VOAL

VOAL

Please Wait ...
0%

Ndalohet transmetimi i kompanive radiotelevizive që kanë lidhje me FETO

By | July 19, 2016

Komentet

Politikania boshnjake: Marrëveshja për shkëmbim territoresh Kosovë-Serbi pati përkrahjen e SHBA!

Politikania boshnjake, Sabina Çudiç ka thënë se Kosova dhe Serbia kanë pasur pajtim për shkëmbim territoresh, e cila marrëveshje ishte përkrahur edhe nga Shteteve të Bashkuara të Amerikës.

Përmes një shkrimi në llogarinë personale në Facebook, Çudiç ka thënë se ish-i dërguari për Ballkanin Perëndimor ka qenë pro shkëmbimit të territoreve mes Kosovës dhe Serbisë.

Ajo përmend edh kreun e Prishtinës, Shpend Ahmetin, për të cilin thotë se ka qenë prezent.

“E takova zotin Palmer në Uashington në prill të vitit 2019, në mbrëmje, në pritjen pas panelit në të cilin fola bashkë me kryetarin e Prishtinës, Shpend Ahmetin, atëherë anëtar i ekipit negociator të Kosovës. Pas pak minutash, biseda jonë u bë e pakëndshme kur e pyeta drejtpërdrejt nëse ai ishte në dijeni të nënkuptimit të mbështetjes (potencialisht dhe autorizimit) të idesë së shkëmbimit të territorit ndërmjet Kosovës dhe Serbisë”, tha ajo.

Tutje rrëfen ngjarjen ku thotë se në bisedë e sipër me Palmer, ishte bashkuar edhe Ambasadorja e Kosovës në Washington Vlora Çitaku.

Sipas Çudiç, Çitaku me nervozizëm e ka pyetur pse ka ndërhyrë në marrëveshjen që Kosova dhe Serbia duhet të arrijnë.

“Më herët atë ditë, oficeri i Ambasadës Serbe në Uashington, duke supozuar se di më shumë sesa dija në atë moment – ai më tha se marrëveshja ishte arritur, duke kërkuar një moment adekuat dhe të favorshëm nga administrata Trump për ta paraqitur atë marrëveshje si historike. Në një bisedë me zotin Palmer na u bashkua edhe Vlora Çitaku, në atë moment, ambasadorja e Kosovës në Washington”.

“Dëshmitare e përshkallëzimit të mosmarrëveshjes sime me Palmerin, duke dal në mbrojtje të tij – ajo me nervozizëm më pyeti pse ndërhyjë në marrëveshjen që Kosova dhe Serbia duhet të arrijnë? Unë iu përgjigja se pasojat katastrofike të një marrëveshjeje të tillë për Bosnje dhe Hercegovinën janë të padiskutueshme, por edhe për të gjithë Ballkanin. Të nesërmen unë dhe Çitaku duhet të ishim në takimin e përbashkët në Këshillin e Sigurisë Kombëtare. Rendi i ditës ishte ndryshuar në minutën e fundit – Më njoftojnë se pas adresimit tim të djeshëm, unë duhet të dal para se të fillojë informimi për Kosovën. Adresim im lidhej me kërcënimet e sigurisë në lidhje me vazhdimin e forcave destruktive të krahut të djathtë”, tha ajo.

Po ashtu Çudiç shtoi se plani për shkëmbim të territorit të Serbisë dhe Kosovës u ndal nga opozita e Kosovës në vitin 2019 – me angazhim të mbinatyrshëm në Bashkimin Evropian dhe Senatin Amerikan.

Ndryshe, Çudiç është zëvendëspresidente e partisë “Nasha Stranka” me seli në Sarajevë të Bosnje-Hercegovinës.

Katër fëmijë emigrantë mbyten në brigjet e Greqisë

Ministri i Emigracionit i Greqisë tha se katër fëmijë kanë vdekur, pasi një gomone që transportonte emigrantë nga brigjet e Turqisë, u fundos të martën pranë ishullit lindor grek, Kios.

Notis Mitarachi tha se 22 persona janë nxjerrë të gjallë dhe se së paku një emigrant është ende i zhdukur.

“Me gjithë përpjekjet më të mira të rojës bregdetare, katër fëmijë – të gjithë nga mosha 3 deri në 14 vjeç – konfirmohen të vdekur”, shkroi Mitarachi në një postim në Twitter.

Ai e akuzoi Turqinë për mosrespektim të një marrëveshjeje të vitit 2016 me Bashkimin Evropian.

“Autoritetet turke duhet të bëjnë më shumë për të parandaluar shfrytëzimet nga bandat kriminale. Këto udhëtime nuk duhet të lejohen kurrë të ndodhin”, tha Mitarachi.

Turqia strehon numrin më të madh të refugjatëve në botë – rreth 4 milionë – dhe thotë se BE-ja është e ngadalshme në përmbushjen e premtimeve për mbështetje financiare.

Migrantët dhe refugjatët që përpiqen të arrijnë në vendet e BE-së janë kryesisht të ikur nga luftërat dhe varfëria në Lindjen e Mesme dhe në Azinë Jugore.

Dodik s’heq dorë nga shpërbërja e Bosnjës, Daçiq: Mund të llogarisë në mbështetjen e Serbisë

Anëtari serb i Presidencë së Bosnjë e Hercegovinës, Millorad Dodik konfirmoi se ai nuk do të heq dorë nga miratimi i ligjeve që do t’i sfidonin fuqitë e shumta të vendit dhe do t’i transferonin ato në nivel të Republika Srpskas, ndërsa kryetari i parlamentit serb, Ivica Daçiq tha se ai mund të llogarisë në mbështetjen e plotë të Beogradit zyrtar, shkruan agjencia kroate e lajmeve, Index.hr, transmeton Gazeta Express.

