VOAL

VOAL

Kurti: Ivanoviçi u vra pasi mund të ishte dëshmitar i krimeve të luftës nga Serbia

PRISHTINË – Lideri i Lëvizjes Vetëvendosje, Albin Kurti në një intervistë për agjencinë e lajmeve nga Bosnja ‘Patria’, ka folur për ndikimin e Serbisë në Kosovë, duke deklaruar se politika e shtetit serb nuk po e lejon Kosovën në lëvizjen përpara qëllimeve të tyre për integrim.

Duke u pyetur për ndikimin e Vetëvendosjes në Parlamentin e Kosovës, si dhe për politikat që Lëvizja Vetëvendosje ka zbatuar gjatë këtyre viteve, Kurti u përgjigj:

“Vetëvendosje është partia e parë në Kosovë, ne kemi më se 200 mijë votues dhe 32 ulëse në Kuvend, mirëpo në pamundësi të sigurimit të shumicës prej 50 për qind, Qeveria eshtë krijuar nga një koalicion prej 16 partish, duke përfshirë edhe partinë e Kryeministrit Haradinaj me 11 ulëse në Kuvend”.

Kurti në këtë intervistë shtoi se subjekti që udhëheq ai është për dialog, një dialog me serbët e Kosovës, dhe për problemet e brendshme të këtyre të fundit, duke përfshirë papunësinë dhe problemet e tjera të përditshme.

“Ne jemi pro dialogut, një dialogu të brendshëm me serbët e Kosovës, për problemet e që na preokupojnë çdo ditë, si papunësia, sundimi i ligjit, të drejtat e njeriut, lufta kundër korruopsionit dhe krimit të organizuar, si dhe për problemet tjera të përditshme që shqetësojnë jetën e qytetarëve të Kosovës, të çdo nacionaliteti” tha Kurti.

Ai shtoi se dialogu mes Kosovës dhe Serbisë është një dialog jo i drejtë dhe i pabarabartë, sepse sipas tij Serbia duhet ta njoh Pavarësinë e Kosovës, si dhe të jap përgjegjësi për krimet e luftës në Kosovë, transmeton lajmi.net.

“Dialogu me Serbinë, për sa kohë që kjo e fundit nuk njeh Pavarësinë e Kosovës, ka pretendime territoriale ndaj saj, nuk është penduar dhe ndjerë keqardhje për krimet e luftës, nuk mund të jetë i barabartë. Deri më tani nga Komuniteti Ndërkombëtar është investuar shumë në këtë dialog, por kjo nuk ka dhënë asnjë rezultat. Ne po përjetojmë ende një ndikim shumë të madh në politikave të Beogradit në pjesët e banuara me Serb, e sidomos në veri të Kosovës, dhe ky ndikim, po e cënon dhe mohon integritetin territorial të Kosovës.

Shembull është Lista Serbe e cila është partia më e madhe Serbe, e komanduar nga Beogradi” shtoi Kurti.

Kurti, foli edhe për vrasjen e Ivanovicit, ku tha se dy gjëra qëndrojnë në këtë krim, çështja se kush e urdhëroi vrasjen e Ivanoviq, i cili punoi për negociata dhe paqe në Kosovë, si dhe ku janë marrëveshjet e arritura mes serbëve dhe shqiptarëve të Kosovës pas vrasjes së Ivanoviqit sot?

“Ekzistojnë dy shpjegime: Njëri që Serbia dëshiron të tregojë se është prezente në Veri të Kosovës, dhe në këtë mënyrë ta bëjë të qartë se kjo pjesë nuk do të jetë kurrë Kosovë, si dhe se shteti mban Serbinë me organet e veta të sigurisë, duke marrë parasysh profesionalizimin e kryerjes së këtij krimi. Si dhe shpjegimi i dytë është se Ivanoviqi ka marrë pjesë në kryerjen e krimeve të luftës, shumë shqiptarë e njohën atë gjatë gjykimit si anëtarë të formacioneve të ndryshme paraushtarake, fakti që ai në të ardhmen do të mund të ishte dëshmitar i mundshëm për ato krime, mund të jetë një shkak që ata e kanë eliminuar atë”, deklaroi Kurti.

Kurti tha që vrasja e Ivanoviqit nuk do të ndikojë në marrëdhëniet mes shqiptarëve dhe serbëve sepse sipas tij të gjithë janë të bindur që shqiptarët nuk kanë të bëjnë aspak me këtë vrasje.

Thaçi takon ekipin olimpik që do të marrë pjesë në “PyeongChang 2018”

Thaçi, i dorëzoi flamurin e Kosovës në mënyrë solemne ekipit olimpik dhe skiatorit Albin Tahiri që do të përfaqësojë Republikën e Kosovës në Lojërat Olimpike Dimërore “PyeongChang 2018”

PRISHTINË – Presidenti i Republikës së Kosovës, Hashim Thaçi, i dorëzoi flamurin e Kosovës në mënyrë solemne ekipit olimpik dhe skiatorit Albin Tahiri që do të përfaqësojë Republikën e Kosovës në Lojërat Olimpike Dimërore “PyeongChang 2018” që do të mbahen në Korenë e Jugut.

Presidenti Thaçi i cili priti sot skiatorin Albin Tahiri, kryetarin e Komitetit Olimpik të Kosovës (KOK), Besim Hasani dhe ekipin olimpik të Kosovës, theksoi se ky është një moment i veçantë për Kosovën për faktin se merr pjesë për herë të parë në garat olimpike dimërore.

“Kemi besim të plotë në përkushtimin, kreativitetin dhe talentin e Albinit, i cili do të na bëjë të ndjehemi krenar të gjithëve si Majlinda më herët. Kështu që të gjithë do të jemi të orientuar, të fokusuar dhe në mbështetje të fuqishme për Albinin, për suksesin e tij”, tha Thaçi.

Thaçi po ashtu tha se ngritja e flamurit në Korenë e Jugut për herë të parë ka edhe një kuptim tjetër të veçantë, siç tha, që po ndodh në 10-vjetorin e shpalljes së pavarësisë së Kosovës.

Ndërsa, kryetari i KOK-ut, Besim Hasani, theksoi: “Jam i sigurtë së dorëzimi i flamurit tek ekipi olimpik do të ndikojë në rritjen e motivacionit të Albinit i cili është përgatitur jashtëzakonisht mirë dhe nuk e ka patur asnjë dilemë që t’i mbrojë ngjyrat e flamurit të Republikës së Kosovës”, tha Hasani.

Edhe skiatori Albin Tahiri tha se do ta bartë flamurin e Kosovës me shumë respekt duke shtuar: “Shpresoj se do të ju bëjë krenarë”.

Ndryshe, garuesi i vetëm që ka siguruar normën olimpike, skiatori Albin Tahiri dhe ekipi olimpik i Kosovës do të marrë pjesë për herë të parë në Lojërat Olimpike Dimërore “PyeongChang 2018”, që mbahen në Kore të Jugut, prej 9 shkurt 2018 deri 25 shkurt 2018.

Ndërkohë, pjesë e Lojërave Olimpike Dimërore “PyeongChang 2018” do të jetë edhe Shqipëria, e përfaqësuar nga skiatorët Erjon Tola dhe Suela Mehilli.

Ta ruajmë Kosovën nga të inflencuarit dhe nga influencat negative! – Nga Skënder MULLIQI

 

Si te thëmi për këtë situatë aktuale politike dhe për kwtw gjendje të keqe nw pwrgjithwsi të shoqërisë tonë. Kësaj situate gadi katastrofale i kan kontribuar politikanet dhe politikat e tyre shumë të dobëta.Politikat e tyre shumëftyreshe të paraqitjës para mediave dhe para mjeteve tjera komunikuese.Për shkak të aferave të shumta korruptive dhe të krimit të organizuar ky lidership është në gjendje që të përdorë qdo mjet dhe metodë , që mos të përballen më organet e drejtësisë së Kosovës, dhe më organet e drejtësisë ndërkombëtare.Këta duket së edhe vet janë befasuar së si aq lehtë kanë ardhur në pushtet, duke mos ditur së qka do të bëjnë përpara më te, dhe më veten e tyre.

Ndoshta kan menduar së kurrë nuk do tu dalin të palarat në shesh siq po iu dalin përditë e më shumë .Ndoshta kan menduar së do të humbin pushtetin , por jo kaq shumë edhe fytyrën.Në këto llogaritje kan bërë gabime kardinale .Ne, si vrojtues të gjithë këtyre ndodhive politike të pa mira dhe i kësaj gjendje të mjerë ekonomike , kemi arritur në konkludime të sakëta së këta liderë shtetëror dhe partiak, nuk e kan merituar votën e sovranit , nuk e kan merituar besimin e dhënë, edhe pse gjithmonë kan manipuluar më votën dhe kan manipuluar edhe më qytetarët . A më së shumti ky presidenti ynë ,Hashim Thaçi që erdhë në fron më vota të LDK-së,po manipulon më të gjithë këtë garniturë politike , siq është duke manipuluar edhe më masën e gjerë.Po i ndryshon deklaratat më shpesh së kravatat , edhe pse Kosovës shumë po i kushtojnë .

Unë për vetën time nuk po e di dhe nuk po e kuptojë së nga kah gjithë ky guxim i Hashimit , që përditë e më shumë është duke e vu në peshore fatin e vendit ,më deklarata shumë kontradiktore , vetëm për ta shpëtuar lëkuren e vet nga Gjykata Speciale . Deklarata e fundit e tij për Demarkimin e vijës kufitare më Mal te ZI “ së mund të jenë bërë gabime “ iu qetë maja të gjitha manipulimeve të deritashme të tij .Nuk e di dhe nuk po e kuptojë këtë njeri së kujt po i mbanë këso farë “ lekcionesh” politike ?Të gjithë i kan marr vesh tashme lojrat e tija politike , që të krijoj pushtet apsolut.Duket së e ka të qartë së po i reshqet dheu ndër këmb dhe është duke përdorur gjithë arsenalin e tij propagandistic vetëm e vetëm që të krijoj gjendje të pa sigurisë , të destabilitetit politik , që disi ti shmanget punës së Gjykatës Speciale ,të cilën vet e pruni të dera.

Hashim Thaçi deri më tash për veprimet e veta është dashur të jap shumë herë dorëheqjen dhe llogaridhënjën.Sa herë deri më sot kur ishte në krye të qeverisë firmosi shumë marrveshje të cilat rezultuan në dobi të Serbisë e në dëm të Kosovës ? Sa herë deri më sot bëri deklarata së më këtë datë apo më tjetrën do të kemi liberalizim të vizave?Është duke përjetuar garën lëshimeve më ski?! Shefi i vjetër i politikës tashmë duket më shumë si i kllonuar .Është duke e humbur krenarinë që e kishte.Presidenti, Thaçi duhet të pajtohet së koha e tij në politikë ka përfunduar , dhe ky përfundim duket të mos jetë bash I mirë për te.Pas gjithë këtyre ndodhive jo të mira për Kosovën dhe rreth Kosovës pak kush po i beson .Rruga e Kosovës për tu inkuadruar në Evropë është betonuar nga këta njerëz të cilët pak gjë marrin vesh nga politika bashkëkohore. Koha është për një gjak të ri në politikëbërje, të cilët I kuptojnë hallet dhe problemet e qytetareve të varfëruar dhe të rrezikuar. Është e mirë e jona e përgjithshme dështimi i tyre në politikë, kur dihet së nuk punuan dhe nuk po punojnë për të mirën e këtij vendi të bukur. Ta ruajmë Kosovën nga të inflencuarit dhe nga influencat negative !

Ndarja e VV-së, ndarje e “shapit nga sheqeri” apo fundi i një alternative për ndryshim!? – Nga Florim Zeqa

Ashtu siç e kam cekur edhe më herët, fuqizimi i Lëvizjes Vetëvendosje në zgjedhjet e fundit nacionale të 11 qershorit të vitit të kaluar ishte surpriza më e këndshme dhe shpresa për një ndryshim jo aq shumë të dëshiruar nga popullata, por si e vetmja mundësi për largimin e së keqës së instaluar në këtë vend tani e 19 vite më parë.
Lëvizja Vetëvendosje si subjekti më i madh politik, i pasprovuar deri më tani në qeverisjen qendrore kishte mbetur shpresa e vetme për ndryshimin e kursit qeverisës në vendin tonë.
E kam thënë edhe në një rast, po e përserisë prapë, tërheqja e zotit Albin Kurti nga posti i kryetarit të VV-së ishte akt i pamenduar mirë, konseguencat e të cilit veprim po i vuan sot VV-ja, me ç’rast Kurtit i doli gjithçka nga kontrolli!
Mbajtja e zgjedhjeve në mënyrë të përshpejtuar brenda këtij subjekti politik e solli përseri Albin Kurtin në kreun e VV-së, por jo edhe fuqinë politike që kishte më parë dhe as rikthimin e namit të VV-së së dikurshme.

Rrugëtimi i Albinit

Enigmë mbetët fakti se si do të funksionojë VV-ja pas ndarjes së fundit, a do të mbetët edhe më tutje organizatë apo do të profilizohet si parti politike e qëndres së majtë!
Po ashtu enigmë mbetët edhe kredibiliteti i udhëheqjes së re të VV-së! A u nda “shapi nga sheqeri” apo jo pas largimit e të “klonuarve” të Albinit nga ky subjekt!?
Të larguarit (të “klonuarit”) nga VV-ja, të cilët deri dje, përveq imitimit të idhullit të tyre (Albinit) në gjeste dhe veprime (lëvizje të duarëve), mundoheshin edhe të imitonin edhe mimikën e tij, tani pas largimit edhe pse po mundohen ta bëjnë të kundërtën, megjithatë nuk po mund i heqin veset e pjekura në trurin e tyre.
Qytetarët, tani e kanë akoma mëse të vështirë t’i besojnë Albin Kurtit në rrugëtimin e tij, e aq më pak të “klonuarëve” të tij, tashmë të distancuar nga konceptet politike të Albinit, anipse vazhdojnë të qëndrojnë në të njëjtit binarë ideologjik të idhullit dhe mentorëve të tij politikë.
Pavarësisht faktit të rikthimit të Albin Kurtit në krye të VV-së, tani i kemi dy degëzime të të njëjtit krah ideologjik dhe në asnjë rrethanë VV-ja nuk është dhe nuk do të jetë ajo që ishte më parë, shkaku i humbjes së kredibilitetit në opinionin publik pas zbardhjes së përgjimeve të klanit COCA COLA ZERO.
Tani, fati i VV-së është në doren e prokurorisë për zbardhjen e prapaskenave të klanit të inkriminuar COCA COLA ZERO, nga e cila do të bëhej e mundur ndarja përfundimtare e “shapit nga sheqeri” nga kjo organizatë.

