VOAL

VOAL

Please Wait ...
0%

Media serbe: Flamujt e Shqipërisë po valojnë në Preshevë e Bujanoc, përkundër ndalesës

By | November 28, 2017

Komentet

(Video) Koleksionisti i ikonave Gjergji Thimo: Edi Rama, atëherë me emrin Edvin Rama, i dënuar dy herë në Francë për vjedhje ikonash

’Rama është ndaluar dy herë në Francë, ka tentuar të më eliminojë në burg’

Koleksionisti i ikonave Gjergji Thimo denoncon publikisht Edi Ramën.

Rama është ndaluar dy herë në Francë, për vjedhje ikonash, emrin atëherë e kishte Edvin Kristaq Rama. Rama ka qënë i penalizuar edhe në Qipro.

Pastaj i ka ndryshuar gjeneralitetet dhe e ka ndryshuar emrin në Edi Kristaq Rama.

Rama ka qenë i penalizuar në Paris për vjedhje ikonash, i merrte ato nga kishat në Shqipëri. Berisha denoncoi një akt barbar qeveritar, Rama ka qenë i penalizuar edhe në Qipro. E kam denoncuar dhe më parë në gazetarë të tjerë, por deri tani prokuroria ka heshtur.

Në burg tentuan dy herë që të më vrisnin, dhe kur dola prej aty më hoqën edhe kempin. Në burg më futi, nuk e kam problem fare që të më hedhë në gjyq. Ky ka manipuluar një komb të tërë, po i pi gjakun çdo ditë dhe më keq, drejtohet nga një nip i Spiro Kolekës, që së bashku me Enver Hoxhën vranë një popull të tërë”, u shpreh Thimo.

Ndiqeni intervistën e Gjergji Thimos.

 

 

Tifozët e NBA dhe të Kobe Bryant deshnin që Kobe e Vanessa të kishin edhe një djalë dhe çifti kishte premtuar se do ta provonin

Tifozët e NBA gjithmonë kanë dashur që Kobe Bryant të kishte edhe një djalë, i cili një ditë mund të merrte përsipër ligën.

Pas katër vajzave, Mamba dhe gruaja Vanessa do të vazhdonin të provonin!

Kështu kishin premtuar.

Ishin të dy të rinj. Kobe 41 dhe Vanessa 37!

Kjo foto është shkrepur në prag të lindjes të vajzës të katërt në qershorin që shkoi.

Kobe dhe Vanessa i adhuronin vajzat e tyre, Natalia përlqente volleybollin, Gianna ishte një yll në perspektivë i basketbollit. Familja i kishte të gjitha!

Për djalin kishin premtuar. Dhe tifozët ishin të bindur se Kobe do të qëllonte në shenjë, si një nga shënuesit më të mirë në botë të topit në koshin e basketbollit!

Por mjerisht kjo romancë e bukur dashurie e një familje të bukur u mbyll tragjikisht!

 

Kobe Bryant family
https://www.instagram.com/p/BxYER-JngPv/
Credit: Kobe Bryant/Instagram

 

Familja e Kobe Bryant, ylli i basketbollit jetonte i rrethuar nga e dashura e zemrës Vanessa dhe katër princeshat e tij

Ylli i basketbollit Amerikan Kobe Bryant dhe e shoqja e tij,Vanessa Laine Bryant kishin 4 vajza: Gianna Maria-Onore Bryant, Natalia Diamante Bryant, Bianka Bella Bryant, Capri Kobe Bryant.Më e vogla kishte lindur në qershorin e 2019.

Të dy ishin njohur kur ajo ishte 15 dhe ai 19. U martuan në 2001. E para lindir Natalia, që posa ka mbushur 17, pastaj Gianna 13 vjeçarja që ndante me të jatin pasionin për basketbollin, Bianka 3 vjeçare dhe më e vogla 8 muajshe.

Pas largimit nga basketbolli ai ia kishte kushtuar përpjekjet nxitjes së sportit mes vajzave.

