VOAL

VOAL

Please Wait ...
0%

NGA VITI 2019 DIASPORA E BOJKOTON PUSHIMIN NË VENDLINDJE ME KËTË EDHE RRUGËN NËPËR SERBI

By | July 5, 2018
5 Comments
  • author avatar
    Anonymous 1 year ago Reply

    Shume mire jua bajne .shqiptaret harrojne eper nje interes te vogel i bejne bisnes serbise.Kjo tregon nivelin e baltosur te shqiptarve qe i perulen serbve, plehra te gjithe ata qe i bejne bisnes srbise.

    • author avatar
      Fatjona 1 year ago Reply

      Bravo,kasntu asht

  • author avatar
    Fatjona 1 year ago Reply

    Ne mali e zie asht ma mir. Ne serbi ka shum band ne rrug.

  • author avatar
    BERATI 1 year ago Reply

    DIASPORDHE E BYTHES QE MERTE ME KENGE E VALLE NDERSA DIASPORAT E FQINJEVE BEJNE APOP DIKTOJNE QEVERITE E SHQIPERISE KOSOVES MAQEDONISE PRA FAKTORIN SHQIPETAR

  • author avatar
    Maki 9 months ago Reply

    Ne nuk shkojm ne vitin e ardhshem edhe per veq martelltimet e shteteve qe i ceket por edhe mikpritja ne vendlindje jo e volitshme

Komentet

Lëvizja “Krahët e Shqipes”, shpresë për ndryshimin e Shqipërisë – Nga Florim Zeqa

Ashtu siç e kam thënë në mënyrë profetike tre vite më parë, se e vetmja alternativë për shpëtimin kombëtar është një “Lëvizje e re politike nga mërgata jonë”, kjo nismë këto ditë po bëhet realitet në Tiranë.

Është kjo lëvizja politike “Krahët e Shqipes” me qendër në Londër, e cila angazhohet për për bashkimin e shqiptarëve për një alternativë të re qeverisëse për Shqipërinë, u shprehë njëra nga nismëtarët e para të kësaj lëvizje, veprimtarja e shquar dhe gazetarja Marsela Koci, me qëndrim të përkohshëm në Londër.

Nismëtarët e lëvizjes “Krahët e Shqipes”, në sheshin “Skenderbeu”, janë duke e shpalosur programin e tyre për ndryshime në politikbërjen shqiptare;
1) Ndryshimi i kodit zgjedhor (jo me emërtime nga Partia, por për zgjedhje të drejtëperdrejta nga populli).
2) Aprovimi i ligjit Antimafia dhe konfiskimi i pasurisë.
3) Aprovimi i votës elektronike për shqiptarët në emigrim.

Për të vazhduar tutje me ligje të tjera pas ndryshimeve të sipërpërmendura si;
unifikimi i gjuhës shqipe për mësimdhënie në Diasporë, krijimi e qendrave kulturore shqiptare në qytetet kryesore të Evropës, etj.

Fondi që lëvizja e re politike do të mbledhë do të shkojë për arsim, kulturë, për njerëzit me nevoja të veçanta, për studentët shëmbullorë, si dhe inciantiva për përdorimin e emrave shqiptarë në Shqipëri dhe Diasporë, etj.

Objektiv parësorë i lëvizjes “Krahët e Shqipes” është shpëtimi i Shqipërisë nga katandisja e politikës 30 vjeçare, përkatësisht shpëtimi nga krimi i organizuar dhe korrupsioni, nepotizmi dhe format e gjobitjes së qytetarëve dhe bizneseve përmes tarifave të larta si dhe tatimet e supër të larta për produktet vendore.

“Krahët e Shqipes”, si masë të parë për tejkalimin e krizës në vend, e sheh krijimin e një “Qeverie të Unitetit Kombëtar” deri në krijimin e kushteve për mbajtjen e zgjedhjeve të lira e të ndershme, pa presionin e partive politike që udhëhoqen me shtetin në këto 30 vjetët e fundit.

Njëri ndër themeluesit e lëvizjes “Krahët e Shqipes”, zoti Altin Bajram Disha bën thirrje për dialog mes Diasporës shqiptare dhe qytetarëve të Shqipërisë, më një qëllim të vetëm-shpëtimin e Shqipërisë nga bandat partiake.
“Krahët e Shqipes” iu bëjnë thirrje të gjithë qytetarëve, shoqërise civile, intelektualëve të pavarur, shoqatave dhe organizateve, veprimtarëve dhe atdhetarëve të vërtetë që t’i bashkohen misionit tonë të shenjtë për ndryshimin e Shqipërisë.

Lëvizja “Krahët e Shqipes” do të vazhdojë bashkëbisedimin me qytetar nga datat: 20/06/19-15/07/19 në Sheshin e krenarisë kombëtare Gjergj Kastrioti- Skenderbeu në Tiranë

Ndryshimet substanciale në skenën politike shqiptare, mund të arrihen vetëm me bashkimin e kapaciteteve intelektuale të mërgatës sonë, me bashkimin e të gjitha forcave progresive, të resurseve të shëndosha dhe të padjallëzuara njerëzore të vendit tonë.

Levizja e re politike nga mërgata nuk guxon të jetë vazhdimësi dhe as levë e asnjë subjekti politik ekzistues. Ngase secila nga subjektet aktuale politike, për të mirë apo për të keq e kanë kryer mandatin e tyre.
Ardhja në pushtet e një klase të re e të përgjegjshme politike, e aftë për ndryshime pozitive, do të krijonte kushtet për zhvillim ekonomik dhe mirëqenje për të gjithë shqiptarët pa dallime partiake, ideologjike apo fetare.

4 anëtarë të Këshillit Koordinativ të Diasporës reagojnë për krizën në Shqipëri

 

Përmes një deklarate në rrejtin social Facebook, 4 anëtarë të Keshillit Koordinativ të Diasporës i kanë drejtuar një thirrje klasës politike shqiptare për të gjetur një formulë zgjidhjeje të krizës politikë që ka përfshirë Shqipërinë muajt e fundit.

Ata janë Adriana Bejko, Ardian Radovicka, Gazmend Kapllani dhe Anila Hyka-Smørgrav. Në këshillin prej 15 vetësh të emëruar nga Ministri i Shtetit për Diasporën Pandeli Majko, Bejko dhe Radovicka përfaqësojnë diasporën e Kanadasë, Kapllani atë të SHBA ndërsa HykaSmørgrav përfaqëson shqiptarët e Francës. Ky është reagimi i dytë zyrtar i shqiptarëve nga diaspora, pas atij të djeshmit nga Federata Panshqiptare VATRA e Amerikës.

Në thirrjen e tyre, 4 anëtarët e KKD kanë listuar 4 pika në të cilat behet thirrje për dialog të menjëhershëm dhe pa kushte mes palëve sidomos për daljen nga kriza e zgjedhjeve lokale si dhe për organizimin në një kohë optimale dhe me konsensus të zgjedhjeve të përgjithëshme mbi bazën e një sistemi që eliminon çdo manipulim dhe çdo listë të kontrolluar nga kryetarët e partive.

Përfaqësuesit e diasporës inistojnë në faktin qe vendi ka nevojë për një kulturë të re politike e cila mund të dëshmohet përmes një marrëveshjeje historike mes forcave politike për reforma dhe për përshpejtimin e integrimit të Shqipërisë në BE.

Në fund të deklaratës ata kanë ftuat të gjithë anëtarët e KKD ti bashkohen thirrjes së tyre si dhe të gjithë Ambasadorët e Kombit të vlërësuar me këtë titull në Samitin e Dytë të Diasporës.

Vlen të theksohet që deklarata e 4 anëtareve të KKD është dëshmi e integritetit të tyre personal dhe profesional. Mbetet të shohim se cilët nga anëtarët e tjerë të KKD apo Ambasadorë te Kombit do ti bashkohen asaj. Të paktën 4 deri tani dëshmuan që nuk i tërheq askush prej hunde, aq më tepër qeveria aktuale që i ka emëruar.

