VOAL

VOAL

Please Wait ...
0%

Patate të pjekura me qumësht për shije dhe shëndet të mirë

By | June 14, 2019

Komentet

Brumi me dy përbërës për përdorim në çdo recetë

Vetëm me dy përbërës, ky është një nga brumërat më të lehtë dhe të shpejtë për t’u përgatitur.

Pasi ta keni lexuar do të kthehet në recetën tuaj të preferuar, pasi ju shkurton shumë kohë.

Ideal për të përgatitur kurdoherë pica shtëpie dhe kuleçë.

AgroWeb.org ju sugjeron të provoni recetën e re për brumin me dy përbërës.

Përbërësit për 4 persona

150 gr miell

250 ml kos shtëpie

Përgatitja

Merrni një tas të madh ku do të shtoni miellin dhe kosin.

Si fillim përzjejeni me ndihmën e një piruni, derisa të formohet një masë.

Më pas përgatisni sipërfaqen e tavolinës duke e spërkatur me pak miell.

Kaloni brumin që përgatitët dhe filloni ta punoni me duar derisa të formohet një masë jo e ngjitshme, për rreth 8-10 minuta.

Nëse brumi ju ka dalë pak i fortë, mund të shtoni disa lugë gjelle me ujë, ose disa lugë miell nëse është shumë i butë.

Më pas punojeni përsëri derisa sipërfaqja e tij të jetë e lëmuar dhe të mos ketë kokrriza.

Mjafton që ta lini pak mënjanë, ndërkohë që vendosni nëse doni të përgatisni kuleçë të vegjël tigani, picë apo thjeshtë ta vendosni në furrë e ta piqni.

Për përgatitjen e picës, kalojeni brumin përsëri në tavonlinë dhe hapeni në madhësinë e tavës që do të përdorni me petës. Shtojini sipër pak vaj dhe salcë e më pas përbërësit që ju i preferoni më shumë.

Për përgatitjen e kulaçit, brumin kalojeni në një tavë të lyer me vaj ulliri, shtypeni lehtë me dorë dhe futeni për t’u pjekur në furrë.

Nëse doni të përgatisni petulla të shpejta, me duar ndani toptha të vegjël, sa një arrë, nga brumi, dhe mjafton t’i shkuqni në një tigan të thellë.

Të njëjtin hap do të bëni dhe nëse doni të përgatisni kuleçët e tiganit. Por topthat do të jenë në madhësinë e grushtit. Hapini me petës dhe skuqini  në tigan me zjarr të ngadaltë.

Pavarësisht recetës, rezultati do të jetë gjithmonë një brumë i butë, perfekt dhe ekonomik. Nëse doni të përgatisni një sasi më të madhe AgroWeb.org ju sugjeron të dyfishoni masat në recetë.

Për ta ruajtur brumin, mjafton që ta mbështillni me qese kuzhine dhe ta vendosni në frigorifer. Ai do të qëndrojë i freskët për rreth 2-3 ditë.

A duhet hequr lëkura e domates para gatimit – Zbuloni të vërtetën

A duhet hequr lekura e domates para gatimit.

Domatja, sidomos kur është e stinës, ka aftësinë të na dhurojë vakte të shijshme.

Ajo është e pasur me vlera dhe sidomos me antioksidantë.

Ajo është një burim i jashtëzakonshëm i vitaminës C, vitaminës K, vitaminës E dhe B6 por përmban edhe fosfor, proteina, zink dhe hekur.

Falë këtyre vlerave, domatja të bën mirë për zemrën dhe ul kolesterolin.

Çlirimi i shumë prej këtyre vlerave të domates është më intensiv kur domatja gatuhet në vaj ulliri.

Në rastin e antioksidantëve, që luftojnë radikalet e lira dhe shumë sëmundje, domatja i çliron ato në mënyrë të ndjeshme kur gatuhet për të paktën 15 minuta.

Në këtë periudhë kohore sasia e aktivizuar e antioksidantëve rritet me 171 përqind.

Me gatimin e domates nuk nënkuptohet ndonjë recetë e vështirë.

Mjafton që të qëroni domaten, ta prisni në kubikë e ta hidhni në tigan të spërkatur me pak vaj ulliri.