Kobe Bryant ishte shumë i lumtur! Ishin një familje e lumtur!

 

 

E gjithë Amerika qan për yllin e basketbollit Kobe Bryant dhe vajzën e tij Gianna

Sipas autoriteteve në helikopterin privat ndodheshin pesë persona, kur ai u rrëzua në orën 10 të mëngjesit të së djelës, rreth 45 kilometra në veri të Los Anxhelosit. Zyrtarë të Agjencisë Federale të Aviacionit thanë se helikopteri i rrëzuar ishte një helikopter Sikorsky S-76. Ende nuk dihet shkaku i rrëzimit.

Kobe Bryant jetonte në jug të Los Anxhelosit dhe shpesh përdorte helikopterin për të shmangur trafikun e përhershëm të rrugëve në Kaliforninë Jugore. Edhe si lojtar ai shpesh shkonte në stërvitje dhe ndeshje me helikopter, një praktikë që e vazhdoi edhe pasi la basketbollin.

Helikopteri u rrëzua disa milje larg kompleksit të tij për stërvitje “Mamba Sports Academy”, në zonën “Thousand Oaks” në Kaliforni. Bryant dhe e shoqja e tij, Vanessa, kishin 4 vajza. Pas largimit nga basketbolli ai ia kishte kushtuar përpjekjet nxitjes së sportit mes vajzave.

Kobe Bryant ishte 41 vjeç dhe ka hyrë në histori si një nga lojtarët më të mirë, të gjitha kohërave në basketboll. Pothuajse gjatë gjihtë karrierës ai luajti me ekipin Lakers të Los Anxhelosit, duke fituar 5 herë titullin kampion. Ai mban vendin e 4 mes lojtarëve që kanë shënuar më shumë pikë gjatë karrierës. LeBron James, doli përpara tij në vendin e tretë, vetëm një ditë më parë, të shtunën. Bryant e uroi përmes një postimi në Twitter.

I lindur në Filadelfia, Bryant e kaloi kohën më të madhe të viteve të rinisë së hershme në Itali, ku i jati luante basketboll pas karrierës në NBA (kampionati profesionist amerikan).

Ndryshe nga lojtarët e tjerë të NBA, Bryant nuk vazhdoi kolegjin, por me të mbaruar shkollën e mesme, pas kthimit nga Italia në Amerikë, filloi të luajë me ekipin Hornets të qytetit Charlotte në Karolinën e Veriut. Më pas ai u ble nga ekipi Lakers me të cilin luajti deri në fund.

Gjatë karrierës 20 vjeçare me NBA, ai u bë lojtari më i ri, në moshën 19 vjeçare, që hyri në listën e yjeve të NBA, shënoi 81 pikë në një ndeshje të v etme, në vitin 2006, numri më i lartë në të gjitha kohërat e kampionatit amerikan dhe fitoi dy herë medaljen e artë, në Lojrat Olimpike të vitit 2008 dhe 2012.

Pas njoftimit për lënien e baskebollit, për shkak të dëmtimit, në ndeshjen e fundit të karrierës në vitin 2016, ai shënoi një rekord prej 60 pikësh.

Tenori i shquar Agim Hushi kryeministrit Rama: Ik me gjithë zagarët! S’ju duan te rinjte, studentet, pensionistet, punetoret, sipermarresit, nenat!

Tenori i shquar Agim Hushi, që jeton në Sydney të Australisë i drejtohet publikisht përmes rrjetit social Edi Ramës, ku midis të tjerave shkruan:

Eshte e tmerrshme mos ta keni kuptuar qe shumica e popullit s’ju don apo mbase s’ju kupton!

Eshte e tmerrshme qe mos ta kuptoni se po perdorni pushtetin dhe po e konsideroni Shqiperine si pronen tuaj!

Mos e mendoni veten vec si objekt te opozites!

Eshte e tmerrshme qe shqiptaret te kene nje krye nje llafollog qe thote gjithçka por qe s’thote asgje!

