Sa herë që ai vjen në Shqipëri, nis diskutimi në lidhje me Kombëtaren. Ka ardhur për t’i bërë presion trajnerit?! Ka ardhur që të interferojë në skuadër? Apo ka ardhur që të punojë pas shpinës së ndokujt, teksa takon presidentin Duka? Këto pyetje ngrihen sa herë shfaqet në Tiranë Xhani De Biazi.
Ish-trajneri i Kombëtares, i cili shkroi historinë me kuqezinjtë, është shfaqur sërish në kryeqytetin shqiptar, por këtë herë asnjë prej këtyre pyetjeve që ngrenë shpesh për të, nuk qëndron.
Në një intervistë ekskluzive për “Panorama Sport”, De Biazi tregon se ka rikujtuar çdo vit të qëndrimit të tij në krye të kuqezinjve në një takim të stërzgjatur me Dukën, porse jo për postin e trajnerit.
“Mund të bëj rolin e drejtorit sportiv”, shprehet ndër të tjera shqiptari De Biazi, teksa ka një përgjigje për thuajse gjithçka: Çështja “Durmishaj”, cirkun e thënë nga Panuçi dhe mbi të gjitha, atë që trumbetojnë të gjithë shqiptarët: Shanset për Europianin.
Nëse vjen De Biazi në Shqipëri, çfarë duhet të themi? Çfarë po ndodh?
Nuk po ndodh asgjë. Është një mundësi për t’u rikthyer, për të takuar miq dhe për të parë interesat e mia që i kam ende këtu në Shqipëri. Gjithashtu, për të prezantuar edhe akademinë time të re.
Cili është plani që keni për akademinë?
Plani parësor është për të kërkuar që të rritet gradualisht. Do të kërkoj që të jap eksperiencën time si trajner për djemtë e rinj që duan të kuptojnë si të bëjnë për të shkuar larg.
A do të jetë edhe në Shqipëri kjo akademi?
Po! Besoj që në sezonin e ardhshëm do ta hap edhe në Shqipëri. Në vijim do ta shoh sesi dhe kur… Them po, sepse besoj se djemtë shqiptarë që jetojnë këtu, në Itali apo edhe diku tjetër jashtë vendit, kanë nevojë për mjeshtra të vërtetë.
A është ky drejtimi i radhës në karrierën tuaj që nënkupton edhe se nuk do të riktheheni më në një pankinë për të drejtuar?
Jo, absolutisht që jo sepse kjo është diçka që mund ta bëj me qetësi në muajt kur nuk punoj, kryesisht gjatë verës. Prandaj, për këtë motiv këtë gjë do ta bëj vetëm për dy javë punë, në dy vendndodhje të rëndësishme, por të ndryshme.
Keni takuar Dukën dhe kam informacione se keni qëndruar gjatë bashkë duke drekuar. Mbase 5 orë për 5 vite e gjysmë si trajner këtu…
Kemi ngrënë mirë (qesh…). Po, në fakt kemi kaluar një orë për çdo vit të kohës që kam qenë trajner këtu dhe është kënaqësi të takoj presidentin. Ndihem mirë me të.
DE BIASI NDEROHET ME URDHERIN YLLI ITALISE – /r/n/r/nDE BIASI RECEIVE ITALIA’S STAR ORDER –
Tema e bisedës ka qenë për…
Po ju ndërpres unë para se ta përfundoni. Kemi folur për shumë gjëra. Jo domosdoshmërisht vetëm për futboll. Sigurisht që edhe për këtë gjë kemi biseduar, por ndarazi nga gjithçka tjetër: Nga politika, nga interesat ekonomikë, nga perspektivat e ardhshme të federatës. Apo edhe të projekteve të bukura që kam ndjekur, pasi vizitova edhe punimet në kompleksin ku po ndërtohen zyrat e reja dhe ambientet për Kombëtaren. Me sa pashë punimet, them se federata vazhdon të jetë në rritje.
