VOAL

VOAL

Please Wait ...
0%

Meta drekon me Meidanin e Kokëdhimën, çfarë planifikon kreu i LSI-së?

By | August 1, 2016

Komentet

Drejtoresha: Mezi pres rastin e parë me koronavirus në Shqipëri (!)

Drejtoresha e Inspektoratit Shëndetësor Areti Beruka, e ftuar në studion e Report TV, ka folur lidhur me koronavirusin.

Beruka tha se autoritetet kanë marrë të gjitha masat për t’u përballur me virusin vdekjeprurës.

 

Ajo shkoi deri aty sa tha se vetë personalisht mezi po e pret rastin e parë të prekur me koronavirus në Shqipëri, për të treguar edhe gatishmërinë e ekipeve të posaçme mjekësore (!)

Sipas saj, të gjithë qytetarët duhet të kuptojnë se koronavirusi ka një përqindje vdekshmërie shumë të ulët dhe se mund të menaxhohet shumë thjeshtë nga profesionistët e fushës, duke bërë thirrje që të mos ketë panik.

Gazetarja: Vetë personalisht a keni frikë nga situate?
Mjekja: Absolutisht jo!

Gazetarja: Ka të bëjë me karakterin apo me profesionin?
Mjekja: Ndoshta me profesionin por edhe me karakterin. Por ta them personale, jo profesionale mezi e pres rastin e parë në fakt, unë si mjek.

Gazetarja: Pse?
Mjekja: E para do të kuptojnë njerëzit profesionistë që koronavirusi ka një gradë vijueshmërie shumë të ulët sesa ky që kemi gia. Përqindja e vdekshmërisë së saj është 2% . Mosha e fëmijëve 16 vjeç e kanë shumë të ulët dhe me shenja shumë herë më të lehta. Paniku që qytetarët kishin me SARS-in, apo me gripin e derrit, nuk është absolutisht më i rrezikshëm koronavirusi.

Unë iu them me bindje që në ‘96 kur unë kam qenë specializante ne kemi pasur rastin e ‘kolerës’, e menaxhuam dhe nuk patëm asnjë rast të rëndë apo me vdekshmëri. Mjekësia nuk bëhet me fall filxhani por me statistika, me të dhëna dhe me menaxhim. Na jepni shansin dhe mundësinë të menaxhojmë ashtu siç po e menaxhojmë dhe fakti i skepticizmit është ky që po përpiqemi që të sqarojmë njerëzit për të kuptuar atë që duhet të besojnë. Pastaj është zgjedhja e tyre nëse duan të klikojnë lajmet false.

Gazetarja: Ti faleminderit që ishe me mua në studio. Do të jemi sërish së bashku, unë nuk jam si ju, tek ajo kategoria që thoni, mezi pres rastin e parë. Unë nuk dua ta dëgjoj, megjithatë kur të jetë rastin e parë do t’ju kem sërish në studio.

Aktori Edmond Budina do të jetë në manifestimin kuq e zi të thirrur nga Presidenti Meta

Pasi regjisori Edmond Budina konfirmoi publikisht se do te jete ne manifestimin e 2 marsit, therritur nga Presidenti i vendit, reagon me nje mesazh kreu i Shtetit.

Duke ndare me ndjekesit e tij, qendrimin publik te Budines, Meta e quan kete nje lajm frymezues.

“Artisti i dashur për të gjithë ne, Edmond Budina, do na bashkohet më 2 mars në Tiranë, që e gjithë Europa dhe bota demokratike të dëgjojë sërish si para 30 viteve thirrjen: “E duam Shqipërinë si gjithë Europa! Liri Demokraci”, shkruan Meta, duke shtuar se “jetën e japim, Demokracinë dhe Lirinë tonë kurrë!”.

 

Postimi i Metës

Një lajm frymëzues që edhe një nga përfaqësuesit më të shquar të Lëvizjes Demokratike, artisti i dashur për të gjithë ne, Edmond Budina, do na bashkohet më 2 mars në Tiranë, që e gjithë Europa dhe bota demokratike të dëgjojë sërish si para 30 viteve thirrjen: “E duam Shqipërinë si gjithë Europa! Liri Demokraci”.
Jetën e japim, Demokracinë dhe Lirinë tonë kurrë!
Jemi komb Shqiponjash!
Edhe Shqiponjat tona në emigracion do të kthehen në Folenë e tyre.
Mirësevjen i dashur Profesor Budina!

Nga Edmond Budina
Mbështetje për inisiativën e Presidentit Ilir Meta

Ka ngjarje, që nuk të shqiten nga kujtesa, sado kohë që të kalojë. E tillë është edhe ajo ditë dhjetori e vitit 1990, kur një grup studentësh e pedagogësh shkuam për të kërkuar pluralizmin politik. Endrra e lirisë, demokracisë, për ta bërë Shqipërinë si gjithë Europa, tejpërshkonte gjithë hapësirën, objektet, njerëzit, që me sytë gjithë shkëlqim prej lotëve, puthnin deri llamarinat e autobusit, i cili do të na çonte në Pallatin e Brigadave. Në ata sy kishte aq shumë dritë, shpresë… Pas afro tridhjetë vitesh ëndrra është zvanitur, shpresa u kthye në zhgënjim, por gjithsesi, sado i madh të jetë zhgënjimi, gabimet e bëra nër vite, nuk kanë të krahasuar me atë që po ndodh tani, ankthin e rikthimit në diktaturë. Një grusht njerëzish, me një mentalitet feudal, sillen si pronarë të vendit, ndërsa e gjithë shpura puthadorase rilindase e dumbabistëve qamilistë i bëjnë hosanna kandidat Salep Sulltanit. Vendi është i mbushur me drogë, krim, korrupsion qelizor, ku blihen e shiten jo vetëm votat, por edhe frymorët. Një parlament i paligjshëm, që harton e voton ligje antikushtetuese, ku makutëria për pasuri i zhvesh nga çdo ndjesi njerëzore. Mafia e ulur këmbëkryq, bën tregti me politikën dhe vendi është kthyer në një lavatriçe ndërkombëtare parash të pista. Kjo qeverisje, që sukses të saj ka vetëmburrjen, prepotencën, po dëbon rininë nga vendi, po iu vret shpresën e po largon përherë e më tepër ëndrrën tonë të kahershme, Shqipërinë si gjithë Europa. Endrrën tonë europiane mund ta çojmë përpara vetëm ne, pa shpresuar se do të jenë të huajt që do të na i zgjidhin problemet.

