VOAL

VOAL

Please Wait ...
0%

Mogherini thërret në Bruksel liderët e Ballkanit Perëndimor

By | May 19, 2017

Komentet

Kufijtë – Angela Merkel “ultimatum” Vuçiçit: Do ndëshkoheni rëndë

Kancelarja e Gjermanisë, Angela Merkel, i ka dhënë ultimatum presidentit të Serbisë, Aleksandër Vuçiç që të pranojë qëndrimin gjerman për çështjen e zgjidhjes së problemit me Kosovën, pasi në të kundërt, Serbia do të ketë pasoja të rënda.

Media ‘Espreso.rs’ shkruan se pas këtij qëndrimi edhe Aleksander Vuçiç tashmë deklaron se s’ka asgjë sa i përket idesë për korrigjim të kufijve.

“Unë e di se nuk ka asgjë nga korrigjimi i kufirit. Sepse nuk kishte njerëz të guximshëm dhe racional që t’i kuptonin interesat serbe. Unë nuk jam në favor të pavarësisë së Kosovës brenda kufijve aktual, që i ka njohur Rada Trajkovic e Angela Merkel. Por idetë e mia kanë dështuar se populli ynë mendonte ndryshe bashkë me shumicën e botës”, citohet të ketë thënë Vuçiç.

Merkel

Nga ana tjetër, Angela Merkel e ka përsëritur disa herë që korrigjimi i kufirit dhe ndarja e Kosovës nuk janë opsione, të cilat gjejnë mbështetje nga Gjermania.

Liderët e G7-ës mblidhen në Francë për të diskutuar Iranin, Rusinë dhe Amazonën

Presidenti francez Emmanuel Macron.

Liderët e kombeve të fuqishme në botë janë duke u mbledhur të shtunën në jugperëndim të Francës në Samitin G7, për të diskutuar programin bërthamor të Iranit dhe mundësinë e inkuadrimit të Rusisë në këtë grup.

Presidenti i Shteteve të Bashkuara, Donald Trump dhe kryeministri britanik Boris Johnson, janë në mesin e liderëve që pritet të marrin pjesë në samitin dy ditor, nën patronatin e presidentit francez Emmanuel Macron.

Para nisjes nga Uashingtoni, Trump u tha gazetarëve se pret një diskutim shumë të dobishëm me anëtarët e tjerë të G7-ës. Ai po ashtu bëri thirrje që Franca të tërhiqet nga plani për të vendosur taksa ndaj gjigantëve të teknologjisë në SHBA, Google dhe Facebook.

Macron tha se do të provojë të bindë Trumpin për të nënshkruar një dokument që siguron mbrojtjen e natyrës pas zjarrit të vazhdueshëm dhe shkatërrues në Amazonë.

Të gjithë sytë do të jenë nga marrëdhënia e Trumpit me pjesën tjetër të grupit. Këtë vit, Uashingtoni ka bërë presion të vazhdueshëm ndaj Bashkimit Evropian , për të detyruar Teheranin të diskutojë për programin bërthamor.

Trump po ashtu pritet të përballet me kundërshtime nëse vazhdon të insistojë se Moska duhet të kthehet në grup që më parë quhej G8. Rusia ishte përjashtuar nga formati G8 pas aneksimit të Krimesë së Ukrainës në mars të vitit 2014.

Anëtarët e tjerë të G7-ës kishin vendosur sanksione ndaj veprimeve të Moskës kundrejtë Ukrainës.

Malta lejon ankorimin e anijes me 356 emigrantë

Malta pranoi të lejojë ankorimin e një anijeje shpëtimi me 356 emigrantë kryesisht nga Sudani, mes tyre më shumë se 100 të mitur.

Malta i dha leje anijes Ocean Viking me flamur norvegjez të ankorohet në brigjet e saj, pasi gjashtë vende evropiane arritën marrëveshje për të pranuar emigrantët.

Anija kishte qëndruar në Mesdhe prej dy javësh, në pritje të hyrjes në port.

