VOAL

VOAL

Please Wait ...
0%

Peshku – shumë i dobishëm për zemrën

By | December 17, 2015

Komentet

Gjizë e pjekur me limon dhe qepë të njoma

Mjaftojnë pesë minuta për të përgatitur gjizën me barishtet e qepëve dhe për ta vendosur në furrë

Antipastat përbëjnë paralojën e një vakti të rëndësishëm.

Një antipastë e mirë dhe e shijshme përmirëson humorin dhe nxit ekzaltimin për pjatat e tjera të vaktit.

Funksioni i një antipaste është jo vetëm të nxisë urinë por edhe kënaqë shqisat dhe t’i parapërgatisë ato për kënaqësi të mëtejshme gjatë ushqyerjes.

Recetat e antipastave janë të larmishme, të pasura dhe intriguese.

Një prej tyre është ajo me gjizë të pjekur me barishtet e qepëve dhe limon.

Kjo pjatë e ngrohtë përgatitet shumë lehtë.

Mjaftojnë pesë minuta për të përgatitur gjizën me barishtet e qepëve dhe për ta vendosur në furrë.

Në disa raste, në përgatitjen e gjizës përfshihet edhe veza e cila i jep antipastës një fryrje të lehtë dhe paraqitje të sfungjertë, por sipas dëshirës atë edhe mund ta shmangni.

Në këtë recetë, do të mësoni si ta përgatisni antipastën vetëm me hudhër, barishte, limon dhe gjizë.

Përbërësit:

2 filxhanë me gjizë

1 limon i shtrydhur

Lëkura e grirë hollë e një limoni

2 thelbinj hudhre të grirë hollë

Gjysëm filxhani me barishte qepe të prera hollë.

Piper i zi pluhur

Vaj ulliri ekstra i virgjër

Feta buke të thekura

Përgatitja:

Ndizeni furrën në 190 °C.

Merrni një tepsi të vogël ose enë qelqi për pjekjeje dhe lyejeni me pak yndyrë.

Në një enë tjetër, përzieni gjizën, lëngun e limonit dhe lëkurën e tij, hudhrën, barishtet, kripë dhe shumë piper.

Pasi ta keni përzier mirë, hidheni në enën e pjekjes dhe spërkateni me vaj ulliri.

Sipas dëshirës ju mund ta fusni në frigorifer dhe ta piqni të nesërmen.

Në të kundërt, futeni enën në furrë dhe piqeni për 15-20 minuta.

Pasi të nxirrni nga furra, gjizën e pjekur mund ta spërkasni me vaj ulliri sërish.

Këtë antipastë të ngrohtë duhet ta servirni menjëherë pas daljes nga furra.

Ajo shoqërohet me bukë të thekur e krokante ose biskota të kripura./AgroWeb.org

Omletë me gjizë – E thjeshtë, e shijshme, ideale për mëngjes

Omleta përgatitet shumë lehtë dhe kërkon pak kohë ndërkohë që është e pasur me vlera të shëndetshme.

Omleta është një ndër recetat më të hershme jo vetëm të kuzhinës shqiptare por gjithë kuzhinës botërore.

Një ushqim i shijshëm por mbi të gjitha i pasur me vlera ushqyese, me përbërës kryesor vezët, omleta vijon të mbetet simboli i një mëngjesi të shëndetshëm.

Omleta përgatitet shumë lehtë dhe kërkon pak kohë ndërkohë që është e pasur me vlera të shëndetshme.

Ajo përgatitet e kombinuar në mënyra të ndryshme, me djathë të bardhë a kaçkavall e erëza, proshuta të ndryshme e salsiçe etj.

Por mund të kombinoni edhe të gjitha perimet që u gjenden në shtëpi, domate, patate, karrota, kunguj, lulelakër, brokoli etj.

Sa më shumë përbërës të hidhni, aq më shumë e shijshme dhe e shëndetshme do të bëhet omleta.

Më poshtë, AgroWeb.org u sugjeron dy receta të shëndetshme të përgatitjes së omletës krejt lehtë në shtëpi për të nisur ditën mbarë bashkë me familjen, omletën me gjizë.

Omleta me Gjizë

(Përbërësit e kësaj recete janë për katër persona)

4 kokrra vezë

4 lugë gjelle qumësht

Vaj ulliri

2-3 lugë gjelle gjizë

kripë

piper

rigon

Përgatitja 

Si fillim, AgroWeb.org ju udhëzon të ndani të verdhat dhe të bardhat e vezëve veçmas.

Rrihni në një tas të bardhat e vezëve derisa masa të nisë të shtojë pak volumin e saj.

Shtoni aty të verdhat e vezëve, vijoni t’i rrihni, shtoni kripën dhe piperin dhe rrihini derisa të njëtrajtësohen.

