Në këtë fazë gjykata ka filluar funksionimin në Hagë dhe janë caktuar gjyqtarët, por ende nuk janë ngritur aktakuza.

Në një intervistë nga Londra, studiuesja e së drejtës penale ndërkombëtare në Universitetin e Oksfordit, Rudina Jasini, i tha kolegut të Zërit të Amerikës Ilir Ikonomi se arësyeja që ka patur një reagim kaq të fortë nga vendet e Kuintit është se për ngritjen e shtetit të së drejtës në Kosovë, vendet Perëndimore kanë bërë një investim mjaft të madh gjatë një periudhe disavjeçare.

Zonja Jasini tha se fakti që Gjykata speciale është ngritur në Hagë është pikërisht për të mbajtur standarde të larta proceduriale ndërkombëtare të procesit gjyqësor, sidomos për sigurimin e dëshmitarëve, për garantimin e të drejtave të të akuzuarve dhe mbi të gjitha të barazie midis palëve në procesin gjyqësor.

Juristja tha se sigurisht, një shumicë teknike mund të krijohet për të themeluar një ligj të ri ose për të ndryshuar përmbajtjen e ligjit aktual. Por kjo nuk mund të zhbëjë procesin e ngritjes së kësaj gjykate.

Kjo, tha zonja Jasini, do ta sillte Kosovën në një ngërç të padiskutueshëm juridik dhe do të dëmtonte mjaft rëndë marrëdhëniet me vendet e Kuintit por edhe marrëdhëniet ndërkombëtare.

Kjo do të sinjalizonte gjithashtu se Kosova nuk e ka marrë seriozisht procesin e trajtimit të krimeve të luftës dhe të atyre të pasluftës.

Rreth 150 persona të kthyer nga zonat e luftës në Siri e Irak, po vuajnë dënimet në burgjet e Kosovës.

Të njëjtit, nga institucionet e Kosovës, vazhdojnë të konsiderohen si rrezik potencial, andaj edhe po punohet për deradikalizimin e tyre.

Në procesin, e ashtuquajtur të deradikalizimit, janë të përfshira disa institucione shtetërore, Bashkësia Islame e Kosovës, shoqëria civile, por një angazhim parësor ka edhe Ministria e Drejtësisë.

Ministri i Drejtësisë, Abelard Tahiri, në një intervistë për Radion Evropa e Lirë, ka thënë se ekziston radikalizmi në burgjet e Kosovës. Andaj, sipas tij, kjo dukuri do të luftohet përmes ligjëratave të imamëve nëpër qendrat korrektuese.

Ai ka treguar se shumë shpejt do të nënshkruajnë një memorandum bashkëpunimi me Bashkësinë Islame të Kosovës, duke bërë të ditur se janë përzgjedhur edhe imamët të cilët do të ligjërojnë para të burgosurve.

“Ka qenë gjithmonë një tendencë e disa të burgosurve që i shpie në radikalizëm të dhunshëm. Ditëve në vijim do të nënshkruaj një memorandum mirëkuptimi me Bashkësinë Islame të Kosovës, e cila mundëson mbajtjen e ligjëratave nga persona që do të jenë të autorizuar nga Bashkësia Islame e Kosovës, për të pamundësuar një radikalizëm të tillë në burgjet e Republikës së Kosovës” ka thënë ministri Tahiri.

Sipas Tahirit, është shumë e rëndësishme që personave të cilësuar si të radikalizuar, t’u ofrohet mundësia që të integrohen në shoqëri në mënyrë që ata të mos paraqesin rrezik pas përfundimit të dënimit.

“Ky është edhe qëllimi që këta persona që janë të dënuar konform ligjit për implementim të sanksioneve penale, që i vuajnë dënimet në qendrat korrektuese në Republikën e Kosovës, në momentin kur e përfundojnë dënimin të jenë persona të cilët nuk do të paraqesin rrezik më tutje për shoqërinë tonë, mos të paraqesin rrezik për të rinjtë, mos të arrijnë t’i indoktrinojnë të rinjtë që të ndjekin rrugën mbi të cilën ata i ka dërguar të paktën në qendrat korrektuese” ka thënë Tahiri.

Ministri Tahiri ka folur edhe për qytetarët e Kosovës që vazhdojnë të jenë në vatrat e luftës në Siri apo Irak, duke thënë se së bashku me Agjencinë e Kosovës për Inteligjencë, do të punojnë për kthimin e tyre në vendlindje.

“Kemi të bëjmë me njerëz që tashmë u bënë disa vite që kanë kaluar nëpër ato vatra të luftës dhe padyshim që duhet të jemi të kujdesshëm ndaj tyre, duhet t’u qasemi me kujdes. Ata njerëz në asnjë rrethanë nuk duhet të anashkalohen, ata njerëz nuk duhet të lihen anash shoqërisë, mirëpo duhet të trajtohen konform ligjeve që i kemi në fuqi” ka shtuar ministri i Drejtësisë.

Nga viti 2012 në zonat e luftës në Siri e Irak, kanë shkuar mbi 300 qytetarë të Kosovës dhe sipas të dhënave të Policisë së Kosovës, 70 prej tyre janë vrarë.

Rreth 130 tashmë janë kthyer në Kosovë dhe pothuajse të gjithë janë arrestuar për vepra penale që ndërlidhen me terrorizëm dhe pjesëmarrje në luftëra të huaja.

Aktualisht në këto zona, sipas të dhënave zyrtare, vazhdojnë të jenë edhe 27 fëmijë dhe 44 gra.

Analisti amerikan për Ballkanin, Daniel Serwer, ka deklaruar për gazetën “Zëri” se shfuqizimi i Ligjit për Gjykatën Speciale do të përcillet me pasoja serioze për Kosovën, pasi që, sipas tij, marrëdhëniet me SHBA-në dhe me BE-në do të jenë shumë më problematike

Shfuqizimi i Ligjit për Gjykatën Speciale do t’i bënte marrëdhëniet e Kosovës me Shtetet e Bashkuara të Amerikës (SHBA), si dhe me Bashkimin Evropian (BE) shumë më problematike dhe kjo do të kishte pasoja serioze për vendin.

Kështu ka thënë në një intervistë dhënë gazetës “Zëri” analisti i njohur amerikan për Ballkanin, Daniel Serwer, duke shtuar se liderët kosovarë po sillen sikur të jenë të kërcënuar nga Gjykata. 

Pas dy dështimeve që kjo çështje të procedohet në Kuvend në fund të vitit të kaluar, Serwer shpreson që një përpjekje e tillë të mos realizohet gjatë këtij muaji, ashtu siç po pritet të ndodhë pas kthimit të deputetëve nga pushimet e fundvitit.

Analisti amerikan gjatë kësaj interviste për “Zërin” ka folur edhe për mosratifikimin e Demarkacionit me Malin e Zi, me ç’rast ka vlerësuar se ky është një veprim i pamatur politik, pasi Kosova ka nevojë për liberalizim të vizave me BE-në.

Ndërsa sa i përket Asociacionit të Komunave me Shumicë Serbe, ai ka thënë se një marrëveshje e tillë duhet zbatuar në përputhje me vendimin e Gjykatës Kushtetuese të Kosovës.

“Edhe këtu Kosova ka shumë më tepër për të fituar nga zbatimi i programit sesa nga braktisja e tij”, ka potencuar Serwer.

Më 17 Janar 2002, në hyrje të banesës së tij në lagjen “Fidanishte” në Pejë, në orët e mbrëmjes nga një dorë mizore iu shua jeta deputetit të Kuvendit të Kosovës dhe ish komandantit të UÇK-së për Rugovë, Smajl Hajdarajt. Iu shua jeta pa e shijuar mirë atë, një njeriu që bashkë me familjën e tij atdhetare bënë shumë historikisht për kombin. Në Janarin e tragjedive dhe krenarive kombëtare nga një pritë e organizuar u vra një njeri i urtë, bujar, veprimtar i madh i LDK-së dhe ushtarak i vijës institucionale të presidentit të Kosovës, dr.Ibrahm Rugova.

