VOAL

VOAL

Please Wait ...
0%

Sekretet se si të zieni mishin – Gabimet që duhet të shmangni

By | April 10, 2019

Komentet

Supa magjericë – Një pjatë e lehtë plot shije në tryezë

Kjo supë shoqërohet me bukë të thekur, byrekë të ndryshëm si dhe sallata të freskëta të stinës.

Supa magjericë është një ndër gatimet më të vjetra tradicionale shqiptare.

E gatuar veçanërisht në raste festash por edhe për vakte shijeplota e fantastike në familje, ajo është ndër më të preferuarat si për të rritur ashtu edhe të vegjël.

E lehtë, magjepsëse në shijen e saj, kjo supë shpesh herë shërben për t’u servirur edhe si mjatë e parë në tryeza mes familjes, të afërmve dhe miqve. Kjo pasi, kjo pjatë është ideale duke ndjellë oreksin dhe nepsin e ushqimit të mirë.

Falë kombinimit të përbërësve të saj, kjo supë veç shijes së saj shoqërohet mjaft mirë me gatime të tjera tradicionale shqiptare.

Kjo supë shoqërohet me bukë të thekur, byrekë të ndryshëm si dhe sallata të freskëta të stinës.

AgroWeb.org u sugjeron më poshtë recetën e shijshme të përgatitjes së kësaj supe unike në shtëpi.

Përgatitja e Supës Magjerica në Shtëpi

Përbërësit

(Sasia e përbërësve varet nga numri i personave në shtëpi. Përbërësit e kësaj recete janë për katër persona)

250 gr të brendshme qengji ose viçi

Dy qepë të njoma

1 filxhan kafeje oriz

Dy lugë gjelle gjalpë i freskët ose vaj ulliri

Një e verdhë veze

Limon

Kripë

Piper

Majdanoz

Përgatitja

Si fillim pastrojmë mirë të brendshmet. Pasi i lajmë me ujë të rrjedhshëm, i përvëlojmë në ujë të nxehtë për 20 minuta.

Në vijim, i kullojmë dhe i presim në copëza të vogla dhe lëngun e tyre e ruajmë.

Në një tenxhere me gjalpë kavërdisim qepët derisa volumi i tyre të bjerë.

Më pas shtohen të brendshmet kavërdisen me qepët dhe u hidhet lëngu i tyre. Pasi nisin të marrin një valë hidhet orizi.

Supa lihet të zjejë deri në momentin që orizi është gati dhe më pas hiqet nga zjarri.

10 minuta pasi është hequr nga zjarri rregullohet me të verdhën e vezës dhe limon.

I hidhet kripa dhe piperi dhe pak majdanoz i grirë hollë sipër. Serviret e ngrohtë.

Mënyra më e shëndetshme për të gatuar çdo perime

Për kungujt dhe patëllxhanët mënyra më e mirë e gatimit është pjekja ose skuqja e shpejtë.

Perimet e shëndetshme mund të gatuhen në shumë mënyra të ndryshme, disa prej të cilave janë: kaurdisja, gatimi me avull, zierja dhe pjekja.

Duke qenë se metodat e gatimit janë të larmishme, konsumatori duhet të përzgjedhë mënyrën e duhur për të përfituar nivelin maksimal të vlerave të perimeve.

AgroWeb.org ju liston më poshtë rregullat që duhen ndjekur për gatimin e shëndetshëm të perimeve.

Rregulli Më I Rëndësishëm I Gatimit Të Perimeve

Nëse dëshironi të përfitoni më shumë prej perimeve, mos i zieni kurrë ato.

Çdo ushqyes që kanë perimet tretet në ujë, thonë ekspertët.

Nga ana tjetër, gatimi me avull ruan shumicën e ushqyesve.

Pjesa më e madhe e perimeve përmbajnë folat dhe vitaminë C, të cilat nuk përshtaten mirë me temperaturën e lartë.

Gatimi në mikrovalë nga ana tjetër, arrin të ruajë një pjesë të ushqyesve sepse procesi i gatimit është i shkurtuar.

Perimet Me Ngjyrë Të Kuqe, Verdhë, Portokalli Dhe Jeshile

Perimet me ngjyra të ndezura si domatet, specat, patatet e ëmbla, kungulli dhe karrotat janë ndër burimet më të pasura të karotenoidëve, antioksidantë të fuqishëm për organizmin.

Këto antioksidantë çlirohen falë nxehtësisë, ndaj perime të tilla duhen kavërdisur me temperaturë mesatare ose të lartë.

