VOAL

VOAL

Please Wait ...
0%

SHBA: Demokratët do të hartojnë akuzat për shkarkimin e presidentit

By | December 5, 2019

Komentet

Debati i parë Trump-Biden

Ken Bredemeier

UASHINGTON – Presidenti republikan Donald Trump dhe rivali i tij demokrat, ish-nënpresidenti Joe Biden, do të debatojnë mbrëmjen e së martës pesë javë përpara zgjedhjeve të 3 nëntorit. Ky është i pari nga tre debatet e planifikuara për t’u zhvilluar gjatë muajit të ardhshëm.

Debati i rëndësishëm që mbahet në qytetin Cleveland, Ohio, vjen ndërsa zoti Biden ka ruajtur prej disa javësh një avantazh me rreth 7 pikë ndaj Presidentit Trump. Nëse humbet në zgjedhje, zoti Trump do të bëhej presidenti i tretë amerikan në katër dekadat e fundit që nuk rizgjidhet për një mandat të dytë në Shtëpinë e Bardhë.

Megjithatë, gara është mjaft e afërt në disa shtete kyçe për betejën elektorale, diçka që paraqet mundësinë që Presidenti Trump mund të humbasë sërish votën popullore – ashtu siç ndodhi përballë demokrates Hillary Clinton në vitin 2016 – duke fituar megjithatë shumicën e votave elektorale të shteteve të rëndësishme që nevojiten për të fituar zgjedhjet.

Mendohet se gati 100 milionë amerikanë do t’i ndjekin dy kandidatët në përballjen prej 90 minutash në një transmetim të drejtpërdrejtë televiziv, moderuar nga gazetari i kanalit Fox News, Chris Wallace, ndërsa në audiencë do të jenë vetëm rreth 100 persona. Deri në këtë moment, dy kandidatët nuk janë shfaqur asnjëherë së bashku.

Zoti Wallace tha se ai do të bëjë pyetje për gjashtë tema në segmente 15 minutëshe: përvoja e kandidatëve; pandemia e koronavirusit që ka shkaktuar vdekjen e një numri rekord botëror prej 205 mijë njerëzish në Shtetet e Bashkuara; emërimi nga Presidentit Trump i juristes konservatore Amy Coney Barrett në Gjykatën e Lartë; ekonomia amerikane që është goditur nga pandemia; integriteti i zgjedhjeve; dhe “raca dhe dhuna” në qytetet amerikane.

Një temë e momentit të fundit është gjithashtu e sigurtë se do të jetë një pikë qendrore – një artikull të dielën i gazetës “The New York Times” se miliarderi Trump pagoi vetëm 750 dollarë në taksa federale për të ardhurat në 2016, vitin kur ai kandidoi për presidencën dhe në 2017, viti i tij i parë në zyrë. Raporti detajonte se si Presidenti Trump, i cili shpesh është mburrur me aftësitë e tij të biznesit, ka raportuar qindra miliona dollarë humbje në biznes.

Presidenti Trump e quajti njoftimin “krejtësisht lajm të rremë”, por fushata e zoti Biden të dielën e theksoi atë për të përforcuar argumentin se Presidenti Trump ka humbur lidhjet me punëtorët amerikanë për të cilët ai pretendon se po lufton. Fushata e zotit Biden filloi të transmetonte një reklamë që tregon se një mësues i shkollës fillore, një zjarrfikës, një menaxher ndërtimi dhe një infermiere paguajnë të gjithë mijëra dollarë taksa në vit ndërsa Presidenti Trump pagoi 750 dollarë.

Debatet në fushatat e kaluara presidenciale herë pas here kanë rezultuar thelbësore për rezultatin, por mbetet për t’u diskutuar nëse është kështu ky vit. Anketimet tregojnë se më shumë se 90% e votuesve thonë se ata tashmë e kanë vendosur në mendjen e tyre dhe se nuk kanë ndërmend ta ndryshojnë zgjedhjen e tyre.

Votimi i hershëm ka filluar në shumë shtete, herë pas here me radhë të gjata njerëzish që presin të hedhin votat e tyre. Miliona të tjerë kanë kërkuar të marrin ose kanë dërguar tashmë fletëvotime me postë për të shmangur takimin ballë për ballë me votuesit e tjerë në Ditën e Zgjedhjeve mes pandemisë së koronavirusit.

Presidenti Trump ka pretenduar, pa prova, se rritja e konsiderueshme e votimit me postë këtë vit do të çojë në një zgjedhje të “manipuluara” kundër tij, dhe ai refuzoi të angazhohej për një tranzicion paqësor të pushtetit në inaugurimin presidencial të janarit nëse zoti Biden fiton.

Moderatori Chris Wallace i kanalit Fox News

Moderatori Chris Wallace i kanalit Fox News

Temat e zgjedhura nga zoti Wallace për debatin pasqyrojnë lajmet e ditës në Shtetet e Bashkuara, megjithëse kritikët thonë se përshkrimet i tij për racën dhe dhunën në Shtetet e Bashkuara pasqyrojnë pretendimin e Presidentit Trump se protestat mbi abuzimin policor të pakicave në muajt e fundit janë udhëhequr nga “banditë”, rebelë dhe anarkistë.

Demokratët që mbështesin zotin Biden thonë se në vend të kësaj, diskutimi duhet të jetë rreth racizmit sistematik në Shtetet e Bashkuara dhe debatin e brendshëm mbi marrëdhëniet racore të nxjerra në pah nga vdekja në maj e afrikano-amerikanit George Floyd, ndërsa mbahej nga policia në Minneapolis, të shtetit Minesota, dhe vdekjet e njerëzve të tjerë afrikano-amerikanë në duart e policisë.

Përpara përballjes së tyre, Presidenti Trump ka vënë në dyshim mprehtësinë mendore të zotit Biden dhe u përpoq të minimizojë aftësinë e tij si debatues, duke pretenduar pa prova se demokrati duhet të ishte droguar kur doli mirë se zakonisht në debate, pasi një numër i madh kandidatësh për president të demokratëve dolën nga gara, dhe ai po përballej vetëm me senatorin e Vermontit, Bernie Sanders, para se zoti Sanders të pranonte humbjen përballë zotit Biden.

“Do të kërkoj me forcë të testohet për drogë i Përgjumuri Joe Biden para ose pas debatit të martën në mbrëmje”, shkruajti Presidenti Trump në Twitter. “Natyrisht, unë do të pranoj ta bëj edhe vetë. Shfaqjet e tij të debatit kanë qenë në një nivel rekord ÇEKUILIBRI, për ta thënë butë. Vetëm drogat mund ta kishin shkaktuar këtë mospërputhje ??? ”

Fushata e zotit Biden u përgjigj se: “Nënpresidenti Biden synon t’i japë përgjigjet e tij në debat me fjalë. Nëse presidenti mendon se argumenti i tij më i mirë bëhet me urinë, atëherë le të vazhdojë”.

Presidenti Trump shkruajti në Twitter: “Joe Biden sapo njoftoi se nuk do të pranojë një Test Droge. Pyes veten përse?”

Çfarë duhet të kenë parasysh në debat kandidatët

Aaron Kall, trajneri për debat në Universitetin e Miçiganit dhe bashkëautor i librit “Të debatosh me Donaldin”, tha se edhe me ndoshta më pak votues të pavendosur sesa në vitet e kaluara të zgjedhjeve presidenciale, dy kandidatët duhet të shfaqin një kompetencë të caktuar për votuesit.

Zoti Biden, tashmë 77 vjeç, shërbeu për 36 vjet në Senatin amerikan dhe tetë si nënpresident me ish-Presidentin Barack Obama. Zoti Kall tha se zoti Biden “duhet të sigurojë votuesit e pavendosur se ai është fizikisht dhe mendërisht në nivelin e të qenit president, dhe një paraqitje e fortë përballë presidentit aktual për 90 minuta është një mënyrë e shkëlqyer për ta bërë këtë”.

