VOAL

VOAL

Please Wait ...
0%

Një bombë letrare kundër fashistit Peter Handke: Gjermania nderon me çmimin më të lartë letrar Sasha Stanishicin, një anti-Handke – Nga Enver Robelli

By | October 16, 2019

Komentet

Avokato-sekserët e krimit, duhet të jenë para vetingut! Nga Nikollaq Neranxi

Ndërkohë që presim përfundimin e procesit vetingut i cili po nxjerr jashtë sistemit të drejtësisë, gjykatësit dhe prokurorët e korruptuar, ka akoma një çështje të pazgjidhur: Po me avokatët çfarë do bëhet? Ata janë privatë, nuk mbahen me taksat tona, por nuk është fakt i panjohur që avokatët shpesh i kanë bere dëm drejtësisë po aq sa një prokuror dhe gjyqtar i korruptuar.

Me siguri ashtu si une, edhe ju keni mbetur te zhgenjyer se si shumë personazhe të akuzuar për vepra të rënda penale; nga abuzimi me pushtetin, korrupsioni, vjedhjet, madje edhe vrasjet, investojnë shumë në procesin e mbrojtjes. Dhe si me magji, avokati ia del që klientin e tij, ta nxjerrë të pafajshëm ose t’ia hedhë me ndonjë dënim qesharak edhe në rastet kur provat e akuzave të rënda, janë bërë publike dhe mediatizuar.

Kjo ndodh jo se avokati i të korruptuarit, është ndonjë gjeni në gjetjen e argumentave ligjore, thjesht ai është një sekser i shkëlqyer, që di si të ndajë paratë e krimit të kientit të tij, me prokurorët dhe gjykatësit. Ndërkohë, nëse ti je një qytetar i ndershëm dhe nuk ke asnjë lidhje me padrejtësitë dhe krimin, çuditërisht nuk fiton asnjë gjyq! Kjo sepse ti mendon se ai që të mbron është avokat, por në fakt ai është thjesht një sekser! Prandaj avokatët ndajnë suksesin me të korruptuarit dhe dështimin me njerëzit e ndërshëm.

Pikërisht ashtu siç thoshte aktori i madh Toto: “Avokatët mbrojnë hajdutët, sepse merren vesh shumë mirë me njëri tjetrin, si mes kolegësh!”.

Në Shqipëri, këto 30 vite, avokatët i kanë dhënë një dorë të mirë shkatërrimit të drejtësisë. Janë ca avokatë, monstra të vërteta, që bëjnë korrupsion hapur, që bëjnë pazare ashiqare dhe të dëmtuar mbeten vetëm qytetarët, jo hajdutët, kolegët e tyre me një fjalë. Ka avokatë të cilët shpikin lloj-lloj marifetesh për të përfituar maksimalisht, duke korruptuar gjyqtarë në çdo shkallë gjyqësori, që sajojnë prova, që gjejnë marifetçinj me të cilët ndajnë më pas fitimet.

Dhe kjo kategori avokatësh, duhet hetuar në çdo detaj e në çdo dosje që kanë marrë gjoja si mbrojtës ligjorë. Ky kontigjent avokatësh, duhet të hetohen për mashtrimet që u kanë bërë njerëzve. Ndoshta do ishte mirë, që një pjese të këtyre avokatëve t’u hiqej licenca për pak kohë, ose përgjithmonë, por ama për të gjithë ata duhet patjetër një proces vetingu, njësoj si për prokurorët dhe gjykatësit.

Sepse me të vërtetë avokatët janë privatë dhe çmimet e shërbimeve i përcaktojnë siç duan vetë, por se cili klient ja ka dhënë parate, ku i ka marrë, a janë transparente burimet, duhen hetuar që ç’ke me të, sepse këtu futemi në rregullin numër një të luftës kundër korrupsionit; të gjurmojmë paranë e pisët, nga erdhi dhe ku shkoi.

E nëse avokati u pasurua, sepse kontribuoi për të nxjerrë nga burgu një vrasës apo hajdut, paratë me të cilat ai është paguar, janë para krimi dhe avokati në këtë rast, siç ndodh me oligarkët e pushtetit, është thjesht një lavatriçe e parave të krimit dhe korrupsionit.
E çfarë kuptimi ka një sistem drejtësie i reformuar, ku përballë gjyqtarit qe kaloi vetingun, qëndron ai sekseri i dikurshëm? Prandaj lind si nevojë imediate, kalimi i avokatëve të “djallit”, në sitën e vetingut, sepse nuk mund të kemi një trup të shëndetshëm, kur aty qëndrojnë akoma metastazat e kancerit, avokato-sekseret!

Neranxi i ben leter te hapur Jorgo Goros se Himares

Letër e hapur Jorgo Goros!

Tani që keni provat e dështimit tuaj, prishni betonin dhe na riktheni plazhin!

Beteja e parë e Shoqatës për Mbrojtjen e Shtëpive, Pronave, Historisë dhe Kulturës, Himarë, ishte ajo për të kundërshtuar Rikualifikimin Urban të Himarës, i cili kishte si projekt, grabitje të pronës private, shkatërrimin e identitetit, historisë, por edhe shkatërrimin e natyrës. Për këtë arsye, himariotët kanë protestuar për disa vite dhe tani beteja vijon në Gjykata.

Por duke patur parasysh ritmet e ngadalta të punës së Gjyqësorit, Shoqata i bën thirrje Bashkisë së Himarës dhe Kryetarit Jorgo Goro, të prishë urgjentisht betonin qe ka zaptuar shëtitoren e Spilese dhe rërën e plazhit të saj, si një dështim i këtij projekti! Betoni i cili fillon nga deti dhe deri tek dyqanet dhe banesat, ka zhdukur rërën dhe në Spile nuk mund të bësh më plazh.

Përveç kesaj, struktura nuk krijon barrierë, në mënyrë që dallgët të kthehen mbrapsht, por uji shkon deri në banesa duke bërë dëme të mëdha, për rikuperimin e të cilave nuk përgjigjet askush!
Siç e shikoni të nderuar pushtetarë, ajo që keni bërë në Himarë, nuk ngjan aspak me Jugun e Francës siç thoshte kryeministri.

Ju e keni kthyer Himarën, atë perlë të natyrës, në një monstër, me babëzinë dhe urrejtjen tuaj! Pjesa e paprekur e bregut nga betoni juaj, ku nuk futet asnjë pikë ujë, ajo copë lagje që ne e mbrojtëm me trupat tanë nga babëzia juaj, ju diskrediton sepse tregon se ju nuk keni bërë asnjëherë gjënë e duhur!

Bëjeni tani të paktën! Prishni betonin dhe kthejani plazhin njerëzve dhe qytetin banorëve te saj!

Shoqata për Mbrojtjen e Shtëpive, Pronave, Historisë dhe Kulturës, Himarë

Kryetar Nikollaq Neranxi

“Mini-Shengeni”, si derë për Rusinë dhe Kinën në Ballkan

Arton Konushevci

Autoritetet në Kosovë ia kanë drojën shtrirjes së ndikimit të Rusisë dhe Kinës në rajon në rast se jetësohet i ashtuquajturi “Mini-Shengeni” ballkanik, i iniciuar në takimet ndërmjet liderëve të Serbisë, Shqipërisë e Maqedonisë së Veriut.

Kjo nismë, nuk ka gjetur mbështetjen jo vetëm të Qeverisë në largim të Kosovës, por edhe të partive që pritet të vijnë në pushtet si rezultat i zgjedhjeve parlamentare të 6 tetorit.

Kryeministri në detyrë i Kosovës, Ramush Haradinaj, mendon se një iniciativë e tillë e dëmton dhe e rrezikon Kosovën. Sipas tij, ideja për “Mini-Shengen”, përveç tjerash, mundëson rritjen e ndikimit rus dhe kinez në Ballkan, e rrjedhimisht edhe në Kosovë.

“Mini-Shengeni për të cilin po na fton Vuçiqi, po na fton Edi Rama edhe Zaevi është vetëm zgjerim i influencës ruse dhe kineze në Ballkan. Pra, nuk është “Mini-Shenegeni” interes i Kosovës. Nuk është as i Evropës as i vendeve tona. Rusia dhe Kina janë të instaluar në të gjitha aspektet në Beograd, janë në ekonomi, siguri dhe janë në politikë. Kur ne bëjmë rregulla të njëjta me automatizëm kjo influencë e instaluar në Beograd e Rusisë dhe e Kinës zgjerohet në vende tona”, ka deklaruar Haradinaj.

Ditë më parë, liderët e Ballkanit Perëndimor, kryeministri i Maqedonisë së Veriut, Zoran Zaev, presidenti serb, Aleksandar Vuçiq dhe kryeministri i Shqipërisë Edi Rama, pa pjesëmarrjen e Kosovës e kanë miratuar në Ohër një deklaratë me të cilat synojnë të përmirësojnë bashkëpunimin rajonal duke përfshirë lëvizjen e lirë të njerëzve dhe mallrave.

