VOAL

VOAL

Please Wait ...
0%

‘Reuters’ shpall foto jave spërkatjen e Ramës me bojë

By | February 18, 2019

Komentet

Më 2001 Rudy Giuliani i nderoi shqiptarët duke deklaruar “Albanian Independence Day” në Nju Jork

VOAL – Kryetari i atëhershëm i bashkisë së qytetit të Nju Jorkut, miku i shqiptarëve Rudy Giuliani (Rudi Xhuliani) i nderonte shqiptarët kudo që ndodhen dhe Fondacionin e Shoqatës Shqiptaro-Amerikane (the Albanian American Society Foundation, Inc. ), duke deklaruar më 28 Nëntor 2001, “Ditën e Pavarësisë Shqiptare” (“Albanian Independence Day” ) në qytetin e Nju Jorkut.

Duke falënderuar Fondacionin e Shoqatës Shqiptaro-Amerikane dhe posaçërisht kryetarin e saj, zotërinë e nderuar Esad Rizaj, VOAL po sjell për lexuesit Proklamatën (Proclamation) të cilën e shpalli zotëri Xhuliani më 28 Nëntor 2001./eb

 

Kurti del në ballkon të Qeverisë, protestuesit e VV-së brohorasin për zgjedhje

Kryeministri në detyrë i Kosovës, Albin Kurti ka dalë në ballkonin e qeverisë për të përshëndetur protestuesit në shesh të Prishtinës, raporton Gazeta Express.

Kur Kurti doli që të përshëndesë protestuesit, ata filluan që të brohorisnin “Duam Zgjedhje”.

Në ballkon të Kuvendit ndërkaq janë parë edhe deputetë të Lëvizjes Vetëvendosje.

Vetëvendosje mban “provën” e protestës në Prishtinë

Në Prishtinë ka nisur një tubim, që është cilësuar nga organizatorët si “provë për protestë” në kohën e pandemisë së koronavirusit. Ky tubim është thirrur nga Lëvizja Vetëvendosje, që udhëhiqet nga kryeministri në detyrë, Albin Kurti.


Aktivistët mbajnë distancën fizike gjatë “provës” së protestës në Prishtinë.

Qytetarët janë mbledhur në sheshet e Prishtinës, në kohën kur Gjykata Kushtetuese pritet të marrë vendim lidhur me kushtetutshmërinë e dekretit të presidentit, Hashim Thaçi për të mandatuar Avdullah Hotin nga Lidhja Demokratike e Kosovës, për postin e kryeministrit.

Vetëvendosja e Kurtit, e ka kundërshtuar këtë vendim dhe është shprehur për mbajtjen e zgjedhjeve të reja pas pandemisë. Ndërkaq, Thaçi ka thënë se askush nuk ka të drejtë, siç është shprehur ai, të “uzurpojë” pushtetin me metoda jodemokratike.

Më 19 maj, Gjykata Kushtetuese në Kosovë ka dënuar ashpër, atë që e ka konsideruar ndërhyrje në pavarësinë e këtij institucioni, teksa ka përmendur se po ndjek me shqetësim “diskursin politik kërcënues që po zhvillohet ditëve të fundit nga presidenti dhe kryeministri në detyrë, si dhe bartës të tjerë të funksioneve institucionale dhe politike”.

Sipas kësaj Gjykate, këta zyrtarë duke akuzuar njëri-tjetrin për presion ndaj Gjykatës Kushtetuese nga pala tjetër, po mundohen të ndikojnë apo paragjykojnë vendimmarrjen e Gjykatës Kushtetuese për çështjen e dekretit të presidentit të Kosovës, Hashim Thaçi për caktimin e mandatarit për krijimin e Qeverisë së re të Kosovës.

Kurti: Ditët në vijim përcaktojnë dekadën e tretë të shekullit XXI, Qeveria në detyrë nuk i nënshtrohet këtij Presidenti

Kryeministri në detyrë, Albin Kurti ka thënë se regjimi i vjetër po shpurdh nëpër studiot televizive dhe se po refuzojnë ta kuptojnë që koha e tyre ka mbaruar.

Kurti në një postim në rrjetin social Facebook shkruan se një popull nuk iu nënshtrua një njeriu dhe se as qeveria në detyrë nuk i nënshtrohet këtij Presidenti helaq.

Lexoni të plotë postimin e Kurtit:

“Regjimi i vjetër po shpurdh nëpër studiot televizive. Ata refuzojnë ta kuptojnë se koha e tyre ka mbaruar. Po orvaten të rikthehen, përmes trysnisë mbi gjyqtarët e Gjykatës Kushtetuese.