“Biden duhet të nxjerrë në pah kontrastin e përvojës, axhendës dhe vizionit të tij për të ardhmen me Presidentin Trump,” tha zoti Kall.

Ndërkohë, zoti Kall tha se Presidenti Trump, në moshën 74 vjeç, “duhet të argumentojë përse ai duhet të rizgjidhet dhe pse meriton katër vite të tjera në detyrë. Ekonomia përgjithësisht shihet si forca e tij më e madhe në sondazhet e opinioneve dhe ai duhet të ketë një plan të detajuar për të ulur papunësinë dhe për të rritur rritjen ekonomike”.

Me ciklin më të fundit të shpenzimeve për krizën e koronavirusit në Kongres të bllokuar, Presidenti Trump duhet të bëjë të njohur vizionin e tij konkret, thotë zoti Kall. Për më tepër, megjithëse kujdesi shëndetësor nuk është një nga gjashtë temat për debatin e parë, Presidenti Trump “duhet të jetë në gjendje të artikulojë zëvendësimin e tij të dëshiruar për Aktin e Kujdesit të Përballueshëm, pasi kjo ka të ngjarë të dalë gjatë seksionit të Gjykatës Supreme” të debatit, tha zoti Kall.

Trajnuesi për debatet tha se Presidenti Trump “shpreson që Biden të bëjë një gabim të madh skualifikues, por mbështetja te kundërshtari juaj për të bërë një gabim nuk është një strategji e shëndoshë e debatit”.

Trump shpesh ekzagjeron pretendimet në lidhje me lajmet e ditës, por zoti Kall tha se zoti Biden “duhet t’i përzgjedhë betejat e tij në lidhje me të pavërtetat e Presidentit Trump, pasi ato nuk janë krijuar të gjitha të barabarta, dhe ka të ngjarë të ketë shumë prej tyre”.

“Është e pamundur t’i lësh disa gjëra të kalojnë”, tha zoti Kall, “por Biden nuk mund ta kalojë shumicën e kohës së tij të çmuar të të folurit në mbrojtje dhe duke korrigjuar Presidentin Trump. Biden ka deklaruar publikisht se ai synon të kontrollojë faktet e Presidentit Trump në kohë reale, por ky do të ishte një gabim”.

Ai e këshillon Presidentin Trump që të mos vërë në dyshim aftësinë mendore të zotit Biden për presidencën.

“Këto akuza nga Presidenti Trump para debatit tashmë kanë ulur pritshmëritë për Biden-in dhe e kanë bërë akoma më të vështirë debatin për atë që është në pushtet”, tha zoti Kall.

“Presidenti Trump në përgjithësi ka qenë i suksesshëm në shndërrimin e kundërshtarëve të tij politikë në karikatura, por është shumë më e vështirë ta bësh këtë kur dikush tjetër po ndan skenën me ju”, tha zoti Kall. “Presidenti Trump do të ishte më mirë të sulmonte historikun Obama-Biden, duke përmendur dallimet me katër vitet e tij të fundit në detyrë”. zëri i amerikës

Avokati i Breonas: vendimi i jurisë, shembull i racizmit në sistem

Protestues të Lëvizjes “Black Lives Matter” in Luivill, Kentaki (25 shtator 2020)

Demonstruesit dolën në rrugë në një tjetër natë të premten në Luivill të shtetit të Kentakit, për të protestuar kundër vrasjes së Breonna Taylor-it, një punonjëse afrikano-amerikane e shërbimeve të urgjencës mjekësore, e cila u vra nga policët marsin e kaluar ndërsa po kryenin një bastisje për drogë.

 

Rreth 15 protestues u arrestuan të premten, tha policia, për shkeljen e ndalim-qarkullimit në orën 21:00.

 

Më herët të premten, familja e zonjës Taylor dhe avokati i tyre, Benjamin Crump, i bënë thirrje Prokurorit të Përgjithshëm të Kentakit, David Cameron të publikojë pamjet e kamerave që mbanin oficerët në trup, dosjet e policisë dhe transkriptet e procedurave të jurisë që nuk ngriti akuza për vrasje ndaj oficerëve që vranë zonjën Taylor.

 

Avokati Crump tha se vendimi i jurisë është një shembull i racizmit sistematik që vazhdon në Amerikë. “Kjo nënvizon atë që kemi thënë gjatë gjithë kohës,” tha ai.

 

E ëma e zonjës Taylor, Tamika Palmer, tha, se “policia dhe ligji nuk u krijuan për të na mbrojtur ne, gratë me ngjyrë”. Zonja Palmer tha se vendimi i jurisë konfirmon faktin se ajo “nuk ka besim në sistemin ligjor”.

 

Zonja Palmer tha se ajo “e dinte” që Prokurori Cameron “nuk do ta bënte kurrë punën e tij” dhe shtoi se, “Sistemi i tërë ka dështuar të mbrojë Breonna-n.”

 

Zoti Cameron është prokurori i parë i përgjithshëm afrikano-amerikan i shtetit Kentaki

Kreu i maxhorancës në Senat, Mitch McConnell, që përfaqëson shtetin Kentaki, mbrojti hetimin gjatë një fjalimi të enjten në sallën e Senatit, duke thënë se zoti Cameron “zhvilloi pikërisht llojin e hetimit të paanshëm dhe të plotë që kërkon drejtësia”. Ai i quajti protestat në Luivill, gjatë të cilave dy oficerë policie u qëlluan me armë, “evidencë e mëtejshme të paligjshmërisë, trazirave, dhe dhunës që kanë goditur qytetet amerikane kaq shpesh gjatë këtij viti”.

 

Zoti Crump shkruajti në Twitter se ai shpreson që një hetim federal për vrasjen e zonjës Taylor do të ngrinte akuza ndaj oficerëve. “Shpresoj që hetimi i FBI-së të sjellë më në fund drejtësi për Breonna-n dhe familjen e saj”.

Zonja Taylor u vra kur gjatë një operacioni anti-drogë, policia hyri në apartamentin e saj me një autorizim hyrjeje “pa trokitur” – një mekanizëm ligjor që u lejon policëve të hyjnë në një mjedis pa paralajmëruar, me qëllim ruajtjen e provave që mund të shkatërrohen. Në apartamentin e saj nuk u gjet drogë.

 

Megjithatë, zoti Cameron tha të mërkurën se një fqinj i zonjës Taylor kishte dëgjuar policinë të njoftonte prezencën e saj ndërsa hynin në apartamentin e zonjës Taylor dhe se hyrja e tyre nuk konsiderohej e llojit “pa trokitur”.

 

Zoti Cameron tha se oficerët “ishin të justifikuar në përdorimin e forcës”, pasi i dashuri i zonjës Taylor, Kenneth Walker, i cili nuk dëgjoi ndonjë njoftim nga policët, qëlloi me armë ndaj tyre i pari, kur ata hynë në apartament, duke menduar se ishin keqbërës.

 

Vëmendja është fokusuar tek të shtënat e zonjës Taylor dhe raste të tjera, pas vdekjes më herët këtë vit të George Flyod-it, një afrikano-amerikan, pasi një polic i bardhë i qytetit Minneapolis i vendosi gjurin në qafë. Vdekja e zotit Floyd ngjalli protesta në mbarë botën për padrejtësinë sociale. zëri i amerikës

Presidenti Trump emëron gjykatësen Amy Coney Barrett për në Gjykatën e Lartë

Presidenti Trump emëroi të shtunën gjykatësen Amy Coney Barrett si anëtare të Gjykatës së Lartë, për të plotësuar vendin e mbetur bosh nga vdekja e anëtares liberale të kësaj gjykate Ruth Bader Ginsburg, çka përbën një mundësi për ta bërë Gjykatën më konservatore 37 ditë para zgjedhjeve presidenciale të 3 nëntorit.

