VOAL

VOAL

Please Wait ...
0%

Përdorimet interesante të hirit në shtëpi dhe kopsht

By | February 8, 2019

Komentet

Përfitimet e birrës për kockat e grave janë më të mira se ato të qumështit

Sipas Qendrës Kombëtare të Vlerësimit të Riskut të Osteoporozës, duket se birra prodhohet vetëm për mirëqenien e femrave, pasi ofron më shumë përfitime sesa qumështi ose kalciumi.

Përfitimet e birrës për gratë: le t’i zbulojmë së bashku

Sa më shumë vite kalojnë, aq më e ndërlikuar bëhet ruajtja e densitetit të kockave. Sidoqoftë, me sa duket, tani e tutje, ne mund të mbështetemi te një aleat i pa dyshuar, siç është birra.

Por cilat janë përfitimet e saj?

Le të fillojmë duke thënë se jo vetëm që një gotë birrë ndihmon në përmirësimin e funksionimit të trupit, por e rrit atë pas një përpjekje fizike dhe kjo është veçanërisht e vërtetë për gratë.

Një shembull? Sipas një studimi shkencor, pirja madje edhe e një gote të vetme birre zvogëlon rregullisht shanset për thyerje. Dhe ky nuk është një avantazh i vogël, sepse ky lloj frakture lidhet ndjeshëm me një rënie të konsiderueshme të jetëgjatësisë së grave. Kjo është thënë nga një studim i kryer nga Neë England Journal of Medicine, i cili përfshiu rreth 12,000 gra të moshuara, me rezultate shumë interesante.

Rezultatet e hulumtimit befasues

Rezultatet e studimit nuk ishin të pabesueshme! Ata e lidhën konsumin e birrës me një probabilitet më të ulët të paaftësive njohëse dhe degjeneruese sesa ata që nuk e pinë atë. Merita shkon tek HOPS, përbërësi themelor i birrës, i cili ka veti të bollshme dhe të jashtëzakonshme medicinale dhe kozmetike. Kjo bimë speciale është një përbërës thelbësor në prodhimin e birrës.

HOPS: karakteristikat dhe përdorimet

I përket familjes së kërpit dhe kanabinoidit, ai vepron si një zëvendësues i një hormoni dhe madje zvogëlon sindromën e menopauzës. Në të kaluarën, ishte përdorur për efektet qetësuese dhe antiseptike dhe për vetitë fantastike antibakteriale. Në Evropë është veçanërisht i famshëm për shkak të vetive antidepresive dhe antioksiduese. Për më tepër, duke qenë një bimë kanabinoid ajo ka elemente psikoaktive.

Sidoqoftë, birra është një pije alkoolike dhe për këtë arsye është gjithmonë më mirë të shmangni ekzagjerimin sepse siç dihet, abuzimi i alkoolit është i dëmshëm si për trupin ashtu edhe për mendjen. Doza e rekomanduar nga ekspertët është pak më shumë se gjysmë gotë në ditë, moderimi, si gjithmonë, është sekreti për gjithçka. /Revista Psikologjia.

Accuweather: Ballkanin e pret një vjeshtë e tmerrshme

Stuhi të herëpashershme, përmbytje dhe rrëshqitje dheu. Kjo pritet të jetë situata gjatë vjeshtës. Ky ndryshim temperaturash raportohet nga shërbimi meteorologjik “AccuWeather”, ndërsa më të prekura do të jenë Italia dhe Ballkani.Sipas kësaj kompanie, parashikohet që stuhitë e rastit do të vazhdojnë në Itali dhe Ballkan gjatë vjeshtës, me shira të dendura, të cilët mund të shkaktojnë përmbytje dhe rrëshqitje dheu. Ndërsa vjeshta vazhdon, rreziku i stuhive të mëdha do të ulet, por rreziku i reshjeve të mëdha të shiut do të vijojë të jetë prezent.“AccuWeather” thekson se më së shumti reshje do të ketë në tetor dhe nëntor, dhe temperaturat pritet të qëndrojnë afër ose pak më të ulëta se zakonisht për këtë kohë të vitit.

