VOAL

VOAL

Please Wait ...
0%

Mënyra më e shëndetshme për të gatuar çdo perime

By | June 15, 2019

Komentet

Ndryshimet mes ullinjve jeshilë dhe atyre të zinj

Ullinjtë jeshilë përmbajnë më shumë vaj se ullinjtë e zinj.

Ullinjtë jeshilë apo të zinj? Cilët janë të preferuarit tuaj?

Ngjyra e ullinjve shpesh përbën një faktor në përzgjedhjen e këtij fruti të rëndësishëm, si në rastin e njerëzve që janë të ndarë mes çokollatës së zezë apo asaj me qumësht.

Zgjedhja mes dy ullinjve është tërësisht personale, siç është përzgjedhja e muzikës apo parfumit, por me ullinjtë njerëzit gjithnjë anojnë ndaj atij me ngjyrë jeshile.

Ndryshimi mes ullinjve të zinj dhe jeshilë

Fama e ullinjve për vlerat mjekësore dhe ushqyese nuk është zbehur prej shekujsh. Këto fruta rriten me bollëk në Mesdhe dhe në Shqipëri por edhe në Azinë qendrore dhe Afrikë.

Ndryshimi mes ullinjve të zinj dhe jeshilë është minimal. Në fakt bëhet fjalë thjesht për nivelin e pjekjes. Ullinjtë jeshilë janë të papjekur mirë, ndërsa ato të zinj janë të pjekur tërësisht.

Një tjetër dallim mes të dyve është se ullinjtë e gjelbër duhen futur në ujë me kripë, ndërsa ullinjtë e zinj nuk kanë nevojë për tretësirë kripe.

Ullinjtë jeshilë përmbajnë më shumë vaj se ullinjtë e zinj. Ullinjtë jeshilë janë më të fortë dhe kanë më shumë lagështirë, ndërsa ullinjtë e zinj janë të thatë, por kanë shije më të butë.

Shefat e kuzhinës kanë preference të ndryshmë në përdorimin e ullinjve jeshilë ose të zinj në menutë e tyre. Shumica përdorin ullinjtë jeshilë për t’u dhënë menuve të tyre një shije pak më të hidhur.

Ullinjtë jeshilë nuk gatuhen as nuk piqen, ndërkohë që ullinjtë e zinj përdoren në gatimet me bazë mishi, sallata, pica dhe panine me brumë pice.

Ullinjtë jeshilë kombinohen me turshi, kaperi, sardele, bajame dhe speca për mbushje të ndryshme, ndërkohë që ullinjtë e zinj jo. Në aspektin e vlerave ushqyese, ndryshimi mes ullinjve jeshilë dhe atyre të zinj është gjithashtu minimal.

Përdorimet në kuzhinë

Ullinjtë jeshilë përdoren në pije alkolike siç është martini, dhe në sallata, sidomos ajo me vezë. Ato mund të hahen veçmas, por nuk gatuhen ose ngrohen kurrë sepse shija e tyre e fortë mbyt aromën e çdo përbërësi tjetër.

Ullinjtë e zinj nga ana tjetër përdoren gjërësisht për sallata, pica, makarona dhe gatime të tjera mesdhetare.

Ullinjtë e zinj mund të mos jenë origjinal të zinj

Tingëllon çuditshëm, por ashtu është. Shqipëria prodhon kaq shumë ullinj sa një fenomen i tillë falsifikimi ngjyrash nuk ndodh në vendin tonë.

Megjithatë në vende ku ulliri importohet ndodhin gjëra të çuditshme. Shija e ullinjve të zinj është e thellë, por shpesh konsumatorët e huaj kanë hasur ullinj pa shije apo aromë.

Gati të gjithë ullinjtë e zinj të importuar dhe paketuar që shiten nëpër markete, janë thjesht ullinj jeshil të ngjyrosur.

Nëse merrni ullinj të papjekur dhe i zhysni në solucione me bazë alkaline apo ujë të oksigjenuar, atëherë ato do të nxihen.

Më pas, përdoret një kimikat që rregullon ngjyrën e ullinjve përpara se ato të paketohen në tretësirë me kripë.

Etiketa e këtyre produkteve, sigurisht që nuk e përfshin këtë informacion, duke qenë se në teori bëhet fjalë për përpunim se sa thjesht një ngjyrosje.

Nëse do të përballeni me zgjedhjen mes një ulliri të rremë të zi dhe atyre të vertetë jeshil, zgjidhja është e thjeshtë, apo jo?/AgroWeb.org

Byrek i kripur me qumësht dhe arra – Receta e veçantë me shije të mrekullueshme

Byreku i kripur me qumësht dhe arra, është një delikatesë e cila ia vlen të provohet.

Byreku është një nga recetat më të dashura për shqiptarët.

Prezente në shtëpitë tona për breza me radhë, byreku ka një larmishmëri në përgatitjen e tij.

Çdo krahinë e Shqipërisë ka mënyrat e përgatitjes që e karakterizon këtë gatim kaq të dashur.