Uji do të shterojë dhe kështu keni përfituar një pure domatesh ose salcë, quajeni si të doni, jo vetëm të shijshme por edhe shumë të shëndetshme.

Përse Duhet Hequr Cipa e Domates Përpara Gatimit

Ekspertët, të cilueve u referohet AgroWeb.org thonë se cipa e hollë që mbështjell domaten duhet hequr përpara gatimit sepse ajo e bën salcën më të hidhur.

Hidhësia e cipës së domates mbetet edhe nëse ju e përpunoni atë me gjithë lëkurë në një mikser.

Po ta keni vënë re, në gatimin e supave apo salcave cipat e domates mbështillen e rrudhen duke u bërë një pengesë në gëlltitjen dhe shijimin e domates.

Salca e domates që ka cipat e saj në brendësi  nuk është e valëzuar, e njëtrajtshme dhe unifrome.

Për pasojë, ekspertët e kuzhinës rekomandojnë heqjen e saj përpara gatimit.

Një nga teknikat më të përdorura të amvisave është vendosja e domateve në ujë të nxehtë.

Pasi kanë qëndruar në të për një minutë, cipa do të shkëputet shumë lehtë.

Kjo teknikë ka mbështetjen e shumë ekspertëve ndërkombëtarë të kuzhinës, të cilët shtojnë se domatja më pas duhet hedhur menjëherë në ujë të ftohtë dhe cipa mund të hiqet me gishta.

Domatet rekomandohen të gatuhen pa cipë kur bëhet fjalë për salcë makaronash dhe supa e gjellëra.

Si të shmangni nxirjen e patateve pasi i qëroni me dy metoda të thjeshta

Kur i qëroni patatet dhe i lini ato të mënjanë për t’u marrë me përbërës të tjerë, ato do nxihen.

Me siguri e keni vënë re sa herë që përgatisni patate ato marrin një ngjyrë kafe të errët pak kohë pasi i qëroni lëkurën.

Megjithëse gatimi është një proçes i shpejtë, puna në kuzhinë është gjithnjë e ndarë midis përgatitjes së disa gjërave njëkohësisht.

Kur i qëroni patatet dhe i lini ato të mënjanë për t’u marrë me përbërës të tjerë, ato do nxihen.

Përse nxihen patatet

Nëse 10 minuta pasi qëroni patatet shikoni që ato janë nxirë, nuk jeni të vetmit.

Patatet nxihen shpejt dhe gjithmonë sapo hiqet lëkura e tyre dhe ekspozohen me ajrin.

Për shkak se janë të pasura me niseshte, kontakti me ajrin përveçse i nxin ju heq dhe shijen e mirë.

Sa më shumë që qëndrojnë të ekspozuara aq më pak shije do të kenë.

Më poshtë AgroWeb.org ju tregon dy mënyra të thjeshta se si mund t’a shamngni plotësisht nxirjen e patateve tuaja dhe të ruani shijen e mirë të tyre.

Uji i ftohtë

Një nga mënyrat më të përdorura dhe më të lehta për të evituar këtë problem është t’i lini në ujë të ftohtë.

Nëse pasi t’i qëroni ato i vendosni në një enë të mbushur me ujë të freskët, oksidimi i patateve do të ndalojë, për rrjedhojë edhe nxirja.

Në këtë metodë fare të lehtë mund t’i ruani patatet tuaja deri në 24 orë pa i dëmtuar apo prishur.

Aciditeti

Siç e përmendëm edhe më sipër nëse i lini në ujë patatet e qëruara ato nuk do të nxihen.

Gjithësesi për të qënë më të sigurt dhe për t’a zgjatur sërisht jetëgjatësinë e patateve tuaja mund të shtoni tek uji pak limon ose uthull.

Aciditeti ul pehashin e patates kështu lufton oksidimin dhe nxirjen e tyre për një kohë të gjatë.

Mjafton të hidhni në ujë një lugë çaji uthull molle ose lëng limoni të freskët dhe rezultati do ju surprizojë.

