VOAL

VOAL

Please Wait ...
0%

Në prag të takimit Trump-Putin

By | July 13, 2018

Komentet

Çka e dallon Tribunalin e Hagës me Gjykatën Speciale?

Arton Konushevci

Rastet e dyshuara për krime lufte në Kosovë, që nga viti 1999 e këndej janë trajtuar në formë të ndryshme nga organet e drejtësisë, kryesisht ato ndërkombëtare.

Fillimisht, me këto raste është marrë administrata e Kombeve të Bashkuara – UNMIK, e cila kishte shtrirë pas luftës së fundit edhe sistemin e saj të drejtësisë në Kosovë, si dhe Gjykata Ndërkombëtare për Krime Lufte në ish-Jugosllavi, me seli në Hagë të Holandës, e themeluar nga Kombet e Bashkuara.

Më pas, këto raste u trajtuan edhe nga drejtësia e Bashkimit Evropian, përmes misionit të EULEX-it.

Ndërkaq, aktualisht, këto raste i kanë marrë përsipër Dhomat e Specializuara dhe Zyra e Prokurorit të Specializuar, të njohura ndryshe edhe si Gjykata Speciale.

Këto Dhoma të Veçanta apo kjo Gjykatë Speciale për krime lufte në Kosovë pritet të hetojë krimet e pretenduara të pjesëtarëve të ish-Ushtrisë Çlirimtare të Kosovës, që siç thuhet, ‘i kanë kryer ndaj pjesëtarëve të komuniteteve pakicë dhe kundërshtarëve politikë nga viti 1998 e deri në fund të vitit 2000’, siç e ka përshkruar në raportin e tij për Këshillin Evropian senatori Dick Marty.

Risia e trajtimit të rasteve të dyshuara, tani qëndron te fakti se Dhomat e Specializuara edhe pse të përbëra nga gjykatës e prokurorë ndërkombëtarë dhe me seli në Hagë, do të funksionojnë me Kodin Penal dhe ligjet e aplikueshme të Kosovës.

Zyrtarët e Gjykatës Speciale kanë deklaruar se puna është duke vazhduar në përputhje me mandatin e këtyre institucioneve gjyqësore të Kosovës.

Profesori i së Drejtës Penale Ndërkombëtare, Ismet Salihu, duke folur për Radio Evropa e Lirë, thotë se ingerenca, kompetencat dhe juridiksioni i Gjykatës Speciale, në krahasim me Gjykatën Penale Ndërkombëtare për ish-Jugosllavinë është i njëjtë. Por, ka dallime vetëm forma e themelimit, qëe përcakton edhe me cilat ligje do të veprojë kjo gjykatë.

“Dallimi esencial, krucial, vendimtar, është se kjo gjykatë është themeluar nga Kuvendi i Kosovës me ligjin e Kosovës. Ky është dallimi i parë në krahasim me Tribunalin e mëhershëm. Kjo gjykatë do të gjykojë sipas ligjit të aprovuar dhe ligjeve penale që kanë qenë dhe që janë në fuqi në Kosovë. Përndryshe, të tjerat dallime janë se është e themeluar në Kosovë, por selinë e ka në Hagë. Kurse, kompetencat dhe juridiksioni është i njëjtë sikurse i asaj gjykatës së mëhershme të Tribunalit të Hagës”, shpjegon Salihu.

Ai thotë se edhe dënimet eventuale do të shqiptohen sipas ligjeve që kanë qenë në fuqi në kohën e kryerjes së krimeve eventuale.

“Sipas atyre ligjeve, me një kusht, nëse janë më të buta këto ligjet tona ose më të favorshme do të gjykohen sipas ligjeve të Kosovës, por nuk janë më të buta. Janë njësoj bile ato të mëparshme kanë qenë më të buta se sa tash”, konsideron Salihu.

*Video nga arkivi: Faktografi e krimeve të luftës në Kosovë

Kurse, profesori i Çështjeve Kushtetuese – Juridike, Riza Smaka, konsideron se dallimet midis këtyre dy gjykatave asaj Penale Ndërkombëtare për ish-Jugosllavinë dhe kësaj që e kanë themeluar institucionet e Kosovës, janë të mëdha dhe të papërputhshme e të papara.

Sipas tij, Gjykata Penale Ndërkombëtare për ish-Jugosllavinë, i ka trajtuar të gjitha rastet e dyshuara për gjithë territorin e ish-Jugosllavisë, kurse Dhomat e Specializuara të tashme, do të trajtojnë kryesisht vetëm rastet e supozuara të krimeve të luftës të kryera në Kosovë.

“Te rasti ynë, te këto kolegjet gjyqësore dhe Prokuroria, është se këtu i referohet territorit të Kosovës, ama është një klauzolë, e cila nuk përkon as me parimet fondamentale të së Drejtës Penale Ndërkombëtare e as me doktrinën, judikaturën, do të thotë me aktet ligjore në fuqi. Këtu një ligj që është akt juridik i përgjithshme u është referuar vetëm pjesëtarëve shqiptarë të Kosovës, por jo edhe të tjerëve, për shembull të serbëve e të tjerë që është rast i paparë”, vlerëson Smaka.

Profesori Smaka nuk e sheh fare si pozitive që një gjykatë e tillë zbatohet vetëm për një territor të caktuar.

“Është joparimore dhe ka kolizione me doktrinën juridike penale sa i takon kësaj gjykatës penale që i referohet trajtimit të rasteve të përmendura”, thotë Smaka.

Ai thekson se Dhomat e Specializuara dhe Prokuroria e Specializuar, janë vonuar për të hyrë në funksionim e tyre.

“Çdo vonesë mund të ketë implikim te parashkrimet e mundshme si për ngritjen edhe posedimin e çështjeve juridike penale të rasteve konkrete”, shton ai.

*Video nga arkivi: Sa persona janë vrarë në luftën e Kosovës?

Ndërkaq, ish-kryetari i Gjykatës Supreme të Kosovës, Rexhep Haxhimusa, konsideron se nuk ka dallime të mëdha ndërmjet Gjykatën Penale Ndërkombëtare për ish-Jugosllavinë dhe Dhomave të Specializuara dhe Prokurorinë e Specializuar.

“Unë nuk e di sa ka dallime aty. Proceduara nëse duhet të zhvillohet me legjislacionin e Kosovës, ai është i njëjtë. I gjithë legjislacioni që është ndërtuar [në Kosovë] është ndërtuar sipas normave ndërkombëtare dhe ato raste kanë mundur të trajtohen edhe këtu. Por, po shkojnë atje, tash ku është kompetenca ku është zhvilluar ngjarja. Ata i kanë marrë ato rastet e veçanta më herët, por i kanë pasur edhe normat që i kanë nxjerrë”, thotë Haxhimusa.

Ndryshimet ndërmjet Gjykatës Speciale dhe asaj të Tribunalit Ndërkombëtar për Krime në Territorin e ish-Jugosllavinë, kanë të bëjnë edhe me strukturën. Gjykata për ish-Jugosllavinë ka qenë me tri dhoma, Gjykatën, Apelin dhe Organin e Akuzës.

Gjykata e Kosovës ka dy institucione, Dhomat e Specializuara dhe Prokurorinë e Specializuar.

