VOAL

VOAL

Please Wait ...
0%

Prishtina dërgoi ekzemplarët me libra për fëmijë ​për bibliotekën e shkollës shqipe ,,Kongresi i Manastirit,, në Çikago – Nga Skënder Karaçica

By | February 10, 2019

Komentet

Albanian TV of America – Dr.Koço Danaj dhe debati për gjenocidin grek ndaj Çamërisë – Nga Skënder Karaçica


Në emisionin debat në studio:Albanian TV of America,musafir dr.Koço Danaj dhe të drejtuar nga Gani Vila,tema bosht e këtij emisioni gjenocidi grek ndaj Çamërisë.

Në këtë debat televiziv,dr.Koço Danaj në dritën e Platformës Politike për Shqipërinë Natyrale,ndër të tjera ritheksoi se zgjidhja më e drejtë demokratike dhe në përkrahjen e faktorit ndërkombëtar BE-SHBA,do të sihte që Çamëria shqiptare të shpallet (ZONË E LIRË)në mes Shqipërisë dhe Greqisë dhe të lejohen populli shqiptar çamë të kthehen në shtëpitë dhe pasurinë e tyre.

Duke shpaluar shumë çështje shqiptare në kronikat arkivore dhe historike lidhur me Shqipërinë dhe çështja e Kosovës.dr.Koço Danaj,përmendi një fakt të rëndësishëm arkivor i panjohur për opininionin e gjerë shqiptar se Mbreti Ahmet Zogu në vitin 1940 në Angli nuk është pranuar si ,,Mbret i Shqipërisë,,por sipas dr.Koço Danaj,ai ishte pranuar vetëm si refugjatë(cit.sipas dr.K.Danaj)

Ndërkaq,në rrethanat e kohës dy mbretërit e Serbisë dhe Greqisë janë pranuar si ,,Mbret të Serbisë dhe Greqisë,,thekson në në debat dr.Danaj.Mirëpo,sipas dokumenteve arkivore kur është pyetur nga Washingtoni pse Ahmet Zogu nuk është pranuar me statutin,,Mbret i Shqipërisë,,Londra zyrtare pati thënë se lidhur me këtë,,do të hidhërohej Greqia dhe Serbia,ndonëse kishin planin e përbashkët që pas Luftës së Dytë Botërore (1941-1945)të dyja këto shtete me qëndrime hegjomoniste dhe antishqiptare të ndanin Shqipërinë në dysh për grabitjen e tyre(cit.dr.Koço Danaj).

Në dritën e ngjarjeve lidhur me gjenocidin grek ndaj Çamërisë Shqiptare,do të sugjeronim Komunitetit Shqiptaro-Amerikan në Detroit si dhe Redaksinë Albanian TV of America me Drejtorin Gani Vila që dr.Koço Danaj të dëshmojë në Komisionin për Politikë të Jashtme në Kongresin Amerikan në Wshington,që e drejton miku i shqiptarëve dhe kongresmeni Eliot Engel,një nga njohësit më të mirë të çështjes shqiptare në Ballkan dhe të Çamërisë.

Çikago,më 14 korrik 2019

Prof.Skënder Karaçica

Nismë Shqipëri-Kosovë – Të anulohen pikët e Kongresit të Berlinit(1878)dhe çështja grabitqare nga fqinjët të tokave të Shqipërisë – Nga Skënder Karaçica

 

* * *

Në pikën 25 të Kongresit të Berlinit është thënë që perendoria sundimit shekullor të Turqisë të mbajë nën mbikëqyrjen e saj popullin dhe trojet shqiptare.

*  *  *

Kongresi i Berlinit pa përfaqësuesit legjitim të popullit shqiptar bënte pazaret e ditës me fqinjët serb,malazezë dhe grekë duke i shpërblyer me tokat shqiptare.

*  *  *

Në analet hisorike të këtij Kongresi famëkeq kundër popullit shqiptar dhe tokave etnike,ende ruhen procesverbalet e kohës kur thuhet se Mali i Zi vetëm dy orë para Serbisë shpallet shtet i pavarur.Në këtë kohë ende nuk kemi të bëjmë me formimin e kombit.

Çikago,më 13 korrik 2019

E kohës – Daut Dauti e ha bukën e huaj dhe e fyen popullin shqiptar! – Nga Skënder Karaçica


Daut Dauti, një intelektual me një ,,mal shkollë,, (sic!) që e hanë bukën e huaj në Londër, del në bulevard dhe e fyen popullin shqiptar!

Pajtohem me profesor Blerim Latifi,që e kundërshton paraqitjen (raciste)të D.D.kundër popullit shqiptar diskursi i tij me përmasën denigruese e poshtëruese ndaj popullit shqiptar në tokën e vet në Ballkan!

Kjo paraqitje e D.D.nga bulevardi i Londrës,na kujton kohën e Konferencës së Paqes në Paris dhe delegacioni i ,,Qeverisë Shqiptare,,me Esad Pashë Toptanin,kur e kur ,,kabineti i tij qeveritar jashtë Shqipërisë(lexo:në Selanik,-nënvizimi im)para botës fliste po më të njëjtin ,,mesazh qeveritar,,për popullin shqiptar(sic!).