Emigrantët po merren nga Franca, Gjermania, Irlanda, Luksemburgu, Portugalia dhe Rumania. Agjensia franceze e lajmeve tha se asnjë prej emigrantëve nuk do të qëndrojë në Maltë.

Mjekët në bordin e anijes së shpëtimit, thanë se emigrantët janë të traumatizuar dhe pritja në mjediset e mbyllura të anijes e ka rënduar gjendjen e tyre psikologjike.

Ndërkaq, Kryeministri britanik Boris Johnson tha se Britania do të kthejë mbrapsht emigrantët që përpiqen të kalojnë në mënyrë të paligjshme La Manshin nga Franca. “Mbretëria e Bashkuar nuk duhet të shihet si vendi ku ata mund të thyejnë ligjin duke kërkuar të arrijnë në mënyrë të paligjshme,” tha ai.

Mori telefonin e punës në pushime, ministri norvegjez jep dorëheqjen

Ministri i peshkimit të Norvegji, Per Sandberg, ka dhënë dorëheqjen.  Arsye për këtë është bëri fakti se ai kishte thyer protokollet e sigurisë, duke marrë me vete telefonin zyrtar në pushimet e tij në Iran.

Menjëherë pas kthimit nga pushimet, kryeministrja e Norvegjizë i ka kërkuar Sanders, që e ka pranuar publikisht se e kishe pasur me vete celularin në Iran, t’i dorëzojë telefonin organeve të sigurisë.

Sandberg, 58 vjeç, është kreu i partisë Napredak, dhe ai është kritikuar edhe brenda kësaj force politike se solli në vend edhe të dashurën e tij, 28-vjeçaren Bahareh Letnes, e lindur në Iran, të cilës iu dha shtetësia norvegjeze. Ministër i ri i peshkimit është emëruar Harald Tom Nesvik.

Kryeministri italian Giuseppe Conte deklaron dorëheqjen

Kryeministri italian, Giuseppe Conte deklaroi dorëheqjen të martën, në një fjalim gjatë të cilit denoncoi ashpër Ministrin e tij të Brendshëm, Matteo Salvini duke e akuzuar se kishte fundosur koalicionin qeverisës dhe kishte vënë në rrezik ekonominë për përfitime personale dhe politike.

Kryeministri Conte, duke folur para parlamentit të thirrur nga pushimet e verës për një votëbesim të qeverisë së formuar më pak se një vit më parë, e akuzoi kryetarin e partisë Lega, Salvini se donte të përfitonte nga rritja e popullaritetit të tij.

“(Salvini) ka treguar se po ndjek interesat e tij dhe ato të partisë së tij”, tha zoti Conte në sallën e mbushur plot të Senatit, ndërsa zoti Salvini ishte i ulur pranë tij, me një fytyrë të ngurtë.

“Vendimet e tij paraqesin rreziqe serioze për këtë vend “.

Ai i përshkroi veprimet e zotit Salvini si “papërgjegjshmëri serioze institucionale, duke treguar mbi të gjitha mungesë respekti ndaj parlamentit dhe përgjegjëse për futjen e vendit në një spirale pasigurie politike dhe paqëndrueshmëria financiare “.

Zoti Conte, i cili nuk i përket asnjë prej dy partive të koalicionit, do ta dorëzojnë dorëheqjen e tij më vonë gjatë ditës, duke i hapur rrugën kreut të shtetit që të fillojë konsultimet zyrtare me partitë për të parë nëse mund të formohet një koalicion i ri.

Në rast të kundërt, Presidenti Sergio Mattarella do të shpërndante Parlamentin.

Zoti Salvini herë pas here tundte kokën, rrotullonte sytë me tallje, ose u tundte kokën senatorëve të Legës, ndërsa kryeministri shpalosi kritikat e ashpra ndaj veprimeve të Salvinit gjatë dy javëve të fundit.

Zoti Salvini, i cili u ul pranë senatorëve të partisë së tij për të dhënë përgjigjen, hodhi poshtë komentet e zotit Conte, duke thënë se partitë e tjera kishin frikë të shkonin në zgjedhje dhe të humbnin postet e tyre.

