VOAL

VOAL

Please Wait ...
0%

Në Prizren, marshim për Srebrenicën

By | July 11, 2018

Komentet

Shënohet 100-vjetori i përfundimit të Luftës së Parë Botërore

Presidenti i Francës, Emmanuel Macron pret rreth 70 liderë botërorë sot në Paris, në ceremoninë për të shënuar 100-vjetorin e përfundimit të Luftës së Parë Botërore.

Armëpushimi hyri në fuqi më 11 nëntor, 1918, duke i dhënë fund kështu luftës katërvjeçare, që la të vdekur të paktën 10 milionë ushtarë dhe miliona civilë.

Macron do të nderojë ushtarët e vrarë gjatë një fjalimi në “Harkun e Triumfit” ku është varrosur një ushtar i panjohur që është vrarë gjatë luftës.

Presidenti Donald Trump dhe homologu i tij francez, Emmanuel Macron. Paris, 10 nëntor, 2018.

Presidenti Donald Trump dhe homologu i tij francez, Emmanuel Macron. Paris, 10 nëntor, 2018.

Presidenti i Shteteve të Bashkuara, Donald Trump, kancelarja gjermane, Angela Merkel, presidenti rus, Vladimir Putin, ai i Turqisë, Recep Tayyip Erdogan, janë në mesin e udhëheqësve botërorë që pritet të marrin pjesë në drekën e shtruar nga presidenti francez në Pallatin Elize.

Në ceremonitë për shënimin e 100-vjetorit të përfundimit të Luftës së Parë Botërore, me ftesë të Macronit, po merr pjesë edhe presidenti i Kosovës, Hashim Thaçi dhe homologu i tij serb, Aleksandar Vuçiq.

Megjithatë, Thaçi në një konferencë për media nga Parisi një ditë më parë, ka thënë se nuk ka të planifikuar një takim me Vuçiqin në Paris.

Presidenti i Kosovës, Hashim Thaçi, është pritur sot në Pallatin Elize nga presidenti Macron.

Më 10 nëntor, gjatë një darke morën pjesë shumë liderë. Presidenti Macron paralajmëroi se paqja po merret si e mirëqenë.

“Disa nga ne kanë qenë në fronte të kundërta në atë kohë (gjatë Luftës së Parë Botërore) dhe ne jemi bashkuar sonte. Ky është homazhi më i madh që ne mund të bëjmë” për ushtarët e vrarë, tha ai.

Lufta e Parë Botërore: Skena të jetës dhe vdekjes

Fotogaleri

Lufta e Parë Botërore: Skena të jetës dhe vdekjes

Sot në Paris do të mbahet Forumi i Paqes, ku Macron ka thënë se dëshiron të promovojë një qasje multilaterale për sigurinë dhe qeverisjen.

Merkel tha se Forumi tregon se “sot ka vullnet, dhe këtë gjë unë e them në emër të Gjermanisë me bindje të plotë, se do të bëjmë gjithçka që të kemi një rend më paqësor në botë, megjithëse e dimë se ende kemi shumë punë për të bërë”.

Presidenti Macron dhe kancelarja Merkel

Presidenti Macron dhe kancelarja Merkel

Presidenti Trump nuk pritet që të marrë pjesë në ceremoninë e forumit, ndonëse homologu i tij rus, Putin do të jetë i pranishëm.

Trump ka thënë se nuk do të mbajë një samit dypalësh me Putinin në Paris, teksa Shtëpia e Bardhë ka thënë se nuk kanë dashur që një takim kokë më kokë Trump-Putin, të lë në hije ceremonitë për Luftën e Parë Botërore.

Dy liderët me gjasë do të takohen sërish në samitin e G-20, që do të mbahet në Buenos Aires të Argjentinës më vonë gjatë këtij muaji.

Qindra raste me grip në Shqipëri – Mjekët bëjnë thirrje për kujdes

Viruset e gripit janë në ndryshim të vazhdueshëm.

Mbi 100 raste me grip shënohen çdo ditë në Tiranë dhe qindra të tjerë në të gjithë Shqipërinë.

Sipas të dhënave të AgroWeb.org, mjekët e Qendrës Spitalore Universitare “Nënë Tereza” thonë se luhatjet e motit dhe veçanërisht moti i ngrohtë i këtyre muajve, kanë bërë që numri i pacientëve me viroza të jetë i lartë.

Mjeku infeksionit në QSUT Gentian Stroni, ka deklaruar në media se viroza më e përhapur është ajo e gripit, dhe se kjo periudhë shërben më së miri për të marrë masa parandaluese.

Ai u bëri thirrje qytetarëve të vaksionohen sa më shpejt dhe të marrin të gjitha masat për të shmangur prekjen nga viruset e gripit.

Të dhënat e AgroWeb.org tregojnë se viruset e gripit janë në ndryshim të vazhdueshëm.

