VOAL

VOAL

Please Wait ...
0%

Peshku – shumë i dobishëm për zemrën

By | December 17, 2015

Komentet

Çfarë ndodh me organizmin nëse hani arra para ushqimit

Arrat përmbajnë amino acide që e pastrojnë mëlçinë në mënyrë efikase dhe largojnë toksinat.

Arrat kanë dyfishin e antioksidantëve në krahasim me të gjithë arrorët e tjerë dhe e çlirojnë organizmin nga radikalet e lira të cilat dëmtojnë qelizat dhe shkaktojnë sëmundje.

Sipas ekspertëve, arrorët janë përgjithësisht të pasur me acide yndyrore, vitamina dhe proteina.

Megjithatë ekspertët e ushqimit shpjegojnë se njerëzit nuk hanë arrorë mjaftueshëm.

Një studim i fundit, të cilit i referohet AgroWeb.org, doli në përfundimin se njerëzit duhet të hanë të paktën tetë arrra në ditë.

Sipas të dhënave, konsumi i arrorëve parandalon sëmundjet e zemrës, diabetin e tipit 2 dhe pandalon radikalet e lira.

Në veçanti, ngrënia e tetë arrave në ditë ju mbron nga sëmundjet e zemrës.

Ndaj ato konsiderohen si një ndër ushqimet më të shëndetshme për njeriun.

Përveç të pasurit shumë antioksidantë, arrat përmbajnë fibër, proteinë, vitamina dhe minerale.

Shëndeti Mendor, Antioksidantët Dhe Arrat 

Një nga aspektet më interesante të arrave, është roli i tyre në përmirësimin e shëndetit mendor.

Arrat ndezin plot tridhjetë transmetues nervorë për trurin.

Një studim amerikan, analizoi përmbajtjen e antioksidantëve të 10 arrorëve të ndryshme.

Nga të dhënat e AgroWeb.org, autorët e studimit zbuluan se arrat ishin më të pasur se kikirikët, bajamet, fistikët dhe arrorë të tjerë.

Sipas tyre, antioksidantët që gjenden tek arrat janë 15 herë më të fuqishëm se vitamina E.

Njerëzit i shmangin arrat me idenë se ato përmbajnë yndyrna.

Por këto yndyrna janë polio-të-pangopura dhe mono-të-pangopura të cilat mbrojnë enët e gjakut.

Shkencëtarët amerikanë shpjeguan se mjaftojnë tetë arra në ditë për të marrë përfitimet maksimale.

Sipas tyre, duke ngrënë tetë arra para buke, njeriu mund të humbë peshën e tepërt, sepse arrat nxisin ndjesinë e ngopjes afatgjatë.

Duke konsumuar tetë arra çdo ditë me stomak bosh, pra para ngrënies, njeriu do të përfitojë proteinë dhe minerale të nevojshme.

Arrat janë të pasura me kalium, magnez, fosfor, hekur, vitaminë C dhe B, të cilat e mbajnë organizmin të fortë e të shëndetshëm.

Tavë speciale me patate dhe presh – Shije perfekte në tryezë

Kjo recetë është fantastike dhe mund të përgatitet me perime të ndryshme sipas dëshirës.

Me shije të mrekullueshme, me aromë fantastike që mbush gjithë shtëpinë ashtu si dhe nxit nepsin për t’u ulur menjëherë në tryezë.

Një recetë ideale, që përgatitet krejt lehtë vetë në shtëpi për një drekë fantastike dhe shije plotë, të cilën AgroWeb.org e sjell më poshtë.

Kjo recetë është fantastike dhe mund të përgatitet me perime të ndryshme sipas dëshirës.

Përgatitja e Tavës me Patate dhe Presh

Përbërësit

(Përbërësit më poshtë janë për 4-5 persona)

4 kokrra patate mesatare

1 kokërr qepë

400 gr presh

Pak gjalpë të freskët

300 gr mish të grirë (nëse dëshironi)

Vaj ulliri

2 kokrra domate,

Majdanoz,

Kripë,

Piper i zi,

Për përgatitjen e salcës: 4 kokrra vezë, çerek filxhan çaji me krem qumështi (pana), një thelpi hudhër e shtypur, erëza, majdanoz i grirë hollë, kripë, piper.

Përgatitja

Si fillim, AgroWeb.org ju udhëzon që të qëroni dhe të prisni patatet në feta rrumbullake me trashësi 0.5 cm ose nëse preferoni në kubikë jo shumë të vegjël.

Vendosni një tenxhere me ujë në zjarr dhe sapo uji të marrë një valë vendosni aty fetat e patateve dhe lërini të ziejnë për 5 minuta.

Pasi t’i keni zierë patatet për 5 minuta largojini nga zjarri, kullojini nga uji dhe lërini mënjanë duke i spërkatur me pak kripë.