Te mos t’ju vije keq dhe mos ju shkoje neper mend se pervec jush s’ka se kush t’i udheheqi shqiptaret!

Te jesh i bindur se do gjindet nje njeri me i mire se ju!

S’ju duan te rinjte, studentet, pensionistet, punetoret, sipermarresit, nenat!

Ju akuzojne per vjedhes dhe vazhdoni te ruani me perpjekje poziten e nje te ndershmi te paprovuar nga drejtesia!

Si mund ta mbani pushtetin keshtu?

Perzute kombin dhe akoma s’po bindeni si ikja e popullit eshte nje krim ne duart tuaja!

….

Ju mbani ne kembe nje pushtet totalitar ne thelb me vota 100% monist!
Ikni si zoteri dhe çlirojeni popullin tend prej pushtetit monist!

Merr me vete se e ke forcen te gjithe zagaret qe mbajne peng demokracine shqiptare!”

……..

Lek Mirakaj: Ne Vatranët jemi antikomunistë – Vatra nuk është Relikë – Vatra është domosdoshmëri!

Lek Mirakaj: “Ministri diaspores z.Majko beri nje vizite ne USA, po ai nuk pati kohe te takohesh me Vatren. E pra Vatra eshte njera nga organizatat apo shoqatat, quajeni si te doni , qe me perjashtim te masonve, mund te jete ma e vjetra ne bote. E perseriste se Vatra nuk eshte relike,Vatra eshte dosdoshmeri. Para se ta mbyll ,deshiroj t’i drejtoj nje pyetje kandidatëve. Çfarë qendrimi do te mbanI ndaj te ashtuquajturit KKD, komiteti kordinimit te diaspores,nje farse e kryeministrit Rama per te kontrollu dhe perçare diasporen .”

Voal.ch po sjell fjalën që ka mbajtur në Kuvendin e Vatrës z.Lek Mirakaj, një nga figurat më përfaqësuese të komunitetit shqiptaro-amerikan në SHBA. Kalvari i këtij njeriu ka nisur prej kur ishte vetëm 2 vjeç dhe ka mbaruar vetëm më 1991, deri atëherë ka jetuar me Familjen e tij në Gulagët e krijuar nga diktatura:

“Pershendetjen qe z.Murtezani do t’i drejtonte kuvendit , une nuk e kam. Z.Murtezani nje patriot i devotshem nuk ndodhet sot ketu. Ai se bashku me delegatet e deges se Queens-it paten nje aksident gje qe nuk i dha mundesine e pjesemarrjes.

Me qene se mu dha mundesija mua, po perfitoj nga rasti ,te pershendes te gjithë delegatet, kryetarin z.Mishto, z.Rexhaj si kryetar i komisionit te organizimi te kuvendit dhe z.Lumaj si kryetar i punimeve te kuvendit.

Dom Ndoj ne pershendetjen e tij e quajti, kuvend i jashtezakonshem. Po zoterinj, ky eshte kuvend i jashtezakonshem. Asnjehere ne historine e saj Vatra nuk ka zhvilluar punimet kur nje grup Vatranesh godet çdo veprimtari te Vatres. Akuzojne se keshilli nuk eshte mbledhur rregullisht, e vertete, po edhe sot nese do kishim disa njerez duke gjuajtur deren me gur, ne nuk do mund te mblidheshim.

E verteta eshte se pavaresisht anes formale,çdo vendim i kryesise eshte marr me mirekuptimin e anetarve te keshillit. Besoj se shpreh mendimin e anetarve te deges se Queen-sit, qe te falenderoj kryesine dhe veçanerisht z.Mishto per punen e shkelqyer qe kane bere gjate ketij mandati.

 

Zonja e zoterinj,

 

Vatra nuk eshte nje relike,Vatra eshte nje domosdoshmeri, ashtu siç ishte ne krijimin e saj.

Vatra u kriju per te ndihmuar ne zgjidhjen e problemit kombetar,problem qe edhe sot e kesaj dite nuk eshte i zgjidhur.