“Sot e kam për nder të emërojë një prej mendjeve më brilante dhe të talentuara të drejtësisë për në Gjykatën e Lartë, gjykatësen Amy Coney Barrett”, u shpreh Presidenti gjatë një ceremonie në Shtëpinë e Bardhë.

“Ky duhet të jetë një process i shpejtë dhe i thjeshtë konfirmimi”, tha presidenti, duke u bërë thirrje ligjvenësve dhe shtypit të përmbahen nga sulmet personale dhe politike ndaj zonjës Barrett.

Presidenti theksoi se nëse zonja Barrett konfirmohet, ajo do të ishte anëtarja e parë e Gjykatës së Lartë që është nënë fëmijë të vegjël ende në shkollë.

Në komentet e saj, zonja Barrett vlerësoi lart gjykatësen Ginsburg për shërbimin që i ka bërë kauzës së grave dhe drejtësisë.

Presidenti Trump kishte premtuar se do të emëronte një grua për të zëvendësuar zonjën Ginsburg që vdiq javën e kaluar në moshën 87 vjeçare. Amy Coney Barrett, aktualisht gjykatëse apeli, me pikëpamje konservatore, u përmend që në fillim si një nga kandidaturat kryesore, së bashku me gjykatësen tjetër të apelit, Barbarta Lagoa, të dyja të emëruara në sistemin federal të drejtësisë nga Presidenti Trump.

Vendimi i presidentit për ta shpallur emërimin përpara zgjedhjeve të nëntorit, duke qënë në një garë e ngushtë ndaj rivalit të tij, ish Nën-presidentit Joe Biden, u prit menjëherë me reagime të ashpra politike në Uashington. Senatorët republikanë thonë se procesi konfirmimit duhet të bëhet sa më shpejt të jetë e mundur, ndërsa Demokratët thonë se emërimi i duhej lënë fituesit të zgjedhjeve.

Në lojë është prirja politike nga do të anojë Gjykata e Lartë, anëtarët e së cilës shërbejnë me mandat të pakufizuar. Gjykata kishte 5 anëtarë koservatorë dhe 4 liberalë, para vdekjes së gjykatëses Ginsburg. Nëse Senati miraton një anëtar konservator, raporti do të bëhej 6 me 3 në favor të konservatorëve.

Anëtari i ri që do të zëvendësojë gjykatësen Ginsburg, do të luajë rol të rëndësishëm për një sërë çëshjesh kritike që pritet të shtrohen para Gjykatës në të ardhmen, si çështja e abortit, sigurimi shëndetësor, ligjet e armëmbajtjes, liria fetare, imigracioni dhe e liria e të shprehurit.

Zgjedhjet presidenciale

Senatorët republikanë pritet të veprojnë me shpejtësi për të konfirmuar kandidaten e emëruar nga Presidenti Trump. Udhëheqësi i shumicës në Senat Mitch McConnell ka premtuar ta përfundojë konfirmimin përpara ditës së zgjedhjeve më 3 nëntor.

Presidenti Trump ka theksuar se është e rëndësishme që Gjykata e Lartë të jetë e plotësuar para datës së zgjedhjeve, në rast se do t’i duhet të përballet me sfida ligjore për votimet.

“Mendoj se zgjedhjet do të përfundojnë në Gjykatën e Lartë”, tha Presidenti Trump të mërkurën, duke shtuar se “është e rëndësishme të kemi 9 anëtarë në të”.

Një sërë sfidash ligjore për zgjedhjet tashmë kanë filluar në shtete të ndryshme mes pritshmërive për një numër të madh votash me postë, ose votimi të hershëm, si pasojë e pandemisë së koronavirusit.

Mbështetja për gjykatësen Barret

Gjykatësja Barrett është mbështetur gjerësisht nga qarqet ligjore konservatore në Shtetet e Bashkuara.

Ajo është një katolike e përkushtuar 48 vjeçare, mjaft e përkrahur nga evangjelistët konservatorë, që mendohet të jenë mbështetësit më besnikë të presidentit.

Zonja Barrett ka qënë për 15 vjet profesore e drejtësisë në universitetin “Notre Dame”, një prej universiteteve më të njohura katolike të Shteteve të Bashkuara, përpara se Presidenti Trump ta emëronte në vitin 2017 si gjyqtare apeli në distriktin që mbulon shtetet Illinoi, Indiana dhe Viskonsin.

Besimtarët konservatorë shpresojnë se zonja Barrett do të përmbysë vendimin historik të vitit 1973 që legalizoi të drejtën e abortit. Ndërsa ajo e ka kritikuar këtë vendim në të kaluarën, po ashtu ajo është shprehur gjatë procesit të konfirmimit si gjykatëse apeli në vitin 2017, se do t’i konsideronte vendimet e mëparshme të Gjykatës së Lartë si precedentë të detyrueshëm për t’u ndjekur.

Demokratët e kundërshtuan konfirmimin e saj në vitin 2017, duke shprehur shqetësim rreth rolit që ajo i jepte fesë në jetën e saj. Ata cituan komentet që zonja Barret kishte bërë si profesore në universitet se “karriera ligjore nuk është veçse mjet drejt një synimi … dhe synimi është ngritja e Mbretërisë së Zotit”.

Nënpresidenti Mike Pence tha gjatë një interviste këtë javë, se zonja Barrett u ndesh me një proces konfirmimi ku “mungonte toleranca” ndaj besimit të saj.

Beteja politike

Republikanët kanë shumicën 53 me 47 në Senat, organi legjislativ që konfirmon emërimet në sistemin e drejtësisë.

Dy republikanë, Lisa Murkowski e shtetit të Alaskës dhe Susan Collins e shtetit Mein, kanë thënë se janë kundër plotësimit të vendit të gjykatëses Ginsburg përpara zgjedhjeve të nëntorit. Duhen edhe dy senatorë të tjerë republikanë që të votojnë me demokratët, që të bllokohet konfirmimi në Senat. Duket se kjo nuk do të ndodhë.

Demokratët në Senat, i kanë akuzuar republikanët për hipokrizi, pasi ata refuzuan të shqyrtonin kandidaturën e propozuar nga Presidenti Obama për një vend në Gjykatën e Lartë në vitin 2016. Në atë kohë republikanët argumentuan se vendet në Gjykatën e Lartë nuk duhet të plotësoheshin në një vit zgjedhor dhe i duhej lënë fituesit të zgjedhjeve ta bënte emërimin.

Demokratët thonë se republikanët duhet t’i përmbahen tani të njejtit argument dhe të presin për plotësimin e vendit deri pas zgjedhjeve.

Republikanët thonë se situata në vitin 2016 ishte ndryshe, pasi atëhere një parti kishte presidencën dhe partia tjetër Senatin, ndërsa në vitin 2020 republikanët i kontrollojnë të dyja.

Ky është anëtari i tretë që presidenti Trump emëron në Gjykatën e Lartë gjatë presidencës së tij. Dy të mëparshmit, po konservatorë, janë gjykatësit Neil Gorsuch dhe Brett Kavanaugh, që kaluan në një proces të vështirë konfirmimi. zëri i amerikës

Cilat janë ndryshimet e propozuara për vizat amerikane?

Aline Barros

UASHINGTON – Administrata Trump ka propozuar të eliminojë “kohëzgjatjen e statusit” për vizat për studentët ndërkombëtarë, vizitorët e programeve të shkëmbimit dhe ata që punojnë në mediat ndërkombëtare. Zyrtarët shpresojnë të vendosin data fikse të përfundimit, në vend që të lejojnë që vizat të jenë të vlefshme për aq kohë sa u duhen atyre për të marrë diplomën ose për të përfunduar një projekt kërkimor.

