VOAL

VOAL

Please Wait ...
0%

Shkup, probleme me zbatimin e marrëveshjes së Prespës

By | August 17, 2019

Komentet

Mbrojtja e të dënuarve në rastin e Kumanovës kritikon vendimin e Gjykatës së Apelit

Isuf Kadriu

Pala mbrojtëse e të dënuarve në rastin e Kumanovës ka kritikuar vendimin e Gjykatës së Apelit në Shkup të një dite më parë, që la në fuqi vendimin e Gjykatës Themelore, e cila më 2 nëntor të vitit 2017 kishte dënuar me 746 vjet burgim, 37 persona, shumica shtetas të Kosovës për ngjarjet e 9 dhe 10 majit të vitit 2015 në ‘Lagjen e Trimave’, në Kumanovë.

“Vendimi erdhi me inercion ashtu siç ka është gjykuar në shkallën e parë. Asnjë provë prej 200 sa kishim propozuar nuk është pranuar. Është një aktgjykim që e kemi pritur pasi që gjithçka ndikohet nga vendimi i shkallës së parë. Ju e dini se edhe rastet e tjera janë zgjidhur tek Gjykata Supreme dhe besojmë se shansi jonë është në këtë gjykatë. Këtë vendim ne do të ankimojnë në Gjykatën Supreme”, ka deklaruar avokati, Naser Raufi.

Gjatë luftimeve dy ditëshe në lagjen e Trimave në Kumanovë ishin vrarë tetë pjesëtarë të forcave policore dhe 10 pjesëtarë të grupit të armatosur. Shtatë pjesëtarë të grupit ishin dënuar me burgim të përjetshëm, 13 me 40 vjet burgim, derisa 6 prej 37 të akuzuarve janë dënuar me 20 vjet burgim. Të akuzuarit tjerë janë dënuar me nga 18 vjet apo më pak vjet.

Pjesëtarët e grupit, gjatë procesit të gjatë gjyqësor kanë hedhur poshtë akuzat për terrorizëm, duke theksuar se në ‘Lagjen e Trimave’ në Kumanovë, kanë shkuar për t’ua tërhequr vërejtjen autoriteteve maqedonase, për siç kanë thënë, “mosrealizimin e drejtave të shqiptarëve” siç ishte paraparë në Marrëveshjen e Ohrit.

Fatime Fetai udhëheq rastin “Monstra”

Ish-prokurorja e Speciales Fatime Fetai e udhëheq lëndën “Monstra” në cilësinë e prokurores së autorizuar nga prokurori shtetëror Lubomir Joveski, raporton TV21.

Prokurorja Fatime Fetai në hyrje të Gjykatës Penale tha se vazhdon lufta për drejtësi, ndërsa e pyetur nëse sot do të jenë më të pafuqishëm, Fetai u shpreh “absolutisht jo”.

Në Gjykatën Penale sot pritet të dëgjohen “bombat” për rastin “Monstra”.

Gjykata e Apelit konfirmon dënimet për grupin e Kumanovës

“Lagja e Trimave” në Kumanovë. Maj, 2015.
Isuf Kadriu

Gjykata e Apelit në Shkup ka konfirmuar vendimin e Gjykatës Themelore për grupin e njohur si i Kumanovës, i cili më 2 nëntor 2017 ishte dënuar me 746 vjet burgim. Për veprën terrorizëm ishin dënuar gjithsej 37 persona, shumica shtetas të Kosovës, të cilën ishin shpallur fajtorë për ngjarjet e 9 dhe 10 majit të vitit 2015 në ‘Lagjen e Trimave’, në Kumanovë.

Gjatë luftimeve që kishin zgjatur dy ditë ishin vrarë 8 pjesëtarë të forcave policore dhe 10 pjesëtarë të grupit të armatosur. Shtatë pjesëtarë të grupit ishin dënuar me burg të përjetshëm, 13 janë dënuar me nga 40 vjet burg, derisa 6 prej 37 të akuzuarve janë dënuar me nga 20 vjet burg. Të akuzuarit e tjerët janë dënuar me nga 18 vjet e më poshtë.