E përbashkëta e LDK-së dhe VV-së

Vetëm pas pastrimit të plotë nga të inkriminuarit, korruptuarit dhe grupet e interesit të lidhura me mafio-oligarkët ekonomik, VV-ja mund të rimarrë veten, gjegjësisht fillimin nga pika zero, ndryshe çdo neglizhencë në ndarjen e “shapit nga sheqeri” në këtë organizatë, përveq humbjes në kohë, këtij subjekti do t’i kushtojë përveq humbjes së primatit të partisë më të madhe në vend, edhe me rënje të vazhdueshme në elektorat, ngase në klanin COCA COLA ZERO janë të infiltruar njerëz nga shërbime të ndryshme sekrete, të cilat qëllim kryesor e kanë jo rrënimin e VV-së si subjekt politik, por dobësimin e forcave kreative në vend, zvogëlimin e opozitarizmit dhe eleminimin e zërave ndryshe në vendin e padrejtësive të mëdha të quajtur Kosovë.
Përfundimisht, skenari i atyre që shkaktuan çarjet dhe përçarjet deri në ndarje të VV-së, ishte shuarja e të vetmes alternativë për ndryshim. E vetmja alternativë për faktin se LDK-ja, që ishte alternativa reale për ndryshime pozitive në vendin tonë, u katandis keq me koalicionet qeverisëse me kapësit e shtetit nga 2007-a e këndej, duke shkelur mbi parimet, qëndrimet dhe vullnetin e elektoratit besnik të frymës rugoviane.
E përbashkëta e LDK-së dhe VV-së qëndron në faktin se futja e përçarjes dhe ndarjes në fraksione u erdhi nga të njëjtit faktorë, përderisa e para (LDK-ja) dy herë u shantazhua përmes pushtetit, gjegjësisht të shantazhimit të dy liderëve të saj, pasardhës të liderit historik Ibrahim Rugova. kjo e fundit (VV-ja) u parandalua të vie në pushtetin qendrorë pas sprovimit në pushtetin lokal.
Sadoqë është i vështirë përafrimi i këtyre dy subjekteve (LDK-VV), është mundësia e vetme për largimin e së keqës nga pushteti dhe defaktorimzimin e plotë të listës “Srpska”, gjegjësisht largimin e saj përfundimtarë nga pushteti dhe vendimarrja politike në Kosovë.

Kosova dhe Turqia me marrëveshje historike në sektorin e bujqësisë

Rikalo dhe homologu i tij turk Fakibaba janë dakorduar për nënshkrimin e një marrëveshjeje bashkëpunimi për eksportin e produkteve kosovare

PRISHTINË – Ministri i Bujqësisë, Pylltarisë dhe Zhvillimit Rural i Kosovës, Nenad Rikalo dhe homologu i tij turk Ahmet Eşref Fakibaba janë dakorduar për nënshkrimin e një marrëveshjeje bashkëpunimi për eksportin e produkteve kosovare me origjinë shtazore dhe bimore, si dhe bagëtive të ndryshme në Turqi, duke e vlerësuar këtë si marrëveshje historike në sektorin e bujqësisë.

Në një njoftim me shkrim nga ky institucion thuhet se ministri Rikalo, me ftesë të Ministrit të Bujqësisë së Turqisë, Ahmet Eşref Fakibaba, po merr pjesë në edicionin e 13-të të Panairit Ndërkombëtar për Bujqësi dhe Blegtori, i cili po mbahet në Izmir të Turqisë, ku po marrin pjesë edhe ministra zyrtarë tjerë të lartë shtetërorë nga vende të ndryshme të botës.

Me këtë rast ministri Rikalo është takuar me homologun e tij turk Ahmet Eşref Fakibaba, ku të dy ministrat kanë biseduar për mundësitë e bashkëpunimit të mëtutjeshëm në mes të dyja vendeve. Ministria njofton se gjatë këtij takimi të dy ministrat janë dakorduar për nënshkrimin e një marrëveshjeje bashkëpunimi për eksportin e produkteve kosovare me origjinë shtazore dhe bimore, si dhe bagëtive të ndryshme në Turqi, duke e vlerësuar këtë si marrëveshje historike në sektorin e bujqësisë.

“Ministri e falënderoi homologun turk për gatishmërinë e treguar në vazhdimësi që të ndihmojë Kosovën në zhvillimin e mëtutjeshëm në sektorin e bujqësisë dhe theksoi se me realizimin e kësaj marrëveshjeje hapet një epokë e re e zhvillimit të sektorit bujqësor në mes të dyja shteteve. Nga ana tjetër, ministri Fakibaba shprehu gatishmërinë që krahas kësaj marrëveshjeje, do të vazhdojnë të ofrojnë mbështetje për Kosovën në fuqizimin e mëtejmë të këtij sektori”, thuhet në njoftim. aa

Haradinaj priti në takim ministren Shekerinska

“Ky është shansi që Kosova dhe Maqedonia të vendosin bashkëpunimin për fqinjësi të mirë, sidomos tani kur ka vullnet politik nga të dyja vendet”, ka thënë kryeministri i Kosovës

PRISHTINË – Ministrja e Mbrojtjes e Republikës së Maqedonisë, Radmila Shekerinska, e cila po qëndron për vizitë zyrtare në Kosovë u prit në takim nga kryeministri i Republikës së Kosovës, Ramush Haradinaj.

Në një njoftim nga Kryeministria e Kosovës thuhet se pjesë e diskutimit në këtë takim ishte thellimi i bashkëpunimit në shumë fusha me rëndësi për të dyja vendet, veçanërisht në fushën e sigurisë, ekonomisë dhe infrastrukturës, menaxhimi i përbashkët i kufijve dhe tema të tjera në interes reciprok.

Në njoftim poashtu theksohet se kryeministri Haradinaj në këtë takim ka thënë se, “Ky është shansi që Kosova dhe Maqedonia të vendosin bashkëpunimin për fqinjësi të mirë, sidomos tani kur ka vullnet politik nga të dyja vendet”.

Ndërkaq, ministrja Shekerinska ka thënë se “duhet të fuqizohen raportet me fqinjët në baza të komunikimit të përditshëm për punët që i preokupojnë të dyja vendet”.

Me rastin e vizitës së ministres Shekerinska, Ministria për Forcën e Sigurisë së Kosovës (MFSK) organizoi një ceremoni ushtarake. Pas ceremonisë ministrja maqedonase u prit në takim nga ministri i FSK-së, Rrustem Berisha. Pas këtij takimi është mbajtur edhe takimi i përbashkët në mes dy delegacioneve. aa

Ministrja Shekerinska fillon vizitën në Kosovë

Ministrja e Mbrojtjes së Maqedonisë, Radmila Shekerinska e cila po qëndron për një vizitë zyrtare në Kosovë u prit me ceremoni ushtarake në Ministrinë e Forcës së Sigurisë së Kosovës

PRISHTINË – Ministrja e Mbrojtjes e Republikës së Maqedonisë, Radmila Shekerinska e cila po qëndron për një vizitë zyrtare në Kosovë u prit me ceremoni ushtarake në Ministrinë e Forcës së Sigurisë së Kosovës (MFSK).

Pas takimit të ministres Shekerinska me ministrin e FSK-së, Rrustem Berisha do të mbahet edhe takimi i përbashkët në mes dy delegacioneve. Ndërsa dy ministrat do të mbajnë një konferencë të përbashkët për media.

Shekerinska dhe delegacioni që ajo kryeson, do të vazhdojë vizitën e punës edhe në qendrën për Studime Universitare të FSK-së, në kazermën “Adem Jashari”.

Ministrja do të pritet edhe nga kryeministri i vendit, Ramush Haradinaj.

Dënohet Naser Kelmendi

Një gjykatë në Prishtinë e shpalli fajtor dhe e dënoi me 6 vjet heqje lirie Naser Kelmendin, shtetas boshnjak me prejardhje nga Kosova, i cili ndodhet në listën e Shteteve të Bashkuara si një nga bosët ndërkombëtarë të drogës.

Gjykata e shpalli fajtor atë për veprën “posedim i paautorizuar i narkotikëve dhe për shpërndarje”, ndërsa e liroi nga të gjitha akuzat tjera, për krim të organizuar dhe vrasje të një shtetasi boshnjak.

I arrestuar në maj të vitit 2013 në bazë të një urdhri ndërkombëtar, ai akuzohej për veprat penale krim i organizuar, vrasje e rëndë, blerje, posedim, shpërndarje dhe shitje e paautorizuar e narkotikëve të rrezikshëm dhe substancave psikotropike, prodhim dhe përpunim të paautorizuar të narkotikeve të rrezikshëm.

Akuza e ngarkonte atë si drejtues të një grupi të organizuar kriminal, për vrasjen në vitin 2007 të myslimano-boshnjakut Ramiz Dalaliç, i cili qe bërë një figurë kryesore në krimin e organizuar pas luftës, përfshirë edhe prodhimin dhe përpunimin e 100 kg drogë të tipit heroinë, 150, mijë tabletave “ecstasy”, etj.

Që në fillim të procesit gjyqësor në vitin 2015 ai kishte pohuar se nuk ndjehej fajtor.

Naser Kelmendi i lindur në vitin 1958 në Pejë, në Kosovën perëndimore është cilësuar nga mediet e disa vendeve të Ballkanit si një prej njerëzve kryesor të krimit të organizuar në rajon. Më 1 qershor 2012, nga Departamenti i Thesarit, të Shteteve të Bashkuara të Amerikës, Naser Kelmendi është identifikuar nën aktin për Bosët e Narkotikëve të Jashtëm, si një trafikant i lëndëve narkotike.

Thaçi: Gjykata e Posaçme nuk mund dhe nuk do të shfuqizohet

Presidenti i Kosovës, Hashim Thaçi, tha të enjten se “Gjykata e Posaçme as nuk mund të shfuqizohet dhe as nuk do të shfuqizohet” dhe se ky është qëndrim i shtetit të Kosovës.

Ai i bëri këto komente në një takim me gazetarë në Prishtinë në prag të kremtimeve me rastin e dhjetë vjetorit të pavarësisë së Kosovës. Presidenti Thaçi përmendi faktin se ai ishte nxitësi kryesor për miratimin e ngritjes së gjykatës në vitin 2015 dhe se qëndrimet e tij ndaj gjykatës janë të pandryshueshme.

Ai hodhi poshtë çdo mundësi që të ketë ndikuar tek nisma e një grupi deputetësh për shfuqizimin e Gjykatës së Posaçme e cila u hodh në fund të muajit dhjetor duke nxitur reagime të ashpra të diplomatëve perëndimorë që paralajmëruan për pasojat e rënda që mund të ketë për vendin miratimi i mundshëm i saj por edhe për pasojat e drejtpërdrejta për udhëheqësit politikë që e mbështesin atë.

Nismëtarët e saj thonë se Gjykata e Posaçme është diskriminuese meqë do të trajtojë vetëm pretendimet për krime të kryera nga pjesëtarët e ish Ushtrisë Çlirimtare të Kosovës. Diplomatët pohojnë se ajo nuk duhet të preket dhe se do të trajtojë krimet individuale dhe nuk është e drejtuar as kundër Ushtrisë Çlirimtare e as kundër shqiptarëve.

Kurti: Thaçi s’dëshiron ta heqë Specialen, por emrin e tij nga kjo Gjykatë

PRISHTINE– Vendimet e Gjykatës Speciale do ta ndryshojnë historinë, prandaj Ushtria Çlirimtare e Kosovës (UÇK-ja) është në rrezik nga kjo Gjykatë, shkruan sot Gazeta “Zëri”.
Kështu ka deklaruar dje lideri i lëvizjes “Vetëvendosje” Albin Kurti në një tryezë të organizuar nga partia e tij me temën: “Dhomat e Specializuara dhe raporti me institucionet e Kosovës”.

Kurti ka shtuar se Gjykata Speciale nuk është për t’i rrëzuar pushtetarët e korruptuar, ndonëse pritje të tilla kanë qytetarët. “E di që shumë njerëz janë lodhur. Themi hajt se kjo Gjykatë na heq pushtetarët e korruptuar, politikanët e krimit të organizuar. Nuk mund t’i heqim qafe me iniciativa që vijnë nga Serbia e Rusia. Popujt e tjerë i kanë rrëzuar e i kanë larguar të korruptuarit e kriminelët. Në Kosovë shumë prej tyre politikanë duhet akuzuar si kriminelë të paqes, çfarë i kanë bërë popullit tonë e jo si kriminelë të luftës”, ka thënë Kurti.

Kurti e akuzoi presidentin e Kosovës Hashim Thaçin se nuk është serioz dhe i sinqertë për shfuqizimin e kësaj Gjykate. “Thaçi duhet ta dëshmojë që nuk është duke e vazhduar pazarin dhe të japë dorëheqje. Për ta dëshmuar që është penduar duhet të japë dorëheqje dhe problemi kryesor me iniciativën për shfuqizimin është mungesa e sinqeritetit dhe e seriozitetit për shfuqizimin. Nuk e ka përnjëmend dhe nuk është fare serioz në këtë iniciativë, sepse ka hyrë i papërgatitur. Jam i bindur që kjo iniciativë s’e ka synim ta heqë Gjykatën Speciale, por emrin e tij nga Gjykata Speciale”, ka theksuar ai./zeri

Përçarjet e mëdha, ç’po ndodh me Vetëvendosjen dhe PDK-në

Dy partitë e mëdha në vend, Lëvizja “Vetëvendosje” dhe Partia Demokratike e Kosovës, po ballafaqohen me përplasje të ashpra brenda strukturave partiake. Analistët thonë se përçarjet do t’u kushtojnë në elektorat këtyre subjekteve politike.

Dy partitë e mëdha në Kosovë, lëvizja “Vetëvendosje” e PDK-ja, së fundmi janë ballafaquar me përplasje të ashpra brenda strukturave të tyre.

LVV-ja, si subjekti më i madh i dalë nga zgjedhjet e 11 qershorit, tashmë është ndarë në dy grupe të brendshme: krahu që mbështet liderin Albin Kurti dhe tabori i rreshtuar kundër tij.

Por jo vetëm LVV-ja ka pasur përplasje së fundmi. Para disa ditësh në publik është shpërfaqur edhe moskonsolidimi i PDK-së në bastionin e kamotshëm në Komunën e Skenderajt. Kryesia e PDK-së në këtë Komunë ka përjashtuar shtatë anëtarë nga partia dhe ka shkarkuar nga pozita e nënkryetarit të Degës deputetin Bekim Haxhiu, shkruan tutje “Zëri“.

Megjithatë, ani pse kryetari i Degës së PDK-së në Skenderaj Sami Lushtaku ka thënë prerazi se ky vendim nuk do të zhbëhet, është shprehur i vendosur se ai nuk do t’i sjellë pasoja partisë.

Ndërkaq, njohësit e çështjeve politike konsiderojnë se zhvillimet e fundit brenda LVV-së e PDK-së do t’u kushtojnë tejet shumë atyre…

Analisti që e sulmoi Ramush Haradinajn në gazetën TIME, mik i Vuk Jeremiqit

Ian Brammer, analisti amerikan, që zgjodhi të sulmojë kryeministrin Ramush Haradinaj përmes një shkrimi autorial të publikuar në revistën prestigjioze TIME, rezulton të jetë mik shumë i afërt i ish- ministrit të Jashtëm serb, Vuk Jeremiq.

Meliza Haradinaj, këshilltare politike e Haradinajt, ka sqaruar përmes një statusi në Facebook, raportin që sipas saj kanë analisti politik amerikan me Jeremiqin.

“Sa për informatë, autori i shkrimit në TIME Ian Bremmer është edhe mik i ngushtë i Vuk Jeremiqit, dhe pjesëmarrës i rregullt i konferencave të OJQ-së së tij. Me pak hulumtim, mund t’i gjeni ngjarjet e shumta të përbashkëta të tyre, madje edhe private, si kjo foto më poshtë në US Open 2016”, shkruan ajo.

Meliza thotë se Serbia po punon në të gjitha frontet që të dobësohet imazhi dhe suksesi dhjetëvjeçar i Kosovës, si shtet i pavarur dhe sovran.

Revista “Time”, një nga mediumet më prestigjoze dhe më me ndikim në botë, e rendit kryeministrin kosovar Ramush Haradinajn në mesin e pesë personave të arratisur më të kërkuar në botë. Haradinaj renditet përkrah Carles Puigdemonit të Katalonjës, Fethullah Gulenit të Turqisë, Julian Assanget dhe Mikheil Saakashvilit.

