VOAL

VOAL

Qeveria i jep 25 milionë lekë Moikom Zeqos për kurim

Një vendim i qeverisë së Shqipërisë i botuar në Fletoren Zyrtare, bën me dije se Këshilli i Ministrave ka marrë përsipër, mbulimin e pjesshëm të shpenzimeve të mjekimit të profesor Moikom Zeqos.

Me propozimin e ministrit të Shëndetësisë dhe Mbrojtjes Sociale, Këshilli i Ministrave ka vendosur mbulimin e pjesshëm të shpenzimeve të mjekimit të Moikom Zeqos, në masën 2 500 000 (dy milionë e pesëqind mijë) lekë. Ky fond të përballohet nga Fondi i Sigurimit të Detyrueshëm të Kujdesit Shëndetësor. Pagesa do të bëhet me paraqitjen e faturave përkatëse të mjekimit. Vendimi ngarkon Ministrinë e Shëndetësisë dhe Mbrojtjes Sociale dhe Fondin e Sigurimit të Detyrueshëm të Kujdesit Shëndetësor për zbatimin e këtij vendimi. Vendimi hyn në fuqi menjëherë.

Historiani, studiuesi e ish-drejtori i Muzeut Historik Kombëtar, është i sëmurë prej pothuaj tri vitesh.

Ai është Doktor i Shkencave dhe mban urdhrin e lartë “Mjeshtër i Madh” si edhe autori i 62 librave me poezi, studime arkeologjike, për historinë e artit, si dhe të një numri skenarësh për filma kinematografike e televizivë me karakter arkeologjik dhe kulturor. Ka marrë disa herë çmime të para për librat e tij. Krijime të Moikom Zeqos janë përkthyer në gjuhët anglisht, frëngjisht, greqisht, italisht, serbokroatisht, bullgarisht, rumanisht, polonisht, danisht, esperanto, gjermanisht.

Është autor i tre ekspozitave vetiake në pikturë. Ka përfaqësuar Shqipërinë në Konferenca Shkencore Ndërkombëtare me dhjetëra herë dhe është vlerësuar nga personalitete të larta të kulturës shqiptare dhe të huaj.

Kotzias-Bushati takim 3 ditor në Korçë, ja çfarë pritet të diskutojnë homologët

KORÇE- Korça do të jetë qyteti që do të presë në një takim 3 ditor ministrin e Jashtëm Ditmir Bushati dhe homologun e tij grek, Nikos Kotzias.

‘BalkanWeb’
mëson se ministri grek pritet të mbërrijë në territorin shqiptar nga pika kufitare e Kapshticës në mesditë. Takimi ‘kokë më kokë’ mes dy diplomatëve vjen si vazhdimësi e mbledhjes që u mbajt në Kretë.

Pavarësisht faktit se takimi do të qëndrojë larg vëmendjes së mediave, është mësuar se kryefjala e bisedimeve do të jenë çështjet e hapura dy palëshe. Sakaq, ministrat shoqërohen nga i njëjti delegacion që ishte edhe pjesë e takimit në Kretë.

U nis nga Londra me makinën ushtarake ruse ZIL, shqiptari mbërrin në Tiranë (fotot)

Gent Jakupi sëbashku me menaxherin e firmës së tij, Rob Gerrish kanë mbërritur në Tiranë pasi kanë përshkruar 2600 kilometra me një automjet të vjetër ushtarak rus, ZIL.

E ndalesën e parë që ai bën në Tiranë, e bën pikërisht në Top Channel, ku ka qenë i ftuar në emisionin “Pasdite në Top Channel”.

Po rrugën e kthimit për në Londër, Gent Jakupi duket se nuk do ta bëjë me ZIL-in rus, por me avion, duke thënë gjatë intervistës me Juli Krisafin se automjetin që çdokujt i kujton periudhën e komunizmit do ta lërë në Shqipëri në dispozicion të filmave dhe TV.

NJË LIBËR ME VLERA PËR MËSUESIT,NXËNËSIT DHE KOMUNITETIN – Nga Ibrahim Hajdarmataj

Shtypëshkronja Filara në Tiranë botoi librin  “Komunizmi përmes dokumentave arkivore”Represioni në periudhën e vetizolimit(gjysma e dytë e viteve 1970 dhe gjysma e parë e viteve1980).

Një botim I institutit për Demokraci Media dhe Kulturë –IDMC.

Projekti është mbështetur nga fondacioni Konard Adenauer(KAS).

Komuniteti,mësues ,nxënës janë pak të informua për periudhen e komunizmit,sepse edhe botime profesionale të dokumentave janë të pakta.Kështu në tekstet e përditshme të shkollave mungojnë.Duke shfletuar faksimile dokumentash origjinale,kështu nxënësit njihen me forma të ndryshme raportimi dhe komunikimi brenda Parti-Shtet,koncepte,figura,ngjarje,mentalitete të kësaj periudhe si dhe vlerën e këtyre burimeve.

Hapet një dritare jeshile për brezat e rinjë të lindur pas viteve 1990 për diktaturën.

Për këtë botim kontribuan Anila Beshaj,mësuese e Historisë Kolegji”Neë York”Tiranë,Aida Spaho ,mësuese e Historisë ,9-Vjeçare “Hillary Clinton”,Kamëz. Antonela Tako mësuese e historisë ,gjimnazi “Themistokli Gërmenji”Korçë. Brunilda Salaj  mësuese e historisë, 9-Vjeçare “Hasan Prishtina” Tiranë,Eljona Plaku, mësuese e historisë, 9-Vjeçare “Rreze Drite “Berat, Florenca Stafa, mësuese e historisë, 9-Vjeçare”Sulë Misri”,Elbasan ,Gentian Dedja, mësuese e historisë, gjimnazi “Dhaskal Todri”,Elbasan ,Mira Kuçi,drejtoreshë, gjimnazi,mësuese e historisë,shkolla e mesme e bashkuar”Bedri Llagani”Vaqarr, Mirela Novruzaj, mësuese e historisë, gjimnazi “Petro Nini Luarasi”Tiranë, Vojsava Kumballa ,drejtureshë ,mësuese e historisë,gjimnazi “Isa Boletini”Vorë.

Libri është I ndarë  në 11 kapituj ,për mendimin tim kapitulli më I rëndësishëm është”Rëndësia e mësimit të historisë në shkollë dhe metoda të mësimëdhenies”.

Si dhe pjesa “Dokumente arkivore”. Janë mjaft tërheqës pjesët e shkruara:

1-Gjyqi kundë”kulakëve” të Lapardhasë në vitin 1976.

2-Kontrolli I “elementëve të deklasuar”në Tiranë

3-Qarkore e KQ Të PPSH për komitetet e PPSH të rreparteve ushtarake .

4-Evidentimi dhe kontrolli I “Kontigjenteve armiqësore e keqëbërëse”.

5-Masat e PPSH për fshehjen e kampeve të  punës të të burgosurve përpara grupeve të vizitorëve të huaj.

6-Komentet e “elementit armik”pas zyrtarizimit të prishjes së  marrëdhënjeve me Kinën.

7-Diskutimi I Sekretarëve të KQ Të PPSH mbi trajtimin e të burgosurve të amnistuar në vitin 1982 .

8-Fjalimi I Ministrit të Brendëshem Hekuran Isai mbi kriminalitetin.

9-Njoftimi I Prokurorisë së Përgjithshme mbi gjëndjen e të internuarve dhe të dëbuarve në vitin 1984.

Ky libër ka bashkëautor Dr.Jonila Godole,Dr.Mag Idrit Idrizi,MA dhe MA Fatmiroshe Xhemalaj.

Cili je ti që komandon projektet tona në festivale? – Nga INA KOSTURI

Dhe si ka mundësi të jesh në dijeni të formacioneve kur projektet sapo janë dorëzuar dhe nuk ka rëndësi as mosha , as flokët, as 30 %  i kuotës së kuvendit për barazisë gjinore?

Si lexuese dhe e interesuar për shtypin kulturor  pjesë e të cilit kam qënë intensivisht nga viti 2003 me opinione, kritika e intervista, e më tepër kur diskutohet për muzikën u ndala në intervistën që Nestor Kraja , pedagog , koleg në Fakultetin e Muzikës dhe së fundmi botues i Portalit Opus.alb ka dhënë në gazetën “Sot” , 17 janar 2018.

Intervista diskuton për projektet që mbështeten nga Ministria e Kulturës në fushën e muzikës, për transparencën që kërkohet, për çështjet e artit e muzikës. Teksa lexoja intervsitën në mëndje më erdhi transparenca, selektimi dhe ” dashamirësia “ që portali Opus.alb që kolegu drejton shfaq ndaj kolegëve , muzikantëve e studentëve.  E krahasoj me Ministrinë e Kulturës dhe të paktën këtë të fundit e gjej të saktë përsa i përket dorëzimit të dokumentave, kërkesave, datave dhe një sërë rregullsish të tjera, pavarësisht numrit të shumtë të aplikuesve, që do doja shumë ti kish patur dhe portali, ndonëse portali është privat dhe nuk ndan fonde. Portali shpërndan copëza reklame që shndërrohen në lavdi për artistët, e më pas pse jo dhe në fonde nga të tjerë në bazë të reklamës. Ky është mekanizmi që funksionon tek projektet artistike, për të lavdishmit ka dhe fonde. Mos duhet transparencën i nderuar koleg ta kërkojmë së pari nga vetja, duke u qëndruar larg modeleve gjysmëshekullore të lajmit alla “ Radiostacion “ , mos duhet respektuar së pari puna e kolegëve dhe e të gjithëve njësoj duke filluar me parimin bazë të gazetarisë, dhënien e lajmit ? E lajmi ynë janë afishet e koncerteve që selektohen shëmtuar në Opus alb , që përfshijnë selektim deri tek sukseset  e studentëve. E publikimi i tyre nuk kushtojnë asgjë, e bëjnë gazetaret e kulturës çdo ditë në respekt të punës së çdo artisti. Para së ti kërkojmë Ministrisë të jetë transparente me projektet, a nuk është komuniteti i muzikantëve, komuniteti i vështirë , halli më i madh i të cilit ka qënë dhe mbetet krijimi i raporteve miqësore, raporte të fqinjësisë së mirë midis kolegëve në nderim të punës së gjithsecilit ?  I intervistuari ankohet se muzikantët nuk flasin, nuk shprehen , po nuk thotë se mendimi ndryshe nuk botohet në Opus.alb as si replikë. Kjo është një derë fare e vogël në krahasim me dhjetra portale, gazeta që komunikojnë në mbarë botën në shqip dhe në gjuhë të huaja, po ky është një portal vendi, është më pranë , gjendet midids nesh. Do më dukej normale sikur intervista të niste me një apel për përkrahjen e kompozitorëve shqiptarë dhe krijmtarisë së tyre, gjë të cilën e kam bërë disa herë në shkrime të ndryshme pa pasur asnjë interes , pa qënë kompozitore. Më çudit  fakti se intervista këtë herë nis me një term tjetër, me një hall që nuk ka lidhje as me Ministrinë , as me festivalet. Më çudit fakti se shqetësimi më madh na qenkan ansamblet muzikore që marrin pjesë në festivale, madje kërkohet nga ministria dhe një strategji për ansamblet ! Nuk besoj të jetë kryer ndonjë sondazh, ndonjë studim për të studiuar ansamblet, se akoma nuk kemi studime për muzikën shqiptare ! Nuk besioj që studimi të përfshijë moshën, kuotat e barazisë gjinore, cilët janë më rezistentë në kushtet atmosferike të ftohtësisë dimërore dhe ngrohjes në stinën e nxehtë të verës, faktin se një videoklip do kishte më shumë impakt me të rinj trendy , a do ishte mjekra e përshtatshme për ta bërë atraktiv ansamblin , apo sa kohë duhet të rinjtë të qëndrojnë bashkë në ansamble për të ndihmuar artin !  Përtej qesharakes, tendenciozes,  cili je ti që komandon projektet tona në festivale dhe aktivitete kur Ministria na jep shanse të zgjedhim aktivitetin , solistët, ansamblin , projektin ashtu  si gjithsecili e mendon e sidomos në festivale , ku të gjithë e dimë se mbajtja dhe funksionimi i shoqatave është i lodhshëm , i mundimshëm në muzikën klasike. E ç’kuptim ka termi ansambël me përvojë , ansambël i ri, si ka mundësi të jesh në dijeni të formacioneve kur projektet sapo janë dorëzuar dhe nuk ka rëndësi as mosha , as flokët, as 30 %  i kuotës së kuvendit për barazisë gjinore ?

Diskutohet për shkollën e Artit , për kuotat e studentëve. Sigurisht që në një sisitem kapitalist nuk mund të bëhen krahasime, arti ofron pak mundësi , jashtë Shqipërisë ka hapësirë për shkollim  dhe rrudhja e kuotave është normale. A mund të ketë një politikë që të favorizojë një klimë të mirë tek ne ? Sërish e gjithë kjo fillon nga vetja , para se të bejmë të tjerë fajtorë, a duhet menduar se ndryshe nga gjithë portalet muzikorë të muzikës klasike që lexon dhe kontaktoj vazhdimisht , ky që drejton është unik dhe i vetmi që e quan ambientin shqiptar , kolegët, “balturinë” , jo një herë po disa herë. I vetmi që sharjen e ka kthyer në metodë, lavdërimin në qokë.  Nuk është kjo mënyrë e të shkruarit një ndikim direkt në rënie të interesit tek studentët , nuk janë shkrimet që denigrojnë figura kolëgësh , kompozitorë e muzikantë faktorë që çojnë në një klimë të shëmtuar e humbje të interesit për shkolën, nuk janë shkrimet për koncertet e studentëve disa herë tendencioze në analiza të qëllimshme , kur të tilla nuk u bëhet profesionistëve kur çirren e stonojnë po e gjitha mbahet në heshtje ? Nuk është sulmi që u behet produkteve shqiptare shpesh krahasuar me jashtë tendencionz në dëm të përparimit ? Nuk është mospërmendja e selektimi  që i bëhet pjësëmarrjes së studentëve në aktivitete të rëndësishme jashtë, vetëm se janë studentë të x apo y pedagogu , armiq të portalit?

E teksa diskutohet për muzikën klasike krahasuar me atë të lehtë vetë portal është ai që e përkrah dhe i jep vendin më të madh kësaj muzike në postimet, nga flokët e këngëtarëve në Kaliforni tek ditëlindjet e miqve anembanë botës ?! Mos duhet transparenca të fillojë me atë shtyp për selektimin që i bën lajmeve dhe publicitetin që i jep gjërave pa vlerë ?

Teksa lexoj për operën dhe studimin e vendosjes së tyre në skenën shqiptare, memorja më thotë se ka mjaft mangësi në data dhe tituj, se dhe dikush që ka punuar në opera mund ta pasurojë atë listë të veprave të huaja dhe shqiptare të vëna në skenë nga 1960. Mjafton të hapësh RTSH dhe të shikosh një nga operat e vëna në skenë në vitet e fundit. Janë krijuar dhe shfaqur opera shqiptare në skenë dhe pas viteve 2000. Nëse i selekton para se tu përmendësh emrin, se mendon se nuk duheshin vënë në skenë, ky është një problem tjetër i madh që ka të bëjë sërish me shkeljen e rregullave bazë të gazetarisë  !