Vrasja e Smajlit dhe shumë vrasje të tjera mbetën ende të pa ndriçuara. Në atë kohë vrasja e Smajlit kishte bërë jehonë të madhe, se ishte vrarë deputeti i Parlamentit të Kosovës . Edhe një zyrtar i lartë o Kombeve të Bashkuara në Kosovë, kishte thënë së kjo organizatë do të bëjë maksimumin që të gjejë vrasësit dhe të përcaktoj arsyet e vrasjës së Smajl Hajdarajt.Por, nga këto deklarata dhe shumë te tjera deri më tash së do të bëhët diq në zbardhjën e vrasjeve të motivura politikisht nuk doli asgjë. Por, herdo kur, ky pluhur i harresës do të hiqet, dhe të gjitha vrasjet do ta gjejnë dritën e diellit. E gjejnë dritën e diellit, sepse gjaku i derdhur pa marrë parasysh së sa vite shkojnë nuk e lenë pa i shpërfaqur vrastarët.Smajl Hajdaraj dhe kontribut kombëtar qysh nga mosha rinore, dhe nuk u ndalë kurrë edhe me armë në dorë derisa sa Kosova u bë shtet i lirë dhe i pavarur.

Smajli si komandant i UÇK-së dhe si njeri kishte autoritet të madh jo vetëm në Rugovë por edhe në Rrafshin e Dukagjinit. Këtë respekt Smajli e kishte fituar me tiparet e tija të larta njerëzore dhe atdhetare. Ai ishte njeri afert më të gjithë ata që patën rastin ta njohin .Ishte njeri plotë elan për jetë, plotë energji dhe shumë optimist për të ardhmen e popullit të vet. Sigurisht se Smajli kishte luftuar për një Kosovë me ndryshe siq e kemi sot.Kishte luftuar për nje Kosovë pa krim të organizuar dhe korrupcion. Kishte luftuar për një Kosovë ku të gjithë do të kënë mirëqenje.Ka luftuar që vendi i tij të bëhët një shtet I prosperuar dhe demokratik. Smajli sigurisht së nuk e ka paramenduar së LDK-ja do të bie në duar të interesagjinjëve politik. Nuk e ka paramenduar se do të nepërkemben aq lehtë vlerat rugoviane të këtij subjekti politik dikur më e madhi në Kosovë.Vrasja e Smajlit la zbrazëtirë të madhe jo vetëm në LDK, por edhe në Kosovë. Ai u vra por nuk vdiq asnjehëre.

Ceremonia e varrimit të tij në fshatin Zahaq ku prehen eshtrat e tij, ishte ceremonia më madhështore pas ceremonisë mortore të presidentit historik të Kosovës, dr.Ibrahim Rugova. Me mijëra qytetarë nga mbarë Kosova atë ditë ia dhanë lamtumirën e fundit një atdhetari të madh. Vargu i atyre që ishin prezent atë ditë janari dukej i pafund, sikur është edhe e pafundme edhe vepra e tij. Jeta dhe vepra sublime e atdhetarit Smajl Hajdaraj do të mbetet e pavdekshme . Edhe pse vetëm pse fizikisht u nda nga familja , miqët , shokët dhe dashmirët, ai është gjallë me veprën e tij. Jeta dhe vepra e tij, do të jënë udhërrefim për brezat e rinjë së si duhet dashur atdheu dhe kombi.Ai ishte dhe ka mbetur mburrja dhe krenaria e familjës atdhetare Hajdaraj nga Rugova .Ai është krenaria e kombit.Sakrifica e tij për liri dhe pavarësi është e përjetshme. Prandaj , çdo përvjetor që vjen na e shton mallin , dhembjen por edhe krenarinë për atdhetarinë, Smajl Hajdarajn. Lavdi jetës dhe veprës së Smajl Hajdarajt!

Pas dorëheqjes së kryetarit të Lëvizjes Vetëvendosje Visar Ymeri, i cili dha dorëheqje nga drejtimi i këtij subjketi, sot edhe Dardan Sejdiu, ka dhënë dorëheqje nga të gjitha pozitat e tij drejtuese në Lëvizjen Vetëvendosje.
Sejdiu i ka dërguar një letër partisë, ku ka njoftuar për dorëheqje nga posti i nënkryetarit të parë.
“Kam vendosur që nga sot të jap dorëheqje të parevokueshme nga të gjitha pozitat e mia drejtuese në Lëvizjen Vetëvendosje, nga posti i nënkryetarit të parë të Lëvizjes, nga Kryesia e Lëvizjes, dhe nga anëtari i Këshillit të Përgjithshëm të Lëvizjes”, thuhet pos tjerash në letrën e Sejdiu.
Ai ka njoftuar po ashtu se veprimin e tij politik do ta vazhdojë si deputet dhe anëtar i VV-së.

Shefi i policisë në Helsingborg, Sven Holgersson, ka thënë se në gjashtë muajt e fundit në këtë qytet ka pasur shpërthime, të cilat ai i ka lidhur me krim të organizuar.

Në një deklaratë për gazetën suedeze “Aftonbladet”, Holgersson ka thënë se sulmet janë të lidhura me drogë, transmeton Koha.net.

“Për mendimin tim krejt këto kanë të bëjnë me drogë, ekonomi dhe armë”, ka thënë Holgersson.

Kjo deklaratë e tij është publikuar pak orë pasi ndodhi një shpërthim në hyrje të një ndërtese, nga i cili ka mbetur e plagosur vajza e nënkryetarit të OVL-së së UÇK-së, Nasim Haradinaj.

“Aftonbladet” raporton se në shtator një person ka vdekur si pasojë e një shpërthimi nga i cili mori flakë apartamenti i tij. Në muajin tetor, sipas kësaj gazete, një shpërthim kishte ndodhur në hyrje të stacionit policor.

Portali Koha.net ka kontaktuar Nasim Haradinajn dhe ai ka konfirmuar se në këtë shpërthim është plagosur vajza e tij, e cila punon si infermiere në këtë qytet dhe ishte duke u përgatitur për fillimin e studimeve në Suedi.

Në një deklaratë për KTV-në, Haradinaj ka thënë se vajza është plagosur në këmbë dhe ka pasur djegie.

“Sulmi është akt terrorist, por unë nuk e lidhi me punën time këtu. Asnjëherë nuk kam pasur kërcënime nga askush e as vajza nuk është kërcënuar asnjëherë”, ka thënë Haradinaj.

Nasim Haradinaj është përfolur shumë në fundin e vitit të shkuar për shkak të një deklaratës së tij se “punë e madhe që janë vrarë aktivistë të LDK-së”.

Visar Ymeri, kryetari i deritashëm i Lëvizjes Vetëvendosje, ka dhënë dorëheqje nga të gjitha pozitat udhëheqëse në parti.

“Që nga dita e sotme kam vendosur të dorëhiqet parevokueshëm nga të gjitha pozitat e mia drejtuese të Lëvizjes Vetëvendosje. Më duhet ta them se ky është një prej vendimeve më të vështira që i kam marrë në jetë dhe një prej ditëve më të vështira të jetës sime”, ka thënë Ymeri në konferencën për media.

“Kur Lëvizja nuk është e bashkuar, nuk është e fortë, e kur kjo nuk është e fortë, humb Kosova”, tha Ymeri, duke thënë se dallimet brenda partisë e kanë bërë të marrë këtë vendim.

Tutje Ymeri është shprehur se ka dhënë dorëheqje pas zhvillimeve të fundit në partinë që ai i takon.

“Jap dorëheqje në shenjë mospajtimi me këto zhvillime dhe pasi nuk ia dola që t’i zgjidhja këto zhvillime. Shpresoj që kjo dorëheqje do të kuptohet si alarm për gjendjen që kemi ardhur dhe nga ata njerëz që kanë bërë linçime”, tha më tej ai.

Adnan Merovci, ish-shefi i Protokollit në zyrën e ish-presidentit të Kosovës, Ibrahim Rugova, ka shkëputur nga arkiva e tij një video, me të cilën ky i fundit iu drejtohej qytetarëve të Kosovës dhe shqiptarëve në përgjithësi në natën e ndërrimit të moteve mes 1994 – 1995.

Në këtë video, pak më të gjatë se 2 minuta, Rugova flet për atë që kishte arritur Lëvizja paqësore të cilës i printe ai në vitin 1994. Fliste edhe për një forcim të organizimit të qëndresës në të gjitha fushat, por nuk jep më shumë detaje se për çfarë qëndrese e kishte fjalën.