Fërgesë me miell misri, gjizë dhe hudhra – Traditë dhe shije

 

Fërgesat janë një nga shijet më fantastike që kuzhina tradicionale shqiptare ofron.

Të përgatitura në receta të ndryshme, me perime të secilës stinë ato ofrojnë një shije unike në tryezë teksa shoqërojnë në mënyrë të shkëlqyer supa e gjellë, mishra, byrekë e gatimë të tjera të ndryshme.

Të përgatitura me domate e speca, patëllxhanë e gjizë, apo edhe perime të tjera të gjitha kanë nga një shije të ndryshme mahnitëse.

Ato të kënaqin nepsin dhe oreksin edhe kur shoqërohen thjeshtë me pak bukë të thekur apo me sallata të lehta të stinës.

AgroWeb.org sjell më poshtë një recetë të veçantë të përgatitjes së fërgesës me miell misri, gjizë e hudhra. Një mënyrë fantastike për ta përgatitur në shtëpi e për ta shijuar me gjithë familjen.

 Kjo është një nga ato receta që mjafton ta përgatisësh vetëm njëherë, e më pas do bëhet me patjetër pjesë e gatimeve të amvisave në shtëpi.

 Përgatitja e Fërgesës me Miell Misri dhe Gjizë

Përbërësit 

(Përbërësit më poshtë janë për 4-5 persona)

7-8 lugë gjelle me miell misri

25 gr gjalpë të freskët (për një gatim më të shëndetshëm AgroËeb.org ju këshillon përdorimin e vajit të ullirit ekstra të virgjër)

5-6 lugë gjellë gjizë e freskët

4 thelpinj hudhra

4 gota ujë

Spec djegës pluhur

Kripë

Disa thelpinj arrash

Përgatitja 

Si fillim, AgroWeb.org ju udhëzon të vendosni një tenxhere në zjarr dhe të kaurdisni miellin e misrit me gjalpë derisa mielli të zverdhet.

Në këtë moment, AgroWeb.org ju udhëzon të shtoni gjizën, hudhrat e shtypura, kripën, specin djegës dhe ujin.

Përzjeini dhe lërini të ziejnë derisa masa të trashet.

Përziejini bashkë dhe largojini nga zjarri.

Lëreni fërgesën të ftohet pak dhe kur ta shërbeni spërkateni me disa pika gjalpë të tretur dhe disa thelpinj arrash.

Nëse preferoni mund ta spërkasni edhe me pak majdanoz të grirë hollë.

Kjo fërgesë fantastike shoqërohet në mënyrë të mrekullueshme me sallata të freskëta të stinës dhe mund të konsumohet në çdo vakt të ditës.

Patellxhanë me kos dhe gjalpë – Receta e lehtë e verës

Kombinimi mes freskisë së kosit dhe butësisë e përbërjes së patëllxhanëve do ta kthejë këtë pjatë në më të dashurën tuaj.

Recetat e shpejta janë kryefjala e kësaj vere. Përveç lehtësisë, tanimë kërkohen gatime që të kenë pak përbërës.

AgroWeb.org ju tregon recetën që i përmbush të dyja këto kërkesa.

Kombinimi mes freskisë së kosit dhe butësisë e përbërjes së patëllxhanëve do ta kthejë këtë pjatë në më të dashurën tuaj.

Mësoni mënyrën e përgatitjes dhe mrekullohuni me shijen e kësaj recete nga AgroWeb.org.

Përbërësit

500 gr patëllxhanë

100 gr gjalpë i shkrirë

1 qepë mesatare

1 thelbi hudhër

Kripë

Piper

125 g kos

Përgatitja

Vendosni në zjarr një tenxhere me ujë dhe kripë.

Ndërkohë që uji ngrohet, shpëlani patëllxhanët dhe hiquni bishtat.

Me një pirun shponi patëllxhanët në gjatësinë e tyre, kështu do të ziejnë më shpejtë.

Futini në tenxheren me ujin e valuar dhe lërini të ziejnë për 15-20 minuta.

Kur të jenë zbutur hiqini nga zjarri dhe kullojini nga uji tepërt.

AgroWeb.org ju sugjeron që të merrni një tas dhe aty hidhni patëllxhanët dhe shtypini me pirun.

