VOAL

VOAL

Please Wait ...
0%

Oksford kryeson listën e universiteteve më të mira në botë

By | September 12, 2019

Komentet

Mbi 1 600 të ndaluar në protestat për Navalnyn në Rusi

Më shumë se 1 600 persona raportohet të jenë ndaluar nga policia në marshet në gjithë Rusinë, përmes së cilave po kërkohet lirimi i kritikut të Kremlinit, Aleksei Navalny, i cili është burgosur fundjavën e kaluar teksa ka arritur në Moskë nga Gjermania.

Në shtetin gjerman, Navalny është trajtuar pas helmimit me agjentin nervor, Noviçok.

Protestat e së shtunës po konsiderohen si ndër më të mëdhatë kundër qeverisë në vitet e fundit.

Agjencia e lajmeve Reuters, ka vlerësuar që më shumë se 40,000 persona kanë marrë pjesë në protesta vetëm në qendër të Moskës.

Ministria e Brendshme ruse ka thënë se rreth 4,000 persona kanë qenë pjesë e protestave në kryeqytetin rus.

Agjencia tjetër e lajmeve, AFP ka raportuar se në Moskë ka pasur përleshje të dhunshme në mes të policisë dhe protestuesve.

Grupi OVD-Info, që vëzhgon aktivitetin policor në Rusi, ka thënë se autoritetet kanë arrestuar më shumë se 1,338 protestues në gjithë shtetin.

Policia ruse ka ndaluar edhe Yulia Navalnayan, gruan e kritikut të Kremlinit, në protestat në Moskë.

Navalnaya ka shkruar në Twitter, sa ka qenë brenda automjetit policor, se ajo është marrë nga protestat e 23 janarit.

Gruaja e Navalnyt, Yulia.

Gruaja e Navalnyt, Yulia.

Protestat fillestare kanë nisur në Siberi dhe Lindje të Largët, përkatësisht Khabarovsk, Vladivostok, dhe qytete tjera.

Pak pas nisjes së protestave në Moskë dhe Shën Petersburg, mediumi MBKh ka raportuar që më shumë se 15,000 persona kanë marrë pjesë në marshet në Lindje të Largët dhe Siberi.

Këto të dhëna janë bazuar në shifrat e mbledhura nga korrespodentët rajonalë të mediumit MBKh – organizatë e themeluar më 2017 nga biznesmeni rus i dëbuar, Mikhail Khodorkovsky.

Ndërkohë një korrespodent i Radios Evropa e Lirë në Moskë, ka raportuar se autoritetet janë duke arrestuar individë prej kur kanë nisur të mblidhen në Sheshin Pushkin të Moskës, edhe para nisjes së protestave atje.

Aty është përfshirë edhe ndihmësi i afërt i Navalnyt, Lyubov Sobol, i cili është ndaluar afër Sheshit Pushkin, pasi ka folur me përkrahësit e Navalnyt.

Në disa pamje nga Vladivostok është parë një numër i madh i forcave policore, që kanë tentuar të shpërndajnë protestuesit.

Në qytetin Yakutsk, protestuesit kanë qenë në rrugë, pavarësisht erërave të forta dhe temperaturave -50 gradë Celsius.

Pamje nga protestat e së shtunës në Rusi.

Pamje nga protestat e së shtunës në Rusi.

Para aksionit të koordinuar në të paktën 65 qytete ruse, autoritetet kanë ndaluar aleatët e Navalnyt dhe kanë paralajmëruar rrjetet sociale që të fshijnë postimet, në të cilat bëhet thirrje për pjesëmarrje në protestë.

Protestat po konsiderohen test për mbështetjen e Navalnyt, ndërkohë që mban mot tejet i ftoftë, është periudhë e pandemisë së koronavirusit, e problemeve ekonomike dhe zgjedhjeve që pritet të mbahen në muajin shtator.

Protestuesit janë të zemëruar rreth trajtimit që i ka bërë Kremlini Navalnyt pas shërimit të tij në Gjermani dhe rreth kërcënimit të madh që sheh presidenti rus, Vladimir Putin ndaj kritikut të tij 44-vjeçar.

Cicërimë e korrespodentit të Radios Evropa e Lirë nga Moska.

“Kremlini ka qëlluar veten në këmbë me një fushatë krejtësisht histerike, duke tentuar të parandalojë protestat”, ka thënë Leonid Volkov, koordinator i Fondacionit të Navalnyt kundër Korrupsionit, për transmetuesin Current Time, pak para se të nisin protestat.

“Nëse protestat e 23 janarit nuk japin rezultat të menjëhershëm – lirimin e Aleksei Navalnyt – atëherë veprime të tilla do të përsëriten sërish”, ka thënë Volkov.

Autoritetet kanë rritur presionin ditëve të fundit ndaj Navalnyt dhe përkrahësve të tij, përmes një serie bastisjesh dhe ndalimesh, duke dhënë shenja për tentime të shtuara për shtypje të protestave.

Ekipi i Navalnyt u ka bërë thirrje rusëve që të injorojnë paralajmërimet zyrtare për të qëndruar në shtëpi.

Pamje nga protestat.

Pamje nga protestat.

Zëdhënësja e Navalnyt, Kira Yarmysh, ka shfrytëzuar rrjetin social, Twitter për t’iu bërë thirrje rusëve që t’iu bashkohen protestave pasi ajo është dënuar për organizimin të protestave.

“E arrestuar për nëntë ditë. Epo, ju e dini çka duhet të bëni. Më 23 janar në ora 14:00 në rrugët kryesore të qyteteve tuaja. Ejani!” ka thënë Yarmysh.

Para nisjes së protestave, universitetet dhe kolegjet në gjithë Rusinë është raportuar t’iu kenë bërë thirrje studentëve të tyre që të mos marrin pjesë në protesta.

Disa prej tyre janë cituar të kenë thënë se studentët mund të jenë subjekte të masave disiplinore, përfshirë përjashtimin.

