VOAL

VOAL

Please Wait ...
0%

Në 40-vjetorin e vdekjes, përkujtohet në Kosovë orientalisti Hasan Kaleshi

By | October 6, 2016
blank

Komentet

blank

Rriten kërkesat për fillimin e procedurës disiplinore ndaj prokurorëve të shtetit në Kosovë

Prishtinë

Sipas një analize nga organizata joqeveritare Grupi për Studime Juridike dhe Politike (GLPS), gjatë këtij viti, krahasuar me vitin 2020, është rritur numri i ankesave dhe kërkesave për fillimin e procedurës disiplinore ndaj prokurorëve të shtetit në Kosovë, raporton Anadolu Agency (AA).

Këto dhe të gjetura të tjera u publikuan në një konferencë për media të premten në Prishtinë me temë “Mekanizmi disiplinor ndaj gjyqtarëve dhe prokurorëve: Një reflektim mbi gjendjen aktuale” nga Drejtësia Sot, platformë e GLPS-së.

Rreze Hoxha-Zhuja nga Drejtësia Sot, tha se Këshilli Prokurorial i Kosovës (KPK) ka aprovuar të gjitha kërkesat për fillim të procedurës disiplinore ndaj prokurorëve të shtetit, për periudhën janar-qershor 2021, e më pas për të njëjtat ka krijuar Panele Hetimore, gjë të cilën ajo e konsideroi hap pozitiv.

“KPK mban një praktikë shumë të mirë të publikimit të vendimeve të marra nga Gjykata Supreme ndaj vendimeve disiplinore të ankimuara të KPK-së, duke ofruar kështu një pasqyrë të plotë dhe të qasshme për publikun. Një praktikë e tillë nuk është vërejtur nga ana e Këshillit Gjyqësor të Kosovës, ku vendimet e marra nga Gjykata Supreme nuk janë të publikuara”, tha Hoxha-Zhuja.

Drejtësia Sot gjithashtu ka gjetur se ka zbrazëti juridike në Ligjin për Përgjegjësinë Disiplinore të Gjyqtarëve dhe Prokurorëve, pasi siç tha Hoxha-Zhuja, ligji nuk parasheh dispozitë lidhur me ankesat kundrejt gjyqtarëve të Gjykatës Supreme që i drejtohen Kryetarit të Gjykatës Supreme.

Hoxha-Zhuja e vlerëson pozitive çështjen e inicimit dhe ankimit në procedurën disiplinore ndaj gjyqtarëve dhe prokurorëve nga ana e Institucionit të Avokatit të Popullit, pavarësisht që ligji që e rregullon veprimtarinë e këtij institucioni nuk ja njeh një kompetencë të tillë.

“Ligji aktual nuk ka përcaktuar qartë llojin e masës disiplinore që shqiptohet për secilën shkelje disiplinore ose në rastin e arritjes së marrëveshjes për pranimin e shkeljes disiplinore”, shtoi Hoxha-Zhuja.

Drejtësia Sot, duke u nisur nga të gjeturat e analizës ka ftuar Ministrinë e Drejtësisë që të bëjë ndryshim të ligjit për Avokatin e Popullit, në mënyrë që ky institucion të inkuadrohet edhe në kompetencat e Këshillit Prokurorial dhe Këshillit Gjyqësor për “fillimin e procedurave disiplinore ndaj prokurorëve dhe gjyqtarëve dhe kompetencën për të ushtruar ankesë në Gjykata Supreme për raste individuale”.

Gjithashtu, Drejtësia Sot, konsideron se Ministria e Drejtësisë duhet të përcaktojë autoritetin kompetent tek i cili duhet paraqitur ankesat ndaj gjyqtarëve të Gjykatës Supreme.

blank

Trajneri Driton Kuka me tre medalje olimpike i takon elitës botërore të xhudos

voal.ch – Driton Kuka, trajneri i Xhudos ka lindur në Peje me 15 shtator 1971.

Pas shpalljes të pavarësisë të Kosovës është trajneri me i suksesshëm në sportin kosovar.

Në klubin e xhudos Ippon nga Peja ka krijuar Kampionen Botërore për juniore Majlinda Kelmendin si dhe një numër te madh xhudistesh që tashmë kane prekur majat botërore në sportin Olimpik te judos.

Driton Kuka tashmë i takon elitës botërore të xhudos. Ai e ka shndërruar Kosovën në forcë botërore të sportit të xhudos.