Sa herë që ne ua godasim korrupsionin, ata piskasin “Amelika, Amelika! Gleneli, Gleneli!”. Duan ta dëmtojnë imazhin e ShBA-ve në Kosovë, ta keqpërdorin atë si strehë për ultësinë e tyre.

Një popull nuk iu nënshtrua një njeriu. Dhe, e bëri ndryshimin me 6 tetor. As qeveria në detyrë nuk i nënshtrohet këtij Presidenti helaq.

Ditët në vijim përcaktojnë dekadën e tretë të shekullit XXI. Në cilën anë je ti?”.

Meta dekoron Vasil Laçin me “Dekoratën e Flamurit Kombëtar”: Shqiptarët nuk do të lejojnë kurrë më instalimin e një diktature

Presidenti i Republikës Ilir Meta vlerësoi sot Heroin e Popullit Vasil Laçi (pas vdekjes) me “Dekoratën e Flamurit Kombëtar”, me motivacionin: “Atdhetarit antifashist, që me aktin e tij heroik dhe vetëflijues u tregoi të gjithë shqiptarëve e veçanërisht rinisë, se rruga drejt lirisë dhe çlirimit të atdheut kalonte vetëm përmes fuqizimit të rezistencës së paepur ndaj pushtuesve dhe gatishmërisë edhe për sakrificën më sublime. Atentati i tij kundër uzurpatorit të fronit të Shqipërisë ishte demonstrimi më kuptimplotë patriotik dhe atdhetar kundër pushtimit fashist dhe dhunimit të sovranitetit shtetëror dhe kombëtar”.

Në fjalën e Tij përshëndetëse, gjatë ceremonisë solemne të organizuar në Institucionin e Presidentit të Republikës, Kreu i Shtetit u shpreh se:

“Sot me rastin e 79-vjetorit të kalimit në përjetësi të Heroit të Popullit, Vasil Laçi, kam nderin t’i akordoj Dekoratën më të lartë në Republikën e Shqipërisë, atë të Flamurit Kombëtar.

Një djalosh nëntëmbëdhjetë vjeçar, i shtyrë vetëm nga liria dhe atdhedashuria kreu një akt heroik e vetëflijues që do mbetej në historinë e popullit shqiptar si simbol i qëndresës dhe i rezistencës ndaj pushtimit dhe tiranisë. I veshur me kostum kombëtar shqipëtar ai i tregoi pushtuesve, kuislingëve vendas dhe mbarë botës se populli ynë nuk i nënshtrohet kurrë asnjë armiku, të jashtëm apo të brendshëm.

Se liria është gjëja më e çmuar për ne! Se ajo mbrohet me çdo akt e sakrificë.

Vasil Laçi nuk ishte i shtyrë nga ideologjitë e kohës. Por diçka tjetër shumë më e madhe dhe më e fortë e shtyu Vasilin të kryente atë akt patriotik. Ky ishte vetëm ideali dhe ndjenjat e krenarisë kombëtare. ‘E bëra për Shqipërinë!’ tha ai gjatë torturave dhe përpara ekzekutimit. Një guxim i tillë i dha zemër një populli të tërë dhe shërbeu si frymëzim për Lëvizjen Anti-fashiste Nacional Çlirimtare, duke sjellë çlirimin e vendit dhe lirinë e popullit tonë nga pushtuesit.

Madhështia e vërtetë e gjestit të tij është se ai u mëson brezave edhe sot që një njeri i vetëm mund të kontribuojë për të dhënë një mesazh të madh dhe frymëzues. Se çdo individ i thjeshtë mund të bëjë pjesën e tij në luftën kundër pushtimit dhe çdo lloj tiranie. Se një zjarr patriotizmi në zemrën e një njeriu të thjeshtë mund të sjellë një dritë të madhe në terrin e shtypjes, pushtimit dhe sundimit të një populli.

Një shqiptar zemërluan tronditi një nga perandoritë më të mëdha të kohës. Vasil Laçi mbetet hero edhe i ditëve të sotme. Duke i kujtuar brezave se liria nuk dhurohet por fitohet. Se çdo formë tiranie kërkon qëndresë, reagim individual por edhe kombëtar.

Një popull që harron të kaluarën nuk e gjen dot rrugën për të ardhmen e tij për liri.