Vendosni një tigan në zjarr, shtoni aty vaj ulliri dhe sapo të nxehet shtroni masën e vezës së rrahur.

Përhapeni njëtrajtësisht në të gjithë sipërfaqen e tiganit dhe rrotullojeni tiganin herës duke e mbajtur kapakun mbyllur.

Shtoni gjizën mbi sipërfaqen e vezës dhe përmes një spatula kuzhine omletën kthejeni në dysh ose në formën e rolesë.

Por nëse preferoni mund të mos e përthyeni dhe ta lini  thjeshtë të shtrirë duke e lënë për 2 minuta me kapak të mbyllur në zjarr.

Mbajtja e tiganit me kapak gjatë përgatitjes së omletës ndihmon që ajo të piqet edhe nga pjesa e sipërme.

Sallatë me fasule dhe qepë të freskëta – Shije e përkryer

AgroWeb.org ju tregon një recetë që ia vlen ta provoni për shijen unike që dhuron.

Me ndryshimin e stinëve edhe ushqimi duhet t’i përshtatet nevojave të organizmit.

Një nga ushqimet që është prezent gjatë periudhës së vjeshtës dhe dimrit, është fasulja.

Një nga arsyet më të forta se përse kjo bishtajore konsiderohet dimërore është falë sasisë së lartë të proteinave dhe fibrave që përmban.

Dy nga vlerat ushqimore që i japin trupit energjinë që i duhet për të përballuar të ftohtin.

AgroWeb.org ju tregon një recetë që ia vlen ta provoni për shijen unike që dhuron.

Vetëm me pak përbërës ju do të keni përgatitur një pjatë plot vlera dhe shije.

Përbërësit

500-600gr fasule të bardha ose të kuqe

1 qepë e grirë

Gjysmë luge gjelle me uthull molle (ose limon sipas dëshirës)

1 lugë gjelle me vaj ulliri

1 lugë e gjysmë çaji me kripë

2 lugë gjelle me majdanoz të freskët të grirë

1 thelbi hudhër

Përgatitja

Si fillim AgroWeb.org ju sugjeron që të vini për të zierë fasulet.

Që të keni një rezultat sa më të mirë, lërini fasulet gjatë natës në një tas me ujë.

Më pas ndërrojani ujin dhe vërini për të zierë derisa kokrrat të jenë zbutur.

Mos harroni që kur të kenë filluar të zbuten t’i hidhni kripë që të marrin shije.

Kullojini fasulet dhe lërini që të ftohen plotësisht.

Ndërkohë lani dhe qëroni qepën e bardhë dhe filloni ta grini.

Copat e qepës nuk duhet të jenë shumë të vogla, e as të mëdha.

Madhësia duhet të jetë pothuaj sa gjysma e kokrrave të fasuleve.

Gjithashtu lani dhe qëroni nga kërcejtë gjethet e majdanozit dhe lërini në një letër kuzhine që të mos kenë ujë.

Merrni një tas të madh dhe aty hidhni fasulet që tanimë do të jenë ftohur.

Shtoni qepën e prerë dhe filloni të hidhni kripën, uthullën dhe vajin e ullirit.

Mos harroni të shtoni hudhrën e shtypur dhe përzjejeni sallatën tuaj.

Në fund, para se ta servirni, hidhni dhe gjethet e majdanozit dhe lëreni disa minuta që përbërësit të marrin shijen e njëri-tjetrit.

Mund ta shërbeni menjëherë, ose mund ta lini në frigorifer të mbuluar me qese kuzhine.

Kjo sallatë shkon me çdo lloj mishit ë gatuar sipas mënyrës suaj të preferuar.

Shkon me specat e mbushur apo dhe thjeshtë me oriz me perime.

Si të përgatisni salcën e famshme të avokados

Ajo përgatitet shumë lehtë, duke përzier përbërësit me njëri tjetrin dhe duke shtuar erëza për ta bërë pikante ose jo.

Njeriu ka nevojë për ushqim dhe pije për tu ushqyer, për të qenë në formë dhe për të mbijetuar.

Kjo është arsyeja që ka shtyrë qytetërime të tëra të shpikin, krijojnë dhe japin jetë recetave nga më të ndryshmet që janë mes nesh që nga lashtësia.

I tillë është rasti i salcës meksikane të avokados që njihet si guacamole.

Kjo salcë daton që në shekullin e 16-të dhe është një recetë e qytetërimit të lashtë të Aztekëve.

Ajo buron nga fjala “ahuaca-mulli” që përkthehet ‘salcë avokadoje‘, ndaj edhe ka ngjashmëri me fjalën angleze guacamole.

Receta tradiconale e kësaj salce përfshin tre përbërës bazë: qepën e kuqe, domaten dhe avokadon.