Nëse dëshironi mund edhe t’i prisni me thikë në copa sa më të vogla.

Ndërkohë në zjarr keni vendosur gjalpin që të ngrohet.

Pasi të keni pastruar qepën griheni hollë dhe vendoseni për t’u skuqur.

Herë pas here përzjejeni derisa volume i saj të ketë rënë, dhe të ketë marrë një ngjyrë të artë të lehtë.

Shtoni hudhrën e shtypur dhe skuqini edhe për pak, gjithmonë duke i përzierë që të mos ngjitet.

Tani hidhni në tigan patëllxhanët e shtypur dhe kripë e piper sipas dëshirës.

Lërini të skuqen për 5 minuta dhe sigurohuni që t’i provoni nëse kanë shijen e dëshiruar.

Largojeni nga zjarri dhe lëreni mënjanë, ndërkohë që përgatisni kosin.

Nëse po përdorni kos shtëpie AgroWeb.org ju këshillon që ta kulloni nga uji i tepërt dhe ka përzieni tek patëllxhanët.

Kalojeni të gjithë masën nëpër pjata dhe shërbejeni duke e shoqëruar me bukë të thekur, pite, apo dhe me sallatë me perime të freskëta.

Supa e Gjyshes – Shija që të ngroh shpirtin

Receta e Supes se Gjyshes.

Gatimet e gjysheve janë padyshim jo vetëm më të mirat për shijen por edhe më të dashurat për shpirtin.

Gjellë e supa të ndryshme, petulla e byrekë, ëmbëlsira e reçelra të ndryshëm që të gjitha me shije të mrekullueshme që vështirë se të hiqen nga mendja.

AgroWeb.org ju sjell më poshtë një nga mënyrat e gjysheve në përgatitjen e supës.

Me mjeshtërinë e tyre në gatim, gjyshet përdorin gjithçka ndodhet në kuzhinë për t’i shndërruar në pjata të mrekullueshme.

Sidomos në përgatitjen e supave mjafton disa përbërës në kuzhinë për të përgatitur një gatim vërtetë fantastik.

Supa e Gjyshes

Mish pule (pjesa e gjoksit)

2 kokrra patate mesatare

1 qepë e vogël

2 – 3 karrota

1 kokërr domate

Piper i zi

Vaj Ulliri

Gjalpë

Përgatitja

Vendosni në një tenxhere të vogël mishin e pulës me pak kripë e pak gjalpë dhe vendoseni në zjarr që të ziejë përreth 20-25 minuta.

Ndërkohë, pastroni nga lëkura patatet dhe karrotat, prijini në kubikë të vegjël, ndërsa qepën grijeni shumë hollë.

Vendosni një tenxhere në zjarr.

Shtoni dy lugë vaj ulliri, shtoni aty qepën e grirë hollë dhe kaurdisini derisa volumi i qepës të bjerë.

Shtoni në vijim patatet dhe karrotat e grira.

Kaurdisini të gjitha bashkë, e më pas shtoni domaten e grirë në një rende kuzhine.

Vijoni t’i kaurdisni e më pas shtoni lëngun me të cilin zjetë mishin e pulës.

Mishin e pulës ndajeni në fije-fije dhe lëreni për në fund.

Supën lëreni të ziejë derisa karrotat dhe patatet në zbuten, më pas hiqeni supën nga zjarri dhe përmes një luge druri shtypini përbërësit. Supa do të bëhet pak kremoze dhe e njëtrajtshme.

Aroma e gatimeve të gjysheve nuk ka kuptim pa pak gjalpë të tretur, të cilin ato kujdesen ta përdorin në çdo gatim të kripur.

Vendosni një tigan në zjarr, shtoni një lugë gjalpë dhe lëreni të tretet, më pas shtoni aty mishin e pulës që keni bërë fije-fije. Kaurdisini bashkë me gjalpin e tretur.

Kur të servirni supën nëpër pjata shtoni nga pak nga mishi i pulës i kaurdisur me gjalpë dhe spërkateni me pak piper ose erëza të tjera sipas dëshirës.

Cili është sekreti i temperaturës së ujit në përgatitjen perfekte të pilafit

Mënyra më e mirë e përgatitjes së pilafit.