 


Accuweather njofton gjithashtu mundësinë e depërtimit të ajrit të ftohtë nga lindja dhe veriu në fund të vjeshtës, i cili do të sjellë më shumë borë nga Hungaria dhe Rumania në Ballkan.“Shpesh moti i paqëndrueshëm do të ketë një ndikim negativ në bujqësi dhe aktivitete në natyrë në rajon”, tha meteorologu Taylor Royce.“AccuWeather” thekson në raport se ndryshe nga shumica e Evropës, ku temperaturat mbi normale mund të priten gjatë vjeshtës, një tranzicion më i mprehtë në mot më të ftohtë është i mundur në Evropën Lindore.

“Vjeshta mund të fillojë me temperatura të buta, por goditjet e masave të ajrit të ftohtë parashikohen të jenë më të shpeshta nga tetori deri në nëntor. Ndërsa nëntori vazhdon, temperaturat e ulëta do të ulen, sikur të ishte dhjetori ose janari”-thuhet në raport.

Ndërthurja e teknologjisë me fuqinë e trurit

Teknologjia e lidhur me forcën e trurit po ndihmon individët e paralizuar apo që kanë humbur gjymtyrët që të rifitojnë një pjesë të aftësive që kanë humbur.

Keven Walgamott ka një krah protezë që duket si e huazuar nga filmi Star Wars. Proteza “LUKE” faktikisht është frymëzuar nga krahu robotik i personazhit Luke Skywaker nga seriali ‘The Empire Strikes Back”.

Walgamont humbi dorën e majtë dhe një pjesë të krahut 17 vjetë më parë në një aksident elektrik. Ai është një nga shtatë pacientët në Universitetin Utah që po teston krahun Luke i cili u mundëson atyre të përdorin trurin për të kryer veprime delikate siç është kapja dhe lëshimi i vezës.

Krahu Luke ka 15 vite në zhvillim e sipër. Përmirësimi i fundit mundëson lidhjen me indet nervore në parakrahun e pacientit, nga ku përcillen të dhënat tek truri për të komanduar krahun. Kjo u mundëson atyre të kuptojnë se çfarë force të përdorin që nga shtrëngimi dorës apo këputja e një kokrre rrushi.

Shkencëtarët në Institutin Federal të Teknologjisë së Zvicrës kanë zhvilluar një sistem që i mundëson njerëzit me dëmtime të rënda të sistemit motorik që të kontrollojnë lojrat elektronike përmes mendimit. Samuel Kunz është pacient i paralizuar pas një aksidenti dhe ka dalë vullnetar për testimet.

“Po përpiqem të lëviz dorën dhe gishtat në mendjen time. Ndaj duhet të jem shumë i përqendruar.”

Ai po merr pjesë në një test për komunikimin e trurit me kompjuterin duke marrë drejtimin gjatë garave me makina në një lojë elektronike.

“Komunikimi mes gishtrinjve të mi dhe trurit nuk egziston më. Po përpiqem në mendjen time të lëviz gishtrinjtë dhe më duhet shumë përqendrim që të bëj të njëjtën gjë çdo herë.”

Imagjinata për të lëvizur dorën e tij të majtë bën që makina të kthehet majtas. Të menduarit rreth krahut të djathtë e kthen makinën djathtas dhe lëvizja e të dyja duarve njëkohësisht bën që makina të shkojë drejt.

Një komandë tjetër është kur pacienti ndjehet i pushuar dhe me mendje të qetë, bën që makina të ngadalësojë shpejtësinë. Këto sinjale transmetohen tek kompjuteri përmes elektrodave të vëna në kokën e pacientit. Dr. Rea Lehner punon për Institutin Federal të Teknologjisë së Zvicrës.

“Për të siguruar lidhjen mes trurit dhe kompjuterit nevojitet një përforcues, një kapak me elektroda që mat sinjalet e trurit të pacientit. Sinjali i trurit është tejet i vogël dhe sinjali i aktivitetit të muskulit është shumë i madh. Duhet të sigurohemi për të filtruar të gjitha aktivitetet e muskujve dhe të kemi vetëm sinjalin e pastër të trurit.”

Pacienti po praktikon kontrollin e lojës përmes trurit në mënyrë që të marrë pjesë në një kampionat special vitin që vjen të quajtur Cybathon, ku njerëzit me aftësi të kufizuara konkurojnë duke përdorur teknologjinë më të mirë.

