VOAL

VOAL

Please Wait ...
0%

Politikanët me depozita jashtë shtetit

By | December 30, 2017

Komentet

Medikamenti i quajtur “Kali i Trojës” futet në qelizat kanceroze dhe i vret ato

Sipas Iliadës – “The Iliad”, grekët fituan Luftën e Trojës duke futur disa dhjetëra ushtarë në qytetin e Trojës brenda një kali gjigant prej druri të maskuar si një dhuratë. Burrat pritën deri në mbrëmje përpara se të dalin nga kali dhe të hapnin portat e qytetit që të futej ushtra greke, që shkatërroi Trojën dhe i dha fund luftës.

Nuk ishte plani i ndershëm për të fituar betejën, por ai funksionoi. Dhe tani, studiuesit e U.K përdorin një taktikë të ngjashme në luftën e vështirë kundër kancerit – me rezultate jashtëzakonisht premtuese.

Shkencëtarët kanë zhvilluar një medikament të mbquajtur ‘Kali i Trojës’, që mund të eliminojë qelizat e kancerit.

Hulumtuesit nga Institute of Cancer Research, London (ICR), dhe The Royal Marsden NHS Foundation Trust kanë krijuar një medikament të ri kundër kancerit që quhet “tisotumab vedotin” (“TV)” që është një kombinim midis agjentëve të kemioterapisë me një antikorp.

Ky antikorp i ngjitet qelizës kancerogjene dhe e vë në dukje që të goditet nga agjentët e kemioterapisë, ashtu si ushtarët grekë që sulmuan Trojën.

“Është kaq emocionuese ky trajtim që vepron me një mekanizëm veprimi tërësisht të ri”, tha një studjues i ICR Johann de Bono në një njoftim për shtyp. “ky medikament vepron si një kalë i Trojës që i vjedh qelizat e kancerit dhe i vret ato nga brenda”.

Studiuesit publikuan detajet e një sprove klinike  në revistën The Lancet Oncology.

Ata kihisn trajtuar 147 pacientë me një shumëllojshmëri të kancereve, duke përfshirë ovarian, cervilal, dhe ezofageal. Për shumicën e paciantëve, kanceri ishte tashmë në një fazë të avancuar dhe kishte provuar rezistencë ndaj disa llojeve të tjera të trajtimit të mëparshëm.

Sipas njoftimit për shtyp, një “pakicë e konsiderueshme” e pjesëmarrësve në gjykim e pa se tumorët e tyre ose  u tkurrën ose ndaluane rritjen pas trajtimit me ilaçin e ri të kancerit. Mesatarisht, përgjigja pozitive zgjati 5.7 muaj, por disa pacientë shkuan 9.5 muaj përpara se të rreshtë efekti i “tisotumab vedotin” (“TV)”.

Ekipi hulumtues tashmë është duke testuar TV – medikementin  tek pacientë me kancer në zorrë, pankreas, kokë dhe qafë, si dhe ashtu po hulumton për mjekimin e një trajtimi dytësor për kancerin e qafës së mitrës.

“Është emocionuese të shohësh potencialin e treguar nga TV për efektin që ka ndaj një sërë kanceresh të vështira për t’u trajtuar”, tha për shtypin drejtori ekzekutiv i ICR, Paul Workman. “Unë mezi pres që ta shoh atë përparim në klinikë dhe shpresoj se mund të përfitojë pacientët të cilët aktualisht kanë mbetur jashtë mundësive të trajtimit”.

Përparimi i shkencës ka qenë i jashtëzakonshëm në kurimin e kancerit dhe shpresojmë që shkenca ta shpëtojë njerëzimin nga sëmundja e shekullit!/sciencealert.com

Njeriu i hopit gjigand – NEIL A ARMSTRONG ËSHTË NJERIU I PARË QË E SHKELI HËNËN!

Të dy burrat, nën mbulimin e kamerës televizive që transmetonte, e vendosën Flamurin Amerikan në Hënë dhe pastaj morën kampione të dheut, rërës, shkëmbinjve për eksperimente shkencore. Ata bënë më shumë punë në Hënë nga ç’ishte parashikuar. Z. Armstrong raportoi se gjithçka ishte “tejet e rehatshme.” Në një ndërkohë të transmetimeve nga Hëna Presidenti Nikson i uroi astronautët nga Shtëpia e Bardhë, për atë që ai e quajti “telefonatën më historike që është bërë ndonjëherë.” “Sepse me atë që ju keni bërë, i keni shndërruar qiejt në pjesë të Botës së njeriut. Dhe siç na thatë ju nga Deti i Qetësisë kjo na imponon neve që t’i dyfishojmë përpjekjet për të sjellë paqe dhe qetësi në botë….”

—–

Voal.ch – “Njerëzit shëtitën në Hënë”. Ky ishte titulli i reportazhit special të autorit John Noble Wilford, botuar në “Nju Jork Times” të hënën, me 21 korrik 1969, të nesërmen e zbarkimit të austronautëve amerikanë në Hënë.: “Njerëzit zbarkuan dhe shëtitën në hënë. Dy amerikanë, astronautët e APOLLO 11, ulën modulin e tyre katërkëmbësh hënor me siguri dhe lehtësi në zbarkimin e tyre historik dje në orën 4:17:40 P.M. (ora 4 e 17 minuta e 40 sekonda e pasdites).