Ai tha se qëllimi i tij politik ishte të sfidonte rregullat fiskale të Bashkimit Evropian, të cilat ai i ka fajësuar për varfërimin e vendit.

Roma duhet të shpenzojë të paktën 50 miliardë për të stimuluar ekonominë e dobët kronike, shtoi ai.

“Unë nuk kam frikë,” tha zoti Salvini.

Në anën tjetër të zotit Conte ishte ulur Luigi Di Maio, kreu i Partnerit tashmë të padëshiruar të koalicionit tani, Lëvizja 5 Yje, të cilën zoti Salvini e kishte e quajtur si obstruksioniste nga Salvini gjatë 12 ditëve të kaluara, pasi ai doli nga aleanca.

Zoti Salvini ka kërkuar zgjedhje të parakohëshme, 3-1 / 2 vjet përpara ciklit normal, i bindur se popullariteti i tij në rritje do t’i sigurojë postin e kryeministrit dhe se lëvizja 5 yjet do të kalojë në opozitë. za

Lituania blen 4 milionë pilula jodi

Ilustrim.

Lituania ka thënë se pret që të pranojë më shumë se 4 milionë pilula jodi, teksa shteti fqinj, Bjellorusia, është duke planifikuar të funksionalizojë centralin e parë bërthamor më vonë gjatë vitit.

Qeveria lituaneze ka thënë se pilulat, që vlerësohet se kanë vlerën e 1 milion dollarëve, do të prodhohen brenda një muaji, ka raportuar agjencia e lajmeve, The Associated Pres.

Ato më pas pritet t’iu dorëzohen qytetarëve në rast të rrezatimit, që mund të rrjedhë nga centrali bërthamor, Astravets, i cili është ndërtuar me ndihmën e Rusisë, vetëm 50 kilometra larg kryeqytetit lituanez, Vilnius.

Jodi zakonisht përdoret për të mbrojtur gjëndrën tiroide nga disa lloje të rrezatimit.

Reaktori i parë i centralit bëthamor pritet t’i shqyrtohet procesit vlerësues në fund të vitit, derisa i dyti më 2020.

Qeveria e Lituanisë ka rritur shqetësime për sigurinë e kësaj zone bërthamore dhe ka njoftuar se planifikon të blejë pilula të jodit, si shenjë përgatitjeje për testimet e ardhshme.

Ministria e Brendshme e këtij shteti ka thënë se janë duke formuar planet për evakuim dhe janë duke testuar alarmet për urgjencë.

Ky shtet baltik me 2.8 milionë banorë, ka mbyllur centralet bërthamore 10 vjet më parë.

Çështja e emigrantëve në bordin e anijes “Open Arms”

Drejtuesit e anijes spanjolle me mision bamirësie e shpëtimi “Open Arms” njoftuan të hënën se Madridi dhe Roma duket se kanë arritur një marrëveshje që emigrantët në bordin e saj, të zbarkojnë në ishullin Majorka të Spanjës, por qeveria spanjolle mohoi arritjen e një marrëveshje të tillë.

“I vetmi informacion i saktë është se qeveria spanjolle i ka bërë një ofertë anijes “Open Arms” të udhëtojë drejt portit më të afërt spanjoll dhe se qeveria italiane po shkel ligjin duke mos lejuar që emigrantët të zbarkojnë në Lampedusa”, thuhej në një deklaratë të qeverisë.

Prej 18 ditësh, të 107 emigrantët, shumica e tyre afrikanë, qëndrojnë në anije pranë ishullit italian të Lampeduzës. Ministri i Brendshëm përfaqësues i së djathtës italiane Matteo Salvini, ka urdhëruar zyrtarët që të mos lejojnë zbarkimin e emigrantëve. Ndërkohë të shtunën ai urdhëroi që të lejohet zbritja nga anija e vetëm 27 të miturve.

Qeveria spanjolle, e cila e përsëriti të hënën ofertën e saj njoftoi se nuk ka marrë ndonjë përgjigje nga anija “Open Arms” se çfarë do të bëjë. Zëvendës Kryeministrja në detyrë Carmen Calvo tha për një radio vendase (Cadena Ser) se qeveria kishte “shpenzuar gjithë fundjavën duke biseduar me qeverinë italiane, e duke u kërkuar atyre që të përgjigjen”.