Në vitin 1519, spanjollët u ankoruan në brigjet e Meksikës dhe zbuluan salcën e famshme. Ata e sollën recetën në kontinentin evropian duke e ndryshuar atë disi.

Ata shtuan limonin jeshil dhe cilantron duke e përshtatur recetë  me kulturën, aromat dhe shijet e tyre.

Në kohët e sotme, salca në fjalë ka një ushtri dashamirësish dhe tifozësh.

Në këtë artikull të AgroWeb.org do të mësoni një recetë të thjeshtë e tradicionale meksikane të salcës klasike të avokados.

6 Përbërësit Idealë të Salcës Klasike Guacamole

Salca klasike meksikane ka pesë përbërës të thjeshtë:

avokado,

limon jeshil,

qepë të kuqe,

speca djegës jeshilë,

domate,

hudhër

Ajo përgatitet shumë lehtë, duke përzier përbërësit me njëri tjetrin dhe duke shtuar erëza për ta bërë pikante ose jo.

Avokadot duhen marrë të papjekura në treg dhe duhen lënë të piqen në shtëpi.

Nëse duhet që të piqen sa më shpejt vendosini pranë bananeve dhe domateve.

Në momentin që piqen, transferojini në frigorifer që të ndaloni procesin.

Hudhra është përbërës i rëndësishëm i salcës, por ajo nuk duhet lënë në copa të mëdha.

Prandaj, ekspertët e AgroWeb.org këshillojnë që ta grini hudhrën hollë, ta spërkasni me kripë të trashë dhe më pas ta shtypni disa herë deri sa të hudhra të jetë e butë dhe e qullët.

Përbërësit:

2 thelbinj të mëdhenj hudhër

1 lugë çaji kripë të trashë

4 avokado të përmasave mesatare

Çerek filxhan çaj me lëng limoni jeshil,

Çerek filxhan çaji qepë e kuqe e prerë në copa të vogla

2 lugë gjelle speca djegës jeshilë me gjithë fara.

1 filxhan çaji domate të prerë në copa të vogla

Përgatitja e Salcës Guacamole

Në fillim duhet të shtypni hudhrën me kripën e trashë për 2-3 minuta deri sa të formoni një pastë, të cilën duhet ta hidhni në enën e salcës.

Më pas prisni avokadot në gjysmë, hiqni bërthamën, transferojeni tulin me lugë tek ena e hudhrës dhe lëkurat hidhini në plehra.

Shtoni lëngun e limonit jeshil dhe shtypeni avokadon deri sa të krijoni një salcë kremoze të e të njëjtrajtshme.

Më pas hidhni copat e imëta të qepës, domates dhe specave jeshilë.

Përziejini mirë me salcën dhe shtoni kripë dhe piper sipas dëshirës./AgroWeb.org

Kulaç i ngrohtë shtëpie me patate – I butë me shije të mrekullueshme

Kulaç Shtëpie.

Kulaçi është një nga recetat më të dashura nga të gjithë, të rritur e fëmijë.

Thjeshtësia e shijes së tij, i jep mundësi që të jetë shoqëruesi perfekt i çdo gatimi, nga supat e deri tek pjatat e traditës.

AgroWeb.org ju sugjeron një mënyrë tjetër të përgatitjes së kulaçit, ku përbërësi kryesor janë patatet.

Është aq i shijshëm dhe me një butësi marramendëse, saqë do të mrekulloni këdo që do t’i provojë.

Mund ta përgatisni fare lehtë, mjafton pak durim, por rezultati do t’ia vlejë.

Përbërësit

15 g maja birre

1 lugë çaji sheqer

5 lugë gjelle me ujë të vakët

250 g patate mesatare

250 g miell

1-2 lugë çaji me kripë të imët

4 lugë gjelle me vaj ulliri

1 lugë çaji me kripë të trashë

Përgatitja

Si fillim AgroWeb.org ju këshillon që të vendosni patatet në një tenxhere me ujë për të zierë.

Ndërkohë përgatisni majanë për të mos humbur kohë.

Ju duhet një tas i vogël ku të hidhni ujin e vakët dhe sheqerin, përzjejeni derisa kokrrizat e sheqerit të jenë tretur.

Më pas shtoni sasinë e nevojitur të majasë së thatë, vazhdoni ta përzieni derisa ajo të tretet plotësisht.

Lëreni të pushojë përreth 10 minuta, e kur të jetë gati do të ngjasojë me një masë kremoze.

Kur patatet të jenë zierë, qërojini dhe shtypini sa janë ende të nxehta.

Hidhini patatet në një tas dhe aty shtoni dhe miellin, kripën e imët, majanë dhe një lugë gjelle me vaj ulliri.

Përdorni një lugë druri për përzierjen e masës derisa përbërësit të kenë krijuar një masë homogjene.

Brumi do të jetë shumë i butë për t’u punuar me dorë, ndaj AgroWeb.org ju sugjeron që ta lini të vijë.