 

Më poshtë deklarata e plotë:

 

Me shqetësim të veçantë po ndjekim situatën politike shumë të acaruar në atdhe. Ajo që po shohim ne dhe e gjithë bota është një lojë tejet e rrezikshme që po luhet në dëm të popullit dhe vendit nga aktorët kryesorë politikë.

Për ne është shqetësues fati i kombit, që ju po e tërhiqni drejt greminës.

Prej mëse 30 vjetësh ju kemi ndjekur, herë entuziastë e me besim, e herë të zhgënjyer prej alternativave zgjedhore të kufizuara.

Ka ardhur koha të dëgjoni diasporën, së cilës i referoheni vazhdimisht në prag fushatash e udhëtimesh tejkufitare. 

Ju bëjmë me dije se ne, përfaqësuesit e Diasporës, nuk mund të jemi indiferentë ndaj ngjarjeve në atdhe, prandaj kështu siç jemi, të organizuar në një këshill, ju tërheqim seriozisht vëmendjen dhe ju kujtojme te lini interesin dhe egot personale mënjanë dhe të mendoni për të mirën e Shqipërisë.

Nëse na konsideroni vëllezër dhe motrat tuaja të përzgjedhur për të ndërtuar urat e komunikimit ndërmjet Diasporës dhe shtetit Amë, ju lutemi dëgjojeni apelin tonë. 

Ju lutemi mbani parasysh që ne ofruam integritetin dhe kreditet tona personale, paanshmërinë tonë dhe distancimin ndaj interesave partiake me shpresën për të kontribuar në interes të kombit.

 

Për këtë qëllim po ju drejtohemi sa më poshtë vijon:

 

1. Bëhuni të arsyeshëm dhe ulni armët në mënyrë që të siguroni paqe politike dhe sociale që aq shumë i duhet Shqipërisë. 

2. Uluni në dialog pa kushte për të gjetur një formulë dalje nga kriza e zgjedhjeve lokale, por sidomos për të gjetur zgjidhje afatgjata politike dhe institucionale në të mirë të kombit. 

3. Dërgojini popullit mesazhin e një shteti ku sundon ligji, duke ribërë Kodin Zgjedhor dhe organizoni në një kohë optimale me konsensus zgjedhje të përgjithshme mbi bazën e një sistemi që eliminon çdo manipulim dhe çdo listë të kontrolluar nga kryetarët e partive. 

4. Bëni një marrëveshje historike mes forcave politike që të kontribuojnë të gjitha në hapjen e negociatave me BE, te cilën e konsiderojmë jetike për të ardhmen e vendit dhe të diasporës.

Diҫka e tillë do inauguronte një kulturë të re politike për të cilën vendi ka shumë nevojë. Interesat tona kombëtare afatgjata duhet të vihen mbi interesat partiake afatshkurtra.

Mos u druani se do të humbni të gjithë nga pak se do të fitojë Shqipëria. Jemi gati të vetë-afrohemi si interlokutorë ndërmjet palëve nëse kemi besimin tuaj.

Të merren seriozisht parasysh qëndrimet dhe këshillat e aleatëve tanë strategjikë në Perëndim.

Mbetemi në pritje të reflektimit tuaj të shpejtë dhe pozitiv, i cili shpresojmë të vendosë në qendër të diskutimeve Shqipërinë!

Duke i bërë thirrje jo vetëm diasporës por çdo shqiptari kudo qe jeton dhe qe sheh interesin e atdheut dhe të kombit mbi interesat e partive, ftojmë të gjithë anëtarët e tjerë të KKD, Ambasadorët e Kombit, dhe të gjithë përfaqësuesit e shoqatave të diasporës t’i bashkohen thirrjes sonë për një dialog të qytetëruar që të vendoset qetësia sociale në Shqipëri.

 

Me respekt,


Antarët e Këshillit Koordinativ të Diasporës

 

Ing. Ardian Radovicka – Kanada
Dr Gazmend Kapllani – USA
Ing, Anila Hyka Smørgrav – Francë
Dr. Adriana Fishta-Bejko – Kanada

 

23 Qershor 2019

Britania ngrihet në këmbë për shqiptarin Stiven Bregu!

Në Britani është hapur një peticion për të parandaluar deportimin e një studenti të jashtëzakonshëm shqiptar. Deri tani janë nëshkruar 6000 firma për të ndaluar largimin e studentit 18 vjeçar, Stiven Bregu.

Ai u trafikua në Britaninë e Madhe nga Shqipëria në vitin 2015 me qëllimin e vetëm për t’i shpëtuar dhunës në familje. Ai mbeti i vetëm në Keynsham pranë Bristolit. Ishtë vetëm 13 vjeç në atë kohë dhe nuk dinte asnjë fjalë anglisht. Më pas ai u dërgua në një qendër për të mitur ku la mbresa për aftësinë e tij për të mësuar.

Ai ka bërë kërkesë për azil, por kërkesa e tij është mohuar.

‘Kam studiuar shumë, jam munduar të ndërtoj të ardhmen time në Britani, e cila tashmë është shtëpia ime’ ka thënë Stiven.

Ishtë pikërisht mësuesi i djaloshit, Rob Shaw i cili lançoi peticionin për të mbajtur Stiven në Angli.

‘Ne kemi investuar aq shumë për Stiven. Si një qytetar britanik nuk jam aspak krenar me atë që duan të bëjnë ndaj tij. Ai është një pasurie e madhe. Ai ka kaluar provimet në nivel shumë të mirë. Ai gjithashtu ia ka dalë të sigurojë një ofertë shumë të mirë nga një firmë menaxhimi të pasurive për shkak të aftësive të tij të shkëlqyera në matematike.’ ka thënë mësuesi.

‘Student i shkëlqyer dhe një pasuri e madhe për shkollën’ ka thënë një tjetër mësuese e tij.

Aplikimi i Stiven Bregu për të qëndruar në Britani të Madhe u refuzua pasi ai nuk u kualifikua për azil sipas rregullave të emigracionit.

/BBC

Pedagogia shqiptare që po shkëlqen në Londër

Dr.Gerta Cami Kobeci është shqiptarja e radhës, e suksesshme në diasporë. Pedagoge në lëndën e Kimisë Farmaceutike pranë “University of Hertfordshire, lidere në kërkimet shkencore, ajo është sot një nga emër i nderuar në Britaninë e Madhe që na bën të ndihemi krenarë.

Me vullnet, pasion e punë të palodhur ka arritur të ngjitet një nga një shkallët e karrierës dhe të jetë gjithmonë kërkuese në arritjet e saj në fushën e shkencës.

Por nuk lë mënjanë atdheun, gjuhën, me të cilin e lidh e kaluara, e lidhin kujtimet, njerëzit e saj të dashur. E kur bëhet fjalë për një bashkëpunim sa më të ngushtë mes diasporës e shteteve tona, Gerta thotë: “Përgjegjësia e bashkëpunimit si fillim bie te shqiptarët e diasporës, pastaj te qeveritë përkatëse”, por ajo është optimiste se gjërat do të shkojnë më mirë dhe vetëm duke punuar sa më fort do të dalënë pah potenciali që kemi si komb!

Studimet e doktoraturës në vitin e parë i kishte bërë me vetëfinancim, ndërsa nga departamenti kishte të mbuluar vetëm kemikalet e projektit. Kështu që duhej të punonte gjatë fundjavës që të mbulonte shpenzimet e jetesës. Punonte 12 orë çdo të shtunë në “Royal Hospital Bath” si ndihmëse infermiere. Për më tepër, asaj iu dha mundësia të jetë lidere e kimisë mjekësore të një projekti hulumtues pranë kompanisë “Orexigen” që patentoi ligandet që ajo dizajnoi.