Më pas, kaurdisni preshin e prerë në feta rreth 1 cm me vaj ulliri. Shtoni pak kripë e piper  dhe pasi preshi të zbutet mirë pak largojeni nga tigani.

Ndërkohë në tiganin ku kaurdisët preshin, shtoni qepën e grirë hollë, shtoni dhe pak vaj ulliri, kaurdiseni derisa volumi i saj të bjerë.

Në këtë moment, AgroWeb.org ju udhëzon të shtoni mishin e grirë (nëse dëshironi), kaurdiseni për disa minuta.

Shtoni më pas domatet e grira, kaurdisini të gjitha bashkë dhe rregullojeni masën me kripë, piper dhe majdanoz të grirë hollë.

Shtoni një gotë me ujë dhe kaurdiseni herë pas here derisa uji të avullojë.

Merrni një tavë dhe lyejeni me pak vaj ulliri, vendosni me rradhë fetat apo kubikët e patateve, më pas salcën me mish të grirë dhe në fund rrathët e preshit.

Për salcën, rrihni 4 kokrra vezët me kremin e qumështit, hudhrën e shtypur, majdanozin e grirë hollë, kripën dhe piperin.

Mbulojeni  të gjithë tavën në sipërfaqe me salcën e përgatitur me qumësht dhe vezë.

Piqeni në furrë të parangrohur në 200 gradë derisa sipërfaqja e tavës të marrë ngjyrën e kuqërremtë të pjekjes.

Kjo tavë përgatitet me të gjitha llojet e perimeve të tjera, si me patëllxhanë, patate apo edhe kungulleshka etj

Si të dalloni nëse kripa dhe sheqeri përmbajnë shkumës pluhur

Kripa dhe sheqeri janë dy nga produktet e përdorimit të përditshëm të cilat në shikim të parë duken të pamanipuluara.

Manipulimet në industrinë ushqimore po bëhen gjithnjë e më të frikshme në ditët e sotme.

Në shumë vende, konsumatorët përballen me produkte të falsifikuara që rrezikojnë jetën dhe shëndetin e tyre.

Edhe në Shqipëri çështja e sigurisë ushqimore është problematike.

Ngjyruesit e ndryshëm janë tashmë një realitet i frikshëm, pavarësisht dëmit që ato shkaktojnë në shëndet.

Një nga substancat më të përdorura për falsifikimin e ushqimeve është pluhuri i shkumësit.

Sipas të dhënave të AgroWeb.org, ai përdoret për falsifikimin e miellit, kripës dhe sheqerit, ndërkohë që pluhuri i kuq i tullës përdoret për specat djegës pluhur.

Falsifikimi i ushqimeve me pluhura të tillë të rrezikshëm, mund të shkaktojë në rastin më të zakonshëm helmim në gjak dhe në rastin më të keq sëmundje nga më kroniket apo raste fatale.

Si Të Dalloni Nëse Ushqimet E Blera Janë Të Falsifikuara

Kripa dhe sheqeri janë dy nga produktet e përdorimit të përditshëm të cilat në shikim të parë duken të pamanipuluara.

Megjithatë, sipas të dhënave të AgroWeb.org, të shumta janë rastet kur ato dhe shumë produkte të tjera janë zbuluar të jenë përzier me shkumës pluhur ose substanca të tjera falso.

Kripa

Merrni një lugë gjelle ose çaji me kripë dhe hidheni në një gotë me ujë.

Përziejeni për disa minuta.

Nëse tretësira bëhet e bardhë ndërkohë që grimca të vogla bien në fund të gotës, atëherë kripa ka në përmbajtjen e saj shkumës pluhur.

Nëse tretësira është e qartë dhe e pastër, atëherë është kripë e pastër.

Sheqeri

Nëse hidhni një lugë gjelle sheqer në një gotë të mbushur me ujë, ai do të fundoset plotësisht.

Nëse sheqeri është i përzier me shkumës pluhur, grimcat e shkumësit do të dalin në sipërfaqe.

AgroWeb.org ju këshillon ndër të tjera të lexoni me kujdes etiketat e çdo produkti pasi ngjyruesit dhe ëmbëlsuesit shtesë janë shumë të dëmshëm.

Mbi të gjitha mundohuni të reduktoni sheqerin e kripën pasi gjithsesi dëmtojnë organizmin.

Farat e vogla chia – Të mira për zemrën dhe diabetin – Ideale si burim proteinash

Kërkime studimore tregojnë se farat chia janë të dobishme për pacientët mbipeshë dhe të prekur nga diabeti i tipit 2.

Fara Chia janë fara të vogla të zeza nga bima Salvia Hispanica. Kjo bimë është në të njëjtën familje botanike me bimën e sherebelës që rritet gjerësisht në Shqipëri.

Që në kohë mjaft të vjetra, fara chia (lexohet çia) janë konsideruar si një burim i fortë energjie.