Lisen Bashkurti, ish-përfaqësues i Shqipërisë në Kombet e Bashkuara dhe aktualisht president i Akademisë Diplomatike Shqiptare, duke folur për Radion Evropa e Lirë, thotë se ndikimi rus në vendet e Ballkanit Perëndimor është element i rëndësishëm i gjeopolitikës së Rusisë.

Ai thekson se qëllimet në prapavijën e iniciativës së “Mini-Shengenit”, si një nismë e tre liderëve të tri shteteve dhe e pakonsultuar me një spektër më të gjerë politik në rajon apo në botë.

“Paqartësi, shumë dyshime, shumë enigma, e një prej të cilave është edhe fakti se ajo krijon mundësi dhe hapësira që të rritet prezenca, interesat dhe influenca ruse më së shumti, por edhe e faktorëve të tjerë jashtë euro-atlantik në rajonin e Ballkanit”, tha Bashkurti.

Ai konsideron se mënyra se si është konceptuar marrëveshja e “Mini-Shengenit” në mes tre liderëve, me qendër Beogradin si një marrëveshje serbo–centriste, edhe do të ndikojë në rritjen e influencës ruse.

“Do të ndodh sepse një nga tre vendet që është konkretisht Serbia, tashmë është anëtare e unionit euro-aziatik, ku bënë pjesë Rusia, Bjellorusia, Kirgistani, Kzakistani dhe Armenia. Është një union ekonomik me influencë e ndikim të drejtpërdrejt rus dhe që tenton të rikrijojë në nga format e reja tëish-Bashkimin Sovjetik në mjedisin euro-aziatik”, thekson Bashkurti.

“Duke qenë një anëtar i këtij “Mini-Shengeni” ballkanik me lidhje të drejtpërdrejtë me Unionin euro-aziatik, ky anëtar i krijon automatikisht premisa që Unioni euro-aziatik me formim, ndikim dhe drejtim rus të mund të gjejë hapësira të lira për të depërtuar në zonën e “mini- Shengenit” ballkanik”, tha Bashkurti.

Analistja Jeta Krasniqi nga Instituti Demokratik i Kosovës, tha për Radion Evropa e Lirë, se një “Mini-Shengen” ballkanik, ku Kosova nuk njihet nga dy shtete si Serbia dhe Bosnjë e Hercegovina është diçka që nuk shkon në favor të Kosovës, pasi që është ende e paqartë se çfarë në fakt fshihet prapa këtij projekti.

“Iniciativat të cilat dalin jashtë kornizës së integrimeve evropiane, atëherë mund të krijojnë edhe hapësira edhe për influenca të shteteve të treta, në ketë rast Kina apo Rusia. Po kemi parë edhe rastet e tjera kur Kina ka dashur të kontribuoj drejtpërdrejt në ndërtimin e autostradave, rrugëve lidhëse dhe kjo mund të jetë një mënyrë ndoshta, në të cilën është menduar kur është përmendur edhe influenca e këtyre shteteve”, tha Krasniqi.

Kandidati kryesor për mandatarin e ardhshëm të Qeverisë së Kosovës, Albin Kurti, kryetar i Lëvizjes Vetëvendosje ka deklaruar se takimi në Ohër nuk është dashur të mbahet dhe se është dashur të pritet konstituimi i institucioneve të reja të Kosovës. Iniciativat e tilla rajonale janë kundërshtuar edhe nga presidenti i Kosovës, Hashim Thaçi.

Kjo iniciativë rajonale, sipas presidentit Thaçi, është e pakuptimtë për aq kohë sa Serbia dhe Bosnje e Hercegovina nuk e njohin pavarësinë e Kosovës.

Historitë e ciganes dhe zyrtarit të Prefekturës së Prishtinës që shpëtuan hebrenjtë (video)

Në një mbrëmje në një sinagogë pranë Uashingtonit, pjesëtarë të komuniteteve hebraike dhe shqiptare nga Kosova dhe Shqipëria, u mblodhën për të parë filmin “Cigania Kurajoze” dhe për të nderuar një ish-sekretar të prefekturës së Prishtinës, që kishte shpëtuar jetën e shumë hebrenjve gjatë periudhës së Holokaustit. Aktiviteti ishte organizuar për të përkuar me 81 vjetorin e Natës së Xhamave të Thyer, kur nazistët ndërmorën sulmin mizor kundër komunitetit hebre, duke bastisur shtëpitë, duke shkatërruar bizneset dhe duke djegur sinagogat, një prelud i tmerrit që do të pasonte. Kolegia Keida Kostreci njofton.

Të shpëtosh një fëmijë dhe ta rrisësh si tënden, duke rrezikuar jetën. Kjo është historia e Hajrija Imeri Mihajliçit, një grua e komunitetit roma, që shpëtoi një vajzë të vogël hebreje në Kosovë, gjatë Luftës së Dytë Botërore.

Ajo vajzë, Ester Acevic – sot Ester Levi – ia kujton edhe sot tiparet. Hajrija punonte për gjyshen e Esterit në Mitrovicë. Dhe kur hebrenjtë u dërguan në kampe përqendrimi, ajo gjeti gjyshe e mbesë në kampin e Mitrovicës dhe e nxorri Esterin mes pesë fëmijëve të saj.

Ester u rrit si bija e saj dhe pas pesë vjetësh kur u mor vesh që vajza ishte hebreje, e morën dhe e dërguan në një jetimore në Serbi ku më pas megjithëse u bashkua me të ëmën, Ester gjithmonë ndjente mall për Hajrijen.

Regjisori kroat Jakov Sadler i thotë Zërit të Amerikës se Hajrija është e vetmja cigane në botë e cila ka marrë titullin më të lartë të Izraelit “njerëz kurajozë të kombeve”, që jepet për ata që shpëtuan hebrenjtë. Ai thotë kurajoja e Hajrijes është edhe më e veçantë, pasi edhe komuniteti Roma ishte në shënjestër të nazistëve.

“A mund ta imagjinoni në këtë situatë të tmerrshme, të jesh cigane, ta kesh jetën të rrezikuar dhe të kesh kurajon të shpëtosh një vajzë të vogël hebraike? Është vërtet e pamundur të përshkruash guximin e saj”.

Anna Kohen, pasardhëse e një familjeje hebraike, e lindur dhe e rritur në Vlorë, ishte një nga organizatoret e aktivitetit mbajtur në sinagogën B’Nai Tzedek, ku u shfaq dhe filmi.

“Është e mrekullueshme sesi ajo fëmijë e vogël është ende gjallë dhe që u shpëtua nga një cigane në Kosovë”, tha ajo për Zërin e Amerikës.

Mbrëmja i ishte përkushtuar gjithashtu edhe rolit të shqiptarëve të Kosovës, që shpëtuan hebrenj, dhe ndihmuar me kalimin e tyre në Shqipëri, i vetmi vend ku ata ishin të mbrojtur në Evropë.

“Ne jemi shqiptarë nga Shqipëria, shqiptarë nga Kosova dhe njerëzit e dinë më shumë për shqiptarët që i shpëtuan të gjithë hebrenjtë e tyre. Por për mua ishte si një mision i paplotësuar, sepse unë tregoj gjithmonë se si Shqipëria i shpëtoi hebrenjtë, sepse shpëtoi familjen time. Por nuk dëgjoheshin shumë histori për Kosovën”.

Pjesë e këtyre historive ishte ajo e Preng Ulit i cili si sekretar i përgjithshëm i Prefekturës së Prishtinës gjatë luftës, shpëtoi shumë hebrenj. Një nga rastet më të spikatura, ishte kur ai bashkëpunoi me rabinin e Prishtinës, Jozef Levi duke i dhënë 52 pasaporta të rreme për hebrenjtë që të kalonin në Shqipëri.

Gjergj Uli është krenar për të atin, i cili vuajti edhe në kampin e Gracit, dhe thotë se ai ishte një idealist.

Është kënaqësi dhe vërtet që është një nder dhe unë jam i entusiazmuar që një tjetër popull kujton tim atë për atë që bëri. Ky është një vlerësim e asaj që ai vërtet e bëri dhe ishte jo pak e rëndësishme. Edhe një njeriu të vetëm t’ia shpëtosh jetën është një mrekulli, jo më im atë ka bërë shumë më tepër se aq”, tha ai.

Për të nderuar kujtimin dhe kontributin e Preng Ulit, artistja Masha Roth, një fëmijë e mbijetuar e Holokaustit kishte bërë një vepër arti që ia dha Gjergjit.

Ines Demiri, diplomate në konsullatën e Kosovës dhe një nga organizatoret, ka një pozicion të veçantë. Gjyshi i saj shqiptar e shpëtoi gjyshen e saj hebraje dhe më pas ata u martuan.