Si të kalojë koha e ardhjes së brumit (përreth një orë), përzjejeni përsëri edhe për një minutë.

Vendoseni në një tepsi të rrumbullakët dhe me duar hapeni brumin në të gjithë sipërfaqen e tavës.

Mbulojeni me një pecetë kuzhine dhe lëreni të vijë dhe për 30 minuta të tjera.

Për më shumë shije AgroWeb.org ju sugjeron që ta spërkatni sipërfaqen e kulaçit me kripën e ashpër.

Para se ta fusni për t’u pjekur, krijoni disa gropëza me majat e gishtave.

Hidhini dhe vajin e mbetur duke u siguruar që të keni lyer të gjithë kulaçin.

Vendoseni të piqet në furrë me 200 gradë për 20 minuta, ose derisa sipërfaqja e tij të jetë e artë.

Shërbehet i ngrohtë duke e shoqëruar me djathë e sallata me perimet e stinës, apo edhe me supa të ngrohta.

Supë kremoze me lulelakër të pjekur – Receta plot vlera për shëndetin

Ajo i bën mirë shëndetit të zemrës, sistemit tretës por edhe ndihmon në pastrimin e gjakut dhe në rënien nga pesha.

Lulelakra është një perime shumë e shëndetshme për njeriun.

Lulelakra shpesh përshkruhet si një ushqim shumë i pasur në vlera por jo të gjithëve u pëlqen.

Megjithatë, përshkrimi i fundit nuk vlen aspak nëse di ta gatuash në mënyra të ndryshme.

Lulelakra përmban antioksidantë të cilët janë thelbësorë për sistemin imunitar.

Lulelakra është e pasur me vitaminë B1, B2, B3, B5, B6, B9, C, Omega-3 dhe vitaminë K.

Ajo i bën mirë shëndetit të zemrës, sistemit tretës por edhe ndihmon në pastrimin e gjakut dhe në rënien nga pesha.

Lulelakra është një nga perimet më të shëndetshme për tu transformuar në një supë të shijshme e plot vlera për organizmin.

Lulëzat e kësaj perimeje të shëndetshme mund të zihen për pak minuta dhe më pas mund të futen në mikser duke u transformuar në një pure të shijshme.

Supë Kremoze Me Lulelakër, Djathë, Hudhër e Qepë të Njoma

Në këtë artikull të AgroWeb.org, do të mësoni recetën e një supe kremoze me lulelakër, erëza dhe djathë.

Përbërësit:  

1 lulelakër

1 qepë e madhe e grirë hollë,

6 thelbinj hudhër,

2 lugë gjelle vaj ulliri,

5 filxhanë lëng pule ose perimesh

2 lugë çaji majdanoz, trumzë ose rozmarinë

Gjysëm filxhani me krem pana

2 lugë gjelle qepë të njoma të prera hollë,

Gjysëm filxhan proshute të skuqur e të prerë në copa të vogla

Çerek filxhani me djathë kaçkavall ose parmixhan të grirë hollë.

Përgatitja:

Ndizeni furrën në 220 °C.

Në një tavë shtroni një letër pjekjeje dhe yndyroseni lehtë.

Ndajeni lulelakrën në tufëza të vogla dhe përziejini me qepët dhe hudhrën.

Më pas hidhini në tavë dhe spërkatini me kripë, piper dhe vaj ulliri.

Piqini për 15 minuta në secilën anë, deri sa lulelakra të karamelizohet.

Pas pjekjes, tufëzat e lulelakrës hidhini në tenxhere, shtoni lëngun e perimeve ose të mishit të pulës, erëzat dhe barishtet.

Lërini të ziejnë për 15 minuta duke i përzier herë pas here.

Hiqeni tenxheren nga zjarri, prisni pesë minuta dhe më pas përbërësit e supës hidhini në një mikser që ajo të bëhet sa më kremoze.

Shtoni kremin pana dhe përziejini sërish n mikser dhe më pas transferojeni në tenxhere.

Kontrollojeni për kripë dhe piper dhe servireni duke hedhur sipër saj copat e proshutës, barishtet jeshile të qepës së njomë dhe djathin kaçkavall dhe parmixhan. Ju bëftë mirë

Qofte Juvarllaqe nga tradita e kuzhinës himarjote

Quhen Qofte Juvarllaqe dhe janë një specialitet i kuzhinës së Himarës, specialitet i cili krahas vendasve ka magjpes çdo turist që i ka provuar.

Përgatitja e qofteve është padyshim një nga specialitetet më të shijshme të kuzhinës shqiptare.

Tradita e përgatitjes së tyre ndryshon sipas krahinave të ndryshme por shija të mrekullon patjetër njëlloj.

