VOAL

VOAL

Please Wait ...
0%

Prishtinë: Lëshohet viza e parë në Ambasadën Amerikane

By | October 1, 2019
1 Comments
  • author avatar

    Islam morina mosha 45 jetoj prize en jam per fundus Sholden mesenteric ekonomi biznis diploma po computer diplomacy jam in resume per pune American diploma diplomacy security guard me apliku per vis sa kushton

Komentet

Rinumërimi i votave, deformim i procesit zgjedhor! – Nga Florim Zeqa

Edhe pse zgjedhjet e 6 tetorit u zhvilluan në mënyrë të shkëlqyeshme, të qetë dhe demokratike, pas prezentimit të rezultateve preliminare, filloi deformimi i këtij procesi nga KQZ-ja. Manipulimi i procesit zgjedhor nisi me rinumërimin e votave në 314 vendvotime, për të vazhduar me turnin e dytë të rinumërimit (përpunimit) të votave edhe në 530 vendvotime, që në total po i bie 844 vendvotime.
Manipulimet e këtij procesi zgjedhor janë produkt i vetë KQZ-së, përkatësisht i komisionerëve të përzgjedhur nga nga krerët subjekteve politike dhe nëntokave kriminale.
Rinumërimi i votave nuk e rritë as zvogëlon numrin e votave të përgjithshme në nivel vendi, por e ngrit apo zvogëlon numrin e votave nga një subjekt në tjetrin.
Për më keq se kaq, rinumërimi i votave është produkt i vjedhjes së votave brenda subjekteve politike, gjegjësisht i vjedhjes së votave mes kandidatëve në të njëjtën listë zgjedhore.
Vjedhja e votës brenda partive është tregues se kandidatët për deputet nuk e kanë shumë hallin e këtij populli, sa e kanë hallin e tyre për t’u ulur në “ulësen” nga e cila mund të pasurohen e bëhen milionerë!
“Edhe pse i kam marrë votat e mjaftueshme për deputet, dyshoj në vjedhjen e votave të mia brenda partisë”, ishte rrëfimi i një kandidati për deputet!
Kësisoji, kandidatët për deputet po i shfrytëzojnë shkathtësistë e tyre për korruptimin e komisionerëve që t’ua regjistrojnë votat e kolegëve në llogaritë e tyre. Kjo është vjedhja më e turpshme dhe më skandaloze e votës brenda llojit me bekimin e KQZ-së.

Nga vjedhja brenda llojit, tek vjedhja ndërpartiake

Përtej vjedhjes brenda llojit (subjektit), është duke u manipuluar i tërë procesi zgedhor me tendencën për komplikimin e procesit të formimit të qeverisë së re.
Megjithatë, loja më kriminale e grupeve të interesit po bëhet në dy drejtime; e para, në pamundësimin e arritjes së koalicionit paszgjedhor LDK-LVV, dhe e dyta, në kalimin e pragut të koalicionit NISMA-AKR-PD.
Sikurse në rastin e parë, ashtu edhe në rastin e dytë, qëllimi është i njëjtë, sabotimi i qeverisë në ardhje LDK-LVV dhe faktorizimi i humbësve të zgjedhjeve të 6 tetorit.
Kur dallimi në vota mes LVV-së dhe LDK-së është në nuanca shumë të vogla, kanë filluar edhe manipulimet me rezultate në KQZ, pas rinumërimit të votave në 314 vendvotime, do të vazhdojë rinumërimi edhe në 530 vendvotime. Kur kësaj i shtohen votat me kusht, votat e personave me aftësi të kufizuara dhe votat nga Diaspora, mundësia e përmbysjes së rezultatit zgjedhor rritet akoma më shumë shkaku i pazare të pista mes partnerëve të vjetër.
Përmbysja eventuale e rezultatit zgjedhor nga KQZ-ja, do ta fusë vendin në një krizë të thellë politike, të ngjashme me atë të vitit 2014, të kohës së VLAN-it e cila e pati lënë Kosovën rreth 6 muaj pa qeveri dhe Kuvend, deri tek vendimi i arbitrit që ishte Gjykata Kushtetuese.

Ngrirja e njëanshme e negociatave nga LDK me VV-në, skenar i PDK-së

Ngrirja e njëanshme e negociatave nga LDK me VV-në, mund të jetë një skenar i paramenduar nga PDK-ja she SHIK-u në pritje për ta kaluar eventualisht pragun edhe koalicioni NISMA -AKR-PD , dhe për ta mashtruar LDK-në me pozitën e kryeministrit, që të ndërtohet koalicioni i treshes LDK-PDK- Nisma dhe përsëri të tradhtohet Vetëvendosje duke mbetur në opozitë së bashku me AAK-në.
Zërat kundërshtues për koalicionin e mundshëm LVV-LDK, sikur është Agim Veliu nga dega e Podujevës e të tjerë, janë tregues që Vjosa Osmani, edhe pse më e votuara, është e fundit që vendos në LDK.
Heshtja e Vjoses përballë realitetit të krijuar mund t’i kushtojë asaj me humbje të imazhit dhe kredibilitetit të arritur nga zgjedhjet e 6 tetorit.
Vjosa Osmani në rrugëtimin e saj politik drejt kreut të ekzekutivit duhet të dëshmohet që është produkt i vullnetit të elektoratit e jo produkt i matrapazëve politikë, në të kundërtën e ka të garantuar theqafjen politike bashkë me klanorët në majat e LDK-së.
Nëse e marrim si kriter mbështetjen e fuqishme të zonjes Vjosa Osmani nga elektorati i LDK-së, atëherë pavarësisht manipulimit të rezultatit zgjedhor, Vjosa Osamani duhet të merrë timonin e partisë.
Ngrirja e negociatave me Vetëvendosjen nga ana e LDK-së është tendencë e hapur për “djegien” e Vjoses, e cila, nëse nuk prodhon zgjedhje të jashtëzakonshme në LDK, mund të shkaktojë ndarjen e re të këtij subjekti politik.
Bazuar nga rezultatet preliminare, që e përcaktuan LVV-në fituese të zgjedhjeve dhe mundësisë së manipulimit të zgjedhjeve nga rinumërimi (vjedhja) e votave, LDK-ja duhet të tregohet e kujdesshme nga rrëshqitja në humnerë.
Për hirë të së vërtetës, sikurse PDK-ja, ashtu edhe LDK-ja e kanë të merituar ndëshkimin nga elektorati kosovarë për shkak të bashkëqeverisjes së gjatë në pushtetin qendror. Pra të dy partitë, PDK e LDK, për aq sa janë meritorë për ndërtimin e institucioneve shtetërore pas 17 shkurtit 2008-të, po aq janë meritorë edhe për instalimin e nepotizmit, korrupsionit dhe krimit të organizuar në Kosovë.
Binomi PDK-LDK, përkatësisht binomi Thaçi-Mustafa paraqet binjakëzimin SHIK-RIINVEST që gjunjëzoi shtetin dhe keqëpërdori paratë e qytetarëve (mërgimtarëve) të Kosovës.

Del shifra, Albin Kurti thyen rekord, politikani i parë i Kosovës që merr 185 mijë vota në zgjedhje

Kandidati për kryeministër nga Lëvizja Vetëvendosje, Albin Kurti, ka thyer rekord të ri të votave, që ai ka arritur t’i merr në zgjedhjet e 6 tetorit.

Kurti ka arritur të marrë 185 mijë vota, numër që nuk është arritur asnjëherë nga asnjë politikan kosovar.