Prej dy vitesh tashmë qytetarë, intelektualë, artistë, protestojnë përditë në mbrojtje të ndërtesës së Teatrit Kombëtar, shkeljes së Kushtetutës, vjedhjes së truallit publik. Tërheqja e përkohshme e Qeverisë e Bashkisë tregon se sa të drejtë kishim ne kur ngulmonim në protestë të përditshme. Protesta është qytetari dhe na ka mësuar të jemi përherë syçelët. Asnjë hap pas deri në fitoren përfundimtare, sepse shembja e Teatrit do të thotë shembje e demokracisë. Për këtë Presidenti është një nga mbrojtësit e Teatrit. Vetëm në mesjetë ose në diktaturat më të egra, shteti iu hiqte dritat, ujin qytetarëve të vet për t’i gjunjëzuar.
Për të vazhduar ëndrrën e nisur në nëntëdhjetën, për të ringjallur shpresën, për të mbrojtur Kushtetutën, për ta çliruar Shqipërinë nga oktapodhi rilindas, që nuk ka asgjë socialiste, por ka uzurpuar padrejtësisht të gjitha institucionet, duhet të bëhemi të gjithë bashkë më 2 mars për të mbështetur presidentin Ilir Meta, i cili atë ditë dhjetori të nëntëdhjetës ndodhej në autobus së bashku me ne. Pamvarësisht bindjeve të majta ose të djathta, pamvarësisht ngjyrimeve politike të gjithsecilit, le ta kthejme 2 marsin vetëm kuq e zi. Faleminderit zoti President. Do të jem përkrah teje.

Arrestohet Henri Çili, botuesi dhe pronari i UET dhe 12 të tjerë

Botuesi dhe pronari i Universitetit Europian të Tiranës Henri Çili është arrestuar nga policia, bashkë me 12 persona të tjerë. Burimet bëjnë me dije se Çili kishte ushtruar ndikim tek një gjyqtar për të liruar nga burgu anëtarët e bandës së Lazaratit. Ndaj Çilit rëndojnë akuzat për korrupsion, ushtrim të ndikimit të paligjshëm, falsifikim të dokumenteve dhe shpërdorim detyre.

 

TIRANE – Botuesi dhe pronari i Universitetit Europian të Tiranës Henri Çili është arrestuar në orët e para të mëngjesit nga policia, bashkë me 12 persona të tjerë mes tyre biznesmeni Sait Fishta, drejtori Juridik i UET Ilir Korbi dhe noterja Shpresa Gjocaj.

Burimet bëjnë me dije se Çili kishte ushtruar ndikim tek një gjyqtar për të liruar nga burgu anëtarët e bandës së Lazaratit. Nga përgjimet ka rezultuar se Çili ka pasur komunikime me babanë e Alban dhe Arbjon Alikos të arrestuar për vrasjen e efektivit të RENEA-s në qershorin e 2015-ës, Ibrahim Bashës. Babai i tij Alikos i kishte premtuar Çilit një hapësirë toke në Gjirokaster në këmbim të lirimit apo uljes së dënimit të dy djemve. Gazetarja Xhensila Kodra raporton se emri i Çilit del edhe në kontrata që janë për dhurim pronash në zonën e Gjirokastrës, por edhe në transaksione bankare.

Urdhër-arrestet për ndalimin e tyre janë lëshuar nga Prokuroria e Përmetit pas një hetimi disa mujor. Çili është shoqëruar në orën 21:00 të mbrëmjes së djeshme ndërkohë që urdhër arresti i është komumikuar në orë e para të mëngjesit të sotëm. Ndaj tij rëndojnë akuzat për korrupsion, ushtrim të ndikimit të paligjshëm, falsifikim të dokumenteve, shpërdorim detyre dhe transaksione të dyshimta që do jenë pjesë e një hetimi pasuror.

Gjatë operacionit policia ka arrestuar edhe Amarildo Alikon, i afërm i ish-kryekomunarit të Lazaratit në kohën e PD, Dasho Aliko. në banesën e të cilit u gjetën dhe sekuestruan armë dhe municione. Të arrestuarit janë dërguar tek Policia e Tiranës, ku priten veprime të mëtejshme.

Nga ky operacion i cili është finalizuar në orët e para të mëngjesit mësohet se janë shoqëruar më shumë se 60 persona të tjerë. Kontrolle janë ushtruar në disa banesa në qytetin e Gjirokastrës si dhe në ambientet e UET.

Pritet që kjo dosje të kalojë në SPAK.

lajmi po perditesohet…

Rendit zhvillimet sipas orarit:

Ora 10:25

Nga aksioni i policisë në Gjirokastër u arrestua edhe biznesmeni Sait Fishta, ish-kandidat për deputet në zonën e Shkodrës

1582881395_saitfishta1.jpg

Mes të arrestuarve në operacioni ku u vu në pranga botuesi dhe pronari i UET Henri Çili është edhe biznesmeni Sait Fishta ish-kryetari i Komunës së Velipojës dhe ish-kandidat për deputet në siglën e disa partive të ndryshme në zonën e Shkodrës. Ai rezulton i dënuar më parë për akuzën e ndërtimit të paligjshëm në tokë publike të 9 objekteve pallate në zonën bregdetare të Velipojës

Ora 10:24

Në total 31 urdhër ndalime, përgjimet e grupit të zjarrit në Lazarat zbuluan emrin e Çilit

31 urdhra ndalim janë lëshuar në total, por vetëm 12 prej tyre janë ekzekutuar deri më tani. Procedimi fillimisht ka qenë regjistruar për prodhim dhe shitje narkotiëesh me pas nga përgjimet e grupit të zjarrit kanë dalë në skenë emrat e Henri Çilit dhe personave të tjerë.

Ora 09:47

Henri Çili dyshohet se i mori para e prona babait anëtarit të bandës që vrau efektivin e RENEA-s me premtimin se do e nxirrte nga burgu

Burimet bëjnë me dije se Çili kishte ushtruar ndikim tek një gjyqtar për të liruar nga burgu anëtarët e bandës së Lazaratit. Mësohet se Çili ka pasur komunikime me babanë e Arbjon dhe Alban Alikos arrestuar për vrasjen e efektivit të RENEA-s, Ibrahim Bashës. Arbjon Aliko është dënuar me burg përjetë lidhur me këtë ngjarje ndërsa vëllai i tij me 20 vite. Babai i kishte premtuar tokë dhe para në këmbim të lirimit të të birit. Nga hetimet ka rezultuar se emri i Çilit del edhe në kontrata që janë për dhurim pronash në zonën e Gjirokastrës, por edhe në transaksione bankare.

Ora 09:00

Ndikimi te gjyqtarët për lirimin e të arrestuarve të Lazaratit, bashkë me Çilin pranga edhe drejtorit Juridik të UET

1582876947_ilirkorbi.jpg

Mes të arrestuarve gjatë operacionit ku është vënë në pranga Henri Çili, është ndaluar edhe avokati Ilir Korbi, drejtori juridik i UET i cili shërben edhe si pedagog pranë këtij universiteti. Bashkë me Korbin janë shoqëruar edhe disa persona të tjerë të cilët kanë qenë në tavolinë me Korbin.

Ora 08:02

Aksion në Lazarat, sekuestrohen armë dhe municione! Arrestohet Amarildo Aliko

Tre grupe efektivesh te DVP Gjirokastër kanë zhvilluar kontrolle në banesat e fshatit Lazarat.

Në banesën e Amarildo Alikos , i afërm i ish-kryekomunarit të Lazaratit në kohën e PD, Dasho Alikos ata kanë gjetur tre armë automatike model 56 ( kallash), një granatë, një pushke 20-she e mijëra fishekë deri tani. Ky i fundit është vënë në prangat e policisë, për t’u shoqëruar më pas në Komisariatin e Gjirokastrës.

Operacioni ka nisur prej orës 5 të mëngjesit dhe po vijon në disa banesa të tjera në zonën e Lazaratit./Burimi /m.v./Shqiptarja.com

 

Balkanweb: Arrestohet pedagogu, botuesi dhe analisti Henri Çili.