Për vitin e ardhshëm, atë 1995, Rugova premtonte më shumë punë e ishte i bindur se do të arrihej çështja e Kosovës do të shtohej gjithnjë e më shumë si problem që do zgjidhje të drejtë në bazë të vullnetit politik të popullit.

“Duhet të bëjmë çmos që të qëndrojmë, të rezistojmë të organizohemi më mirë, të ruajmë besimin te njëri – tjetri që është pasuria më e madhe, të ndërtojmë një pajtim të përditshëm ndërmjet veti edhe politik, edhe njerëzor, edhe kombëtar të të gjitha forcave politike shqiptare, dhe me siguri mund të them se edhe viti i ardhshëm do të na sjell gjëra më të mira për realizimin e çështjes e Kosovës, të kërkesave legjitime të këtij populli dhe të çështjes shqiptare në përgjithësi”, kishte thënë Rugova.

Këtu mund ta shihni mesazhin e urimit të Rugovës për vitin 1995:

Vitin që po e lëmë pas ishte një vit i rëndësishëm për Kosovën dhe për shqiptarët. Ishte një vit i vazhdimit të okupimit të Kosovës por edhe një vit i forcimit të organizimit shqiptar në Kosovë dhe i gjithë i qytetarëve të saj, dhe po ashtu një vit i afirmimit të çështjes së Kosovës në planin ndërkombëtar. Mund të themi se gjatë këtij viti çështje e Kosovës shtrohet si temë dhe problem që do zgjidhje në të gjitha nivelet dhe institucionet ndërkombëtare evropiane dhe të Shteteve të Bashkuara. Mund të themi se ishte një vit i afirmimit të mëtejshëm dhe i qëndresës në të gjitha fushat në Kosovë. Po ashtu ishte një vit i afirmimit jo vetëm të Kosovës por të çështjes shqiptare në përgjithësi.

Për vitin e ardhshëm jo vetëm që shpresojmë, por edhe punojmë dhe jemi të bindur se çështja e Kosovës do të shtohet gjithnjë e më shumë si problem që do zgjidhje të drejtë në bazë të vullnetiti politik të popullit.

Duhet të bëjmë çmos që të qëndrojmë, të rezistojmë të organizohemi më mirë, të ruajmë besimin te njëri – tjetri që është pasuria më e madhe, të ndërtojmë një pajtim të përditshëm ndërmjet veti edhe politik, edhe njerëzor, edhe kombëtar të të gjitha forcave politike shqiptare, dhe me siguri mund të them se edhe viti i ardhshëm do të na sjell gjëra më të mira për realizimin e çështjes e Kosovës, të kërkesave legjitime të këtij populli dhe të çështjes shqiptare në përgjithësi.

Duhet të punojmë dhe do të jetë një vit që do t’i afrohemi më shumë integrimeve shqiptare, ballkanike dhe evropiane.

Gëzuar edhe njëherë, çdo të mirë!

• 

  Luljeta Krasniqi – Veseli

  Luljeta Krasniqi, e lindur më 02.05.1981. Me gazetari ka filluar të merret që nga viti 2005. Për një kohë të gjatë ka punuar si gazetare në Agjencinë e lajmeve Kosovalive. Ekipit të Radios Evropa e Lirë i është bashkuar në vitin 2008.

Ambasadori amerikan në Beograd Kyle Scott është deklaruar sot rreth formimit të ushtrisë së Kosovës, transmeton Koha.net.

Duke u përgjigjur në pyetjen e gazetës “Blic” të Beogradit se a është vërtetë Ushtria e Kosovës kërcënim për stabilitetin e rajonit Scott ka thënë:

“Nuk shoh pse Ushtria e Kosovës do të ishte kërcënim më i madh se sa janë, për shembull, Ushtria e Serbisë, e Bosnjë – Hercegovinës, Maqedonisë, Malit të Zi, Greqisë, Bullgarisë…”.

Scott ka treguar edhe mënyrën se si duhet të formohet Ushtria e Kosovës:

“Ajo duhet të formohet në kuadër të Kushtetutës së Kosovës e kjo e kërkon konsultimin e të gjithë popujve që jetojnë atje. Ne e përkrahim pavarësinë e Kosovës dhe çdo shtet ka të drejtë në zgjedhjen e partnerit strategjik dhe që brenda territorit të vet të formojë forcat e sigurisë, porse kjo kërkon pajtimin e të gjithë popujve që jetojnë në Kosovë”.

Ambasadori amerikan në Beograd, Kyle Scot, ka theksuar se Kosova me gjenerata e ka shumicën shqiptare e jo serbe, se shumica e popullit shqiptar ka kërkuar dhe ka luftuar për pavarësi nga Serbia, transmeton Koha.net.

Në një intervistë për gazetën serbe “blic”, ambasadori amerikan në Beograd, Kyle Scott ka folur për Kosovën.

Në pyetjen se shumica e serbëve beson se Amerika ua ka rrëmbyer Kosovën deh çfarë mendon ai për këtë, Scott është përgjigjur:

“Përgjigja ime është se pajtohem me presidentin Vuçiq se në Serbi ka shumë mite lidhur me Kosovën. Nuk kontestohet se Kosova ka luajtur një rol të madh historik e kulturor në jetën e serbëve, por po ashtu nuk mund të kontestohet se Kosova me breza e breza ka popullatë shumicë shqiptare e jo serbe. Mund të mos pajtohemi me atë se çfarë vërtetë ka ndodhur në vitet e 90-ta, por mendoj se qartas shumica e popullit ka kërkuar pavarësi duke menduar se Beogradi nuk iu del përballë nevojave të tij. Mendoj se dialogu i brendshëm që e ka iniciuar Vuçiq për çështjen e Kosovës do të sjellë debat të hapëta për të dhe do të përpunojë opsione ashtu që marrëdhëniet të normalizohen në të ardhmen. Natyrisht se do të jetë vështirë të arrihet te përgjigja e drejtë, por mendoj se ky dialog dhe ai në Bruksel duhet të japin kontributin e zgjidhjes dhe se udhëheqjet a Beogradit e të Prishtinës i presin vendime të vështira.
Të vetmen zgjidhje stabile dhe afatgjatë do ta sjellin bisedimet dhe marrëveshja e drejtpërdrejtë ndërmjet serbëve e shqiptarëve përfshirë dhe dialogun Brukselit të cilën përkrahim”, përcjell Koha.net.

Në konstatimin e “blicit” se edhe disa intelektualë shqiptarë thonë se problemi i Kosovës është në faktin se shtetësia e saj bazohet në dënimin e Serbisë dhe se a ka të vërtetë në këtë, Scott tha:

“Gjatë shpërbërjes se cilitdo shtet, edhe të ish – Jugosllavisë ose të Austro-Hungarisë, pas Luftës së Parë Botërore, disa popuj kanë fituar, disa kanë humbur. Kjo nuk mund të evitohet, por duhet shikuar në të ardhmen. Edhe për Kosovën, edhe për Serbinë është me rëndësi që të përkrahen në anëtarësimin në Bashkimin Europian. Hungaria ka humbur territore në Rumani, Sllovaki, në Serbinë veriore, në Kroacinë verilindore, por e ardhmja të gjitha këto vende i ka dërguar në BE”.

Në fakt, 2017’ta ishte një vit i ngarkuar me zgjedhje.

Pothuajse nga pranvera e hershme shteti ra në letargji, duke u lënë partive politike hapësirë për aktivitete e fushate.

Në qershor u mbajtën zgjedhjet nacionale, që pasuan me një krize të formimit të qeverisë dhe Kuvendit, pas të cilave Ramush Haradinaj, fitoi dhe u bë kryeministër.

Në tetor e nëntor u votua për asamble lokale e kryetarë komunash.

Befasitë nuk munguan, ndërsa Istogu bëri përjashtim, duke votuar tri herë.

Kryeministri i Kosovës, Ramush Haradinaj për marrëveshjen e demarkacionit, ka thënë se Kuvendi sa më shpejt duhet të marrë vendimin për këtë temë.