“Shpesh nuk është mirë të jesh i kërkuar. Në kohëra të dramave gjeopolitike, këtu keni disa prej personazheve të rreptë që janë ‘më të kërkuarit’, të cilët kanë fituar vëmendjen e botës”, shkruan Time për pesë personazhet e këtij artikulli.

Autori që i ka dhënë rëndësi pesë personave, në artikullin e tij, përfshirë edhe Ramush Haradinajn, punon si kolumnist dhe redaktor në Time që nga viti 2014. Gjithashtu, ai është themelues i Grupit Eurasia që merret me hulumtime të rreziqeve politike globale.

“Nganjëherë, Assange, Puigdemont, Gulen dhe Haradinaj, të jashtëligjshmit, mund të shndërrohen në heronj për ata që kanë kundërshtuar gjoja burgosjen e tyre”, shkruan ai, në fund të artikullit.

Qeveria e Kosovës nuk e ka komentuar vlerësimin që ia ka bërë ky analist politik. Shefi i kabinetit të kryeministrit të Kosovës, Avni Arifi, deklaroi se s’kanë asnjë koment për raportimin që e ka bërë TIME./Express

Ja pse Haradinaj pezullon vendimin për rritjen e pagave

Kryeministri i Kosovës Ramush Haradinaj përkohësisht deri në një vendim të Gjykatës Kushtetuese ka pezulluar vendimin për rritje të pagave për kabinetin qeveritar.

Vendimi i kryeministrit Haradinaj erdhi pasi që Agjencia Kundër Korrupsionit e kishte cilësuar të jashtëligjshëm vendimin për rritje të pagave nga ana e kabinetit qeveritar.

“Vendimin e AKK-së, lidhur me nivelizimin e pagave, e vlerësoj të paqëndrueshëm dhe të ndikuar politikisht. Për këtë vendim kemi dorëzuar përgjigje të qartë dhe kjo është e njohur për opinionin”.

“Megjithatë, pas kërkesës së 30 deputetëve të Kuvendit të Kosovës për vlerësimin e kushtetutshmërisë së vendimit për nivelizim të pagave, të marrë më 20 dhjetor nga Qeveria e Kosovës, kam vendosur që përkohësisht, deri në një vendim të Gjykatës Kushtetuese, ta kërkoj pezullimin e këtij vendimi”, ka shkruar kryeministri në Haradinaj në faqen e tij në facebook.

Ai ka theksuar se ‘ky pezullim godet më së shumti gjyqtarët dhe prokurorët, duke qenë se pagat e tyre janë të ndërlidhura drejtpërdrejt me vendimin për nivelizimin e pagave’.

Sipas vendimit të Qeverisë, paga e kryeministrit nga 1500 euro sa ka qenë, nga ky muaj do të bëhej 2950 euro, kurse e zëvendëskryeministrave nga 1300 euro, në 2500 euro, raporton rel.

Paga e një ministri ka qenë rreth 1200 euro, ndërkaq me vendimin e ri do të jetë 2000 euro. Kurse, rreth 70 zëvendësministrat e emëruar në Qeverinë Haradinaj, do të pranojnë pagë mujore nga 1150 euro.

Pacolli: 22 ambasadorëve kosovarë nuk do t’iu vazhdohet mandati

Ministri i Punëve të Jashtme, Behgjet Pacolli ka bërë të ditur se 22 ambasadorët kosovarë nuk do t’i vazhdohet mandati.

Pacolli ka thënë se këta ambasador do të kthehen në Kosovë nga vendet ku ata po qëndrojnë.

Ai ka shtuar se pas kthimit të tyre në Kosovë, do të zëvendësohen me diplomatë të tjerë.
“Ambasadori i Kosovës në Tiranë, Pragë dhe Stokholhm. Unë s’kam njoftuar në MPJ stafin diplomatik. E kam të vështirë të punoj më dikë që nuk e njoh, mirëpo unë ke kam harxhuar kohë në këtë drejtim, t’i njoh njerëzit. Dita të organizohet në mënyrë efeketive dhe jo vetëm të mbahen koktej, të vizitohen panaire të ndryshme që janë të interesuar për Kosovën dhe raporte të kemi të mira dhe inkurajuese. 22 ambasadorë do të kthehen në Kosovë, do të shkëputen nga vendet përkatëse. Nuk bën të rrinë më shumë se një mandat. Ata të kthehen në Kosovë dhe të zëvendësohen me diplomatë tjerë” ka shtuar Pacolli.

Pacolli ka bërë me dije se do të angazhohen në mënyrë që shumë shpejtë të kenë ambasadë në Poloni dhe jorezidencë në Çeki.

Ndërron jetë ish-ushtari i UÇK-së që u dënua nga Tribunali i Hagës

Sot ka ndërruar jetë Hajredin Balaj, ish-ushtar i UÇK-së i cili ishte dënuar me 13 vjet burg nga Tribunali i Hagës.

Hajredin Balaj ka bërë 10 vjet burgim, ndërsa i janë falur tre vjet nga Tribunali i Hagës. Ky Tribunal në tetor të vitit 2010 e kishte refuzuar kërkesën e ish-pjesëtarit të UÇK-së, Hajredin Balaj, për lirim pas vuajtjes së më shumë se gjysmës së dënimit, shkruan Express.

Për këtë proces gjithsej u zhvilluan 88 ditë gjyq. Vendimi i gjykatës, i bërë publik më 30 nëntor 2005, shpalli të pafajshëm Fatmir Limajn dhe Isak Musliun dhe dënoi me 13 vjet burgim Haradin Balajn. Balaj ishte edhe anëtarë i partisë Nisma.

Balaj-Limaj

 

Vazhdon getoizimi i (pa)drejtë i shtetasve kosovarë! – Nga Florim Zeqa

Kosova është i vetmi vend në rajon me prezencën më të madhe ndërkombëtare. Mirëpo edhe përkundër kësaj, shtetasit kosovarë kanë mbetur të vetmit në rajon të getoizuar, pa të drejtën e levizjes së lirë drejt vendeve të Bashkimit Evropian!
BE-ja përveq prezencës politike (diplomatike), policore (EULEX) dhe ushtarake (KFOR), nga fillimi i aplikimit të monedhës “EURO”, Kosovës i ka imponuar sistemin monetar pa qënë fare pjesë e saj.
Mirëpo të njëjtat kritere nuk ka arritur t’i aplikojë aq lehtë edhe në vendet e rajonit, gjegjësisht edhe në ish republikat e tjera të ish federatës jugosllave.
BE-ja në njërën anë Kosovës i instalon sistemin monetar të saj, ndërsa në tjetrën paradoksalisht i mohon liberalizimin e vizave për qytetarët e saj!
Fatkeqësisht, padrejtësitë ndaj shtetit të Kosovës të njohur ndërkombëtarisht 10 vite më parë (17 shkurt 2008) po vazhdojnë edhe në ditët e sotme.
Vënja e kushteve të padrejta pushtetarëve kosovar në këmbim të liberalizimit të vizave, siq është Demarkacioni me Malin e Zi, është akt i paprecedent nga zyrtarët e BE-së! Pasi një gjë të tillë nuk e kanë aplikuar edhe për vendet tjera të rajonit, gjegjësisht me republikat tjera të ish federatës jugosllave, disa prej të cilave janë bërë edhe pjesë e BE-së dhe NATO-s pa ju vënë kushtin e demarkimit të kufirit siq është rasti pikërisht me Malin e Zi, me të cilin vend Kosova ndodhet në kontekst territorial, por që qytetarët e këtij vendi nuk e bartin asnjë konseguencë sa i përket levizjes së lirë të njerëzve dhe mallërave drejt vendeve të BE-së.
Kështu, të vetmit që padrejtësisht po penalizohen në Ballkanin jugëpërëndimorë janë shqiptarët. A thua pse!?
Sepse e gjithë kjo është pasojë e një lidershipi të papërgjegjshëm kosovar në këtë dekadën e fundit, gjegjësisht në dekadën e pavarësimit dhe njohjes ndërkombëtare të shtetit tonë.
Thellësisht jam i bindur se, sikur të kishim liderë të përgjegjshëm shtetërorë dhe klasë politike të pastër dhe të pakorruptuar, do të kishim një parlament të fortë , kredibil, të përgjegjshëm ndaj qytetarëve dhe të respektuar nga bashkësia ndërkombëtare.
Përderisa parlamenti të përdoret si marionetë e qeverisë, nuk mund të pritet gjë e mirë dhe me vlerë për vendin tonë.
Nivelin e ulët, do të thoja mesjetar të klasës politike në Parlamentin e Kosovës e dëshmoi seanca e fundit, respektivisht interpelanca e kryeministrit Haradinaj në raport me të shtënat me armë të Ministrit të Diasporës z.Dardan Gashi në ahengun e famshëm familjarë!
Sjelljet dhe gjuha e përdorur (primitive dhe seksiste) e deputetëve në njërën anë dhe mbrojtja e një veprimi krejtësisht të paligjshëm të ministrit në fjalë, duke u thirrur në traditat popullore e dëshmonë qartë kulturën dhe nivelin në të cilin ka rrëshqitur politikbërja kosovare në fundin e dekadës së parë të pavarsisë së shtetit tonë dhe në fundin e dekadës së dytë të shekullit 21!
Sikur të zgjedhurit e popullit (deputetët) të silleshin konformë besimit qytetarë, atëherë shkarkimi i ministrit Dardan Gashi duhet të ishte pikënisja, përderisa veprimet ligjore të sistemit të drejtësisë me vazhdimin e mëtutjeshëm për ndëshkimin edhe të aktorëve tjerë që u sollën si “kauboj” të Hollivudit në ahengun e famshëm familjarë në Banjë të Malishevës.
Kjo nuk ndodhi për arsyen e thjeshtë, pasi shkarkimi eventualë i sekserit të kontrabandimit të votës së deputetes Teutë (Ibrahim) Rugova, do t’i rrezikonte Ramush Haradinjat humbjen e postit të kryeministrit.
Por meqë kjo nuk ndodhi, keqqeverisja e vendit, parregullsitë dhe anarkia në sistemin gjyqësorë do të vazhdojnë akoma, ndoshta deri në pambarim,…derisa të vie në pushtet një klasë e përgjegjshme politike, me etikë dhe integritet profesional për të udhëhequr shtetin dhe dikasteret përkatëse qeveritare.
Mbase sjelljet e fundit të pushtetarëve dhe deputetëve në Parlamentin e Kosovës, do të jenë një “alibi” më shumë për getoizimin e mëtutjeshëm të qytetarëve të këtij vendi dhe talljen me liderët shtetëror të Kosovës me mosdhënje të vizave nga shtetet e BE-së, përderisa zyrtarët evropian hyjnë e dalin nga Kosova të pa u “skanerizuar” nga autoritetet kufitare në Aeroportin ndërkombëtar “Adem Jashari” në Prishtinë.
Përkundër këtij fakti, javëve dhe ditëve të fundit është shtuar dukshëm fluksi i qytetarëve kosovar para ambasadave të huaja në Prishtinë, për të kërkuar vizën për largim nga ferri që u shkaktuan politikanët e papërgjegjshëm në dekadën e fundit në shtetin e lirë dhe të pavarur të Kosovës.

Zgjedhjet e reja dhe proceset e dëmtuara demokratike?! – Nga Skënder MULLIQI

Nuk ka shumë kohë që zgjedhjet nacionale dhe zgjedhjet lokale i kemi lënë mbrapa. Pa u harruar mirë , kanë filluar të përmenden zgjedhjet e radhës nacionale sepse nuk po qetësohet situata politike , ajo po tensionohet gjithnjë e më shumë nga problemet e grumbulluara .

Disa ndajnë mendimin së zgjedhjet nuk duhet të kemi kohë e pa kohë, duke e ditur së ato janë të kushtueshme !Bukur shumë po ndajnë mendimin së duhet të shkojmë në zgjedhje te reja së kjo qeveri nuk është në gjendje tu jap rrugë Demarkacionit, “Zajednicës”, formimit të ushtrisë… e sidomos pas përpjekjeve të shfuqizmit të Gjykatës Speciale, ku janë dëmtuar shumë marrëdhënjet më faktorin ndërkombëtar.Kosova është izoluar që shumë kohë për shkak së kjo klasë politike nuk është në gjendje ta përfundon si duhet fazën e rëndësishme të tranzicionit .Nga pozicionet e ndryshme politike vijmë deri të konkludimi së demokracia në Kosovë ka rënë në shkallën më të ulët në këto 18 vite .Thënë saktësisht kjo tregon së më proceset demokratike nuk kemi arritur askund.Ne politikën postkomuniste nuk po zgjedhen metoda dhe mjete dhe as nuk po kemi mirëkuptim para sfidave që sjellë faza e tranzicionit .Dobësit e shumta të sistemit dhe dobësit e shfaqura në udhëheqje nga këto struktura dekadente politike kanë bër që kriza politike dhe kriza ekonomike dhe sociale të thellohet gjithnjë e më shumë .Nese zgjedhjet e reja janë të kushtueshme , shtrohet pyetja cila është alternativa.

Të lejohet diktatura?Ndoshta mos të dalim fare ne votime , apo të krijojmë standarde për zgjedhje normale dhe të ndershme .Qytetarët sigurisht së shumë ju kanë gëzuar sistemit shumë partiak pas diktaturës së eger komunite dhe okupimit shumë vjeqar nga serbosllavët.Demokracinë dhe lirinë e paguam shumë shtrejtë.Dhe, pas gjithë atyre veshtirësive dhe përpjekjeve , ti stopojmë këto procese pa të cilat nuk do të kemi prosperitet dhe zhvillim të gjithëmbarshem ,është e pa kuptueshme dhe shumë e pa logjikshme .Dihet së nuk është lehtë të ballafaqohemi më zgjedhje te treta mbrenda një harku kohor shumë të shkurtër, por megjithate zgjedhjeve ju jep kuptim sistemi pluralist shumë partiak të cilin e kemi zgjedhur.Në shtetet normale më demokraci të lartë dhe sistem të rregullaur , zgjedhjet e jashtëzakonshme nuk paraqesin ndonjë problem serioz të mbahen . Kur janë institucionet kredibile , kur qytetarët u bësojnë këtyre institucioneve , kur kemi veqmas sistem të drjetësisë të mirëfilltë dhe të pa korrupuar , ndrrimi pushteteve bëhët pa turbulenca .Ky është pikërisht problemi madhor në Kosovë.Nuk po funksionon asnjë sistem ashtu si duhet, kemi korrupcion dhe krim më bollëk , hajni qfare të daush, dhe kjo natyrisht së e veshtirëson shumë situatën .