Rrjeti më i madh social rus, VKontakte ka bllokuar të gjitha faqet që kanë pasur të bëjnë me protestat, pasi vëzhguesi kombëtar për telekomunikime, Roskomnadzor, ka njoftuar se do të gjobisë kompanitë e rrjeteve sociale për inkurajim të të miturve për pjesëmarrje në protesta.

Zëdhënësi i Kremlinit, Dmitry Peskov ka thënë më 22 janar se “është e natyrshme që ka paralajmërime… për pasojat e mundshme që lidhen me mosrespektim të ligjit”, meqë ka thirrje për “ngjarje të paligjshme, të paautorizuara”.

Navalny, kritik i Kremlinit, ka thënë pas shërimit se beson që helmimi ndaj tij është urdhëruar nga presidenti rus, Vladimir Putin.

Kremlini ka mohuar këto pretendime.

Përgatiti: Krenare Cubolli

Reagime botërore pas inaugurimit të Presidentit Biden

Jamie Dettmer

Urimet erdhën nga e gjitë bota ndërsa zoti Joe Biden po betohej si presidenti i 46-të i Shteteve të Bashkuara. Ato ishin të ndërthurura me kritika lamtumire nga disa udhëheqës ndaj paraardhësit të tij, Donald Trump, i cili u largua nga Uashingtoni disa orë para betimit.

Ndërsa inaugurimi ka qenë i pazakontë – pa turma dhe me Kapitolin që ruhej nga mijëra ushtarakë të Gardës Kombëtare – po kështu edhe reagimi nga udhëheqësit e huaj ka qenë i pazakontë.

Disa udhëheqës evropianë që kishin marrëdhënie të vështira me ish-Presidentin Donald Trump nuk u përmbajtën kur panë Presidentin Biden të marrë detyrën.

Ursula Von Der Leyen

Ursula Von Der Leyen

“Edhe një herë, pas katër viteve të gjata, Evropa ka një mik në Shtëpinë e Bardhë”, tha të mërkurën Presidentja e Komisionit Evropian, Ursula von der Leyen.

“Ky agim i ri në Amerikë është momenti që kemi pritur kaq gjatë. Evropa është gati për një fillim të ri me partnerin tonë më të vjetër dhe më të besuar”, u tha ajo ligjvënësve evropianë në Bruksel. Ajo tha se shpresonte që zoti Biden të ishte në gjendje të riparonte ndasitë në Shtetet e Bashkuara dhe se inaugurimi i tij do të ishte “një mesazh shprese për një botë që po pret që Shtetet e Bashkuara të kthehen në rrethin e shteteve që ndajnë të njëjtat parime”.

Evropa mirëpret Presidentin Biden

Presidenti gjerman Frank-Walter Steinmeier e quajti të mërkurën “një ditë të mirë për demokracinë”.

Frank-Walter Steinmeier

Frank-Walter Steinmeier

“Unë jam i lehtësuar që Joe Biden është betuar si president sot dhe po hyn në Shtëpinë e Bardhë. Unë e di se këtë ndjenjë e kanë shumë njerëz në Gjermani”, tha ai në një deklaratë.

Zoti Steinmeier vlerësoi forcën dhe qëndresën e demokracisë amerikane, duke thënë: “Në Shtetet e Bashkuara, (demokracia) qëndroi përballë një presioni të madh. Pavarësisht nga armiqësitë e brendshme, institucionet e Amerikës treguan fuqinë e tyre – punonjësit zgjedhorë, guvernatorët, gjyqësori dhe Kongresi”.

Udhëheqësit e tjerë evropianë shmangën referencën ndaj vështirësive të së kaluarës dhe duket se po përpiqeshin të siguroheshin se ata perceptohen si aleatë të mirë për administratën e ardhshme.

“Në luftën tonë kundër COVID-it dhe për ndryshimet klimatike, mbrojtjen, sigurinë dhe promovimin dhe mbrojtjen e demokracisë, qëllimet tona janë të njëjta dhe kombet tona do të punojnë krah për krah për t’i arritur ato”, tha Kryeministri britanik Boris Johnson në një deklaratë.

Boris Johnson

Boris Johnson

Zoti Johnson i tha Dhomës së Komuneve se ai do të mirëpresë me kënaqësi presidentin e ri amerikan në Britani më vonë këtë vit për samitinG-7 të vendeve më të zhvilluara të botës dhe për një konferencë për klimën që do të mbahet në Glasgow.

Kryeministri i Italisë, Giuseppe Conte, ishte gjithashtu i përqendruar në të ardhmen.

Giuseppe Conte

Giuseppe Conte

“Ne po presim me padurim presidencën Biden, me të cilën do të fillojmë të punojmë menjëherë në funksion të presidencës sonë të G-20”, u tha ai ligjvënësve italianë të martën. “Ne kemi një axhendë të fortë të përbashkët, duke filluar nga multilateralizmi efektiv që të dy duam të shohim, te ndryshimi i klimës, tranzicioni i gjelbër dhe ai dixhital, si dhe përfshirja sociale”.

Por Kryeministri socialist i Spanjës Pedro Sanchez nuk i zbukuroi fjalët e tij në lidhje me atë që ai mendon se do të thotë fitorja e zotit Biden në zgjedhje.

Pedro Sanchez

Pedro Sanchez

“Fitorja e Biden-it përfaqëson fitoren e demokracisë mbi ultra të djathtën dhe tre metodat e saj, mashtrimin masiv, përçarjen kombëtare dhe abuzimin, madje edhe të dhunshëm, të institucioneve demokratike”, tha ai në një aktivitet publik. “Pesë vjet më parë, ne menduam se Trump-i ishte një shaka e keqe, por pesë vjet më vonë, e kuptuam se ai rrezikonte asgjë më pak sesa demokracinë më të fuqishme në botë”.