D.D.do të ishte mirë që kërkojë falje para popullit të tij(shqiptar)dhe ndaj vetës të shkruaj dekretin (non-grata)që mos të dalë publikisht para opinionit,që me duart e tija të shembë Panteonin e kombit të lashtë shqiptar sa vetë Evropa!

D.D.shih vetën në pasqyrë!Hajmalitë nuk bëjnë punë!

Çikago,më 7 korrik 2019

U mbajt protesta para Shtëpisë së Bardhë: Trumpi të shpëtojë Shqipërinë nga Rama e Soros (video)

Një grup shoqatash nga komuniteti shqiptar në Amerikë kanë protestuar këtë të dielë para para Shtëpisë së Bardhë në Washington .D.C, kundër instalimit të diktaturës dhe shtetit monist në Shqipëri.

Organizatorët kanë protestuar gjithashtu dhe kundër ndikimit të manjatit demokrat George Soros, i cili është denoncuar nga Presidenti i Shqipërisë për financimin e destabilizimit të Shqipërisë.

Organizatorët kanë thënë se: Të Dielën me 7 Korrik, ora 12 e mesditës, “do të bëjnë një tubim para Shtëpisë së Bardhë ku do ti kërkohet presidentit Donald Trump të shpëtojë Shqipërinë nga spiralja e frikshme e kaosit ku është futur, ne do të tubojmë per të kërkuar dhe njëherë lidershipin e Presidentit te SHBA për Shqipërinë.Ti kërkojmë Presidentit Trump të mos lejojë segmente të Fondacionit Soros që të rikthejë komunizmin në Shqipëri!”

Sy me sy me lajmin – Mos ma vidhni shtetin shqiptar…! – Nga Skënder Karaçica

 

Një djalë i ri nga Drenica (emri është i njohur për ne) kishte marrë udhën për të shkuar në Shqipëri. Në procedurën në kufirin shqiptaro-shqiptar (sic!) në Vermicë, zyrtari i kufirit shqiptar (Shqipëri) sikur ia kishte bërë
më sy djalit nga Drenica, që të kruhet paksa, kur e kur, të shkundë xhepat me pak lekë…!

Djali nga Drenica,në shenjë revolte i ka thënë zyrtarit shqiptar nga Shqipëria:

Mos ma vidhni shtetin shqiptar…!Mësohuni njëherë e mirë të jeni zyrtar të shtetit demokratik dhe ligjor…!

Djali nga Drenica nuk i dha lekë zyrtarit në kufirin shqiptaro-shqiptar në Vermicë!

Mos ma vidhni shtetin shqiptar,do të jetë refreni ynë sot e gjithë ditën!

Çikago,më 6 korrik 2019

Më 7 korrik Shqiptarët e Amerikës protestojnë përballë Shtëpisë së Bardhë kundër Sorosit

“Ti kërkojmë Presidentit Trump të mos lejojë segmente të Fondacionit Soros të rikthejë komunizmin në Shqipëri!”, kështu thuhet në një reagim të shqiptarëve të Amerikës për një tubim që pritet të mbahet ditën e dielë.

Shoqëria Vatra dhe shqiptarët e Amerikës me shqetesim të thellë per situatën e ngjarjeve në Shqipëri, duke marrë në konsideratë përgjegjesinë qe diaspora shqiptare ka për atdheun e familjet tona që jetojnë në Shqipëri, duke vlerësuar si të patjetërsueshme lidhjen e fortë mes Shteteve të Bashkuara të Amerikës dhe popullit shqiptar, të karakterizuar nga ndihma e sinqeritë të SHBA në rastet më të vështira të kombit tonë, organizojnë të dielën më datë 7 Korrik ora 12:00 një thirrje drejtuar Presidentit Donald Trump.

“Me besimin se angazhimi ynë si shqiptarë te Amerikës dhe Presidentit Trump si President i vendit më mik i popullit tonë, mund të arrijë të shpëtojë Shqipërinë nga spiralja e frikshme e kaosit ku është futur, ne do të tubojmë per të kërkuar dhe njëherë lidershipin e Presidentit te SHBA për Shqipërinë.

Sot eshte koha të angazhohemi e të kthejmë vëmendjen te atdheu ynë. Sot është momenti për te qenë të gjithë bashkë si shqiptarë, si bashkëkombas pranë shqiptarëve në Shqipëri që shpëtimin mund ta gjejnë vetëm te SHBA.

Shqipëria nuk mund të rikthehet në komunizëm prej synimeve të errëta të fondacioneve të huaja që kërkojnë pronësinë mbi atdheun që ekziston prej gjakut të të parëve tanë.

Le të bashkohemi ditën e dielë më datë 7 Korrik, ora 12:00, përballë Shtëpisë së Bardhë në Ëashington DC.

Zoti e bekoftë Amerikën, zoti e bekoftë Shqipërinë!”, thuhet në njoftim.

