VOAL

VOAL

Please Wait ...
0%

Shqipëria e pesta në Evropë për shifrën e lartë të problemeve nga zemra

By | August 3, 2020

Komentet

Muajt kur duhet bërë vaksina e gripit sezonal

Me nisjen e stinës së vjeshtës një nga problemet e tjera shqetësuese në lidhje me shëndetin është gripi sezonal.

Këtë vit situata mund të jetë pak më e vështirë duke marrë parasysh se gjendemi ende në rrjedhën e pandemisë së COVID-19.

Gripi, edhe pse shumë e konsiderojnë diçka kalimtare, në të vërtetë është shumë infektues.

Sipas të dhënave të Institutit të Shëndetit Publik, çdo vit në Qendra Shëndetësore dhe Spitale ka me qindra të shtruar të prekur nga ky grip.

Vaksina e influencës ofrohet çdo vit për të mbrojtur qytetarët nga infektimi. Por cilat janë grupmoshat që rrezikojnë më shumë? Dhe sa e rëndësishme është tani kur COVID-19 është një faktor me risk të lartë?

AgroWeb.org ju drejtua Doktoreshës së Shëndetit Publik pranë Spitalit të Traumës në Tiranë, Znj. Dorela Vasha për disa këshilla të vlefshme.

Duke u dhënë hapësirë edhe ndjekësve tanë që të përfshiheshin në këtë bisedë, AgroWeb.org arriti të përqendrojë shqetësimet në pesë pika kyçe.

Një prej tyre ishte pyetja rreth përfitimeve që vaksina ka për ne si qytetarë, të cilës Znj. Vasha iu përgjigj duke thënë se ‘vaksina ndihmon në parandalimin e gripit, ul rrezikun e komplikimeve që kërkojnë trajtim mjekësor por edhe mbron komunitetin’.

Shumë nga lexuesit tanë mbrojnë mendimin se jo të gjithë kanë nevojë për të bërë vaksinën, gjë që sipas Doktoreshës së Shëndetit Publik zgjidhet fare thjeshtë duke ndjekur grupimin e mëposhtëm:

Grupmoshat që rekomandohen të kryejnë vaksinimin ndaj influencës:

–   Fëmijë mbi 9 vjeç dhe që kanë indikacion imunizimin ndaj gripit sezonal

–   Persona që vuajnë nga sëmundje kronike dhe me imuno-influencë si:

  • sëmundjet kardiovaskulare,
  • diabeti,
  • sëmundje obstruktive të aparatit respirator,
  • astma bronkiale,
  • sëmundje kronike të veshkave,
  • sëmundje tumoriale

–  Gratë shtatzëna

–  Persona mbi 60 vjeç

–  Persona që janë mbipeshë

“Gripi është një sëmundje që përhapet me shpejtësi dhe shkaktohet nga shtame të tipave të ndryshme të viruseve që mund të ndryshojë. Kjo është arsyeja pse ju ose fëmija juaj nevojitet të vaksinohet çdo vit. Rreziku më i madh për të marr gripin është gjatë muajve të ftohtë, midis Tetorit dhe Marsit. Nëse ju ose fëmija juaj nuk vaksinoheni në vjeshtë, është e mundur që të vaksinoheni deri në pranëverë duke qenë se ekziston risku që ju të merrni gripin deri në këtë periudhë. Doktori juaj do t’ju rekomandojë kohën mëtë përshtatshme për t’u vaksinuar”, u shpreh Znj. Vasha lidhur me pyetjen nëse kjo vaksinë duhet të bëhet çdo vit.

Pandemia e COVID-19 sigurisht që nuk e lehtëson situatën, për të patur pak qartësi në lidhje me efektin mbrojtës që mund të ketë vaksina ndaj këtij virusi Znj. Dorela Vasha sqaroi se ‘ vaksina e gripit krijon mbrojtje vetëm për gripin sezonal’, por në lidhje me rrezikun ndaj COVID-19 ajo shpjegoi se ‘vaksinimi ndaj gripit stinor ul mundësinë e mbivendosjes së infeksioneve tek një person’.

Sipas studimeve të deritanishme edhe të Qendrës së Kontrollit dhe Parandalimit të Sëmundjeve, pohohet se duke u shmangur kjo mbivendosje, qytetarët kanë një mundësi më të lartë për të përballuar më lehtë simptomat e virusit.

Për të gjithë qytetarët që nuk janë të sigurt se ku duhet të drejtohen për të kryer vaksinën e gripit, Znj. Vasha informoi duke paraqitur për AgroWeb.org një listë me institucionet zyrtare.

‘Për kryerjen e vaksinës së gripit qytetarët sipas grupmoshave të riskut mund t’i drejtohen Qendrave Shëndetësore të zonave ku ata banojnë, përgjithësisht në periudhën Tetor-Nëntor. Në këtë periudhë Instituti i Shëndetit Publik bën lajmërimin se kur vaksinat janë të disponueshme në Qendrat Shëndetësore për t’u aplikuar’, tha ajo.