Para se të kërkosh nga Ministria e Kulturës transparencë do doja ta nisje nga vetja , së pari çlirimin nga interest e të tjerëve dhe qënia vetëvetja , përtej vënies për interesat e njërit apo tjetrit, duke marrë pozicione qesharake . Po të përshëndes me një parrullë të kohës  së dikurshme nga buron gjithë ky mentalitet “ Poshtë lufta kundër ansambleve muzikore, rroftë mendimi i lirë”.

E rëndësishme është mbajtja larg e këtyre mendimeve nga ata që merren me projektet në Ministrinë e Kulturës , përkrahja e artistëve , solistë, individë, orkestra e gjithë formacionet në të mirë të përparimit të artit dhe pasurimit të skenës shqiptare, ruajtjes së trashëgimisë kulturore në muzikë.

Kujdes! Këta emra nuk lejohen t’u vendosen fëmijëve në Shqipëri

Në zyrat e Gjendjes Civile në Republikën e Shqipërisë, ekziston një listë me emra të papërshtatshëm për t’ia vendosur një fëmije.

Mbi 60 emra që gjenden në këtë listë, nuk mund t’u vendosen fëmijëve të sapolindur. Ja lista e emrave të ndaluar në Shqipëri:

Ankim

Arançata

Avash

Bretk

Berr

Burgim

Ballokume

Car

Cub

Currane

Currele

Careva

Carina

Cbane

Dert

Derman

Dovle

Durak

Ekran

Eros

Ferman

Federatë

Fodulle

Gazep

Gallata

Gabime

Groshë

Gjezap

Hyzmet

Hiçe

Hafije

Helme

Ironi

Jermsine

Keqan

Keqe

Krajlice

Levere

Meze

Mëshirë

Mjafte

Mjaftime

Mjaftoni

Mbarime

Mbete

Mbylle

Marrëzi

Ndalim

Pikëllime

Pafate

Pseerdhe

Rikë

Rakita

Spece

Sose

Stenate

Sherre

Shkurte

Shkurtime

Vajtime

Xhenaze

Zehere

Ish-mexosoprano: Çelikun e ngritën nga shtrati i lëngimit për t’ja dhënë shpejt e shpejt titullin

Moza Demiri, ish-mexosoprano e Operas ka reaguar ashper per dekorimin e artistit te ndjere Rexhep Çeliku, te cilit pak dite para se te ndahej nga jeta, iu dha titulli “Nderi i Kombit”.

“Rexhep Çelikun e ngriten nga shtrati i lengimit per tja dhene shpejt e shpejt titullin, ashtu…”me e heq qafe debatin mbas” dhe pas dy ditesh zemra i pushoi e cila mund te kishte ndodhur edhe ne ato momente, mjaftone ata te mos kishin telashe…ja ta dhame edhe titullin sa je gjalle dhe 48 ore…”, shkruan ish-mexosopranoja.

 

REAGIMI I PLOTE:

“Flisni o artist, Mos e poshtroni kolegun tuaj…do j’u vije rradha edhe ju…Nga keta mund te presesh gjithcka.

Banditizmi, djallzia, pabesia…. arrine deri ne shtratin e…..!

Moza Demiri
Moza Demiri

Banditet edhe vleresimin e nje artisti te madh e bejne banditçe…Rexhep Çelikun e ngriten nga shtrati i lengimit per tja dhene shpejt e shpejt titullin, ashtu…”me e heq qafe debatin mbas” dhe pas dy ditesh zemra i pushoi e cila mund te kishte ndodhur edhe ne ato momente, mjaftone ata te mos kishin telashe…ja ta dhame edhe titullin sa je gjalle dhe 48 ore…Nuk dua te shkruaj gjate per horrat e djallzuar qe kane ne dore njerezit me vlera te verteta, ajo eshte bere tashme e zakonshme…harxhojne gjithcka duke u kujdesur per antivleren dhe nuk kane lene kriminel pa bere nderi i kombit, madje i nderojne ata duke ju bere salltanete festimesh neper salla lluksi akoma atyre qe nuk j’u ka munguar kurre privilegji, si ne komunizem edhe sot, jane me fare e fis ne krye te artit qe vendosin akoma fatin e te tjereve…. ….nder kohe vlerave te kombit j’u jepet titulli i meshires dy dite para se te vdesin.

Turpi i tyre eshte kthyer tashme ne suksese dhe mund te pritet gjithcka e kobshme.

Vdekja e 7-vjeçares në spital, flasin prindërit: Nuk hante, prej dy ditësh…

Dyshohet se vdekja e 7-vjeçares në Durrës është shkaktuar nga gripi toksik. Kështu të paktën deklarojnë mjekët e spitalit të Durrësit pas ngjarjes së rëndë në Durrës, ku një vajzë 7 vjeçe humbi jetën pak orë pasi mbërriti në spital me temperaturë të ulët.

Prindërit kanë deklaruar se vajza prej dy ditësh ishte me grip dhe nuk arrinte të ushqehej. Ata e dërguan në spital por ajo kaloi në gjendje të pavetëdijshme duke u futur në koma.

Ndërkaq mjekët kanë deklaruar se vajza vuante nga një formë mjaft e rëndë e gripit, ose ndryshe i quajtur ‘gripi toksik’. Pas vdekjes së vogëlushes mjekët e spitalit të Durrësit janë mbledhur për të analizuar rastin. Nga ana tjetër policia vijon hetimet për zbardhjen e plotë të rrethanave dhe shkaqeve.

BW

Si është rinia shqiptare sot, është shoqëria shqiptare nesër – Nga Fran Gjoka

Sipas një studimi të fundit të Unicef, rezulton se janë mbi 2000 fëmijë shqiptarë që shfrytëzohen në rrugë si lypës dhe aktivitete të tjera kriminale.

Në dekadat e fundit, është bërë shumë në politikat e shtetit për mbrojtjen e të rinjve, të cilët kanë filluar të konsolidohen si “prioriteti i prioriteteve “. Por kujdesi për të rinjtë tanë nuk është kurrë i tepërt. Si është rinia shqiptare sot, është shoqëria shqiptare nesër. Ndoshta është momenti të mendojmë dhe të thellojmë politikat sociale, përpjekjet dhe zgjidhjet më të mira institucionale, për të parandaluar dhe zbutur sadopak këtë dukuri që dëmton shëndetin e sotëm dhe të nesërm të shoqërisë shqiptare. Shkolla jonë, si institucion i specializuar, po bën përpjekje maksimale, që të rinjtë tanë të kuptojnë se si funksionon një shoqëri demokratike dhe se si mund të fitojnë ato disa përgjegjësi për të ndihmuar veten dhe shoqërinë. Mbështetja e të rinjve të sotëm nga shkolla, prindërit, shoqëria dhe ligji është një detyrë dhe domosdoshmëri, sepse ndodhja përballë disa faktorëve negativë, si alkooli, duhani dhe droga, krijon nevojën e një fronti unik shkencor për t’i përballuar dhe bërë të mundur që kjo rini t’i thotë vetë jo alkoolit, duhanit e drogës. Shpesh adoleshentët, duke krijuar varësi nga pija, nuk gjejnë kënaqësi. Ajo çka përfiton, janë çastet e shkurtëra të qetësimit të përkohshëm fizik e emocional, duke tentuar të ndjehet normal, por në të vërtetë krijon precedentë të rrezikshëm për shendetin e tij fizik e mendor dhe jetën në tërësi.

Ne, shkolla, familja, organizmat e specializuar të shendetit publik dhe vetë shteti me legjislacionin e nxjerrë, duhet t’u shpjegojnë rreziqet reale e detyrimet ligjore. Adoleshentët duhet të kuptojnë se gjithë interesimi i shoqërisë sonë dhe shtetit demokratik është për të mirën e shëndetit të tyre mendor e fizik me qëllim që shoqëria shqiptare të rrisë njerëz të aftë në përballimin e sfidave reale që koha nxjerr para tyre. Është fakt që alko lizmi është sëmundje, si: diabeti, epilepsia ose sëmundjet e tjera, që kanë pasoja shumë serioze për shëndetin, që krijojnë sëmundjet e mëlçisë, zemrës, ndryshime të humorit etj. Dhe të gjitha këto çojnë në një sjellje agresive apo depresive.

Është mirë që të punohet edhe nga legjislatorët e drejtorisë së shëndetit publik për të përcaktuar detyra ligjore për duhanpirësit dhe të alkolizuarit nën moshë, sepse sot në botë, nga kompani të fuqishme prodhimit të duhanit shpenzohen mbi 5 mijë dollarë në minutë, ku përfshihen dhe reklamat për promovimin e produkteve të tij. Përballë kësaj reklame të fuqishme botërore, të rinjtë tanë detyrimisht bëhen viktimë e këtij presioni propogandistik. Adoleshentët sikur duan siguri të vazhdueshme që çfarë ndodh me ta është normale dhe e drejtë dhe bëjnë përpjekje për t’u bërë të dukshëm. Ata besojnë që të rriturit në jetën e tyre nuk janë të aftë të dallojnë shqetësimet që ata mbartin. Kjo është koha e ndryshimeve të mëdha në marrëdhienet e tyre me të tjerët. Familja nuk është pjesa e identitetit të tyre, grupi i moshatarëve fìton më shumë rëndësi dhe komunikimi midis të rinjve dhe familjeve të tyre fillon të bjerë. Pra, është një periudhë stuhie dhe tensioni, të cilën, me përvojën tonë, të familjes, të shkollës, institucioneve të shëndetit publik etj., duhet ta menaxhojnë mirë e me shumë kujdes që të kemi një brez që t’i thotë jo alkoolit, duhanit e drogës.

Arsimi ka detyrim human e njerëzor, ligjor e social për zbutjen deri në parandalim të fenomenit negativ dhe me pasoja komplekse që lidhen me trafikimin. Mbi të gjitha, ai ka edhe mekanizma për arritjen e një synimi të tillë. Kjo lidhet me faktin se shkolla është institucioni i vetëm që jep arsim dhe edukim në mënyrë të organizuar dhe të vazhdueshme.

Dukuria negative, në se nuk është e pranishme, në mënyrë ta hapur, ajo shfaqet fshehurazi dhe vepron në përshtatje me terrenin dhe rrethanat. Kjo do të thotë se në një mjedis shkollor dhe në një komunitet, aq më tepër edhe në një familje, ku edukimi funksionon me mangësi, ose me të meta të dukshme, ku familja ia lë spontanitetit edukimin dhe arsimimin e fëmijëve, atëhere krijohen lehtësira për trafìkantët. Ata, duke qenë mjeshtër të shfrytëzimit të rrethanave favorizuese, nxitojnë të punojnë, kryesisht në mënyrë të organizuar, për të arritur qëllimet e tyre të mbrapshta.

Sipas një studimi të fundit të Unicef, rezulton se janë mbi 2000 fëmijë shqiptar që shfrytëzohen në rrugë si lypës dhe aktivitete të tjera kriminale. Madje sipas studimit në fjalë mbi një e treta e fëmijëve ndodhen në situata rruge, ku tregohet edhe rreziku trafikant i tyre. Është detyrë imperative e pushtetit lokal dhe Ministrisë së Mirëqenies Sociale të ndjekin me përparësi që çeshtja në fjalë të shikohet deri në fund, duke mbrojtur e trajtuar këtë kategori fëmijësh si të gjithë fëmijët shqiptarë. Është shkolla,institucioni i specializuar, ku brenda saj qindra psikologë e të punësuar të tjerë socialë, që duhet të japin ndihmesën e tyre në evidentimin e numrit të nxënësve që braktisin shkollën, duke vënë kështu shkollën në pozita kërkimi dhe studimi për një mbarëvajtje të mirë të punës mësimore, edukative në shkollë.

Duke njohur mirë rrezikun social dhe pasojat që sjell fenomeni, gjykojmë se vëmendja e arsimit dhe strukturave tona drejtuese për parandalimin sa të jetë e mundur e dukurisë, duhet të përqëndrohet në disa drejtime. Ato përbëjnë në të njëjtën kohë edhe prioritetet e institucionit për vitin në vazhdim.

 pari, forcimi i rolit edukues të shkollës, përbën një prej prioriteteve për të ardhmen. Ne po përpiqemi që edukimin dhe normat kulturore dhe vlerat demokratike t’i realizojmë përditë e në çdo hapsirë të krijuar, për të mos lënë boshllëk, që mund ta shfrytëzojnë për interesa të tyre trafìkantët, të cilët veprojnë në fshehtësi të madhe. Masat e marra nga MAS përmes ndryshimeve në legjislacion dhe lëshimit të disa udhëzimeve për krijimin e hapsirave dhe mundësive të gjetjes së kohës, janë një mundësi më shumë për riorganizimin më me efektivitet të punës së kualifikuar dhe të organizuar edukative.

 dyti, prioritet do të jetë edhe koordinimi dhe bashkërendimi i punëve të arsimit me të gjithë aktorët e tjerë të interesuar për edukimin në tërësi dhe mënjanimin sa të jetë e mundur të fenomenit të trafikimit që është me pasoja shkatërruese për viktimën dhe familjen e saj. Në radhë të parë, përparësi do të ketë bashkëpunimi me organet e pushtetit vendor, me qeveritë e nxënësve dhe strukturat e prindërve në shkollë, siç është bordi drejtues dhe këshillat e prindërve dhe më shumë dhe në mënyrë të organizuar dhe të përhershme me familjen, pasi kjo e fundit është institucioni më i rëndësishëm për edukimin e fëmijës dhe parandalimin e fenomenit.

Së treti, do të vlerësojmë maksimalisht frymën e bashkëpunimit me shoqërinë civile, me specialistë të kësaj fushe, duke blerë edhe shërbime, me shoqata që veprojnë në territorin lokal, që janë të mirorganizuara dhe që e kanë për detyrë funksionale edukimin. Në këtë kuadër do të punohet me projekte, të cilat do t’i shërbejnë më mirë edhe trajnimit të prindërve për problemet e edukimit dhe të parandalimit të fenomenit në tërësi. Është një praktikë pune jo e lehtë për t’u arritur, por jo e pamundur, pasi bota e qytetëruar ka kohë që e ka bërë të sajën.

Se katërti, do të synohet sigurimi i detyrimit shkollor, pasi vajzat e pashkolluara janë më të rriskuara ndaj fenomenit dhe më të pambrojtura. Në këtë kuadër ka filluar të zbatohet një plan veprimi për ngujimin e fëmijëve në gjakmarrje, duke u nisur edhe nga fëmijë që, për arsye të ndryshme, asnjëherë nuk e kanë shkelur shkollën. Kryesisht këta janë fëmijë të pakicave si dhe të familjeve me nivel shkollimi shumë të ulët, me probleme të mprehta sociale dhe ekonomike dhe që nuk vlerësojnë edukimin dhe arsimimin. Plani i veprimit, i miratuar nga MAS, do të zbatohet hap pas hapi, ku shkollat kanë detyrimin kryesor.

Tritoli në Shkodër – Ish-drejtuesi i policisë: Shkak, trafiku i kanabisit

Ish-drejtuesi i Policisë, Arjan Hoxha, i ftuar në studion e Report Tv ka zbardhur detaje nga atentati me moto-bombë në Shkodër, ku mbetën të plagosur tetë persona, mes të cilëve shënjestra e sulmit Lul Kulla dhe 7 të tjerë kalimtarë të rastit.