Ishin vitet e 70-ta . Ende isha filloristë , dhe nuk e kam shumë të qartë së si ishte e mundur që në menyrë të organizuar na dërguan në kinoteatrin e qytetit të Pejës , në shfaqjën e filmit dokumentar “Klithamat e Fundit në Gjungel”.Nese nuk kam harruar më duket së e gjithë ngjarje zhvillohej diku në terrenet e një gjungle afrikane . Ishte e tmershme ajo qka pamë atë ditë.Ishte shumë e palogjikshme dhe e pajustifikueshme së si drejtorati I shkollës kishte vendosur të shohim skena të tilla të tmerrit , skena që shumica prej nesh nuk i kemi harruar kurrë. Si të harrohen skënat e vërteta kur njerëzve nga legjionaret ju preheshin kokat dhe me koka ne duar zgerdhiheshin për “gjahun” e fituar. Kjo nuk ishte natyrisht e tëra , gjithashtu pamë duke iu prere njerëzve organet gjenitale ,ku klithmat e viktimave edhe sot e kësaj dite më kan mbetur të pashlyera në kujtesë.Ajo që vriteshin shtazët e që natyrisht në krahasim më prerjën e kokave dhe organeve gjenitale te meshkujve por edhe të femrave , ka mbetur në margjina të mendjës dhe përjetimit tonë .Një film i tillë dokumentar tu servohet shkollarëve filloristë kjo nuk përkon më logjikën e shëndosh të njeriut .Nga njëherë me shkon mendja së një shfaqje e tillë e një filmi lemeritës mos vallë kishte prapavijë të caktuar politike të serbeve ,karshi shkollarëve shqiptarë .Këtë storie e përmenda natyrisht më qëllim të caktuar.

Këso skënash të lemeritshme dhe të tmerit pamë edhe më rastin e shpërbërjës së dhunshme të ish –Jugosllavisë së diktatorit Tito.Ajo që ndodhi së pari në Bosnje e pikërisht në Srebernicë , natyrisht së e tejkalon shumë fishë shfaqjën e një filmi dokumentar. Ne Bosnje ndodhën shfaqje të tmerrit , njerëzit kan pa dhe kan përjetuar klimtha të njerëzve duke u vrarë dhe maskaruar nga barabaret serbe , deri në kup të qiellit . Sigurisht së shumë nëna , motra , vëllezër , pleq e plaka kan përjetuar gjera të cilat jo që nuk shlyhen kurrë , por edhe I kan derguar shumë prej tyre në qmenduri.Një tragjedi njerëzore , një gjenocid I pa parë në sytë e ndërkombetarve ,nuk është parë dhe përejtuar nga kanibalet serbe, pas Luftës së Dytë Botërore .Tragjeditë dhe gjenocidi nuk përfunduan më luftën në Bosnje , ato vazhduan edhe më luftën në Kosovë .Kasapi dhe krimineli , Sllobodan Millosheviq , bashkë më Kishën Ortodokse Serbe dhe Akademinë e tyre ishin sponzorizuesit e masakrave të Reqakut, Rahovecit ,Mejës , Qyshkut, Lubeniqit e masakrave të tjera në qdo cep të Kosovës. Shovenistet serbë nuk u ndalën më kaq , ata dhunuan , vranë dhe masakruan edhe gra, pleqë, plaka dhe fëmijë, bënë qdo faqe të zezë mbi këtë tokë .
Dhe, unë për vetën time nuk e kam kuptuar botën demokratike së si Serbinë nuk e dënuan për gjenocid . Ndodhën vrasje dhe shfarosje në masë të gjerë . Sigurisht së as udhëheqjeve tona politike të pas luftës nuk ju falet së si nuk u kujtuan ta padisinë Serbinë në TPI, për gjenocid , ku për të cilën gjë kan pasur fakte më bollëk .Nuk e shfrytëzuan së paku as materjalin e mbledhur të Keshillit për të Drejtat e Liritë e Njeriut në të gjitha komunat e Kosovës. Nuk u kërkua nga Serbia që ti paguaj as dëmet e luftës, dhe as nuk u kërkua kurrë ndarja e pasurisë nga ish -Jugosllavia …Të gjitha këto u harruan nga ata të cilët erdhën në pushtet, së u habitën duke vrapuar pas pasurimit.E harruan gjithë atë qka na ndodhi në luftën për liri dhe pavarësi. Këta udheheqës na u shëndrruan bukur shumë në mafioz , ose veq kan qenë të tillë.E harruan të kaluarën , harruan të gjithë ata martirë dhe deshmorë të kombit, i harruan vrasjët e fëmijeve , grave , pleqeve , harruan dhunimet e nënave dhe të motrave tona …Lanë mbrapa rrugën e lavdisë duke marrë rrugën e turpit. Nuk krijuam shtet si kemi menduar dhe për qka është punuar .Nuk vumë rend dhe ligj si duhet. Kjo klasë politike u futën në rrugën pa krye . Lakmia për pushtet apsolut I bëri të pamshirshem karshi popullit dhe vendit të vet. Na ndodhën edhe vrasjet që është plagë që zor do të shërohet edhe për shumë vite , e ndoshta kurrë.Organat e drejtësisë nuk po funksionojnë njejtë për të gjithë .Nuk po merziten për ndërgjegjën e tyre të vrarë.Nuk po kan dert së janë bër pasanikë në kurriz të popullit .Nuk e kan dert së shumica sot po jetojnë si në Afrikë …Si është e mundur që mafiozet politik dhe mafiozet ekonomik të sundojnë më shtetin.Nuk u skarifikua që shteti të marre nje kahje aq të mbrapsht .Sigurisht së nuk u sakrifikua që Kosova të bëhët shtet mafioz ?!…

Kryeministri i Kosovës, Ramush Haradinaj, ditë më parë mori një vendim për t’ia rritur pagën vetes dhe kabinetit të tij qeveritar.

Ky vendim po cilësohet si i paligjshëm nga shoqëria civile dhe nga partitë opozitare në Kuvendin e Kosovës.

Albulena Haxhiu nga Vetëvendosje i është drejtuar Agjensionit Kundër Korrupsion dhe Gjykatës Kushtetuese për këtë çështje.

Ndërsa sot, përmes një postimi në Facebook, deputetja Haxhiu ka bërë me dije se me rritjen e pagave për qeveritarët i është rritur edhe paga e Presidentit të vendit, Hashim Thaçit.

“Aktualisht, sipas vendimit të paligjshëm, arbitrar e skandaloz të Qeverisë Haradinaj për pagat e tyre, paga e Haradinajt është paga më e lartë krahasuar me pagat e udhëheqësve tjerë. Ndërkohë në nenin 11 të ligjit për Presidentin thuhet: 1. Paga e Presidentit të Republikës së Kosovës është paga më e lartë në kuadër të institucioneve shtetërore të Republikës së Kosovës. 2. Paga e Presidentit të Republikës gjithmonë duhet të jetë së paku njëzet e pesë përqind (25%) më e lartë se të ardhurat e përgjithshme të Kryetarit të Kuvendit të Republikës së Kosovës dhe udhëheqësve të tjerë institucional”, ka shkruar Haxhiu në Facebook.

“Pra nëse Haradinaj do të ketë pagën afër 3000, Hashim Thaçi do ta ketë më shumë se 3500, ose afër 4000, plus meditjet e reprezentacioni! Është tmerr i vërtetë”, u shpreh Haxhiu.

Ish-përfaqësuesi i Lartë i OKB-së për Bosnje-Hercegovinën, Christian Schwarz-Schilling teksa komentoi situatën për njohjen e Kosovës, kritikoi faktin që nga 27 shtete anëtare të BE-së, pesë shtete nuk e kanë njohur ende atë.

“Evropa nuk është në gjendje që të bëjë një politikë të qartë kundrejt Serbisë dhe Kosovës. Dhe ky është turp!. Ato vende se kanë njohur për shkak të problemeve të brendshme. Ky është egoizëm i këtyre shteteve. Kështu BE-ja nuk do të luftojë kurrë ndonjë luftë për demokracinë”, tha ai.

Mes të tjerash Christian Schwarz-Schilling deklaroi se njohja e Kosovës do të duhej të ishte bërë direkt pas luftës më 1999. “Ishte dobësia e OKB-së dhe BE-së që nuk e bëri këtë”, theksoi ai.

Dogana e Kosovës ka publikuar sot të dhëna për mbledhjen e të hyrave. Drejtuesit e Doganës së Kosovës, në një konferencë për media kanë bërë të ditur se deri më tani janë mbledhur mbi 1 miliard e 117 milionë euro.