Neil A. Armstrong, komandanti 38-vjeçar civil njoftoi me radiodhënëse tokën dhe kontrollin e misionit në zyrat e tij këtu në Hjuston: “Houston, Tranquility Base here. The Eagle has landed.” (Hjuston, Baza e Qetësisë këtu. Shqiponja ka zbarkuar). Njerëzit e parë që shkelën në hënë-z. Armstrong dhe bashkëpiloti i tij, koloneli Edwin E. Aldrin, Jr.i Forcave Ajrore- e ulën anijen e tyre kozmike në një rrafshinë shkëmbore në bregun jugperëndimor të Detit të Qetësisë.

Rreth gjashtë orë e gjysmë më vonë,z. Armstrong hapi derën e anijes kozmike, hodhi me kujdes hapin e parë në Hënë dhe la gjurmët e para të këmbëve të njeriut në dheun e Hënës:

“That’s one small step for man, one giant leap for mankind.” (Ky është një hap i vogël për një njeri, por një hop gjigant për njerëzimin). Hapi i tij i parë u hodh në orën 10:56:20 të pasdites, ndërkohë që një kamera televizive jashtë anijes transmetonte çdo lëvizje të tij dhe shtangoste një publik prej qindra milionë njerëzish anembanë Tokës. Hapat e parë të z. Armstrong ishin provat e para të fortësisë së dheut të Hënës dhe të mundësisë së njeriut për të udhëtuar i sigurtë në Hënë. “Sipërfaqja është e bukur dhe me një shtresë pluhuri,” raportoi astronauti. “Unë mund ta zhvendos atë lehtësisht me majat e këmbëve. Unë i shikoj gjurmët e këpucëve të mia nëpër sipërfaqen ranore të Hënës. Pas 19 minutash shëtitje të z. Armstrong, koloneli Aldrin iu bashkua atij duke zbritur edhe ai për të shëtitur në Hënë. Të dy burrat, nën mbulimin e kamerës televizive që transmetonte, e vendosën Flamurin Amerikan në Hënë dhe pastaj morën kampione të dheut, rërës, shkëmbinjve për eksperimente shkencore. Ata bënë më shumë punë në Hënë nga ç’ishte parashikuar. Z. Armstrong raportoi se gjithçka ishte “tejet e rehatshme.”

Në një ndërkohë të transmetimeve nga Hëna Presidenti Nikson i uroi astronautët nga Shtëpia e Bardhë, për atë që ai e quajti “telefonatën më historike që është bërë ndonjëherë.” “Sepse me atë që ju keni bërë, i keni shndërruar qiejt në pjesë të Botës së njeriut. Dhe siç na thatë ju nga Deti i Qetësisë kjo na imponon neve që t’i dyfishojmë përpjekjet për të sjellë paqe dhe qetësi në botë. Çaste si ky janë jashtëzakonisht të çmuar në gjithë historinë e njeriut në Tokë janë vërtetë të papërsëritshëm- të papërsëritshëm në krenarinë për atë që ju keni bërë dhe për lutjet tona që ju të riktheheni shëndosh e mirë në Tokë.” Z. Armstrong iu përgjigj: “Faleminderit z. President. Është një nder i madh dhe një privilegj për ne që të jemi këtu jo vetëm për të përfaqësuar Shtetet e Bashkuara por njerëzit e paqes të të gjitha kombeve, njerëzit me interesa dhe kureshtje dhe njerëzit me vizion për të ardhmen.” Z. Armstrong dhe koloneli Aldrin u rikthyen në anije në orën 1:12 të mëngjesit, pasi kishin shëtitur 2 orë e 21 minuta në Hënë. Kur anëtari i tretë i ekipit, nënkoloneli Michael Collins i Forcës Ajrore, në orbitë, u vu në komandën e anijes së tij, dy zbuluesit e Hënës ranë për të fjetur. Kur kishin vënë kmbën në Hënë astronautët kishin parë një botë në errësirë. Ishte pak para agimit, me një diell që po ulej në horizontin prapa tyre dhe me hijet e natës së gjatë hënore ende shtriheshin në krateret dhe kodrat e Hënës përpara tyre. Kolonel Aldrin tha se ai mund të shikonte “me mijëra e mijëra kratere të vogla” dhe një kodër të ulët pak më larg. Por më së shumti atij i kishin bërë përshtypje “shumëllojshmëria e pafundme e formave, këndëve dhe kokrrizave” të shkëmbinjve dhe të dheut të Hënës.

Zbarkimi në Hënë ishte bërë gjashtë kilometra në perëndim të vendit të parashikuar, por brenda së njëjtës zonë. Një gabim i mundshëm në ndonjë nga të dhënat e dërguara nga Toka në kompjuterin drejtues mund të ketë çuar në pasaktësinë e përmendur. Astronautët kishin qenë të shqetësuar kur kishin parë se kompjuteri që i udhëhiqte po i çonte drejt një krateri si humnerë sa gjysma e një fushe futbolli. Z. Armstrong mori në dorë kontrollin e anijes dhe e drejtoi atë me gjakftohtësi dhe siguri përtej kraterit në një zonë të butë, ndërkohë që motori i anijes ngriti në re pluhuri hënor në minutatat e para të zbarkimit. Menjëherë pas zbarkimit, duke parë se gjithçka shkonte për mrekulli, z. Armstrong dhe kolonel Aldrin vendosën të vënë këmbë në Hënë më herët nga ç’ishte parashikuar. Plani i fluturimit kishte parashikuar që shëtitja në Hënë të fillonte në 2:12 të mëngjesit. Kontrollorët e fluturimit këtu në Hujston thanë se fillimi i shëtitjes më herët nga parashikimi nuk do të thotë se anija do të largohet nga Hëna para kohe. Largimi është parashikuar të fillojë rreth orës 1:55 të ditës së sotme.