Lënda shpërthyese ishte vendosur në një motor pranë një objekti dy katësh në pronësi të shënjestrës. Për Arjan Hoxhën atentati i sotëm dyshohet se ka lidhje me pazaret e drogës, pasi Kulla një vit më parë është arrestuar për kultivim kanabisi.

 

“Një nga pistat kryesore ku po heton policia e shtetit është trafiku i kanabisit, Kulla ka qenë i arrestuar në 2016 për kultivim kanabisi. Besoj se policia do hedhë dritë shumë shpejt mbi këtë ngjarje, pasi të bëhet këqyrja e kamerave, zbardhja e të kaluarës së shënjestrës”, u shpreh Hoxha.

Ai thekson gjithashtu se nga rrethanat si ka ndodhur atentati me bombë, autorët kanë mirëmenduar planin, pasi policia ishte në festë, ndërsa kanë studiuar edhe lëvizjet e objektivit. “Momenti i sulmit i mirëmenduar, pasi policia ishte në festë, autori e ka studiuar lëvizjet e objektivit të atentatit. Për shkak të provave të pakta që lënë këto prova penale, janë tepër të vështira për t’u zbuluar”.

Hoxha komentoi edhe largimin nga detyra të Haki Çakos, i cili sipas tij duhet të ishte shkarkim. “Është përdorur lirim dhe jo shkarkim, kjo është bërë qëllimisht, por në fakt duhej theksuar shkarkim nga detyra”.

Gara për kreun e FSHF-së, PS-ja del publikisht pro Bashkim Finos

Me nje pyetje direkte ‘Bashkim, e bën dot?”, deputeti Erion Braçe ka reaguar përmes një status në facebook për zgjedhjen e kreut të FSHF.

Permes nje shenimi te gjate ne faqen e tij ne FB. Braçe kërkon që të shkatarrohet sistemi kriminal qe eshte ndertuar dhe i jep dhe një përgjigje akuzave se politika po ndërhyn në këto zgjedhje.

brace duka

Postimi i plotë i deputetit Braçe:

MERRJANI FUTBOLLIN SISTEMIT!
KTHEJANI FUTBOLLIN POPULLIT, FEMIJEVE E TE RINJVE!
BASHKIM, E BEN DOT?
DERISA TE NDODHE KJO, NUK ME INTERESON FSHF!

Nuk kam ndonje interes per zgjedhjet ne Federaten Shqiptare te Futbollit!
Po fare!

E di, do dale dikush te me kujtoje se,
une kam qene heret kunder Dukes dhe federates se tij.

Pooo, kam qene e jam kunder!
Nuk e fsheh!

Por,
me shume se sa kunder Dukes-individ,
me te cilin as me lidh gje e as kam ndonje gje,
une jam kunder sistemit kriminal qe po vret futbollin!

Per kete nuk flet kush!
Lexova edhe kete interviste te Bashkim Finos,
pa diskutim e vleresoj angazhimin e tij per futboll te paster e te ndershem.
I besoj!

Por mua me intereson Sistemi qe Duka ka krijuar.
Ai nuk iken edhe nese iken Duka.
Ai eshte paligjshmeri, pandershmeri, trukim, mashtrim, tallje dhe,
miliona euro te fituara, ricikluara qe po vrasin dite per dite futbollin.
Ai tallet me qindra mije shqiptare qe e duan futbollin,
femije qe duan te luajne futbollin e te rinj qe e luajne futbollin.

Ky Sistem qe nis ne Federate, zbret ne fushe, luhet ne baste dhe,
mbrohet ne televizionin e tani-me cpo shoh, televizionet e Sistemit,
duhet shkaterruar.

Per te cliruar futbollin,
per tja marre Sistemit e per tja kthyer popullit, femijeve e te rinjve,
burrave e grave pasionante qe e ndjekin ate,
si lojen me popullore ne bote.

Bashkim Fino,
nese e ben kete i ke bere nje sherbim te madh,
qindra mije femijeve e te rinjve-se pari, ne kete vend.

Ne ane tjeter,
jam i neveritur nga alibia qe po nderton Armando Duka:
politika po nderhyn ne zgjedhje!

Jo vetem se nuk eshte kjo e verteta.
Por mbi te gjitha sepse kjo alibi deshmon se Duka nuk po mendon fitoren,
por me ligesi demtimin e Shqiperise, futbollit te saj ne Evrope e ne Bote.

Armando Duka llogarit humbjen dhe, po i flet UEFA-s e FIFA-s per politiken, qeverine qe po nderhyn ne futboll.
PO KERKON NDESHKIMIN E SHQIPERISE,
PASI KA SHPALLUR VETEN TE PERJETSHEM NE KRYE TE SISTEMIT TE TIJ!

E verteta eshte krejt tjeter!
Armando Duka eshte zgjedhur kater here president i FSHF me nderhyrjen dhe mbeshtetjen e drejtperdrejte te Partise Socialiste.

Po po, e kane votuar te njejtat bashki qe vetem tani tregohen nga Armando Duka si instrumenti i politikes per te “nderhyre ne futboll”.

Me urdher!
Une kam qene aty dhe e di fare mire kete gje!

Kjo eshte arsyeja qe,
Armando Duka nuk beri asgje as ne mandatin e pare, as ne mandatin e dyte,
as ne mandatin e trete, as ne mandatin e katert,
per te cliruar klubet e futbollit nga varesia e bashkive.

Bashkite ishin vote politike per te dhe ky ishte instrumenti i tij per te fituar!

Por edhe nuk mund te bente me shume se kaq!
Sistemi kriminal qe ka ndertuar, ka shkaterruar garen,
pa gare te drejte e te ndershme nuk ka ekonomi per futbollin dhe,
pa ekonomi, klubet e futbollit e vete futbolli reflektuan mjerimin e financave te bashkive.

Ky eshte mjerimi qe kemi sot!

Bashkim Fino,
nese e rrezon kete skeme-instrument, sic degjova,
i ke kthyer ekonomine futbollit, e ke shpetuar njehere  e pergjithmone!

Ndaj, derisa te ndodhe kjo, nuk me intereson Federata  Shqiptare e Futbollit!
Po fare!

Nderim pas vdekjes – Fjalimi prekës i djalit të Sokol Barajt, shefit të policisë më ’97

Mes dhimbjes per humbjen e te atit dhe emocionit te madh per vleresimin e punes qe babai i tij la pas, djali i ish-drejtuesit te ndjere te Policise, ish-zv/minister i Brendshem, Sokol Baraj ka folur sot pas dekorates qe iu akordua ne 105 vjetorin e Policise se Shtetit. Dekorata e “Artë të Shqiponjës” iu dha Sokol Barajt, me propozim te ministrit dhe firmosur nga kreu i Shtetit, Ilir Meta.

 

Dekorata iu dorezua bashkeshortes se tij te ndjere dhe te birit, i cili ndau me te pranishmit keto fjale.

“Ndihem shumë i privilegjuar të jem këtu sot dhe të pranoj këtë dekoratë në emër të babait tim i cili nuk jeton më, dhe ka lënë pas një boshllëk jashtëzakonisht shumë të madh. Megjithëse kjo dhimbje kaq e madhe s’është e lehtë të kalohet, por çdo vlerësim nga ana juaj e bën më të lehtë, dhe është një ngushëllim që unë e vlerësoj jashtë mase.

1

Arritjet profesionale të babait tim unë i kam kuptuar në një moshë pak të madhe, pasi ai nuk fliste shpesh për arritjet e tij. Nuk shprehej, nuk tregonte si drejtues por si një nëpunës i thjeshtë duke filluar që nga baza e deri në majë të piramidës, ndërtimin dhe reformimin e policisë që ne njohim sot.

Dhe pavarësisht se nga viti ‘97 deri tani ai u la në harresë, pavarësisht vështirësive që ka kaluar gjatë gjithë atyre viteve, unë e vlerësoj këtë dekoratë dhe falënderoj zotin Xhafaj që e propozoi, zotin Meta që pranoi që im atë të dekorohej.

Ndihem i privilegjuar që jam mes jush e kolegëve të tim ati, kjo është edhe meritë e juaj që i keni qëndruar pranë në një moment të vështirë”.

Kush ishte Sokol Baraj

Sokol Baraj vdiq pas nje ataku ne zemer, nderkohe qe ishte vetem 53-vjeç.  Ai la gjurmë në historinë e Policisë së Shtetit me punën e tij gjatë periudhës së vështirë të 97-ës.

Drejtor i Policisë së Shtetit – Koha e qëndrimit në detyrë: 3 korrik 1997-16 maj 1998 (dhjetë muaj e gjysmë). Ka punuar deri në vitin 1993 në SHIK, largohet për shkak të reformës, në 1997 zëvendësministër i Rendit e më pas Drejtor i Përgjithshëm i policisë.

Më pas karriera e tij vazhdon si këshilltar i kryeministrave shqiptarë për probleme të rendit dhe sigurisë dhe sërish në Shërbimin Informativ.

Më pas, pedagog në Akademinë e Rendit dhe nga viti 2005 e nxjerrin në lirim. Në vitet 1990-1991 ai ka qenë drejtues i Komisariatit të Kavajës. Baraj ka luajtur edhe me skuadrën e Dinamos si portier.

Ja kush janë 7 të plagosurit nga shpërthimi në Shkodër, dy rëndë nisen drejt Tiranës

Rritet numri i te plagosurve nga shpërthimi i forte qe tronditi sot Shkodren. Sipas gazetarit te “Panorama”, mesohet se nurmi i te plagosurve ka shkuar ne 7, mes tyre edhe shtetasi Lulzim Kulla qe dyshohet te jete edhe objektivi i atentatit me tritol.

Dy persona, mes te cileve edhe Kulla, jane ne gjendje te rende dhe jane nisur drejt Tiranes.

 

“News 24”, ben me dije se jane identifikuar personat qe mbeten te plagosur nga shperthimi ne Shkoder. Ata jane Lulzim Kullaj, 42 vjeç, Arjola Gjonaj, 31 vjeçe, Pjetër Arra, 53 – vjeç, Gentian Suça 40 vjeç, Ditmir Myftia 32 vjeç, Pjeter Daka 60 vjeç dhe Gardosileviç Roikq, 50 vjeçe.

Shperthimi 

Gazetari i “Panorama” raporton se shperthimi i forte i eksplozivit ka ndodhur ne katin e pare te nje ndertese, ne kete lagje, ku ndodhej shoqata e pakicave serbe.

Si pasoje e shperthimit te forte u tha fillimisht se mbeten kane mbetur te lenduar tre-kater persona, te cilet jane derguar me urgjence ne spital per te marre ndihmen e nevojshme mjekesore.

Nga shperthimi u demtua ndertesa dhe nje automjet tip fuoristrade, qe ishte e parkuar fare prane nderteses.

Shembja e pallatit në Vlorë – Qeveria dëmshpërblim 16.8 milionë euro

Pagesa që ish-ndërtuesit dhe pronarët e apartamenteve që u shkatërrua në vitin 2013 në Vlorë është 16 milionë e 800 mijë euro.

Gjykata e Strasburgut ka zbardhur bashkë me vendimin që dënon shtetin shqiptar, edhe tabelat e pagesave. Pagesa fillestare është 14.2 milionë euro, por është marrë parasysh inflacioni dhe interesi për katër vite, duke e rritur shifrën.

 

Përfitues janë 18 persona, 16 prej të cilëve pronarë me nga një apartament dhe që do të marrin nga 90 deri në 200 mijë euro si dëmshpërblim.

Përfituesit kryesorë janë dy shtetas. Xhaferr Isufi, vjehrri i kryetarit të Partisë Demokratike, Lulzim Basha, pronar i vetëm në 35 apartamente e ambiente do të përfitojë 6.2 milionë euro. Por ai, do të kompensohet deri në gjysmën e vlerës prej 7.2 milionë euro për 25 prona që i ka në bashkëpronësi me shtetasin Xhuvi Sharxhi.

Në total Xhafert Isufi përfiton rreth 9.8 milionë euro. Në vendimin e Gjykatës citohet një intervistë e Ylli Manjanit dhënë për Top Channel, atëkohë zv.ministër i Transporteve dhe Infrastrukturës, që shpjegonte parregullësitë e dhënies së lejes së ndërtimit për këtë pallat.

“Është një pasojë e një morie pavlefshmërie absolute, e një morie shkeljesh flagrante të ligjit shqiptar”, deklaronte Manjani në atë kohë.

Juristja Erinda Ballanca, në atë kohë si e dëmtuar kishte këtë reagim.

“Pavlefshmërinë nuk e gjykon një organ i administratës shtetërore, siç është zoti Manjani, sot, apo edhe INUK-u”, deklaronte Ballanca.

Me ankesën se vendimet e gjykatave shqiptare nuk respektoheshin, pronarët e apartamenteve dhe ndërtuesit, me ndihmën e një avokati italian paditën qeverinë shqiptare më 10 shkurt të vitit 2016.

Seanca e pare publike e gjyqit është realizuar më 23 maj të vitit 2017, një javë pas marrëveshjes Rama-Basha, që çoi në mbylljen e çadrës së protestës.

Në gjyq përballën qëndrimet e tyre përfaqësuesit e Ministrisë së Drejtësisë shqiptare, drejtuar nga avokatja e shtetit Alma Hiçka dhe avokati i palës së dëmtuar, i cili këshillohej nga juristja Erinda Ballanca, e cila në këtë kohë ishte Avokate e Popullit, sipas marrëveshjes politike mes Ramës dhe Bashës.

Gjykata e Strasburgut dëgjoi të dëmtuarit, të cilët paraqitën edhe disa vendime rresht të gjykatave shqiptare, ndërsa përfaqësuesja e qeverisë shqiptare, në maj të vitit 2017 para Gjykatës së Strasburgut se kanë dhënë shpjegime verbale, sepse çështja ishte ende në Gjykatën e Lartë dhe se kanë pranuar se ishte një ndërhyrje në të drejtat pronësore të aplikantëve për shkak të procedurës së shpronësimit.

“Fizikisht, në 600 metër/katrorë truall ne kemi 3000 metër/katrorë ndërtim si pasojë e një spektakli institucionesh totalisht të korruptuara”, deklaronte po në atë kohë, Ylli Manjani.

Këtë qëndrim përfaqësuesi i Qeverisë në vitin 2013 e kishte të qartë, por në gjyqin në Strasburg në vitin 2017, një tjetër përfaqësues i shtetit nuk e ka paraqitur, të paktën kjo duket nga vendimi përfundimtar. Pra me të tjera argumenta u prish e me të tjera u mbroj katër vjet më vonë një vendim që do t’u kushtojë shtrenjtë takspaguesve shqiptarë./Top Channel

Shpërthim me tritol në Shkodër, ka të plagosur

Mëngjesin e sotëm një shpërthim me tritol ndodhi në një dyqan në Shkodër, ne lagjen Rus.

Paraprakisht mësohet se janë 3 persona të plagosur

Eksplozivi ishte vendosur në hyrje të një dyqani.