Pilafi është një ndër gatimet më të shpejta, më të shijshme dhe më të zakonshme të përgatitura nga amvisat në shtëpi.

Kombinohet lehtë me produkte e gatime të ndryshme, me kos, perime të pjekura, mishra të ndryshëm por edhe të tjera specialitete.

Megjithëse është një recetë në dukje shumë e thjeshtë, që të përgatitet në mënyrë perfekte pilafi kërkon hapa shumë striktë gjatë përgatitjes duke nisur nga masat e sakta ashtu si edhe temperatura e ujit gjithashtu.

Megjithëse janë dy mënyra se si mund të përgatitet pilafi, një mënyrë përmes skuqjes së orizit e më pas shtimit të ujit dhe tjetra e zierjes së ujit e më pas shtimit të orizit, dy detajet që nuk ndryshojnë janë masat e përdorura ashtu si edhe temperatura e ujit.

Masat

Me siguri, amvisat që kanë pasion gatimit e dinë që masa e përgatitjes së pilafit është 1 me 2. Pra, në një filxhan çaji oriz duhet të shtohen dy filxhanë çaji me ujë.

Për ta përgatitur edhe më të butë shtoni edhe dy apo tre lugë gjelle me ujë më shumë, kjo do të ndihmojë në përgatitjen e plotë të pilafit dhe butësinë gjithashtu.

Temperatura e ujit

Sekret i rëndësishëm i përgatitjes së pilafit është me patjetër temperatura e ujit.

Shefat e kuzhinës rekomandojnë se në të dyja rastet e përgatitjes së pilafit qoftë me skuqje ashtu si edhe me procesin e ujit të zierë së orizit, uji duhet të jetë i valuar.

Në rastin kur pilafin e përgatisni me skuqje, në momentin kur në tenxhere keni vendosur orizin për t’u skuqur, në një tenxhere tjetër shtoni sasinë e duhur të ujit dhe lëreni të ziejë derisa të vlojë, pra kur uji të nxjerrë bulëza.

Në këtë moment, kur orizi të jetë skuqur shtojini ujin e vluar dhe lëreni derisa orizi të thithë gjithë ujin apo lëngun e mishit që do të përdorni.

Të njëjtën gjë bëni edhe me përgatitjen e pilafin me ujin e zierë.

Lëreni ujin të ziejë bashkë me kripën derisa të nxjerrë bulëza e atëherë shtoni orizin dhe lëreni derisa ky i fundit të thithë gjithë lëngun.

Gjatë zierjes kalojeni nxehtësinë e zjarrit në nivel mesatar deisa pilafi të jetë gati./AgroWeb.org

Supa e Nuses – Receta e shijes dhe shëndetit të mirë në shtëpi

Njihet me emrin “Supa e Nuses” për shkak të historisë së përgatitjes së saj.

Kjo është një recetë e vjetër, fantastike, më tipikja dhe e njohura e kuzhinës orinetale.

Njihet me emrin “Supa e Nuses” për shkak të historisë së përgatitjes së saj. Mësohet se një nuse e re gjatë kohës së luftës mblodhi të gjitha produktet ushqimore që i gjendeshin në kuzhinë dhe krijoi recetën e kësaj pjate me shije fantastike.

Sot kjo supë njihet si një ndër specialitetet më të mira të kuzhinës orientale dhe është ndër kryesorët në menutë e restoranteve që ofrojnë gatime tipike të vendeve të Lindjes.

Edhe në Shqipëri, kjo supë përgatitet nga amvisat e krahinave të ndryshme, sidomos në zonat e thella rurale.

Përbërësit e kësaj supe gjenden lehtë në kuzhinën e çdo familjeje, ndaj dhe çdo amvisë duhet ta provojë me patjetër përgatitjen e këtij gatimi, i cili krahas shijes së shkëlqyer është edhe shumë i shëndetshëm gjithashtu,

Më poshtë do të gjeni nga AgroWeb.org hapat e lehtë që duhet të ndiqni për të përgatitur këtë supë krejt lehtë në shtëpi.