“Jam duke përgatitur aplikim grantesh për projekte shkencore, duke përfshirë këto tema mjekësore-farmaceutike: analgjeziket, antibiotiket, inflamacionin”, shkruan thealbania.

Gjithashtu jemi një grup pedagogesh që përgatisim një “review” me zhvillimet dhe te rejat nga dhjetëvjeçarit i fundit në Kimine Heterocyklike, ka thënë Gerta. Gjithashtu ajo ka thënë se të gjithë ata që kanë qëllime, ëndrra dhe luftojnë fort, të mos e konsiderojnë kurrë dorëzimin si një opsion.

Shpresa Lleshaj dhe Cole Randall diskutojnë suksesin e Flora Cash (video)

Shpresa Lleshaj, suedezja me origjinë nga Kosova dhe amerikanin Cole Randall, njihen nga publiku si Flora Cash, dyshja e muzikës indie pop. Shpresa dhe Cole janë partnerë në jetë e në art. Ata jetojnë në Stokolm ku kompozojnë e bashkëpunojnë në muzikë dhe interpretojnë në të gjithë botën nën emrin Flora Cash. Ardita Dunellari e Zërit të Amerikës u takua me Flora Cash në Baltimorë, një ndër ndalesat e turneut të tyre muzikor në Shtetet e Bashkuara për të biseduar mbi suksesin e deritanishëm dhe planet për të ardhmen.

Është turneu i tretë i Flora Cash në Shtetet e Bashkuara dhe siç e thotë shprehja: e treta, e vërteta. Gjërat duken shumë ndryshe në këtë turne për Shpresën dhe Cole-in:

Shpresa: “Dinë më shumë prej këngëve tona”.

Cole: “Këndojnë bashkë me ne… Më përpara shihnin me habi ‘Kush janë këta të dy?’ Tani na njohin. Na bën të ndjehemi pjesë e një komuniteti, si një familje”.

Sidomos kur njerëzit nga salla bashkojnë zërat për të kënduar këngën e tyre të suksesshme You’re Somebody Else.

Kjo është kënga më e njohur e Flora Cash që tani e dëgjon në valët e radios amerikane pas disa javësh në renditjen e klasifikimeve Billboard për muzikën Adult Rock. Kënga përcjell furtunën e brendshme të individit që ka humbur veten nga ankthi, mungesa e besimit te vetja, presioni i jashtëm. Një mesazh që ka gjetur jehonë te audienca.

“Mendoj se njerëzit janë të etur për sinqeritet. Ata gjejnë veten tek kjo këngë. Ata e interpretonë në forma nga më të ndryshme. Prandaj kishte sukses, se ka një mesazh personal për shumë njerëz,” thotë Cole.

Duket se Shpresa dhe Cole kanë gjetur kordën e duhur si në skenë dhe në jetën personale. Ata e gjetën njëri-tjetrin në internet përmes muzikës, një histori dashurie nga dy skajet e oqeanit Atlantik që vazhdon të ruajë freskinë edhe në orët e gjata të rrugës në tune dhe nën dritat e skenës në interpretim.

“Ne jemi shokë të mirë. Kënaqemi me njëri-tjetrin. Gjithmonë e them: nuk e imagjinoj dot si do ta bëja këtë jetë pa ty. Me ty ndjehem se jam në shtëpi,” thotë Shpresa.

Origjina e Shpresës nga Kosova nuk është ende një fakt i përmendur për audiencën amerikane.

Një grup shqiptaro-amerikanësh kanë ardhur nga zona e Uashingtonit për ta përcjellë interpretimin me krenari të hapur për origjinën e Shpresës. Ka qenë një vit suksesi për interpretueset me origjinë shqiptare në Evropë e në Shtetet e Bashkuara. Shpresa Lleshaj është një emër i ri që i shtohet kësaj liste.

“Është koha jonë. Më në fund po del në pah kjo energji krijuese që ka qenë gjithmonë e pranishme. Është rezultat i mënyrës si jemi rritur,” thotë Shpresa.

Cole-i beson se një pjesë e mirë e suksesit ka të bëjë edhe me mbështetjen entuziaste që marrin nga admiruesit shqiptarë në mbarë globin:

“Është diçka vërtetë e bukur kur sheh këtë frymë të shqiptarëve që janë shumë të lidhur, që mbështesin njëri-tjetrin. Më duket shumë e bukur,” thotë Cole.

Jeta e artistit nuk është e lehtë, pohojnë Cole dhe Shpresa. Me suksesin që kanë pasur, turneu i tyre shton vazhdimisht ndalesa të tjera me koncerte të reja gjatë itinerarit. Këto janë vështirësitë e suksesit që tani çifti arrin t’i përballojë pak më lehtë pasi ka mbështetjen e firmës diskografike Sony/RCA Records. Shumë ndryshe nga ditët kur trokisnin në dyert e mbyllura të studiove, ende një emër i panjohur me këngë të padëgjuara:

Megjithë këmbënguljen, Zëri i Amerikës nuk arriti të mësojë sekretin pas emrit Flora Cash me të cilin çifti prezantohet para publikut. Por me çdo interpretim para spektatorëve e me çdo regjistrim të ri nga Flora Cash nuk ka diskutim që ky emër enigmatik po tani gjithnjë e më i dëgjuar për skenën muzikore amerikane.

Për të mësuar më shumë për turneun e grupit dhe për të dëgjuar këngët e tyre të reja vizitoni faqen e tyre elektronike Floracash.com.

Foto – Arbëreshët e Argjentinës me flamurin shqiptar në duar

Gjatë shekullit XIX arbëreshët kanë emigruar deri në Argjentinën e largët. Në ditët e sotme ka qindra arbëreshë që jetojnë në Argjentinë dhe mesa duket ata nuk e harrojnë asnjëherë origjinën. Më së miri këtë e dëshmon Imzot Aleksandër i Shqiptarëve, i cili përmes postimeve në rrjetet sociale tregon atdhedashuri për origjinën.

ARGJENTINE, 1913: Arbëreshët edhe në fund të botës nuk e harrojnë Identitetin e tyre Shqiptar. Në Buenos Aires, Argentina me flamurin shqiptar, dhe mbishkrim në gjuhën shqipe.

I shoqëruar nga arbëreshë të tjerë, ata janë fotografuar teksa në dorë mbajnë flamurin shqiptar, ndërsa përkujtojnë 20 vjetorin e Betejës së Koshares.

Postimi i plotë i para pak ditëve:

Mirëmëngjesi e javë të mbarë, Miqësi e dashur, i nderuar Patriot dhe Atdhetar, Sot ne kujtojmë mbushen 20 vjet nga Beteja e Lavdishme e Koshares, dhe thyerjes së kufirit Shqiptaro – Shqiptar!!!

Sot Përkujtuar 28 Dëshmorët dhe 32 Martirët e rënë para 20 viteve, në betejën e 9 Prillit 1999, në Lagjen e re dhe te përroi i Rakocit!!! Lavdi dhe Homazhe e Dëshmorëve, rënëve për Çlirimin e Kaçanikut dhe Kosovës!!!

Lavdi të rënëve Dëshmorë, dhe gjithë Luftëtarëve, pjesëmarrës të kësaj Beteje, qe nuk mund te përshkruhet me fjale!!! Shume Respekti të Rënëve dhe Familjarëve, lutem per Bekim hyjnor, ngushëllim e forcë për Familjarëve e Viktimave!!!

Në këtë morën pjesë Luftëtarë nga të gjitha trojet Tona dhe nga Diaspora, dhe kjo vetvetiu u bë Simbolikë e Angazhimit gjithë Kombëtar për përzërjen e armikut Tonë, nga trojet Tona!!! Uroj që gjeneratat e reja mos të harrojnë asnjëherë Sakrificën e Dëshmorëve dhe Martirëve!!!