Disa thonë së zgjedhjet e shpeshta janë të dëmshe për investime te jashtme , por edhe ashtu nuk po kemi investime dhe investitor të jashtem, për shkak të pa sigurisë së mjaftueshme.Kosovës i duhen më shumë së kurrë mendjët e shëndosha politike, i duhet më shumë së kurrë stabilitet politikë dhe stabilitet ekonomik, duhet hapur përspektiva të reja, e jo të mbyllen ato për fajin e këtyre strukturave autokratike në pushtetet e pas luftës .Nese dëshirojmë të bëhemi shtet serioz , nuk duhet të lejojmë që kjo gjendje e agonisë të vazhdon .Nuk guxojmë të bëhemi rob i grupeve përfituese politike dhe qarqeve të caktuara të fuqishme te biznesit.Duhet të ndërtojmë strategji të reja shumë serioze për të mirën e qytetarëve të margjinalizuar .Nuk duhet lejuar që të bëhemi vrojtues statik i gjithë asaj që po ndodhë më Kosovën dhe rreth Kosovës. Po na defilojnë figura të njejta dhe të konsumuara politike në Qeveri dhe në Parlament.Këto fugura tashmë jo vetëm që janë bër të dëmshme por janë bërë edhe të rrezikshme për të ardhmën e Kosovës.Dihet së zgjedhjet kushtojnë me milona euro.Do të kishte mundësi që më ato para të bëhët shumë qka tjetër në të mirë të qytetarëve .Demokracia çfarë ekziton në shtetet perëndimore , te ne sigurisht së nuk e kemi.Ndryshimet dhe thyerja e gjatë e heshtjës së qytetarëve duhet të ndodhë gjithësesi ,nese dëshirojmë që shteti mos të mbetet nocion apstrakt.Demokracia sigurisht së nuk ka çmim…

Kalaja e Prizrenit, margaritari turistik dhe historik i Kosovës

Në Prizren, të cilin shpeshherë e quajnë “muzeu në qiell të hapur “ ka dhjetëra monumente kulturore dhe historike islame, por edhe të besimit ortodoks dhe katolik, ndërsa Kalaja e Prizrenit është diçka e veçantë

PRIZREN – Kalaja e Prizrenit shtrihet në një sipërfaqe prej një hektar e gjysmë dhe nga ajo, si në pëllëmbë mund të shihet i tërë Prizreni bashkë me fushat e tij deri në afërsi të Pejës. Muret e fortesës shtrihen në drejtimin veri-jug, ndërsa përgjatë brendisë së saj janë ndërtuar hapësira të ndryshme dhe korridore nën tokësore, njëri nga të cilët është lëshuar poshtë kodrës deri në burimin mbi lumin Lumbardhi.

Duke folur për Anadolu Agency (AA), Jusuf Xhibo, drejtor i Entit për Mbrojtje të Monumenteve të Kulturës në Prizren, tha se nuk dihet saktë se kur dhe kush e ka ndërtuar kalanë, por siç thotë, në bazë të materialeve arkeologjike mund të konstatohet se bëhet fjalë për shekullin IV ose V.

Restaurimi është bërë disa herë

“Pas ardhjes së Bizantit në këto treva, ata adaptuan kalanë për nevojat e tyre. Të njëjtën e kanë bërë edhe Osmanët pas ardhjes në Prizren në vitin 1445. Do të thotë, Kalaja është rindërtuar disa herë. E njëjta ndahet në të ashtuquajturin qytet i Epërm dhe qytet i Poshtëm, ku qyteti i Epërm është më i vjetër, ndërkohë që qyteti i Poshtëm është ndërtuar dhe adaptuar nga Osmanët nga shekulli 15-të deri në shekullin e 19-të. Ajo që dihet me siguri është se në periudhën Osmane kalaja është përdorur vetëm për qëllime ushtarake”, thotë Xhibo.

Gërmimet dhe restaurimet e para në këtë objekt të rëndësishëm historik filluan në vitin 1969, mirëpo të njëjtat asnjëherë nuk përfunduan. Pjesa e dytë e restaurimit filloi në vitin 2008, meqë nga shkaku i luftës në Kosovë, Kalaja ishte në gjendje shumë të keqe.

“Në vitin 2012 restaurimin e mori përsipër Instituti Arkeologjik. Financat vinin kryesisht nga Ministria e Kulturës, por investimin më të madh në vlerë prej dy milionë dollarë e bëri ambasada amerikane në Kosovë. Këtë restaurim e bënë arkeologë nga Instituti Arkeologjik i Kosovës të cilët merreshin me gërmime dhe restaurim, ndërkohë që CHWB (Cultural Heritage Without Border ) merrej me promovimin e këtij objekti të vlefshëm kulturor”, theksoi Xhibo.

Gjatë gërmimeve, përveç armëve, janë gjetur edhe pushkë të përdorura në luftërat Ballkanike, shpata, një numër i madh i gjyleve të topit, fragmente të gurëve të shkatërruar nga xhamia dhe hamami, vendndodhja e të cilave nuk dihet akoma, si dhe mbetje të mullirit dhe të një depoje armësh.

Paralelisht me restaurimin e mureve të cilët ishin buzë shkatërrimit të plotë, që pothuajse janë restauruar 100 për qind, është ndërtuar edhe një depo e cila do të shërbej si muze i cili pritet të fillojë së funksionuari vitin e ardhshëm. Janë restauruar edhe kazamatet, për ku planifikohet të bëhet promovimi i punimeve artizanale.

“Në qytetin e epërm është adaptuar një pjesë, është ndërtuar një teatër për shfaqe dhe projeksione të filmave i cili përdoret sipas nevojës. Një pjesë e DOKUFEST-it është mbajtur pikërisht në atë pjesë, në gusht të vitit të kaluar. Atje është mbajtur edhe NGOMfest, festivali i muzikës i cili bën bashkë grupe të shumta nga rajoni dhe Evropa”, thotë më tej Xhibo.

Ky arkitekt rrëfen se pas Luftës së Parë Botërore, Kalaja e Prizrenit nuk ka funksionuar. Një pjesë e gurëve të saj janë përdorur për ndërtimin e gjimnazit të Muzikës dhe disa shkollave të tjera në Prizren.

Siç thotë ai, në këtë periudhë është shembur edhe xhamia të cilën Mahmut Pash Rotlla e kishte ndërtuar në vitin 1826 mbi themelet e një ekzistuese. Fillimisht xhamia ishte ndërtuar në vitin 1445, pas marrjes së qytetit.

“Kjo nuk është risi, sepse atje ku ishte ushtria ndërtohej një xhami, hamam dhe objekte të tjera. Deri në vitet 60-të të shekullit të kaluar muret nga mbetja e xhamisë ishin të lartë rreth një metër e gjysmë. Minarja është shembur pas Luftës së Parë Botërore, por nuk dihet nëse ka ndodhur nga ndonjë shpërthim, ashtu siç ndodhte zakonisht në Ballkan pas largimit të Osmanëve, siç është rasti në Budvë, në Shqipëri dhe veçanërisht në Bullgari”, rrëfen Xhibo.

Vizitohet nga një numër i madh turistësh

Ndonëse 20 mijë qytetarë të rajonit të Prizrenit dhanë nënshkrimet e tyre në peticionin për rindërtimin e kësaj xhamie, kjo nuk ndodhi.

“Kalaja ka statusin e një lokaliteti arkeologjik, prandaj nuk behën rindërtime. Bëhet restaurimi dhe konservimi i gjendjes së tanishme, por jo edhe rikonstruksioni, ndonëse kjo nuk është patjetër. Për hir të së vërtetës, ka raste të rralla në situata specifike kur është bërë rekonstruksion. Instituti Arkeologjik dhe komisioni i tij, bazuar në ligjet e tanishme e trajtojnë si një lokalitet arkeologjik. Sipas tyre, xhamia nuk ka ndonjë veçanti prandaj nuk është dhënë leje për të”, shpjegon Xhibo.

Në Prizren, të cilin shpeshherë e quajnë “muzeu në qiell të hapur” ka dhjetëra monumente kulturore dhe historike islame, por edhe të besimit ortodoks dhe katolik. Pjesa më e madhe e tyre janë të vjetra me qindra vjet, të vendosura kryesisht në qendër të qytetit të vjetër, i cili në dokumentet e shkruara për herë të parë përmendet në shekullin XI.

Megjithatë, Kalaja e Prizrenit është diçka e veçantë. Ndonëse është në kodër, dhe për të arritur atje duhet ecur në këmbë në terren të pjerrët, tani, por edhe kur ishte nën gërmadha paraqiste interes për turistë të shumtë. Sipas disa të dhënave, ndonëse të pakonfirmuara, për një vit vizitohet nga 200 mijë turistë.

Kërkesë për shkarkimin e zëvendëskryeministrit Dardan Gashi

Kryeministri i Kosovës, Ramush Haradinaj, ka dalë në interpelancë para Kuvendit të Kosovës. Kërkesën për këtë interpelancë e ka parashtruar Grupi Parlamentar i Lidhjes Demokratike të Kosovës, për të informuar në lidhje me gjuajtje më armë nga Dardan Gashi, zëvendëskryeministër dhe ministër i Diasporës dhe Investimeve Strategjike.

Në fund të vitit kaluar, në media janë publikuar disa pamje ku shihet zëvendëskryeministri, njëherësh ministër i Diasporës, Dardan Gashi duke gjuajtur më armë nga dritarja e një dhome, ku ishin të pranishëm edhe zyrtarë tjerë të Qeverisë.

Armend Zemaj, deputetë nga Lidhja Demokratike e Kosovës, ka kërkuar nga kryeministri i Kosovës Ramush Haradinaj, shkarkimin e Dardan Gashit nga pozitat zyrtare. Zemnaj ka thënë se skena të tilla të gjuajtjes më armë janë akte kriminale që janë të ndaluara më ligjet e Kosovës.

“Kuvendi i Republikës së Kosovës kërkon përgjegjësi nga Qeveria karshi këtyre veprimeve të rrezikshme dhe me shkelje të rënda ligjore. Veprime të tilla, janë të dënueshme edhe më Kodin Penal të Republikës se Kosovës”.

“Dhe pika e dytë: kërkojmë menjëherë shkarkimin e zëvendëskryeministrit, njëherësh ministrin e Diasporës dhe Investimeve Strategjike dhe personave tjerë qeveritarë të përfshirë në këtë ngjarje”, ka thënë deputeti Zemaj.

Kryeministri i Kosovës, Ramush Haradinaj ka thënë se është e papranueshme gjuajtja më armë, por që siç ka thënë ai, kjo gjuajtje është në kuadër të traditave që ende nuk janë zhdukur në Kosovë.

Kryeministri Haradinaj ka thënë se nuk mund të marr ndonjë masë kundër zëvendëskryeministrit, për shkak se lënda është në proces gjyqësor.

“E marr si mundësi që trajtimin e kësaj teme në Parlament dhe interpelancë, ta kthejmë në vëmendje dhe të orientohemi nga zbatimi i ligjit dhe Kushtetutës. Kurse, traditën ta kultivojmë pa rrezikuar jetën e askujt dhe që nuk bie ndesh më ligjin dhe Kushtetutën e vendit”.

“Kërkesa për masa tjera, për mua është hershme, për çfarë do mase që ka qenë i përfshirë, për shkak se është në proces ligjor dhe nuk parashihet të avancohet më veprime për derisa kjo temë është në proces ligjor”, ka thënë kryeministri Haradinaj.

  • 16x9 Image

    Nadie Ahmeti

    Me profesionin e gazetarisë ka filluar të merret që prej vitit 2000, kurse Radios Evropa e Lirë i është bashkuar në vitin 2001. Kryesisht mbulon çështjet ekonomike dhe sociale, për çka edhe i janë ndarë disa mirënjohje.

Përgjigja e Haradinajt ndaj Apostolovës, veprim i guximshëm politik! – Nga Florim Zeqa

Varësia e tepruar ndaj “miqve” ndërkombëtar, humbje e sovranitetit politik!

Në Kosovën e pasluftës, si pasojë e egos së pakufishme për pushtet të liderëve partiak, ndërkombëtarët me lehtësi i kanë realizuar dhe po i realizojnë levizjet e figurave në tabelën politike kosovare.
Servilët dhe puthadorët e ndërkombëtarëve e kanë të garantuar pushtetin në gjysëm shtetin e Kosovës. Ndërsa atdhetarëve dhe mbrojtësve të sovranitetit dhe integritetit territorial të vendit u përgatiten sfida të mundimshme dhe të pakapërdishme për kohën dhe rrethanat në të cilat jetojmë.
Mungesa e një konsensuesi nacional mes forcave politike shqiptare, ka prodhuar efekte tepër negative në rrafshin politik dhe diplomatik të shtetit tonë.
Qëndrueshmëria dhe konsistimi i partive në vijat e tyre programore do të bënte të pamundur levizjet e padëshiruara politike në raport me ndërkombëtarët, siq janë; Gjykata Speciale, Demarkacioni me Malin e Zi dhe Asociacioni i komunave serbe në veri të vendit.
Vënja shpresave çdo herë tek “miqt” ndërkombëtar, dhe lënja e fatit të vendit çdo herë në duart e ndërkombëtarve për zgjidhjen e problemeve të brendshme politike ka çuar deri të krijimi i një shtrese politike servile e cila nga varësia e tepruar e ka humbur sovranitetin politik, ekonomik dhe financiar të vendit.
Pra, si gjithnjë vendimet madhore politike në vendin tonë dhe për vendin tonë i marrin “miqt” ndërkombëtar,…ndërsa qeveritë tona janë marrur vetëm me implementimin e atyre vendimeve!
Jam për respektim të stafit diplomatik ndërkombëtar në vendin tonë, por jo edhe për servilizim të klasës politike ndaj tyre. Në veqanti liderët shtetërorë duhet të sillen si liderë të një vendi të pavarur, në të kundërtën fjala pavarësi e dalë nga goja e tyre mbetët vetëm mashtrim dhe hipokrizi.

Qeveria nuk u jepë llogari ambasadorëve të huaj, por vetëm parlamentit dhe deputetëve

Politikanë i mirë dhe i përgjegjshëm llogaritet ai liderë partiak i cili u qëndron besnik parimeve dhe që rrugëtimin e tij e bazon në “staza” të gjata e jo në caqe të shkurtëra.
Qëndrimi i fundit i kryeministrit Haradinaj “Qeveria nuk u jepë llogari ambasadorëve të huaj, por vetëm parlamentit dhe deputetëve” ndaj deklaratës së shefes së Zyrës së BE-së në Kosovë, Nataliya Apostolova, se “Demarkacioni me Malin e Zi dhe Gjykata Speciale e përcaktojnë të ardhmen e Kosovës në Bashkimin Evropian (BE)” më bëri përshtypje të jashtëzakonshme i cili më bëri të ndihem krenar me kryeministrin e vendit tim.
Pasi kundërshtimi i zonjes Apostolova nga ana e kryeministrit Haradinaj është mëse i drejtë dhe atë për dy arsye; e para), për faktin se BE-ja është institucion që nuk e ka njohur ende pavarësinë e vendit tonë, dhe e dyta), është fakti se znj. Nataliya Apostolova është në cilësinë e ambasadores së BE-së në Kosovë dhe asgjë më shumë se shumë.
Edhe në këtë rast po dëshmohet se politika, përveqse art i së mundshmes, është sfidë e pafundme e cila përveq njohurive dhe argumenteve kërkon guxim dhe qëndrueshmëri të lartë në mbrojtjen e interesave kombëtare dhe shtetërore.
Është i pamohueshëm fakti, se sikur të mos kishte qënë Ramush Haradinaj me ia hedhë në fytyrë hartat e falsifikuara Murat Mehës, ndoshta çështja e demarkacionit me Malin e Zi do të kishte kaluar në heshtje edhe përkundër protestave të opozitës së bashkuar,…dhe prapë do të kishim mbetur pa liberalizim të vizave, pasi kushti themeltarë i vënë nga BE-ja për liberalizim të vizave është lufta kundër korrupsionit dhe krimit të organizuar e jo demarkacioni.
Ishte veprimi sa i guximshëm po aq edhe energjik i zotit Ramush Haradinajt që bëri të zgjohet ndërgjegja e disa prej deputetëve të përgjumosur në pushtet dhe opinionit të fjetur publik.
Reagimi i guximshëm i Haradinajt nuk ishte kundërshtim vetëm ndaj Murat Mehës dhe komisionit qeveritar, por ishte kundërshtim ndaj qasjes së gabuar qeveritare dhe mbështetësve të tyre ndërkombëtar.
Kur ndaj dukurive negative dhe të dëmshme për vendin nuk merren parasysh faktet, duhet reaguar edhe forcërisht nëse e kërkon nevoja për të mbrojtur të vërtetën, në të kundërtën e vërteta rrezikon të mbytet në heshtje.
Nga ai reagim i guximshëm i Ramush Hradinajt në tryezë me kryetarin e komisionit shtetëror për demarkacion, zotin Murat Meha, filluan të gjitha kundërshtitë e mëpastajme jo vetëm në kampin opozitar, por edhe nga radhët e depuetëve të pozitës.
Uroj që edhe kundërshtimi i fundit i kryeministrit Haradinaj ndaj deklaratës së znj. Apostolova të jetë vërtetë akt patriotik i paramenduar mirë e jo turbolencë politike e çastit!