Nxënësit e Kukës kanë tituj botërorë, evropianë dhe olimpike.

Një ndër xhudistet më të mira të karierës së tij është : Majlinda Kelmendi , i ka dy tituj të botës e një të Evropës për seniorë,

Nora Gjakova ka fituar medaljen e vetme të Kosovës në Lojërat Evropiane, Nora Gjakova ka fituar medaljen e vetme të Kosovës në Lojërat Evropiane, Nora Gjakova ka fituar medaljen e vetme të Kosovës në Lojërat Evropiane dhe sot më 26 Korrik Nora Gjakova fitoi medaljen e tretë olimpike në Olimpiadën botërore Tokio 2020 që po mbahet në Japoni, pas medaljes të artë olimpike të, Distria Krasniqi, të treja sportiste të trajnuara nga Driton Kuka.

Pra, Majlinda Kelmendi, Medalie e Artë Olimpike, Distria Krasniqi Medalje e Artë Olimpike dhe Nora Gjakova Medalje e Artë  Olimpike, pra tre medalje të arta olimpike të Kosovës janë sportiste të trajnuara nga Driton Kuka!

Driton Kuka ka qenë kampion i 8 fishtë në te gjitha Grupmoshat i ish Jugosllavisë, Kampion Ballkanik, medalje e bronztë për të rinj në Evrope dhe medalje e bronzte në Kupa Botërore për te rritur në Hungari me 1991 dhe atëbotë siguroj normën Olimpike për Olimpiadën Barcelona 1992 por për shkak te politikes se Millosheviqit në Kosove u tërhoq nga reprezentacioni i ish Jugosllavisë dhe kështu u desh te mbes pa pjesëmarrje në evenimente te mëdha ndërkombëtare. Pas dështimit te marrjes se nje medalje olimpike në Lodra 2012 Driton Kuka nuk ndalet asnjë moment ai tani bëhet gati per lojërat olimpike Rio2016 ku edhe kishin siguruar normën olimpike Malinda Kelmendi dhe Nora Gjakova tani Driton Kuka ishte gati per te shkruar historinë e sportit kosovar me te nisur garat Majlinda dukej e pa ndalshme duke hedhur kundershtaret pa asnjë problem me të arritur ne finale ajo tashme kishte shkruar historine por qe nuk ishte e kenaqur me medalje te argjentë keshtë që në finale mposhti edhe garuesen italiane Oddete per të marrë medaljen e parë te artë olimpike per shtetin e Kosovës. Në anën tjetër Nora Gjakova kishte fituar luftën e parë por fatkeqsisht ishte lenduar gjate luftes kur me pas ne luften e dytë nuk mundi te luftunte 100% e saj dhe pesoi humbje.

Por lojrat olimpike që po mbahen në Tokoi ku Kosova rrëmbeu edhe dy medalje të arta, duke e çuar në tre medalje të arta të fituara nga Xhudistet e Kosovës të drejtuara nga Driton Kuka i cili bëhet treneri me i suksesshëm i të gjitha kohërave.

blank

blank

Kriza e Covid-19, Kosova nënshkruan marrëveshje prej 15 milionë euro me Bankën Botërore

Ministri i Financave, Punёs dhe Transfereve, Hekuran Murati, dhe drejtoresha për Ballkanin Perëndimor e Bankës Botërore, Linda Van Gelder, pas negocimit tё suksesshëm, kanë nënshkruar marrëveshjen e financimit “Projekti Emergjent i Kosovës për COVID-19 – Financimi shtesë”.

Në njoftimin e bërë për media thuhet se “Qëllimi kryesor i marrëveshjes mbetet vazhdimësia e përgjigjes ndaj pandemisë përmes financimit për të mundësuar parandalimin, detektimin dhe reagimin ndaj COVID-19, si dhe për të ngritur kapacitetet e duhura në sistemet kombëtare të shëndetit publik”.

“Kjo marrëveshje kap vlerën totale prej 15 milionë euro dhe vjen si vazhdimësi e Marrëveshjes bazё, tё nënshkruar me datë 29 qershor 2020 me Bankën Botërore, e cila veçse kishte siguruar 46 milionë euro për menaxhim dhe reagim emergjent ndaj pandemisë.