AgroWeb.org gjithashtu iu drejtua Doktoreshës Së Shëndetit Publik për disa këshilla se çfarë mund të bëjnë qytetarët për t’u mbrojtur nga gripi stinor përveç kryerjs së vaksinës.

Mbuloni hundën dhe gojën kur kolliteni ose teshtini me facoletë.

Lani duart shpesh me sapun dhe ujë ose përdorni dezinfektues.

Shmangni prekjen e syve, hundës dhe gojës.

Përpiquni të shmangni kontaktet e ngushta me njerëzit e sëmurë

Ushqehuni shëndetshëm

Bëni aktivitet fizik

Bëni gjumë të mjaftueshëm

Pastroni dhe dezinfektoni mjediset ku banoni

Konsultohuni me mjekun për trajtim me barna kundër gripit. Këto barna kanë efekt mjekues, dhe jo parandalues. Ato përdoren vetëm nëse jeni të sëmurë me grip dhe duhen të merren brenda 48 orëve nga fillimi i sëmundjes. Bëni kujdes pasi antiviralët jepen vetëm me rekomandim të mjekut.

Nëse jeni sëmurë me grip atëherë duhet të ndiqni këto këshilla:

Qëndroni në shtëpi

Qëndroni veç nga të tjerët

Pushoni dhe përdorni lëngje me shumicë

Mbuloni gojën dhe hundën me facoletë kur kolliteni apo teshtini

Lani duart mirë me ujë dhe sapun pas çdo kollitje.

Kompania japoneze shpik llambën UV që vret koronavirusin

Tokio

Një kompani japoneze ka shpikur një llambë ultravjollcë (UV) që mund të dezinfektojë hapësirat e mbyllura dhe të vrasë koronavirusin pa dëmtuar shëndetin e njeriut, raporton Anadolu Agency (AA).

Në një angazhim të përbashkët, prodhuesi i dritave Ushio Inc. dhe Universiteti Columbia zhvilluan llambën UV Care 222, pastruesi i parë i hapësirave të mbyllura në botë kundër COVID-19, njoftuan mediat lokale të martën.

Ky mjet mund të përdoret në hapësira ku njerëzit kanë rrezik të lartë të prekjes nga virusi, siç janë autobusët, trenat, ashensorët dhe zyrat.

Kompania tha se përkundër gjatësisë së valëve konvencionale 254-nanometër që është e dëmshme për shëndetin e njeriut, llamba e re lëshon rrezet UV me një gjatësi vale prej 222 nanometra dhe vret virusin pa dëmtuar shëndetin e njeriut.

Kompania pretendon se në këtë gjatësi të valëve specifike, rrezet UV nuk mund të shkaktojnë defekte gjenetike dhe dëmtime të tjera të tilla si kanceri i lëkurës dhe humbja e shikimit.

Care 222 dezinfekton 99 për qind të viruseve dhe baktereve në ajër brenda gjashtë deri në shtatë minuta.

Kapaciteti i saj në terren është deri në një sipërfaqe prej 3 metrash katrorë në sipërfaqen e objekteve.

Kompania tha se Universiteti Hiroshima konfirmoi se rrezet UV 222 nanometër janë efikase në dezinfektimin nga COVID-19.

Kompania tha se çmimi i llambës do të jetë 2.870 dollarë, duke shtuar se pranon vetëm porosi nga institucionet mjekësore tani për tani.

Zbulimi i jashtëzakonshëm- Vitamina D mund të ulë efektet e koronavirusit me 54%

Të gjithë njerëzit në botë frikësohen se mos infektohen me koronavirus, pas rasteve të shumta të zbuluara, sidomos në fillim të pandemisë, ndërsa edhe të tjera personalitete zbuluan se mund të ketë një valë të dytë të Covid-19.

Ndoshta nuk duhet të presim ndonjë mrekulli për të ulur rrezikun që paraqet Covid, por “ilaçi” është zbuluar nga një doktor dhe profesor i njohur amerikan.

Një mjek i Universitetit të Bostonit thotë se një sasi e mjaftueshme e vitaminës D mund të ulë rrezikun e infektimit nga koronavirusi me 54%, raportuan mediat e huaja.

“Njerëzit kanë qenë në kërkim të ilaçit magjik ose duke pritur vaksinën dhe duke mos kërkuar diçka kaq të thjeshtë”, tha Dr. Michael Holick, profesor i mjekësisë, fiziologjisë dhe biofizikës në Shkollën e Mjekësisë të Universitetit të Bostonit.