Ndaj edhe ne duhet të edukojmë më shumë brezat e rinj mbi historinë e heronjve tanë që ata të mësojnë dhe kuptojnë se sa e shtrenjtë ka qenë dhe është liria që ne gëzojmë sot.

Një liri, që nuk u fitua një herë e përgjithmonë dhe që nuk mund kurrë të jetë e tillë, por që duhet ruajtur dita-ditës ndaj çdo forme diktature apo tiranie. Ndaj çdo regjimi të çdo kohe që shtyp lirinë e fjalës, të mendimit, dhe të drejtave themeltare për të jetuar një jetë të denjë, sovrane dhe me integritet.

Populli shqiptar është një popull i pasur pasi ka në gjirin e vet të rinj e të reja, punëtorë dhe intelektualë, njerëz të zakonshëm të cilët e duan Shqipërinë dhe do përballen gjithnjë kundër çdo tiranie, madje njerëzit e thjeshtë japin shembujt më të mirë kur elitat korruptohen me tiranitë vendase apo të huaja.

‘E vetmja gjë që lejon të keqen të triumfojë është kur njerëzit e mirë vendosin të mos bëjnë asgjë,’ – tha shtetari dhe filozofi britanik Edmund Burke. ‘Rroftë Shqipëria e lirë!’ ishte thirrja e fundit e Vasil Laçit, e cila vazhdon të bëjë jehonë edhe sot.

Ne nderojmë e krenohemi me të gjithë heronjtë tanë, por edhe me njerëzit e thjeshtë të mrekullueshëm, trima e patriotë që ka Shqipëria, të cilët në mbrojtje të lirisë, demokracisë dhe të drejtave të tyre nuk do lejojnë kurrë të shtypen e dhunohen më nga asnjë tirani.

Falë kësaj dashurie për lirinë, shqiptarët nuk do kthehen më kurrë në diktaturë, dhe i madh e i vogël në këtë vend nuk do lejojë instalimin e asnjë regjimi tiranik dhe anti-kombëtar, por ata do ecin përpara krenarë dhe me dinjitet drejtë së ardhmes demokratike dhe evropiane të vendit, një ëndërr lirie e heroit tonë Vasil Laçi, një ëndërr e çdo të riu shqiptar edhe sot e përgjithmonë”.

Protestë e madhe në bulevardin “Dëshmorët e Kombit”, Aleanca për Teatrin: Ja pesë kërkesat!

Aleanca për Mbrojtjen e Teatrit ka paralajmëruar një protestë të madhe në bulevardin “Dëshmorët e Kombit”, ku do të kërkohet mes të tjerash hetim ndërkombëtar për çështjen e teatrit.

Përmes një deklarate Aleanca për Mbrojtjen e Teatrit kanë kërkuar largimin e menjëhershëm nga detyra të Kryetarit të Bashkisë dhe pjesëtarëve të Këshillit Bashkiak si personat që i dhanë fund me vullnet të plotë Teatrit Kombëtar duke shkelur çdo ligj, ndërkohë që mundësinë e kishin të prisnin dhe mos ta zbatonin VKM-në pasi ajo u çua për shqyrtim në Gjykatë Kushtetuese nga Presidenti i Republikës.

DEKLARATË

Ka kaluar më shumë se një javë nga shembja barbare e godinës së Teatrit Kombëtar nga qeveria shqiptare me një sulm terrorist ku forcat speciale dhe policia e shtetit u përdorën për të nxjerrë artistët dhe qytetarët me dhunë nga shtëpia e tyre. Përgjatë kësaj jave mediat më të mëdha botërore kanë pasqyruar ngjarjen dhe protestat e artistëve dhe qytetarëve po vijojnë në të gjitha qarqet për të çuar në një protestë të madhe në bulevardin Dëshmorët e Kombit ku do të kërkohet:

