VOAL

VOAL

Please Wait ...
0%

Shkodër! A me të vërtetë të duan?… – Nga BESNIK DIZDARI

By | September 3, 2016
blank

Komentet

blank

A mundet të sfidojë Kinën partneriteti ndërkombëtar i Presidentit Biden?

Rob Garver

UASHINGTON – Njoftimi fundjavën e kaluar se G-7a do të mbështeste një propozim të udhëhequr nga Shtetet e Bashkuara për të krijuar një alternativë ndaj Iniciativës tetëvjeçare “Një Brez Një Rrugë” të Kinës u prit me optimizëm të matur nga ekspertët ndërkombëtarë të zhvillimit.

Ekspertët mirëpritën fokusin për të ndihmuar kombet me të ardhura të ulëta dhe të moderuara që të zhvillojnë infrastrukturën e nevojshme, por ngritën shumë pikëpyetje për zbatimin që nuk morën shpjegime të menjëhershme.

Plani synon të “nxisë një total prej qindra miliarda dollarë investimesh në infrastrukturë për vendet me të ardhura të ulëta dhe të mesme në vitet e ardhshme”, thuhet në një dokument të Shtëpisë së Bardhë. Është pjesë e një përpjekjeje më të gjerë që po promovohet nga Presidenti Joe Biden, i cili tha se G-7a dhe demokracitë e tjera anembanë botës janë angazhuar në një betejë me regjimet autokratike si Kina dhe Rusia për të ushtruar ndikim në vendet në zhvillim.

Përpjekja, e quajtur “Partneriteti Botëror i Rindërtimit Më Mirë”, ka për qëllim “bashkimin e demokracive të botës për të përmbushur sfidat me të cilat përballet bota dhe për të dhënë rezultate për njerëzit tanë dhe për njerëzit sinqerisht kudo”, tha Presidenti Biden.

‘Një hap jashtëzakonisht pozitiv’

“Sigurisht, fakti që Shtetet e Bashkuara ishin të pranishme dhe shumë të angazhuara në G-7 ështe një hap jashtëzakonisht pozitiv”, tha Lisa Bos, drejtore e marrëdhënieve qeveritare për World Vision, një organizatë e krishterë humanitare globale. “Fakti që ne treguam inciativë ishte një hap jashtëzakonisht pozitiv. Por tani, a do të udhëheqim për të arritur rezultatet dhe objektivat dhe për t’i bërë ato objektiva vërtet domethënëse?”, tha ajo.

Zonja Bos tha se rrethanat aktuale, në të cilat pandemia ka përqendruar vëmendjen tek bota e ndërlidhur dhe vlera e institucioneve të forta, kanë krijuar edhe një lloj mundësie.

“Tani ekziston momenti kohor kur ne mund të… ringjallim dhe rigjallërojmë punën që shumë nga vendet më të zhvilluara po përpiqen të bëjnë për krijimin e një bote më të sigurt, më të begatë, më të shëndetshme”, tha zonja Bos. “Nëse nuk do të ndodhë tani, atëherë kur do të ndodhë? Jemi në një moment vërtet kritik dhe … tani nuk është koha të tërhiqemi. Tani është koha për t’i dhënë gaz”.

Ndjekja e vazhdueshme është e domosdoshme

“Mendoj se është me të vërtetë pozitive që vendet e G-7ës ta njohin çështjen dhe të njohin nevojën për të reaguar”, tha Eric Farnsworth, nënkryetar i Shoqërisë së Amerikave / Këshillit të Amerikave. “Ka nevoja të vërteta që duhet të plotësohen. Dhe njerëzit në tregjet në zhvillim dhe gjetiu, gjithashtu nëse nuk shohin zgjidhje që vijnë nga demokracitë, do kërkojnë një zgjidhje kudo që të mund ta gjejnë një të tillë. Dhe Kina, natyrisht, ka shumë para”.

Nga projekti kinez "Një brez një rrugë" në Pakistan

Nga projekti kinez “Një brez një rrugë” në Pakistan

Për të qenë e suksesshme, iniciativa B3W, siç po e quan administrata e Presidentit Biden, do të kërkojë përpjekje të qëndrueshme nga të gjitha vendet e përfshira, tha zoti Farnsworth. G-7a përbëhet nga kombe të pasura, shumë të industrializuara – Kanadaja, Franca, Gjermania, Italia, Japonia, Mbretëria e Bashkuar dhe Shtetet e Bashkuara.

“Njoftimi mund të bëhet, por çelësi do të jetë jo thjesht ndjekja, por ndjekja kuptimplotë, e qëndrueshme, në mënyrë që të mos jetë vetëm për një herë,… por që të jetë në fakt një përparësi”, tha ai. “Qëndrueshmëria, për mendimin tim, është thelbësore gjithashtu, sepse, ju e dini, kjo duhet të jetë diçka tek e cila njerëzit të dinë se mund të mbështeten … që nëse regjistrohen në një marrëveshje kompakt, ose diçka të tillë, me Shtetet e Bashkuara ose BE-në, do të jetë ende në funksionim tre vjet më vonë ose pesë vjet më vonë”.

Jo saktësisht konkurrencë me Pekinin

Ndërsa u prezantua nga Presidenti Biden si një sfidë e qartë për Kinën, është e dukshme se fushat në të cilat do të përqendrohet plani – klima, shëndetësia dhe siguria shëndetësore, teknologjia dixhitale, dhe barazia gjinore, sipas Shtëpisë së Bardhë – nuk janë në të vërtetë në konkurrencë të drejtpërdrejtë me pjesën më të madhe të asaj që Kina ka bërë përmes programit “Një Brez Një Rrugë”.

Fokusi i Kinës ka qenë kryesisht në projektet e mëdha të kategorisë së investimeve tradicionale të infrastrukturës, përfshirë portet, autostradat, aeroportet, digat, etj.

Kjo nuk do të thotë se fushat e identifikuara si fokusi i programit B3W nuk kanë nevojë për investime të konsiderueshme.

Jetësore dhe të ndërlidhura

“Secila prej këtyre katër fushave është e rëndësishme dhe ato janë të ndërlidhura”, tha Michelle Brown, drejtore e asociuar në organizatën “Veprim kundër Urisë”.

“COVID-i ka demonstruar se mungesa e investimeve në infrastrukturën jetësore në shëndetësi dhe sigurinë shëndetësore mund të ketë pasoja shkatërruese. Mungesa e shërbimeve themelore përkeqësoi ndikimin e pandemisë në vendet e pasura dhe ato të varfëra. Pabarazitë sociale, ekonomike dhe gjinore thelluan më tej ndikimet negative të COVID-it”, tha ajo.

Efektet e ndryshimit të klimës dhe mungesa e infrastrukturës dixhitale në pjesët më të pazhvilluara të botës, shtoi ajo, vetëm se e shtuan më tej dëmin e shkaktuar nga pandemia.

OKB-ja paralajmëroi se për shkak të pandemisë, miliona njerëz janë më të rrezikuar edhe nga uria

OKB-ja paralajmëroi se për shkak të pandemisë, miliona njerëz janë më të rrezikuar edhe nga uria

Më shumë kufizime

Është shumë e vështirë që programi B3W të jetë në gjendje të veprojë me aq pak kufizime sa ka regjimi një-partiak i Pekinit.

Iniciativa “Një Brez Një Rrugë” shpesh ka përfshirë marrëveshje dypalëshe financimi mes bankave kineze dhe vendeve në zhvillim, me vetë projektet e infrastrukturës që shërbejnë si kolateral për kreditë. Shtetet e Bashkuara dhe vendet partnere që veprojnë në demokraci me kufij të qartë mes shtetit dhe bizneseve private, nuk do të jenë në gjendje të orientojnë fondet me atë lloj preçizioni.

Projektit B3W do t’i duhet të mobilizojë agjenci private dhe ndërqeveritare, ndoshta përmes programeve të garancive të huasë dhe masave të tjera të financimit që kërkojnë shumë më tepër për sa i përket transparencës dhe shmangies së riskut, sesa ka kërkuar Pekini.

Kompleksiteti mund të jetë një gjë e mirë

Liria e Pekinit për të vepruar siç e sheh të arsyeshme në arritjen e marrëveshjeve në kuadrin e iniciativës “Një brez një rrugë” nuk ka qenë gjithmonë e dobishme, qoftë për Kinën apo për vendet që supozohet se kanë përfituar nga programi.

Në një numër rastesh, vendet e kanë gjetur veten në pamundësi për të shlyer huatë që u ka dhënë Kina, duke krijuar shqetësime se statusi i Pekinit si kreditor i jep një influencë të pazakontë mbi vendimet e politikës së brendshme që mund të prekin firmat kineze.

Në raste të tjera, projektet janë ndërmarrë pa përfshirjen e komuniteteve që do të preken më shumë prej tyre. Disa, si një projekt në vazhdim për një port në Peru, kanë dëmtuar mjedisin lokal dhe kanë prishur jetesën e njerëzve të cilët supozohej se duhej të ishin përfituesit.

Projekte të tjera, si diga Coca Codo Sinclair në Ekuador, kanë shkaktuar turpërimin e të gjitha palëve të përfshira për shkak të planifikimit të dobët dhe ekzekutimit të dobët që bëri që projektet të mos përmbushnin premtimin e përfitimeve ekonomike që ishte arsyeja primare për ndërtimin e tyre.