Menjëherë pas zbarkimi të anijes, Dr. Thomas O. Paine, administrator i National Aeronautics and Space Administration, i telefonoi Presidentit Nikson në Uashington për t’i raportuar:

“Z. President, është në nderin time që në emër të të gjithë ekipit të NASA t’ju raportoj juve se Shqiponja ka zbarkuar në Detin e Qetësisë dhe se astronautët tanë janë shëndosh e mirë dhe duke u bërë gati për të shkelur Hënën.”

“Udhëtimi historik i APOLLO 11 filloi të mërkurën e shkuar”, shkruante gazeta The New York Times duke përshkruar atë çka po ngjiste, ndërsa astronautët vazhdonin që të ishin në Hënë, “duke u lëshur nga Kepi Kenedi i Floridës. Edhe pse z. Armstrong është i njohur si njeri fjalëpakë e gjakftohtë, rrahjet e zemrës së tij tregojnë për shqetësimin që përjetonte në zbarkimin e parë të njeriut në Hënë. Në çastin e zbritjes së anijes rrahjet e zemrës së tij ishin 110 në minutë – 77 është normalja për të – dhe shkuan deri në 156 në çastin kur anija preku në dheun e Hënës. Kur astronautët e APOLLO 11 zbarkuan në Detin e Qetësisë, temperatura në zonën ku u vendosën ata ishte shumë e ftohtë. Gjatë një nate hënore e cila zgjat sa 14 ditë të Tokës, temepraturat zbresin deri në 280 gradë nën zero. Ndryshe nga Toka, Hëna, duke mos pasur atmosferë, që të vepronte si batanije, nuk e ruan aspak ngrohtësinë ditës gjatë natës. Gjatë së njëjtës ditë hënore, temperaturat ngjiten në plus 280 gradë. Në kohën kur Shqiponja do të bëhet gati për t’u larguar nga Hëna, temperatura do të ketë arritur në rreth 90 gradë. “/Elida BUÇPAPAJ

ELIDA BUÇPAPAJ

RTK: Zgjedhjet e jashtëzakonshme do të mbahen më 8 shtator

Zgjedhjet e jashtëzakonshme do të mbahen më 8 shtator, mësohet nga burime brenda Presidencës së Kosovës.

Sipas këtyre burimeve të RTK-së, presidenti Thaçi ka vendosur që në përputhje me afatet kushtetuese e ligjore, të shpallë zgjedhjet e jashtëzakonshme e të cilat do të mbahen më 8 shtator.

Sipas interpretimeve ligjore, zgjedhjet e jashtëzakonshme duhet të mbahen jo më herët se 30 ditë dhe jo më vonë se 45 ditë. Por kjo vlen për datën pas konstituimit të Kuvendit të Kosovës. Këtë herë nuk kemi të bëjmë me konstituimin të ri të Kuvendit, prandaj nuk është e qartë nëse këto afate vlejnë edhe për këto rrethana.

Intervista – Haradinaj: Zgjedhjet të mbahen brenda dy muajve

Arton Konushevci

Kryeministri në dorëheqje i Kosovës, Ramush Haradinaj në një intervistë për Radion Evropa e Lirë thotë se duhet të respektohen afatet kohore për mbajtjen e zgjedhjeve të reja. Sipas Haradinajt, nuk ka arsye që mbajtja e zgjedhjeve të vonohet. Në këtë intervistë, Haradinaj po ashtu tregon arsyet që e çuan atë që të heqë dorë nga posti i shefit të ekzekutivit.

Radio Evropa e Lirë: Zoti Haradinaj, ju dhatë dorëheqje nga posti i kryeministrit sapo u njoftuat nga Dhomat e Posaçme se jeni ftuar për intervistë si i dyshuar për krime lufte. Aktualisht ju jeni i ftuar për intervistë, por nuk keni një aktakuzë apo jo?

Ramush Haradinaj: Jo, jo, nuk ka aktakuzë.

Radio Evropa e Lirë: Para Gjykatës Speciale pritet të dalin këtë javë edhe ish-komandantë të tjerë të Ushtrisë Çlirimtare të Kosovës. A keni informata, a do të jenë këta të intervistuarit e fundit apo pritet që edhe ish-ushtarë, ish-udhëheqës të tjerë të UÇK-së të paraqiten?

