VOAL

VOAL

Please Wait ...
0%

Revansh mes McGregor-Nurmagomedov? Përgjigjet presidenti i UFC

By | October 9, 2018

Komentet

Pritet vetëm zyrtarizimi, Amir Rrahmani është lojtari i ri i Napolit!

E konfirmojnë të gjitha mediat italiane. Mes ish-lojtarit të Partizanit, aktualisht titullar i padiskutueshëm i Veronës, dhe skuadrës së tij të re është mbyllur çdo gjë dhe pritet vetëm hedhja e të zezës mbi të bardhë që të vuloset një tratativë vërtet e bujshme.

Verona do të përfitojë plot 14 milionë euro nga lojtari të cilin e bleu për 1.5 milionë euro vetëm gjashtë muaj më parë. Një plusvalencë e jashtëzakonshme për skuadrën bluverdhë, që ka në repartin e mbrojtjes një tjetër xhevahir, Marash Kumbullën, edhe ky objekt dëshirash i klubeve më në zë në Itali dhe kontinent.

Rrahmani do të bashkohet me skuadrën e re në verë.

Barcelona u bë klubi i parë me të ardhura prej më shumë se 800 milionë euro në një sezon futbollistik

Klubi spanjoll Barcelona kryeson listën e “ligës së parave” të organizatës Deloitte, me të ardhura prej të paktën 840 milionë euro gjatë sezonit futbollistik 2018-2019, transmeton Anadolu Agency (AA).

Sipas raportit të sivjemë vjetor të organizatës Deloitte, e cila përpilon listën e 20 klubeve me të ardhurat më të larta, Barcelona e udhëhequr nga ylli argjentinas Lionel Messi ishte klubi futbollistik që kryeson listën me 840 milionë euro.

Kështu, Barcelona u bë klubi i parë me të ardhura prej më shumë se 800 milionë euro.

Rivalët e tyre nga Spanja, Real Madrid, vitin e kaluar ishin të parët me 750,9 milionë euro. Sivjet “madrilenët” janë të dytët në listë me të ardhura prej 757,3 milionë euro ndërsa në vendin e tretë është Manchester United me 711,5 milionë euro.

Fituesi i Ligës së Kampionëve, Liverpool, është në vendin e shtatë në listë, me të ardhura prej 604,7 milionë euro.

Klubet nga Premier Liga angleze dominojnë në listën e sivjeme, pasi nga 20 klube, 8 vijnë nga Anglia, edhe atë: Manchester United, Manchester City, Liverpool, Tottenham Hotspur, Chelsea, Arsenal, West Ham United dhe Everton.

– Lista me top 20 klubet me të ardhurat më të larta

KlubiTë ardhurat për sezonin 2018-2019 (milionë euro)
1- Barcelona840.8
2- Real Madrid757.3
3- Manchester United711.5
4- Bayern Mynih660.1
5- Paris Saint-Germain635.9
6- Manchester City610.6
7- Liverpool604.7
8- Tottenham Hotspur521.1
9- Chelsea513.1
10- Juventus459.7
11- Arsenal445.6
12- Borussia Dortmund377.1
13- Atletico Madrid367.6
14- Inter Milan364.6
15- Schalke 04324.8
16- Roma231
17- Olympique Lyon220.8
18- West Ham United216.4
19- Everton213
20- Napoli207.4

Zjarret rrezikojnë Australian Open. Ajri i rënduar, tenistëve iu bie të fikët

Ashtu siç ishte parashikuar, emergjenca e zjarreve që kanë pushtuar Australinë ka tronditur edhe turneun e parë Grand Slem të tenisit botëror. Për shkak të tymit që ka ndotur ajrin, organizatorët e Australian Open pezulluan përkohësisht ndeshjet, pasi disa tenistë patën probleme me frymëmarrjen.

08126191
08126191

Dalila Jakupovic u detyrua të tërhiqej nga sfida e saj, pasi një krizë respiratore e rrëzoi në gjugjë. Më parë, një prej kapësve të topave humbi ndjenjat. Po ashtu, edhe Maria Sharapova shtyu ndeshjen e saj. Situata problematike detyroi organizatorët të pezullojnë sfidat e së hënës, ndërsa turneu ka rinisur sërish këtë të martë, por me rregulla të tjera. Kështu, tenistët azhornohen me normat pas matjes së ajrit përpara ndeshjeve, ndërsa arbitrat kanë të drejtë t’i ndërpresin ato për të mbrojtur shëndetin e sportistëve.