Thirrje deputetëve shqiptarë

Të nderuar deputet shqiptar të Kuvendit të Republikës së Kosovës, para se të votoni për Demarkacionin me Malin e Zi dhe Gjykatën Speciale, vëni gishtin kokës, mendoni pak më thellë për situatën delikate dhe shumë të rrezikshme para së cilës ndodhet shteti i Kosovës dhe popullata e saj.
Lërëni menjëanë interesat personale, favoret dhe benifitet, qofshin edhe miliona euro që ju ofrojnë të tjerët në këmbim të votës për “Specialen” apo Demarkacionin. Mos i shiqoni liderët tuaj partiakë, ngase disa prej tyre kanë hyrë në “SENSO UNICO” (rrugë pa krye),…edhe po të dëshironin, ata nuk mund të kthehen dot mbrapa, ngase janë në dorën e djallit, në dorën e agjenturave të ndryshme për shkatërrimin e shtetit të Kosovës.
Deputet të nderuar, liderët e juaj partiak (shtetëror) duke e ditur që vet nuk mund ta bëjnë një gjë të tillë, synojnë që përmes jush t’i realizojnë premtimet që ua kanë dhënë liderëve serbo-malazias në marrëveshjet e fshehta me ndërmjetësimin e palës ndërkombëtare,…me kushtin e vetëm që ta shpëtojnë lëkurën e tyre nga akuzat e rënda për vepra kriminale dhe afera të shumta korruptive.
Andaj, ju deputet, ju zëri më besnik i qytetarit, mos bini pre e marrëveshjeve të fshehta të liderëve të korruptuar,…qendroni besnik votës së popullit, atdheut dhe amanetit të dëshmorëve për ruajtjen dhe mbrojtjen e terësisë territoriale të vendit tuaj.
Në të kundërtën, përveq aktit të tradhtisë, brez pas brezi do t’u ndjekë mallkimi i gjakut të dëshmorëve, heronjëve dhe martirëve, vllëzërve dhe motrave shqiptare që dhanë më të shtrenjtën-jetën e tyre për çlirimin dhe bashkimin e tokave shqiptare.
Më mirë të merrni bekimin e popullit, se sa mallkimin e tij!

Ana “hibride” e shefave të politikës, apo retardimi psiqik i tyre?! – Nga Skënder MULLIQI

Bajatë, të plogësht, të tjetërsuar nga populli dhe të larguar nga realiteti.Kjo është fotografia e shkurtër e këtyre njerëzve në krye të partive aktuale politike dhe në krye të shtetit që 18 vite më radhë.

Edhe nese ndonjëri prej tyre nuk ka qenë i tillë deri sa ka luftuar për pushtet, kur e morën pushtetin treguan fytyrën e tyre të vërtetë.Sindromi për përfitime përsonale bëri që këta ta humbin së pari njerzillëkun, ti humbin meritat , ta humbin edhe besimin e popullit.U shëndrruan në përsona negativ , u bën njerëz të cilët nuk kan dert më ofenduar as Zotin.U bënë njerëz të retarduar duke u shëndrruar në despotë . U deformuan sa nuk ka më keq. Predisponimi i tyre është narcisoid karshi shikimit të botës, karshi shtetit të vet, duke i shikuar ato si arenë ku mund të arrihet fama dhe pushteti apsolut .Këto pushtete të pasluftës nuk punuan që problemet ti zgjedhin në menyrë pragmatike.

U interesuan që të pasurohen më shumë në mënyrë të paligjshme… -Veprimet dhe sjellet e kësaj kaste politike janë bërë për qdo kritikë. -Imazhi u ka zbritur në pikën zero. -Po e identifikojnë figurën e tyre më shtetin, ku përspektiven e vet dhe të shtetit po i konsiderojnë të njejta! – Janë kritikë ndaj qdo gjëje tjetër , veq karshi veprimeve të veta jo! -Dëshirojnë që të gjithë tjerët të japin llogari dhe përgjegjësi veq këta të ikin nga përgjegjësia. -Po e konsiderojnë vetën si shumë të ditur , e për këtë nuk e kan hiq takatin. -E kan humbur lidhjen më realitetin , duke e izoluar keq shtetin dhe popullin. Pa dyshim së të gjitha këto e shumë tjera të pa theksuara në një shkrim të vetëm, kan bërë që shoqëria jonë ti vuan pasojat për tekët e individeve të caktuar , të cilat teke kanë lënë gjurmë të pashlyera në shëndetin fizik dhe në shëndetin mendor të njeriut tonë. Shteti dhe pushteti po konsiderohen si mall i cili mund të blihët si në barnatore.Kjo udhëheqësve tanë është duke ua shkatërruar edhe trurin! Sjelljët dhe veprimet e tyre po janë traumatike, impulsive , duke mos parashikuar shkallën e rrezikshmerisë .Nuk janë të vetëdijshem për pasojat që mund ti kemi nga veprimet e tilla të pa matura dhe hazardeske.Të gjithë ata politikan të cilët I kan humbur aftësitë dhe besimin për ti përfaqësuar interesat e popullit , pa dyshim së një ditë do të pësojnë shumë keq.Shumë shefa të politikës po na paraqesin anën e tyre ‘hibride’ , simptome këto të cilat e vertetojnë retardimin psiqik të tyre.Natyrisht këtu nuk bëhët fjalë për të gjithë , por për një shumicë sigurisht së po.Kjo tregon së nuk janë për funksione të larta politike .

Historia mban mend së shumë udhëheqës shtetëror kan qenë më plotë simptome të te metave psiqike , kanë qenë njerëz të cilët kan pasur probleme në të paraqitur, në të folur, të pa koncentruar , të predisponuar për keqperdorime të pozitës , jo të zotët për ta definuar situatën politike në momente delicate, ekstremisht të pa përmbajtur, me perceptime politike shumë të gabuara, me përdorim të alkoholit dhe drogave ,sjelljeve agresive deri në shkallë të pa pëmbajtjës… E kur bëhët fjalë për politikën dhe njerëzit tanë krejt amator në politikë, vijnë në shprehje edhe shumë vese tjera .Për këtë klasë politike duket së nuk ka terapi … Janë në stadin e fundit të sëmundjës psiqike…Sigurisht së këta nuk i takojnë shumë epokës së demokracisë , sistemit shumë partiakë pluralist, funksionimit të rendit dhe ligjit, mediave të pa varësuara, shkurtimit të mandatit për të udhëhequr më partinë dhe më shtetin …

Aktivistja e Vetëvendosjes: Do publikojmë emrat e atyre që kanë ngacmuan seksualisht gratë

Aktivistja e Lëvizjes Vetëvendosje, Mimoza Murati, ka reaguar pas deklaratë tronditëse të liderit Albin Kurti se gratë në parti janë ngacmuar seksualisht. Ajo paralajmëroi se do t’i bëjë publike emrat e atyre që kanë ngacmuar gratë në VV.

“Ne nuk e pranojmë këtë procedurë gjyqësore, me këto principe vetë-referuese. Nuk pranojmë të marrim pjesë në këtë procedurë të dizajnuar për ta amnistuar gjithmonë kryesin e sulmit dhe për të fajësuar viktimën. Nuk do ta denoncojmë patriarkalizmin në gjyqin e patriarkatit. Do t’i publikojmë ne emrat. Por me premisat tona”, tha Murati.

REAGIMI I MURATIT
Në një intervistë me emisionin Jeta në Kosovë, Albin Kurti ka treguar se ka raste kur janë keqtrajtuar gratë në Lëvizjen Vetëvendosje. Çfarë logjike fshihet pas insistimit që ngritja e shqetësimit rreth ngacmimeve seksuale doemos të percjellët me adresë personale?
Të dallohen ‘monstrumet’ nga këta të mirët? Të mos krijohet një atmosferë ‘e mosbesimit’, ku të gjithë burrat e gjorë dhe të pafajshëm ndjehen të akuzuar padrejtësisht? Ose mbase ky është hapi i parë i inkuizicionit të zakonshëm, faj-ndjellës, që i bëhet secilës grua që proteston kundër sulmeve? “Don këtë luftë?! Çoje deri në fund, në guxofsh! Identifiko kundërshtarin!”
Ad. I. & II. Ne nuk besojmë që ka burra ”monstrumë” në një anë, që përbëjnë minoritet, dhe burra ”të ndershëm” në anën tjetër, që janë shumica. Ne besojmë se ka gjendje shoqërore monstruoze, që u jep burrave të drejtë, dhe mëson gratë të binden. Ne kritikës tonë nuk i dhamë adresa personale, por shoqërore.
Për më tepër, ne nuk po i denoncojmë vetëm “rastet”, por kulturën seksiste në përgjithësi, e cila është e ngulitur në të gjitha strukturat e shoqërisë sonë. Kjo e bën ende më të vështirë (dhe në fakt të pavend) adresimin personal.
Insistimi që kritika të ketë adresë personale është tentim pezullimi i kauzës. Nuk do të mashtrohemi nga kjo dredhi. Kemi sytë kah trofeja.

Ad. III. Kur flasim për kategorinë e sulmeve seksuale, të gjithë e dimë se çfarë stigmash janë të lidhura me to. Të gjithë e dimë se zbulimi i një sulmit seksual gjithmonë ka çuar tek ndëshkimi i gruas e jo i burrit.

Synimi i këtij lloj zbulimit të rrethanave të ndryshme të sulmit është të konkretizohet momenti, ku gruaja “e ka lypë”. Shkelja më e vogël e ligjeve të patriarkatit, që promovojnë mbylljen e gruas, justifikon sulmin. Fustani i shkurtër, dalja pas mesnate, vallëzimi, argëtimi, puthja, etj. Në patriarkat nuk mund të zgjedhësh ashtu vet. More hapin, duhet të ecësh krejt rrugën.
Ne nuk e pranojmë këtë procedurë gjyqësore, me këto principe vetë-referuese. Nuk pranojmë të marrim pjesë në këtë procedurë të dizajnuar për ta amnistuar gjithmonë kryesin e sulmit dhe për të fajësuar viktimën. Nuk do ta denoncojmë patriarkalizmin në gjyqin e patriarkatit. Do t’i publikojmë ne emrat. Por me premiset tona.

Shpërfillje e mospajtime ndërmjet liderëve të Kosovës dhe ambasadorëve

Kryeministri Ramush Haradinaj dhe presidenti Hashim Thaçi, fotografi nga arkivi

Mospërfillje e ndërsjellë dhe retorikë e ashpër politike po karakterizon raportet ndërmjet liderëve institucionalë të Kosovës dhe ambasadorëve të vendeve të Kuintit, që përfaqësojnë pesë Qeveritë më të fuqishme të Perëndimit.

Mospajtimet ndërlidhen me dy nga çështjet më të rëndësishme aktualisht në skenën politike të Kosovës, siç është ratifikimi i Marrëveshjes së demarkacionit të kufirit me Malin e Zi dhe nisma për shfuqizimin e Ligjit për Gjykatën Speciale për krime lufte.

Analistët e çështjeve politike thonë se raporte të tilla të lidershipit të Kosovës me përfaqësuesit e vendeve aleate, po vërehen për herë të parë në këto dekadat e fundit.

Rasti më i freskët që dëshmon dallimet në pozicionet rreth proceseve aktuale, ishte deklarata e kryeministri të Kosovës, Ramush Haradinaj, të mërkurën, kur tha se Qeveria e tij nuk u jep llogari ambasadorëve.

“Qeveria e vendit llogari i jep Parlamentit. Parlamenti na ka zgjedhë. Ambasadorëve u japim llogari në marrëdhëniet diplomatike, në marrëdhëniet me shtetet. Ne nuk i kemi punëdhënës ata, ne punëdhënës i kemi deputetët”, ka thënë Haradinaj.

Paraprakisht, edhe presidenti i Kosovës, Hashim Thaçi, kishte adresuar një mori kritikash, sidomos ndaj Bashkimit Evropian, për faktin se po vazhdon ta mbajë Kosovën në izolim, pa liberalizim të vizave. Ndërkaq, në lidhje me Gjykatën Speciale, Thaçi kishte theksuar se përfaqësuesit ndërkombëtarë i kishin premtuar Kosovës liberalizim të vizave dhe perspektivë evropiane, në këmbim të themelimit të kësaj gjykate.

Deklaratat e lidershipit në Kosovë, i kanë pasuar thirrjet e vazhdueshme të ambasadorëve të vendeve të Kuintit, të cilët kanë kërkuar që të hiqet dorë nga nisma për shfuqizimin e Ligjit për Gjykatën Speciale, duke theksuar se në të kundërtën, politikanët që e aprovojnë atë nismë do të përballen me pasoja të rënda.

Analisti i çështjeve politike, Ilir Ibrahimi në një prononcim për Radion Evropa e Lirë thotë se mospajtimet e mëdha ndërmjet dy palëve kanë sjellë si pasojë edhe përdorimin e retorikës dhe fjalorit të ashpër politik të ndërsjellë.

“Retorika ka qenë e ashpër në të dy drejtimet. Edhe nga ambasadorët kemi dëgjuar deklaratat më të ashpra që i kemi dëgjuar ndonjëherë drejtuar liderëve kosovarë dhe ndoshta si një kundërpërgjigje kemi pasur një ashpërsim të gjuhës ndaj ambasadorëve”.

“Kjo vjen për shkak të mospajtimeve që i kemi parë ndërmjet dy palëve për dy çështjet, siç janë, Demarkacioni dhe Gjykata Speciale”, thotë Ibrahimi.

Mospërfillja e vazhdueshme e kërkesave të aleatëve ndërkombëtarë, nga analistët po cilësohen si veprime që e cenuan partneritetin dhe miqësinë e Kosovës me Shtetet e Bashkuara të Amerikës, si dhe me vendet aleate nga Bashkimi Evropian.

Analisti i çështjeve politike, Ismajl Hasani, tha për Radion Evropa e Lirë se dëmtimi i raporteve me vendet partnere të Kosovës, mund të ketë pasoja të pariparueshme për vendin.

Përdorimi i gjuhës vulgare nga individë, pjesërisht edhe institucione, karshi ambasadorëve, sidomos të atyre të vendeve të Kuintit, që kanë kuptim të madh me prezencën e tyre në Kosovë, lirisht mund të kualifikohet si një kakofoni me prizma të rrezikshme dhe në të njëjtën kohë një dëm i pariparueshëm që mund t’u bëhet raporteve të Kosovës me vendet mike të saj”, thotë Hasani.

Ndërkaq, analistit Ilir Ibrahimi thotë se dëmtimi i raporteve të Kosovës me vendet mike tashmë ka ndodhur. Sipas tij, këto vende kanë filluar ta humbin besimin tek lidershipi kosovar.

