VOAL

VOAL

Please Wait ...
0%

Probleme në rrjetin Swisscom – Blackout rreth një orë në veri të vendit – Bllokim i përkohshëm i shitjes së biletave të trenave

By | January 19, 2018

Komentet

Federer numër Një i Botës: përsëri bën histori

Federer bëhet tenisti numër një më i vjetër në histori pasi arrin të kualifikohet në gjysmëfinale të turneut Rotterdam Open, në të cilën është duke garuar aktualisht

Tenisti zviceran Roger Federer sërish renditet i pari në renditjen botërore të tenistëve profesionistë.

Zvicerani 36-vjeçar, i cili këtë sezon e filloi me triumfin në Australian Open, thyen edhe një rekord të ri. Ai bëhet tenisti numër një më i vjetër në histori pasi arrin të kualifikohet në gjysmëfinale të turneut Rotterdam Open, në të cilën është duke garuar aktualisht.

Në ndeshjen e parë të Rotterdam Open, Federer mposhti belgun Ruben Bemelmans kurse në të dytën gjermanin Philipp Kohlschreiber, me rezultatin 2-0 në sete.

Në çerekfinale Federer mund 2-1 holandezin Robin Haase, kështu që do të kalojë në vendin e parë pas shpalljes së renditjes botërore që do të shpallet të hënën, duke e ulur nga maja tenistin spanjoll Rafael Nadal, i cili aktualisht gjendet në vendin e parë.

Federer, i cili në karrierën e tij ka fituar 20 turne Grand Slam dhe i cili së radhit në vendin e parë në renditjen botërore për herë të parë në vitin 2004 që nga tetori i vitit 2012 më nuk është ngjitur në majë të renditjes.

Rekordin e tenistit më të vjetër në vendin e parë e mante deri tani Andre Agassi, i cili ishte ngjitur në majë në shtator të vitit 2003 në moshën 33-vjeçare.

Federer afër majës në renditjen botërore

Federer mund të bëhet tenisti numër një më i vjetër në histori nëse arrin të kualifikohet në gjysmëfinale të turneut Rotterdam Open, në të cilën është duke garuar aktualisht

Tenisti zviceran Roger Federer është shumë afër që sërish të renditet i pari në renditjen botërore të tenistëve profesionistë.

Zvicerani 36-vjeçar, i cili këtë sezon e filloi me triumfin në Australian Open, është afër për të thyer edhe një rekord të ri. Ai mund të bëhet tenisti numër një më i vjetër në histori nëse arrin të kualifikohet në gjysmëfinale të turneut Rotterdam Open, në të cilën është duke garuar aktualisht.

Në ndeshjen e parë të Rotterdam Open, Federer mposhti belgun Ruben Bemelmans kurse në të dytën gjermanin Philipp Kohlschreiber, me rezultatin 2-0 në sete.

Në çerekfinale Federer do të përballet me holandezin Robin Haase, të cilin nëse arrin ta mposhtë, do të kalojë në vendin e parë pas shpalljes së renditjes botërore që do të shpallet të hënën, duke e ulur nga maja tenistin spanjoll Rafael Nadal, i cili aktualisht gjendet në vendin e parë.

Federer, i cili në karrierën e tij ka fituar 20 turne Grand Slam dhe i cili së radhit në vendin e parë në renditjen botërore për herë të parë në vitin 2004 që nga tetori i vitit 2012 më nuk është ngjitur në majë të renditjes.

Rekordin e tenistit më të vjetër në vendin e parë aktualisht e mban Andre Agassi, i cili ishte ngjitur në majë në shtator të vitit 2003 në moshën 33-vjeçare.

LOD, Cologna i sjell Zvicrës medaljen e parë të artë

Cologna me medalje ari, në 15 kilometra vrapim të lirë me ski, ishte dekoruar edhe në lojërat në Vancouver 2010 dhe Sochi 2014

PYEONGCHANG – Dario Cologna me triumfin e sotëm në vrapim me ski në 15 kilometra i solli Zvicrës medaljen e parë të artë në Lojërat Olimpike Dimërore (LOD) në Pyeongchang të Koresë së Jugut, por gjithashtu hyri edhe në historinë e lojërave.

Përkatësisht, Cologna u bë vrapuesi i parë me ski që ka arritur të fitojë tre medalje të arta në Olimpiada të ndryshme në të njëjtën disiplinë.