Ramush Haradinaj: E di prej njoftimeve të mëhershme që ka pasur disa të ftuar. Nuk di a do të vazhdojë apo sa do të jenë. Unë kam marrë ftesë, i përgjigjem, pra kryej obligimet e mija ligjore që më takojnë, por ka qenë për mua e papranueshme që kryetarin e Qeverisë, në këtë rast shefin e ekzekutivit dhe sovranitetit – sepse unë jam shef i ministrit të Mbrojtjes, i ministrit të Rendit, i Drejtësisë – nuk kam mundur ta çoj shtetin para hetuesve. Për këtë arsye edhe kam dhënë dorëheqje, pra që ta ruaj nderin e shtetit dhe të kryetarit të Qeverisë. Ne jemi shtet i ri, por po krijojmë, ta quaj, doktrinën e shtetit tonë dhe nuk kam dashur që Kosovës t’i shkruhet në një moment të caktuar. Pastaj, ka të bëjë edhe me nderin tim personal, nderin e luftëtarit shqiptar. Unë e kam dëshmuar pafajësinë dy herë edhe për këtë arsye e kam marrë këtë vendim.

Radio Evropa e Lirë: Kështu siç keni vepruar ju nuk kanë vepruar edhe zyrtarë të tjerë, që kanë pasur poste dhe në rast se do të ketë ftesa të tilla për zyrtarë, ish-ushtarë ose ish-komandantë të UÇK-së, a do të duhet të vepronin kështu?

Ramush Haradinaj: Tani, dallojnë besoj situatat. Unë jam kryetar i Qeverisë në detyrë. Pra kjo është një përgjegjësi, në shtet është veç një kryetar Qeverie. Edhe do të ishte për mua shumë e pandershme që të ja bëj këtë Kosovës, që ta çoj një pjesë të sovranitetit, një pjesë të asaj që është nocion i shtetit, që ta nxjerr para hetuesve. Pra, ju e shihni sot, nëntë vjet më parë, Gjykata Ndërkombëtare e Drejtësisë i dha të drejtë Kosovës për shpalljen e pavarësisë edhe ju kujtohet që unë dy ditë përpara të këtij vendimi, unë kam qenë i rithirrur. Po bëhet një luftë për argumentet për shtet dhe në këto argumentet për shtet e kam kujdesin e madh sepse e dimë sa ka kushtuar shteti edhe sa vështirë ka qenë që të arrihet deri këtu. Nuk dëshirojmë në asnjë mënyrë që ta lëndojmë Kosovën. Kosova është euro-atlantike si shoqëri, është demokraci, është multi-etnike, është e paprekshme në vlerat e saj multi-etnike, në territor, në kufij. Pra, e ruajmë Kosovën dhe është interesi ynë..

Radio Evropa e Lirë: Pra, a do të duhej të vepronin kështu edhe të tjerët?

Ramush Haradinaj: Po, mendoj se pa dashur që të vendos një standard për secilin, por unë mendoj se kjo është mënyra sesi kam vepruar unë, përkundër faktit se nuk është e lehtë. E di se ka implikime të shumta si për mua, si për të gjithë ata që kanë pasur dëshirë që t’i prijë punës. Prapëseprapë mendoj se kjo është mënyra më e drejtë që ta ruajmë Kosovën, nderin e Kosovës, nderin e shtetit, nderin e institucioneve, por edhe nderin e luftëtarit shqiptarë.

Radio Evropa e Lirë: Ndërkohë që qeveria është në dorëheqje, cilat veprime duhet të ndërmerren në Prishtinë që vendi të shkojë në zgjedhje apo të ketë ndonjë përpjekje për formimin e qeverisë së re?

Ramush Haradinaj: E para – që është shumë me rëndësi – si qeveri në dorëheqje, nuk duhet të lejojmë vakuum, nuk duhet të lejojmë çfarëdo parregullsie, qoftë të qeverisjes, qoftë ligjore, ose jostabilitet. Për fat të mirë, gjendja është stabël në Kosovë, pra është funksionale dhe jeta vazhdon. Jemi në demokraci. Kushtetua jonë ka paraparë veprimet e nevojshme në këto raste. Unë tash po i finalizoj letrat formale për presidentin dhe për kryeparlamentarin. Pastaj, Parlamenti mund të vetëshpërbëhet në një datë të caktuar ose presidenti mund të propozojë shpërbërjen e Parlamentit dhe shkuarjen në zgjedhje. Arsyeja përse unë kam kërkuar të shkohet në zgjedhje është se besimin e kam kërkuar nga populli kur e kam marrë mandatin për kryetar të Qeverisë. Kam menduar se mandati më i sigurt në këto raste është nëse ia kthen sovranit, popullit. Mendoj qe zgjidhje e drejtë është shpallja e zgjedhjeve të parakohshme në këtë rast, në bazë të afateve kohore kushtetuese e ligjore. I ftoj qytetarët e vendit që të marrin pjesë në proces zgjedhor dhe ta respektojnë atë vendim që e jep sovrani.

Radio Evropa e Lirë: A mendoni se do të kalojë një kohë e gjatë derisa të vendoset për një datë të zgjedhjeve?

Ramush Haradinaj: Nuk besoj se ka arsye të vonohet shumë. Është me rëndësi, jo sepse ka vakuum qeverisës, por që t’i jepet sovranit mundësia për të vendosur sa më shpejt. Nuk bën që t’i vonohet popullit e drejta për të vendosur për më tutje. Do të ishte me rëndësi që në afatet kohore – diku rreth dy muaj – të ndodhin zgjedhjet. Kështu janë ato dinamikat prej këtu e tutje. Shpresoj të rrjedhin kështu. Kohë merr edhe konstituimi i Parlamentit pastaj, edhe formimi i qeverisë së ardhshme. Është me rëndësi që të gjitha këto të ndodhin në afate të duhura kohore.