Kurre mos i humb shpresat per te ardhmen e Kombit tone Martir dhe te gjalle e te pazhdukshem!!! Do vije shume shpejt ajo dite qe do fitojme Lirine dhe Bashkimin Kombtar!!! Lavdi Dëshmorëve dhe Martirëve te 9 Prillit!!! Rrofte gjithe Martirëve dhe Herojte Shqiptarë Kosovës e Kombit tone qe u Sakrifikuan per Lirine e Drejtesine e Kombit tone!!! Rroft Liria, dhe Rroft Dardania Sacra!!!

Gjaku i tyre u bë rrugërrëfyes për Altarin e Lirisë!!! Rroft Kombi Shqiptare!!! Në Lavdinë e Kombit tonë Shqiptar përgjithmonë!!! Rroft Kosovës ërgjithmonë!!! Në Lavdinë e Kombit tonë Shqiptar përgjithmonë!!! Rrofte gjithe Herojte e Kombit tone qe u Sakrifikuan per Lirine e Drejtesine e Kombit tone!!! Une jam krenar per ty, Flamuri Kuq e Zi me i bukur ne bote!!! Rrnoft krejt Shqiptarija – Pelazgo – Illyrian nje nga shtetet me te vjetra nket planet dhe askush smund te na hup faren!!! Ne jete te jeteve, Rrofte Shqipëria dhe ata qe e duan ate!!!

Rroftë Shqipëria Etnike!!! Shpirti i Arbrit nuk vdes kurrë!!! I Liris se Iliris!!! Autoctonus!!! Të gjithë bashkë Vëllezër e Motra deri në përmbushjen e detyrës Tonë të Shenjte!!! Së Bashku nuk do të humbasim kurrë!!! Populli i Bashkuar kurrë nuk do të mposhtet!!! Zoti e Bekofte Kosovës!!! Zoti e Bekofte Shqipërinë dhe Shqiptarët!!! Shërbëtor i përulur i Zot dhe Shqipërisë./ 

Vetëm 5 për qind e nxënësve mësojnë gjuhën shqipe në diasporë

Fatlum Jashari

Beqir Cikaqi është një nga tre mësuesit në Shkollën Shqipe të Mësimit Plotësues “Nëna Tereza”, në Treviso të Italisë.

Punën e mësuesit të gjuhës shqipe, në diasporë, ai e bën vullnetarisht që nga viti 2004, kur fillimisht ai thotë se ishte angazhuar në një shkollë shqipe në Bassano, para se të zhvendosej në Treviso.

Aktualisht, në shkollën ku është i angazhuar, e që nuk është e vetmja në këtë qytet, mësimin plotësues në gjuhën shqipe e ndjekin 24 nxënës. Por Cikaqi nuk është i kënaqur me këtë numër, pasi sipas tij, përkundër shtimit të shkollave, të rinjtë që duan të ndjekin mësimin plotësues në gjuhën shqipe po pakësohen.

Vetëm dy vjet më parë, ai thotë se ka pasur 48 nxënës. Për uljen e numrin të nxënësve ai një pjesë të përgjegjësisë ua hedh një pjese të prindërve, të cilët sipas tij, arsyetohen duke thënë se dygjuhësia po ua vështirëson zhvillimin fëmijëve të tyre.

“Në krahasim më numrin e bashkëatdhetarëve tanë, që sipas statistikës zyrtare, qytetarët nga Kosova në Treviso janë të dytët me 10 për qind, pas rumunëve, nga numri i të huajve, numri i nxënësve që vijojnë mësimin plotësues është shumë pak ose simbolik mund të them. Përderisa para dy vjetësh kemi pasur 48 nxënës, këtë vit kemi vetëm 24. Fajtori është gjithmonë jetim, është vështirë të gjendet, por unë konsideroj se në këtë drejtim rol të madh kanë prindërit të cilët nuk tregojnë një arsyetim. Disa prej tyre arsyetohen se dygjuhësia ua humbë suksesin në shkollë, por duhet kuptuar se mësimi plotësues nuk ka qëllim zëvendësimin e mësimit në gjuhën italiane, por plotësimin e shkollimit”, thotë Cikaqi.

Me gjithë kushtet jo të mira në objektin ku funksionojnë dhe vështirësitë për pagesën e qirasë, Cikaqi thotë se shkolla funksionon vetëm falë vullnetit të mësimdhënësve dhe një pjese të prindërve që duan ta ruajnë lidhjen me vendlindjen.

“Kushtet ku e zhvillojmë mësimin, u ngjasojnë kushteve të viteve të 90’ta në Kosovë. Kemi një klasë të improvizuar me disa banka e karrige, por megjithatë do ta mbajmë gjallë, nuk do të shuhet aktiviteti që fëmijët që lindin dhe jetojnë jashtë atdheut të mos humbin identitetin e tyre kombëtar, kulturor e gjuhësor”, vazhdon tutje ai.

Ai shton se punën e bën vullnetarisht, edhe pse Ministria e Diasporës, në Qeverinë e Kosovës, ka vite që ka premtuar se do të rregullojë çështjen e pagesës së mësimdhënësve në shkollat e mësimit plotësues në diasporë.

“Unë asnjëherë nuk kam marrë pagesë të veçantë, e kemi nga pasioni dhe vullneti. Duke pasur parasysh se dëshmorët kanë dhënë jetën për liri e për të drejtat kombëtare, ne bazohemi në atë që të japim një kontribut të vogël në këtë drejtim. Prandaj, kurrë nuk kam kërkuar nga prindërit që të na paguajnë, edhe Ministria e Diasporës ka vite që flet për pagesat, por deri sot nuk është bërë asgjë në këtë drejtim. Ne kemi pasur lokalin për mësim, kemi paguar qira, kemi pasur disa donatorë por tash numri i tyre po zvogëlohet dhe kemi pasur raste kur vetë mësuesit kemi paguar qiranë. Por në dy vjetët e fundit në pagesën e qirasë na ka ndihmuar edhe Ministria e Diasporës, por jo për mësuesit, sepse kanë thënë se nuk është ende me ligj”, shton Cikaqi.

Megjithatë, mësuesi 56-vjeçar, thotë se zyrtarët e Ministrisë së Diasporës bëjnë vizita të shpeshta dhe se në tre vjetët e fundit i furnizojnë me tekste shkollore falas të gjithë nxënësit.

Por ai kërkon që Qeveria e Kosovës të krijojë kushte, duke hapur një qendër kulturore, ku sipas tij, të paktën do të siguroheshin ambientet për mësim dhe organizime tjera të cilat bëhen çdo vit.

Në Ministrinë e Diasporës e pranojnë gjendjen e rëndë në mësimin plotësues në gjuhën shqipe në diasporë. Por, thonë se janë të përfshirë në të gjitha aktivitetet arsimore në diasporë dhe se janë duke punuar në përmirësimin e gjendjes.

Ymer Avdiu, shef i Divizionit për Arsim në Diasporë, në kuadër të kësaj ministrie, thotë se mësimi plotësues në gjuhën shqipe mbahet në 19 vende të botës, nga Shtetet e Bashkuara të Amerikës, Kanadaja, Australia, Zelanda e Re dhe pjesën më të madhe të vendeve me diasporë shqiptare në Evropë.

Numri i nxënësve shqiptarë, që ndjekin mësimin plotësues në gjuhën shqipe, sipas Avdiut, është rreth 25 mijë, nga klasa e parë e deri në vitin e fundit të shkollës së mesme. Ndërsa numri i mësimdhënësve të angazhuar llogaritet të jetë mbi 550.

“Numri i nxënësve sillet rreth 25 mijë nxënës, që janë nga klasa e parë deri në vitin e fundi të gjimnazit. Punojnë rreth 550 mësues, prej tyre numri më i madh është në Suedi, afër 200 mësues dhe rreth 270 mësues paguhen nga shtetet pritëse. Ndërsa rreth 300 mësues punojnë vullnetarisht ose paguhet nga prindërit”.