“Si një bijë që u takon të dy popujve të lashtë hebre dhe shqiptar, që të dy kanë përjetuar vuajtjen dhe brutalitetin, jam krenare që ta quaj Kosovën shtëpinë time, dhe krenare për popullin tim që shpëtoi hebrenjtë në kohën më të vështirë të historisë së tyre”.

Për Ardian Hasanajn, një pjesëtar i audiencës nga Kosova, që ndodhej për vizitë në Uashington dhe jeton në Gjermani, simbolika ishte shumë e ndjeshme për të, duke qenë se kishte përjetuar si fëmijë luftën në Kosovë dhe të keqen apo të mirën që janë në gjendje të bëjnë njerëzit.

“Veprimi i Hajries dhe shumë të tjerëve shqiptarë që gjatë Luftës së Dytë Botërore kanë arritur të rrezikojnë jetën e vet, për të shpëtuar jetët e të tjerëve, në këtë rast komunitetit Jahudi që kanë qenë të rrezikuar nga nazizmi në atë kohë, është vërtet shenjë e madhe e kombit tonë por edhe vlerave njerëzore, që duhet t’i ketë secili komb”, tha ai.

Irene Makler, një tjetër pjesëmarrëse, flet për rolin e shqiptarëve.

“Fakti që të gjithë po kthenin shpinën dhe shqiptarët i mbrojtën hebrenjtë, mbrojtën njerëz që vuanin dhe kishin nevojë për ndihmë, mendoj se është i mrekullueshëm”, thotë ajo.

Në një sallë ku kishte shumë të mbijetuar, disa prej akteve të njerëzve që i ndihmuan, mirënjohja dhe dashuria e Esterit për Hajrijen është diçka që ata e ndjejnë dhe e kuptojnë thellë.

“Ndërsa kujtojmë Natën e Xhamave të Thyer, ne kujtojmë të gjithë hebrenjtë që vdiqën në luftë, por po ashtu nuk do të harrojmë kurrë ata që shpëtuan hebrenj të tjerë”, thotë zonja Kohen.

SHQIPTARËT NË NËNTORËT E LIRISË! – Nga AZGAN HAKLAJ

         

 

UÇK-ja që realizoi ëndrren 600 vjeçare të Kosovës ështé përballë Hagës.

Shengeni Ballkanik – Jugosllavia e Re apo Serbia e madhe e izolimi i Kosovës është dhurata Rama- Vuçiç në 75 vjetorin e Çlirimit të Shqipërisë dhe Vitit Jubilar të 20 vjetorit të çlirimit të Kosovës.

Bota kujton 30 vjetorin e rrezimit të Murit të Berlinit.
Sulltan Rama nderton mure të reja mes shqiptarëve.

Bota denoncon krimet e fashizmit e komunizmit, dyshja Rama-Velia rehabilitojnë personazhet e diktaturës që shkaktuan këto krime në Shqipëri.

Baballarët e Ramës pushkatuan grupin e deputetëve në vitin 1947.

Kalifi i ri fabrikon akuza qesharake me anë të prokurorisë politike kunder udheheqěsit të opozitës së bashkuar z Lulzim Basha, kryetarit të Partisë Demokratike që shembi diktaturën komuniste e solli demokracinë në Shqipëri.

 

 

 

Para mijra vjetësh u shfaqën në Ballkan të parët tanë fiset iliro- dardane, pasardhës të pellazgëve.

Për më shumë së 24 shekuj të organizuar në mbretëritë e tyre ilire- dardane- epiriote- paione luftuan ditë e natë, në mal e fushè, në kështjella e llogore, në tokë dhe në dete kundër perandorive romake e bizantine, kundër dyndjeve barbare kelte, gote, hune, sllave në lashtësi, e mesjetën e hershme e më pas për gati 600 vjet kundër Car Dushanëve e otomanëve të zi, masakrat e të cilëve ndaj popullit arbëror janë të ngulitura përgjithmonë në kujtesën historike të Kombit Shqiptar.

Shpesh stërgjyshërve tanë u është dashur e ua ka imponuar historia një betejë për jetë a vdekje në dy-tre fronte.

Në lashtësi iliro-dardanët me romakët- maqedonët e keltët.

Në Mesjetë me anzhuinët – sllavët- osmanët.

Në Epokën e Lidhjes Shqiptare të Prizrenit me turqit-malazezët- bullgarët.

Në luftrat ballkanike e ato botërore me pushtues të ndryshëm, turqë, sllavë, malazezë, bullgarë, maxharrë, italianë, gjermanë, grekë.

Në zjarrin e këtyre betejave homerike është farkëtuar shpata e mburoja, pushka e qëndresa e më në fund Identiteti Ynë Kombëtar, si një komb thellësisht europian, me gjuhë, histori e kulturë krejt të ndryshme nga fqinjët e egër e barbarë të Ballkanit, ëndrra e kahershme e të cilëve e shndërruar në strategji afatgjatë, në ideologji e platformë shtetërore ka qenë as më pak e as më shumë:

Pushtimi i trojeve të lashta etnike shqiptare, nëpërmjet vrasjeve masive, genocidit, spastrimit etnik, kolonizimit dhe zhdukjes së çdo gjurme të historisë, kulturës e të Qytetrimit, Iliro-Dardano-Arbërorë.

Në këtë betejë apokaliptike shqiptarët patën në të shumtën e rasteve vetëm dy aleatë :
Zotin dhe armët e tyre.

Këtu u farkëtua qendresa, vetëdija e tyre kombëtare, e cila në historinë tonë të vjetër e të re identifikohet me nëntorët e lirisë..

Me Nëntorin e Parë të lavdishëm e të pavdekshëm të Gjergj Kastriotit ( Skënderbeut) të vitit 1443.
Ishte Ai Luani i Kombit me 300 djemtë e tij spartanë që fluturoi si dragua nga Nishi i Shen Kostandinit Dardan e pushtoi Kalanë e Krujës dhe me 28 nëntor shpalosi në bedenat e Kështjellës Arbërore Famurin Kuqezi, të kastriotëve duke i hapur rrugë Epopesë çlirimtare dhe të Shtetit të Parë Kombëtar Shqiptar.
Nëntori i Dytë i hartuar në platëformën e Lidhjes Shqiptare të Prizrenit e i pagëzuar në betejat e saj të mëdha e në Kryengritjen e Pavarësisë u vulos në Vlorë po me dt 28 nëntor.

Etërit e Pavarësisë e kanë emërtuar Nëntori i Dytë.

Kjo për faktin se Kryetrimi Gjergj Kastrioti, Ismail Qemali, Hasan Prishtina, Ded Gjon Luli, Isa Boletini, Bajram Curri, Luigj Gurakuqi etj realizuan në harkun kohor të pesë shekujve të njëjtën kryevepër historike:

Çlirimin e Atdheut nga kthetrat e barbarëve të Lindjes dhe vendosjen e Shqipërisë aty ku i takon në familjen e kombeve të lira e të civilizuara të Europës.

Politika e neutralitetit dhe e fqinjësisë së mirë e ideuar nga rilindasit tanë dhe liderët e Shtetit të Ri Shqiptar, një politikë e frymëzuar nga përvoja e gjatë historike dhe testamenti i burrështetasve të shquar të Mesjetës Shqiptare u ndesh me nacionalizmat e egër e mentalitetin mesjetar të mbretërive të Ballkanit në Traktatin e Shën Stefanit, Kongresin e Berlinit, Konferencën e Londrës, me Traktatin e Fshehtë të Londrës, me “Neçërtanien” Serbe, e “Megalidhenë” Greke që në Luftën e Parë Ballkanike deboi qindramijra shqiptarë muslimanë etnikë nga trojet e tyre duke i zëvendesuar me grekë të ardhur nga Azia e Vogël, në një kohë kur Serbia në vitin 1913 me një armatë kolosale prej 270000 ushtarësh të armatosur deri në dhembë pushtoi Kosovën duke lënë pas kudo tokë të djegur, vrasje masive të popullsisë së pambrojtur civile e masakra të papara në Historinë e Europës.

Pas Luftës sê Parë Botërore, Konferencës së Paqes në Paris, në maj 1923 nëshkruhet Marrveshja Turko-Greke e Lozanës për shkembimin e popullsisë muslimane me grekërit ortodoksë të Turqisë.
Mijra shqiptarë u shpërngulën nga trojet e tyre në Greqi në vitin 1924.

Marrveshjet serbo -turke të vitit 1928-1938 -1952 -1953 shpërngulën nga Kosova, Mali i ZI, Maqedonia për në Turqi qindramijra shqiptarë.

Nëntorin e Tretë të vitit 1944 na e grabitën sllavo-komunistët serbë e ata shqipfolës me në krye Enver Hoxhën.

Eshtë e qartë si drita e Diellit dhe i pamohueshëm nga askush fakti se betejën për çlirimin nga pushtuesit italianë e filluan nacionalistët shqiptarë me formacionet e tyre të armatosura.