Administrata e zotit Trump dhe udhëheqësit e BE-së u përplasën për disa çështje, përfshirë tregtinë ndërkombëtare dhe ndryshimet klimatike, një reflektim i pikëpamjeve thellësisht të ndryshme për botën.

Riafirmimi i lidhjeve të NATO-s

Ish-Presidenti Trump i qortoi evropianët që nuk kanë shpenzuar sa duhet në mbrojtjen e tyre, një çështje që ka të ngjarë të ngrihet nga administrata e Presidentit Biden, por ndoshta me finese diploatike. Disa herë, ish-Presidenti Trump e paraqiste Evropën si një armike dhe nganjëherë vinte në dyshim vlerat e NATO-s, një largim i qartë nga marrëdhëniet tradicionale transatlantike që nga Lufta e Dytë Botërore.

Stili luftarak i ish-Presidentit Trump, gjithashtu, ishte shumë i ndryshëm nga ai që evropianët kanë përjetuar nga udhëheqësit e tjerë amerikanë të pas Luftës së Dytë Botërore.

Sekretari i Përgjithshëm i NATO-s Jens Stoltenberg shkruajti në Twitter urime për Presidentin Biden dhe Nënpresidenten Kamala Harris, duke shtuar: “Sot është fillimi i një kapitulli të ri për Aleancën Transatlantike… Një NATO e fortë është mirë si për Amerikën e Veriut dhe për Evropën”.

Jens Stoltenberg

Jens Stoltenberg

Zoti Biden shihet gjerësisht si presidenti amerikan më pro-NATO-s që nga ish-Presidenti George H.W. Bush.

Dy vjet më parë, në një konferencë sigurie në Mynih, udhëheqësit evropianë po e nxisnin zotin Biden të kandidonte. Pasi përjetuan një fjalim të ashpër të modelit “Amerika e Para” nga Sekretari i atëhershëm i Shtetit Mike Pompeo, tensionet u qetësuan nga zoti Biden, kur ai u reagoi në fjalimin e tij duke thënë: “Edhe kjo do të kalojë. Ne do të rikthehemi”.

Hartuesit e politikave në të dy anët e Atlantikut thonë se ata janë tani të vendosur për të riparuar marrëdhëniet e dobësuara dhe për të konsoliduar demokracitë e shkatërruara nga trazira politike të brendshme të papreceden dhe të sfiduara nga fuqitë autoritare.

Azia reagon ndaj inaugurimit të Presidentit Biden

Forcimi i demokracisë, megjithatë, nuk ishte në mendjen e zëdhënëses së ministrisë së jashtme të Kinës, Hua Chunying, i cili tha në një konferencë shtypi të mërkurën se: “Në katër vitet e fundit, administrata amerikane ka bërë gabime thelbësore në perceptimin e saj strategjik të Kinës … duke ndërhyrë në punët e brendshme të Kinës, duke shtypur dhe njollosur Kinën, dhe duke shkaktuar dëme serioze në marrëdhëniet Kinë-SHBA”.

Ajo tha se udhëheqësit e Kinës shpresojnë që administrata Biden “do të takojë Kinën në gjysmë të rrugës dhe, në frymën e respektit të ndërsjellë, barazisë dhe përfitimit të ndërsjellë, do të shtyjë që marrëdhëniet Kinë-SHBA të kthehen në rrugën e duhur të zhvillimit të shëndetshëm dhe të qëndrueshëm sa më shpejt të jetë e mundur”.

Gjithashtu, në Azi, rreth 100 mbështetës japonezë të ish-Presidentit Trump dolën në rrugët e Tokios të mërkurën, duke tundur flamuj amerikanë dhe japonezë dhe duke shpalosur parulla me pretendime të rreme se ai ishte “fituesi i vërtetë” i zgjedhjeve presidenciale të nëntorit të kaluar.

“Ne donim të tregonim se shumë njerëz në Japoni po mbështesin Presidentin Trump”, i tha agjensisë së lajmeve Reuters organizatorja, Naota Kobayashi. “Ne të gjithë kënduam së bashku në mënyrë që zëri ynë të fluturojë mbi Oqeanin Paqësor dhe të arrijë në SHBA.”

Presidenti iranian Hassan Rouhani u përqëndrua në marrëveshjen bërthamore të vitit 2015, nga e cila ish-Presidenti Trump tërhoqi Shtetet e Bashkuara, duke thënë se shpresonte që Presidenti Biden të rikthehej në pakt dhe të hiqte sanksionet amerikane të vendosura ndaj Iranit.

“Topi është në fushën amerikane tani. Nëse Uashingtoni rikthehet në marrëveshjen bërthamore të Iranit të vitit 2015, ne gjithashtu do të respektojmë plotësisht angazhimet tona sipas kësaj marrëveshjeje”, tha Rouhani në një takim të kabinetit të transmetuar në televizion.

Lidhjet Amerikë – Rusi

Reagimi nga zyrtarët rusë ka qenë i heshtur. Përpara inaugurimit, udhëheqësi rus Vladimir Putin qëndroi i heshtur, por zëdhënësi i Kremlinit Dmitry Peskov tha në një konferencë shtypi se ai nuk parashikon një ndryshim në marrëdhëniet amerikano-ruse.

“Asgjë nuk do të ndryshojë për Rusinë. Rusia do të vazhdojë të jetojë ashtu si ka jetuar për qindra vjet, duke kërkuar marrëdhënie të mira me Uashingtonin”, u tha ai gazetarëve. “Nëse Uashingtoni ka vullnet reciprok politik për këtë, kjo do të varet nga zoti Biden dhe ekipi i tij”.

Gazeta Izvestia e kontrolluar nga Kremlini vuri në dukje se, “perspektivat për marrëdhëniet Rusi-SHBA nën udhëheqësin e ri amerikan nuk inkurajojnë optimizmin deri më tani”.