Mos te harrojme se problemi Kosoves, shqiptarve te Malit te Zi, shqiptarve te Maqedonise, problemi i popullsise Çame jane probleme qe nuk jane zgjidhur .

Nese sot e kemi shtetin shqiptar, mos te harrojme se problemet jane te shumta.U tha se jemi apolitike, ne nuk mund te jemi apoltike, në çdo moment ne bejme poltike, çeshtja eshte , kjo politike kujt i sherben, ne nuk mund te bejme si struci, te fusim koken ne rane dhe te mos shohim realitetin qe na rrethon.

Eshte e vertete se ne nuk jemi as te majte as te djathte, ketu ka shumë delegatet qe votojne demokratet,  pra ne jemi anti komunistë, se komunizmi i ka sjellje popullit shumë te keqija.

Flitet se ne duhet t’i trajtojme njesoj partite politike te Shqiperise.

Po ne nuk mund te heshtim kur shohim se atdheu po kthehet ose eshte kthyer ne nje autocraci.

Ne kemi sot nje shtet ku nje individ eshte gjithçka, eshte gjykate kushtetuese, eshte qeveri, eshte parlament eshte i plotfuqishem.

Ne nuk mund te mos veme ne dukje faktin se si e trajton qeverija shqiptare Vatren.

Ministri diaspores z.Majko beri nje vizite ne USA, po ai nuk pati kohe te takohesh me Vatren. E pra Vatra eshte njera nga organizatat apo shoqatat, quajeni si te doni , qe me perjashtim te masonve, mund te jete ma e vjetra ne bote.

E perseriste se Vatra nuk eshte relike,Vatra eshte dosdoshmeri.

Para se ta mbyll ,deshiroj t’i drejtoj nje pyetje kandidatve.

Çfarë qendrimi do te mbanI ndaj te ashtuquajturit KKD, komiteti kordinimit te diaspores,nje farse e kryeministrit Rama per te kontrollu dhe perçare diasporen .”

Meta thirrje Izraelit: Njihni Kosovën si shtet të pavarur

Presidenti Ilir Meta në një intervistë për ‘The Times of Israel’ në Jeruzalem ka thënë se Izraeli duhet të njohë pavarësinë e Kosovës.

Meta thotë se miqësia izraelito- shqiptare u shfaq gjatë tërmetit të 26 nëntorit po ashtu ka nxjerrë dhe një fakt interesant se mësuesen e tij të parë e kishte hebre.

Ishte gazetari amerikano-izraelit, Larry Luxner, editor i lajmeve në “Washington Diplomat”, ka intervistuar Presidentin e Republikës, Sh.T.Z Ilir Meta, për gazetën me te madhe izraelite “The Times of Israel”. Luxner shkruan rregullisht për “The Times of Israel” dhe “Washington Diplomat” dhe media të tjera ndërkombëtare.

Intervista e Metës

“Unë jam këtu sepse nuk duhet të harrojmë kurrë”, – tha Presidenti Meta, duke nisur intervistën tonë ekskluzive 45-minutëshe. “Mënyra më e mirë për ta bërë këtë është të tregojmë solidaritetin tonë me ata që vuajtën kaq shumë dhe humbën jetën gjatë Holokaustit.

Ne gjithashtu duam të nderojmë të mbijetuarit që dëshmuan këtë gjenocid, dhe t’i dërgojmë një mesazh të qartë kujtdo që promovon përjashtimin, urrejtjen dhe dhunën se antisemitizmi nuk ka vend në shoqëritë tona. Në këtë Forum unë përfaqësoja Shqipërinë, e cila ishte unike jo vetëm për mbrojtjen dhe shpëtimin e të gjithë hebrenjve të saj, por edhe për mbrojtjen e mijra hebrenjve të tjerë që erdhën në Shqipëri nga vende të ndryshme për të mos u shfarosur”.