Komunistët nuk u banë gjallë deri në qershor 1941 kur armatat e blinduara të Hitlerit sulmuan Bashkimin Sovjetik.

Konferenca e Pezës 16 shtator 1942 e organizuar dhe e drejtuar nga nacionalistët, një Kuvend përbashkues, kombëtar nën parullën famëmadhe:

“Të ngrihemi në luftë pa dallim feje, krahine, ideje, për një Shqipëri të lirë e demokratike” u tradhëtua nga Enver Hoxha.

Keshtu ndodhi dhe me marrveshjen e Mukjes 23 gusht 1943, prishja e të cilës në menyrë të njëanshme nga PKSH dhe tradhëtia e vendimeve të Konferencës së Bujanit 31 dhjetor 1943 – 2 janar 1944 për vetëvendosjen e popujve pas Luftës së Dytë Botërore sabotoi bashkimin kombëtar dhe legjitimoi aneksimin e Kosovës nga Jugosllavia.

Disa muaj para perfundimit të luftës e çlirimit të Shqipërisë komunistët thirrën Kongresin e Permetit, konkretisht 24- 28 maj 1944, formuan qeverinë e përkohëshme, shkatërruan shtetin e së drejtës, nën
slloganin bolshevik “Të gjithë pushtetin sovjetëve”.

Ata grabitën Nëntorin e Tretë, morën pushtetin me dhunë, çmomtuan shtetin modern të burrështetasit Ahmet Zogu, i cili ishte bërë barrikadë për tri dekada i bolshevizmit në Shqipëri.
Instaluan një diktaturë të egër staliniste 40 vjeçare e cila la pas qindra burgje, gulage e kampe internimi, mijra të pushkatuar, mijra familje të internuara e qindra kundërshtarë të regjimit të ekzekutuar me metodat e kmerëve të kuq, të cilëve as sot nuk u dihet varri.

28 Nëntori i Tretë u përgjak qysh të nesërmen me pushtimin e kryeqendrës së nacionalizmit shqiptar Shkodrës nga falangat e kmerëve të kuq të Enver Hoxhës të frymëzuar nga Beogradi.

Deshmitari okular At Zef Pëllumbi në veprën e tij monumentale “Rrno për me tregue” na kujton se brigadat që hynë në Shkodër përhapën kudo dhunë e terror, e kthyen qytetin e Lirisë, Kështjellën e Ilirisë në një burg gjigand ku u torturuan mijra vetë dhe demonstruan fitoren me mijra flamuj trengjyrësh jugosllavë.

Dimri i akullt i stepave pushtoi Shqipërinë dhe Kosovën njëherësh.

Qendresa heroike por deshpëruese kundër sllavokomunizmit në Shqipëri e Kosovë ra nën barbarinë e çizmes ushtarake titisto-hoxhiste.

Kryengritjet antikomuniste të Kelmendit e Postribës, të parat në Europë pas Luftës së Dytë Botërore u shtypën me zjarr e hekur

Aksioni antishqiptar greko-serb me bekimin e qeverisë kuislinge të Tiranës u sinkronizua si kurrë më parë.

Operacionet ushtarake të udhëhequra nga renegati Napoleon Zerva që u kurorëzua me vrasjen e mijra çamëve e shpërnguljen e dhjetramijrave të tjerëve nga trojet e tyre të lashta etnike në sytë e aleatëve e mbarë Europës u pasua me Masakrën e Tivarit me vrasjen e mijra shqiptarëve të Kosovës të krahasuara me ato të Hitlerit e Stalinit mbi popullin hebre e atë polak.

Hoxha shkoj edhe me tej në çmendurinë e tij të egër e mizore për pushtet.

Ai guxoi të pushkatonte në bllok udhëheqësit e opozitës parlamentare të dalë nga zgjedhjet e 2 dhjetorit 1945 duke kthyer krimin politik më të tmerrshëm në Historinë e Parlamentarizmit Europian.

Historia e martirëve shqiptarë klerikë, laikë, intelektualë e politikanë kërkon një Nuremberg të ri sot në 75 vjetorin e Çlirimit të Shqipërisë dhe në vitin Jubilar të 20 vjetorit të çlirimit të Kosovës në Nëntorin e Katërt ku me 28 nëntor 22 vite më parë në varrimin e mesuesit Halit Geci,
vrarë nga dora gjakatare serbe doli në skenë publikisht UÇK -ja e lavdishëme.
Aleanca famëkeqe Vuçiç – Thaçi- Rama ideatorë e promovues të ndarjes së Kosovës.

Shengeni Ballkanik, Jugosllavia e Re, apo Serbia e madhe që ka pikësinim izolimin e Kosovës deshmon qartë së në 30 vjetorin e renies së Murit të Berlinit për shqiptarët po krijohen mure të reja.
Vuçiçi dhe Rama po veprojnë me të njëjtên platformë që patën hartuar Tita- Hoxha në vitet 1946 -1949 për ta kthyer Shqipërinë në republikë të 7- të Jugosllavisë.

Me dt 27 nëntor 1946 është nënshkruar Traktati i miqësisë Jugosllavi- Shqipëri që sanksiononte bashkimin doganor, barazvleftësimin monetar, lekë- dinarë, krijimin e shoqërive të përbashkëta shqiptaro- jugosllave për ndërtimin, shfrytëzimin e hekurudhave, minerave, naftës etj.

Në vitin 1948 Partia Komuniste e Shqipërisë votoi bashkimin ekonomik e ushtarak me Jugosllavinë.

Kjo do ti paraprinte krijimit të Federatës Ballkanike.

Këtë e verteton dokumenti i Cias i atyre viteve.

Sulltan Rama i ka vendosur Rrugës së Kombit, arteries së bashkimit kombëtar traun pa alternativë.

Qarqet antishqiptare me ndihmën e kuislingëve shqiptarë po rivrasin Nëntorin e Lirisë, i cili është një simbol i shenjtë i kujtesës historike të shqiptarëve ashtu si dikur Hoxha e Tito.

Ftesa e njëanëshme nga Gjykata e Hagës e dhjetra komandantëve të luftës, Kryeministrit në detyrë Ramush Haradinaj, kryetarit të Kuvendit Kadri Veseli është dhurata e radhës që sherbëtorët e Beogradit i bajnë Vuçiçit e diplomacisë serbo -ruse e cila kerkon izolimin e Kosovës dhe demonstron racizmin e pastër.
Reagimi i zbehtë i Thaçit dhe heshtja utilitare e Ramës, Mustafës e Kurtit, tregon miratimin e strategjisë antishqiptare.

Kryeministri i Shqipërisë dhe banda e tij kriminale me një akt të paprecedent i kanë hapur një panair të madh elektoratit fanatik dhe idhtarëve të diktaturës duke ekspozuar në Bulevardin qendror të Tiranës qindra fitografi të atyre që vranë e torturuan patriotët, heronjtë e rezistencës antikomuniste dhe qytetarët e pafajshëm.

Dora e zezë e mendja satanike e Qeverisë Banditeske Rama kanë guxuar të kërcënojnë me vdekje Drejtorin e Institutit të Studimeve të Krimeve të Komunizmit z Agron Tufa vetëm se Ai me argumente e prova atentike dhe i bazuar në standartet ndërkombëtare të drejtorisë i ka akuzuar disa komandantë të formacioneve partizane për krime kundër njerëzimit.

Despoti Rama pasi grabiti pushtetin qendror, pushtoi atë lokal u përpoq të eliminonte opozitën reale, opozitën e bashkuar dhe zëvendësimin e saj me opozitë artificiale të kontrolluar prej tij.
Pasi dështoi me turp në këtë inkursion përdori prokurorinë politike për të venë nën akuza qesharake Kryetarin e Partitë Demokratike të Shqipërisë z Lulzim Basha.

Rama nuk e duron dot faktin se Partia Demokratike e Shqipërisë ka rrëzuar dikataturën komuniste, pra baballarët e tij nga pushteti e ka sjellë demokracinë në Shqipëri dhe po e rrezon së shpejti dhe pushtetin e tij kleptokratik, institucionalizon votën e lirë nga ku krijohet shteti i së drejtës e një qeveri siç thoshte Abraham Linkolni: “Qeveri nga populli e popullit për popullin”

Delegjitimimi i dy prej ngjarjeve më të ndritura të Kombit Shqiptar në historinë e tyre moderne :
Qëndresës antikomuniste dhe i luftës së UÇK -së për çlirimin e Kosovës është skenar ogurzi i politikës pansllaviste ruso- putiniane, e cila kërkon që përmes Serbisë së madhe të jetë fuqi determinuese në Ballkan.
Nacionalistët dhe elita politike e kulturore proevropiane e ka bërë ndërkaq zgjedhjen e saj, e cila është përqafuar jo vetëm nga qytetarët e Shqipërisë Londineze por dhe nga shqiptarët e Kosovës, Maqedoninë e Malit të Zi.