Të thjeshta, të kombinuara në supa apo salca të ndryshme, amvisat shqiptare me mjeshtërinë e tyre në kuzhinë shndërrojnë çdo recetë të qofteve në një pjatë fantastike që të tërheq menjëherë drejt tryezës.

AgroWeb.org sjell më poshtë traditën e nënave himarjote, të cilat spikasin me gatimet e tyre të mrekullueshme plot shije.

Quhen Qofte Juvarllaqe dhe janë një specialitet i kuzhinës së Himarës, specialitet i cili krahas vendasve ka magjepesur çdo turist që i ka provuar.

Këto qofte shoqërohen në mënyrë fantastike me patate të furrës apo perime të pjekura, sallata të freskëta të stinës e zahire të ndryshme të kuzhinës shqiptare siç janë turshitë etj

Përgatitja e Qofteve Juvarllaqe në Shtëpi

Përbërësit

(Përbërësit më poshtë janë për 4-5 persona)

250 gr mish i grirë

2 kokrra vezë

2-3 lugë gjelle me oriz

1 kokërr qepë mesatare

1 lugë gjelle gjalpë

1 lugë gjelle miell gruri

1 gotë qumësht

Kripë

Piper

Majdanoz

Përgatitja

Mishi i grirë përzihet me orizin gjysmë të zier, të bardhat e vezëve, kripë, piper, qepë të grirë në rende dhe majdanoz të grirë.

Masa ndahet në qofte, u jepet formë e rrumbullakët  dhe vendosen të ziejnë në ujë të valuar me kripë dhe lëng limoni.

AgroWeb.org ju sugjeron që qoftet t’i hidhni në ujin e valuar pjesë-pjesë, pasi në të kundërt u prishet forma.

Pastaj hiqen me lugë dhe lëngu i tyre ruhet mënjanë për të përgatitur salcën.

Në një tenxhere kaurdiset mielli me gjalpë derisa të zverdhet pak. Shtohet qumështi, lëngu i qofteve, hidhet pak kripë, përzihet mirë dhe lihet që të ziejë pak.

Kur salca e përgatitur hiqet nga zjarri, pritet me të verdhat e vezëve dhe me kujdes vendosen qoftet brenda. Sipër u hidhet gjalpë i skuqur lehtë dhe majdanoz i grirë hollë.

Shërbehen të ngrohta dhe me pak lëng limoni sipër.

Hallvë me shurup karafili – Receta me shije fantastike

Shija e mrekullueshme dhe e veçantë do të bëjë që ky kek të kthehet në të preferuarin e çdo tavoline.

Mund të themi pa u menduar shumë se keku është ndër ëmbëlsirat më të famshme në botë.

Duket sikur kudo përgatitet ndryshe, por shija në fund është thuajse e njëjtë brumë i ngrohtë, i butë dhe plot shije.

Duke qenë se mënyrat e përgatitjes së kësaj ëmbëlsire nuk mbarojë kurrë AgroWeb.org në këtë recetë ju sugjeron një recetë të re.

Hallva është një tjetër ëmbëlsirë shumë e njohur dhe e përdorur në trojet tona.

Nëse nuk ju ka shkuar ndonjëherë në mendje t’i përzieni këto dy ëmbëlsira, AgroWeb.org ju këshillon të ndiqni recetën e mëposhtëme.

Keku i sotëm përgatitet shumë lehtë dhe nuk ka nevojë për pjekje në furrë.

Shija e mrekullueshme dhe e veçantë do të bëjë që ky kek të kthehet në të preferuarin e çdo tavoline.

Përbërësit

300 gr miell

400 gr sheqer

750 ml ujë

75 ml vaj ulliri

2 shkopinj kanellë

5 fara karafili

1 ugë çaji ekstrakt vanilje

kripë

Përgatitja

AgroWeb.org ju këshillon që këtë recetë ta nisni duke përgatitur fillimisht shurupin.

Zgjidhni një tenxhere mesatare dhe në të shtoni sheqerin, ujin, pak kripë, shkopinjt e kanellës bashkë me farat e karafilit.

Lërini këtu përbërës të ziejnë në zjarr mesatar, kur uji të fillojë të vlojë dhe të nxjerrë bulëza lëreni edhe një minutë, më pas mund ta hiqni tenxheren nga zjarri.

Ndërkohë vendosni  një tigan të thellë në zjarr mesatar dhe në të hidhni vajin, miellin të cilët duhet t’i përzieni vazhdimisht me një lugë druri.

Pasi mielli të jetë skuqur dhe të ketë marrë ngjyrë kafe, si hallva e zakonshme hiqeni edhe tiganin nga zjarri.

Kthehuni sërish tek shurupi që përgatitët më parë dhe hiqni kanellën bashkë me farat e karafilit.

Më pas shtoni në të ekstraktin e vaniljes dhe përzieni për disa sekonda.