Nga petaniku me fasule e deri tek recetat më të lehta të byrekut me qumësht, të gjithë i kemi provuar dhe jemi rritur me aromën e tyre.

Sot AgroWeb.org sjell për ju një recetë vërtetë të veçantë dhe plot shije të mirë.

Byreku i kripur me qumësht dhe arra, është një delikatesë e cila ia vlen të provohet.

I butë nga kombinimi i qumështit, dhe me mbushjen krokante të arrave, ky byrek është një recetë që nuk duhet humbur.

Përbërësit

1 pako me peta të gatshme

300 gr arra të thërrmuara

3 vezë

1 filxhan çaji me vaj ulliri

2 gota e gjysmë qumësht

50 gr gjalpë

Kripë

Përgatitja

Si fillim AgroWeb.org ju këshillon që rreth 2-3 orë para se të nisni me përgatitjen e byrekut të nxirrni nga frigoriferi petët e gatshme.

Hapini dhe mbulojini me një pecetë të njomur, kështu nuk do të thahen nga ajri i ambientit.

Ndërkohë merrni arrat dhe thërrmojini duke i shtypur me petës ose shishe qelqi.

Kini Kujdes, pasi duhet të jenë po aq të thërrmuara sa i përdorni për bakllavanë.

Arrat përzjejini me gjalpin e shkrirë në mënyrë që të formohet një masë e lidhur.

Nëse ju duhet akoma më shumë gjalpë, mjafton ta shtoni dhe ta përzieni me arrat.

Më pas AgroWeb.org ju sugjeron që në një tas të hidhni tre vezët dhe t’i rrihni ato me qumështin.

Shtoni kripën dhe përsëri përzjejini në mënyrë që kokrrizat e saj të treten plotësisht.

Merrni tavën ku do të piqni byrekun dhe lyejeni me pak vaj.

Kujdesuni që të lyeni dhe anët e saj, në mënyrë që petët të mos ngjiten gjatë pjekjes.

Shtroni petën e parë dhe spërkateni me vaj e më pas të dytën.

Përsërisni këto hapa derisa të keni shtruar pesë petë.

Tani hidhni gjysmën e masës me arra dhe gjalpë dhe mundohuni ta keni përhapur në të gjithë sipërfaqen e petës.

Shtroni një tjetër shtresë me peta duke spërkatur secilën prej tyre me vaj ulliri.

Hidhni dhe pjesën e mbetur të arrave, dhe shtroni dhe petët e mbetura.

AgroWeb.org ju kujton që është e rëndësishme që çdo petë që shtroni ta spërkatni me vaj ulliri.

Diçka e tillë do ta bëjë byrekun tuaj të butë.

Në fund pasi keni mbaruar me petët, hidhni masën e qumështit dhe vezëve që përgatitët më parë.

Futeni tavën për t’u pjekur për 35-40 minuta në temperaturë 180 gradë.

Pasi të jetë pjekur, lëreni të ftohet për 10 minuta, kështu i keni lënë kohë dhe të mpikset më mirë, e më pas mund ta servirni.

Si të përgatisni lëngun e kungullit dhe karrotës kundër depresionit

Shtrydhja e kungullit bashkë me karrotën ofron një mundësi shumë të mirë për forcimin e imunitetit, sidomos gjatë ndryshimit të stinëve.

Kungulli është një frut me super veti ushqyese, i pasur me vitamina dhe minerale, por me pak kalori dhe ka pafund mënyra për tu përfshirë në dietë, sa do të habiteshit.

Që nga ëmbëlsira, sallata, byrek me kungull madje madje mund të jetë një zëvendësues shumë i mirë dhe i gjalpit.

Kungulli është një nga burimet më të mira dhe më të njohura me beta-karoten, një super antioksidant, që njihet si kontribuesi kryesor i ngjyrës portokalli dhe që konvertohet në vitaminë A në trup.

Ai rritet pothujase në të gjitha zonat e vendit.

Konsumi i ushqimeve të pasura me beta-karoten mund të zvogëlojë rrezikun e zhvillimit të disa tipeve të kancerit, mbron nga azma dhe sëmundjet e zemrës dhe ngadalëson plakjen dhe degjenerimin e trupit.

Kungulli është i pasur me fibër, kalium, vitaminë C dhe vitaminë E .

Shtrydhja e kungullit bashkë me karrotën ofron një mundësi shumë të mirë për forcimin e imunitetit, sidomos gjatë ndryshimit të stinëve.

Lëngu i Kungullit Dhe Karrotës Për Imunitet Të Fortë Në Vjeshtë

Për përgatitjen e këtij lëngu ju nevojiten:

3 filxhanë e gjysmë me copa karrotash

3 filxhanë çaji me copa kungulli

Lëng limoni jeshil

Përgatitja:

Pastrojeni kungullin nga farat dhe prijeni në cipa të vogla të një madhësie të përshtatshme për shtrydhësen tuaj.

Lëkurën e kungullit mund ta mbani sepse është shumë e pasur në vlera.

Qërojini karrotat dhe prijini në copa të vogla.