Mjeku Stroni tha se ‘Është koha më e përshtatshme për bërjen e parandalimit të virozave që do vijnë më mbrapa, dhe nëse flasim për to, kemi të bëjmë me virusin e gripit.

Virusi i gripit do duhet të parandalohet me vaksinën, e cila aktualisht ndodhet në tregun shqiptar farmaceutik dhe quhet “tetavax”, e cila të mbron nga 4 elemente të gripit.’

50 Mijë Vaksina të Porositura Për Shqipërinë

Shefja e departamentit të sëmundjeve infektive në ISHP Silva Bino ka deklaruar se janë porositur 50 mijë vaksina.

“Kemi kapur virus të rrugëve të frymëmarrjes tek fëmijët ndërsa tek të rriturit ka shumë korona viruse që qarkullojnë. Virus i gripit nuk është izoluar ende”, ka deklaruar Silva Bino në media.

Brenda muajit nëntor nis aplikimi i vaksinës falas për grupet e riskut si gratë shtatzëna, personat me diabet, azëm, ata me probleme kardiovaskulare si dhe i gjithë personeli mjekësor.

“Jane 50 mijë vaksina që janë porositur dhe 50 mijë të tjera vijnë në bazë të një marrëveshje me qendrën e sëmundjeve infektive ndërkohë kemi nisur me trajnimin e mjekëve”, ka deklaruar zonja Bino.

Për herë të parë në vaksina e gripit do të jetë e personalizuar për Shqipërinë për të luftuar viruset që qarkullojnë në vendin tonë.

Vaksina e gripit përgatitet çdo vit sipas rekomandimeve të OBSH./AgroWeb.org

Sulmoi shqiptarët në Bularad, Shqipëria shpall “non grata” eurodeputeten ekstremiste Eleni Theocarus

Shqipëria ka shpallur “non grata” eurodeputeten qipriote Eleni Theocarus.

Vendimi është njoftuar nga keshilltari i ministrit Ditmir Bushati, Glevin Dervishi.

“Shfaqja e orkestruar si nje provokim agresiv ne Bularat, e cila e ktheu nje ceremoni mortore ne nje manifestim sfidues ndaj rendit kushtetues, sigurise e qetesise publike te Republikes se Shqiperise, me thirrje ekstremiste, nxitje të urrejtjes dhe thirrje per percarje mes qytetareve shqiptare me kombesi shqiptare e greke, ishte e papranueshme per shtetin e per shoqerine shqiptare.

E cila eshte nje shoqeri e bashkejeteses demokratike, ku minoritetet jane te mbrojtura me nje ligj te standardeve me te larta europiane dhe ku minoriteti grek eshte nje pasuri e nje ure e pazevendesueshme fqinjesie te mire me Greqine mike.

Në mbrojte rendit kushtetues, sigurise kombetare, qetesise publike dhe pacenueshmerise ne asnje lloj forme te teresise territoriale te Republikes se Shqiperise, autoritetet shqiptare jane mbeshtetur ne mekanizma teresisht ligjor per adresimin e problematikes se kesaj situate.

Ne bashkeveprim nderinstitucional dhe pas vleresimit te kryer nga institucionet e specializuara, Ministria per Evropen dhe Punet e Jashtme i propozoi Ministrise se Bredshme shpalljen non grata (person u padeshirueshem ne Shqiperi) te eurodeputetes qipriote Eleni Theocharous.

Ministria e Brendshme referuar statusit politiko-diplomatik dhe angazhimit te saj ne Parlamentin Evropian, pas vleresimit dhe ne mbeshtetje te propozimit te MEPJ, gjykuar ne materialet referuese te administruara nga Ministria e Brendshme vendosi te miratoje kerkesen e MEPJ.

Ky vendim vjen si reagim i detyruar kushtetues e ligjor i institucioneve te Republikes se Shqiperise, ndaj shfaqjeve te perseritura ekstremiste te eurodeputetes Eleni Theocharous. Prononcimet e saj qe nxisin urrejtjen, cenimin e rendit kushtetues te vendit tone, ngritjen e pretendimeve territoriale ndaj Republikes se Shqiperise, nuk mund dhe nuk do te mund te behen me ne token shqiptare.

Mbeshtetur ne procedurat diplomatike dhe konsullore, Ministria per Evropen dhe Punet e Jashtme e Republikes se Shqiperise do te percjelle nepermjet kanaleve diplomatike vendimin per te ndaluar hyrjen e metejshme ne Shqiperi te Eleni Theocharous.

Qeveria e Republikes se Shqiperise eshte e vendosur per te kontribuar vijimesisht per stabilitetin rajonal, per te bashkepunuar ngushtesisht me fqinjet e partneret nderkombetar, por eshte po ashtu e vendosur te mos tolerohe, per asnje arsye shfaqje sfiduese ndaj rendit kushtetues, thirrje cenuese per teresine teritoriale dhe akte demtuese te harmonise mes qytetareve te Republikes se Shqiperise.