SHKËLQESISË (MË MIRË LARTMADHËRISË) SË TIJ MATTHEWS PALMER – Nga ASLLAN BUSHATI


Kam njëzet e një vite që jetoj në SHBA dhe mbajë dy shtetësi, atë shqiptare dhe amerikane. Por fatkeqësisht nuk e paskam ditur se Shqipëria qenkërka mbretëri dhe se mbreti quhet Matthews Palmer. Ai që këtu nga SHBA urdhëron që ky dekret i Presidentit të Shqipërisë të zbatohet dhe ky tjetri të mos zbatohet. Cudi e madhe për mosdijen time, por cudi akoma më e madhe për politikanët e shtetarët shqiptarë që s’mund të bëjnë politikë për vendin e tyre dhe s’mund të qeverisin pa mbret?!!
Shkëlqesia juaj Palmer, me intervistës që i dhatë VOA-së, na treguat se keni njohuri fare të cekta për kauzën, veprimtarinë e opozitës shqiptare në këto gjashtë vitet e fundit dhe shkaqet e lënies mandateve, daljes në demostrata dhe mos hyrjes ne zgjedhjet vendore më 30 qershor 2019 etj. Ju thatë se nuk ka asgjë jo normale në qoftë se nuk voton njera palë! Po pse këtu në SHBA kritikohet Koreja e Veriut që voton me një kandidat? Ose, këtu në SHBA a ka ndodhur ndonjë herë që të mund të bëhen zgjedhjet vendore me një kandidat? Nëse jo, pse një fars e tillë duhet të bëhet në vendlindjen time që e ka emrin Shqipëri dhe që ju u bëtë shtytësi e mbështetësi kryesor i këtij neokomunizmi? Kjo është përgjegjësia juaj si shtetar në Administratën Amerikane, që me brutalizëm të merrni nëpërkëmbë dekretet e Presidentit të Shqipërisë dhe vullnetin e më shumë se gjysmës së popullatës shqiptare (opozitës)? Si taksapagues amerikan, unë protestoj ashpër kundër qëndrimeve tuaja të njëanëshme , të pa drejta, madje gjykoj edhe të pa nderëshme.
Nuk ju kam dëgjuar( Shkëlqesia Juaj Palmer), të flisni asnjë fjalë të vetme për kanabizimin e gjithë Shqipërisë, për sjelljen e kriminelëve në Parlament, në institucionet shtetërore qëndrore e lokale, për lidhjet e qeverisë së Edi Ramës me bandat kriminale, për korrupsionin galopant, për vjedhjen e vërtetuar të zgjedhjeve në Peshkopi e ato qendërore të 2017-tës!? Apo e keni mik Edi Ramën dhe s’mund ti thoni këto gjëra që unë përmenda më lart?
Por ju kam dëgjuar ( në 2017-tën) ti thoni Lulzim Bashës: po vure edhe një presje në dokumentin bashklidhur do ta quaj refuzim dhe do të keni gjithë përgjegjësinë për të ardhmen. Ashtu sic e trysnuat në intervistë (e sipër përmendur) se mund të shpallet non grata,organizatë e zezë apo edhe terroriste!!?
A e shihni ju Palmer se demokracia në Shqipëri është në buzë të humnerës dhe përplasja civile mund të bëhet realitet? A e shihni ju dhe vartësit tuaj në Tiranë se Shqipëria është kthyer në një shtet të tipit totalitar edhe me mbështetjen tuaj? A keni përgjegjesi edhe ju që Shqipëria për më shumë se një vit e gjysëm është pa Gjykatë Kushtetuese, pa Gjykatë të Lartë dhe pa një Prokurori funksionale? Pse ju e filluat reformën në drejtësi nga lart duke krijuar këtë paralizë të përgjithëshme institucionale? A ishit ju ata që morët përsipër drjetimin dhe menaxhimin e kësaj reforme? A e ndjeni vehten ndopak fajtorë për këtë katraurë qe gatuat?
Këto që po ju a them juve publikisht në këtë shkrim, ju a kam bërë me dije më parë edhe kolegëve të mi amerikan në Partinë Republikane. Në të njejtën kohë jam duke shpresuar që ta shohim njeri-tjetrin në sy, në një debat në Komisionin e Jashtëm të Kongresit Amerikan duke ju treguar ligjvënësve se si një shtetar amerikan transformohet në një “mbret” për një vend të vogël sic është Shqipëria. Por kjo Shqipëria e vogël nuk aq e “vogël” sa e imagjinon Palmeri, por është dashamiri më i madh i amerikanëve në botë. Palmer-at shkojnë e vijnë, por miqësia shqiptaro-amerikane i ka rrënjët larg që me Presidentin Willson njëqind vite më parë.