Aktualisht, një mbajtës i një vize F-1 mund të qëndrojë në vend derisa studenti të përfundojë një program studimi ose nëse studenti vazhdon të plotësojë kërkesat e programit.

Rregullorja e propozuar, prej 256 faqesh, e publikuar të enjten nga Departamenti i Sigurisë Kombëtare të Shteteve të Bashkuara (DHS), do të përcaktonte datat e skadimit 4-vjeçar dhe do të ofronte dy vite për ata që marrin trajnim gjuhësor, me hapësira të kufizuara për të aplikuar për një zgjatje.

Si përcaktohet aktualisht “kohëzgjatja e statusit”?

“Kohëzgjatja e statusit” do të thotë që në vend të një afati të caktuar, një studenti ndërkombëtar i lejohet të qëndrojë në Shtetet e Bashkuara për aq kohë sa i duhet për të marrë diplomën, për sa kohë që regjistrohet me kohë të plotë në kurset mësimore dhe nuk shkel ligjin e emigracionit, për shembull duke punuar në mënyrë të paligjshme.

Kush preket nga udhëzimi i propozuar?

Rregulli do të ndikonte në mbajtësit e vizave në kategoritë F, J dhe I të cilët lejohen të jetojnë përkohësisht në SH.B.A. për të fituar një diplomë të arsimit të lartë, individë me aftësi unike, të cilët janë të aprovuar të marrin pjesë në programe shkëmbimi vizitorësh të bazuar në punë dhe studim, si dhe gazetarë të huaj.

Sipas DHS, shtetasit nga vendet e lidhura me norma të larta të shkeljes së afatit të qëndrimit të vizave – më shumë se 10% – pritet të kenë një periudhë të kufizuar qëndrimi fikse dy-vjeçare.

Vendasit ose shtetasit e vendeve në Listën e Sponsorëve të Terrorizmit të Departamentit të Shtetit gjithashtu do të kufizohen në 2 vjet qëndrimi në SH.B.A.

Çfarë thotë DHS?

DHS (Departamenti i Sigurisë Kombëtare) tha se politika aktuale e kohëzgjatjes së statusit dhe “rritja e konsiderueshme” e numrit të studentëve me viza F, vizitorëve të shkëmbimit me viza J, dhe përfaqësues të mediave të huaja me viza I, paraqesin “një sfidë për aftësinë e Departamentit për të monitoruar dhe mbikëqyrur në mënyrë efikase këto kategori të jo-emigrantëve”.

DHS shton se, “Departamenti në përputhje me rrethanat është i shqetësuar për integritetin e programeve dhe një potencial për rritje të rrezikut për sigurinë kombëtare”.

Botimi në internet “Inside Higher Ed” raporton një rënie prej 15 përqind të regjistrimit të përgjithshëm të studentëve në vitin akademik 2020-2021, duke përfshirë një rënie prej 25% të regjistrimit të studentëve ndërkombëtarë. Gjetjet mund të nënkuptojnë një humbje prej 23 miliardë dollarësh në të ardhura për ekonominë amerikane.

Sarah Spreitzer, drejtoreshë e marrëdhënieve me qeverinë për Këshillin Amerikan të Arsimit, tha se ekziston një “prirje në rënie” në regjistrimin e studentëve ndërkombëtarë gjatë pesë viteve të fundit pas rritjes së një dekade të regjistrimeve ndërkombëtare të studentëve në vend.

“Shumë nga gjërat për të cilat DHS flet në lidhje me vizat studentore, [të tilla si] studentët, ndryshimi i nivelit arsimor, koha e tyre për t’u diplomuar – shumë nga informacionet po gjurmohen tashmë përmes sistemit SEVIS”, tha zonja Spreitzer.

SEVIS është Sistemi Informativ i Studentëve dhe Vizitorëve të Shkëmbimit.

“Institucionet tona po i regjistrojnë të gjitha ato informacione në DHS tashmë përmes atij sistemi, i cili u krijua pas 11 Shtatorit (2001). Dhe kështu është e paqartë se si kjo do t’i japë DHS-së edhe më shumë informacion sesa ata tashmë kanë”, tha ajo.

Çfarë ndodh me ata që janë tashmë në vend?

Stephen Yale-Loehr, një profesor i praktikës së emigracionit në Universitetin Cornell, tha se rregulli i propozuar thotë se studentët ndërkombëtarë aktualisht në Shtetet e Bashkuara do të jenë në gjendje të qëndrojnë sipas rregullave të mëparshme, duke mos kaluar 4 vjet nga data efektive e rregullores përfundimtare.

Zoti Yale-Loehr gjithashtu tha se rregullorja mund të ndalojë zgjatjet për studentët ndërkombëtarë nëse agjensia e emigracionit vendos që një mbajtës i vizave nuk po bën përparim drejt diplomës së tyre.

“Rregulli i propozuar do të kërkonte që shumica e studentëve ndërkombëtarë të mbaronin studimet e tyre në katër vjet, në vend që të zgjasë sa ç’kërkon normalisht. Për shembull, shumë studentëve të doktoraturës zakonisht u duhen më shumë se katër vjet për të marrë diplomën e tyre”, tha zoti Yale-Loehr.

Cilat janë arsyet për një zgjatje?

Rregulli i ri thotë se aplikimet për zgjatjen e vizave mund të aprovohen “nëse koha shtesë e nevojshme është për shkak të një arsyeje akademike bindëse, sëmundjes së dokumentuar mjekësore ose gjendjes mjekësore, ose rrethanave që ishin përtej kontrollit të studentit”.

Kur hyn në fuqi rregulli?

Rregulli është në fazën e propozimit dhe ai nuk do të hyjë në fuqi menjëherë. Publiku do të ketë 30 ditë kohë për të komentuar.

Pas kësaj, agjencia e emigracionit do të duhet të rishikojë të gjitha komentet, të hartojë një rregull përfundimtar dhe ta dërgojë atë në Zyrën e Menaxhimit dhe Buxhetit për shqyrtim përpara se një rregull përfundimtar të mund të hyjë në fuqi.

Duke pasur parasysh të gjitha ato hapa, ekspertët e arsimit thanë se ata nuk presin që një rregullore përfundimtare të hyjë në fuqi para zgjedhjeve presidenciale të nëntorit dhe ndoshta jo para se presidenti të inaugurohet në janar.

Megjithatë, ekspertët e shohin atë si një dekurajim për studentët ndërkombëtarë dhe të tjerët.

“Kjo do të ketë një ndikim të përgjithshëm tronditës dhe të vazhdueshëm për studentët e rinj që po mendojnë të vijnë në SH.B.A. për të studiuar, të cilët mund të kenë zgjedhjen për të studiuar në një nga vendet tona konkurente si Kanadaja, ose Mbretëria e Bashkuar, ose Australia ose Zelanda e Re”, shtoi zonja Spreitzer.

SHBA, arrijnë në mbi 7 milionë të infektuarit nga COVID-19

Shtetet e Bashkuara kanë tejkaluar 7 milionë raste të konfirmuara të koronavirusit, ndërsa disa qeveri në Evropë po vendosin kufizime më të rrepta në përpjekje për të vendosur nën kontroll rritjen e infeksioneve.

Shtetet e Bashkuara e kaluan pragun historik të premten, sipas të dhënave nga Universiteti Johns Hopkins, pasi në fillim të kësaj jave arritën rekordin e zymtë të më shumë se 200’000 vdekjeve nga koronavirusi.

Shtetet e Bashkuara kanë regjistruar numrin më të madh të rasteve të koronavirusit, të pasuara nga India, Brazili, Rusia dhe Kolumbia, sipas Universitetit Johns Hopkins.

Në Evropë, një valë e re e rasteve të infektimit nga koronavirusi ka bërë që qeveritë në të gjithë kontinentin të vendosin përsëri disa kufizime për banorët dhe bizneset.