Greqia mike e populli i saj jane nje aset shume i vyer ne kapitalin e miqesive tradicionale te Shqiperise e te popullit shqiptar. Elemente apo grupe ekstremiste qe ne greqisht apo edhe ne shqip, flasin nje gjuhe te perbashket urrjetjeje e percarjeje, e cila nuk ka lidhje me gjuhen europiane qe bashkon popujt e shtetet tona, s’do te kene asnje shans te minojne rrugen tone te perbashket te paqes e te bashkepunimit strategjik ne funksion te se ardhmes qe meritojne femijet e sotem te Shqiperise e te Greqise” , shprehet keshilltari per rajonin i ministrit Bushati, Glevin Dervishi.

Ajo ka qenë paraditen e së enjtes në shtëpinë e Kostandinos Kacifas, në fshatin Bularat të Gjirokastrës ku ka dhënë disa deklarata fyese për shqiptarët.

Theocarus ka lëshuar deklarata raciste disa ditë më parë duke ngritur edhe pretendime territoriale.

Nisin ngjarjet për shënimin e 100-vjetorit të përfundimit të Luftës së Parë Botërore

Në Paris të Francës kanë nisur ngjarjet për të shënuar 100-vjetorin e përfundimit të Luftës së Parë Botërore.

Më shumë se 60 krerë shtetërorë do të qëndrojnë në Paris më 10 dhe 11 nëntor për të marrë pjesë në ngjarjet, që pritet të kulmojnë me një ngjarje te Varri i Ushtarit të Panjohur.

Presidenti i Shteteve të Bashkuara, Donald Trump ka arritur në Paris për këtë ngjarje. Ai ka shkruar në rrjetet sociale se “a ka më mirë që të festosh fundin e një lufte, posaçërisht të kësaj lufte, që ka qenë njëra prej më të përgjakshmeve dhe më e keqja e të gjitha kohërave?”.

Trump dhe Zonja e Parë, Melanie Trump do të vizitojnë sot një varr të ushtrisë amerikane në Belleau të Francës.

Kryeministri i Kanadasë, Justin Trudeau ka vizituar varrin e ushtarëve kanadezë të vrarë në Luftën e Parë Botërore. Ky varr gjendet në veri të Francës.

Në Francë, në ngjarjet që shënojnë 100-vjetorin e Luftës së Parë Botërore do të marrë pjesë edhe presidenti i Kosovës, Hashim Thaçi.

Rreth 9 milionë ushtarë dhe rreth 6 milionë civilë kanë vdekur gjatë luftës që u zhvillua nga viti 1914 deri më 1918, ku ishin përfshirë rreth 40 shtete. Lufta çoi në ridizajnimin e hartës së Evropës, duke bërë që të bien perandoria astro-hungareze, ajo otomane dhe ruse.

Parlamenti grek nis seancën me 1 minutë heshtje për Kacifasin

ATHINË – Një minutë heshtje në kujtim të Konstantine Katsifos është mbajtur sot në parlamentin grek me propozimin e kryetarit të saj Nikitas Kaklamanis.

“Ne shprehim simpatinë tonë të palëkundur ndaj familjes së Epiroit Konstantinos Katsifas dhe dënimit të çuditshëm të policisë shqiptare në Bularat. Unë kërkoj miratimin e Parlamentit, sepse nuk parashikohet në Rregulloren e Punës, të mbajë një minutë heshtje”, tha Nikitas Kaklamanis, duke hapur seancën plenare të sotme.

Konstandino Kacifa u përcoll me këngë në banesën e fundit. Ka qenë këngëtari epirot Savvas Shiatras ai që ka kënduar në ceremoninë e përcjelljes për në banesën e fundit të 35 vjecarit Kacifa, djali i vetëm i familjes Kacifa nga Bularati. “Çohu Kostaqi, biri im” ka kënduar këngëtari në funeralin e 35 vjecarit pas kërkesës së nënës së tij.

Liderët botërorë mblidhen të dielën në Paris

PARIS – Në mikpritje të presidentit të Francës, Emmanuel Macron, mbi 70 krerë shtetesh dhe qeverish do të marrin pjesë në fundjavë në një ceremoni përkujtimore në Paris me rastin e 100-vjetorit të përfundimit të Luftës së Parë Botërore, si dhe në Forumin e Paqes që do të organizohet për herë të parë.

Ceremonia do të organizohet të dielën në Portën Triumfale dhe Përmendoren e “Ushtarit të Panjohur” në Bulevardin Champs-Elysees me rastin e 100-vjetorit të “Ditës së Armëpushimit”, përfundimit zyrtar të Luftës së Parë Botërore me armëpushimin e nënshkruar midis Shteteve Aleate dhe Gjermanisë më 11 nëntor të vitit 1918.