Cologna me medalje ari, në 15 kilometra vrapim të lirë me ski, ishte dekoruar edhe në lojërat në Vancouver 2010 dhe Sochi 2014.

Zvicerani i shkëlqyer 31-vjeçar, në vendin e tij i njohur si “Super Dario” dominoi në Pyeongchang. Që nga fillimi, ai imponoi një ritëm, të cilin asnjë nga konkurrentët nuk mund ta ndiqte. Vetëm në matjen e parë të kohës pas një kilometri e gjysëm nuk kishte kohën më të mirë.

Në fund arriti kohën prej 33:43.9 minuta. Pas tij, cakun kaluan norvegjezi Simen Hegstad Krueger i cili arriti me një vonesë prej 18.3 sekonda. Medalja e bronzit i takoi rusit Denis Stipsov me 23 sekonda vonesë.

Përveç tre medaljeve olimpike në vrapim me ski në 15 kilometra, Cologna ka një tjetër medalje të cilën e fitoi në një garë prej 30 kilometrash në Sochi katër vjet më parë. aa

Qenushja e zhdukur në Gjermani pas 6 muajsh gjendet në Zvicër

Qenushja për shkak të fraktuarve dhe gjakderdhjes së brendshme është mbajtur në klinikën në Zyrih

ZYRIH – Qenushja e humbur në Gjermani gjashtë muaj më vonë u gjet 400 kilometra larg, pranë Zyrihut në Zvicër.

BBC raporton se pastorja gjermane Rapunzel u zhduk pasi pronarët, familja Ehret-Vath më 15 gusht e kishin sjellë për një kontroll rutinor.

Familja në rrjetet sociale dërgoi apel dhe kërkoi ndihmë për gjetjen e qenushes të cilën gjashtë muaj më vonë e gjeti ekipi i ambulancës në rrugë të cilët ishin duke u kthyer në Zyrih.

Ekipi i ambulancës zvicerane ka vënë re se qenushja në gjendje të rëndë ishte shtrirë pranë rrugës dhe kishin vendosur ta dërgonin në një klinikë veterinare në Zyrih.

Punonjësit e klinikës lajmin e gëzueshëm për gjetjen e qenit e ndanë me familjen Ehret-Vath.

Qenushja për shkak të frakturave dhe gjakderdhjes së brendshme është mbajtur në klinikën në Zyrih. Pronarët thonë se gjendja e pastores gjermane Rapunzel vazhdon të jetë e rëndë, por besojnë se së shpejti do të jenë së bashku. aa

Dy miliardë franga për modernizimin e ushtrisë helvetike

Kreu i Departamentit të Mbrojtjes, Parmelin, në një konferencë shtypi

VOAL – Qeveria zvicerane ia jep dritën jeshile kredisë së re 2.053 miliardë franga të destinuara për modernizimin e sistemeve të forcave ajrore (848 milionë), pajisjeve të trupave (742) e infrastrukturave të instruksiont (463) për vitin 2018.

Ekzekutivi propzon ndërkaq nxjerrjen jashtë shërbimit të 27 prej 53 avionëve të luftimit Tiger, katër prej të cilëve destinuar për koleksione historike dhe të tjerat për t’u shitur. Të 26 avionët e tjerë do të vazhdojnë të përdoren në mbështetje të F/A-18, përderisa këto mjete mund të fluturojnë deri më 2030.

Junckeri “akuzon” Zvicrën

VOAL – “Kam folur tetë herë me presidentin e Konfederatës, ia kam kujtuar nevojën e arritjes së një marrëveshjeje kuadër mes Zvicrës dhe Bashkimit Evropian dhe më është premtuar disa herë, por nuk është arritur asnjëherë.” Këto janë fjalët e shqiptuara në përgjigjen ndaj një pyetjeje nga korrespondenti i SRF gjatë një konference shtypi në Bruksel. Në fakt presidenti i Komisionit Evropian Jean-Claude Juncker e ka akuzuar Bernën se është përgjegjës për përkeqësimin e raporteve dypalëshe.

“Gjithsesi mbetem një mik i Zvicrës,” ka saktësuar luksemburgasi, pavarësisht asaj përvoje të shëmtuar gjatë pushimeve: njerëzit janë treguar armiqësorë, çja duhet të jetë frut i imazhit të keq “larg realitetit”, krijuar nga politikanët he shtypi helvetik.