Gatimi në furrë është gjithashtu një opsion i mirë sepse nxjerr në pah vlerat më të mira të perimeve.

Barishtet

Spinaqi, lakrat e egra e të tjerë përmbajnë acid oksalik, një substancë që parandalon përthithjen e kalçiumit dhe hekurit.

Gatimi shpërbën këtë acid dhe trupi arrin të përthithë ushqyesit.

Barishtet janë gjithashtu një burim i shkëlqyer i vitaminave B dhe C, të cilat shkatërrohen me nxehtësinë.

Mënyra e duhur për të gatuar barishtet është ai me avull për maksimumi 10 minuta.

Më pas mund t’i kavërdisni me pak hudhër dhe vaj ulliri që të përfitoni edhe vitaminat A, E dhe K.

Perimet Ngjyrë Vjollcë

Lakra e kuqe, panxhari, patëllxhani dhe qepa e kuqe përmbajnë substanca të rëndësishme që luftojnë inflamacionin dhe mbrojnë zemrën.

Ato nuk duhen zier dhe nuk duhen gatuar me avull sepse humbasin vitaminat.

Për këto perime, mënyra më e mirë e gatimit është pjekja ose skuqja e shpejtë.

AgroWeb.org ju këshillon se patëllxhani nuk duhet qëruar sepse shumica e fibrës është akumuluar pikërisht tek lëkura.

Brokoli Dhe Lulelakra

Lakrat e vogla, brokoli dhe lulelakra përmbajnë substanca të rëndësishme që mbrojnë kundër kancerit.

Këto substanca ruhen vetëm nëse perimet gatuhen me avull dhe më pas të spërkaten me pak vaj ulliri.

Yndyra në fjalë lehtëson përthithjen e vitaminave.

Një tjetër opsion është që t’i hidhni perimet në një tenxhere me ujë të nxehtë dhe t’i mbani për 30 sekonda ose një minutë.

Më pas, duhet t’i transferoni menjëherë në një enë të mbushur me ujë me akull.

Në këtë mënyrë do të ruani shijen dhe ngjyrën e perimeve.

Legumet

Fasulet, qiqrat, thjerëzat janë një burim i shkëlqyer proteinash, por për shumë njerëz ato shkaktojnë gazra dhe fryrje.

Për të shmangur këtë aspekt negative, AgroWeb.org rekoman që legumet të mbahen në ujë gjatë gjithë natës ose për të paktën 8 orë.

Më pas ato duhen zier dhe plotësuar me hudhra, rozmarinë, kripë, trumzë dhe vaj ulliri.

Hudhra

Hudhra përmban alicinë, e cila ofron shumë përfitime për zemrën.

Alicina çlirohet vetëm në rastet kur hudhra shtypet ose grihet hollë.

10 minuta pas grirjes hudhra mund të përdoret në gatim.

Ajo rekomandohet të hidhet në pjesën përfundimtare të gatimit për të dhënë më shumë shije dhe vlera.

Patate të pjekura me qumësht për shije dhe shëndet të mirë

Patatja gjithmonë ka qenë e pazëvëndësueshme në recetat tradicionale të kuzhinës shqiptare.

Të gjithë kemi gatuar e provuar tavën me patate.

Mënyrat e përgatitjes janë nga më të larmishmet, nga tava me patate e pjekur me pulë, me mish të grirë e deri tek ajo me perime të stinës.

Patatja gjithmonë ka qenë e pazëvëndësueshme në recetat tradicionale të kuzhinës shqiptare.

AgroWeb.org ju sjell sot një recetë të veçantë dhe shumë të thjeshtë.

Për këtë gatim ju duhen vetëm pak përbërës, por shija që do të krijohet është e parezistueshme.

Patate të Pjekura me Qumësht

Përbërësit 4-5 persona

5-6 patate mesatare

4 gota me qumësht

2 lugë me vaj ulliri

3-4 thelpinj hudhër

2 lugë gjelle ajkë qumështi

2 lugë gjelle me thërrime djathi

Kripë

Piper

Përgatitja

Si fillim shpëlani patatet me ujë të bollshëm, më pas qëroni lëkurat dhe vendosini në një tas më ujë.

Në një tavë hidhni pak nga vaji i ullirit, kështu të gjitha patatet do të marrin shijen e dëshiruar.

Patatet duhet t’i prisni në rrathë jo shumë të hollë, dhe shtrojini në tavë.