Holick dhe kolegët e tij studiuan mostrat e gjakut nga Quest Diagnostics të më shumë se 190 000 amerikanëve nga të 50 shtetet dhe zbuluan se ata që kishin nivele të mangëta të vitaminës D kishin 54% pozitivitet më të lartë të COVID krahasuar me ata me nivele të përshtatshme të vitaminës D në gjak.

Pse Singapori ka shkallën më të ulët të vdekshmërisë nga COVID-19?

Roboti i quajtur SPOT, është kapur duke patrulluar një park në Singapor, i cili përmes mesazheve synon t’ua kujtojë banorëve të këtij vendi mbajtjen e distancës fizike.

Singapori ka numrin më të vogël të viktimave me koronavirus në nivel global, përkatësisht 27 vdekje në mesin e më shumë se 57,000 personave që janë prekur nga sëmundja COVID-19, që shkakton ky virus.

Me shkallë të vdekshmërisë prej 0.05 për qind, ky vend është shumë më poshtë mesatares prej 3 për qind të vdekjeve sipas të dhënave të mbledhura nga Reuters nga shtetet që kanë regjistruar më shumë se 1,000 raste të infektimit.

Në krahasim me shtetet me numër të përafërt të popullsisë, dallimet janë të mëdha – shkalla e vdekshmërisë në Danimarkë është rreth 3 për qind, derisa në Finlandë është rreth 4 për qind.

Përveç kësaj, asnjë person nuk ka vdekur nga COVID-19 në Singapor për më shumë se dy muaj, bazuar në të dhënat e Ministrisë së Shëndetësisë së këtij vendi.

Ekspertët shtetërorë për këtë sëmundje ka thënë se faktorët e mëposhtëm qëndrojnë mbrapa këtij fenomeni:

Demografia e infektimit

Rreth 95 për qind e të infektuarve me COVID-19 në Singapor janë punëtorë emigrantë sidomos në të 20-at apo 30-at, që jetojnë në konvikte të ngushta dhe janë të punësuar në sektorë me punë intensive siç është ndërtimtaria.

Ndonëse parametrat e sëmundjes vazhdojnë të studiohen gjatë zhvillimit të pandemisë, trendet aktuale globale tregojnë se ndikimi i virusit ka qenë më i paktë në moshat e reja, shumica e të cilëve kanë treguar pak apo aspak simptoma.

Gjurmimi

Singapori ka arritur të zvogëlojë përhapjen e virusit përmes gjurmimit të hershëm, duke ndjekur metoda agresive dhe testim që është përgëzuar nga Organizata Botërore e Shëndetësisë (OBSH).

Deri më tani ky vend ka testuar 900,000 persona, më shumë se 15 për qind të popullsisë prej 5.7 milionë banorëve, sipas të dhënave zyrtare – një nga shifrat më të larta për kokë banori në nivel global.

Banorët e konvikteve janë vënë në regjim të testimit të planifikuar, si dhe autoritetet kanë kryer testime masive në mesin e komuniteteve të cenueshme, sikurse shtëpitë e kujdesit si dhe secilit person mbi moshën 13-vjeçare, që ka pasur shenja të infektimit të rrugëve të frymëmarrjes, i është ofruar testim falas.

“Sa më shumë persona që diagnostikojmë, më e vogël është shkalla e mortalitetit”, ka thënë Hsu Li Yang nga Shkolla për Shëndet Publik në Universitetin Kombëtar të Singaporit.

Hospitalizimi

Kjo qasje është zbatuar edhe sa i përket trajtimit. Pacientët e prekur nga COVID-19 mbi moshën 45-vjeçare, apo me sëmundje tjera shoqëruese, janë shoqëruar në spital edhe nëse kanë qenë në gjendje të mirë shëndetësore, kanë thënë mjekët.

Singapori veçse ka qenë qendër e turizmit mjekësor për Azinë Juglindore, me një mori të spitaleve private dhe institucioneve për kujdes shëndetësor të nivelit të lartë.

Ky vend ka krijuar hapësira për shtretër për pacientët me koronavirus edhe në zonat e ndara për ekspozita dhe hapësira tjera të përkohshme, ashtu që të pranojë pacientët me simptoma të lehta.

Kjo gjë ka parandaluar ngufatjen e sistemit shëndetësor, kanë thënë mjekët.

Aktualisht Singapori nuk ka asnjë pacient me COVID-19 në kujdes intensiv, 42 persona janë të shtrirë të spitale, dhe rreth 490 gjenden në hapësira të përkohshme për kujdes shëndetësor.

Maskat e detyrueshme

Ky qytet-shtet e ka bërë të detyrueshme vendosjen e maskave nga muaji prill. Ndonëse ekspertët kanë thënë se më shumë studime duhet bërë, ekzistojnë të dhëna në rritje që tregojnë se maskat ndihmojnë në uljen e rrezikut nga virusi.

Organizata Botërore e Shëndetësisë ka rekomanduar përdorimin e maskave në kombinim me masa tjera të distancimit fizik.