Dhomat janë pjesë e sistemit kosovar të drejtësisë dhe i bashkëngjiten Gjykatës Themelore, Gjykatës së Apelit, Gjykatës së Lartë dhe Gjykatës Kushtetuese. Në to punojnë gjykatës të emëruar nga EULEX-i.

Gjykata Speciale, pritet të trajtojë raste të dyshuara të krimeve të luftës, si dhe ato të fazës së parë të pasluftës.

Themelimi i kësaj Gjykate nga ekspertët e çështjeve penale – juridike është konsideruar si dështim jo vetëm i organeve vendore, por edhe autoriteteve ndërkombëtare që për këta 18 vjetët e fundit kanë punuar në fushën e sistemi të drejtësisë në Kosovë.

Aktualisht, Zyra e Prokurorit Special u ka dërguar ftesat e para për intervista disa personave, kryesisht ish-pjesëtarë të Ushtrisë Çlirimtare të Kosovës. Por, në këto ftesa nuk është sqaruar se në çfarë cilësie janë ftuar ata për intervistim.

Bujar Nishani përgënjshtron Mero Bazen: Djali i Mero Bazes ngels, merr bursë ekselence dhjetra mijëra Euro

Mero baze në gazetën e etij tema kishte botuar disa dokumenta ku tregonte sikur i vëllai i Bujar Nishanit kishte përvetësuar pronë nga Qyteti Studenti. Kanë reaguar familja që është pronare e kësaj prone dhe po ashtu edhe Bujar Nishani si më poshtë:

“Mero Çorapja siç thirret në rrethet e bisnesmenëve të cilëve ju vihen gjoba pafund paska afishur gënjeshtrën i pisët të rradhës siç është dhe vetë çorapja.

Në fletushkën e tij gjobëvënëse shpif dhe gënjen opinionin publik sikur vëllai im paska privatizuar ish mencën e Qytetit Studenti.

Së pari e mbi të gjitha, vëllai im dhe askush nga rrethi im familjar nuk ka privatizuar kurrë këtë objekt dhe asnjë objekt tjetër shtetëror apo publik. Kurrë !

Për shkak të kësaj gënjeshtre të pisët sa është dhe vetë çorapja, u interesova për pronësinë e atij objekti.

Pronar i saj dhe me të drejtën e tyre qënkan familjet Sevim Peshkëpia, Tefik Çela, Mynyre Toptani.

Po pse gënjën Çorapja e qelbur shqiptarët sot ?

Fare e thjeshtë.

Sot studentët denoncuan djalin e Çorapes që merrka bursë ekselence disa dhjetra mijëra euro nga paratë që mblidhen nga tarifat e studentëve të mjerë që rropaten të punojnë nga 16-17 orë për të paguar vërdallisjen e pinjollit të Çorapes nëpër Europë.

Them vërdallisjen se ata që e njohin kapacitetin e pinjollit të Çorapes e dinë se si u përpëlit disa vite në Vienë e pastaj e përzunë se nuk kalonte dot as provimet e lëndëve bazë.

Tani Çorapka i paska rregulluar bursë ekselencë !!!!

Këtyre hajdutëve ordinerë ka filluar tu griset maska që kanë mbajtur mbi kokë si çorape për shumë vite.

Ndaj i janë vërsulur studentëve dhe çdo zëri qytetar që i mbështet ata me shpifje dhe sajime të tipit “Sigurim i Shtetit”, sepse vetëm aq e kanë kapacitetin të bëjnë.

Imagjinoni ; nga njëra anë Edin me Mero Çorapen e nga ana tjetër studentët me qytetarët.

Nuk ka dilemë se kush do të fitojë.

Solidaritet me studentët.”

Ja si vëllai i ish Presidentit të Republikës Bujar Nishanit e ktheu mensën e studentëve në sallë bastesh në Qytetin Studenti

Endri Shabani: Na i shtro me flori më mirë ato 2 km rrugë!

Endri Shabani doktorant në Oksford në lidhje me aferën korruptive të Unazës të Re shkruan:

Një unazë floriri 6 cm kushton nga 100 deri 500 Euro, ndërkohë tek Unaza e Re 6 cm asfalt kushton 1092 Euro!

Po shkroje me flori xhanëm se na kushton më lirë!

Bildergebnis für endri shabani

Verifikimi i politikanëve, Venecia kundër propozimeve të PD

Komisioni i Venecias rrëzoi ndryshimet kushtetuese të propozuara nga Partia Demokratike për proçesin e verifikimit të politikanëve dhe lidhjeve të tyre me krimin. Në opinionin e miratuar sot Komisioni konstaton se propozimet “nuk kanë arritur të ofrojnë udhëzime dhe masa mbrojtëse të përshtatshme për një proçes të tillë të ndjeshëm dhe mund të çojnë lehtësisht në shpërdorim të pushtetit”, shpjegon deklarata zyrtare e lëshuar pas miratimit të opinionit.

“Duke pranuar synimin e përligjur për të larguar ata që bien ndesh me ligjin dhe ndikimin e tyre nga qeverisja dhe jeta politike, Komisioni i Venecias shpreh shqetësimin se mungesa e qartësisë ligjore dhe sigurisë lidhur me fushëveprimin dhe zbatimin e procedurës së propozuar të verifikimit mund të çojë në implikime të rënda për të drejtat e atyre që janë subjekt i saj”, shpjegohet në deklaratë, duke shtuar se “opinioni vë në dukje se nuk është e qartë se kush do të jetë përgjegjës për verifikimin dhe nëse kjo do të bëhet nga një organ gjyqësor ose i pavarur. Nuk ka qartësi ligjore nëse skualifikimi duhet të jetë i përhershëm ose i kufizuar dhe nuk ka garanci për të siguruar se procesi mund të mos përdoret në mënyrë të njëanshme politike ose arbitrare. Sipas ekspertëve kushtetues të Këshillit të Evropës, propozimi në shumë mënyra ngre gjithashtu çështje të proporcionalitetit. Projektligji – vijon deklarata – nuk arrin gjithashtu të përcaktojë disa elementë kryesorë, si: çfarë nënkuptohet me kontakt me persona të caktuar; çfarë nënkuptohet me të qenurit i përfshirë në krimin e organizuar; dhe çfarë nënkuptohet me të qenurit i përfshirë në rrethin e subjekteve që kanë kontakte me personat”.

Propozimi i opozitës shtrihej si ndaj zyrtarëve të zgjedhur dhe ndaj funksionarëve të lartë që emërohen në poste kyçe. “Lidhur me zyrtarët e zgjedhur, Komisioni i Venecias e gjen propozimin në kundërshtim me Konventën Evropiane për të Drejtat e Njeriut (KEDNJ) dhe Kodin e Praktikës së Mirë në Çështjet Zgjedhore, sepse shqyrtimi bazuar në faktin se dikush ka patur kontakte me personat e përfshirë në krimin e organizuar mund të përdoret lehtësisht për kufizimin e të drejtës për zgjedhje të lira, pavarësisht nga natyra e kontakteve”. Ndërsa për zyrtarët e emëruar “opinioni thekson se paqartësitë rreth fushëveprimit dhe zbatimit të saj e bëjnë të vështirë garantimin e të drejtave sipas nenit 6 të Konventës Evropiane për të Drejtat e Njeriut”.