Pjesëtarët e grupit, gjatë procesit të gjatë gjyqësor kanë hedhur poshtë akuzat për terrorizëm, duke theksuar se në ‘Lagjen e Trimave’ në Kumanovë, kishin shkuar për t’i tërhequr vërejtjen autoriteteve maqedonase, për siç kanë thënë, “mosrealizimin e drejtave të shqiptarëve” sipas asaj që ishte paraparë në Marrëveshjen e Ohrit.

Pjesëtarët e grupit dhe pala mbrojtëse ka kërkuar hetim ndërkombëtar, ndërsa ka përsëritur qëndrimet se rasti ka qenë i orkestruar nga qeveria e kaluar për të shpërqendruar vëmendjen nga skandalet, me të cilat përballej ajo, në veçanti me aferën e përgjimeve dhe raste tjera.

Nga Qeveria e Maqedonisë së Veriut kanë thënë se mbeten në qëndrimin mbi nevojën e zbardhjes së këtij rasti dhe se pasi të ketë një epilog gjyqësor, do të mund të inkuadrohen ekspertët ndërkombëtarë.

Kryeministri në largim i Kosovës, Ramush Haradinaj në një prononcim për media kishte kërkuar që grupi të ekstradohet në Kosovë për vuajtjen e dënimit më burg. Pas vërtetimit të dënimit, pala mbrojtëse ka të drejtën e ankimimit të vendimit të Apelit në Gjykatën Supreme.

Gjykatësi shqiptar u zgjodh kryetar i Gjykatës Supreme në Maqedoni

Gjykatësi suprem, Faik Arsllani, është shqiptari i parë i cili është zgjedhur për ushtrues detyre kryetar i Gjykatës Supreme, pas shkarkimit të kryetarit Jovo Vangellovski.

Pas dy vitesh tentime të pasuksesshme, Këshilli Gjyqësor e ka shkarkuar Vangellovskin edhe nga funksioni gjykatës. Shkarkimi i Vangellovskit është propozuar së bashku me dy gjyqtarë të tjerë suprem, të cilët së bashku i mbivotuan dy kolegë në këshillin penal të Gjykatës Supreme, me çka ia hoqën paraburgimin Sead Koçanit, i cili atëherë ishte i arratisur.

Ndryshe, opinioni e dëgjoi Vangellovskin në bombat duke kurdisur një lëndë gjyqësore me ish-ministrin Mile Janakieski, pastaj në diskutimin e një zyrtari të qeverisë me bashkëbisedues ku shpalosin momente komprometuese për të.

Në një raport të veçantë e ka theksuar edhe prokurorja speciale Katica Janeva si gjykatës, kryetari i gjykatës më të lartë, i cili kryen ndikime partiake dhe direktiva, por deri më sot, ai nuk ka dhënë dorëheqje.

Ende nuk është shpallur tenderi për rrugën Shkup – Bllacë

Vonesa një muajshe për shpalljen e tenderit, për ndërtimin e dy kilometrave të para të autostradës Shkup-Bllacë, ka ardhur si pasojë e terrenit të vështirë që ka ngadalësuar hartimin e projektit. Kështu thotë Drejtori i Ndërmarrjes publike për rrugë shtetërore, Zoran Kitanov, duke shtuar se ekspertët vazhdojnë me analizat edhe projektimin e pjesës së mbetur prej 10 kilometrave. Kitanov nuk parasheh vonesa tjera pos procedurave ligjore për realizimin e pjesës së parë.

PËR NJË MUAJ ËSHTË PROLONGUAR PËRPUNIMI I PROJEKTIT, NE DHE GJITHË INSTITUCIONET TJERA SË BASHKU ME FAKULTETIN E NDËRTIMTARISË KISHIM QËNDRIM SE MË MIRË ËSHTË QË TË VONOHET 1 MUAJ PROJEKTI DHE TË JETË I MIRË QË TË BËHET EDHE RRUGA E MIRË. TENDERI ECË, MË 12 SHTATOR BËHET HAPJA, INTERES KA MJAFTË, THEMI KËSHTU NË BAZË TË THIRRJEVE TË KOMPANIVE TË NDËRTIMIT TË CILAT PARAQITEN PËR PAQARTËSITË NË TENDER- DEKLAROI ZORAN KITANOV – DREJTOR I NDËRMARRJES PUBLIKE PËR RRUGË SHTETËRORE.