Daçiq shkoi në Banja Llukë për të marrë pjesë në kremtimin e 30 vjetorit të punës së parlamentit të Republika Srpskas, i cili konsiderohet pasardhësi i të ashtuquajturit “Kuvendi i Popullit Serb në BeH”, i themeluar në mënyrë jokushtetuese në vitin 1991.

Të hënën, Daçiq tha se akti i tri dekadave më parë tregoi besimin se serbët mund të jenë “të vetëm” dhe se ata e kanë mbështetjen absolute të Serbisë në këtë qëllim.

Në një konferencë shtypi, Dodik e quajti Daçiqin politikan që është “shumë kompetent” për situatën në BeH dhe që është gati ta ndihmojë RS kur të jetë e mundur.

Dodik rikonfirmoi këmbënguljen që parlamenti i RS të miratojë ligje në ditët në vijim që do t’ia “rikthejnë” njësisë kompetencat e transferuara në nivelin e Bosnjës si shtet.

“Të jeni të sigurt se do ta bëjmë”, tha Dodik.

Kroaci, fillon mbledhja e nënshkrimeve për referendum kundër futjes së euros

Zagreb

Nisma e referendumit “Të mbrojmë kunën kroate” ka filluar mbledhjen e nënshkrimeve për një referendum në të cilin, nëse shpallet, qytetarët kroatë do të kenë mundësinë të votojnë kundër futjes së euros si valutë kombëtare, ose për mbijetesën e mëtejshme të kunës, raporton Anadolu Agency (AA).

Nisma përbashkët “Të mbrojmë kunën kroate” nga sovranistët kroatë dhe Partia Kroate e të Drejtave (HSP), do të përpiqet të mbledhë rreth 370.000, ose 10 për qind të nënshkrimeve, në më shumë se 250 lokacione në gjithë Kroacinë nga numri i përgjithshëm i votuesve sipas regjistrimit të vitit 2011 në 15 ditët e ardhshme, për shpalljen e një referendumi në të cilin qytetarët do të vendosin nëse janë kundër futjes së euros si valutë dhe për mbijetesën e kunës, e cila është monedha kombëtare kroate për 25 vjet.

Marko Milanoviç Liter, kryetar i komitetit organizativ të iniciativës “Të mbrojmë kunën kroate”, deklaroi se pyetja e referendumit do të ishte: ‘A jeni për futjen e një dispozite në kushtetutën kroate që thotë: Njësia monetare e Republikës së Kroacisë është kuna e ndarë në njëqind lipa?’ Vendimi për ndryshimin e monedhës në Republikën e Kroacisë merret nga votuesit në referendum”.

Milanoviç Liter theksoi se kjo çështje referendumi nuk bie ndesh me marrëveshjet ndërkombëtare që Kroacia tashmë i ka nënshkruar me Bashkimin Evropian.

“Konsiderojmë se Gjykata Kushtetuese e Republikës së Kroacisë do të duhet ta konfirmojë këtë çështje kur të mbledhim një numër të mjaftueshëm nënshkrimesh. Me këtë referendum ne duam t’i kthejmë popullit kroat fuqinë për të vendosur për të ardhmen dhe proceset politike në Kroaci. Euro dëshiron të futet me forcë, pa pyetur opinionin publik të qytetarëve kroatë dhe kjo është ajo që ne duam të ndryshojmë me këtë iniciativë për referendum”, tha Milanoviç Liter.

Ai shtoi se Kroacia ka marrë përsipër të fusë euron në marrëveshjen me Bashkimin Evropian, por se marrëveshja nuk përcakton kohën dhe kushtet se kur do ta bëjë këtë. Liter beson se Kroacia aktualisht nuk është as ekonomikisht dhe as shoqërisht e gatshme për euron.

Ai paralajmëroi se të gjitha vendet anëtare kanë pasur inflacion kur futën euron dhe se as Kroacia nuk do të kursehet.

Ushtria greke dhe egjiptiane i afrohen kufirit të Turqisë, reagon Ankaraja

Greqia dhe Egjipti zhvilluan ditët e fundit një stërvitje të përbashkët ushtarake në zonën përreth Kretës duke shkaktuar mjaft shqetësim në Ankara. Mediat greke e përshkruan këtë stërvitje si një mesazh të fortë ndaj Turqisë dhe “synimeve të saj ekspansioniste në rajon” duke dhënë edhe detaje nga operacioni i përbashkët.

Mësohet se në stërvitjen e përbashkët ajrore morën pjesë 14 avionë ushtarakë. 8 prej tyre, të modelit F-16 ishin të Greqisë, kurse nga Egjipti u angazhuan 4 Mig-29 dhe dy F-16.

Stërvitja zhvillohet pas nënshkrimit në prill të marrëveshjes mes Shtabit të Përgjithshëm të Ushtrisë greke dhe asaj egjiptiane për një bashkëpunim  më të zgjeruar në rajonin e Mesdheut.

“Hurriyet” e ka cilësuar këtë një provikim të rëndë duke iu referuar burimeve nga ushtria turke.

Gjithçka ndodh teksa Franca ke reaguar pozivitisht ndaj një zhvillimi të tillë. Ajo ka firmosur një marrëveshje të gjerë ushtarake me Greqinë për shitjen e katër anijeve ushtarake si edhe të disa avionëve të avancuar “Rafale”, raporton abcnews.al

Krahas Greqisë, Turqia nuk ka raporte të mira edhe me Egjiptin që prej vitit 2012 kur Abdul Fattah Al Sisi rrëzoi përmes një grushti shteti presidentin islamist Al Mursi.