Vijon…

Forumi Ekonomik Botëror: Shqipëria e fundit në Europë

Ekonomia shqiptare vuan mungesën e një modeli të rritjes së qëndrueshme ekonomike, e ky është padiskutim problemi numër një. Mungesa e rritjes së qëndrueshme ndërkohë është më së shumti rrjedhojë e një ekonomie që nuk prodhon. Këtë e vërteton me shifra edhe një raport i fundit i Forumit Ekonomik Botëror, raporton Scan. “Raporti për gatishmërinë e prodhimit në të ardhmen 2018”, e rendit vendin tonë të 91-tin në botë, ndër 100 ekonomi. Shqipëria rezulton të jetë vendi i fundit në Europë dhe i fundit në rajon për rrjedhojë. Raporti vlerëson pozicionimin e secilës prej këtyre 100 ekonomive, sipas shkallëve të zhvillimit sa i përket prodhimit si dhe aftësinë e këtyre vendeve për t`u transformuar në bazë të ndryshimit të natyrës së prodhimit nëpërmjet adoptimit të teknologjisë së re.

Vetë Forumi Ekonomik Botëror saktëson se, ky raport duhet të shërbejë si një benchmark, ose guidë për veprimet e mëtejshme. Forumi Ekonomik Botëror i dedikon një profil të detajuar ekonomisë shqiptare në drejtim të kësaj aftësie.

Rezultatet nuk janë aspak shpresëdhënëse. Shqipëria renditet në vendin e 91-të në botë në indeksin e strukturës së prodhimit. Ky i fundit ndahet në dy nën-indikatorë, shkalla dhe kompleksiteti.

Te ky i fundit jemi të 78-tët në botë, ndërsa te shkalla, të 98-tët. Edhe nën-indikatori që i referohet manifakturës e rendit Shqipërinë në vendin e 98-të në botë. Sa i përket aftësisë për t`u inovuar, ekonomia shqiptare është e 93-ta në botë.

Performancën më të mirë vendi ynë e regjistron në indikatorin e kapitalit njerëzor, çka nënvizon atë që të gjithë dinë, se ekonomia ka një potencial të pashfrytëzuar.

Nën-indikatorët e tjerë ndërkohë janë rreth 80 në total. Në prag të Forumit të Davos, Forumi Ekonomik Botëror publikon një sërë raportesh mjaft të rëndësishme, dhe ky është ai që hap sipari

E frikshme: 10 foshnja vdesin në 10 ditë, reagon materniteti

Kanë qenë anomalitë shëndetësore ato që kanë çuar në humbjen e jetës së foshnjave në Maternitetin e Ri dhe jo mungesa e inkubatorëve apo vendeve të oksigjenimit, shkruan “Panorama”.

Të paktën kjo është ajo që pretendohet jozyrtarisht nga mjekët e maternitetit “Koço Gliozheni”. Sipas informacioneve nga ky spital, në harkun e 10 ditëve kanë ndërruar jetë 7 foshnja, 4 nga të cilat kanë lindur para kohe ndërsa tri të tjera kanë lindur me probleme shëndetësore.

“Në këto rrethana ka qenë gati e pamundur mbajtja e tyre në jetë”, pohohet nga mjekët. Por, pavarësisht këtyre informacioneve të dhëna nën zë, ka munguar një qëndrim zyrtar nga strukturat drejtuese të spitalit apo edhe Ministria e Shëndetësisë në lidhje me këtë situatë të krijuar vetëm në harkun e 10 ditëve të para të këtij viti.

Çfarë mësohet, po ashtu, është edhe se tri nga foshnjat që kanë lindur me probleme shëndetësore, janë nga paciente të dërguara nga spitalet rajonale, përkatësisht nga Rrogozhina, Librazhdi dhe Saranda.

Këto fëmijë, pavarësisht kujdesit mjekësor, nuk ia kanë dalë. Të njëjtin fat kanë pasur edhe 4 foshnja të tjera, të cilat kanë lindur para kohe, përkatë- sisht në javën e 26-të të shtatzënisë së nënës. Pas një kujdesi disajavor në inkubator, ato, po ashtu, kanë ndërruar jetë.

Ndërkohë, në denoncimin e bërë nga deputeti i Partisë Demokratike Bardh Spahia, pretendohet se rastet kanë përfunduar në fatalitet nga mungesa e kushteve. Numri i kufizuar i inkubatorëve dhe vendeve të oksigjenimit ka bërë që foshnjat të mos marrin kujdesin e domosdoshëm mjekësor.

Por kjo akuzë hidhet poshtë nga mjekët e spitalit, të cilët thonë po ashtu se nuk ka mungesa dhe shërbimi është ofruar në kushte optimale.

Debati për Skënderbeun – Lubonja: Mit i rimarrë dhe rikonstruktuar. Reagon Xhufi

Rikthehet edhe një herë debati mes akademikut Pëllumb Xhufi dhe analistit Fatos Lubonja lidhur me figurën e Skënderbeut.

 

I ftuar dje në emisionin “Debati në Channel One”, Xhufi e akuzoi ashpër Lubonjën kur gazetari Qafoku citoi një pjesë nga shkrimet e Lubonjës.

Kohë më parë Lubonja kishte deklaruar për Skëndebeun: “Miti i Skënderbeut është një konstrukt historik i ndërtuar në një kohë të caktuar dhe në një kontekst të caktuar luftrash dhe urrejtjesh nacionale. Pra kur ai trajtohet si mit, çështja nuk duhet të shtruar si ka qenë Skënderbeu por si dhe në ç’kontekst është strukturuar miti i Skënderbeut. Për mua Skënderbeu është një mit i rimarrë dhe i rikonstruktuar mëse një here”.

Por Xhufi dje ka qenë shumë i ashpër me këtë perifrazim.

 

Xhufi deklaroi: “Lubonja është krejtësisht i palexuar për këtë çështje. Do t’i lutesha shumë që ti rrijë larg Skënderbeut. Nuk ka asnjë punë ai me këtë figurë. Le të merret me plot punë të tjera, por me Skënderbeun jo. E kam thënë edhe herë të tjera. Fatosi është i palexuar”.

Gazetarja tregon kur Rama vishte pizhama nën xhinse

Një temë interesante që fliste për veshjen e politikanëve shqiptarë mbrëmjen e djeshme në Top Show ka bërë që të ftuarit të zbulojnë disa detaje interesante.

Gazetarja Iva Tiço, ka treguar se në kohën kur ishte gazetare kulture dhe në ministri ishte Edi Rama, sot kryeministër, ajo ka parë që Rama poshtë xhinseve mbante pizhama ngjyrë gri.

“Rama më ka pëlqyer më shumë ekstravagant, në atë kohë ishte ministër kulture dhe deri dhe pizhama nën xhinse, i dilnin pizhamat gri nën xhinse në konferencat për shtyp në dimër”.

Kryeministri i Kosovës në Shqipëri, takim me presidentin Meta

Mësohet se në takim është biseduar për zhvillimet e fundit në Kosovë, Shqipëri, por edhe për zhvillimet në rajon

TIRANË – Kryeministri i Republikës së Kosovës, Ramush Haradinaj, ka vizituar Shqipërinë, ku është takuar sot me presidentin e vendit, Ilir Meta.

Zëdhënësi i Presidencës së Shqipërisë, Tedi Blushi, konfirmoi për Anadolu Agency (AA) takimin Meta-Haradinaj, realizuar gjatë një vizite punë që po zhvillon kryeministri i Kosovës në Shqipëri.

Mësohet se në takim është biseduar për zhvillimet e fundit në Kosovë, Shqipëri, por edhe për zhvillimet në rajon.

Gjithashtu pjesë e diskutimeve gjatë takimit të realizuar në selinë e Presidencës së Shqipërisë ishte edhe mbështetja e Shqipërisë ndaj Kosovës në arenën ndërkombëtare.

Vetingu – Lista e 57 gjyqtarëve dhe prokurorëve të parë që po kontrollohen

FATION BINJAKU/ Institucioni i ri vetingut, Komisioni i Pavarur i Kualifikimit, ka nisur rivlerësimin e asaj që do të jetë kupola e sistemit të drejtësisë, me ngritjen e katër institucioneve të reja, shkruan “Panorama”.

Në total, janë 57 gjyqtarë dhe prokurorë, që janë përzgjedhur me prioritet nga Komisioni i Pavarur i Kualifikimit, pjesa më e madhe të cilëve janë edhe kandidatë për Këshillin e Lartë të Gjyqësorit, Këshillin e Lartë të Prokurorisë, Këshillin e Emërimeve në Drejtësi dhe Inspektori i Lartë i Drejtësisë.

Në garën për të qenë anëtarë të Këshillit të Lartë të Gjyqësorit kanë aplikuar 14 gjyqtarë, të cilët, para shqyrtimit në Kuvend, do t’i nënshtrohen vetingut. Ndërsa numri i aplikimeve për Këshillin e Lartë të Prokurorisë ka shkuar në 18 prokurorë.

Mes kandidatëve është dhe Kryeprokurorja e re e përkohshme, Arta Marku, prokurori që po heton çështjen Tahiri, Gentjan Osmani, dhe prokurori që arrestoi ish-Guvernatorin, Adrian Fullani, Ramadan Troci.

Ndërkohë, që në listën e anëtarëve të zgjedhur në Këshillin e Emërimeve në Drejtësi, është dhe ish-drejtoresha e Marrëdhënieve me Jashtë në Prokurori, Rovena Gashi, e cila u shkarkua nga Prokurorja Arta Marku disa ditë më parë.

Në garë janë dy kandidatë për postin e Inspektorit të Lartë të Drejtësisë, Artur Malaj dhe Marsida Xhaferrlari. Malaj është gjyqtar në Gjykatën Administrative të Apelit, ndërsa Xhaferrllari është Inspektore në KLD.

Komisioni i Pavarur i Kualifikimit do të verifikojë pastërtinë e figurës, pasurinë dhe aftësitë profesionale për kandidatët që do të jenë pjesë e kupolës së re të sistemit të Drejtësisë, më pas rivlerësimi do të vijojë për gjyqtarët dhe prokurorët e tjerë të Shqipërisë.

GJYQTARET DHE PROKURORET QE PO I NENSHTROHEN VETINGUT

1.Altina Xhoxhaj Gjykata Kushtetuese (Kandidat/ Këshilli i Emërimeve në Drejtësi)

2. Bashkim Dedja Gjykata Kushtetuese

3. Besnik Imeraj Gjykata Kushtetuese (Kandidat / Këshilli i Emërimeve në Drejtësi)

4. Fatmir Hoxha Gjykata Kushtetuese

5. Fatos Lulo Gjykata Kushtetuese

6. Gani Dizdari Gjykata Kushtetuese

7. Vitore Tusha Gjykata Kushtetuese

8. Xhezair Zaganjori Gjykata e Lartë

9. Adriatik Lalla ish Prokuror i Përgjithshëm

10. Alma Brati Gj.Shk.I, Tiranë (Kandidat për Këshillin e Lartë Gjyqësor)

11. Artan Laze Gj.Shk.I, Tiranë (Kandidat për Këshillin e Lartë Gjyqësor)

12. Artan Zeneli Gjykata e Lartë (Kandidat për Këshillin e Lartë Gjyqësor)

13. Astrit Faqolli Gj.Shk.I, Tiranë (Kandidat për Këshillin e Lartë Gjyqësor)

14. Besim Trezhnjeva Gj. Apelit Durrës (Kandidat për Këshillin e Lartë Gjyqësor)

15. Bledar Abdullai Gj.Shk.I, Tiranë (Kandidat për Këshillin e Lartë Gjyqësor)

16. Brunilda Kadi Gj.Shk.I, Tiranë (Kandidat për Këshillin e Lartë Gjyqësor)

17. Brunilda Kasmi Gj.Shk.I, Tiranë (Kandidat për Këshillin e Lartë Gjyqësor)

18. Dritan Hallunaj Shk. I për Krimet e Rënda (Kandidat për Këshillin e Lartë Gjyqësor )

19. Ilir Toska Gj. Apelit Tiranë (Kandidat për Këshillin e Lartë Gjyqësor)

20. Manjola Xhaxho Gj.Shk.I, Tiranë (Kandidat për Këshillin e Lartë Gjyqësor)

21. Marcela Shehu Gj.Shk.I, Kurbin (Kandidat për Këshillin e Lartë Gjyqësor)

22. Medi Bici Gjykata e Lartë (Kandidat për Këshillin e Lartë Gjyqësor)

23. Nertina Kosova Apeli Krimet e Rënda (Kandidat për Këshillin e Lartë Gjyqësor)

24. Adriatik Cama Prokuroria Tiranë (Kandidat për Këshillin e Lartë të Prokurorisë)

25. Anila Leka Prokurori e Përgjithshme (Kandidat për Këshillin e Lartë të Prokurorisë)

26. Antoneta Sevdari Prokuroria Tiranë (Kandidat për Këshillin e Lartë të Prokurorisë)

27. Arben Dopallaj Prok. Apelit Shkodër (Kandidat për Këshillin e Lartë të Prokurorisë)

28. Arben Nelaj Prokuroria Tiranë (Kandidat për Këshillin e Lartë të Prokurorisë)

29. Arta Marku Prokuroria Shkodër (Kandidat për Këshillin e Lartë të Prokurorisë)

30. Besa Nikehasani Prok. Apelit Shkodër (Kandidat për Këshillin e Lartë të Prokurorisë)

31. Besnik Cani Prokuroria Elbasan (Kandidat për Këshillin e Lartë i Prokurorisë)

32. Besnik Muci Prok. Krimet e Rënda (Kandidat për Këshillin e Lartë të Prokurorisë)

33. Bujar Hoti Prokuroria Durrës (Kandidat për Këshillin e Lartë të Prokurorisë)

34. Dritan Prenci Prokuroria Kukës (Kandidat për Këshillin e Lartë të Prokurorisë)

35. Dritan Rreshka Prokuroria Tiranë (Kandidat për Këshillin e Lartë i të Prokurorisë)

36. Elison Sadiku Prokuroria Korçë (Kandidat për Këshillin e Lartë të Prokurorisë)

37. Gentjan Osmani Prok. Krimet e Rënda (Kandidat për Këshillin e Lartë të Prokurorisë)

38. Kostaq Beluri Prokurori e Përgjithshme (Kandidat për Këshillin e Lartë i Prokurorisë)

39. Luan Kaloçi Prok. Apelit Tiranë (Kandidat për Këshillin e Lartë të Prokurorisë)

40. Ramadan Troci Prokurori e Përgjithshme (Kandidat për Këshillin e Lartë të Prokurorisë)

41. Shpëtim Kurti Prokuroria Tiranë (Kandidat për Këshillin e Lartë i Prokurorisë)

42. Vat Staka Prokuroria Shkodër (Kandidat për Këshillin e Lartë të Prokurorisë)

43. Brikena Ukperaj Lubonja Gj. Apelit Vlorë (Kandidat / Këshilli i Emërimeve në Drejtësi)

44. Ervin Metalla Gj. Apelit Tiranë (Kandidat / Këshilli i Emërimeve në Drejtësi)

45. Fatjona Memçaj Prok. Apelit Tiranë (Kandidat / Këshilli i Emërimeve në Drejtësi)

46. Gentjan Medja Gj. Adm. Sh.I Tiranë (Kandidat / Këshilli i Emërimeve në Drejtësi)

47. Gentjan Trenova Prok. Apelit Tiranë (Kandidat / Këshilli i Emërimeve në Drejtësi)

48. Kastriot Selita Gj. Adm. e Apelit (Kandidat / Këshilli i Emërimeve në Drejtësi)

49. Rovena Gashi Prokurori e Përgjith. (Kandidat / Këshilli i Emërimeve në Drejtësi)

50. Admir Thanza Gjykata e Lartë

51. Ardian Dvorani Gjykata e Lartë

52. Artan Broci Gjykata e Lartë

53. Edmond Islamaj Gjykata e Lartë

54. Shkëlzen Selimi Gjykata e Lartë

55. Tom Ndreca Gjykata e Lartë

56. Artur Malaj Gj. Adm. e Apelit (Kandidat /Inspektor i Lartë i Drejtësisë )

57. Marsida Xhaferllari Insp. e Lartë e Drejtësisë (Kandidat / Inspektor i Lartë i Drejtësisë )

Maqedoni, miratohet ligji për gjuhët

69 deputetë të parlamentit të Maqedonisë votuan miratimin e përdorimit të gjuhëve, që i jep gjuhës shqipe një shtrirje të gjerë edhe nëpër institucionet e larta shtetërore ku nuk përdorej deri tani.