Merrni me kujdes tenxheren ku ndodhet shurupi dhe shtojeni pak nga pak tek mielli i skuqur apo hallva që përgatitët më parë.

Vëreni sërish tiganin e hallvës në zjarr duke e përzier, derisa të krijohet një masë e trashë shurupi dhe hallve.

Kur të shikoni që kjo masë po mpikset dhe trashet, hiqeni nga zjarri dhe bëni gati një enë rrethore me formë dhe madhësi 20 cm.

Lyejeni enën me pak vaj në të gjithë sipërfaqen e saj dhe më pak hidhni brumin që përgatitët më parë.

Lëreni të ftohet 30 minuta në temperaturë ambienti dhe kur të jetë trashur kthejeni në një pjatë në mënyrë që të ruhet forma e enës.

Në fund futeni kekun tuaj në frigorifer edhe për 30 minuta të tjera në mënyrë që të mpikset plotësisht.

Më pas mund ta shërbeni sipas dëshirës duke e spërkatur me pak kanellë sipër.

Risia shqiptare që buron nga tradita – Vlerat e uthullës dhe mushtit të dardhës

Vlerat dhe përfitimet që vijnë nga konsumimi i uthullës së frutave janë të panumërta dhe lehtësisht të provuara.

Uthullën e frutave mund ta përgatisni jo vetëm nga molla, por edhe nga dardha. Vlerat dhe përfitimet që vijnë nga konsumimi i uthullës së frutave janë të panumërta dhe lehtësisht të provuara.

Prej kohëve të vjetra, uthulla e frutave është një nga traditat e zahireve të krahinave shqiptare. Kjo kryesisht ndodh në rajonet ku kultivohen shumë fruta dhe gjithmonë ka mbetje të tyre në përfundim të sezonit.

Nëse konsumoni pak nga kjo uthull përpara se t’i dorëzoheni ëmbëlsirave, atëherë nuk do të përballeni me rrezikun e prishjes së ekuilibrit të sheqerit në gjak.

Uthulla e holluar e frutave qetëson fytin dhe përmirëson tretjen.

Shija e uthullës së frutave është një vlerë e shtuar për çdo gatim. Ju ka ndodhur shpesh që kur provoni një gatim, mendoni se në të mungon diçka por nuk e dini se çfarë.

Përgjigjia është: uthulla. E vërteta është se edhe ëmbëlsirat nuk janë të plota nëse në to nuk ka një nuancë të athët.

Siç AgroWeb.org theksoi në fillim, uthullën e frutave tashmë mund ta përgatisni edhe nga dardhët.

Qërojeni dardhën, shtoni pak sheqer, lëreni të fermentohen për 4-5 javë dhe do të përfitoni një lëng të thartë që mund të konsumohet plot shije.

Uthulla është një produkt që kushton, por ju mund ta përgatisni lehtësisht në kushtet e shtëpisë. Lexoni recetën e sugjeruar nga AgroWeb.org.

Uthulla e dardhës

Nëse dëshironi të përgatisni katër litra me uthull dardhe ju nevojiten:

1 filxhan me lëkurë dardhe

8 – 10 dardha të shtypura mirë

1 filxhan me sheqer

4 litra ujë

Sigurohuni që lëkura e dardhës është e larë dhe e pastruar mirë. Vendosini në një enë qelqi të madhe, së bashku me masën e dardhave të shtypura, sheqerin dhe ujin.

Mbulojeni enën me një napë dhe vendoseni në një vend të freskët dhe të errët për një deri në dy javë. Më pas, kullojeni lëngun dhe vendoseni në enën e pastruar duke e mbajtur sërish në një vend të freskët dhe të errët për 1 deri në 2 muaj.

Me të kaluar muaji i parë, provojeni. Nëse lëngu është akoma i ëmbël, lëreni fermentimin të vazhdojë edhe për një muaj tjetër.

Nëse lëngu është i thartë, por akoma mban shijen e dardhës, atëherë është gati për konsum. Më poshtë do të gjeni sugjerimin e AgroWeb.org edhe për mushtin e dardhës.

Mushti i dardhës në kushtet e shtëpisë

Përbërësit për 8 persona:
– 10 dardhë të plota, të prera në gjysmë, dhe të pastruara nga farat dhe bishtat.
– Gjysëm filxhani me sheqer kaf
– 3 shkopinj kanelle
– 2 lugë çaji me nenexhik të egër
– 1 lugë çaji me karafil
– 1 shkop vanilje të prerë për së gjati

Udhëzimet

Përzieni dardhët, sheqerin, shkopinjtë e kanellës, karafilin, shkopin e vaniljes dhe nenexhikun në një enë të mbushur me ujë.

Uji duhet të mbulojë këtë përbërës me të paktën 5 centimetra. Vendoseni enën e pambuluar në zjarr të ngadaltë dhe lëreni të ziejë për të paktën një orë.