Ata thanë po ashtu se krahasuar me vitin e kaluar, ka rritje të të hyrave për 65 milionë më shumë.

Buxheti në masë të madhe është rritur nga të hyrat e cigareve, nafta dhe mjetet motorike.

Nga nafta u tha se të hyra ka pasur 330 milionë euro, nga cigaret 165 milionë euro dhe 85 milionë nga mjetet motorike.

Kjo rritje, thanë drejtuesit e doganës, tregon përkushtimin në realizimin dhe mbushjen e buxheti dhe se kjo doganë është një administratë moderne, efikase dhe profesionale, për të u përballur me të gjitha sfidat.

Presidenti Hashim Thaçi ka folur lidhur me iniciativën për shfuqizim e Gjykatës Speciale.

Ai ka thënë se asnjë iniciativë e qytetarëve dhe deputetëve që është në përputhje me Kushtetutën nuk është përplasje me bashkësinë ndërkombëtare.

“Asnjë iniciativë qytetare e as e deputetëve që është në përputhshmëri me Kushtetutën dhe procedurat e rregullta parlamentare nuk është as tronditje as përplasje. Përkundrazi është një çështje që duhet shikuar dhe vlerësuar seriozisht sepse janë njerëzit e zgjedhur nga populli dhe kanë mandatin e plotë inicojnë gjëra të cilat mendojnë se janë të drejta apo mendojnë që duhet t’i shtyjnë përpara”, tha Thaçi për televizionin 21.

Një profil në Facebook me emrin Don Shan Prifti Zefi ka shpërndarë akuza dhe komente fyese në drejtim të komunitetit mysliman. Në komentet e bëra në këtë profil mallkohej ish-presidenti serb, Sllobodan Millosheviq që nuk i vrau shqiptarët e besimit mysliman. “Faj ka Millosheviqi, ka qenë dashtë vetëm 150 mijë shqiptarë t’i lë të gjallë. Juve turqve ose të ju dëboj ose të ju djegë”, thuhej në njërin nga komentet.

I kontaktuar nga Radio Evropa e Lirë, Don Shan Zefi ka mohuar se ai është profili i tij.

“Jo, jo, ai nuk është absolutisht fare profili im i Facebook-ut. Kjo nuk është hera e parë, pak a shumë me të njëjtin emër e kanë hapur edhe disa vite më parë, mirëpo pas insistimeve u hoq, u shua ai profil i Facebook-ut dhe aty u pa se nuk ka absolutisht përveç fotografisë time që e pashë, portretit tim, asgjë nuk ka të vërtetë”, ka thënë Zefi.

“Unë po përgatitem që rastin ta paraqes në prokurori dhe në gjyq dhe duhet shteti i Kosovës të jetë më vigjilent dhe të mos bjerë pre edhe veçmas masmediat në Kosovë”, ka thënë Zefi për Evropën e Lirë.

Ai ka thënë se personat që kanë hapur këtë profil të rrejshëm kanë pasur për qëllim të prishin bashkëjetesën mes shqiptarëve dhe dëmtimin e Kishës Katolike.

Zefi thotë se është sulmuar vazhdimisht nga grupe të ndryshme ekstreme por që sipas tij, ai gjithmonë ka promovuar tolerancën ndërfetare në Kosovë.

Komentet e këtij profili të cilin Shan Zefi e cilëson si të rremë janë bërë lajm nëpër media të ndryshme online. Qindra komentues kanë shprehur kundërshtimin me përmbajtjen e komenteve fyese të cilat ishin bërë nga ky profil në Facebook.

Objekti i Kishës Ortodokse në Kampusin Universitar nuk do të jetë i vetmi telash i UP’së. Së fundi, nënkryetari i Komunës së Prishtinës, Selim Pacolli, ka dalë me idenë që brenda kësaj zone të ndërtohet edhe një tjetër objekt fetar. Një xhami me 20 kupola. Megjithatë, diçka e tillë për Këshillin Drejtues të Universitetit “Hasan Prishtina” është e papranueshme.

Universiteti “Hasan Prishtina” ka nevojë për zgjerim të kampusit universitar, por ideja që zgjerimi të ndodhë krahas zhvendosjes së këtij kampusi në periferi është e papranueshme për drejtuesit e saj.

E zhvendosjen e kampusit universitar dhe administratës së saj në periferi të kryeqytetit po e synon që ta bëjë qeverisja Komunale e Prishtinës, përmes idesë së nënkryetarit të saj të ri, Selim Pacolli, që vjen nga AKR’ja.

Në vend të objekteve universitare, ai po do që të ndërtojë një xhami me 20 kupola.
“Kur kampusi të zhvendoset në periferi atëherë aty krijohet një zonë e lirë dhe në këtë zonë mund ta ngrisim një objekt kulti të komunitetit islam ashtu siç është katedralja. Është projekt supermodern me 20 kupola”, ka thënë zëvendësi i Shpend Ahmetit në një intervistë televizive, të mërkurën mbrëma.

Por, për realizimin e një ideje të tillë, që Pacolli po synon ta bëjë në Prishtinë, ky nuk është konsultuar fare me zotëruesit aktual të kësaj zone.

Këshilli Drejtues i UP’së ka bërë të ditur për Gazetën Express se UP’ja nuk është njoftuar e as konsultuar për një projekt të tillë. Gjithsesi, drejtuesit e UP’së thonë se një ide e tillë është e papranueshme për ta.

Ata thonë se kërkesa e tyre është që hapësira e kampusit universitar të lirohet edhe nga objekti i Kishës Ortodokse Serbe, e assesi të mos ndërtohet diçka tjetër që nuk është i destinuar për nevojat e UP’së.

“Për UP-në një projekt i tille është i papranueshëm dhe bie ndesh me kërkesat tona drejtuar organeve kompetente për lirimin e hapësirave universitare nga të gjitha objektet që nuk janë të destinuara për nevoja të studentëve, respektivisht për procesin mësimor, përfshirë këtu largimin e objektit të Kishës Ortodokse serbe”, thuhet në një përgjigje të UP’së për Gazetën Express.

“Besojmë që e kaluara historike e zhvillimit të UP-së dhe ndikimi i një zhvillimi të tillë në lirinë dhe pavarësinë që e gëzojmë, nuk do të lejoj askënd ta vendosë UP-në para një zgjedhje të tillë”, pohojnë të njëjtit.

Madje, Këshilli Drejtues i Universitetit “Hasan Prishtina” thonë se janë të indinjuar nga projekti i nënkryetari të Prishtinës, dhe se për një ide të tillë janë informuar përmes mediave.

“Ne e kemi të nevojshme zgjerimin e Kampusit Universitar me objekte të reja […] Kjo nuk nënkupton zhvendosjen e Kampusit Universitar në periferi, aq më tepër që shumë shembuj nëpër botë kanë treguar që Kampusi Universitar brenda një qyteti luan rol shumë të rëndësishëm edhe për zhvillimin ekonomik dhe kulturor të tij”, thotë përgjigja e Këshillit Drejtues të UP’së.

Selim Pacolli, më të nevojshme sesa kampus universitar në qendër të kryeqytetit të Kosovës, ka treguar se e sheh ndërtimin e xhamisë, pasi sipas tij besimtarët myslimanë në vend detyrohen që ritet fetare t’i kryejnë në rrugë, në mungesë të një xhamie të madhe.

“Unë jam praktikues i riteve të fesë islame dhe të premteve shumë besimtar i kryejnë ritet fetare në rrugë. Kjo nuk është e drejt andaj ne jemi të shtyer t’iu ofrojmë kushte të gjitha komuniteteve islame”, ka thënë ai në ‘Dukagjini’.

Nga ana tjetër, Qeveria e Kosovës ka refuzuar të komentojë apo tregojë nëse do të përkrahet ideja e Pacollit.

“Kjo është kompetencë ekskluzive e Komunës së Prishtinës, që në bazë të ligjeve në fuqi vendos për ose kundër projekteve të tilla”, thuhet në përgjigjen për Express të Zyrës për Komunikim me Publikun të Kryeministrit Ramush Haradinaj, që ndër të tjera është pyetur se “a është i pranueshëm për Qeverinë një projekt i tillë”

PRISHTINË – Presidenti i Kosovës, Hashim Thaçi, ka bërë me dije se e mbështet iniciativën e deputetëve për shfuqizimin e Gjykatës Speciale.