Përgatitja e Supës së Nuses

 Përbërësit

 (Përbërësit më poshtë janë për 4 persona)

 2 filxhanë çaji me thjerrëza

5 lugë gjelle me oriz

2 lugë gjelle salcë domateje

1 kokërr qepë

3 thelpinj hudhër

Rigon

Piper

Nenexhik

Piper djegës ( sipas preferencës)

2 lugë gjelle vaj ulliri

1 lugë gjelle gjalpë të freskët

6-7 filxhanë çaji me lëng mishi ose ujë

Përgatitja

Si fillim, AgroWeb.org ju udhëzon të hidhni orizin në një tigan dhe ta zjeni me një filxhan çaji e pak ne ujë. Sapo të nisë të zjejë përzjeheni. Nëse uji avullon shpejt shtoni pak ujë të nxehtë.

Sapo orizi të jetë zjerë largojeni nga zjarri.

Vendosni një tenxhere tjetër në zjarr, AgroWeb.org ju udhëzon të shtoni gjalpin dhe vajin e ullirit.

Shtoni qepën e grirë shumë hollë bashkë me hudhrat. Kaurdisini derisa volume i tyre të bjerë.

Më pas, shtoni salcën e domates, kaurdisini të gjitha bashkë dhe shtoni në vijim lëngun e mishit  ose ujjin.

Lëreni të gjithë masën të zjejeë. Shtoni thjerrëzat e pastruara dhe orizin e zjerë.

Lërini të zjejnë bashkë përreth 30 minuta duke i përzjerë herë pas here.

Në fund shtoni pak nenexhik, piper, rigon, spec djegës sipas dëshirës dhe kripën.

Lëreni të zjejë edhe për 5 minuta bashkë me erëzat.

Kur ta keni larguar nga zjarri përzjeheni supën disa herë me lugë druri duke shtypur thjerrzat dhe orizin.

Kur ta servirni hidhini supës me patjetër edhe pak lëng limoni dhe shija do të jetë e mrekullueshme.

Turli e shpejtë me patëllxhanë – Receta në vetëm 20 minuta

Turli me Patëllxhanë.

Një recetë që gjithmonë është prezente në familjet shqiptare është turlia.

Në të vërtetë ky gatim është një nga më të mirët.

Shumë amvisa nuk kanë nevojë as për një recetë, pasi mjafton të kombinojnë perimet e stinës.

AgroWeb.org ju sjell një recetë që është edhe e lehtë por edhe e shpejtë.

Në vetëm 20 minuta jo do të keni gati për ta shijuar turlinë me patëllxhanë dhe domate.

Përbërësit

1 kg me patëllxhanë

3-4 lugë vaj ulliri

1 qepë e grirë imët

2 speca të kuq dhe të verdhë të grirë

2 gota me domate te qëruara dhe të prera në kubik

2-3 lugë gjelle me majdanoz

Kripë

Piper

Përgatitja

Si fillim lani mirë patëllxhanët dhe pasi t’i keni qëruar nga kokat, pritini në copa mesatare.

Në një tenxhere hidhni pak vaj ulliri dhe lëreni të ngrohet pak.

Kaurdisni fare pak aty copat e patëllxhanit dhe më pas lërini në një pjatë.

Tek tenxherja shtoni qepën dhe skuqeni derisa ajo të ketë ulur volumin e saj.

Më pash shtoni edhe specat e prerë dhe kaurdisini për 5 minuta.

Tani është momenti që të hidhni domatet që keni qëruar dhe prerë më parë.

AgroWeb.org ju këshillon që të ulni nxehtësinë dhe ta lini domaten derisa të ketë avulluar një sasi e konsiderueshme e ujit.

Hidhni kripë dhe piper sipas dëshirës dhe më pas shtoni edhe patëllxhanët e skuqur lehtë.

Lërini në zjarr të ulët për 10 minuta duke i kontrolluar herë pas here për shijen.

Në fund shtoni majdanozin e grirë, kjo erëz i jep pjatës një freski dhe aromë fantastike.

Kur salca të jetë mpiksur pjata juaj është gati.

Mund ta shërbeni të ngohtë duke e shoqëruar me sallata me perime të stinës apo dhe me tarator me vaj ulliri dhe hudhra.