  1. Pezullimi i çdo lloj aktiviteti në truallin e kompleksit të Teatrove Kombëtare.
  2. Hetim Kombëtar dhe Ndërkombëtar i çështjes së Teatrit Kombëtar dhe vrasjes së mbetur në tentativë, shembjes së tij që nisi kur shumë artistë e qytetarë ishin ende brenda në ndërtesë dhe dhunës së ushtruar mbi të ndaluarit si gjatë operacionit policor të zhvilluar në kushtet e ndalimqarkullimit për shkak të pandemisë ashtu edhe gjatë protestave të zhvilluara më vonë gjatë ditës më 17 maj 2020.
  3. Rindërtimi i kompleksit të Teatrit Kombëtar ashtu siç ishte aty ku ishte, jo vetëm si tempull i kulturës dhe trashëgimisë, por në këta dy vjet e tre muaj edhe si tempull i institucionit të protestës, lirisë, demokracisë dhe qytetarisë.
  4. Largimi i menjëhershëm nga detyra i Kryetarit të Bashkisë dhe pjesëtarëve të Këshillit Bashkiak si personat që i dhanë fund me vullnet të plotë Teatrit Kombëtar duke shkelur çdo ligj, ndërkohë që mundësinë e kishin të prisnin dhe mos ta zbatonin VKM-në pasi ajo u çua për shqyrtim në Gjykatë Kushtetuese nga Presidenti i Republikës.
  5. Ne e pamë sesi pushteti e shembi Teatrin. Ne e pamë sesi Teatri i vjetër e shembi drejtësinë e re. Gjykata Kushtetuese, Gjykata e Lartë e të tjera organe të drejtësisë nuk funksionojnë. Duke e provuar me viktimën e parë të drejtësisë së munguar, Teatrin Kombëtar, që kushtetuta shkelet nga një parlament ilegjitim dhe qeveri kriminale qendrore dhe lokale, si dhe duke qenë se ne po zgjojmë përfaqësimin qytetar në vendimarrje, ne kërkojmë drejtësi, demokraci, dhe kjo arrihet me rrëzimin e kësaj qeverie për t’i hapur rrugë njëherë e mirë një epoke të re për Shqipërinë, e cila do të futet në Europë përmes Artit, Kulturës dhe Trashëgimisë.

Aleanca për Mbrojtjen e Teatrit do të mbetet një lëvizje kulturore-qytetare jo partiake e hapur për qytetarët nga i gjithë spektri politik dhe si e tillë do të nxisë vlerat më të mira të qytetarisë duke protestuar kundër kësaj qeverie tashmë antikulturë, të dhunshme e diktatoriale.

Aleanca për Mbrojtjen e Teatrit
26 Maj 2020

Aleanca për Teatrin paralajmëron protestë të madhe në bulevardin “Dëshmorët e Kombit”: Ja çfarë do kërkojmë!

Aleanca për Mbrojtjen e Teatrit thekson se po vijojnë protestat në të gjitha qarqet e vendit, kundër shembjes së Teatrit Kombëtar.

Pas protestave në qarqe, Aleanca për Teatrin paralajmëron një protestë të madhe në bulevardin “Dëshmorët e Kombit”, ku do të kërkohet mes të tjerash hetim ndërkombëtar për çështjen e teatrit.

DEKLARATË

Ka kaluar më shumë se një javë nga shembja barbare e godinës së Teatrit Kombëtar nga qeveria shqiptare me një sulm terrorist ku forcat speciale dhe policia e shtetit u përdorën për të nxjerrë artistët dhe qytetarët me dhunë nga shtëpia e tyre. Përgjatë kësaj jave mediat më të mëdha botërore kanë pasqyruar ngjarjen dhe protestat e artistëve dhe qytetarëve po vijojnë në të gjitha qarqet për të çuar në një protestë të madhe në bulevardin Dëshmorët e Kombit ku do të kërkohet:

1. Pezullimi i çdo lloj aktiviteti në truallin e kompleksit të Teatrove Kombëtare.

2. Hetim Kombëtar dhe Ndërkombëtar i çështjes së Teatrit Kombëtar dhe vrasjes së mbetur në tentativë, shembjes së tij që nisi kur shumë artistë e qytetarë ishin ende brenda në ndërtesë dhe dhunës së ushtruar mbi të ndaluarit si gjatë operacionit policor të zhvilluar në kushtet e ndalimqarkullimit për shkak të pandemisë ashtu edhe gjatë protestave të zhvilluara më vonë gjatë ditës më 17 maj 2020.

3. Rindërtimi i kompleksit të Teatrit Kombëtar ashtu siç ishte aty ku ishte, jo vetëm si tempull i kulturës dhe trashëgimisë, por në këta dy vjet e tre muaj edhe si tempull i institucionit të protestës, lirisë, demokracisë dhe qytetarisë.

4. Largimi i menjëhershëm nga detyra i Kryetarit të Bashkisë dhe pjesëtarëve të Këshillit Bashkiak si personat që i dhanë fund me vullnet të plotë Teatrit Kombëtar duke shkelur çdo ligj, ndërkohë që mundësinë e kishin të prisnin dhe mos ta zbatonin VKM-në pasi ajo u çua për shqyrtim në Gjykatë Kushtetuese nga Presidenti i Republikës.