Pohimi i guximshëm i Presidentit Meta mbështetet në fakte solide historike. Pothuajse të gjithë hebrenjtë e Shqipërisë mbijetuan nga pushtimi nazist gjerman falë myslimanëve dhe të krishterëve vendas, të cilët gjithashtu strehuan mijëra refugjatë hebrenj në shtëpitë e tyre, shpesh pa marrë parasysh sigurinë e jetës.

“Ishte detyrimi ynë për ta bërë këtë. Por ne shpresojmë që kjo lidhje e madhe midis kombeve tona do të rezultojë në një marrëdhënie më produktive për të ardhmen. Ne mund të mësojmë shumë nga Izraeli dhe gjithashtu të jemi partnerë shumë efektivë, veçanërisht në çështjet e sigurisë, sepse përballemi me kërcënime si terrorizmi dhe ekstremizmi i dhunshëm.”, – tha Presidenti Meta

Vizitë historike

Kjo është vizita e dytë e Presidentit Meta në Izrael; e para e tij ishte si Kryetari i Parlamentit të Shqipërisë, në vitin 2014. Këtë herë, ai jo vetëm që u takua me homologun e tij, Reuven Rivlin, por e ftoi në Shqipëri.

Nëse Rivlin do ta bëjë vizitën këtë vit, siç edhe pritet, ai do të bëjë histori si Presidenti i parë izraelit që viziton zyrtarisht Shqipërinë.

I ndjeri Shimon Peres udhëtoi për në Tiranë në 1994, tre vjet pasi të dy vendet vendosën marrëdhënie diplomatike, por si Kryeministër, jo si President. Në korrik 2018, zyrtarët në kryeqytetin shqiptar i kushtuan një memorial në kujtim të tij.

Presidenti Meta tha se duhet të bëhet një dallim i qartë midis politikave armiqësore anti-Izraelite të diktaturës tiranike të Enver Hoxhës dhe ndjenjave të njerëzve të zakonshëm ndaj hebrenjve.

“Megjithë retorikën e regjimit komunist kundër Izraelit gjatë asaj kohe, populli hebre në Shqipëri ishte shumë i respektuar dhe i integruar mirë në vendin tonë. Një nga mësuesit e mi më të mirë, Marlena Dojaka, ishte hebreje, dhe ne jemi akoma në kontakt. Hebrenjtë ishin ndër intelektualët më të mirë të Shqipërisë.”, – tha Presidenti Meta.

Kur komunistët u rrëzuan në fillim të viteve 1990, praktikisht të gjithë hebrenjtë emigruan në Izrael. Sot, ata dhe pasardhësit e tyre këtu numërojnë rreth 550 veta, tha drejtuesja e komunitetit Felicita Jakoel, e cila ishte midis një përfaqësuesve të bashkësisë izraelito-shqiptare për t’u takuar me Presidentin Meta para intervistës time. Organizuesi i atij takimi ishte Bardhyl Canaj, ambasadori i Shqipërisë në Izrael.

“Nëse ne tolerojmë antisemitizmin, ai mund t’i rrezikojë të gjithë, jo vetëm hebrenjtë. Gjatë Holokaustit, gjashtë milionë hebrenj u vranë. Por, të gjithë që i ‘braktisën’ hebrenjtë, në fund e kuptuan se kushdo mund të jetë viktimë e politikave të tilla”.

Përpjekjet për rikuperimin e tërmetit vazhdojnë

Meta tha se miqësia e Izraelit me Shqipërinë u shfaq më 26 nëntor 2019, kur republika Ballkanike u godit nga një tërmet 6.4 ballë që vrau 51 njerëz. IDF (ushtria izraelite) menjëherë dërgoi një ekip të specializuar për të nxjerrë të mbijetuarit dhe për të përcaktuar nëse banesat dhe ndërtesat nga ana strukturore ishin të sigurta pas tërmetit.