Kalojini karrotat dhe kungullin në shtrydhëse dhe më pas lëngun hidheni në gotë.

Shtrydhni një gjysëm limoni jeshil në lëng dhe pijeni menjëherë.

Lëngu i kungullit dhe i karrotës ofron një pije shumë të mirë dhe energjike për organizmin.

Lëngu është shumë i pasur në tryptophan, një substancë që aktivizon ndjesinë e gëzimit dhe mirëqënies por që lufton edhe depresionin.

Lëngu i kungullit në veçanti parandalon formimin e qelizave kancerogjene, përmirëson funksionin e trurit dhe mbron shëndetin e syve. /AgroWeb.org

Si të përgatisni mish pule të zier me lëng limoni – Shije e mrekullueshme

Receta e përgatitjes së pulës me lëng limoni.

Gatimet me pulë janë gjithnjë ndër zgjedhjet e para në rastet kur nuk keni shumë kohë të përgatisni dreka apo darka të mira.

Kjo për shkak të shijes së mirë që ky mish ka, vlerave që i dhuron trupit, por dhe për shkak të lehtësisë në përgatitje.

Në këtë shkrim AgroWeb.org do t’jua lehtësojë edhe më shumë këtë proçes duke ju treguar disa hile të vogla.

Disa mënyra të thjeshta se si mund t’a zieni shpejt dhe shëndetëshëm mishin e pulës.

Ndiqni hap pas hapi si më poshtë mënyrën e lehtë si mund të zieni mishin e pulës në disa minuta.

Përbërësit

1 pulë mesatare

1 lugë çaji kripë

2-3 feta limon

1 gjethe dafinë

piper i zi kokërr

Zierja e mishit të pulës me lëng limoni.

Përgatitja

Për të nisur me përgatitjen e kësaj recetë AgroWeb.org ju këshillon t’a prisni mishin e pulës në copa dhe t’a pastroni.

Vendosni mishin në një tenxhere të thellë, të zakonshme dhe mbusheni atë deri në gjysme me ujë.

Mund t’i shtoni sipas dëshirës edhe disa gjethe dafine, dy tre feta limon dhe disa kokrra piper të zi.

Kjo do t’i japë një shije të veçantë mishit tuaj gjatë gatimit.

Vëreni tenxheren të ziejë në zjarr të mesëm dhe kur të shikoni që uji po nxjerr bulëza dhe një shkumë të bardhë sipër mbulojeni me kapak.

Lëreni të zihet për 8-15 minuta të varësi të trashësisë së mishit dhe sasisë së tij.

Provojeni herë pas here nëse mishi juaj është bërë duke i ngulur një thikë.

Kur të jetë gati nxirreni nga tenxherja për t’a shijuar ashtu siç është apo për të vazhduar me mënyra të tjera të gatimit të tij.

Mund t’a konservoni duke e prerë në copa të vogla dhe ta konservoni në frigorifer deri në 5 ditë.

Si të humbisni 4 kilogramë me supën e lakrës – Receta me shije të lehtë

Ky regjim duhet mbajtur për shtatë ditë dhe mundëson humbjen e të paktën katër kilogramëve.

Në rrjete sociale çdo ditë dalin ide të reja për regjime ushqimore që premtojnë rënien nga pesha.

Shumica e tyre janë tepër drastike dhe pengojnë organizmin të marrë ushqyesit që i nevojiten.

Ka regjime të tjera që janë më plotësuese në aspekt ushqyesish dhe mbështeten gjerësisht nga njerëzit që i kanë provuar ato me sukses.

I tillë është rasti i supës me lakër.

Regjimi Dobësues Me Supën e Lakrës

Së pari duhet të dini që kjo supë funksionon për rënien afat-shkurtër nga pesha.

Ky regjim ka të bëjë me përgatitjen e supës me bazë lakre dhe me perime të tjera dhe ngrënien e dy deri në tre racione të saj gjatë ditës.

Përveç supës, ju mund të konsumoni edhe fruta apo mish.

Ky regjim duhet mbajtur për shtatë ditë dhe mundëson humbjen e të paktën katër kilogramëve.

Ushqimet e Tjera Që Mund Të Konsumoni Gjatë Dietës

Në ditën e parë mund të hani çdo frut përveç bananes.

Në ditën e dytë mund të hani edhe barishte por jo fruta.

Në ditën e tretë mund të hani fruta dhe perime të larmishme

Në ditën e katërt mund të hani banane dhe qumësht të skremuar.

Në ditën e pestë, supën mund ta shoqëroni edhe me mishi viçi, mish pule dhe domate.

Në ditën e gjashtë, krahas supës mund të hani edhe mish viçi dhe perime.

Në ditën e shtatë, supën mund ta konsumoni krahas orizit kaf, frutave dhe perimeve.

Disavantazhet e Dietës së Supës me Lakër

Kjo dietë është ndjekur nga shumë njerëz që në vitet 80.

Megjithatë, duhet të dini që kjo dietë ofron pak karbohidrate.