“Javën e kaluar kemi pasur një fjalim të ambasadorit amerikan i cili i është drejtuar popullit të Kosovës dhe jo më liderëve. Ai ka filluar një bashkëbisedim me qytetarin e Kosovës sepse nuk po e sheh një lloj partneriteti te liderët kosovarë dhe ky është një hap prapa në relacionet që i ka pasur shteti i Kosovës me këto vende mike”, thotë Ibrahimi.

Kosova ka mbetur prapa në proceset integruese evropiane, si shteti më i izoluar, dhe i vetmi në rajon pa liberalizimin e vizave. Ndërkaq, së fundit, strukturat politike të dala nga ish-Ushtria Çlirimtare e Kosovës janë riorganizuar politikisht, duke kundërshtuar funksionalizimin e plotë të Gjykatës Speciale për krime lufte, çka është manifestuar me kërkesën e deputetëve për shfuqizimin e ligjit që e rregullon funksionimin e kësaj gjykate.

Një gjendje e tillë, sipas analistëve, po i shton frustrimet dhe zhgënjimet brenda Kosovës, sidomos te lidershipi aktual, frustrime këto që besohet se po reflektohen edhe në deklaratat e udhëheqësve të shtetit.

  • 16x9 Image

    Luljeta Krasniqi – Veseli

    Luljeta Krasniqi, e lindur më 02.05.1981. Me gazetari ka filluar të merret që nga viti 2005. Për një kohë të gjatë ka punuar si gazetare në Agjencinë e lajmeve Kosovalive. Ekipit të Radios Evropa e Lirë i është bashkuar në vitin 2008.

Thaçi takoi Vuçiçin në Davos

Presidenti i Kosovës, Hashim Thaçi, takoi sot presidentin e Serbisë, Aleksandër Vuçiç, në kuadër të Forumit Ekonomik Botëror në Davos të Zvicrës.

“Ne biseduam për vazhdimin e dialogut për normalizimin e marrëdhënieve ndërmjet Kosovës e Serbisë dhe domosdoshmërinë e arritjes së një marrëveshjeje historike ndërmjet dy shteteve”, tha Thaçi në një postim në Facebook.

“Kjo është e vetmja mënyrë për ruajtjen e paqes dhe hapjen e perspektivës evropiane për gjithë Ballkanin Perëndimor”, shtoi ai.

Haradinaj: Nuk u japim llogari ambasadorëve por parlamentit

Kryeministri i Kosovës Ramush Haradinaj tha të mërkurën se qeveria i jep llogari parlamentit dhe jo ambasadorëve. Ai i bëri këto komente para gazetarëve në Prishtinë, pas reagimeve të shumta të dipplomatëve lidhur me nismën për shfuqizimin e ligjit për Gjykatën e Posaçme.

Kryeministri Haradinaj tha se nisma rrjedh nga parlamenti dhe sipas tij qeveria respekton parlamentin.

“Parlamenti na ka zgjedhur neve dhe vetëm parlamentit i japim llogari, nuk i japim llogari ambasadorëve, mos harroni këtë. Do të thotë qeveria i jep llogari parlamentit. Ambasadorëve u japim llogari për marrëdhënie diplomatike dhe në marrëdhënie me shtete por ne nuk i kemi punëdhënës ata. Ne punëdhënës i kemi deputetët dhe sillemi me respekt ndaj tyre”, tha kryeministri Haradinaj.

Ai bëri të ditur se tashmë nisma për shfuqizimin e ligjit për Gjykatën e Posaçme ka mbërritur në qeveri, ku ditëmë parë është dërguar nga kryesia e parlamentit të Kosovës.

“Tani lënda është në qeveri me procedura që duhet kaluar në afat kohor prej 30 ditësh dhe do t’i kalojmë në afat të paraparë”, tha ai.

Kosova ditëve të fundit po përballet me kritika të ashpra nga faktorët ndërkombëtarë pas nismës për të shfuqizuar ligjin për Gjykatën e Posaçme. Diplomatët amerikanë dhe evropianë po paralajmërojnë udhëheqësit dhe deputetët për pasoja të rënda nëse nisma do të kalonte.

Shefja e zyrës së Bashkimit Evropian në Prishtinë, Natalya Apostolova, ka thënë se shfuqizimi i ligjit për Gjykatën e Posaçme do të ndikonte në rrugën evropiane të Kosovës.

Ideja për shfuqizimin e gjykatës pasoi nënshkrimin e një peticioni nga ana e Organizatave të veteranëve të ish Ushtrisë Çlirimtare të Kosovës me anë të të cilit kërkohet nga parlamenti të ndryshohet dhe plotësohet ligji për Gjykatën e Posaçme për krime lufte, të cilën ata e cilësojnë diskriminuese për Kosovën.

Kryesia e parlamentit dështoi në dy përpjekje për të caktuar seancën e parlamentit për të diskutuar nismën e nënshkruar një muaj më parë nga 43 deputetë për shfuqizimin e ligjit për Gjykatën e Posaçme e cila me emrin dhomat e specializuara, do të trajtojë pretendimet për përfshirjen e ish pjesëtarëve të Ushtrisë Çlirimtare në krime të luftës dhe të pasluftës.

Hetime intensive për rastin Ivanoviç, ende asnjë i dyshuar

Fotografia e Oliver Ivanoviçit, e vendosur në selinë e partisë “Liria, Demokracia dhe Drejtësia” në Mitrovicën e Veriut. 16 janar, 2018

Policia e Kosovës thotë se hetimet për vrasjen e Oliver Ivanoviçit, po zhvillohen me një intensitet të plotë nga ana e grupit punues hetues, që vepron nën mbikëqyrjen e Prokurorit të Shtetit.

Oliver Ivanoviq, është qëlluar për vdekje më 16 janar para selisë së partisë se tij, në Mitrovicën Veriore. Ai ishte udhëheqës i nismës qytetare serbe, “Liria, Demokracia dhe Drejtësia”.

“Flas për një dinamikë të punës së pandërprerë, analizimit të fakteve dhe dëshmive që kanë mbledhur, marrjes së deklaratave të dëshmitarëve dhe përpunimit të të gjitha këtyre provave. Përndryshe, ndonjë emër të përveçëm nuk kemi”, tha Hoti.

Autoritetet në Beograd, i kanë drejtuar një kërkesë Ministrisë së Drejtësisë në Qeverinë e Kosovës për shkëmbim të informatave në lidhje me këtë rast. Por, sipas policisë, si informatat nga autoritetet vendore ashtu edhe ato nga jashtë, ende janë në fazën e shqyrtimit, por ende nuk ka një pistë të dyshimit.

“Nuk kemi informacione të cilat në këtë fazë mund të bëhen publike për opinionin publik”, tha Hoti.

Ndryshe, në pjesën veriore të Kosovës ditën e vrasjes se Ivanoviqit, është gjetur dhe një veturë e djegur, e cila sipas ekzaminimeve, e ka origjinën nga Serbia. Megjithatë, ende nuk është dëshmuar nëse kjo veturë ka lidhje direkte me rastin, përkatësisht me vrasjen e Ivanoviqit, por është një prej pistave të hetimeve.

Ndërkohë, ekspertë të çështjeve të sigurisë në Kosovë e konsiderojnë mision të vështirë zbardhjen e hetimeve apo identifikimin e autorit të vrasjes së Oliver Ivanoviqit.

Njohësi i çështjeve të sigurisë, Naim Maloku dyshon se mund të ketë bashkëpunimin të mirëfilltë mes organeve hetimore të Kosovës dhe atyre të Serbisë.

“Hetimet janë duke u zhvilluar, por nuk besoj se do të gjendet dorasi dhe pistat e motiveve që çuan deri tek vrasja e Oliver Ivanoviqit. Mendoj se nuk do të këtë bashkëpunim të sinqertë në mes organeve hetimore të Kosovës dhe atyre të Serbisë. Unë jam i bindur se kjo është një vrasje politike”, tha Maloku për Radion Evropa e Lirë.

Ndryshe, vrasja e Ivanoviqit është dënuar nga institucionet vendore e ndërkombëtare. Fillimisht ishin ngritur dilema të shumta edhe për efekte dhe përshkallëzim të situatës së sigurisë, por sipas autoriteteve qeveritare në vend, këto paralajmërime nuk ishin reale.

Edhe analisti Naim Maloku konsideron se situata e sigurisë në nivel vendi është e qetë dhe se vrasja e Ivanoviqit, nuk mund të prodhojë ndonjë incident apo tension të mundshëm.

“Situata është ashtu siç ka qenë para këtij atentati. Mendoj që gjendja në veri ka mbetur ashtu siç ka qenë me ato probleme me të cilat ballafaqohet Kosova në atë pjesë, dhe mendoj se nuk do të këtë ndonjë reflektim të pasigurisë në vend”, thekson Maloku.

Pas vrasjes së Oliver Ivanoviqit, gjatë fundjavës, disa komuna dhe mjedise të banuara me shumicë serbe në Kosovë, i vizitoi edhe presidenti i Serbisë, Aleksander Vuçiq.

  • 16x9 Image

    Nadie Ahmeti

    Me profesionin e gazetarisë ka filluar të merret që prej vitit 2000, kurse Radios Evropa e Lirë i është bashkuar në vitin 2001. Kryesisht mbulon çështjet ekonomike dhe sociale, për çka edhe i janë ndarë disa mirënjohje.

Thyerja e turpshme e Haradinajt! – Nga Florim Zeqa

Në momentin e zgjedhjes së zotit Haradinaj në kreun e ekzekutivit kosovar, fillon edhe ndryshimi epokal i tij në qendrime e veprime politike dhe praktike. Edhe pse emërimi i të dyshuarit për krime lufte në postin e Ministrit të Bujqësisë, dhe mospërfillja e kërkesave të qytetarëve për shkarkimin e Nenad Rikallos ishte dështimi i tij i parë, megjithatë ekzistonin shpresat se Haradinaj nuk do të dorëzohet lehtë!
Madje as pesimistëve të mëdhenjë nuk u kishte shkuar mendja që Haradinaj do të ndjekë hapat e Thaçit në raport me kriminelët serbë.
Humbja e pakontrolluar e ekuilibrit politik të Haradinajt fillon menjëherë pas kërkesave të një grupi të deputetëve (PDK) për shfuqizimin e Gjykatës Speciale, për të vazhduar më pas me kthimin në Kuvend të çështjes së Demarkacionit me Malin e Zi, veprime këto që lëkundën në masë të madhe raportet e Kosovës me miqt strategjik të saj (SHBA-të dhe BE-në).
Askush nuk e ka pritur një dorëzim kaq paradoksal dhe të shpejtë të kryeministrit Haradinaj përballë presioneve të çarqeve armiqësore të shtetit tonë. Për më tepër se befasi, lëshimi pe në qendrimet e Haradinajt në raport me çështjet kruciale për vendin paraqet shqetësim për qytetarët dhe rrezik për të ardhmen e vendit.

Qeveria Haradinaj nderon vrasësin e shqiptarëve

Padyshim, veprimi më skandaloz i kryeministrit Haradinaj llogaritet ai i ditës së hënë, i 22 janarit 2018 në mbledhjen e qeverisë, kur kryeministri detyron kabinetin qeveritar të nderojë një të dënuar për krime ndaj shqiptarëve!
Kjo situatë, sa paradoksale, duket edhe trishtuese. Akoma më trishtues bëhet fakti kur në të njëjtën “minut” të heshtjes dhe nderimit e futi kriminelin dhe çlirimtarin!
Kjo ndryshe nënkupton barazimin e viktimës me xhelatin!
T’i thuhet turpë kësaj tragjikomedie në Qeverinë e Kosovës është gjëja më e vogël. Kjo është marrëzi politike, fyerje për viktimat shqiptare të Oliver Ivanoviqit dhe shkelje e gjakut të dëshmorëve.
Mbase nuk është hera e parë që shohim përulje të liderëve shtetërorë para memorialeve serbe, por është hera e parë që shohim përulje turpëruese të kabinetit qeveritarë për një vrasës të dënuar nga drejtësia vendore për krime ndaj shqiptarëve.
Turpi bëhet akoma më i madh, për faktin se një përulje e tillë u bë në organin ekzekutiv të vendit, që është Qeveria e Republikës së Kosovës!
Ndryshe, ata që nuk munden t’i shkojnë për homazhe Ivanoviqit në Beograd, ritualin ngushëshllues e shprehen në objektin e Qeverisë së Kosovës.
Targën e këtij turpi, padrejtësisht për së vdekuri e pagoi ish udhëheqësi i UÇPMB-së, i ndjeri Jonuz Musliu, i cili për një “minut” u barazua me Oliver Ivanoviqin!
Përderisa ish kryeministri dhe presidenti aktual i vendit Hashim Thaçi përuljen turpëruese e bëri krejtësisht në mënyrë individuale, kryeminstri aktualë Ramush Haradinaj veprojë edhe më keq se kaq, duke e turpëruar tërë kabinetin qeveritarë.
Në këtë situatë, nuk duhet qëndruar duarkryq, duhet aktivizuar të gjithë mekanizmat kombëtar për të ndihmuar kryeministrin e vendit në tejkalimin e situatës së palakmueshme në të cilen ndodhet.
Dhashtë Zoti, e keqja të përfundojë me kaq!

Haradinaj: Nisma për shfuqizimin e Speciales buron nga Kuvendi, jo Qeveria

Ramush Haradinaj, kryeministër i Kosovës

Qeveria e Kosovës, mund të japë mendimin apo edhe të hesht fare në lidhje me nismën e 43 deputetëve të Kuvendit të Kosovës për shfuqizimin e Ligjit për Dhomat e Specializuara dhe Zyrën e Prokurorit të Specializuar, përkatësisht të Gjykatës Speciale.

Kryesia e Kuvendit të hënën mori vendim që kërkesën e deputetëve t’ia dërgojë Qeverisë për të dhënë mendimin përfundimtar.

Kryeministri i Kosovë, Ramush Haradinaj tha se Qeveria në momentin kur do të vijë ligji, do të kryejë detyrat dhe obligimet e saj karshi kësaj çështjeje.

“Procedurat në Qeveri janë kështu, kur vjen një kërkesë e këtillë, ne japim mendim, disa ministri japin mendimin e vetë dhe bazuar në atë mendim, Qeveria ia kalon mendimin Kuvendit. Me këtë rast vendimi i Qeverisë nuk është shumë i vlefshëm, për shkak se ky është një mocion që buron nga Kuvendi”.

“Kuvendi e ka në pronësi ketë mocion, sepse buron nga Parlamenti. Qeveria me respekt do t’i kryejë të gjitha procedurat që parashihen më këtë rast”, tha Haradinaj gjatë një vizite që i bëri Komunës së Ferizajt.

Sipas Rregullores së Punës së Kuvendit të Kosovës, “një projektligj i propozuar nga presidenti, deputetët, komisioni parlamentar, grupi parlamentar, zgjedhësit, nëpërmjet Kryesisë së Kuvendit i dërgohet Qeverisë, për mendim”.

Në Rregulloren e Punës theksohet po ashtu se “Qeveria duhet ta paraqesë mendimin e vetë me shkrim në afat prej një muaji nga dita e pranimit të projektligjit. Aty po ashtu saktësohet se “pas kalimit të këtij afati, projektligji procedohet në Kuvend për shqyrtim”.

Këshilltari i kryeministrit, Halil Matoshi, në një bisedë për Radion Evropa e Lirë, nuk ka dashur të flasë për atë se për sa kohë Qeveria do të mund të japë një mendim lidhur me ligjin në fjalë, apo edhe nuk do të japë.

