VOAL

VOAL

Please Wait ...
0%

SHBA – NE E VRAMË ‘MINISTRIN E NAFTËS’ TË IS-it

By | May 16, 2015

Komentet

Erdogan vizitë në Serbi, çel punimet për projektin 3 miliard euro

Presidenti turk Rexhep Taip Erdogan do të zhillojë një vizitë zyrtare në Serbi, më 29 gusht, ku do të takohet me homologun e tij dhe zyrtarë të tjerë, raporton agjencia Tanjug.

Qëllimi kryesor i kësaj vizite, është çelja e punimeve për ndërtimin e autostradës Beograd-Sarajevë, porjekt i cili kap shifrën 3 miliard euro.

LEXO DHE :  Pas dorëheqjes së Pjetrit, PS gjen zgjidhjen për bashkinë e Shkodrës

Me autostradën drejt Sarajevës, Serbia do të lidhet me korridorin 5 që nis në Bosnje-Hercegovinë, për të kaluar në Kroaci dhe për të përfunduar në Hungari.

Kujtojmë që vizita e fundit e Erdogan në Serbi, ka qenë në tetor të 2017./E.B-dritare.net

Xhakarta pranë katastrofës, për 30 vite fundoset nën ujë

Koha po mbaron për Xhakartën, një nga qytetet që po mbytet më shpejt në botë.

Ekspertët ambientalistë paralajmërojnë se një e treta e qytetit do të jetë nën ujë deri në 2050 nëse ritmet aktuale nuk ndryshojnë.

Dekada të tëra shfrytëzim i pakontrolluar dhe i tepruar i rezervave nëntokësore, rritja e nivelit të deteve dhe kushtet e luhatshme të motit bëjnë që pjesë të mëdha të qytetit të zhduken nën ujë.

Masat e marra kanë pasur pak rezultate ndaj autoritetet po ndërmarrin një hap drastik; vendit i duhet një kryeqytet tjetër. Dhe se kush do të jetë ai, do të njoftohet së shpejti.

Zhvendosja e zemrës administrative dhe politike të vendit mund të jetë një akt që ka si objektiv final mbrojtjen e kombit, por kjo tingëllon si një vdekje e pastër për Xhakartën, ku 10 milionë banorët e qytetit, nuk do të kenë tjetër alternativë.

I ndërtuar në një zonë të prekur shpesh nga tërmetet, afër plot 13 lumenjve, themelet e qytetit janë cënuar edhe nga zhvillimi i pakontrolluar, trafiku i rënduar dhe planifikimi i varfër urban. Qyteti, sipas përllogaritjeve, po zhytet me 25 centimetra në vit në disa zona, dyfishi i mesatares globale për qytetet e mëdha bregdetare. Sot, disa pjesë të tij, janë katër metra nën det, dhe panorama e qytetit ka ndryshuar në mënyrë të pakthyeshme.

Xhakarta sidoqoftë nuk është e vetmja qendër urbane që po mbytet. Qytete që nga Venecia e deri tek Shangai, nga Nju Orlinsi e deri në Bangkok, janë po ashtu në rrezik.

OKB: Bota do të marrë së shpejti një goditje të rëndë nga ndryshimet klimatike

Ndryshimet klimatike së shpejti do t’i japin botës një goditje të fortë, paralajmëron një raport i ri i Kombeve të Bashkuara. Raporti analizon përkeqësimet e tokës bujqësore dhe arrin në përfundimin se ndryshimet klimatike do të vënë në rrezik prodhimin ushqimor dhe do të rëndojnë problemin e urisë:

Temperaturat e larta rekord të kohëve të fundit sollën shkrirjen më masive brenda një muaji në Groenlandë, duke paralajmëruar ngritje të frikshme të nivelit të detit.

Një studim i OKB-së paralajmëron se në vitet e ardhshme ndryshimet klimatike mund të ndikojnë në sasinë e ushqimit që prodhon njerëzimi:

“Megjithë shtimin e prodhimit bujqësor, rreth 821 milionë njerëz nuk kanë ushqim të mjaftueshëm. Ndryshimet klimatike do të sjellin rënie të prodhimtarisë, rritje të çmimeve, ulje të cilësisë ushqyese të produkteve dhe ndërprerje të linjave të furnizimit,” thotë Panmao Zhai, shkencëtar në Komisionin e OKB-së për klimën.