“Ne kemi pranuar një kulturë të mirë të maskave në Singapor. Kjo e bën sëmundjen më të lehtë”, ka thënë Leong Hoe Nam, ekspert për sëmundje infektive në Spitalin e këtij shteti, Mount Elizabeth.

Klasifikimi

Singapori respekton në mënyrë strikte definicionin e OBSH-së për klasifikim të vdekjeve nga COVID-19. Ky vend nuk përfshin në listën e viktimave me koronavirus, personat e prekur nga ky virus, të cilët kanë vdekur nga komplikimet tjera siç janë problemet me zemër .

“Nuk kam dyshim se nëse OBSH-ja rishikon definicionin për rastet, disa vdekje që nuk kanë qenë të lidhura me pneumoni do të riklasifikohen dhe shkalla e mortalitetit do të ndryshojë”, ka thënë Paul Tambyah, president i Shoqërisë Azi-Paqësore të Klinikës për Mikrobiologji dhe Infektime, pa dhënë detaje sesa i madh do të ishte ndryshimi.

Ministria e Shëndetësisë ka thënë se qasja e saj është në përputhje me praktikat ndërkombëtare, ndonëse disa shtete sikurse Britania kanë bërë ndryshime.

Dale Fisher, këshilltar i lartë në Spitalin Universitar të Singaporit ka thënë se secili ndryshim nga riklasifikimet në Singapor do të ishte margjinal.

Përgatiti: Krenare Cubolli

Zyrtarët e shëndetësisë i bëjnë thirrje publikut të bëjë vaksinën e gripit

Zyrtarët e shëndetësisë po i bëjnë thirrje publikut që të bëjë vaksinën e gripit këtë vit për të shmangur mundësinë e përballjes me koronavirusin dhe gripin në të njëjtën kohë.

Të dyja sëmundjet janë shumë ngjitëse dhe kanë simptoma të ngjashme. Por gripi është sezonal, ndërsa COVID-19 nuk duket të jetë i lidhur me stinën, ndërsa përhapet në gjithë botën.

Megjithëse ende nuk ka dalë një vaksinë për COVID-19, vaksina për gripin ka qenë e disponueshme prej dekadash.

E vetmja mënyrë për të përcaktuar nëse dikush ka njërën ose të dyja këto sëmundje, është përmes testeve laboratorike.

Gary Simon, drejtor i Divizionit të Sëmundjeve Infektive në Universitetin George Washington në Uashington, i tha gazetës Washington Post, se perspektiva e një lufte ndaj dy sëmundjeve njëkohësisht e bën vitin 2020 “shumë të vështirë”.

Sipas Universitetit Johns Hopkins, deri tani në gjithë botën ka 30.5 milionë raste me afro 1 milionë të vdekur.

Amerika ka numrin më të lartë të infektuarve me 6.7 milionë, pasuar nga India me 5.3 milionë dhe Brazili me 4.5 milionë.

Vendet evropiane njoftuan për masa të reja kufizuese të premten, një ditë pasi Organizata Botërore e Shëndetësisë paralajmëroi se infeksionet kanë filluar të përhapen përsëri në kontinent me “ritme alarmante”. zëri i amerikës

Etilometri që premton të diagnostifikojë COVID-in

Marrë nga Reuters

Një etilometër i shpikur për të zbuluar marihuanën në frymëmarrjen e shoferëve mund të jetë në gjendje të diktojë COVID-19n në frymën e atyre që e përhapin më shumë koronavirusin, të ashtuquajturit “super-përhapës”. Kompania prodhuese e pajisjes, Hound Labs me qendër në Kaliforni, ka në plan ta nxjerrë pajisjen në treg nga fundi i këtij viti.

Provat në shkallë të vogël në Nju Jork dhe Kaliforni kanë treguar se etilometri i marihuanës mund të zbulojë edhe koronavirusin te fryma e njerëzve, thotë Mike Lynn drejtor ekzekutiv i kompanisë Hound Labs.

“Kemi shpenzuar rreth 50 milion dollarë në gjashtë vitet e fundit dhe kemi bërë mijëra teste te njerëzit për të krijuar një teknologji mjaft të veçantë që na lejon të analizojmë frymën dhe të zbulojmë përqëndrime tepër të vogla molekulash marihuane dhe tani të COVID-19s. I bëmë disa modifikime të vogla etilometrit dhe më pas kryem disa prova”.

Zoti Lynn thotë se laboratori bëri krahasime mes njerëzve që rezultonin pozitivë nga testi me shtupë dhe nga testi i frymës me etilometër, për të gjetur rolin e frymës në përhapjen e koronavirusit.