Mundësia ekziston

Sipas zotit Farnsworth të Shoqërisë së Amerikave, “Partneriteti i Rindërtimit Më Mirë” ka të paktën shansin për të rikonfirmuar pozicionin e kombeve demokratike si alternativa më e mirë për zhvillimin e kombeve në të ardhmen.

Ai thotë se kjo do të jetë kështu nëse Presidenti Biden dhe udhëheqësit e tjerë mund ta paraqesin si një përfitim strategjik për votuesit e tyre ndërmarrjen e një roli udhëheqës global ndërsa bota rimëkëmbet nga pandemia COVID-19, në vend që të lihet Kina të ndihmojë vendet në zhvillim që të marrin veten.

“Kjo nuk është vetëm një çështje financash, shlyerje borxhesh dhe gjëra të tilla, por ekziston një këndvështrim strategjik këtu – nëse Perëndimi do të mund të reagojë, apo nëse Kina do të mbetet huazuesi de facto i mundësisë së minutës së fundit”, tha zoti Farnsworth.

Diplomatët kinezë nuk i pranuan rezultatet e samitit G-7, me një zëdhënës nga ambasada kineze në Londër që tha për agjensinë e lajmeve Reuters se “ditët kur vendimet globale diktoheshin nga një grup i vogël vendesh kanë kaluar”, dhe shtoi se, “Ne gjithmonë besojmë se vendet, të mëdha apo të vogla, të forta ose të dobëta, të varfra ose të pasura, janë të barabarta dhe se çështjet botërore duhet të trajtohen përmes konsultimit me të gjitha vendet”.

blank

Opozita: Nëse Kurti nuk i merr parasysh rekomandimet e mundshme për Asociacionin….

Shkëlqim Hysenaj

Replika e kryeministrit Albin Kurti, në kërkesën e ambasadorit amerikan, Philip Kosnett, për formimin e Asociacionit të komunave me shumicë serbe, sipas opozitës, mund të ndikojë në dëmtimin e raporteve me SHBA-në.

Të mërkurën më 16 qershor, ambasadori Philip Kosnett tha se “Shtetet e Bashkuara besojnë se Kosova e ka detyrim të formojë Asociacionin e komunave me shumicë serbe”.

Duke iu referuar kundërshtimit të qeverisë që të çojë përpara formimin e Asociacionit të Komunave me shumicë serbe, ambasadori Kosnett tha se “vendet e kanë detyrim t’i respektojnë marrëveshjet dhe obligimet e ndërmarra më parë”.

Por, pas deklaratës së ambasadorit Kosnett, vet kryeministri Kurti tha se nuk mund të ketë asociacion njëetnik. Uashingtoni mbetet mbështetësi më i madh politik dhe financiar i shtetit të Kosovës.

Por, raportet mes Kosovës dhe SHBA-së, filluan të luhaten në fund të vitit 2018, por në veçanti u tendosën në fillim të vitit 2020, kur asokohe qeveria “Kurti I”, kishte refuzuar që të largonte tarifën doganore prej 100 për qind, për produktet me origjinë nga Serbia dhe Bosnja.

Dështimi për të larguar taksën, bëri që senatori amerikan, David Perdue, të kërkonte që SHBA-ja të rishqyrtonte praninë e saj ushtarake në Kosovë.

Donald Trump Junior, djali i ish-presidentit të SHBA-së, Donald Trump, kishte mbështetur këtë deklaratë në Twitter, duke theksuar se “është koha që t’i kthejmë trupat në shtëpi”.

Mirëpo, tendosja më e madhe raporteve në mes të Kosovës dhe SHBA-së gjatë administratës së ish-presidentit Donald Trump, ishte acarimi i raporteve në mes të kryeministrit Albin Kurti si dhe emisarit special për dialogun Prishtinë-Beograd, Richard Grenell.

SHBA e patën pezulluar Kosovën nga programi për ndihmë ekonomike. “Korporata e Sfidës së Mijëvjeçarit” të njohur si MCC.

Pak javë më vonë, kishte rënë qeveria Kurti dhe udhëheqjen e shtetit e mori Avdullah Hoti i LDK-së.

Një ndër vendimet e para të qeverisë Hoti, ishte largimi i tarifës për produktet me origjinë nga Serbia dhe Bosnje e Hercegovina. Pas këtij veprimi, MCC-ja zhbllokoi programin e ndihmës për Kosovën.

Opozita kërkon bashkëpunim dhe jo konflikt me partnerët

Partitë opozitare në Kosovë, thonë se mund të ketë një acarim të ri të raporteve në mes të Kosovës dhe administrarës së presidentit amerikan, Joe Biden, në rast se qeveria në Prishtinë, nuk merr parasysh rekomandimet që mund t’i japë Ambasada Amerikane apo zyrtarët e lartë amerikanë.

Xhavit Haliti, deputet i Partisë Demokratike të Kosovës, thotë se qeveria dhe kryeministri Kurti, nuk duhet që të mbajë qëndrime ekstreme, porse duhet t’i bashkërendoj veprimet me SHBA-në.

“Për mua, është gabim që t’i kundërvihemi politikës së Shteteve të Bashkuara të Amerikës. Më mirë do të ishte që të thuhet se ne i bashkërendisim qëndrimet me Ambasadën e Shteteve të Bashkuara të Amerikës dhe se jemi të gatshëm ta diskutojmë çështjen”, tha Haliti.

Sipas Halitit, gabimi më i madh që do të mund të bëjë kryeministri Kurti, është që të deklarohet kundër qëndrimeve të SHBA-së.

Shefi i grupit parlamentar të Lidhjes Demokratike të Kosovës, Arben Gashi, thotë se pavarësisht agjendave politike, qeveria duhet t’i ruajë raportet me partnerët strategjikë, sidomos me SHBA-në.

Gashi thotë se krahas ruajtjes së raporteve me partnerët, qeveria e drejtuar nga Albin Kurti, duhet që të ruaj edhe interesin shtetëror të Kosovës.

“Kryeministri e ka për detyrë që të ruajë raportet me partnerët strategjikë dhe po ashtu të garantojë dhe të ruajë interesin shtetëror të Kosovës, duke garantuar ruajtjen e Kushtetutës dhe tërësisë territoriale të vendit. Është detyrë e kryeministrit që t’í bëjë këto balancime dhe ne presim që ai t’i bëjë”, tha Gashi.

Gashi thotë se çdo dështim në arritjen e këtij qëllimi, do të shkaktojë dëme të parikuperueshme për vendin.

Për qasje antiamerikane, kryeministri Kurti akuzohet nga AAK-ja. Deputeti i këtij subjekti politik, Pal Lekaj, thotë se kryeministri Kurti në shumë raste ka vepruar në kundërshtim më qëndrimin dhe këshillën amerikane.

“E shoh një distancim të qeverisë Kurti nga politika amerikane, por ne nuk kemi asnjë rrugëdalje tjetër, përpos bashkëpunimit dhe vlerësimit për SHBA-në, për politikat që i kanë zhvilluar në raport me Kosovën dhe e pa rezervë”, thotë Lekaj.

Lekaj thotë se qeveria duhet që të insistojë në intensifikimin e raporteve me SHBA-në, si dhe të kërkojë përfshirje më të madhe në dialog.

Abazi: Qeveria po e mbron kushtetutën

Përkundër këtyre që thotë opozita, deputeti i Lëvizjes Vetëvendosje Haki Abazi, thotë se qëndrimi i qeverisë së Kosovës kundër themelimit të Asociacionit të komunave me shumicë serbe, nuk mund të ndikojë në tendosjen e raporteve në mes të Kosovës dhe SHBA-së.

Ai thotë se qeveria e Kosovës në këtë rast, po e mbron kushtetutën e vendit, njejtë siç do ta mbronte edhe SHBA kushtetutën e saj.

“Asociacioni është i papranueshëm, sidomos kur bëhet fjalë për organizim në vija etnike, sepse është në kundërshtim të plotë të parimeve që Shtetet e Bashkuara dhe Bashkimi Evropian kanë paraqitur para Kosovës, në momentin e zgjidhjes së statusit final si shtet shumetnik dhe pa barriera e kufizime të të drejtave të secilit komunitet”, thotë Abazi.

E vetmja formë për themelimin e këtij asociacioni, sipas Abazit, është përkitazi me interpretimin e Gjykatës Kushtetuese të Kosovës, duke përjashtuar çdo kompetencë ekzekutive.

Mushkolaj: Deklaratat e Kurtit për konsum politik

Analisti politik, Imer Mushkolaj, thotë se përgjigja e kryeministrit Kurti në raport me deklaratat e ambasadorit Kosnett, janë më shumë për konsum të brendshëm sesa për të dërguar mesazh që iu dërgohet ndërkombëtarëve në këtë rast.

“Zotëri Kurti nuk mund të thotë po, do të themelohet asociacioni, ndërkohë që e kishte kauzë kryesore kundërshtimin e këtij asociacioni. Deklarata e ambasadorit amerikan, natyrisht është një qëndrim i SHBA-së, të cilin Kosova duhet ta respektojë jo se e thotë SHBA, por për shkak se krijimi i asociacionit është obligim ndërkombëtar që Kosova e ka marrë”, thotë Mushkolaj.