Projekti do të mundësojë prokurimin e vaksinave kundër COVID-19, vaksinimin efektiv të popullatës, përmirësimin e sistemit të imunizimit, zhvillimin e sistemit të menaxhimit të mbeturinave mjekësore, prokurimin emergjent të barnave esenciale për trajtim të COVID-19 dhe të ngjashmeve, si dhe zhvillimin e strategjisë shëndetësore, mes tjerash”, thuhet në njoftim.

Rikujtojmë se Ministria e Financave, Punës dhe Transfereve poashtu ka përcaktuar masat për Ringjallje Ekonomike tё vendit tё cilat synojnë tё adresojnë vёshtirёsitё e shkaktuara nga pandemia COVID-19, ndёr tё tjera duke stabilizuar aktivitetin ekonomik nё Republikёn e Kosovёs.

blank

Abdixhiku: Është obligim moral e ligjor të zbulohen vrasjet e të gjithë veprimtarëve

Kryetari i Lidhjes Demokratike Kosovës, Lumir Abdixhiku ka përkujtuar veprimtarin Shaban Manaj, në 21 vjetorin e vdekjes së tij.

Abdixhiku ka thënë se Manaj ishte një personalitet i rrallë, i cili punoi fort krah presidentit Ibrahim Rugova, por rrugëtimin e nisur e ndali dora vrastare e atyre që nuk ia deshën të mirën Kosovës.

“Në korrikun e vitit 2000, në fillet e lirisë dhe shtetësisë së Kosovës, u shua një pishtar i këtij rrugëtimi. Veprimtari, atdhetari e avokati i shquar Shaban Manaj, u privua mizorisht nga jeta, që edhe sot e kësaj dite mbetet mister. Shaban Manaj, ishte një personalitet i rrallë, punoi fort krah Presidentit Rugova, por rrugëtimin e nisur e ndali dora vrastare e atyre që nuk ia deshën të mirën Kosovës. Shaban Manaj me të drejtë për kontributin e tij për shtetin e Kosovës u dekorua me urdhrin e lartë shtetëror, ‘Hero i Kosovës’”, ka thënë Abdixhiku.

Sipas tij, është obligim moral e ligjor i organeve kompetente të zbulojnë të gjitha vrasjet e të gjithë veprimtarëve që dhanë kontribut në lirinë dhe shtetësinë e Kosovës.

“Familjarët dhe bashkëpunëtorët e Shaban Manajt nuk mund të jenë asnjëherë të qetë pa zbardhjen e motivit dhe rrethanave të vrasjes së tij si dhe dënimin e atyre që kryen këtë akt barbar, ndërsa është obligim moral e ligjor i organeve kompetente të zbulojnë të gjitha vrasjet e të gjithë veprimtarëve që dhanë kontribut të jashtëzakonshëm në lirinë dhe shtetësinë e Kosovës. Lavdi jetës dhe veprës së Heroit Shaban Manaj”, ka përfunduar ai.

blank

Avokatët e Thaçit e të tjerëve kërkojnë listën e dëshmitarëve që do të përdoren në gjykim, ZPS-ja s’ua jep

Avokatët mbrojtës të ish-krerëve të UÇK-së dhe Zyra e Prokurorit të Specializuar, nuk janë pajtuar në seancën e sotme paragjyqësore që këta të fundit ta bëjnë dhe ta dorëzojnë një listë të dëshmitarëve të cilët mendon t’i përdor në gjykimin ndaj Hashim Thaçit, Kadri Veselit, Rexhep Selimit e Jakup Krasniqit, raporton Gazeta Express.

Luka Mishetiq, avokat i ish-presidentit të Kosovës, Hashim Thaçi tha se Prokuroria duhet t’ua japë këtë listë, në mënyrë që ekipet mbrojtëse të përgatiten për gjykimin.

“Për cilët dëshmitarë kërkon t’i thërrasë në gjykim dhe cilët nuk do t’i thërrasë. Kemi dëshmitarë për të cilët ZPS-ja ka marrë deklaratë dhe mendoj se ata do të dëshmojnë. Ne kemi nevojë që të vendosim përparësi në përgatitjet tona, dhe këtë e bëjmë duke e ditur se cilët dëshmitarë do të dëshmojnë në sallë. Prandaj, kërkojmë që Prokuroria ta bëjë një listë”, tha avokati Mishetiq.

Me këtë u pajtua edhe David Young, avokat i Rexhep Selimit, si dhe mbrojtësit e Kadri Veselit e Jakup Krasniqit.