AgroWeb.org ju sugjeron që pas çdo shtrese me patate hidhni pak kripë, piper, hudhra të shtypura dhe ajkë qumështi.

Ajka e qumështit do të shërbejë njësoj si gjalpi, por duke i dhënë recetës një shije akoma dhe më të mirë.

Pasi të keni mbaruar me patatet, në një tas të madh hidhni katër gotat e qumështit dhe djathin i trazoni pak sa të përzihen mirë.

Masën e formuar hidhjani tavës me patate, të cilat duhet të jenë të zhytura plotësisht në qumësht.

Këtë tavë e vendosim në furrë për t’u pjekur me 220-250 gradë.

Si fillim e vendosim për t’u pjekur nga poshtë, më pas kur të ketë marrë një ngjyrë të artë, e vendosim për t’u pjekur dhe lartë.

Patatet do të piqen me qumështin duke marrë një aromë e shije fantastike.

Këtë recetë mund ta shoqëroni me sallatë jeshile apo me domate dhe kastravecë.

Dhe nëse dëshironi që të përgatisni një drekë apo darkë të veçantë për të dashurit tuaj mund të shoqërohet fare lehtë dhe me qofte shtëpie.

Makarona furre me brokoli, lulelakër dhe djathë – Shije e Përkryer

Mënyra e përgatitjes së tavës me brokoli dhe makarona.

Makaronat e furrës janë gjithmonë një ide e mirë, sidomos kur kombinohen me brokoli, lulelakër e djathë pice e erëza të ndryshme.

Kjo pjatë fantastike është shumë kremoze dhe të shkrihet në gojë.

Brokoli dhe lulelakra janë dy perime të mira të cilat i shtojnë aspektin e shëndetshëm kësaj pjate me karbohidrate.

Kjo pjatë duhet servirur e ngrohtë dhe krahas një sallate jeshile të mirë.

AgroWeb.org ju sjell më poshtë mënyrën e përgatitjes.

Makarona Furre Me Brokoli, Lulelakër Dhe Djathë

Receta është shumë e thjeshtë dhe mund ta gatuani rregullisht për drekë ose darkë në familje.

Përbërësit:

8 filxhanë çaji ujë

6 filxhanë çaji me copa lulelakre

3 filxhanë çaji me copa brokoli

1 pako makarona

Çerek filxhan çaji me miell të bardhë

3 filxhanë çaji me qumësht me pak yndyrë

2 lugë çaji me trumzë të freskët

3 thelbinj hudhër të grirë hollë

1 filxhan çaji me djathtë pice,

Gjysmë filxhan çaji me djathë parmixhan

Treçerek filxhani çaji me barishte qepësh

Një majë luge çaji me piper të zi

2 feta buke të bardhë të thekur

2 lugë çaji me gjalpë të shkrirë.

Përgatitja:

Ndizeni furrën në 200 gradë.

Vendosni një tenxhere me ujë në zjarr dhe kur të ketë marrë valë shtoni lulelakrën dhe brokolin bashkë me gjysmë luge çaji me kripë.

Ziejini pak dhe më pas hidhini në një enë.

Në ujin e valuar shtoni makaronat dhe gatuajini deri sa të jenë gjysmë të ziera.

Kullojini dhe lërini mënjanë.

Në një enë tjetër, përzieni miellin me qumështin, shtoni trumzën dhe hudhrën dhe gatuajini për 8 minuta në një temperaturë mesatare duke i përzier vazhdimisht.

Hiqeni tenxheren nga zjarri dhe shtoni kripën, djathin, qepët dhe piperin e zi.

Përziejini makaronat me salcën, lulelakrën dhe brokolin dhe hidhini në një tepsi.

Në një misker fusni dy fetat e bukës deri sa të merrni një filxhan me thërrime të cilat duhet t’i përzieni me gjalpë e më pas t’i shtroni në sipërfaqe të makaronave.

Futeni tepsinë në furrë dhe piqeni për 20 minuta ose deri sa sipërfaqja e makaronave të ketë marrë një ngjyrë kafe të lehtë.

Si të përgatisni reçel me kajsi të stinës në shtëpi

Në doni të ëmbëlsoni veten apo më të dashurit tuaj apo në doni një gosti të veçantë për miqtë përgatisni reçel me kajsi.

Është pikërisht sezoni i tyre dhe tregjet janë plot me kajsi vendi.

Të freskëta me shije delikate ato shndërrohen në një mrekulli të ëmbël teksa përgatiten në traditën më fantastike të amvisave shqiptare, atë të reçelit.