Si përfundim, Komisioni i Venecias vlerëson se “duke pasur parasysh dispozitat ekzistuese kushtetuese, legjislacionin përkatës dhe mekanizmat e tjerë demokratikë në dispozicion, Komisioni i Venecias beson se vlera e shtuar ligjore e amendamenteve të propozuara është e diskutueshme”.

Komisioni shprehet se “hapat e ardhshëm në lidhje me amendamentet e propozuara kushtetuese duhet të merren në Parlament, nëpërmjet dialogut midis të gjitha forcave politike dhe shoqërisë në përgjithësi, në interes të demokracisë shqiptare”, ndërsa shton se është “i gatshëm të sigurojë ndihmë të mëtejshme”. za

Zëri i Amerikës: Pas votimit për ushtrinë – parlamenti i Kosovës mblidhet për dialogun me Serbinë

Një ditë pasi votoi themelimin e ushtrisë së Kosovës, në një lëvizje që zemëroi Beogradin dhe nxiti reagime të ndryshme në skenën ndërkombëtare, parlamenti i Kosovës diskuton të shtunën mbi bisedimet për normalizimin e marrëdhënieve me Serbinë.

Seanca e jashtëzakonshme mbahet me “kërkesën e 42 për miratimin e projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë”.

Vendimi për seancë pasoi një rezolutë të hartuar nga Partia Socialdemokrate në opozitë sipas së cilës edhe ajo bëhet pjesë e ekipit negociues të propozuar nga qeveria e Kosovës. Projekt rezoluta përfshinë parimet e bisedimeve me Serbinë dhe në të kërkohet që çdo marrëveshje e mundshme të kalojë përmes parlamentit të Kosovës.

Lidhja Demokratike dhe Lëvizja Vetëvendosje nuk kanë pranuar të jenë pjesë e kësaj seance.

Kryetari i parlamentit të Kosovës, Kadri Veseli tha se seanca ka për synim të dëshmojë se Kosova nuk e bllokon procesin e bisedimeve.

Vendet që mbështetën votimin për themelimin e ushtrisë së Kosovës kërkuan që Kosova t’i ripërshkutohet këtij procesi, ndërsa John Bolton, këshilltar për siguri kombëtare i presidentit amerikan, Donald Trump, shkroi në twitter se një marrëveshje ndërmjet Kosovës dhe Serbisë duhet të ndodhë sa më parë.

Deklarata e tij pasoi një takim me ministrin e Jashtëm të Sllovenisë, Miro Cerar në Shtëpinë e Bardhë.

“E mirëprita ministrin e Jashtëm të Sllovenisë, Miro Cerar në Shtëpinë e Bardhë sot. Si aleatë të NATO-s, ne diskutuam për interesat tona ekonomike dhe të sigurisë në Evropë si dhe nevojën që Kosova dhe Serbia të arrijnë një marrëveshje sa më shpejtë të jetë e mundur. Unë i vlerësova shumë qëndrimet e tij”, shkroi ai.

I welcomed Foreign Minister Miro Cerar of Slovenia to the White House today. As NATO Allies, we discussed our shared economic and security interests in Europe and the need for Serbia and Kosovo to reach an agreement as soon as possible. I much appreciated his insights.

— John Bolton (@AmbJohnBolton) December 14, 2018

Bisedimet tashmë kanë ngecur dhe Beogradi ka kushtëzuar vazhdimin e tyre me heqjen e tarifave prej 100 për qind ndaj mallrave serbe, një vendim që qeveria e Kosovës e vendosi më 21 nëntor si kundërpërgjigje ndaj siç është thënë, fushatës agresive serbe ndaj shtetësisë së Kosovës.

Tensionet ndemjet të dyja vendeve u shtuan pas votimit të së premtes në parlamentin e Kosovës për ndryshimin e mandatit të Forcës së Sigurisë, duke i hapur rrugë procesit të themelimit të ushtrisë së saj.

 

Forca e Sigurisë së Kosovës e cila do të vazhdojë më emrin e njëjtë, pritet të ketë 5 mijë trupa aktiv dhe 3 mijë rezervë, të armatosur lehtë.

Votimi u cilësua historik nga përfaqësuesit politik të Kosovës por edhe ambasadori amerikan, Philip Kosnett. Votimi u mbështete nga Britania e Madhe por edhe Gjermania e Franca, që ritheksuan kërkesën që Kosova t’i ripërkushtohet procesit të bisedimeve.

Votimi nxitit reagimin e ashpër të Beogradit. Presidenti serb, Aleksandër Vuçiç, kërkoi mbledhje të Këshillit të Sigurimit të Kombeve të Bashkuara dhe sulmoi Shtetet e Bashkuara, për mbështetjen e veprimeve të parlamentit të Kosovës.

 

Ai falënderoi ndërkaq sekretarin e përgjithshëm të NATO-s, Jens Stoltenberg dhe zyrën e shefes së politikës së jashtme të Bashkimit Evropian, Federica Mogherini, që shprehën kundërshtimin e tyre ndaj mënyrës së votimit të ushtrisë, që sipas tyre është dashur të ndodhë në një proces gjithëpërfshirës dhe nëpërmjet ndryshimeve kushtetuese.

Por, ndryshimet e tilla ishin pamundësuar për shkak të qëndrimit kundërshtues të Beogradit dhe serbëve të Kosovës ndaj ushtrisë së saj.

Beogradi druan se ushtria e Kosovës mund të përdoret kundër pakicës serbe posaçërisht në veriun e Kosovës, ndërsa autoritetet në Prishtinë thonë se ushtria është e të gjithëve dhe kurrë nuk do të përdoret kundër qytetarëve të saj.

Kryeministri i Kosovës, Ramush Haradinaj, tha se ushtria do të jetë partnere edhe më ushtrinë e Serbisë ndërsa ritheksoi gatishmërinë për një marrëveshje gjithëpërfshirëse për normalizimin e marrëdhënieve ndërmjet të dyja vendeve.

Ai bëri thirrje për një konsensus në shkallë të gjerë për këtë proces, që duhet të përmbyllet “duke respektuar kushtetutën, sovranitetin dhe integritetin e vendit”.

Edhe rezoluta e propozuar për seancën e së shtunës parasheh që të mos bisedohet asnjëherë për tema që mund të prekin tërësinë tokësorë të Kosovës.

Gjatë verës presidenti i Kosovës, Hashim Thaçi dhe ai i Serbisë, Aleksandër Vuçiç, kërkuan mbështetje ndërkombëtare për një marrëveshje që do të mund të prekte edhe kufijtë ndërmjet të dyja vendeve.

Presidenti Thaçi, hodhi idenë “korrigjimit të kufirit” që sipas tij, nënkuptonte bashkimin e Luginës së Preshevës, një rajon me shumicë shqiptare në jug të Serbisë me Kosovën.

Presidenti Vuçiç, hodhi idenë e ‘vënies së kufirit ndërmjet serbëve dhe shqiptarëve”, që nënkupton ndarjen e Kosovës asisoj që veriu i saj më shumicë serbe t’i takojë Serbisë.

Idetë e tyre nxiten reagime në Kosovë dhe Serbi por edhe skenën ndërkombëtare, ndërmjet atyre që do të mbështesnin mundësinë e prekjes së kufijve nëse palët pajtohen dhe atyre që pohojnë se kjo do të shkaktonte reagime zinxhirore në Ballkan.