E takuat Dukën për stolin e Kombëtares?
Jo! Absolutisht, jo. Kemi folur edhe për situatën në Kombëtare në periudhën e fundit dhe për problemet në lidhje me zëvendësimin e Panuçit. Kemi folur për shumë gjëra, por më së shumti si mes 2 miqsh që takohen pas një kohe të gjatë që nuk janë parë.
Çfarë ju tha Duka për shkarkimin e Panuçit?
Sigurisht që i vjen keq. Mirëpo, për sa kohë trajneri nuk do të ndryshonte kurrë, për asnjë motiv në botë, atëherë vjen një situatë në të cilën me shumë gjasa nuk mund të vazhdosh më. Ndaj, nuk di ç’të them. Gjithsesi, nuk dua as që të futem në të tillë diskutime, të cilat janë biseda që u takojnë atyre.
Duka ka thënë se “De Biazi nuk do rikthehet si trajner i Kombëtares”. Nuk jua ofron ai apo nuk do ta pranonit ju?
Jo, jo. Shikoni, unë besoj se ai e di që është shumë shpejt që nga koha kur unë kam ikur nga Shqipëria. Kanë kaluar thuajse një vit e gjysmë që kur kam ikur dhe nuk mendoj se është momenti për të menduar që të rikthehem. Më pas, në rolin e trajnerit, më pak akoma. Unë mund të merrja në konsideratë që të bëja mbase postin e drejtorit teknik të Kombëtares për të kërkuar që të zhvilloj lëvizjen futbollistike nga Kombëtarja e deri te të rinjtë.
Nëse ju thonë: “Shqipëria është si cirk sepse dikush që kërkon të vendosë rregull dhe disiplinë, e pëson shtrenjtë”, si do t’i përgjigjeshit?
Besoj se Kombëtarja shqiptare, në aspektin futbollistik, meqenëse po flasim për këtë, nuk ka nevojë për rregulla të mëdha. Ato që ishin në periudhën time të drejtimit mjaftonin për të çuar përpara një diskutim disipline nga pikëpamja e sjelljes, por ajo që ka rëndësi më shumë sipas meje janë motivimet dhe dëshira për të qenë pjesë e një projekti që duhet të na çojë lart, lart. Në këtë aspekt duhen ide shumë të qarta dhe zgjedhje të goditura në njerëz, përveçse futbollistë.
Po flisni në shumë raste “ne”. Tamam si drejtor sportiv…
Jo. Por sepse unë ndihem pjesë e kësaj federate, e këtij vendi. Janë akoma shumë lojtarë që janë djemtë e mi. Dhe në këtë aspekt, kam mbetur ende këtu me zemër.
Emri juaj është lakuar si alternativë për Indinë. Ka diçka?
Ka folur vetëm menaxheri, por së bashku me mua janë edhe dy tre kandidatë të tjerë. Po vlerësojnë kontratën.
INTERVISTËN E PLOTË E LEXONI NË VERSIONIN PRINT TË GAZETËS “PANORAMA SPORT”
Andrea Pirlo nënshkroi sot një kontratë 2-vjeçare me Juventusin për të qenë menaxheri i tyre i ri pas largimit të Maurizio Sarrit, transmeton Anadolu Agency (AA).
Juventus shkarkoi menaxherin italian Sarri një ditë pasi u eliminuan nga Olympique Lyon në eliminatoret e Ligës së Kampionëve.
”Sot fillon një kapitull i ri i karrierës së tij në botën e futbollit, siç u tha rreth një javë më parë: nga Maestro te Mister’, thuhet në njoftimin e Juventus.
“Nga sot ai do të jetë trajneri i Juventusit, pasi klubi ka vendosur t’i besojë atij udhëheqjen teknike të ekipit të parë, pasi tashmë e ka zgjedhur atë për klubin e Juventusit nën 23 vjeç”, shtohet në njoftim.
Muajin e kaluar, Pirlo u emërua trajner kryesor i ekipit nën 23 vjeç të klubit.