Parimet e përgjithshme për formimin e Asociacionit të komunave me shumicë serbe në Kosovë, u nënshkruan më 25 gusht 2015 në kuadër të dialogut të Brukselit.

Që nga ajo kohë, kjo marrëveshje nuk gjeti zbatim pasi Gjykata Kushtetuese e Kosovës, nxori vendim se shumica e pikave të marrëveshjes binin ndesh me kushtetutën.

Serbia dhe bashkësia ndërkombëtare, kanë insistuar vazhdimisht në zbatimin e marrëveshjes për Asociacionin e komunave me shumicë serbe, porse, kryeministri Albin Kurti, ka deklaruar sërish se marrëveshja nuk mund të zbatohet pasi është kundërkushtetuese.

blank

Dy Artistë shqiptarë pjesë e kastit të Traviatës me të cilën Opera e Triestes e hap sezonin

Pas erës Covid, po fillon era e re. Njerëzimi po përpiqet të kurojë dhimbjet, traumat, i etur të rifillojë jetën!

Alfabeti i kuptueshëm për të gjithë,

që nuk ka nevojë për interpretë është muzika, gjuha universale e njerëzimit, sikur thotë Longfellow,

që ka fuqi magjike që të rigjallërojë shpirtrat e lodhur nga diçka që nuk e kishin imagjinuar kurrë se do t’ju ndodhte.

Në Zvicër përshembull, karnavalet e famshme të Bazelit, që sot janë pjesë e trashëgimisë kulturore të njerëzimit dhe mbrohen nga UNESCO ishin shtyrë në 1920 katër javë për shkak të gripit spanjoll,

ndërsa një shekull më vonë, do të pezulloheshin dy vite rresht,

pra bota kulturore, megjithë përpjekjet për të treguar potencialet e veta, ishte nën karantinë.

Gjithësesi shpresojmë që çka përjetuam këto dy vjet t’i shërbejnë njerëzimit për të nxjerrë mësime, me qëllim të mos përsëritet më.

Por tani gjithçka është rizgjuar!

Pas periudhës të plotë të izolimit,ku sallat e koncerteve qëndronin të heshtura,

dhe nëpër teatrot e mëdha platetë e lozhat ishin bosh dhe nuk dëgjoheshin më duartrokitjet

ndërsa Artistët me artin e tyre ishin privuar nga kontakti direkt me publikun

gjithçka po rifillon, me energji të reja për të demonstruar fuqine madhështore të Artit.

Italia vendi i muzikës lirike, il paese del bel canto, ka rilindur si pas një ankthi,

për të rinisur jetën artistike, turet koncertore të artistëve, teatrot për rinisur repertoret, sezonin.

Teatri lirik i Triestes e hap kalendarin e shfaqjeve  me Traviatën e Giuseppe Verdi, emrin e të cilit edhe mban.

E bukura është se pjesë e kastit të Artistëve janë dy shqiptarë, Hektor Leka,

që është i shtëpisë në këtë teatër pasi aty është i angazhuar prej kur lanë Shqipërinë bashkë me familjen,

me nënën e tij të shquar, të famshmen Rozmari Jorganxhi, e cila këndoi në skenën e Verdit deri sa doli në pension.

Hektori më thotë se “Shqipëria ka nxjerrë këngëtarë më tepër se politikanë, por të cilëve mjerisht u mungon një Teatër lirik.

Edhe një Teatër që e kishin u shemb. Shqipëria duhet të kishte të paktën dy Teatro Lirikë, shton Hektori. Në Shkodër, ku u interpretua për së pari opera e parë shqiptare Mrika e Prenk Jakovës dhe në Tiranë.”

Duke iu kthyer skenës të Giuseppe Verdit të Triestes, këngëtari i mirënjohur lirik Hektor Leka tregon se në këtë skenë kanë interpretuar shumë yje shqiptare, si Inva Mula, Ermonela Jaho, Gëzim Myshketa, Orjana Kurteshi, Frano Lufi, Enkeleida Shkoza, emra të shkëlqyer të belkantos që performojnë në botë, ndërsa për ta dihet pak ose aspak në Shqipëri.”

“Nuk është hera e parë që në skenën e Teatrit lirik të Triestes një shfaqje të interpretojnë dy shqiptarë, tregon Hektori, duke u ndalur kësaj here tek talenti premtues i Nina Muhos e cila interpreton rolin e Violetës.”

Teatri Giuseppe Verdi i Triestes e hap sezonin me Traviatën më 25 qershor, dhe pastaj më 26,27,29 qershor si dhe 2 dhe 3 korrik.

Voal.ch u uron Artistëve shqiptarë suksese!/Elida Buçpapaj

blank

Si ranë njëri pas tjetrit gjashtë kryetarë bashkie?

Zhurma e zgjedhjeve të fundit lokale, të kontestuara që prej fillimit, vijon t’i përhapë valët saj e të dëgjohet edhe sot.

“Të zgjedhurve” në këtë garë me vetveten, iu zbuluan kohë pas kohe histori të cilat ia kishin fshehur votuesve atëherë kur i kërkonin t’i besonin drejtimin e fateve të tyre.

Sot, jo pak, por 5 bashki, nuk udhëhiqen më prej kryetarëve të përzgjedhur në garën e vitit 2019. Së fundmi pritet edhe shkarkimi i kryetarit të Bashkisë Mallakastër, Qerim Ismailaj, i cili ka rezultuar i dënuar në mungesë në Greqi me 3 vite burg për përleshje dhe rrahje me persona të tjerë. Ndërkohë, në Vlorë vijon të jetë e tensionuar marrëdhënia mes kryetarit të Bashkisë, Dritan Lelit dhe kryeministrit Edi Rama.

Denoncim për falsifikim të formularit të dekriminalizimit

Pas denoncimit nga Partia Demokratike kundrejt kryetarit të Bashkisë së Mallakastrës Qerim Ismailaj se ka gënjyer dhe falsifikuar formularin e dekriminalizimit, pritet edhe shkarkimi i tij,

Sipas Prokurorisë së Përgjithshme, Qerim Ismailaj është dënuar në Greqi nga Gjykata e Chios me 3 vite burg në mungesë për veprën penale “Konflikti dhe përleshje”. Kjo vepër penale në Kodin tonë Penal korrespondon me veprën “dëmtime të tjera me dashje” parashikuar nga ne 90/1 e cila sanksionon vetëm dënim me gjobë, vepër që nuk e prek ligji i dekriminalizimit. Por Ismailaj ka gënjyer në formularin e dekriminalizimit duke mos e shkruar këtë dënim dhe për këtë ai akuzohet për falsifikim të formularit të dekriminalizimit.

Raste të ngjashme me atë Mallakastrës janë ndeshur edhe më parë. Bëhet fjalë për ish-kryetarët e bashkive të Vorës dhe të Shkodrës, të cilët dolën fitues në zgjedhjet lokale, unikale për periudhën e demokracisë në Shqipëri.

Përfshirje në ngjarje kriminale jashtë vendit

Ish-kryetari i Bashkisë së Vorës, Agim Kajmaku u shkarkua me vendim të KQZ-së në formë unanime, me 5 vota pro.

Organi i akuzës konkludoi se gjyrmët daktiloskopike (shenjat e gishtërinjve) të Kajmakut përputheshin me të “Jorgo Totos”, emër i përdorur prej tij gjatë qendrimit në Greqi. Kajmaku akuzohej për falsifikim të Formularit të Dekriminalizimit, duke fshehur arrestimin dhe hetimin në Greqi për veprën penale të përdorimit të parave fallco. Pas konfirmimit të Prokurorisë, ai publikoi vendimin e Gjykatës së Janinës, që e shpallte atë të pafajshëm, duke thënë se nuk e ka ditur për dënimin në vendin fqinj.

Nga ana tjetër, përkundër pretendimit të ngritur nga PD-ja, Kajmaku deklaronte për mediat se nuk është dënuar dhe as është dëbuar ndonjëherë nga shteti grek dhe sipas tij, këto akuza kishin sfond politik.

Sot në krye të kësaj bashkie është vendosur një i emëruar dhe jo i zgjedhur, Gentian Picari.

Prej një tjetër denoncimi të ardhur nga selia blu për ngjarje që lidhnin kryebashkiakët e sapoemëruar me krimin, në qendër të vëmendjes mediatike u vu edhe rasti i Valdrin Pjetrit.

PD pretendonte se ai prekej nga ligji i dekriminalizimit pikërisht për shkak të ndalimit të tij në Itali në harkun njëvjeçar 2001-2002, duke shtuar se pas kthimit në Shqipëri,  ai nuk kishte udhëtuar më në drejtim të shtetit fqinj për tetë vjet me radhë. Por, në formularin e vetëdeklarimit që kryebashkiaku i porsaemëruar i Shkodrës kishte dorëzuar në Komisionin Qendror të Zgjedhjeve (KQZ), nuk përmendte ndonjë dënim të dhënë ndaj tij nga autoritetet italiane.