Federeri e fillon me sukses turneun në Rotterdam

VOAL – Federeri duket se është i vendosur drejt gjysmëfinales në Rotterdam, sinonim i vendit të parë në klasifikimin ATP. Në fakt bazelasit i mjafton të arrjë aktin e parafundit të turneut holandez, ku ai ka mundur në ndeshjen e parë kundërshtarin Ruben Bemelmans (ATP 116) me 6-1 6-2 në më pak se një orë lojë. Në këtë mënyrë Federeri do të kalojë Rafael Nadalin (1) në krye të tenisit botëror.

Belgu ka qenë që në fillim të ndeshjes i dorëzuar përballë Roger Federerit (2). Bazelasin në ndeshjen e dytë e pret gjermani Philipp Kohlschreiber (36), i cili dje ka mundur Karen Khachanovin (48) me tri sete.

Në Zvicër sot temperatura më e ulët e këtij dimri

Temperaturat bien në minus 27 në ‘Zvicrën siberiane’

Zvicra është duke u dridhur gjatë natës më të ftohtë të dimrit, deri tani me temperaturën më të ulët që mbrëmë shkoi në -30.8C  në zonën alpine Hintergräppelen në kantonin e Shën Gallenit. Kjo temperaturë ishte regjistruar vetëm para lindjes së diellit në orën 7:40 të martën, sipas SRF Meteo.

Ndërkohë, për sa i përket zonave të banuara, zona më e akullt ishte e ashtuquajtura  “Zvicera siberiane” në  La Brévine afër Liqenit të Neuchâtel-it, vendi ku bëhet çdo vit Festa e të Ftohtit Fête du Froid – ku temperaturat u fundosën në -27.2C.

Kjo temperaturë megjithatë është ende larg nga temperatura e ulët rekord për Zvicrën kur arriti -41.8C në La Brévine më 12 janar 1987.

Temperaturat e tjera të ulëta në mbrëmjen e së hënës përfshinin -25.2C Samedan (Graubünden), -17C në Courtelary (Berne) dhe -7.1C në Luzern.

Kjo e ftohtë do të vazhdojë deri të mërkurën dhe të enjten. Zvicra Lindore dhe Graubünden mund të presin të shohin temperaturat e tyre më të ftohta të dimrit deri më sot.

Të hënën, Zyra Zvicerane e Meteorologjisë dhe Klimatologjisë konfirmoi se muaji i kaluar, janari ishte më i butë në vend që nga fillimi i mbajtjes së shënimeve në 1864, siç u raportua më parë nga The Local.

Gjeneva regjistroi një temperaturë mesatare prej 6C, më e ngrohta që nga fillimi i të dhënave, tha MeteoSuisse në fund të muajit të kaluar.

Në Basel qytetin e ka pushtuar dielli dhe temperaturat shkuan nga -3 natën deri në plus 3 gjatë ditës./Burimi/Thelocal.ch

 

Pierre Hazan: Deputetë afër Presidentit dhe Kryeministrit po sabotojnë Gjykatën Speciale!

Ndërkohë që Zvicra ka dhënë mbështetje financiarie për GJS

“A ka vdekur gjykata e krimeve të luftës në Kosovë para se të fillojë?”

“A ka vdekur gjykata e krimeve të luftës në Kosovë para se të fillojë?” Kështu e ka nisur opinionin e tij Pierre Hazan, autor dhe ekspert i drejtësisë në tranzicion me një karrierë të gjatë duke përfshirë atë të korrespondentit diplomatik për gazetat Le Monde dhe Le Temps. Në vitet e fundit ai ka punuar me Zyrën e Komisionerit të Lartë të Kombeve të Bashkuara për të Drejtat e Njeriut dhe ka ligjëruar në universitetet në Gjenevë dhe Neuchâtel.

Më tutje në opinionin e tij botuar nga swissinfo, Pierre Hazan ve theksin se “janë pikërisht parlamentarët afër Presidentit dhe Kryeministrit të vendit që po përpiqen ta sabotojnë atë, ndërkohë që Zvicra i ka dhënë mbështetje financiare këtij tribunali.”

“Në janar të vitit 2018, Zvicra i dha një fond prej 200,000 franga (214,750 dollarë) këtij tribunali të ngarkuar të hedhë dritë mbi krimet e luftës të kryera në Kosovë midis viteve 1998 dhe 2000, veçanërisht zhdukjen e 500 civilëve kryesisht serbë në kontekstin e konfliktit ndërmjet separatistëve dhe forcave serbe gjatë plusë ndërhyrjes ushtarake të NATO-s. Por deputetë të shumtë nga partia në pushtet në Prishtinë mbeten të vendosur për t’i dhënë fund kësaj tribunali të ri, i cili mund të kërcënojë njerëzit kryesorë në pushtet, të cilët ishin komandantë të ish lëvizjes rebele UÇK.”