69 votat pro ligjit për përdorimin e gjuhëve u arritën nga mbështetja edhe nga deputetë të partive shqiptare jashta koalicionit qeveritar. Ligji sipas parimit të njohur si i Badenterit u votua veçmas edhe nga ligjvënësit e komuniteteve të pakicave, përfshirë ata shqiptarë dhe nga 28 deputetët e pranishëm në sallë 27 ishin pro ndërsa një abstenoi.

Ligji, kështu kaloi leximin e dytë në parlament, pasi leximi i parë qe miratuar në mesin e muajit nëntor. Opozita maqedonase e drejtuar nga VMRO-DPMNE nuk mori pjesë në seancë; ajo po bojkoton punimet e parlamentit për shkak të mbajtjes në paraburgim dhe në arrest shtëpie të gjashtë deputetëve të saj të dyshuar për pjesëmarrje në trazirat e dhunshme në parlament më 27 prill, 2016.

Ligji thekson se “gjuhë zyrtare në Maqedoni është gjuha maqedonase dhe shkrimi i saj cirilik”. Në nenin e dytë thuhet: “Krahas maqedonishtes, gjuhë tjetër zyrtare është edhe gjuha të cilën e flasin së paku 20 përqind e popullatës dhe alfabeti i saj”.

Kjo ka shkaktuar debate prej disa muajsh nëse gjuha shqipe do të jetë gjuhë e dytë zyrtare në Maqedoni apo vetëm avancohet përdorimi i saj.

Sidoqoftë, gjuha shqipe me ligjin e ri pritet të ketë avancim në përdorimin e saj në organet më të larta shtetërore, gjyqësore, në institucionet publike dhe ato lokale. Ligji do t’i mundësojë mes tjerash, kryetarit të parlamentit, duke qenë shqiptar që seancat të mund t’i drejtojë në gjuhën e tij amtare. Edhe ministrat shqiptarë në seancat e qeverisë të flasin shqip, po ashtu.

Miratimi i ligjit për përdorimin e gjuhëve nga shumica parlamentare, Lidhja Social Demokrate dhe Bashkimi Demokratik për Integrim, vlerësohet si përmbyllje e Marrëveshjes së Ohrit, të arritur në gusht të vitit 2001.

Shqiptarët, sipas statistikave zyrtare përbëjnë 25 për qind të popullsisë së Maqedonisë. Marrëveshja e Ohrit që rezultoi pas një konflikti të armatosur midis kryengritësve shqiptarë dhe forcave qeveritare maqedonase në vitin 2001, përfshinte një sërë ligjesh që ngritnin pozitën e shqiptarëve në vend, por gjuha shqipe pati mbetur gjatë kohë me një status të cunguar, duke nxitur pakënaqësi të shumta tek popullata shqiptare në Maqedoni.

Kryeministri Zoran Zaev pati bërë premtime qysh gjatë fushatës zgjedhore të dhjetorit, 2016 se do të angazhohej për zgjerimin e përdorimit të gjuhës shqipe në vend.

“Hiqeshin si gazetarë, si u zbuluan nga Habilajt agjentët e SHISH në prarcelat me kanabis”

Sali Berisha akuzon sërish qeverinë dhe kryeministrin Edi Rama për lidhjet me Habilajt. Në një status në Facebook, ish-kryeministri Berisha ka publikuar një mesazh nga “denoncuesi dixhital”.

Sipas denoncimit dy agjentë të Shërbimit Informativ Shtetëror ishin kapur në 20 korrik 2015 në parcelat me kanabis të Habilajve në Vlorë.

Denoncuesi, i cili thotë se punonte vetë në parcelat e kanabisit, tregon se dy agjentët në fillimin ishin hequr si gazetarë. Më pas ata janë zbuluar, dhunuar nga “Flori i Dibrës” e pasi iu janë bërë foto janë lënë të lirë.

Në mesazhin dërguar Berishës, thuhet se për rastin është njoftuar policia e Vlorës dhe vetë Rama, por asnjë nuk ka reaguar.

Klodiana Lala: Arta Marku ka shkelur Kushtetutën, s’e ka tagrin të vendosë për të emëruarit

TIRANË- Për gazetaren Klodiana Lala Kryeprokurorja e Përkohshme Arta Marku po vepron në shkelje të hapur të Kushtetutës dhe ligjit me largimin e prokurorëve të emëruar.

Në studion e News24, në rubrikën “Opinion”, Lala tha se në pamje të parë duket se këto lëvizje të kryeprokurores, emrat e prokurorëve janë gjykuar si emrat më afër Llallës, raporton “BalkanWeb”.

“Kjo e bën më të paragjykuar vendimmarrjen e saj. Këtë e paraprin edhe votimi i pazakonshëm në parlament. Për mua është e patolerueshme, lëvizja e drejtuesve në prokurori që janë të emëruar. Ligji për statusin e gjykatësit dhe prokurorit ngarkon si organ të posaçëm me ligj KLD-në të vendosë për fatin e drejtuesve të prokurorisë. Marrim rastin e drejtuesit të Durrësit, iu kërkua dorëheqja, nuk pranoi dhe më pas u transferua në Pukë. Kushtetuta nuk i jep tagrin Prokurorit të përgjithshëm të vendosë për fatin e personave të emëruar. Këtu zonja Marku ka vendosur në shkelje të Kushtetutës.
Rasti i Rovena Gashit që është larguar nga detyra, edhe për të duhet të vendoste KLD sepse është në mungesë të një dispozite konkrete”, tha gazetarja Lala.

Ajo sqaroi se caktimi i përkohshëm i prokurorëve ose të komanduar është atribut i Prokurorit të përgjithshëm për arsye të ndryshme.

“Zoti Llalla e la në një situatë të paprecedentë sepse ishin 90% të komanduar. Ishte një situatë që nuk i shërbente një hetimi të mirë të çështjeve por në momente të caktuara mund të caktojë për 3-4 muaj prokuror të përkohshëm.
Nuk është prekur ende drejtuesi i prokurorisë së Vlorës dhe të Shkodrës që janë të komanduar. Nuk ka pasur ndryshime deri tani pavarësisht thashethemeve. Drejtuesi i Prokurorisë së Krimeve të Rënda është i emëruar. Zonja Marku ka një strategji të saj por është në shkelje të hapur të ligjit. TItullarët e emëruar ligjërisht nuk mund t’i shkarkojë apo largojë. Është në kundërshtim të hapur të së drejtës Kushtetuese. Nëse zonja Marku është nisur me dyshimet se nuk mund të punojë me bashkëpunëtorët e paraardhësit kjo është çështje tjetër, çështje paragjykimi për emrin dhe jo detyrën”, deklaroi Lala.

Mes të tjerash Lala u ndal edhe tek padia e Rovena Gashit dhe Dritan Gina për kryeprokuroren e re Arta Gashi.

“Nëse zonja Marku nuk mund të punojë me njerëz të paraardhësit, atëherë kjo është çështje tjetër paragjykuese. Po t’i referohemi padisë së zonjës Gashi, ajo përmend një debat mes saj dhe zonjës Markut, të ndodhu në zyrën e kësaj të fundit, në sy të dy prokurorëve. Gashi pretendon se është e pavarur në vendimmarrje, por zonja Marku pretendonte që është atribut i saj që të merrte kontakte si në rastin e KQZ. Llalla kishte disa urdhra delegimi, siç ishte rasti i zonjës Gashi. Nuk është e vështirë të prishësh çështje hetimore, mjafton që të tronditesh. Nuk është e nevojshme që një prokuror i përgjithshëm mund të ushtrojë presion për të shkatërruar prova. Disa nga drejtuesit e komanduar të prokurorive nuk duhet të ishin në këto detyra, pasi janë në hetim për korrupsion. Ka një grup prej tyre, ata që ishin, që nuk duhet të ishin fare. Në mesin e atyre të ardhurve nuk janë të gjithë të verifikuar, nuk kanë marrë besimin. Kanë probleme dhe do duhet të kenë punë për të ‘pastruar’ figurën. Prokurorët do duhet të jenë të fortë që t’u shkojnë deri në fund hetime.

Po ashtu Lala theksoi se shumë viza për në SHBA u refuzuan pasi Llalla nuk ka pasur marrëdhënie të mira me Amerikën. “Ka një numër të madh prokurorësh dhe politikanët që u janë refuzuar vizat. Kjo pasi amerikanët nuk kishin më besim tek Llalla. Ardhja e Markut në drejtit të prokurorisë, ka ndryshuar kursin e amerikanëve, pasi tri ditë pas zgjedhjet Lu shkoi dhe e takoi. Zoti Gina ishte një prokuror në krye të prokurorisë së Elbasanit. Në momentin e parë ai tha se s’do e zbatonte urdhrin, pasi e quajti abuziv, por sot pati ndryshim të qëndrimit pasi tha se do të zbatonte Kushtetutën.”, tha ajo.

Vendosja e ligjit i penalizon të katër krerët e politikës aktuale shqiptare – Nga Spartak Ngjela

Koha në Shqipëri po bën dorëzimet: lidërshipi aktual i të dy krahëve politikë, e ka mbyllur kohën e vet. Vendosja e ligjit i penalizon të katër krerët e politikës aktuale shqiptare – Berishën, Metën, Ramën dhe Bashën; sepse këta tani me të drejtë mund të quhen katër shkelësit e mëdhenj të ligjit, dhe katër abuzuesit e mëdhenj me pushtetin politik në Shqipëri.

l.

Po çfarë po mbart me vete kjo kohë bashkë me këtë dorëzim të krerëve?

Ky është një sukses i madh historik, por sigurisht që ka krijuar një reaksion të madh në qarqet e korruptuara politike. Aty ndihet frikë, paqartësi, dhe, herë- herë edhe tërbim individual që vjen dhe shfaqet edhe si një kërkesë për destabilizim shoqëror në Shqipëri.

Janë dy arsye që lidërshipi politik i të dyja krahëve të politikës nuk e dëshiron Reformën në Drejtësi; dhe janë po dy arsye të tjera se përse as media shqiptare, e shkruar dhe elektronike, nuk e dëshiron Reformën në Drejtësi.

Kryesorja është se, që të dyja palët janë të korruptuara. Por ky korrupsion dykrahësh ka koneksion të drejtëpërdrejtë kriminal me njëri – tjetrin: është korrupsioni shtetëror kryeministror, që, në njëzetë vjet ka krijuar edhe korrupsionin mediatik.

Është një klasë politike ish komuniste, e ardhur nga korrupsioni moral komunist, nga represioni dhe terrori shtetëror që, duke shtrëmbëruar sitemin kapitalist, e ktheu korrpsionin moral të komunistëve, në një korrupsion material.

Korrupsioni i klasës politike solli pastaj edhe korrupsionin tërësor të vetë administratës, të pushtetit lokal, të medias, dhe të frymëmarrjes së krimit të organizuar, duke filluar që nga krimi i rrugës.

Të katër këta, Berisha, Meta, Rama dhe Basha, asnjëherë nuk e çuan nëpër mend se do të vinte një kohë kur edhe në Shqipëri do të vendosej ligji. Dhe koha erdhi. Reforma në Drejtësi e propozuar nga politika amerikane e deri diku edhe nga ajo gjermane, vendosur tashmë me forcën e tyre në kushtetutë dhe në ligj nuk do të lejojë më që të korruptuarit e politikës aktuale shqiptare të vijojnë të qeverisin. Ky është thelbi i reformës.

ll.

Korrupsioni i lartë politik në një shtet të korruptuar si Shqipëria ka specifikat e veta, si kudo ku ai ka kaluar. Por kudo ama është fshirë nga koha se është likuiduar me një reformë në drejtësi. Dhe tani është e qartë: vetëm drejtësia e pavarur dhe e pakorruptuar është mjeti më efikas antikorrupsion. Këtë në fakt na i kanë mësuar shumë mirë kohët moderne, por në Shqipëri kjo po vjen jo si rezultat i pjekjes së klasës politike dhe juridike të vendit, por si rezultat i forcës që ushtroi në amendimin e kushtetutës politika amerikane por edhe politika gjermane.

Në fakt sot, pikërisht këtu po spikat edhe reaksioni: frikë dhe pështjellim i klasës politike, sepse këtë proces po e drejton drejtpersëdrejti politika amerikane.

I gjithë reaksioni që po shihet, ka këtë shkak: penalizimin e katërshes Berisha, Meta, Rama dhe Basha; dhe drejpërdrejt nga Reforma në Drejtësi.

Në lidhje me këtë ndodhi ligjore të përfunduar, shqiptarët po shohin sot thirrje absurde të Berishës për revolucion, me demek kundër Ramës, por që në fakt e ka si “revoilucion popullor” kundër Amerikës. Por, fakti që ka frikë që ta artikulojë kështu, është qesharak, dhe, fakti që është bërë qesharak, sigurisht që nuk bën dot revolucion.

Kurse Edi Rama ka një tjetër metodë. Qesharake e ka edhe ky metodën e tij, se antiamerikane është edhe ajo në thelb, por po e luan kundërshtinë e tij me shpresën se Berisha do të bëjë revolucion, dhe për këtë po e ndihmon në mënyrë të fshehtë. Në të njejtën kohë, Rama, si i paaftë që është, mendon se mund ta shpëtojë gjendjen kundër reformës duke shkuar sa nga Stambolli në Moskë. Është çudi e madhe sesi të gjithë këta që abuzojnë me pushtetin në Shqipëri, metodën e Enver Hoxhës po përdorin: fakti që i kap reforma për krime, të shkojnë në Lindje. Pse, nuk tentoi të bënte edhe Berisha këtë në vitin 1997?

Por, fakti që, edhe Berisha edhe Rama, kanë të dy të njëjtin qëllim, kuptohet se si skemë kanë destabilizimin e Shqipërisë, që pastaj të gjejnë mundësinë për të kërkuar azil politik, që të shpëtojnë sendin e vjedhur dhe të shpëtojnë gjithashtu edhe nga penalizimi për abuzim me pushtetin politik.

Në të njëjtën kohë, të gjitha veglat e tyre mediatike, dhe të ashtuquajturit opinionistë të vetëshpallur, bëjnë propagandë ditë për ditë se Reforma në Drejtësi nuk mund të zhvillohet dot në Shqipëri.

lll.

Shqipëria, në këta njëzet vjetët e fundit, si histori, do të ketë një njollë të turpshme për shtypin dhe median në përgjithësi, sepse që të gjithë, me përjashtime të vogla, nuk ishin në përkrahje të Reformës në Drejtësi, edhe pse e dinin shumë mirë që kjo ishte një ndërmarrje ndërkombëtare perëndimore, e gjitha në fovor të shqiptarëve. Kjo tregon se në Shqipëri sot nuk ka intelektualizëm të nivelit perëndimor, prandaj dhe opinioni publik shqiptar ndihet se është i tulatur dhe i lodhur nga mosbesimi.