Radio Evropa e Lirë: E përmendët që po i bëni gati letrat për të njoftuar presidentin, kryetarin e Kuvendit e ndoshta dhe partnerë të tjerë të koalicionit të deritashëm. Kur saktësisht do t’i njoftoni?

Ramush Haradinaj: Jemi në hartim të letrave. Me protokoll, letrat zyrtare mund të shkojnë sot, mund të shkojnë nesër në mëngjes. Jemi në hartim të tyre. Jemi duke shqyrtuar bazën kushtetuese për këtë dorëheqje, sepse është dorëheqje pa mocion, është dorëheqje e qeverisë. Jemi duke shqyrtuar që ta shpjegojmë.

Radio Evropa e Lirë: Si i keni parë reagimet e partive politike pas dorëheqjes tuaj?

Ramush Haradinaj: Po, t’ju them të drejtën, secili nga pikëpamja e vet janë shprehur. Disa kanë qenë korrekt, disa nuk kanë mund të përmbahen, nuk i kanë kuptuar edhe krejt kontekstet e kësaj dorëheqjeje. Do të thotë, unë kam deklaruar se do t’i kryej pjesën ligjore pa asnjë hezitim dhe do ta kryej me respekt e nder si më takon. Por po ashtu sa i përket bindjeve politike kam deklaruar se është e papërballueshme për Kosovën, pra nuk mundet Kosova dhe nuk e përballon dot edhe po të donte një çmim për njohje që është ndarja e Kosovës ose hapja e kufijve të Kosovës. Kam deklaruar po ashtu që një “Dodik Republikë” ose një republikë me ndikim të Rusisë është e papërballueshme për Kosovën dhe nuk është specifika e tillë. Njëkohësisht kam thënë që taksa nuk bën të hiqet deri në njohje.

Në këto qëndrime unë pres një përkrahje, një unitet pa marrë parasysh që ne garojmë kundër njëri-tjetrit për pushtet. Këto nuk janë qëndrime të pushtetit, janë qëndrime të interesave nacionale. Ne dikur me ata që janë sot në opozitë kemi qenë në opozitë, ta zëmë kundër “Zajednicës” (Asociacioni/Bashkësia e Komunave Serbe). Në fakt unë e kam mbajtur një qëndrim parimor, të popullit dhe jo të pushtetit në këtë rast, pra veç të koalicionit qeverisës apo pushtetit edhe shpresoj që ashtu siç ishim bashkë për Trepçën e për Ushtrinë, se në këto dy raste kemi treguar unitet të plotë, pra për Trepçën dhe ushtrinë, të jemi bashkë edhe te mosndarja e Kosovës, të mos lejojmë një “Dodik Republikë“ në Kosovë dhe të mos e japim tregun pa njohje.

Pra, të mos e japim (heqim) taksën pa njohje. Këto janë qëndrimet për të cilat unë pres respekt dhe nuk ka lidhje çka mendojnë për mua, por këto janë qëndrime që pres respekt për interesa të tyre, jo për të mijat ose për interesa të partive të tyre. Në këto qëndrime, pra i ftoj të gjithë që të bashkëpunojmë, pa marrë parasysh se çka kanë thënë atë ditë apo do të thonë një ditë tjetër.

Radio Evropa e Lirë: Por nuk të kanë bërë përshtypje ato reagimet pas dorëheqjes?

Ramush Haradinaj: Shiko, nuk e kam luksin që të hapi këso debatesh, do të thotë secili e ka për vete. Populli e thotë gjithkush mënyrën e vet dhe arsyet e veta, por është shumë me rëndësi ta ruajmë vendin, interesin e vendit, interesin nacional sepse llogaritë ndërmjet veti do t’i lajmë gjithë jetën. Demokracia vazhdon, edhe pas këtyre zgjedhjeve do të ketë prapë zgjedhje. Do të vërtetohet se kush e ka interesin e vendit e të popullit përpara e kush e ka të vetin, e të partisë. Mendoj që mbrojtja e Kosovës nga ndarja, mbrojtja e Kosovës nga një “Dodik Republikë” edhe mospranimi i një çmimi për njohje, i një marrëveshje që na lë neve jofunksional është interes i të gjithë neve, edhe i LDK-së, i Vetëvendosjes, i PSD-së e edhe i neve që jemi në pushtet. Ajo që unë po bëj është që konkretisht po ndërtoj një kauzë, po ua jap një kauzë të gjithëve përmes së cilës të gjithë jemi pastaj të qëndrueshëm, si popull e si shtet.

Radio Evropa e Lirë: Në këso rrethana kur Kosova ka një Qeveri në dorëheqje, a prisni që në ndonjë formë të vazhdojë dialogu me Beogradin?

Ramush Haradinaj: Nuk kemi, do të thotë qëndrim kundër dialogut në çfarëdo etape, në çfarëdo kohe. Kosova edhe kështu i kryen funksionet e veta, mirëpo dialogu është pa kushte edhe jo dialog për ndarje, për “Dodik Republikë”. Pra, një dialog për njohje reciproke në kufijtë ekzistues, për të respektim të ndërsjella, kuptohet edhe për tregun se tregu i kthehet Serbisë, pra hiqet taksa në rast të njohjes.

Radio Evropa e Lirë: Në fakt një nga vendimet me të përfolura të Qeverisë suaj ishte taksa ndaj importeve nga Serbia. A do të mbroni këtë vendim edhe më tutje?