“I ndërgjegjshëm për rëndësinë e imazhit politik dhe i vendosur që këtë sqarim ligjor t’a ndërmarr në pozitat e qytetarit të thjeshtë, pa iu bërë barrë askujt, vendos të dorëhiqem nga marrja e detyrës së Kryetarit të Bashkisë Shkodër.

Ju jam mirënjohës të gjithëve për ndihmën dhe mbështetjen që më dhatë në fushatë!”, shkruante ai në momentin e dorëheqjes.

Voltana Ademi, ndonëse me mandat të përfunduar kushtetues prej gati dy vjetësh, vijon të jetë timonjere e kësaj bashkie.

Zëvendësime të pajustifikuara

Ish-kryetari i Bashkisë së Rrogozhinës, Haxhi Memolla ndërroi jetë në moshën 52-vjeçare si pasojë e një infarkti. Ai po konsumonte kafe në një lokal në Peshkopi, ku ndodhej për të parë ndeshjen Korabi-Egnatia. Sot kjo bashki drejtohet nga nipi i tij, Edision Memolla, i cili mësohet se nuk ka mbajtur më herët ndonjë post në këtë bashki.

Kandidimi për deputet si karrem i marrjes së postit

Për Dionis Imerajn, të vendosur në krye të bashkisë së Dibrës, dorëheqja qe e detyrueshme pasi u angazhua në garën për deputet në zgjedhjet e 25 prillit. Kjo është një taktikë që do të ndiqej me vonë edhe me homologun e tij në Vlorë, por ndryshe nga ai, Imeraj e priti me gëzim momentin e lënies së stafetës.

“Siç tanimë jeni informuar, kam vendosur t’i bashkohem padiskutim ekipit fitues të Partisë Socialiste për qarkun Dibër në zgjedhjet e 25 Prillit e të përfaqësoj Dibrën në Kuvendin e Shqipërisë”, shkruante ai në rrjetet sociale.

Aktualisht kryetar në detyrë i kësaj bashkie është Shkëlqim Murrja.

Gafat që çuan në dorëheqjen e ish-kryetares së Bashkisë së Durrësit

Valbona Sako dha dorëheqjen pas zhurmës mediatike me të cilën u përball, shkaktuar prej dy gafave të saj në lidhje me pasojat që la pas tërmeti shkatërrimtar i nëntorit të 2019-ës. Fillimisht, ndërsa fliste për mënyrën se si po zgjidhej çështja e akomodimit për banorët e Durrësit të mbetur jashtë shtëpive të dëmtuara, në një mënyrë që tingëllonte cinike ajo u shpreh se ata dërgoheshin në hotele me 5 yje, të cilat nuk do të mund t’i paguanin në rast pushimesh.

Gafa e dytë qe ajo që i dha një goditje edhe më të fuqishme, pasi u shpreh me doza optimizmi të tepruar për numrin e viktimave, që sipas përllogaritjeve të saj mund të kishte qenë edhe më i madh.

“Duhet të jemi të kënaqur edhe me 50 viktima, sepse në raste të tjera kanë qenë mbi 1000 viktima”, përçartej ajo asokohe.

Pas dorëheqjes së saj, në të njëjtën karrige u vendos Emirjana Sako.

Nën shënjestër për t’u shkarkuar, këtë herë prej vetë Partisë Socialiste është edhe kryetari i Bashkisë së Vlorës, Dritan Leli i cili pati një marrëdhënie të tendosur fillimisht me drejtuesin politik të Partisë Socialiste në qarkun e Vlorës, Damian Gjiknurin dhe më pas me vetë kryeministrin, Edi Rama.

Leli është braktisur nga këshilltarët bashkiakë dhe prej pjesës dërrmuese të socialistëve prej rezistencës që ka bërë kundrejt urdhërave “të pakundërshtueshme” të ardhura nga lart.

Ai nuk iu përgjigj as ftesës së Partisë Socialiste në zgjedhjet e 25 prillit, që ishte një mënyrë e tërthortë për ta bërë kurban e për ta larguar prej postit që mban në bashkinë e qytetit të tij. Emri më i lakuar që mendohet se mund t’i zërë vendin është ai i Afrim Qendros, krahut të djathtë të Damian Gjiknurit.

Më 23 qershor Gjykata Kushtetuese do të shqyrtojë padinë për pavlefshmërinë e zgjedhjeve vendore të 30 qershorit të vitit 2019. Në nenin 61 të ligjit për vetëqeverisjen vendore përcaktohet qartë procedura që ndiqet pas përfundimit para kohe të mandatit të kryetarit të bashkisë.

Mbetet për t’u parë nëse do të ketë një reflektim për zgjedhjet më atipike në historinë e demokracisë shqiptare, i cili do të mund të shprehet përmes një gare të re të parakohshme, që duket se është krejt e nevojshme në një kohë kur 10% e bashkive janë të boshatisura.

blank

Këta qiparisa në ish kampin e internimit në Tepelenë, janë në kujtim të fëmijëve pa varr – Nga ALBA KEPI

Ndodhi dje e gabuam perseri.
Nuk ka te ardhme pa njohur historine. E nese te rinjte nuk e njohin, fajin e kemi te gjithe.
Keta qiparisa te mbjellur ne ish kampin komunist te internimit ne Tepelene, jane ne kujtim te femijeve pa varr, qe humben jeten nga mos ushqimi e mos higjena ne gulaget e Enver Hoxhes. Kjo iniciative e IDMC e emertuar “Topografia e terrorit”, e enkas per te rinj 16-20 vjeçare, ne njohjen e krimeve te komunizmit, nisi ne te njejten dite me vrugun e te rinjve perballe Teatrit Migjeni.
Por perveç disa miqve te ndjeshem mbi temen, e vete Institutit qe e promovoi, asnje media e asnje intelektual i penes nuk i kushtoj dy fjale kesaj kujtese.
Flitet se ka dhe emisione te mira letrare e artistike ne Shqiperi me gazetare te afte. Une mendoj se nese nuk gjen çelesin per kuriozitetin e te rinjve e me nje qendrim personal mbi realitetin, behesh i merzitshem e jo i besueshem.
Keta qiparisa kane historine e çdo vogelushi qe nuk jeton me, historine e familjes se tyre, e historine gjysem shekullore shqiptare.
Iniciativa e IDMC eshte nje çeles mjaft i mire per te afruar te rinjte me njohjen e historise se komunizmit shqiptar per te cilen flitet shume pak e fajtori kryesor i ketij trazicioni te gjate social e politik.
Por nese iniciativa mbetet veç ne foto facebook-u e humbet qellimin, e IDMC e vetme nuk ia del dot.
Dje u mbollen qiparisat e vogelusheve viktime te komunizmit e po dje u mbajt nje rradhe e gjate perballe Teatrit Migjeni ne Shkoder.
E me kritiket i dhane vemendjen e pamerituar te rinjve qe kritikonin.
Nderkohe ne ate fushe te shkrete me qiparisa, endet shpirti i vogelusheve pa varr.
E gabuam perseri!
Faji nuk eshte i te rinjve por i te gjithe ne!
blank
blank
blank
blank

Life (1939)- Suveniret e Geraldinës – Fotografia ekskluzive e mbretëreshës së shqiptarëve në Norvegji

Nga Aurenc Bebja*, Francë – 15 Qershor 2021

 

“Life” ka botuar, në muajin korrik 1939, një fotografi të rrallë të mbretëreshës Geraldinë duke bërë pazar në Norvegji, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Suveniret e Geraldinës

 

blank

Zotërinj :

 

Gjatë qëndrimit të tyre të fundit në Norvegji, ish-mbreti dhe mbretëresha Geraldinë e Shqipërisë janë pare shpesh në publik.

 

Ish-Mbretëresha Geraldinë është shumë e dhënë për të bërë pazar. Megjithë bagazhet e shumta që ajo solli nga Tirana, iu deshtën 25 të tjera për të marrë suveniret që ajo bleu në Suedi dhe Norvegji.

 

Gjatë një udhëtimi me motor në Norvegji, ajo u ndal buzë rrugës për blerë disa pantofla të bëra prej lëkure fokash, të zbukuruara me lepur të bardhë.

 

Unë shkrepa këtë fotografi të saj duke bërë pazar.