AgroWeb.org ju sugjeron më poshtë një recetë fantastike, krejt të lehtë të përgatitjes së reçelit me kajsi në shtëpi.

Jo vetëm që mund të ëmbëlsoni veten dhe këdo në familje me këtë ëmbëlsirë të mrekullueshme por sigurisht mund ta përdorni edhe si një dhuratë të këndshme për miqtë apo të afërmit tuaj.

Përgatitja e Reçelit me Kajsi

Përbërësit 

1 kg kajsi

800 gr sheqer

Lëngu i shtrydhur i një kokrre limoni

Përgatitja 

Si fillim pastrojmë kajsitë nga bërthamat dhe i shpëlajmë me ujë të rrjedhshëm.

Më pas, i presim në dy apo tre pjesë dhe i vendosim në një kullesë në mënyrë që t’u largohet uji.

Shtrojmë një shtresë me kajsi në tenxhere, një shtresë me sheqer, e kështu me radhë derisa masat e sheqerit dhe kajsive të mbarojnë.

I lëmë të pushojnë përreth 6 orë në mënyrë që kajsitë të lëshojnë lëngun e tyre.

Më pas, AgroWeb.org ju udhëzon të vendosni tenxheren në zjarr të ngadaltë. Gjatë përgatitjes së reçelit së kajsive nuk duhet të hidhni ujë pasi kajsitë kanë lëngun e tyre.

Gjatë zierjes duhet të bëni kujdes që të largoni shkumën që do të krijohet në sipërfaqen e tenxheres.

Do ta zieni deri në 30 minuta apo edhe pak më shumë derisa lëngu i reçelit të trashet.

Pak para se ta heqim tenxheren nga zjarri shtojmë lëngun e limonit, e trazojmë me kujdes për pak sekonda dhe e largojmë nga zjarri.

E lëmë të ftohet dhe e vendosim në kavanoza të sterilizuar dhe i vendosim në frigorifer.

Reçel shtëpie me mana të zinj – Receta e ëmbël dhe e shpejtë

Stina e verës është idealja për përgatitjen e kësaj recete për shkak të frutave fantastike që ajo na ofron përmes natyrës.

Gatimet më të mira e më të shijshme janë ato që përgatiten vetë në shtëpi.

Aq më tepër kur bëhet fjalë në përgatitjen e reçelrave të ndryshëm.

Stina e verës është idealja për përgatitjen e kësaj recete për shkak të frutave fantastike që ajo na ofron përmes natyrës.

AgroWeb.org ju sjell më poshtë përgatitjen e thjeshtë të reçelit me mana të zinj.

Një recetë e ëmbël dhe fantastike që do shoqërojë në mënyrë të shkëlqyer mëngjeset tuaja por edhe do t’ju ëmbëlsojë pasditeve.

Reçeli me mana të zinj mund të përdoret edhe në përgatitjen e recetave të ndryshme ëmbëlsirash siç janë zupat e shtëpsë, akulloret por edhe keku me fruta.

Përgatitja e Reçelit me Mana Të Zinj

Përbërësit 

1 kg mana te zinj

800 gr sheqer

Lëngu i shtrydhur i një kokrre limoni

Përgatitja 

Si fillim pastrojmë manat e zinj nga bishtat dhe i shpëlajmë me ujë të rrjedhshëm.

Më pas, i vendosim në një kullesë në mënyrë që t’u largohet uji.

Shtrojmë një shtresë me mana te zinj në tenxhere, një shtresë me sheqer, e kështu me radhë derisa masat e sheqerit dhe manat e zinj të mbarojnë.

I lëmë të pushojnë përreth 24 orë në frigorifer (jo në ngrirje) mënyrë që manat të lëshojnë lëngun e tyre.

Më pas, AgroWeb.org ju udhëzon të vendosni tenxheren në zjarr të ngadaltë.

Gjatë përgatitjes së reçelit së manave të zinj nuk duhet të hidhni ujë pasi manat kanë lëngun e tyre.

Gjatë zierjes duhet të bëni kujdes që të largoni shkumën që do të krijohet në sipërfaqen e tenxheres.

Do ta zieni deri në 30 minuta apo edhe pak më shumë derisa lëngu i reçelit të trashet.

Pak para se ta heqim tenxheren nga zjarri shtojmë lëngun e limonit, e trazojmë me kujdes për pak sekonda dhe e largojmë nga zjarri.