Kjo u bë e ditur nga një postim i ish-deputetes, Arbërie Nagavci. Kurti në zgjedhjet e fundit që janë mbjatur në qershor të vitit 2017, i kishte marë 142 mijë vota.

Surroi: UÇK-ja ka qenë pakicë, ka luftuar por nuk e ka përfaqësuar shumicën në Kosovë

Shkrimtari dhe publicisti Veton Surroi, deklaron se askush nuk ka kërkuar që në çështje të mëdha të jenë bashkë “krahu i luftës” dhe “i paqes”.

Surroi, nnë RTV Dukagjini, u shpreh se është narracion artificial se në Kosovë duhet të bashkë qeverisin “krahu i luftës” dhe ai “i paqes”. Ai ka thënë se ky narracion është ndërtuar qysh nga viti 1999 e ka vazhduar ndër vite.

“Mos harroni se ajo që quhet ‘krahu i luftës’ është pakicë në Kosovë. Nuk është shumicë. UÇK-ja nuk ka qenë shumicë në Kosovë, por pakicë. Natyrisht pakicë e organizuar dhe ka luftuar, por nuk ka përfaqësuar shumicën në Kosovë”.

Sipas tij, u pa në zgjedhjet e para që UÇK-ja ishte edhe pakicë politike në Kosovë pasi sipas tij Rugova i fitoi zgjedhjet dhe ai nuk ishte “krah i luftës”.
Surroi ka thënë se Pavarësia e Kosovës është dashur të shpallet në verën e vitit 2007 dhe nuk ka lidhje me ardhjen në pushtet të PDK-së.

Sipas tij, për shkak të zhvillimeve ndërkombëtare është shtyrë shpallja e Pavarësisë më kërkesë të Francës për të bindur Rusinë në një çështje për Iranin. Publicisti thotë se “krahu i luftës” arriti ta mbajë pushtetin më shumë se 10 vite për shkak se ishin mirë të organizuar.