Por, në thelb gjykimi është ky: as elita politike, dhe as ajo e ashtuquajtur elitë mediatike, nuk e duan Reformën në Drejtësi, prandaj secili e luftonme metodën e vet. Por kjo nuk i prish fare punë kohës, e cila tani po bën dorëzimet. Por, nëse kjo kohë po bën dorëzimet në lidhje me të korruptuarit e të gjitha planeve; çfarë do të sjellë më pas?

Ajo që do të vijë më pas, është pa dyshim intelektualizimi përëndimor i shoqërisë shqiptare. Dhe këtë proces, që undergraund ka filluar nga Uashingtoni dhe Berlini, do ta shohim të implemetuar me shqiptarë që kanë studiuar dhe kanë punuar në nivele të larta intelektuale në Amerikë dhe në të gjithë Europën Perëndimore. Dhe nuk janë të paktë. Por janë pikërisht këta që, menjëherë pas reformës, pasi do të drejtojnë me profesionalizëm dhe me moralitet Reformën në Drejtësi dhe në të gjitha aspektet shoqërore në Shqipëri, patjetër që, njëherësh, do të ngrenë në nivel edhe intelektualizmin shqiptar dhe elitën e tij krejtësisht perëndimore. Këta që do të angazhohen janë të gjithë shqiptarë që kanë studiuar në të gjithë universitetet prestigjozë të Përëndimit, që nga vendet e Bashkimit Euriopian e deri në Shtetet e Bashkuara.

Kjo është arsyeja kryesore që tani, pasi koha abuzive do të bëjë plotësisht dorëzimet, do të fillojë në Shqipëri koha e drejtësisë, gjykimit të lartë moral, dhe funksionimi i një shteti të drejtë, sipas frymës së intelektualizmit shqiptar. Bashkë me dorëzimet, koha do të shkulë nga Parlamenti shqiptar injorancën, e cila ka shumë vite që e ka pushtuar.

Meta dekoron valltarët Liljana Cingu dhe Rexhep Çeliku me “Nderi i Kombit”

TIRANE– Presidenti Ilir Meta ka vlerësuar sot me dekoratat “Nderi i Kombit” valltarët Liljana Cingu dhe Rexhep Çeliku. Në ceremoninë e zhvilluar në Presidencë, Kreu i Shtetit u ndal tek kontributet e dy artistëve, të cilët nuk i kanë fshehur emocionet.

“Liljana Cingu dhe Rexhep Çeliku janë ambasadorë të kulturës shqiptare”, u shpreh Presidenti Meta.

 

DEKORATAT
08/01/2018-Presidenti Meta dekoron zotin Rexhep Çeliku me Dekoratën “Nderi i Kombit”
Presidenti i Republikës, Ilir Meta i akordoi dt. 08/01/2018, nr. dekreti 10709 zotit Rexhep Çeliku Dekoratën “Nderi i Kombit” me motivacionin: “Në vlerësim të kontributit të jashtëzakonshëm si solist me nivel të lartë dhe mjeshtëri të veçantë artistike në interpretimin e valleve shqiptare; për promovimin denjësisht të vlerave të mirëfillta të trashëgimisë sonë kulturore kombëtare brenda dhe jashtë vendit, si dhe për pasurimin e fondit të krijimtarisë koreografike dhe përçimin e tij tek brezat e artistëve të rinj”.

08/01/2018-Presidenti Meta dekoron zonjën Liljana Cingu me Dekoratën “Nderi i Kombit”
Presidenti i Republikës, Ilir Meta i akordoi dt. 08/01/2018, nr. dekreti 10708 zonjës Liljana Cingu Dekoratën “Nderi i Kombit” me motivacionin: “Në vlerësim të kontributit të jashtëzakonshëm si soliste me nivel të lartë artistik dhe mjeshtëri të veçantë në interpretimin e valleve shqiptare; për promovimin denjësisht të vlerave të mirëfillta të trashëgimisë sonë kulturore kombëtare brenda dhe jashtë vendit si dhe përçimin e folklorit tonë tek brezat e artistëve të rinj”.

Shkarkohet Drejtori i Përgjithshëm i Policisë

Në Shqipëri, Drejtori i Përgjithshëm i Policisë Haki Çako u lirua sot nga detyra. Vendimi u mor nga Qeveria pas propozimit të Ministrit të Brendshëm Fatmir Xhafaj. Zoti Çako ishte emëruar në këtë post në prill të vitit 2015.

Sipas një njoftimi zyrtar, ministri Xhafaj pati një takim me drejtorin në ikje të cilin e ka falenderuar “për punën dhe bashkëpunimin e deritanishëm, në përmbushjen e misionit të Policisë së Shtetit”. Por, siç thekson njoftimi “realizimi i objektivave të këtij mandati qeverisës, në fushën e rendit dhe sigurisë publike, sfidat që e presin Policinë e Shtetit, kërkojnë një ritëm më të shpejtë dhe dinamikë të madhe pune. Për këtë arsye është i domosdoshëm një lidership i ri, me energjitë të reja për të motivuar dhe çuar përpara punën e Policisë së Shtetit. Puna e kësaj të fundit – vijon më tej njoftimi – domosdoshmërisht duhet të jetë e orientuar drejt rezultateve konkrete, me qëllim që t’u përgjigjet, kësisoj, më mirë kërkesave të kësaj faze të re dhe pritshmërive të larta të publikut dhe partnerëve ndërkombëtarë ndaj Policisë së Shtetit”.

Zoti Çako ka qenë në qendër të akuzave të vazhdueshme të opozitës, veçanërisht lidhur me fenomenin e përhpajes së kultivimit të marijuanës gjatë viti 2016. Në një regaim të parë për lirimin e tij nga detyra, kryetari i Partisë Demokratike, Lulzim Basha foli për “një hap tejet i vonuar, është një tjetër tregues i krizës së thellë, në të cilën e ka zhytur krimi Policinë e Shtetit”. Sipas zotit Basha “Haki Çako është një ‘kokë turku’, sepse kupola e drogës drejtohet nga Edi Rama, Saimir Tahiri dhe Fatmir Xhafaj”.

Ai që na kujton Nolin dhe personalitetet e rremë – Nga Moikom Zeqo

 

Kërkesa e kryeredaktorit të  DITA-s për t’u shprehur se kush është Njeriu i vitit 2017 dhe për asimetri dhe Anti-njeriu i të njëjtit vit, më krijon një ndjesi të dyzuar.

Në thelb është tejet e vështirë të jesh i saktë dhe i vërtetë deri në fund për  t’u përgjigjur.

Ndonëse duket si pyetje standarde është në të  gjitha pikëpamjet edhe një test për secilin për të reflektuar mënyrën e  arsyetimit  dhe të konceptimit vetjak, për  të patur edhe një tendencë të afrimit të se vërtetës publike.

Nëse bëhet fjalë për një personalitet të kombit shqiptar, të përmasave të vetëkuptueshme dhe të brendashkruar tek një figurë për mendimin tim modest Neriu i Vitit 2017 është politikani Albin Kurti.

Padyshim më i votuari në Kosovë, padyshim një personalitet i pazakontë karizmatik, Albin Kurti është politikani i parimeve të mëdha progresive dhe më i dallueshmi nga tërë sekti i çuditshëm dhe kalimtar i politikanëve shqiptarë  të ditës, të tranzicionit grotesk gati 30 vjeçar.

Albin Kurti është-një shëmbëlltyrë e dinjitetit,- të situatave  të përballjes së arsyes historike dhe të vizionit modern, që ka stimuluar fuqishëm dhe pandalshëm një lëvizje qytetare dhe të partisë së Vetëvendosjes në Kosovë, të admirueshme dhe kurajoze, mes sakrificave dhe të privacioneve të panumërta dhe skenarëve të përçarjes dhe të shkatërrimit të kësaj partie.

Albin Kurti ndryshon nga politikanët e tjerë.

Kultura e tij politike është e  nivelit filozofik dhe  europian,- që ngrihet mbi të tjerët- , dallueshëm dhe qartësisht.

E kam dëgjuar  shumë herë-ligjërimi i tij politik dhe shoqëror të kujton Fan Nolin.

Ai nuk është politikani i sloganeve dhe korrupsionit marramendës dhe endemik, por një misionar .

I futur përdhunshëm disa herë në burg, padrejtësisht, Albin Kurti ,si deputet i popullit në parlamentin e Kosovës, nuk është vetëm mjeshtër i ligjërimit, por një zbulimtar i të vërtetave, trim dhe qytetar i madh.

Albin Kurti është  pra Njeriu i Vitit 2017 për mua- nuk ka asnjë rëndësi nëse ka njerëz të tjerë, që nuk janë dakord me mua për këtë zgjedhje, absolutisht.

Sepse vlerësimi i Albin Kurtit, përtej çdo idhujtarie, -ai vetë e urren idhujtarinë dhe e godet,- është prej kohësh  tashmë një  çështje e optikës madhore të historisë dhe jo e paragjykimeve dhe skenareve shqiptarofobë dhe provinciale dhe  mjerisht të egër dhe të paligjësuar, primitivë, klientelistë, ndaj Albin Kurtit.

Po Antinjeriu i Vitit 2017?

E kam të pamundur t’i përgjigjem kësaj kërkese gati hokatare dhe  humoristike.

E Keqja është bërë shumë e madhe – ajo ka shumë e shumë emra, emrat e oligarkëve të pashpirt, injorantë dhe mediokër, të fabrikimit si në Akademinë e  Laputës së Suiftit të personaliteteve të rremë, ose të shpirtrave të vdekur gogolianë, të deputetëve, me emra të ndërruar,- me ndryshime mafioze identitetesh,- që nga hajdutë të rëndomtë dhe banalë, të neveritshëm,- kanë arritur të bëhen (si vallë, si vallë ?) “përfaqësues të popullit “- ( o Zot, të cilit popull?),- të lajmit apokaliptik, se shqiptarët janë bërë përdorues  masivë të kokainë etj- që nuk dua ta besoj- po ajo që ndodh është më e rëndësishme,- se ajo që unë mund të mendoj me skepticizëm.

Nuk mundem dot ta personalizoj se kush është Anti-njeriu i Vitit 2017.

Ndërkohë mund të shtoj se viti 2017 në shumë aspekte qe një vit i marrëzishëm politik, sidomos për ekseset absurde  dhe lojën ambiguide të reformës në drejtësi etj.

Por kjo reformë nuk do të ndalet-për këtë jam i  vetëdijshëm dhe i sigurtë.

Viti 2017 është dhe viti i vdekjes në Londër  së sociologut të madh Zygmunt Bauman, një nga ata gjigantë të mendimit si  C.Ëright Mills, Emile Durheim dhe Max Veber, që ka bërë një analizë universale dhe iluminuese të shoqërisë së sotme.

Si askush!

Në librin e tij  emblematik  “Moderniteti i lëngët ” (“Liquid Modernity”) ai jep një tablo tronditëse të aktualitetit botëror, të pasojave të rënduara dhe katastrofike të Neo-liberalizmit ekonomik dhe banalitetit të  subkulturave,- të  kitsch-spektakleve dhe propagandës bajate dhe primitive,- post-faktuale.

Bauman citon mendimtarin e madh amerikan  George  Steiner, që thotë se realiteti sot është një “kulturë kazinoje”, plot pasiguri, ku strukturat e koncepteve dhe nocioneve tradicionale dhe shekullore shprishen dhe strukturohen, lëngëzohen.- dhe  këto koncepte dhe nocione humbin dallimshmërinë dhe  shpërbëjnë etikën dhe kauzat e mëdha humanistike, kredencialet e  të  ardhmes.

Ndoshta Bauman me horizontin e tij të jashtëzakonshëm do të jepte një përgjigje konceptuale-e theksoj përsëri-konceptuale, për të Keqen  dhe anti-njerëzit e panumërueshëm dot, ku janë patjetër,- edhe anti-njerëzit e Shqipërisë.

Por unë e kam të pamundur, të pamundur !

Anita Haradinaj fyen mediat, i krahason me ato të Millosheviçit

Gruaja e Kryeministrit Ramush Haradinaj, Anita i ka ofenduar mediat e Kosovës, të cilat kanë raportuar se burrit të saj i është refuzuar viza për Amerikë. Madje, Anita Haradinaj, e cila punon si prezantuese e lajmeve në RTK, ka krahasuar mediat e Kosovës me ato të Milloshevicit. E ka përmendur Tanjugun si krahasim me mediat kosovare.

“Qy qy Kryeministrit me dy pasaporta me iu refuzu visa ????, kur po doni po thoni Ti lehte e ke per viza, kur po doni po thoni iu refuzu, bravo bre si Tanjugu jeni bo ???????? hajde gazetari hajde”, ka shkruar Anita Haradina, e cila më pas e ka fshirë postimin. Nuk ka dhënë sqarime se pse ka bërë një veprim të tillë.

Tanjugu i Serbisë vazhdimisht ka qenë media e afërt me pushtetit serb. Ka qenë e afërt me udhëheqësin e Serbisë, Sllobodan Milloshevic, i cili e ka përdorë për propagandë gjatë luftërave në ish-Jugosllavi. Ka qenë e njohur për dezinformata dhe lajme propagandisitke.

Ndërkohë, Anita Haradinaj, e cila ka fyer mediat e Kosovës, merret me prezantim. Disa herë në javë del në RTK si moderatore e lajmeve.

Sidoqoftë, Ramush Haradinaj, kishte reaguar më racionalisht kur mediat kishin dhënë lajmin se atij i është refuzuar viza për në SHBA. Kishte thënë se beson se do ta marrë vizën  derisa kishte thënë fjalë të mëdha për amerikanët.

Kryeministri i Kosovës e ka planifikuar të shkojë për një vizitë në Shtetin e Iowas gjatë muajit të ardhshëm.

Është raportuar se Kryeministri, nëse merr vizën, merr pjesë edhe në Lutjen e Mëngjesit në Amerikë.

Ramush Haradinaj është bërë Kryeministër në një koalicion me PDK, AKR dhe minoriteteve. Ende nuk dihet saktë nëse Qeveria e udhëhequr prej tij ka 60 apo 61 deputetë.

Mirditorët ishin gardianë të kushtetutës shqiptare – Nga Gani MEHMETAJ

Mirditorët që e shkulën flamurin turk nga tokat shqiptare, prokuroria nuk guxon t’ i zvarris nëpër gjyqe. Mirditorët duhet t’i vlerësojmë lartë për atdhedashuri, sepse e mbrojtën kushtetutën shqiptare dhe dinjitetin shtetëror të nëpërkëmbur. Janë zyrtarët shqiptarë ata që duhen të japin dorëheqje, pse lejuan të përdhoset territori i shtetit, ndërsa ndërtimtarët turq që e keqpërdorën mikpritjen – të dëbohen.

Nuk ka shtet të pavarur e sovran që do ta lejonte përdhosjen e territorit të vet me flamuj të huaj, në vendin ku nuk është i paraparë me ligj e me konventa ndërkombëtare. Shteteve satelite e republikave banane me shtetarë të korruptuar, sikurse është Shqipëria, stampimi i flamurit të huaj nuk u bënë përshtypje.