Avdiu thotë se gjendje më e mirë është në shtetet pritëse të cilat financojnë mësimin në gjuhen e prejardhjes, si Finlanda e Suedia dhe në dy “lande” të Gjermanisë.

Sipas tij, në Finlandë janë mbi një mijë nxënës shqiptarë, ndërsa në Suedi mbi 6500.

E megjithëse pjesa më e madhe e diasporës së Kosovës është vendosur në Gjermani, Zvicër, Francë e Itali, sipas Avdiut, gjendja është e rëndë, pasi as shtetet pritëse e as Qeveria e Kosovës nuk e financon mësimin plotësues në gjuhën shqipe.

“Disa shtete, si Finlanda, Suedia, Austria e Kroacia, dhe disa ‘lande’ të Gjermanisë, mësimin e gjuhës së prejardhjes e kanë në kurrikulat e tyre. Për shembull, në Finlandë kemi rreth një mijë nxënës, 95 për qind e fëmijëve shqiptarë atje. Pra rrjedhimisht, aty ku financon shteti (pritës), gjendja është më mirë. Për shembull në Suedi numri i nxënësve është relativisht i mirë, nga nëntë mijë fëmijë, mësimin plotësues e ndjekin rreth 6500 nxënës. Në Gjermani, në dy ‘lande’ gjendja është e mirë, por në tërësi në Gjermani nuk është gjendje e mirë, gjendje e mirë nuk është as në Zvicër, sepse mësuesit nuk paguhen as nga shteti zviceran as nga ne. Në Francë po ashtu kemi shumë diasporë e pak shkolla, në Itali ka qenë deri vonë gjendje e rëndë, e po ashtu edhe në Slloveni. Në Itali është shtuar numri i nxënësve, e po shpresojmë që numri të shtohet edhe në Slloveni”, thekson Avdiu.

Sipas shefit të Divizionit për Arsim në Diasporë, Ligji i ri për diasporën – i cili ende nuk është miratuar në Kuvendin e Kosovës–pritet të rregullojë çështjen e pagesës së mësimdhënësve dhe institucionalizojë mesmin plotësues për bashkëatdhetarët që jetojnë në vendet tjera.

“Shpresojë që pagesa e mësimdhënësve, e cila do të rregullohet me ligj do të rrisë numrin e nxënësve. Të bëhet një lloj institucionalizimi dhe monitorimi i plotë i procesit mësimor”, shton Avdiu.

Në organizatën joqeveritare “Germin”, shprehen kritikë për mospagesën e mësuesve në shkollat e mësimit plotësues në diasporë, si dhe mungesën e një kurrikule të unifikuar mes qeverive të Kosovës dhe Shqipërisë.

Fjolla Vukshinaj nga kjo organizatë thotë se Qeveria e Kosovës dhe ajo e Shqipërisë duhet të unifikojnë një kurrikulë, të rregullojnë çështjen e pagesën e mësimdhënësve dhe të institucionalizojnë mësimin plotësues.

“Një problem që e kemi hasur gjatë diskutimeve, është financimi i mësimit plotësues. Ne e dimë që është një marrëveshje me Shqipërinë, mes Ministrisë së Diasporës (Kosovë) dhe Ministrisë së Shtetit për Diasporën (Shqipëri), por këtë marrëveshje e vlerësojmë të tipit ‘show’, në fakt ende nuk kemi një rezultat nga kjo marrëveshje”, shprehet Vukshinaj.

Shqetësim, sipas saj është edhe “plakja e mësimdhënësve”, pasi mosha e më shumë se 80 për qind të mësimdhënësve është mbi 40 vjet.

“Mësimi plotësues është një prej temave kyçe dhe më të ndjeshme, sa i përket ruajtjes së identitetit, dhe për fat të keq mësimi plotësues është një nga të drejtat që ka shumë sfida në implementim. Disa nga sfidat që i kemi hasur në fokus grupet që i kemi mbajtur, por edhe diskutime me anëtarët e diasporës, është për shembull, plakja e mësuesve në diasporë. Mbi 80 për qind e mësimdhënësve në diasporë, e që sipas Ministrisë së Diasporës janë 550-600, janë mbi moshën 40-vjeçare. Dhe në këtë rast nëse shtetet amë, Kosova dhe Shqipëria, nuk marrin hapa për të trajnuar mësuesit e rinj, atëherë ne rrezikojmë vazhdueshmërinë e mësimit plotësues”, thotë ajo.

Problem tjetër sipas saj është edhe mosbesimi ndaj mësimit plotësues, pasi sipas Vukshinajt, një anketë e tyre ka treguar se vetëm 13 për qind e nxënësve janë të kënaqur me mësimin plotësues.

“Një sidë tjetër është mosbesimi i prindërve sa i përket mësimit plotësues. Këtë e tregon edhe numri i ulët i nxënësve që vijojnë mësimin plotësues të prejardhjes që është 25-30 mijë. E po ashtu sfidë është se si vijohet mësimi plotësues dhe kush e bën atë. Nuk ka monitorim çfarë mësohet aty dhe për këtë kemi marrë ankesa nga prindërit”, shton ajo.

Vukshinaj thotë se Projektligji aktual për Diasporën parasheh që dy për qind e remitencave nga diaspora të dedikohen për pagesën e mësimdhënësve, por shton se është skeptike lidhur me realizimin e këtij qëllimi.

Ndryshe, shef i Divizionit për Arsim në Diasporë, Ymer Avdiu, thotë se sipas të dhënave të Ministrisë së Diasporës, nga viti 2011, vetëm pesë për qind e fëmijëve shqiptarë në diasporë janë përfshirë në mësimin plotësues në gjuhën shqipe.

Grupet kriminale shqiptare u pajisën me 500 pasaporta britanike, kush është 37 vjeçarja që fshihet pas rrjetit

Një grua shqiptare 37 vjeçe është arrestuar nga policia britanike, në Ilford, në lindje të Londrës më 18 mars.

 

37 vjeçarja nëpërmjet mashtrimit ka mundësuar pajisjen me 500 pasaporta të shqiptarëve të përfshirë në trafikun e drogës, trafikimin e njerëzve, trafikimin e qenieve njerëzore, abuzimin e fëmijëve, rrëmbimin dhe dhunën e rëndë.

Arrestimi erdhi pas një hetimi të Agjencisë Kombëtare të Krimit, që synonte zbulimin e një rrjeti kriminal i dyshuar si i përfshirë në lehtësimin e dhënies së shtetësisë dhe pasaportave britanike si dhe pastrimit të parave.

“Ne besojmë se ky rrjet u ka siguruar kriminelëve një mënyrë për të marrë pasaporta në Mbretërinë e Bashkuar, duke u dhënë atyre mjetet për të kryer krime të rënda dhe për të udhëtuar lirisht”, tha Andrea Wilson, kreu rajonal i hetimeve.

Zyrtarët e Emigracionit (ICE) vizituan dhjetë biznese të ndryshme në të gjithë Londrën dhe Anglinë e Jugut, duke përfshirë restorante, bare dhe lavazhe, që besohet të jenë të lidhura me rrjetin kriminal.

Nëntë vetë u arrestuan për shkelje të emigracionit, ndërsa gjashtë biznese janë referuar për masa ndëshkimore.

“Puna me partnerët na ka lejuar të godasim këtë rrjet dhe në fund t’i ndalojmë ata që nxisin krimin e organizuar dhe të shkatërrojnë komunitetet tona”, shtoi zonja Wilson.