Shkencëtarët në Komisionin e OKB-së për klimën thonë se faktorët e shkaktuar nga njeriu kërcënojnë ekosistemet e brishta të planetit:

“Parashikohet një ndikim më i madh mbi tokën bujqësore si rezultat i mungesës së ujit, zjarreve dhe ndryshimeve në shtresën e ngrirë të dheut. Në brezat më të ngrohtë klimatikë mund të bjerë kapaciteti i tokës për thithjen e karbonit,” thotë zoti Panmao Zhai.

Anëtarët e komisionit bëjnë thirrje për përpjekje globale për të luftuar ndryshimet klimatike:

“Për të mbajtur ngrohjen globale deri në 1.5 apo 2 gradë duhet të eliminojmë gazin karbonik nga atmosfera. Toka luan një rol kritik në eliminin e këtij gazi,” thotë Jim Skea, shkencëtar në Komisionin e OKB-së për klimën.

“Bimësia dhe toka thithin 1/3 e gazeve karbonike që çlirohen nga djegia e karburantit dhe qymyrgurit si dhe nga aktiviteti industrial. Menaxhimi i qëndrueshëm i tokës mund të përmirësojë sasinë e gazeve që thithin bimësia dhe toka, duke eliminuar nganjëherë efektet negative të ndryshimeve klimatike,” thotë Priyadarshi R. Shukla, shkencëtar, Komisioni i OKB për klimën.

Shkencëtarët thonë se këto efekte negative mund të zbuten duke reduktuar mbetjet ushqimore dhe me një bujqësi më dinamike:

“25-30 për qind e ushqimit shpërdorohet. Nëse reduktojmë humbjet ushqimore mund të ulim trysninë mbi tokën dhe të pakësojmë sasinë e gazeve karbonike. Po ashtu me një dietë më të balancuar mund t’u përshtatemi më mirë ndryshimeve klimatike,” thotë shkencëtari Skea.

Komisioni nuk dikton haptazi se çfarë duhet të hanë njerëzit, por rekomandon uljen e konsumit të mishit të gjedhëve duke shtuar konsumin e ushqimeve bimore si rrugëzgjidhje për të ulur deri në 15% brenda vitit 2050 sasinë e gazeve që çlirohet në atmosferë. za

Kina vendos forca sigurie në kufi me Hong Kongun

Dhjetra forca kineze të sigurisë e kamionë të ushtrisë janë parkuar pranë një stadiumi të premten, në afërsi të një ure që lidh Kinën me Hong Kongun.

Disa e shohin praninë e ushtrisë si kërcënim nga Pekin për të përdorur forcën të shtuar kundër protestuesve pro-demokracisë.

Banorët e Hong Kongut protestojnë rreth asaj që e konsiderojnë përkeqësim i lirive e mungesës së autonomisë nën kontrollin kinez të territorit.

Presidenti amerikan Donald Trump tha se arritja e marrëveshje tregtare me Kinën mund të vonohet deri në një zgjidhje të situatës në Hong Kong. Ai sugjeroi madje se mund të ndërmjetësojë personalisht një marrëveshje mes Pekinit dhe disidentëve. za

Reagon Groenlanda: Nuk jemi në treg për shitje

Groenlanda hodhi sot (të premten) poshtë idenë se mund të jetë në treg për shitje pas njoftimeve se Presidenti amerikan Donald Trump kishte diskutuar privatisht me këshilltarët e tij rreth idesë për të blerë ishullin më të madh në botë.

Ne jemi të hapur për biznes, por nuk jemi për shitje“, tha ministrja e Jashtme e Groenlandës Ane Lone Bagger për agjencinë e lajmeve Reuters.

Në muajin shtator zoti Trump do të vizitojë Kopenhagën dhe Arktiku do të jetë në rendin e ditës të bisedimeve gjatë takimeve me kryeministrat e Danimarkës dhe Groennlandës, një territor autonom danez. Biseda për blerjen e ishullit u njoftua për herë të parë nga gazeta “Wall Street Journal”.

Dy burime në dijeni të çështjes i thanë agjencisë Reuters se disa këshilltarë kishin qeshur me idenë duke kujtuar se ishte një shaka, por ajo ishte marrë me shumë seriozitet nga të tjerë në Shtëpinë e Bardhë.

Të premten politikanët danezë u tallën me idenë. “Duhet të jetë një shaka për 1 prillin. Është plotësisht jashtë sezoni“, shkruante ish-kryeministri Lars Lokke Rasmussen në Twitter.

Groenlanda po merr vëmendjen nga superfuqitë botërore duke përfshirë Kinën, Rusinë dhe Shtetet e Bashkuara për shkak të vendndodhjes strategjike dhe burimeve të saj minerale.