“Ka pasur dëme të mëdha, dhe për fat të keq patëm 51 jetë të humbura gjatë kësaj tragjedie,” tha Meta. “Por ne jemi të vendosur për t’u përballur me këtë krizë humanitare dhe kemi dhënë ndihmë për të gjithë njerëzit që vuajtën gjatë këtij tërmeti.”

Më 17 shkurt, donatorët ndërkombëtarë do të takohen në Bruksel, për të diskutuar një paketë ndihme masive për Shqipërinë, e cila pësoi një humbje ekonomike të vlerësuar prej 1 miliard eurosh. Presidenti tha “ne do të rregullojmë buxhetin tonë në përputhje me rrethanat”.

I pyetur se çfarë i bëri përshtypje më shumë për dy ditët e tij në Izrael, Meta u përgjigj shpejt: Shkolla “Lauder” e Qeverisë, Diplomacisë dhe Strategjisë – një departament i IDC Herzliya.

“Më thanë që disa dekada më parë, shkolla përbëhej nga vetëm disa ambiente të vjetra. Por falë vizionit të Izraelit për të promovuar arsimimin e standardeve më të larta, ai u shndërrua në një institucion udhëheqës – jo vetëm në Izrael, por ndërkombëtarisht,” tha ai. “Kjo është fuqia e transformimit që ka populli izraelit, dhe kjo është diçka që duhet të mësojmë si shqiptarë, si ta transformojmë vendin tonë në të ardhmen.”

KOSOVA

Një nga qëllimet e gjata të Shqipërisë është të anëtarësohet në Bashkimin Europian. Por kjo ëndërr ende nuk është realizuar.

Rruga për në Bruksel ka qenë e mbushur me pengesa, dhe e fundit erdhi në mes të tetorit 2019 kur Macron bllokoi në mënyrë të efektshme të Shqipërinë dhe Maqedoninë e Veriut nga fillimi i bisedimeve të anëtarësimit me arsyetimin se nuk kishin bërë sa duhet në lidhje me politikat ekonomike, respektimin e lirive dhe të drejtave të njeriut, antikorrupsionin dhe sundimin e ligjit.

“Ne jemi shumë të vendosur për t’u anëtarësuar në BE”, deklaroi Meta. “Është e vërtetë që Presidenti Macron ka kërkuar të rishikojë metodologjinë e zgjerimit të BE-së, dhe shpresojmë që kjo metodologji të rishqyrtohet shumë shpejt. Unë fola me të nëntorin e kaluar kur isha në Paris. Ne jemi në kontakt me BE-në dhe shpresojmë që së shpejti do t’i hapë rrugë vendimeve pozitive për Shqipërinë dhe Maqedoninë e Veriut.”

Para se të përfundoja intervistën tonë, unë e pyeta Presidentin Meta nëse Shqipëria po punon me qetësi prapa skenave për të nxitur vendosjen e lidhjeve diplomatike midis dy miqve të saj më të mirë: Kosovës dhe Izraelit.

“Kosova dhe Izraeli kanë një miqësi të madhe. Ne dëshirojmë dhe shpresojmë që Izraeli ta njohë pavarësinë e Kosovës sa më shpejt të jetë e mundur. Unë nuk mund të flas në emër të secilit vend, por ka simpati të madhe midis kosovarëve për hebrenjtë, dhe anasjelltas. Shpresoj se do të vijë koha. Deri atëherë, të gjitha mundësitë për bashkëpunim dhe zhvillim dypalësh duhet të shfrytëzohen”, – tha Presidenti Meta.

‘Në pritje të mrekullisë së 40’- Duke raportuar mes rrënojave, gazetarja turke nuk i mban lotët në raportim live

Tërmeti që goditi mbrëmjen e djeshme pjesën lindore të Turqisë ka prekur jo zemrat e këtij populli, por dhe mbarë opinionin publik. Teksa në qendër të vëmendjes janë lajmet në lidhje me operacionet e kërkim-shpëtimit në godinat e shembura, si dhe momentet plot shpresë kur nga rrënojat nxirren njerëz të gjallë, ata që padyshim e përjetojnë të gjitha emocionet njëherësh janë dhe gazetarët në terren.