Konkursi inagurues u mbajt në Zurih në vitin 2016.

Sfida më e madhe teknologjike është deshifrimi i sinjaleve komplekse të trurit duke përdorur sensorë që nuk e beazdisin njeriun. Gjenerata e ardhshme ndoshta do të ketë sensorë dhe elektroda që vendosen direk tek truri i pacientit. Synimi përfundimtar i hulumtimeve është të mundësojë individët me kufizime fizike që të kontrollojnë me fuqinë e trurit të tyre pajisje si karriget me rrota. za

Rreziqet e shëndetit që vijnë nga netët e nxehta – Si t’i parandaloni

Rreziku është i lartë gjatë natës kur njeriu është në gjumë dhe nuk është freskuar mjaftueshëm.

Kjo verë ka shënuar rekorde të temperaturave të larta përvëluese e të dëmshme për shëndetin.

Vapa, sipas të dhënave ku bazohet AgroWeb.org, është e rrezikshme dhe shpesh vdekjeprurëse, sidomos për të miturit dhe të moshuarit.

Sidoqoftë, rreziku për shëndetin nuk vjen vetëm nga vapa gjatë ditës por edhe temperaturat e nxehta gjatë natës.

Rreziqet Për Shëndetin Nga Vapa e Natës

Drobitja nga vapa është më se e zakonshme jo vetëm gjatë ditës por edhe natën. Ajo ndodh kur temperatura e trupit rritet deri në 39.5 gradë.

Kjo drobitje shoqërohet me të përziera, dhimbje koke, marramendje apo humbje të vetëdijes.

Njerëzit e prekur nga sëmundjet e zemrës apo obeziteti janë më të rrezikuar nga pasojat negative të vapës jo vetëm gjatë ditës por edhe gjatë natës.

Rreziku është i lartë gjatë natës kur njeriu është në gjumë dhe nuk është freskuar mjaftueshëm.

Kjo ndodh sepse njeriu nuk është i vetëdijshëm në luhatjet e temperaturave gjatë natës dhe ndikimit në shëndet.

Ekspertët këshillojnë që përpara gjumit të shmangni aktivitetet e mundimshme fizike për sa kohë temperatura e trupit nuk është ulur akoma.

Jeta Në Qytet Është Si Ferr Në Verë

Ekspertët paralajmërojnë se zonat urbane janë ishuj të mirëfilltë nxehtësie në verë ndërsa jeta në zonat rurale është më e freskët.

Për më tepër, zonat me një popullsi mbi 1 milionë njerëz kanë një temperaturë që është 1.8 deri në 5.8 gradë më e lartë se zonat e tjera.

Kjo situatë vështirësohet më shumë gjatë natës ku temperatura mund të arrijë deri në 22 gradë më shumë se në fshat.

Gjatë natës, godinat e qytetit çlirojnë nxehtësinë e akumuluar gjatë ditës dhe kësisoj trupi i njeriut e ka të vështirë të rimëkëmbet nga ekspozimi afatgjatë në diellin e ditës.

Ekspertët thonë se është e rëndësishme që të qëndroni në ambiente me ajër të kondicionuar dhe të hidratoheni shumë dhe të bëni gjithçka që është e mundur që të ulni temperaturën e trupit./AgroWeb.org

Vizat vertikale tek thonjtë – Çfarë tregojnë për shëndetin dhe si trajtohen

Nëse vuani nga sëmundje të kockave si osteoporoza ose artriti ka gjasa që të keni këto probleme me thonjtë tuaj.

Struktura e thonjve është e ndryshme dhe e veçantë tek çdo person.

Mund të jenë në forma, ngjyra dhe në gjendje të ndryshme varësisht gjendjes së organizmit.

Nëse keni vene re disa viza horizontale mes thonjve tuaj, nuk jeni të vetmit.

Kjo është gjendja më e zakonshme që trupi zhvillon tek thonjtë.

Gjithsesi këto viza nuk janë aq të padëmshme sa duken, pasi mund të fshehin sëmundje serioze nga pak.