Turqia në ceremoni do të përfaqësohet nga presidenti Recep Tayyip Erdoğan, ndërsa në mesin e liderëve të tjerë që do të marrin pjesë do të jenë edhe presidenti amerikan Donald Trump, presidenti rus Vladimir Putin, kancelarja gjermane Angela Merkel, kryeministrja britanike Theresa May dhe kryeministri izraelit Benjamin Netanyahu.

Liderët pjesëmarrës pritet të jenë pjesë edhe e Forumit të Paqes që do të organizohet për herë të parë. Macron, Merkel dhe sekretari i përgjithshëm i Kombeve të Bashkuara, Antonio Guterres, pritet të mbajnë fjalim për hapjen zyrtare të forumit, i cili do të fillojë në orët e pasdites të dielën.

Po ashtu, shumë liderë pritet të mbajnë fjalime në seancën “Deklaratë mbi Informacionin dhe Demokracionë, që do të fillojë pas fjalimeve hapëse.

Samiti i Paqes në Paris do të vazhdojë deri më 13 nëntor, ditë e martë.

Presidenti turk Erdoğan është paraparë të zhvillojë takime dypalëshe me liderët e disa vendeve gjatë vizitës së tij. aa

Rinegocimi i CEFTA-s si zgjidhje

Luljeta Krasniqi – Veseli

Kosova duhet të rinegociojë Marrëveshjen për Tregti të Lirë në Evropën Qendrore, CEFTA, pasi në raport me vendet nënshkruese të kësaj marrëveshjeje, vazhdon të jetë në pozitë jo të barabartë, thonë ekspertë dhe ish zyrtarë të Qeverisë së Kosovës.

Vendet anëtare të CEFTA-s janë: Shqipëria, Maqedonia, Serbia, Bosnja dhe Hercegovina, Mali i Zi dhe Moldavia. Kosova u anëtarësua në vitin 2007.

Për shkak se në atë periudhë Kosova nuk e kishte të zgjidhur statusin, marrëveshja ishte nënshkruar nga shefi i atëhershëm i UNMK-ut, Joachim Ruecker.

Hyrja në këtë mekanizëm, në atë kohë ishte mirëpritur nga institucionet e atëhershme të Kosovës, kurse euforia për përfitime ekonomike nuk mungonte as te komuniteti i biznesit, por as te zyrtarët qeveritarë.

Por tani, pas 11 viteve, vetë udhëheqës të institucioneve shtetërore dhe përfaqësues të bizneseve në Kosovë, thonë se rezultatet e marrëveshjes kanë qenë vetëm në aspektin politik dhe jo në atë ekonomik dhe se marrëveshja duhet të rinegociohet.

Ish ministri i Tregtisë dhe Industrisë, Ismet Mulaj, në një bisedë për Radion Evropa e Lirë thotë se Kosova duhet të analizojë mirë marrëveshjen e CEFTA-s, me qëllim që përveç tjerash, të marrë pjesë si Kosovë dhe jo si UNMIK.

“Në vitin 2007 Kosova kishte nevojë për të qenë akter në arenën ndërkombëtare për të marrë pjesë në forume ndërkombëtare në një mënyrë për të forcuar subjektivitetin e vet ndërkombëtarë”.

“Nëse analizohet koha kur është nënshkruar kjo marrëveshje, Kosova ka pasur një prodhimtari të vogël dhe është i vetmi vend në kuadër të CEFTA-s, ku nuk ka arritur të mbrojë asnjë produkt karshi produkteve që vijnë nga rajoni. Kjo mosmbrojtje e prodhimeve vendore ka bërë që Kosova të jetë hapësirë e mirë për prodhuesit rajonal, ndërsa prodhuesit kosovarë të jenë në disfavor”, thekson Mulaj.

Ai shton se të gjitha shtetet nënshkruese të kësaj marrëveshjeje kanë lista të produkteve të cilat i kanë mbrojtur shtetet e rajonit, ndërsa Kosova në atë kohë nuk ka ofruar listë të produkteve që do t’i mbrojë.

“Marrëveshja CEFTA krijon hapësirë juridike që brenda shtatë muajve të rinegociohet, por Serbia nuk po pranon të rinegociohet pasi Kosovën nuk e njeh si subjekt nënshkrues të kësaj marrëveshjeje, por e njeh vetëm UNMIK-un. Në kohën kur kam qenë ministër, i kam bërë thirrje qeverisë dhe kam thënë që ky do të jetë takimi i fundit që marrim pjesë si UNMIK, por ndërrimi i qeverive ka bërë që kjo problematikë të vazhdojë”, sqaron Mulaj.