Edhe pse shumë të vogla, farat chia përmbajnë disa lëndë ushqyese tejet të rëndësishme. Farat Kia janë të shumë të pasura me fibra, që ndihmon me ngopjen dhe ndjenjën e plotësisë.

Vetëm 25g fara chia përmbajnë rreth 9g fibra. AgroWeb.org raporton se sasia e përditshme e rekomanduar e fibrave është 30g/ditë.

Kështu që duke përfshirë 25g fara chia çdo ditë mund të jetë një kontribut i dobishëm për shëndetin.

Fibra është e rëndësishme për një sistem të shëndetshëm të tretjes dhe shumë prej nesh nuk e arrijnë objektivin e rekomanduar.

Farat Chia përmbajnë gjithashtu omega-3 bimore, alfa acid linolenik (ALA).

Farat Chia ofrojnë shumë proteina ndaj janë një burim i dobishëm i proteinave bimore.

Kombinimi i yndyrës, proteinave dhe fibrave nënkupton se farat treten relativisht ngadalë, duke siguruar një lëshim të gjatë dhe të ngadaltë të energjisë për të mbajtur nivelet e sheqerit në gjak të qëndrueshëm.

Farat janë të pasura me minerale të tilla si kalciumi dhe magneziumi madje edhe mangani që ndihmon në krijimin e enzimeve.

A mund të zvogëlojnë rrezikun e diabetit dhe sëmundjeve të zemrës?

Në foto gjeni të ilustruara Farat Chia. Foto: Flickr

Farat Chia përmbajnë fibra, proteina dhe yndyrna të pangopura. AgroWeb.org tregon se të gjitha këto janë të njohura për të garantuar një zemër të shëndetshme dhe nivele të qëndrueshme të sheqerit në gjak.

Disa kërkime studimore tregojnë se farat chia janë të dobishme për pacientët mbipeshë dhe të prekur nga diabeti i tipit 2.

Sa fara chia duhet të konsumoni në ditë?

Këshillohen dy doza ditore, secila e përbërë nga 20 gram (një lugë gjelle plot) fara Chia.

Shkencëtarët theksojnë se aktiviteti antioksidues i farave chia është më i lartë se çdo ushqim tjetër, madje edhe boronica.

A bën një ndryshim në qoftë se i hani ato të papërpunuara, të zhytura në ujë, të gatuara apo të bluara?

Farat Chia ka një shije neutrale në krahasim me farat e kungullit. AgroWeb.org këshillon se një mënyrë e mirë për t’i ngrënë ato është t’i zhysni ato në ujë ose qumësht dhe t’i vendosni në frigorifer për të paktën 2 orë (ose gjatë gjithë natës).

Farat thithin lëngjet për të formuar një xhel që siguron një përthithje shumë të mirë të vlerave në shëndet. Në këtë formë mund t’i përdorni edhe në çajra ose me mjaltë.

Farat chia mund të blihen të bluara ose këtë mund ta bëni vetë në një mulli kafeje.

Këto fara përdoren edhe si zëvendësim për miellin në pjekjen e bukës ose ëmbëlsirave.

Pjekja e farave Chia i shton atyre shijen. Farat e pjekura shtohen në sallata ose në majë të drithërave të mëngjesit.

Sigurohuni që furra ose vatra e gatimit të jetë në një temperaturë të ulët. Hidhini farat në tigan ose tepsi, duke u siguruar që të mos digjen, pasi kjo degradon vajrat esencialë dhe ndryshon aromën.

Në përgjithësi, fara chia mund të hahen njëlloj të papërpunuara ose të përpunuara. Farat Chia i gjeni në markete ose në dyqanet e produkteve organike.

Komposto me ftonj – Merrni recetën më të mirë si ta bëni vetë lehtësisht në shtëpi

Kjo është stina perfekte për të përgatitur këtë recetë të lehtë kompostoje me ftonj.

Njësoj si mollët dhe dardhët, kompostoja e ftoit ka një aromë dhe shije që të mrekullon.

Kompostoja e ftoi është perfekte për t’u servirur si një ëmbëlsirë e vetme por dhe mund ta përfshini në shumë receta të tjera.

Ngjyra e veçantë e bën akoma dhe më special këtë recetë, dhe gjithmonë lë një përshtypje tek të afërmit apo miqtë tuaj.

AgroWeb.org ju tregon metodën më të thjeshtë e përgatitjes së kompostos së shijshme të ftoit.

Në vetëm tre hapa, ju do të mrekulloheni me shijen e saj.

Përbërësit

500 ml ujë

200 g sheqer

1 kg ftonj

1/2 limoni i shtrydhur

Përgatitja

Hapi i parë i recetës lidhet me përgatitjen e shurupit që do të përdoret në komposto.

Në një tenxhere të madhe kombinoni ujin me sheqerin dhe vendosini në zjarr për të zierë.