E lëmë të ftohet dhe e vendosim në kavanoza të sterilizuar dhe i vendosim në frigorifer.

Receta e thjeshtë e patateve të buta me gjalpë dhe piper – Shije e mrekullueshme

Një mënyrë e thjeshtë dhe e shijshme e përgatitjes së patateve.

Patatet mund të themi që janë ushqimi i shumë kombinimeve pasi mund t’i shoqërosh thuajse me çdo gjë.

Në traditën e vendit tonë i gjejmë të përdorura në shumë pjata.

Duke filluar që nga mishi me patate në furrë, peshku apo patatet e skuqura janë të mrekullueshme për këdo.

Në këtë recetë AgroWeb.org ju sjell një tjetër mënyrë të thjeshtë dhe të shijshme të përgatitjes së tyre.

Megjithëse patatet në furrë mund t’i keni provuar shpesh, këtë lloj të ri përgatitje të tyre do ta adhuroni.

Më poshtë gjeni të shpjeguar hap pas hapi mënyrën e saktë të përgatitjes së tyre në shtëpitë tuaja.

Përbërësit

1 kg patate

80 gr gjalpë në temperaturë ambienti

kripë

piper i zi

djathë kaçkavall i grirë (nëse dëshironi)

Përgatitja

Për të nisur këtë recetë AgroWeb.org ju këshillon të filloni më përzgjedhjen e patateve.

Lajini dhe qërojini ato në  mënyrë që të jenë sa më të buta dhe të pastra.

Më pas pritini në feta të holla rrethore me një strashësi 3-4 milimetra, pra rrathët duhet të jenë sa më të hollë.

Ndërkohë zgjidhni një tavë mesatare pjekje rreth 20 cm në formë rrethore dhe lyejeni me pak gjalpë.

Zgjidhni rrathët më të mëdhenj që kanë trashësinë dhe madhësinë thuajse njësoj dhe shtrojini me kujdes njëra pas tjetrës në tavë.

Pasi të ketë mbaruar shtresa e parë e patateve, lyejini ato me disa copa gjalpi, pak kripë dhe pak piper të zi të bluar.

Vazhdoni të bëni sërisht këtë proçes me rrathët e tjerë të patateve duke formuar edhe një shtresë tjetër.

Spërkatini me gjalpë kripë e piper dhe shtroni një tjetër bazë patatesh derisa të mbarojnë.

Do të formohen rreth 4 shtresa me këtë sasi patetesh.

Kur të mbaroni shtresën e fundit hidhni sërisht pak gjalpë piper të zi sipër sipas dëshirës tuaj.

Ndizni furrën në temperaturën 180-200 gradë dhe lërini të piqen për 30 minuta.

Kujdesuni t’a mbuloni tavën tuaj me një letër kuzhine para se t’i fusni  në mënyrë që patatet të bëhen më të shijshme dhe të buta.

Pasi të ketë kaluar gjysmë orëshi i parë, nxirrini pak nga furra dhe me kujdes hiqni letrën e pjekjes duke i lënë të piqen edhe për 30 minuta të tjera.

Nëse dëshironi, para futjes për herë të dytë, i hidhni djathin kaçkavall të grirë sipër.

Receta mund të gatuhet edhe pa djathë.

AgroWeb.org ju këshillon të mos e teproni me sasinë e kripës që do të hidhni në mes të shtresave për të pasur një shije sa më të balancuar.

Si të largoni lehtë lëkurën e specave kur i piqni a skuqni

Si të largoni lëkurën e tyre pas gatimit dhe t’i shijoni siç dëshironi.

Në ka një gatim që të mrekullon me shijen sidomos gjatë kësaj stine ato janë specat e skuqur apo të pjekur.

Gatuhen lehtë dhe shpejtë dhe të mrekullojnë me shijen e tyre teksa kombinohen në mënyrë perfekte me gatime të ndryshme por edhe thjeshtë me pak bukë, djathë e domate, tipike e preferuar e shqiptarëve.

Zakonisht gjatë gatimit lëkura e specave rrudhet dhe forcohen e për shumë njerëz shndërrohen në një siklet aq sa pavarësisht dëshirës shmangin konsumimin e tyre.

AgroWeb.org ju sjell më poshtë mënyrën më efikase të largimit të lëkurës së specave pas gatimit në mënyrë që t’ishijoni në mënyrën më fantastike duke shmangur sikletin e lëkurës së tyre.