“Nga ata që dolën pozitivë me shtupë, rreth 25 përqind rezultuan pozitivë edhe në frymën e tyre, ndërsa 75 përqind jo. Dhe kjo përputhet me atë që ne dimë për ‘super-përhapësit’ e koronavirusit. Pra 20 për qind e njerëzve me COVID-19 mund ta përhapin atë gjerësisht, në dhjetëra njerëz, ndërsa 80 për qind nuk e përhapin fare ose shumë pak,” thotë Dr. Lynn.

Faza e parë e testimit u krye në bashkëpunim me Departamentin e Shëndetësisë të shtetit Nju Jork në një mjedis spitalor. COVID-19a u zbulua në frymën e një pacienti nga 14 të testuar.

Komisioneri i Shëndetësisë i Shtetit të Nju Jorkut Howard Zucker tha se shteti po bashkëpunon me kompani që mund të bëjnë testime të shpejta.

“Ekziston një nevojë e madhe për një sistem të thjeshtë që të mbledhë mostrat dhe të kryejë një provë të shpejtë e cila të mund të japë rezultate të menjëhershme në pikën e kujdesit,” thotë zoti Zucker.

Ekspertët thonë se nevojiten kërkime dhe prova të mëtejshme klinike në shkallë të gjerë para se të provohet nëse vërtet ka një lidhje mes njerëzve me virus të zbulueshëm në frymën e tyre dhe ‘super-përhapësve’. zëri i amerikës

Pse murtaja apo “Vdekja e Zezë” është ende e pranishme edhe në kohën e sotme? Ja si shfaqet dhe nga kush transmetohet

Murtaja si një nga sëmundjet më vdekjeprurëse bakteriale në historinë e njerëzimit, shkaktoi vdekjen e 50 milionë njerëzve vetëm në Evropë gjatë Mesjetës, kur asokohe njihej si Vdekja e Zezë.

Sipas medieve të huaja, përcjell Telegrafi, ndonëse në ditët e sotme shfaqet rrallë tek njerëzit, murtaja është ende aktive në disa raste, kjo pasi Kalifornia konfirmoi një të prekur për herë të parë në pesë vite, në New Mexico një 20 vjeçar pothuajse vdiq, ndërsa u raportua për disa raste edhe në Kinë.

Murtaja transmetohet gjerësisht nga pleshtat e brejtësve, ndërsa simptomat shfaqen kryesisht pas një jave pas infeksionit.

Personat e prekur zhvillojnë nyje limfatike të fryra të cilat njihen si “bubos”, ato shfaqen kryesisht në zonat e ijëve; në sqetulla ose qafë. Të njëjtit zhvillojnë po ashtu ethe dhe kollitje.

Si mund të infektohesh nga murtaja?

Murtaja njihet si sëmundje e cila prek kryesisht njerëzit si dhe gjitarët, shkruan CNN, përcjell Telegrafi.

Njerëzit infektohen nga sëmundja pasi kafshohen nga një plesht i brejtësit i cili mban në vete bakterin Yersinia pestis, i cili e shkakton murtajën. Të njëjtit mund të infektohen edhe duke e trajtuar një kafshë të infektuar, bazuar në të dhënat e Qendrës për Kontrollin dhe Parandalimin e Sëmundjeve (CDC) në SHBA.

Macet të cilat mund të kenë qenë të infektuara mund t’i infektojnë drejpërdrejt njerëzit, ndërsa qentë mund t’i bartin pleshtat tek pronarët e tyre.

Njerëzit mund të sëmuren nëse thithin spërkalat nga kolla e një personi të infektuar ose edhe nga ndonjë kafshë.

Bakteriet ende vazhdojnë të jenë të pranishme për shkak të niveleve të ulëta të cilat qarkullojnë tek njerëzit midis brejtësve të caktuar, thotë CDC.

Ndërkohë, kafshët e infektuara dhe pleshtat e tyre shërbejnë si “rezervuarë” afatgjate për bakteriet.

Në cilat vende shfaqet murtaja?

Murtaja shfaqet kryesisht në zona rurale, ndërkohë në SHBA ajo zhvillohet veçanërisht në vendet si Arizona, Kalifornia, Kolorado, si dhe në New Mexico. Sipas CDC, rreth shtatë raste të murtajës raportohen për çdo vit brenda vendit. Në mënyrë të konsiderueshme raste më të shumta shfaqen në Afrikë dhe në Azi.

Nga viti 2010 deri në vitin 2015 u raportuan globalisht rreth 3,248 raste, përfshirë edhe 584 viktima bazuar në të dhënat e OBSH-së.

Organizata thotë se tre vendet më endemike janë Rebulika Demokratike e Kongos, Madagaskari dhe Peruja.

Sipas të dhënave murtaja shfaqet në tre lloje; në atë bubonike, septikemike dhe pneumonike.

Murtaja pneumonike e cila prek mushkëritë mund të transmetohet drejtpërdrejt mes njerëzve.