Sa i përket pjesës së dytë të autostradës, pra 10 kilometrat tjera, Kitanov thotë se po bëhen analiza të detajuara në terren për shkak se do të ketë ura, tunele dhe viadukte të majme që e vështirësojnë përpilimin e të njëjtit. Kitanov paralajmëron se në pranverë do të fillojë edhe rikonstruktimi i tërësishëm i rrugës së vjetër që të shpie nga Shkupi në Bllacë.

Autostrada është komplet trasë e re, por nga pranvera do të fillojë realibitimi total edhe i rrugës ekzistuese- tha Zoran Kitanov – Drejtor i Ndërmarrjes publike për rrugë shtetërore

Autostrada Shkup-Bllacë është premtuar prej vitesh madje është përdorur edhe si karrem për vota nëpër fushata zgjedhore nga parti të ndryshme politike. Derisa institucionet e këtushme vazhdojnë me premtimet për ndërtimin e kësaj pjese të autostradës që lidhe Shkupin me Prishtinë, pala kosovare tani disa mua ka lëshuar në qarkullim pjesën e saj të autostradës që ka urën më të gjatë në gjatë në rajon.

“Grupi Kumanova”, pala mbrojtëse mirëpret kërkesën e Haradinajt (video)

Avokatët e pjesëtarëve të grupit të Kumanovës të cilët po vuajnë dënimin në burgjet e Maqedonisë së Veriut, në pritje të vendimit të shkallës së dytë, kërkojnë që Kosova të nisë iniciativën për ekstradimin e tyre. Duke komentuar qëndrimin e ish kryeministrit të Kosovës Ramush Haradinaj që të dënuarit të ekstradohen pasi të përfundojë procedura gjyqësore, avokati Naser Raufi tha se shteti i Kosovës nuk duhet të presë edhe shumë për të kërkuar ekstradimin, për shkak se procedura e ankimimit mund të zgjasë me vite. Si zgjidhje, Raufi ofron dy opsione:

“Pa marrë parasysh nëse rikthehet lënda, apo shkojmë në seancën ankimore në Gjykatën Supreme, sigurisht intervali kohor do të jetë mes 4 dhe 6 vite. D.m.th është më praktike që të zgjidhet njëra prej këtyre dy opsioneve, të vazhdoje me gjykim në Republikën e Kosovës për gjysmën e të akuzuarve që janë me nënshtetësi kosovare ose si opsion i dytë që thash, që të mbajnë paraburgimin në Kosovë, me atë që të ketë marrëveshje, sepse e dimë që është rast politik dhe marrëveshja duhet të jetë politike”-tha Naser Raufi, avokat i disa të burgosurve nga rasti i Kumanovës”, deklaroi Raufi.

Pos ekstradimit, avokatja Artene Iseni kërkon edhe rikualifikimin e veprës penale dhe uljen e dënimeve.

Mbajtja e mëtutjeshme në burgjet e Maqedonisë e djemve nga Kosova nuk përmbush asnjë qëllim që parashohin ligjet e Maqedonisë e para ndëshkimi dhe e dyta resocializimi. Këta djem janë ndëshkuar përtej ligjit dhe sigurisht burgjet e Maqedonisë nuk ofrojnë asgjë për socializmin e tyre, përkundrazi dëmtojnë rëndë shëndetin e tyre. Ekstradimi në Kosovë do të ishte zgjidhja ma e mirë bashkë me rikualifikimin e veprave penale dhe uljen e dënimeve”-theksoi Artene Iseni, avokate e disa të burgosurve nga rasti i Kumanovës.

Vendimin e shkallës së parë mbrojtja e ka ankimuar në Gjykatë të Apelit. Në rast të një vendimi për rigjykim, të njëjtit duhet të lirohen deri në ngritjen e akuzës tjetër, gjë që është thuajse e pamundur të ndodhë. Nëse Apeli vërteton vendimin e shkallës së parë, të dënuarit kanë të drejtë të ankesës në Gjykatën Supreme, procedurë kjo që mund të zgjasë mbi katër vite deri në vendimin final. Për ngjarjet në lagjen e trimave në Kumanovë 37 persona u dënuan me 746 vjet burg.