ÇKA ASHT TAN KJO SHPIFJE DHE URREJTJE PATOLOGJIKE KUNDËR AKADEMIK ISA MUSTAFËS – Nga Bardh M. Nengurra

Disa shqiptar që lexojnë ( jemi populli që lexojmë ma së paku në botë ) diku kishin pas lexue se i ashtuquajtuni baba i kombit serb Dobrica Qosiq paska thanë; ” secili serb duhet me rrejt , dhe rrenën duhet me e perseritë nga disa herë në ditë që ajo të bahet e vertetë “.  Këtë thanje të Qosiqit e bajnë publike si shpesh tash disa turbopatriot shqipfolës kur në portale interneti në debate me serb jua perkujtojnë serbve se ata janë popull rrenc patologjik.
Unë skam tash faj pse shkrimin e hapa me ato çka flitet per serbët si popull , dhe e hapa sepse po krijojë bindjen se jemi neve ata si duket që serbve ua paskemi pas mësue rrenën. Ata kur kan ardhë në Gadishullin Ilirik na kan gjetë neve aty. Disa “studjues ” shqipfolësa thonë se kur erdhen ardhacakët serb prej neve mesuen të bahen blegtor dhe bujq të mirë sepse ishin të egër. Unë po them; pse mos ta ken mësue edhe mjeshtrinë e rrenës prej neve?!
Meqense jam prej të parve mergimtar në Suedi që u angazhue të formohet Dega e LDK-së në këtë shtet Skandinav besojë se edhe kam bukur shumë njohuni per LDK-në dhe per njerzit e sajë që kan pas dhe kan poste e pozita në LDK. Unë që nga fillimi i janarit 1990 e tutje isha nji nga veprimtarët e Degëve të LDK-së së pari në Suedi e pastaj nga nandori 1990 e deri sot në Norvegji. Kam qenë Kryetar i nendegve së pari në regjionet Lapland dhe Norboten në Suedi dhe në qytetin ma verior në Kiruna pata formue Nendegen e LDK-së në bashkveprim me z. Florin Hysa , z. Mujë Mushkolaj, z. Shefqet Buçaj, z. Feriz Peci, z. Haki Alaj etj, etj dhe u zgjodha Kryetar i kësaj nendege. Pothuej nga tri herë në ditë kam folë me telefon me Sekretarin e Degës së LDK-së në Suedi me z. Ramadan Rexhepi-Osmani që jetonte e vepronte në Malmö. Kur kalova në Norvegji formova bashk me z. TahirBlakaj dhe z. Qatip Haliti nendegen e LDK-së në qytetin Hamar ku perseri me zgjodhen Kryetar i Nendegës e cila nendegë mbulonte regjionet Hedmark dhe Opland të Norvegjisë. Këtu formova edhe fondin  FAMILJA NDIHMON FAMILJEN që ishte fond per ndihma njerzve e familjeve në nevojë në Kosovë. Ky fond i parapriu pastaj krijimit të fondit 3% që pas pak pasi u formue u ba fond qeveritar i qeverisë së Repubilkës së Kosovës me Kryeministër Bujar Bukoshin dhe ky pas nji kohe emnon ministër të financave z. Mr. Isa Mustafa.
Ky emnim duket se paska pas kjen ma fatali per z. Isa Mustafa , e them kështu per faktin se posti ministër ishte i madh si emën, por në realitet ishte vetem nji formalitet pasi dihet botnishtë se qasje në fonde që patën fillue me u grumbullue neper gjithë shtetet e botës ku kishte shqiptar kishin Kryetaret e degve e nuk kishte Ministri Isa Mustafa.Dhe të gjitha Degët e LDK-së kishin nga nji Gjirollogari ku derdheshin mjetet e Fondit 3% por aj fond ishte i regjistruem si fond i Shoqatave kulturore sepse si fond i ndonji subjekti politik nuk kishim leje ta regjistrojmë. Dhe secila Degë në secilin shtet ka pas nji njeri me autorizim fuqiplotë që në bankën ku grumbulloheshin mjetet 3% ti terhiqte e të vepronte me to. Zakonishtë personi i autorizuem zgjidhej Kryetari i Degës. Te neve në Norvegji ishte Fatmir Zymeraj i ashtuquejtuni Fatmir Moleri. Nuk do permendi tjerë persona të degve tjera por për Norvegi e Suedi flas me kompetencë pasi isha pjesë e strukturave. Në Suedi pergjegjës per fondin 3% së pari ishte tash i ndjeri Enver Camaj e pastaj pergjegjës per fond emnohet edhe këtu Kryetari i Degës sikur në Norvegji, pra emnohet Prof. Muhamet Shatri.
Kaq sa per sqarim se si ka funksionue fondi në realitet e që në letra ky fond quhej Fondi i Financave i Qeverisë dhe poashtu në letra kishte Ministrin e Financave që ishte z. Isa Mustafa por qasjet në para të fondit i kan pas të perzgjedhunit e Degve nepër të gjitha degët e mergatës tonë kudo në botë.
Isa Mustafa sot e neper vite sulmohet me pa të drejtë shkaku i postit që kishte de-jure, por de-facto ai post ishte krejt ndryshe.
Bana këtë sqarim sepse atëbotë lukunija shqipfolëse shpifi rrenën se si Ministri Isa Mustafa i ka ndal financimet Presidentit Ibrahim Rugova  të cilën rrenë e botojë në paqavuren e LPK-së ” ZËRI I KOSOVËS “. Kjo paqavure avangardë e LPK-së , e anmiqve të LDK-së e në veqanti të Dr. Ibrahim Rugovës dhe Akademik Fehmi Aganit pothuej çdo ditë botonte shkrime me tituj senzacional që shkarrazi e direkt cak sulmi dhe denigrimi kishin LDK-në dhe liderin e sajë me bashkveprimtaret e ti.
Andaj kur sot ndegjojë dhe lexojë se si disa kurkusha, disa rrahagjoksa , disa halabak portparolla të rrugaqve të portaleve të internetit , disa rrahagjoksa të UÇK-së që neper kafene, medija, ne studio të TV-ve me perbuzje dhe cinizem flasin per diçka që paqavurja e tyne ZERI I KOSOVES e pat shpik e trillue per ta fut hutinë dhe perqamjen në strukturat e Degve të LDK-së në mergim, pra flasin se si Isa Mustafa e paska pas lanë Presidentin Rugova në Stokholm dhe nuk i paska pas pague bileten per me udhtue per Amerikë , apo se si ja paska pas ndalë shpenzimet per zyre të informimit dhe per shpenzime të telefonit, më vjen me pelcitë nga inati. Kjo historia e biletave në Stokholm asht rrenë e LPK-së e plasueme me pompozitet në ZERI I KOSOVÊS , ndersa per mjetet per zyren e informimit qendron se mjetet jan reduktue e shpesh edhe nuk jan pague, por këtë veprim se ka ba Isa Mustafa , por Kryeministri Bujar Bukoshi.
Me plot pergjegjësi e them se të gjitha këto janë trillime dhe rrena të cilat rrena qe 30 vjet po perseriten dhe po perzihen ashtu si rrenat serbe per dicka që nuk asht e tyne, që nuk asht e vertetë, por tue e perseritë rrenen po binden vetë rrenacaket se qenka realitiet rrena e tyne. Ata le të binden dhe le të pelcasin me bindjen e tyne , por askush tjeter normal ato rrena nuk i beson as nuk duhet me i besue.
E di saktësishtë se në Norvegji mesatarishtë në muej jan grumbullue per fondin 3% nga 50.000-75000 krona norvegjeze, ato para jan derdhë nga aktivitetet e nendegve direkt në gjirollogarinë e Degës e ku qasje në to ka pas vetem kryetari i Degës z. Fatmir Zymeraj. Dhe nese parat e fondit kan qenë të grumbullueme në Degët e secilit shtet çfar Ministri paska pas kjen Isa Mustafa? Ministër në letra apo de-jure vetem.
Kryeministri Bujar Bukoshi po ai ka grumbullue mjetet nga degët e jo Isa Mustafa. Andaj pse e pergojoni me rrenen e shpifun nga paqavurja e LPK-së së asaj kohe, nga ZERI I KOSOVËS? Jo fort moti ishte nji debat në facebook per rrenen e biletës per Rugoven në Suedi dhe ku njeriu pergjegjës per vizitat e Rugovës në Suedi z. Shaqir Shaqiri ato rrena i demanton. Thotë se nuk asht e vertetë kjo që po flitet.