SHQIPTARË DHE GREKË PËRBALLEN NË PROTESTËN E 75 VJETORIT TË MASAKRAVE GREKE NË ÇAMËRI – Nga DALIP GRECA/DIELLI

Në 75 vjetorin e masakrës greke ndaj popullsisë së pambrojtur shqiptare të Çamërisë, të Enjten me 27 qershor, në orën 12.00, Presidenti i Rrënjëve Shqiptare Marko Kepi në bashkëpunim më Çamërinë dhe organizatat e tjera të komunitetit organizuan protestën paqsore përballë Misionit dhe Konsullatës greke në 79 St, mes Park Av & Madison.
Në qendër të protestës ishte Marko Kepi, president i Rrënëjve Shqiptare dhe Sali Bollati, i mbijetuar i masakrave greke ndaj popullsisë Çame, që e pa dhe e përjetoi tragjedinë me sytë e një fëmije 7 vjeçar.
Përballë protestusëve shqiptarë u kundërvunë një grup i vogël grekësh, që duket se strehën e kishin tek konsullata greke. Me flamurin grek dhe me një banderolë ku akuzonin shqiptarët për vrasjen e terroristit Kostandin(os) Kacifos, sipas tyre i ktheyr në hero për Vorio Epirin.Nuk është hera parë që ky grupim i vogël grekësh i kundërvihet Rrënjëve Shqiptare. E njëjta histori pat ndodhur pak muaj më parë nga përballje në Brooklyn, ku ata ikën të turpëruar nga logjika dhe kundërvënia e shqiptarëve.
Qëllimi këtë herë duket se ishte të bënin zhurmuesin, përballë kërkesave të protestuesëve shqiptarë për drejtësi dhe njohje të gjenocidit nga Greqia. Ka 75 vjet që Greqia përpiqet që ta mohojë masakrën, që përbën njollën e turpit për vendin që pretendon qytetërim të lashtë. Natyrisht që numri i vogël i protestusëve grekë të orkestruar si zhurmues, edhe pse kishin në mesin tyre gazetarë e kamera, bënë që ata të dështonin. Muhamet Omari u kërkoi leje policëve, që siguronin protestën, për t’u ofruar ujë grekëve që shanin, britnin e shkulmonin sharje e ofendime papushim. Natyrisht ishte një mësim edukate për grekët që u ka mbetur ora tek përralla me Vorio Epir grek! Ndër parullat që ata hidhnin ishin edhe thirrjet se Ju shqiptarë nuk jeni Ilir, ndërsa shqiptarët ua kthenin duke i akuzuar se ata ishin magjypë të ardhur…
Sali Bollati, i mbijetuari për të dëshmuar masakrën deri sa të ketë frymë , prezanton dhimbjen dhe historinë e tij se çfarë ndodhi me familjen në kohën e tragjdisë. Ai e ka parasysh tablon e tmerrshme tragjike: Gjyshin 82 vjeçar, Muahrremin, e kishin tërhequr zvarrë dhe e kishin pushkatuar në oborr; vëllanë e madh 10 vjeçar Ferhatin e kishin vrarë tek shtepia e hallë Shazijes, nënën e gjorë zervistët ia vranë në xhaminë e Bollatëve, ndersa nga baba mori vetem imazhin e nje fotografie… . Ai së bashku me jetimët e mbetur gëlltiti tragjedinë dhe eci pas fatit të zi, duke kaluar jetë burgu e më pas rrugëtimin e vështirë, ikjen drejt Shqipërisë…Tragjedia nuk kishte përfunduar, Faruku, vëllai 5 vjeçar, që kishet marrë ftohje në burg dhe gjatë rrugëtimit, humbi jetën në spitalin e Vlorës. Mbeti gjallë vetëm ai, Saliu 7 vjeçar, dhe motra 10 vjeçare, Qerimani. Sali Bollati sapo nis të tregojë tragjedinë e tij zhurmuesi i pakicës greke nisi furinë e thirrjeve dhe sharjeve. Ata nuk diën të respektojnë as të vdekurit….Më pas është Izmir Bako, që tregon historinë e familjes së tij. Ai mbanë edhe një panakrtë të madhe ku shkruhet historia e Bakove. Kur grekët zhurmues thërrasin se çamët ishin kolaboracionistë me pushtuesit, Bako u afrohet afër grekëve dhe u nxjerr parasyve pankartën ku shkruhet në gjuhën angleze, se kur u vranë në Paramithi më qershorin e 1944, Hatixhe Bako ishte vetëm 4 vjeç, Makbule Bako 2 vjeç, Baki Bako 1 vjeç, dhe… propaganda greke flet për kolaboracionistë? A mund të vrisnin këta fëmijë?
Marko Kepi në fjalën e tij plot mençuri u thotë grekëve përballë se çamët kërkojnë vetëm drejtësi. Shteti grek dueht ta njohë genocidin që mori mijëra jetë të pafajshme. Më pas ai lexon listën plot dhimbje, kur fëmijë të vegjël u vranë në mënyrën më makabre nga një ushtri e helmatisur nga shovinizmi dhe spastrimi etnik…Grekët përbalël, zhurmojnë që të mos i dëgjojnë moshat e fëmijëve ët vrarë, 2 vjeç, 1 vjeçe, 3 vjeç…Ata vetëm thërresin emrin e heroit ët tyre terrorist, që qëlloi mbi policinë shqiptare; në çdo vend tjetër do të merrte të njëtën përgjigje. terroristi nuk mund të bëhet hero.
Tragjedia na kujton: Masakra e ushtrisë zerviste e nisën marshimin e vdekjes mbi njerëz të pafajshëm me 27 qershor 1944 në qytetin e Paramithisë për ta përfunduar në mars të 1945-së me atë që njihet si masakra e Filatit. Statistika e publikuara nga media botërore, por edhe në gazetën Dielli në vitet 1944-48, flasin për rreth 3 mijë shqiptarë të vrarë, kryesisht fëmijë e pleq. Rreth 750 gra u përdhunuan nga zervistët, 90 fshatra u shkatërruan, 110 xhami u dogjën dhe një masë e madhe refugjatësh u përzunë dhunshëm nga vatart e tyre, plot 30 mijë. Kjo është tragjedia që ende nuk pranohet për turpin e shtetit grek as sot e kësaj dite, 75 vjet pasi ka ndodhë. Si mundet, që një shtet që pretendon kulturë e qytetërim të lashtë të mohojë tragjedinë që e shkatuan ushtarakët e saj?
Nazo Veliu, sekretarja e Vatrës, me origjinë nga Çamëria, e ngriti zërin në emër të grave çame dhe kërkoi drejtësi dhe njohje të tragjedisë. Ajo gjatë të gjithë kohës replikoi me grekët duke ua treguar vendin.
Pas protestës për një orë e 30 minuta në vapën e nxehtë në një temperaturë rreth 90 gradë, pasi masa e vogël e grekëve u strehua andej nga kishin hyrë, vargu i protestusëve shqiptarë u drejtuan drejt Misionit të Shqipërisë që ndodhet në të njëjtën rrugë. Edhe pse dyert ishin të mbyllura, foëlsit e ngritën zërin që matanë xhamave të dëgjoheshin thirrjet dhe apeli i tyre për ta ngritur çështjen çame në instacat ndërkomëbtare. Ata kritikuan ashpër qeverinë shqiptare që nuk e ngre zërin për tragjedinë e ndodhur dhe nuk artikulon kërkimin e njohjes nga shteti grek. Marko Kepi, Sali Bollati, Nazo Veliu, Hakik Mema, Marjan Cubi, Muhamet Omari, Xheladin Zeneli, dhe shuëm të tjerë kërkuan drejtësi dhe ndërkombëtarizm të çështjes Çame.
Në fund, të gjitah Pankartat dhe një Listë -apel, me emrat e fëmiëjve të masakruar, u lanë tek dera e Misionit.
Protestën e mbështeti edhe Federata Vatra e cila u përfaqësua me Zv/ nënkryetarin e saj z. Agim Rexhaj, sekretaren me origjinë Çame, Nazo Veliu, anëtarin e Kryesisë së Vatrës, njëkohësisht arkëtar i saj, Marjan Cubi, anëtarët e Këshillit Idriz Lamaj, Anton Raja, Muhamet Omari me zonjën, Asllan Bushati, editori i Diellit, ndryshe nga organizatat e tjera, që kishin vetëm kryetarët. Të pranishëm ishin kryetari i Legalitetit Hakik Mena, kryetari i Shoqatës Dibra Dashamir Myftari, Kryetari i Fondacionit Plavë-Guci, përfaqësues nga Fondacioni Dom Simon Filipaj, Xheladin Zenelaj nga Ana e Malit e të tjerë.
Në fund një vërejtje për komunitetin: Patriotizmi nuk shprehet vetëm në Facebook, por edhe duke iu bashkuar veprimtarive të tilla që kanë të bëjnë me çështjen tonë Kombëtare, aq më shumë që bëhej fjalë për një tragjedi, së cilës ende i ndjehen rënkimet e foshnjëve, pleqëve dhe grave dhe kërkojnë DREJTËSI!