Ky lloj shpërthimi ndodhi në vitin 2017 në Madagaskar, ku u raportuan gjithsej 2,348 raste të dyshuara dhe 2020 viktima, raporton CNN.

“Bakteria e murtajës është akoma e pranishme në shumë pjesë të botës përfshirë dhe SHBA, zakonisht në mesin e brejtësve dhe tek marmotat”, tha Matthew Dryden në Science Media Center.

Dryden është një mikrobiolog konsulent në Universitetin e Southampton tek Departamenti i Sëmundjeve të Rralla për Shëndetin Publik.

“Sëmundja përhapet tek njerëzit kur ekziston kontakti i drejtpërdrejtë i tyre me kafshët e infektuara, ose nga pleshtat e tyre tek njeriu”, u shpreh eksperti.

Epidemia e fundit e murtajës tek zonat urbane në SHBA u shfaq në qytetin e Los Angeles, nga viti 1942 deri në vitin 1925, pohon CDC.

A duhet të brengosemi?

Antibiotiku si streptomicina është kryesisht trajtimi i parë i cili aplikohet në fillim të infeksionit – ilaçi mund të parandalojë komplikimet dhe vdekjen menjëherë pas shfaqjes së simptomave. Sidoqoftë, një llojë murtaje bubonike me rezistencë të nivelit të lartë ndaj streptomicinës u pa kohët e fundit në Madagaskar.

“Rreziku i transmetimit midis njerëzve siç ndodhi në mesjetë nuk ka shumë gjasa të ndodh, pasi bakteria është kryesisht e ndjeshme ndaj trajtimeve me antiobioikë”, u shpreh Dryden për SMC.

“Është e rëndësishme që ne të përdorim antibiotikë në mënyrë të duhur për t’i ruajtur këto ilaçe të rëndësishme”, vazhdoi ai.

A ekziston ndonjë vaksinë efektive kundër murtajës?

Aktualisht, siç shkruan CNN, nuk ekziston asnjë vaksinë efektive kundër murtajës, studimet thonë se një lloj i saj ka treguar premtime kundër murtajës pneumonike, ajo nuk ofron mbrojtje kundër asaj bubonike.

Bazuar në hulumtimet e fundit të vaksinave eksperimentale, studiuesit po eksplorojnë shumëllojshmëri të tyre për ta zhvilluar një vaksinë efektive.

Si duhet të mbrohemi nga murtaja?

Për ta shmangur një infeksion të mundshëm, njerëzit duhet të eliminojnë foletë e brejtësve rreth shtëpive, kasolleve, garazheve, dhe zonat rekreative duke i eleminuar grumbujt shkëmborë, plehrat dhe dru zjarri që mund të jenë të tepërta.

Nëse ndonjë kafshë është e sëmurë ose e ngordhur, raportoni organet e vendit ose zyrtarët e juaj shëndetësorë lokalë; mos i prekni vetë. Nëse duhet patjetër t’i trajtoni vetë ato, atëherë duhet të vishni doreza.

Në qoftë se jetoni në një zonë endemike, merrni masa praprake shtesë. Përdorni vajin DEET, kundër insekteve për t’i parandaluar kafshimet e pleshtave, si dhe aplikojeni atë rregullisht tek qentë dhe macet. Mos flini me kafshët shtëpiake pasi kjo rrit rrezikun e infektimit nga murtaja.

Vlen të ceket që kafshët shtëpiake duhet të qëndrojnë larg brejtësve të cilët mund të përmbajnë bakterien.

OBSH: Përhapja e koronavirusit po përshpejtohet nga 20,30 dhe 40-vjeçarët

Organizata Botërore e Shëndetësisë (OBSH) ka thënë të martën se është e shqetësuar që përhapja e koronavirusit të ri është duke u regjistruar në mesin e personave të moshave 20, 30 dhe 40-vjeçare, shumica e të cilëve nuk kanë qenë të vetëdijshëm se kanë qenë të infektuar, çka përbën rrezik për grupet e ndjeshme.

Zyrtarët e OBSH-së kanë thënë këtë muaj se shifrat e të rinjve të infektuar është rritur në nivel global, duke rrezikuar kategoritë e ndjeshme të shoqërisë në gjithë botën, duke përfshirë të moshuarit dhe të sëmurët.

“Epidemia është duke ndryshuar”, ka thënë drejtori i OBSH-së për rajonin e Paqësorit, Takeshi Kasai.

“Personat e moshave 20, 30 dhe 40-vjeçare janë duke përhapur virusin. Shumica as nuk janë të vetëdijshëm se janë infektuar”.

Rritja e numrit të rasteve të reja ka shtyrë disa shtete të rivendosin kufizime në lëvizje, ndërkohë që kompanitë janë në garë për gjetjen e vaksinës për virusin që ka shkatërruar ekonomitë, ka lënë të vdekur më shumë se 770,000 persona dhe ka infektuar 22 milionë banorë në nivel global, transmeton agjencia e lajmeve, Reuters.