Bërnabiq thotë se ishte planifikuar vrasja e Vuçiqit

RFE/RL

Kryeministrja e Serbisë, Ana Bërnabiq deklaroi se ka pasur një plan për vrasjen e presidentit të këtij shteti, Aleksandar Vuçiq. Siç tha Bërbaniq, vrasja ishte planifikuar të ndodhte gjatë zbulimit të monumentit të Stefan Nemanjës, që u bë më 27 janar të këtij viti në Beograd.

“(Vrasja) Është planifikuar prej kohësh dhe në detaje. Janë formuar struktura paralele në Ministrinë e Brendshme (MPB) dhe janë bërë fushata në mediat e manjatëve, që janë transmetuar edhe në mediat në rajon për dehumanizimin e Vuçiqit, që ta shndërronin atë dhe familjen e tij në një grup kriminal”, tha Bërnabiq më 24 tetor për televizionin Pink.

Bërnabiq tha se këtë rast janë duke u marrë shërbimet kompetente dhe përgjegjësit nuk do të mund t’i ikin drejtësisë pa marrë parasysh “emrin dhe mbiemrin, funksionin dhe përkatësinë partiake”.

Kryeministrja serbe deklaroi se akuzat për përgjimet e Vuçiqit në aferën “Jovanjica” janë “tentativë për grusht-shtet”.

Prokuroria për Krim të Organizuar në janar nisi hetimet për shkak të përgjimeve të paautorizuara të presidentit të Serbisë, Aleksandar Vuçiq.

Siç ka thënë vetë Vuçiqi, dyshohet se ai është përgjuar nga shërbimet vendase.

MPB-ja ka kompetencë mbi këto shërbime. Kjo ministri ishte drejtuar nga Nebojsha Stefanoviq nga viti 2014 deri më 2020, kur ai u emërua ministri i Mbrojtjes. Këtë post ai e mban edhe sot.

Stefanoviq ka deklaruar vazhdimisht se ai kurrë nuk ka marrë pjesë “në ndonjë aktivitet që do ta rrezikonte presidentin Vuçiq apo anëtarët e familjes së tij”.

Edhe ish-sekretarja shtetërore e Ministrisë së Punëve të Brendshme të Serbisë, Diana Hërkaloviq, ishte përmendur se mund të jetë e lidhur me aferën e përgjimit të presidentit. Ajo u arrestua më 15 tetor.

Në media u raportua në janar se Hërkaloviq ishte një prej personave që ishte marrë në pyetje lidhur me aferën e përgjimit të Vuçiqit. Ministria e Brendshme dhe Prokuroria as nuk kanë mohuar e as pohuar këtë pretendim, ndërkaq Hërkaloviq po ashtu nuk është deklaruar publikisht për këtë çështje.

Afera e njohur si “Jovanjica” u bë publike në nëntor të vitit 2019, kur policia gjeti 1.6 ton marijuanë në një fermë të produkteve organike ushqimore, në pronësi të Pregrad Koluvija.

Një nga dy aktakuzat në këtë çështje, që ende është në fazën e gjykimit, përfshiu tetë persona, mes të cilëve pjesëtarë të policisë, Agjencisë së Informacionit të Sigurisë dhe Agjencisë së Inteligjencës Ushtarake, që akuzohen se kanë mbrojtur pronarin e kësaj prone bujqësore.

I pandehuri në këtë rast, Pregrad Koluvija është në arrest shtëpiak pasi Gjykata e Apelit ia hoqi masën e paraburgimit, që ishte prej vitit 2019 dhe më 1 tetor ai dha një intervistë që e bëri avokati i tij, që njëherësh është anëtar i kryesisë së partisë në pushtet, Partisë Përparimtare Serbe, Vladimir Gjukanoviq.

Ky rast po ashtu ka marrë vëmendje për shkak të pretendimeve të opozitës dhe mediave se zyrtarët e lartë shtetërorë janë të lidhur me aferën e përgjimeve, por këto pretendime janë hedhur poshtë nga autoritetet.

Erdogan kërkon që 10 ambasadorë të shpallen “non grata”

Presidenti i Turqisë, Recep Tayyip Erdogan tha të shtunën se ka urdhëruar Ministrinë e Jashtme të shpallë “persona non grata” (persona të padëshirueshëm) dhjetë ambasadorë nga shtetet perëndimore, përfshirë edhe atë të Shteteve të Bashkuara, pasi ata kanë bërë thirrje për lirimin e filantropistit, Osman Kavala.

Kavala është në burg që prej vitit 2017, pasi akuzohet se ka financuar protestat mbarëkombëtare të vitit 2013 dhe për përfshirje në tentim grushtshtetin e vitit 2016. Ai i mohon të gjitha akuzat.

Përmes një deklarate të përbashkët më 18 tetor, ambasadorët e Shteteve të Bashkuara, Kanadasë, Danimarkës, Francës, Gjermanisë, Holandës, Norvegjisë, Suedisë, Finlandës dhe Zelandës së Re kërkuan që sa më shpejt të zgjidhet çështja e Kavalas. Ata u thirrën në bisedë nga Ministria e Jashtme, që e quajti këtë deklaratë të përbashkët si të papërgjegjshme.

“Kam dhënë urdhrin e nevojshëm Ministrisë sonë të Jashtme dhe kam thënë atë që duhet bërë: këta dhjetë ambasadorë duhet të shpallen ‘persona non grata’. Do ta zgjidhni menjëherë”, tha Erdogan gjatë një fjalimi në një tubim në Eskisehir, në veriperëndim të Turqisë.