092651440 0fd93987 93b9 45cf 89b7 4bc0b67993b2
092651440 0fd93987 93b9 45cf 89b7 4bc0b67993b2

Kjo situatë e vështirë ka sjellë reagimin e shumë tenistëvë, të cilët ankohen se organizatorët po i detyrojnë të luajnë në kushte ekstreme. Ata ankohen gjithashtu se e kanë të pamundur të stërviten për shkak të tymit dhe nxehtësisë. Pavarësisht këtyre akuzave, organizatorët e Australian Open e cilësojnë të pamendueshëm për momentin opsionin për shtyrjen e turneut të parë Grand Slam të vitit.
(balkanweb)

Barcelona shkarkon Valverden, cakton trajner të ri

Stamboll

Klubi futbollistik Barcelona ka shkarkuar trajnerin, Ernesto Valverde duke e zëvendësuar atë me Quique Setien, transmeton Anadolu Agency (AA).

“Quique Setien do të jetë menaxheri i ri i FC Barcelonës. Mirëseerdhe!”, thuhet në njoftimin e bërë nga klubi në Twitter.

Setien është ish-trajneri i klubeve Real Betis dhe Las Palmas.

61-vjeçari ka nënshkruar kontratë me Barcelonën sipas së cilës do të jetë trajner i ekipit të parë deri në 30 qershor të vitit 2022.

“Barcelona dhe Ernesto Valverde arritën marrëveshje për të ndërprerë kontratën që bashkoi të dy palët”, thuhet në faqen zyrtare të klubit.

Si trajner i Barcelonës, Valverde fitoi 4 trofe përfshirë dy tituj të La Ligës, një Copa del Rey dhe një Superkupë Spanjolle. Megjithatë, ai nuk arriti në finalen e Ligës së Kampionëve.

Medalistja iraniane largohet nga vendi

Kimia Alizadeh, e vetmja medaliste olimpike për femrat në Iran, thotë se është larguar përgjithmonë nga vendi, duke denoncuar publikisht atë që ajo e quan “padrejtësi” dhe “hipokrizi” të një sistemi politik iranian që përdor dhe poshtëron atletët për qëllime politike.

21-vjeçarja Alizadeh, e cila fitoi një medalje bronzi në taekwondo në Lojërat Olimpike të vitit 2016 në Rio, nuk tha se nga ku po shkruante, por në të kaluarën ka thënë se dëshironte të vendosej në Holandë.

Në deklaratën e saj, ajo tha se nuk dëshironte asgjë më shumë se “sportin, sigurin[ dhe një jetë të lumtur, e të shëndetshme”.

Por ajo tha që nuk dëshironte të “ulet më në tryezën e hipokrizive, gënjeshtrave, padrejtësive dhe lajka”.

Alizadeha nuk i zbuloi planet e saj për të ardhmen në deklaratë, por i tha “popullit të dashur iranian” se ajo do të mbetej “një iraniane kudo ku jetonte”.

Në tetor, Alizadeh hyri në listën e 100 personave më “frymëzues dhe më me ndikim në bota” nga BBC për vitin 2019 bazuar në temën e këtij viti për “të ardhmen e grave”.

Lajmet për zhdukjen e saj më 9 janar ngritën shqetësime në vend, me agjencinë gjysmë zyrtare të lajmeve ISNA që shkruante: “Tronditje për taekwondon e Iranit. Kimia Alizadeh ka emigruar në Holandë”.

ISNA shkruajti se mendohej se Alizadeh po kërkonte të garonte në Lojërat Olimpike të Tokios në vitin 2020, por jo si anëtare e ekipit iranian. zëri i amerikës

Urimet ma të mira Erdi Gosalci, Kampion i Suedisë në not!

Erdi Gosalci, i cili jeton me familje në Suedi, më 12 Janar 2020, pas dy ditësh garimi në katër kategori të ndryshme noti, doli fitimtar dhe u stolis me tre medalje të arta dhe një të argjendtë, duke u shpallur kështu Kampion i Suedisë në sportin e notit, në kategorinë e senijorëve (moshave deri në dhjetë vite).

Erdi është nxënës i klasës së tretë (dhe shembullor).

Na gëzojnë shumë fëmijët e shqiptarëve të diasporës kudo në botë, që arrijnë rezultate në fusha të ndryshme të jetës.

Të rinjtë shqiptarë kanë arritur rezultate kulmore sidomos në sporte individuale!