Por ja që dolën disa burra dhe i thanë stop veprimit të shtetarëve të korruptuar. Flamuri turk nuk e ka vendin në Mirditë, nuk e ka vendin në asnjë cep të territorit shqiptar jashtë ambasadave e përfaqësive diplomatike.

E kuptoja se kishin urdhër, por nuk e arsyetoja policinë shqiptare që ndaloi mirditorët të cilët e hoqën flamurin turk në vendin ku nuk e lejonte kushtetuta e ligji shqiptar. Por ta kenë mendjen prokurorët e gjyqtarët që i zvarrisin nëpër gjyqe mirditorët. Prokurorët duhej të urdhëronin heqjen e flamurit të huaj, në zbatim të ligjit. S’ka ligj që guxon t’i dënojë mirditorët për shkuljen e flamurit të huaj nga tokat shqiptare.

Flamuri turk dhe flamuri serb ende zgjojnë imazhe të frikshme në territorin shqiptar, prandaj shteti duhet të na kursej nga këto simbole të gjenocidit.

Ndërkaq turqit edhe po e ndërtuan një nevojtore, në ballë e vënë flamurin e tyre. Dhe nuk ishte hidrocentrali në Mirditë i vetmi që e ka të stampuar flamurin turk në beton, në jugun shqiptar para dy vjetësh e pashë një hidrocentral ku ishte stampuar vetëm flamuri turk. U thash bashkudhëtarëve në makinë: na paska hangër dreqi, na paska pushtuar turku.

Turqia nuk na ndihmoi të çliroheshim nga Serbia, ndërsa na e ngul kudo flamurin. Në Prishtinë bie fjala nga mijëra agjenci turistike e firma të huaja, e vetmja agjencia turke e avionëve e ka ngul në trotuar flamurin e Turqisë.

ShBA-të e Evropa perëndimore e çliruan Dardaninë, investuan pa kthim miliarda euro në ndërtimin e vendit, e ngjallën nga koma Shqipërinë, por askund nuk e imponuan flamurin e tyre, edhe pse të gjithë shqiptarët i duan flamujt amerikanë e evropianë. Turqia në çdo situatë me arrogancë përpiqet ta krijojë përshtypjen edhe në botë se na ka pushtuar: me flamuj, me xhami, me bakllava, muzikë të shpifur tallava dhe me agresion te telenovelave të dobëta për idiotë.

SFIDAT NDAJ DHUNËS, QYTETARIA DHE BASHKËPUNIMI MES INSTITUCIONEVE – Opinion nga FRAN GJOKA

 

Dhuna është fenomen sa social aq  edhe social-psikologjik.Si formë e ushtrimit të forcës për të dëmtuar dikë tjetër emocionalisht ,psikologjikisht  dhe fizikisht ,ajo fatkeqësisht është e pranishme ende në shoqërinë shqiptare  në tërësi ,në shkollë  dhe në institucionet tjera  të edukimit ,e pse jo,edhe në nivelet e ndryshme të shtetit  dhe më gjerë.Ne kemi një mision  fisnik dhe detyrim edhe moral  që këtë dukuri negative të një shoqërie  me demokraci ende të vrishtë ta njohim në shumëanshëmrinë e saj,ta analizojmë  në thellësi  duke u  munduar të gjejmë burimin ,të përcaktojmë pasojat dhe mbi këtë bazë të marrim masa për ta parandaluar atë.Së paku  të ulim ndjeshëm intensitetin dhe pasojat.Fatkeqësisht ,dhuna është e pranishme në mjaft raste në komunitet ,në institucione të shtetit dhe në kompani e firma private ,në rrugët dhe rrugicat  e vogla në thellësi të pallateve ,në familje …

Aq më e papranueshme është ajo edhe në shkollë.

Shpeshherë ,përceptimi  për dhunën  është i kufizuar .Dhuna ,më së shumti ,përceptohet si e tillë vetëm në rastet e ushtirmit të  forcës fizike  të një idnividi apo grupi social  ndaj një individi ose grupi tjetër social ,që në raste ekstreme ka kosto  të lart që shprehet  edhe me humbje jetësh për shkaqe  ta pamotivuara që në media  përdoret  rëndom termi  “për arsye banale”.Në pamjen e saj të vërtet  shuna shfaqet në formën e dhunës insitucionale ,sociale ,ekstreme ,seksuale ,emocionale e psikologjike  në tërësi ,fizike dhe fizike ekstreme etj.Asnjë  nga institucionet nuk është realisht i imunizuar  nga format e dhunës.

Natyrisht në mjedise e insitucionet të ndryshme ,ajo ka dinamika të ndryshme .Vetëm  për të krijuar një përceptim  më të plotë për elementët  dhe format e dhunës  në tërësi ,le t’u referohemi  politikës ,ku dhuna “qarkullon” me shumicë .Për shembull,raste të dhunës shfaqen vertikalisht në të gjithë piramidën e shtetit .Më e theksuar  është ajo në ato institucione ku përkeqësohen  marrëdhëniet ,ku fryma e grupit rëndohet si pasojë e përpjekjeve të drejtuesve  për të shfrytëzuar pushtetin deri në abuzim të tij,me qëllim “që të disiplinohet” puna në insitucion apo ndërrmarrje.Po kështu ,e përhapur është edhe dhuna sociale  , “viktimat” e së cilës janë  kryesisht fëmijët dhe adoleshentët  e tërhequr nga jeta e grupit ,që rrinë disi larg shokëve  dhe shoqeve në shkollë dhe në mjedise  të tjera shoqërore .Për arsye nga më të ndryshmet ata nuk integrohen me mjedisin  psiko-kulturor  ku e kalojnë kohën  dhe rriten.Jeta e vetmuar është tipar dallues  i këtij grupimi .Fëmijët  të kësaj natyre  ndjehen keq psikologjikisht dhe emocionalisht,ndjehen disi të huaj në vendin e tyre .Po kështu ,dë dukshme janë dhe rastet  e dhunës fizike të shprehur në përdorimin e forcës  se një individi ose grupi  ndaj një individi dhe grupi tjetër social.Është e pranishme në komunitet ,në familje ,ndaj fëmijëve dhe bashkëshortëve  dhe individëve të tjerë të pambrojtur .Jo më pak e pranishme është dhuna fizike  edhe në shkollë,në isntitucionin e vetëm të edukimit që jep arsim dhe edukatë në mënyrë të organizuar.

Me format e dhunës emocionale ,që shprehen  virtualisht ,pothuajse jemi  socializuar në njsë masë të caktuar të gjithë.Rëndom shohim ose jemi në rolin e atyre që e ushtrojnë këtë dhunë ku punojmë  dhe jetojmë.Fjalët ofenduese qe e dëmtojnë emocionalisht bashkëshortin ose bashkëshorten,nxënësin,punonjësin,shokun  e shoqen etj,na shoqërojnë në të shumtën e herës .Siç duket një formë e tillë dhune ,kur krahasohet  me dhunën që të dëmton fizikisht ose që padrejtësisht e hedh punonjësin në rrugë,nuk ka ndonjë peshë të madhe në jetën e individit tek ne.Ndonëse  në një shoqëri të lirë dhe me demokraci të zhvilluar  edhe kjo dhunë është e papranueshme .Dhunën  e tyre intelektual  përpiqen ta “kompensojnë”  me forcën e pushtetit  të pushtetit  të përkohshëm që mund t’u jetë dhënë për çdo lloj kontributi ,me përjashtim  të atij profesional e kulturor në tërësi.Elementët e dhunës fizike  përdoren  në familje ndaj fëmijëve dhe jo vetëm,nga baballarë dhe të rritur,që e përdorin alkolin dendur dhe deri në atë masë sa kjo kategori  bëhen vartës ndaj ndaj pijes.Sa më shumë alkol që ata përdorin aq më të dhunshëm shfaqen në familje.Pjesët e grupimit të kësaj dhune janë edhe baballarët dhe bashkëshortët që mendojnë shpesh herë negativisht për sjelljen e fëmijëve dhe grave të tyre.

Niveli i ulët kulturor dhe formimi i pakët qytetar,diferencat  e mëdha në disa raste  mes çifteve  dhe xhelozia më së shumti si fenomen se sa si realitet ,i bën një kategori burrash të dhunshëm.Në psikikën e tyre sundon forca dhe kultivimi i frikës ,në vend të logjikës  dhe të arsyes.Ai që e trazon shpirtin e qytetarëve sot tek ne,është varfëria ,pamundësia  e një  për të siguruar kushtet minimale të jetesës si dhe problemet  e mëdha që kanë  me pronat ku në mjaft raste vepron “Maliqi” dhe jo ligji,ku pronarët pa prona janë bërë e po bëhen padrejtësisht me prona.Në pamundësi  për të gjetur zgjidhje nga strukturat përkatëse të  shtetit  dhe të shoqërisë ,njerzit dalin jashtë kontrollit ,nuk i kontrollojnë emocionet e tyre.Në këto kushte sjellja agravon dhe bëhet,siç po ndodh pothuajse përditë,konfliktuale  dhe me pasoja.Dhunën seksuale e ushtrojnë kryesisht individët  me deformime dhe çrregullime narciste të personalitetit .Ata janë kryesisht maniakë dhe shumë të rrezikshëm për shoqërinë.Më përjashtime shumë të rralla ,dhuna në të gjitha format e saj nuk ka efekte pozitive ,pavarsisht  se ku  dhe ndaj kuj ushtrohet.

Imagjinoni një dejtues shkolle ose institucioni,i cili nuk di ose komunikon me të me punonjësit ,që nuk ka aftësi t’i menaxhojë mirë punët ,që në vend të logjikës,argumentit,dhe arsyes përdor mosaryen  unin dhe forcën e pushtetit  provizor ,që bie viktimë e deformimeve  që mund të marrë ose merr nga “shoqet dhe shokët” e saj,që i shikon nga lart dhe  nga larg vartësitë ,mësuesit ,kolegët  dhe nxënësit:Çfarë ndodh në të tilla kushte?Pa u ndjerë frytet e përçarjes ,e frymës  që nuk o shërben punës,kultivohet autoriteti i rremë  dhe mungesa e mosbesimit  mes individëve  dhe palëve ,ndërtohen marrëdhënie  të ndera etj.E keqja është se kjo frymë dhe formë drejtimi  ,e shorehut në  formën e dhunës institucionale ,përcillet deri tek punonjësi më i thjehstë ,deri tek vartësit  më të largët  dhe tek nxënësit .E gjitha kjo e dëmton punën dhe vetë personat  që “vishen me kostume” të tilla të përkohshme të autoritetit  false  dhe të dal tahsmë  nga moda.Në shkollë dhunën ndaj nxënësve  që e përdorin  mësuesit me formim të dobët ,sidomos profesional.Në pamundësi  për të komunikuar me adoleshentët me gjuhën  e tyre ndodh  që mësues  të veçantë bëjnë presion  përmes  notës tek nxënësit ,i shohin ata me një farë përçmimi dhe në pozitat e njeriu që,sipas tyre ,i di të gjitha ,paçka se një grup nxënësish dhe studentësh  mund të dinë më shumë  se mësuesi ose pedagogu i tyre.Ku bëhet  mësim me të meta ,ku individë  dhe grupe  nxënësish nuk merren me punë  gjatë mësimit ,ata bëhen  “shkaktarë” të prishjes  së mësimit.Në këto kushte për ta  “displinuar” klasën vepron mësuesi autoritar ( jo me autoritet)  dhe përmes  dhunës “vendos” kush  qetësi ,ose i duket atij  se e arrijnë një gjë të tillë ,paçka se pasojat  mund të jenë  aq të mëdha sa ky lloj mësuesi  nuk i parashikon .Fjala vjen një konflikt i pamunduar mund ta çojë shtrirjen e tij  në familje,rrjedhimisht ai sjellë shumë pasoja  për të gjithë palët.Në familje  dhuna ndaj fëmijëve  kultivon dhunë e cila transmetohet ,si rregull edhe tek brezat pasardhës .

Dhuna fizike ,ndryshe nga arsyeja  dhe komunikimi i hapur ,kultivon  frikë dhe ankth  që e dëmtojnë shumë personalitetin  dhe karakterin e fëmijëve  në formim e sipër.Të gjithë kanë detyrime për mënjanimin e dhunës:shkolla,familja,shoqëria civile ,institucionet  shteti e strukturat e tij,shoqatat që veprojnë  etj.Ne duhet të ndryshojmë  pak e përditë mendimin  se dhuna  është mesjetare ,se civilizimi  dhe qytetaria  nuk e pranojnë  atë.Po ndryshuam  mendimin do të krijojmë baza për tu fokusuar  më mirë  në kultivimin e vlerave  të një demokracie  pa dhunë.Në mes të këtyre institucioneve shkolla  dhe familja kanë shumë përgjegjësi dhe  detyrime,se ato duhet të veprojnë  në mënyrë të kualifikuar  dhe së bashku për ta arritur qëllimin  për të cilin po flasim.Gjykoj se ka ardhurqë,krahas   përmirësimeve në sistemin  e punës  së shkollës dhe fakulteteve  të mësuesisë ,të hidhen hapat e para për trajnimin e prindërve ,pasi ata kanë shumë të meta në njohjen e moshës ,të mënyrës  së sjelljes dhe të komunikimit sidomos  me adoleshentët.Vetëm shkallë-shkallë  klima do të zbutet dhe shoqëria do të emancipohet .Për rrjedhojë edhe dhuna  do të pakësohet dhe me kalimin  e kohës do të shkojë drejt  zhdukjes.

Haradinaj nervozohet pasi Kurti u thotë ambasadorëve se Specialja shfuqizohet përmes Qeverisë

Zyra e Kryeministrit Ramush Haradinaj, përmes një përgjigje me shkrim, ka reaguar ndaj deklaratave se Qeveria e Kosovës do të procedojë në Parlament një nismë për zhbërjen e Gjykatës Speciale. Nuk e kanë mohuar një gjë të tillë, por kanë thënë se përkrahin nismën e deputetëve për shfuqizimin i Speciales. Kanë thënë, po ashtu, se me Sepcialen nuk bën të bëhen lojëra të tilla për përfitime personale e politike.

“Nuk komentojmë deklarata të liderëve të partive politike për çështje të këtilla. Ne respektojmë nismën e deputetëve të Kuvendit të Kosovës për Dhomat e Specializuara. Megjithëkëtë, temat e këtilla të ndjeshme nuk duhet të shërbejnë për lojëra dhe përfitime personale e politike”, thuhet në përgjigjen e Qeverisë për Express.

Ramush Haradinaj kishte refuzuar të niste nga Qeveria zhbërjen e Gjykatës Speciale. Por kishte përkrahur nismën e deputetëve, të cilët dështuan për shkak se s’kishin kuorum për ta çuar në Parlament zhbërjen e Speciales.

Ndërkohë, sot, Albin Kurti, tregoi se pasi ka takuar dy ambasadorë, u ka treguar se Specialja do të shfuqizohet përmes një projektligji të sponsorizuar nga Qeveria e Kosovës.

“Kurti, Mulhaxha-Kollçaku dhe Konjufca përsëritën qëndrimin e Lëvizjes VETËVENDOSJE! mbi padrejtësinë dhe dëmin që shkakton Gjykata Speciale por edhe për mungesën e seriozitetit dhe sinqeritetit të kësaj iniciative. Sidoqoftë, iniciativa tash ka ndryshuar formën dhe shpejtësinë pasi që ajo do të vie si Projekt-Ligj i qeverisë e jo më si nismë e deputetëve në Kuvend”, thuhet në njoftimin e Vetëvendosjes.