Vitin e kaluar, Kavala u shpall i pafajshëm për akuzat lidhur me protestën, por vendimi u rrëzua këtë vit dhe u kombinua edhe me akuzat e çështjes tjetër, atë të tentim grushtshtetit.

Grupet e të drejtave të njeriut thonë se rasti i tij është simbol i goditjes që Erdogan i bën disidencës.

Mali i Zi i ofron azil politik biznesmenit të kërkuar nga Rusia

RFE/RL

Mali i Zi i ka ofruar azil politik biznesmenit azerbajxhanas, Telman Ismailov, ka konfirmuar avokati i tij, Milosh Vuksanoviq, për Radion Evropa e Lirë (RFE) të premten, më 22 tetor.

“Ismailovit iu garantua azili politik në Mal të Zi nga organi kompetent në Ministrinë e Punëve të Brendshme të Malit të Zi dhe ai u lirua nga paraburgimi”, tha Vuksanoviq.

Ismailov u arrestua në Podgoricë pasi ndaj tij kishte një urdhër-arrest dhe kërkesë për ekstradim. Biznesmeni Ismailov po qëndronte në paraburgim i cili ishte vendosur nga Gjykata e Lartë e Podgoricës.

Gjykata pati thënë ka “rrezik të arratisjes” pas arrestimit të tij.

Ndërkohë, më 15 tetor, Mali i Zi ka pranuar një kërkesë zyrtare nga Prokuroria e Përgjithshme e Rusisë për ekstradimin e Ismailovit.

Avokati Vuksanoviq beson se ai nuk mund të ekstradohet në Rusi “pasi iu ofrua azili politik”.

“Interpretimi im i Ligjit për Ndihmën Juridike Ndërkombëtare, është që një person që gëzon azil në Mal të Zi nuk mund të ekstradohet në një shtet tjetër”, tha Vuksanoviq për Radion Evropa e Lirë.

Mediat kanë raportuar se ai kërkohet për përfshirje në vrasjen e dy biznesmenëve, por pas arrestimit në Mal të Zi, avokati tij pati thënë se Ismailov e mohon këtë dhe e quan urdhër-arrestin i Rusisë ndaj tij si rezultat të një persekutimi politik dhe ekonomik.

Mediat raportuan se në fund të vitit 2018, djali i tij Alekper Ismailov bleu gjysmën e kapitalit aksionar të Kazino Avala në Budvë të Malit të Zi.

Megjithatë në Regjistrin Qendror të Bizneseve në Mal të Zi, më 4 tetor 2021, emri i Alekper Ismailov nuk është i shkruar si pjesë e pronësisë së kompanie.

Babai i tij, dikur ka qenë një nga biznesmenët me lidhje të shumta në Rusi. Më 2009 autoritetet ruse ia mbyllën një treg në ambient të jashtëm për shkak të “shkeljeve sanitare dhe të sigurisë” dhe kryerjen e aktiviteteve të paligjshme.

Në atë kohë, Komiteti Hetues i Rusisë tha se ai treg funksiononte si një “shtet brenda një shteti”. Kritikët thonë se mbyllja e tregut Cherkizovsky mund të ketë qenë pjesë e një beteje për pasuri të patundshme në Moskë.

Ky biznesmen ka qenë në shënjestër të presidentit rus, Vladimir Putin, për shkak të stilit të tij të jetës luksoze.

Putin pati thënë se miliarda dollarët e fituar në Rusi, duhet të investohen në vend, dhe jo në projekte jashtë.

Ismailov përfundimisht pati ikur nga Rusia dhe pronat e tij atje u konfiskuan.

Rasti ‘Kavala’, Erdogan i shpall luftë Sorosit: Turqia nuk është Shqipëria

Pas kthimit në Turqi pas vizitave të tij në Afrikë, Presidenti Erdogan iu përgjigj pyetjeve të gazetarëve në avion dhe ai bëri komente të jashtëzakonshme lidhur me deklaratën skandaloze të 10 ambasadorëve për thirrjen për lirimin e Osman Kavalës një filantropist i burgosur në Turqi që nga viti 2017.

Duke iu përgjigjur pyetjeve të gazetarëve në avionin që kthehej nga Afrika, Presidenti Rexhep Tajip Erdogan deklaroi se lufta kundër terrorizmit do të vazhdojë me të njëjtin vendosmëri, duke e cilësuar Kavalën, i cili është njeri i Xhorxh Sorosi, si terrorist.

Duke iu përgjigjur pyetjes ‘Çfarë shihni në sfondin e kësaj’, Erdogan tha: ‘Ajo që është Soros në komunitetin ndërkombëtar, është rasti Kavala.’ Duke u shprehur se këta emra po përpiqen të tundin vendin që duan me para, Erdogan tha: Tani po hyn edhe djali i Soros. Ai është si babai i tij. Ato duhen ndjekur me shumë kujdes. Për shembull, ata po përpiqen të depërtojnë në Ballkan, të frikësojnë Ballkanin. Natyrisht, ne nuk do t’u japim atyre një mundësi, ata nuk duhet të jenë. Ata bëjnë gjëra të ngjashme në Kosovë, Maqedoni, Shqipëri, kudo. Prandaj, ne duhet ta vendosim atë nën vetëdijen tonë një herë. Elhamdulilah, ne si Turqi jemi të fortë dhe nuk mund të depërtojnë tek ne. Ka një rënie serioze të numrit të terroristëve. ‘Ne do të vazhdojmë luftën kundër terrorizmit me të njëjtën vendosmëri,’ tha ai.

