VOAL

VOAL

Please Wait ...
0%

SHBA ofron lehtësime për oficerët venezuelas nëse mbështesin Guaidon

By | February 7, 2019

Komentet

“Hëna e borës”, në mbrëmje sytë nga qielli

Sot, njerëzit në mbarë botën do të kenë mundësinë të shijojnë një shfaqje mahnitëse astronomike të Hënës së plotë.



Ajo quhet ndryshe Hëna e borës. Kjo pasi çdo muaj, hëna e plotë mbart një emër që lidhet me një ngjarje të rëndësishme atë kohë.

Amerikanët dhe evropianët e quajtën hëna e borës, për shkak se në këtë periudhë të vitit ra bora më e madhe gjatë gjithë kohës.

Hëna e shkurtit është quajtur ndryshe edhe kocka ose hëna e urisë për shkak të mungesës së ushqimit në stinën e dimrit.

Kjo është hëna e dytë nga tre hënat e plota në tremujorin e parë të vitit. Një kalendar hënor i mbushur për 2019-ën që përkon edhe me 50 vjetorin e Apollo 11, kur njerëzit shkuan për herë të parë në hënë.

Teknikisht, superhëna do të arrijë kulmin e saj të martën në orën 10:54 të mëngjesit, por nuk do jetë e dukshme.

Ndërsa në mbrëmje vonë ajo do të shfaqet dhe më e shndritshme, pasi fizikisht do të jetë më afër Tokës.

Padyshim një fenomen i tillë do të tërheqë shumë kureshtarë si edhe fotografë, teksa hëna do të jetë më afër me horizontin.

Moskë, mbahet në paraburgim investitori amerikan

Michael Calvey, gjatë seancës gjyqësore në Moskë, më 15 shkurt 2019

Firma e investimeve me seli në Moskë, “Baring Vostok Capital Partners”, njoftoi të hënën se aksionerja kryesore Elena Ivashentseva dhe bashkëthemeluesi Alexei Kalinin kanë marrë drejtimin e kompanisë pas arrestimit të shtunën të themeluesit të firmës Michael Calvey, i dyshuar për përvetësim fondesh përmes mashtrimit.

Në Moskë, Gjykatësi Artur Karpov urdhëroi që zoti Calvey, themelues i firmës dhe një prej investitorëve të saj kryesorë, të mbahej nën arrest deri më 13 prill, duke konkluduar se për shkak të seriozitetit të akuzave ekziston rreziku i largimit të tij nga vendi.

Avokati i zotit Calvey tha se ai është i pafajshëm dhe se do ta apelojë vendimin. Katër të akuzuar të tjerë në këtë çështje gjyqësore janë vendosur gjithashtu në paraburgim për një periudhë dymujore.

Zëdhënësi i gjykatës së Moskës njoftoi të premten se zoti Calvey ishte ndaluar së bashku me anëtarë të tjerë të kompanisë, të dyshuar për vjedhjen e rreth 37.5 milionë dollarëve, akuzë e cila ndëshkohet me deri në 10 vite burgim.

51-vjeçari Michael Calvey themeloi këtë kompani në vitin 1994. Sipas faqes në internet të kompanisë, kapitali i saj është rreth 3.5 miliardë dollarë dhe zotëron një shumicë aksionesh të Bankës ruse Vostochny, e cila është e përqëndruar në Siberi dhe në tregjet e Lindjes së Largët.

Në një deklaratë të kompanisë thuhet se “mendojmë që ndalimi i punonjësve të kompanisë sonë dhe akuzat e ngritura ndaj tyre vijnë si rezultat i një konflikti mes aksionerëve të Bankës Vostochny. Kemi besim të plotë në ligjshmërinë e veprimeve të punonjësve tanë dhe do të mbrojmë me forcë të drejtat e tyre. Aktivitetet e kompanisë “Baring Vostok” në Federatën Ruse janë në përputhje të plotë me të gjitha ligjet në fuqi”.

Përpara se të themelonte kompaninë “Baring Vostok”, zoti Calvey punonte për Bankën Evropiane për Rindërtim dhe Zhvillim dhe për kompaninë Salomon Brothers. Pas vendosjes në Moskë në mesin e viteve ‘90-të, ai u bë një anëtar i suksesshëm i komunitetit të investitorëve të Moskës. Ai është gjithashtu anëtar i bordit të Këshillit të Atlantikut, me seli në Uashington.

Që nga 31 dhjetori, zoti Calvey është shtetasi i tretë i një vendi perëndimor që përballet me akuza në Rusi. Fillimisht, shtetasi amerikan Paul Whelan, një ish-marins, u burgos me akuza për spiunazh. Javën e kaluar, një gjykatë ruse dënoi me gjashtë vite burg shtetasin danez Dennis Christensen, anëtar i bashkësisë fetare “Dëshmitarët e Jehovait”, për “pjesëmarrje në aktivitetin e një organizate ekstremiste”.