Më 5 shtator publikohen “bombat” për rastin “Monstra”

Rreth 38 biseda të përgjuara dhe SMS porosi të ndërlidhura me rastin “Monstra”, tanimë janë në duart e Gjykatës.

Në seancën e sotme gjyqësore për rastin e vrasjes së pesëfishtë tek liqeni i Smillkovës, është bërë e ditur se me 5 shtator kur edhe pritet të vazhdoj seanca e radhës do të fillohet me publikimin e “bombave”.

“Në gjykatë do të porezantohen të gjitha materialet që na i ka dorëzuar LSDM-ja, por do t’i publikojmë edhe bisedat që mua mi kanë dërguar”, tha Fatime Fetai.

Një emigrant i vdekur dhe 13 të lënduar në Maqedoninë e Veriu

Një emigrant e ka humbur jetën ndërsa 13 janë lënduar në një aksident komunikacioni në autostradën Demir Kapi- Negotinë në jug të Maqedonisë së Veriut.

Katër nga të plagosurit janë në gjendje të rëndë dhe janë dërguar në spitalin shtetëror në Shkup.

Aksidenti ka ndodhur kur automjeti me emigrantë është përplasur një një mjet transportues që lëvizte në drejtim të njejtë dhe pas përplasjes është ndezur në flakë. Migrantët janë nga Pakistani dhe Bangladesh të moshës mes 22 dhe 25 vjeç.

Lëvizja e emigrantëve ilegalë ka alarmuar drejtuesit e institucioneve të cilat kanë ndërmarrë masa në parandalimin e tyre. Të enjten policia maqedonase ka kapur 45 migrantë nga Afganistani dhe Siria në një furgon afër kufirit me Serbinë. Sipas policisë, ata dyshohet të kenë hyrë ilegalisht nga Greqia ndërsa si destinacion të fundit kanë pasur ndonjërin nga shtetet e Bashkimit Evropian.

Policia gjithashtu ka arrestuar drejtuesit e mjetit nën dyshimin e kontrabandës me njerëz. Vetëm në gjysmën e parë të këtij viti nga Greqia në Maqedoninë e Veriut kanë hyrë rreth 10 mijë emigrantë ilegalë.

Shqiptari emërohet zëvendës-kryetar në LSDM-në e Zoran Zaevit

Ish-gazetari, tani më deputet i LSDM-së, Muhamed Zekiri, pas rizgjedhjes për nënkryetar të LSDM-së ka përcjellë një porosi në rrjetet sociale, të cilin ia ka dedikuar kryetarit të tij, Zoran Zaev.

“Rrespekti meritohet. Sinqeriteti çmohet. Besimi fitohet. Besnikëria kthehet”, ka shkruar Zekiri në facebook.

Ai u përkrah nga Këshilli Qendror i kësaj partie, si dhe lideri i LSDM-së, Zoran Zaev.

Zekiri nga profesioni i gazetarit kaloi në politik duke u përfshirë si pjesë e LSDM, duke fituar edhe mandatin e deputetit në zgjedhjet e fundit parlamentare.

Maqedoni: Arrestohet prokurorja e posaçme, Katica Janeva

Isak Ramadani

Policia maqedonase ka arrestuar të mërkuren prokuroren e posaçme Katica Janeva, e cila mund të jetë përfshirë në skandalin e korrupsionit të njohur si “zhvatja”. Policia bllokoi rrugën që çonte tek shtëpia e saj në një lagje në jugperëndim të Shkupit. Hollësitë rreth ngjarjes pritet së shpejti të njoftohen nga Prokuroria publike e Maqedonisë së Veriut.

Prokuroria publike tha se prokurorja Janeva ka kryer vepër penale duke keqpërdorur detyrën e saj zyrtare. Prokuroria kërkon masën e paraburgimit për zonjën Janeva.