Shikoni, tani GJYKATEN EVROPIANE TE TE DREJTAVE TE NJERIUT ka marrë një vendim. Ata gati duan të dënojnë Turqinë këtu për këtë mbetje të Sorosit të quajtur Kavala. Pse e bëjnë këtë deklaratë 10 ambasadorë, ata që e mbrojnë këtë tepricë të Sorosit po përpiqen ta realizojnë.

I thashë ministrit tonë të Jashtëm se nuk kemi mundësi t’i presim në vendin tonë. A është vendi juaj për t’i dhënë Turqisë një mësim të tillë? Kush je ti, çfarë është, largohu nga Kavala. A i lini banditët, vrasësit, terroristët në vendin tuaj? Amerika, Gjermania, cila ka bërë ndonjëherë një gjë të tillë?

Nuk bënë dhe nuk do të bëjnë. Përgjigjja që do t’ju japin kur ai të flasë është, ‘gjyqësori është i pavarur’. A është gjyqësori i pavarur në ju, por i varur nga gjyqësori ynë? Gjyqësori ynë jep shembujt më të mirë të pavarësisë. Nuk mund të presim asgjë tjetër prej tyre. Si AK Parti dhe MHP, ne goditëm të njëjtin objektiv kur bëhet fjalë për të drejtat e kombit tonë në Aleancën Popullore. Por të tjerët nuk godasin të njëjtin objektiv. Ata po veprojnë së bashku. Çfarë është ajo? Ai ka 4 vjet që fle.

Çfarëdo që të thotë gjykata. Tani HDP po përpiqet gjithashtu të largojë Selahattin Demirtaş-in. Shikoni aureolën. Njeriu terrorist… 53 qytetarë tanë po vdesin pas thirrjes së kësaj në Dijarbakır. Ju e dini se si u martirizua foshnja jonë Yasin Bör. Ndërsa e gjithë kjo është në mes, shikon një kanal televiziv që e heq gruan, e bën të flasë dhe ajo thotë ‘babai i fëmijëve të mi është brenda’. Babai i fëmijëve tuaj është gjithashtu brenda, Jasin Boru u martirizua. Të tjerë ranë dëshmorë në të njëjtën mënyrë. Pra nuk kanë këlyshë? Çfarë do të ndodhë me ta?

Ata kurrë nuk flasin për të. Ata vazhdimisht kritikojnë qëndrimin tonë për këtë çështje. Më falni, përderisa jemi në këtë detyrë, ne jemi të detyruar të kërkojmë që çfarëdo që të jetë ligji, atë që është e nevojshme. Këtu nuk mund të bëjmë kompromis. Kiliçdaroglu, kreu i opozitës kryesore, tha se ‘vrasjet politike mund të kryhen’. Ju bëtë një ankesë për të.

A mund të marrim pikëpamjet tuaja për këtë temë? Së pari, këto deklarata të kreut të opozitës kryesore janë krejtësisht të çmendura. Ai ose do të mësojë politikë ose do të mësojë politikë; nuk ka rrugëdalje tjetër. Kur thua vrasje politike, ke çfarë të bësh. Çfarë është kjo? Do ta vërtetoni. Nuk ka asnjë provë të tillë. Thuajse një i çmendur hodhi një gur në një pus, 40 të zgjuar nuk mund ta nxirrnin.

Kështu është. Si e thua këtë? Sepse rregulli i ligjit është shumë i qartë; Paditësi është përgjegjës për vërtetimin e pretendimit të tij. Duhet ta provosh. Nëse nuk mund ta dëshmoni, ju qëndron. Në fakt, të gjithë miqtë tanë kanë thënë se çfarë duhet të bëjnë për këtë çështje. Por kjo është e njëjta, ato pranë saj janë të njëjta.

Ata flasin për të njëjtat gjëra pa pushim. Miqtë tanë avokatë kanë hapur raste në lidhje me këtë tani. Ai gjithashtu e kapi. Pse? Sepse ai flet për atë që nuk është. Po kështu, tjetri flet për atë që nuk është. Siç e dini, tani i ka ftuar edhe Prokuroria e Përgjithshme. Me ftesë të Prokurorit të Përgjithshëm, ata do të dëshmojnë. Le të shohim se çfarë kanë për të thënë. Projektligji, i cili parashikon zgjatjen e operacionit ndërkufitar në Siri dhe Irak edhe për dy vjet, është dorëzuar në Kryesinë e Kuvendit.

Bashkëkryetari i HDP-së Mithat Sancar u bëri thirrje partnerëve të Aleancës Kombe, Partisë së Mirë dhe CHP-së, të ndryshojnë qëndrimin e tyre për rezolutat ushtarake. Me fjalë të tjera, ata e bënë çështjen tonë të sigurisë kombëtare çështje negocimi. Çfarë mendoni për këtë temë. Ju thatë edhe një ditë më parë: ‘Nuk kemi më durim, do të ndërmarrim hapat e nevojshëm.’ Ky u cilësua edhe si sinjal i një operacioni ndërkufitar. Çfarë doni të thoni për këtë temë?

A keni ndonjë Për momentin, operacionet tona vazhdojnë në pika kritike të ndjeshme në rajonin tonë. Absolutisht asnjë kompromis. Ne vazhdojmë këtë proces në Siri. Për momentin, nuk e di se si do të mbajë regjimi, por ne vazhdojmë të bëjmë gjithçka që është e nevojshme, veçanërisht kundër kësaj qasjeje në Idlib dhe vazhdojmë të përgjigjemi me të gjitha armët tona të rënda. Nuk mund të lejojmë që kjo gjë të marrë rrjedhën e saj.