Kryeministri hollandez Make Rutte e quajti valën e infeksioneve në vendin e tij “shumë shqetësuese”, ndërsa Hollanda raportoi një rekord të ri ditor me 2’777 raste.

“Shifrat duken plotësisht të tmerrshme”, u tha ai gazetarëve të premten. “Me pak fjalë, situata është shumë shqetësuese dhe do të na detyrojë të marrim masa shtesë”.

Zoti Rutte tha se ai pret t’i njoftojë kufizimet javën e ardhshme.

Klientët drekojnë të mbyllur në kuti xhami në restorantin Mediamatic në Amsterdam, Hollandë

Klientët drekojnë të mbyllur në kuti xhami në restorantin Mediamatic në Amsterdam, Hollandë

Njerëzit në Republikën Çeke gjithashtu do të përballen me masa të reja duke filluar javën e ardhshme, tha Ministri i Shëndetësisë Roman Prymula të premten, pa specifikuar saktësisht se çfarë kufizimesh do të vendosen.

Shifrat nga Qendra Evropiane për Parandalimin dhe Kontrollin e Sëmundjeve tregojnë se Republika Çeke radhitet vetëm pas Spanjës për numrin më të lartë të rasteve të reja për frymë në Evropë gjatë dy javëve të fundit.

Njerëzit me maska ecin mbi urën e Karlit, ndërsa pandemia vazhdon të përhapet në Republikën Çeke (25 shtator 2020)

Njerëzit me maska ecin mbi urën e Karlit, ndërsa pandemia vazhdon të përhapet në Republikën Çeke (25 shtator 2020)

Zoti Prymula tha se kundërmasat do të ndikojnë në mbledhjet e njerëzve por nuk do të dëmtojnë ekonominë.

“Ne duam të ndjekim një strategji me një ndikim më të shpejtë, afatshkurtër”, tha zoti Prymula.

Në Spanjë, autoritetet lokale të Madridit dhe qeveria kombëtare po përplasen për shtrirjen e masave të nevojshme për të kontrolluar shpërthimin e infeksioneve të reja në rajonin e kryeqytetit.

Ministri spanjoll i Shëndetësisë, Salvador Illa, tha të premten se qeveria dëshiron që i gjithë Madridi dhe 3.3 milionë banorët e tij të futen në izolim.

Qeveria rajonale tha se do të zgjerojë urdhërat e bllokimit, por vetëm pjesërisht, duke shtuar rreth 160’000 njerëz të tjerë mbi 850’000 personat të cilët duhej të qëndronin në shtëpi këtë javë nëse nuk do të kishin një arsye të autorizuar për të dalë.

Madridi gjithashtu ka shkurtuar numrin e njerëzve të lejuar të vizitojnë dyqanet dhe restorantet dhe ka mbyllur parqet.

Një bar është qarkuar nga shiritat për të siguruar distancën mes klientëve në Madrid, Spanjë (25 shtator 2020)

Një bar është qarkuar nga shiritat për të siguruar distancën mes klientëve në Madrid, Spanjë (25 shtator 2020)

Masat izlouese kanë ngjalluar protesta nga ata që thonë se po vihen në shënjestër sepse jetojnë në zona më të populluara dhe më të varfra që kanë infrastrukturë më të keqe.

Testimi i vaksinës në Britani

Në Britani, kompania Novavax me qendër në Shtetet e Bashkuara tha të premten se ka filluar një provë në fazën e vonë të një vaksine të mundshme për COVID-19.

Kompania tha se po kryente provën në Britani sepse ka një qarkullim mjaft të konsiderueshëm të koronavirusit në vend për të prodhuar rezultate të shpejta.

Prova klinike përfshin 10’000 njerëz, mes moshave 18 dhe 84, tha kompania dhe po kryhet në partneritet me grupin britanik të punës për koronavirusin.

Disneyland në Hong Kong

Disneyland në Hong Kong u rihap të premten, hera e dytë që e ka bërë këtë gjatë pandemisë.

Vizitorët në Disneyland bëjnë fotografi me personazhet e mirënjohur të filmave vizatimorë (Hong Kong, 25 shtator 2020)

Vizitorët në Disneyland bëjnë fotografi me personazhet e mirënjohur të filmave vizatimorë (Hong Kong, 25 shtator 2020)

Ka udhëzime për distancimin shoqëror, së bashku me pastrimin e shtuar në zonat më të njohura të parkut.

Parku u mbyll fillimisht mes valës së parë të pandemisë në fillim të këtij viti dhe u mbyll përsëri ndërsa një valë infeksionesh goditi Hong Kongun në korrik. zëri i amerikës

Mbesa padit Donald Trumpin: Më mashtroi për trashëgiminë

Mbesa e presidentit të SHBA’ve Donald Trump ka ngritur një proces gjyqësor kundër xhaxhait të saj, duke e akuzuar atë dhe dy anëtarët e familjes për mashtrim dhe komplot.

Mary Trump pretendon se Donald Trump, motra e tij Maryanne Trump Barry dhe vëllai Robert Trump (i cili vdiq në gusht), e mashtruan atë lidhur me trashëgiminë që pretendon se i takonte nga i ati.

Në këtë padi, Mary Trump pretendon se pas vdekjes së babait të saj Fred Trump Jr në vitin 1981, ajo trashëgoi aksione të vlefshme të biznesit të familjes, por xhaxhallarët dhe tezja e mashtruan.

“Në vend që të mbrojnë interesat e Mary Trump, ata shpikën dhe ekzekutuan një plan kompleks për të nxjerrë fonde nga ajo, për të mbuluar mashtrimin dhe për ta mashtruar për vlerën reale të asaj që ajo trashëgoi”, thuhet në proces gjyqësor.

Mary Trump, e cila në muajin korrik publikoi ​​një libër mbi kujtimet e saj për presidentin, po kërkon të rimarrë miliona dollarë që ajo pretendon se i ka humbur.

As presidenti dhe as vëllai e motra e tij nuk kanë komentuar publikisht për këtë çështje. Express

Ruth Bader Ginsburg – gruaja e parë që i bëhen homazhe shtetërore në Kongres

Arkivoli me trupin e gjykatëses Ruth Bader Ginsburg para Gjykatës Supreme në Uashington.

Trupi i gjykatëses së ndjerë të Gjykatës Supreme në Shtetet e Bashkuara, Ruth Bader Ginsburg, u dërgua për homazhe shtetërore në ndërtesën e Kongresit amerikan.

Kjo është hera e parë në histori që nderimi i tillë i bëhet një gruaje.

Homazhi shtetëror është tradita kur trupi i pajetë i një zyrtari vendoset në një ndërtesë shtetërore, për t’i mundësuar publikut që t’i japë nderimet.

Ruth, ikonë liberale, ka vdekur javën e kaluar nga kanceri në pankreas, pas 27 vjetësh shërbim në gjykatën më të lartë të SHBA-së.

Mijëra njerëz i kanë bërë homazhe derisa arkivoli i saj ka qenë i vendosur jashtë ndërtesës së Gjykatës Supreme, këtë javë.

Ginsburg, e cila ka vdekur në moshën 87-vjeçare, ka qenë mbështetëse e zëshme e barazisë gjinore dhe e të drejtave civile.

Ajo është mitizuar nga liberalët dhe feministët si udhëheqëse që thyen barriera.

Ruth do të varroset javën e ardhshme në një ceremoni private në Varrezat Kombëtare të Arlingtonit. rel

Presidenti Trump i shmanget angazhimit për pranimin e një kalimi paqësor të pushtetit

Presidenti Donald Trump flet gjatë një aktiviteti për nderimin e veteranëve, 23 shtator 2020.
Steve Herman

SHTËPIA E BARDHË – Presidenti Donald Trump nuk ka pranuar të konfirmojë nëse do të ishte i gatshëm për një kalim paqësor të pushtetit nëse do të humbiste betejën për t’u rizgjedhur më 3 nëntor përballë kandidatit demokrat për president Joe Biden.