Ramush Haradinaj: Po, duket se nuk kam kah të shkoj. Jam i vetëdijshëm për implikimet që ka pasur ky vendim nga dita e parë e kam parë se në çfarë dimensionesh do të ndodhin këto implikime, mirëpo, nuk kam zgjidhje tjetër, se ndryshe alternativa është në ndërrim për njohje ose me dhënë territor ose një “Dodik Republikë” në Kosovë. Janë të papërballueshme për Kosovën. Tregu për njohje e jo ndarja e “Dodik Republika” është oferta ime. Mendoj se do t’i rri besnik kësaj në cilëndo rrethanë, në cilëndo situatë, në çfarëdo pasojash që mund dikush të mendojë se na zmbrapsin… janë gabim se bëhet fjalë për një popull, për një shtet.

Radio Evropa e Lirë: E përmendët se për pak kohë do ta njoftoni kryetarin e Kuvendit dhe presidenti zyrtarisht për dorëheqjen. A do t’i njoftoni vetëm me letër apo do të ketë edhe takime?

Ramush Haradinaj: Tani po shkruaj letër, ta shoh si do të veproj. Por unë kam informuar Qeverinë, kam respektuar bazën ligjore se unë jam kryetar i Qeverisë. Në takim të Qeverisë, në takim zyrtar në rend të ditës e kam pas ketë informatën të fundit. Aty kanë informuar të gjithë partnerët qeverisës, me ata që punoj, pastaj kam shkuar menjëherë në partinë që udhëheq se edhe partitë janë kategori kushtetuese ligjore, në Aleancën për Ardhmërinë e Kosovës. I kam kontaktuar pastaj një e nga një disa kolegë politikë. Kjo pjesa zyrtare e shkresave është vetëm tani që të fillojë koha, pra nuk kthehet pas asgjë, vendimi është marrë. Pra, vetëm të fillojë koha formalisht e afateve, e proceduarave të tjera, pra të fillojë presidenti afatet e veta.

Radio Evropa e Lirë: Pra, nuk përjashtohet edhe një takim?

Ramush Haradinaj: Nuk e di, nuk e di për besë.

Radio Evropa e Lirë: Qeveri ka të nisur disa projektet të ndryshme. Çka po të ndodhë me to, do të mbeten në gjysmë?

Ramush Haradinaj: Nuk ka arsye, do të thotë deri sa nuk është i shpërndarë Parlamenti, ne ushtrojmë funksionet tona. Nëse shpërndahet Parlamenti, atëherë nuk prodhojmë më për agjendë legjislative. Duhet pritur deri në konstituimin e Parlamentit të ri dhe të mos dërgohen në Parlament ligje, akte ose propozime, ndërsa puna e Qeverisë vazhdon si çdo qeveri deri në marrjen e formimin e Qeverisë së re, pra është praktikë te ne edhe në rastet e mëhershme edhe tash është e njëjta logjikë.

Dita e fundit si kryeministër, ​Haradinaj sot dorëzon dorëheqjen tek Thaçi

Kryeministri në largim Ramush Haradinaj sot pritet të dorëzojë edhe formalisht dorëheqjen tek presidenti i Kosovës, Hashim Thaçi.

 

Haradinaj njoftoi për dorëheqjen gjatë mbledhjes së qeverisë të premten, ndërsa më pas njoftoi se letrën për heqjen dorë nga posti i të parit të qeverisë do ta dorëzojë të hënën.

Dorëheqja erdhi pas një ftese nga Dhomat e Specializuara të Gjykatës Speciale, në të cilën kreu i AAK-së tha se do të paraqitet si qytetar i thjeshtë e jo si kryeministër sepse do të ishte e rëndë për vendin.

Ndryshe, pas dorëheqjes së Haradinajt pati reagime të shumta, ndërsa partitë politike tashmë kanë sytë nga presidenti për datën e re të zgjedhjeve.

Haradinaj po ashtu në vitin 2004, pati dhënë dorëheqje nga pozita e kryeministrit me të marrë ftesën nga Gjykata e Hagës.

Tensionohet situata te Unaza e Re, FNSH rrethon zonën (FOTOT)

Tensionohet situata te Unaza e Re, atje ku banorët protestojnë prej muajsh në mbrojtje të banesave të tyre.

Mësohet se banorët kanë ndezur zjarr e kanë grumbulluar gurë për shkak të prezencës së shtuar të policisë.

Sipas ish-deputetit të PD-së, Klevis Balliu në vendngjarje ndodhen edhe FNSH-të.

Po ashtu raportohet se në mbështetje të banorëve përveç Balliut janë edhe dy ish deputetët e LSI-së, Petrit Vasili e Endrit Braimllari.

STATUSI I KLEVIS BALLIUT
Siç e kam paralajmëruar Edi Rama kërkon viktima dhe sot ka sjellë FNSH dhe gjithë Policinë e Shtetit për të ndaluar heronjtë e Unazës së Re që të protestojnë, siç ja lejon Kushtetuta duke provokuar dhunën dhe bërë arrestime të paligjshme tek Unaza.
Gjithçka ndodh sot është faji i Edvin Kristaq Ramës.
I bëj thirrje komunitetit ndërkombëtar që ti bëjë thirrje qeverisë të tërhiqet për të parandaluar dhunën.
Unaza momentalisht është në shtet rrethim për të provokuar dhunë.