/Panorama/

Në vend të disa dekoratave për Diasporën… (Letër ministrit Pandeli Majko) – Nga ADI SHKEMBI*

Javën e fundit përpos protestave të opozitës, nuk kaloi pa vëmendje edhe Samiti i Dytë që organizoi qeveria për Diasporën shqiptare. U fol e u shkruajt gjatë për kostot e këtij aktiviteti, shpenzimet për salla, regji qendrore, dreka, darka, pritje e përcjellje. Në fund ai u mbyll me dhënien e disa titujve si Ambasador i Kombit, për personalitete që kanë dhënë kontributin e tyre ndër vite në rradhët e komunitetit shqiptar, kudo ku ai ndodhet. E në fakt, nuk mendoj se ka ndonjë gjë të keqe që shqiptarët që kanë bërë karrierë në dhe’ të huaj, të vlerësohen e të nderohen nga Tirana zyrtare.

Por gjatë këtyre tre ditëve të aktivitetit ndoqa me vëmendje nëse në Samit do të flitej për ndonjë lehtësi  të re që i është krijuar emigrantëve shqiptarë nëpër botë. Prita të dëgjoja nga ministri i Diasporës, Pandeli Majko nëse do të tregonte ndonjë marrëveshje me vendet e tjera në ndihmë të emigrantëve. Por asgjë. Zoti Majko u mjaftua duke firmosur dekoratat e rastit, me shpresën që Samiti i tretë, do ta gjejë sërish ministër.

Teksa po shkruaj këto rreshta, zoti Ministër, sapo kam mbushur 6 muaj në Kanada dhe nuk pretendoj që të jem zëdhënës i problemeve që ka komuniteti shqiptar këtu. Por disa gjëra, ca me të provuar, e ca me të dëgjuar, do tua rendis më poshtë. Me shpresën që qoftë edhe 10%  e tyre të realizohen, ky shkrim ia arrin qëllimit. Në të kundërt, as unë, as Ju nuk humbasim gjë.

Në këto gjashtë muaj në Toronto, ku sipas disa të dhënave jo zyrtare, jetojnë rreth 30 mijë shqiptarë me dokumente të rregullta, kam dëgjuar për probleme, të cilat nuk i ka as Kosova. Për informacionin tuaj, Kosova në Kanada përfaqësohet me ambasadë në Otava dhe konsullatë në Toronto, ndërsa ne kemi vetëm ambasadë. Ju mund të mendoni se nuk është e nevojshme të shtrihemi kaq shumë. Mbase keni të drejtë.

Së pari, a e dini ju zoti Ministër që një emigrant shqiptar me banim në Kanada duhet të udhëtojë minimalisht deri në Nju Jork për tu pajisur me pasaportë shqiptare? (Flasim për ata që e kanë ende në zemër dokumentin me shqiponjë e jo ata që nuk duan tia shohin më bojën). Mund të bëni një llogari të thjeshtë se sa i kushton një shqiptari pajisja me pasaportën e vendit ku ka lindur? Mund tua them unë, minimalisht 1 mijë dollarë (bileta vajtje- ardhje në Nju Jork; pajisja me vizë amerikane; një natë hoteli; 2 ditë shkëputje nga puna). Ka edhe një rrugë tjetër, të vijë e ta bëjë në Shqipëri, por kjo mund ti kushtojë ca më shumë.

Kaq e vështirë është që një pajisje e kompanisë koncensionare të instalohet pranë ambasadës sonë në Otava për ta mundësuar këtë shërbim? Si mund të pretendojmë ne të krijojmë kushtet për votimin e emigrantëve, kur atyre të Kanadasë u themi: “udhëtoni pak deri në Nju Jork për të marrë pasaportën, pastaj hajde e votoni në Kanada”.

Së dyti, a e dini ju zoti Ministër që Shqipëria vend anëtar i NATO-s, me një sërë dokumentesh të besueshme shtetërore, ka bindur Italinë, Greqinë dhe Austrinë për të bërë marrëveshje për njohjen e patentave, por nuk ka një marrëveshje me Kanadanë? Një emigranti që ka qenë i pajisur me patentë për vite me rradhë në Shqipëri, i kushton sot të paktën 400 dollarë të pajiset me të njëjtin document edhe në Kanada.

Meqenëse fati e donte që kjo qeveri të kishte një ministri edhe për Diasporën, dhe meqenëse interesi për të emigruar në Kanada është rritur shumë vitet e fundit, ju lutem zoti Ministër, hiqjani këtë kosto emigrantëve.

Së treti dhe ndoshta kjo mund të jetë më e rëndësishmja, ka të bëjë me mospasjen e një marrëveshje mes dy vendeve për njohjen e viteve të punës. Në 10 a 15 vitet e fundit shumë është bërë në këtë drejtim, me një sërë shtetesh janë nënshkruar marrëveshje të tilla, por një numër i konsiderueshëm emigrantësh që kanë ardhur në Kanada pas vitit 2000, kanë lënë mbrapa shumë vite pune si të siguruar, të cilat në emigrim do ti shumëzojnë me zero.

Zoti Ministër, sicc ju thashë edhe në hyrje të shkrimit, nuk pretendoj të bëj zëdhënësin e emigranëve shqiptarë në Kanada, pasi vetë jam një i sapoardhur e me 6 muaj nuk ke mësuar asgjë. Por ato që rendita janë temë e bisedave e atyre që lanë Shqipërinë për një jetë më të mirë diku larg.

Në pritje të Samitit të Tretë, uroj që përpara se të firmosni dekoratat e rradhës, ti hidhni një sy problemeve që vetë shteti shqiptar ua ka krijuar emigrantëve. Pasi këta të fundit nuk i duhen vendit vetëm për votime, apo për pushimet e verës…

* Gazetar

Editorial: Mediat e diasporës nuk janë kazan që të lajnë llumin e një kryeministri zhulan e shejtan*

 

I mblodhi Majko në Samit ca shqiptarë të diasporës, u dha ca souvenire kineze në formë shqiponje dhe aq deshën ca e ca të merrnin krahë. O pika… Majkos e shumë të tjerëve. A thua u mblodhën kryetarët e shteteve në Samit e të dilnin me marrëveshje, se në fakt Samiti këtë kuptim ka.

Por jo, shqiptarët i përdorin emrat, titujt, medaljet, konferencat si të duan për t’u krekosur në zbrazëtinë intelektuale brenda dhe rreth e qark.

Doli kryeministri më i padëshiruar i të gjitha kohërave në samitin e diasporës dhe cilësoi sërish me të njëjtin epitet mediat që nuk i dalin në krah. Kazan i quajti sërish se nuk gjen dot emërtim tjetër në bagazhin e llumit mendor që e ka pllakosur. I duhet të përpiqet shumë këto kohë të gjejë fjalët, nuk rrjedh më në ligjërime sepse ai tashmë e di që është tejkonsumuar dhe si një rrobë e përdorur shumë duhet hedhur. Fati i tij është që mund të riciklohet, pasi bota sot ka mjetet e duhura për të ricikluar shumëçka, përfshirë mbeturinat humane.

Një nga mjetet për ta ricikluar kryeministrin në ikje është edhe media, sigurisht ato që janë kazane investimesh të pista bashkëqeveritare mund t’ia kryejnë këtë shërbim me pasion, sepse asnjë kazan tjetër mediatik, aq më pak mediat e diasporës nuk mund ta lajnë e ta shplajnë llumin e një kryeministri zhulan e shejtan.

Mediat e diasporës po të marrim krahasimin që bërë Edvin Rama me kazanin, do të ishin kazane artizanale me vlerë të çmuar sepse janë krijuar me përkushtimin e njerëzve të punës. Ato nuk mund të shiten as të blihen, pasi ato kanë arritur statusin e objektit të rëndësisë së veçantë që ruhen prej ligjit të pashkruar të dashurisë për atdheun.