Dekadat e fundit të kurorëzuara me pavarësinë e njohjen ndërkombëtare të Kosovës i kanë sanksionuar shqiptarët si faktor determinues për garantimin e paqes, sigurisë dhe diskursit politik properendimor të rajonit të Ballkanit.

Shqiptarët jo vetëm në Shqipëri e Kosovë por dhe në Maqedoni e Mal të Zi treguan se janë faktor vendimtar e përcaktues në Rrugën EuroAtlantike të këtyre shteteve.

Aleanca njëshekullore e shqiptarëve me SHBA e farkëtuar mbi idealet e larta të lirisë demokracisë dhe humanizmit do të kthehet tashmë në mijravjeçare, siç theksoi në Tiranë znj Klinton në fjalimin historik para deputetëve të Parlamentit të Shqipërisë.

Shqiptarët e kanë tashmë të ndriçuar rrugën e historisë së ardhshme dhe se askush nuk mund të vrasë as burgosë nëntorët e lirisë.

Ja çfarë ndodh në Medvegjë në kohërat e përbetimeve dhe shengen-dashurive ballkanike

Liderët e disa vendeve të Ballkanit Perëndimor, pas mohimit të paktën përkohësisht të vazhdimësisë së rrugës së përfshirjes në BE, janë hedhur në një sulm zhurmues mediatik dhe gjeopolitik për treguar vullnetin e tyre të plotë për të ndërtuar të quajturin Minishengen Ballkanik.

Gjithcka në emer të fqinjësisë së mirë, demokracisë, paqes dhe mirëqënies së qytetarëve të tyre.

Pavarësisht, se nga brendia e asaj, që u shërbye publikisht në takimet e nivelit të lartë të mbajtura së fundmi në Serbi dhe Maqedoninë e Veriut, në thelb është vetëm Marrëveshja Cefta plus 5% e nënshkruar afër 15 vite më parë dhe e zbatuar në jo më shumë se 50% të përmbajtjes së saj, nisma të tilla janë për t’u përkrahur.

Por me një kusht: të jenë të sinqerta.

Ndërkohë, nga Medvegja shqiptare në Serbinë Jugore vinë dhëna dramatike se cfarë po ndodh në të vërtetë në terren. As më pak dhe as më shumë kemi spastrim etnik ” de facto” të egër të pothuaj 65% të shqiptarëve nga autoritetet e Beogradit, pikërisht në kohën e përbetimeve dhe dashurisë ballkanike të nismëtarëve të MiniShengenit.

Të dhënat e frikshme vinë në këndvështrimin e qartë të të zgjedhurit politik të shqiptarëve të Medvegjes dhe sipërmarrësit europian z.Muharrem Salihu. Gjithcka është paraqitur në letrën ndërgjegjësuese, që i është dërguar ambasadorit të RF të Gjermanisë në Serbi si dhe përfaqesuesve më të lartë të BE dhe SHBA-ve.

Shënim nga Gjergj Buxhuku

 

*****

 

Medvegjë, Bujanovc, 6 nëntor 2019

I nderuar Z. Thomas Schieb

Ambasador i RF të Gjermanisë

Beograd, Serbi

Lënda; Fushata e spastrimit të heshtur etnik të shqiptarëve të Komunës së Medvegjës

 

I nderuar Z. Ambasador,

Dua të paraqes përshëndetjet e mia të ngrohta për Ju si dhe falenderimet për vizitën e fundit në Bujanovc. Njëkohësisht dëshiroj të shpreh keqardhjen për pamundësinë Tuaj për të ardhur në Medvegjë dhe për tu takuar me përfaqësuesit e zgjedhur së fundmi të bashkësisë shqiptare.

I nderuar Z. Ambasador, sikurse mund të jeni në dijeni, ne përballemi me zhvillime politike dramatike në Komunën e Medvegjes. Duke filluar nga viti 2011 qytetarët e kombësisë shqiptare janë fshirë në mënyrë sistematike nga regjistrat e gjëndjes civile nga autoritetet shtetërore serbe. Ata janë cregjistruar pavarësisht, se janë qytetarë të Serbisë dhe janë në zotërim të gjithë dokumentave të lëshuar nga shteti. Qëllimi është të zbrazet Medvegja nga shqiptarët.

Sa më sipër përbën një akt të padëgjuar diskreminimi në Europën e shekullit të 21. Për më shumë gjithcka më sipër ka kaluar pa u bërë e njohur në media, shoqërinë civile dhe qarqet politike ndërkombëtare në Serbi dhe jashtë saj. Duke abuzuar me një paragraf të ligjit për statusin e residentit, konkrtisht neni 18, autoritetet e Serbisë janë duke shënjestruar residentët e përhershëm të bashkësisë shqiptare në Medvegjë. Mënyra e zgjedhur e diskriminimit është dërgimi nga Ministria e Punëve të Brendshme të Serbisë i fletëthirrjeve të posacme qytetarëve shqiptarë për tu paraqitur në stacionin e policisë.

Nuk ka të dhëna, që ftesat e mësipërme bëhen, se autoritetet përkujdesen vetëm për të verifikuar, nëse shqiptarët jetojnë ende në vendbanimet e tyre. Sikurse jemi vënë në dijeni në mijëra raste alarmante personeli i Ministrisë së Punëve të Brendshme të Serbisë me cdo kusht kërkon dëshmi false kundër qytetarëve të kombësisë shqiptare. P.sh në mjaft raste autoritetet serbe përfshijnë dëshmi të rreme që një qytetar shqiptar nuk jeton më në Medvegje.

Në vazhdim këto të dhëna të falsifikuara i hedhin në një regjistër të dhënash në të cilin raportohet “mungesa e qytetarit” dhe si rrjedhim rreziku i marrjes së shërbimit shëndetësor, sigurimeve shëndetësore, shoqërore, paaftësisë në punë, etj. Autoritetet serbe jane duke i thonë shqiptarëve të Medvegjes se “ju nuk mund të përfshiheni në skemën e shërbimit shëndetësor”, “ ju nuk mund të përfitoni pension”, “ju nuk mund të regjistroni makinën tuaj”, etj. për të arritur te më e keqja që “ ju nuk mund të votoni sepse, nuk figuroni në listën e zgjedhësve”!

Sa më sipër është një krizë humanitare me përmasa epike dhe një goditje e drejtpërdrejtë e demokracisë. Ne kemi raste të qytetarëve të kombësisë shqiptare të sëmurë me kancer, që nuk mund të marrin shërbim mjeksor, kemi me mijra qytetarë shqiptarë, që kërkojnë të kenë të drejta të rifitojnë statusin e tyre si qytetarë të barabartë në Serbi dhe megjithatë MPB në mënyrë të prerë nuk i merr parasysh.

Përgjigjia standarte e autoriteteve vendore është, që “kemi udhëzime nga sipër” dhe “nuk jemi të detyruar të japim shpjegime për ju”.

Pasojë e diskreminimit të dhunshëm shtetëror është, që në Medvegjë në zgjedhjet e fundit për pushtetin vendor të mbajtura në 8 shtator 2019 vetëm 1800 shqiptarë ishin në lista e shpallura me të drejtë vote. Në vitin 2015 kishte 5000 shqiptarë të regjistruar me të drejtë vote. Kështu, brenda katër vitesh Qeveria e Serbisë u kishte hequr të drejtën e votës mbi 3200 ose pothuaj 65% të shqiptarëve nga regjistri civil dhe regjistri zgjedhor në bashkinë e Medvegjes.

Unë dua të theksoj, se shumica e shqiptarëve të Medvegjes janë fshirë nga regjistri civil ndërsa ende janë në zotërim të dokumentave zyrtare të vlefshme të lëshuara nga Republika e Serbisë. Autoritetet në fuqi nuk bëjnë dallim nëse janë të pamundur,  në pension, të rinj ose të vjetër, femra ose meshkuj. Kushti i parë dhe i vetëm për diskreminim është të qënit me kombësi shqiptare! Sa më sipër është tërësisht e papranueshme për një shtet kandidat dhe që synon të jetë antar i bashkimit Europian.

Si një përfaqësues politik i zgjedhur i shqiptarëve në Medvegje, unë jam thellësisht i shqetësuar, që deri më sot asnjë organizaë ndërkombëtare dhe asnjë ambasadë në Serbi nuk ka mbajtur qëndrim për pastrimin e heshtur etnik të shqiptarëve nga Medvegja. Ndërsa fokusi i vetëm i bashkisë ndërkombëtare ka qenë ulja në tavolinën e bisedimeve të drejtuesve të shqiptarëve të Kosovës dhe autoritetet e Beogradit, në Medvegje po zhvillohet një pastrim i pastër dhe i heshtur etnik ndaj shqiptarëve.