“Unë do të thosha thjesht se e mbështesim kërkesën e ngritur nga avokati i Z. Thaçi”, tha Nick Kaufman, avokat i Kadri Veselit.

Ndërsa një prokurore nga Zyra e Prokurorit të Specializuar tha se kërkesa e mbrojtësve të ish-krerëve të UÇK-së është “jashtë kontekstit”.

“Kjo kërkesë nga mbrojtja është komplet jashtë kontekstit dhe pa pasur parasysh veçantitë e çështjes sonë gjyqësore”, tha ajo.

“Koncepti i listës paraprake të dëshmitarëve është element që duket se mbrojtja e ka marrë në një çështje të paraqitur nga Gjykata Penale Ndërkombëtare. Lista paraprake e dëshmitarëve publikohet në rrethana shumë të veçanta, me udhëzime shumë të rrepta. Nuk jemi në ato rrethana. Kjo nuk është rrethanë të cilën e shohim në procesin tonë”, tha prokurorja.

Ajo shtoi se Prokuroria do t’i nxjerrë materialet e dëshmitarëve të cilat do t’i përdor në gjykim.

Në kundërpërgjigjje, avokati Luka Mishetiq tha se “Nuk shoh asnjë arsye se pse e kanë kaq të vështirë Prokuroria ta bëjë këtë (listën).

“Pse kërkohen kaq shumë burime për ta bërë një listë të tillë? Ne e shikojmë që ata kanë nxjerrë materiale, por ato nuk na tregojnë se cilët do të vijnë të dëshmojnë dhe cilët nuk do të japin dëshmi. Derisa të na japin një arsye të fortë se pse nuk na japin këtë listë, ne do të vazhdojmë ta kërkojmë atë”, tha avokati amerikano-kroat.

blank

Tërnava ua uron besimtarëve Kurban Bajramin

RFE/RL

Myftiu i Kosovës, Naim Tërnava, në prag të Festës së Kurban Bajramit, uroi besimtarët myslimanë për këtë festë dhe ftoi qytetarët që të kenë kujdes dhe të respektojnë masat kundër koronavirusit, pasi siç u shpreh, “virusi është ende në mesin tonë”.

Myftiu Tërnava tha se Kurban Bajrami karakterizohet me therjen e kurbanit dhe kryerjen e Haxhit, por për këtë të fundit, tha se shpreson që vitin e ardhshëm, besimtarët të kenë mundësi të shkojnë në Mekë dhe Medinë që të kryejnë këtë kusht të Islamit.

“Fatkeqësisht edhe këtë vit, besimtarëve tanë, për shkak të gjendjes pandemike nuk u është mundësuar që të udhëtojnë drejt vendeve të bekuara të Mekës dhe Medinës, mirëpo shpirtërisht e ndiejmë aromën e atyre vendeve dhe mbetemi me shpresë që vitin tjetër të jemi atje për t’iu lutur krijuesit të gjithësisë”, tha ai.

Sipas myftiut Tërnava, Festa e Kurban Bajramit në themele të saja ka sakrificën, barazinë, solidaritetin dhe mirësinë.

Në Arabinë Saudite, besimtarët myslimanë, të vaksinuar kundër koronavirusit, janë lejuar që të marrin pjesë në pelegrinazhin vjetor të Haxhit. Për shkak të pandemisë së koronavirusit, as këtë vit u lejuan që besimtarët e huaj të marrin pjesë në këtë ceremoni.

blank

Liburn Aliu: Ndërtimi i “Luginës së Diellit” në veri është i paligjshëm

RFE/RL

Ministri i Mjedisit, Planifikimit Hapësinor dhe Infrastrukturës në Kosovë, Liburn Aliu, tha të premten se ndërtimi i vendbanimit “Lugina e Diellit” në Komunën e Zveçanit në veri të Kosovës, është i paligjshëm.

Ky projket financohet nga Serbia.

“Ajo çka ka ndodhur në veri, me aq sa kemi ne informacion, i bie që as me planet urbane të Serbisë nuk është… Pra, zhvillimi në Luginën e Diellit konsiderohet si ndërtim pa leje sa u përket institucioneve të Republikës së Kosovës, por nuk ka asnjë informacion që ekziston çfarëdo leje ndërtimore, respektivisht çfarëdo lloj plani hapësinor, që është respektuar për ndërtimin e tij. Prandaj, mund të themi se në tërësi është një veprim i jashtëligjshëm dhe në kundërshtim me çfarëdo ligji”, tha Aliu në një seancë të Kuvendit të Kosovës.