5. Ne e pamë sesi pushteti e shembi Teatrin. Ne e pamë sesi Teatri i vjetër e shembi drejtësinë e re. Gjykata Kushtetuese, Gjykata e Lartë e të tjera organe të drejtësisë nuk funksionojnë. Duke e provuar me viktimën e parë të drejtësisë së munguar, Teatrin Kombëtar, që kushtetuta shkelet nga një parlament ilegjitim dhe qeveri kriminale qendrore dhe lokale, si dhe duke qenë se ne po zgjojmë përfaqësimin qytetar në vendimarrje, ne kërkojmë drejtësi, demokraci, dhe kjo arrihet me rrëzimin e kësaj qeverie për t’i hapur rrugë njëherë e mirë një epoke të re për Shqipërinë, e cila do të futet në Europë përmes Artit, Kulturës dhe Trashëgimisë.

Aleanca për Mbrojtjen e Teatrit do të mbetet një lëvizje kulturore-qytetare jo partiake e hapur për qytetarët nga i gjithë spektri politik dhe si e tillë do të nxisë vlerat më të mira të qytetarisë duke protestuar kundër kësaj qeverie tashmë antikulturë, të dhunshme e diktatoriale.

Aleanca për Mbrojtjen e Teatrit
26 Maj 2020

Deklarata e Metës për shembjen e Teatrit, Budina nga Burreli: Ka një lëvizje të madhe anti- shqiptare, o sot o kurrë të mbrojmë identitetin kulturor

Aktori dhe regjisori, Edmond Budina ka foluar nga Burreli, qyteti i radhës ku është ndalur Aleanca për Mbrojtjen e Teatrit që të mbledhë firma për peticionin për rindërtimin e tij.

Budina komentoi deklaratën e Metës se shembja e Teatrit i intereson lobit serb dhe prorus në Uashington për destabilizimin e Shqipërisë.

Aktori tha se ka një lëvizje të madhe anti- shqiptare që ka punuar dhe punon për të keqen e Shqipërisë por ai bën thirrje që o sot, o kurrë të mbrohet identiteti kulturor.

”Një pushtet që i varfëroi njerëzit, dhe kulmi ishte Teatri. Ashtu si në natën e famshëm të kristaleve hynë me automatikë të përzënë artistët që kishin prej 2 vitesh që protestonin në mënyrë paqësore. Rama vijon të gënjejë. Ne e pushtuam Teatrin vetëm në 24 korrik, dhe e çliruam në fakt, se deshin ta vidhnin, dhe e vodhën. Varrosën gjithë vlerat që kishin brenda.
Në krye të Teatrit Kombëtar kishim vendosur flamurin kombëtar, ata nuk pyetën as për të. Ta hiqnin atë dhe ta shembnin, si turqit në kohën e Skënderbeut edhe këta shkelin flamurin kombëtar.
Na takon ne sot pa pasur parasysh se çfarë partie i përkasim, besimin fetar, krahina, të gjithë duhet të jemi bashkë. Të shembim këtë të zezë. Shihni çfarë punojnë ata. Edhe sot kanë filluar të përçajnë edhe brenda partive opozitare, LSI, PD etj. Gjejnë mënyrën për të futur bindj,e përçarje. Të ngrihemi së bashku, ti shporrim. Sepse ky sekt është rrezik i madh.
Nuk e di nëse dëgjuar dje Presidentin Meta, por e kuptoni se ka një lëvizje të madhe anti- shqiptare, anti- kombëtare. O sot, o kurrë, të mbrojmë identitetin kombëtar që armiqtë e Shqipërisë kanë punuar për të keqen. Bëhuni të gjithë bashkë për ta shporrur këtë klikë uzurbatore”- tha Budina.

DOKUMENT – “Shtatë ‘ekspertët’ që firmosën për prishjen e Teatrit Kombëtar”

 Forumi i Trashëgimisë: Ky grup “ekspertësh” konkludoi se Teatri Kombëtar nuk kishte ndonjë vlerë të trashëgimisë kulturore

Forumi për Mbrojtjen e Trashëgimisë Kulturore ka publikuar një listë me shtatë emra, që sipas tij, kanë firmosur për prishjen e Teatrit Kombëtar. Në fakt, 7 emrat nuk i përkasin vendimit të sivjetshëm të këshillit bashkiak, që shërbeu si shkak i vënies së fadromave mbi godinë. Emrat i përkasin administratës së Ministrisë së Kulturës më 2018-ën dhe ata hartuan e firmosën një raport, që sipas Forumit, u përdor më tej nga bashkia për të delegjitimuar vlerat e godinës historike. Përmes një deklarate për mediat, Forumi analizon shkollimin e 7 anëtarëve që firmosën kundër teatrit. Më poshtë, deklarata e plotë. 