Megjithëse Rusia ka burgosur në të kaluarën investitorë të huaj që patën kritikuar publikisht Kremlinin, zoti Calvey nuk ka shprehur pikëpamje të tilla politike në publik.

Ministri britanik i Mbrojtjes: E rrezikon Rusia, nuk do ta braktisim Ballkanin Perëndimor

Vendet e Ballkanit Perëndimor do të vazhdojnë të jenë në vëmendjen e Britanisë së Madhe. Këtë e ka konfirmuar dje ministri i Mbrojtjes së Britanisë së Madhe, Gavin Williamson, gjatë konferencës së sigurisë që po mbahet në Mynih të Gjermanisë.

“Nuk do t’i braktisim shtetet të cilat Rusia përpiqet t’i rrezikojë, siç janë Ukraina dhe vendet e Ballkanit Perëndimor”, ka thënë në Munih ministri britanik i Mbrojtjes Gavin Williamson.

Duke folur në Konferencën për Siguri në Munih, ai e ka akuzuar Rusinë se po përpiqet “ta shtyjë Ballkanin në garën e re të armatimit për të cilën ai thjesht nuk është i interesuar e të cilën nuk e dëshiron dhe kështu këtë pjesë po e bën vend gjithnjë e më pak të sigurt”.

Ai njëkohësisht e ka ftuar Moskën që t’i ripërtërijë marrëdhëniet me vendet perëndimore përmes dialogut, përcjell Reuters.

“NATO është edhe më tej i rëndësishëm sepse kundërshtari i vjetër është edhe mirë në lojë”, ka theksuar Williamson.

Rrethohen mbrojtësit e fundit të kalifatit të vetëshpallur të ISIS-it

Mbrojtësit e fundit të kalifatit të vetëshpallur të grupit terrorist ISIS, janë të rrethuar në një lagje të vogël në një lagje të vogël në fshatin Baghuz të Sirisë Lindore, duke u përballur me një disfatë të afërt, sipas një komandanti të Forcave Demokratike siriane që mbështeten nga Shtetet e Bashkuara.

Vlerësimi që u dha të shtunën pason ditë luftimesh të ngadalta dhe të vështira, ndërsa Shteti Islamik përpiqet të mbajë një territor fare të ngushtë, që janë ndalur vetëm për negociata të ndërmjetme lidhur me një dorëzim të mundshëm që deri tani nuk është realizuar.

Duke drejtuar mësymjen e fundit, komandanti Jiya Furat tha se shumë shpejt do të jepet lajmi i mirë se Daeshi ka marrë fund ushtarakisht. Furat tha se kalifati i vetëshpallur që dikur kishte nën kontroll pjesë të mëdha territori në Siri dhe Irak, tani është reduktuar në një zonë jo më të gjerë se sa 600 metra katrorë dhe se luftëtarët e ISIS-it, po goditen nga të gjitha anët.

Por përpjekjet për asgjësimin e tyre, janë ngadalësuar për shkak të shqetësimeve për civilët, përfshirë gratë dhe fëmijët e luftëtarëve të grupit terrorist që po përpiqen të arratisen.

Ishte duke ngrënë mëngjes, qëllohet për vdekje gazetari

Gazetari Jesus Eugenio Ramos Rodriguez ishte duke ngrënë mëngjes në një restorant të shtunën, kur u qëllua për vdekje.


Autoritetet meksikane konfirmuan vdekjen e Rodriguez të shtunën, duke qenë gazetari i dytë i vrarë në Meksikë këtë vit.

Autoritetet e Tabasco po hetojnë vrasjen dhe qeveria meksikane është zotuar të forcojë masat e sigurisë për gazetarët dhe punëtorët e të drejtave të njeriut.

Koordinatori i komunikimimit në zyrën e Presidentit, Jesus Ramirez, shkroi në Tëitter rreth rëndësisë së mbrojtjes së gazetarëve.

“Liria e shprehjes është një e drejtë dhe një element themelor për demokracinë, drejtësinë dhe lirinë”, tha ai.

Me nëntë gazetarë të vrarë në 2018-ën, Meksika është vendi i katërt më vdekjeprurës në botë për gazetarët, sipas një raporti të Reporterëve pa Kufij.

Gazetarët që mbulojnë korrupsionin politik dhe krimin e organizuar shpesh janë objektivat e dhunës në Meksikë.

Afrikë, një leopard i zi kapet nga kamera pas 100 vitesh

Pas 100 vitesh në Afrikë është kapur nga kamera një lloji i rrallë i leopardit të zi.

Nick Pilfold nga kopshti zoologjik në San Diego dhe ekipi i tij në fillim të vitit të kaluar në rezervuarin e rajonit Laikipia në Kenia, vendosën kamera të cilat filmuan leopardin e zi.