 

Henning Sinding-Larsen

Oslo, Norvegji

 

blank

Bisedimet më Serbinë, janë si patinazhi mbi akull…?! – Nga Skënder MULLIQI

Shumë pështjellime dhe kontradita po na paraqiten në skenën tonë politike.Fjalime dhe deklarime e pa matura , qe po e ndezin edhe më shumë situatën politike në Kosovë.Qëndrimet e tilla shkojnë në dëm të Kosovës dhe proceseve zhvillimore.Qytetarët kan shumë nevojë për një jetë kualitative, dhe kan nevojë për politikanë serioz e të ndërshem.Gjysëm të shkolluarit , dihet së si e prun situatën e keqe politike e veqmas ate ekonomike.Ata që kan ambicie politike , duhet të jenë njerëz më begraund të lartë profesional , moral dhe kombëtar. Kosova pushtetet autokratike dhe grabitqare e ndërrojë tek pas 21 vitësh .U hoq një pushtet që punojë keq duke u zëvëndësuar më më një pushtet të ri, më njerëz të ri të cilët duhet dhënë rasti të qeverisin më Kosovën.Për demontimin e një sistemi korruptiv dhe nepotik , i cili nuk u ndërrua për shumë kohë, duhet kohë dhe durim.Koha është treguesi më i mirë së një pushtet punon mirë apo keq.Mjaftë kemi stagnuar më procese , nuk i duhet këtij vendi një stagnim i ri, apo kthim edhe mbrapa.Vitët po ikin shpejtë , dhe ai shtet që nuk e zënë hapin më kohën , mbetet gjysem shtet , mbetet shtet handicap.Garda e vjetër politike nuk dëshiron të pranon realitetin e ri të krijuar në Kosovë pas zgjedhjeve të fundit nacionale.Nuk po dëshiron ta kupton së koha e tyre në politikë ka përfunduar dhe atë jo bash në mënyrë të lumtur.Kanë lënë shumë të keqija mbrapa, prandaj për punë të keqija nuk ekziton lavdia.Opozita nuk po heq dorë nga ndërskamcat ndaj Qeverisë Kurti edhe aty ku më së paku duhet. Nuk po ja dojnë gajretin edhe në dialogun e sa po rifilluar më Serbinë e Vuqiqit.Kjo natyrisht është e pakuptueshme , thua së nuk po e dinë së në pyetje është fati I Kosovës dhe fati i shqiptarëve në Ballkan.Shumë kemi vuajtur si popull nga pushtuesit në tokat tona, dhe të luajmë bixhoz më fatin tonë në kushtet e lirisë dhe pavarësisë , kjo askujt nuk i falët.Ne Bruksel dhe kudo tjetër mbrohet Kosova. Qeveritë shkojnë e vijnë e populli mbetet.Por, është jetike së si mbetet,plotësisht i lirë apo më gjysëm lirie dhe pavarësie.E keqja mbahet në mend më shumë së e mira, dhe duhet të na prek në ndërgjegje.Bisedimet më Serbinë, janë si patinazhi mbi akull…Prandaj, ju opozitarë kujdes së si po silleni dhe si po veproni, gabimi më i vogël në këto bisedime finale më palën serbe , do të na kushtojnë shumë shtrejtë të gjithëve …!

blank

Analiza e DW: Fati politik i opozitës – ndarja e Bashës nga Berisha

Vetë Basha e ka premtuar këtë pak orë pas shpalljes zyrtare të fitores së tij në fillim të kësaj jave, (14.06), përballë tre kandidatëve të tjerë në garë, kur deklaroi që “zgjedhjet për kryetar të PD-së ishin një proces demokratik që e ngre partinë në lartësinë e emrit dhe historisë”.

Historia: A do të hapë Basha një kapitull i ri?

Historia e PD-së është me dritë dhe hije. Ajo do të mbetet në histori si partia e parë opozitare në Shqipëri pas 45 vitesh regjimi komunist dhe ndalimi të pluralizmit politik. Por historinë e saj të deritanishme e errësojnë ngjarje të rënda si lejimi i skemave piramidale, shembja  e shtetit dhe ꞔuarja e vendit në vitin 1997 në prag të luftës civile, skandali i Gërdecit në vitin 2008, vrasja e katër protestuesve të paarmatosur në protestën e socialistëve opozitarë në janar 2011.

Lulzim Bashës i duhet të hapë një kapitull të ri dhe të shkëputet me vendosmëri nga hijet e historisë. Pas tri humbjesh rradhazi dhe akuzave brenda PD-së për “gabime të rënda në vizionin politik të aksionit opozitar”, Lulzim Bashës i duhet të rikonceptojë PD-në dhe strategjinë e saj.

Aleksandër Çipa, analist i pavarur në Tiranë, kryetar i Shoqatës së Gazetarëve Profesionistë të Shqipërisë, thotë për DW se “nuk bëhet fjalë për një ringritje të shpejtë, pasi kryesimi i PD-së nga Basha, momentalisht nuk është një faktor premtues për shkak të mossukseseve të tij të përsëritura dhe hendekut të  thellë mes atyre që premton dhe atyre që arrin.” “PD-së i duhet një lidership kurajoz që  vizionin e ka përtej gjendjes së saj aktuale dhe trashëgimisë politike. Ajo duhet të rikthehet fuqimisht me aksione politike energjike në institucione përballë një shumice parlamentare sfidante, por edhe me shëndet të tepërt nga qeverisja në tre mandate”, thotë ai për DW.

Aleksander Cipa Medien AnalystAleksander Çipa

Parashikimet për ringritjen e PD-së nga Basha, derisa të ketë sinjale që kjo vërtet po ndodh, karakterizohen nga skepticizmi. “Shanset që opozita të ndryshojë nën drejtimin e Bashës  janë të pakta. Pas zgjedhjeve, PD deklaroi që nuk e njeh rezultatin e tyre, por do hyjë ne Kuvend. Gjatë fushatës për zgjedhjen e kryetarit, ky qëndrim ndryshoi. PD-ja do të marrë më vonë një vendim në lidhje me Parlamentin. Kjo tregon qartë se Lulzim Basha nuk ka ndryshuar dhe opozita e tij pritet të mos ndryshojë. Mendoj që do të jetë po ajo opozitë që shkon nga ekstremi në normalitet me lehtësi të pabesueshme, pa shpjeguar asgjë dhe pa i dhënë llogari askujt. Basha ka mundësi ta ngrejë PD-në, nëse arrin arrin të veprojë ndryshe nga Basha i deritanishëm”, thotë për DW, Enton Abilekaj, gazetar, Drejtor i Portalit, Dosja.al.

A është Basha një lider i së resë?

Kur regjimi komunist u rrëzua Lulzim Basha ishte 16 vjeç. gjimnazist në Tiranë. Pa të kaluar komuniste, i ri dhe i arsimuar në Perëndim, me shpresa të mëdha për të qenë një lider i së resë.  “Vërtet nuk i përket së vjetrës por ai nuk përballet me të, që t’i përkasë së resë.Ai është si një ekuilibrues i së resë që kërkon hapësirë dhe së vjetrës që nuk e lëshon,” thotë për DW, Enton Abilekaj.

Analisti Çipa e krahason pozitën e tij me atë të pengmbajtjes. “Mbahet peng prej kundërshtarësh të fuqishëm politik si qeverisës ashtu edhe vektorë të tjerë të spektrit partiak opozitar. Këta të fundit do të shfaqen ndofta edhe më dukshëm në muajin shtator dhe tetor të këtij viti, kur të konstituohet parlamenti, qeveria dhe të kemi akte të reja konstitucionale”, thotë për DW Aleksandër Çipa.

Fjala është për vendimin e Gjykatës Kushteuese lidhur me votimin pro të Parlamentit për shkarkimin e Presidentit Ilir Meta. Nëse kjo gjykatë e miraton vendimin e Parlamentit dhe shkarkon presidentin Meta, ka gjasa që ai të marrë në dorë drejtimin e partisë,”Lëvizja Socialiste për Integrim, aleate e PD-së në përpjekjet për rrëzimin e qeverisë Rama.

Albanien Wahlkampf Opposition Demokratische Partei Lulzim BashaPara zgjedhjeve të 25 prillit

Fati politik i opozitës – ndarja e Bashës nga Berisha  

Lulzim Basha erdhi në krye të PD-së, kur lideri historik i saj, Sali Berisha dha dorëheqjen, pas humbjes së zgjedhjeve parlamentare më 2013. Në tetë vitet e deritanishme të PD-së në opozitë, Basha është perceptuar si një lider nën hijen e atit të tij politik, Berishës.

“Ky perceptim do të qendrojë përsa kohë Lulzim Basha do të vazhdojë të kujdeset që Berisha të mos preket apo të mos zemërohet nga vendimet e tij, derisa Basha të vazhdojë  të sillet si administrator i pronës së Berishës dhe jo si lider i një partie të të gjithëve. Mendoj që Berisha nuk ka pasur ndikim të madh në vendimmarrjen e PD-së, por qëndrimet e Bashës, me sytë nga Berisha, frika e Bashës për prishjen e humorit të tij, kanë krijuar perceptimin se pas tij është ish-kryetari historik i PD-së,” thotë për DW, Enton Abilekaj.

Aleksandër Çipa e sheh suksesin e Bashës në ringritjen e PD-së  me “çlirimin e tij një orë e më parë nga lideri i saj historik, Berisha”.”Kjo është një çështje serioze.  Berisha ka së fundi një protagonizëm të rikthyer për hall vetiak. Pas aktit zyrtar të shpalljes “person i padëshëruar” nga Departamenti Amerikan i Shtetit dhe Sekretari i Shtetit, Antony Blinken, Berisha ka bërë deklarime për rikthim në krye të PD-së. Kjo është shtim i hijes së tij mbi kryet e kryetarit zyrtar të PD-së, Bashës. Berisha mund të bëhet një pengesë serioze për Bashën, përmes ndërhyrjes së dukshme dhe të padukshme në punët e familjes politike si dhe grupeve brenda PD-së, thekson Çipa për DW.