Presidenti Ilir Meta në Prishtinë, takohet me Ramush Haradinajn (fotot)

Kreu i shtetit, Ilir Meta është takuar sot në Prishtinë me kryeministrin e Kosovës, Ramush Haradinaj, i cili dy ditë më parë dha dorëheqjen.

Takimin e ka bërë publik vetë Haradinaj përmes një postimi në Facebook, të cilin e shoqëron edhe me foto nga takimi.

“Kënaqësi e veçantë të takoj sonte në Prishtinë Presidentin e Shqipërisë, Ilir Meta, bashkë vajzën Borën. Rast i mirë për të këmbyër mendime rreth aktualitetit politik në Kosovë, Shqipëri dhe rajon. Në proceset që po kalon Kosova, angazhimi i përbashkët përballë sfidave e fuqizon faktorin shqiptar”, – shkruan Haradinaj.

Siç duket edhe nga fotot, takimi është bërë në një nga restorantet e Prishtinës. Vetë Presidenti Meta nuk ka bërë ende një koment për takimin, që vjen dy ditë pas dorëheqjes së Haradinajt nga posti i kryeministrit për shkak të thirrjes për të dëshmuar nga Gjykata Speciale në Hagë.

Meta ishte ndër të parët politikanë që reagoi pas dorëheqjes, duke besuar në pafajësinë e Haradinajt.

“Krenar për Ramush Haradinajn dhe i bindur në pafajësinë e tij! Nuk ka pabesi dhe presion që e thyen Burrin e Shtetit dhe Heroin e Kombit! Nga sot të gjithë duhet të flemë më pak, të shqetësohemi më shumë dhe të bashkohemi më fort që Kosova dhe rajoni ynë të jenë të pacenuar në paqen dhe sigurinë tonë, si dhe në të ardhmen europiane”, ka shkruar Meta.

21-22 korrik 2016 – Vasili kujton “puthjen” Lu-Vlahutin: Si humbi drejtësia që kishim (foto)

Ish-deputeti i LSI-së, Petrit Vasili përmes një statusi në Facebook kujton votimin me 140 vota të ndryshimeve Kushtetuese të Reformës në Drejtësi në vitin 2016. Sipas tij, nga ajo ditë asgjë nuk ka ndryshuar.

Ai shton se në vend të instalohej drejtësia e re, ka humbur edhe ajo pak drejtësi që shqiptarët kishin. Përmes ironisë, ai shton se ato ndryshime kushtetuese u vulosën me një “puthje” mes ambasadorëve të asaj kohë, Romana Vlahutin e BE dhe ai i SHBA-ve, Donald Lu.

STATUSI I PLOTE
Puthja e 21-22 korrikut dhe humbja edhe asaj pak drejtesie,qe kishim!!

Ne mesnaten e 21-22 korrikut te 2016 ndodhi nje puthje memorabile mes ambasadores Vllahutin dhe ambasadorit Lu per te kremtuar votimin me 140 vota te ndryshimeve Kushtetuese te Reformes ne Drejtesi.

Te gjithe pas kesaj puthjeje, imagjinuan se nje enderr po behej realitet dhe se drejtesia, qe kishim pare e admiruar ne filma hollyvudianë dhe europiane do te ishte nje realitet tashme edhe ndër ne.

Ne ndryshimet e miratuara ne 21-22 korrik, te bekuara edhe nga kjo puthje kuptimplote, kishte data dhe afate te shkruara me nje saktesi, te papare, ndaj edhe ne te gjithe u patem iluzionin se e kishim ne pellemben e dores drejtesine e re, e cila do te ndertohej fët e fët, sepse Kushtetuta e re e sapo miratuar nuk linte shteg nga te levizje.

Por pas kesaj puthjeje, as drejtesia re nuk lindi, por humben edhe ate pak drejtesi qe kishim.

Te gjitha afatet e shkruara ne Kushtetute u shkelen dhe neperkemben shume me keq se ne drejtesine e meparshme.

Te gjitha detyrimet e vena ne Kushtetute ne 21-22 korrik nga strikte, te prera e rigide, u bene si llastik qe e hapte qeveria,pa kushtetute e ligj,sa i do qejfi per ta kapur totalisht drejtesine, shume me keq se me pare.

Prokurorin e pergjithshem, e shpiken te perkohshem, kunder kushtetutes dhe nga kerkesa e Komisionit te Venecias per te mos e zgjedhur as me tre te pestat per te evituar kapjen, e grabiti Edi Rama dhe qeveria me 69 vota dhe pa veting,shume me keq se me pare.

Humbem Gjykaten Kushtetuese,qe kishte dhene me pare dhjetra vendime kunder te gjitha qeverive te majta e te djathta, me keq se me pare

Kemi sot Gjykata si e Durresit,qe jep dy vendime te kunderta per te njejten ceshtje per votimet e 30 qershorit, gje qe s’ndodhte kurre me pare,pra me keq se me pare.

Kemi prokurori qe as hap,as heton por vetem mbyll ceshtje te korrupsionit gjigand dhe krimit zgjedhor,kur se paku dikur edhe hapeshin e hetoheshin ca ceshtje edhe ketu me keq se me pare.