AgroWeb.org ju këshillon që të përzjeni derisa kokrrizat e sheqerit të jenë tretur plotësisht.

Kur të fillojë të vlojë, lëreni dhe për një minutë të plotë dhe largojeni nga zjarri.

Tani do të përgatisni ftonjtë.

Ndërkohë mbushni një tas me ujë të ftohtë dhe shtoni lëngun e limonit. Qëroni ftonjtë, ndajini në katër pjesë dhe hiqini pjesën me fara.

Vendosini në tasin me ujin dhe lëngun e limonit, kështu do të parandaloni që ftonjtë të vyshken.

Pasi shurupi të jetë përgatitur, shtoni ftonjtë dhe tenxheren vendoseni sërisht në zjarr përreth 50 minuta, ose derisa ftonjtë të jenë zbutur.

AgroWeb.org ju sugjeron që me ndihmën e një piruni mund t’i provoni nëse ftonjtë janë gati.

Më pas largojeni nga zjarri tenxheren, dhe lëreni të ftohet në temperaturë ambjenti. Nëse dëshironi për më shumë aromë e shije, pasi e hiqni tenxheren nga zjarri mund të shtoni një shkop kanelle apo pak vanilje.

Nëse dëshironi mund ta kaloni në një enë të qelqtë dhe ta ruani në frigorifer.

Kjo komposto mund të shërbehet dhe e ngrohtë, ose si shoqëruese e ndonjë keku shtëpie.

Ju mbetet t’i shijoni me familjarët dhe miqtë tuaj.

Petulla të sheshta me miell misri dhe djathë të bardhë – Receta me shije unike

Përgatitja e petullave është një nga traditat më të dashura për amvisat.

Të ëmbla, me djathë apo fruta, mënyrat e përgatitjes janë të pafundme, mjafton vetëm që të zgjidhni se cilën dëshironi.

AgroWeb.org ju shton dhe një tjetër recetë për përgatitjen e petullave, kësaj radhe mielli i misrit është përbërësi kryesor.

Të shpjeta dhe me pak mundim, këto petulla janë perfekte për t’i përgatitur në çdo orë të ditës.

Përgatitja e Petullave të Sheshta me Miell Misri

Përbërësit

200 gr miell misri

50 gr miell gruri

2 vezë

Gjysmë gotë më qumësht

djathë i thërmuar

Vaj për skuqje

Përgatitja

Në një tas përzjeni miellin e misrit dhe miellin e grurit.

Në mes hapni një vend me dorë dhe hidhni vezët dhe djathin e thërmuar dhe përzjejini me ndihmën e telit të kuzhinës.

Më pas shtoni qumështin e nevojitur për recetën dhe përsëri përzjejini me telin e kuzhinës në mënyrë që të krijojnë një masë homogjene.

Brumi i formuar do të ketë trashësinë e petullave të zakonshme, por nëse e gjykoni që e leni pak më të trashë mund t’i shtoni dhe pak qumësht.

Po ashtu edhe nëse brumi ju duket pak i lëngshëm, atëherë AgroWeb.org ju këshillon të shtoni dhe pak miell misri.

Pasi brumi të ketë formuar një masë të plotë, mbulojeni me një pecetë dhe lëreni përreth 30 minuta.

Në një tenxhere shtoni vajin për skuqje dhe vendoseni në zjarr.

Me ndihmën e një luge merrni brumin e përgatitur dhe hidheni në tenxhere kur vaji të jetë në temperaturën e duhur.

AgroWeb.org ju këshillon që petullat t’i ktheni nga të dyja anët, në mënyrë që të marrin një ngjyrë të artë.

Në një pjatë të madhe vendosni disa letra kuzhine dhe vendosni aty petullat që skuqni.

Letrat e kuzhinës do të përthithin yndyrën e tepërt, duke i lënë petullat krokante dhe të shijshme.

Këto petulla mund t’i shërbeni për mëngjes, por nëse dëshironi mund t’i konsumoni për çdo vakt.

Zupa të shijshme me shegë – Receta me ëmbëlsi të lehtë

Kjo recetë kërkon kujdesin dhe mjeshtërinë e amvisave për t’u përgatitur.

Ndryshe nga zupa tradicionale kjo është një recetë ndryshe, krejt e veçantë në shije dhe me një ëmbëlsi shumë të lehtë.

Kjo recetë kërkon kujdesin dhe mjeshtërinë e amvisave për t’u përgatitur, por në fund shija e saj do t’ju mrekullojë tërësinë me ëmbëlsinë e saj të lehtë.