Cindy Marina rrëfen emocionet e fitores së “Miss Universe”: Bukuria është relative, por unë e jetoj jetën si Princesha në pritje të Princit

KLOTILDA HARKA/ Cindy Marina erdhi në jetë kur Cindy Crawford ishte në kulmin e karrierës, ndaj nunët e saj vendosën ta pagëzonin me këtë emër që fati i “yllit” ta ndiqte gjithë jetën. Sot është 21 vjeçe dhe fiton kurorën e “Miss Universe Albania” për të përfaqësuar Shqipërinë në garën ndërkombëtare që do të mbahet në Kore, në fund të dhjetorit.

Për volejbollisten shkodrane të Kombëtares shqiptare që jeton në Shtetet e Bashkuara të Amerikës shkroi edhe “Los Angeles Times”, duke e bërë publikun ndërkombëtar të kthejë sytë nga ajo. Po si e rrëfen veten përtej bukurisë së Princeshës që beson te Princi i kaltër, zbulojeni në këtë intervistë të saj të parë për “Panorama Plus”.

 

Cindy Marina, një vajzë me origjinë nga Shkodra vjen nga SHBA për të konkurruar e fituar në “Miss Universe”. Çfarë të joshi për të marrë pjesë në një event bukurie?

Unë edhe pse jetoj në Shtetet e Bashkuara të Amerikës kam lidhje të forta me Shqipërinë, sepse ky është viti i katërt që unë përfaqësoj denjësisht fanellën e Kombëtares së Volejbollit kuqezi. Dashurinë dhe lidhjen me Shqipërinë e kam falë gjakut dhe prindërve të mi të mrekullueshëm. Një vit më parë unë isha një spektatore e thjeshtë e “Miss Universe” dhe dëshira për të njohur më shumë vetveten dhe ndoshta edhe një sfidë e imja në skenën e madhe do të ishte eksperiencë në vetvete.