Ish-mesfushori legjendar ngriti trofe të mëdha gjatë karrierës së tij si lojtar, përfshirë Kupën e Botës 2006 dhe dy tituj të Ligës së Kampionëve.
Menaxheri 41-vjeçar italian gjithashtu luajti katër vjet me skuadrën e Torinos nga viti 2011 deri në vitin 2015 dhe e drejtoi skuadrën në katër tituj në Serie A, një trofe të Kupës së Italisë dhe dy tituj të Superkupës së Italisë.
I jepet fund detyrës së trajnerit Maurizio Sarri te ekipi i Juventusit, një prej ekipeve të ligës së parë të futbollit (Serie A) në Itali, transmeton Anadolu Agency (AA).
Sipas një deklarate nga klubi, trajnerit 61-vjeçar i shprehën falenderimt për kontributin në kampionatin e fundit nga 9 kampionatet e fituara njëra pas tjetrës.
Ekipi italian, i cili u bë kampion në ligë, i dha lamtumirën turneut pas eliminimit përballë Olympique Lyon të Francës në raundin e 16 të Ligës së Kampionëve UEFA.
Sarri, vitin e kaluar kishte nënshkruar marrëveshje 3 vjeçare me Juventus. Ai më parë ka kryer detyrën e trajnerit në ekipe si Pescara, Arezzo, Avellino, Verona, Perugia, Alessandria, Sorrento, Empoli, Napoli dhe Chelsea.
Gjatë periudhës së detyrës tek Napoli në vitin 2017, Sarri u zgjodh trajneri më i mirë i Serie A, ndërsa në sezonin 2018-19 fitoi me Chelsea-n kupën e Ligës Evropiane UEFA.
Klubi italian i futbollit Roma është shitur për konzorciumin e biznesit amerikan Friedkin Group për 591 milionë euro (rreth 700 milionë dollarë), transmeton Anadolu Agency (AA).
Në një deklaratë të mërkurën, Roma tha se klubi u dakordua me Grupin Friedkin për shitjen e klubit, duke thënë se “Transaksioni vlerësohet në rreth 591 milionë euro”.
“Jam i kënaqur të konfirmoj se kemi arritur marrëveshje me grupin Friedkin për shitjen e AS Roma”, tha presidenti i klubit italian, Jim Pallotta.
Pallotta shtoi se palët nënshkruan kontratat dhe do të punojnë për të përfunduar procesin ligjor në ditët e ardhshme.
“Të gjithë ne në grupin Friedkin jemi shumë të lumtur që kemi ndërmarrë hapat për t’u bërë pjesë e këtij qyteti dhe klubi ikonik. Ne mezi presim që të mbyllim blerjen sa më shpejt dhe të zhytemi në familjen AS Roma”, the drejtori ekzekutiv i Grupit Friedkin, Dan Friedkin.
Grupi Friedkin është një konsorcium biznesi privat dhe investimesh me seli në Houston, Texas dhe është “një nga shpërndarësit më të mëdhenj në botë të Toyota-s”.
Grupi po ashtu investon edhe në resorte luksoze.
Sipas revistës së famshme të biznesit Forbes, biznesmeni amerikan Dan Friedkin, 55 vjeçar, ka pasuri prej 4.1 miliardë dollarësh.
Portieri legjendar Iker Casillas përfundoi karrierën e tij profesionale në futboll në moshën 39 vjeçare, transmeton Anadolu Agency (AA).
“Sot një nga futbollistët më të rëndësishëm në 118 vitet e historisë sonë e quan tërhiqet si një lojtar profesionist, një lojtar që e duam dhe admirojmë, një portier që e ka bërë trashëgiminë e Real Madridit më të madhe me punën e tij dhe sjelljen shembullore brenda dhe jashtë fushës”, thuhet në një njoftim në faqen e zyrtare të Real Madrid, klubi i mëparshëm i Casillas.