Akronimi UNMIK-Kosovë, është përdorur qysh në fazën e nënshkrimit të marrëveshjes, ngase Kosova nuk e kishte të zgjidhur statusin e saj, andaj edhe është përfaqësuar nga Administrata e Kombeve të Bashkuara, përmes Rezolutës së Këshillit të Sigurimit 12 44.

Lekë Musa, ekspert i çështjeve ekonomike, thotë për Radion Evropa e Lirë se qysh në fillim Kosova ka qenë e pozicionuar keq në CEFTA për shkak të paaftësisë negociuese.

“Në fillim na është dhënë mundësia që të mbajmë disa tarifa ashtu siç i kanë mbajtur shtetet tjera anëtare të CEFTA-s për ata sektorë që Kosova ka pasur mundësi që të ketë një përparësi konkurruese si në sektorin e bujqësisë, industria e prodhimit të qumështit, kanë mundur që të mbrohen për një periudhë, por këto mundësi nuk i kemi shfrytëzuar, pasi kjo ka qenë në kohën e UNMIK-ut ku ata kanë negociuar për Kosovën dhe atëherë e kemi humbur ”, thotë Musa.

Marrëveshja CEFTA, shton Musa, është një marrëveshje e cila mundëson ngritjen e kredibilitetit të një vendi dhe potencialisht për të tërhequr investime, dhe për të rritur fuqinë eksportuese, por që Kosova nuk arriti të përfitojë nga kjo për shkak të mungesës së prodhimit vendor konkurrues.

“Gjendja do të ishte më e keqe po të mos ishte Kosova pjesë e CEFTA-s. Mos të harrojmë që ekonomia e Kosovës është shumë e varur nga donacionet që vijnë nga Bashkimi Evropian dhe Amerika dhe si kusht për këto, asistenca direkte është që Kosova të jetë pjesë e integrimeve rajonale, siç është CEFTA. Kosova nuk ka altrentivë tjetër përveç integrimit”, thotë Musa.

Shumica e shteteve anëtare të CEFTA-s, jo domosdoshmërisht kanë respektuar këtë marrëveshje, gjë e cila kishte detyruar Kosovën të marrë masa reciprociteti në disa raste.

Serbia dhe Bosnjë e Hercegovina, vetëm pak muaj pas shpalljes së pavarësisë në vitin 2008, për tre vjet patën ndaluar produktet e Kosovës në tregjet e tyre, për shkak të ndërrimit të vulës së doganave nga ato të UNMIK-ut në Doganat e Kosovës.

Aktualisht, Kosova ka në fuqi masën mbrojtëse prej 10 për qind për importin e të gjitha produkteve të prodhuara në Republikën e Serbisë dhe në Bosnjë dhe Hercegovinë.

Bularat: “Gjaku na thërret, të djegim shqiptarin” (fotot)

Nën masa të forta sigurie është zhvilluar ceremonia mortore e homogjenit, Kostandinos Kacifa, Pavarësisht masave të marra nga policia greke dhe ajo shqiptare, kjo ceremoni është kthyer thuajse në një veprimtari ekstremiste anti-shqiptare.
Ashtu siç parashikohej varrimi i 35-vjeçarit ka mbledhur veç miqve dhe familjarëve edhe ekstremistë të Agimit të Artë pavarësisht përpjekjeve të policisë për t’i ndalur në kufi. Qindra flamur grek, asnjë shqiptar dhe thirrje nacionaliste gjatë gjithë kohës janë vënë re nga turma e të pranishmëve. Kori më i rëndë ishte ai “Gjaku na thërret, të djegim shqiptarin”.

Ndërkohë ne flamurin e madh grek shkruhej “Bularati është Greqi”. Në krye të kortezhit ishte ekstremisti i njohur Karathanos. 35-vjeçari Kaçifas u vra nga forcat speciale të RENEA më 28 Tetor në fshatin Bularat, pasi qëlloi me automatik në drejtim të efektivëve të policisë dhe refuzoi thirrjet për dorëzim.

Ministria e Jashtme greke dhe ajo e Mbrojtjes, para ceremonisë së varrimit, i bënë thirrje qytetarëve grekë që kishin shkuar në Gjirokastër për vetëpërmbajtje.

Kroacia përsërit qëndrimin kundër shkëmbimit të territoreve të Kosovës

Ambasadorja e Kroacisë në Prishtinë, Marija Kapitanoviç është shprehur kundër shkëmbimit të territoreve.

Diplomatja nuk beson se një korrigjim i tillë do ta bënte rajonin më të qëndrueshëm. Kështu ka deklaruar gjatë një interviste për gazetën “Zëri” ambasadorja kroate në Kosovë Marija Kapitanoviç, duke shtuar se përkundrazi një iniciativë e tillë mund të shkaktojë çështje shtesë në vend të zgjidhjeve.