Shteti i Serbisë dhe Kisha Ortodokse Serbe janë në përfundim të ndërtimit të lagjes “Lugina e Diellit” në Komunën e Zveçanit, e cila është e banuar me shumicë serbe.

Në një sipërfaqe prej 15 hektarësh tokë janë 300 njësi banesore të destinuara për personat e zhvendosur nga Kosova, të komunitetit serb.

Është raportuar se projekti kap vlerën prej 14 milionë eurosh.

Aliu tha se në bazë të informacioneve të disponueshme, Ministria e Mjedisit e Kosovës ka dërguar në vitin 2016 inspektorët e saj, për të kërkuar një raport nga Komuna e Zveçanit, në lidhje me ndërtimin e vendbanimit.

Por, atëbotë, shtoi ai, askush nga ajo komunë nuk ka pranuar t’i japë përgjigje inspektoratit.

Pas kësaj, Aliu tha se Ministria e Mjedisit ka ngritur padi kundërvajtëse ndaj drejtores së urbanizmit në Komunën e Zveçanit.

“Pas kësaj padie, dy vjet më vonë, gjykata e ka shfuqizuar atë, për faktin se kanë kaluar dy vjet dhe padia është parashtruar”, tha Aliu.

“Tani në dokumentacione, në aspektin gjyqësor, situata është krejtësisht e mbyllur, sa i përket Ministrisë karshi Komunës së Zveçanit”, theksoi Aliu.

Aliu tha se Ministria që drejton ai, ka 38 të punësuar në veri të Kosovës, ndërsa në kuadër të Inspektoratit të Ministrisë janë 12 punëtorë.

“Por, fatkeqësisht, raporte për gjendjen në veri në mënyrë zyrtare nuk ka”, tha Aliu.

Ai shtoi se Ministria e tij është duke punuar për t’i mbledhur të gjitha informatat për aktivitetet në veri të Kosovës dhe për punëtorët e kësaj Ministrie në veri dhe se ajo do ta informojë Kuvendin dhe Qeverinë më vonë.

“Se cilat do të jenë veprimet politike më pastaj për vendosjen e rendit, mbetet çeshtje politike që do të diskutohet këtu në Kuvend“, tha Aliu.

Marrëveshja për ndërtimin e vendbanimit “Lugina e Diellit” ishte nënshkruar në vitin 2015 nga Zyra për Kosovën e Qeverisë së Serbisë, Dioqeza e Rashkës dhe Prizrenit e Kishës Ortodokse Serbe dhe organi i përkohshëm në Zveçan, që funksionon në kuadër të sistemit serb.

Në krye të këtij organi është Ivan Todosijeviq, ish-ministër i Administrimit të Pushtetit Lokal të Qeverisë së Kosovës, nga radhët e Listës Serbe, partisë më të madhe serbe në Kosovë.

Vendbanimi është duke u ndërtuar që nga viti 2016.

Presidenti i Serbisë, Aleksandar Vuçiq, në një letër dërguar Komunës së Zveçanit, e cila e ka shpallur qytetar nderi më 14 korrik, ka thënë se “gjithçka që bëhet dhe ndërtohet, çdo gur në Luginën e Diellit është themeli ynë për të ardhmen në këto hapësira”.

blank

Gërvalla-Schwarz: Në Kosovë pritet të vijnë mbi 1 milion bashkatdhetarë nga diaspora

Prishtinë

Ministrja e Punëve të Jashtme dhe e Diasporës, Donika Gërvalla-Schwarz, bashkë me drejtorin e Policisë së Kosovës, Samedin Mehmeti, në Aeroportin Ndërkombëtar të Prishtinës “Adem Jashari” kanë inspektuar kushtet, sfidat dhe mundësitë me të cilat do të priten këtë vit kosovarët që jetojnë jashtë Kosovës, raporton Anadolu Agency (AA).

Ministrja Gërvalla-Schwarz tha se për t’u uruar mirëseardhje bashkatdhetarëve, institucionet kanë filluar përgatitjet e tyre që më herët.