Presidenti serb tha kohëve të fundit se ideja e tij ka rënë poshtë meqë “opinioni serb nuk e mbështeti atë”.

Presidenti Thaçi në një intervistë për Zërin e Amerikës në fund të nëntorit tha se arritja e një marrëveshjeje përfundimtare me Serbinë, që do të çonte në një njohje të ndërsjellë të të dy shteteve si vende sovrane, nuk mund të arrihet pa definimin e kufirit me Serbinë.

Serbia vazhdon të kundërshtojë pavarësinë e Kosovës por është përfshirë në një proces bisedimesh për normalizimin e marrëdhënieve që është kusht për integrimin e të dyja palëve në Bashkimin Evropian.

Tu-160: bombarduesi bërthamor rus shqetëson Uashingtonin

Deutsche Welle (www.dw.com)

Rusia ka zhvendosur në Venezuelë dy bombardues, të cilët mund të përdoren edhe për të lëshuar bombë atomike. Tupolev rusë për armikun e shpallut të Amerikës, Nicolas Maduro? Kjo ka nxitur kritika nga Uashingtoni.

Selfie me një bombardues bërthamor për qejf? Shumë gazetarë të mediave shtetërore ruse erdhën të hënën me kënaqësi të madhe, të shihnin si dy tupolevë Tu 160 nga Rusia, me emrin e koduar të Natos-S, Blackjack, u ulën në aeroportin Maiquetia në Karakas. Gati 10 mijë kilometra patën bërë avionët nga baza e tyre në Saratov për të mbërritur këtu. Aeroplanë luftarakë norvegjez i patën shoqëruar pjesë pjesë gjatë rrugës. Pilotët rusë i quajnë bombarduesit me siluetë të hollë “mjellmat e bardha”, por ngarkesat e tyre janë vdekjeprurëse. Tu-160 nuk mund të fluturojë në distanca të gjata pa u furnizuar me karburant, ai po ashtu mund të pajisen me disa raketa dhe bomba nukleare.

Fajësime dhe keqdashje

Entuziazmi i dukshëm i reporterëve rusë për ardhjen e bombarduesve nuk përmendet nga qeveria amerikane. Ministri i Jashtëm amerikan Mike Pompeo, nuk njihet të jetë diplomatik. Megjithatë edhe për vetë stilin e tij, reaksioni i ministrit të Jashtëm për fluturimin e bombarduesve rusë në një manovër ushtarake ruso- venezuelase ishte i qartë dhe i ashpër. Rusia dërgoi në fluturim rreth gjysmës së botës dy aeroplanët e saj, shkruan Pompeo në twitter. “Popujt rus dhe venezuelian duhet ta shohin këtë ashtu siç është: dy qeveri të korruptuara hedhin poshtë paratë publike, i bëjnë presion lirisë në një kohë që popujt e tyre vuajnë.”

Zëdhënësi i Kremlinit Dimitri Peskow nuk donte ta linte pa e kundërshtuar këtë ditën e martë. Megjithëse për një përgjigje të tillë përgjegjëse është ministria e Jashtme ruse, fjalët e Pompeos janë “shumë jodiplomatike” dhe “krejt të papërshtatshme”, tha Peskow. “Dhe mendimi që ne hedhim para poshtë”, tha zëdhënësi i Kremlinit më tej: “ky koment duhet bërë për vendin e tij, gjysma e buxhetit për mbrojtjen e të cilit mund të shuante urinë e gjithë Afrikës.”

Tu 160 rus në Karakas

Kjo nuk është kriza kubane

Betejë me fjalë midis Moskës dhe Uashingtonit, aq miqësore sa në Luftën e Ftohtë. Për studiuesin danez Hans Kristensen dy superfuqitë janë “sërish zyrtarisht kundërshtarë ushtarakë”. Nuk ekziston pothuajse fare komunikim i besueshëm midis SHBA dhe Rusisë, thotë Kristensen, drejtor i projektit për informimin nuklear të Federatës së shkencëtarëve amerikanë në Uashington. “Të dy palët rrahin gjoksin me forcë, duke dashur të sinjalizojnë futjen e frikës tjetrit,” thotë Kristensen në bisedë me Deutsche Welle. “Ka shumë hapa të vegjël që po shkojnë drejt një lufte të ftohtë, të vogël. Kjo është një tendencë për tu shqetësuar.”

Përveç kësaj duhet përmendur momenti kohor në të cilin Moska nisi avionët. “Më 2008 gjatë luftës në Gjeorgji, pati operacionet të ngjashme me bombardues,” thotë Kristensen. “Dhe aktualisht po bëhen spekullime për shtimin e trupave në kufirin ukrainas, mbas tensioneve në Detin Azov.” Kristensen paralajmëron po ashtu për rreziqet e krijimit të panikut. Nuk është hera e parë që avionët rusë marrin pjesë në stërvjtje të tilla. “Në këtë pjesë të botës nuk ekziston ndonjë rrezik. Ne jemi shumë larg një krize kubane”.

SHBA kujdeset për oborrin e vet

Kush mendon se beteja e fjalëve midis Moskës dhe Uashingtonit ka marrë fund, i ka bërë hesapet pa Robert Manning. Edhe zëdhënësi i ministrisë amerikane të Mbrojtjes, kritikoi ashpër Moskën, duke vlerësuar njëkohësisht lart angazhimin e Uashingtonit në rajon: “Fokusi ynë në rajonin e Amerikës Jugore është i një lloji tjetër. Rusia dërgon atje bombardues, ne dërgojmë anije me spital në bord”.

Anija “USNS Comfort” është që prej muajit tetor në lundrim në bregun amerikano jugor, për t’u kujdesur atje për venezuelasit e arratisur. “Ne ofrojmë ndihmë humanitare, Rusia ofron bombardues,” tha Manning. Sipas të dhënave amerikane, anija që ka ankoruar aktualisht në bregun e Hondurasit, ka ofruar kontroll shëndetësor për 20 mijë persona dhe ka kryer 600 operacione. Për zëdhënësin e ministrisë amerikane të Mbrojtjes një sinjal i qartë se SHBA “në këtë moment nevoje ndodhet në krah të popullit venezuelas”. Vendi vuan prej vitesh nga inflacioni dhe uria dhe gati 2,5 milionë venezuelianë janë larguar nga vendi që prej vitit 2014. Me parrulla socialiste dhe politikë autokratike, presidenti Nicolás Maduro e ka futur në izolim vendin më të pasur me naftë në botë.

Tu 160

Venezuela sheh Rusinë si vend mik dhe partner strategjik

Dhe çfarë thotë Caracas për miqësinë ushtarake me Moskën? Edhe reaksionet nga qeveria venezueliane nuk vonuan të vinin. “Venezuela dhe Rusia janë nxitës paqeje, jo lufte”, tha ministri i Mbrojtjes, Vladimir Padrino, “kërkush në botë” nuk duhet të shqetësohet për avionët bombardues në Karakas. Ajo që pasoi ishte një kunj në drejtim të Uashingtonit: “Ne përgatitemi të mbrojmë edhe centrimetrin e fundit në Venezuelë. Dhe këtë do e bëjmë me miqtë tanë, sepse ne kemi miq në botë.”