Enton Abilekaj Direktor Onlinportal Dosja.alEnton Abilekaj

Shtatori muaji i zhvillimeve potenciale

Pakënaqësia brenda PD-së ndaj Bashës, fraksionet dhe grupimet brenda saj dhe vendosmëria e tyre për të vazhduar betejën politike kundër tij, parathonë një vjeshtë jo të qetë për PD-në. “Do të ketë zhvillime në vjeshtë që do të përcaktohen edhe nga pozita dhe gjendja që do të bartë apo do të ketë zoti Berisha pas muajve të parë të mbledhjes së Parlamentit të ri dhe krijimit të qeverisë së re. Problemet e brendshme të PD-së janë shtuar pas zgjedhjeve të kryetarit”, thotë Aleksandër Çipa.

Problemet e shtuara parathonë edhe zhvillime të reja potenciale për zgjidhjen e tyre. “Zhvillimet brenda PD-së janë në të mirën e vetë kësaj partie, opozitarizmit dhe shoqërisë. Opozita ka nevojë për një përgjigje të re ndaj qeverisjes së pakontrolluar të Edi Ramës që po shndërrohet në një regjim autokratik. Nëse PD nuk do jetë përgjigja, atëherë do të gjendet një mjet tjetër, një forcë e re ose një aleancë e re”, thekson për DW, Enton Abilekaj./dw

blank

Putin-Biden riafirmojnë angazhimin “që asnjëherë të mos niset luftë bërthamore”

Presidenti amerikan Joe Biden dhe homologu i tij rus Vladimir Putin kanë riafirmuar angazhimin e vendeve të tyre që “asnjëherë të mos niset një luftë bërthamore”, transmeton Anadolu Agency (AA).

Në deklaratën e përbashkët të dakorduar midis dy vendeve pas samitit Biden-Putin në Gjenevë të Zvicrës, sipas Kremlinit, thuhet se Rusia dhe SHBA-ja kanë treguar se edhe në kohë tensioni, ata mund të bëjnë përparim drejt qëllimeve të përbashkëta për të siguruar parashikueshmëri në sferën strategjike, duke zvogëluar rreziqet e konfliktit të armatosur dhe kërcënimin e luftës bërthamore.

Duke theksuar se Marrëveshja e Re për Reduktimin e Armëve Strategjike (New START) midis Shteteve të Bashkuara dhe Rusisë është zgjatur së fundmi, deklarata thotë: “Zgjatja e ‘New START’ është një dëshmi e angazhimit tonë për kontrollin e armëve bërthamore. Sot, ne riafirmojmë se nuk do të ketë fitues në luftën bërthamore dhe zotimin që një luftë e tillë nuk duhet të fillojë kurrë”.

Në deklaratë thuhet se konsultimet gjithëpërfshirëse midis Rusisë dhe SHBA-së do të fillojnë në një kohë të shkurtër për të arritur qëllimet e përmendura.

“Do të fillojë një dialog dypalësh solid dhe i fortë, gjithëpërfshirës mbi stabilitetin strategjik. Përmes këtij dialogu, ne duam të hedhim bazat për kontrollin e armëve në të ardhmen dhe masat e zvogëlimit të rrezikut”, thuhet në deklaratë.

– Putin: Takmi ishte “mjaft konstruktiv”

Pas samitit me homologun amerikan, Putin deklaroi se takimi ishte “mjaft konstruktiv”, duke shtuar se me Presidentin e SHBA-së kanë rënë dakord në lidhje me fillimin e konsultimeve në fushën e sigurisë kibernetike.

Ai po ashtu njoftoi se janë marrë vesh për rikthimin e ndërsjellë në detyrë të ambasadorëve, të cilët më herët janë thirrur mbrapa për konsultime.

Putin tha se vendi i tij mund të bëjë disa lëshime për sa u përket të burgosurve amerikanë në Rusi.

Biden: Shpreha shqetësimet e mia mbi të drejtat e njeriut

Nga ana tjetër, Biden tha se ka deklaruar para homologut rus Putin se agjenda e tij “nuk është kundër Rusisë apo ndonjë vendi tjetër, por është për popullin amerikan”.

Ai shtoi se Putinit i ka shprehur shqetësimet e tij në lidhje me të drejtat e njeriut dhe se do të vazhdojë ta bëjë këtë edhe në të ardhmen, duke përmendur edhe rastin e liderit opozitar të burgosur Alexey Navalny.

“Unë thash hapatzi se në rast se Navalny vdes gjatë burgimit, kjo do të ketë pasoja shkatërruese për Rusinë”, u shpreh Biden.

Biden tha se kanë rënë dakord për të krijuar një mekanizëm dialogu për stabilitetin strategjik, për të parandaluar përhapjen e armëve të reja dhe të sofistikuara.

Biden gjithashtu deklaroi se ia ka bërë të qartë Putinit se SHBA-ja nuk do të tolerojë përpjekjet për shkeljen e “sovranitetit të saj demokratik ose destabilizimit të zgjedhjeve demokratike”.

blank

Presidenti Biden me ton realist pas takimit me Putinin

Patsy Widakuswara

GJENEVË – Presidenti amerikan Joe Biden dhe homologu i tij rus Vladimir Putin kanë përfunduar samitin e tyre në Gjenevë, me zotin Biden që e cilësoi atë si “të mirë” dhe “pozitiv”.

Por ai më tej e përshkroi samitin me një ton realist, kur tha se disa muajt e ardhshëm do të shërbejnë si një “provë” nëse marrëdhëniet mes dy vendeve mund të përmirësohen.

“Unë nuk jam duke thënë se presidenti dhe unë ramë dakord se do t’i bëjmë këto gjëra dhe papritmas çdo gjë do të funksionojë,” tha presidenti Biden gjatë konferencës për shtyp pas takimit të tij më shumë se tre orë me Putinin. “Unë nuk po e them këtë”.

“Ajo që po them është se mendoj se ka një perspektivë të mirëfilltë për të përmirësuar ndjeshëm marrëdhëniet mes dy vendeve tona, pa hequr dorë nga asnjë gjë e vetme, e parimeve dhe vlerave tona,” tha presidenti Biden.

Në konferencën e tij për shtyp pas samitit, Putini, duke folur përmes një përkthyesi, gjithashtu e cilësoi takimin si “konstruktiv”. Ai tha se nuk kishte “armiqësi”, duke e quajtur udhëheqësin amerikan një “njeri konstruktiv, të ekuilibruar dhe me përvojë, dhe një politikan me përvojë”.

Pas samitit, Shtëpia e Bardhë dhe Kremlini lëshuan deklarata identike, duke theksuar se “edhe në periudha tensioni”, të dy vendet kanë demonstruar se janë në gjendje të bëjnë përparim në “qëllimet e përbashkëta për të siguruar parashikueshmëri në sferën strategjike, duke ulur rrezikun e konflikteve të armatosura dhe kërcënimit të luftës bërthamore”.

Të dy qeveritë thanë se do të fillojnë konsultimet mbi stabilitetin strategjik për të menaxhuar marrëdhëniet. Në konferencën e tij për shtyp, Putini vuri në dukje se si fuqi bërthamore, Shtetet e Bashkuara dhe Rusia kanë një përgjegjësi të veçantë për të mbajtur marrëdhënie mes tyre.

U.S. President Joe Biden and Russia's President Vladimir Putin meet for the U.S.-Russia summit at Villa La Grange in Geneva, Switzerland, June 16, 2021.

U.S. President Joe Biden and Russia’s President Vladimir Putin meet for the U.S.-Russia summit at Villa La Grange in Geneva, Switzerland, June 16, 2021.

Pikat e Mprehta

Ndërsa të dy udhëheqësit vunë në dukje se bisedimet ishin produktive, duket qartë që ka përçarje.

Bideni tha se kishte mosmarrëveshje, por “nuk u bënë në një atmosferë hiperbolike”, duke shtuar se gjatë takimit nuk u bë asnjë kërcënim.

Mosmarrëveshjet përfshijnë çështjen e Ukrainës, sulmet kibernetike dhe të drejtat e njeriut.

“Theksova faktin se ne kemi aftësi të konsiderueshme kibernetike dhe ai e di këtë. Ai nuk e di saktësisht se çfarë aftësie, por ajo është domethënëse,” tha zoti Biden, duke theksuar se i tha Putinit se infrastruktura kritike e Shteteve të Bashkuara nuk duhet të “preket” nga sulmet kibernetike.

Presidenti Biden duket se sugjeroi se nëse Moska fillon një sulm të tillë, Shtetet e Bashkuara mund të hakmerren “përmes një rruge kibernetike”.

“E pashë në sy dhe i thashë: ‘Si do të ndiheshit nëse hakerat do të merrnin nën kontroll tubacionet tuaja të naftës?'” tha presidenti Biden.

Switzerland, Geneva, Russia's President Vladimir Putin gestures as he holds a news conference after the U.S.-Russia summit with U.S. President Joe Biden

Switzerland, Geneva, Russia’s President Vladimir Putin gestures as he holds a news conference after the U.S.-Russia summit with U.S. President Joe Biden

Putini mohon akuzat e Shteteve të Bashkuara për ndërhyrje në zgjedhje dhe sulmet kibernetike, përfshirë sulmet me programe kompjuterike ndaj bizneseve amerikane për të cilat agjencitë e zbulimit amerikan kanë arritur në përfundimin se mund të vijnë nga territoret ruse.

Bideni tha gjithashtu se ai “ia bëri të qartë” Putinit se Shtetet e Bashkuara do të vazhdojnë të ngrejnë çështjen e të drejtave të njeriut.