Në këtë artikull AgroWeb.org ju tregon pikërisht për këtë dukuri që prek thonjtë tuaj, çfarë tregon dhe si ta kuroni.

Çfarë i shkakton

Thonjtë janë një ndër treguesit më të qartë të shëndetit të mirë të të gjithë organizmit.

Nëse ata janë të dobët, thyhen shpejt, kanë shenja apo viza të ndryshme do të thotë se diçka nuk po funksionon mirë në organizëm.

Shkaqet kryesore që fsheh kjo gjendje e thonjve nisin që nga trauma të jashtme që mund të prekin thonjtë, kequshqyerja apo mosha.

Duke vazhduar deri në sëmundje më serioze si infeksione të ndryshme të organizmit dhe ekzema.

Mund të jenë gjithashtu tregues të anemive, sëmundjeve të lëkurës si psoriaza apo problemeve me tiroidet.

Nëse vuani nga sëmundje të kockave si osteoporoza ose artriti ka gjasa që të keni këto probleme me thonjtë tuaj.

Kjo sepse përveçse thonjtë bëhen më delikatë me kalimin e viteve, janë në tërësi një ndër pjesët më të ekspozuara dhe delikate të trupit.

Sipas mjekëve është e rëndësishme që të mjekoheni në kohë nëse shikoni viza të gjata në sipërfaqen e thonjve tuaj.

Si t’i trajtoni

Duke qenë se shpeshherë shkaktohen nga keq ushqyerja hapi i parë që mund të bëni për të kuruar thonjtë nis nga tavolina.

Konsumoni shumë vitamina nga frutat dhe perimet duke qëndruar larg yndyrave të këqija dhe ushqimeve të procesuara.

Sigurohuni të merrni shumë vitamina të grupit B, ku futen B1,B2,B3,B5 dhe B6.

Këto vitamina i gjeni në ushqime të ndryshme siç janë bishtajoret, qumështi, peshku, drithërat, bananet apo spinaqi.

Gjithashtu mundohuni të largoni stresin në mënyrë që të mos ndikojë në funksionimin normal të organizmit tuaj.

Në çdo rast është i rëndësishëm kujdesi mjekësor, përdorimi i pomadave të ndryshme për thonjtë apo vajrave kurativë.

Kos me boronica – Bashkimi që bën fuqinë për shëndetin

Kosi nga ana tjetër është shumë i pasur me baktere të shëndetshme, ose siç njihen ndryshe si probiotikë.

Në AgroWeb.org keni mësuar për shumë prej kombinimeve më të mira dhe të shëndetshme për organizmin.

Një prej kombinimeve më të shijshme por edhe me një pasuri të jashtëzakonshme vlerash është ai i kosit me boronica.

Ekspertët thonë se këto dy ushqime nxjerrin në pah më të mirën e njëri tjetrit.

Boronicat janë shumë të pasura me fibër.

Një filxhan çaji me boronica përmban thuajse 4 gramë fibër.

Kosi nga ana tjetër është shumë i pasur me baktere të shëndetshme, ose siç njihen ndryshe si probiotikë.

Fibra dhe ushqyesit e tjerë që ofrojnë boronicat, ndihmojnë probiotikët në rrugëtimin e tyre drejt aparatit tretës, duke i bërë ato më efikase.

Kur probiotikët mbërrijnë në sistemin tretës, ato lehtësojnë përthithjen e fibrës që ofrojnë boronicat.

Ky kombinim fitues është i domosdoshëm jo vetëm për sistemin tretës, por edhe për shëndetin e zemrës, trurit, rënien nga pesha dhe qarkullimin e gjakut.

Hani Boronica 3 Herë Në Javë

Një studim i universitetit të Harvardit, të cilit i referohet AgroWeb.org thonë se konsumi i rregullt i boronicave përmirëson ndjeshëm shëndetin e zemrës.

Sipas studimit, gratë që hanë më pak fruta pylli, e në veçanti boronica, janë më të rrezikuara nga ataku në zemër.

Ekspertët e Harvardit këshillojnë që njerëzit të hanë tre ose më shumë racione boronicash, luleshtrydhesh dhe frutash pylli në javë për të marrë përfitimet maksimale për shëndetin e zemrës.