Kjo pjatë është e lehtë dhe  shpejtë, por mbi të gjitha ka plot vlera për organizmin.

Tavë e shpejtë verore me speca dhe gjizë – Receta plot shije

Specat përdoren për sallata, gjellëra tradicionale e gatime nga më interesantet e të pasurat në shije.

Specat janë një ndër produktet që nuk mungon kurrë në kuzhinën e një amviseje shqiptare.

Ato përdoren për sallata, gjellëra tradicionale e gatime nga më interesantet e të pasurat në shije.

Një nga gatimet më të përhapura e më të shijshme të specave është skuqja e tyre dhe servirja si garniturë.

Ato mund të serviren me salcë domate dhe hudhër, me djathë, veçmas ose krahas perimeve të tjera për një antipastë të shkëlqyer.

Kur vjen stina e verës, specat e skuqur janë shumë të përdorur sepse janë një mënyrë e thjeshtë për të pasur një vakt të shijshëm e ngopës.

Megjithatë, skuqja nuk është e vetmja mënyrë e thjeshtë dhe e shijshme për servirjen e specave.

Kur ato piqen në furrë, transformohen në një pjatë të mrekullueshme, e të shijshme, sidomos kur kombinohen me gjizën aq të dashur të amvisave.

Në këtë artikull të AgroWeb.org do të mësoni si të përgatisni një pjatë të thjeshtë e të shijshme verore me speca.

Përbërësit:

4-6 speca

Gjizë për mbushje,

Majdanoz,

2 lugë gjelle vaj ulliri

3 thelbinj hudhër

Kripë dhe piper sipas dëshirës.

Përgatitja:

Lajini specat mirë me ujë të bollshëm ose mund t’i mbani në ujë ku keni tretur një filxhan çaji uthull molle për 15 minuta.

Më pas shpëlajini me ujë të bollshëm dhe thajini me enë kuzhine.

Prijeni kurorën e specit me gjithë bisht por mos e hidhni atë.

Hiqni farat e specit dhe ndajini mënjanë.

Në një enë hidhni gjizën dhe përziejeni me piper, hudhrën e grirë hollë, vajin e ullirit dhe majdanozin.

Përziejeni masën mirë dhe me të mbushni specat një e nga një.

Vendosini ato në një tepsi të yndyrosur lehtë, mbi të cilën mund të vendosni një letër kuzhine dhe futeni në furrë.

Specat mund t’i piqni në furrë për 30 minuta deri sa sipërfaqja e tyre të zbutet ndjeshëm dhe të marrë një ngjyrë të lehtë kafeje.

Niveli i pjekjes së specave është në varësi të preferencës.

Për servirje, hidhini në një pjatë dhe spërkatini me pak vaj ulliri.

Sekretet e përgatitjes së taratorit në mënyrë të përkryer

Ideal për të humbur në peshë, taratori do të kthehet në ushqimin tuaj të preferuar pasi nuk ju fryn dhe rëndon stomakun.

Taratori është një ndër gatimet më të thjeshta e të freskëta të traditës.

Përgatitet shumë lehtë duke bashkuar kosin, kastravecin dhe vajin e ullirit.

Njihet gjerësisht për shijen e tij të veçantë dhe vlerat e mëdha që i dhuron organizmit.

Ideal për të humbur në peshë, taratori do të kthehet në ushqimin tuaj të preferuar pasi nuk ju fryn dhe rëndon stomakun.

Megjithëse mund të jeni familjarë me shijen dhe përgatitjen e tij, në recetën e sotme AgroWeb.org ju sjell një mënyrë të re e të veçantë përgatitje.

Ndiqeni më poshtë mënyrën e saktë të përgatitjes së kësaj recetë me shije të mrekullueshme.

Përbërësit

250 ml kos

2 kastravecë mesatarë

1 qepë e kuqe

1 tufë kopër

2 lugë gjelle vaj ulliri

kripë

Përgatitja

Për të nisur me përgatitjen e kësaj recete AgroWeb.org ju këshillon që të filloni me larjen e kastravecëve.