Kadri Veseli ishte treguar i pafuqishëm pasi s’kishte arritur të bënte kuorum për të çuar përpara zhbërjen e Speciales.

Presidenti Hashim Thaçi kishte deklaruar se respekton çdo nismë të deputetëve.

Gjykata Speciale e themeluar më 2015 me vendim të Parlamentit ishte planifikuar të shfuqizohej në fund të vitit të kaluar përmes një nisme të deputetëve të pushtetit. Kishte dështuar të kalonte në Kryesinë e Kuvendit në mungesë kuorumi.

Kishin reaguar ambasadorët e  SHBA’së dhe vendeve të BE’së, duke thënë se një nismë e tillë shkatërron raportet e Kosovës me bashkësinë ndërkombëtare.

Prapa kësaj nisme kishin qenë Hashim Thaci, Kadri Veseli e Ramush Haradinaj.

Burime të Express kanë treguar se Vetëvendosje është pajtuar të votojë pro shfuqizimit të Speciales nëse nisma shkon përmes Qeverisë.

Pajtimi ka ndodhur ne takimin që kanë pasur para dy ditësh Glauk Konjufca me Bilall Sherifin, Ahmet Isufin e Memli Krasniqin.

Linjë direkte Tiranë-Tel Aviv

Shumë shpejt pritet të nisin fluturimet direkte Tiranë-Tel Aviv.

Ka qenë Ambasada e Shqipërisë në Izrael, ajo e cila nëpërmjet një njoftimi në faqen e internetit, ka bërë të ditur lajmin.

Prej kohësh mes dy vendeve është diskutuar vendosja e fluturimit direkt dhe kompania që ka shfaqur interes ka qenë “Israir”, e cila planifikon të zhvillojë dy fluturime në javë Tel Aviv–Tiranë.

Por ende nuk ka asnjë datë të saktë se kur pritet të nis nga puna linja e re ajrore që do lidh Shqipërinë me Izraelin, ndërsa pritshmëritë janë që fluturimi i parë të kryhet brenda 6 mujorit të parë të këtij viti.

Nga “Gështenja e Tropojës” tek “Boronica e Bjeshkëve”, markat shqiptare të regjistruara më 2017

Viti 2017 shënoi rritje të aplikimeve për regjistrim të markave shqiptare. Janë produkte që një pjesë e mirë eksportohen dhe kanë fituar emër në tregjet europiane dhe më gjerë.

Gjatë gjithë vitit të kaluar aplikuan për regjistrim të markës 1161 biznese.

Drejtori i Përgjithshëm i Drejtorisë së Pronësisë Industriale, Elvin Lako, bëri të ditur në një aktivitet me rastin e përmbylljes së vitit 2017 se ka pasur rritje të interesit.

“I është dhënë rëndësi e veçantë aktiviteteve për ndërgjegjësimin e biznesit dhe publikut në tërësi. Është arritur të zhvillohen fushata takimesh me biznesin, duke ofruar asistencë dhe konsulencë për vlerësimin e PI si një kapital që mbrohet vetëm nëpërmjet regjistrimit dhe për ngritjen strategjive që çdo biznes duhet të ketë për ta kthyer PI në burim fitim

Për sa më sipër stafi DPPI ka kryer mbi 100 takime, duke shkuar në ambientet e biznesit jo vetëm në Tiranë, por edhe në rrethe të ndryshme të Shqipërisë. Ky aktivitet promovues solli si rezultat rritjen e konsiderueshme të aplikimeve për regjistrim të markave duke arritur një rekord të ri prej 1161 Markash”, tha Lako për Monitor.

Veriu rekord me produktet

Pjesa e Veriut të Shqipërisë ka pasur vëmendje të veçantë në regjistrimin e produkteve shqiptare që janë të njohura tashmë përtej kufijve.

“Në 2017 vlen për t’u përmendur që kemi rritje të aplikimeve për tregues gjeografikë të produkteve shqiptare kryesisht nga zonat veriore të Shqipërisë si: Gështenja e Tropojës, Gështenja e Malësisë së Madhe, Mjalti i Gështenjës së Tropojës, Mjalti i Gështenjës- Malësi e Madhe, Boronica e Bjeshkëve të Tropojës, Boronica e Bjeshkëve Kuksiane”, shprehet Lako.

Regjistrimi i markave shihet si një nga komponentët kryesorë të rritjes së konkurrencës dhe zhvillimit të biznesit përmes rritjes së eksporteve.

 

KQZ i heq mandatin deputetëve Rakipi e Rehovica

Në Shqipëri Komisioni Qendror i Zgjedhjeve vendosi sot në favor të ndërprerjes së mandatit për dy deputetët, Aqif Rakipi i Partisë për Drejtësi, Integrim dhe Unitet dhe Gledion Rehovica, i Lëvizjes Socialiste për Integrim

Me 5 vota pro, Kqz mbështeti kërkesën e bërë nga prokuroria, sipas së cilës të dy deputetët nuk kishin përfshirë në formularët e deklarimit të dhëna që lidheshin me të kaluarën e tyre. Sipas prokurorisë, Rakipi rezulton të jetë referuar nga policia italiane për mbajtje të sendeve të vjedhura, ndërsa Rehovica si i përfshirë në vjedhjen e një dyqani. Që të dy gjithashtu rezultojnë sipas të dhënave të marra nga Italia se kanë përdorur emra të rremë, të cilët nuk janë deklaruar nga dy deputetët.

Gjatë mbledhjes së Komisionit Qëndor të Zgjedhjeve, avokatët e deputetëve Rakipi e Rehovica, u shprehën se kërkesa e Prokurorisë është e pabazuar, pasi ndaj deputetëve nuk ka patur asnjë procedim penal, e aq me tepër vendim gjykate për dënimin e tyre. Edhe mos deklarimi i emrave të tjerë të përdorur prej tyre, nuk përbën, sipas avokatëve, shkak për ndërprerje të mandatit, pasi nuk mund të konsiderohet si një veprim i qëllimshëm, duke qenë se edhe në rast deklarimi ata, sipas avokatëve, nuk do prekeshin nga ligji për dekriminalizimin.

Vendimi i KQZ-ës u përshëndet nga Ambasada amerikane në Tiranë, sipas së cilës kjo “është provë pozitive se procesi i rëndësishëm i dekriminalizimit, filluar në dhjetor 2015, vazhdon në Shqipëri”.

Historiani Xhufi: Ja kur u shfaqën Turqit në anët tona

Historiani Pëllumb Xhufi i ftuar në emisionin “Arena” të Dritan Hilës, foli për periudhën kur otomanët pushtuan Shqipërinë, duke thënë se baza e tyre shërbeu Shkupi.

Xhufi: Turqit kanë filluar që në shekullin e XI, të duken nga këto anët tona. Ishin turqit selxhukë, të cilët Perandoria Bizantine i merrte si mercenarë. Në atë kohë, ata janë vendosur në Luginën e Vardarit me disa ngulime, të cilat vazhduan të jenë aty edhe në shekujt në vijim.

Ndërkohë si pushtues me identitet otoman kanë ardhur në vitin 1380 dhe erdhën nga jugu i vendit. Turqit si bazë morën Shkupin dhe prej andej niseshin në zonat e ndryshme të Shqipërisë.

“Pronari kishte folur me Saimirin”, del audio e re e përgjimeve të Habilajve me italianët

Ky është materiali i parë i siguruar nga Politiko.al. Gjatë tij të do të dëgjoni një bisedë disa minutëshe, regjistruar

nga Prokuroria e Katanias, zhvilluar ndërmjet pjesëtarëve të ‘klanit Habilaj’, të mbajtur në përgjim për disa vjet.

 

Politiko e ka zbardhur bisedën të plotë, por këshillohet dëgjimi i saj për të kuptuar më mirë, jo vetëm fillin e bisedës, por edhe për të siguruar një ide më të qartë të dialogjeve mes të përgjuarve. Teksti i shkaton shumë humbje ngjyrave, dhe ndoshta vetë thelbit të bisedës.

Me ‘B’ janë shënuara biseduesit dhe me numra secili prej tyre. Në fund të audios së transkriptuar keni edhe një komentar shpjegues të Politiko.al:

AUDIO 1

B1: …Se ke edhe shumë punë këtu i tha.

Pse, i tha Moisiu, nuk janë njerëz të mirë këta?

Çfarë njerëz të mirë, ata janë bastardë, i tha.

Eee, kështu si thoni ju ata janë bastardë, tha Moisiu. Moisiu për të nxjerrë sytë, ngacmonte ata.

O vëlla, i thashë unë, i fola shqip, thuaj i thashë, se unë i njoh më mirë se sa juve; më mori punën para dy muajsh.

(Qeshin)

Qeshte Moisiu, o (emër italian, nuk kuptohet), çfarë tha ky çfarë tha ky, çfarë tha ky?

Lëre tha, karton, tha.

Vajta atje, më thoshte pronari mua, se pronari kishte folur me Saimirin…që i kishte ashtu kostumin.

Eeeeeeee.

Më tha mua i lecioni, më tha mua, lecioni… unë e mora si leksione.

B 2: -Po.

I lecioni më tha, i thonë votime. I leccioni më tha, benne.

I thashë unë: çfarë i ke thënë këtij, jemi në shkollë ne tani, çfarë i ke thënë?

Jo, or jo, më thoshte mua, pyet për votimet se ka fol’ me Saimirin. Po, i thashë unë, i kanë q… nënën në gropë, i

kanë vjedh’ të gjitha votat. Ja, kshu do futet Shqipëria në Europë. Fillova politikën unë me atë. (qeshin).

Aman o, lëre më thoshte Moisiu, se mo vjen ai këtu se ka mbajtur numrin (qeshin të gjithë), se i kishte pëlqyer.

More vesh ça i kishte blerë Moisiu nuses së atij?

Biseduesi 2: Eeeeee…

B1: 15 mijë euro gjerdan..

B2: Ça thu ti re?

B1: Tani për tani.

B1: Përveç lekëve (ndërhyn B2:… kostumeve…shefave që paguante.)

B1: Përveç Sokolit që mori lekët për punën…Saimiri nuk donte lekë. Edhe u dha…i dha gjerdan. Komplet diamant.

(Njëri nga bashkëbiseduesit del nga makina. Lënë takim për të nesërmen ora 8.45 te ‘Peshku’.

Në makinë dëgjohet vetëm muzika e radios).

KOMENTAR

Çfarë ka të re në këtë material të publikuar nga PolItiko. al? është pyetja e parë, duke ditur faktin se shumë elementë të dosjes Habilaj, të grumbulluar në përgjimet italiane, janë zbardhur nga media. Gjëja e parë, e pahasur në materialet e mëparshme, është fakti se përgjimet e këtij materiali audio lënë të kuptohet qartë fakti se ish-ministri Tahiri ka patur kontakte, jo vetëm me Habilajt, por edhe me partnerët italianë të tyre. Me sa duket, ai nuk ka qenë vetëm një ‘lehtësues’ me infrastrukturë dhe inuencë shtetërore, por ka zbritur edhe në ‘terren’.

Kjo del qartë në bisedën e mësipërme, kur njëri prej të përgjuarve i kërkon tjetrit që të mos masë shumë (“se mos vjen këtu ai, se i ka mbajtur numrin”).

Elementi i dytë i ri lidhet me zgjedhjet. Del po aq qartë nga materiali i këtushëm se Tahiri ka folur edhe me italianët për zgjedhjet e pritshme në Shqipëri. Kushtojini vëmendje pjesës kur ndodh ngatërresa gjuhësore: italiani që i përmend zgjedhjet (elezzioni) dhe i përgjuari që kujton se po etpër leksione.

Elementi i tretë, ka të bëjë me sigurinë që jep ky pasazh zanor mbi atë se, a është kamionist Saimiri që del në përgjime, apo është ministër. Këtu fitet për një njeri me pushtet që quhet Saimir, që merr dhurata të shtrenjta dhe që është i shqetësuar për zgjedhjet.

Basha: Ndalimi i protestuesve është reagim prej frikacaku nga Rama

Kreu i Partisë Demokratike, Lulzim Basha e ka nisur vitin 2018 i revoltuar. Përmes një reagimi në rrjetin social “Facebook” pas ndalimit nga policia të dy pjesëmarrësve në protestën e opozitës më 18 dhjetor.

Një prej tyre, Osman Levanaku, u ndalua në pikën e kalimit kufitar të Qafë-Thanës më 31 dhjetor, ndërsa më 1 janar u ndalua nga policia në pikën e kalimti kufitar në Morinë, Fiqirie Nezaj.

Këto veprime të policisë, Basha i ka cilësuar si reagime “prej frikacaku të kryeministrit Rama”.

“Ndalimi i protestuesve edhe ne naten e nderrimit te viteve eshte reagim prej frikacaku i Edi Rames nga zemerimi masiv i qytetareve, qe fale bashkeqeverisjes se tij me krimin, jane sot me te varfrit ne Europe. Ndersa me bekimin e tij kalojne tonelata droge drejt Italise, policia e urdheruar nga Edi Rama dhe vellai i trafikantit te droges, Fatmir Xhafa, po ndalon qytetaret qe u ngriten kunder dhunimit te kushtetutes, kunder emerimit te Edi Rames kryeprokuror. Keto jane shenjat e tmerrit qe i ka kapur nga protesta e rradhes. Burgosja e qytetareve nuk e shpeton dot Edi Ramen, sepse nje popull te tere nuk e burgos dot. Burgu eshte vendi per trafikantet, bashkepuntoret e krimit ne pushtet, per te korruptuarit qe Edi Rama po ben gjithcka per t’i mbrojtur, jo per qytetaret qe ngrihen se nuk sigurojne dot buken e femijeve te tyre, ngrohjen ne kete dimer te acarte, nuk paguajne dot faturat qe rriten cdo vit. Me akte te tilla Edi Rama nuk ben gje tjeter veçse po firmos me shpejtesi fundin e tij politik. Shqiptaret e vrane friken 28 vite me pare. Kushdo qe perpiqet te riktheje sundimin permes frikes, do te kete te njejtin fund!”, shkruan Basha në Facebook.

Sulmohen me plumb telat përcjellës, gjysma e Tiranës mbetet sërish pa drita

Mbrëmjen e djeshme për rreth 20 minuta ashtu si edhe gjatë ndërrimit të viteve, gjysma e kryeqytetit ka vuajtur mungesën e energjisë elektrike, për të paktën 20 minuta, pas një defekti në linjën 110 kv që furnizon me energji nënstacionin e uzinës së Traktorëve dhe Kinostudion.

 

Por ashtu si rastin e parë, duke iu referuar burimeve zyrtare pranë OST-së “BalkanWeb” mëson se linja dyshohet të jetë qëlluar sërish gjatë natës siç mund të shihni edhe në foton e siguruar nga “BalkanWeb”. Aty duken qartë gjurmët e plumbit që ka depërtuar në telat përcjellës.

Punonjësit e OST kanë punuar gjatë natës dhe kanë rregulluar defektin, ndërsa OST ka depozituar sërish një denoncim pranë komisariatit numër 4. Blutë e kryeqytetit kanë nisur menjëherë hetimet për dëmtimin e linjës 110 Kv të OST në Babrru.


Send this to a friend