Në maj, sekretari amerikan i Shtetit Mike Pompeo tha se Rusia po sillej në mënyrë agresive në Arktik dhe se veprimet e Kinës atje duhej të shiheshin nga afër gjithashtu.

Një traktat në fushën e mbrojtjes mes Danimarkës dhe Shteteve të Bashkuara që daton nga viti 1951 u jep të drejta amerikanëve mbi bazën ajrore Thule në veri të Groenlandës. Nuk ka asnjë të dhënë se çështja e blerjes së Groenlandës do të jetë në rendin e ditës në bisedimet e presidentit Trump me zyrtarët danezë. za

Njëra ligjvënëse myslimane e SHBA-së siguron hyrjen në Izrael

Ligjvënësja amerikane, Rashida Tlaib.

Ministria e Brendshme izraelite ka njoftuar se ka pranaur kërkesën e një ligjvënëseje amerikane për të vizituar Bregun Perëndimor mbi bazën humanitare.

Ky vendim ka ardhur pasi anëtarja e Dhomës së Përfaqësuesve në Senatin e Shteteve të Bashkuara, Rashida Tlaib, ka nisur një letër për të kërkuar leje që të hyjë në Izrael, pasi asaj dhe ligjvënëses tjetër, Ilhan Omar nga Minesota u është ndaluar hyrja në një vizitë zyrtare.

Në letrën e Tlaib të dërguar për ministrinë e Brendshme është thënë se ajo kërkon “të vizitojë të afërmit, sidomos gjyshen e saj, që është në të 90-at” dhe se kjo mund jetë hera e fundit që e sheh.

Tlaib dhe Omar, janë dy ligjvënëse të cilave u refuzuar kërkesa për vizitë zyrtare në Izrael për shkak të mbështetjes që kanë dhënë për bojkotim të Izraelit, pas pushtimit të Bregut Perëndimor dhe trajtimit të palestinezëve.

Kryeministri izraelit, Benjamin Nentanuyhu ka thënë se Izraeli “është i hapur ndaj kritikave”, mirëpo jo ndaj personave që mbështesin bojkotimin e tij si shtet.

Presidenti amerikan, Donald Trump ka thënë para vendimit se Izraeli do të tregonte “dobësi të madhe” nëse lejojn hyrjen e dy anëtareve myslimane të Kongresit.

Tlaib dhe Omar kanë treguar mbështetje për grupet pro-palestineze më parë. Ato ishte planifikuar të vizitonin Jerusalemin dhe Bregun Perëndimor përmes një grupi palestinez dhe nuk ishte bërë e ditur nëse ato ishte planifikuar të takonin zyrtarë izraelitë.

Borë në formë plastike zbulohet në Arktik dhe Alpe

Grimca të vogla plastike, të transportuara nga era dhe që bien më pas në formën e borës, u zbuluan në Arktik dhe Alpe, sipas një studimi që kërkon të zhvillohen kërkime urgjente për të vlerësuar rreziqet sanitare të këtij zhvillimi.

Ne e dimë tashmë që miliona tonelata mbetje plastike zhvendosen nëpër lumenj dhe oqeane, ku dekompozohen në copëza më të vogla nën veprimin e dallgëve dhe të rrezeve ultravjollcë të Diellit.

Por një studim i ri i publikuar të mërkurën ka zbuluar se copëza plastike mundet gjithashtu të transportohen në distanca të mëdha në atmosferë.

Këto mbetje që janë më të vogla se pesë milimetra më pas bien shumë larg nga vendi i tyre i origjinës në formën e reshjeve, veçanërisht të dëborës, zbuluan shkencëtarët e “Institutit Gjerman Alfred Wegener” dhe të Institutit Zviceran të kërkimit mbi borën dhe ortekët. (Atsh)

Koreja e Veriut refuzon çdo negociatë me Korenë Jugore

Testimi i raketave nga ana e Koresë Veriore

Koreja e Veriut ka hedhur poshtë çdo negociatë të mëtejshme me Korenë e Jugut, duke thënë se vendimi bëhet “plotësisht me fajin e veprimeve të Koresë së Jugut”.

Pheniani lëshoi një deklaratë në përgjigje të një fjalimi të presidentit të Koresë së Jugut, Moon Jae-in.

Ndërkohë, herët të premten Koreja e Veriut testoi dy raketa në det në brigjet e saj lindor, tha ushtria e Koresë së Jugut.

Ky ishte testi i gjashtë në më pak se një muaj.