Si u ndieve kur kalove të gjitha etapat e garës dhe në fund ishe ti fatlumja që rrëmbeve kurorën?

Fitorja pa diskutim ishte shpërblim i angazhimit tim total për të bërë më të mirën time, ndihmuar nga mbështetja shumë e madhe që më dhanë familja, të afërmit dhe sporti. U ndieva shumë e lumtur për një titull kaq prestigjioz.

Mendon se ke tërhequr vëmendjen e jurisë me fizikun e sportistes, apo sekreti yt qëndron diku tjetër?

Mendoj se fiziku duhet të jetë faktor në përzgjedhjen e një Miss-i, por unë besoj se bëra më të mirën time në këtë kompeticion, dhe sido që të ishte rezultati, unë do të ikja me mendimin se kisha fituar shumë eksperiencë dhe konfidencë, që mund të më shërbente kudo në jetë.

Duke qenë se je volejbolliste e Kombëtares shqiptare, çfarë shpirti fshihet pas karakterit luftarak, buzëqeshjes së bukur dhe natyrës së qetë në të njëjtën kohë?

Shpirti garues dhe besimi deri në fund për fitoren.

Gjatë kohës që përgatiteshit për finale, cilave prej vajzave në garë ua kishe me shumë frikën dhe pse?

Konkurrimin e bëra me 19 vajza të tjera dhe patjetër të gjitha shumë të bukura dhe të talentuara. Kështu garova me gjithsecilën prej tyre.

Të marrësh pjesë në një konkurs bukurie ku spikat eleganca, sot kur vajzat bëjnë garë me format e rrumbullakosura në rrjetet sociale, mendon se është e duhura?

Unë mendoj se gjithsecili prej nesh duhet të jetë i kënaqur me vetveten, por gjithashtu mendoj se çdo konkurs duhet të përcjellë mesazhe pozitive.

Ç’mund të zbulosh me shumë për hobet e një missi me pamjen e Princeshës si ty, çfarë të pëlqen të bësh për të dalë nga kornizat?

Unë për tani e kam jetën shumë të ngarkuar me sportin, studimet dhe detyrat që më presin për një përfaqësim dinjitoz në “Miss Universe” dhe as që mendoj për të dalë nga kornizat.

Çfarë do të bësh ndryshe nga miss-et e tjera për të përfaqësuar si duhet Shqipërinë në garën e “Miss Universe”, që do të mbahet në Kore?

Do të angazhohem me gjithë shpirt të bëj një prezantim dinjitoz siç u ka hije shqiponjave.

Si ndryshoi jeta jote pas fitores, more shumë mesazhe private dhe kishte nga ata që kërkojnë njohje me ty?

Deri tani kam qenë shumë e ngarkuar me angazhime humanitare dhe intervista. Mesazhet që kam marrë, kanë qenë të gjitha shumë pozitive dhe me urime për fitoren e merituar!

Një Miss që dëshiron paqen në botë, si mund ta trazojë botën në mënyrën më të paparashikueshme të mundshme?

Një Miss duhet gjithmonë të jetë ambasadori më i mirë i paqes, dhe mbi të gjitha të jetë pasqyrë për rininë.

E ardhmja jote cilës fushe i takon, pra, cili do të jetë profesioni yt i jetës?

Unë jam mendjehapur për të ardhmem, por përfundimisht “College Degree” është i rëndësishëm.

Je një princeshë e dashuruar, apo pas kësaj kurore pret dhe Princin e kaltër?

Angazhimi im është shumë i madh dhe, tani për tani, nuk është ai fokusi im. The Princ will arrive one day… (Princi do të vijë një ditë!”

 

Një mbretëreshë e shpallur bukurie si ty është e bindur se ka bukuri të pakontestueshme, dhe ti çfarë nuk pëlqen te vetja?

Unë besoj se bukuria është relative dhe ne duhet të respektojmë shijet e gjithsecilit, por nga vetja ime nuk do të kisha ndryshuar asgjë sepse pastaj s’do të isha vetja.

E kohës – Në demokraci pushtetin e ka populli,udhëheqja politike është shërbëtare e këtij pushteti…! – Nga Skënder Karaçica

 

***

Populli duhet të zgjohet më herët në mëngjes,përderisa pushteti që e ka zgjedh vetë me (votën e lirë)të nisë hilet në pikë të ditës…!

***

Po flitet për nepotizmin(më të njofshëm,-term i popullit,-nënvizimi im) dhe sheshit sikur dëgjojmë këngën:Rroftë daja,rroftë daja…rroftë dhe rrofshin ata që i kemi të dashurit tonë…!

***

Dasmat tona pa traditën e bukur kombëtare!Kemi edhe një reagim nga ata që,dasmën dhe traditën e kemi harruar:Mos me thirrni më në dasëm…!

***
Buxheti i shtetit është shtylla kryesore e zhvillimit,kështu thonë ekonomistët.Duhet të kemi kujdes se administrata është pika më e dobët kur e kur ajo bëhet barrë e buxhetit dhe,tevona mbetët anash zhvillimi dhe përparimi i një vendi.Administrata moderne shtetërore sa më pak zyre dhe burokraci,aq më shumë do të kemi zhvillim dhe kahe të reja të shtetndërtimit.