Arsyet Përse Duhet Të Hani Kos Çdo Ditë

Ekspertët e AgroWeb.org thonë se kosi është fantastik për shëndetin, sidomos nëse keni marrë një kurë antibiotikësh.

Këto të fundit shkatërrojnë bakteret e këqija, por nuk kursejnë as ato të mirat, ndaj kosi vjen në ndihmë me probiotikët e pasur.

Kosi nxit prodhimin e vitaminës B e cila ju mbron nga sëmundjet autoimunitare dhe ato nervore.

Kosi vendos ekuilibrat e sheqernave në gjak.

Ai përthithet ngadalë në stomak dhe zorrë dhe rrjedhimisht ka një ndikim të ulët në rritjen e nivelit të sheqernave në gjak.

Acidi laktik tek kosi parandalon prodhimin e qelizave kancerogjene dhe lehtëson fuqizimin e sistemit imunitar.

Ai e bën më të fortë të gjithë sistemin tretës dhe e pastron atë nga bakteret e këqija.

Kombinimi i këtyre vlerave në një filxhan të vetëm është mburoja që ju duhet kundër sëmundjeve.

Kujdesi për ushqimin e fëmijëve – OBSH ngre alarmin për nivelin e lartë të sheqerit

Produktet industriale të ëmbëlsuara kanë nivele të larta e shqetësuese sheqeri.

Një raport i Kombeve të Bashkuara dhe Organizatës Botërore të Shëndetësisë ka ngritur alarmin mbi nivelin e lartë të sheqerit në produktet ushqimore për bebe.

Ekspertët e OBSH kanë analizuar plot 8000 produkte ushqimore të gjendura në 500 dyqane në Bullgari, Austri, Izrael dhe Hungari.

“Në gjysmën e produkteve të ekzaminuara, rreth 30% e kalorive vijnë nga sheqernat e plotë dhe një e treta nga ëmbëlsues të tjerë,” thuhet në raport.

OBSH nënvizoi se frutat dhe perimet (që përmbajnë sheqerna natyralë) janë të përshtatshme për fëmijët.

Megjithatë, produktet industriale të ëmbëlsuara kanë nivele të larta e shqetësuese sheqeri.

Kësisoj, ato bëhen të dëmshme për shëndetin e fëmijëve.

Rreziqet e Sheqerit tek Shëndeti i Fëmijëve

Sipas Organizatës Botërore të Shëndetësisë, nivelet e larta të sheqerit rrisin rrezikun e mbipeshës dhe kavitetit të dhëmbëve tek fëmijët në fazat e para të jetës.

Ekspozimi i hershëm ndaj produkteve të ëmbëlsuara mund të krijojë varësi ndaj sheqerit në të ardhmen.

Kësisoj, kur të rriten, fëmijët janë më të predispozuar të kenë si zgjedhje të parë ushqimet me nivel të lartë sheqeri.

Ushqyerja e Shëndetshme Për Foshnjat

Ushqyerja e mirë në fazat e para të jetës dhe në fëmijëri është e një rëndësie të veçantë për rritjen dhe zhvillimin e njeriut, thotë OBSH.

Sipas Organizatës, në 60% të rasteve, ushqimet e inspektuara përmbanin etiketa ku shkruhej se ato ishin të përshtatshme për fëmijë nën 6 muaj.

Kjo bie ndesh me udhëzimet e OBSH-së, sipas të cilave në gjashtë muajt e parë të jetës, foshnjat duhet të ushqehen vetëm me qumësht gjiri.

OBSH insiston që praktika e zëvendësimit të qumështit të gjirit me produkte të tjera duhet të marrë fund dhe së fëmijët nga 6 muaj në 2 vjeç duhet të ushqehen me produkte të shëndetshme të përgatitura në shtëpi e jo të gatshme.

Organizata ka kërkuar ndalimin e sheqernave dhe ëmbëlsuesve në ushqimet për bebe.