Në Kenia shkuan pasi morën informacionin për paraqitjen e llojit të rrallë të leopardit në këtë rajon.

Pilfold sqaroi se në botë ekzistojnë 11 për qind të leopardëve me lëkurë të zezë dhe se shumica jetojnë në juglindje të Azisë. Ai tha se leopardi i zi në Afrikë është i rrallë dhe se për herë të fundit është parë në vitin e largët 1909 në Etiopi. aa

Maduro nis një manovër të madhe ushtarake në Venezuelë

CARACAS – Presidenti i Venezuelës, Nicolas Maduro urdhëroi nisjen e një manovre ushtarake të cilën e vlerësoi si më të rëndësishmen në historinë e vendit, e cila aktualisht është goditur nga një krizë e thellë politike.

Manovra e madhe ushtarake e forcave venezuelase do të zgjasë deri të premten.

“Duhet të përgatitemi për mbrojtjen e sovranitetit, integritetit territorial dhe pavarësisë së Venezuelës”, tha Maduro në adresimin e tij para ushtarëve në bazën Guaicaipuro në provincën Miranda.

Duke potencuar se Venezuela ka luftuar për ruajtjen e sovranitetit për dy shekuj, Maduro tha se ushtria dhe populli janë gati të qëndrojnë në mbrojtje të shtetit dhe nderit.

Maduro mbrëmë porositi presidentin e SHBA-së Donald Trump të mos ndërhyjë në punët e brendshme të Venezuelës.

Venezuela është prekur nga protestat që nga 10 janari, kur presidenti Nicolas Maduro dha betimin për mandatin e dytë pas zgjedhjeve që u bojkotuan nga opozita.

Tensionet u përshkallëzuan, kur kreu i opozitës Juan Guaido më 23 janar shpalli veten si ushtrues detyre të presidentit, i mbështetur nga SHBA-ja dhe shumë vende të Evropës dhe Amerikës Latine.

Rusia, Turqia, Kina, Irani, Bolivia dhe Meksika mbështesin Maduron.

Koreja e Jugut dhe SHBA, marrëveshje të re për financimin e ushtrisë amerikane

SEUL – Autoritetet e Koresë së Jugut dhe Shtetet e Bashkuara të Amerikës (SHBA) kanë arritur një marrëveshje të re për financimin e ushtrisë amerikne të angazhuar në Korenë e Jugut.

Aktualisht në Korenë e Jugut janë të angazhuar 28.500 ushtarë amerikanë ndërsa agjencia e lajmeve Yonhap raporton se Ministria e Jashtme koreano-jugore ka nënshkruar marrëveshje të re për financimin angazhimit të tyre.

Ministria në kumtesën e publikuar nuk zbulon se sa para janë ndarë ndërsa Yonhap raporton se Korea e Jugut për angazhimin ushtarak amerikan në vitin 2019 do të paguajë të paktën 924 milionë dollarë.

Delegacionet e SHBA-së dhe Koresë së Jugut kanë mbajtur më shumë se 10 takime, në të cilat Washingtoni ka kërkuar nga Seuli që për angazhimin e trupave të tyre të rrisin buxhetin në 1 miliard dollarë.

Sipas marrëveshjes së fundit Koreja e Jugut për angazhimin e ushtrisë amerikane në vit ndante 848 milionë dollarë. aa

Londër, Princi Philip në moshën 97 vjeçare dorëzon patentën

LONDËR – Pallati Buckingham njoftoi se princi 97-vjeçar Philip ka vendosur të mos ngasë më makinën, pasi pothuaj se një muaj më parë u përfshi në një aksident trafiku ku u lënduan dy gra.

Pallati Buckingham dje bëri të ditur se “pas shqyrtimit me kujdes, burri i mbretëreshës Elizabetha II, vullnetarisht solli vendimin të dorëzojë patentën e shoferit”.

Philip ishte pranë timonit të Land Rover-it pranë pronës mbretërore Sandringham në lindje të Anglisë, kur më 17 janar u përplas në një makinë tjetër. Philip pati nevojë për ndihmë që të dalë nga foristrada e përmbysur por kaloi pa lëndime.

Dy gratë, të cilat ishin në makinën tjetër, pësuan lëndime të lehta ndërsa foshnja 2 muajshe kaloi pa kurrfarë lëndimi. aa

Putini shkarkon nëntë gjeneralë rusë

Presidenti i Rusisë, Vladimir Putin, duke takuar kadetët në një shkollë në Shën Petesburg, muajin e kaluar.

Presidenti i Rusisë, Vladimir Putin, shkarkoi njëmbëdhjetë zyrtarë të lartë ushtarakë që mbanin poste qeveritare.