Erdi na ka bërë krenar të gjithëve dhe të gjithë bashkë i urojmë nga zemra fitore pas fitoresh për realizimin e ëndrrave të tua, për të prekur majat e sportit në botë.

Ka shumë rëndësi që kur përmendet Erdi, përmendet edhe Kosova.

Të lumtë Erdi Gosalci!

Stuhia e erës i shkakton dëme të mëdha stadiumit “Air Albania”

Era e fortë e disa ditëve më parë ka sjellë dëmtime në “Arenën Air Albania” në kryeqytet. Flitet për një faturë të lartë financiare, por stadiumi gjithsesi është gati për Ndeshjen e Yjeve, që do të luhet për të ndihmuar banorët e goditur nga tërmeti.

Nga pamja e jashtme nuk kuptohet shumë, edhe pse janë bërë shumë ndërhyrje, madje edhe në fasadë.

Gjithsesi, burimet brenda kompanisë që po punon bëjnë me dijë se “Arena Air Albania” e ka marrë një goditje.

Ka qenë era e fortë e disa ditëve më parë, por edhe tërmeti që ka shkaktuar dëmtime, ndonëse jo për strukturat e stadiumit apo për fasadën, por për pajisje të brendshme, sidomos ato prej xhami.

Flitet se shifrat e dëmeve mund të arrijnë në miliona euro, dhe kjo bëhet me dije nga burime shumë pranë kompanisë “Albstar” që është marrë me ndërtimin e stadiumit.

Jo vetëm kaq, por thuhet se ka sjellë shqetësime të mëdha për kompaninë e cila raportohet se ka shpenzuar deri tani 58 milionë euro, dhe duhet të nxjerrë nga xhepi edhe shumë më tepër, ndërsa nuk është e qartë sesa do të arrijë të fitojë.

Shkak, sipas këtyre burimeve ka qenë lënia hapur e disa dritareve në fasadë, gjë që ka lejuar hyrjen brenda të erës së fortë, dhe fuqia e saj është rritur në korridoret e brendshme të stadiumit.

Nuk ishte e mundur për “Abc Neës” që të merrte një koment nga drejtuesit e lartë të “Arenës Air Albania”.

Gazetari Bledar Kuka thekson se në stadium vazhdojnë punimet, ndonëse është e vështirë të dallosh nëse flitet për rregullim të dëmeve, apo thjesht për vijim të procesit të përfundimit të impiantit.

Ndërkohë Burime nga “Arena” bëjnë me dijë se ka disa ditë që dëmet po rregullohen dhe se tani thuajse gjithçka është në rregull.

Kjo do të thotë se nuk do të ketë asnjë problem për tifozët dhe publikun që do të ndjekë ndeshjen e yjeve, të organizuar për mbledhjen e ndihmave për familjet e dëmtuara nga tërmeti i 26 nëntorit të vitit të kaluar./abcneës.al

Federer, Nadal dhe Williams ndeshje bamirësie për viktimat e zjarreve në Australi

Tenistët Roger Federer, Rafael Nadal dhe Serena Williams do të zhvillojnë ndeshje bamirësie në mbështetje të fondit të krijuar për të ndihmuar viktimat e zjarreve në Australi që kanë vazhduar për një kohë të gjatë dhe nuk po mund të merren nën kontroll, transmeton Anadolu Agency (AA).

Sipas mediave australiane, Federer, Williams dhe Nadal, si dhe Nick Kyrgios, Stefanos Tsitsipas, Naomi Osaka dhe Caroline Wozniacki, do të marrin pjesë në ngjarjen e bamirësisë më 15 janar.

Ngjarja do të zhvillohet në Melburn, ku më 20 janar do të fillojë turneu Australian Open.

Ndryshe, zona të ndryshme të Australisë janë përfshirë nga zjarret, të cilat tashmë disa muaj nuk po mund të merren nën kontroll. 25 persona kanë humbur jetën si pasojë e fatkeqësisë, kurse dhjetëra të tjerë janë raportuar të zhdukur.

Nuk ka asnjë shtyrje të Australian Open pavarësisht zjarreve

Sydney

Pavarësisht zjarreve që kanë rënë në Australi me muaj të tërë, organizatorët e Australian Open kanë thënë se nuk mendojnë për shtyrjen e fillimit të turneut të tenisit Grand Slam, i cili zhvillohet në gjysmën e dytë të janarit, raporton Anadolu Agency (AA).Zjarret të cilat nuk kanë të ndalur që nga shtatori, kanë marrë të paktën 25 jetë njerëzish dhe qindra miliona kafshë kanë ngordhur duke shkatërruar miliona hektarë dhe rreth 2 000 shtëpi.