Gjashtë ditë më parë, Koreja e Veriut testoi dy raketa balistike me rreze të shkurtër në Detin e Japonisë.

Veprimet e Phenianit vijnë pasi presidenti i SHBA-së, Donald Trump, dhe udhëheqësi i Koresë së Veriut, Kim Jong-un, ranë dakord gjatë një takimi në qershor, për të rifilluar negociatat e denekluarizimit.

Koreja e Veriut është përballur me sanksione ndërkombëtare për zhvillimin e armëve bërthamore.

Pse u ndalua hyrja e ligjëvënsve amerikane në Izrael?

Një foto ilustruese e presidentit amerikan Donald Trump, kongresisteve amerikane Rashida Tlaib dhe Ilhan Omar dhe kryeministrit të Izraelit, Benjamin Netanyahu.

 

Kryeministri i Izraelit, Benjamin Netanyahu, tha se ndalimi i një vizite të kongresisteve demokrate të SHBA-së, Rashida Tlaib dhe Ilhan Omar kishte për qëllim t’i parandalonte ato të dëmtonin Izraelin.

“Nuk ka asnjë vend në botë që respekton SHBA-në dhe Kongresin Amerikan më shumë sesa Izraeli”, tha Netanyahu në një deklaratë.

“Sidoqoftë, itinerari tregoi se qëllimi i vetëm i kongresisteve ishte të dëmtonin Izraelin”, shtoi kryeministri izraelit.

Më herët, Izraeli njoftoi do të ndalojë një vizitë të dy kongresisteve amerikane, Rashida Tlaib dhe Ilhan Omar, të cilat planifikuan të vizitojnë Bregun Perëndimor dhe Jeruzalemin Lindor.

“Vendimi është marrë, atyre nuk u lejohet të hyjnë”, tha zëvendës-ministrja e Jashtme izraelite, Tzipi Hotovely për Reshet Bet Radio.

Presidenti amerikan, Donald Trump, i kishte sugjeruar më parë Izraelit të mos lejojë vizitën nga Tlaib dhe Omar, dy gratë e para myslimane të zgjedhura në Kongres dhe anëtare të Partisë Demokratike.

“Do të tregonte dobësi të madhe nëse Izraeli do të lejonte vizitën e Omar dhe Tlaib . Ato e urrejnë Izraelin dhe tërë popullin hebre. Nuk ka asgjë që mund të thuhet, ose të bëhet, për të ndryshuar mendjen e tyre. Minesota dhe Michigan do ta kenë shumë të vështirë t’i kthejnë në detyrë. Ato janë një turp!”, ka shkruar Trump në Tëitter.

Pse u ndalua vizita e dy kongresisteve?

Dyshja kanë shprehur mbështetje për lëvizjen pro-palestineze ”Bojkot dhe Sanksione” (BDS). Sipas ligjit të Izraelit, mbështetësve të lëvizjes BDS mund t’iu mohohet hyrja në Izrael.

Ligji izraelit bllokon vizat e hyrjes për çdo të huaj që bën thirrje për çdo lloj bojkoti që shënjestron Izraelin – qoftë ekonomik, kulturor ose akademik.

Ligji përpiqet të shtypë lëvizjen BDS, e cila ka tërhequr mbështetje në rritje në të gjithë Evropën dhe SH.B.A.

Sipas mediave amerikane, udhëtimi i tyre ishte menduar të fillonte të dielën, dhe do të përfshinte një ndalesë në një nga vendet më të ndjeshme në rajon – një rrafshnaltë kodrinore në Jerusalem, e njohur për hebrenjtë si Mali i Tempullit dhe nga myslimanët si Haram al-Sharif.

Ato gjithashtu planifikuan të vizitojnë aktivistët e paqes izraelite dhe palestineze dhe të udhëtojnë në Jeruzalem dhe në qytetet e Bethlehemit, Ramallah dhe Hebron të Bregut Perëndimor.

Udhëtimi në Bregun Perëndimor ishte planifikuar nga Miftah, një organizatë e kryesuar nga negociatori palestinez Hanan Ashrawi.

Kongresistja Tlaib ishte duke planifikuar të qëndronte edhe dy ditë më shumë, për të vizituar gjyshen e saj, e cila jeton në një fshat palestinez.

Kush janë dy kongresistet demokrate?

Presidenti Trump, i cili ka një marrëdhënie të ngushtë me kryeministrin izraelit Benjamin Netanyahu, shpesh është grindur me ligjvënëset dhe në deklaratat e fundit ndaj tyre, u tha të “kthehen” në vendet nga familjet e tyre nga kishin ardhur.