 

Mësohet se Çili është arrestuar orët e para të mëngjesit të sotëm për llogari të policisë së Gjirokastrës me disa akuza.

Burimet thanë për News24 se bashkë me Çilin janë ndaluar 40 persona gjithsej të ndaluar në vend, 13 prej tyre nga Përmet, mes tyre dhe një avokat, të cilët dyshohet se janë transferuar nën forca të shumta policore drejt Gjirokastrës.

Arrestimet kanë ardhur pas hetimeve disa mujore nga prokuroria e rrethit të Gjirokastrës dhe dyshohet se këta persona kanë konsumuar disa vepra penale.

(BalkanWeb)

Ish-ministri i brendshëm kthehet nga SHBA dhe bën gjestin me shqiponjën përkrah Metës, konfirmon pjesëmarrjen në tubimin e 2 marsit

Ish-ministri i Brendshëm teknik Dritan Demiraj ka udhëtuar nga Shtetet e Bashkuara të Amerikës drejt Tiranës, për të marrë pjesë në manifestimin e 2 marsit, i thirrur nga presidenti Ilir Meta në mbrojtje të Kushtetutës.

Ka qenë vet ish-ministri i PD-së që ka bërë të ditur këtë fakt, ndërsa shfaqet në një foto me Metën, duke bërë të dy simbolin e shqiponjës me dorë. Ai theksoi se bashkë me shumë bashkëkombës nga New Yorku, Neë Jersey, Michigani, Chicago dhe Bostoni kanë ardhur në Shqipëri për t’ju përgjigjur thirrjes së Meta për shpëtuar demokracinë dhe për të mos lejuar vendin te kthehet 30 vjet prapa.

REAGIMI I DEMIRAJT
Te nderuar bashkekombas!
Situata politike ne Shqiperi nuk ka qene asnjehere me keq se sot. Vendi po futet ne diktature dhe sot me shume se kurre eshte mundesia e fundit per te reaguar.

Rilindja pasi mori te gjithe pushtetet ekzekutive, legjislative, gjyqesore, mediat, me PPP-te, kanabizimin e te gjithe vendit, etj tani ka vendosur qe te shkaterroje dhe gurin e fundit te shtetit Shqiptar: Kushtetuten e Shenjte te Republikes se Shqiperise.
Prandaj se bashku me shume bashkekombas nga Neë Yorku, Neë Jersey, Michigani, Chicago dhe Bostoni kemi ardhur ne Shqiperi per tju pergjigjur thirrjes se Komandantit te Pergjithshem te Forcave te Armatosura Z. Ilir Meta per shpetuar demokracine dhe per te mos lejuar vendin te kthehet 30 vjet prapa.

Megjithese sot Presidenti Meta kishte nje dite shume te ngarkuar, perseri me dha mundesine dhe kenaqesine qe ta takoja ne zyre.

Ne kemi ardhur nga Amerika, po ju vellezer dhe motra do na bashkoheni?

Kushdo qe e do me zemer vendin, te bashkohemi ne mitingun paqesor te dates 2 mars ne oren 17:00 ne mbrojtje te Kushtetutes se Republikes se Shqiperise njelloj siç e mbrojne dhe qytetaret amerikane Kushtetuten e SHBA-ve.

D.D. Tirane. Shqiperi.
(BalkanWeb)

Figura të larguara nga PS – letër Ramës: jepe dorëheqjen që të mundësohet reformimi i partisë

TIRANË

Një ditë para se PS të mbledhë Kongresin Zgjedhor, figura të larguara nga kjo forcë politike, i janë drejtuar me një letër kryesocialistit Rama të cilit i kërkojnë të japë dorëheqjen.

Letra e cila mban firmën e personaliteteve të njohura në PS, si Arta Dade, Eva Teqja (Allushi), Ibrahim Sulaj,Irena Beqiraj, Luan Zhegu, Maqo Lakrori, Nazmir Bilani, Përparim Bodinaku, i kanë dërguar një letër Mocion për  Reformimin e Partisë Socialiste të Shqipërisë, kreu të PS.

“Vazhdimi i misionit politik afatgjatë për të cilin u krijua Partia Socialiste e Shqipërisë në vitin 1991 dhe zgjidhja e problemeve ekonomike, sociale e politike që përjeton vendi ynë në këtë periudhë zhvillimi (përfshirë edhe mbrojtjen nga fatkeqësitë natyrore dhe shërimin e pasojave të tyre),  kërkojnë sot një reformim të thellë cilësor të Programit politik dhe të Rregullave të funksionimit të saj.” thuhet në letër, në të cilën parashtrohen 10 ndryshimet për programin dhe statusin e partisë, ndryshime që firmëtarët i kërkojnë Ramës, t’i kalojë për votim në Kongres.

Letra e plotë

Numri i mandateve partiake të kryetarit, Sekretarit të Përgjithshëm dhe sekretarëve të Partisë Socialiste të Shqipërisë kufizohet deri në dy.

Drejtuar: Përfaqësisë së Kongresit të Partisë Socialiste të Shqipërisë, të dt.29 shkurt, 2020

Lënda: Mocion për  Reformimin e Partisë Socialiste të Shqipërisë

– Cilido porositës dhe përfitues i manipulimit dhe vjedhjes së votave në zgjedhjet brenda partisë përjashtohet përgjithmonë nga Partia.

Përshëndetje!

Jemi disa votuese dhe votues të Partisë Socialiste; midis nesh ka edhe anëtare/ë të saj. Përmes kësaj letre dëshirojmë që t’ju njohim me një mocion për reformimin e Partisë Socialiste të Shqipërisë. Mocioni përcakton objektivat kryesorë të reformimit dhe propozon një paketë me 10  ndryshime e plotësime themelore në Programin dhe në Statutin e partisë. Kërkojmë nga ju, paraqitjen e tij për votim në Kongresin e PS, të dt. 29 shkurt 2020.

Kjo letër do të bëhet publike me qëllim që çdo anëtare dhe anëtar  i PS, çdo votuese dhe votues  i PS, çdo simpatizante e simpatizant i saj, e po ashtu edhe çdo qytetare e qytetar tjetër i Republikës së Shqipërisë, kudo që ndodhet – në vend dhe në emigracion – të ketë mundësinë që të njihet vetë me përmbajtjen e këtij mocioni dhe të përcaktojë lirisht e me bindje të plotë  qëndrimin personal ndaj tij. Ne besojmë se shumica do ta mirëkuptojë dhe do ta mbështesë këtë mocion për reformim, pasi reformimi përmirëson Partinë Socialiste e për pasojë përmirëson edhe qeverisjen që i bëhet vendit në emër të saj dhe të votueseve e votuesve të saj.

 Mocion për Reformimin e Partisë Socialiste të Shqipërisë

Vazhdimi i misionit politik afatgjatë për të cilin u krijua Partia Socialiste e Shqipërisë në vitin 1991 dhe zgjidhja e problemeve ekonomike, sociale e politike që përjeton vendi ynë në këtë periudhë zhvillimi (përfshirë edhe mbrojtjen nga fatkeqësitë natyrore dhe shërimin e pasojave të tyre),  kërkojnë sot një reformim të thellë cilësor të Programit politik dhe të Rregullave të funksionimit të saj.