“Sa i përket korrigjimit të kufijve nga pikëpamja e dikujt që vjen nga një vend i cili përjetoi një të kaluar të vështirë, ne nuk mendojmë që kjo është zgjidhja më e mirë e mundshme”, ka potencuar ambasadorja Kapitanoviç. Gjatë kësaj interviste ambasadorja e shtetit më të ri të Bashkimit Evropian (BE) ka folur edhe për lëvizjen e lirë të kosovarëve në zonën Schengen.

Diplomatja kroate në Kosovë thotë se procesi ka kaluar te konsultimet mes shteteve anëtare, duke mos qenë në gjendje të thotë nëse kosovarët në një të ardhme të afërt do të lëvizin pa viza në BE.

Hetimet e vonuara të Gjykatës Speciale për krime të luftës

Amra Zejneli-Loxha

Tash e më shumë se një vit, Dhomat e Specializuara dhe Zyra e Prokurorit të Specializuar, të njohura si Gjykata Speciale për krime të luftës në Kosovë, kanë qenë të gatshme për ngritjen e padive të para. Por pavarësisht se ende nuk është ngritur ndonjë padi, zyrtarët e Gjykatës Speciale thonë se puna, në përputhje me mandatin e këtyre institucioneve gjyqësore të Kosovës, është duke vazhduar.

Kryeprokurori i sapozgjedhur, Jack Smith, ka thënë për Radion Evropa e Lirë se vizita e tij e parë në Kosovë, javën e kaluar, ka qenë “mjaft e dobishme”.

“Prokuroria e Specializuar është e fokusuar në vazhdimin e hetimit dhe zbatimin e mandatit të vet”, ka thënë Smith.

Gjatë vizitës së tij në Prishtinë, ai është takuar me ministrin e Drejtësisë të Qeverisë së Kosovës, Abelard Tahiri, si dhe me përfaqësuesit e misioneve ndërkombëtare.

Dhomat e Specializuara dhe Zyra e Prokurorit të Specializuar po punojnë për hetimin e krimeve kundër njerëzimit, krimeve të luftës dhe veprave tjera penale, në lidhje me akuzat nga Raporti i Këshillit të Evropës i vitit 2011. Në atë raport thuhet që gjoja se krimet i kanë kryer pjesëtarët e Ushtrisë Çlirimtare të Kosovës, gjatë periudhës 1998 deri në vitin 2000.

Menjëherë pas raportit të Këshillit të Evropës, në vitin 2011, Bashkimi Evropian e kishte themeluar Ekipin hetues special, me në krye prokurorin amerikan, Clint Wiliamson, për zbatimin e hetimit të pavarur për ato pretendime.

Në hetimin e krimeve të pretenduara aktualisht është duke punuar prokurori i tretë me radhë.

Prokurori i parë, Wiliamson, i cili ishte në krye të Ekipit hetues special, në vitin 2014 pati deklaruar se ka arritur të sigurojë dëshmi që janë të mjaftueshme për ngritjen e padisë. Më pas, bazuar në ndryshimet ligjore në Kosovë, në Hagë ishin formuar dhomat në secilin nivel të sistemit gjyqësor të Kosovës dhe po ashtu edhe prokuroria. Që nga viti 2014, hetimin e pretendimeve për krimet i kishte vazhduar prokurori i ri, David Schwendiman. Këtë mandat ai nuk e vazhdoi deri në vitin 2020, siç ishte paraparë. Në mars të vitit 2018, ai kishte braktisur këtë post, pas skadimit të mandatit në shërbimin diplomatik amerikan. Në vend të tij, vjen prokurori tjetër amerikan, Jack Smith.

Institucioni i Gjykatës Speciale është plotësisht funksional që nga viti i kaluar, por lidhur me krimet e pretenduara, ende askush nuk ka dalë para gjyqit.

Njohësit e çështjeve juridike kushtetuese në Kosovë, kanë thënë për Radion Evropa e Lirë se është shqetësuese, e paarsyeshme dhe e papërgjegjshme që procesi të vonohet, marrë parasysh presionin e madh, të cilin bashkësia ndërkombëtare e kishte bërë mbi Kosovën për formimin e Gjykatës Speciale.

Mazllum Baraliu, profesori i të Drejtës Kushtetuese, duke folur për Radion Evropa e Lirë, ka thënë që është e pakuptueshëm që në momentin që janë krijuar kushtet që Gjykata Speciale të veprojë, kjo nuk po ndodh.

“Kanë kaluar vite, ligji është miratuar, por puna nuk ka filluar. Thënë shkurt, është e papranueshme dhe e paarsyetueshme kjo sjellje burokratike ndaj popullit të Kosovës, por edhe ndaj atyre që eventualisht janë cak i kësaj gjykate. Nuk besoj që do të aktivizohet së shpejti. Mendoj që Bashkimi Evropian dhe faktorët kryesorë të qendrave të fuqishme po presin që t’i përfundojnë edhe disa punë nga ana e disa eksponentëve të politikës së Kosovës, në mënyrë që më pas, me siguri ta aktivizojnë. Por, mendoj që është e paarsyeshme që së pari të imponohet dhe të kërkohet formimi dhe më pas të hiqet dorë dhe të pritet, thuajse se kjo është Lufta e Dytë Botërore dhe se ky është një proces i Nyrbergut, e në fakt nuk është”, tha Baraliu.