“Të drejtat e njeriut do të jenë gjithmonë në tryezë,” tha presidenti Biden. Ai tha se përmendi çështje të tilla si ndalimin e udhëheqësit të opozitës ruse Alexey Navalny dhe Trevor Reed-it, një ish marins amerikan i burgosur në Rusi.

Putini qëndroi i vendosur për pozicionin e tij ndaj Navalny-t. “Ky njeri e dinte se po shkelte ligjin e Rusisë. Ai është dënuar dy herë, ”tha Putini, duke vazhduar zakonin e tij për të mos e përmendur me emër aktivistin e opozitës.

Duke përsëritur pretendimin zyrtar të Rusisë, Putini tha se Navalny shkeli kushtet e lirimit të përcaktuara vitin e kaluar duke shkuar jashtë vendit ndërsa ishte pa ndjenja pas një helmimi të dukshëm me agjentin nervor Novichok dhe duke mos njoftuar zyrtarët rusë siç kërkohej.

Presidenti Biden nënvizoi thirrjen për liri të shtypit. “Unë gjithashtu ngrita çështjen e Radios Evropa e Lirë / Radio Liria për të vepruar, dhe rëndësinë e një shtypi të lirë dhe lirinë e fjalës,” tha presidenti Biden duke iu referuar mediave të financuara nga Shtetet e Bashkuara që janë klasifikuar si “agjentë të huaj” nga qeveria ruse dhe akuzohen për shkelje të rregullave e që mund të dënohen me gjoba të rënda, madje edhe me burgim.

Një incident i fundit në të cilin një kompani ajrore komerciale u detyrua të ulej në Minsk, në mënyrë që autoritetet bjelloruse të mund të arrestonin një disident të shquar, gjithashtu u diskutua në takim, tha presidenti Biden, duke shtuar se Putini “nuk kishte kundërshtime me atë që ndodhi”.

“Ai thjesht tha se është një perspektivë e veprimeve që mund të ndërmerren,” tha presidenti Biden. Presidenti bjellorus Aleksandër Lukashenko mbështetet shumë tek Putini.

President Joe Biden, right, and Russian President Vladimir Putin meet at the Villa la Grange, in Geneva, Switzerland, June 16, 2021.

President Joe Biden, right, and Russian President Vladimir Putin meet at the Villa la Grange, in Geneva, Switzerland, June 16, 2021.

Sovraniteti i Ukrainës

Ukraina duket të jetë një çështje tjetër ku dy udhëheqësit nuk ranë dakord.

Bideni tha se ai i komunikoi Putinit “angazhimin e palëkundur ndaj sovranitetit dhe integritetit territorial të Ukrainës”.

“Ne ramë dakord të ndjekim diplomacinë, lidhur me Marrëveshjen e Minskut,” tha ai, duke iu referuar marrëveshjes së vitit 2014 për të ndalur luftën në rajonin Donbas të Ukrainës.

Para samitit, zyrtarët ukrainas minimizuan mundësinë e përfundimit të luftës në pjesën lindore të vendit, e cila po vazhdon për shtatë vjet mes separatistëve të mbështetur nga rusët dhe ushtrisë ukrainase.

“Ne ua kemi bërë të qartë partnerëve tanë se asnjë marrëveshje për Ukrainën e arritur pa Ukrainën nuk do të njihet nga ne,” tha Ministri i Jashtëm ukrainas Dmytro Kuleba.

Për çështjen e pranimit të Ukrainës në Organizatën e Traktatit të Atlantikut të Veriut, Putini dha një vlerësim të shkurtër. “Unë nuk mendoj se ka diçka për të diskutuar”, tha ai.

Kremlini ka deklaruar se hyrja e Ukrainës në NATO është një “vijë e kuqe” për Rusinë. I pyetur në fillim të kësaj jave nëse Ukraina duhet të pranohet në NATO, Bideni tha, “Kjo varet nëse ata i plotësojnë kriteret”, duke përfshirë pastrimin e korrupsionit.

Administrata njoftoi në fillim të këtij muaji se Bideni do të presë Presidentin ukrainas Volodymyr Zelenskiy në Shtëpinë e Bardhë gjatë kësaj vere. Bideni nuk e ka ftuar Putinin në Uashington.

Switzerland, Geneva, Russian President Vladimir Putin and U.S. President Joe Biden attend a meeting at Villa La Grange

Switzerland, Geneva, Russian President Vladimir Putin and U.S. President Joe Biden attend a meeting at Villa La Grange

Jo Luftë e Ftohtë

Bideni theksoi “gjëja e fundit që Putini kërkon tani është një Luftë e Ftohtë. Ai tha se ndërsa fundi i samitit nuk ishte një “moment afrimi”, nuk është në interesin e asnjërit vend të jetë në situatën “e një Lufte të re të Ftohtë”.

Bideni vazhdoi më tej të thoshte se ai mendon se Putini e kupton këtë, megjithëse kjo nuk nënkuptonte se ai është “i gatshëm të ulë armët”. Bideni vlerësoi se lideri rus është ende i shqetësuar se Shtetet e Bashkuara synojnë ta “rrëzojnë atë nga pushteti”.

Në një përpjekje për të ulur tensionet Putini tha se ai dhe Bideni ranë dakord të kthejnë ambasadorët e tyre në postet e tyre në të ardhmen. Ambasadori amerikan John Sullivan dhe ambasadori rus Anatoly Antonov lanë postet e tyre në fillim të këtij viti mes përkeqësimit të marrëdhënieve SHBA-Rusi. Ata të dy morën pjesë në diskutime të zgjeruara dypalëshe në samit.

Sipas një zyrtari të Shtëpisë së Bardhë, samiti përfundoi në orën 17:05 sipas orës lokale të mërkurën me mbledhjen bilaterale të zgjeruar midis dy delegacioneve. Ai takim nga pala amerikane përfshiu pesë zyrtarë të nivelit të lartë përveç presidentit Biden dhe Sekretarit të Shtetit Antony Blinken. Sesioni u përmbyll pas një takimi dypalësh të zgjeruar, sipas zyrtarit, jo dy siç ishte planifikuar më parë.

blank

Nga takimi Biden – Putin: skepticizëm dhe respekt

Marrë nga Associated Press

UASHINGTON – Udhëtimi i parë jashtë vendit i Presidentit Joe Biden shpalosi filozofinë e tij diplomatike dhe negociuese, ndërsa ai bashkonte aleatët tradicionalë demokratikë të Amerikës, për t’u përballur me sfida të reja dhe të vjetra, si dhe ofroi një pamje shpesh rozë të mundësive të bashkëpunimit me Presidentin rus Vladimir Putin pas një takimi kokë më kokë.

Në vazhdim disa nga përshtypjet kryesore:

NJË RIFILLIM QË NUK U QUAJT KËSHTU

Presidentët Biden dhe Putin nuk e përdorën fjalën “rifillim” për të përshkruar gjendjen e marrëdhënieve midis dy vendeve pas samitit të tyre në Zvicër. Por kjo ishte ajo çfarë takimi arriti, me të dy udhëheqësit që theksuan fusha të qarta mosmarrëveshjesh, edhe pse vunë në dukje fusha në shkallë më të vogël ku mund të bashkëpunonin.

Ata përcollën një respekt të ndërsjellë dhe një skepticizëm të ndërsjellë. Ishte një kthim i papritur në kuadrin më konvencional SHBA-Rusi pas presidencës së Donald Trump-it, i cili shpesh dukej se lartësonte Putinin dhe krijonte të paktën aspiratën që vendet të mund të bënin më shumë si partnerë.

blank

Këtë herë, secili udhëheqës u largua me mirëkuptimin se disa nga rregullat e vjetra ende zbatohen. Rusia rikthehet në vendin e saj si një “kundërshtare e denjë”, siç tha Presidenti Biden, në vend të një lloj vendi koleg. Dhe tensionet më të hershme, mbi luftën kibernetike dhe të drejtat e njeriut, vazhdojnë.

ARTI I IMAZHIT

Pas takimit të tyre tre orësh, prirja rrezatuese e Presidentit Biden qëndronte në kontrast të fortë me tonin më të matur dhe të heshtur të Putinit, i cili ndonjëherë kalonte në mbrojtje kur bëheshin pyetje nga gazetarët në lidhje me shkeljet e të drejtave të njeriut në Rusi dhe pushtimin e Ukrainës.

Edhe kështu, Presidenti Biden pranoi se optimizmi i tij ishte më shumë një dëshirë se sa një realitet.

“Unë do t’ju çmend të gjithë sepse e di që dëshironi që gjithmonë t’iu vë një theks negativ gjërave, veçanërisht në publik”, tha ai pak para se të hipte në Air Force One, duke shtuar, se në këtë mënyrë, “garantoni se asgjë nuk do të ndodhë”.

Presidenti Biden bisedon me gazetarët në aeroportin e Gjenevës, përpara kthimit për në SHBA

Presidenti Biden bisedon me gazetarët në aeroportin e Gjenevës, përpara kthimit për në SHBA

Kjo nxori në pah stilin e negocimit të presidentit, qoftë me Putinin apo me republikanët në Senatin amerikan për infrastrukturën – për të cilën ai shpreh publikisht bindjen e tij se një marrëveshje mund të arrihet pavarësisht nga mosmarrëveshjet shpesh të mëdha.