 Objektivat e mocionit

  1. Parti me liri  fjale, votim të ndershëm, vendimmarrje dhe drejtim kolegjial.
  2. Parti me integritet, e pakapshme nga korrupsioni dhe krimi i organizuar.
  3. Parti  që realizon qeverisje të majtë demokratike, që mbron dhe shërben interesat themelore të shtetasve shqiptarë, kudo që jetojnë dhe punojnë.

 Paketa me ndryshime e plotësime në Program dhe në Statut

1.Partia Socialiste e Shqipërisë punon për ndërtimin e një shteti solidar me shtetasit e vet, që garanton me ligj të drejtat  dhe liritë themelore të njeriut dhe krijon mundësi materiale për realizimin e tyre, duke filluar nga niveli i domosdoshëm për ushqim, veshje, strehim,  shërbim shëndetësor, arsimim, punësim dhe lëvizje të lirë.

2. Përfaqësuesit e Partisë Socialiste të Shqipërisë në institucionet shtetërore legjislativë dhe ekzekutivë, qëndrorë dhe vendorë, janë të detyruar politikisht që të hartojnë e të zbatojnë programe qeverisës me natyrë të majtë demokratike, si dhe të korrigjojnë çdo veprim të mëparshëm qeverisës, që nuk respekton këtë detyrim, pavarësisht se kur është kryer.

3. Partia Socialiste e Shqipërisë dhe grupi i saj parlamentar, do të ndërmarrin nismat e nevojshme ligjore për amendimine ndryshimeve që iu bënë Kushtetutës së Republikës së Shqipërisë në vitin 2008. Amendimet përfshijnë  vendosjen e një sistemi zgjedhor që e bën Kuvendin e Shqipërisë më përfaqësues të vullnetit të popullit, fuqizon kontrollin parlamentar të ekzekutivit dhe shmang çdo përqëndrim ”de jure” e ”de facto” të pushtetit shtetëror në   një institucion apo individ të vetëm.

4.Partia Socialiste e Shqipërisë mbështet politikisht dhe publikisht veprimtarinë e drejtësisë së reformuar dhe të  institucioneve të saj, përfshirë SPAK dhe BKH,  për pastrimin e klasës politike drejtuese në pushtet dhe në opozitë nga korrupsioni dhe bashkëpunimi me krimin e organizuar. Këtu përfshihen:

(a) – Verifikimi sistematik dhe pa asnjë përjashtim i pasurisë së të gjithë personave që kanë kryer, kryejnë ose do të kryejnë funksionet e presidentit të Republikës, kryetarit të Kuvendit, kryeministrit, ministrit, deputetit, kryetarit të bashkisë;

(b)- Konfiskimi i  pasurive të tyre të paligjëshme;

(c)- Dënimi sipas ligjit i personit abuzues, pavarësisht funksionit politik që ka patur, që ka aktualisht apo që mund të ketë në të ardhmen.

5. Partia Socialiste mbështet politikisht dhe publikisht ndëshkimin ligjor, politik dhe publik  të manipulimit  dhe vjedhjes së votave, që mund t’i bëhet  çdo lloj forme të shprehjes së vullnetit të popullit (zgjedhje parlamentare e vendore, referendume,për çështje me interes publik, qëndror dhe vendor).Ndëshkimi ligjor është i mundshëm pavarësisht kohës se kur provohet krimi elektoral dhe pavarësisht statusit politik të personit apo personave  porositës, manipulues dhe vjedhës të votave.

6 .Kandidatët e Partisë Socialiste për deputet, kryetar bashkie dhe këshilltar vendor propozohen nga organizatat socialiste të zonës zgjedhore vendore në të cilën ato veprojnë.Kandidatët zhvillojnë fushatë parazgjedhore në parti e në komunitet dhe përzgjidhen me votim të fshehtë. Forumet partiake drejtuese,që shpallin emrat e kandidatëve zyrtarë të Partisë Socialiste të Shqipërisë në zgjedhjet parlamentare dhe vendore, detyrohen që të respektojnë propozimin e organizatave socialiste.Përndryshe,duhet të argumentojnë      mospajtimin e vet me anëtarësinë socialiste të këtyre organizatave dhe të kërkojnë prej tyre rivotim të  fshehtë;ky rivotim është vendimtar.

7. Cilido porositës dhe përfitues i manipulimit dhe vjedhjes së votave në zgjedhjet brenda partisë përjashtohet përgjithmonë nga Partia Socialiste:

(a) -pavarësisht kohës kur e ka dhënë porosinë dhe/ose kur ka    përfituar nga manipulimi dhe vjedhja e votës;

(b) – pavarësisht funksionit, që mund të ketë patur ose vazhdon të ketë në parti apo në pushtetin legjislativ dhe ekzekutiv.

8.Funksionet e kryetarit, sekretarit të përgjithshëm dhe sekretarëve të Partisë Socialiste të Shqipërisë janë të papajtueshëm me funksionet e presidentit të Republikës, kryetarit të Kuvendit, kryeministrit, ministrit dhe kryetarit të bashkisë.

9.Numri i mandateve partiake të kryetarit, sekretarit të Përgjithshëm dhe sekretarëve të Partisë Socialiste  kufizohet deri në dy.

10.Në Partinë Socialiste njihet e drejta për oponencë kolektive të organizuar në forumet partiake vendimmarrëse qëndrore (Kongres, Asamble Kombëtare, Kryesi), si garanci strukturore për mbrojtjen e demokracisë së brendshme, respektimin e programit politik në qeverisje dhe shtimin e aftësive vetkorrigjuese të partisë. Oponenca kolektive merr formë të organizuar dhe funksionon vetëm pasi platforma e saj të jetë mbështetur me votim të fshehtë nga të paktën 20% e anëtarëve të partisë.

Për të siguruar arritjen e të gjithë objektivave të mocionit, paketa zbatohet e plotë. Kjo paketë është konceptuar si një strukturë unike, e përbërë nga 10 njësi në lidhje logjike mes tyre, që të gjitha të domosdoshme për të arritur reformimin e synuar. Për këtë arsye,  paketa i paraqitet Kongresit për t’u votuar si një e tërë , me  “Po” ose “Jo”.

Njësitë  1-5 dhe 6-10 integrohen përkatësisht në Programin dhe në Statutin e partisë. Ky integrim shoqërohet me të gjitha ndryshimet dhe plotësimet e tjera të nevojshme, bazuar në tekstin dhe në frymën e njësive 1-10.

(BalkanWeb)

Neritan Ceka: 6 mln eurot për Bylisin dhe roli i Sorecës, fondet e BE për Monumentet e Kulturës histori kriminale

Bashkimi Europian në vijimësi i ka dedikuar fonde të caktuara edhe trashëgimisë kulturore.

Por arkeologu dhe politikani Neritan Ceka, thotë se fondet e BE në vend që të përmirësonin situatën e Monumenteve të Kulturës, vetëm sa e kanë përkeqësuar atë.

Si precedent sjell rastin e Apollonisë, investimi 860 mijë euro në 2013 ku sot nuk nuk gjen asnjë euro investim.

I ftuar në “Ditë e Re” në Rtv Ora ai ngre gishtin për përgjegjësinë ndaj ish-ambasadores së BE, Vlahutin.