Përbërësit për 5 racione

Për kremin e qumështit

300 ml pana

125 ml qumësht

70 g të bardha vezësh (afërsisht dy)

70 g sheqer

½ e pakos me vanilie

Një majë luge kafeje me kripë

Për kremin e shegës

2 filxhanë çaji me kokrra shege

2 filxhan kafeje ujë

2 lugë gjelle me nisheshte misri

2-3 lugë gjelle sheqer

2 lugë çaji gjalpë të freskët

Përgatitja e kremit të qumështit

Në një tenxhere hidhni qumështin dhe panën dhe vendoseni në zjarr mesatar.

Më pas shtoni vaniljen dhe me telin e kuzhinës rrihini, në mënyrë që vanilja të tretet me qumështin dhe panën.

Shtoni sheqerin dhe kripën, masa duhet të qëndrojë në zjarr derisa të fillojë të zjejë.

AgroWeb.org ju këshillon që ta përzjeni herë pas here që të siguroheni që kokrrizat e sheqerit të jenë shkrirë plotësisht.

Më pas hiqeni nga zjarri dhe lëreni që të ftohet, duhet të afrohet me temperaturën e ambjentit.

Në këtë pikë duhet të shtoni të bardhat e dy vezëve, kini kujdes që masën ta përzjeni gjatë gjithë kohës.

Duhet të siguroheni që të bardhat e vezëve të jenë bashkuara plotësisht me përbërësit e tjerë.

Këtë masë ndaheni në pesë tasa të vegjël alumini me ndihmën e një site apo kulloreje të vogël, që të shmangni kokrrizat e patretura.

Përgatitja e kremit të shegës

Vendosni kokrrat e shegës në mikser, shtoni dhe filxhanin e kafesë me ujë. Kalojini në mikser derisa masa të bëhet tërësisht e lëngshme dhe kokrrat të treten plotësisht.

Bashkoni sheqerin dhe niseshtenë në një tas.

Ndërkohë masën e shegës që keni kaluar në mikser vendoseni në një kulloëre duke shtypur përmes një luge masën në mënyrë që të kullojë lëngu dhe farat të mbeten në sitë.

Pasi të keni filturuar lëngun e shegës, shtojeni tek tasi ku keni sheqerin dhe niseshtenë dhe përzieheni mirë derisa masa të njëtrajtësohet.

Hidheni këtë masë në një tenxhere të vogël, vendoseni në zjarr dhe trazojeni derisa masa të bëhet xhelatinoze.

Kur masa të nisë të trashet shtoni gjalpin vijoni të përzieni pa ndërprerje derisa të krijohet një masë kremoze.

Përgatitja e Zupës

Merrni pesë tasa, vendosini në një tavë mesatare dhe shtoni ujë të nxehtë derisa të keni mbuluar ¾ e tasave.

Në çdo tas hidhni si fillim nga pak nga kremi i shegës duke e shpërndarë në mënyrë të barabartë në të gjithë tasat.

Më pas, mbushini tasat me kremin e qumështit dhe piqeni në banjomari për 65 minuta me 160 gradë Celsius.

Zupa duhet të jenë mpiksur totalisht dhe të ketë marrë një faqe afërsisht të artë në sipërfaqe.

Pasi të jenë pjekur, nxirrini nga furra dhe lërini në tavë derisa të jetë ftohur uji.

Më pas vendosini në frigorifer përreth dy orë.

Kur t’i shërbeni, nxirrini nga frigoriferi dhe me ndihmën e një thike të lagur me ujë të ngrohtë, ndajeni nga buzët e tasit.

Kthejeni në një pjatë njësoj siç veprohet me krem karamelin.

Sipër mund t’i shtoni disa kokrra të freskëta shege.

Kjo ëmbëlsirë mund të ruhet deri në dy ditë në frigorifer nëse është e mbuluar mirë./AgroWeb.org

Fiq të thatë me qumësht – Si t’i përdorni për shëndetin e mirë të organizmit

Ky trajtim vlerësohet për gjithë shëndetin e organizmit ndërsa garanton tretjen e mirë.

Kjo kurë e vjetër natyrale e përdorur prej shekujsh është ajo e fiqve të thatë dhe qumështit.

Ky trajtim vlerësohet për gjithë shëndetin e organizmit ndërsa garanton tretjen e mirë.

Problemet me tretjen shkaktojnë shumë probleme në organizëm duke ndikuar edhe në shendetin e organeve të tjera.

Kjo kurë, të cilën AgroWeb.org e sjell më poshtë është e pasur me sasi të mëdha fibre dhe ushqyes të cilët ndihmojnë tretjen.

Ndaj dhe kjo kurë rekomandohet më së shumti për personat që kanë probleme me tretjen.

Përgatitja dhe Përdorimi i Trajtimit

Për këtë kurë mjaftojnë 2-3 fiq të thatë, të cilët copëtojini dhe futini në një xhezve ku keni hedhur një gotë qumësht. Lërini të ziejnë për 5-6 minuta.

Më pas largojeni nga zjarri dhe konsumojeni të ngrohtë ndërkohë copat e fiqve të thatë konsumojini gjithashtu.