“Do të duhet të shohim se çfarë do të ndodhë”, tha presidenti në përgjigje të pyetjes së një gazetari gjatë një konference për shtyp të Shtëpisë së Bardhë të mërkurën në mbrëmje. “Unë jam ankuar me shumë forcë për fletëvotimet dhe ato janë një katastrofë”.

Pa paraqitur asnjë provë, Presidenti Trump ka folur vazhdimisht për manipulime masive falë dhjetëra miliona fletëvotimeve të dërguara nëpërmjet postës, sistem të cilin demokratët e kanë inkurajuar për shkak të pandemisë së koronavirusit.

“Ne duam të kemi – t’i heqim fletët e votimit”, vazhdoi presidenti, duke shpjeguar se nëse do të krijohej një situatë e atillë “nuk do të ketë një transferim, sinqerisht; do të ketë një vazhdimësi”.

Zoti Biden u pyet t’u përgjigjej komenteve të Presidentit Trump, kur mbërriti në Delauerë të mërkurën në mbrëmje.

“Në cilin vend jemi? Po e them me humor”, tha ish-nënpresidenti. “Thashë, në cilin vend jemi? Shikoni, ai thotë gjërat më të palogjikshme. Nuk di çfarë të them”.

Të paktën një nga kolegët e tjerë republikanë të Presidentit Trump në Senat, u shpreh i alarmuar për komentet e presidentit.

“Thelbësore për demokracinë është kalimi paqësor i pushtetit; pa atë kemi Bjellorusi”, tha në Twitter Senatori Mitt Romney nga shteti Jutah. “Çdo sugjerim që një president mund të mos respektojë këtë garanci kushtetuese është i paimagjinueshëm dhe i papranueshëm”.

Zoti Romney ishte kandidati i partisë së tij për president në 2012-ën dhe ka qenë një nga republikanët e paktë në Senat që herë pas here nuk ka qenë dakort me retorikën dhe veprimet e Presidentit Trump.

“Nuk ka dyshim që ai nënkupton pikërisht atë që tha”, tha ligjvënësi demokrat Adam Schiff, kryetari i Komisionit të Zbulimit të Dhomës së Përfaqësuesve, në kanalin MSNBC rreth komentit të presidentit, duke shtuar se ishte koha që ata që shërbenin në administratën Trump “të jepnin dorëheqjen” në protestë.

Një nga grupet më të vjetra të të drejtave kushtetuese të vendit gjithashtu komentoi.

“Transferimi paqësor i pushtetit është thelbësor për një demokraci funksionale. Kjo deklaratë nga presidenti i Shteteve të Bashkuara duhet të shqetësojë çdo amerikan”, tha David Cole, drejtori kombëtar ligjor i Unionit Amerikan të Lirive Civile.

Më herët të mërkurën, Presidenti Trump tha se ai mendon se zgjedhjet e nëntorit “do të përfundojnë në Gjykatën e Lartë dhe unë mendoj se është shumë e rëndësishme që të kemi nëntë gjyqtarë”.

Presidenti planifikon të shpallë të emëruarën e tij për Gjykatën e Lartë të shtunën që nëse miratohet do të zëvendësonte gjykatësen liberale Ruth Bader Ginsburg, e cila vdiq të premten e kaluar.

Nëse Senati konfirmon kandidaten e presidentit para zgjedhjeve, kjo do t’i jepte krahut konservator një shumicë 6-3 në gjykatë.

“Ky mashtrim që demokratët po bëjnë, është një mashtrim, mashtrimi do të jetë përpara Gjykatës së Lartë të Shteteve të Bashkuara dhe unë mendoj se të kesh një situatë 4-4 nuk është një situatë e mirë”, tha Presidenti Trump.

Presidenti ka shprehur vazhdimisht shqetësimin në lidhje me planet nga një numër shtetesh, duke përfshirë shtetet Kaliforni, Kolorado, Hauai, Nevada, Nju Xhersi, Oregon, Jutah, Vermont dhe Uashington, për të dërguar automatikisht fletëvotime për zgjedhjet të gjithë banorëve të shtetit.

Benjamin Ginsberg, një avokat i njohur për çështjet zgjedhore i cili ka përfaqësuar katër kandidatë republikanë për president, është cituar këtë muaj duke thënë se parashikimi i Presidentit Trump për mashtrim me këto vota nuk ka prova.

“Fjalët e presidentit e bëjnë retorikën e tij dhe të Partisë Republikane të duket më pak si një shqetësim i sinqertë – dhe më shumë si hipokrizi për të siguruar një avantazh elektoral”, shkruajti zoti Ginsberg në një artikull në gazetën Washington Post. “Dhe ata dalin ndërsa republikanët që përpiqen të fitojnë çështjet e tyre në gjykata duhet të përballen me të vërtetën themelore se katër dekada hetimi të dedikuar kanë prodhuar vetëm incidente të izoluara të manipulimit të zgjedhjeve”.

Rasti Breonna Taylor: Një zyrtar policor akuzohet për bastistjet që rezultuan me fatalitet

Pamje nga protestat kundër racizmit në Shtetet e Bashkuara. Foto nga arkivi.

Një juri e përbërë nga një grup qytetarësh në Shtetet e Bashkuara, të cilët sipas ligjit kanë fuqi që të nisin procedura ligjore dhe të hetojnë krime potenciale penale, ka akuzuar një zyrtar policor të bardhë për të shtënat kundër të ndjerës Breonna Taylor në shtëpinë e saj në Kentaki.

Taylor, afrikano-amerikane, 26-vjeçare, teknike në një dhomë të emergjencës në spital, është qëlluar disa herë gjatë një bastisjeje policore më 13 mars të këtij viti.

Vdekja e saj është kthyer në një prej cështjeve kyçe në protestat kundër racizimit në Shtetet e Bashkuara, në të cilat është bërë thirrje që tre zyrtarët policorë të përfshirë në këtë rast, të arrestohen dhe të dënohen.

Zyrtarët amerikanë më herët janë pajtuar që t’i paguajnë familjes së saj 12 milionë dollarë dëmshpërblim.

Zyrtari policor, Brett Hankison, është ngarkuar me tre akuza për “rrezikim të paarsyeshëm” gjatë të shtënave.

Ai është përjashtuar nga Departamenti i Policisë në Luisvill, pasi hetuesit kanë gjetur se ai “ka shtënë 10 herë, pa shkak dhe verbërisht” brenda në apartament, bazuar në letrën e tij të shkarkimit.

Dy zyrtarë tjerë policorë që kanë shtënë atë natë, Jonathan Mattingly dhe Myles Cosgrove, nuk janë akuzuar.

Taylor ka qenë në shtëpinë e saj më 13 mars, kur zyrtarët policorë kanë hyrë në apartament pak pas mesnatës, ka thënë familja e saj.

Zyrtarët për narkotikë kanë bastisur vendbanimin e saj, mirëpo nuk kanë gjetur ndonjë lloj droge aty.

Taylor, mes tjerash, nuk ka pasur histori kriminale.

Policia ka kryer një lloj të kërkimit të njohur si “kërkim pa trokitje”, që u mundëson zyrtarëve policorë të hyjnë brenda një shtëpie pa paralajmërim.

Zyrtarët policorë besojnë se kanë trokitur dhe kanë njoftuar para hyrjes brenda, mirëpo familja dhe fqinjët e Taylorit kanë mohuar këtë gjë.

Në atë kohë, Taylor ka qenë bashkë me të dashurin e saj Kenneth Walker, që ka pasur leje për të mbajtur armë.