Kryeministri aktuali i Kosovës, Ramush Haradinaj, u shpall dy herë i pafajshëm nga Gjykata e Hagës, pjesërisht për shkak se dëshmitarët ishin të frikësuar ose kur dëshmitarët kishin munguar te dëshmonin nga një vdekje e parakohëshme. Shqetësimi u rrit me  botimin në dhjetor të vitit 2010 të raportit eksploziv të senatorit zviceran Dik Marty në Këshillin e Evropës ku akuzoheshin krerët e UÇK-së, duke përfshirë kreun aktual të Shtetit Hashim Thaçi, për krime lufte dhe për trafikimin e organeve njerëzore të marra nga të burgosurit serbë.

“Pra, mbështetja e Zvicrës është më e rëndësishme për mesazhin politik që dërgon sesa për shumën e financimit”, vijon Hazan. ” Ekaterina Trendafilova, kryetare e gjykatës, e kuptoi këtë kur u dërguan paratë që do të ndihmonin ‘për të shpërndarë njohuri dhe informacion për publikun e gjerë për mandatin dhe punën e Dhomave të Specializuara”.

“Më 22 dhjetor gjykata ishte afër eleminimit të saj nga parlamenti në Prishtinë dhe përpjekjet e reja nuk mund të përjashtohen. Edhe nëse gjykata mbijeton, aftësia e saj për të kryer mandatin duket shumë e pasigurtë. Masat e reja janë vendosur për të penguar punën e saj, duke përfshirë planet për të ngritur një Komision të së Vërtetës me një mandat që do të nënvleftësonte gjykatën”, vë në spikamë Pierre Hazan.

“Sulmi i parë kundër gjykatës erdhi kur diplomatët e Bashkimit Evropian u larguan nga Prishtina për të kaluar Krishtlindjet në shtëpi. Të premten e 22 dhjetorit, 43 parlamentarë të udhëhequr nga Nait Hasani i Partisë Demokratike të Kosovës (në pushtet), mblodhën firmat për të shfuqizuar ligjin për Gjykatën Speciale.”

“Kjo gjë nuk ndodhi më në fund, por një përpjekje e re mund të fillojë së shpejti. Po aq sa presidenti i vendit Hashim Thaçi, vetë një ish-komandant i UÇK-së, ka thënë se nëse parlamenti voton një ligj të tillë, ai do të nënshkruajë shfuqizimin e këtij artikulli kushtetues, ndërsa përpara, nën presionin perëndimor, ai më 2015 i kishte kërkuar parlamentit që të miratojë atë .”

“Gjykata mund të nxjerrë aktakuza kundër ish-komandantëve të UÇK-së dhe mund të përfshijë edhe Hashim Thaçin

“Gjykata mund të nxjerrë aktakuza kundër ish-komandantëve të UÇK-së dhe mund të përfshijë edhe Hashim Thaçin (i akuzuar me emër në raportin Marty), si dhe Kryeministrin Ramush Haradinaj dhe vëllain e tij, gjithashtu ish-udhëheqës të rebelimit. Ata që duan ta shfuqizojnë gjykatën e shohin atë të paragjykuar, sepse në thelb kjo gjykatë krimet e luftës i lidh me ish lëvizjen rebele tani në pushtet në Prishtinë, “duke harruar” se Gjykata e Krimeve në Hagë kurrë nuk arriti ta bëjë këtë.”

“Këto deklarata janë të papranueshme për vendet e BE dhe Shtetet e Bashkuara, të cilat përmes intervenimit ushtarak të NATO-s në vitin 1999 morën pjesë në “çlirimin” e Kosovës, duke hapur derën për pavarësinë e saj në vitin 2008. Në një deklaratë, BE lëshoi ​​një thirrje paralajmëruese për Prishtinën , duke thënë se çdo përpjekje për të shfuqizuar ose ndryshuar mandatin e Dhomave të Specializuara dëmton seriozisht angazhimin e Kosovës dhe do të “ndikojë negativisht në marrëdhëniet e Kosovës me BE-në”.