Kishim Gjykate te Larte qe sot pas tre vjetesh as kemi as nuk e dime kur do ta kemi dhe 35 mije ceshtje sa,nje mal,qe rrine e presin e ku njerezve s’do tu dale as jeta per te marre drejtesi,pra me keq se me pare.

Kemi KLGJ dhe KLP te mbushura me njerez pa integritet te kontestuar edhe nga nderkombetaret vete qe do te ndertokan drejtesine e re sipas reformes edhe ketu me keq se pare.

Tre vjet pa sistem drejtesie si dhe kapja totale nga qeveria edhe e atyre pak organeve jane ngritur,jane nje zhgenjim shume i madh tek qytetaret,te cilet besuan dhe enderruan tek drejtesia e re,e barabarte per te gjithe dhe mbi cdo gje te pakapur nga qeveria.

Koha nuk pret ,duhet vene gishti ne plage sepse shteti i se drejtes eshte kapur totalisht dhe duhet shpetuar sot.

Qytetaret i besuan puthjes se 21-22 korrikut,por zhgenjimi i tyre pasi humben edhe ate pak drejtesi qe kishin, kerkon sot qe nderkombetaret ti japin shuplaka dhe jo levdata qeverise per kapjen skandaloze te drejtesise gjoja te re, kete presin qytetaret nga ata.

Policia holandeze jep detaje për vrasjen e Festim Latos

Sot është vrarë Festim Lato, ‘presidenti i Çamërisë’. Mediet shqipe çame kanë dhënë informacione rreth vrasjes.

Duke cituar policinë holandeze, Lato thuhet të jetë vrarë nga një grup terroristësh të quajtur Palestinians Liberation Organization apo Organizata Çlirimtare e Palestinës.

“Presidenti i Çamërisë po dilte nga një takim me mikeshën e tij, kur para tij në ecje, një furgon Mercedes-Benz Viano i zi, hapi zjarr duke shkaktuar terror por edhe duke goditur drejtë Presidentit dhe mikeshën e tij”, thonë mediet çame.

Sipas Policisë Holandeze, personat janë identifikuar dhe po punohet për kapjen e tyre.

Si ndodhi atentati ndaj Festim Latos, reagon ‘Kryeministri i Çamërisë’: Dritë tu bëftë gjaku o trim

Sipas burimeve të policisë hollandeze mësohet se mbrëmë në darkë dy persona e kanë ftuar për kafe Festim Laton, Presidenti i Vetëshpallur i Çamërisë. Ai sapo ka dalë në prag të shtëpisë është qëlluar me armë dhe ka mbetur i vdekur në vend.

Njoftimin e vrasjes e ka bërë një person Angelo Aliu, i cili është vetëshpallur si kryeministër i Republikës së Çamërisë. Ai shkroi në facebook se është vrarë në Hollandë pas një atentati Festim Lato.

‘Në Holandë nga vrasës të paidentifikuar, iu bë atentat presidentit të Republikës së Çamërisë z. Festim Lato. Për vrasjen e Festim Latos, sot e familjen Lato në Vlorë e njoftoi Policia Holandeze. Me këtë rast Qeveria e Republikës së Çamërisë, me në krye Kryeministri Ali Aliu, është shumë e tronditur, dhe i shpreh ngushëllime Familjes Lato nga Vlora, miqëve dhe shkove të tij. Vrasja e Presidentit të Republikës së Çamërisë, z. Festim Lato është vrasje me motive politike. Festim Lato është heroi i parë Republikës së Çamërisë. Festim Lato, dritë t u bëftë gjaku o trim! Çamëria është gjaku ynë që s´falet! Lavdi që të patëm!

Kryeministri i Republikës së Çamërisë
z. Ali Aliu’ shkruan ai në rrjetet sociale.

Motivet e vrasjes nuk bëhen me dije në njoftimet në fjalë, të cilat janë publikuar edhe në faqen e vetë të ndjerit.

Vritet në Holandë ‘presidenti i Republikës së Çamërisë’, Festim Lato

Vritet në një atentat presidenti i Republikës së Çamërisë, Festim Lato.

Vrasja e Festim Latos ka ndodhur në Holandë nga persona të paidentifikuar. Policinë e Holandës ka njoftuar familjen e të ndjerit dhe rasti ka filluar të hetohet.

Festim Lato ishte shtetas shqiptar nga Vlora që punonte dhe jetonte në Holandë prej 25 vitesh. Republikën e Çamërisë, Lato, e shpalli më 30 tetor të vitit 2016. Ai madje kishte premtuar në vitin 2017 se shumë shpejt do të prodhoheshin edhe 500 pasaportat e para të Çamërisë.

Ndryshe Lato një vit më herët kishte thënë se si pas informacioneve të tij Shqipëria e Madhe do të bëhet shumë shpejt.

“Në një kohë të shkurtër, sipas informacioneve që unë kam nga burime të ndryshme, di që kufijtë do të ndryshojnë, por në favor të shqiptarëve. Asnjë pëllëmbë tokë shqiptare nuk do të kalojnë në dorë të grekëve, maqedonëve apo malazezëve. Të gjitha këto troje do të mblidhen dhe do të bashkohen në një qendër, në atë që quhet Shqipëria Natyrale”, kishte thënë ai.

Mirush Kabashi – Jam Shqiptar Kosovar

Mirush Kabashi – Jam Shqiptar Kosovar, Poemë shkruar nga Mirush Kabashi