Kjo nënkupton se diabetikët do ta kenë të  vështirë të ruajnë nivelet e duhura të sheqerit në gjak.

Në varësi të mënyrës së përdorimit, kjo supë mund të ketë edhe shumë kripë.

Siç e thamë edhe më lart, rezultatet e dietës janë afatshkurtra, që do të thotë se pas saj, ju duhet të kujdeseni më fort për peshën.

Një Ide Për Supën Me Lakër

Receta e rekomanduar nga Agroweb.org shpjegon një mënyrë të thjeshtë por shumë të pasur në vlera për përgatitjen e supës.

Për këtë supë ju nevojiten:

  • 1 lakër e vogël e grirë hollë
  • 2 qepë të mëdha
  • Një kavanoz me salcë domatesh të prera në copa.
  • 2 speca jeshilë të pastruar nga farat dhe të prera.
  • 4 kërcenj selinoje  të prera hollë,
  • 6 karrota të qëruara dhe të prera hollë,
  • Kripë, piper, majdanoz, kopër, trumzë dhe sherebelë,
  • Pak lëng limoni ose uthull balsamike dhe barishte qepësh të grira hollë për servirje.

Hidhini të gjithë përbërësit në një tenxhere me ujë dhe kur uji të ketë marrë valë lërini të ziejnë në temperaturë mesatare deri sa perimet të zbuten.

Më pas, supën pasurojeni me uthull balsamike apo lëng limoni, erëza të freskëta dhe barishte qepësh të prera hollë.

Sekretet e gatimit perfekt të sarmës me lakër të bardhë

Sarma me lakër është padyshim një gatim që ndez të gjitha shqisat e shijes dhe dëshirës.

Sarma është një specialitet fantastik dhe i hershëm i amvisave shqiptare dhe atyre të Ballkanit që trashëgohet dhe pasurohet brez pas brezi.

Sarma me lakër është padyshim një gatim që ndez të gjitha shqisat e shijes dhe dëshirës.

Gatimi i saj tingëllon shumë i lehtë. Fundja, çfarë mund të ketë kaq të vështirë se të mbushësh një fletë lakër me mish e oriz?

Kjo ide është e gabuar.

Gatimi i sarmës kërkon durim dhe kohë.

Amvisat që janë lexuese besnike të AgroWeb.org kanë ndarë me ne sekretet e thjeshta të gatimit të sarmës.

Sipas tyre, gatimi perfekt i sarmës ka dy elementë bazë të cilët duhen respektuar me fanatizëm.

Sekreti i parë qëndron tek përzierja e mishit, orizit dhe erëzave për të paktën 10 minuta.

Përzierja duhet bërë me duar dhe ky minutazh është i domosdoshëm që të gjithë përbërësit të marinohen me njëri tjetrin dhe të përthithin veçoritë e më të mirat e njëri tjetrit.

Sekreti i dytë është zierja.

Zierja e lakrës duhet bërë në zjarr të ngadaltë.

Ndoshta është kjo arsyeja që amvisat thonë se sarma nuk është një gatim që mund ta nisësh në orën 10 të mëngjesit e ta përfundosh në mesditë.

Në këtë artikull të AgroWeb.org do të mësoni recetën më të mirë të sarmës me lakër të bardhë.

Përbërësit:

1 lakër mesatare

1 kg mish viçi i grirë

4-5 kokrra qepë mesatare

1 filxhan çaji oriz

Gjysëm luge gjelle me kripë

Një lugë çaji piper të zi pluhur

Një lugë gjelle gjalpë pa kripë

Një lugë gjelle me salcë domate.

4-5 lugë vaj ulliri

Përgatitja:

Grijmë qepët hollë.

Mishin e grirë e hedhim në një tas të thellë.

Lajmë orizin, e kullojmë dhe e shtojmë tek mishi.

Hedhim piperin, qepën e grirë shumë hollë, kripën dhe vajin e ullirit.

I përziejmë me dorë për 10 minuta,

Ndërkohë vendosim lakrën e plotë në një tenxhere me ujë dhe pak kripë të marrë një valë sa të zbuten gjethet e lakrës.

Pasi të jenë zbutur i ndajmë një e nga një ndërsa kërcellin e hedhim.

Fletët e lakrës i shpëlajmë me ujë të ftohtë dhe i vendosim në një kullesë.

Ndajmë 4-5 fletë mënjanë.

Pastaj marrim një fletë lakër dhe hedhim nga një lugë gjelle me mbushje

E mbështjellim dhe i vendosim në një tas të thellë.

Pastaj marrin një tenxhere të madhe, hedhim pak vaj vegjetal dhe sipër vendosim disa gjethe lakre.

Sipër tyre vendosim sarmat një e nga një deri sa të mbushet tenxherja.

Të gjithë sarmat i mbulojmë me gjethe të plota lakre.

Sipër tyre hedhim dy lugë vaj ulliri.

Vendoseni tenxheren në zjarr pa shtuar ujë.

Ndërkohë sapo të marrë valë lëngu i lëshuar nga lakra, ulim temperaturën.