Por Mikhail Gorbaçov, udhëheqësi i fundit i Bashkimit Sovjetik, bëri thirrje që Moska dhe Uashingtoni të riparojnë lidhjet e acaruara.

Mikhail Gorbaçov

Mikhail Gorbaçov

“Gjendja aktuale e marrëdhënieve midis Rusisë dhe Shteteve të Bashkuara është shqetësuese”, tha zoti Gorbaçov për agjencinë shtetërore të lajmeve TASS. “Por kjo gjithashtu do të thotë se duhet të bëhet diçka që të normalizohen marrëdhëniet. Ne nuk mund të izolohemi nga njëri-tjetri”.

Evropa dhe NATO i gëzohen bashkëpunimit me Bidenin

Udhëheqësit evropianë shpresojnë në përmirësimin e marrëdhënieve me Shtetet e Bashkuara, tani që Joe Biden është betuar si presidenti i 46-të i këtij vendi.

“Mezi pres të punoj me të [Bidenin] dhe me administratën e tij të re, duke forcuar partneritetin midis vendeve tona dhe duke punuar në prioritetet tona të përbashkëta: nga trajtimi i ndryshimeve klimatike, rimëkëmbja nga pandemia, deri te forcimi i sigurisë sonë transatlantike”, tha kryeministri britanik, Boris Johnson.

“Le të ndërtojmë një pakt të ri për një Evropë më të fortë, për një Amerikë më të fortë dhe për një botë më të mirë”, tha Charles Michel, president i Këshillit Evropian.

“Një NATO e fortë është mirë edhe për Amerikën Veriore, edhe për Evropën, sepse askush prej nesh nuk mund t’i përballojë sfidat i vetëm. Sot është fillimi i një kapitulli të ri dhe unë mezi pres bashkëpunimin tonë të ngushtë”, tha sekretari i përgjithshëm i NATO-s, Jens Stoltenberg.

Transferimi i pushtetit te Bideni sjell me vete “shpresën se bashkësia ndërkombëtare mund të punojë së bashku në të ardhmen, më ngushtë dhe më mirë, për t’i zgjidhur problemet e mëdha të kohës sonë”, tha presidenti i Gjermanisë, Frank-Walter Steinmeier.

“Me padurim presim të ndërtojmë një marrëdhënie të fortë, të dobishme dhe të rinovuar me presidentin Biden”, tha zëdhënësi i Qeverisë franceze, Gabriel Attal.
Ish-presidenti Donald Trump është përplasur me homologët e tij evropianë për një varg çështjesh, nga tregtia deri te shpenzimet e mbrojtjes.

Ai shpesh e ka qortuar publikisht kontinentin për politikat e tij. rel

Papa uron që Biden të arrijë pajtimin në SHBA

Papa Françesku tha se po i lutej Zotit që të udhëzojë përpjekjet e presidentit të Shteteve të Bashkuara, Joe Biden për të arritur pajtimin në SHBA dhe midis kombeve të botës.

Në një mesazh të dërguar menjëherë pasi Joe Biden u betua si president i 46-të i SHBA-së, Papa shfaqi shpresën se Biden do të punojë për një shoqëri të karakterizuar nga drejtësia, liria dhe respektimi i të drejtave dhe dinjitetit të çdo njeriu, veçanërisht të varfërve, të pambrojturve dhe atyre pa zë.

Pas ngjarjeve të dhunshme në Kongresin amerikan, më 6 janar, kur mbështetës të ish-presidentit të SHBA-së, Donald Trump, hyn më forcë derisa ligjëvënësit po certifikonin rezultatin zgjedhor, Papa Françesku u bëri thirrje amerikanëve të tregonin “ndjenjën e tyre të përgjegjësisë”.

“Unë i nxis autoritetet shtetërore dhe të gjithë popullsinë të tregojnë një ndjenjë të lartë përgjegjësie në mënyrë që të qetësojnë zemërimin, të promovojnë pajtimin kombëtar dhe të mbrojnë vlerat demokratike të rrënjosura në shoqërinë amerikane”, pati thënë Papa. rel

WEF: Pandemia do të dobësojë stabilitetin e botës në 5-10 vitet e ardhshme

Sipas një raporti të Forumit Ekonomik Botëror (WEF), edhe nëse vaksinimi do të jetë i suksesshëm, pritet që pandemia e koronavirusit të ri (COVID-19) të hedh një hije të gjatë duke rrezikuar ekonominë në 3-5 vitet e ardhshme dhe duke dobësuar stabilitetin gjeopolitik në 5-10 vitet e ardhshme, transmeton Anadolu Agency (AA).

Në raportin mbi rreziqet globale për vitin 2021, forumi WEF me bazë në Zvicër, më i njohuri për organizimin e konferencave vjetore të Davos-it, paralajmëron për ndikimin negativ në ekonomi të shpërthimeve të tilla si COVID-19, duke theksuar se shpërthime të tilla përkeqësojnë pabarazitë dhe ndarjet shoqërore.

“Miliarda kujdestarë, punëtorë dhe studentë, veçanërisht pakicat që ishin në disavantazh para pandemisë, tani rrezikojnë të humbin rrugën e tyre drejt shoqërive të reja dhe më të paanshme që rimëkëmbja mund t’i zbulojë”, tha WEF.

Për gjeneratën e re, që do të preket më së shumti nga këto zhvillime, rreziqet afatmesme dhe afatgjata janë mjedisore, ndërsa shqetësimet e menjëhershme përfshijnë përkeqësimin e shëndetit mendor dhe krizave të jetesës.

WEF kryesisht apeloi që bota të zgjohet nga shqetësimet mjedisore, të cilat kryesojnë listën e shqetësimeve të mëdha nga ndikimi dhe probabiliteti gjatë dekadës së ardhshme.

Raporti po ashtu thekson se hendeku dixhital në rritje midis “të pasurit” dhe “të mos pasurit” kërcënon kohezionin shoqëror.