***

Buka e motmotit dhe hambari plotë,kombi dhe shteti janë të fortë,thotë fjala e popullit.Kosova të ruajë tokën e bukës!Jo betonim për tokën e bukës,ndonëse sipas statistikave sot kemi 0.14 ari tokë për krye të banorit(sic!).

***

Çikago,më 21 qershor 2019

Bisedë me mjeshtrin e teknikës së djegies dhe gdhendjes në dru Zija Karini – Nga ARDIAN MURRAJ (tekst – foto dhe video)

Me dy pjesëmarrje në Festivalin Shqiptar të Usterit (2017 dhe 2019), mjeshtri  i  teknikës së djegies dhe gdhendjes në dru Zija Karini ka zbuluar pasionin e tij në realizimet e qindra punimeve artistike. Si artizan i  kësaj gjinie Zijai e trashëgon këtë  mjeshtëri nga familja e tij që me punishten  axhës në Shkodrën e shekullit të kaluar rreth viteve 20-të.

Pranë këndit ku janë paraqitur punimet, Zijai dhe Fatbardha (e shoqja),  na njohin pak nga historia e e tyre duke na treguar një katalog të Dhomës së Tregëtisë Shkodër- “…ky është  katalogu i tretë, Shkodra ka pasur artizanatin më të fuqishëm në Shqipëri. Këtu është studioja ime ku pasqyrohen, veglat, modelet  dhe punimet. Tani ndodhem këtu pasi kam bërë bashkimin familjar me vajzat, por atje kam qenë mjeshtër i Artistikes së Shkodrës. Si familje e kemi mbajtur këtë traditë që më 1925-ën. Axha që e hapi kishte 40 punëtorë ndërsa si nipa të familjes bëheshim nja 9 marangozë. Në vitin 1965 shteti na tërhoqi (dhe na futi në kooperativë) me kriju Artistiken ku kam qenë bashkë me vëllain e aktores Tinka Kurti, Kolec Thani. Ndërrmarrja në vitin 1970 u bë me rreth 2200 punëtorë. Rreth 36 dreijtime me ar, argjend,  dru e shumë mjeshtri të ndryshme. Tani ka mbetur vetëm studioja që unë e kujdes, por është kënaqësi me marrë pjesë këtu se ndjej se trashëgoj traditën shqiptare.

AM- Diçka tjetër, nga sa më treguat më parë është se juve jeni i interesuar që t’ia mësoni edhe më të rinjve dhe për këtë keni hapur kurse dhe trajnime?

Zija Karini:- “Po, së fundi edhe nga Tirana një grup i përfshirë në një projekt me një shoqatë italiane morën çertifikatat (e aftësisë profesionale), dhe përsëri po më kërkojnë që të merremi me një grup të rinjsh për t’i mësuar ata dhe do të më duhet që të jem atje për dy tre ditë në javë kryesisht për drurin, 13 teknika të të cilave unë i zotëroj dhe i realizoj në punimet e mia. Këto teknika janë përhapur shumë në Shqipëri. Ja  psh, po të vini re punimin e “Gruaja Zadrimore” të piktorit Rik Ndoja, ajo është bërë (me teknikën e djegjes në dru) nga një grua punëtore prej Golemit e cila ka hapur edhe një dyqan në Tiranë. Unë kam dhënë edhe shumë intervista e pasqyrime të tjera dhe punoj me studentët e të rinjtë që ta marrin e trashëgojnë këtë zanat për mos me u harru”.

Fatbardha:-“… duhet me e trashëguar pasi është një profesion i bukur dhe është art.

Duke parë disa nga punimet, Zijai thekson përsëri se nga 9 marangozë të familjes ai ka mbetur i vetmi. Pjestarët e familjes nipa e mbesa ashtu sikurse edhe dy vajzat janë shpërndarë në Evropë apo SHBA si emigrantë dhe me shqetësim shton se si ky zanat edhe të tjerë nuk duhet që të humbasin ,

Zija Karini:-“… vetëm pazari i Shkodrës ka patur dikur rreth 2000 dyqane e mjeshtëri artizanale.”

Tani Zijai është tërhequr edhe nga fotografitë e vjetra të Studios Marubi, fondi me vlerë i të cilës mund të furnizojë temat e punimeve të drurit pasi personazhet, kostumet popullore dhe objektet e asaj kohe mund të materializohen në teknikën e drurit dhe të jenë një art zbukurimi për vendasit dhe turistët që vizitojnë vendin tonë. Zijai dhe Fatbardha nuk ndalin së treguari ato punime tërheqëse si “Malsori”, “Marrja e nuses”, “Ura e Mesit”, “Sahati Inglizit” etj deri tek portretet e historisë kombëtare e botërore trajtime plot vlera që do t’i mbeten kohës.