Sarmat duhen zier në zjarr të ngadaltë për deri në dy orë.

Herë pas here fusim lugën e drurit në anët e tenxheres  për të kontrolluar nëse lakra është ngjitur në tenxhere.

Në një tigan, hedhim një lugë salcë domateje dhe një lugë gjalpë të butë pa kripë.

I kavërdisim lehtë dhe shtojmë një gotë me ujë dhe pak kripë.

Të gjithë masën e hedhim sipër sarmave, duke u siguruar që të gjitha anët e sarmave janë të spërkatura me ujin me salcë.

Sarma duhet zier deri sa i gjithë uji të avullojë në zjarr të ngadaltë.

Më pas atë mund ta servirni të ngrohtë.

Nëse ju mbetet sarmë për të nesërmen, ngroheni në tigan duke hedhur dy-tre lugë gjelle me ujë të pijshëm.

Hallvasia e shtëpisë – Sekreti i recetës së ëmbël me shije të mrekullueshme

Origjina e kësaj ëmbëlsire flitet të jetë Perandoria Bizantine, më pas është trashëguar dhe përhapur në të gjithë orientin.

Fjala ‘halvah’ në arabishten e vjetër do të thotë ‘ëmbëlsi,’ dhe pse mënyrat e përgatitjes janë të larmishme, diçka që mbetet e njëjtë është shija e mrekullueshme.

AgroWeb ju sjell metodën më të lehtë për ta përgatitur kurdoherë për familjarët e miqtë tuaj hallvasinë.

Përgatitja e Hallvasisë në Shtëpi

Përbërësit  

2 filxhanë çaji me mjaltë

1 filxhan e gjysmë çaji me fara susami

3-4 lugë me vaj ulliri

2 filxhanë çaji me bajame të pjekura dhe të shtypura (por mund të përdorni dhe arror të tjerë sipas dëshirës)

Përgatitja

Hapi i parë

Sekreti dhe përbërësi kryesor i hallvasisë është pikërisht salca e farave të susamit. Kjo salcë nuk është gjë tjetër vetëm fara susami të bluara me pak vaj ulliri.

Në një tigan pa yndyrë vendosni në zjarr farat e susamit, sa për t’i pjekur pak.

AgroWeb.org ju këshillon që t’i përzieni me një lugë druri, kështu do të marrin një ngjyrë të artë.

Nëse e preferoni hallvasinë më të hidhur, mund ta anashkaloni hapin e pjekjes në tigan, duke i përdorur farat e susamit të njoma.

Më pas hidhini në grirësen elektrike dhe shtoni vajin e ullirit që nevojitet.

Bluajini derisa farat të jetë tretur plotësisht dhe të jetë formuar një salcë jo shumë e trashë.

Kalojeni masën në një xhezve dhe vendoseni në ngrohet.

Hapi i dytë

Ndërkohë në një tenxhere të thellë vendosni mjaltin të zjarr mesatar.

AgroWeb.org ju këshillon që të tregoni kujdes, mjalti duhet lënë në zjarr derisa të ketë filluar të karamelizohet.

Për të kuptuar nëse mjalti është gati, mjafton që me një lugë druri të hidhni disa pika mjalti në një gotë me ujë. Nëse formon një masë të butë dhe të ngjitshme kur e shtypni, largojeni tenxheren nga zjarri.

Hapi i tretë

Shtoni aty salcën e farave të susamit, të cilën e keni ngrohur, dhe me një lugë druri duhet ta përzieni ngadalë në mënyrë që masat të bashkohen.

Nësë doni të përdorni arra, bajame, stika apo lajthi ky është momenti kur duhet t’i shtoni. Vazhdoni të përzieni derisa masa të fillojë të forcohet, përreth 6-8 minuta.

Kalojeni masën në një tavë të lyer mëparë me vaj ulliri, mbulojeni me qese kuzhine dhe futeni në frigorifer për 36 orë.

Koha e përcaktuar do të mundësojë krijimin e kristaleve të sheqerit, që i jep hallvasisë dëndësinë dhe trashësinë e saj unike.

Më pas mjafton që ta ndani në pjesë me një thikë të mprehtë, dhe ta mbështillni me qese plastike kuzhine dhe mund ta ruani gati për 4-5 muaj në frigorifer.

Hallvasia mund të jetë shoqëruesja e mëngjesëve për t’i dhuaruar atyre shijen e saj unike pak të hidhur dhe të ëmbël.

Por dhe për t’ua servirur miqëve apo të afërmve tuaj bashkë me çajin apo kafen, si për t’i ëmbëlsuar ditën.

Kek pa miell dhe sheqer – Përbërësit sekretë të një ëmbëlsire të shëndetshme

Kjo është receta që çdo amvisë duhet të ketë patjetër në listën e recetave të ëmbla të saj.

Pa miell, pa sheqer, madje edhe pa qumësht e gjalpë, pra pa asnjë nga përbërësit tradicionalë të ëmbëlsirave, kjo recetë do t’ju lërë pa fjalë për shijen fantastike të saj.