Ai ka shtuar që ndërrimi i prokurorëve nuk do të duhej të ndikonte në masë të madhe në fillimin e gjykimit, marrë parasysh që hetimi po zhvillohet tash e disa vite.

“Sa më herët aq më mirë për të gjithë, për ata që kanë vuajtur, për familjet e viktimave, për ata që janë caku, por edhe për opinionin publik, sepse duhet të pastrohet ajo se çfarë ka qenë dhe çfarë ndodhur dhe jo që njerëzit të mbahen në pasiguri”, theksoi Baraliu.

Bekim Blakaj nga Fondi për të Drejtën Humanitare në Kosovë, ka thënë për Radion Evropa e Lirë që presioni për formimin e Gjykatës Speciale ka qenë aq i madh sa që të gjithë kanë pritur që puna e tij të fillojë shumë shpejt.

“E rëndësishme është që ne qytetarët e Kosovës të dimë se çfarë ka ndodhur dhe se a janë pohimet në raportin e Dick Martyt të vërteta ose jo. Ne kemi të drejtë që ta dimë se çfarë në të vërtetë ka ndodhur. Në anën tjetër, që është edhe më e rëndësishme, viktimat kanë të drejtë për drejtësi dhe natyrisht që presin që Gjykata Speciale të caktojë atë drejtësi. Nuk besojmë që do të jetë numër i madh i lëndëve, por do të jetë numër i kufizuar. Shumica e viktimave do të mbesin edhe më tej pa drejtësi dhe të zhgënjyer edhe në një gjykatë. Por, shpresoj që të paktën një numër i lëndëve do të nisin, si shoqëri do të kemi më shumë informacione për ngjarjet gjatë dhe pas luftës dhe që një numër i caktuar i viktimave do të marrin drejtësinë”, u shpreh Blakaj.

Për të ngritur aktakuzë, Prokurori Special duhet të sigurohet, para se ta ngritë aktakuzën, që në bazë të Rregullores së Punës “ekziston dyshimi i bazuar mirë se i dyshuari ka kryer ose ka marrë pjesë në kryerjen e veprës penale që janë kompetencë e Dhomave të Specializuara”.

Ish-Prokurori i specializuar, David Schwendiman, gjatë mandatit të tij ka bërë udhëzimet për prokurorët, në bazë të së cilave, padia mund të ngrihet vetëm pasi që sigurohen se janë përmbushur 5 kushte: që dëshmitë që mbështesin akuzën janë të pranueshëm në Gjykatën e Specializuar; se dëshmitë do të jenë në dispozicion për t’i proceduar në gjykatë kur të vijë koha; se dëshmitë do të jenë të mjaftueshme që të argumentojnë përtej dyshimit të arsyeshëm çdo element të secilës vepër penale për çdo person të akuzuar; që lënda ka gjasa të mëdha t’i mbijetojë kontestimit të mbrojtjes së udhëzuar, inteligjente dhe të fortë, si dhe që lënda do të çojë deri te vendimi për dënim, të cilat mund të mbahen gjatë procesit ankimor”.

Në anën tjetër, Dhomat e Specializuara të Kosovës janë funksionalizuar plotësisht që nga 5 korriku i vitit 2017,kur ishte miratuar dokumenti për zhvillimin e procedurës penale, gjegjësisht, Rregullorja e Procedurave dhe Provave.

Në Dhomat e Specializuara dhe në Prokurori punojnë 150 persona me prejardhje nga e gjithë bota. Gjykatësit, të cilët janë 20, vijnë nga 14 vende.

Zyrtarët e këtyre Dhomave i kanë thënë Radios Evropa e Lirë që ndërkohë janë miratuar rregulloret e brendshme dhe instrumentet tjera ligjore në funksion të sigurimit të proceseve efektive dhe të drejta.

Angela Griep, zëdhënëse e Dhomave të Specializuara, ka thënë se deri më tash 119 avokatë nga Kosova, Serbia dhe vendet tjera janë regjistruar në listën e mbrojtësve dhe të përfaqësuesve të viktimave. Gjithashtu, është zgjedhur edhe Avokati i Popullit i Dhomave të Specializuara dhe Prokurorisë, italiani Pietro Spera, i cili duke vepruar i pavarur, do të mbikëqyrë dhe do të mbrojë të drejtat dhe liritë themelore të njeriut për personat që do të jenë në kontakt me Dhomat e Specializuara dhe Prokurorin e Specializuar.