Por skenari përsëritet thotë ai, duke deklaruar se edhe Soreca po përgatit të njëjtën skemë për Bylisin.

6 milion euro investim dhe në krye të projektit do të sjellin një ekspert të fushës nga Bolonja, me Master, duke lënë jashtë loje të gjithë ekipin e arkeologëve shqiptarë që kanë punuar që prej viteve ’78 në Bylis.

Neritan Ceka: Kësaj situate në vend që fondet e BE ta ndihmojnë të shërohet, përkundrazi kanë ndikuar që të përkeqësohet. BE për ne është modeli, por mënyra sesi kanë investuar në Monumentet e Kulturës ka qenë një fatkeqësi e vërtetë.Ka qenë një shpërdorim, mos ta quaj kriminal, i fondeve që BE jep për popullin shqiptar.Është rasti i Apollonisë, 780 mijë euro nga BE dhe 80 mijë euro nga Shqipëria që u investuan në 2013. Kam qenë në Apolloni me Ambasadorin italian Cutillo dhe ka mbetur i shokuar për faktin se nuk gjen asnjë euro të investuar, dhe ato që janë investuar janë në dëm të Monumenteve të Kulturës, kanë bërë një depo të madhe uji mbi to me idenë që do të shërbente për të shuar zjarrin dhe kur ra zjarri erdhën zjarrfikëset se nuk funskiononte.

E përdorin depon vetëm për të thithur ujin zjarrfikësit.Është si të shuash zjarrin me kova. Ai duhet të përmirësonte ambjentin.Zjarri rrezikon më tepër Muzeun dhe në Muze nuk ka mbrojtje nga zjarri. Bënë një parking  1 km larg qendrës. Parkingu është bërë në murin rrethues, po të çosh prokurorinë do ti dënojë. Nuk mjafton kjo por bëjnë presion ndaj qeverisë që të ndërtojnë dhe një rrugë që do të kushtojë miliona të tjerë përmes Monumenteve vetëm që të shfrytëzojnë parkingun.

Përgjegjës është BE, Vlahutin që ka ikur dhe ka lënë hijen e vetë. Tani është Soreca. Ky tjetri që është dhe ish-prokuror dhe drejtues i reformës në drejtësi po përgatit të njëjtën histori për Bylisin, 6 milion euro. Vendimi i KE thotë që ky fond do të menaxhohet nga një këshill ndërministror. Investitori kryesor në Bylis është Instituti i Arkeologjisë që ka bërë që nga ’78 gërmime në Apolloni. E mbulon Soreca këtë, bën sikur nuk e lexon dhe i bën të gjitha marrëdhëniet me Ministrinë e Kulturës duke ditur që është pika më e dobët e administratës shqiptare, atje ku janë mbledhur të gjithë partiakët.

E ka kollaj se janë të gjithë injorantë. I bëmë dokumentin zotit Soreca dhe i thamë se drejtuesi i projektit duhet të jetë Profesor dhe duhet të ketë punuar në Bylis.Ky zotëri që vjen për të na sjellë BE e vë atje që duhet të jetë me Master.Mund të them dhe emrin e personit që ky ka gjetur në Itali, e ka në Bolonja.Dimë dhe fondacionin dhe dimë që është pjesë e politikës së majtë në Bolonja se atje janë ish-komunistët e Italisë. Kjo është lidhja që bëjnë dhe 6 mln euro do të shkojnë si në Apolloni. Është histori e hidhur.Nëse është kjo Europa, me këtë sistem, që sjellin 6 milion euro, i sjellin dhe njerëzit e tyre dhe fondacionet e tyre dhe fshijnë të gjithë intelektualët shqiptarë që punojnë në këtë fushë…Fajin nuk e ka Soreca, këtë miell gjen dhe këtë bukë do të bëjë. Fakti që zgjedh pjesën më të prishur të miellit shqiptar që është Ministria e Kulturës tregon se historia nuk është ajo e një prokurori që ka luftuar mafien.

Soreca duhet të kuptojë që ky vend nuk punon më me laps dhe fletore. Lidhjet i ka në Ministrinë e Kulturës dhe Bolonja.Kam kontakt të vazhdueshëm me Sorecën, jam ofruar bashkë me kolegët e mi, kemi një staf që i kalon këto rronxho-bonxhot e Bolonjës 100 herë. Ky grup me kapacitetin që ka, teknoogjia që përdor, përveç arkivit dhe përvojës që ka as nuk krahasohet me gjuetarët e fondeve që delegacioni i BE mundohet të barazojë masterin e Bolonjës me profesoratin e Shqipërisë.I kam thënë Sorecës që zërin në Shqipëri nuk e kanë vetëm miqtë e tij në qeveri, e ka dhe media dhe për fat të mirë media në Shqipëri është e lirë dhe do të mbetet e lirë.

Dëmet nga tërmeti

Neritan Ceka: Nuk janë dëme shumë të mëdha, kemi një dëm në muret rrethuese të Durrësit, një monument me rëndësi ballkanike.Dokumentacioni është.Është bërë mirë që janë lënë materialet në vend dhe me to mund të rikuperohet. Por është pasojë që prej vitesh nuk ka asnjë kujdes ndaj monumenteve. Drejtoria rajonale e Durrësit vetëm merr rroga, shet dhe blen dhe nuk ka asnjë investim në gjithë territorin që kjo drejtori rajonale mbulon. Drejtuesi ka qenë drejtor spitali, dhe tani bëhet drejtor i drejtorisë rajonale për monumentet sepse është nënkryetar i këshillit bashkiak të Durrësit nga PS.

Ky sistem i mbrojtjes së monumenteve deri në vitet ’90 ishte sistemi më i përparuar i Europës, ishte mbi nivelin europian.Sot përfundojmë me drejtor që vjen nga spitali për të kuruar monumente kulture. Nga kjo situatë  do të kesh këto pasoja. Nuk kishte pse ta pësonte këtë dhe kulla e Prezës nëse do të kishte pasur kujdes të vazhdueshëm. Ne punojmë në Bylis ku duan të vijnë këta çakejtë, absolutisht nuk ka ardhur asnjeri nga Instituti i Monumenteve prej vitesh për të punuar.Vinë tani që vinë 6 mln euro, ti marrin dhe ta bëjnë si Apollonia.

OraNews

13 raste të dyshuar me koronavirus në Shqipëri – A jemi afër zbulimit të një vaksine

Sipas deklaratës zyrtare nga ky institucion, u pohua se nga pesë rastet e paraqitura, asnjë prej tyre nuk mbarte virusin COVID-19

Mbrëmë Ministria e Shëndetësisë dhe Mbrojtjes Sociale informoi se në Shqipëri ishte kryer testimi i parë për rastet e dyshuara për koronavirus.

Sipas deklaratës zyrtare nga ky institucion, u pohua se nga pesë rastet e paraqitura, asnjë prej tyre nuk mbarte virusin COVID-19.

Deri më tani rezulton se në Shqipëri ka pasur 13 raste të dyshuara, të cilët kishin histori udhëtimi në vendet e prekura me këtë virus.

Gjithsesi, ende nuk ka asnjë rast të konfirmuar me koronavirusin COVID-19.