DEKLARATA

Procedura zyrtare e Këshillit të Ministrave dhe Bashkisë Tiranë për shkatërrimin e Teatrit Kombëtar është bazuar mbi ekspertizën profesionale në fushën e trashëgimisë të një komisioni të ngritur pranë Ministrisë së Kulturës. Më konkretisht, pas kërkesës së 15 majit 2018 të Bashkisë së Tiranës për zhvillimin e zonës së Teatrit Kombëtar, Ministria e Kulturës ngriti një grup pune të përbërë nga shtatë ekspertë, me në krye drejtorin e Drejtorisë së Përgjithshme të Politikave dhe Zhvillimit të Kulturës, asokohe Ledion Lako. Vetëm dy ditë më pas, më 17 maj 2018, ky grup “ekspertësh” konkludoi se Teatri Kombëtar nuk kishte ndonjë vlerë të trashëgimisë kulturore dhe arkitekturore dhe iu drejtua Këshillit të Ministrave me një përgjigje pozitive, që i hapi rrugën shkatërrimit të Teatrit. Por, cilët ishin këta ekspertë të trashëgimisë, që arritën të firmosin këtë vendim kaq të rëndësishëm në vetëm dy ditë kalendarike?

Më poshtë po bëjmë me dije për publikun eksperiencën e anëtarëve të komisionit, që kanë hedhur firmat mbi akt-ekspertimin teknik-strukturor, higjenik, artistik, funksional, arkitekturor, kulturor si trashëgimi dhe gjelogji-sizmik të godinës së Teatrit. Siç mund të konstatohet nga CV-të e këtyre “ekspertëve”, asnjëri prej tyre nuk ka kualifikim profesional për të gjykuar mbi rëndësinë e godinës së Teatrit Kombëtar si në aspektin historik, po ashtu në aspektin arkitekturor dhe ndërtimor. Asnjëri prej tyre nuk ka punuar në ndonjë projekt të ngjashëm me Teatrin apo në fushën e restaurimeve të ngjashme.

Më poshtë eksperienca e detajuar e komisionit “Lako”.

  1. Ledion Lako, kryetar komisioni. Diplomuar për “Politologji-Marrëdhënie Ndërkombëtare” në universitetin “Zoja e Këshillit të Mirë”, Tiranë, dhe “Master” në UET; kandidat për deputet i PS-së më 2009, 2013. Media kanë publikuar ditët e fundit që drejtor Lako ka paraqitur si diplomë ekselence në Itali një kurs certifikimi si kamerier. Në fakt, në qytetin e Durrësit, të gjithë e njohin si pastiçeri i talentuar, sektor ku ka pasur edhe sukses duke hapur 3 pastiçeri të ndryshme.
  2. Herida Duro, anëtare, drejtore e Politika-Strategjive Kulturore – Ka përfunduar studimet bachelor dhe master në Instrumentin e Violës dhe Muzikës së Dhomës në Universitetin e Arteve. Ka përfunduar dhe studimet bachelor për Drejtësi në Universitetin e Tiranës në vitin 2011.
    3. Arjan Avrazi, anëtar, drejtor i Konceptimit dhe Fizibilitetit të Projekteve të Kulturës – diplomuar “Kompozicion vallesh popullore dhe iso-polifoni” në Universitetin e Arteve.
  3. Kozeta Angjeliu, anëtare, drejtore e Programeve dhe Zhvillimit të Kulturës – diplomuar “Inxhiniere ndërtimi” për objekte banimi e shërbimesh rurale, me eksperiencë profesionale pranë Ndërmarrjes Komunale Berat.
  4. Elira Dani, anëtare, Drejtore e Programim Standardizimit të Kuadrit Rregullator – diplomuar në 2012 në Institutin e Studimeve Europiane, Universitetin e Tiranës në “MND Legjislacioni dhe Institucionet Europiane”. Në vitin 2016 është diplomuar në Universitetin e Tiranës, Fakultetin e Ekonomisë në “MA në Administrim Publik”. Ka kryer studimet e larta universitare në Fakultetin Juridik (jopublik) “Luarasi”, në Degën Drejtësi.
  5. Sofjan Jaupaj, anëtar, këshilltar i ministres – diplomuar “Jurist” dhe i specializuar në legjislacionin për të drejtën e autorit.
  6. Shpëtim Shehu, anëtar, drejtor i Buxhetimit – diplomuar në Fakultetin Ekonomik në Universitetin e Tiranës.