Si një produkt i pastër i Real Madridit, Casillas kaloi 16 vjet me ekipin e parë që bëri 725 paraqitje.
Portieri 39-vjeçar spanjoll i ndihmoi “Los Blancos” të fitojë 19 tituj, duke përfshirë tre tituj të Ligës së Kampionëve, dy Superkupa të UEFA-s dhe pesë trofe të La Liga-s spanjolle.
Casillas iu bashkua klubit Porto në vitin 2015 dhe luajti në 156 ndeshje për klubin portugez.
Ndërkohë ai ndihmoi edhe kombëtaren e tij, Spanjën, të fitonte Kupën Botërore FIFA 2010 dhe dy kampionate evropiane të njëpasnjëshme në vitet 2008 dhe 2012.
Casillas regjistroi 167 paraqitje për Spanjën.
“Iker Casillas është në zemër të Real Madrid-it dhe do ta jetë aty përgjithmonë”, thuhet gjithashtu në njoftimin e klubit madrilen.
Real Madrid, Porto dhe kombëtarja spanjolle falënderuan Casillasin për shërbimin e tij.
Kampioni aktual, Rafael Nadal ka njoftuar se nuk do të luajë në turneun e tenisit, U.S Open këtë vit, duke përmendur shqetësimet rreth koronavirusit dhe atë që e ka përshkruar si rishikim “barbar” të kalandarit ndërkombëtar sportiv.
“Pas shumë mendimeve, kam vendosur që të mos luajë në turneun US Open të këtij viti”, ka thënë ai përmes një postimi në rrjetin social, Twitter.
“Situata është shumë e komplikuar në gjithë botën, rastet me koronavirus janë duke u rritur, duket se ende nuk kemi kontroll ndaj tij”, ka thënë Nadal.
“Ky është vendim që kurrë nuk kam dëshiruar ta marr, mirëpo kam vendosur ta ndjek zemrën time këtë herë dhe për një kohë të mos udhëtoj”, ka deklaruar ai.
Nadal, 34-vjeçar ka qenë kritik edhe për organizimin e turneve të tenisit, data e të cilëve janë ndryshuar pas shpërthimit të sëmundjes COVID-19, që shkakton koronavirusi.
U.S Open në Nju Jork është planifikuar të mbahet nga 31 gushti deri më 13 shtator, derisa turneu tjetër francez, Roland Garros pritet të mbahet dy javë më vonë në Paris.
“Ne e dimë që një orar i tillë është barbar, pas katër muajve që nuk kemi luajtur” është shprehur Nadal.
Rivali i tenistit spanjoll, Roger Federer, gjithashtu ka thënë se nuk do të marrë pjesë në turneun amerikan këtë vit për shkak të një operimi në gju.
Mungesa e tyre i hap rrugën tenistit, Novak Gjokoviq që të fitojë titullin e 18-të Gram Slam në këtë turne.
Nuk ka qetësi në FIFA. Qeveria botërore e futbollit e tronditur vitet e fundit nga shumë skandale ka marrë një tjetër goditje të rëndë. Presidenti Gianni Infantino akuzohet për “shpërdorim të autoritetit”, “nxjerrje të sekretit profesional” dhe “pengim të hetimit”. Procedimi penal është firmosur nga Prokurori i Jashtëzakonshëm Federal në Zvicër, Stefan Keller. Bashkë me numrin një të FIFA-s është nën hetim edhe prokurori i parë i kantonit Valais, Rinaldo Arnold. Zyrtarizimi i akuzës në dëm të Infantinos vjen menjëherë pas dorëheqjes së Michael Lauber, Prokurori i Përgjithshëm i Zvicrës, në qendër të akuzave për mënyrën se si hetoi skandalin e madh “FIFA gate”.