Një nga shqetësimet që Ministria dhe taskforca kanë ngritur është evidentimi i personave që kanë udhëtuar së fundmi.

Edhe pse nëpër aeroportet ndërkombëtare ata kanë kaluar në kontrollet, simptomat e këtij virusi fillojnë të shfaqen pas 2-3 javësh.

Ndaj edhe është shumë e rëndësishme që të gjithë udhëtarët të kontaktojnë numrin  Urgjencës Kombëtare 127, në rast se ndjejnë vështirësi në frymëmarrje.

Simptomat e Para të Koronavirusit COVID-19

Sipas ekspertëve të ISHP të cilëve i’u referohet AgroWeb.org, simptomat varen nga lloji i koronavirusit, por shenjat më të zakonshme janë problemet me aparatin e frymëmarrjes.

Ky virus shkakton ethe, kollë, gulçim dhe vështirësi te vazhdueshme në frymëmarrje.

Në raste më të rënda, infeksioni mund të shkaktojë pneumoni, sindromë të rëndë respiratore akute, insuficiencë të veshkave, madje edhe vdekje” thuhet në lajmërimin e ISHP.

A Jemi Afër Zbulimit të Një Vaksine?

Nga ana tjetër është raportuar nga mediat ndërkombëtare se një kompani farmaceutike në Cambridge, Massachusetts, ka deklaruar se është afër zbuluar vaksinën e parë kundër Koronavirusit.

Sipas të dhënave që AgroWeb.org ka verifikuar, kjo vaksinë duket se do të fillojë të testohet tek njerëzit.

20-25 individë të shëndetshëm kanë dalë vullnetarë që në prill të ndihmojnë Institutin Kombëtar të Alergjisë dhe Sëmundjeve Infektive (Nih) për të vërtetuar a janë të sigurta.

Ekspertët presin që vaksina të nxisë trupin të reagojë me një përgjigje imune, që mund të mbrojë organizmin nga infeksioni.

Sipas tyre rezultatet e para të testimit do të jenë të mundura në periudhën korrik-gusht.

Ndërsa përsa i përket daljes në treg, ajo pritet që të shpërndahet në vitin 2021.

Shqipëria në panik për koronavirusin, autoritetet bëjnë thirrje për qetësi

Gresa Kraja

Prokuroria pranë Gjykatës së Shkallës së Parë në Tiranë, ka nisur hetimet për lajmet e pavërteta që janë shpërndarë në rrjete sociale, mesazhe telefonike dhe disa media online për përhapjen e koronavirusit të ri në Shqipëri.

Përmes një komunikate për media, prokuroria ka bërë të ditur se hetimet po bëhen për veprën penale “Përhapja e informatave të rreme që ngjallin panik”, parashikuar nga neni 267 i Kodit Penal.

Kodi Penal parashikon dënim me gjobë ose deri në 5 vjet burg për përhapje të informative të rreme që ngjallin panik.

“Duke treguar impenjimin maksimal të prokurorisë, në trajtimin e rasteve të tilla, sjellim në vëmendjen e qytetarëve se çdo përhapje e informatave apo njoftimeve të rreme, me fjalë, me shkrim, apo me çdo mënyrë tjetër, me qëllim që të ngjallë një gjendje pasigurie dhe paniku te njerëzit është penalisht e dënueshme”, thuhet në njoftimin e Prokurorisë në Tiranë.

Nisja e hetimeve nga ana e Prokurorisë vjen dy ditë pasi nëpër rrjetet sociale dhe mesazhet telefonike qarkulloi një audio, ku dëgjohej një grua teksa thoshte se në Shqipëri janë prekur 12 persona nga ky virus. Po e njëjta, pak orë më vonë kishte kërkuar që audio-incizimi i saj të fshihet sepse ishte ftuar të intervistohet nga Policia e Shtetit.

Në anën tjetër, në Shqipëri nuk është shënuar ndonjë rast i prekur me koronavirusin Covid-19, por autoritetet kanë bërë të ditur se vendi ka marrë masa për mospërhapjen e tij.

Kryeministri Edi Rama ka thënë se Shqipëria është në bashkëpunim të ngushtë me Organizatën Botërore të Shëndetësisë (OBSH) dhe ka bërë dhe po bën çdo gjë për të parandaluar përhapjen e virusit.

“Koronavirusi nuk luftohet me politikë, as me gjithollogji dhe aq më pak me frikë dhe lëre pastaj me panik!Ne kemi qysh momentin e parë të shfaqjes së tij që përgatitemi, në bashkëpunim të ngushtë me Organizatën Botërore të Shëndetësisë. Kemi bërë e po bëjmë çdo gjë sipas planit”, ka shkruar kryeministri Rama në Twitter.

Ai ndër tjerash, me rreptësi kritikoi përhapjen e dezinformatave nga mediat dhe qytetarët që, siç tha ai, kanë qëllime të liga.

“Fatkeqësisht ky vend në çdo vështirësi a fatkeqësi natyrore ose emergjencë shëndetësore që shfaqet, duhet të përballet dhe me fatkeqësinë e tij të madhe të kanaleve e portaleve ku lulëzon injoranca, ligësia, dembelizmi e grykësia e maskarallëkut që në këto raste bëhet çnjerëzor”, tha Rama.

Megjithatë, tentativa institucionale për të mbajtur qytetarët e qetë, nuk duket se po funksionon në Shqipëri. Në Tiranë, dyqanet dhe farmacitë nuk posedojnë më maska mbrojtëse apo desinfektues anti-bakterial për duart.

Një shkollë private është mbyllur, ndërsa ministrja e Arsimit, Besa Shahini ka dënuar këtë vendim duke thënë se shkollat do të mbyllen vetëm me urdhër të ministrisë dhe bëri të ditur se kësaj shkolle do t’i hiqet licenca.

“Shkolla mbyllet jashtë planit të vitit shkollor vetëm me urdhër ministri. Udhëheqësit e një shkolle private kishin vendosur të mos respektonin këtë dhe e kanë mbyllur shkollën për 2 javë. Në kushte të kësaj paligjshmërie, jemi të detyruar që shkollës t’ia heqim licencën, ka shkruar Shahini në Facebook.

Shefja e Epidemiologjisë në Institutin e Shëndetit Publik, Eugena Tomini, tha se nëpër portet detare dhe aeroportin e Shqipërisë kanë arritur rreth 4,700 persona që janë larguar nga vende të prekura nga koronavirusi në 24 orët e fundit.

“Në survejanca e përforcuar në të gjithë pikat kufitare, portuale, detare, aeroportuale dhe tokësore janë vlerësuar në 24 orët e fundit 4,700 udhëtarë me historik udhëtimi nga vendet e prekura me infeksion komunitar”, tha ajo.

Tomini tha se disa qytetarëve shqiptarë të kthyer nga Lombardia e Italisë, ku janë identifikuar mbi 200 të prekur nga virusi, u është kërkuar të vetizolohen në shtëpi, por jo edhe udhëtarëve të tjerë që kanë ardhur nga zona tjera të Italisë.

Koronavirusi besohet se e ka origjinën në provincën Hubei të Kinës, por që nga muaji dhjetor ky virus po përhapet me shpejtësi, pa marrë parasysh tentativat për të parandaluar atë.