Quinti (SHBA, Gjermania, Franca, Britania e Madhe dhe Italia) gjithashtu shprehu shqetësim se Hashim Thaçi akordoi u faljen presidenciale më 29 dhjetor 2017 tre individëve të dënuar me 30 vjet heqje lirie për vrasjen e një familjeje (rasti Hajra), duke përfshirë dy fëmkijë, vajza 3 dhe 9 vjeçare, babai i të cilave shërbeu si polic nën regjimin e Millosheviçit. Edhe më drejtpërdrejtë, sipas gazetës së Prishtinës Koha Ditore, diplomati i SHBA Stephen Banks paralajmëroi kryeministrin Ramush Haradinaj se nëse gjykata do të shfuqizohet, SHBA nuk do të kundërshtojnë një iniciativë ruse në Këshillin e Sigurimit të OKB-së për të ngritur një të tillë.”

“Një Komision i të vërtetës si qark i shkurtër kundër Gjykatës Speciale

Autoritetet e Kosovës gjithashtu kanë një plan tjetër më pak të qartë për të komplikuar detyrën e tribunalit të posaçëm. Në shkurt 2017, Presidenti Hashim Thaçi shpalosi idenë e tij për të krijuar një Komision për të Vërtetën dhe Pajtimin. “Kosova nuk mund të ndërtojë një të ardhme të mirë nëse ajo mbetet një peng i së kaluarës,” tha ai. Fjalë të bukura, por shumë janë të shqetësuar në lidhje me këtë iniciativë, të cilën e shohin si një instrument jo gjyqësor që synon zbardhjen e krimeve të kryera nga pjestarët e UÇK që promovon amnistinë dhe minon Gjykatën Speciale.

Nuk është hera e parë në Ballkan kur një lider politik u përpoq të përdorte një Komision të së Vërtetës dhe Pajtimit për të shkurtuar punën e një gjykate penale. Në vitet 2001-2002, Presidenti serb Vojislav Koshtunica u përpoq ta dobësonte Gjykatën e Hagës, por Komisioni nuk ishte kurrë i besueshëm dhe u shpërbë shpejt.

Pra, ende pa dhënë asnjë aktakuzë të vetme, Gjykata Speciale përballet me pengesa të mëdha. Deri në ç’masë do të jetë në gjendje të kryejë hetime dhe të mbrojë dëshmitarët, të cilat Gjykata e Hagës u dëshmua e paaftë për të bërë? Si do t’i arrestojë njerëzit? Vetë Dick Marty, raporti i të cilit ishte baza për krijimin e kësaj gjykate, deklaroi disa muaj më parë pa iluzion: “Kush, në këto rrethana, do të ishteaq i çmendur për të dëshmuar 20 vjet pas ngjarjeve? Shumë dëshmitarë tashmë janë vrarë “.

/Pëktheu Elida Buçpapaj/Burimi Swissinfo.ch/ Ky opinion është botuar së pari tek Justice.Info.net

/Botuar jo i plotë/ Opinioni i plotë klikoni linkun e mëposhtëm

https://www.swissinfo.ch/eng/war-crimes_switzerland-contributes-funding-to-contested-kosovo-tribunal/43873498

The Times: Miliarderi Roman Abramoviç i bëri të heshtin gazetat zvicerane

Gazeta The Times njofton se ndërsa mediat zvicerane po përpiqeshin të shkruanin arsyet për tërheqjen e aplikacionit të banimit në Zvicër të Roman Abramovich, Roman Abramovich, pronari miliarder i klubit të futbollit Chelsea, me një urdhër gjykate i ndaloi mediat zvicerane të raportojnë arsyet se përse ai e tërhoqi kërkesën e tij për qëndrim në Konfederatën Helvetike.
Biznesmeni rus, 51 vjeç, dëshironte të jetonte në një qendër ekskluzive të skive të Verbierit, por ndërroi mendjen vitin e kaluar pasi kërkesa e tij u refuzua përkohësisht nga autoritetet federale zvicerane të Bernës.

Dy gazeta në Zvicër, Le Matin Dimanche dhe SonntagsZeitung, u ndaluan të premten nga publikimi i detajeve të mëtejshme. “Ekipi ynë redaktues do të vazhdojë të luftojë për të hequr ndalimin. Sfondi ka të ngjarë të jetë me interes të madh publik, “tha SonntagsZeitung.

Jacques de Lavallaz, kreu i shërbimit të emigracionit të kantonit të Valais, tha: “Duke pasur parasysh sfondin e tij financiar, ai do të ishte një taksapagues shumë interesant.”