Drejtuesit e anijes “Open Arms” thonë se lundrimi i mëtejshëm larg ishullit të Lampeduzës do të ishte “i pakuptimtë” duke marrë parasysh përkeqësimin kushteve në anije.

Merkel dhe Orban shënojnë 30 vjetorin e rënies së Perdes së Herkurt

Kancelarja gjermane, Angela Mekel dhe kryeministri hungarez, Viktor Orban.

Kryeministri i Hungarisë, Viktor Orban ka mirëpritur kancelaren gjermane, Angela Merkel në qytetin hungarez, Sopron për të shënuar 30 vjet nga rënia e Perdes së Hekurt.

Orban dhe Merkel janë duke shënuar atë që njihet si “Pikniku Pan-Evropian”, në afërsi të kufirit hungarezo-austriak, përmes së cilit, të paktën 600 gjermanë lindorë kanë kaluar kufirin dhe kanë ikur në Perëndim.

Kjo datë kujton ikjen masive të gjermanëve lindorë atëbotë, si pasojë e Murit të Berlinit të krijuar më 1961 andaj ngjarjet e kësaj dite konsiderohen kyçe për vetë rënien e murit tre muaj më vonë.

Merkel dhe Orban kanë marrë pjesë në një ceremoni të kishës ekumenike në Sopron. Ata pritet që më vonë të marrin pjesë në një konferencë të përbashkët.

Por pavarësisht pse Orban dhe Merkel janë duke shënuar rënien e ndalesës historike në Evropë, çështja e menaxhimit të kufijve ka tensionuar marrëdhëniet në mes të të dy liderëve.

Orban ka qenë kritik i ashpër i vendimit të vitit 2015 të kancelares Merkel për të hapur kufijtë gjermanë për migrantët nga zona e konfliktit në Lindje të Mesme.

Takimi i tyre i madh bilateral është zhvilluar në korrik të vitit të kaluar, kur Orban ka vizituar Berlinin për herë të parë në tre vjet.

Në atë takim ka pasur edhe situata të sikletshme, pasi Merkel ka akuzuar Orbanin për dështim të respektimit të “njerëzimit” me politikat e tij të ashpra kundër emigrimit. rel

Betimi prekës që William i bëri dikur të ëmës, princeshës Diana

Princi William ishte vetëm 14 vjeç kur martesa e prindërve të tij mori fund. Asokohe për të miturin ishte e vështirë të përballonte ndarjen në fjalë, në një kohë kur mbarë bota po monitoronte historinë mbretërore. Teksa procedurat e divorcit vazhdonin, Diana dhe princi Charles duhet të vendosnin se çfarë do ndodhte me titullin e saj mbretëror. Mbretëresha ishte mëse dakord që Diana të vazhdonte ta mbante titullin e saj të Lartësisë Mbretërore, por Charles këmbënguli që ajo të hiqte dorë dhe kështu ndodhi.

E gjitha kjo e mbajti princeshën akoma më larg familjes, çka nënkuptonte se Diana duhet të përulej edhe përpara vetë fëmijëve të saj. Princi William, i cili studionte në kolegjin Eton u sigurua t’i gjendje së ëmës pranë në ato kohëra të vështira. Madje, i dha edhe një premtin!

Në librin e Paul Burrell- it mësohet se i riu William iu betua të ëmës se një ditë do t’ia rikthente titullin:

“Mos u mërzit mamush, do të ta kthej titullin mbrapsht një ditë kur të bëhem mbret.”

Sidoqoftë, i biri nuk mundi dot ta mbante fjalën. E ëma vdiq pak vite më vonë, më 31 gusht 1997.

BERZH-i ofron 25 milionë euro kredi për investime në Ferronikel

Fotografi nga arkivi.

Banka Evropiane për Rindërtim dhe Zhvillim (BERZH) ka njoftuar se do të ofrojë 25 milionë euro kredi për investime në kompaninë, NewCo Ferronikeli.