Walker thuhet të ketë besuar se dikush po tenton të hyjë në shtëpi dhe më vonë i ka thënë policisë dhe ka shtënë një herë me armë zjarri.

Zyrtarët thonë se plumbi i Walkerit ka plagosur një zyrtar policor, i cili më vonë i është nënshtruar operimit.

Tre zyrtarët policorë më pas kanë qëlluar më shumë se 20 herë me armë zjarri në banesë.

Taylor është qëlluar disa herë dhe ka vdekur në ambiente të apartamentit, kanë thënë avokatët e familjes së saj. rel

Trump: Zgjedhjet do të përfundojnë në Gjykatën e Lartë

Marrë nga Reuters

Presidenti Donald Trump tha të mërkurën se ai mendon që zgjedhjet e vitit 2020 do të përfundojnë në Gjykatën e Lartë, duke shtuar se kjo është arsyeja se përse ka rëndësi që ajo t’i ketë të nëntë gjyqtarët.

Duke folur në një takim në Shtëpinë e Bardhë, ai tha se senatori republikan Lindsey Graham, i cili kryeson Komisionin e Gjyqësorit në Senat, as që është e nevojshme të zhvillojë një seancë dëgjimore për personin që do të emërohet për anëtar të Gjykatës dhe se procesi do të kryhej shpejt.

“Unë mendoj se çështja do të përfundojë në Gjykatën e Lartë dhe se është shumë e rëndësishme që të kemi nëntë gjyqtarë,” tha Presidenti Trump kur u pyet nëse do të duhej një Gjykatë e plotë për të trajtuar ndonjë sfidë të mundshme për zgjedhjet e 3 nëntorit midis tij dhe rivalit demokrat Joe Biden.

Presidenti Trump ka hedhur dyshime mbi integritetin e zgjedhjeve, duke thënë pa prova se votimi me postë për shkak të pandemisë do të çonte në mashtrime.

“Ky mashtrim që po përgatisin demokratët … do të dalë para Gjykatës së Lartë të Shteteve të Bashkuara dhe mendoj se të kesh një rezultat 4 me 4 nuk është një situatë e mirë,” tha ai.

Deri tani, vetëm një garë presidenciale, ajo e vitit 2000 midis republikanit George W. Bush dhe demokratit Al Gore, është vendosur në Gjykatën e Lartë.

Presidenti Trump po lëviz me shpejtësi për të emëruar një pasardhëse të gjyqtares liberale Ruth Bader Ginsburg, e cila ndërroi jetë të premten.

Ndërkohë ish-Nënpresidenti Joe Biden, rivali demokrat i zotit Trump për zgjedhjet e 3 nëntorit, ka bërë thirrje që presidenti i ardhshëm, të përzgjedhë kandidatin për Gjykatën e Lartë, pas inaugurimit të tij në janar.

Aleatët republikanë të zotit Trump në Senat thonë se ata mund të zhvillojnë një votim para zgjedhjeve. Kjo do të vuloste një shumicë konservatore 6 me 3 në gjykatën më të lartë të vendit.

Presidenti Trump ka thënë se do ta shpallë të zgjedhurën e tij mes pesë grave kandidate të shtunën pasdite.

Të hënën, ai u takua në Shtëpinë e Bardhë me gjyqtaren Amy Coney Barrett, e cila shihet si pretendente kryesore.

I pyetur për gjyqtaren tjetër, Barbara Lagoa, ai u tha gazetarëve të mërkurën: “Nuk kam planifikuar një takim, por ajo është në listën time”.

Gjatë mandatit të tij, Presidenti Trump ka emëruar dy konservatorë në gjykatën e Lartë, Neil Gorsuch në vitin 2017 dhe Brett Kavanaugh në vitin 2018.

Emërimet në Gjykatën e Lartë, anëtarët e së cilës shërbejnë për jetë, kërkojnë konfirmimin e Senatit. Aleatët republikanë të Presidentit Trump kontrollojnë 53 nga të 100 vendet e Senatit.

Dy senatore republikane, Susan Collins dhe Lisa Murkowski kanë njoftuar se do të votojnë kundër emërimit të zotit Trump para zgjedhjeve, kur mbeten më pak se 40 ditë në krahasim me 70 ose më shumë që zakonisht i është dashur Senatit për të shqyrtuar e miratuar kandidaturën për një vend në Gjykatën e Lartë gjatë administrave të kaluara.

Por asnjë senator tjetër republikan nuk u është bashkuar atyre në përpjekjen për të vonuar shqyrtimin e kandidaturës.

Udhëheqësi i shumicës së Senatit, Mitch McConnell ka thënë se është gati të veprojë, sapo Presidenti Trump të shpallë emërimin. zëri i amerikës

Kundërshtarët dhe kriminelët kibernetikë e vënë rezultatin e zgjedhjeve amerikane në shënjestër

Jeff Seldin

UASHINGTON – Zyrtarët e sigurisë së zgjedhjeve në Shtetet e Bashkuara po përgatisin publikun amerikan për një lloj të ri të skenarit më të keq për zgjedhjet presidenciale të 3 nëntorit – një vërshim dezinformimesh në orët menjëherë pas mbylljes së votimeve, duke hedhur dyshime mbi rezultatet dhe vetë procesin, ndërsa votuesit do të jenë në pritje të mësojnë se kush do të drejtojë vendin për katër vitet e ardhshme.

Zyrtarët paralajmërojnë se sulmet e mundshme do të jenë të përhapura dhe të projektuara për t’i bërë amerikanët dyshues për çdo informacion që marrin, madje edhe nga burime normalisht të besueshme.

“Aktorët e huaj dhe kriminelët kibernetikë mund të krijojnë faqe të reja në internet, të ndryshojnë faqet elektronike ekzistuese dhe të krijojnë ose ndajnë përmbajtje korresponduese të mediave sociale për të përhapur informacion të rremë”, paralajmëroi Byroja Federale e Hetimeve (FBI) dhe Agjencia e Sigurisë dhe Informacionit Kibernetik (CISA) përmes një njoftimi të lëshuar të martën vonë.

“FBI dhe CISA nxisin publikun amerikan të vlerësojë në mënyrë kritike burimet e informacionit që ata konsumojnë dhe të kërkojnë informacione të besueshme dhe të verifikuara nga burime të besuara, të tilla si zyrtarët e zgjedhjeve shtetërore dhe lokale,” thuhet në njoftim. “Publiku duhet të jetë i vetëdijshëm se nëse aktorët e huaj ose kriminelët në internet do të ishin në gjendje të ndryshonin me sukses një faqe elektronike të lidhur me zgjedhjet, të dhënat themelore dhe sistemet e brendshme do të mbeteshin të pakompromentuara.”

Shqetësimet nuk janë të reja. Për muaj me radhë, zyrtarët e sigurisë së zgjedhjeve federale dhe shtetërore janë përpjekur të përgatisin votuesit, duke u thënë atyre se për shkak të një rritjeje të pritshme të fletëvotimeve me postë për shkak të pandemisë së koronavirusit, mund të kalojnë disa ditë para se të shpallet fituesi i zgjedhjeve presidenciale .

Zyrtarët amerikanë të kundërzbulimit kanë paralajmëruar gjithashtu muajt e fundit se vende si Kina, Rusia dhe Irani, si dhe aktorë të tjerë kibernetikë, kanë kryer operacione ndikimi për të “minuar besimin e popullit amerikan në procesin demokratik të SHBA”.

Por paralajmërimi i ri i FBI-së dhe CISA-s shkon më tej, duke dhënë hollësi se si kundërshtarët mund të përpiqen të mashtrojnë publikun amerikan në internet dhe përmes mediave sociale.

Bllokimi i valës së dezinformimit ndërsa zgjedhjet po afrojnë mund të jetë një sfidë e vështirë.