Ish- zyrtari amerikan: Personat e prekur nga COVID-19 mund të fitojnë imunitet deri në 1 vit

Një ish-zyrtar i Administratës së Ushqimit dhe Barnave, doktor Scott Gottleib tha të dielën se personat e prekur nga COVID-19 mund të fitojnë imunitet ndaj virusit që mund të shkojë deri në një vit.

Duke folur të dielën për rrjetin CBS rreth gjetjeve të reja të Qendrave të Kontrollit dhe Parandalimit të Sëmundjeve zoti Gottleib tha se është e sigurt se trupi i njeriut mund të fitojë imunitet deri në tre muaj pas prekjes nga sëmundja.

Por ai shtoi se gjasat janë që imuniteti të zgjasë nga gjashtë në 12 muaj, duke variuar nga një person tek tjetri.

Eksperti kërkoi të bëhet kujdes duke kujtuar se mjekët ende nuk dinë shumë gjera rreth COVID-19.

Prej shpërthimit të pandemisë në SHBA janë shënuar mbi 170 mijë vdekje ndërsa janë infektuar mbi 5.4 milionë vetë.

/VOA

Rezultoi pozitiv me Covid19, ndahet nga jeta një nga pionierët e Cirkut shqiptar, Kosta Papanikolla

Është ndarë nga jeta një nga pionierët e Cirkut shqiptar, Kosta Papanikolla, pasi rezultoi pozitiv me koronavirus. Papanikolla ishte i njohur me pseudonimin siç e thirrnin të gjithë kolegët “Daja”.

Ai i takon brezit të themeluesve të Cirkut në Shqipëri, i cili së bashku me Talat Agollin hodhën themelet e këtij arti duke realizuar shfaqje të shumta.

Ai dha një kontribut të madh si mësues në Studion e parë të fëmijëve të ngritur në Cirk në vitet 1976-1980 duke përgatitur një brez të rinj të talentuar në këtë lloj arti. Kosta Papanikollaka qenë udhëheqës artistik në shfaqjen e parë “Shpërthimore rinore”. Eshtë dekoruar me urdhërin “Nam Frashëri” i Klasit të parë dhe të dytë. Deri kur doli në pension ai ishte pjësëmarrës në të gjitha premierat e realizuara nga stafi.

Kosta Papanikolla lindi në Elbasan më 11.05.1932. Ai u aktivizua dhe debutoi në disa profile të cirkut duke realizuar numra xhonglerimi, numra ekuilibri me trungje, me bambu dhe shkallë, numra në ajër, numra si prestigjator etj. Ka kryer specializimi njëvjeçar në Kinë në vitet 1975-1976. Ka kryer arsimin e lartë profesional në Institutin e Kulturës fizike “Vojo Kushi”.

Papanikolla është shquar për nivel të lartë interpretimi të numrave akrobatikë, në zhanre të ndryshme të cirkut. Në vitin 1959 me në krye të madhin Telat Agolli u realizua një shfaqje të plotë cirku të titulluar “Shkopi Magjik” duke e kthyer këtë moment edhe me krijimin zyrtarisht të Cirkut Shqiptar, një pjesë e rëndësishme dhe me vlerë e kulturës dhe artit tonë kombëtar.

Pas vitit 1990 ai u vendos me familjen në qytetin e Udinës në Itali. Mediat italiane kanë shkruar për lajmin e ndarjes nga jeta të pionierit të Cirkut shqiptar, Kosta Papanikolla.

Instituti gjerman paralajmëron për në vjeshtë vaksinën ndaj koronavirusit

Instituti kryesor për sëmundjet infektive në Gjermani tha të mërkurën se një vaksinë e parë kundër koronavirusit mund të jetë në dispozicion qysh në vjeshtë, raporton Reuters.

“Sipas vlerësimeve paraprake disponueshmëria e një ose disa vaksinave mund të realizohet deri në vjeshtë të vitit 2020”, tha Instituti Robert Koch në një deklaratë në faqen e internetit.

Por, sipas këtij instituti, do të duhet më shumë kohë për të vënë nën kontroll pandeminë.

“Do të ishte e rrezikshme në këtë pikë të besosh se një vaksinim, duke nisur nga vjeshta 2020, mund të kontrollojë pandeminë”, thuhet në deklaratën e këtij Instituti.

Sipas zyrtarëve shëndetësorë të këtij instituti, ndikimi i çdo vaksine mund të jetë i kufizuar për shkak të mutacioneve që pëson virusi ose për arsyen se produktet e para në treg mund të ofrojnë vetëm imunitet afatshkurtër.

Firma gjermane bioteknike BioNTech, e cila po punon me gjigantin farmaceutik amerikan Pfizer për një vaksinë të re, të martën përsëriti se synon të paraqesë kërkesën për autorizim emergjent qysh në tetor, nëse provat në vazhdim kanë sukses.