Si të largoni lëkurën e specave

Pavarësisht mënyrës së gatimit, të skuqura apo të pjekura, AgroWeb.org ju këshillon që menjëherë sapo i largoni nga zjarri apo furra t’i mbështillni me qese të pastër plastike ose mund të përdorni edhe qesen e kuzhinës.

Lërini aty për disa minuta dhe më pas nxirrini specat nga mbështjellja e qeses dhe do të shihni se si lëkura e tyre lehtësisht do të largohet.

Pastrojini me kujdes specat nga lëkura dhe më pas marinojini sipas dëshirës.

Llojet e specave qe mund t’u hiqet lekura

 Jo të gjitha llojeve të specave mund t’u hiqet lëkura.

Specave mund t’u pastrohet lëkura kur janë të mëdhenj dhe me tul. Në rastin kur specat janë të vegjël, lëkura e tyre në rastin kur skuqen edhe kur piqen nuk bëhet e sikletshme pasi është e butë edhe pas gatimit.

Në rastet kur dëshironi që specat ti konsumoni pa lëkurë atëherë nuk duhet ti prisni apo copëtoni gjatë kohës që i gatuani pasi largimi i lëkurës bëhet i vështirë, pra specat duhet të jenë të plotë.

Pasta Akulli – E freskët, e ëmbël, E shtëpisë

Kërko pak kohë për t’u përgatitur por shija e saj mahnitëse padyshim do t’ju tërheqë menjëherë nepsin për ta provuar.

Pasta e Akullit është një recetë e vjetër e kuzhinës shqiptare e përgatitur dikur në raste të veçanta festash e gëzimesh.

Më së shumti kjo pastë, ishte ndër ëmbëlsirat më të veçanta dhe ndjellëse që ofronin dikur pastiçeritë dhe restorantet e vendit.

Edhe sot, ashtu si dikur ajo është e mrekullueshme me shijen dhe freskinë e saj.

Një ëmbëlsirë perfekte për stinën e verës. E ftohtë dhe e ëmbël, e përgatitur krejt lehtë në shtëpi, fanatastike për t’u kombinuar me fruta të stinës.

Kërko pak kohë për t’u përgatitur por shija e saj mahnitëse padyshim do t’ju tërheqë menjëherë nepsin për ta provuar.

AgroWeb.org sjell më poshtë recetën fantastike të përgatitjes së pastës së akullit krejt lehtë në shtëpi, një ëmbëlsirë ideale për t’u përgatitur në këto ditë të nxehta vere.

Përgatitja e Pastës së Akullit

Përbërësit

 (Përbërësit më poshtë janë për 4-5 persona)

 Për pandispanjën:

3 kokrra vezë dhe 1 e bardhë veze

5 lugë gjelle sheqer

4-5 lugë gjelle miell

Për kremin:

 3-4 lugë gjelle miell

6 lugë gjelle sheqer

1 kokërr vezë  dhe një e verdhë veze

2 gota uji me qumësht

2 filxhanë kafeje bajame të grira

1 lugë gjelle gjalpë të freskët ose ajkë qumështi

2 lugë gjelle kakao

Pak reçel qershie (mund të përdorni llojin e reçelit që preferoni më shumë)

Një lugë kafeje vanilje pluhur

Copëza çokollate (sipas preferencës)

Përgatitja

 Si fillim, AgroWeb.org ju udhëzon të nisni me përgatitjen e pandispanjës. Rrihni vezët me sheqerin  sa të bëhet një masë e fryrë e qendrueshme.

Shtohet mielli dhe përzihet lehtë që të mos bjerë masa e fryrë e brumit.

Hidhet në një tavë ose formë pjekëse ëmbëlsirash të lyer me pak vaj dhe piqet në furrë.

Në një enë tjetër, AgroWeb.org ju udhëzon të rrihni vezët me sheqerin, hidhet mielli, qumështi i valuar dhe i ftohur pak, zihet derisa të marrë një valë, hiqet nga zjarri dhe lihet të ftohet duke shtuar vanilje, bajame të grira, kakaon, ajkë ose gjalpë i freskët dhe përzihet mirë derisa masa të bëhet kremoze.

Merret pandispanja e përgatitur, ndahet me kujdes në tre pjesë dhe shtrohet një pjesë në tavë ose në formën e ëmbëlsirës, hidhet një pjesë e kremit dhe shtrohet në të gjithë sipërfaqen e pandispanjës.

Sipër vendoset një petë tjetër pandispanje, të cilës i hidhet sërish një pjesë e kremit të përgatitur dhe më pas vendoset peta tjetër e pandispanjës.