Pas një ore shtypni dardhët tashmë të buta. Vendoseni kapakun dhe lëreni të ziejë për 2 orë të tjerë.

Më pas, hiqeni enën nga zjarri dhe lëreni të ftohet. Kullojeni me napë që të largoni gjithë mbetjet e patretura dhe lëngu të jetë i pastër.

Shërbejeni me kanellë. Lëgun mund ta ruani në një enë të izoluar mirë dhe ta fusni në frigorifer./AgroWeb.org

Trahaniku i ngrohtë – Si të përgatisni një ndër recetat më të vjetra shqiptare

Një recetë shumë e vjetër por shije plotë dhe unike në mënyrën e përgatitjes dhe përbërësve të saj.

Një recetë shumë e vjetër autentike por shije plotë dhe unike në mënyrën e përgatitjes dhe përbërësve të saj.

Ky është Trahaniku!

Sekreti i shijes fantastike të kësaj recete është përbërësi kryesor i tij, Bollguri, i cili është një drithë që prodhohet nga disa lloje gruri.

Bollgurin mund ta gjeni lehtësisht edhe në supermarketet e vendit tonë duke qenë se ky drithë ka qenë gjithnjë pjesë e gastronomisë gjithëshqiptare.

AgroWeb.org sjell më poshtë recetën autentike të grave dhe nënave të zonave jugore të vendit, një recetë fantastike që zona si Përmeti, Erseka, Skrapari, Lunxhëria, Pogradeci, Korça etj vijojnë ta ruajnë si traditë edhe sot.

Kjo është mënyra që përdoret më zakonisht në krahinën e Lunxhërisë, ndërkohë në zonën e Përmetit, Ersekës dhe Skraparit bollguri ose gruri i shtypur me të cilin mbushet peta përgatitet edhe me mish të grirë dhe qepë të thata, ndërsa në zonën e Pogradecit dhe Korçës gjatë përgatitjes së mbushjes shtohet dhe djathë i bardhë i thërrmuar.

Përgatitja e Lakrorit të Lunxhërisë

Përbërësit

Për një tavë mesatare duhen:

3-4 gota uji me miell gruri (për petët) ose petë që mund t’i gjeni në supermarkete

2 gota uji me bollgur ose me grurë i shtypur

3 lugë gjelle gjalpë

2 kokrra vezë

3 lugë gjelle djathë i thërrmuar

Kripë

Përgatitja 

Pasi përgatitet brumi (si për byrek) hapet në petë të holla.

Bollguri (e gjeni në supermarkete) futet në një tenxhere me ujë të ngrohtë (30 minuta), që të bymehet.

Më pas vendoset që të ziejë. Përzihet vazhdimisht me lugë druri që të mos ngjitet. I shtohet qumësht dhe lihet të ziejë edhe 2-3 minuta të tjera.

Hiqet nga zjarri dhe pasi ftohet, i hidhen vezë, djathë i thërrmuar dhe gjalpë.

Në një tavë të lyer me gjalpë shtrohet gjysma e petëve, të cilat spërkaten me disa pika gjalpë të shkrirë ose vaj ulliri.

Hidhet bollguri i përgatitur dhe sipër tij vendosen petët e tjera, spërkatet me gjalpë dhe futet të piqet në furrë.

Ndërkohë, bollgurin mund ta përgatisni edhe ndryshe.

Në këtë rast, përgatiten më pak petë.

Shtrohen petët dhe lihen me anët e varura jashtë tavës.

Pasi hidhet bollguri, petët anash mblidhen në rrudha, duke e lënë mesin e tavës të hapur.

Spërkatet me gjalpë edhe piqet.

Vezë të pjekura me lulelakër – Receta e lehtë që ju jep energji

Por të skuqurat sigurisht që nuk janë të shëndetshme, ndaj dhe AgroWeb.org merr shkas për t’ju treguar një metodë ndryshe.

Zakonisht omëletën e përgatisim të skuqur, pasi kërkon më pak kohë por edhe është shumë e thjeshtë.

Por të skuqurat sigurisht që nuk janë të shëndetshme, ndaj dhe AgroWeb.org merr shkas për t’ju treguar një metodë ndryshe.

Po aq e lehtë dhe pa mundim sa dhe omëleta klasike, por do t’ju duhet ta piqni.

Lexoni shkurt hapat e përgatitjes dhe shijojeni që sot pasi do t’ju japi energji gjatë gjithë ditës.

Përbërësit

6 vezë

600 g lulelakër

100g djathë kaçkavall

1 lugë gjelle vaj ulliri

Pak kripë

Përgatitja

AgroWeb.org ju sugjeron që fillimisht të ndizni furrën në 180 gradë kështu do të shkurtoni kohë.