Gjithashtu, ajo kërkon që në lëngjet e frutave dhe qumështin e kondensuar të shkruhet qartë se këto produkte nuk janë të përshtatshme për fëmijët nën moshën 3 vjeç./AgroWeb.org

Ndotja e ajrit dëmton sa një pako cigaresh në ditë

Shkencëtarët paralajmëruan se ekspozimi i vazhdueshëm ndaj ndotjes së ajrit është i barabartë me pirjen e një pako cigaresh në ditë në aspektin e rrezikut të sëmurjes nga mushkëritë dhe pjesës së poshtme të frymëmarrjes.

Në hulumtimin rezultatet e së cilës u publikuan në revistën “JAMA Journal” të Unionit të Mjekëve të SHBA, është theksuar se ndotja e ajrit dëmton sa një pako cigaresh.

Shkencëtarët në kuadër të hulumtimit kanë vëzhguar gjatë 10 viteve mbi 7.000 të rritur të shëndetshëm të moshës prej 45 deri në 84 që jetojnë në qytetet New York, Los Angeles, Chicago, Baltimore, St. Paul dhe Winston-Salem. Sipas hulumtimit rreziku për emfizemë tek personat që jetojnë në metropolet e lartpërmendur ku përqindja e ndotjes së ajrit është e lartë, është e barabartë me ato që jetojnë në vende ku nuk ka ndotje të ajrit dhe pijnë një pako cigare në ditë.

“Vërrejtëm se ekspozimi ndaj ndotjes së ajrit rrit dukshëm rrezikun e infektimit nga emfizema. Kjo, është e barabrtë me pirjen e një pako cigareve në ditë dhe dëmton trupin sa 3 vite shtesë plakje”, tha Dr. Graham Barr lideri i grupit hulumtues nga Universiteti Columbia.

“Pirja e cigares është shkaku më i rëndësishëm për emfizemë”, u shpreh një hulumtues tjetër nga Universiteti Washington, Dr. Joel Kaufman. aa

Zemra e shëndetshme në moshën e rritur zvogëlon rrezikun e demencës në pleqëri

Shkencëtarët kanë zbuluar se zemra e shëndetshme në moshën e rritur zvogëlon rrezikun e sëmundjeve si demenca në pleqëri.

Sipas lajmit të Psychcentral, hulumtimi i zhvilluar është fokusuar në rëndësinë e shëndetit të zemrës tek të rriturit, ku janë hulumtuar të dhënat e shëndetit të zemrës së rreth 8.000 grave dhe burrave anglezë të moshës 50 vjeçare, të lidhura me faktorë socialë, të sjelljes dhe biologjik në periudhë afatgjate.

Gjetjet e hulumtimit në të cilin janë zbatuar kriteret e Shoqatës Amerikane të Zemrës të cilat japin informacione në lidhje me shëndetin e zemrës, kanë treguar se përqindja nga diagnoza me demencën tek personat me shëndet të keq të zemrës, është 2 herë më e lartë se ato që kanë zemra të shëndetshëm.

Gjatë hulumtimit 25 vjeçar 347 prej pjesëmarrësve ishin diagnostifikuar me demencë.

Detajet e hulumtimit janë publikuar në revistë “The BMJ”. aa

Humbjet e papritura të ekuilibrit – Shenjat dhe problemet në organizëm

 

Humbja e papritur dhe e vazhdueshme e drejtpeshimit të trupit është një shenjë shëndetësore që nuk duhet lënë pas dore.

Drejtpeshimi i trupit kërkon angazhimin e një sërë procesesh të organizmit siç janë sistemi pamor, ai i dëgjimit dhe të tjerë.

Çrregullimet që sjellin humbjen e drejtpeshimit janë të ndryshme por AgroWeb.org ju sjell më të përhapurat që renditen në vijim.

Marramendja

Marramendja prish ekuilibrin sepse shoqërohet me ndjesinë sikur gjithçka përreth teje rrotullohet.

Marramendja kryesisht shkaktohet nga problemet me veshin e mesit.

Viruset Që Prekin Nervat E Veshit Të Mesit

Prania e viruseve shkakton inflamacion të nervit që lidh veshin e mesit dhe trurit.

Si pasojë e viruseve, AgroWeb.org ju tregon se njeriu pëson humbje të dëgjimit, zhurmë në vesh, marramendje dhe humbje të ekulibrit që mund të zgjasë nga disa orë në disa ditë.