Miratoi akt-ekspertimin – vlerësimin e Teatrit Kombëtar:

Mirela Kumbaro, me detyrë ministre e Kulturës (2018) – diplomuar “Mësuese për lëndën Gjuhë Frëngjisht në ciklin e arsimit 8-vjeçar” në Universitetin e Tiranës. Këto të dhëna mbi diplomimet janë bazuar mbi CV-të dhe biot e stafit në faqen zyrtare të Ministrisë së Kulturës.

Një javë nga shembja e Teatrit, Europa Nostra letër Aleancës për Teatrin: Kjo ngjarje e mjerueshme duhet të shënojë zgjimin e shoqërisë!

Europa Nostra i ka drejtuar sot një letër Aleancës për Mbrojtjen e Teatrit, një javë pas shembjes së Teatrit Kombëtar.

Teksa iu uron Fiter Bajramin gjithë besimtarëve myslimanë, Europa Nostra shkruan në letër se ngjarja e mjerueshme e shembjes së Teatrit duhet të shënojë zgjimin e vërtetë të shoqërisë shqiptare.

Letra e plotë në shqip dhe anglisht e publikuar nga Aleancës për Mbrojtjen e Teatrit:

Letër e Europa Nostra një javë pas shembjes brutale të Teatrit Kombëtar që përkon edhe me festën e Bajramit

Dear Colleagues and Friends in Albania,

Today, when the Muslim world celebrates one its most important religious holidays – Bajram as the end of Ramadan – we wish to convey our warmest wishes to all of you who are of Muslim faith.

We are aware that this joyful religious holiday this year coincides with the mourning of a major cultural loss for all Albanians following the brutal demolition of the Albanian National Theater exactly one week ago.

We therefore kindly ask you to transmit to all Muslim faith supporters of the Albanian Alliance for the National Theater in Tirana the expression of our solidarity, compassion and respect.

We wish you all every strength and wisdom to overcome the grave cultural and democratic crisis caused by the illegal demolition of the National Theater.
May this deplorable incident mark the beginning of a true awakening of civil society in Albania led by artists and intellectuals and the start of an alternative – more sustainable – development in your country’s cities and countryside based on a much stronger respect and care for cultural heritage and natural environment. They are Albania’s key assets and resources for its European future since they have a crucial value for the quality of living environment and for the wellbeing of your citizens as well as for a fair, green and sustainable recovery of your society and economy following two recent disasters: the earthquake and the coronavirus pandemic.

We look forward to the continuation of our collaboration for the benefit of the cultural and natural heritage in Albania and also in the wider Balkan region.

Respectfully and cordially yours,

Hermann Parzinger, Executive President
(also on behalf of the entire Europa Nostra Board)

&

Sneška Quaedvlieg-Mihailović, Secretary General
(also on behalf of the entire Europa Nostra International Secretariat)

Të nderuar kolegë dhe miq në Shqipëri,

Sot, kur bota muslimane feston një nga festat e saj më të rëndësishme fetare – Bajramin si fundi i Ramazanit – ne dëshirojmë të përcjellim urimet tona më të ngrohta për të gjithë ju që jeni me besim musliman.

Jemi të vetëdijshëm se kjo festë e gëzueshme fetare këtë vit përkon me vajtimin e një humbjeje të madhe kulturore për të gjithë shqiptarët pas shembjes brutale të Teatrit Kombëtar Shqiptar saktësisht një javë më parë.

Prandaj ju lutemi t’u transmetoni të gjithë mbështetësve të besimit mysliman të Aleancës Shqiptare për Teatrin Kombëtar në Tiranë shprehjen e solidaritetit, dhembshurisë dhe respektit tonë.

Ne ju dëshirojmë të gjithëve ju forcë dhe mençuri për të kapërcyer krizën e rëndë kulturore dhe demokratike të shkaktuar nga prishja e paligjshme e Teatrit Kombëtar.