Ky i fundit dhe Infantino janë takuar disa herë në mënyrë sekrete gjatë periudhës së hetimeve, duke ngritur dyshime mbi integritetin e tyre.. Si president i FIFA-s, qëllimi im që nga dita e parë ishte dhe mbetet të ndihmoj autoritetet për të hetuar veprat penale të kaluara në FIFA”, ka thënë Infantino në reagimin e tij. Por procedimi penal i hapur për të i ka dhënë zë kundërshtarëve më të mëdhenj, të cilët kërkojnë largimin e tij nga posti më i lartë drejtues i futbollit botëror. bw
I biri i Shemseddin Sami Frashërit, njërit prej figurave më të rëndësishme të letërsisë shqipe dhe asaj turke, Ali Sami Yen (Ali Sami Frashëri), përkujtohet në 69-vjetorin e vdekjes, shkruan Anadolu Agency (AA).
Ali Sami Yen i cili është themeluesi i klubit gjigant futbollistik nga Stambolli, Galatasaray, ia ka kushtuar gjithashtu jetën futbollit turk.
Biri i dytë i Shemseddin Samiut, Ali Sami Yen është lindur më 20 maj të vitit 1886 në Stamboll.
Ai shkollim e tij të parë e ka marrë nga babai i tij ndërsa më pas është dërguar në liceun e Galatasaray-it. Yen, gjatë arsimit ka ndjekur nga afër zhvillimet politike, letrare dhe sportive të periudhës. Me një grup shokësh të klasës vendosën të krijojnë një klub futbolli. Ali Sami Yen dhe shokët e tij në tetor të vitit 1905 krijuan klubin Galatasaray në një klasë të letërsisë. Ai u bë themeluesi numër një i klubit dhe kryetari i parë.
“Qëllimi ynë është të luajmë kolektivisht si britanikët, të posedojmë një ngjyrë dhe emër dhe t’i fitojmë klubet jo-turke”, ishte synimi i themeluesit të Galatasaray-it, Ali Sami Yen.
Ai ka qenë edhe mesfushori i klubit, një futbollist i dalluar në mesin e të tjerëve ndërsa kah fundi i vitit 1907 në një ndeshje kundër klubit nga rrethi Kadıköy i Stambollit të cilin e fituan me rezultatin 3-0 i ishte thyer këmba. Pas kësaj ai nuk arriti të luaj si më parë dhe i dha fund karrierës në futboll.
– 14 vite kryetar i klubit
Ali Sami Yen, plotë 14 vite ishte kryetari i klubit Galatasaray.
Ai nga viti 1905 kur u themelua klubi e deri në vitin 1918, 13 vite pa ndërprerë ishte kryetari i klubit ndërsa më vonë në 1925 përsëri u bë kryetar i klubit për një vit.
Ali Sami Yen me sukses e menaxhoi Galatasaray-in në një periudhë të vështirë për Perandorinë Osmane dhe në periudhën kur ndodhte Lufta e Parë Botërore.
Ai gjithashtu bëri punë të rëndësishme për zhvillimin e fushave të ndryshme të sportit në Turqi.
– Trajneri i parë i kombëtares së futbollit të Turqisë
Ali Sami Yen, gjithashtu është edhe trajneri i parë i kombëtares së futbollit të Turqisë.
Pasi Turqia u anëtarësua në FIFA, ndeshjen e parë e luajtën më 26 tetor 1923 në stadiumin “Taksim” Stamboll kundër Rumanisë.
Turqia nën drejtimin e Ali Sami Yen barazoi 2-2 me Rumaninë.
Ai gjithasthu ka qenë kryetari i parë i organizatës së parë sportive në Turqi të themeluar në vitin 1922 si dhe kryetari i Komitetit Kombëtar Olimpik të Turqisë.
Ali Sami Yen u bë themeluesi i muzeut të parë sportiv si dhe shkrimtari i librit të parë të futbollit në Turqi.
Ndërroi jetën në moshën 65-vjeçare, më 29 korrik 1951.