Rekomandohet që të konsumohet një orë para se të flini.

Vlerat Shëndetësore Të Fiqve Të Thatë

Fiqtë, të thatë dhe të freskët kanë efekt laksativ në organizëm sepse janë shumë të pasur me fibër dietike.

Këto fruta janë shumë efikasë për rënien në peshë.

Fiqtë janë një alternativë e shkëlqyer për trajtimet terapeutike të njerëzve që janë alergjikë ndaj produkteve të bulmetit.

Këto fruta janë një burimet më të pasura bimore të kalçiumit.

Fiqtë e thatë janë jashtëzakonisht të pasur me antioksidantë.

Studimet më të fundit që AgroWeb.org disponon konfirmojnë se konsumi i vetëm 2 fiqve të thatë në ditë, ofron përmirësim të ndjeshëm të sasive të antioksidantëve në organizëm.

Fiqtë përmbajnë edhe sasi të mëdha të kaliumit.

Ky mineral është i dobishëm për rregullimin e tensionit të gjakut dhe funksioneve të tjera të organizmit.

Sipas të dhënave të AgroWeb.org prania e acideve yndyrore omega-3 dhe omega-6 ndihmon në parandalimin e atakut në zemër dhe mirëmbajtjen e tensionit të gjakut.

Prania e vitaminës C tek fiqtë zbardh lëkurën e fytyrës dhe i jep asaj shkëlqim dhe shëndet.

Fiqtë janë të këshillueshëm edhe për problemet me gjumin sepse përmbajnë tryptophan.

Për më tepër, vitamina B6 tek fiqtë vjen në ndihmë nëse vuani nga të përzierat e mëngjesit.

Shegë dhe mjaltë – Dy superfuqi bashkë për rigjenerimin e qelizave

Shega, ky superfrut me fara të kuqe si rubini, është shumë i pasur në vlera që ushqejnë dhe mbrojnë organizmin nga koka tek këmbët.

Kokrrat e kuqe të shegës konsiderohen edhe si çelësi i një lëkure të shëndetshme dhe plot shkëlqim rinor.

Shega e ushqen lëkurën në disa shtresa sepse është shumë e pasur me vitaminë C.

Vajrat esencialë të shegës promovojnë rigjenerimin e epidermës dhe riparimin e dëmtimeve nga radikalet e lira dhe dielli.

Sipas  të dhënave të AgroWeb.org, shega është shumë e pasur me antioksidantë të cilët ngadalësojnë plakjen duke nxitur prodhimin e kolagjenit.

Maska Me Shegë Dhe Mjaltë Për Një Lëkurë Rinore

Për përgatitjen e kësaj maske ju nevojiten:

1 lugë gjelle me masë kremoze nga kokrrat e shegës.

1 lugë gjelle me mjaltë.

Përgatitja:

Hidhni kokrra të rreth gjysmës së një shege mesatare në një mikser dhe përziejini deri sa të formoni një lugë nga kjo masë e kuqe.

Më pas shtoni mjaltin dhe përziejini sërish deri sa masa të jetë e njëjtrajtshme.

Vendoseni maskën në fytyrë dhe mbajeni për 30 minuta.

Më pas lajeni fytyrën me ujë.

Kjo maskë duhet bërë dy ose tre herë në javë.

Kombinimi Magjik I Mjaltit Me Shegën

Mjalti është një produkt shumë i mirë për lëkurën.

Ai e ushqen lëkurën në thellësi, e pastron atë nga aknet dhe bakteret dhe ngadalëson plakjen.

Sipas informacioneve tue AgroWeb.org, mjalti dhe shega janë të shumë të pasur me antioksidantë dhe ngadalësojnë plakjen.

Të dy produktet së bashku e hidratojnë, ushqejnë dhe zbusin lëkurën duke i dhënë asaj nur dhe shkëlqim rinor e të shëndetshëm.

Shega dhe mjalti janë ndër përbërësit kryesorë të kurave më të lashta të bukurisë të praktikuara nga mbretëresha e gra fisnike të të gjitha kohërave.

Vlera Të Tjera Të Mjaltit Dhe Shegës

Shega luan një rol thelbësor në sekretimin e enzimave në sistemin tretës.

Nëse përzieni 250 ml lëng shege me një lugë çaji me mjaltë dhe e pini atë rregullisht do të përmirësoni tretjen.

Nëse përzieni nga një lugë gjelle me lëng shege, lëng xhenxhefili dhe mjalti do të përfitoni një shurup të jashtëzakonshëm që lufton kollën dhe të ftohurën në mënyrë natyrale

Pite e shijshme me rozmarinë dhe vaj ulliri e pjekur në furrë

Pitet janë të mrekullueshme në të gjitha recetat, si të mbushura me gjizë, mish apo perime ashtu dhe të skuqura.