Shenjat kryesore të infektimit me koronavirus janë temperatura e lartë, kolla dhe vështirësitë në frymëmarrje, që ngjason me gripin sezonal. Të moshuarit dhe personat që hynë në kategorinë e grupeve të ndjeshme me sëmundje kronike janë më të rrezikuarit.

Sipas shifrave të fundit, mbi 80,000 persona janë prekur nga koronavirusi, ndërkaq, 2,600 persona janë raportuar se kanë vdekur, shumica prej të cilëve në Kinë.

Koronavirus, Shqipëria nuk do bllokojë për momentin fluturimet me Italinë

Shqipëria ka vendosur të mos ndërpresë për momentin linjat ajrore dhe ato detare me Italinë, vend ku deri mesditën e sotme janë mbi 200 rastet e verifikuara me koronavirus, ndërsa 5 persona, të cilët vuanin dhe nga sëmundje të tjera, kanë humbur jetën. “Masat tona do të jenë në proporcionalitet me shkallën e riskut”, tha sot ministria e Shëndetësisë Ogerta Manastirliu, gjatë mbledhjes së Task Forcës e cila u zhvillua në mjediset e aeroportit ndërkombëtar “Nënë Tereza” të Tiranës.

Vetëm në këtë aeroport gjatë ditës së sotme kanë mbërritur dhe pritet të vijnë 17 fluturime nga 11 qytete italiane, 7 nga të cilat janë pikërisht në zonën veriore të vendit ku janë verifikuar dhe rastet me të shumta me koronavirus.

Ministrja Manastirliu shpjegoi se “masat e marra nga Shqipëria janë në përputhje me protokollet e miratuara nga Organizata Botërore e Shëndetësisë”, dhe për momentin konsistojnë në dyfishimin e personelit mjekësor në pikat e kalimit kufitar , si dhe në porte e aeroporte. Vetëm gjatë ditës së djeshme janë afro 4500 udhëtarë të mbërritur në vend, të cilët i janë nënshtruar verifikimeve. Në aeroportin “Nënë Tereza”, janë krijuar dy korridore kalimi ku udhëtarët i nënshtrohen matjes së temperaturës me termometra me lazer, ndërkohë që autoritetet marrin paraprakisht nga kompanitë e fluturimeve dhe listën e pasagjerëve.

Deri tani në Shqipëri nuk ka patur asnjë rast të konfirmuar me koronavirus. Të paktën 6 raste të dyshuara, rezultuan negativ pas analizave. Një tjetër rast është në pritje të përgjigjes së analizave.

Ministrja Manastirliu deklaroi se “nuk ka vend për panik”, ndërsa ftoi qytetarët të shtojnë kujdesin për higjienën e tyre. Ajo tha se ka firmosur sot dhe një urdhër për masa të shtuara të higjienës dhe në institucionet shkollore. zëri i amerikës

Tritan Kalo: Si të ruhemi nga Coronavirusi

Mjeku i njohur infeksionist Tritan Kalo, ka dhënë disa këshilla sesi të ruhemi nga Coronavirusi. Sipas infeksionistit është shumë e rëndësishme që të lahen duart sa më shpesh. Kalo ka ftuar të gjithë qytetarët që të behën pjesë për të përballuar riskun që vjen nga Coronavirusi. “Sensibilizimi në këtë drejtim prej gjithsecilit prej nesh në mendimin tim, ndihmon më shumë se ironizimet sarkastike në prononcimet tona në FB…


Para rrezikut iminent, teorizimet e shumta në këtë drejtim janë të pabukta… Të kuptojmë qartë mesazhet që na vijnë si nga specialistët e fushave të Epidemiologjisë e Shëndetit Publik, Specialistët e Sëmundjeve Infektive si dhe të Urgjencave Mjekësore, e të bëhemi të gjithë pjesë e përballimit të këtij risku, sikundër është mundësia e hyrjes së Covid-19 në Shqipëri….. Infeksioni nga Covid-19 është një formë tjetër e manifestimit të GRIPIT, por me rrezikshmëri më të madhe ….. Mendjekthjellët dhe vullnetplotë uroj dhe shpresoj se do t’ia dalim!!!”, shprehet ai.

Shqipëria në ‘listën gri’ për pastrimin e parave/ Zëri i Amerikës: Pasoja negative për ekonominë dhe imazhin e vendit

Shqipëria u përfshi në listën e vendeve nën monitorim të shtuar, ose siç njihet ndryshe në “listën gri” nga Task Forca e Veprimit Financiar, një organizatë ndërqeveritare e themeluar me iniciativën e G7 për të zhvilluar politika për të luftuar pastrimin e parave, financimin e terrorizmit dhe financimin e përhapjes së armëve të shkatërrimit në masë.

Përfshirja në këtë listë do të thotë që vendi konsiderohet me rrezik të lartë, dhe kjo ka pasoja negative për ekonominë dhe imazhin e një shteti. Ministrja e Financave dhe ekonomisë Anila Denaj tha sot se mangësitë kryesore për të cilat vendi mori këtë renditje kanë të bëjnë sipas saj me sistemin e Drejtësisë dhe se vendi ka hartuar një plan veprimi për plotësimin e rekomandimeve brenda këtij viti

Ndërsa Shqipëria është vlerësuar për aspektet teknike, kryesisht kornizën ligjore të saj për parandalimin dhe luftën kundër pastrimit të parave, ajo duket se ka dështuar në efektivitetin e masave që duhet të zbatojë. Për pasojë Task Forca e Veprimit Financiar (FATF) e cila vlerësoi ecurinë e vendit, e përfshiu atë në listën e vendeve me mangësi strategjike.

Ministrja e Financave dhe Ekonomisë Anila Denaj tha sot se vendi ka bërë përparim në shumë aspekte, por se “nga shqyrtimi i detajuar i rekomandimeve më të fundit të FATF-së për përmirësim të mëtejshëm gjatë 2020-2021,është e qartë se mangësitë më thelbësore të konstatuara ju përkasin organeve jashtë Ekzekutivit. Në fokus të efektivitetit janë 2 fusha që lidhen kryesisht me efikasitetin e sistemit të drejtësisë, Prokurori dhe Gjykata”.

Sipas ministres do të duhej një vëmendje e shtuar “në lidhje me domosdoshmërinë e rritjes së dënimeve për pastrim të paravë nga sistemi gjyqësor, sidomos të rasteve të denoncuara dhe raportuara nga institucionet për transaksione me klasifikim të nivelit të lartë risku dhe të kryer nga profesionistë apo persona të tretë të lidhur me organizata kriminale. Si edhe rritja në mënyrë domethënëse e konfiskimeve përfundimtare të pasurive të krimit”.

Por nëse shihet plani i veprimit që autoritetet kanë hartuar së bashku me Task Forcën, janë një sërë aspektesh të tjera në të cilat do të duhet gjithashtu të shënohen përmirësime brenda këtij viti, në mënyrë që të dalë jashtë asaj që njihet dhe si “lista gri”. Shqipëria do të duhet ndër të tjera, të kryej një analizë të thelluar për rreziqet nga pastrimi i parave dhe për të mundësuar forcimin e koordinimit dhe bashkëpunimit institucional. Duhet të përmirësojë trajtimin në kohë të kërkesave për ndihmë juridike të ndërsjelltë, apo të krijojë mekanizma efektive për zbulimin dhe parandalimin e aktivitetit kriminal në ekonomi, si dhe të verë në dispozicion informacione të sakta dhe të përditësuara të pronarëve fundorë në mënyrë periodike.