Akademiku Isa Mustafa neper vite po sulmohet , por ma së shumti po sulmohet prej se u zgjodhë Kryetar i LDK-së. Anmiqët e ti të padukshem dhe të ligj e paten mbyllë gojen kur Isa Mustafa bindshem triumfojë në zgjedhjet per Prefektin e Kryeqendrës. Mirpo posa Isa Mustafa u zgjodh Kryetar i LDK-së kundershtaret e ti të ligj e të padinjitet u ban koalicion me të gjitha subjektet politike të Kosovës që ishin në garë dhe ja dhanë postin Shpend Ahmetit. Asht per tu quditë se si fitores së Shpendit ma shumë ju gëzuen disa llafazan nga strukturat e LDK-së se sa Albin Kurti i Vetvendosjes. Tash ata filluen me e sulmue e sha Isa Mustafën. Qellimi i tyne ishte që sa ma parë ta menjanojnë dhe largojnë nga LDK-ja. Pat shumë nderskamca, shumë veprime të pandershme dhe janë shkrue me qindra shkrime neper portale e gazeta kunder Isa Mustafës. Mirpo Akademiku dhe Kryetari i jonë i LDK-së ju qendrojë si lisi furtunave të gjitha sulmeve dhe mbet i pathyeshem deri sot.
Ma heret kam pas shkrue nji shkrim ku ju pata kundervy nji ish mesuesit tim, nji veprimtari dhe atdhetari që si duket i shtytur nga dikush asht i keqinformuem dhe edhe i manipuluem nga rrenat e shumta të lukunisë fryfqe të ” patriotve ” mbrenda LDK-së dhe panderpre po shkruen dhe po e sulmon Akademikun Isa Mustafa. Dhe veq këti veprimtari e atdhetari ka nji vit e ma shumë që shkrime kunder Isa Mustafës po ban edhe nji Prof. Dr. vendas i imi ( i nji fshati afër vendlindjes time ) i cili që nga koha kur u zbraz Kosova shkaku i luftës ky ka shkue në Amerikë dhe jeton atje. Derisa po i shkruej keto rreshta po me mbulon nji siklet sepse po e kam të veshtirë të permbahem e mos të shkruej me emna dhe mos ti sulmojë direkt ata që i njof mirë dhe e di kush ishin dikur e që tash shiten si patriot dhe të ndershem. Mirpo do perbahem në radhë të parë per hirë të femijve e familjarve të tyne e edhe per hirë të familjes time e cila shqetsohet kur unë shkruej . Qenka e vertetë se të jesh i drejtë dhe i sinqertë jo vetem që qenka veshtirë, por edhe rrezik.
Ky far bashkvendasi im ish Prof. Dr. tash banor i Amerikës si shpesh po shkruen kunder Isa Mustafës. Ma se tri here e kam lexue se si ai në shkrimet e veta e akuzon Akademikun Isa Mustafa si njeri të Rrahmon Morines. Andaj unë nuk po mundem të permbahem ma dhe po e baj pak replikë me Prof.Dr. ” amerikan “. Pse o burri i botës po rrenë? Pse o njeri po shpif? Nese ata që kan moshen 20 vjet e ma pak nuk e dinë dhe edhe mund të besojnë rrenat e tua , a po mendon ti se na tjeret jemi harrestar dhe miop, jemi budallënjë dhe injoranta e nuk e shofim se ti na krype me rrena. Para se me ti demantue rrenat e shpifjet e tua per Isa Mustafen ministër i Rrahman Morinës ( sikur thue ti ) , unë du me ti perkujtue disa histori reale që kan ndodhë në familjen tande, me vëllaznit e tu. Pastaj do tu baj drejtësinë Ty dhe Akademikut Isa Mustafa.
Ti e ke pas nji vëlla mesues , por ai si mesues e ban njifar maskarallaku ( e din ti cka ka ba  ) dhe e denojnë me burg. Pasi e dergojnë me ba burgun diku në Serbi, pas pak e lëshojnë, por tash të avancuem , e kishin vesh me uniformen e MILICIT. Dhe ky ish mesuesi, ma vonë milici u avancue dhe u ba zavends komandir i milicisë derisa fillojë lufta ai ishte në atë post. Ti vetë ke shkue me studjue dhe ke kjen i suksesëshem, bravo. Por ti kishe edhe nji vëlla që poashtu ishte puntor i arsimit dhe ai ishte personi që i vijshin postat me pamflete, gazeta e revista nga nji bashkvendas i juej që kishte ik në Shqipni. Per qudi sa herë kan ardh postat pasi i ka pranue vëllai yt dikush asht perndjek nga milicia jugosllave. Ka pas raste edhe të arrestimeve të njerzve. Tash ti Prof. Dr. patrioti a sna thue se si guxonte vëllau i jot të pranonte posta nga Shqipnia derisa vëllau tjeter ishte postkomandant në nji stacion molicije? Si mundesh ti Prof. Dr. me sulmue Akademikun Isa Mustafa me rrena e shpifje tue e quejt si sherbtor të ish sistemit, kur ti e din se at komunën tonë të vogël e të varfen per diku 40 vjet e kan sundue tue i sherbye ati sistemi komunist jugosllav mashkujt e dy familjeve nga fshati yt, njena nga ato ishte familja e farefisi yt. Pra ti bashkvendasi im Prof. Dr. pse nuk trus bythen e mos me lyp punë, por atje nga Amerika ku je i sigurt dhe ku padyshim jeton mirë ti shkruen e shkarravitë tue shpernda rrena si shkijet kunder dikujt që po e krahason njeriu me ty ai asht 100 vjet Dritë ma Atdhetar dhe ma burr se ti e se krejt farefisi yt. Ti e akuzon Akademikun Isa Mustafa si sherbyes i qeverisë së Rrahman Morinës. Kështu shkrueni ju që shpifni, e keshtu shkruen edhe ti Prof.Dr. Unë po jua shkokordhojë rrenat e juve. Në radhë të parë Rrahman Morina kurr nuk ka qen Kryeministër i Qeverisë së Kosovës per ta pas dikend Ministër në atë qeveri, e as Isa Mustafën. Rrahman Morina ka qen Kryeshef i Policisë së Kosovës , ma vonë Minsiter i mbrendshem i qeverisë së Kosovës dhe në fund Kryetar i Komitetit Krahinor të Lidhjes Komuniste të Kosovës.
Dhe kur Rrahmani ishte njeriu i parë i Partise komuniste ne Kosovë, shef i Ekzekutivit apo i Qeverisë së Kosovës ka qen Jusuf Zejnullahu. Në këtë kohë me titullin Magjister i ekonomisë në qeverinë e Jusuf Zejnullahut ka punue edhe Isa Mustafa, por vetem si ekspert i ekonomisë dhe nuk ka pas post ministri kurr. Por edhe këtu Isa Mustafa nuk qendrojë gjatë pasi pushteti i Rrahman Morinës dhe i Millosheviqit fillojë gjuetinë në kuadrot shqiptare. Isa Mustafës ju kanos rreziku per arrestim dhe ky arriti me ik me dalë në mergim ashtu si pata dal edhe unë në vitin 1989 dhe erdha në Suedi. Por a sna tregon ti Prof. Dr. cka ke punue ti, deri kur ke qen në pune  dhe pse ti asnjihere nuk ke guximin me ardhë në vendlindje?!
Nese bahesh burr me na tregue deri kur ke punue dhe per kend ke punue , po ta falë mllefin pa arsye që po e shfryen kunder Kryetarit tim të LDK-së, z. Isa Mustafa, kunder Akademikut ma të zotin në sferen e ekonomisë dhe aftësive shtetbërse qe i ka Dardania dhe Shqipnia sot per sot. Po ndalem nuk po të shkruej ma Prof. Dr. Po më vjen gjynah prej teje andaj po të kursejë.
Por si bashkvendas kam nji këshillë per të miren tande. Truse bythen e mos sulmo njerez me rrena e trillime, merru me shkencë sepse ti edhe je shkenctar, lej per pasardhesat e tu far libri me vlera e mos le shkarravina me trillime e shpifje, me rrena e kulufe. Jetoje jeten atje ku ke edhe si e me cka me e jetue dhe me u kenaq. Tash edhe je pak në moshë dhe me u qetsue mos me i dhanë veti stres asht e shendetshme.
Borgenhaugen-Sarpsborg: 16.10.2019