“Unë e di që ne e mendojmë politikën e jashtme të jetë një aftësi shumë e madhe që është disi si një kod sekret”, tha Presidenti Biden. “E gjithë politika e jashtme është një zgjatim logjik i marrëdhënieve personale. Është mënyra se si funksionon natyra njerëzore”.

Ai më vonë shtoi se, “ka një vlerë të jesh realist dhe të ngresh një front optimist, një fytyrë optimiste”.

…. DHE TAKIMI BALLË PËR BALLË

Udhëtimi tetë ditor në tre vende i Presidentit Biden demonstroi theksin e tij mbi të gjitha tek marrëdhëniet personale.

“Nuk ka asnjë zëvendësim, siç e dini ju që më keni mbuluar për një kohë, për dialogun ballë për ballë midis udhëheqësve. Asnjë”, tha Presidenti Biden, duke deklaruar samitin e tij me Putinin një sukses, thjesht për faktin se ata folën personalisht.

Gjatë gjithë udhëtimit të tij, shumica e takimeve të Presidentit Biden u zhvilluan privatisht, pa kamera, ose me vetëm disa momente të hapura për mediat.

Presidenti Biden vendos syzet e diellit në përfundim të konferencës për shtyp pas samitit

Presidenti Biden vendos syzet e diellit në përfundim të konferencës për shtyp pas samitit

Kjo nxori në pah besimin e Presidentit Biden tek lidhjet personale të padukshme që mund të nxisin rezultate në politikën e jashtme dhe të brendshme.

Dhe shënoi një largim të qartë nga stili i ish-Presidentit Trump, takimet publike të të cilit me udhëheqësit globalë u bënë një lloj legjende në skenën ndërkombëtare. Marrëdhëniet patën tendencën të rrjedhin në një drejtim – me shfaqje të pasigurta publike nga krerët e shteteve dhe qeverive që përpiqeshin të pozicionoheshin në anën e mirë të ish-Presidentit Trump.

Presidenti Biden mendon se këta udhëheqës do ta mirëpresin kthimin në përqasjen e “shkollës së vjetër”.

blank

“Falë Joe Biden ekziston një…”! Si e panë evropianët vizitën e presidentit të SHBA dhe çfarë mësimesh morën

Joe Biden ka takuar presidentin rus, Vladimir Putin pas disa ditë bisedimesh me udhëheqësit evropianë në vizitën e parë në “kontinentin e vjetër” si president i Shteteve të Bashkuara të Amerikës.

Biden është takuar me udhëheqësit e G7 në Cornwall, pastaj në selinë e NATO-s dhe Bashkimit Evropian në Bruksel.

Atëherë, çfarë përshtypje ka bërë ai? Tre evropianë të shquar kanë dhënë vlerësimet e tyre për televizionin publik britanik.

David O’Sullivan, ambasador i BE-së në SHBA

Evropa përsëri në zemër të politikës globale të SHBA-së

Çfarë mësimesh kanë marrë evropianët nga udhëtimi i Biden?

Presidenti Biden ka rikonfirmuar mbështetjen tradicionale të Amerikës për Bashkimin Evropian si një partner i rëndësishëm në çështjet globale.

Deklarata e samitit BE-SHBA rezultoi me një seri veprimesh të përbashkëta, duke filluar nga përgjigja ndaj pandemisë dhe veprimit në luftën kundër ndryshimit të klimës dhe forcimin e bashkëpunimit në tregti, investime dhe teknologji. Ekziston gjithashtu një angazhim i vendosur për të mbrojtur demokracinë dhe të drejtat e njeriut.

Ekziston edhe një marrëveshje përparimi mbi punën dhe bashkëpunimin më të madh të përbashkët në fushën e sigurisë dhe mbrojtjes, më parë një temë pothuajse tabu, raporton bbc.

Një seri grupesh pune dhe një Këshill i ri i Tregtisë dhe Teknologjisë do të sigurojnë që, në muajt e ardhshëm, koordinimi të intensifikohet në të gjithë gamën e plotë të këtyre çështjeve. Evropa, dhe posaçërisht BE-ja është përsëri në qendër të politikës globale të SHBA-së.

A është përmirësuar siguria e Evropës pas vizitës së Biden?

Vendosmëria shumë e fortë e presidentit Biden për mbështetjen e Amerikës ndaj NATO-n dhe, në veçanti, Nenin 5, përfaqëson një kthim të rëndësishëm në udhëheqjen amerikane të së kaluarës dhe një siguri të madhe për sigurinë evropiane. [Neni 5 angazhon anëtarët të mbrojnë njëri-tjetrin nga sulmi].

Si krahasohet ky udhëtim me ato të paraardhësve të Biden?

E gjithë koreografia e vizitës së tij në Evropë u krijua për të treguar përkushtimin e fortë në marrëdhëniet transatlantike, vlerën që ai u kushton aleatëve dhe aleancave, të tilla si NATO, G7 dhe BE, dhe një angazhim të sinqertë ndaj multilateralizmit.

Kontrasti me vitet e ish-presidentit amerikan, Donald Trump vështirë se mund të jetë më i dukshëm, por, pa dyshim, demonstron një angazhim më të fortë me Evropën sesa edhe ai i ish-presidentit, Barack Obama. Përparimi në mosmarrëveshjen e gjatë Airbus-Boeing tregon se kjo nuk ka të bëjë vetëm me retorikën por edhe me ofrimin.

Alexandra de Hoop Scheffer – Shefe e Fondit Gjerman Marshall në Paris, ish-këshilltare e ministrisë së jashtme franceze për SHBA

Biden pret që NATO dhe BE të japin rezultate

Çfarë mësimesh kanë marrë evropianët nga udhëtimi i Biden?

Evropianët e kanë kuptuar qartë se kur presidenti Biden thotë “Amerika është kthyer”, ai me të vërtetë e thotë këtë. Ai tregoi që udhëheqja amerikane, me gjithë vitet e Trumpit, ende ka fuqinë e pashembullt të mbledhjes së partnerëve rreth çështjeve dhe përgjigjeve të përbashkëta, veçanërisht në “3C” të agjendës së tij: COVID-19, Klima dhe Kina.

A është përmirësuar siguria e Evropës pas vizitës së Biden?

Biden e bëri të qartë se SHBA-ja po e ribën anëtarësimin në partneritetin transatlantik, përmes NATO-s dhe BE-së dhe se pret që këto dy organizata të paraqesin sfidat globale të sigurisë me të cilat përballen partnerët transatlantik. Ri-pranimi i SHBA-së në Kartën e Atlantikut është një shenjë shumë e mirë për sigurinë evropiane.

Si krahasohet ky udhëtim me ato të paraardhësve të Biden?

Ai ka dhënë rezultate shumë konkrete, të cilat paraardhësit nuk kanë arritur të bëjnë. Në lidhje me Kinën, të dy – NATO dhe BE po rritin veprimet e tyre kundër Kinës, nën impulsin e SHBA-së.

Ai ka pranuar gjithashtu disa propozime të bëra nga BE. Në lidhje me çështjet teknologjike dhe sigurinë kibernetike, të cilat janë një përparësi kryesore për Biden, ai ka rënë dakord të krijojë Këshillin e Tregtisë dhe Teknologjisë BE-SHBA, ndërsa i kërkon NATO-s të rritë politikën e saj të inovacionit teknologjik dhe qëndrueshmërinë ndaj sulmeve kibernetike; mbi Rusinë, ai gjithashtu pranoi një propozim të BE-së për të vendosur një dialog të nivelit të lartë BE-SHBA mbi Rusinë, i cili është një lëvizje shumë konstruktive nga një perspektivë evropiane.

Hans-Gert Pottering – ish-Presidenti i Parlamentit Evropian

Një frymë e re me SHBA-të

Çfarë mësimesh kanë marrë evropianët nga udhëtimi i Biden?

Falë presidentit Joe Biden, ekziston një frymë e re midis SHBA-së, NATO-s dhe BE-së. Politika bazohet në një masë të madhe në besimin dhe besimin midis liderëve politikë.

A është përmirësuar siguria e Evropës pas vizitës së Biden?

Tani ka një besim të ri në politikën amerikane. Presidenti Biden e bëri të qartë se NATO është e bazuar në vlera dhe gjithashtu marrëdhëniet SHBA-BE. Ky qëndrim është më i rëndësishëm sepse është baza për veprim të përbashkët. Në këtë kuptim, siguria evropiane është më e fortë tani.

Por evropianët nuk duhet të gabojnë. Ata nuk duhet të mendojnë, “Tani gjithçka është në rregull”. Evropianët duhet të përdorin vitet e Bidenit për ta bërë Evropën dhe Bashkimin Evropian më të fortë: të qëndrojnë transatlantik dhe të bëhen më evropianë.

Si krahasohet ky udhëtim me ato të paraardhësve të Biden?

Presidenti Biden është një partner dhe mik i besueshëm i evropianëve dhe është i vetëdijshëm për rëndësinë e Bashkimit Evropian. Ky është ndryshimi i madh nga paraardhësi i tij.


Send this to a friend