Megjithatë, disa zyrtarë zgjedhorë shohin arsye për shpresë, bazuar në vullnetin që kanë treguar kompanitë e mediave sociale për t’u takuar me ta gjatë disa muajve të fundit për të folur se si mund të shmangen fushatat e dezinformimit. Disa nga këto përpjekje po japin rezultat.

Të martën, Facebook-u hoqi më shumë se 150 llogari, faqe dhe grupe të lidhura me Kinën, disa prej të cilave kishin në shënjestër zgjedhjet amerikane.

Facebook-u dhe Twitter-i gjithashtu kanë njoftuar heqjen e llogarive të lidhura me Agjencinë ruse të Kërkimit në Internet, që merret me dezinformimin online.

Në fillim të këtij muaji, firma Microsoft doli publikisht me informacionin se si hakerat e lidhur me Kinën, Rusinë dhe Iranin kishin vënë aktivisht në shënjestër fushatat e Presidentit Donald Trump dhe rivalit të tij kryesor, Joe Biden.

Disa ekspertë shqetësohen se kjo mund të mos jetë e mjaftueshme.

“Shumë nga platformat kryesore online kanë vendosur të tregohen shumë më aktive,” thotë Emily Fry, drejtoreshë për Integrimin Kibernetik në Korporatën MITRE.

Disa zyrtarë shtetërorë janë po aq të shqetësuar se a do të jenë të aftë një fushatë dezinformuese të përmasave të mëdha.

“Unë shqetësohem për dy ditët e fundit dhe për ditën e zgjedhjeve,” thotë Sekretarja e Shtetit e Pensilvanisë, Kathy Boockvar.

CISA dhe zyrtarët shtetërorë të zgjedhjeve po marrin masa, duke u përpjekur të imunizojnë votuesit ndaj valës së pritshme të dezinformimit, duke i nxitur ata të përgatiten, të marrin pjesë në zgjedhje dhe, veçanërisht, të jenë të durueshëm.

“Ndoshta do të duhet pak më shumë kohë për të bërë numërimin për shkak të rritjes së numrit të fletëvotimeve me postë”, tha Drejtori i CISA-s Christopher Krebs javën e kaluar në Samitin e Sigurisë Kibernetike në Billington. “Kini pak durim. Demokracia nuk është krijuar brenda një dite.”

Shqetësimet nuk janë të reja. Për muaj me radhë, zyrtarët e sigurimit të zgjedhjeve federale dhe shtetërore janë përpjekur të përgatisin votuesit, duke u thënë atyre se për shkak të një rritje të pritshme të përdorimit të fletëvotimeve me postë për shkak të pandemisë së koronavirusit, mund të kalojnë disa ditë para se të shpallet fituesi i zgjedhjeve presidenciale .

SHBA, arrin në 200 mijë numri i vdekurve nga koronavirusi

Të martën Shtetet e Bashkuara regjistruan 200 mijë raste vdekjesh si pasojë e koronavirusit, por ekspertët e shëndetit thonë se shifra mund të vazhdojë të rritet me dhjetëra mijëra në muajt e ardhshëm. Numri i të vdekurve i ka tejkaluar parashikimet e hershme dhe shifra është gati sa dyfishi i viktimave amerikane në luftërat e zhvilluara në Kore, Vietnam, Gjirin Persik, Afganistan dhe Irak.

Në prill, eksperti më i lartë i sëmundjeve infektive doktor Anthony Fauci pati thënë se numri i të vdekurve do të arrinte “në më shumë se 60 mijë”, ndërsa Presidenti Donald Trump, i cili fillimisht e minimizoi koronavirusin si diçka të ngjashme me gripin sezonal, tha në muajin maj se numri mund të shkonte diku tek 75 në 100 mijë të vdekur.

Tashmë ekspertët e shëndetësisë në universitetin e Uashingtonit thonë se numri i të vdekurve mund të arrijë në 410 mijë deri në fund të vitit.

Në fund të prillit në SHBA regjistroheshin çdo ditë më shumë se 2,000 vdekje, tashmë shifra është rreth 800 vdekje në ditë.

Ekspertët po përpiqen të zhvillojnë një vaksinë kundër koronavirusit e cila mund të miratohet për përdorim urgjent në muajt e ardhshëm. Por në mungesë të një vaksine dhe me futjen në një sezon të ftohtë, ekspertët druhen se numri i përditshëm i të vdekurve mund të rritet sërish. SHBA-ja ka numrin më të lartë të vdekjeve krahasuar me të gjitha vendet e botës, por disa vende në Evropë dhe në Amerikën Latine kanë regjistruar numrin më të lartë të vdekjeve për frymë.

Të martën Presidenti Trump nuk bëri asnjë koment mbi shifrën e të vdekurve si pasojë e virusit. Përpjekjet kundër COVID-19 janë shndëruar në një pikë kryesore të debatit në kuadër të fushatës për zgjedhjet presidenciale. Zoti Biden akuzon Presidentin për keqmenaxhimin të krizës e cila ka çuar në ato që ai i quajti vdekje të parandalueshme, ndërsa presidenti Trump i dha vetes “notën 10” gjatë një intervistë të hënën lidhur me përgjigjen ndaj pandemisë.

Ata po vdesin. Kjo është e vërtetë. Situata është ajo që është. Por kjo nuk do të thotë që ne nuk po bëjmë gjithçka që mundemi. Situata ndodhet nën kontroll për aq sa mund ta kontrollojmë“, tha zoti Trump gjatë një interviste në fund të korrikut për Axios.

Të martën në një konferencë për shtyp Sekretarja e shtypit e Shtëpisë së Bardhë Kayleigh McEnany u pyet se çfarë do t’u thoshte Shtëpia e Bardhë atyre amerikanëve që e fajësojnë për 200 mijë rastet e vdekjeve si pasojë e virusit.

Fakti që jemi shumë larg shifrës prej 2 milionë të vdekurish është një dëshmi se ky president po ndërmerr veprime të menjëhershme“, tha ajo.

Të hënën Organizata Botërore e Shëndetësisë njoftoi se 156 vende do të marrin pjesë në një iniciativë globale për të zhvilluar, prodhuar dhe shpërndarë në mënyrë të barabartë një vaksinë kundër COVID-19.

Tedros Adhanom Ghebreyesus, drejtori i përgjithshëm i OBSH-së, tha se 64 vende të pasura kanë rënë dakord të marrin pjesë në lehtësimin e qasjes globale ndaj vaksinave kundër COVID-19, falë një projekti të përbashkët të quajtur COVAX, bashkëpunim i OBSH-së, Koalicionit për Inovacione e Gatishmëri ndaj Epidemive dhe Gavi-t, Aleanca e Vaksinave, një organizatë e themeluar nga Bill dhe Melinda Gates, që synon vaksinimin e fëmijëve në vendet më të varfra të botës.

Nisma synon të shpërndajë deri në 2 miliardë doza të një vaksine të sigurt dhe efektive në të gjithë botën deri në fund të vitit 2021, duke nisur fillimisht me 3 për qind të popullsisë së vendeve pjesëmarrëse, ku futen punonjës e kujdesit shëndetësor dhe ata me rrezik të lartë për t’u prekur nga sëmundja.

Zoti Tedros tha se 38 vende të tjera pritet t’i bashkohen COVAX-it në ditët në vijim.

“Kjo nuk është bamirësi është në interesin më të mirë të çdo vendi”, tha ai. “Ne do të fundosemi ose do të notojmë së bashku”.

Në listën e kombeve pjesëmarrëse mungojnë Shtetet e Bashkuara, Kina dhe Rusia. SHBA-ja paralajmëroi më parë se nuk do të marrë pjesë në projektin COVAX për shkak të rolit udhëheqës të OBSH-së në këtë përpjekje. zëri i amerikës


Send this to a friend