Ai ka thënë se do ta nënshkruajë ligjin për këtë çështje sikurse çdo ligj që ka nënshkruar si president deri tani.

Në këtë intervistë dhënë për gazetën “Epoka e re”, Thaçi ka thënë se askush nuk duhet t’u frikësohet iniciativave qytetare.

Sipas tij, veprimet ligjore dhe kushtetuese mund të jenë të papëlqyeshme apo zhgënjyese, por nuk i prishin raportet me ShBA-në, BE-në dhe NATO-n.

Thaçi ka ritheksuar se Gjykata Speciale është padrejtësi historike, por e ka shtyrë përpara për hir të ruajtjes së partneritetit me ShBA-në, NATO-n dhe BE-në.

Sipas tij, krijimi i Speciales më tepër ka qenë lojalitet i Kosovës ndaj propozuesve sesa ka qenë i nevojshëm dhe bindje se duhet të ndodhë diçka e tillë.

Prandaj, presidenti Thaçi ka thënë se ky lojalitet i Kosovës nuk duhet të keqpërdoret.

Le të ndalemi pakëz te praktika e projekteve/programeve serbe, te terrori sistematik mbi popullin shqiptar në periudhën e viteve 1876-1878. Territore të tëra të krahinës së Nishit, të Toplicës e të Kosanicës, por më vonë edhe të Sanxhakut (Pazari i Ri), janë invaduar nga shteti i parë serb, i nisur në vitin 1844, por që shtrihej vetëm në rrethinën e Beogradit. Dhuna dhe terrori serb është zbatuar në këtë kohë për të shpopulluar këto krahina që banoheshin në masë të madhe nga shqiptarët. Ndërkaq, të dhënat e kësaj kohe flasin me fakte se “territoret etnike shqiptare, sipas lordit Broughton (1809), shtriheshin në një gjatësi prej 39 gradë me 43 gradë të gjerësisë veriore dhe në 17 gradë me 20 gradë të gjatësisë lindore, duke përfshirë në këtë mënyrë një sipërfaqe gjeografike prej 62. 500 kilometra katrorë” (IHK,1977, fq. 10). Ja se çfarë pohon komisari i Komisionit për Kufizimin e Serbisë, anglezi John Ross, lidhur me gjendjen demografike në këto krahina: “Pothuajse të gjithë banorët e Sanxhakut të Nishit ishin shqiptarë të besimit mysliman. Pasi u pushtua nga Serbia, popullsia e tëra iku në drejtim të Vilajetit të Kosovës. Rreth 60. 000 deri në 70. 000 refugjatë shqiptarë u koncentruan në Kosovë”.

Pushteti serb i asaj kohe, më 3 janar 1880, nxori Ligjin për viset e reja të kolonizuara. Fakte të shumta të dy shekujve të kaluar argumentojnë dendësinë e krimit, ashtu si edhe dendësinë e banimit në territore kompakte që u serbizuan me një politikë shpopullimi barbar dhe u kthyen në të ashtuquajturën “Serbi Jugore”! Të përmendim edhe një tjetër fakt: shkencëtari austriak Carl Sax, argumenton se në rrethin e Leskovcit, të Kurshumlisë dhe të Prokuples kishte 58. 000 shqiptarë në periudhën para pushtimit serb. Deri në vitin 1900, pothuajse të gjithë shqiptarët u detyruan me dhunë e terror t’i braktisin vatrat e tyre. Në Luftën e Parë Ballkanike kishte një valë të paparë të dhunës e të krimit mbi shqiptarët, që u bë jo vetëm nga Serbia, por nga e tërë Aleanca Ballkanike.

Ka të dhëna që flasin se në Kosovë, përkatësisht në Gazimestan, në periudhën janar-maj të vitit 1913, janë likuiduar mbi 5. 000 shqiptarë etnikë. Shkrimtari serb Ivo Andriq, i cili ka fituar edhe çmimin Nobël për letërsi, më 1 janar të vitit 1939 përpiloi një elaborat, që parashihte zgjidhjen e problemit të Kosovës në ndarjen e Shqipërisë ndërmjet Italisë dhe Jugosllavisë. Terrori dhe serbizimi i tokave shqiptare nuk mbaron as me shkatërrimin e Mbretërisë Serbe, Kroate e Sllovene (SKS). Ideologu i politikës serbomadhe, dr. Vasa Çubriloviq, pasi kishte përpiluar elaboratin famëkeq “Shpërngulja e shqiptarëve”, të 7 marsit 1937, përpiloi edhe një program famëkeq që mban datën 3 nëntor 1944, me titull: “Të drejtat e pakicave në Jugosllavinë e re”. Në një nga paragrafët e këtij teksti, lidhur me shqiptarët, thuhet: “Kosova dhe Metohija duhet ta ndërrojë me themel gjendjen e vet etnike. Pasi që janë në pyetje shqiptarët në ‘Serbinë e Vjetër’ dhe në Maqedoni, duhet që edhe etnikisht ta zotërojmë territorin e Kosovës dhe Metohisë” (Çubriloviq, 1944, fq. 12 ). Kështu, duke sugjeruar se si të bëhet spastrimi i territoreve, Çubriloviqi thotë: “Zgjidhja e vetme dhe e drejtë e kësaj çështjeje është shpërngulja e pakicave”.

Skuadronet partizane-çetnike të Josip Broz Titos, vendosën më 8 shkurt të vitit 1945 shtetrrethimin ushtarak në Kosovë, “në emër të luftimit të nacionalizmit dhe të profashizmit te shqiptarët”. Për pak muaj u vranë dhe u likuiduan të paktën 45. 000 veta dhe mijëra të tjerë ikën në vende të ndryshme të botës. Në periudhën e Informbyrosë (1948), pushteti represiv partizan burgosi 436 shqiptarë, kryesisht njerëz të shkolluar dhe të cilët u etiketuan si agjentë të Shqipërisë, kurse OZN-a hapi 22. 048 dosje për shqiptarët.

Në periudhën e aksionit famëkeq të shpërnguljes dhe të mbledhjes së armëve vdiqën 100 veta, kurse u torturuan rreth 30. 000 veta (1956-1957). Orgjisë së dhunës e krimeve i parapriu një marrëveshje e fshehtë, në Split, ndërmjet kryetarit të Jugosllavisë, Tito, dhe diplomati turk, Kypriliu. Këta u morën vesh për riaktivizimin e Konventës turko-jugosllave, e cila ishte një marrëveshje ndërmjet Beogradit dhe Stambollit, e nënshkruar qysh në vitin 1938 që parashihte shpërnguljen e shqiptarëve në Turqi. Konventa parashihte që të shpërnguleshin 1 milion shqiptarë.

Përkundër premtimeve të pushtetit komunist jugosllav, as vitet e ’50-ta, ashtu si edhe vitet e mëhershme partizane të luftës, nuk e kishin ndryshuar gjendjen e popullit shqiptar në trojet e Jugosllavisë, përkundrazi, vetëm sa e kishin keqësuar. Edhe në këto vite fillon aksioni famëkeq i propagandës, i dhunës, i torturës, i agjitacionit të fshehtë dhe spekulues, aksioni i asimilimit të detyrueshëm, i ekspeditave ndëshkuese, i burgosjeve, i montimit të proceseve dhe, gjithsesi, aksioni i detyrimit me dhunë të shpërnguljes së popullatës shqiptare. Faktet dhe dokumentet e kohës dëshmojnë se kjo periudhë historike nëpër të cilën ka kaluar populli ynë është një nga periudhat e paimagjinueshme të luftës dhe terrorit serbo-jugosllav në Kosovë dhe në viset e tjera shqiptare, jashtë Shqipërisë. Mund të quhet lirisht si periudhë e mbijetesës!

Për meritat, në këtë drejtim, pushteti federal jugosllav, i cili në opinion paraqitej si një pushtet i sistemit socialist, në të cilin sistem liritë dhe të drejtat e njeriut, liritë e kombeve apo të komuniteteve të ndryshme respektohen nga shteti si askund në këtë botë, e dekoron për meritat në fushën e studimeve njërin nga ideologët fashistë serbë të projektimit të dhunës kundër shqiptarëve dhe të pakicave, dr. Vasa Çubriloviqin.