Dhomat e Specializuara, gjithashtu, kanë zhvilluar sistemin ligjor të ndihmës juridike për ata që nuk kanë mundësi të paguajnë mbrojtjen dhe në raste të tilla, Dhomat e Specializuara, nëse do të jetë e nevojshme, do ta marrë mbi vete këtë obligim.

Në Kosovë, për shkak të pakënaqësive ndaj formimit të kësaj gjykate, janë mbajtur protesta të veteranëve të UÇK-së, ndërkaq që peticioni me më shumë se 15 mijë nënshkrime, i ka detyruar deputetët e caktuar që në Kuvendin e Kosovës të tentojnë ta anulojnë Gjykatën. Pas reagimit të ashpër të bashkësisë ndërkombëtare, tentimi i tillë nuk pati sukses. Veteranët dhe deputetë të caktuar konsiderojnë që kjo gjykatë duhet t’i gjykojë të gjithë ata që kanë bërë krime në Kosovë dhe jo vetëm, siç kanë thënë ata, një bashkësi etnike.

Sidoqoftë, kryetarja e Dhomave të Specializuara, Ekaterina Trendafilova, në një intervistë për Radion Evropa e Lirë, vitin e kaluar, pati theksuar që gjykata nuk do të gjykojë sipas përkatësisë etnike ose në lidhje me ndonjë organizatë apo grup, por bëhet fjalë për përgjegjësinë penale individuale të atyre që kanë kryer krime.

Përgatiti: Bekim Bislimi

Ish-ministri grek: Nuk ka Vorio-Epir, Kaçifas u vra në jug të Shqipërisë

Ish-ministri i Arsimit në Greqi dhe deputet i partisë qeverisëse Syriza, Nikos Filis ka thënë se Kostandino Kaçifa u vra në Jug të Shqipërisë dhe jo në Vorio-Epir, sikurse përflitet në qarqet anti-shqiptare.

“Është Jugu i Shqipërisë. E them sërish dhe jam i kujdesshëm në atë që them. Është Jugu i Shqipërisë dhe jo Vorio-Epiri. Janë territore shqiptare, ka dominim të popullsisë shqiptare dhe aty jeton edhe minoriteti grek, që fatkeqësisht është në një masë të vogël për shkak se janë larguar. Por kjo është histori tjetër“, ka thënë Nikos Filis.

Deputeti grek ka argumentuar gjithashtu se veprimi i policisë shqiptare, që iu kundërpërgjigj breshërisë së kallashnikovit të qëlluar nga Kostandino Kaçifas, është tërësisht i mirëkuptuar.

“Një person merr kallashnikovin në një vend të huaj dhe ngre flamurin grek. E imagjinoni dot sikur një turk të vijë në Traki me kallashnikov dhe të ngrejë flamurin turk e të qëllojë kundër policisë, çfarë do të thonit”, argumenton deputeti dhe ish-ministri grek Nikos Filis.

Dëshmitari i masakrës në Krushë të Vogël: Si i vranë serbët 103 shqiptarë

Në gjykimin e të akuzuarit për krime lufte të kryera në Krushë të Vogël të Prizrenit dëshminë e ka vazhduar sot Bajram Zylfiu, i cili në seancën e djeshme rrëfeu detaje nga masakra që kryen forcat serbe ndaj civilëve shqiptarë në këtë fshat.

Për këtë krim dhe krime të tjera në Gjykatën e Prizrenit po gjykohet Darko Tasiç.

Duke iu përgjigjur pyetjeve të avokatit Dejan Vasiç, i cili po e mbron të pandehurin Tasiç, Bajram Zylfiu dha detaje të reja për tmerrin e përjetuar më 25, 26 dhe 27 mars 1999.

Dëshmitari rrëfeu sërish rreth rastit kur në një shtëpi forcat serbe i kishin mbyllur 109 burra, në mesin e tyre edhe ai, para se të fillonin t’i pushkatonin dhe pas vrasjes u kishin hedhur sipër një lëng të djegshëm për t’ua vënë flakën më pas në mënyrë që të digjeshin kufomat.

Bajram Zylfiu është njëri prej pak personave që i mbijetoi kësaj masakre.

“Prej 109 burrave sa ishim të mbyllur në atë shtëpi ku ka ndodhur masakra, pasi që jemi larguar dhe gjatë ikjes janë vrarë edhe disa të tjerë. Në përfundim kemi mbetur vetëm 6 persona të gjallë”, tha sot dëshmitari, raportojnë mediat kosovare.

Lidhur me shtëpinë ku kishte ndodhur masakra, dëshmitari tha se pasi ishte kthyer nga Shqipëria ka shkuar te ajo shtëpi, por ajo, sipas tij, ishte shkulur me bager dhe ishte bartur me kamion dhe ishte hedhur në lumin Drini i Bardhë.