Ju shkuat në Baku në qershor dhe vizituat Shushën. E dinim që do të ndërmerreshin hapa për hapjen e Korridorit të Zangezurit. Ndonjë përparim në këtë? Do të jeni sërish aty për hapjen e aeroportit të Fuzulit më 26 tetor. A keni detaje rreth programit tuaj? Baku nuk është në program, por shpresoj të hapim aeroportin. Për këtë çështje kemi biseduar edhe me vëllain tim Ilham Aliyev. Në programin e asaj dite, shpresoj se do të hapim aeroportin dhe disa autostrada atje dhe disa hapa të ndërmarrë në lidhje me bujqësinë. Vendosmëria jonë në lidhje me hapjen e Korridorit Zangezur mbetet e njëjtë.

Meqë ra fjala, ne i dhamë dhe po i japim minahedhësit tanë Azerbajxhanit. Ata gjithashtu u vlerësuan shumë. Këto automjete ishin shumë të suksesshme në pastrimin e minave. I dhamë nga dy Togos dhe Burkina Fasos. Ata ishin gjithashtu shumë të lumtur. Irani ka një aktivitet ushtarak në kufirin e Nakhchivanit dhe Kaukazit jugor. Irani i referohet edhe marrëdhënieve të Azerbajxhanit me Izraelin.

Pasi Turqia kthehet në një aktor aktiv dhe të përhershëm në Kaukaz, a kanë kuptim këto veprime të Iranit dhe a do të kthehet kjo në një krizë të nxehtë? Unë personalisht nuk kam një pritshmëri të tillë. Për shkak të marrëdhënieve të Izraelit me Azerbajxhanin, Irani nuk do të jetë në gjendje të ngrihet dhe ta vendosë Azerbajxhanin në shënjestër kundër Azerbajxhanit. Sepse sot, shkalla e azerëve në Iran është e dukshme. Kjo sigurisht të bën të mendosh. Nuk është aq e lehtë. Puna e bërë është e gabuar.

Unë mendoj se Irani, administrata e re, nuk do ta vazhdojë këtë gabim. Ju pëlqeu biseda katërpalëshe në kopsht gjatë takimit tuaj me liderët e Togos, Burkina Fasos dhe Liberisë. Çfarë ndodhi atje, çfarë u fol dhe u shfaq ai imazh i këndshëm? Presidenti Liberian Ueah është një ish -futbollist. Ai hyri në politikë pas futbollit. Ai thotë se e do shumë Galatasaray. Ai ka luajtur për shumë klube të mëdha futbolli si Monaco, Paris Saint-Germain, AC Milan, Chelsea dhe Manchester City dhe Marseille.

Ai u zgjodh edhe lojtari i vitit, mori edhe çmimin Topi i Artë, të cilin e mori edhe Ronaldo. Sigurisht, ai i mori shumë mirë paratë e transfertave. Ishte një bisedë e bukur ku ne buzëqeshëm për një shaka që bëmë për këtë.

Banka Botërore rrit parashikimin për rritjen e ekonomisë së Shqipërisë, Kosovës dhe Maqedonisë së Veriut

Tiranë/Prishtinë/Shkup

Sipas raportit të fundit të Bankës Botërore (BB), ekonomitë e Shqipërisë, Kosovës dhe Maqedonisë së Veriut po rimëkëmben më shpejt se sa pritej, pas krizës së shkaktuar nga pandemia e koronavirusit të ri (COVID-19), transmeton Anadolu Agency (AA).

Këto tre vende nuk janë përjashtim në Ballkanin Perëndimor, pasi i tërë rajoni po kthehet nga recesioni i shkaktuar nga pandemia COVID-19 e vitit 2020.

– Shqipëria

Pas tkurrjes së ekonomisë me 4 për qind gjatë vitit 2020, për vitin 2021 parashikohet që rritja e Prodhimit të Brendshëm Bruto (PBB) në Shqipëri të shkojë në 7,2 për qind, thuhet në botimin e fundit të raportit periodik ekonomik për Ballkanin Perëndimor të prezantuar online.

“Gjatë vitit 2021 ekonomia shqiptare ka shfaqur shenja inkurajuese të rimëkëmbjes”, u shpreh gjatë prezantimit të raportit, Emanuel Salinas, menaxher i Zyrës së Bankës Botërore për Shqipërinë.

Sipas Bankës Botërore, Shqipëria ka mundësi të forcojë qëndrueshmërinë e modelit të saj ekonomik dhe të zbatojë reformat që do të mbështetin më tej rritjen gjithëpërfshirëse e të qëndrueshme, duke ruajtur stabilitetin makroekonomik.

“Kjo rimëkëmbje e fortë mbështetet kryesisht te konsumi, turizmi dhe ndërtimi. Në vijim, pritet që rritja të jetë në nivel mesatar prej 3,8 për qind për vitin 2022 dhe 3,7 për qind për vitin 2023. Në fund të vitit 2021, parashikohet që niveli i varfërisë në Shqipëri të bjerë në nivelin e para pandemisë. Punësimi dhe pjesëmarrja e forcës së punës janë po ashtu drejt rimëkëmbjes, edhe pse me ngadalësi”, theksohet në raport.

Sipas raportit, rajoni i Ballkanit Perëndimor është përmirësuar në mënyrë të konsiderueshme, me një rritje të PBB-së që parashikohet të arrijë në 5,9 për qind për 2021.

– Kosova

Raporti i BB-së për Kosovën thotë se në vitin 2021 PBB-në do të tejkalojë nivelet e vitit 2019 deri në fund të vitit, por rreziqet për parashikimin mbeten të larta pasi vendi vazhdon të përballet me pandeminë.