Për fat të keq, kjo dekoratë këtij “shkencëtari” serb me titull akademiku, do t’i ndahet nga kryetari i shtetit, e që në atë kohë ishte një shqiptar: Sinan Hasani. Por, edhe për meritat e Çubriloviqit e edhe të Sinanit, prej vitit 1953 e deri në vitin 1965, nga trojet ku jetonin shqiptarët në ish-Jugosllavi, u shpërngulën për në Turqi së paku 452. 371 shqiptarë (“Dëbimet e shqiptarëve dhe kolonizimi i Kosovës 1877-1995”, Instituti i Historisë së Kosovës, Prishtinë, 1977 ). Mbi të gjitha, “vlerësohet se në Kosovë, prej vitit 1945 e deri më 1965, janë vendosur 12. 300 familje sllave, ose rreth 64. 000 persona me prejardhje sllave” (Jusuf Osmani, “Kolonizimi serb i Kosovës”, shtëpia botuese “Era”, Prishtinë, 2000).

Nuk ka dyshim që esenca politike-nacionaliste e Memorandumit serb të vitit 1985, buron nga tradita shekullore e përdorimit të shfrenuar të dhunës sistematike serbe kundër elementit shqiptar kudo. Pra, kemi të bëjmë me ideologjinë, me sistemet, me traditat nëpër të cilat mbillet e kultivohet jo urrejtja, por dhuna, krimi dhe praktika e krimit.

Nuk e di qka po mendojne disa njerëz të cilët kan ardhur në krye të shtetit.Nuk e kam të qartë shumë së si po na trajtojnë , si njerëz apo si kope delësh.Si shoqëri dhe si shtet po reshqasim dy shekuj mbrapa qytetarë të nderuar të Kosovës! Nuk jemi duke e mbrojtur më zemer as më tru dinjitetin tonë ! Kjo inerci shoqërore na kujton trupin e njeriut kur I ekspozohet gersherëve të kirurgut, dhe atë pa anastezion , së më anastezion nuk i ndijmë dhembjët në trup. Zot! A e kemi merituar një tretman të tillë gadi shtazarak nga këta pushtetarë ? Sigurisht së jo, por hyzmetin për treman njerëzor nuk jemi duke ia bë veti as pas dy dekadave . Individet e caktuar të politikës janë duke na trajtuar si lopët apo si delët të cilët nuk i bëjnë fare telashe qobanit.Po mungojnë njerëzit e vullnetit të mirë , po na mungojnë njerëzit e kuptushem .Po na marrin sikur të ishim një tufë “delësh “, si simbol I ndëgjueshmerisë , por kur është nevoja të marrim edhe nga pak dajak. Delët konsiderohen si shtazët më të pa menqura , të cilat gjithmonë qendrojnë më kokë të ulur duke kullotur në livadhe . Natyrisht së delët konsiderohen si shtazë e cila rrinë shumë urtë. E një fjalë e popullit thotë”I urtë është vetëm muti”.Sigurisht së delët konsiderohen tufë inerete e cila duron shumë mbi trupin e saj.Është e ndëgjueshme karshi qobanit I cili I rrinë më shkop mbi kokë .Natyrisht së këtu bëjë fjalë vetëm figurativisht për delët së bëhët fjalë për këtë popull I cili po duron shumë .Me falni popull I nderuar nese I konsideroni këto rreshta si fjalë shumë të rënda , por si të shpjegohet ndryshe fakti që nuk po ju sosët durimi pas gjithë këtyre torturave gadi qnjerëzore nga kjo kastë politike , nga këta njerëz të cilët tashmë u shpërfqën haptazi së nuk iu intereson fati i popullit, së nuk u intereson as fati I shtetit të cilin e fituam më shumë gjak .Deleve shpesh nuk ka nevojë tjetër vetëm një fshikullim e fortë e qobanit dhe ato varg e vij e mësyejnë torishtën . Duke u ushqyer mirë apo duke pasur kullosa të mira , ato qobanëve ua sigurojnë qumështin dhe leshin , nese janë dele merino sigurisht së leshi I tyre kushton më shtrejtë, dhe kjo I gëzon shumë qobanët.Shpesh në qytetarët jemi duke u sjellur sikur të ishim dele , dhe nuk po shtrojmë kurrë pyetje publike as vetit dhe as të tjerve –deri kur kështu, a jemi të dëtyruar gjithmonë të sillemi në këtë menyrë ?! Deri kur do të anashkalohemi dhe deri kur do të konsiderohemi si dele të mira për qumësht nga këta njerëz të cilët po tregohen mizor ?! Ky anashkalim është duke na ndodhur në kontinuitet? Dhe, qka po ndodhë që të ndryshojmë sjelljen tonë ? Po thuaj asgjë! Kemi mbetur në ëndrra të mira ,sikur kur ujku kur ia ka hënger bythet gomarit !Ec e mos thuaj së po ngjajmë shumë ne dele! Jemi duke i quditur miqët tanë pa të cilët zor së do ta kishim gëzuar lirinë dhe pavarësinë.Ndoshta edhe pas 18 vitësh do të ishim në luftë më serbët. Një Zot i madh e di , së a do të ishim kthyer pa miqët tanë amerikanë dhe evropian aq masovikisht në vendlindjet tona ? Zor që shpëtojmë serish nese na zënë e keqja të cilën më kokë e me qafë jemi duke e kërkuar.Secili njeri na dhimbset nese dënohet për krime ndaj serbeve. Lufta jonë ishte luftë mbrojtëse , e mbrojtëm pragun e shtëpisë, e mbrojtem nderin dhe moralin tonë.Ishte luftë qlirimtare më kauzë të drejtë .Ishte luftë të cilën e bënë 90 përqind të shqiptareve , secili dha dhe sakrifikoj diqka për liri , jo vëtem një kategori njerëzish .Por , nuk guxojmë që luftën tonë të përbashkët më miqët tanë ta sakrifikojmë dhe ta identifikojmë më individ të caktuar. Po mos të ishte lufta jonë e drejtë, sigurisht së nuk do ta kishim pasur as përkrahjën e botës demokratike , sigurisht së nuk do të kishte intervenuar as NATO.Të gjitha këto sakrifica njerëzore e materjale nuk guxojmë ti humbim për sa qelë e mshelë sytë.Gjykatën Speciale e prumë vet të dera më mos punën tonë për shtet ligjor, funksional e demokratik.Askush nuk ka qka frikohet tek e fundit nga Gjykata Speciale nese është i pastër… Populli dhe Shteti nuk është pronë private e askujt , qe të qitet ne ankand public, nese dikush mendon ashtu …

Bashkatdhetarët që kanë mësyrë Kosovën për festat e fundvitit po përballen me kolona të gjata. Në pikat kufitare në Merdare dhe te Dheu i Bardhë po krijohen kolona të gjata.

Zëdhënësi i Policisë së Kosovës Daut Hoxha ka thënë se po punojnë me kapacitete të plota për të shmangur pritjet.

Megjithatë thotë se pritjet gjatë ditës kanë qenë deri në dy orë.

E një arsye tjetër e krijimit të kolona tek pikë kalimi në Merdare janë edhe punimet që janë duke u zhvilluar në këtë vend.

Kolona të tilla krijohen çdo sezon kur bashkatdhetarët vijnë për pushime në Kosovë, por edhe kur kthehen në vendet e tyre ku jetojnë dhe veprojnë.

Kryeministri i Kosovës, Ramush Haradinaj, ka qenë mysafir i emisionit në gjuhën serbe të Radio Televizionit të Kosovës, “Slobodno Srpski”.

Aty ai ka folur rreth punëve që ka bërë deri më tani në krye të Qeverisë së Kosovës.

Haradinaj ka thënë se shumë shpejt do të kemi edhe ambasador serb që do të përfaqësojë Kosovën në shtetet tjera.

“Ashtu siç e thotë edhe ligji, në çdo institucion minoritetet duhet të përfaqësohen me 10 për qind”, tha Haradinaj, transmeton Telegrafi.

I pari Qeverisë ka pohuar gjithashtu se do të kemi serb të punësuar edhe në KEK.

Haradinaj ka folur edhe për periudhën e gjykimit në Hagë, ku ka thënë se ka takuar të gjithë liderët serbë, Sllobodan Milosevicin e Vojislav Seselin.