Prandaj sado që kryeministri zhulan, shejtan e mjeran në ikje i quan kazan, kusi a tepsi, mediat e diasporës do të vazhdojnë të kontribuojnë në dobi të së vërtetës sado e hidhur të jetë ajo për këdo. Fati i madh yni është që nuk na komplekson dot as një emërtim prej tunxhi apo alumini, kështu që i sugjerojmë kryeministrit në ikje të zgjerojë fondin e fjalorit të shqipes.

Pas kësaj të heqë dorë nga teatraliteti i vjetëruar i sjelljeve të tij. Është kaq i parashikueshëm në veprime saqë nuk bën më as për të qeshur e as për të menduar. Thjesht për të vjellë!

Prandaj dhe shumë prej shqiptarëve të Diasporës nuk morën pjesë në Samitin teatral. Ata shmangën rastin për të vjellë në ndërtesat historike shqiptare në respekt të atdheut. Shumë syresh preferuan t’i përgjigjen publikisht ftesës, duke e refuzuar atë. Shumë të tjerë zgjodhën indiferencën për të mos u përzierë në çështje korruptive qeverie me buxhete të fryra Samitesh, në kohën kur shqiptarët e Shqipërisë janë në kufijtë e mbijetesës mendore e materiale.

Nga ata që shkuan kishte ca naivë që ende besojnë se batutat e kryeministrit do ndryshojnë Shqipërinë dhe se brekushet janë një element artistik i pamjes së përgjithshme. Siç kishte edhe të tjerë ushtarë partie apo të mjerë për imazh që rendin pas çdo lideri a qeverie të kapin kockën butaforike.

Këtë rradhë ishte në formë shqiponje, e cila iu dha pothuajse të gjithëve atyre që ishin në listat e propozuara për Anëtarë të Këshillit të Diasporës. Menduan t’ua bënin qejfin të gjithëve me një kockë, duke ditur se përkëdhelja e sedrës së dikujt me një titull është një mënyrë për t’u prerë hovin që mund t’u kthehej kundër. Dhe kështu… Samiti mbylli dyert me sukses, me buzëqeshjen vesh më vesh të Majkos që mirëpret çdo batutë të shejtanit e zhulanit në ikje, me shpresën dhe ëndrrën e fjetur të zëvendësimit të tij.

 

*Toronto 2 mars 2019

©FlasShqip.ca

Ky nuk është samiti i diasporës, është samiti i turpit të Edi Ramës – Nga AGIM HUSHI

Leter e Hapur Ministrit te Diaspores Z. Pandi

Meqe ju shkrova personalisht dhe smoret mundimin te me pergjigjeshit po ju shkruaj publikisht qe ta dijne dhe shqiptaret se ç’qeveri kane dhe perse diaspora s’duhet ti bjere dajreve te Rilindjes!

Po ju shkruaj me zhgenjim nga Sydney por i lumtur ne thelb qe s’me ftuat dhe s’u bera pjese e teatrit tuaj.

Natyrisht, jo vetem qe s’do t’ju vija tju shihja ne sy por do t’jua kisha qendisur dhe nje kartoline te rastit siç e meritoni!

Me 2005 bera me te miren per PS dhe kontribuova si qytetar i lire ku shpalosa nje kulture politike qe edhe sot pas 14 vitesh veshtire ta degjosh ne te dy kampet!

Me 2013 me bindje te plote, me ze dhe figure perkraha Rilindjen i bindur se rregjimi i kohes duhej larguar nje ore e me pare bashke me fitoret e garave te tij tragjike te notit kur kishte humbur te gjitha garat me qeverisjen!

Jam larguar me familjen me 1992 per studime dhe e kisha enderr si te gjithe te larguarit te kthehesha ne atdheun qe me mungonte aq shume!

Te martoja djalin me nje shqiptare, te behesha gjysh , te pija kafen e mengjesit me komshijt dhe miqt e mije te mrekullueshem dhe krushkun tim te shkelqyer Gacin!

Lash Vjenen ku drejtova per 12 vite departamentin e Operas ne Viena Konservatorium per Tiranen me bindjen se eksperienca ime neper bote, si artist dhe akademik do konsideroheshin siç dhe kater gjuhet e huaja dhe personaliteti im i sprovuar artistik do vlenin ne atdhe!

Por Rilindja m’i mbylli te gjitha dyert ndryshe nga ç’kisha besuar dhe ç’na ishte premtuar!

Mirela Kumbaro as nuk denjoi ta lexonte projektin tim per TKOB dhe pas nje farse “konkurs” qe me zhgenjeu me imoralitetin dhe joprofesionalizmin u riciklua nje person pa asnje lidhje me operan dhe edukimin klasik, nje ish e larguar me ceremoni per abuzim detyre dhe çeshtje fondesh!

U largova i detyruar perseri nga atdheu me dhimbje.

Ma shkulen me force deshiren per te kontribuar dhe jetuar ne atdheun tim qe kisha 20 vjet qe e kisha lene jo nga deshira por per studimet dhe karrieren!

Shtoj ketu se me vete solla dhe djalin tim, i rritur dhe edukuar me dashurine per atdheun, i cili ka kryer studimet ne Universitetin Schiller te Parisit dhe i specializuar ne Sorbone per Mardhenie Nderkombetare!

Por per djalin tim ishte naive ta mendoja se do t’i afrohej ndonje mundesi!

Isha larguar me familjen me 1992 per studime dhe deshiroja te kthehesha ne atdhe.

Por bashke me dhimbjen e ikjes nuk do harroj kurre baltosjen qe “patriotet” e rilindjes, fjaleve te mia qe keta politikane me bejne te me vije turp qe flasin gjuhen time i kthyen ne: ” me vjen turp qe jam shqiptar”.

Natyrisht keta “patriote” dhe gazetare rilindas qe rivrane endrren time te kthimit ne atdhe, dhe udhehoqen kaq paturpesisht fushaten e baltosjes time me shpifje do ti shihni ne sallen e gjyqit diten e pare qe do te jem ne Shqiperi!

Por gjyqin Rilindjes mund t’ia bejne vetem njerez te moralshem te PS dhe qytetare te ndershem qe e njohin mire Rilindjen dhe timonierin e saj!

Si Minister i Diaspores me latë shije te hidhur heshtja juaj kur vizituat Sydneyn dhe iket siç erdhet: si hije, pa asnje vlere per diasporen.

Ose diaspora per ju jane vetem ata qe duartrokasin deshtimin tuaj spektakular dhe sukseset e teatrit tuaj qeverises!

Por sikur s’u mjaftuat me çfare me keni borxh tani qe keni mbledhur diasporen keni vendosur edhe te me çbeni!

Sa qesharake dhe mjerane!

Une jam jo vetem diaspore por jam i bindur se jam ne pjesen me dinjitoze te saje!

Jo vetem si artisti i pare shqiptar qe u kontraktova si solist ne nje opera te huaj me 1993 por nga viti 2002 deri ne 2005 kam qene kryetar i komunitetit shqiptar ne South Australia ku jane perqendruar emigracioni shqiptar pas Melbournit.

Kam ngritur radion dhe shkollen shqipe ne Adelaide dhe sot jam pedagog ne nje nga shkollat me te mira nderkombetare e artit ne Australi!

Ju bej thirrje per mos t’u tallur me diasporen dhe dashurine, dhimbjen e saj per atdheun!

Turp per qeverine tuaj qe krijoni perçarje mes nesh!

Nese s’me ftoni eshte turpi juaj se kjo nuk eshte dasma e djalit te Edi Rames por mbledhja e diaspores!

Turp! Turp! Turp!

Qe ndani shqiptaret ne tanet dhe jo tanet!

Kete as Enver Hoxha s’e ka bere kaq paturpesisht!

S’me harrohet dita kur solla plaçkat e shtepise nga Vjena dhe Arben Ahmetaj, me taksoi rrobat e trupit.

Ka qene kthimi im me i keq ne jete !

Kam nderruar shume shtete dhe kufij po rrobat e trupit askund, askush nuk mi kishte taksuar veç shtetit tuaj!