Aktiviteti ekonomik në vitin 2021 pritet të zgjerohet me 7.1 për qind pas një rikthimi më të fortë sesa pritej në vizitat e diasporës, rikthimin e besimit të konsumatorëve dhe rritjen e kredive për konsum, bëhet e ditur tutje në raport.

Raporti thekson se të hyrat publike po përjetojnë një rikthim të paparë për shkak të aktivitetit më të lartë ekonomik, por edhe për shkak të inflacionit më të lartë dhe masave të përmbushjes tatimore, ku si rezultat i kësaj, deficiti fiskal pritet të ulet në 2021.

Menaxheri i vendit i Bankës Botërore për Kosovën dhe Maqedoninë e Veriut, Massimiliano Paolucci tha se në të gjithë Ballkanin Perëndimor, përfshirë Kosovën, ekonomitë por rimëkëmben më shpejtë se sa është parashikuar.

“Duhet të krijohet një shtytje për më shumë mundësi ekonomike, me politika dhe investime që fokusohen në reforma afatgjata për të transformuar rrënjësisht modelin e rritjes së Kosovës në një model që krijon vende të punës duke u udhëhequr nga produktiviteti më i lartë”, tha Paolucci, duke theksuar se thirrja e njëjtë vlen për gjithë rajonin.

Rritja në rajon parashikohet të arrijë 4.1 për qind në 2022 dhe 3.8 për qind në 2023. Norma e varfërisë për rajonin parashikohet t’i rikthehet trendit të saj para-pandemik me rënie dhe të bie me rreth 1 pikë përqindjeje në 20.3 për qind, afër nivelit të vitit 2019.

– Maqedonia e Veriut

Maqedonia e Veriut nuk është përjashtim në Ballkanin Perëndimor, pasi i tërë rajoni po kthehet nga recesioni i shkaktuar nga pandemia COVID-19 e vitit 2020, falë një rimëkëmbjeje më të shpejtë se sa pritej në vitin 2021.

“Ky opinion pozitiv për Maqedoninë e Veriut është ende i rrethuar nga rreziqe negative, me ritmin e imunizimit të ulët dhe zinxhirët e furnizimit që janë ende të ndërprerë, ndërsa kushtet financiare kanë filluar të shtrëngohen”, tha menaxher i Bankës Botërore për Kosovën dhe Maqedoninë e Veriut, Massimiliano Paolucci.

Në raport theksohet se tregu i punës kërkon vëmendje, pasi humbjet e vendeve të punës nga recesioni kanë prekur në mënyrë disproporcionale gratë dhe të rinjtë, duke rritur papunësinë e të rinjve në 37,7 për qind në 2021.

Gjithashtu, nga BB theksojnë se Maqedonia e Veriut dhe vendet e tjera të Ballkanit Perëndimor do të duhet të përqendrohen në krijimin e vendeve të punës dhe transformimin ekonomik, përfshirë tranzicionin e gjelbër.

BB vlerëson se vendet e Ballkanit Perëndimor do të përfitonin nga reformat në mjedisin e biznesit, qeverisjen dhe digjitalizimin, të cilat mund të kontribuojnë në mbylljen e hendekut me vendet e BE-së.

Gjithashtu, theksohet se menaxhimi efektiv i tranzicionit të gjelbër, duke përfshirë edhe shkëmbimet e shumta të politikave, do të duhet të jetë një fokus kryesor i vëmendjes së politikave për Ballkanin Perëndimor në vitet në vazhdim.

Gjukanoviç: Kemi sulm nga nacionalizmat e fuqive të mëdha mbi sistemin shtetëror të Ballkanit Perëndimor

“Autorët e këtyre nacionalizmave mendojnë se ata thjesht kanë kaluar një kohë të keqe dhe tani po përpiqen të bëjnë atë që nuk arritën ta bëjnë në fillim të viteve 1990”, tha Gjukanoviç

Rusmin Radic   |15.10.2021
Budvë

Në Ballkanin Perëndimor, tema kryesore ka ndryshuar në gjashtë muajt e fundit, kështu që historia e integrimit evropian ka të bëjë kryesisht me stabilitetin sot, tha presidenti i Malit të Zi, Milo Gjukanoviç në Forumin 2BS, i cili po mbahet në Budvë, raporton Anadolu Agency (AA).

Gjukanoviç paralajmëroi se edhe sot “ne kemi një sulm të nacionalizmave të fuqive të mëdha mbi sistemin shtetëror të Ballkanit Perëndimor”.

“Së pari, ky stabilitet u kërcënua në Mal të Zi. Brukseli pohoi se reformat e ngadalta ishin përgjegjëse. Ne pretenduam se zvarritja e zgjerimit shkaktoi ndryshim të fokusit”, tha Gjukanoviç.

Ai vuri në dukje se ka një shenjë barazie midis integrimeve evropiane dhe euroatlantike. “Nuk ka pasur politikë zgjerimi vitet e fundit dhe është logjike që çështja e stabilitetit të ketë qenë në axhendë”, tha Gjukanoviç.

Siç tha ai, atje ku nuk ishin mjaftueshëm të pranishëm Bashkimi Evropian dhe NATO, vendet e treta zunë vendin e tyre. Sipas Gjukanoviçit, ajo shfaqje i dha krahë nacionalizmit, i cili ra në gjumë për pak kohë pas Marrëveshjes së Dejtonit, por që nuk u zhduk kurrë.