Miqësia me Rusinë u vu edhe një herë në dukje pak ditë më parë gjatë vizitës së presidentit venezuelas, Nicolás Maduro tek Vladimir Putini në Moskë. Vetë shefi i Kremlinit pati kërcënuar me dhënien e përgjigjes, nëse SHBA largohet siç ka deklaruar nga Pakti INF i raketave me rreze të mesme veprimi. Në Rusi janë rritur zëra që kërkojnë stacionimin e raketave në Amerikën Latine, dhe Venezuela është përmendur si një bazë e tillë e mundshme. Pra përsëritje e krizës së Kubës? Zëdhënësi i Putinit, u distancua nga kjo ide. Edhe për Venezuelën kjo gjë nuk shtrohet në pyetje, një bazë e huaj në vend, pra një bazë ruse ndalohet nga kushtetuta.

Itali – Meta merr çmimin “Politikani ndërkombëtar i vitit 2018”

Presidenti i Republikës, Ilir Meta u vlerësua dje me çmimin “Politikani ndërkombëtar i vitit 2018” nga Fondacioni “Foedus”.

Kreut të Shtetit shqiptar iu akordua ky çmim me motivacionin “Për promovimin dhe forcimin e marrëdhënieve dhe miqësisë mes Shqipërisë dhe Italisë”.

Në ceremoninë gala të zhvilluar në Romë, me temë “Një dhuratë për një buzëqeshje”, Presidenti i Fondacionit “Foedus”, z.Mario Baccini, duke i dorëzuar çmimin prestigjioz Presidentit Meta theksoi se ky vlerësim u jepet çdo vit atyre personaliteve italiane dhe të huaj, të cilët kanë spikatur në fushat e tyre.

Presidenti Meta duke falënderuar Fondacionin “Foedus” për vlerësimin e bërë ndaj tij u shpreh ndër të tjera se: “Ky çmim u shkon mijra shqiptarëve që jetojnë dhe punojnë në Itali. Ky çmim u shkon arbëreshëve tanë të dashur të cilit lidhin dy popujt tanë në mënyrë unike prej 500 vjetësh, por edhe mijra italianëve që punojnë dhe jetojnë në Shqipëri prej vitesh. Edicioni i 18-të i Fondacionit Tuaj titullohet “Një dhuratë për një buzëqeshje” ndaj dhe unë duke ju falënderuar për vlerësimin dua T’ju kujtoj thënien e një shqiptareje të madhe, Shën Nënë Tereza, e cila ka thënë se paqja fillon me një buzëqeshje.”, – theksoi Presidenti Meta.

Çmimi i Fondacionit “Foedus” iu akordua gjithashtu edhe UNICEF-it, NEUROMED Italia, Drejtorit të Përgjithshëm të Policisë italiane, Franco Gabrielli, si dhe këngëtarit të famshëm italian Fausto Leali.

Maska bie nje dite Lul! Nga Jozefina Çoba Topalli

Duket sikur kesaj here i ka ra mbare.

Askush se ka mendjen tek ai. Dhe luli ka caktuar qe me 15 Dhjetor te beje Kuvendin e Partise.

Ne kundershtim me statusin e Partise Demokratike , ne thyerje te gjithe tradites demokratike 25 vjecare, si nje Lul i vertete ai ( perseri) nuk thirri as kryesine, as Keshillin Kombetar per t’u konsultuar as per daten e

Kuvendit, as per axhenden, as per çeshtjet politike te dites, as per humbjet e tij elektorale.

Ne fakt, qe diten qe Lulzim Basha eshte ulur ne karrigen e kryetarit, nuk ka thirrur asnjehere Keshillin Kombetar duke hyre ne rekordet guiness te politikes shqiptare.

Per ta thjeshtesu, eshte njelloj sikur Edi Rama te mos kishte lejuar te mblidhej Kuvendi i Shqiperise asnje here, qekur ai eshte bere Kryeminister.

Por luli “shkelqen” me talentin e tij sidomos kur emeron kryetaret e degeve te Partise, kandidatet per kryetare bashkie dhe listat e deputeteve.

Kujtoni vetem “ zgjedhjet e fundit te degeve” ku Luli i madherishem konfirmoi ne 90% te rasteve,te gjithe humbesit e zgjedhjeve te 2017.

Nderkohe per kandidatet per drejtues te medhenj te partise, bashkive e deputeteve, ai mbledh kryesine e shtepise.

Gruaja, kunati, drejtoresha e bizneseve te kunatit, vjehrri dhe disa oligarke vendosin, se kush dhe ku do kandidojne ne emer te PD.

(Se harrova , familja e tij nga gruaja nuk ka votuar asnjehere PD deri ne 2005, kurse vete gruaja nuk ka votuar kurre!)

Keshtu ka ndodhur 4 vite me pare me kandidatet per kryetare bashkie dhe po njelloj per deputetet famoze te tij dhe rezultatet ishin ata qe te gjithe e dijne.

Njelloj do ndodh perseri per kryesine e re te asaj qe quhet PD-l, por qe nuk eshte Partia Demokratike.

Ajo qe lindi si force demokratike sot eshte kthyer ne nje force ku demokracia nuk ka me hapesire; ku zgjedhjet brenda partise jane vrare; ku te rinjte perfaqesohen me disa figura komike dhe banale; ku intelektualet nuk kane vend; ku kontribuesit jane armiq, ku nuk ka te djathte, ku vlerat nuk vlejne dhe ku parimet shihen si anakronizma.

Ndryshe nga vokacioni perendimor i PD se 3 dekadave me pare, Lulzim Basha nuk pelqen me orientimin perendimor.

Ai sulmon nderkombetaret me nje gjuhe krejt te papranueshme duke deshmuar se ai ndryshe nga cfare thote per vehten , eshte nje person me formim enverist, ku emerimet i ben familja, ku vendimet politike e lobingjet me jashte i ndjek gruaja; ku licencat dhe ndertimet e pallateve i mbulon vjehrri; ku ne kontot bankare te kunatit, oligarket derdhin me qindra milione leke, sic deshmojne dokumentat e publikuara ne media.

Ajo qe lindi si forca politike qe solli voten e lire eshte kthyer ne nje biznes politik ku nuk ekziston me as zgjedhje as vota, as parime as vlera.

Keta jane vetem disa nga arsyrt se pse Luli nuk mund te afrohet tek studentet. Dhe nuk po flas sot per ligjin e arsimit, qe Luli e mbrojti deri ne fund pavaresisht kritikave tona.

Eshte unike ne bote ne fakt, qe opozita e vertete te derdhet ne rruge, nderkohe qe Kryeatri i opozites formale te ndryhet ne pallat.

Nuk ndodh kurre, qe protestuesit te refuzojne kryetarin e opozites.

Kjo ndodh vetem kur opozita tradheton misionin e saj, si ne rastin e lb.

Prandaj ai refuzohet.

Po te mos ishte Lulzim Basha ne krye te PD , Edi Rama do ishte rrezuar nje mije here, e do ishte harruar tani.

Po ashtu sikur te mos ishte Edi Rama qe e mban, lulzim Basha nuk do ishte aty duke mbajt peng PD dhe fatet e vendit.

Por, Edi Rama mund te bleje kryetarin farse te opozites, por nuk blen dot studentet.

Vendi yne vuan nga nje qeverisje qe ka humbur lidhjen me jeten e qytetareve te tij. Skandalet e saj nuk bejne me asnje pershtypje. Ne nje udhekryq te rrezikshem te vendit, 3-4shahiste, mendonin se do vendosnin per fatin e 3 milion shqiptareve.