“Nuk paragjykojmë asgjë”, tha shkurt Matoshi.

Ndërkaq, analisti i Institutit Demokratik të Kosovës, Albert Krasniqi, njohës i zhvillimeve në Kuvend tha për Radion Evropa e Lirë se në këso raste, Qeveria mund të mos deklarohet fare apo ta bëjë këtë shumë më herët sesa afati prej një muaji.

“Mundet që nga nesër, të mos pret 30 ditëshin ta japë mendimin e saj, për shkak se ky është një ligj shumë i shkurtë, ku kërkohet shfuqizimi i Ligji për Dhomat e Specializuar dhe Zyrën e Prokurorit të Specializuar, por me aq mjafton. Pra, nuk është një lëndë e cila duhet të kërkojë një analizë më të thellë”, tha Krasniqi.

Ai beson se nisma e deputetëve për shfuqizimin e Ligjit për Specialen është aktive dhe mund të miratohet në çdo kohë.

“Pra nuk është një lojë e hedhjes së përgjegjësisë nga një institucion në tjetrin. Përgjegjësia është e qartë, deputetët të cilët kanë nënshkruar ketë iniciativë ligjore, janë ata të cilët qëndrojnë prapa, por edhe liderët e partive të tyre, ku pa aprovimin e tyre këta nuk do të mund të merrnin një iniciativë të tillë. Pra, edhe liderët e partive politike qëndrojnë prapa kësaj iniciative”, u shpreh Krasniqi.

Nisma për shfuqizimin e Ligjit për Gjykatën Speciale është nënshkruar nga 43 deputetë, të cilët u përkasin tri partive politike, përkatësisht, Partisë Demokratike të Kosovës, Aleancës për Ardhmërinë e Kosovës dhe Nismës për Kosovën.

E vetmja mënyrë për tu ndalur shfuqizimi i kësaj gjykate janë votat e deputetëve të Vetëvendosjes, thekson Albert Krasniqi, marrë parasysh se deputetët e Lidhjes Demokratike tashëm janë deklaruar se nuk e mbështesin këtë nismë. Njësoj, besohet se do të veprojnë edhe ata të Listës Serbe.

Kërkesa i ishte drejtuar Kryesisë së Kuvendit, për thirrjen e një seance të jashtëzakonshme në të cilën do të shfuqizohej Ligji për Dhomat e Specializuara (Gjykatën Speciale).

E njëjta kërkesë, kishte nxitur reagime të ashpra të vendeve të Kuintit, në veçanti të Shteteve të Bashkuara të Amerikës.

  • 16x9 Image

    Arton Konushevci

    Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka dy fëmijë.

Kurti: Nuk jam shef e as pronar në Vetëvendosje

Kryetari i Lëvizjes Vetëvendosje, Albin Kurti tha se subjekti që ai drejton nuk do të ndahet, pavarësisht dorëheqjeve të disa zyrtarëve të lartë. Këto komente, Kurti i bëri në konferencën e parë për media, pas zgjedhjes së tij kryetar i Lëvizjes Vetëvendosje, në procesin e brendshëm zgjedhor që u zhvillua të dielën, më 21 janar.

Kurti tha se Kryesia e Vetëvendosjes i ka ngarkuar dy përfaqësues të saj, deputetin Glauk Konjufca dhe kryetarin e Prishtinës, Shpend Ahmeti që të bisedojnë me të gjithë në mënyrë që të vijë deri te kthimi i këtyre personave të dorëhequr, ngase siç tha ai, ata kanë dhënë dorëheqje nga pozitat, por jo nga anëtarësia.

“Unë besoj që zgjidhja është pjesëmarrja aktive e jo dorëheqja. Unë nuk mbaj inat, as nuk do të hakmerrem e as nuk do ta përdori dorën e hekurt”, tha Kurti.

Kurti është akuzuar nga disa aktivistë, por edhe deputetë dhe zyrtarë të lartë të Vetëvendosjes, se po kthehet në krye të partisë si “babai” i Vetëvendosjes, i cili dëshiron t’i ketë të gjitha çështjet dhe vendimet nën kontroll. Por, një gjë të tillë, ai e ka mohuar.

“E kam vullnetin e hekurt, por jo dorën e hekurt. Unë nuk jam as shef e as pronar në Vetëvendosje, por jam kryetar që të shërbej dhe nuk besoj që duhet të më shohin si dikush që mund të përdorë dorë të hekurt ndaj kujtdo qoftë”, theksoi Kurti.

“Do të jem kryetar i të gjithëve, do t’i shërbej vullnetit dhe interesit të përgjithshëm”, deklaroi Albin Kurti.

Sidoqoftë, Lëvizja Vetëvendosje po kalon një prej fazave më të rënda që nga themelimi, pavarësisht faktit që aktualisht ka 32 ulëse në Kuvend dhe përfaqëson, jo vetëm subjektin më të madh opozitar në Kosovë, por edhe partinë më të madhe në Kuvendin e Kosovës.

Analistët politikë, ndërkaq besojnë se dorëheqjet, nisur nga ish kryetari, Visar Ymeri, ish-Sekretari Organizativ, Dardan Molliqaj, nënkryetarët dhe zyrtarët tjerë, mund të rezultojnë me ndarjen e këtij subjekti politik në dy blloqe.

4.5 milionë euro pasuri, Nasim Haradinaj ka edhe 476 hektarë tokë të padeklaruar

Është raportuar se pasuria e Nasim Haradinajt kapte mbi 4.5 milionë euro për nënkryetarin e veteranëve, e ku vlerën më të lartë kishte pasuria e marrë nga privatizimi i tokave, shkruan gazetametro.net.

Bëhej fjalë për 220 hektarë të privatizuar në vitin 2009 në Pejë, e që i kishte blerë 257 mijë e 500 euro në tërësi. Këtë pronë, Haradinaj e kishte vlerësuar me 4.4 milionë euro vlerë.

Por, kjo duket se nuk është e gjitha, pasi nga një raport të Agjencisë Kosovare për Privatizim të siguruar nga Gazeta Metro, kuptohet se kjo nuk ishte prona e parë që Haradinaj kishte privatizuar.

Sipas raportit, në po të njëjtin vit, nënkryetari i veteranëve kishte privatizuar edhe 476 hektarë në Rakoc të Gjakovës, të cilët i kishte blerë 817 mijë e 661 euro

Këtë privatizim, për dallim nga ai tjetri, nuk mund ta gjeni në formularët e deklarimit të pasurisë në Agjencinë Kundër Korrupsionit. Haradinaj nuk e ka deklaruar këtë se pronë, që i bie të jetë dyfshim më e madhe nga ajo e para.

Meqë Haradinaj nuk e ka deklaruar, mund të kuptohet se prona nuk ka ndonjë çmim për të kuptuar sa është vlera reale e tokës që ai fshehu, por pronën e privatizuar më herët ai e kishte llogaritur me 20 mijë euro për hektarë, e që rezulton që nëse llogaritet edhe toka e fshehur me këtë çmim, ai nuk ka deklaruar edhe 9 milionë e 520 mijë euro.

Metro ka biseduar me Nasim Haradinajn. I pyetur se a ka privatizuar ndonjë tokë tjetër përveç asaj që ka deklaruar në AKK, Haradinaj ka thënë prerazi ‘Jo’. Mirëpo, më pas kur Metro i ka treguar një raport që ka siguruar nga APK, Haradinaj ka thënë se ka aplikuar në dy konkurset, mirëpo toka tjetër sipas tij ka qenë e dy ortakëve të tij.

‘Shiqo, kjo nuk është në emrin tim, por ne ishim tre shokë që kemi privatizuar së bashku. Këtë pjesë(220 hektarët) kam pasur mundësi me privatizu unë’, ka thënë Haradinaj për Metron.

Më pas, Haradinaj ka përmendur edhe një emër si pronar të tokës së dytë të privatizuar, por ani pse ai thoshte se ishin shokë dhe bashkëpunëtorë, ai nuk ka asnjë kontakt me të, duke u arsyetuar se ‘ai jeton në Amerikë’.

‘Ne kemi qenë tre shokë që kemi punuar së bashku, dhe toka në Rakoc është e blerë nga Veton Rrustem Binakaj’, ka shtuar ai.

Haradinaj madje ka kritikuar edhe mediat. Sipas tij, ai ka deklaruar pasurinë, e ata që po shkruajnë për të jo, ‘ani pse janë më të pasur’.

Ndryshe, Haradinaj ishte kritikuar se me ngulmimin e tij për shfuqizimin e Speciales po rrezikonte izolimin e Kosovës ndërkohë që disa nga familjarët e tij po jetonin në Suedi.

LDK braktis mbledhjen e Kryesisë së Kuvendit për shkak të Speciales

Avdullah Hoti

 

 

Kryetari i Grupit Parlamentar të Lidhjes Demokratike të Kosovës, Avdullah Hoti, ka dalë nga mbledhja e Kryesisë së Kuvendit që po mbahet sot, pasi që sipas tij, aty po diskutohej për shfuqizimin e Ligjit për Gjykatën Speciale.

“Në pikën e tretë u diskutua për shfuqizimin e Ligjit për Dhomat e Specializuara. Ne e lëshuam mbledhjen sepse kjo çështje është e dëmshme dhe rrezikon marrëdhëniet me ndërkombëtarët”, deklaroi Hoti para mediave në Kuvendin e Kosovës.

Hoti theksoi se LDK-ja, vazhdon të mbajë qëndrim kundër kësaj nisme.

Kryesia e Kuvendit gjatë javës së kaluar nuk ka arritur ta shqyrtojë kërkesën e 43 deputetëve për shfuqizimin e Ligjit për Dhomat e Specializuara, përkatësisht të Gjykatës Speciale.

Një gjë e tillë nuk ndodhi për shkak të mungesës së kuorumit për punë, që është shkaktuar me mungesën e anëtarëve të saj në mbledhje.

Kur nuk sundon ligji, mbisundon anarkia! – Nga Florim Zeqa

 

Për politikanët kosovarë, gënjeshtra dhe mashtrimi janë shndërruar në çelës të suksesit, ndërsa hajnia në çelës të pasurimit të tyre. Përveç këtyre pasioneve, politikanët kosovarë janë pajtuar edhe me turpin si dukuri të zakontë në jetën e tyre. Kur vjedhin e mashtrojnë nuk ndihen të turpëruar, madje as kur tradhtojnë njëri-tjetrin dhe elektoratin e tyre nuk u skuqet fare fytyra!
Me këto metoda antihumane të veprimit, politikanët e ditëve të sotme i kanë sjellë shumë të mira materiale vetes, familjeve dhe farefisit të gjerë të tyre, duke filluar nga postet e privilegjet e pushtetit e deri te pasurimi i skajshëm.
Në anën tjetër, për fat të keq në mesin e popullatës edhe pse tashmë jemi të lirë, ende ekziston psikologjia e robit dhe nënshtrimit. Të gjithë ata, që në një mënyrë apo tjetër e ndajnë mendjen e të qëndruarit besnikë ndaj pushteteve antipopullore, s’janë gjë tjetër veçse robër dhe të nënshtruarit e të gjitha pushteteve në Kosovë, nga koha e regjimit titist, millosheviqian e deri te ky i ditëve të sotme, i cili nuk dallon aspak dhe për asgjë nga pushtetet e pasluftës në Kosovë.
Si pasojë e kësaj, përvjetori i 10 i pavarësisë, shtetin e Kosovës e gjenë përpara sfidës më të madhe dhe më të rrezikshme që nga paslufta, e cila përveq kthimit prapa në pikën zero, të vitit 1999, rrezikon ri-kthimin nën Rezolutën 1244 të KS të OKB-së, e cila e njehë Kosovën pjesë integrale të Serbisë, duke rrezikuar seriozisht të arrituren më të madhe kombëtare në shekullin e fundit-Republikën e Kosovës, e arritur kjo e përbashkët me miqt ndërkombëtar.

Me qeveritarët pa vizion, shteti drejt vdekjes “klinike”

Shtetit tonë nuk i mjaftuan 19 vjet nga paslufta dhe 10 vjet nga njohja ndërkombëtare për të ndërtuar institucione kredibile, zhvillim ekonomik, mirëqenie qytetare dhe stabilitet politik
Në rrethana normale, çdo vendi të dalë nga një luftë çlirimtare do t’i mjaftonin më pak se pesë vite për t’u konsoliduar në të gjithë mekanizmat shtetërorë, do t’i mjaftonin më pak se dhjetë vite për zhvillim të qëndrueshëm dhe stabilitet ekonomik.
Ndodhë kështu pasi të fortët e politikës e diktojnë ligjin dhe drejtësinë në vend, për të mbetur gjithnjë të paprekshëm nga drejtësia, edhe përkundër shkeljeve dhe abuzimeve serike me institucionet shtetërore, deri në shkeljen e aktit më të lartë juridik në vend-Kushtetutës së Republikës së Kosovës. Për ironi të faktit, shkelësit e Kushtetutës në vend të ndëshkimit, shpërblehen me poste në institucionet më të larta të shtetit!
Targën e shkatërrimit të shtetit e bartin ata që e kanë pushtetin në dorë e jo të nëpërkëmburit e tyre, ndërsa si gjithnjë çmimin e paguajnë qytetarët e vendit, shtresat më të rrezikuara të popullatës, të varfrit dhe pensionistët me të ardhurat më të ulëta jo vetëm në rajon, ndoshta në tërë globin, pasi ekzistojnë vetëm dhjetëra shtete me gjendje katastrofale të qeverisjes siç është Kosova.
Mungesa e vizionit politik e liderëve shtetërorë në njërën anë, krimi i organizuar dhe korrupsioni në anën tjetër janë bërë pengesa serioze të ecjes së shtetit dhe mirëqenies qytetare.
Vetëm një klasë e re politike, me vizion të qartë, me ide të shëndosha dhe projekte konkrete zhvillimore mund ta çojë përpara shtetin, në të kundërtën, me këtë klasë politike të papërgjegjshme dhe servile ndaj ndërkombëtarëve mund t’i kalojmë edhe 19 vite të tjera me kriza dhe skandale politike të llojit të njëjtë, në agoni, në mjerim social, pa shpresë për ardhmëri, drejt vdekjes “klinike” të shtetit, me qytetarë të heshtur që u ngjajnë të sëmurëve në gjendje “kome”…!
Vetëm lëvizja progresive e qytetarëve është shpëtim për vendin. Qytetarët aktivë në jetën shoqërore janë burim shprese dhe ardhmërie për vendin e tyre, ndërsa pasiviteti qytetar e shndërron shtetin në një moçal, ku as bretkosat nuk mbijetojnë.