Le Matin Dimanche dhe SonntagsZeitung njoftojnë se ato i dinë arsyet se përse Roman Abramovich ka tërhequr aplikacionin dhe do të bëjnë gjithçka që të informojnë opinionin publik pasi kjo gjë është në interes të tij./EB/BurimiThe Times

Zvicra “i mohon” të drejtën e qendrimit Roman Abramovich-it ?!*

Konfuzion rreth kërkesës të qendrimit në Zvicër të Roman Abramovich-it

Supermiliarderi dhe pronari i klubit të futbollit të Chelsea, Roman Abramovich, dëshironte të ngrinte në 2016 një shtëpi pranë Verbierit, Kantoni Valais, por e tërhoqi aplikacionin e tij një vit më vonë pas një reagimi negativ paraprak nga autoritetet federale në Bernë, raportojnë dy gazeta të së dielës.

Le Matin Dimanche dhe SonntagsZeitung thonë se e dinë arsyen pse Abramoviç e tërhoqi kërkesën e tij, por nuk e kanë publikuar atë për shkak të një urdhri gjyqësor të marrë nga miliarderi në Cyrih.

“Ekipi ynë redaksional do të vazhdojë të luftojë për të hequr ndalimin e e publikimit të këtij informacioni, të cilin e konsiderojmë të jetë në interesin publik”, thonë gazetat.

Sipas raportit të tyre, Abramoviç mori një vendim paraprak pozitiv mbi kërkesën e tij të qëndrimit nga autoritetet në Valais. Kjo u konfirmua nga Agjencia Zyrtare e Lajmeve e Zvicrës, ATS dhe nga Jacques de Lavallaz, kreu i shërbimit të emigracionit kanton.

Megjithatë, kur dosja u transferua në Bernë u refuzua përkohësisht nga autoritetet federale. Abramoviç iu dha e drejta për një seancë dëgjimore, pas së cilës ai e tërhoqi kërkesën e tij, sipas Lavallaz. Por ai shtoi se autoritetet e Valais nuk e dinin arsyen për vendimin e Bernës.

Le Matin Dimanche thotë se ky rast vë në qendër të vëmendjes “leje e qëndrimit të jashtëzakonshme për të huajt e pasur”, të cilat Zvicra mund të japë në raste të rralla kur ato janë “me interes të madh publik” – kur flitet për kontributet e tyre të mundshme tatimore.

Le Matin Dimanche thotë se në dhjetë vitet e fundit 578 njerëz kanë marrë leje të tilla. Një prej tyre është oligarku rus Mikhail Khodorkovsky, prania e të cilit në Kantonin e Shën Gallenit ka qenë kontrovers. Anëtarët socialistë të parlamentit kantonal konsideruan se të ardhurat tatimore nuk ishin një arsye e mjaftueshme për të dhënë qëndrim krahasuar me rrezikun e mundshëm ndaj reputacionit të përfaqësuar nga një oligark rus.

Abramoviç është 139-ta në listën Forbes të njerëzve më të pasur në botë, me pasuri me vlerë rreth 9 miliardë dollarë, sipas Le Matin Dimanche. Gazeta gjithashtu vuri në dukje se ai është i afërt me Presidentin rus Vladimir Putin./EB/ Burimi: Swissinfo.ch

* Titulli i voal.ch

Titulli në origjinal: Konfuzion rreth kërkesës të qendrimit në Zvicër të Roman Abramovich-it

Zvicra, pikëtakim i shërbimeve të huaja sekrete – NDB ndërmerr kundërmasa

VOAL – Zvicra, falë pozicionit të saj strategjik dhe shkallës së ulët të kontrolleve të policisë, është bërë pikëtakim i parapëlqyer për shërbimet e huaja inteligjente.

Këtë e vë në pah në një rubrikë të saj gazeta NZZ am Sonntag, duke saktësuar se, gjatë takimeve, shërbimet e huaja sekrete merren vesh për misione të reja me agjentët e vendeve të tjera, i paguajnë dhe marrin informacionet e kërkuara.

I vetëdijshëm për këtë situatë, Shërbimi për Aktivitetet Informative të Konfederatës (Nachrichtendienst des Bundes – NDB) ka ndërmarrë kundërmasa. Këto synojnë në zbulimin, ndalimin ose të paktën trazimin e këtyre aktiviteteve inteligjente në territorin zviceran, ka deklaruar për gazetën e të dielave një zëdhënës i NDB.