Kjo ëmbëlsirë e thjeshtë përgatitet shumë shpejt, kërkon pak kohë dhe mund, por është krejt e shëndetshme e mbi të gjitha një zgjedhje fantastike për ata që i qendrojnë larg ëmbëlsirave për shkak të ndikimit që ato kanë në shtimin në peshë.

AgroWeb.org ju sjell më poshtë recetën e mrekullueshme të kësaj ëmbëlsire, e cila përgatitet për vetëm 35 minuta.

Përgatitja e Kekut pa Miell dhe Sheqer  

(Përbërësit më poshtë janë për 10 racione kek)

Përbërësit

3 banane

2 filxhanë çaji tërshërë

2 vezë

1 filxhan kafeje me mjaltë

1 një lugë çaji sodë buke

Përgatitja

Si fillim AgroWeb.org ju udhëzon të ndizni furrën e sobës në temperaturë maksimale dhe lëreni të ngrohet.

Ndërkohë në një mikser shtoni të gjithë përbërësit, tulin e bananeve, tërshërën, mjaltin, vezët dhe sodën dhe kalojini në mikser derisa të krijohet një masë homogjene brumi kremoz.

Të gjithë brumin shtrojeni në një tavë dhe futeni në furrë të parangrohur të piqet për 30 minuta.

Nëse preferoni, në momentin që e keni shtruar në tavë, sipër mund t’i vendosni disa feta bananesh në të gjithë sipërfqen.

Por gjithashtu, nëse preferoni gjatë përgatitjes së brumit mund të shtoni arra ose bajame të thërrmuara, fruta të ndryshme të thata sipas preferencës.

Kombinimet

Keku me brumë bananesh është një zgjidhje fantastike për mëngjes dhe jo vetëm.

Kjo ëmbëlsirë e thjeshtë dhe e lehtë mund të konsumohet në çdo kohë të ditës.

Ajo mund të shoqërohet me kafe, çaj të ngrohtë por edhe lëngje të ndryshme frutash.

Nëse dëshironi mund ta kombinoni edhe me pak reçel qershie apo fiku dhe shija e saj do t’ju përfshijë tërësisht.

Mish pule i pjekur me salcë arrash – Receta e shijshme

Mishi i pulës dhe lëngu i tij përbëjnë bazën e shumë prej gatimeve më të mira të amvisave shqiptare.

Mishi i pulës përbën një nga mënyrat më të mira për të përfituar proteinën që na nevojitet çdo ditë.

Mënyrat e gatimit të tij janë të larmishme dhe shumë të shijshme.

Mishi i pulës dhe lëngu i tij përbëjnë bazën e shumë prej gatimeve më të mira të amvisave shqiptare.

Lëngu prodhon një pilaf të mrekullueshëm, ndërsa mishi, kur piqet, ofron një pjatë që të ngop të gjitha shqisat.

Në këtë artikull të AgroWeb.org do të mësoni një recetë interesante të mishit të pulës të pjekur në furrë e të plotësuar me salcë arrash.

Përbërësit:

8 kofshë pule ose një pulë e plotë,

Gjysmë lugë çaji me spec të kuq pluhur,

2 lugë gjelle vaj ulliri,

150 ml lëng pule,

200 gramë arra,

1 qepë e vogël e prerë hollë,

2 thelpinj hudhër,

50 ml krem pana,

Lëngu i një limoni,

Majdanoz të grirë hollë, kripë e piper.

6 pite brumi

Përgatitja

Për përgatitjen e recetës ju këshillojmë të ndizni furrën në 200 gradë.

Merrni një tavë dhe hidhni në të kofshët e pulës, specin pluhur, kripën, piperin e zi, vajin e ullirit dhe specin pluhur.

Piqini në furrë për rreth 40 minuta deri sa mishi i pulës të jetë krokant dhe i pjekur mirë.

Merrni një enë tjetër dhe copëtoni një pite duke hedhur sipër saj pak nga lëngu i mishit të pulës.

Në një tigan skuqni qepën dhe hudhrën dhe më pas, bashkë me copat e zbutura të pites dhe pjesën më të madhe të arrave hidhini në një mikser.

AgroWeb.org ju këshillon që t’i përpunoni mirë deri sa të formohet një salcë e trashë.

Sipas salcës hidhni lëngun e mbetur të mishit të pulës, kremin pana dhe lëngun e limonit.

Ngrohini pak në tigan sa të lidhen me njëra tjetrën dhe më pas hidhjani salcën kofshave të pulës.

Pjesën e mbetur të arrave thërmojeni dhe hidhjani sipër në pjatë bashkë me majdanozin e freskët.

Këtë pjatë mund ta servirni duke e shoqëruar me pite brumi të ngrohura në furrë.

Supa me patate dhe presh – Ndikimet e mira në organizëm

Një recetë klasike e vjeshtës e pasur në përfitime shëndetsore dhe aromë.

Nëse e servirni me bukë të thekur, duke e shoqëruar me një sallatë të lehtë të stinës atëherë nuk do të keni të ngopur.