Le të jetë kjo ngjarje e mjerueshme ajo që do të shënojë fillimin e një zgjimi të vërtetë të shoqërisë civile në Shqipëri të udhëhequr nga artistë dhe intelektualë dhe fillimin e një alternative alternative – më të qëndrueshme – zhvillimi në qytetet dhe fshatrat e vendit tuaj bazuar në një respekt dhe kujdes shumë më të fortë për trashëgiminë kulturore dhe mjedisin natyror. Ato janë pasuritë dhe burimet kryesore të Shqipërisë për të ardhmen e saj europiane, pasi ato kanë një vlerë thelbësore për cilësinë e mjedisit jetësor dhe për mirëqenien e qytetarëve tuaj si dhe për një rikuperim të drejtë, të gjelbër dhe të qëndrueshëm të shoqërisë dhe ekonomisë tuaj pas dy katastrofave të fundit : tërmeti dhe pandemia koronavirus.

Ne mezi presim vazhdimin e bashkëpunimit tonë në të mirë të trashëgimisë kulturore dhe natyrore në Shqipëri dhe gjithashtu në rajonin e gjerë të Ballkanit.

Me respekt dhe përzemërsi,

Hermann Parzinger, Presidenti Ekzekutiv
(gjithashtu edhe në emër të gjithë Bordit të Europa Nostra)

&

Sneška Quaedvlieg-Mihailović, Secretary General
(gjithashtu në emër të gjithë Sekretariatit Ndërkombëtar të Europa Nostra)

Asnjë rast i ri me koronavirus në Kosovë

Instituti Kombëtar i Shëndetësisë Publike të Kosovës (IKSHPK) ka njoftuar se sot nuk është konfirmuar asnjë rast i ri me me koronavirus në vend.

Numri i të infektuarve me koronavirus mbetet i njëjtë (1032).

Laboratori i Mikrobiologjisë Molekulare në IKSHPK sot ka testuar 138 mostra, prej të cilave asnjë nuk ka rezultuar pozitive.

“Sot janë shëruar 4 persona dhe deri sot numri i përgjithshëm i të shëruarve është 789 raste. Nga data 08 shkurt deri më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.262 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.032 raste, me gjithsej 29 raste të vdekjes të cilët kanë pasur sëmundje të tjera shoqëruese.”, ka njoftuar IKSHPK.

Instituti po ashtu ka bërë të ditur se janë shëruar edhe 4 persona të prekur nga koronavirusi.

Njoftimi i plotë i IKSHPK’së:

SOT ASNJË RAST I RI POZITIV ME COVID-19!

Sot më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 138 mostra të marra nga Klinika Infektive dhe gjurmimi i kontakteve të rasteve në terren.

Me SARS-CoV-2 nuk është konfirmuar asnjë rast pozitiv.

Sot janë shëruar 4 persona dhe deri më sot numri i përgjithshëm i të shëruarve është 789 raste.

Nga data 08 shkurt deri më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.262 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.032 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 24 maj 2020 sipas Worldometers, janë raportuar gjithsej 5.453.185 raste të COVID-19 dhe 345.077 raste të vdekjes.

QYTETARË TË NDERUAR!

JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË!
RUAJENI SHËNDETIN TUAJ!

PAKUJDESIA KUSHTON ME JETË!

AKOMA NUK KA KALUAR RREZIKU, ANDAJ

QËNDRONI NË SHTËPI, KJO UA SHPËTON JETËN!
MBANI DISTANCË FIZIKE PËR SË PAKU 2 METRA!
NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!

VOAL i uron nga zemra shqiptarët: Me fat Bajrami i Madh! Gëzuar Bajramin e Madh!

VOAL: Bajrami i Madh sivjet po festohet në kushtet e veanta të pandemisë së koronavirusit.

Nga zemra VOAL iu uron të gjithë vëllezërve shqiptarë, të gjitha motrave shqiptare të besimit mysliman dhe të besimeve e të bindjeve të tjera që kjo festë e Bajramit të Madh dhe të gjitha festat tona të na gjejnë përherë e më të bashkuar për hir të ardhmërisë e përparimit tonë kombëtar, për hir të misionit që kombi ynë ka në të mirë të paqes dhe të harmonisë njerëzore!

Me fat Bajrami i Madh! Gëzuar Bajramin e Madh!

Paçim gjithmonë bekimin e Zotit brez pas brezi dhe qofshim përherë e më të lartësuar si individë, si shoqëri, si komb dhe si pjesë e së tërës krijuar nga i Mëshirshmi!

Gjuha e shqiptarit qoftë përherë toleranca, solidariteti, mëshira dhe humanizmi!

Zoti i bekoftë shqiptarët!