Lidhja e Xherdan Shaqirit dhe Dhurata Ahmetajt tërhoqi vëmendjen e mediave shqiptare kur në fillim të këtij muaji dyshja u raportua se kishin nisur një histori rozë. Por duket se ky lajm shpejt u shndërrua në kryeartikull edhe ne mediet angleze, ku shqiptari luan dhe jeton. “Xherdan Shaqiri ka gjetur një shpërqendrim nga ndjekja e titullit të ndalur të Liverpoolit, duke u takuar këto ditë me një yll të pop-it kosovar”, – kështu e nis shkrimin e përditshmja britanike ‘The Sun’, dedikuar lajmeve që përfliten për një lidhje të mundshme mes futbollistit të njohur shqiptar Xherdan Shaqiri dhe këngëtares Dhurata Ahmetaj.
“Futbollisti i Kombëtares së Zvicrës, tani 28 vjeç, është i lindur në Gjilan të Kosovës”, citon më tej media britanike.
Dhe raportet në vendin e Europës Lindore tani insistojnë se ai ka krijuar një lidhje me këngëtaren Dhurata Ahmetaj. Ahmetaj është një yll i muzikës pop dhe njihet si një ndër vajzat më të njohura në rrjetet sociale. Por nga raportimet tona, duket se dhe kjo lidhje ka përfunduar. Ashtu si e kemi ndjekur nga rrjetet sociale, Dhurata ka nisur pushimet vetëm pak ditë më parë. Vendin ajo ka preferuar ta mbajë të fshehtë, por ne Instagram ajo ka postuar video dhe foto nga këto ditë buzë detit. Ndërkaq ylli i Liverpul është ende ne Angli, ku vetëm pak ditë më parë festoi titullin kampion. Tashmë edhe për futbollistin, do te nisin ditët e relaksit, por këtë herë larg këngëtares. Ishte fillimi i janarit kur Dhurata “konfirmoi” lidhjen me Xherdanin me një foto nga Londra. Fill pas saj, ajo postonte herë pas here foto nga Anglia, ku shkonte për të qenë pranë partnerit. Megjithatë fotoja e fundit daton 4 muaj më parë. Ndërkaq edhe në rrjetet sociale dyshja nuk e ndjek më njëri-tjetrit, duke pranuar kështu se marrëdhënia mes tyre ka përfunduar.
Kjo verë i ka gjetur të dy single, Dhurata po pushon këtë verë pasi ka hedhur pas historinë me Xherdanin, ndërsa nga ana tjetër futbollisti ka shumë arsye të pushojë i kënaqur këtë verë, pasi është shpallur kampion i Anglisë së bashku me skuadrën e tij. Mbetet për tu parë nëse edhe kjo dyshe do të ketë vend për një ribashkim, ashtu si shpesh kemi parë në showbizz-in tonë, apo ajo që u përfol si një histori e bukur dashurie ishte thjesht një lidhje pasionante e momentit mes këngëtares 27- vjeçare dhe yllit të Liverpol
Paris Saint-Germain (PSG) u kurorëzua me fitoren e Kupës së Francës 2020 pasi triumfit ndaj Saint-Etienne në finalen e së premtes, raporton Anadolu Agency (AA).
Superylli brazilian Neymar shënoi golin e vetëm të ndeshjes në minutën e 14-të në Stade de France.
Goditja Kylian Mbappes u prit nga portieri i Saint-Etienne Jessy Moulin, por Neymar ishte aty afër dhe gjeti rrjetën kundershtare.
Mbappe u detyrua të largohet nga fusha në pjesën e parë pas një ndërhyrjeje nga mbrojtësi Loic Perrin.
Pas shikimit të VAR, Perrin u ndëshkua me karton të kuq, duke e lënë Saint-Etienne me dhjetë lojtarë.
Fitorja i dha PSG-së trofeun e Kupës Franceze për të 13-ën herë.
Presidenti francez Emmanuel Macron ishte në stadium për të ndjekur finalen.
Ish-kampioni i botës në peshat e rënda, Mike Tyson, do të rikthehet në ringun e boksit për t’u përballur në një meç ekzibicioni kundër Roy Jones Jr., ish-kampionit të botës.