“Kjo do të prekë në veçanti të rinjtë në mbarë botën, pasi ky grup përballen me krizën e dytë globale në një gjeneratë dhe mund të humbasë plotësisht mundësitë në dekadën e ardhshme”, theksoi raporti, duke iu referuar krizës financiare të viteve 2007-2008.

Presionet financiare, dixhitale dhe ato të reputacionit, që rezultojnë nga pandemia COVID-19, po ashtu kërcënojnë të lënë pas shumë kompani dhe fuqinë e tyre të punës në tregjet e të ardhmes.

Përderisa këto pabarazi të mundshme mund të çojnë në ndarjet shoqërore, një perspektivë gjithnjë më e tensionuar dhe e brishtë gjeopolitike po ashtu do të kërcënojë rimëkëmbjen globale nëse fuqitë e mesme nuk do të kenë një vend në tryezën globale.

Raporti tha se ndarjet shoqërore, pasiguria dhe ankthi do ta bëjnë edhe më të vështirë arritjen e koordinimit të nevojshëm për të adresuar degradimin e vazhdueshëm të planetit.

Më tej, raporti theksoi se sëmundjet infektive, krizat e jetesës, moti ekstrem, masat e pamjaftueshme të sigurisë kibernetike dhe pabarazia dixhitale do të jenë midis 10 rreziqeve kyçe gjatë dy viteve të ardhshme.

Evropa kërkon lirimin e Navalnit, thirrje për sanksione ndaj Kremlinit

Udhëheqësit perëndimorë po kërkojnë lirimin e drejtuesit të opozitës ruse Aleksei Navalni, i cili u arrestua të dielën pasi mbërriti në Moskë nga Gjermania, ku ndodhej për trajtim mjekësor. Korrespondenti i Zërit të Amerikës Henry Ridgwell sjell më shumë detaje.

Pas më pak se 24 orë nga kthimi i tij në Rusi, udhëheqësi i opozitës ruse Aleksei Navalni u përball të hënën me një seancë gjyqësore jashtëzakonisht të pazakontë brenda këtij stacioni policor në Moskës dhe u vendos në paraburgim për 30 ditë. Prokurorët kërkuan një dënim me kusht ekzistues të pezulluar, prej tre vitesh e gjysmë për përvetësim, shndërruar në një dënim të plotë me burg. Zoti Navalni thotë se akuzat ndaj tij janë të motivuara politikisht dhe u bëri thirrje mbështetësve të tij të dalin në rrugë.

Mos heshtni, rezistoni, dilni në rrugë. Askush nuk do të na mbrojë përveç vetes. Dhe ne jemi aq shumë sa që nëse duam të arrijmë diçka, do t’ia arrijmë”, thotë Aleksei Navalni, udhëheqësi i opozitës ruse.

Zoti Navalni u arrestua të dielën pasi u kthye nga Gjermania, ku po trajtohej pas helmimit në Siberi vitin e kaluar me një agjent nervor.

Kremlini e ka mohuar përfshirjen në sulm. Ndërkohë Berlini kërkon lirimin e zotit Navalni.

Autoritetet ruse kanë arrestuar viktimën e një tentative për vrasje me armë kimike, jo autorin e krimit. Qeveria gjermane i bën thirrje fuqimisht qeverisë ruse që së pari ta lirojë menjëherë zotin Navalni dhe së dyti të hetojë plotësisht rrethanat e sulmit me armë kimike ndaj tij në tokën ruse“, thotë Steffen Seibert, zëdhënës i qeverisë gjermane

Udhëheqësit e tjerë evropianë i bënë jehonë kësaj kërkese. Zyra e Kombeve të Bashkuara për të Drejtat e Njeriut tha se ishte thellësisht e shqetësuar nga arrestimi i zotit Navalni. Sekretari amerikan i Shtetit Mike Pompeo si dhe këshilltari i ardhshëm për Sigurinë Kombëtare i Presidentit të zgjedhur Joe Biden kanë kërkuar gjithashtu lirimin e tij.

Udhëheqësi 44-vjeçar i partisë “Rusia e së Ardhmes” paraqet një sfidë për Presidentin Vladimir Putin, thotë analisti Ben Noble.

Me zgjedhjet e Dumës Shtetërore (dhoma e ulët e parlamentit rus) që mbahen më 2021, Navalni jo vetëm që është një demonstrim hapur i kundërshtimit ndaj Kremlinit, por fondacioni i tij i anti-korrupsion dhe videot tejet të shkëlqyera në YouTube me prova për korrupsion të zyrtarëve shtetërorë e anëtarëve të tjerë të elitës ruse, krijojnë shqetësime për Kremlinin. Sigurisht që është një rrezik për Kremlinin që Navalni të kthehet në një martir ose që statusi i tij si martir të konsolidohet“, Ben Noble, analist për Rusinë, University College London.

Deri më tani Perëndimi i ka ndaluar veprimet ndëshkuese ndaj Rusisë. Muajin e kaluar BE-ja u bashkua me aleatët e saj në miratimin e të ashtuquajturit “Akti Magnitsky”, i cili parashikon sanksione ndaj individëve të akuzuar për abuzim me të drejtat e njeriut. Aktivisti Bill Browder, i cili ndihmoi në miratimin e këtij ligji, thotë se është koha që ai të zbatohet.

Nëse përfshini të gjitha vendet e BE-së, SHBA-në, Kanadanë, Britaninë e Madhe, etj., janë 31 vende. Ndaj kjo gjë do të ketë një efekt shumë të rëndësishëm mbi Rusinë, mbi njerëzit ndaj të cilëve rëndojnë sanksionet. Dhe siç e kuptoj unë, Navalni dhe ekipi i tij, para se të hipnin në aeroplan, kishin krijuar një lloj liste të atyre që ata mendojnë se duhet të jenë në listën e sanksioneve“, thotë Bill Browder, Aktivist për të Drejtat e Njeriut.

Vladimir Putin e sheh këtë si rrezikun më të vogël, argumenton zoti Noble.