 

(Video) Festivali Shqiptar i Usterit Masaçuset-2019 rikonfirmohet si një ndër veprimtaritë më të mëdha shqiptaroamerikane – Fotoreportazh nga ADRIA MURRAJ

Festivali Shqiptar i Usterit Masaçuset-2019,(31 Maj dhe 1-2 Qershor), kaloi sërish provën dhe vlerësimin si një ndër veprimtaritë më të mëdha që organizojnë bashkëatdhetarët shqiptarë në SHBA duke përcjellë njohjen e vlerave të traditës së vendit të tyre (Shqipërisë), dhe bashkë me të afrimin e kësaj popullsie të rritur në numër dhe me peshë në jetën e qytetit. Kjo veçori tregohet pasi shqiptaro-amerikanët më të hershëm dhe të spaoardhur janë pjesëmarrës dhe vullnetarë me ndihmën e tyre në festivalin që organizon Kisha Orthodokse Shqiptare “Fjetja e Shën Marisë” për të shprehur dhe ndarë dashurinë dhe mikpritjen e ndërsjelltë.

Kanë përshëndetur zhvillimin e kësaj veprimtarie përfaqesues zyrtar të shetit dhe pushtetit vendor si dhe ka mbajtur një ligjeratë mirënjohjeje për qytetin ambasadorja e RSH në SHBA Floreta Faber.

Për shërbime të veçanta në bashkësi dhe ndihmesë në organizimet e festivaleve gjatë 36 viteve të mbajtjes gjallë të tyre janë nderuar At Timothy Lowe dhe priftëresha Lisa (pas shërbesës 5 vjeçare), Këshilltare dhe ish Kryetare e Bashkisë së Usterit Konstantina Lukes,  Ellen Athanas për bashkëshortin James Athanas (pas vdekjes) si bashkëkryetarë të festivalit të parë më 1983 , Steve Kerxhalli (ndërtues i tendës së parë), Peter Christopher dhe William N. Johns (ndër organizatorët e bashkësisë).

Bashkëkryetarët për Festivalin Shqiptar të Usterit Gregory Steffon dhe Frankli Zdruli çmuan punën e mbi 200 vullnetarëve, anëtarëve të kishës dhe bizneseve mbështetës të cilët mundësojnë mbarvajtjen dhe ecurinë e tre ditëve të festivalit.

Krahas shërbimeve në linjat e përgatitjes së ushqimeve tradicionale, kafenesë dhe pazarit me orendi, ikona, punime artistike (me piktorin Sterio Shodrani dhe mjeshtrin e punimit në dru Zija Karini, argjendarinë “Kuq e Zi”, Shtëpinë e kujdesit për të moshuarit “Vatra”, etj.),  gjen kudo harenë dhe miqësinë e njerzve që kanë mbrritur nga qytetet për rreth si dhe nga shtete fqinjë dhe vende më të largëta (Kanadaja). Shumica e tyre e shohin festivalin si një tërheqje me kulturën dhe traditën shqiptare dhe veç gëzimit e njohjeve të reja ata shprehin fuqishëm mbështetjen.

Ashtu si dhe herë të tjera rritmet e muzikës popullore dhe vallet nga të gjitha krahinat e Shqipërisë që luhen kryesisht nga fëmijët me moshë nga nga 7-18 vjeç (fillore-mesme), si dhe instrumentistë e këngëtarë të spikatur janë një freski në sytë e pjesmarrësve dhe marrin vazhdimisht duartrokitje dhe përgëzim.

“…vetëm me 34 orë përgatitje gjatë periudhës së fundit, vallëtarët e vegjël ju kanë sjellë shtatë kërcime të rinj”;  me këtë cilësim koreografi i grupit “Valletona” Dhimitraq Demiri paraqet punën e femijëve dhe prindërve të tyre që ushqejnë vazhdimisht ruajtjen e kulturës. Rreth 40 kostume popullore (një pjesë e të cilëve u përgatitën nga e para) patën kujdesin e Mimoza Xharja një larmi dhe freski ngjyrash që zbukuron katër shfaqjet e të rinjve në tre ditët e festivalit. Po kështu të rinjtë nga Uoterbërri Kënektikat dhe “Bashkimi Dance” Boston, përshëndetën me vallet e tyre  festivalin.

Me po kaq përkushtim u shqua treshja e motrave Danga, këngëtarja Rachel Stoja, drejtuesët muzikor Natasha Hatibi dhe Petrika Mele, DJ Helios, Andrea, Vini dhe Mikel. Violinistja Kristina Danga me shpërthimin e saj ishte tërheqëse për publikun  sa edhe e mirënjohura Eli Fara e ardhur posaçërisht nga Shqipëria për këtë veprimtari duke mbuluar drejtpërdrejtë me grupin instrumental “Alba” koncertet e dy netëve të para, pjesëmarrja e të cilëve u bë e mundur nga ndihma e bizneseve Shqina e Luarasi (“MEM Connection” dhe “Anisa Party”).

Ndër të rejat e festivalit të këtij viti dallon edhe bashkëpunimin e shqiptaro-amerikanëve me të tjera shoqata lokale ndër të cilat është dhe Muzeu Historik i Usterit që synon të përcjellë njohjen e bashkësisë shqiptare të vendosur këtu. David Conner (drejtues i Projektit të Pjesëmarrjes së Komunitetit) thekson se muzeu është i interesuar të mbledhë historitë e shqiptarve në Uster përkrah bashkësive të tjera, një projekt që kërkon bashkëpunimin tuaj.