I nderuar Z. Ambasador,

Duke parë zhvillimet dramatike në komunën tonë une dëshiroj t’Ju paraqes një ftesë të përzëmërt për të vizituar Medvegjen. Ju ejani dhe takoni njerëzit tanë të cilët janë zhveshur brenda natës nga të drejtat themelore të njeriut. Dhe Ju lutem ejani të takoheni me përfaqësuesit e zgjedhur të shqiptarëve të Medvegjës. Une kam kënaqësinë t’Ju uroj mirëseardhjen në komunën tonë dhe të jap të dhëna të tjera për cështje urgjente të natyrës politike si edhe marr përsipër të qëndroj krah Jush për të zgjdhur krizën dramatike politike dhe njerëzore në Medvegjë.

Ndërkohë, unë kërkoj nga Ju të shtroni cështjen në fjalë të të gjitha institucionet politike më të rëndësishme dhe trupat politike ndërkombëtare. Ju lutem mbani këtë qëndrim në emër të shqiptarëve të Medvegjës, sepse duke vepruar ashtu ju do të mbani qëndrim për një Serbi demokratike, gjithashtu. Ne kërkojmë nga Ju të na ndihmoni për të rifituar statusin e qytetarëve të kombësisë shqiptarë si qytetarë të barabartë të Serbisë.

Ne nuk mohojmë shtetin e Serbisë; Serbia nuk duhet të na mohojë qënien tonë si qytetarë.

Sinqerisht Juaji

Muharrem Salihu

Përfaqësues Politik i Komunitetit Shqiptar të Medvegjës,

Antar i Këshillit të Komunës së Medvegjës

 

Çfarë kemi nën ujë – Nga Gëzim Kabashi

 

Në ujrat tona detare ndodhen mbi 60 anije, të mbytura në veprimet ushtarake gjatë dy Luftrave Botërore, por edhe në periudhën pas Luftës së Ftohtë.

Aktualisht ato nuk mund të kthehen në objekte atraksioni nënujor për zhytësit e pasionuar për shkak të konventave ndërkombëtare, por edhe për mungesë të koordinimit mes institucioneve shqiptare.

Disa prej tyre në 20 vitet e fundit janë bërë pre e zhytësve grabitës, që të ndihmuar edhe nga indiferenca e shtetit i kanë kthyer mjetet lundruese me vlera historike të rëndësishme thuajse në hekurishte.

“Ne synojmë përmirësimin e legjislacionit aktual që rregullon kompetencat dhe përgjegjësitë e zbulimit, ruajtjes dhe konservimit të objekteve që i përkasin të trashëgimisë sonë kulturore në det,” tha për BIRN zv. komandanti i Forcës sonë Detare, Artur Meçollari, me nismën e të cilit u organizua në Durrës ditën e premte Takimi i parë Koordinativ me përfaqësues të ministrive e institucioneve të linjës mbi trashëgiminë nënujore detare.

Sipas Meçollarit, nga 64 anijet e mbytura përballë brigjeve shqiptare pjesa më e madhe i përkasin dy luftrave botërore, viteve 1914-1918 dhe 1939-1945, ndërsa 19 të tjera, janë anije të Flotës sonë Detare ushtarake gjatë Luftës së Ftohtë, që u fundosën për shkaqe të ndryshme pas viteve 1990.

Konventat e fundit ndërkombëtare UNCLOS III, ku aderon edhe vendi ynë kanë përcaktuar një periudhë 100-vjeçare, gjatë së cilës të drejtat mbi anijet e mbytura i kanë së bashku, si shteti i flamurit të mjetit lundrues dhe vendi të cilit i përkasin ujrat detare ku anija ndodhet.

Tradita detare dhe e drejta zakonore e konsiderojnë detyrim human respektin ndaj anijeve të mbytura, të cilat shpesh herë quhen varreza njerëzore me një lidhje të veçantë shpirtërore me shtetin e flamurit.

20 vjet abuzime dhe grabitje të trashëgimisë nënujore

Foto nga zhytjet e arkeologeve dhe zhytesve profesioniste – kortezi nga dr Adrian Anastasi

Sipas arkeologut nënujor Adrian Anastasi, kontribues i palës shqiptare në hartimin e Konventës së vitit 2008, gjatë dy dekadave të fundit nën ujë ka vepruar ligësia e grabitësve dhe jo ligji.

Anastasi jep shembullin e eksplorimit të pakontrolluar të kryqëzorit “Lika” në gjiun e Durrësit p.sh., apo destrojerit “Intrepido” dhe anijes spitalore “Po” në Vlorë, të cilët kanë sjellë dëmtime të rënda të vlerave historike të tyre. Kjo ka ndodhur edhe kur zhytës të huaj kanë ndërhyrë në anijet e mbytura pas marrëveshjeve me palën shqiptare.

Duke iu referuar 26 anijeve të mbytura prej një shekulli në periudhën e Luftës së Parë Botërore, dr. Anastasi shton se nuk duhet të spekullohet me kalimin e periudhës 100-vjeçare nën ujë.

“Megjithë të drejtat mbi këto anije mbarojnë, ato nuk duhet të lëvizen nga vendi pa përfunduar procesi studimor “in situ”, që do të dëshmojë vlerat e vërteta dhe historikun e mjetit lundrues,” tha ai.

Ndërkaq, vendndodhjet e objekteve mijëvjeçare me rëndësi arkeologjike nën det janë përjashtuar nga hartat e përpiluara nga Forca Detare për të shmangur abuzimet e rënda që kanë ndodhur më parë në ujërat territoriale përballë qyteteve bregdetare.

Dr. Ilir Çapuni ka ardhur nga Ulqini për të ndjekur takimin koordinativ për trashëgiminë nënujore, dhe përvoja e tij si zhytës profesionist në ekspedita kombëtare dhe ndërkombëtare pritet me interes nga pjesmarrësit. Ai ndan të njejtin mendim me kolegun nga Durrësi për rëndësinë shkencore të studimit , por nënvizon edhe nevojën e ngutshme për një Muze Kombëtar të Detarisë.

“Kroacia vitet e fundit ka hapur katër muze të detarisë në po kaq qytete, ndërsa ka nxjerrë mbi ujë një pjesë të anijeve të mbytura pranë brigjeve të saj,” tha Ilir Çapuni.

“I mjaftoi një moratorium 2-vjeçar si dhe pjesmarrja në projektet të mëdha ndërkombëtare për të krijuar një rrjet muzeal të panjohur më parë, mjaft tërheqës për turistët e huaj,” shtoi ai.

Zhytësi ulqinak nënvijëzoi se materiali që ndodhet ende nën ujë përballë brigjeve të Shqipërisë “mundëson hapjen e të paktën tre muzeve, madje edhe në Ulqin, të cilët duhet të dëshmojnë të vërtetën e traditës në fushën e detarisë që në kohën e ilirëve, por edhe atë të peshkimit.

“Fatkeqësisht në stendat e Muzeut të detarisë në Kotorr (Mali i Zi), ku janë vendosur edhe stendat e traditës ulqinake kuratorët e muzeit shkruajnë  ende “anijet armike të shqiptarëve,” tha Çapuni, i cili është njëkohësisht edhe kryetar i Kuvendit Komunal të Ulqinit.

Gjet Ndoj, drejtor i drejtorisë së përgjithshme të politikave të zhvillimit të kulturës në Ministrinë e Kulturës u ndal te rëndësia e inventarizimit të objekteve të trashëgimisë që ndodhen nën ujë.

“Tashmë kemi një institut të regjistrimit të objekteve të trashëgimisë dhe ky regjistër kombëtar duhet të përmbajë “pasaportat” e mjeteve lundruese dhe objekteve të çdo lloji që janë të mbytur në 100 vitet e shkuara, por edhe ato më të hershme me vlera arkeologjike,” tha ai.

“Kjo do ta shtojë përgjegjësinë dhe do të rrisë bashkëpunimin mes institucioneve,” shtoi Ndoj, duke vlerësuar së tepërmi nismën e Forcës detare.

Nëndetësja 105, Muzeu i Detarisë dhe parqet nënujore

Foto nga zhytjet e arkeologeve dhe zhytesve profesioniste – kortezi nga dr Adrian Anastasi

Muzealizimi i relikteve nën ujë apo në tokë vazhdon të jetë vetëm një dëshirë e mirë në një vend si i yni me rreth 6,200 kilometra katrorë det territorial dhe me hapësirë të përgjithshme detare prej 11 mijë kilometra katrore. Institucionet pranojnë se megjithë traditën e hershme ilire dhe shqiptare në këtë fushë, aktualisht në vendin tonë nuk ka një muze të mirëfilltë të detarisë.

Nëdetësja 105, siç u emërtua në filmin artistic “Ballë për ballë”, vazhdon të tërheqë vemendjen e brezit që erdhi në moshë gjatë regjimit komunist.