Prishtinë: Prokuroria dhe Policia janë të pranishëm në Qendrën për Numërim dhe Rezultate

Prokurorët e Shtetit dhe Policia e Kosovës kanë shkuar brenda objektit të Qendrës për Numërim dhe Rezultate, pas thirrjes publike që u kishte bërë këtyre institucioneve, kryetarja e Komisionit Qendror të Zgjedhjeve, Valdete Daka.

Lajmi është bërë i ditur nëpërmjet një komunikate nga Prokuroria e Shtetit.

“Pas prononcimit të kryetares së KQZ-së, Prokurori i Shtetit njofton publikun se në Qendrën për Numërim dhe Rezultate (QNR), tanimë janë prezent Prokurori i Shtetit dhe hetuesit nga Policia e Kosovës, të cilët bashkërisht do t’i përcjellin dhe verifikojnë pretendimet e parashtruara nga KQZ-ja”, thuhet në komunikatë.

Sipas njoftimit, Prokuroria e ka të përcaktuar ndërmarrjen e aktiviteteve, përfshirë parandalimin e të gjithë atyre që bien në kundërshtim me dispozitat e ligjit në fuqi lidhur me veprat penale kundër të drejtave të votimit.

Kryetarja e KQZ-së, Valdete Daka, në mbledhjen e mbajtur të enjten, ka ftuar Policinë dhe prokurorët hetues që të shkojnë në Qendrën e Numërimit dhe të Rezultateve, për të hetuar apo për të parë nëse ka manipulim me votat e qytetarëve nga komisionarët e partive politike. rel

Nasim Haradinaj: Këtë javë apo tjetrën Specialja do të fillojë arrestimet në Kosovë

Nënkryetari i Organizatës së Veteranëve të Luftës, Nasim Haradinaj, i ftuar në Frontal të T7, ka thënë se gjatë kësaj jave, apo javës që po vjen do të ndodhin arrestimet e para nga Gjykata Speciale.

Ai thotë se këto informacione i kanë nga disa avokatë me të cilët bashkëpunojnë e të cilët punojnë në Dhomat e Specializuara.

“Në bazë të disa avokatëve me të cilët kemi bashkëpunim, sepse ne kemi bashkëpunim me ta , priten arrestime këtë jave dhe javën tjetër. Por nëse jo gjatë këtyre javëve, gjatë muajit gjithsesi”, ka thënë Haradinaj.

Ndërkohë derisa Haradinaj ka dhënë këtë deklaratë, Ish-komandanti i FSK’së, Kadri Kastrati, ka njoftuar se ka marrë ftesë nga Gjykata Speciale./GazetaExpress/

Lëvizja Vetëvendosje: Vuçiqi nuk është në pozitë që t’i komentojë simbolet

Bekim Bislimi

Lëvizja Vetëvendosje, përmes një deklarate, e ka porositur presidentin e Serbisë, Aleksandër Vuçiq, që duhet ta dijë se “Kosova është demokraci, në të cilën askush askujt nuk ia imponon identitetin ose simbolet, e aq më pak mund të imponohet vullneti politik i një subjekti”.

“Aleksandër Vuçiqi i cili para pak muajve në Mitrovicë mbajti fjalim lavdërues për (Sllobodan) Milosheviqin, nuk është as në pozitën morale e as politike të ankohet për simbolet tona kombëtare, me të cilat kurrë nuk kemi pushtuar e nuk kemi dëmtuar asnjë fqinj”, ka thënë Liburn Aliu, anëtar i kryesisë së Lëvizjes Vetëvendosje.

Në këtë mënyrë, ky subjekt politik i është përgjigjur një shkrimi të presidentit të Serbisë, Aleksandar Vuçiq, në rrjetin social Twitter pas një takimi që Kurti kishte zhvilluar në zyrat e Vetëvendosjes në Prishtinë me ambasadorin e Britanisë së Madhe në Kosovë, Nicholas Abbott.