Tani filloni të pastroni lulelakrën duke e qëruar dhe ndarë në tufëza të vogla.

Shpëlajeni mirë dhe futeni në një tenxhere të mbushur me ujë.

Lëreni tenxheren të ziejë në zjarr mesatar për 3-4 minuta.

Pasi uji të ziejë largojeni menjëherë lulelakrën dhe futeni në një tas me ujë të ftohtë.

Një proces i tillë nuk lejon që lulelakra të zbutet më shumë seç duhet.

Tani ju ka mbetur vetëm të rrihni vezët dhe t’i përzieni me tufëzat e lulelakrës dhe djathin.

AgroWeb.org ju sugjeron që me një letër kuzhine të thani mirë ujin e tepërt që mund të kenë mbledhur copat e lulelakrës.

Tregoni kujdes kur t’i përzieni me vezët pasi nuk dihet që t’i thërrmoni.

Shtoni vajin e ullirit dhe kripën sipas dëshirës dhe kalojeni në tavën që keni përzgjedhur.

Mos e drejtoni me lugë apo pirun, por tundeni lehtë tavën derisa tufëzat e lulelakrës të jenë drejtuar.

Futeni për ta pjekur në furrën e ngrohur më parë për 15-20 minuta.

Vezët do të mpiksen e të piqen shumë shpejt, ndërkohë që lulelakra do të marrë shijen perfekte.

Nëse e dëshironi pak më krokante këtë recetë mund ta përgatisni dhe me lulelakër të freskët.

Vetëm AgroWeb.org ju sugjeron që të shtoni një gotë qumësht për të ndihmuar në pjekjen e lulelakrës.

Pasi të jetë pjekur lëreni të ftohet pak dhe shërbeheni të ngrohtë duke e shoqëruar me sallatë të freskët.

Omëletë me majdanoz dhe djathë – E lehtë plot shije

Gjithashtu kjo omëletë përgatitet duke i ndarë të bardhat e vezëve nga të kuqet.

Omëleta sigurisht është një zgjidhje e duhur kur kërkon diçka të shpejtë për të përgatitur.

Ajo mund të përgatitet me perime, gjizë, apo edhe suxhuk, dhe kthehet në një drekë të plotë.

Receta e sotme nga AgroWeb.org është një version më i lehtë i omëletës klasike.

Gjithashtu kjo omëletë përgatitet duke i ndarë të bardhat e vezëve nga të kuqet.

Një gjë e tillë bën që vezët të piqen duke u fryrë.

Majdanozi nga ana tjetër krijon një ndjesi dhe shije freskie, perfekte për ata që kërkojnë të ruajnë peshën e tyre.

Përbërësit

6 vezë

1 lugë e gjysmë çaji me miell

120g djathë i bardhë i thërrmuar

60ml qumësht

3 lugë gjelle vaj ulliri

40g majdanoz i grirë

Kripë dhe piper i zi

Përgatitja

AgroWeb.org si fillim ju këshillon që të ngani të bardhat nga të verdhat e vezëve në dy tasa të ndryshëm.

Të verdhat rrihini me një pirun dhe aty shtoni pak nga pak djathin e bardhë të thërrmuar dhe miellin.

Sigurohuni që mielli të jetë lidhur mirë me vezët e të mos ketë krijuar kokrriza.

Më pas shtoni qumështin, kripën dhe piperin sipas dëshirës.

Rrihini vezët përsëri me pirun derisa të gjithë përbërësit të jenë lidhur mirë me njëri – tjetrin.

Shpëlani me ujë të bollshëm majdanozin dhe këpusni vetëm gjethet e tij.

Filloni t’i grini jo shumë imët, në mënyrë që të shija e tij të ndihet mjaftueshëm kur ta konsumoni.

Tani AgroWeb.org ju këshillon që të rrihni të bardhat e vezëve derisa të keni formuar merengen.

Mos harroni t’i hidhni pak kripë të bardhave, kështu nuk do të lëshohen e të bëhen të ujshme.

Nisni t’i bashkoni me të verdhat duke i shtuar lugë-lugë.

Përziejini me kujdes në mënyrë që të mos humbasin volumin e tyre.

Me pas vendosni në zjarr një tigan me vajin e ullirit që të ngrohet.

NJë nga gabimet më të shpeshta që bëhet me vezët është që ato hidhen kur vaji nuk është ngrohur ende.

Ndaj AgroWeb.org ju këshillon që të prisni sa vaji të jetë në temperaturën e duhur.

Kalojeni masën në tigan dhe mbulojeni me një kapak që të skuqet në zjarr të ngadaltë.

Kthejeni nga ana tjetër me ndihmën e një pjatë e më pas skuqeni përsëri.

Pasi të jetë gati, mund ta shoqëroni me tarator, kos apo sallata të freskëta.