Ajo u bëri thirrje për durim kosovarëve që vijnë për disa javë për pushim në Kosovë, nga vendet e ndryshme të Bashkimit Evropian (BE) në situata jo të favorshme, kur ka radhë të gjata në komunikacion, apo në raste kur shërbimet nuk janë aq të shpejta për ta.

“Lusim gjithashtu të gjithë që me shumë kujdes të sillemi së bashku në komunikacion mirë në raport me njëri-tjetrin. Durimi, ndoshta ndonjëherë do të vihet në sprovë gjatë kësaj periudhe të ngjeshur sepse duhet imagjinuar se nëse presim mbi 1 milion qytetarë nga mërgata gjatë kësaj vere, për të bërë një krahasim banal është njësoj sikur të dërgosh 40 milionë gjermanë gjerman në Gjermani për një muaj ose gjashtë javë. Prandaj, ta shijojmë të gjithë së bashku këtë verë, ta shijojmë privilegjin që më në fund po takohemi të gjithë së bashku, përsëri”, tha ajo.

Drejtori i Policisë së Kosovës, Samedin Mehmeti, tha se policia gjatë periudhës paraprake ka ndërmarrë të gjitha veprimet dhe planet operacionale që të ketë një pritje sa më të mirë të mërgatës, njëkohësisht kalim të sigurt të kufirit pa pritje të gjata.

“Në aeroportin e Prishtinës vetëm gjatë dy javëve të kaluara, nga data 1 deri më sot, kemi pasur mbi 80 mijë pasagjerë të cilët kanë kaluar nëpër kontrollet e Policisë së Kosovës, ndërsa kemi pasur mbi 30 mijë të cilët kanë shkuar jashtë Kosovës. Natyrisht që ky fluks është në rritje. Jemi në periudhën kur do të kemi edhe më shumë qarkullim dhe njerëz që vijnë në Kosovë. Policia është e përgatitur edhe në aspektin operacional dhe në aspektin e masave teknike”, tha ai.

Diaspora është konsideruar vazhdimisht nga autoritetet shtetërore si njëra nga shtyllat kryesore dhe më të forta të ekonomisë së Kosovës.

blank

Gjenden baktere potencialisht kontaminuese të ujit në Deçan

Spitali në Deçan

Instituti Kombëtar i Shëndetësisë Publike të Kosovës (IKSHPK) bëri të ditur se nga mostrat e ujit, të marra në Deçan më 12 korrik, janë identifikuar disa baktere që “mund të japin indikacion për kontaminim të ujit të pijshëm”.

Institucionet shëndetësore në Deçan, qysh në fundjavë, janë duke u përballur me fluks pacientësh, që raportojnë simptoma të helmimit.

Sipas të dhënave të Drejtorisë së Shëndetësisë në këtë komunë, mbi 1,500 persona kanë kërkuar ndihmë në Qendrën e Mjekësisë Familjare.

Ekzaminimet mikrobiologjike në mostrat e pranuara nga pacientët me shenja të infeksionit janë duke vazhduar, tha të enjten IKSHPK-ja.

“Ekipet e IKSHPK-së nga të gjitha rajonet e Kosovës vazhdojnë punën në terren, duke punuar intensivisht në gjetjen e shkakut të shpërthimit epidemik”, thuhet në komunikatë.

Një ditë më herët, ministri i Shëndetësisë i Kosovës, Arben Vitia, tha se disa mostra të pacientëve të helmuar në Deçan do të testohen jashtë Kosovës.

Deçani furnizohet me ujë nga ujësjellësi rajonal “Hidrodrini”.

“Hidrodrini” furnizon me ujë edhe komunat: Pejë, Istog, Klinë dhe Junik.

blank

Djali i Ukshin Hotit emërohet kryetar i delegacionit të Kosovës për bisedime lidhur me personat e zhdukur

Ish-deputeti i PDK-së, Andin Hoti, djali i veprimtarit shqiptar, Ukshin Hoti, është emëruar kryetar i delegacionit të Kosovës për bisedime me Serbinë në çështjen e personave të zhdukur.

Para pak ditësh, kryeministri i Kosovës, Albin Kurti e emëroi Hotin në pozitën e kryesuesit të Komisionit Qendror për Persona të Zhdukur.

 

Përmes një njoftimi për media, zyra e kryeministrit tha se “obligim i yni si Qeveri që të bëjmë më të mirën e mundshme për t’ua zbutur këtë gjendje duke u angazhuar më shumë për zbardhjen e fatit të më të dashurve të tyre”.