Kongresistja Tlaib – ligjëvënsja e parë e Kongresit Amerikan me prejardhje Palestineze – lindi në Michigan, dhe Zonja Omar është nga Minesota, por lindi në Somali.

Tlaib dhe Omar kanë shprehur mbështetje për lëvizjen pro-palestineze BDS si dhe kanë kritikuar politikat e Izraelit ndaj palestinezëve në Bregun Perëndimor dhe Rripin e Gazës.

Në muajin korrik, Dhoma e Përfaqësuesve në SHBA, votoi për të dënuar gjuhën e urrejtjes, si një masë drejtuar ndaj kongresistes Omar për kritikën e saj ndaj SHBA-së për shkak të mbështetjes së Izraelit.

“Gjithçka ka të bëjë me fëmijët e Benjaminit” (kryeministrit izraelit Benjamin Netanyahu, kishte thënë kongresistja Omar duke i bashkuar kësaj shprehje edhe banknotën 100 dollarëshe. Deklarata e saj çoi në pretendime se ajo po përdorte një stereotip negativ për hebrenjtë.

Ajo më vonë kërkoi falje dhe tha se tweet-i kishte për qëllim të kritikojë lobistët, jo hebrenjtë. Ajo gjithashtu falënderoi “aleatët hebrenj dhe kolegët që po më edukojnë mbi historinë e dhimbshme të tropeve antisemitike”.

Cilat ishin reagimet pas ndalesës së Izraelit për dy kongresistet?

Ambasadori amerikan në Izrael, tha në një deklaratë se SHBA-ja” mbështet dhe respekton vendimin e Qeverisë së Izraelit për të mohuar hyrjen”.

Izraeli “ka çdo të drejtë të mbrojë kufijtë e tij kundër atyre aktivistëve në të njëjtën mënyrë siç do t’i ndalojë hyrësit me armë” shkroi ambasadori David Friedman.

Kongresisti demokrat i New Jersey Tom Malinowski e quajti vendimin “mosrespektim të Kongresit” dhe tha gjatë një udhëtimi ndër-partiak në Izrael javën e kaluar se zyrtarët kishin siguruar që kolegët e tyre do të lejoheshin të vizitonin.

Udhëheqësja e Dhomës së Përfaqësuesve, Nancy Pelosi, tha se “kjo është thellësisht zhgënjyese”. Ajo e quajti mohimin e Izraelit “një shenjë dobësie” dhe tha komentet e Presidentit Trump “një shenjë injorance dhe mosrespektimi”.

A ka pasur ndalesa të tilla në të kaluarën?

Ndalimi i dy personaliteteve të huaja është i rrallë, por jo i pashembullt.

Makarim Wibisono, një raportuesit special i Kombeve të Bashkuara për të drejtat e njeriut, iu mohua hyrja në 2015 pasi Izraeli tha se mandati i tij ishte anti-Izrael.

Fouad Ahmad Assadi nga Partia Socialiste e Spanjës, u ndalua të hynte në Izrael muajin e kaluar sepse ai u vlerësua si kërcënim për sigurinë kombëtare.

Politikani me origjinë libaneze udhëtoi atje për të marrë pjesë në konferencën vjetore të Internacionales Socialiste në Tel Aviv dhe Ramallah – por atij iu mohua hyrja në aeroportin Ben Gurion.

Sidoqoftë, asnjë anëtar i Kongresit amerikan nuk është bllokuar deri më tani. Izraeli shpesh pret delegacione kongresistësh.

Në fillim të këtij muaji, 41 demokratë dhe 31 republikanë morën pjesë në një vizitë të sponsorizuar nga grupi i lobistëve AIPAC.

Përgatiti: Kestrin Kumnova

Izraeli ndalon hyrjen e dy ligjvënëseve të SHBA

Izraeli ndaloi të enjten dy ligjvënëse amerikane të hynin në vend, duke i dhënë shkas një raundi të ri polemikash në debatin mbi mbështetjen e SHBA për aleatin e tyre në Lindjen e Mesme.

Anëtaret demokrate të Dhomës së Përfaqësuesve Ilhan Omar dhe Rashida Tlaib janë kritike të zëshme të Izraelit dhe të trajtimit prej tij të palestinezëve. Ato kishin në plan të vizitonin Izraelin dhe disa qytete në Bregun Perëndimor në ditët e ardhshme.