Lyhet me krem, sipër i vendosen kokrra qershie të bëra qershie ose copëza çokollate.

Futet në ngrirje për 2-3 orë në zonën e ngrirjes së frigoriferit dhe më pas shërbehet menjëherë e ftohtë.

Tarator me kastraveca – Shije, freski, shëndet

Taratori ka vlera të larta ushqyese falë përbërësve të tij, kosit, hudhrës, kastravecit, kripës dhe vajit të ullirit.

Prania e kësaj pjate tradicionale shqiptare në tryezat tona ka qenë dhe mbetet gjithmonë e dashur.

I lehtë në shije ashtu si edhe në përgatitje, taratori është dhe një mjet shumë i rëndësishëm për të mbrojtur organizmin nga infeksionet mykotike.

Kjo pjatë tipike shqiptare nuk dallon vetëm për freskinë dhe shijen e saj. Taratori ka vlera të larta ushqyese, falë përbërësve të tij, kosit, hudhrës, kastravecit, kripës dhe vajit të ullirit.

Specialistët e cilësojnë taratorin si një ushqim që lufton fuqishëm infeksionet, kryesisht ato të tipit mykotik. Sipas tyre, elementi kryesor i kësaj vlere të taratorit vjen nga hudhra.

Ajo është një nga përbërësit kryesorë të kësaj pjate dhe që shërben si antibiotiku më i mirë natyral për organizmin e njeriut.

Hudhra ka efekte të jashtëzakonshme për shëndetin. E cilësuar si “armike” e mikrobeve, hudhra i shërben organizmit të njeriut si një antigjent ndaj inflamacioneve dhe infeksioneve.

Prania e saj në pjatën e taratorit, bashkë me vlerat e tjera ushqyese të kosit, kripës dhe përbërësve të tjerë shndërrohet në një fuqi mbrojtëse për organizmin. Lexoni më poshtë sugjerimet e AgroWeb.org.

Mënyrat e përgatitjes së taratorit

Taratori përgatitet brenda pak minutash. Receta tradicionale është ajo me përbërësit klasikë’ kos, kastraveca, hudhra, kripë dhe vaj ulliri.

Në një tas hidhet një kastravec i madhësisë mesatare i grirë shumë hollë. Merrni disa thelpinj hudhrash, i shtypni dhe hidhini tek masa e kastravecit të grirë.

Në një enë hidhet 500 gr kos dhe hollohet me pak ujë të ftohtë. Kjo masë hidhet më pas, pak e nga pak në tasin me kastraveca.

Nëqoftëse kosi nuk është shumë i athtë, shtohet pak lëng limoni ose uthull. Në fund, taratori rregullohet me vaj ulliri, koper të grirë hollë dhe piper të zi sipas dëshirës.

Kunguj apo speca të pjekur në vend të kastravecit

Një mënyrë tjetër e përgatitjes së taratorit është edhe përdorimi i kungujve të vegjël apo specave në vend të kastravecave.

Në këtë rast, kungujt apo specat përdoren të pjekur dhe i shtohen masës së kosit, të cilit ndërkohë i kemi hedhur kripën dhe hudhrat e shtypura.

Kur përdorim specat, pas pjekjes hiqini lëkurën dhe pritini në kubikë të vegjël për t’i hedhur më pas në masën e kosit.

Në fund, pjatës i hidhni edhe pak vaa vaj ulliri dhe erëza sipas dëshirës.

Prevede me luleshtrydhe (drethëza) – E ëmbël me aromë të mrekullueshme

Përgatitja e Prevedesë me Luleshtrydhe (drethëza).

Tregjet janë plot e për plot me kokrra të kuqe të mëdha e të vogla të luleshtrydheve, të cilat janë perfekte jo vetëm për përgatitjen e ëmbëlsirave dhe akulloreve por edhe gjithçka tjetër ju do zemra.

Në këtë artikull të AgroWeb.org do të mësoni një recetë shumë të thjeshtë e të lehtë për përgatitjen e një prevede të shijshme me luleshtrydhe.

Receta e Shijshme e Prevedesë Me Luleshtrydhe

Për përgatitjen e predevesë ju nevojiten 3 përbërës:

4 filxhanë çaji me copa luleshtrydhe të freskëta ose të ngrira,

Treçerek filxhan çaji me sheqer

Treçerek filxhan çaji me lëng portokalli.

Për përgatitjen e kompostos nevojitet që të hidhni sheqerin dhe lëngun e portokallit në një tenxhere.