Prokurorja e posaçme ka ndikuar në heqjen e masës së paraburgimit për biznesmenin Jordan Kamçev dhe zëvendësimin me masën e arrestit shtëpiak. Ajo, sipas prokurorisë republikane, ka ndikuar në zhvillimin e veprimit që nuk duhej të ndodhë e që është kërkesa nga ana e dy personave të tjerë të dyshuar në këtë rast të tetë milionë eurove prej biznesmenit Kamçev.

Dy të dyshuarit të cilët tashmë ndodhen në paraburgim, kanë arritur që në muajin shkurt të këtij viti t’i marrin biznesmenit një milion euro dhe t’i nxjerrin ato me një valixhe Louis Vuiton nga shtëpia e tij, ndërsa 500 mijë euro i kanë marrë nga gruaja e tij.

Kryeprokurori Lubomir Jovevski dhe prokurorja e Prokurorisë për luftën kundër kriminalitetit të organizuar dhe korrupsionit, Vilma Ruskoska bënë të ditur se edhe persona të tjerë jan nën hetime, por ato i hodhën poshtë zërat se po bëhen bastisje në shtëpitë e disa politikanëve.

Prokurori Jovevski tha se nuk ka indicje që mjetet të kenë përfunduar tek politikanë vendas apo të huaj.

Prokurorët republikanë thanë se ngjarjet e sotme dëshmojnë se prokuroria punon në mënyrë joselektive.

Zonja Janeva u mor në pyetje të marten në Prokurorinë publike, ndërkohë që vetë ajo tha se atje shkoi në cilësinë e dëshmitarit. Ajo mohoi të kishte faj lidhur me këto zhvillime. Në prokurori ajo ishte me një avokat të njohur, i cili mbron të akuzuar në raste që po procedon pikërisht Prokuroria e posaçme në krye të cilës ndodhet Katica Janeva.

Skandali i publikuar në gazetën italiane La Verita ka tronditur themelet e gjyqësorit në Shkup, ndërsa në një video regjistrim duket tashmë Bojan Jovanovski i njohur si Boki 13 duke dalë së bashku me një ndihmës të tij nga shtëpia e biznesmenit Jordan Kamçev me dy valixhe të mbushura me para. Boki 13 në kët rast shikohet si një lloj ndërmjetësi i prokurores Katica Janeva në këtë skandal të madh korrupsioni. Ndërkaq, biznesmeni Kamçev është i akuzuar për larje parashë dhe vepra kriminale.

Komunikimi i tij me njeriun e afërt të kryeprokurores së posaçme dhe korruptimi apo zhvatja, varësisht kush si e komenton, kishte të bënte me lehtësimin e rrethanave të arrestit të tij, sipas audio-regjistrimeve të publikuara në shtypin italian.

Shkup: Kryeprokurorja e Posaçme dëshmon për rastin “zhvatja”

Isak Ramadani

Prokurorja në largim e Prokurorisë së Posaçme në Maqedoninë e Veriut, Katica Janeva u paraqit të martën para Prokurorisë publike për të dëshmuar lidhur me rastin gjyqësor të njohur si ‘zhvatja’, një skandal korrupsioni ky që ka tronditur themelet e gjyqësorit atje. Zonja Janeva u tha gazetarëve se nuk ndjehet fajtore. Megjithatë, në një publikim në shtypin italian dëgjohet zëri i saj duke biseduar me një biznesmen maqedonas, i cili dyshohet të ketë dhënë më tepër se një milion euro në këmbim të rrethanave lehtësuese për sa i përket paraburgimit të tij.

Shefja në dorëheqje e Prokurorisë së Posaçme, Katica Janeva për disa orë dëshmoi para prokurores së Prokurorisë publike për luftë ndaj kriminalitet të organizuar dhe korrupsionit, Vilma Ruskoska në lidhje me rastin gjyqësor “zhvatja”. Prokuroria publike në Shkup nuk ka dhënë hollësi se në çfarë cilësie ishte ftuar zonja Janeva, si dëshmitare apo e dyshuar në skandalin e përfolur të korrupsionit prej më tepër se një milion eurosh. Publikimi i skandalit nga gazeta italiane La Verita e implikon zonjën Janeva madje pretendon edhe përfshirjen e Kryeministrit maqedonas Zoran Zaev në të.