Supa është një nga ato ushqime të cilës nuk i bën dot naze, sepse të përmbush, të kënaq e të ngushëllon në ditë të ftohta dhe të shëron.

Mjaftojnë disa përbërës të thjeshtë dhe përfiton një supë të plotë me shije.

E tillë është edhe supa me presh dhe patate. E shijshme, e pasur në vlera dhe fantastike kur serviret e ngrohtë. Është pjata ideale në këto ditë, ku virozat stinore janë përherë prezente.

Kjo është një recetë klasike e vjeshtës e pasur në përfitime shëndetësore dhe aromë.

Në këtë periudhë të vitit, tregjet në vend janë të mbushura me fruta dhe perime shumëngjyrëshe siç janë kungujt, mollët, karrotat e të tjerë.

Por nëse shikoni me kujdes, do të zbuloni edhe freskinë dhe shijen e mrekullueshme të patates së vjeshtës dhe preshit.

Patatet mund të piqen në furrë, të zihen apo të bëhen pure.

Struktura qelizore e kësaj perimeje e bën atë ideale për përdorimin në disa sallata të ndryshme të stinës.

Patatet shumëpërdorimëshe kanë një sasi mesatare të niseshtes dhe rrjedhimisht mund të përfshihen në shumë receta.

Vjeshta është edhe stina e preshit.

Ndonëse preshi me pataten ju ngjajnë si një ortakëri e pamundur, duhet të dini që kur kombinohen së bashku në supë plotësojnë njëra tjetrën në një shije absolute.

Nëse shtoni qepët dhe hudhrat, supa merr një dimension më të çmuar.

Përdorni vaj ulliri në vend të gjalpit dhe për trashje përdorni krem qumështi që do çelë ngjyrën e supës por do i japë shijen përfundimtare.

Si ta Përgatisim Shpjetë dhe Lehtë në Shtëpi

Përbërësit

3 presh të mëdhenj

4  lugë gjelle me vaj ulliri

1 filxhan me qepë të grirë

3 thelpinj hudhër të grirë

3 patate mesatare të prera në copa

6 filxhanë me lëng pule ose perimesh ose ujë

1 lugë çaji me kripë

Gjysëm luge çaji me spec djegës

Çerek gote me krem qumështi

Udhëzimet

1. Pastrojeni preshin dhe prijeni në gjysmë. Shpëlajeni me ujë të bollshëm për të hequr papastërtitë. Më pas prijeni në copa rrumbullake të vogla.

Vendoseni tenxheren në zjarr mesatar dhe ngrohni vajin e ullirit. Shtoni copat e preshit dhe kavërdisini për 3-4 minuta. Më pas shtoni qepët.

2. Vazhdoni kavërdisjen edhe për 5 minuta të tjera deri sa përbërësit të zbuten. Shtoni hudhrat dhe më pas lërini të kavërdisen për 3 minuta.

3. Shtoni patatet dhe lëngun e pulës, perimeve ose ujin. Pasi të kenë zier, uleni temperaturën dhe lërini përbërësit të ziejnë për 15 minuta ose deri sa patatet të zbuten.

4. Shtoni kripë dhe piper.

5. Hidhini përbërësit në mikser me sasi të vogla dhe përziejini deri sa të bëhen pelte. Mos e mbushni mikserin me lëng të nxehtë sepse mund të përballeni me një shpërthim të mundshëm ndaj rekomandohet përzierja e sasive të vogla.

6. Pasi të keni përfituar pelten e të gjjithë përbërësve, hidheni atë në tenxhere dhe lëreni të ziejë në temperaturë të ulët. Shtoni kremin e qumështit dhe servireni./AgroWeb.org

Hasude me lëng portokalli – Shija më e mirë e traditës në 15 minuta

Është një ndër ëmbëlsirat më të famshme të traditës që shtrihet nëpër të gjithë shqipërinë.

Shija e butë dhe e veçantë e hasudes vështirë se harrohet.

Është një ndër ëmbëlsirat më të famshme të traditës që shtrihet nëpër të gjithë Shqipërinë.

Megjithëse shumë e thjeshtë në përbërës, hasudja ka sekretet e saj në përgatitje të cilat bëjnë diferencën në fund.

Megjithëse shija e saj tradicionale nuk ndrrohet me asgje, në këtë recetë nga AgroWeb.org do të gjeni një mënyrë pak më ndryshe përgatitje.

Shija e shtuar në këtë kombinim do të jetë lëngu i portokallit, shumë i ëmbël dhe i shëndetëshëm njëkohëshisht.

Ndiqni mëposhtë hap pas hapi të gjithë përgatitjen e kësaj ëmbëlsire të mrekullueshme.

Për vetëm 15 minuta do t’a keni të ngrohtë në tavolinë.

Përbërësit

300 gr niseshte

300 gr sheqer

250 ml ujë

250 ml lëng portokalli

100 gr gjalpë të freskët

Përgatitja

Hedhim në një tas masën e ujit dhe niseshtenë dhe i përziejmë mirë me njëra tjetrën derisa niseshteja të shkrihet plotësisht dhe të njëtrajtësohet me ujin.