Gjithashtu, në të njëjten ditë, Rusia u bë vendi i parë në botë që dha miratimin për një vaksinë COVID-19, pa siguruar të dhëna për fazat e testimit, gjë që ngjalli shqetësime midis disa ekspertëve globalë të shëndetit. rel

Rusia do të fillojë prodhimin e vaksinave COVID-19 për 2 javë

Moskë

Grupi i parë i vaksinave të Rusisë kundër koronavirusit të ri (COVID-19), që pritet të dalë në prodhim brenda dy javëve, do të caktohen për imunizimin e mjekëve para se të shkojnë në publikun e gjerë, tha sot ministri i Shëndetësisë i këtij vendi, Mikhail Murashko, raporton Anadolu Agency (AA).

Prodhimi i vaksinave në Rusi do të jetë i orientuar për nevoja vendore, i përshtatur për të mbuluar kërkesat e brendshme, tha Mikhail Murashko në një konferencë shtypi në Moskë duke dhënë detaje shtesë rreth vaksinës së shumëpritur.

Ndërkohë, Fondi Rus i Investimeve Direkte (RDIF) po negocion prodhimin e vaksinës jashtë vendit.

I pyetur për sigurinë, Alexander Gintsburg, kreu i Institutit të Kërkimeve të Epidemiologjisë dhe Mikrobiologjisë Gamaleya, i cili zhvilloi vaksinën pionier, tha se vaksina bazohet në një platformë shkencore të hulumtuar mire.

“Platforma ka qenë në zhvillim për 25 vjet me qëllim të terapisë së gjeneve, por në fund të vitit 2014 u përdor për të krijuar ilaçe për të luftuar viruset që ndryshojnë në mënyrë rapide”, tha ai.

“E njëjta platformë u përdor për të zhvilluar vaksinat kundër Ebola, MERS (Sindromi Respirator në Lindjen e Mesme) dhe një numër sëmundjesh tjera. Ajo lejoi krijimin e vaksinës së Ebolës brenda një periudhe mjaft të shkurtër prej 15 muajsh, e cila më vonë u vlerësua shumë nga OBSH (Organizata Botërore e Shëndetësisë)”.

Ai shtoi: “Teknologjia nuk është unike, po ashtu përdoret në Britaninë e Madhe dhe Kinë, por në rastin tonë, ajo ka avantazhet e saj”.

Vaksina do të monitorohet dhe ka një pasaportë dixhitale, me të gjitha lëvizjet dhe rezultatet e vaksinimit të përcaktuara për t’u gjurmuar dhe ekzaminuar, shpjegoi ai.

Duke vazhduar observimin e të gjithë marrësve të vaksinave deri më sot në të gjitha fazat e provave, njerëz dhe kafshë, askush nuk u infektua, tha Murashko.

Vaksina për fëmijë dhe të moshuar

Gintsburg tha se e njëjta vaksinë do të përdoret për fëmijët dhe të moshuarit, por doza dhe si duhet të administrohet vaksina kanë nevojë për hulumtime shtesë, të cilat mund të fillojnë pasi të përfundojnë provat mbi të rriturit.

Për më tepër, vaksina për fëmijët do të ekzaminohet gradualisht në tre grupe, fëmijë më të rritur, grupi i mesëm dhe më i ri.

Megjithëse fëmijët janë më pak të rrezikuar nga infeksioni, ata nuk janë imunë, pasi aktualisht nëntë fëmijë në Rusi vuajnë nga një formë e rëndë e virusit.

Sa për të moshuarit, Gintsburg, 68 vjeç, tha se ai vetë u vaksinua pesë muaj më parë dhe ndjehet mirë.

Vaksina do të administrohet përmes dy injeksioneve, së pari me një shishkë të shënjuar në blu dhe më pas tre javë më vonë, nga një shishkë e shënuar në të kuqe. Dallimi është në llojet e adenovirusit të përdorur për shpërndarjen e vaksinës në qelizat e trupit.

Sipas udhëzimit të tij për përdorim, ai mund të përdoret për njerëzit e moshës 18-60 vjeç dhe mund të kombinohet me antigjenë të tjerë, përfshirë kundër gripit.

Për efektin maksimal, agjentët e imunizimit duhet të injektohen në një interval prej dy ose tre javësh, duke i dhënë kohë sistemit imunitarë të qetësohet pas aktivizimit, i provokuar nga futja e substancave të huaja.

Marrësit e vaksinave do të monitorohen nga mjekët, dhe po ashtu po zhvillohet një aplikacion mobil, në mënyrë që pacientët të shtojnë në mënyrë rutinore të dhëna për gjendjen e tyre dhe të informojnë shpejt mjekët për ndërlikimet e mundshme.


Send this to a friend