Sipas asaj që unë mendoj Kremlini mund ta përballojë këtë turbullirë afatshkurtër, por kapja e tij (Navalnit), futja e tij në burg do të ishte një mënyrë për ta privuar atë nga ekspozimi në media“, thotë Ben Noble, analist për Rusinë, University College London

Ministri i Jashtëm rus Sergei Lavrov iu kundërpërgjigj të hënën kritikave për arrestimin e zotit Navalni.

Politikanët perëndimorë e shohin këtë si një mundësi për të tërhequr vëmendjen nga kriza e thellë në të cilën ndodhet modeli liberal i zhvillimit“, tha ai.

Analistët thonë se veprimet e Rusisë do të përkeqësojnë tensionet me Perëndimin, ndërsa të dyja palët përgatiten për një administratë të re amerikane, që pritet të marrë pushtetin këtë javë nën drejtimin e Presidentit të zgjedhur Joe Biden.

Navalny arrestohet me të zbritur në Rusi

Fillimisht e helmuan, tani Putin urdhëron arrestimin e Navalnyt.

Policia ruse ka arrestuar kritikun më të madh të Vladimir Putinit, Alexei Navalny, pasi kishte arritur në Rusi të dielën, ka konfirmuar avokati i tij, nga burgu dhe dëshmitarë për Reutersin.

Kjo është hera e parë që Navalny kthehet në shtëpi pasi ishte helmuar verën e kaluar. Aeroplani ku ishte, kishte ateruar në një aeroport tjetër të Moskës nga ai që ishte paralajmëruar.

Navalny është arrestuar kur po u tregonte pasaportën e tij zyrtarëve të kufirit para se zyrtarisht të futej në Rusi, thanë dëshmitarët. Gruaja e tij, zëdhënësi dhe avokati i tij janë lejuar të futen në Rusi.

Navalny është shëruar në Gjermani ndërkohë që është provuar shkencërisht se ai ishte helmuar. Putin e kishte akuzuar se ai kishte helmuar vetën. /Express/

Rastet me COVID-19 në mbarë botën shkojnë në mbi 90 milionë

Numri i të prekurve nga koronavirusi i ri (COVID-19) në mbarë botën ka arritur në mbi 90 milionë, transmeton Anadolu Agency (AA)

Sipas faqes së internetit “Worldometer”, e cila përpilon të dhënat në lidhje me pandeminë, deri më tani në mbarë botën janë regjistruar 90.086.549 raste me COVID-19, i cili për herë të parë u shfaq në Wuhan të Kinës dhe më pas u përhap në gjithë botën.

Numri më i madh i të infektuarve është regjistruar në SHBA, me gjithsej 22.699.938 raste deri më tani.

Ky vend ndiqet nga India me 10.451.346 raste, Brazili me 8.075.998, Rusia 3.379.103, Britania me 3.017.409, Franca 2.767.312, Turqia me 2.317.118, Italia me 2.257.866, Spanja me 2.050.360, Gjermania me 1.914.335, Kolumbia 1.771.363, Argjentina 1.714.409, Meksika 1.524.036, Polonia me 1.376.389, Irani me 1.280.438, Afrika e Jugut me 1.214.176, Ukraina me 1.110.015 dhe Peruja me 1.032.275 raste.

Në mbarë botën, deri më tani për shkak të COVID-19 kanë humbur jetën 1.934.939 njerëz, kurse 64.469.156 persona janë shëruar duke e mposhtur virusin.

Gorbaçov: Si i shoh trazirat në SHBA

Pas protestave të dhunshme në SHBA në lidhje me rezultatin e zgjedhjeve që çoi në fitoren e Jeo Biden, vjen një reagim nga ish-presidenti i fundit Sovjetik Mikhail Gorbachev. Sipas këtij të fundit këto trazira të së mërkurës kanë vënë në pikëpyetje të ardhmen e Shteteve të Bashkuara si shtet.

Ai thotë se sulmi ndaj Kongresit amerikan në Capitol Hill në Uashington me sa duket ishte përgatitur më herët, por ai është i bindur se do të duhet pak kohë për të zbuluar pse u bë. Gorbachev shprehet ndër të tjera se do të ketë ndryshime në botë në drejtim të zbutjes së tensioneve dhe se gara e armëve gradualisht do të ndalet, pasi njerëzit e brezit të ri e kuptojnë fatalitetin e saj, raportojnë mediat ruse.

“Shpresa nuk duhet të humbet”, tha ai. Ish-presidenti kujtoi kohën kur nënshkroi Marrëveshjen e Çarmatimit dhe vuri në dukje se edhe atëherë nuk ishte e lehtë, sepse kundërshtarët ishin të fortë. Por, siç deklaroi ai, ata patën sukses sepse donin paqe.

“Njerëzit që nuk duan një luftë do të bashkohen dhe udhëheqja e tyre do të duhet të gjejë një rrugëdalje. Ata do të gjejnë një rrugëdalje dhe forma të reja të marrëveshjes, duke marrë parasysh llojet e reja të armëve. Shpresa nuk duhet të humbasë kurrë. Unë nuk e humbas shpresën te të rinjtë,” tha Gorbaçov. bw

Ndërsa Shtetet e Bashkuara tronditen nga dhuna në Kapitol, Rusia shijon shfaqjen – Nga Charles Maynes

“Festa e demokracisë ka përfunduar”, tha Konstantin Kosachev, kreu i komitetit të punëve të jashtme në Këshillin e Federatës Ruse, në një postim në Facebook në të cilin argumentoi – për të disatën herë – kundër vendosjes së Amerikës si modeli i demokracive globale.

“Amerika nuk e ndjek më atë rrugë dhe si pasojë ka humbur të drejtën për ta përcaktuar atë. Aq më tepër t’i detyrojë të tjerët për këtë”, tha ai.