“Çështja e personave të zhdukur është një nga çështjet prioritare të Qeverisë së Kosovës, dhe emërimi i sotëm tregon që kjo temë shkon përtej politikës. Dhimbja dhe ankthi me të cilën familjet përballen që 23 vite, rritet çdo ditë e më shumë. Për Qeverinë e Kosovës është e rëndësishme që të kemi një front të përbashkuar karshi Serbisë, në kërkesat tona për ballafaqim me të kaluarën”, është thënë një në njoftim.

blank

Kurti e takon kryediplomatin grek: Njohja e Kosovës nga Greqia do t’i kontribuonte paqes në rajon

Kryeministri i Kosovës, Albin Kurti e ka takuar sot ministrin e Jashtëm të Greqisë, Nikos Dendias. Kurti ka kërkuar që dy vendet t’i forcojnë marrëdhëniet bilaterale, duke i kërkuar Greqisë që ta njohë Kosovën, raporton Express,

Zyra e Kryeministrit ka thënë se Kurti ia ka përmendur kryediplomatit grek rëndësinë që ka përkrahja e Greqisë për Kosovën edhe në çështrjen e liberalizimit të vizave.

 

“Greqia dhe Kosova duhet të forcojnë marrëdhëniet bilaterale për shkak të lidhjeve të gjata historike dhe qëllimit të përbashkët për një të ardhme më të mirë në Ballkan, ka thënë Kryeministri i Republikës së Kosovës, Albin Kurti në takimin me ministrin e Jashtëm të Greqisë, Nikos Dendias, në Athinë. Duke e vlerësuar rolin e politikës së jashtme greke ndaj Kosovës, kryeministri Kurti tha se njohja e pavarësisë së Kosovës do t’i kontribuonte paqes dhe sigurisë në rajon. Kryeministri theksoi edhe rëndësinë që ka përkrahja e shtetit grek për liberalizimin e vizave për qytetarët e Kosovës”, thuhet në komunikatën e ZKM-së

Sipas Zyrës së Kurtit, kryediplomati grek ka thënë se Greqia është e interesuar t’i forcojë marrëdhëniet me Kosovën dhe ta ndihmojë Kosovën në liberalizimin e vizave.

“Ministri i Jashtëm grek tha se duke pasur parasysh historinë dhe gjeografinë e përbashkët të rajonit Greqia është shumë e interesuar të forcojë marrëdhëniet bilaterale me Kosovën. Ai shprehu vullnetin dhe gatishmërinë e shtetit grek për të intensifikuar bashkëpunimin ekonomiko-tregtar dhe për investime të reja në Kosovë. Ministri Dendias tha se Greqia vazhdimisht avokon për  liberalizmin e vizave dhe se do të përkrahë e ta ndihmojë Kosovën në rrugën europiane dhe euro-atlantike”, thuhet në komunikatën e ZKM-së.

Në takim u diskutua po ashtu edhe për zhvillimet politike dhe projektet energjetike rajonale.

blank

Ambasadori spanjoll në Beograd: Mosnjohja e Kosovës i shkakton probleme Spanjës

Spanja nuk e njeh Kosovën, por kjo i shkakton probleme të konsiderueshme Madridit zyrtar, tha ambasadori spanjoll në Beograd, Raul Bartolome Molina, transmeton Gazeta Express.

Në një intervistë për Novostin e Serbisë, Molina tha se pozicioni i Spanjës në lidhje me Kosovën është politikë zyrtare shtetërore.

“Mosnjohja e Kosovës bazohet në respektimin e rreptë të së drejtës ndërkombëtare dhe parimeve themelore të saj, siç është respektimi i integritetit territorial, të cilat janë shkelur”, tha Molina.

I pyetur nëse Spanjës po i ushtrohet presion për ta ndryshuar pozicionin e saj, Molina mohoi, duke thënë se qëndrimi i këtij shteti nuk është kapriçioz dhe arbitra.

“Megjithatë, është e vërtetë që mosnjohja shkakton probleme të konsiderueshme për Spanjën, veçanërisht në kontekstin e organizatave ndërkombëtare”, theksoi ai.

Kur u pyet për t’i komentuar spekulimet e fundit se Spanja e ka në plan të hapë zyrë ndërlidhëse në Prishtinë, Molina deklaroi se kjo nuk do të supozonte ndryshimin e pozicionit spanjoll.


Send this to a friend