“NewCo Ferronikeli Complex LLC”, një nga operatorët më të mëdhenj në fushën minerare dhe metalurgjike në Ballkan ​është blerë nga Grupi Balfin.

Samir Mane, themelues dhe pronar i kompanisë Balfin ka thënë se është krenar për të vazhduar historinë e bashkëpunimit me BERZH-in.

“Investimet që do të bëjmë te Ferronikeli do të sigurojnë se ai mbetet një prodhues konkurent i nikelit në ekonominë globale dhe vazhdon të gjenerojë vende të punës në Kosovë”, ka thënë ai.

Eric Rasmussen, drejtori i BERZH-it për Burime Nayrore ka thënë se “BERZH-i është i lumtur që do të bashkëpunojë me kompaninë Balfin për rimëkëmbje të Ferronikelit, që është i rëndësishëm për Kosovën dhe komunitetin lokal”.

Kjo kompani pati ndërprerë prodhimin për një periudhë vitin e kaluar, për shkak të problemeve financiare me të cilat është ballafaquar pronari i mëhershëm.

Hidrocentralet kryesojnë në prodhimin e energjisë në Norvegji

Hidrocentralet kanë prodhuar 93.4 për qind të energjisë elektrike të Norvegjisë në qershor, që është i barasvlershëm me 9.47 teravat-orë (TWh), sipas Zyrës Norvegjeze të Statistikave (SSB) të enjten, raporton AA.

Përveç hidrocentraleve, vendi ka prodhuar 3.7 për qind të energjisë elektrike të tij nga mullinjtë e erës dhe 2.9 për qind nga energjia termike.

Nxjerrja e naftës së papërpunuar dhe gazit natyror, si dhe prodhimi intensiv i energjisë përbëjnë pjesën më të madhe të konsumit.

Konsumi i energjisë elektrike i vendit nordik u rrit me 1.7 për qind në qershor, në krahasim me të njëjtën periudhë të vitit të kaluar.

Shtohen akuzat ndaj të dyshuarve për vrasjen e gazetarit sllovak

Pllakë përkujtimore për gazetarin sllovak, Jan Kuciak dhe të dashurën e tij.

Katër nga pesë të dyshuarit për vrasjen e gazetarit sllovak, Jan Kuciak dhe të dashurës së tij, Martina Kusnirova një vit më parë, po përballen edhe me akuza për urdhërim të vrasjes së dy prokurorëve dhe një avokati, ka raportuar agjencia e lajmeve, Reuters, duke cituar policinë kombëtare të këtij shteti.

Jan dhe e dashura e tij janë vrarë në shkurt të vitit të kaluar. Ai ka qenë gazetari i parë i vrarë në Sllovaki, prej pavarësisë së këtij shteti.

Kjo vrasje pati nxitur protesta masive, që kanë rezultuar me largim të Robert Ficos nga pozita e kryeministrit.

Në rastin e fundit, Prokurori i Përgjithshëm, Jarslav Ciznar, ka thënë në muajin shkurt se ka ekzistuar një plan për vrasje të Peter Sufliarsky, që atë kohë ka qenë zëvendës-prokuror i përgjithshëm, Maros Zilinka, prokuror special, dhe ish-ministri i Brendshëm, që më vonë ka punuar si avokat i familjes, Kuciak, Daniel Lipsic.

Në deklaratën e policisë, inicialet e katër të dyshuarve janë lidhur me emrat e personave të akuzuar për vrasje të gazetarit.

Më 14 mars, biznismeni me ndikim, Marian Kocner është kthyer në të dyshuarin e pestë për vrasjen e gazetarit Kuciak dhe të dashurës së tij, duke u akuzuar për udhërim të vrasjes së dyfishtë.

Kocner dhe tre të dyshuar tjerë kanë mohuar pretendimet, derisa i pesti ka pranuar se ka shtënë me armë zjarri.

Para arrestimit të tij, Kocner ka qenë në burg nga viti 2018, për shkak të disa lidhjeve me krime financiare, për disa prej të cilave kishte shkruar Kuciak.