Ata gabuan rende.

Kriza e partive te tyre çoi ne krize gjithe sistemin.

Dhe per kete ka fajtore. Ka emra.

Keta dite, kur studentet jane derdhur ne cdo qytet te Shqiperise , kur protesta e tyre ka katalizuar cdo zemer shqiptari, nje rreze e bukur shprese eshte ndezur ne cdo shpi shqiptare.

Nese demokratet nuk do heqin pengmarresit , atehere studentet do shkrijne cdo force politike, qe ka tradhetuar misionin e saj.

Djali i Fatmira Hajdarit lokal në Qytetin Studenti, përfitoi 140 mijë €

Djali i gjyqtares kontratë në vitin 2007 me Ministrinë e Ekonomisë për marrjen me qira të ambientit 300 m2, investoi 1.9 milionë lekë dhe pas tre vitesh e shiti 160 mijë euro.

TIRANE – Jo vetëm vëllai i ish-presidentit Bujar Nishani, por edhe djali i Fatmira Hajdarit, ish-bashkëshortes së Azem Hajdarit, ka përfituar nga keqadministrimi i Qytetit Studenti gjatë qeverisjes së Partisë Demokratike, përmes dhënies me qira apo privatizimit të objekteve shtetërore. Në vitin 2008, Kirjald Hajdari, djali gjyqtares së Apelit Tiranë, Fatmira Hajdari, rezulton se ka marrë një ambient me qera në Qytetin Studenti, me sipërfaqe 280 m2, me qëllim për ta transformuar në bar-kafe.

Nga të dhënat që disponon “Shqiptarja.com”, për të rikonstruktuar këtë ambient të marrë me qira në bazë të një kontrate të lidhur me Ministrinë e Ekonomisë, Fatmira Hajdari, bashkë me djalin e saj, kanë marrë një kredi me vlerë 1.9 milionë lekë. Dy vjet më pas, ky ambient behet befas deklarohet 300 m2, pa asnjë shpjegim për sipërfaqen e shtuar. Ndërkaq, në vitin 2012, këtë investim e kanë shitur për 160 mijë euro, duke fituar menjëherë 140 mijë euro me pronën publike. Nga këto para, 14 mijë euro kanë kaluar në llogarinë personale të Fatmira Hajdarit.

Faksimile e deklaratës së pasurisë së Fatmira Hajdarit

Të dhënat pasqyrohen në deklaratat e pasurive të gjyqtares, Fatmira Hajdari, e cila përpos të tjerave deklaron se ka në pronësi edhe një pallat. Kontrata për marrjen me qira të ambienteve publike në Qytetin Studenti është lidhur me Ministrinë e Ekonomisë, e drejtuar në atë kohë nga Genc Ruli. Kjo kontratë kishte një afat dhjetëvjeçar. Nuk ka të dhëna për çmimin e qirasë, ndërsa djali i Fatmira Hajdarit deklaron vetëm një vit të ardhura nga lokali në Qytetin Studenti.

Dhënia me qira e godinave dhe ambienteve pranë tyre në Qytetin Studenti është forma më masive e abuzimit sipas disa raporteve të Kontrollit të Lartë të Shtetit, sidomos para vitit 2013. Kontratat janë lidhur nga Ministria e Ekonomisë gjatë qeverisjes së Partisë Demokratike, në shumë raste në mënyrë të paligjshme, por asnjëra prej tyre nuk është anuluar, ndërsa nuk ka as hetim nga prokuroria.

Privatizimi i mensës 
Ish-mensa e dikurshme ku ushqeheshin me qindra të rinj e të reja në “Qytetin Studenti prej vitit 2011 është kthyer në një lokal për lojërat e fatit, ku studentët që jetojnë aty humbasin edhe ato lekë që marrin nga familjet e tyre për shkollim. Ish mensa e studentëve, sot lokal që shërben për lojërat e fatit, administrohet nga Ilir Nishani, vëllai i ish-Presidentit, Bujar Nishani. Përveç llotos, vëllai i Bujar Nishanit administron edhe një tjetër ambient me një sipërfaqe të konsiderueshme që shërben për Call Center. Sipas KLSH, për privatizimin e këtyre ambienteve, rezulton të jetë kryer në shkelje të dispozitave të VKM-së nr. 1638, datë 17.12.2008 “Për kriteret e vlerësimit të pronës shtetërore që privatizohet apo transferohet dhe për procedurën e shitjes”.

Voal.ch mirëpret reagimet e palëve të cilat i boton menjëherë!

Ja si vëllai i ish Presidentit të Republikës Bujar Nishanit e ktheu mensën e studentëve në sallë bastesh në Qytetin Studenti

Ja si vëllai i ish Presidentit të Republikës Bujar Nishanit e ktheu mensën e studentëve në sallë bastesh në Qytetin Studenti

Studentët  vijojnë protestën para Ministrisë së Arsimit, ndërsa Partia Demokratike dhe kryetari Lulzim Basha pavarësisht deklaratave për të përfituar politikisht, zbulohet se në tetë vitet e qeverisjes kanë bërë privatizimin tek militantët dhe zyrtarët e PD të hapësira të konsiderueshme të “Qytetit Studenti”.

Ajo që do të duhej të shërbente si një mensë për studentët e ardhur nga rrethet e ndryshme të Shqipërisë dhe që jetojnë në Qytetin Studenti, sot nuk është gjë tjetër veçse një sallë e madhe e lojërave të fatit.

Përkundër deklaratave mediatike të këtyre ditëve të Partisë Demokratike dhe kryetarit të saj Lulzim Basha, në përpjekje për të përfituar politikisht nga protesta e studentëve, në tetë vitet e qeverisjes së saj është bërë privatizimi tek militantët dhe zyrtarët e PD hapësira të konsiderueshme të “Qytetit Studenti”.

Nga një vëzhgim i kryer në “Qytetin Studenti”, sikurse shihni edhe nga këto foto, ish-mensa e dikurshme ku ushqeheshin me qindra të rinj e të reja, prej vitit 2011 është kthyer në një lokal për lojërat e fatit, ku studentët që jetojnë aty humbasin edhe ato lekë që marrin nga familjet e tyre për shkollim.

Por, edhe më skandaloz është fakti se ish mensa e studentëve, sot lokal që shërben për lojërat e fatit, administrohet nga Ilir Nishani, vëllai i ish-Presidentit, Bujar Nishani.

Ajo që bie në sy është se procedurat e privatizimit të saj kanë filluar që në vitin 2010, kur Nishani ishte deputet i Partisë Demokratike dhe kjo forcë drejtonte qeverinë e vendit.

Ndërsa hapja e biznesit daton në 2011, vit kur Bujar Nishani ushtron edhe detyrën e ministrit të Brendshëm në qeverinë “Berisha”.

Një skandal i tillë është faktuar edhe nga vetë Kontrolli i Lartë i Shtetit i drejtuar nga Bujar Leskaj i zgjedhur po nga PD-ja.