“Autorët e këtyre nacionalizmave mendojnë se ata thjesht kishin një kohë të keqe dhe tani po përpiqen të bëjnë atë që nuk arritën të bënin në fillim të viteve 1990. Sot, për fat të keq, ne e kemi atë problem”, theksoi presidenti malazez.

Gjukanoviç beson se vendet e Ballkanit Perëndimor nuk kanë kapacitetet e tyre për të siguruar stabilitetin e rajonit, por që mund të forcohet me integrim.

“Ne nuk kemi nevojë të na hapet para kohe dera e BE-së, por problemi është kur ju merrni mesazhe shumë të pakta nga adresat e partnerëve, të cilat interpretohen më saktë si një mjegullim serioz i perspektivës evropiane”, theksoi Gjukanoviç.

Duke komentuar mesazhet nga rajoni, ai tha se “nacionalizmi impotent i Boris Tadiçit është zëvendësuar nga nacionalizmi agresiv i Aleksandar Vuçiç”.

“Ideja është e njëjtë. Tadiç bëri të njëjtën gjë që bëri Vuçiç, duke shkatërruar sovranitetin e vendeve fqinje, duke u nisur nga premisa e rreme se të drejtat e serbëve janë të rrezikuara. Tadiç bëri të njëjtën gjë, duke bërë thashetheme të tmerrshme për Malin e Zi”, tha Gjukanoviç.

Ai vuri në dukje se po bëhet një punë hibride kundër Evropës Perëndimore.

“Mali i Zi thërret dhe paralajmëron – Rusia nuk është e interesuar për Malin e Zi, aq sa është e interesuar të shkatërrojë sistemet e vlerave evropiane”, tha Gjukanoviç.

Ai shtoi se në fuqi është abuzimi i kishës si një instrument i nacionalizmit serbomadh, i cili, siç tha ai, minon sovranitetin e shteteve fqinje.

Forumi i këtij viti 2BS mblodhi së bashku shumë burra shteti rajonalë dhe ndërkombëtarë, politikanë dhe ekspertë të sigurisë. Tema kryesore e forumit është Ballkani Perëndimor si dhe perspektiva e Aleancës së NATO-s.

Vuçiq takohet me përfaqësuesit e serbëve të Kosovës

Presidenti i Serbisë, Aleksandër Vuçiq dhe zyrtarë të tjerë të lartë serbë gjatë takimit me përfaqësuesit e serbëve të Kosovës, në Rashkë të Serbisë. 13 tetor 2021.

 

RFE/RL

Presidenti serb, Aleksandër Vuçiq ka nisur një takim në Rashkë të Serbisë me përfaqësuesit politikë të serbëve të Kosovës.

Takimi po mbahet në kazermën lokale dhe të pranishëm janë zyrtarë të partisë kryesore të serbëve në Kosovë, Lista Serbe, por edhe përfaqësues të ushtrisë së Serbisë.

Ky takim mbahet pas një aksioni të zhvilluar nga Policia dhe Dogana e Kosovës kundër kontrabandës, që u zhvillua edhe në komunat në veri të Kosovës. Aksioni policor u kundërshtua nga serbët lokalë, të cilët protestuan dhe ngritën bllokada në Mitrovicë të Veriut dhe Zveçan.

Kryetari i Listës Serbe, Goran Rakiq tha se nëse diçka e tillë ndodh edhe një herë, do të ketë një rezistencë të përgjithshme të popullit serb.

“Nëse diçka e tillë ndodhë herën tjetër, ne do të bëjmë rezistencë të përgjithshme. Çfarë do të thotë kjo dhe sido që e kuptoni ju, president. Ne do të mbrohemi me gjithçka që kemi në dispozicion”, tha Rakiqi në takim.

Vuçiq u tha të pranishmëve se nëse është e nevojshme ai do të qëndrojë gjithë natën në Rashkë dhe shtoi se ai dëshiron që të dëgjojë mendimet e të gjithë të ftuarve.

“Ne do t’i zgjidhim të gjitha keqkuptimet”, tha Vuçiq, duke iu drejtuar të mbledhurve.

“Unë nuk do të flas për atë se sa ishim në vitin 1961 dhe se si ramë nga 27 në 11 për qind. Unë nuk do të kaloj nëpër zgjidhje të këqija nga viti 19999, heshtje në pogrom në 2004, ose në 2008, kur Kosova, kur Prishtina shpalli pavarësinë”, tha Vuçiq.

Siç tha, ai e dinë se çfarë mendojnë njerëzit e zakonshëm.

“Tetë vjet po kërkojmë të drejtat tona dhe po shohim se cilat janë rezultatet. Kështu që unë e kuptoj pakënaqësinë. Tani na ka mbetur vetëm mosbindja civile dhe largimi nga të gjitha institucioneve të Kosovës”, tha një nga përfaqësuesit e serbëve, i pranishëm, në takim.

Përveç Vuçiqit, në takim marrin pjesë edhe ministri i Brendshëm i Serbisë, Aleksandar Vulin, ai i Mbrojtjes, Nebojsha Stafanoviq si dhe drejtori i Zyrës për Kosovën në Qeverinë serbe, Petar Petkoviq.

Në këtë takim po marrin pjesë edhe qytetarë serbë nga Kosova, të cilët paraqitën problemet e tyre, kërkuan mbrojtje nga shteti i Serbisë dhe përdorën shprehje fyese kundrejt shqiptarëve.

Në takim, disa qytetarë nuk ishin të kënaqur me reagimin e Serbisë dhe zyrtarëve të saj dhe e ndërprenë tubimin. Vuçiq kërkoi nga të pranishmit në këtë takim të qetësohen pasi ata filluan të akuzojnë njëri-tjetrin.


Send this to a friend