Thajini mirë me letër dhe bashkë me lëkurën pritini në rrathë të hollë deri në 5 mm.

Nëse kastravecët i grini në rende, atëherë para se t’i bashkoni me kosin, duhet t’i thani mirë, në mënyrë që taratori të mos ketë ujë më shumë seç duhet.

Të njëjtën gjë bëni edhe me qepën, të cilën duhet ta prisni po ashtu në fije të holla, në fund shtoni edhe koprën e grirë hollë.

Në një enë hidhni kosin, vajin e ullirit, kripën dhe pak piper të kuq ose spec djegës sipas dëshirës për më shumë shije.

Përziejeni mirë kosin derisa të formohet një masë kremoze dhe e trashë.

Më pas shtoni edhe kastravecin me qepët dhe koprën tek ena ku ndodhet kosi.

Futeni menjëherë  në frigorifer dhe lëreni aty për 15 minuta, kështu do të përfitoni një pjatë të freskët verore.

Taratorin mund ta shoqëroni edhe me pjata të tjera ushqimesh siç është mishi apo byreku dhe shija do t’ju mahisë.

Këtë pjatë mund ta ruani në frigorifer jo më shumë se 24 orë, në mënyrë që përbërësit brenda taratorit të mos zbuten dhe ndryshojnë shije.

Krem karamel në tenxhere – Si të përgatisni recetën e shpejtë

Sot ama ju tregojmë si të përgatisni kremin karamel të freskët dhe plot shije në tenxhere.

Në stinën e verës të gjithë i shmangim recetat që kërkojnë pjekjen në furrë.

Prandaj dhe amvisat janë në kërkim të recetave të reja e të lehta që mundësisht të përgatiten sa më shpejt.

AgroWeb.org ju ka treguar disa metoda për të përgatitur recetat tuaja të dashura pa nevojën e pjekjes së saj në furrës.

Nga keku apo biskotat e buta në tigan e deri tek specat e mbushura në tenxhere dhe shumë të tjera.

Sot ama ju tregojmë si të përgatisni kremin karamel të freskët dhe plot shije në tenxhere.

Përbërësit

200 ml qumësht

3 lugë gjelle me sheqer

Gjysmë luge çaji me vanilje

1 vezë

Për karamelin

2 lugë gjelle me sheqer

1 lugë gjelle me ujë

Përgatitja

Në një enë shtoni 200ml qumësht të ngrohtë dhe tri lugë gjelle me sheqer.

AgroWeb.org ju sugjeron që ta përzjejini mirë derisa sheqeri të jetë tretur plotësisht.

Nëse dëshironi më shumë shije, apo që aroma e vezës të mos ndihet, shtoni gjysmë luge çaji me vanilje.

Në fund thyeni dhe një vezë dhe përzjejeni me telin e kuzhinës derisa masa të jetë e njëtrajtshme.

Për të përgatitur një krem karamel sa më kremoz, AgroWeb.org ju këshillon që ta kulloni masën në një sitë.

Ndërkohë në një tenxhere të vogël hidhni dy lugë gjelle me sheqer dhe një me ujë.

Vendoseni atë në zjarr dhe lëreni të ziejë derisa të formoni karamelin.

Sigurohuni që ta tundni tenxheren herë pas here në mënyrë që karameli të mos ngjitet.

Hidheni salcën e karamelit tek një tas dhe lëreni aty derisa të ftohet dhe të mpikset.

Tani AgroWeb.org ju sugjeron që të shtoni dhe masën me qumësht dhe vezë.

Mbulojeni tasin me letër alumini dhe vendoseni në një tenxhere ku do të shtoni ujë të nxehtë.

Sigurohuni që uji të mbulojë gjysmën e tasit me krem karamel.

Mbylleni tenxheren me kapak dhe lëreni të ziejë për 20-25 minuta

Pasi koha të ketë kaluar hiqeni tasin nga tenxherja, lëreni të ftohet plotësisht dhe futeni për pak në frigorifer.

Me një thikë largoni ëmbëlsirën nga anët e tasit dhe më pas kthejeni tek një pjatë.

Ju mbetet vetëm ta shijoni me të dashurit tuaj këtë ëmbëlsi të freskët.