Kam kaq shume per te thene por po e mbyll me lutjen: mos luani me ne dhe ndjenjat tona te shenjta, se atdheu nuk eshte i juaji dhe as i pushtetit tuaj me police dhe gaz lotsjelles, qe po merr pergjigjen e popullit çdo dite e me shume!

Sinqerisht
Agim Hushi

Ëngjëll Musai, Drejtor i “Telegraf”: Samiti i Diasporës apo i drejtuesve të rilindjes në emigracion!

Takimi me “Diasporën” që do të zhvillohet në Tiranë nga data 28 Shkurt – 2 Mars 2019, përkon vetëm tre muaj përpara zgjedhjeve lokale dhe kjo ndoshta nuk lë një shije të mirë për shqiptarët, të cilët të detyruar për shumë arsye kanë zgjedhur të jetojnë dhe banojnë kudo në botë, por që tashmë thirren për ndihmë, pikërisht nga ata që i detyruan të “arratisen” jashtë vendit, nga keqqeverisja, papunësia, mosvlerësimi intelektual, krimi dhe korrupsioni.

E theksojmë që në fillim këtë fakt, duke u nisur edhe nga lista e kandidatëve zyrtarë që ka publikuar Këshilli Koordinues i Diasporës. Kjo listë në njoftimin zyrtar thuhet se është përgatitur nga ministria për Evropën dhe Punët e Jashtme. Gjithashtu në këtë njoftim thuhet se kandidaturat janë zgjedhur sipas procedurave ligjore dhe të propozuara nga ambasadat e akredituara jashtë vendit. Pra përzgjedhja nuk është bërë nga grupimet, organizatat dhe shoqatat e diasporës, por janë përzgjedhur “ligjërisht” nga ambasadorët e ambasadave.

Ndërsa Zv. Ministri i Jashtëm Etjen Xhafaj ka dhënë detaje për këtë organizim nga studio e ERTV ( kreut të PS-së), ku theksoi se: “Samiti i Diasporës, që organizohet në vijim të politikave shtetërore për rritjen e bashkëpunimit me diasporën, bën të mundur që vetë përfaqësuesit e diasporës të komunikojnë te qeveria idetë dhe propozimet për politikat shtetërore që do zbatohen në vijim, në fushën e diasporës. Në samit do të ketë katër panele diskutimi që do të diskutojnë çështje të orientuara nga diaspora, si e drejta e votës për diasporën, zhvillimin ekonomik të Shqipërisë, arsimin dhe kulturën, si dhe për turizmin.” Përfundon deklaratën zv/ministrit Xhafaj. Pra, indirekt kjo deklaratë e zv/ministrit përgjegjës për organizimin e Samitit të Diasporës e ka qëllimin tek organizimi i të emigruarve dhe ndikimit të tyre në Shqipëri për të grumbulluar vota. A është e vërtetë një gjë e tillë?!

Fakti që një pjesë e mirë e listës ka brenda saj kryetarët e PS (rilindjes) në diasporë si; në Greqi, Itali, apo ish-drejtues të strukturave rinore, ato partiake dhe shtetërore të së majtës në pushtet para se të emigronin, të bën të mendosh se ky takim, më shumë se i sinqertë, është i djallëzuar. Dhe qeveria e rilindjes në Tiranë po përdor çdo mënyrë dhe metodë vetëm e vetëm të qëndrojnë në pushtet. Fakti që mbi 900 shkencëtar shqiptar që ndodhen në botë nuk janë ftuar, tregon hipokrizinë e kryeministrit Rama me këtë takim show.

Nga ana e saj opozita në Shqipëri reagoi nëpërmjet zëdhënëses Ina Zhupa duke deklaruar, se “Rama do të shpenzojë 670 milionë lekë për propagandë. Ky aktivitet që kushton 670 milionë lekë dhe i quajtur “Samiti i Diasporës” në çdo çmim të paraqitur e ka të fryrë jashtë mase dhe jashtë çdo logjike financiare të tregut. Për regjinë e aktivitetit në ERTV kërkon të vjedhë në emër të emigrantëve plot 12 milionë lekë; një udhëtim Tiranë-Lezhë vendoset më çmimin 20 milionë lekë d.m.th., 25 mijë personi; vendosja e dy flamurëve në shtyllat e bulevardit të Tiranës vendoset me çmimin 22 milionë lekë; Transporti në expo city që ndodhet në autostradën Tiranë-Durrës është llogaritur 10 milionë lekë; Skenografia e aktivitetit është llogaritur 180 milionë lekë… Vjedhje e hapur me paratë e shqiptarëve për të bërë propagandën qeveritare dhe për të mbushur xhepat e vet”, citon zëdhënësja e opozitës Ina Zhupa. A do ta pranojnë këtë skandal kandidatët për Këshillin Koordinues të Diasporës. A do bëhen pjesë e këtij abuzimi të denoncuar nga opozita shqiptare, ndërkohë që qytetet e Shqipërisë varfëria është ulur këmbëkryq?

Nga ana tjetër ministri i qeverisë Rama për diasporën, Pandeli Majko në një intervistë të dhënë gazetares Mirela Milori, për Tv. Abc, ndryshe nga zv/ministri, deklaroi një të qeshur ironike se “është vetë diaspora ajo që do e organizojë Samitin e 2-të të Diasporës”, dhe ne këtë mënyrë po të dështojë ky Samit apo të krijojë ilaritet sikurse po e krijon, t’ia vërë fajin diasporës, pasi do mbahet “nën drejtimin e përfaqësuesve të diasporës” shprehet ministri për Diasporën Pandeli Majko. Një tjetër fakt tronditës dhe që bie ndesh me parimet për të cilat flet organizatori përgjegjës , zv/ministri për Evropën dhe Punët e Jashtme, kur thotë se ,” të ftuar nga qeveria në Samitin e Dytë të Diasporës, ku do të diskutohen çështje të lidhura me diasporën si faktor zhvillimi të Shqipërisë dhe jo vetëm”. Atëherë lind pyetja: Kush janë këta individë, cilat shtete përfaqësojnë dhe sa peshë kanë në kancelaritë e vendeve ku jetojnë në mënyrë që të ndikojnë dhe të krijojnë lobingje për të mbështetur Shqipërinë dhe çështjet Shqiptare në organizmat politikë dhe ekonomikë? Shiko listën e kandidatëve për Këshillin Koordinues të Diasporës për Amerikën janë 6 veta në krahasim me listën për Kanadanë që ka 19 veta. Zvicra ka 12 kandidatë, Greqia 6 dhe akoma më e turpshme kur Gjermania ka vetëm 2 kandidatë. Po ku ka më shumë shqiptarë të të gjitha trevave shqipfolëse? Po pesha vendimmarrëse politike dhe ekonomike nga kush varet? Diaspora shqiptare në SHBA, e cila në fillimshekullin e kaluar ka shpëtuar Shqipërinë dhe në fundshekullin  XX edhe Kosovën, duke siguruar edhe pavarësinë e saj, ndërkohë që ka punuar për marrëdhënie të forta midis Kombit shqiptar dhe atij amerikan, duket se kanë vendosur të mos e përfillin fare. Nga 6 kandidatët për Amerikën vetëm Mark Gjonaj ka peshë, të tjerët as nuk i njeh njeri. E njëjta gjë edhe për Gjermaninë, apo Greqinë ku banojnë mbi 600 mijë shqiptar. Dikur Presidenti i SHBA-ve Ronald Reagan, deklaronte “Here we go again…” – “Ja përsëritet historia”. Dhe ky Samit përsëriti jo vetëm Diasporën 1, por edhe na solli ndër mend 50 vitet e sistemit të kaluar, ku pjesa dërrmuese e qeveritarëve me në krye “timonierin Rama” , janë pasardhës në mentalitet dhe vendimmarrje të atij sistemi.