Bashkësia ndërkombëtare duhet të dëshmojë prezencën e saj në Kosovë

Edhe përkundër prezencës së fuqishme ndërkombëtare në Kosovë, të mekanizmave politikë (BE dhe SHBA), ushtarako-policorë (KFOR dhe EULEX) dhe shërbimeve të shumta të intelegjencës, Kosovës së sotme të mbushur përplotë prapaskena dhe padrejtësi, po i mungon vetëm prezenca e jashtëtokësorve (UFFO-ve) për të plotësuar mozaikun e një vendi krejtësisht jashtligjorë.
E thashë pikërisht kështu, për faktin se edhe përkundër gjithë mekanizmave ndërkombëtar të sundimit të ligjit, që afro 19 vite rresht në vend të drejtësisë sundon vetëm anarkia!
Ndodhë kështu pasi të fortët e politikës dhe nëntoka kriminale e bëjnë ligjin dhe “drejtësinë” në Kosovë.
Do t’u hyja në hak sikur të përmendja emrat e ndonjërit prej politikanëve, prokurorëve apo gjykatësve, pasi e gjithë skena politike dhe ajo e drejtësisë është bërë përafërsisht e njëjtë.
Pavarësisht cili subjekt politikë vjen në pushtet, asnjëri nga politikanët, prokurorët dhe gjykatësit nuk i mbrojnë interesat e qytetarëve. Secili në mënyrën dhe stilin e vet mundohet të shkëputë diçka nga pasuria publike dhe tenderomania e bizneseve të pista për t’u pasuruar në mënyrë të jashtligjshme brenda një mandati politik ose më pak se kaq!
Përfundimisht ka ardhur koha, që edhe bashkësia ndërkombëtare e instaluar në Kosovë të dëshmojë vetën se është e përkushtuar për sundim të ligjit dhe për qasje të barabartë të qytetarëve para drejtësisë, për zhvillim ekonomik dhe mirëqënje të popullatës në përgjithësi, në të kundërtën, në një të ardhme të afërt në Kosovë më shumë do të kemi pushtetarë se sa qytetarë, ku ndoshta edhe UFFO-t do të zbresin për ta bërë Kosovën një vend 100 % jashtëligjorë!
Këtë shkrim dëshiroj ta përfundoj me një tënje të Gore Vidal: “Politika përbëhet nga dy fjalë, ‘poli’, e cila është fjalë greke dhe do të thotë ‘shumë’ dhe ‘tik’, një lloj insekti gjakpirës” (Gore Vidal).

Lëvizja Vetëvendosje ka nisur zgjedhjet e brendshme

Albin Kurti (Foto nga arkivi)

Lëvizja Vetëvendosje ka nisur sot zgjedhjet e brendshme. Për kryetar të Lëvizjes Vetëvendosje është paraqitur vetëm një kandidaturë, ajo e Albin Kurtit. Vendvotimet në Kosovë janë hapur në orën 10 dhe procesi i votimit do të zgjasë deri në orën 19.

Më pas Komisioni Zgjedhor i Përgjithshëm i këtij subjekti, do të fillojë numërimin e votave dhe pritet të shpallë rezultatin preliminar.

Muajt e fundit, Lëvizja Vetëvendosje është përballur me probleme të shumta të brendshme. Ky subjekt është ndarë në dy taborre, ata që kanë përkrahur kandidaturën e Albin Kurtit për kryetar të këtij subjekti dhe ata që e kanë kundërshtuar kandidimin e tij për këtë pozitë.

Drejtues të strukturave të larta të kësaj partie, kanë dhënë dorëheqje, përfshirë këtu edhe kryetarin e saj, Visar Ymerin dhe nënkryetarin, Dardan Sejdiu, si dhe një numër tjetër të anëtarëve të Lëvizjes Vetëvendosje, të cilët aktualisht janë edhe deputetë në Kuvendin e Kosovës.

Vuçiç në Mitrovicë shkon me të birin!

 

Vuçiçi: Do të shkëmbejmë informacione për vrasjen e Ivanoviçit

Presidenti i Serbisë, Aleksandër Vuçiçi, ka porositur në Kosovë se Serbia do të japë gjithçka nga vetja për ta ruajtur paqen, se do të bëjë gjithçka që mospajtimet shumëshekullore me shqiptarët të zgjidhen, që të sigurohet paqe dhe siguri e qëndrueshme për të gjitha familjet serbe dhe shqiptare.
Ai e ka bërë këtë deklaratë para Manastirit në Banjska, ku edhe e ka nisur vizitën e tij në Kosovë.
Vuçiq i ka porositur serbët e Kosovës se duhet të mbesin dhe mbijetojnë në vatrat e tyre, duke thënë se për këtë do t’i ndihmojë shteti i Serbisë.
“Nuk guxohet që të jemi më pak në territorin, në vendin ku kemi jetuar gjithmonë dhe për këtë arsye, si shtet do të luftojmë në të gjitha mënyrat”, ka thënë Vuçiq.
Ai ka theksuar se qëllimi i vizitës së tij në Kosovë është që të bisedojë me serbët edhe për sigurinë, pas vrasjes së Oliver Ivanoviçit, si dhe për atë se cilat organe ua garantojnë sigurinë.
“Të shohim se si dhe në cilën mënyrë do t’i zhvillojnë hetimet. Ne do të shkëmbejmë informacione, sepse po shoh që po flasin për shkëmbim të informacioneve edhe pse kemi kërkuar që të marrim pjesë në hetime. Por, do të presim, jo rrëfimet për gazeta, por rezultatet përfundimtare të hetimeve. Të shohim se a do të sjellin hetimet deri te kryerësit e krimit të neveritshëm në Mitrovicë ose jo. Nëse kjo nuk ndodhë, atëherë mjaft gjëra do t’i kemi të qarta”, ka thënë Vuçiq.
Ai ka shtuar se është e nevojshme gjetja e moduseve të reja që ruajtjasigurisë dhe paqes së serbëve të bëhet më e qartë.
Vuçiq theksoi se është e rëndësishme edhe gjetja e mekanizmave të ri në luftën kundër kriminalitetit dhe korrupsionit në radhët e veta.
Ai ka shtuar se Qeveria e Serbisë ka investuar mjaft në renovimin e kishave në Kosovë dhe se do të vazhdojë ta bëj këtë edhe më tej. Gjithashtu, ai e ka cilësuar të rëndësishme që të përfundojë projekti i vendbanimit banesor “Lugina e diellit’.
Peshkopi Teodosije, me këtë rast, ka thënë se vizita e Vuçiqit është mjaft e rëndësishme dhe se për serbët në Kosovë është e pamundur mbijetesa pa shtetin e Serbisë.
Ndryshe, presidenti i Serbisë, Aleksander Vuçiq, në Kosovë po qëndron për vizitë njëditore. Presidenti serb, me eskortën e tij, ka hyrë në Kosovë, përmes pikës kufitare në Jarinjë.
Vizita e Vuçiqit në Kosovë pason katër ditë pas vrasjes së Oliver Ivanoviqit, siç ka paralajmëruar ai, për të biseduar me serbët.
Pas vizitës në Manastirin në Basnjska, Vuçiq do të udhëtojë përnë Mitrovicën veriore,në Fakultetin e shkencave teknike për të mbajtur një takim të mbyllur, ku do të bisedojë me përfaqësuesit politik dhe institucional të serbëve të Kosovës.
Ndonëse në agjendën e tij nuk është paralajmëruar, pritet që Vuçiq të vendosë kurorë para zyrës së Iniciativës qytetare “Liri, Demokraci, Drejtësi”, aty ku është vrarë lideri i këtij subjekti politik, Oliver Ivanoviq.
Më pas, është paraparë që Vuçiq të udhëtoj për në pjesën qendrore të Kosovës, në Graçanicë dhe Llapna Sellë, ku do të bisedojë me banorët lokal.
Siç ka konfirmuar për Radion Evropa e Lirë shefi i operativës i Policisë së Kosovës për rajonin e veriut, Zheljko Bojiq, policiado të zbatojë planin operativ të veçantë, me rastin e vizitës së presidentit serb.
Me urdhër të Drejtorisë kryesore të policisë, policia rajonale e veriut ka hartuar planin operativ për këtë vizitë, për zbatimin e të cilit është paraparë angazhimi i një numri të madh të pjesëtarëve të policisë, ka thënë Bojiq.
Ndonëse më herët ishte paralajmëruar që Vuçiq do të qëndrojë dy ditë në Kosovë, ai do ta përfundojë vizitën të shtunën, pas takimit me qytetarët lokal në Llapna Sellë.
Kjo është vizita e shtatë e Vuçiqit në Kosovë në pesë vitet e fundit, ndërkaq e para në cilësinë e presidentit të Serbisë.

Vuçiçi po viziton Kosovën

Vizita e presidentit të Serbisë Aleksandër Vuçiç në Manastirin Banjsa në Kosovë

 

Presidenti i Serbisë, Aleksandër Vuçiq, ka arritur në Kosovë, ku do të qëndrojë për vizitë njëditore. Presidenti serb, me eskortën e tij, ka hyrë në Kosovë, përmes pikës kufitare në Jarinjë, rreth orës 10 e 45 minuta.

Vizita e Vuçiqit në Kosovë pason katër ditë pas vrasjes së Oliver Ivanoviçit, siç ka paralajmëruar ai, për të biseduar me serbët.

Sipas planit të vizitës është paraparë që Vuçiq, fillimisht po qëndron në veri të Kosovës, ku po viziton Manastirin e Banjskës,e më pas do të qëndrojë në Fakultetin e Shkencave Teknike në Mitrovicën veriore, në një takim të mbyllur, do të bisedojë me përfaqësuesit politik dhe institucional të serbëve të Kosovës.

Vuçiq në Manastirin e Banjskës

Ndonëse në agjendën e tij nuk është paralajmëruar, pritet që Vuçiq të vendosë kurorë para zyrës së Iniciativës qytetare “Liri, Demokraci, Drejtësi”, aty ku është vrarë lideri i këtij subjekti politik, Oliver Ivanoviq.

Më pas, është paraparë që Vuçiq të udhëtojë për në pjesën qendrore të Kosovës, në Graçanicë dhe Llapna Sellë, ku do të bisedojë me banorët lokal.

Siç ka konfirmuar për Radion Evropa e Lirë shefi i operativës i Policisë së Kosovës për rajonin e veriut, Zheljko Bojiq, policia do të zbatojë planin operativ të veçantë, me rastin e vizitës së presidentit serb.

​Me urdhër të Drejtorisë kryesore të policisë, policia rajonale e veriut ka hartuar planin operativ për këtë vizitë, për zbatimin e të cilit është paraparë angazhimi i një numri të madh të pjesëtarëve të policisë, ka thënë Bojiq.

Ndonëse më herët ishte paralajmëruar që Vuçiq do të qëndroj dy ditë në Kosovë, ai do ta përfundojë vizitën të shtunën, pas takimit me qytetarët lokal në Llapna Sellë.

Kjo është vizita e shtatë e Vuçiqit në Kosovë në pesë vitet e fundit, ndërkaq e para në cilësinë e presidentit të Serbisë.

Vrasja e Ivanoviçit, Vuçiçi hyn në Kosovë. Zbardhet axhenda

MITROVICE- Presidenti i Serbisë ka shkuar sot për një vizitë në Kosovë. Mësohet se Vuçiç ka shkuar në Mitrovicën e Veriut, duke marrë shkas nga vrasja e liderit serb, Oliver Ivanoviç.

Siç raportojnë mediat kosovare mësohet se Vuçiç rreth orës 10:30 ai vizitoi manastirin Banjska, ndërsa në orën 11:30 do të ketë takim me përfaqësuesit serbë në Fakultetin Teknik në Mitrovicën e Veriut. Raportohet se më pas presidenti serb rreth orës 17:00 të pasdites do të ketë takime me qytetarë në Llapnasellë.

Kujtojmë se Oliver Ivanoviç u vra pak ditë më parë në veri të Mitrovicës para zyrës së tij, ndërsa vrasësit dhe motivet e krimit ende nuk dihen.

Autoritetet në Kosovë nuk kanë plan të veçantë për vizitën e Vuçiçit

Autoritetet e rendit në Kosovës, thanë për Radion Evropa e Lirë, nuk kanë ndonjë plan të veçantë lidhur me vizitën e Presidentit të Serbisë Aleksandër Vuçiç në Kosovë.

“Policia e Kosovës si çdo herë e bënë përgatitjen e planit operacional për të ofruar siguri në të gjitha rastet e vizitave të gjitha delegacioneve të shteteve të huaja në Kosovë”, tha Baki Kelani zëdhënës i policisë.

Presidenti serb do të qëndrojë të shtunën në Kosovë, ku sipas njoftimeve nga kabineti i tij, ai në veri të Kosovës do të takohet me përfaqësuesit politikë të serbëve kurse në pjesën qendrore, në Llapna Sellë do të zhvillojë një bashkëbisedim me qytetarët.

Ministria e Punëve të Jashtme të Kosovës thotë se ka miratuar më 17 janar kërkesën që Vuçiçi të vizitojë Kosovën.

Vetura e djegur pas vrasjes së Ivanoviçit e ka origjinën nga Serbia

Vetura e djegur, e gjetur të martën pas vrasjes së Oliver Ivanoviçit në Mitrovicë, ka origjinën nga Serbia, ka konfirmuar për Radion Evropa e Lirë, zëvendësdrejtori rajonal i Policisë së Kosovës në Mitrovicën Veriore, Besim Hoti. Po ashtu, kjo veturë, ka zinxhirin e pronarëve në Serbi, ka thënë ai.

Këto informacione, Policia e Kosovës, sipas tij, i ka siguruar përmes organizatave ndërkombëtare, nga të cilat ka kërkuar ndihmë për hetimet rreth këtij rasti.

Sidoqoftë, ende nuk është dëshmuar nëse kjo veturë ka lidhje direkte me rastin Ivanoviq, por është një prej pistave të hetimeve.

“Aktualisht po shqyrtohen faktet e mbledhura, siç janë video-xhirimet si dhe janë marrë deklarata nga disa dëshmitarë”, ka thënë Hoti.

Sipas tij, hetimet në lidhje me rastin Ivanoviq po zhvillohen me një intensitet të plotë nga ana e grupit punues hetues që vepron nën mbikëqyrjen e prokurorit shtetëror.

“Grupi punues hetimor përbëhet prej punonjësve hetues të policisë dhe ekspertë të nivelit qendror dhe lokal. Kur them niveli lokal, mendoj në Drejtorinë e Policisë Rajonale të Veriut dhe të një grupi punues i policëve hetues nga Prishtina. E gjithë puna zhvillohet në bashkëpunim të ngushtë me përfaqësuesit e EULEX-it”, tha Hoti.

Një rol aktiv në procesin hetimor, ka kërkuar edhe Beogradi, përmes organeve shtetërore të Serbisë. Sipas ministrit të Drejtësisë në Qeverinë e Kosovës, Abelard Tahiri, Ministria e Drejtësisë e Republikës së Serbisë ka kërkuar shkëmbim të informatave rreth hetimeve që po zhvillohen në lidhje me vrasjen e Oliver Ivanoviqit.

Tahiri i ka thënë Radios Evropa e Lirë se Qeveria e Kosovës dhe organet kompetente të përfshira në këtë rast, shprehin gatishmërinë dhe vullnetin për bashkëpunim dhe për ndarjen e informacioneve për zbardhjen e këtij rasti.

Por, ka nënvizuar ai, procesi i hetimeve do të zhvillohet nga organet e Kosovës, duke mos lejuar që këtë proces ta zhvillojë një shtet tjetër.

Që të zbardhen dyshimet e mundshme, kryeministri i Kosovës, Ramush Haradinaj ka lënë të hapur mundësinë që të ftohet për hetime edhe një palë e tretë, por jo nga Serbia.

Halil Matoshi nga kabineti i kryeministrit të Kosovës, Ramush Haradinaj, tha se “për të hequr dilemat, kryeministri i Kosovës, Ramush Haradinaj ka ftuar eventualisht FBI-në që të jetë pjesë e hetimeve”.

Ivanoviq, i cili ishte lider i Iniciativës qytetare “Liria, Demokracia, Drejtësia” është qëlluar për vdekje të martën para selisë së partisë së tij, në Mitrovicën Veriore. Sipas Policisë së Kosovës, mbi Ivanoviqin është qëlluar 6 herë me armë zjarri të kalibrit 9×19 mm, me shurdhues.


Send this to a friend