Më pas, AgroWeb.org ju udhëzon të vendosni një tenxhere në zjarr.

Shtojmë gjalpin dhe sheqerin.

I trazojmë derisa sheqeri të shkrijë plotësisht dhe të marrë ngjyrë karamel dhe të forcohet pak.

Në këtë moment, AgroWeb.org ju udhëzon të shtoni ujin me niseshte dhe të përzjeni gjithë masën pa ndërprerje përmes një luge druri.

Pasi të trashet pak kjo përbërje shtoni edhe lëngun e portokalli duke përzier vazhdimisht.

Nëse preferoni të shtoni të tjerë përbërës përveç atyre bazë, në momentin kur shtoni ujin me niseshtenë mund të shtoni gjithashtu edhe arra apo bjame të thërrmuara.

Gjithashtu edhe  përbërës të tjerë dhe vijoni të përzieni, derisa masa të trashet ne formën klasike xhelatinoze të hasudes.

Sekreti i hasudes qendron tek përzierja pa ndëprerje e gjithë masës që është në zjarr

Më pas hiqeni nga zjarri, mund ta ndani në një pjatancë lugë-lugë ose hidheni në një tavë dhe më pas prijeni në katrorë dhe më pas lëreni të ftohet.

Sultjash i pjekur – Receta me shije dhe shëndet të mirë

Përveç shijes, kjo recetë që sjell AgroWeb.org është e shëndetshme dhe zgjedhja perfekte pas një vakti të plotë.

Nëse ju ka pëlqyer sultjashi kur e përgatiste gjyshja, atëherë keni për t’u mrekulluar me këtë recetë.

Sultjashi i pjekur është një ëmbëlsirë delikate me bazë orizi dhe qumështi, e cila përgatitet në disa hapa.

Përveç shijes, kjo recetë që sjell AgroWeb.org është e shëndetshme dhe zgjedhja perfekte pas një vakti të plotë.

Mund të serviret e ngrohtë ose e ftohtë, por përbërësi kryesor, qumështi, duhet të jetë me patjetër i papërpunuar i fshatit.

Amvisat thonë se kleçka e përgatitjes së kësaj recete, është gatimi në zjarr të ndagaltë, përzjerja e përhershme dhe shumë shumë durim.

Përgatitja e Sultjashit të Pjekur

Përbërësit

Gjysmë gotë me oriz të bardhë

4 gota e gjysmë me qumësht fshati

4 lugë gjelle me sheqer

2 lugë gjelle me niseshte misri

1 e kuqe veze e rrahur me tre lugë gjelle qumësht fshati

Përgatitja

Ndizni furrën në 180 gradë Celsius.

Pasi të keni larë me ujë të bollshëm orizin vendoseni në një tenxhere të madhe dhe mbulojeni me ujë.

Vendoseni në zjarr që të zjejë dhe kur të shikoni që krijohen bulëza ulini nxehtësinë.

Lëreni orizin që të zjejë ngadalë dhe të zbutet përreth pesë minuta.

Shtoni aty tre gota e gjysmë me qumësht fshati, sheqerin dhe nëse dëshironi pak vanilje për më shumë ëmbëlsi.

AgroWeb.org ju këshillon që të vashdoni ta përzjeni me ndihmën e telit të kuzhinës derisa të vlojë përsëri.

Duke e përzjerë gjatë gjithë kohës duhet të prisni dhe dhjetë minuta, por AgroWeb.org ju sugjeron që të tregoni kujdes me orizin.

Nëse nuk e përzjeni gjatë gjithë kohës, ndërkohë që qumështi me orizin zjenë, ka shumë mundësi që kokrrat e orizit do të ngjiten në fundin e tenxheres.

Në një tas të vogël, përzjejmë gotën e mbetur të qumështit me niseshtenë e misrit derisa të formohet një masë e njëtrajtshme.

Duke e përzjerë orizin me qumështin, shtojmë masën me niseshte ngadalë.

Më pas ngrini nxehtësinë dhe vashdoni të përzjeni derisa të vini re që qumështi ka nisur të avullojë.

Në këtë moment masa e përgatitur do të fillojë të mpikset, AgroWeb.org ju këshillon që të vazhdoni të përzjeni dhe përreth dy minuta.

Për pjekjen

Largojeni tenxheren nga zjarri, dhe me një garuzhde mbushni tasa të vegjël balte apo inoksi me këtë përbërje.

Me një lugë spërkatni pak nga e verdha e vezës e rahur në qumësht, në sipërfaqen e sultjashit.

Sigurohuni që ta hidhni nga qendra e tasit drejt buzëve të tij.

Vendosini tasat e vegjën në një tavë të mbushur me pak ujë, e më pas në furrë për t’i pjekur për rreth 20 minuta, ose derisa të krijohet një shtresë e artë.

Pasi t’i keni nxjerrë nga furra lërini që të ftohen pak, nëse doni mund ta servirni të ngrohtë, ose ta vendosni në frigorifer për cilindo që kërkon diçka të freskët.