Aty, në fotografi nga takimi ndërmjet liderit të Vetëvendosjes, Albin Kurti dhe ambasadorit Nicholas Abbott shihej në sfond flamuri kombëtar shqiptar.

Kjo fotografi ishte bërë shkas për shkëmbimin e pyetjeve dhe përgjigjeve përmes rrjetit social Twitter, ndërmjet presidentit të Serbisë, Alekasandar Vuçiq dhe Ambasadës së Britanisë së Madhe në Kosovë.

Kjo pamje, e ka cytur presidentin e Serbisë, Aleksandar Vuçiq, që përmes llogarisë së tij në rrjetin social Twitter, t’i drejtohet me pyetje ambasadorit të Britanisë së Madhe në Kosovë, Nicholas Abbott.

“Pyetje për ambasadorin e BM në Prishtinë: Në zgjedhjet e kujt ka fituar Kurti dhe partia e tij dhe flamuri i cilit shtet është ai para të cilit, ekselenca e juaj, jeni fotografuar me krenari me Kurtin? Do t’ju pyes për këtë derisa të marrë një përgjigje”, ka shkruar Vuçiq, duke aluduar se flamuri kombëtar shqiptar, i cili njëkohësisht është edhe flamur shtetëror i Shqipërisë, nuk është flamur i Kosovës.

Por, në një përgjigje ndaj pyetjes së Vuçiqit, po ashtu përmes rrjetit social Twitter, të cilën e ka publikuar Ambasada e Britanisë së Madhe në Kosovë, thuhet që kjo ambasadë nuk ka zgjedhur se si bashkëbiseduesi e ka rregulluar dhomën, ku u mbajt takimi i Kurtit me ambasadorin Abbott.

“Një foto e ambasadorit në takim me një nga udhëheqësit politik në Kosovë ka marrë vëmendje në rajon. Është punë e ambasadës që të punojë me aktorë udhëheqës politikë në Kosovë. Ne nuk kemi zgjedhur se si bashkëbiseduesi ynë, në kapacitetin e tij partiak, ka rregulluar dhomën”, thuhet në përgjigjen e Ambasadës së Britanisë së Madhe në Kosovë.

Pas kësaj përgjigje ka ardhur edhe reagimi i sërishëm i presidentit Vuçiq, i cili është falënderuar “për përgjigjen e qartë” dhe ka shtuar se “të gjithë ne kemi kuptuar gjithçka”.

Liburn Aliu, në një përgjigje për Radion Evropa e Lirë, ka theksuar që Lëvizja Vetëvendosje ka fituar në zgjedhjet që u mbajtën më 6 tetor në Kosovë dhe që ajo, në bashkëpunim me komunitetet pakicë, do të udhëheqë me qeverinë “duke i çliruar ato prej shantazheve dhe instrumentalizimeve”.

“Synim i yni është thellimi i demokracisë, lufta ndaj pabarazive, zhvillimi ekonomik dhe paqja. Këtë të fundit e kërcënon procesi intensiv i armatimit të Serbisë, mosnjohja e pavarësisë së Kosovës dhe mospërballja e Serbisë me të shkuarën e saj kriminale e spastruese”, ka thënë Aliu.

Agron Bajrami, redaktor përgjegjës kryesor i Kohës Ditore, duke folur për Radion Evropa e Lirë, shpreh mendimin që Vuçiq me reagimin e tij dhe shkrimet në Twitter “ shkon në kornizën e asaj që ai e bën pandërprerë, që ta prezantojë veten, pushtetin e tij dhe serbët e Listës Serbe, si viktima të një konspiracioni ndërmjet shqiptarëve dhe bashkësisë ndërkombëtare në Kosovë, madje edhe të opozitarëve në Serbi, kundër tij dhe njerëzve të tij”.

“Mendoj që është bizare, në qoftë se jo edhe mjaft qesharake, fakti që ai merret me gjëra të tilla. Në anën tjetër, për shumë njerëz ka qenë e çuditshme për shkak se, në qoftë se atij i pengon flamuri shqiptar, a do të thotë kjo që ai do të dëshironte që ta shihte flamurin e Kosovës aty, të cilën ai vazhdimisht thotë se nuk e njeh. Pason pyetja logjike: në rast se ambasadori britanik apo cilido qoftë tjetër do të insistonte te partitë e Kosovës që kur të kenë takime me ta, të mos ketë flamuj të shteteve tjera, sikurse në këtë rast ai i shqiptarëve, a do të thotë kjo që kur të shkojnë te Lista Serbe duhet hequr flamuri i Serbisë? Mendoj që në këtë rrëfim, pak a shumë është shndërruar gjithçka në qesharake sesa që është serioze për një diskurs të tillë dhe në një nivel të tillë”, tha Bajrami.

Duke folur lidhur me përdorimin e flamurit shqiptar nga ana e Lëvizjes Vetëvendosje, Bajrami thekson që të gjithë ata që merren me punë politike në Kosovë, në momentin që hyjnë në institucione, duhet të sillen ashtu siç thotë Kushtetuta e vendit. Siç ka thënë ai, dilema të tilla nuk ka pasur as te Kurti, të cilit, si deputet opozitar, nuk i ka penguar flamuri i Kosovës gjatë punës ose përfaqësimit të Kosovës jashtë vendit.

Flamuri i Kosovës dhe ai i Shqipërisë.

Flamuri i Kosovës dhe ai i Shqipërisë.

Ndërkaq, Boshko Jakshiq, komentues i politikës së jashtme, thotë për Radion Evropa e Lirë, se e gjithë kjo situatë është një incident i vogël diplomatik që nuk meriton vëmendje.

“Natyrisht që ekzistojnë arsye formale, në rast se gjendeni diku dhe aty është flamuri i një shteti tjetër, ndërkaq që është i pranishëm ambasadori i shtetit të tretë. Por, ky është një incident i vogël diplomatik, i cili nuk meriton vëmendje të këtillë në opinion. Ne e dimë se kujt dhe pse i është e domosdoshme që në këtë mënyrë ta zmadhojë këtë. Nevojitet të tregohet qëndrimi, qëndrueshmëria, gatishmëria që të ketë përgjigje për gjithkënd, në çdo rast, në rast se shkelet diçka. Padyshim që është shkelur mirësjellja diplomatike, por që nuk meriton shumë vëmendje”, tha Jakshiq.

Albin Kurti, si kandidat i Lëvizjes Vetëvendosje për kryeministrin e ardhshëm të Kosovës, pas zgjedhjeve, ka thënë në një intervistë, që flamuri i Kosovës do të jetë i pranishëm në zyrën e tij.

Prokuroria thotë se i ka dërguar jashtë Kosovës mostrat e zarfeve nga Serbia

Fotografi nga zgjedhjet e mbajtura më 6 tetor në Kosovë.

Prokuroria e Kosovës po i vazhdon hetimet në lidhje me zarfet me vota të ardhura nga Serbia, pas raportimeve që më shumë se 20 zyrtarë të Komisionit Qendror të Zgjedhjeve kishin reaksione alergjike pas hapjes së zarfeve.

Prej tyre, 12 kanë kërkuar ndihmë mjekësore dhe janë hospitalizuar.

Artan Grantolli, nga Prokuroria e Shtetit tha për Radion Evropa e Lirë, se tashmë mostrat për analiza laboratorike janë dërguar jashtë Kosovës, por nuk ka saktësuar në cilin vend.