“Mjeti është restauruar dhe ndodhet në Bazën detare të Pasha Limanit, por bashkë me kushtet jo të mira të infrastrukturës rrugore vizitat në Bazë krijojnë problem për sigurinë. Pas një kontrate që i jep të drejtën e menaxhimit ministrisë së Kulturës, tashmë ajo po i kthehet përsëri Ministrisë së Mbrojtjes,” tha komandanti Meçollari, që të ardhmen e saj e sheh në Vlorë.

“Megjithë kostot e mëdha për transferimin dhe ekspozimin, ajo mund të jetë pjesë e rëndësishme e Muzeut të ardhshëm të Detarisë, shtoi ai.

Ai bëri të premten të njohur propozimin për ta kthyer ish-shkollën e Flotës Luftarake Detare në Vlorë në një Muze kombëtar ku mund të ekspozohet trashëgimia jonë detare 2-mijëvjeçare. Shkolla ka një sipërfaqe të përgjitshme prej 27 mijë metra katrorë, ndërsa sipërfaqja funskionale e saj arrin në 3,400 metra katrorë.

Pas përvojës pozitive të vitit 2001, kur në brigjet e Sarandës u krijua Parku i parë nënujor, ku u fundosën gjashtë anije ushtarake të dala jashtë inventarit, Komanda e Forcave detare propozoi të premten edhe krijimin e tre parqeve të tjerë në Radhimë, në kepin e Shën Janit (Karaburun) dhe në Kepin e Palit (Durrës).  Sipas komandantit Meoçllari “thellësitë nga 20-25 metra i bëjnë ato mjaft joshëse për turistët, që mund të mbërrijnë lehtësisht me rrugë tokësore përballë parqeve.

Një park nënujor me anije që nuk krijojnë rreziqe dhe që shtojnë biodiversitetin në të njejtën kohë i adreson turistët e pasionuar larg anijeve me vlera dhe që mbrohen nga konventat ndërkombëtare.

Komandanti Artur Meçollari uron që ky takim koordinues të hapë rrugën e bashkëpunimit dhe të marrjes së përgjegjësive nga të gjitha palët.

Forca Detare ka detyrë të mbrojë trashëgiminë kulturore nënujore, por sipas oficerit me përvojë të gjatë në det gjithçka duhet ligjëruar, pasi kur vjen puna tek abuzimet, “nëse nuk është e shkruar, atëherë është e lejuar”.

Një mësim për ne të gjithë Nga Kosta Termentzoglou

Nje dite, nje i ri takon nje te moshuar.

-Me mbani mend?

-Jo.

-Kam qene nxenesi juaj.

– O gezohem. Si je? Me çfare merresh tani?

-Jam bere mesues.

-Gjykon se je i mire ne punen tende?

-E verteta eshte po. Ju me frymezuat dhe doja t’ju ngjaja.

Kureshtar i moshuari, pyet te mesoj se çfare i mbeti ne mendje qe e frymezoi ne kete shkalle saqe donte t’i ngjante. Dhe i riu i rrefeu historine e meposhtme:

-Nje dite nje nxenes i klases qe ishte dhe shoku im, erdhi ne klase dhe me tregoi nje ore te re shume te bukur qe mbante ne xhep. Nuk ju permbajtja tundimit dhe e vodha. Pas pak shoku e vuri re qe i mungonte ora nga xhepi dhe menjehere ju njoftoi ju që ishit profesori qe na jepte mesim ate moment ne klase.

Ju ne vazhdim, iu drejtuat klases dhe thate:

– Ora e nje nxenesi te kesaj klase u vodh ne kete ore mesimi. Kush e vodhi, ju lutem ta kthej menjehere.

– Kur mendova turpin e poshterimit perpara gjithe shokeve te mi te klases, nuk guxova ta dorezoja. Pastaj ju mbyllet deren, na thate te qendrojme te gjithe ne kembe sepse do kontrollonit xhepat e gjithe nxenesve derisa ta gjenit. Por vendoset nje kusht. Te gjithe duhet t’i kemi syte mbyllur te mos shikojme fajtorin.

Dhe keshtu u be. Kur arritet tek une, e gjetet ne xhepin tim dhe e moret.

Por vazhduat te kerkonit ne xhepat e te gjitheve dhe kur mbaruat thate: «Dhe tani mund te hapni syte, Ora u gjend!»

Nuk e zute emrin tim ne goje dhe as me terhoqet verejtje menjane. Prisja te me qortonit dhe te me benit moral, por as keto nuk ndodhen. Ate dite, ju shpetuat dinjitetin tim. Ajo dite, ishte dita me e turpshme e jetes sime dhe me dhate me menyren tuaj nje mesim te forte. E kujtuat tani rastin z. Profesor?

-Po, duke te degjuar, i kujtova te gjitha. Por ka dicka qe nuk me kujtohet, dhe ai je ti, sepse edhe une i kisha syte e mi mbyllur kur ju kontrolloja te gjitheve!!!

MESIM MORAL: Nese duhet te poshterosh nje nxenes ne syte e gjithe nxenesve per ta denuar, atehere jo vetem nuk quhesh mesues, por dhe nuk je. Mesues te tille cjerrin shpirtra, qe mbeten te gdhendura pergjithmone ne kujtesen e nxeneseve.
Shkruar nga Kosta Termentzoglou
Perktheu Arleta Zhonga

Marin Mema- Si po pushtohet sot Shqipëria nga grekët, serbët dhe turqit? Vendimet tronditëse (VIDEO)

Gjurmë Shqiptare – Si po pushtohet sot Shqipëria nga grekët, serbët dhe turqit? Vendimet tronditëse

Pamjet e rralla- Si u nderua Rama nga kisha greke me urdhrin “Kryqtar” (VIDEO)

Gjatë vizitës që bëri në dhjetor të vitit 2015 në Izrael, kryeministri Edi Rama zhvilloi edhe një takim mjaft interesant në Patriarkanën e Jeruzalemit. Në atë kohë kreu i qeverisë publikoi vetëm disa foto nga takimi ndërsa shprehte kënaqësinë e pritjes nga Patriarku ortodoks Teofili III dhe Patriarku latin i Jeruzalemit Imz. Fuat Tëal.
Por në këto takime Rama mori edhe një nderim të veçantë. Ai u dekorua me Urdhrin e Kryqit të Lartë të Kalorësit të Varrit të Shenjtë. Dekorimi u bë i njohur që atë kohë ndërsa pamjet janë zbuluar vetëm tani. (video më poshtë)


Në fjalën e tij Fortlumturia e Tij, Theophilos III, Patriarku i Jeruzalemit tha se kishte qënë në Shqipëri më 2012 ndërkohë që foli me superlativa për kryepeshkopin Anastas Janullatos.
“Ne krenohemi për marrëdhënien tonë të ngushtë me Kishën Ortodokse të Shqipërisë dhe vëllain tonë, Kryepiskopi Anastas. Kisha Ortodokse është duke luajtur një rol jetik në promovimin e shoqërisë multi-kulturore dhe multi-fetare të vendit tuaj, dhe Kryepiskopi Anastas është thellësisht e përkushtuar për mirëqenien e Shqipërisë dhe të gjithë popujve të saj” , – tha Patriarku Theophilos III.
Në atë kohë Rama pati një debat të ashpër me kishën ortodokse në Shqipëri pas prishjes së një kishe në Dhërmi./lapsi.al/

‘The Guardian’ zbulon vizitën e Ramës në Londër, u premton nënshtetësi të pasurve të Evropës të akuzuar për krime

“Për 30 vitet e ardhshme pas rënies së regjimit komunist kemi pasur rritjen më të shpejtë në rajon sepse kemi ardhur nga një bazë shumë e ulët dhe kemi qenë në një distancë të gjatë nga ekonomitë fqinje. Tani, mendoj se është koha të shkojmë më tej. Pra, ne fillojmë këtë program dhe po eksplorojmë mundësinë për të shtuar diçka në të, jo vetëm duke investuar dhe marrë qytetari, por edhe duke ofruar, për vendin, njohuri dhe aftësi të veçanta. Dhe kjo duhet të jetë e përpunuar, “vuri në dukje Rama, duke lënë të kuptohet se autoritetet shqiptare po shohin seriozisht mundësinë e një PIK, por janë akoma në fazat e para të planifikimit. Sigurisht që ekzistojnë rreziqe, por ne nuk mund të mohojmë të ardhmen e vendit tonë, potencialin e jashtëzakonshëm të këtij lloj programi,” përfundoi Kryeministri.

Mirëpo, aktiviteti ka një sërë problemesh. Një tjetër problem është se shqetësimet e BE-së janë reale. Kompania që ka organizuar aktivitetin, Henley & Partners me biletë hyrjeje 1 500 stërlina është raportuar se ka patur jo pak probleme me aktivitetet e saj që konsistojnë në ndërmjetësimin mes qeverive dhe pasanikëve të interesuar, citon Balkanweb.