Në pyetjen se ku gjenden serbët e zhdukur gjatë luftës në Kosovë, Haradinaj pohoi se nuk e di, por se që është duke punuar në zbardhjen e rasteve.

PRISHTINË – Sekretar i Këshillit të Përgjithshëm të Lëvizjes Vetëvendosje Erzen Vraniqi ka njoftuar se Albin Kurti do të kandidojë për kryetar të kësaj partie. Në një postim në Facebook, Vraniqi ka shkruar se ai ka nënshkruar pro kësaj kandidature.

“Si anëtar i Këshillit të Përgjithshëm të Lëvizjes VETËVENDOSJE!, nënshkrova në mbështetje të kandidaturës së Albin Kurtit për kryetar të Lëvizjes. Komisioni Zgjedhor i Përgjithshëm kishte miratuar sot, pas verifikimit, deklaratën e tij të kandidimit, dhe tashmë ka nisur zyrtarisht grumbullimi i nënshkrimeve”, ka shkruar Vraniqi.

Kujtojmë se Albin Kurti ka qenë kreu i Vetëvendosjes edhe më herët, ndërsa për momentin partia drejtohet nga Visar Ymeri.

PRISHTINË – Kryeministri i Kosovës Ramush Haradinaj, thotë se qeveria e Kosovës e respekton çfarëdo vendimi që merr Kuvendi i Kosovës, duke thënë se nuk ka koment tjetër për kërkesën e deputetëve për shfuqizimin e Gjykatës Speciale.

Ai tha se Gjykata Speciale si e tillë është e padrejtë për Kosovën, meqë selia e saj është jashtë territorit të vendit dhe se e rendon imazhin e Kosovës në botë.

“Unë kam kërkuar që ajo gjykatë të vijë në Kosovë. Le të behet në Kosovë se është më lirë, mundemi me i kursy disa miliona, nuk po i ikim drejtësisë. Kërkesa e deputetëve për shfuqizimin e ligjit nuk kam koment, ata janë të zgjedhurit e popullit. Kur voton parlamenti për qeverinë është ligj”, tha Haradinaj në takimin me këshillin drejtues të AAK-së.

Ai tha se AAK-ja nuk ndryshon qëndrime në varësi të asaj nëse është në pozitë apo opozitë.

“AAK-ja nuk e bën asnjë temë me lojë, është e drejtpërdrejt. Do të jemi të sinqertë me partnerët e koalicionit, edhe me opozitën, Çkado qe kemi votu po në opozitë nuk e ndërrojmë sot me jo, ose çka kemi votu jo, nuk e ndërrojmë sot me po”, tha Haradinaj.

PRISHTINE- Ish-kryeministri i Kosovës, Isa Mustafa, aktualisht kryetari i Lidhjes Demokratike e Kosovës (LDK), deklaroi se partia e tij nuk do të lejojë cënimin e sovranitetit me kthimin e Rezolutës 1244. Ai në një konferencë për media, ka thënë se duhet të kemi bashkëpunim me miqtë tonë.

“Ne do ta vazhdojmë rrugën tonë evropiane dhe euro – atlantike. LDK nuk do ta përkrah këtë iniciativë dhe do të jetë kundër. Nuk do të lejojmë që të rrezikohet sovraniteti dhe shtetësia e Kosovës, dhe kthimi në rezolutën 1244”, ka shtuar Mustafa.

Mustafa pohoi se duhet të koordinohen punët me subjektet tjera politike, që të mos e rrezikohet shteti dhe të vendi me bashkësinë ndërkombëtare.

Burime të Gazetës Express kanë treguar se Parlamenti i Kosovës ka shkuar në pushim dimëror. Në këtë formë, ka dështuar nisma e deputetëve të pushtetit për të rrëzuar Ligjin për Gjykatën Speciale.

Zhbërja e Gjykatës Speciale nuk do të ndodhë të paktën deri pas festave të Vitit të Ri. Kjo pasi deputetët e Parlamentit kanë shkuar në pushim dimëror.

Burime të Express kanë treguar se Parlamenti ka shkuar në pushim deri pas festave.

Një natë më parë, deputetët e pozitës kishin ndërmarrë një nismë për rrëzimin e Gjykatës Speciale duke rrëzuar Ligjin për Dhomat e Specializuara.

Ndërkohë, në Kosovë kanë nisur edhe kërkesat për shkarkimin e Qeverisë dhe të Presidentit ose dorëheqjen e tyre për shkak të iniciativës për të shfuqizuar Gjykatën e cila do të merret me dënimin e krimeve të luftës dhe pasluftës në Kosovë.

Ndryshe, mbrëmë, 43 deputetë kanë kërkuar shfuqizimin e Ligjit për Gjykatën Speciale, por kanë dështuar pasi Kryesia e Parlamentit s’ka pasur kuorum për të vazhduar procedurën më tutje. Kundër kësaj nisme kanë dalë LDK e Vetëvendosje.

Pas kësaj nisme kanë qëndruar Hashim Thaçi, Kadri Veseli e Ramush Haradinaj, të cilët mund të jetë të akuzuarit potencial të kësaj Gjykate, e themeluar për t’i hetuar pretendimet e Dick Martyt, i cili bën përgjegjës udhëheqësit e UÇK’së për krimet në luftë e pasluftës, shkruan Express.

Për shkak të frikës personale, Thaçi, Veseli dhe Haradinaj po i mbledhin nënshkrimet e deputetëve për të thirrur një seancë të jashtëzakonshme të Kuvendit, ku do ta fusin në rend të ditës shfuqizimin e Ligjit për krijimin e Gjykatës Speciale, gjë e cila do ta përplaste Kosovën me Bashkimin Evropian

Kur je i ngujuar në një gropë, gjëja e fundit që e bën, nëse e ke ndërmend të dalësh prej aty, është që të vazhdosh të groposh edhe pak më thellë.

Kosova edhe më tutje është në konflikt të hapur me bashkësinë ndërkombëtare për çështjen e demarkacionit, kurse presidenti, kryeministri dhe kryeparlamentari, në vend që ta zgjidhin këtë problem, javën e ardhshme pritet ta hapin edhe një front tjetër shumë më të rrezikshëm sesa kufiri me Malin e Zi.

Gazeta Express ka mësuar që me iniciativën e Thaçit, Haradinajt dhe Veselit, kanë filluar të mblidhen nënshkrimet e deputetëve për ta thirrur të martën një seancë të jashtëzakonshme të Kuvendit të Kosovës, ku pritet të provohet të shfuqizohet Ligji i aprovuar vite më parë për themelimin e Gjykatës Speciale.

Një hap i tillë, ka mësuar Express prej burimeve diplomatike, do ta fundoste përfundimisht shpresën e Kosovës për t’u integruar në Bashkimin Evropian, përmes liberalizimit të vizave, ose përmes çfarëdo rruge tjetër.

“Kjo është çmenduri”, ka thënë burimi i Gazetës Express.

Shoqatat e dala nga lufta i kanë mbledhur rreth 16 mijë nënshkrime për çështjen e Ligjit për themelimin e Gjykatës Speciale. Ata gjatë mbledhjes së këtyre nënshkrimeve i kanë mashtruar qytetarët, duke thënë që nënshkrimet e tyre janë për plotësim-ndryshim të këtij ligji, kurse kërkesën në Kuvend e kanë dorëzuar për shfuqizim të këtij ligji.

Lidhja Demokratike e Kosovës ka lënë të kuptohet që nuk do ta mbështesin shfuqizimin e këtij ligji. Sipas tyre, në Tribunal pritet të zbardhen edhe shumë vrasje të pasluftës të zyrtarëve të kësaj partie, që kanë mbetur të patrajtuara nga drejtësia në Kosovë për dy dekada.

“Në parim jam kundër çdo tentimi që ka për qëllim të pengojë punën e Gjykatës Speciale, në veçanti për shkak se tashmë dihet që kjo gjykatë do të trajtojë edhe disa nga vrasjet e pasluftës së veprimtarëve të LDK-së, të cilat bien në juridiksionin e saj”, ka thënë Vjosa Osmani, deputete e LDK-së, në një prononcim për Express.

Tensionet brenda LDK-së janë ngritur edhe më shumë pas deklaratës së Nasim Haradinajt, njëri prej zyrtarëve të shoqatave të veteranëve të UÇK-së se “nuk ka lidhje që janë vrarë zyrtarët e LDK-së”.