Por mbase përgatitja e tyre me rozmarinë mund të jetë më e preferuara dhe më aromën më mahnitëse nga të gjitha.

Mund të shërbehen si mëngjes për fëmijët apo dhe për të shoqëruar vaktet e ngrohtë në familje.

Përgatitja e tyre është shumë e lehtë, me pak përbërës por me një shije dhe aromë perfekte.

AgroWeb.org ju sugjeron që sot të provoni recetën e piteve me rozmarinë.

Përbërësit

500 g miell

5 g maja e thatë

16 g sheqer

230 g ujë me temperaturë ambjenti

115 qumësht

45 g vaj ulliri

12 g kripë

Rozmarinë (sasia sipas dëshirës)

Përgatitja

Për të përgatitur këtë recetë si fillim përzjeni majanë, sheqerin dhe kripën e më pas shtojani miellit që e keni hedhur në një tas.

Me telin e kuzhinës do të përzjeni ngadalë masën ndërkohë që i shtoni qumështin dhe ujin.

Kur masa të jetë lidhur, hidhni vajin e ullirit dhe vazhdoni ta punoni.

Kur të jetë formuar një brumë i butë largojeni nga tasi dhe vendoseni në tavolinë të spërkatur me pak miell.

Punojeni me duar derisa sipërfaqja e tij të jetë e lëmuar. Vendoseni në një tas dhe mbulojeni me qese kuzhine dhe lëreni që të fryhet përreth 2 orë.

Pasi të ketë kaluar koha e nevojshme kalojeni përsëri brumin në tavolinë dhe me petës hapeni në madhësinë e tavës ku do ta piqni.

Kalojeni tek tava e lyer më parë me vaj ulliri dhe shtypeni lehtë me gishta sa për të formuar disa vrima të lehta.

Me një lugë spërkateni sipërfaqen e saj me vaj ulliri dhe me rozmarinë.

Vendoseni në furrë për ta pjekur në temperaturë 180 gradë përreth 35-40 minuta ose derisa të marri një ngjyrë të artë.

Kur të jetë pjekur mjafton ta nxirrni nga furra dhe ta shijoni.

Nëse doni të jeni të sigurt që po e shijoni ashtu siç duhet, AgroWeb.org ju këshillon që ta konsumoni të ngrohtë.

Por pitet me rozmarinë mund të ruhen në një enë me kapak dhe për dy ditë. Në këtë rast mund ta ngrohni në furrë para se ta konsumoni.

Shtrëngimet e forta të stomakut – Cilat janë zgjidhjet dhe trajtimet natyrale

Kamomili është një nga zgjidhjet më të mira bimore.

Dhimbja e stomakut është e zakontë, jo vetëm tek fëmijët por edhe tek të rriturit.

Shkaqet e kësaj dhimbjeje janë të shumta dhe përfshijnë urthin, aciditetin e lartë apo edhe fryrjet.

Dhimbja mund të shpaloset në momente krejt të papërshtatshme dhe të kap të papregatitur.

Më poshtë do të mësoni disa këshilla të AgroWeb.org për të larguar dhimbjen dhe për t’u ndierë më mirë.

Si Të Largoni Dhimbjen e Stomakut Në Mënyrë Natyrale

Shtrihuni

Qëndroni shtrirë ose të ulur në një pozicion ku ndieni më pak dhimbje.

Nëse dhimbja vjen si pasojë e mostretjes atëherë përpiquni të ecni për disa minuta.

Kujdes Me Ngrënien e Tepërt

Nëse e keni tepruar me ushqimin, atëherë duhet ta lejoni stomakun ‘të marrë frymë’.

Për të paktën një ditë pas dhimbjeve, përpiquni të ushqeheni vetëm me supa dhe sallata.

Kafshatat e vogla janë gjithashtu një mënyrë e mirë për të ndihmuar stomakun.

Çaj Kamomili

Ky çaj është i njohur për aftësitë qetësuese. Pini dy ose tre filxhanë me çaj kamomili në ditët kur keni probleme, për të larguar dhimbjen dhe përmirësuar tretjen.

Dushi i Ngrohtë

Dhimbjet e stomakut si pasojë e ciklit te femrat mund të trajtohen nëpërmjet një dushi të ngrohtë.

Po ashtu kompresat e ngrohta ose borsat me ujë të ngrohtë janë të rekomandueshme.

Çajrat Bimorë

Çaji me xhenxhefil dhe borzilok që në mëngjes parandalon dhimbjet e stomakut dhe lehtëson tretjen.

Çajrat bimorë funksionojnë edhe kundër dhimbjes që shoqërohet me diare dhe të përziera.

Ushqyerja e Shpeshtë

Hani vakte të vogla çdo dy ose tre orë.

Në këtë mënyrë, stomaku nuk do të tejmbushet dhe nuk do të dhembë.