Një prej shteteve që mori pjesë në event, Qipro i dha nënshtetësi përmes shitjes një biznesmeni në kërkim nga Malajzia, por ka premtuar se do ta revokojë atë. Për 4000 pasaporta të shitura që nga viti 2013 thuhet se Qipro ka mbledhur 6 miliardë euro.

Edhe Malta që e aplikon këtë skemë përmes koncesionit të dhënë kompanisë në fjalë akuzohet se ka shitur nënshtetësinë pesë njerëzve në kërkim dhe të akuzuar për vepra të rënda penale në fushën ekonomike, siç është pastrimi i parave.

Nuk është e qartë se kush e ka kontaktuar kryeministrin Rama në këtë ambient.

Në hotelin Rosewood, ku dhomat mund të kushtojnë më shumë se 2.000 paund në natë, u vendosën Edi Rama, kryeministri i Shqipërisë dhe Duško Marković, kryeministri i Malit të Zi.

Rama nisi programin për investime nënshtetësinë e Shqipërisë në konferencë duke premtuar investim pa taksa oër një 10-vjeçar.

Ai u kujtoi delegatëve se Shqipëria ishte një kandidat zyrtar për pranimin në Bashkimin Evropian, gjë që do t’u jepte qytetarëve të rinj shqiptarë të drejtën për të jetuar dhe punuar në të gjithë bllokun.

“Unë e di se ka polemika rreth këtij lloji programi” tha Rama. “Në të njëjtën kohë unë besoj fuqimisht se kjo është mënyra e duhur, dhe kjo është ajo që duhet të bëjmë … Ka sigurisht rreziqe, por ne nuk mund t’i mohojmë vendit tonë dhe të ardhmen tonë potencialin e madh të këtij programi.”

Marković tha se ai po ofronte 2,000 njerëz nënshtetësi malazeze në këmbim të një kontributi 100,000 € në arkat e qeverisë, dhe një investim në pronë prej të paktën 250,000 €. Qeveria e Malit të Zi tha se individëve do t’u jepej shtetësi vetëm pas kontrolleve të plota të sigurisë.

Pjesë nga shkrimi i “The Guardian”

Tre kryeministra hynë në sallën e sallave të një hoteli me pesë yje në Londër këtë javë duke ofruar njerëzve “më të pasur” në pasaporta të arta dhe nënshtetësinë e vendeve të tyre në këmbim të qindra mijëra paundve investimeve ose “kontributeve” të sheshta.

Allen Chastanet, kryeministri i ishullit të Karaibeve të St Lucia, tha për 300 të pranishmit që u mblodhën në hotelin Rosewood se misioni ekonomik i vendit të tij ishte “duke shkuar pas rrjetë të lartë, të të pasurve dhe duke iu dhënë atyre një vend të rehatshëm për të jetuar ”.

Ai premtoi se në këmbim të një kontributi prej 100,000 dollarësh për fondin kombëtar ekonomik do t’u jepej nënshtetësia e Shën Lucianit brenda tre muajve. Kjo është ashtuquajtur si “pasaportë e artë” që jep udhëtim pa viza në 145 vende, duke përfshirë Mbretërinë e Bashkuar, Zonën Shengen të Bashkimit Evropian, Hong Kong dhe Singapor.

Věra Jourová, nënkryetare e Komisionit Evropian tha: “Skemat e shtetësisë krijojnë një numër jo të vogël shqetësimesh. Dhënia e shtetësisë paraqet një rrezik serioz sigurie sepse u jep përfituesve të gjitha të drejtat e qytetarëve të BE-së dhe u lejon atyre të lëvizin lirshëm në të gjithë bashkimin. BE nuk duhet të bëhet një strehë e sigurt për kriminelët, korrupsionin dhe paratë e ndyra.Ndërsa ne nuk mund t’i ndalojmë këto skema në nivelin e BE-së për shkak të mungesës së kompetencës, ne duam më shumë transparencë në mënyrën se si jepet kombësia dhe më shumë bashkëpunim midis vendeve anëtare. Nuk duhet të ketë një lidhje të dobët në BE, ku njerëzit mund të bëjnë blerje për skemën më të butë. “

Ajo e përshkroi shitjen e pasaportave si “të rrezikshme”, “problematike” dhe “të padrejtë”, duke shtuar: “Të kesh shumë para vetëm nuk duhet të të jap një pagesë të lirë për të përfituar nga shtetësia e BE-së … nëse në një vend, një person i rrezikshëm merr nënshtetësinë, atëherë ai e merr atë në Evropën. Ndoshta të gjithë duhet të rinegociojmë të gjithë sistemin. “

Gjithashtu në konferencë ishin kryeministrat e Shqipërisë dhe Malit të Zi, një ministër Maltez, një ambasador nga Antigua dhe Barbuda, dhe përfaqësues nga Qipro.

https://www.theguardian.com/news/2019/nov/16/london-ballroom-hosts-showcase-event-for-golden-passports

Grenell s’është njoftuar nga Macroni për takimin e fundit Thaçi-Vuçiç

Dy vende evropiane, Franca dhe Gjermania si dhe Amerika janë duke u marrë me raportet ndërmjet Kosovës dhe Serbisë. Në këtë situatë, Presidenti francez kishte organizuar javën e kaluar një takim ndërmjet Hashim Thaçit e Aleksander Vucicit. I deleguari Special i Donald Trump Richard Grenell është mbajtur në terr informativ për takimin e Parisit të mbajtur më 12 nëntor të këtij viti, shkruan Gazeta Express.

Dick Custin, pjesë e Kabinetit të Përfaqësuesit Special Presidencial i Negociatave për Paqe Kosovë-Serbi, Ambasadorit Richard Grenell, ka konfirmuar se francezët s’janë kontaktuar fare me amerikanët për takimin e fundit të Thaçit me Vucicin.

Madje, Grenell nuk është kontaktuar nga Macron as për planet rreth një takimi të mundshëm Kosovë-Serbi në janar të vitit 2020, nismë të cilin e ka zbuluar Aleksander Vucic pas takimit që ka pasur me kreun e shtetit francez në Paris.

Vuçiq kishte thënë se janë dakorduar me Macronin që të realizojnë një bisedë telefonike në muajin dhjetor pas krijimit të qeverisë në Kosovë për të diskutuar rreth planit të Macronit për një takim gjatë janarit të vitit të ardhshëm. Gjithashtu kreu i shtetit serb pas takimit ka potencuar se Franca dëshiron të luajë rol kyç në dialogun Kosovë-Serbi.

“Ambasadori s’ka qenë në kontakt me presidentin e Francës lidhur me asnjë takim”, ka konfirmuar Custin përmes një përgjigje me shkrim për Gazetën Express.

Takimi ndërmjet dy presidentëve Thaçi dhe Vucic është mbajtur të enjten nën ndërmjetësimin e Emmanuel Marcrom.

Pas takimit, Thaçi kishte thënë Kosova është e gatshme për marrëveshje me Serbinë dhe njohje të ndërsjellët. Ndërkaq, Vucic ka thënë se marrëveshja përfundimtare duhet të nënshkruhet mbi kompromis derisa ka thënë se është përplasur me Thaçin në prezencë të Presidentit francez.

Raportet amerikano-franceze ishin zbehur pas vizitës së Donald Trump në Francë. Shefi i Shtëpisë së Bardh kishte thënë se pa amerikanët francezët tash do të flisnin gjermanisht, duke aluduar në ndihmën amerikane për çlirimin e shtetit francez nga gjermanët e Hitlerit.

Prej atëherë ka pasur edhe akuza tjera ndërmjet SHBA’së dhe vendeve të BE’së, më së shumti për mjetet që shpenzohen për funksionimin e Aleancës Veri-Atlantike. Trump kishte thënë se BE duhet të ndajë më shumë mjete për NATO nëse dëshiron mbrojtje nga aleanca më e madhe ushtarake në botë.

Në anën tjetër, në arritjen e një marrëveshje finale ndërmjet Kosovës dhe Serbisë përpos francezëve dhe amerikanëve janë edhe gjermanët.

Ambasadori i Amerikës në Berlin me rol të dyfishtë, Richard Grenell, po vazhdon të ketë fokusin në Prishtinë dhe Beograd.

Custin ka konfirmuar se Grenell është në kontakt të vazhdueshëm me qeveritarët në Kosovë dhe Serbi, dhe se synimi i tij mbetet nxitja e zhvillimit ekonomik që do ta dërgojë rajonin drejt qëndrueshmërisë.

“Përfaqësuesi Special Presidencial, ambasadori Grenell, është në komunikim të vazhdueshëm me zyrtarë qeveritarë, njerëz të biznesit dhe të tjerë në dy shtetet, Kosovë dhe Serbi. Fokusi i tij vazhdon të mbetet krijimi i zhvillimit ekonomik për të dërguar rajonin drejt sigurisë, zhvillimit dhe stabilitetit”, ka potencuar tutje zyrtari për media i emisarit të presidentit të SHBA-së për dialogun.