Kosachev argumenton se përçarjet në shoqërinë amerikane janë aq të thella saqë as republikanët dhe as demokratët nuk do të pranonin rezultatet e zgjedhjeve pa kundërshti.

Ministria e jashtme e Rusisë gjithashtu u përqëndrua të enjten në ndarjen e elektoratit amerikan, ndërsa nxorri në pah përsëri kritikat e SHBA-ve ndaj zgjedhjeve të Rusisë në të kaluarën.

“Është një çështje e brendshme e Shteteve të Bashkuara”, tha zëdhënësja e Ministrisë së Punëve të Jashtme Maria Zakharova në komentet e saj për gazetarët.
“Por përsëri, do të theksonim se sistemi zgjedhor amerikan është arkaik dhe nuk plotëson standardet moderne demokratike, krijon mundësinë për shkelje të ndryshme dhe media amerikane është bërë një instrument i konflikteve politike.”

Në mbulimin e saj, media shtetërore ruse promovoi deklaratat e Presidentit Donald Trump, për manipulimin e zgjedhjeve nga mijëra votues të dyshuar të “vdekur”, të cilat janë diskredituar në mënyrë të përsëritur.

Në përgjithësi, shtypi rus gjithashtu ka mbështetur pretendimet e presidentit Trump për një “komplot të thellë shtetëror” që synon të pengojë përpjekjet e tij për të përmirësuar marrëdhëniet me Moskën pas akuzave për ndërhyrje ruse në zgjedhjet presidenciale amerikane të 2016-ës.

Megjithatë, komentatorët përshëndetën zhvillimet e fundit në Uashington duke bërë krahasime mes përgjigjes amerikane ndaj kryengritjeve demokratike në ish republikat sovjetike fqinje si Bjellorusia dhe Ukraina, ku, siç argumenton Kremlini, Shtetet e Bashkuara kanë kërkuar të përmbysin qeveritë miqësore me Moskën duke mbështetur protestuesit.

Ndërkohë, udhëheqësi rus i opozitës Alexei Navalny, aktualisht në Gjermani pas një përpjekje të dështuar helmimi nga një agjent nervor i shkallës ushtarake në Siberi në gusht, u ofroi një kujtesë mbështetësve të Kremlinit që po shijojnë problemet e fundit politike të Amerikës.

“Putinistët festojnë konfliktin në SHBA dhe lavdërojnë ‘stabilitetin e Putinit’. Ata kanë probleme, shumë prej tyre” tha Navalny përmes Twitter-it. “E vetmja gjë është se SHBA-të ende kanë një pagë mesatare mujore prej 306,000 rublash. Në Federatën Ruse ajo është40,000, dhe në realitet, ndoshta 30,000 “.

Zëra më liberalë rusë komentuan gjithashtu nëse drama politike e kësaj jave në Uashington do të kishin ndodhur në Moskë.

Të imagjinosh që Kremlini të sprapset nga parlamenti dhe gjykatat “do të ishte një përrallë Krishtlindjesh”, tha politikani liberal Dmitry Gudkov në Facebook. “Ne nuk kemi qendra alternative të pushtetit.”

Ngjarjet në Uashington ndodhën në festën e Krishtlindjeve Ortodokse Ruse, duke nxitur sugjerime në vend dhe në Shtetet e Bashkuara se kaosi ishte një dhuratë e papritur për Presidentin rus Vladimir Putin.

Një meme popullore tregoi fytyrën e qeshur të liderit rus të vendosur mbi atë të një demonstruesi duke ngritur një podium nga ndërtesa e Kapitolit.

Por Putini nuk la të kuptohej nëse ishte i kënaqur. Ai nuk i përmendi asnjëherë traziratgjatë një deklarate të shkurtër për festat e Krishtlindjeve.

“Kjo festë e mrekullueshme ndriçon botën me një dritë dashurie dhe mirësie, u jep gëzim dhe shpresë miliona njerëzve dhe i orienton ata drejt vlerave shpirtërore të përjetshme,” tha ai në një deklaratë të publikuar nga Kremlini, duke uruar Krishtlindje të gëzuara për të gjithë.

Dhuna në Kapitol, reagojnë udhëheqës të huaj

VOA

Udhëheqës dhe politikanë botërorë shprehën të mërkurën tronditje ndaj protestuesve të dhunshëm që hynë në ndërtesën e Kongresit amerikan dhe ndaj përpjekjeve për të përmbysur rezultatet e zgjedhjeve presidenciale të 3 nëntorit, të cilat i dhanë fitoren sfiduesit demokrat Joe Biden.

Ja disa nga reagimet:

MBRETËRIA E BASHKUAR

Kryeministri britanik Boris Johnson në një koment në Twitter i quajti skenat në Kongresin amerikan një “turp”, duke thënë se Shtetet e Bashkuara kanë qëndruar në mbrojtje të demokracisë në të gjithë botën dhe se është me rëndësi “jetike” që të ketë një transferim të rregullt dhe paqësor të pushtetit.

GJERMANI

Ministri i Jashtëm gjerman Heiko Maas tha se armiqtë e demokracisë do të gëzohen nga skenat e dhunës në Kapitolin e Shteteve të Bashkuara. Ai i bëri thirrje zotit Trump të pranojë verdiktin e votuesve amerikanë.

Në një Tweet postuar pasi protestuesit sulmuan selinë e legjislaturës amerikane, ministri Maas tha se dhuna ishte shkaktuar nga retorika nxitëse. “Trump dhe mbështetësit e tij duhet të pranojnë më në fund verdiktin e votuesve amerikanë dhe të ndalin përpjekjet për të shkelur demokracinë.”

FRANCË

Ministri i jashtëm francez Le Drian: “Dhuna që po ndërmerret kundër institucioneve amerikane përfaqëson një sulm të rëndë ndaj demokracisë”.