Jini Të Vëmendshëm Ndaj Alergjive 

Përpiquni të identifikoni ushqimet që mund të shkaktojnë dhimbje stomaku pa dijeninë tuaj.

Disa njerëz janë alergjikë ndaj qumështit dhe nënprodukteve të tij apo grurit.

Ushqimet Me Fibër

Frutat dhe perimet janë të pasura me fibër dhe parandalojnë problemet me stomakun.

Fibra parandalon fryrjen dhe konstipacionin që vjen si pasojë e konsumit të ushqimeve me shumë yndyrë.

Pini Ujë

Dehidratimi por edhe uria shoqërohen me dhimbje në stomak. Sigurohuni që pini ujë gjatë ditës.

Ngrënia dhe pirja e rregullt parandalojnë dhimbjet e stomakut.

Po ashtu, qëndroni larg kripës dhe kryeni aktivitet fizik.

Shmangni Ushqimet Që Shkaktojnë Fryrje

Ushqimet si fasulet, brokoli, lulelakra dhe lakra shkaktojnë gazra dhe fryrje, ndaj duhen konsumuar më pak nëse stomaku juaj nuk i toleron.

Hiqni Dorë Nga Ushqimet me Yndyrë

Ushqimet e shpejta që janë të pasura me yndyrna dhe sheqer janë një barrë e rëndë për stomakun.

Përpiquni të hani ushqime të shëndetshme të gatuara në shtëpi.

Çelësi Është Tek Përtypja

Hani ngadalë, shijoni çdo kafshatë dhe përtypuni për të paktën 10 sekonda çdo kafshatë.

Në këtë mënyrë, mund të parandaloni jo vetëm fryrjet dhe problemet me tretjen por edhe urthin./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Supë brokoli me qumësht – E ngrohtë, e pasur në shije dhe vlera

 

Supa me brokoli dhe qumësht është receta më e mirë për të mbajtur trupin në formë.

Vlerat ushqimore, e bëjnë brokolin ndër perimet e gjelbra më të shëndetshme.

E kombinuar në një recetë supe me qumësht dhe e gatuar me disa përbërës të tjerë po aq të shëndetshëm siç është vaji i ullirit apo edhe patatet e karrotat, kjo pjatë është e mbushur plot me vlera shëndetësore krahas shijes së lehtë të saj.

Ndiqni më poshtë recetën e AgroWeb.org për supën me brokoli, për ta përgatitur atë krejt lehtë në shtëpi.

Si Ta Përgatisni Në Shtëpi

Përbërësit 

(Përbërësit më poshtë janë për 4-5 persona)

400 gr brokoli

4 lugë gjelle vaj ulliri

1 presh mesatar (përdorni vetëm pjesën e bardhë)

2 karrota

1 patate mesatare

700 ml lëng i nxehtë pule ose perimesh

Kripë

Majdanoz

Piper

1 lugë gjelle miell

200 ml qumësht

Përgatitja 

Si fillim, pastrojmë të gjitha perimet me ujë të rrjedhshëm.

Preshim e grijmë hollë, patatet dhe karrotat i qërojmë dhe i presim në kubikë të vegjël ndërsa ndajmë brokolin në degëza të vogla.

Në një tenxhere hedhim një lugë gjelle vaj ulliri e vendosim në zjarr dhe më pas shtojmë preshin e grirë hollë, e kaurdisim për 2-3 minuta derisa volumi të ulet pak.

Më pas shtojmë karrotat dhe patatet e prerë në kubikë, vijojmë t’i kaurdisim për pak.

Shtojmë lëngun e nxehtë të pulës ose perimeve dhe i lëmë të zjejnë bashkë përreth 30 minuta.

Për të përfituar maksimalisht nga vlerat e brokolit, AgroWeb.org ju sugjeron që t’i shtoni degëzat e brokolit 6 minutat e fundit që të ziejnë bashkë me përbërësit e tjerë të supës.

Në fund, vendosni një tigan në zjarr, kaurdisni miellin me pak gjalpë. Sapo mielli nis të zverdhet shtoni qumështin dhe përziejeni mirë dhe pa ndërprerje në mënyrë që të mos krijohen kokërriza.

Masën e krijuar me qumësht hidhjani supës dhe lërini në zjarr të marrin një valë për 4-5 minuta duke i përzjerë vazhdimisht.

Hiqeni nga zjarri dhe sipas preferencës mund ta fusni në mikser derisa të jetë përftuar një masë kremoze e supës.

Supën e rregullojmë me kripë dhe piper.

E hedhim në tasat e servirjes së supës, i spërkasim me vajin e ullirit dhe majdanoz të grirë hollë dhe e shërbejmë të ngrohtë dhe me bukë të thekur shoqëruar.

Nëse preferoni, kur ta servirni, supës mund t’i hidhni pak djathë kaçkavall të grirë apo karrota të vogla të grira, të freskëta, por edhe të ziera sipas preferencës.