Cilësia e ajrit në Melburn është përshkruar si “shumë e pashëndetshme”, por organizatorët e turneut kanë përfshirë masa shtesë për të mundësuar mbajtjen e turneut në kohë.

“Parashikimet janë të mira. Ne nuk presim vonesa dhe kemi vendosur masa shtesë për ta mbajtur Australian Open ashtu siç është caktuar. Si gjithmonë, prioritet i yni mbetet shëndeti dhe siguria e lojtarëve, stafit dhe tifozëve tanë, kështu që ne kemi vendosur mjete shtesë në analizimin, monitorimin dhe logjistikë për të siguruar këtë gjatë turneut”, tha drejtori i turneut Craig Tiley për BBC.

Ai shtoi se ekspertët meteorologjikë dhe të cilësisë së ajrit do të punësohen gjatë turneut për të analizuar kushtet e lojës në kohë dhe në vend.

Kualifikimet për Australian Open fillojnë më 14 janar, me konkursin e turneut të parë Grand Slam të vitit që zyrtarisht në program fillon nga 20 janari.

Sërish sulmohet shtatorja e Ibrahimoviç, rrëzohet tërësisht

Stockholm

Shtatorja e futbollistit suedez, Zlatan Ibrahimoviç, në qytetin Malmö është sulmuar për të pestën herë me rradhë, tashmë duke u rrëzuar tërësisht, raporton Anadolu Agency (AA).

Ylli suedez i cili nënshkroi kontratë me klubin italian Milan, pasi bleu gjysmën e aksioneve të klubit të Ligës së Parë të Futbollit të Suedisë (Allsvenskan), Hammarby, konkurrent i klubit Malmö ku Ibrahimoviç luajti vite me rradhë, vazhdon të jetë shënjestër e sulmeve.

Zëdhënësi i Organizatës për Siguri të Malmö, Thomas Söderberg, tregoi se shtatorja e sulmuar mbrëmë është shkatërruar tërësisht dhe se është vendosur fanela e kombëtares së Suedisë.

Ai tha se sulmuesit nuk duan që shtatorja të qëndrojë në Malmö, duke shtuar se në tokë kanë shkruar “Hiqni shtatoren prej këtu”.

Shtatorja e inauguruar para rreth 3 muajve edhe më parë ishte cak i sulmeve.

Kombëtarja e SHBA-ve në futboll anuloi kampin në Katar

Federata e Futbollit e Shteteve të Bashkuara të Amerikës (SHBA), njoftoi se ka anuluar programin e kampit të kombëtares së futbollit që e planifikonte në Katar, për shkak të zhvillimeve në rajonin e Lindjes së Mesme, transmeton Anadolu Agency (AA).

“Federata për arsye të situatës në zhvillim në rajon, vendosi që të shyjë udhëtimin në Katar që ishte planifikuar për në janar për kampin trajnues”, thuhet në njoftimin e federatës.

Nga federata gjithashtu thonë se janë duke punuar për një programë alternative.

Ndryshe, dje në sulmet ajrore pranë Aeroportit Ndërkombëtar të Bagdadit është vrarë komandanti i Forcave Kuds të Gardës Revolucionare të Iranit, Qasem Soleimani, dhe nënkryetari i grupit Hashd al-Shaabi të mbështetur nga Irani, Abu Mahdi al-Muhandis.

Shfaqje rodeo në New York

Madison Square Garden, një ndër vendet e famshme të New Yorkut, këtë herë priti performues të rodeos me famë botërore, raporton Anadolu Agency (AA).

Shfaqja e cila u organizua nga “Performues profesional të rodeos” dhe e cila tashmë është shndërruar në një traditë u zhvillua në Madison Square Garden.

Performuesit e rodeos stadiumin e famshëm sportiv e shndërruan në një arenë, ndërsa në shfaqjen e tyre mbi demat qindra kilogramësh mundësuan që audienca të kaloj çaste të emocionuara.

Në evenimentin ku qytetarët e New Yorkut shfaqën interes të madh, morën pjesë një numër i madh i performuesve të rodeos të cilët kanë fituar kampionate në nivel botërorë.

Shfaqja do të zgjasë tri ditë.