Katica Janeva në prokurori erdhi me avokatin e saj, që la hapsirë për komente shtesë nëse ajo do të ishte ftuar vetëm për të dëshmuar.

Kryeprokurorja në largim Janeva u tha gazetarëve se nuk ndihet fajtore ndërsa shpresonte që me paraqitjen e argumenteve dhe deklaratës së saj do të bënte përshpejtimin e hetimeve të rastit ‘zhvatja’.

Lidhur me këtë rast, që padyshim ka tronditur jo vetëm opinionin publik këtu por edhe elitat politike, kanë dëshmuar deri tash edhe prokurorët e Prokurorisë së posaçme Lile Stefanova, Burim Rrustemi dhe Elizabeta Josifovska.

Dy të dyshuarit e parë për rastin, Bojan Jovanovski i njohur si Boki 13 dhe Zoran Milevski tashmë ndodhen në paraburgim. Vetëm Milevski deri tash ka dalë para prokurorit.

Rasti ka zgjuar interes, veç Maqedonisë së Veriut, sidomos në Serbinë fqinje me shtypin e atjeshëm që këmbëngul përfshirjen e Kryeministit maqedonas Zoran Zaev në skandal.

Në video dhe audio-regjistrimin e publikuar në gazetën italiane La Verita duken dy të dyshuarit Boki 13 dhe Zoran Milevski duke dalur nga shtëpia e biznesmenit Jordan Kamçev me dy valixhe të mëdha në të cilat mendohet se kishte mbi një milon euro me që më parë vdeoja shfaqte numërimin e shumave të mëdha të parave në këto valixhe. Në një audio, ndërkaq dëgjohej zëri i prokurores Katica Janeva duke folur me biznesmenin Jordan Kamçev të dyshuar për një rast tjetër gjyqësor duke i thënë atij: “Mos u shqetëso se gjithçka do të jetë Okej”. Në po të njejtën bisedë dëgjohej edhe Boki 13. Biznesmeni synonte lehtësime rreth situatës me paraburgimin, sipas prokurorisë. Ai ende nuk është marrë në pyetje.

Nga ana tjetër, autoritetet qeveritare e cilësojnë autorin e publikimit të skandalit në gazetën italiane si të afërt me partinë maqedonase të opozitës VMRO-DPMNE, ndërkohë që dyshojnë se vetë drejtuesi opozitar Kristijan Mickovski mund të ketë gisht në kurdisjen e skandalit.

Shkup, probleme me zbatimin e marrëveshjes së Prespës

Përpjekjet e qeverisë së Maqedonisë së Veriut për të riemërtuar statujat publike të figurave historike, bazuar në një marrëveshje me Greqinë fqinje, kanë pasur një fillim të vështirë.

Gjatë natës, si pasojë e disa akteve të vandalizimit, u hoqën pllakatet e instaluara të enjten në tre statuja në Shkup, të mbretit të lashtë grek Aleksandrit të Madh dhe familjes së tij, të cilat sqaronin se ato i përkasin historisë antike greke. Një prej pllakateve të hequra u rikthye më vonë gjatë ditës së premte. Deri tani nuk është bërë asnjë arrestim.

Greqia ka akuzuar për një kohë të gjatë vendin fqinj, që më parë quhej “Maqedoni”, se përpiqej për të përvetësuar kulturën e lashtë greke si dhe për pretendime territoriale ndaj pjesës veriore të Greqisë.

Shkupi i ka mohuar këto pretendime, por në të njëjtën kohë qeveria e mëparshme, konservatore ngriti disa statuja të Aleksandrit të Madh dhe familjes së tij në zona të njohura publike.

Në një zhvillim të rëndësishëm, me qëllimin për të normalizuar marrëdhëniet pas rreth 30 vitesh, vendi u riemërtua këtë vit si Maqedonia e Veriut. Nga ana tjetër Greqia ra dakord ta mbështesë atë në proceset për integrim në NATO dhe Bashkimin Evropian.

Rreth 10 statuja në të gjithë Maqedoninë e Veriut po emërtohen sërisht.