Humbja E Ekuilibrit Si Pasojë E Baktereve

Bakteret dhe mikrobet arrijnë të infektojnë kanalet e veshit duke shkaktuar enjtjen e tij, konfuzion të trurit dhe marramendje.

Si pasojë e këtij problemi, njeriu ka temperaturë, të vjella dhe humbje dëgjimi.

Ky problem zakonisht zgjidhet pa pasur nevojë për trajtime, por ndonjëherë mund të keni nevojë për trajtim të mirëfilltë mjekësor.

Sëmundja e Menier-it

Kjo sëmundje është e rrallë por shkakton marramendje serioze që zgjat nga 20 minuta në disa orë.

Ajo shoqërohet me humbje dëgjimi dhe të vjella.

Medikamentet, regjimi i duhur ushqimor dhe ushtrimet për ekuilibrin mund t’ju vijnë në ndihmë.

Efektet Anësore të Disa Mjekimeve

Në disa raste, AgroWeb.org raporton se përdorimi i disa ilaçeve dhe medikamenteve mund të shkaktojë marramendje.

Këto barna janë: antibiotikët, ilaçet kundër depresionit, tensionit të gjakut dhe inflamacionit.

Nëse vini re që keni marramendje pas marrjes së ilaçit, konsultohuni me mjekun, por mos e ndërprisni kurën.

Migrena

Ushqimi, stresi dhe shkaktarë të tjerë të migrenës mund të dëmtojnë nervin vestibular të veshit dhe shpesh të shkaktojnë marramendje.

Në këtë rast, marramendja shoqërohet me ndjeshmëri të lartë ndaj dritës, zhurmë në vesh dhe të përziera.

Goditjet dhe Përplasjet E Kokës

Një goditje në kokë mund të dëmtojë ekuilibrin e trupit në shumë mënyra.

Përveç dëmtimit të veshit të mesit, ajo mund të ndikojë edhe tek shikimi dhe tek funksionet e trurit.

Të Përzierat

Udhëtimi me anije, makinë, tren ose avion mund të shkaktojë të përziera dhe marramendje.

Zakonisht këto ndjesi shuhen sapo të zbrisni nga mjeti me të cilin po udhëtoni.

Në këto raste përpiquni të përqendroheni në një pikë të largët, ta mbani kokën drejt, të shmangni aroma të forta dhe të hani ushqime të lehta.

Kur Të Kërkoni Ndihmë Mjekësore

Humbja e papritur e drejtpeshimit mund të jetë tregues i një problem serioz siç është mpiksja e gjakut, ishemi e të tjerë.

Kërkoni ndihmë mjekësore të menjëhershme nëse:

Nuk lëvizni dot ose nuk ndieni krahët dhe njërën anë të fytyrës.

Nuk mund të shikoni

Nuk flisni dot

Keni dhimbje therëse dhe të papritur koke. /AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

4 arsye përse duhet të hani më shumë hudhër në verë

Gjatë verës, njeriu duhet ta ketë prioritet marrjen e vitaminës C si nëpërmjet ushqimeve ashtu edhe nëpërmjet suplementëve.

Hudhra është një nga produktet që mund ta gjejmë në tregjet e fruta perimeve gjatë gjithë vitit.

Megjithatë, si çdo produkt tjetër, edhe hudhra ka stinën e sezonin e saj.

Ajo është e vogël por punën e bën të madhe për organizmin e njeriut.

Në këtë artikull të AgroWeb.org do të mësoni arsyet përse duhet të rrisni konsumin e hudhrës gjatë stinës së verës për të mirën e shëndetit.

4 Arsye Përse Duhet Të Hani Më Shumë Hudhër Në Verë

Hudhra ndihmon në mirëmbajtjen e funksionit dhe shëndetit të zemrës.

Ajo pakëson gjasat e shfaqjes së tumoreve dhe lufton infeksionet.

Vlerat më të mira, hudhra i ofron nëse konsumohet e gjallë, sepse gatimi tjetërson të gjithë përbërësit mirëbërës të kësaj barishteje.

Ekspertët rekomandojnë ngrënien e të paktën 2 thelpinjve në ditë që të merrni përfitime të mëdha.

Pak Kalori

Hudhra mund të përmirësojë shijen e shumë ushqimeve të verës dhe ofron pak kalori.