“Është gjetur një laborator në njërin nga shtetet e Evropës, ku edhe janë dërguar mostrat për analiza. Sapo t’i marrim rezultatet ne do t’i bëjmë publike për opinionin”, tha Grantolli.

Ai nuk ka pranuar të tregojë se në cilin vend janë dërguar mostrat.

Drejtori i Institutit Kombëtar të Shëndetit Publik, Naser Ramadani nuk ka dhënë detaje se çka ka pasur brenda zarfeve që u ka shkaktuar, siç ishte thënë, reaksione alergjie punonjësve të Komisionit Qendror të Zgjedhjeve.

Ai më 15 tetor kishte deklaruar se pas analizave të bëra për dymbëdhjetë pacientët e shtrirë e që ishin përballur me një reaksion teksa kanë qenë duke numëruar zarfet me vota të ardhura nga Serbia në Kosovë, kishte rezultuar se nuk kanë ndonjë shkaktar infektiv.

Ndërkohë, disa media në Kosovë, duke u thirrur në burimet e tyre, kanë raportuar sejanë gjetur dy lloje të elementeve të mundshme në zarfet nga Serbia.

“Elementi që vetë letra e përmban e që nuk ka rrezik dhe një lloj elementi tjetër që gjendet në spërkatës për pastrim të zyrave ose për spërkatjet e pemëve e që nuk ka rrezik për jetën”, është thënë në raportimet e mediave.

Por drejtori i Institutit Kombëtar, Naser Ramadani, i kontaktuar nga Radio Evropa e Lirë ka thënë shkurt se këto njoftime “janë thashetheme”.

Të dielën, më 13 tetor, teksa po hapnin dhe verifikonin votat e ardhura nga Serbia në zarfet e mbyllura, fillimisht ishin 20 zyrtarë të KQZ-së që u ankuan për gjendjen e tyre shëndetësore dhe më pas 12 përfunduan të shtrirë në spital.

Mjekët thanë se ata kishin reaksione të ndryshme, si vjellje, skuqje në fytyrë, kruarje e tjera. Pacientët po mbahen ende nën mbikëqyrjen e mjekëve, edhe pse rezultatet e analizave të tyre kanë rezultuar se nuk ka ndonjë shkaktar infektiv .

Prokuroria është duke i vazhduar hetimet në lidhje me këtë rast.

Zgjedhjet e parakohshme paralmentare në Kosovë janë mbajtur më 6 tetor.

Sipas rezultateve preliminare nga numërimi i votave të rregullta, Lëvizja Vetëvendosje ka fituar më së shumti vota, pasuar nga Lidhja Demokratike e Kosovës.

Pas Shtëpisë së Bardhë Vjosa Osmani pritet edhe në State Department

Pas takimit të djeshëm në Shtëpinë e Bardhë, me drejtorin për Evropë, John Earth, në kuadër të Këshillit për Siguri Kombëtare, kandidatja e LDK’së për kryeministre, Vjosa Osmani, ka takuar sot edhe Përfaqësuesin Special për Ballkanin Perëndimor, Matthew Palmer, shkruan Gazeta Express.

Osmani ka thënë se me Palmer kanë diskutuar për raportet ndërmjet Kosovës dhe SHBA’së dhe për punët e rëndësishme të cilat e presin Kosovën.

“Sot në Departamentin e Shtetit u prita nga Zv.Ndihmës Sekretari i Shtetit, Matheë Palmer, i cili është poashtu Përfaqësues Special për Ballkanin Perëndimor. Diskutuam për raportet e Republikës së Kosovës me Shtetet e Bashkuara dhe punët e rëndësishme që na presin përpara”, ka shkruar Osmani./GazetaExpress/

Vuçiçin e shqetëson flamuri shqiptar në zyrën e Albin Kurtit, i drejtohet publikisht ambasadorit britanik

Presidenti i Serbisë, Aleksander Vuçiq, ka reaguar pas një takimi që ka pasur në Prishtinë, ambasadori i Britanisë së Madhe, Nicholas Abott, me kreun e Lëvizjes Vetëvendosje, Albin Kurtin.

Këtë reagim të kreut të shtetit serb e ka nxitur fotografia që është publikuar pas takimit, ku në prapavijë të ambasadorit Abott dhe Kurtit shihet flamuri shqiptar.

Vuçiq ka pyetur ambasadorin Abott se në cilin shtet i ka fituar zgjedhjet Albin Kurti, dhe ka thënë se do të vazhdojë ta bëjë këtë pyetje derisa të marrë një përgjigje.

“Pyetja ime për ambasadorin e Britanisë së Madhe në Prishtinë: Cilat zgjedhje i ka fituar Kurti, në çfarë shteti? Dhe flamuri që i qëndroni përballë cilit shtet i takon, shkëlqesia juaj? Unë do të vazhdoj t’iu pyes derisa të marr një përgjigje për këto pyetje”, ka shkruar Vuçiq në llogarinë e tij në tëitter.

Megjithatë në këtë pyetje të Vuçiq ka pranuar që Republika e Kosovës është një shtet, meqenëse nuk i pëlqen fakti që Kurti në zyrën e tij mban flamurin e Shqipërisë dhe jo atë të Kosovës.

Ndryshe në sfond me flamurin kuq e zi janë fotografuar edhe ambasadorë të tjerë të vendeve të huaja në Kosovës, përjashtuar ambasadorin gjerman, Christian Heldt dhe atë të Shteteve të Bashkuara të Amerikës, Philip Kosnett./GazetaExpress/

LAJM(SKICE) – ADIOS XHAVIT HALITI – Nga BINAK MAXHARRAJ

Shefi i Shtabit të Rognerit, njeriu qe kurr se pa luftën live te Kosovës, deputeti dhe Nenkryetari në të gjitha shtate Legjislaturat e Parlamentit të Kosovës duke e ba kokrren e sefas, nuk do te shtyhet më me brryla me deputet tjerë, nuk i ka ma ato “privelegja” te rrembyar ne emer te luftes,pa qenë kurr në luftë.

Sepse këtij njeriut të pakurrizor populli i tha me 6 tetor mjaft me e rope këtë shtet duke e mos votuar për deputet.

Pushofsh neë paq ne opozitën e merituar se bashku me koleget tu te Klanit Pronto dhe mos u kthefshit kurrë më ne karrigat e Parlamentit te Kosovës.