Sipas raportit përfundimtar të auditimit të kryer nga Kontrolli i Lartë i Shtetit (Shtator 2012), rezulton se shitja e objektit “Mensë” si dhe truallit funksional prej 916 m 2 nën administrimin e “Trajtimi i Studentëve Nr.1” sha, Tiranë, rezulton të jetë kryer në shkelje të dispozitave të VKM-së nr. 1638, datë 17.12.2008 “Për kriteret e vlerësimit të pronës shtetërore që privatizohet apo transferohet dhe për procedurën e shitjes”, Kodi i procedurave administrative, ligjit nr. 9367, datë 07.04.2005 “Për parandalimin e konfliktit të interesave në ushtrimin e funksioneve publike”.

Por, skandali shkon edhe më tej, pasi përveç llotos, vëllai i Bujar Nishanit administron edhe një tjetër ambient me një sipërfaqe të konsiderueshme që shërben për Call Center.

Sikurse këto dy dyqane, në gjithë “Qytetin Studenti” janë një sërë hapësirash studentore me sipërfaqe të konsiderueshme të cilat janë privatizuar nga ish-funksionarë të lartë të PD në vend që ato të ishin mensa, biblioteka apo ambiente të tjera në funksion të studentëve që jetojnë aty./Shqiptarja.com

Voal.ch mirëpret reagimet e palëve dhe është e gatëshme t’i botojë.

Bujar Nishani përgënjshtron Mero Bazen: Djali i Mero Bazes ngels, merr bursë ekselence dhjetra mijëra Euro

Djali i Fatmira Hajdarit lokal në Qytetin Studenti, përfitoi 140 mijë €

Deutsche Welle: Kuvendi i Kosovës të premten votoi ushtrinë

Megjithë rekomandimin e disa vendeve anëtare të NATO-s për mosformimin e ushtrisë, parlamenti i Kosovës, me bekimin e SHBA-së të premten votoi për transformimin e FSK-së në ushtri.

Kryesia e Kuvendit të Kosovës e caktoi të premten seancën plenare për miratimin e tre ligjeve që e mundësojnë transformimin e Forcës së Sigurisë së Kosovës (FSK) në ushtri, pa iu ndërruar emri. Miratimi i ligjeve të premten u krye, megjithë kundërshtimet e serbëve të Kosovës, pjesë e parlamentit dhe Beogradit zyrtar. Një ceremoni festive pas miratimit të ligjeve mbahet në shtabin qendror të FSK-së.

“Kontribues modest i paqes”

Kryeministri i Kosovës, Ramush Haradinaj, ka thënë se “ushtria e Kosovës do të jetë një kontribues modest i paqes në botë”.”Transformimi i FSK-së, e bën Kosovën një ofruese të paqes, jo vetëm një përfituese të saj. Nuk mund të jeni të sigurt, nuk mund të ndihmoni paqen dhe stabilitetin në botë, pa qenë në paqe me vetveten, duke pasur ushtrinë tuaj”, tha Haradinaj për Associated Pres. Në të njëjtën linjë është shprehur edhe kryetari i Kuvendit të Kosovës, Kadri Veseli, i cili ka disa ditë që po qëndron në SHBA dhe ku vizitoi disa baza ushtarake amerikane.

Ai nga atje komentoi edhe deklaratën e Sekretarit të Përgjithshëm të NATO-os, Jens Stoltenberg, i cili tha se “një hap i tillë është në një kohë të gabuar dhe është në kundërshtim me këshillat e shumë aleatëve nga NATO dhe mund të ketë pasoja serioze për të ardhmen e integrimit euroatlantik të Kosovës”.

Por kryetari i kuvendit thotë se megjithë këto deklarime, ushtria e Kosovës do të jetë partnere e NATO-s. “Ne do ta votojmë me datën 14 dhjetor dhe drejtimi ynë si shtet është shumë i qartë, Perëndimi, Bashkimi Evropian, NATO, partneriteti shumë i veçantë me SHBA. Po besoj shumë që zoti Stoltenberg do të ketë qëllime të mira dhe do ta kuptojë si një e drejtë legjitime e jona. Ne jemi shtet i pavarur dhe sovran, përndryshe atëherë cila është logjika e funksionalitetit të shtetit tonë?”, tha Veseli për mediat.

Kosovo erhöht Einfuhrzölle - Ramush Haradinaj spricht auf der West-Balkankonferenz in Österreich (picture-alliance/AA/A. Kiyagan)

Foggo: “Forcat e NATO-së janë të përgatitura për çdo vendim”

Nga ana tjetër, është Komandanti i Forcave të përbashkëta të NATO-s në Napoli, James Foggo, i cili tha se Transformimi i Forcave të Sigurisë së Kosovës, është një vendim sovran, që duhet ta sjellin deputetët e Kosovës dhe forcat e NATO-së janë të përgatitura për çdo vendim”.

“Kosova është shtet demokratik, siç jeni ju dhe siç është Serbia. Në demokraci ju zgjidhni njerëz që do të marrin vendime në emrin tuaj. Transformimi i forcave të sigurisë së Kosovës është një vendim sovran që duhet ta sjellin deputetët e Kosovës. Ne jemi të përgatitur për cilin do vendim që do ta sjellë Parlamenti këtë javë. Ne jemi atje për të garantuar sigurinë e shtetit të Kosovës”, deklaroi të mërkurën në Shkup, admirali James Foggo, duke u përgjigjur në pyetjen mbi qëndrimin e NATO-os, rreth vendimit të Qeverisë së Kosovës për formimin e ushtrisë përmes ligjeve.

Albanien PDK Kadri Veseli Politker (Shpresim.M.Shala)

Beogradi zyrtar i shqetësuar

Të shqetësuar dhe kundër transformimit të FSK-së në ushtri janë shprehur deputetët serbë në Kuvendin e Kosovës dhe Beogradi zyrtar. Sllavko Simiq, kryetar i Listës Srpska, ka thënë se deputetët serbë do të marrin pjesë në seancë për të kundërshtuar formimin e ushtrisë. “Përfaqësuesit e Listës Serbe kanë në disponim mekanizma politik, institucional dhe juridik dhe se do t’i përdorim. Nëse ndodh votimi në parlament, ne vendimin e kuvendit do ta dërgojmë në Gjykatën Kushtetuese”, citon Tanjug Sllavko Simiqin.

Në veri të Kosovës pjesë kjo e banuar me shumicë serbe, situata tash për tash paraqitet e qetë, ndonëse tensionet janë të vërejtshme. Një konvoi me rreth 50 automjete të rënda të KFOR-it, paraditen e së enjtes u nis drejt veriut të Kosovës. Një zëdhënës i KFOR-it, Vincenzo Grasso, deklaroi se “konvoji i automjeteve të KFOR-it drejt veriut të Kosovës, është pjesë e ushtrimeve të rregullta që ky trup i bën në përputhje me mandatin e vet dhe se nuk ka arsye për shqetësim”, transmeton AFP, zëdhënësin Grasso, i cili shton se ushtrimet e KFOR-it, nuk kanë lidhje me votimin e ligjeve në parlament për ushtrinë.

Sipas ligjeve që do të miratohen të premten në Kuvendin e Kosovës dhe që FSK-në e shndërrojnë në ushtri por pa iu ndërruar emri (FSK), me mandatin e ri do të ketë 5.000 trupa dhe 3.000 rezervistë me një buxhet vjetor prej 98 milionë eurosh. FSK, do të jetë në thelb një forcë sigurie që merret me reagimin ndaj krizave dhe operacionet e mbrojtjes civile.

