjtin ndikim tek qelizat e shëndetshme.

Kjo do të thotë se duke ngrënë çdo ditë, fruti mund t’ju vijë në ndihmë në parandalimin e kancerit.

Shega ju furnizon me vitaminë C që është kaq e domosdoshme në këtë stinë gripi dhe virozash.

Ndihmon kundër sëmundjeve të zemrës 

Lëngu i shegës mbron kolesterolin e mirë nga oksidimi dhe rrjedhimisht e mban zemrën të sigurt.

Shega është një burim i mirë polifenolësh, antioksidantë të fuqishëm që parandalojnë radikalet e lira dhe dëmet e tyre në enët e gjakut.

Përmirëson funksionet e trurit – mban larg sëmundjen e Alzheimer

Një studim shkencor zbuloi se konsimimi i 2 gramëve të ekstraktit të shegës në ditë rimëkëmbte kujtesën tek pacientët që i ishin nënshtruar ndërhyrjes kirurgjikale.

Një tjetër studim zbuloi se njerëzit që pijnë lëng shege çdo ditë, ishin më të kthjellët dhe një kujtesë më të mirë.

Pirja e shpeshtë e lëngut të shegës ose ngrënia e frutit ka ndikim shumë të fortë tek kujtesa e të moshuarve dhe mbron nga sëmundja e Alzheimerit.

Të gjitha këto sekrete të këtij fruti të lashtë e bëjnë shegën të domosdoshme në regjimin tuaj ushqimor të përditshëm.

Vlera të tjera të shegës :

Shega ju bën më të zhdërvjellët

Forcon sistemin imunitar dhe ju furnizon me vitaminë C

Mbron mishrat e dhëmbëve dhe pastron bakteret

Përmirëson tretjen

Ndihmon në trajtimin e artritit dhe dhimbjeve të kyçeve

Ul tensionin e gjakut

Ul stresin

AgroWeb.org ju këshillon të hani shegë të freskëta sa më shpesh që të përfitoni fuqitë shëruese të frutit. Trupi juaj do t’ju falenderojë.

Si me i zbutë hurmat krejt lehtë në shtëpi

Pjekja e hurmave mund të përshpejtohet duke i vendosur ato në të njëjtin paketim letre ose qese me mollët.

Hurmat farëbardha janë një frut i veçantë por jo gjithmonë përmbushin shijet e një konsumatori të zakonshëm të mësuar me shijen perfekte të hurmave farëzeza.

Deri në pjekjen e tyre përfundimtare, hurmat farëbardha mund të konsiderohen “të vështira”.  Shija e tyre është e çuditshme dhe të tkurr qiellzën.

Nuk po flasim këtu për të mrekullueshmet hurma lluqe, ëmbëlsia e të cilave është shumë thjesht e dallueshme me sy.

Por fjalën e kemi tek ajo fazë para pjekjes përfundimtare kur hurmat farëbardha përmbajnë një element që quhet taninë dhe që është përgjegjësi kryesor i shijes së çuditshme.

Megjithatë, kur piqen plotësisht, hurmat janë të ëmbla, të shijshme dhe të buta.

Me to mund të kënaqësh veten duke i ngrënë menjëherë, por edhe mund të bësh ëmbëlsira dhe reçel të jashtëzakonshëm.

Vetë pjekja e hurmave është një proçes tekanjoz, sepse rezultati mund të jetë një hurmë më e butë, por sërish e ashpër në shije.

Pjekja e hurmave mund të përshpejtohet duke i vendosur ato në të njëjtin paketim letre ose qese me mollët.

Gazi natyral etilen që çliron molla, i bën hurmat e këputura nga pema të piqen dhe të zbuten mjaftueshëm dhe të jenë gati për t’u konsumuar.

Paketimin ose qesen prej letre mund ta mbani në temperaturën e dhomës dhe pjekja do të jetë e shpejtë.

Por nëse zgjidhni hurma të forta, proçesi i zbutjes dhe ëmbëlsimit do të jetë më i ngadaltë dhe mund të zgjasë për disa javë.

Ndaj AgroWeb.org ju sugjeron metodat e mëposhtme, të cilat përdoren gjërësisht nga profesionistët e industrisë ushqimore.

Parimet bazë të pjekjes së hurmave në shtëpi

Kur hurmat përballen me një sasi të kufizuar oksigjeni, ato prodhojnë aldehide, disa substanca që kundërveprojnë me hidhtësinë e çliruar nga tanina.

Kur hurmat vendosen në praninë e alkolit, ato prodhojnë vetë gazin etilen dhe nuk do të keni nevojë të sakrifikoni mollët tuaja për të pjekur hurmat.

Këto parime mund të përshtaten lehtësisht në kuzhinën tuaj.

Vendosini frutat në qese plastike.

Spërkatini kurorat e tyre, pra gjethet në pjesën e sipërme të hurmave me alkool farmacie, qoftë të plotë ose edhe të holluar.

Mund të përdorni edhe raki në rast se nuk keni alkool.

Më pas lidheni grykën e qese dhe izolojeni mirë atë.

Qesen e izoluar mund ta vendosni edhe tek pjesa e ngrirjes gjë që do të kufizojë edhe më tepër proçesin e zbutjes dhe pjekjes së hurmave deri në më pak se një javë.

Hurmat do të humbasin hidhtësinë e tyre dhe do të zbuten, ndaj nuk do të keni mundësi t’i prisni në feta.

Po ju njihni ndonjë teknikë tjetër për pjekjen e këtij fruti interesant? Nëse po, ndajeni me AgroWeb.org