Zëvendës Ministrja e Jashtme e Izraelit Tzipi Hotovely i tha transmetuesit publik Kan: “Ne nuk do të lejojmë të hyjnë në Izrael ata që mohojnë të drejtën tonë për të ekzistuar në këtë botë. Në parim, ky është një vendim shumë i justifikuar.”

Presidenti i ShBA Donald Trump komentoi në Twitter pak para njoftimit: “Izraeli do të tregonte dobësi të madhe nëse lejonte që ligjvënëset Omar dhe Tlaib të vizitonin vendin. Ato e urrejnë Izraelin dhe tërë popullin hebre, dhe nuk ka asgjë që mund të thuhet ose të bëhet për të ndryshuar mendjen e tyre. ”

Kritikat e shpeshta të ligjvënëseve Omar dhe Tlaib ndaj Izraelit, prej muajsh janë bërë shkak për akuza për antisemitizëm ndaj tyre.

Omar dhe palestinezo-amerikania Tlaib janë përkrahëse të lëvizjes BDS (Bojkot, Tërheqje Investimesh dhe Sanksione), që i bën trysni ekonomike Izraelit për t’i dhënë fund pushtimit të Bregut Perëndimor. Disa përkrahës të lëvizjes mbështesin zgjidhjen me një shtet të vetëm, që kritikët thonë se do të çonte në shkatërrimin e shtetit hebre. za

Lijiang, qyteza antike në shpatet e Himalajave (fotot)

Qyteza 800 vjeçare antike Lijiang në shpatet e Himalajve në jugperëndim të Kinës, magjeps vizitorët me cilësitë arkitekturore, bukuritë natyrore dhe atmosferën romantike, shkruan Anadolu Agency (AA).

Historia e kësaj qyteze brenda kufijve të Rajonit Autonom të Tibetit në provincën Yunnan, daton deri më shekullin e 13-të. Qyteza antike me shekuj ka qenë qendra politike, tregtare dhe kulturore e rajonit, ndërsa në vitet e fundit është atraksion turistik.

LIJIANG (AA) – Qyteza 800 vjeçare antike Lijiang në shpatet e Himalajve në jugperëndim të Kinës, magjeps vizitorët me cilësitë arkitekturore, bukuritë natyrore dhe atmosferën romantike. ( Tevfik Durul – Anadolu Agency )

Shtëpitë e Lijiang kombinojnë motive nga kultura të ndryshme në strukturën e saj arkitektonike.

Gati në çdo vend të kësaj qyteze me sokakë të ngushta dhe gurë të vegjël shumëngjyrëshe kalojnë lumenj të vegjël dhe të mëdha. Qyteza gjendet në një lartësi mbidetare prej 2.500 metra dhe prandaj çdo stinë është e freskët. Gjatë gjithë viti temperatura është mes 20 dhe 25 gradë celsius.

Çdo vit vizitohet nga 12 milionë njerëz

Në rajon jetojnë pakicat etnike të vendit, ndërsa përveç dinamikave arkitekturore dhe kulturore qyteza është e njohur edhe me bukuritë natyrore.

LIJIANG (AA) – Qyteza 800 vjeçare antike Lijiang në shpatet e Himalajve në jugperëndim të Kinës, magjeps vizitorët me cilësitë arkitekturore, bukuritë natyrore dhe atmosferën romantike. ( Tevfik Durul – Anadolu Agency )

Qyteza ka një popullsi prej 140.000 njerëzish, çdo vit vizitohet nga 12 milionë turistë dhe me këtë siguron të ardhura nga turizmi prej më shumë se 4 miliardë dollarë në vit.

Lijiang në vitin 2008 ishte përfshirë në listëne e trashëgimisë botërore të UNESCO-s.

Një aeroplan në Moskë bën ulje urgjente pasi përballet me tufë zogjsh

Pamje nga vendi ku ka ndodhur ulja urgjente e aeroplanit në Moskë.

Njëzetetre persona, duke përfshirë pesë fëmijë janë dërguar në spital të plagosur, pasi aeroplani i kompanisë ajrore, Ural, ka bërë një ulje urgjente afër Moskës.

Kompania ka thënë të enjten se kryer uljen urgjente afër aeroportit Zhukovsky, pasi zogjtë kanë penguar drejtimin e aeroplanit.

Ministria ruse e Shëndetësisë ka thënë përmes një deklarate se asnjë prej të plagosurve nuk është në rrezik për jetë.

Aeroplani ishte nisur drejt Simferopolit, kryeqytetit të Krimesë së aneksuar nga Rusia.