Dekreti i bërë publik të premten thotë se Putin i ka zëvendësuar nëntë gjeneralë dhe dy kolonelë, të cilët mbanin poste të nivelit të lartë në Komitetin Hetimor dhe në Ministrinë e Brendshme dhe atë të Emergjencës.

Zyrtarët e shkarkuar përfshijnë gjeneralin Sergei Solopov, shef i drejtorisë për parandalimin e korrupsionit në forcën policore të Moskës

Dekreti nuk jep asnjë aryse për shkarkimet.

“Gratë shkencëtare mund të zgjidhin problemet më të mëdha në botë”

Mundësimi i sa më shumë grave për të bërë karrierë në shkencë do të zgjidhte problemet më të mëdha në botë, thuhet në një komunikatë të publikuar nga Organizata e Kombeve të Bashkuara (OKB).

Paralelisht me porosinë se edukimi shkencor ndryshon botën, OKB publikoi disa të dhëna nga UNESCO të cilat flasin se 90 për qind e vendeve të ardhshme të punës do të kërkojnë ndonjë formë të aftësisë së teknologjisë së informacionit dhe komunikimit, përfshirë aftësi të analizës së të dhënave, zhvillimin e një softueri, si dhe vizualizimin e të dhënave.

Megjithatë, gratë dhe vajzat vazhdojnë të jenë “jashtëzakonisht të nën-përfaqësuara në shkencë”, pasi të gjitha të dhënat tregojnë se më pak se një e treta e femrave gjatë arsimimit të lartë përzgjedhin lëndët shkollore STEM (shkencë, teknologji, inxhinieri, matematikë).

OKB bën të ditur se nën 3 për qind e femrave zgjedhin lëndët e informatikës dhe teknologjisë së komunikimit (TIK).

Duke iu referuar raportit Hendeku Global Gjinor, i përpiluar nga Forumi Botëror Ekonomik, OKB thotë se vetëm 22 për qind e profesionistëve të inteligjencës artificiale në nivel botëror janë femra.

“Janë disa arsye për hendekun gjinor në studimin e shkencave, nga prioritizimi i arsimimit të djemve deri te paragjykimet dhe stereotipet gjinore”, thuhet në raportin e OKB-së, i cili thekson se bota po humbet talentet potenciale shkencore të femrave.

Gjatë theksimit të kontributit të jashtëzakonshëm që gratë kanë dhënë në shkencë, OKB përmend emrin e Marie Curie, pionieren e kompjuterisë Ada Lovelace dhe shkencëtaren e NASA-s, Katherine Johnson.

Ai theksoi se ndërsa pengesat mbeten shumë për gratë në arritjen e potencialit të tyre të plotë në shkencë, këto barriera janë “sociologjike dhe psikologjike dhe po zhduken”. aa

SHBA ofron lehtësime për oficerët venezuelas nëse mbështesin Guaidon

UASHINGTON – Këshilltari i Sigurisë Kombëtare të SHBA-ve, John Bolton, ka deklaruar se Washingtoni do të ofronte lehtësim nga sanksionet për çdo oficer të lartë ushtarak të Venezuelës që do të njihte udhëheqësin e opozitës, Juan Guaido, si udhëheqës legjitim të vendit.

“SHBA-të do të mendojnë për t’i hequr sanksionet çdo oficeri të lartë ushtarak të Venezuelës që qëndron për demokraci dhe njeh qeverinë kushtetuese të presidentit Juan Guaido, nëse jo, rrethi ndërkombëtar financiar do të mbyllet plotësisht”, ka shkruar Bolton në llogarinë e tij në Twitter.

Në një postim të mëparshëm, Bolton tha se qeveria e presidentit venezuelas, Nicolas Maduro, kishte bllokuar popullin e tij, duke përfshirë zyrtarët ushtarakë, nga marrja e ndihmës humanitare, sepse ai nuk do të largohet nga pozita e tij dhe të njohë Guaido-n.

Pasi Guaido u vetëshpall si president i përkohshëm gjatë protestave që shpërthyen muajin e kaluar në të gjithë vendin, SHBA-të ndoqën shembullin me njohjen e kreut të opozitës dhe më pas imponuan sanksionet ndaj kompanisë shtetërore të naftës së Venezuelës, PDVSA.

Javën e kaluar, Bolton u tha gazetarëve se gjatë vitit të ardhshëm sanksionet mbi PDVSA-në pritet të bllokojnë 7 miliardë dollarë në pasuri dhe të rezultojnë në 11 miliardë dollarë të ardhura të humbura të eksportit.

Megjithatë, Mauricio Jaramilo Jassir, një studiues në Universitetin Rosario në Kolumbi, për AA tha se sanksionet nuk kanë shumë ndikim në çmimin e naftës në Venezuelë, përveç nëse Maduro do të reduktonte prodhimin. aa