Vlerësimi nga ana e FATF-së konsiderohet mjaft i rëndësishëm dhe renditja në listën gri, e bën Shqipërinë pjesë të vendeve me rrezik të lartë, gjë e cila mund të ketë efekte negative për ekonominë dhe imazhin e vendit, duke tkurrur besueshmërinë e institucioneve të tij. Pasojat bien dhe mbi sistemin bankar si dhe mund të kenë ndikim mbi investimet e huaja.

Këtë e pranoi dhe vetë ministrja Denaj: “Për Shqipërinë, nuk është një imazh I mirë, nuk është as për investitorët, nuk është as për sistemin bankar i cili prej vitesh ka investuar në strukturat e parandalimit”.

Mbi vendimin e FATF-së ka reaguar dhe opozita. “Jemi vendi i vetëm në Europë që jemi përfshirë në këtë listë dhe kjo tregon që mekanizmat dhe vullneti politik për të luftuar paratë e pista mungon. Lufta kundër pastrimit të parave të pista ka qenë një nga kauzat që PD ka ngritur që në fillim duke kërkuar angazhim serioz kundër një prej krimeve ekonomike më vdekjeprurëse për ekonominë, punësimin dhe shoqërinë.”, deklaroi përmes një statusi në Facebook ish deputetja demokrate Jorida Tabaku. /VOA

“Mund të jetë secili prej nesh kandidat për në karantinë”, shefi i Kardiokirurgjisë apel për koronavirusin. Ja 3 çështjet që ngre

 

Mjeku i njohur, shefi i Kardiokirurgjise, Edvin Prifti, teksa thekson se situata me vdekjet e para nga koronavirusi ne Itali “na bejne te ndjehemi akoma edhe me afer ndaj ngjarjeve te cilat mund te jene shkaterrimtare per njerezit dhe popullin tone”, ngre tre ceshtje te rendesishme lidhur me menaxhimin e situates.  

“Mendoj qe gjithmone ka momente relaksi dhe llafesh, proklamatash, por kur ndodhemi perballe fataliteteve te mundshme duhet nje seriozitet i jashteZakonshem dhe profesionalizem i cdo strukture”- shkruan ai ne nje postim te bere ne faqen e tij ne Facebook.

Sipas tij, e “para diagnostikimi ne kohe rekord”, se dyti karantina dhe se treti, trajtimi.

Por ka edhe verejtje teksa nenvizon: “Asgje nga fronti i lindies. Nuk dime se si, ku, ne ckushte. Mos na duket cudi, pasi mund te jete secili prej nesh kandidat per ne karantine dhe mendoj qe njerezit duhet te jene ne dijeni te gjithshkaje”.

Postimi i Edvin Priftit

Vdekjet e para te shenuara ne Itali nga infeksioni i koronavirusit na bejne te ndjehemi akoma edhe me afer ndaj ngjarjeve te cilat mund te jene shkaterrimtare per njerezit dhe popullin tone. Masat drakoniane qe jane marre ne vendin e origjines te ketij infeksioni viral dhe qe po shoqerohen me masa akoma edhe me te ashpra ne vendet prane duhet te na bejne te mendojme akoma edhe me seriozisht se si duhet te pergjigjemi ne keto kushte. Mendoj qe gjithmone ka momente relaksi dhe llafesh, proklamatash, por kur ndodhemi perballe fataliteteve te mundshme duhet nje seriozitet i jashteZakonshem dhe profesionalizem i cdo strukture.
E para diagnostikimi ne kohe rekord:
Dje po interesohesha dhe mu tha nga nje prej specialisteve tane me te mire te semundjeve infektive qe real time PCR me kitet e koronavirus eshte kerkuar nga laboratori i mikrobiologjise ne QSUT dhe nuk eshte realizuar pasi PPP nuk e parashikon. Sigurisht qe dikushi do justifikohet qe kjo eshte nje emergjence dhe e re! Pikerisht keto raste duhet te parashikohen ne cdo rast. Pra justifikimi eshte i pajustifikueshem. Atehere une them qe zoterinj- ketu ndodhemi perballe nje ceshtje te sigurise kombetare. Une nuk e di se cmund te konsiderohet tjeter gje brenda nocionit te sigurise kombetare. Dhe ne keto kushte dikush mund te kete paturpesine te ktheje nje pergjigje te tille. Nga ana tjeter ne si universitet na duket nje gje normale kjo?! Nese kjo PPP reagon ne kete menyre atehere pa dyshim qe duhet rishikuar pasi eshte totalisht e padrejte dhe aspak shkencore, bllokon hulumtimin qe ne pikenisje dhe rrezikon dhe cenon jeten. Kur i mohohet te vetmes qender universitare hulumtimi dhe diagnostikimi?! Atehere kush do ta beje? Dikushi me tha se mund te diagnostikohet ne institutin e shendetit publik. Kjo eshte gje shume e mire, Po si mund te mohohet diagnostikimi ne QSUT.
E dyta: karantina
Asgje nga fronti i lindies. Nuk dime se si, ku, ne ckushte. Mos na duket cudi, pasi mund te jete secili prej nesh kandidat per ne karantine dhe mendoj qe njerezit duhet te jene ne dijeni te gjithshkaje.
E treta: trajtimi
Keta te semure ne fund te tyre kane nevoje per ventilim mekanik te drejtuar ose oksigjenim artificial. Persa i perket ventilimit mekanik, me Shqiperi ne kemi vetem 140 ventilatore mekanike, ketu perfshire edhe strukturat private qe do te thote, qe sikur tjua mohojme ventilimin mekanik gjithe te semureve te tjere atehere vendi yne mund te trajtoje vetem 140 te semure njekohesisht. Oksigjenimi artificial qe ka te beje me nje aparat tjeter qe quhet Extracorporeal membrane oxygenator ose ECMO te cilin kemi vite qe e kerkojme me ngulm ne kardiokirurgji por sidomos pas epidemise se H1N1 si e vetmja alternative per te mbajtur ne jete keta te semure, nuk ka asnje aparat te tille ne Shqiperi.
Afersia me Lombardine, shkembimet ne njerez dhe mallra me Italine na shtyn qe duhet menduar seriozisht per perballjen me koronavirusin. Dikush mund te thote qe nuk duhet bere panik. Mbase kjo mund te vlente para nje muaji kur ngjarja ishte larg dhe efekti nuk dihej, por tashti me duket infantile totalisht cdo justifikim ne kuadrin e mos perhaphes se panikut. Tek e fundit ne nje lufte duhet te shkojme te pergatitur. Nuk mund te sillemi sikur eshte nje gje larg nesh. Cdo njeri prej nesh, politikane, biznesmene, ambasadore, ministra dhe deputete, por vecanerisht personeli shendetesor mund te jene te infektuarit e radhes. Nga 29 te infektuar ne itali, 5 jane personel shendetesor. Dhe pa dyshim qe personeli shendetesor ne vendin tone nuk do ta meritonte aspak nje risk te ri te shtuar. Domine Quo Vadis?!