Meçi mes tyre është caktuar të zhvillohet më 12 shtator në Los Angeles.
Tyson, 54-vjeçar, luftoi në ring për herë të fundit në mënyrë profesionale në vitin 2005, kur u mposht nga irlandezi Kevin McBride. Ajo ishte humbja e tij e gjashtë në 58 meçe në karrierë.
Bashkatdhetari i tij amerikan Jones, 51-vjeçar, nuk është futur në ring që prej se e rrahu Scott Sigmonin në shkurt të vitit 2018.
Tyson u bë kampioni më i ri në moshë në botë në peshat e rënda kur ishte 20 vjeç, pasi e nokautoi Trevor Berbickun në vitin 1968.
Tyson ka kohë që është duke u përgatitur për t’u kthyer në ring dhe këtë e ka dëshmuar përmes videove në rrjetet sociale ku ka shfaqur formë mbresëlënëse fizike. /Gazeta Express/
Legjenda e Romës dhe futbollit italian, Francesco Totti, i ka zemëruar tifozët serbë të tij duke e pëlqyer postimin e Dua Lipës, e cila e postoi flamurin e famshëm të Ballist Morinës ku shihet flamuri i Shqipërisë Etnike.
Këngëtarja e famshme shqiptare, Dua Lipa, e ka publikuar së fundi në rrjetin social “Instagram” flamurin e famshëm të Shqipërisë etnike me figurën e Ismail Qemailit dhe të Isa Boletinit, transmeton Gazeta Express.
Ky flamur ishte përdorur për herë të parë nga Ballist Morina në ndeshjen e Shqipërisë kundër Serbisë në Beograd.
Ky postim i Dua Lipës i ka zemëruar mjaft shumë serbë në rrjete sociale, të cilët janë zemëruar edhe më tutje nga reagimi i Tottit.
Në rrjetin social “Instagram”, Totti, i cili e ndjek Dua Lipën në këtë platformë, ia ka pëlqyer fotografinë këngëtares prishtinase për flamurin e Shqipërisë etnike.
Ky veprim i Tottit ngjalli reagime në mediat serbe, përderisa gazeta Sport Blic e Serbisë ka kërkuar llogari nga italiani, duke shkruar “Pse Totti, vëllai im”, përderisa e ka arsyetuar atë duke shkruar se ka gjasa që ai ta ketë pëlqyer automatikisht foton e Lipës, pa e kuptuar se për çfarë bëhet fjalë. /Gazeta Express/
Çmimi “Topi i Artë” (Ballon d’Or) që ndahet për futbollistin më të mirë të vitit nuk do të ndahet këtë vit për shkak të pandemisë së koronavirusit të ri (COVID-19), transmeton Anadolu Agency (AA).
Organizuar nga revista France Football, ngjarja nuk do të mbahet për herë të parë që nga viti 1956 për shkak pandemisë.
Në një deklaratë, revista tha se për shkak të COVID-19, nuk ka kushte të mjaftueshme sikurse vitet e kaluar dhe se kjo pamundëson që lojtarët të mund të vlerësohen né kushte të barabarta dhe të drejta.
Në deklaratë thuhet se është më e përshtatshme që organizimi të anulohet këtë vit për shkak të përgjegjësisë.
Topi i Artë për vitin 2019 iu nda futbollistit argjentinas Lionel Messi, i cili të njëjtin çmimim e ka fituar edhe në vitet 2009, 2010, 2011, 2012 dhe 2015, duke u bërë kështu lojtari që e ka fituar më së shumti këtë trofe, me gjithsej gjashtë.
Çmimi ndahet rregullisht që nga viti 1956, ndërsa në vitin 2010 u bashkua me çmimin “Lojtari i Vitit” të ndarë nga FIFA midis viteve 1991-2009, por ky partneritet përfundoi në vitin 2016.
Komentet