Radio Evropa e Lirë: Kuvendi miraton formimin e Ushtrisë së Kosovës

Zijadin Gashi

Kuvendi i Kosovës ka miratuar përfundimisht tri ligjet, me të cilat mundësohet transformimi i Forcës së Sigurisë së Kosovës në Ushtrinë e Kosovës. Ndonëse emri i FSK-së nuk mund të pësojë ndryshime për shkak të pamundësive për ndryshime kushtetuese, ligjet e miratuara vlerësohet se i japin FSK-së kapacitete ushtarake gjatë një procesi transformimi brenda disa viteve.

Bëhet fjalë për Ligjin për Ministrinë e Mbrojtjes, atë për Forcën e Sigurisë së Kosovës dhe Ligjin për Shërbim në Forcën e Sigurisë së Kosovës.

Seanca ka filluar me një minutë heshtje për të nderuar, siç u tha, “të gjitha ata që u vranë dhe sakrifikuan” duke dhënë kontributin e tyre për lirinë dhe pavarësinë e Kosovës.

Vendimi për formimin e Ushtrisë së Kosovës po përcillet me një atmosferë festive në Prishtinë. Sheshet e kryeqytetit janë mbushur me flamuj të Shteteve të Bashkuara të Amerikës, Britanisë së Madhe, Gjermanisë, Francës, Italisë dhe shteteve tjera, të cilat Kosova i konsideron si vende që e kanë ndihmuar në vazhdimësi atë.

Në seancën e Kuvendit kanë marrë pjesë edhe presidenti i Kosovës, Hashim Thaçi, kryeministri Ramush Haradinaj si dhe komandanti i Forcës së Sigurisë së Kosovës, Rrahman Rama.

Ndërkohë që një atmosferë ndryshe mbizotëron në pjesën veriore të Kosovës, të banuar me popullatë serbe, ku sheshet e Mitrovicës Veriore janë mbushur me flamuj të Serbisë.

​Nëpërmjet këtyre tri ligjeve, po synohet që Forca e Sigurisë së Kosovës të transformohet në një forcë me kapacitete shtesë, përfshirë edhe përgjegjësi të mbrojtjes, por pa prekur në emrin e saj.

Transformimi i kësaj Force nuk arriti të sigurojë mbështetjen e plotë të NATO-s.

Sekretari i Përgjithshëm i NATO-s, Jens Stoltenberg, tha javën e kaluar se ky transformim po ndodh në një “kohë të papërshtatshme” dhe i tërhoqi vërejtjen Prishtinës se nëse do të ndërmarrë hapin e transformimit “do të përballet me pasoja”.

Por, në Prishtinë deklarata të tilla u panë si reflektim i qëndrimeve të disa vendeve anëtare të NATO-s, të cilat nuk e njohin pavarësinë e Kosovës.

Autoritetet e Kosovës besojnë se e kanë mbështetjen e nevojshme të NATO-s dhe Shteteve të Bashkuara të Amerikës për transformimin e Forcës së Sigurisë së Kosovës në kapacitete ushtarake.

#Hashtag: Qytetarët “duartrokasin” qëndrimin e SHBA-së për FSK-në

Për dallim nga NATO, e cila ka në përbërje të vet shumë shtete, Qeveria Amerikane përmes ambasadorit të saj në Kosovë, Philip Kosnett, ka thënë se votimi për transformimin e Forcës së Sigurisë së Kosovës është historik për Kosovën.

Kosnett po ashtu ka thënë se siguria e një vendi varet nga cilësia e marrëdhënieve të sigurisë që ka.

“Teksa Kuvendi vepron sot, le të rikujtojmë se siguria e një vendi varet nga cilësia e marrëdhënieve të tij të sigurisë dhe marrëdhëniet paqësore dhe bashkërisht të dobishme me fqinjët e saj, por edhe nga forca dhe profesionalizmi i forcave të saj të armatosura”, ka thënë Kosnett.

As the Assembly acts today, let’s remember that a country’s security depends on the quality of its security relationships – and peaceful, mutually beneficial relations with its neighbors – as much as on the strength and professionalism of its armed forces.

— Ambassador Philip S. Kosnett (@USAmbKosovo) December 14, 2018

Autoritetet e Kosovës janë zotuar në vazhdimësi se transformimi i FSK-së do të bëhet në koordinim me NATO-n dhe shtetet që Kosova i konsideron si aleate, duke veçuar sidomos Shtetet e Bashkuara të Amerikës.

Përderisa Forca e Sigurisë së Kosovës do të nisë rrugën drejt shndërrimit në Ushtri, rolin dhe mandatin mbrojtës në Kosovë do të vazhdojë ta ketë forca paqeruajtëse dhe shumëkombëshe e KFOR-it.

Kryeministri i Kosovës, Ramush Haradinaj ka theksuar se “FSK-ja nuk do ta zëvendësojë KFOR-in”.

“Prezenca e NATO-s në shtetin tonë do të jetë gjithmonë e mirëpritur. Ne duam t’i bashkohemi NATO-s, duam të punojmë me ju. Me tranzicionin, FSK-ja është e gatshme të shërbejë me ju, me forcat e juaja të armatosura gjithkund në botë”, ka deklaruar Haradinaj.

Qendra Kosovare për Studime të Sigurisë (QKSS) në një raport të publikuar thotë se tranzicioni i FSK-së në ushtri nuk do të ketë ndikim të menjëhershëm përderisa është një proces që do t’i marrë 7-10 vjet.

“Ndërtimi i kapaciteteve të saj sigurisht se pritet të bëhet bazuar në mbështetjen bilaterale të shteteve përderisa NATO, ashtu sikurse në rastin e mandatit aktual, ka një hapësirë shumë të ngushtë veprimi për shkak të mungesës së konsensusit. Mandati i kufizuar për qëllime të vetëmbrojtjes është në shërbim të ruajtjes së paqes, jo luftës”, thekson QKSS-ja.

*Video nga arkivi: Rruga e gjatë për ta bërë ushtrinë

Forca e Sigurisë së Kosovës u themelua më 2009 në bazë të Planit të Ahtisaarit, dokument që çoi drejt pavarësimit të Kosovës. Kjo Forcë, është ngritur nën mbikëqyrjen e NATO-s, por misioni dhe kapacitetet e saj, nuk përkuan me ambicien e institucioneve, që Kosova ta ketë ushtrinë e saj.

Pas përfundimit të konfliktit të armatosur të vitit 1999, në marrëveshje me NATO-n, ishin formuar Trupat Mbrojtëse të Kosovës, si forcë për emergjenca. Kjo Trupë më pas ishte shndërruar në Forcën e Sigurisë së Kosovës.

Ndërkaq hapi tjetër, pas shpalljes së pavarësisë së Kosovës, ishte që kjo Forcë të transformohej në Forcat e Armatosura të Kosovës. Por, një hap i tillë nuk arriti të realizohet për shkak të pamundësisë së ndryshimeve kushtetuese, të cilat mund të bëhen vetëm me votën e deputetëve të komuniteteve pakicë në Kuvend, përkatësisht votat e deputetëve serbë.

Andaj, institucionet e Kosovës zgjodhën që shtimin e kapaciteteve ushtarake për Forcën e Sigurisë së Kosovës ta bëjnë përmes ligjeve, pa prekur edhe emrin e FSK-së.