Mjafton një ose dy thelpinj hudhër, jo vetëm për të gatuar diçka të shijshme por edhe për të marrë vlerat e nevojshme.

Hollon Gjakun

Gjaku i njeriut mund të trashet më shumë gjatë verës kur trupi humbet ujë nëpërmjet djersitjes dhe njerëzit duhet të pinë më shumë ujë që të hidratohen.

Hudhra njihet si një ndër perimet më të mira për hollimin e gjakut, madje shmang trombozën.

Vitamina C

Gjatë verës, njeriu duhet ta ketë prioritet marrjen e vitaminës C si nëpërmjet ushqimeve ashtu edhe nëpërmjet suplementëve.

Lëkura ka më shumë nevojë për këtë vitaminë sepse është gjatë gjithë kohës e ekspozuar ndaj rrezeve të dëmshme ultravjollcë.

Një racion prej 28 gramë hudhër ofron dhe plotëson 15% të dozës së rekomanduar ditore të kësaj vitamine të rëndësishme.

Antioksidantët

Hudhra është shumë e pasur me antioksidantë të cilët luftojnë dëmin që shkaktojnë radikalet e lira në organizëm.

Antioksidantët tek hudhra mbështesin mekanizmat mbrojtës së trupit kundër dëmeve të shkaktuara prej këtyre substancave.

Përpos tyre, hudhra mund të ulë kolesterolin dhe tensionin e gjakut dhe e mbron trurin nga sëmundjet që i kanosen si pasojë e moshës apo stilit të jetesës.

Si të mpiksni kosin e shtëpisë në disa mënyra praktike

Zakonisht qumështi i deles prodhon një kos më kremoz, duke qenë se ka dhe nivelin më të lartë të yndyrës.

Një nga pyetjet më të shpeshta që amvisat bëjnë kur përgatisin kosin në shtëpi, është përse ka dalë shumë i ujshëm.

Ka qenë temperatura e qumështit apo fara e kosit? Por ajo që është më e rëndësishmja a mund ta ndreqim këtë gabim?

AgroWeb.org ju tregon disa mënyra të lehta të cilat do të rregullojnë këtë problem duke ju siguruar një kos kremoz dhe të plotë.

Një nga shkaktarët kryesor të mos mpiksjes së kosit është temperature e ambientit.

Gjatë verës temperaturat rriten dhe qumështi kërkon më pak kohë për t’u fermentuar.

Dhe nëse ju e lini të mbuluar më gjatë kosi do të të dalë i ujshëm.

Një tjetër faktor që ndikon tek përgatitja e kosit është dhe llojin i qumështit.

Zakonisht qumështi i deles prodhon një kos më kremoz, duke qenë se ka dhe nivelin më të lartë të yndyrës.

Si dhe, fara e kosit ka po aq ndikim tek përgatitja e këtij ushqimi probiotik. Nëse fara nuk është ruajtur në mënyrën e duhur dhe është thartuar atëherë edhe kosi nuk do të dalë i mirë.

Metodat Praktike Për të Mpiksur Kosin e Shtëpisë

Ngrohni pak më shumë qumështin

Nëse ju e ngrohni pak më gjatë qumështin, proteinat që gjenden tek ky produkt do të arrijnë të mpiksen më shpejtë.

Ngroheni qumështin në temperaturën 71-82 gradë dhe ziejeni lehtë për 20-30 minuta.

Kullojeni Kosin

Nëse kosi ju ka dalë me shumë ujë, mjafton që të largoni me lugë ujin e tepërt ose dhe ta kulloni atë.

Dhe madje nëse mendoni se kosi ka dalë shumë i ujshëm sa nuk shpëtohet, kullojeni plotësisht dhe formoni salcën e kosit.

Shtoni Ajkë Qumështi

Ndonjëherë qumështi ka shumë ajkë, dhe amvisat e përdorin edhe në byreqe për t’i bërë më të shijshme ato.

Por ajka mund të përdoret edhe kur ju doni një kos të trashë dhe të plotë.

Mjafton që të shtoni ajkën në qumështin që do përgatisni kosin dhe të vazhdoni hapat që ndiqni gjithmonë.