VOTUESVE QË VOTUEN VETVENDOSJEN DHE ALBIN KURTIN – Nga Bardh Nengurra

( Nji dyzinë pyetje per juve )
Me 6 tetor ishin zgjedhjet e parakoshme parlamentare në Dardani. Që do mbahen këto zgjedhje dihej që ma parë pasi ish kryeministri Ramush Haradinaj dha dorëheqje nga posti që e mbajti pak ma shumë se dy vite e gjysëm.
Isha atje në vendlindje deri me 25 shtator dhe ndegjoja opinionet e qytetarve per aktualitetin politik dhe edhe per zgjedhjet e radhës që do mbaheshin. Pata fitue bindjen se pjesëmarrja në zgjedhje do jet shumë e vogël. Mirpo pasi Kryesia e LDK-së me në krye Akasemik Isa Mustafa emnojë zonjën Vjosa Osmani si bartëse e listës së LDK-së e që do thotë kandidate per Kryeministreshë të vendit pash se të populli disi ndërroj atmosfera. Tash disa flitshin e thojshin se pasi asht Vjosa do dalin me votue.
Unë quditesha se si të gjithë ishin me kritika per pushtetin që per 20 vjet rresht e mbajten  partitë e dala nga i ashtuquajtuni krahu i luftës me në krye nga nji kastë e komandantve të luftës që unë gjithmonë i quej KOMANDIRA pasi që gjithcka asht tashma e kjart se ata  ( 95% e tyne ) nuk kan ba asfar lufte por arriten me e marr primatin e çlirimtarve të vendit pa pikë merite.
Pra populli fliste se asht lodhë me ta dhe se mendon se asht e pamundun me i hjek nga pushteti andaj as që do dalin tash me votue.
Per fatë të mirë të vendit, pjesëmarrja në votime ishte e kënaqëshme , votimet kaluen pa ekscese , ishin në nivel dhe u vlersuen si të suksesëshme. Mirpo si edhe herat tjera edhe këtë here ndodhi diçka që nuk asht pritë. Dy partitë opozitare te deridjeshme pasi nuk u dakorduen per koalicion parazgjedhor ato u futen në garë me sllogane që në fushatë vepronin kundër njena tjetrës. Mendimi im asht se kan ba mirë që nuk jan futë në fushatë në koalicion sepse mendojë se secila parti apo subjekt politik që aspiron ulse në Parlament duhet me luftue vetë per vete e jo me depertue në Parlament thue se dikush i ka nxjerr nga xhepi ashtu sikur se ka ndodhë disa herë me AKR-në e Behxhet Pacollit, pastaj me lista të ndryshme të formueme nga individ matrapaz etj.
Personalisht kam pas frikën se AAK do fiton shumë këtë herë sepse të gjith ato miliona euro që i zhvaten nga buxheti i shtetit per dy vite e gjysem sa ishte muskulozi i kësaj partije Ramush Haradinaj Kryeministër flitej se i kan diku dhe do i perdorin per vota. E thash se kisha frikë sepse unë mendojë se fatkeqësia ma e madhe e vendit pas lufte asht formimi i kësaj partije në gjiun e së cilës asnjihere nuk pat njerëz ekspert, të ndershem e dinjotoz. Kjo parti qendron në kambë në supet e vllaznive Haradinaj dhe ate e mbajnë gjallë grupe të individve të pashkollë, me të kalueme të dyshimt familjare e personale të njerzve kriminel dhe banditë. Mafi hesapi sikur thotë populli.
Për fat edhe kësaj here u deshmue se AAK asht parti e klanit të djemve të Gllogjanit dhe të Jabllanicës së Dushkajës dhe pertej rrjetit familjar të dajve , tezakve , tezeve e kusherinjve nuk kalon. Kësaj partije me kryesinë e sajë mafioze populli ja theu turinjët dhe mirë ja bani. Shpresojë së në zgjedhjet e radhës nuk e kalon pragun zgjedhor dhe do shuhet fare.
Gara në fushatë ishte mes LDK-së dhe Levizjes Vetvendosje. Dy kandidatët per Kryeministër të këtyne pative Prof. Vjosa Osmai LDK dhe Albin Kurti Vetvendosje ishin të preferuemit e popullit. Votuesit e LDK-së që moti e preferojne Vjosa Osmanin para kujdo tjetër nga LDK-ja. Lideri i LDK-së Akademik Isa Mustafa për të satën here per të miren e LDK-së dhe vendit merr hapa të duhun dhe me vend. Ashtu sikur që pat perzgjedhë Prof. Avdullah Hoti në zgjedhjet e parafundit edhe këtë here per tja plotësue dëshiren elektoratit të vetë emnojë Prof. Vjosa Osmanin per bartëse të listës.
Pas perfundimit të votimeve dhe numrimit të votave doli se Levizja Vetvendosje del partija e parë me pak perparsi para LDK-së. Tash pritet të formohet qeverija në koalicion mes këtyne dy subjekteve politkike. Bisedimet veq kan fillue. Unë si aktivist dhe edhe si votues ju urojë suksese në formimin e koalicionit dhe në qeverisjen e vendit per mandatin qe e moren me vota.
Pse disa ish LDK-ista, disa veprimtar të LDK-së dhe edhe ju disa shqiptar të besimit katolik ( nuk po ju permend me emna, por këtu e kam fjalën per të tillët që unë ju njof si fanatik fetar dhe si njerez të shqetsuem per ardhmeninë e Dardanisë nga rreziku islam ) e perkrahni Albin Kurtin?!
Pse ju keni kaq memorje të varfën dhe keni harrue se cila ishte rruga e Albin Kurtit deri te majat e pushtetit në Dardani.
A keni ba mirë që keni harrue të gjitha këto ngjarje , veprime e ndodhi që lidhen me Albin Kurtin pasi ai edhe ju parapriu dhe ju priu tan kohën që nga dita kur doli me 1998 në Protesta të Studentve të Universitetit të Prishtinës bashk me Rektorin Prof. Ejup Statovcin e ndjer dhe me ata enverostalinistët e LPK-së që ishin tandem i pandashem i Albin Kurtit e që ishin; Bujar Dugolli, Muhamet Mavraj dhe Besnik Lajqi.
Pra ju ish LDK-ista që votuet VV-në si harruet se Albin Kurti hapat e parë në politikë i bani tue dalë kunder qendrimeve të Presidentit të Dardanisë Dr. Ibrahim Rugovës i cili në atë kohë aludonte në qetsi qytetare sepse i dhimbsej populli që do torturohej , do vritej dhe do arrestohej nga falanga serbe. Albin Kurti me enverostalinistat e vetë bashkveprimtar doli rrugve dhe kerkojë të pergjakej populli.
Pse harruet se cila ishte pozita e Albin Kurtit në të ashtuquejtunën ZYRE E UÇK-së në Prishtinë? A ishteAlbini aty në atë zyre bashk me të ashtuquejtunin Zëdhenës i zyrës së UÇK-së me ideatorin e Ballkanisë shokun Adem Demaqi?!.
Pse harruet se atë zyre e hapi i ashtuqujtuni Shtab i Pergjithshëm i UÇK-së me në krye Hashim Thaçin që do thotë se Albin Kurti hapat e parë në fillimet e luftës në Dardani i bani si njeri i Hashim Thaçit. Pse nuk e vrani mendjen dhe të mendoni se pse policia serbe nuk i ngucte as Adem Demaqin e as Albin Kurtin të cilët publikisht kishin dalë se jan zyrtar të Zyrës së UÇK-së në Prishtinë?! Pse nuk e vrani mendjen e të mendoni se pse dikur u arrestue Albin Kurti dhe u dergue në burgejt serbe në Serbi? Ai atje doli trim per mendjet e juve shumicës dhe në oborrin e burgut në Pozharevc foli kunder sistemit serb të Millosheviqit. Si ka mundësi të ndodhë kjo pa pas Albini asnji pasojë. Ate posa e çlirojë NATO Dardaninë dhe hyni KFOR-i , Albinin e leshuen nga burgu dhe erdh shendosh e mirë në Prishtinë. Pse nga burgu doli  edhe Ukshin Hoti, por posa doli ati ju zhduk çdo gjurmë?!
Pse harruet se pasluftës Albin Kurti me porosinë e ndonji organizate nderkombëtare ( sipas së gjitha gjasave me porosi dhe sponsorizim të SOROSIT ) bashk me minoritar të Dardanisë ku kishte edhe serb, mes tyne edhe Nenad Rikalo ish torturuesi i shqiptarve në lagjen e Dardanisë në Prishtinë e formuen OJQ-në ( organizatë joqeveritare ) me enin KAN. Dhe si harruet se po me urdhnin e dikujt kjo organizatë u shue dhe nga ajo u formue LEVIZJA VETVENDOSJE me Albin Kurtin në krye.
Pse harruet se VV-ja me Albin Kurtin në krye dhunshëm tue demolue sheshet e Kryeqendrës Dardane kundërshtojë Planin e Ahtisarit i cili plan e percaktojë rrugtimin se si do shpallet Dardania shtet i mvetsishëm dhe si do ndertohet ky shtet. Marti Ahtisari nuk e bani atë plan kokë në vete, por ishte urdhen i KS ( Këshillit të Sigurimit ) të OKB-së. Si harruet se kundershtimet e VV-së të Albinit nuk ishin asgja tjetër pos kundërstim që të formohet shteti i Dardanisë?!
Pse kur votuet VV-në dhe Albin Kurtin nuk ju ra në mend se Albini nuk e pranon shtetin e Dardanisë, ja poshtron simbolet ( Flamur e Hymn ) publikisht pasi askund nuk e perdor Flamurin e shtetit e as nuk ngritet në kambë kur intonohet Hymni i shtetit.
Pse kur e votuet VV-në dhe Albin Kurtin harruet se ky njeri i mbushun me ideologji staliniste ka idol komunistin latinoamerikan Çe Guevara dhe se në stilin e Çe Guevarës me disa dhjetra here Albini ka manipulue rininë e vendit , i ka qite në rrugë , kan demolue prona shtetnore dhe private dhe kan qa koka të policve të shtetit  , ( policve shqiptar ) me gur e copa të betonit që e demolojshin neper rrugë e trotuare.
Pse kur ja dhat votat VV-se dhe Albinit harruet se me fajin e Albinit policët rumunë jua shuen jeten dy aktivistve të VV-së në protesta në Prishtinë ? Kam fjalën per ata dy aktivistët me mbiemnin Balaj e Xheladini nese nuk po gabohem.
Pse kur e votuet VV-në dhe Albinin harruet se dy djemt e vetëm të Avni Deharit u vetvriten apo u vranë ( nese janë detyrue në vetvrasje atëhere asht vrasje kjo ).
Pse kur ja dhat votat VV-së dhe Albinit nuk ju kujtue se asht ky Albini që poshtersishtë ka injorue Presidentin Ibrahim Rugova ndersa nuk ka pritue me shkue me u perkulë e me vue lule te varri i Alija Izetbegoviqit, boshnjakut që e solli islamin ekstrem i solli xhihadistët ne Bosne e Hercegovinë.
Pse kur votuet VV-në dhe Albinin juve ish LDK-ista nuk ju kujtue perkrahja qe VV-ja me Albini i ka dhanë futjes së ligjeve kuranore në sistemin e shtetit tonë Dardanisë?! Kan votue kunder ligjit per ndalimin e mbulesave te vajzave në shkolla. Kan votue kunder ligjit per ndalimin e zhurmës akustike që fokus kishte zhurmat e ulurimat shurdhuese nga minaret e xhamijave. Kan votue kundër ligjit që ndalonte futjen e mesimit fetar në shkolla. Pra jo vetem ju LDK-ista , por ne veqanti ju shqiptar katolik si i harruet këto veprime dhe qendrime të Albin Kurtit e Vetvendosjes kur ja dhatë votat.
Pse kur e votuet VV-në dhe Albinin harruet shkumjen e Albinit në Jerusalem per ti perkrah palesitnezet, pastaj spe harruet se ishte Albin Kurti i vetmi politikan i Dardanisë që shkoj në Ambasaden turke në Prishtinë në pervjetorin e puqit ushtarak në Turqi kundër Erdoganit
Pse harruet kur e votuet Vetvendosjen dhe Albin Kurtin se ka disa vjet që perflitet martesa e ti me zonjën Rita Knudsen Augestad nga Norvegjia.
Unë nuk i kam besue e as nuk i besojë thash e thanat se ajo gjoja qenka bijë, apo mbesë e ish shefit famkeq të policisë serbe në Dardani qetnikut Zoran Sokolloviq, jo nuk aludojë aty unë fare. Por unë quditem se si pat mundësi ta gjen Albin Kurti këtë zonjushë norvegjeze dhe ta njofin ai e ajo aq mirë njeni tjetrin sa të vendosin me u martue. Jetojë në Norvegji qe 30 vjet dhe e di se mentaliteti i femnave të këti populli asht i tillë sa pa jetue gjatë mes veti nuk vendos të martohet me asnji mashkull . Si u ba që Rita e Albinit paska vendos me u martue me nji djalë shqiptar nga Kosova dhe qenka dashunue aq shumë ne te vetem nga nji takim ( sipas asaj që vetë Albini e tha, e ka takue kur ky ka qenë në burg në Pozharevac të Serbisë ku ajo paska qen gazetare )?! Krejt kjo tingllon teper joserioze dhe e pabesueshme. Neve disa që jetojmë në Norvegji e dijmë se shteti dhe populli norvegjez jan miqët ma të mirë të serbve nga të gjithë popujt europrendimor. Neve e perjetojë pothuej per ditë të zotit diskriminimin dhe jobarazinë në të gjitha fushat e jetës këtu në Norvegji jo vetem per fajin tone ( e pranojë këtë ) , por ma shumë pse neve jemi në konflikt me mikun e tyne me Serbinë. Tash kjo Rita Knudsen Augestad që me vite ka jetue e punue në Beograd e neper Serbi dashunohet në nji shqiptar të burgosun nga serbet dhe në nji antiserb çfar Albin Kurti asht paraqitë. ! Kjo asht e pakapshme per trunin tim. Jam i bindun se kjo martesë asht ba ashtu si janë ba dikur neper trojet tona shqiptare martesat e individve popullor shqiptar me partizanka e lahperica tjera serbe, malazeze e maqedone. Edhe kjo martesë asht ba per të mbulue diçka që ende neve nuk e kemi idenë se çka. Koha ka me tregue, por pse juve ish perkrahes dhe votues të LDK-së i harruet të gjitha këto PSE-he që vejnë në dyshim jo vetem programin komunist- islamist të VETVENDOSJES, por edhe personalitetin e Albin Kurtit.
Dhe ma e quditshmja asht se si juve kur votuet VV-në dhe Albinin harruet se në atë listë të kandidatve per deputet të Kuvendit të shtetit ishin 45 veta ish antar e edhe ish deputet të PDK-së së Hashimit e Kadri Veselit.
Pra kaq kisha per të thanë kësaj here per VETVENDOSJEN dhe per Albin Kurtin të cilet i perkrahen shumica e votuesve disa vjeqar të LDK-së dhe perqudi moren perkrahjen edhe të shqiptarve fanatik në besimin e tyne katolik. Harruen katolikët se voten po ja japin nji simpatizanti islamik , ne mos kjoftë krejt islamik sherbtor i Erdoganit turk.
Sa bukur zë vend këtë rast ajo thanja popullore; per inati të resë më vdekt djali.
Po kam frikë se ashtu si dikur e keni perkrah Hashimin dhe thojshit se pacifizmi i Rugovës nuk na ka sjellë asgja dhe me këtë budallaki e sollët Hashimin në pushtet dhe tek pasi ai me bandat e veta bashk me AAK. AKR, PD, LDD, ORA etj etj, subjekt politik të shtetit jau kajten nanën juve dhe shtetit ju filluet me e sha Hashimin dhe kerkoni mjete si me e hjek qafe. Po kam frikë se edhe me Albinin do ju gjanë e njejta zezditë. Per mendimin tim keni ba eksperiment me Dardaninë me njeriun që ja ofroni si kryepushtetar.
Sarpsborg-Norvegji : 15.10.2019