RUSI

“Nga Uashingtoni vijnë imazhe shumë të ngjashme me ato të stilit të Maidanit,” shkroi në Twitter zëvendës ambasadori rus në OKB Dmitry Polyanskiy, duke iu referuar protestave në Ukrainë që rrëzuan Presidentin e Ukrainës të mbështetur nga Rusia Viktor Janukoviç në vitin 2014.

NATO

Sekretari i Përgjithshëm i NATO-s Jens Stoltenberg i quajti protestat e dhunshme në Uashington “skena tronditëse” dhe tha se rezultati i zgjedhjeve demokratike të SHBA duhet të respektohet.

SPANJË

Kryeministri spanjoll Pedro Sanchez shkroi në Twitter: “Po ndjek me shqetësim lajmet që vijnë nga Kapitoli në Uashington. Unë besoj në forcën e demokracisë së Amerikës.

“Presidenca e re e @JoeBiden-it do ta kapërcejë këtë kohë tensioni, duke bashkuar popullin amerikan.”

PEC: COVID-19 ka vrarë mbi 600 punonjës të mediave

Njoftim për shtyp i PEC

Më shumë se 600 gazetarë u larguan nga kjo jetë nga Covid-19 në dhjetë muaj në vitin 2020

Gjenevë, 5 janar 2021 (PEC) Më shumë se 600 gazetarë vdiqën nga Covid-19 në 59 vende në dhjetë muaj në vitin 2020, domethënë 60 në muaj, ose dy në ditë mesatarisht, njoftoi të martën në Gjenevë shoqata Fushata e Emblemës së shtypit (PEC).

Nga 602 gazetarë që kanë vdekur nga Covid-19 që prej 1 Marsit 2020, Amerika Latine kryeson me më shumë se gjysmën e viktimave, ose 303 vdekje. Azia ndjek me 145 të vdekur, përpara Evropës 94, Amerikës së Veriut 32 dhe Afrikës 28.

Ndihma financiare, qasja në vaksina

PEC shpreh keqardhje për shumë vdekje të parandalueshme. Kjo shoqatë mbështet, kur është e nevojshme, kërkesat për ndihmë financiare për familjet e gazetarëve që kanë vdekur nga Covid-19. Gjithashtu ndan pikëpamjen që punonjësit e medias duhet të kenë përparësi të vaksinimit sipas kërkesës.

“Për shkak të profesionit të tyre, gazetarët që shkojnë në terren për të dëshmuar janë veçanërisht të ekspozuar ndaj virusit. Disa prej tyre, posaçërisht profesionistë të pavarur dhe fotografë, nuk mund të punojnë vetëm nga shtëpia ”, tha Sekretari i Përgjithshëm i PEC Blaise Lempen.

Peruja mbetet vendi me numrin më të madh të vdekjeve, me 93 punonjës të medias që kanë vdekur nga koronavirusi që nga marsi (sipas Shoqatës Kombëtare të Gazetarëve të Perusë). Brazili është i dyti me 55 viktima, përpara Indisë (53 të vdekur) dhe Meksikës (45 të vdekur).

Ekuadori ndjek me 42 të vdekur dhe Bangladeshi 41. Italia është vendi me më shumë viktima  evropian me 37 gazetarë të vdekur nga Covid-19.

Në Shtetet e Bashkuara, 31 viktima të Covid-19 janë numëruar në media. Pakistani vjen në radhë me 22 të vdekur, pasuar nga Turqia 17, Britania e Madhe 13, Panama 11 dhe Bolivia 9 vdekje.

Afganistani, Republika Dominikane, Nigeria dhe Rusia kanë secila nga 8 viktima, pasuar nga Argjentina, Kolumbia, Hondurasi 7 vdekje në secilin vend. Në Nikaragua, Spanjë dhe Venezuelë, gjashtë gazetarë kanë vdekur në secilin vend. Në Francë, janë njoftuar pesë vdekje nga Covid-19.

Tre gazetarë vdiqën nga Covid-19 në secilin prej këtyre vendeve: Kamerun, Egjipt, Guatemalë, Iran, Nepal, Salvador, Afrika e Jugut dhe Zimbabve.

Nga dy vdekje gazetarë viktima nga Covid në vendet e mëposhtme: Algjeri, Indonezia, Maroku, Paraguai, Portugalia dhe Suedia.

Më në fund, PEC ka identifikuar të paktën një vdekje në 21 vendet e mëposhtme: Austri, Azerbajxhan, Belgjikë, Bullgari, Kanada, Kili, Republika Demokratike e Kongos, Gjermani, Irak (Kurdistan), Izrael, Japoni, Kazakistan, Kenia, Kirgistan, Libani, Arabia Saudite, Zvicra, Uganda, Taxhikistani, Togo dhe Uruguaji.

Rritjet më të mëdha

Në dhjetor, rritjet më të mëdha u regjistruan në Brazil (+12 në një muaj) dhe Meksikë (+11). Diferenca midis 489 viktimave të regjistruara deri në fund të Nëntorit nga PEC dhe 602 deri më 31 Dhjetor  që do të thotë që 113 gazetarë vdiqën nga koronavirusi në Dhjetor: në të vërtetë, vdekjet nga javët e mëparshme diheshin dhe regjistroheshin vetëm në Dhjetor në disa vende (të tilla si në Itali, Pakistan dhe Turqi).

Numri aktual i viktimave është sigurisht më i lartë, pasi shkaku i vdekjeve të gazetarëve ndonjëherë nuk përcaktohet ose vdekjet e tyre nuk njoftohen. Në disa vende, nuk ka informacion të besueshëm.

Origjina e infeksionit shpesh është e vështirë të përcaktohet dhe nuk është e mundur të diferencohen gazetarët që infektohen në punë nga ata që janë infektuar në jetën e tyre private.

Regjistrimi i PEC bazohet në informacionin nga media lokale, shoqatat nacionale të gazetarëve dhe korrespondentët rajonalë të PEC.

Lista e viktimave në: www.pressemblem.ch


Send this to a friend