Vendoseni atë në zjarr në një temperaturë mesatare dhe më pas shtoni luleshtrydhet.

Përziejini ngadalë për 10-12 minuta duke përdorur një lugë druri.

Me të mund t’i shtypni copat e luleshtrydhes që të bëhen pelte.

Kur lëngu të jetë trashur dhe frutat të jenë të buta por në copa të pandryshueshme, hiqeni tenxheren nga zjarri.

Hidheni komposton në një kavanoz qelqi dhe jepini kohën e duhur qe të ftohet.

Kavanozin mund ta mbani në frigorifer për deri në një javë.

Nëse dëshironi ta ngrohni sërish, futeni në mikrovalë dhe ngroheni për një deri në dy minuta.

Këtë komposto mund ta përdorni për të pasuruar shijen e ëmbëlsirave të ndryshme siç është: keku apo akullorja.

Luleshtrydhja është një frut perfekt për komspoto, prevede dhe reçel

Ajo është jo vetëm shumë e shijshme por edhe me plot vlera.

Luleshtrydhja quhet “Mbretëresha e Frutave” në shumë vende, sepse është e mbushur plot me përfitime shëndetësore.

Ajo ul tensionin e lartë të gjakut dhe mbron zemrën tuaj.

Ky frut i ëmbël i trevave shqiptare është shumë i pasur me vitaminat, E, A, K dhe C.

Përveç se është një antioksidant i fuqishëm, vitamina C është e nevojshme për të prodhuar kolagjenin, që ndihmon lëkurën dhe indet lidhore.

Vitamina B-6 është e nevojshme për formimin e serotoninës që rregullon humorin dhe gjumin.

Kjo vitaminë pastron gjakun nga homocisteina dhe ul rrezikun e sëmundjeve kardiovaskulare.

Për më tepër, luleshtrydhja është shumë e pasur me fibër e cila ul nivelin e kolesterolit dhe ekuilibrat e sheqernave në gjak.

Sekretet që duhet të dini për përgatitjen e hallvës

Hallva është një nga ëmbëlsirat më tradicionale shqiptare, e cila përgatitet gjatë të premteve të mira.

Ajo gatuhet për t’i rikujtuar njerëzve sa e rëndësishme është të ndash shije dhe lumturi me të dashurit tuaj.

Prandaj edhe është e traditës që sa herë bëhet hallvë ta shpërndash atë tek komshinjtë apo të afërmit.

AgroWeb.org ju sjell recetën autentike të hallvës por me një përbërës sekret që i jep akoma më shumë shije.

Përbërësit

1 gotë uji me miell

Gjysmë gote uji me arra të shtypura lehtë

4-5 lugë gjelle me sheqer

Një gotë e gjysmë ujë të ngrohtë

1 lugë gjelle me gjalpë të freskët

Lëkurën e një portokalli

Përgatitja

Vendosni një tenxhere në zjarr dhe shtoni gjalpin, lëreni aty derisa të shkrihet.

Më pas hidhni miellin dhe skuqeni në temperaturë të ulët derisa ai të piqen dhe të marrë ngjyrë kafe të lehtë.

AgroWeb.org ju këshillon që ta përzieni miellin me një lugë druri gjatë gjithë kohës që ai të mos ngjitet.

Kjo do të parandalojë ngjitjen e miellit dhe shijen e hidhur të hallvës.

Shtoni sheqerin dhe vazhdoni ta përzieni derisa kokrrizat e tij të jenë shkrirë plotësisht.

Kur masa të jetë e njëtrajtshme shtoni ujin dhe përzëri përzjejeni masën e formuar.

Sasia e ujit duhet të përthithet plotësisht nga masa e brumit.

Hidhni arrat e shtypura dhe lëkurat e portokallit dhe përzjejini mirë sa të bashkohen plotësisht me hallvën.

E heqim nga zjarri dhe e lëmë me kapak të mbyllur për 15 minuta.

Më pas, mund të përdorim dy lugë në dhënien e formës karakteristike të hallvës, por edhe forma të tjera.

Në sipërfaqe e spërkasim me kanellë dhe vendosim nga një thelbi arre apo bajame sipër.

Kjo ëmbëlsirë fantastike mund të shërbehet në temperaturë ambienti ose e ftohtë.

Për një shije më të veçantë, uji mund të zëvendësohet me qumësht.

I gjithë procesi i përgatitjes së kësaj ëmbëlsire kërkon durim dhe përkushtim.