I tillë është dhe rasti i gazetares së CNN turk, Fulya Oztürk, e cila teksa raportonte live nga një prej godinave të shembura nga tërmeti me magnitudë 6.8 të shkallës rihter, nuk ka mundur që t’i mbajë lotët. Gazetarja është prekur teksa forcat e kërkim-shpëtimit tentonin të nxirin personin e 40 të gjallë nga rrënojat në Elazig, vendi ky ishte dhe epiqendra e tërmetit.

Kjo ngjarje natyrshëm të kujton raportimet live të gazetarëve shqiptarë të cilët për ditë me radhë ishin në vendet që u goditën rëndë nga tërmeti i 26 nëntorit, ndërsa në lidhjet e tyre live nuk i mbanin dot as lotët.
(BalkanWeb)

Vendet e rajonit solidarizohen me Turqinë pas tërmetit të fuqishëm

Tiranë/Prishtinë/Shkup

Krerët shtetërorë të Maqedonisë së Veriut, Shqipërisë dhe Kosovës kanë reaguar pas tërmetit të fuqishëm në Turqi duke shprehur ngushëllime dhe solidaritet me Turqinë dhe popullin turk, raporton Anadolu Agency (AA).

Presidenti i Shqipërisë, Ilir Meta, ka reaguar për tërmetin në Turqi, ku thekson se në këto momente tepër të vështira, populli shqiptar është në krah të Turqisë mike.

Meta, në reagimin e tij në rrjete sociale shprehet se me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik.

“Shumë i tronditur nga viktimat në njerëz, ju shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan, duke u lutur që të mos ketë të tjera humbje jetësh. Të gjithë të lënduarve nga kjo fatkeqësi natyrore ju uroj shërim sa më të shpejtë”, shkruan Meta.

Presidenti i Shqipërisë më tej shprehet se “Në këto momente tepër të vështira, unë dhe populli shqiptar jemi në krah të Turqisë mike”.

Kryeministri i Shqipërisë, Edi Rama, ka reaguar për tërmetin në Turqi, duke shprehur solidaritet për popullin turk.

“Shumë e trishtueshme fatkeqësia që ra mbi Turqinë mike prej një tërmeti të rëndë, ku janë shënuar edhe jetë të humbura. I jemi pranë popullit turk dhe lutemi që Zoti t’u japë autoriteteve të vendit dhe Presidentit Recep Tayyip Erdoğan të gjithë forcën për ta përballuar këtë tragjedi”, ka shkruar Rama në rrjetet sociale.

Kryetari i Kuvendit të Shqipërisë, Gramoz Ruçi, nëpërmjet një mesazhi solidariteti ka reaguar për tërmetin në Turqi.

“Në këto momente të rënda, shpreh mbështetjen e Kuvendit të Shqipërisë dhe timen personale, ndajmë dhimbjen me popullin turk dhe familjet e viktimave dhe u urojmë shërim të shpejtë të lënduarve. Shprehim mbështetjen e solidaritetin e plotë me Presidentin Erdoğan sepse goditjet e natyrës përballohen më lehtë e më shpejt bashkërisht”, shkruan Ruçi në mesazhin e tij.

Presidenti i Republikës së Kosovës, Hashim Thaçi, pas tërmetit mbrëmjen e së premtes në Turqi, ka thënë se Kosova është e gatshme t’i ndihmojë Turqisë me ndihmë të menjëhershme operative.

Thaçi pas tërmetit vdekjeprurës në Turqi tha se “zemrat tona janë me familjet e viktimave dhe atyre që u lënduan nga tërmeti që goditi qytetin Elazığ”, duke shtuar se Kosova është e gatshme të ofrojë ndihmë.

“Kosova është e gatshme të dërgojë ndihmë të menjëhershme operative, pasi ne qëndrojmë pranë njerëzve dhe Qeverisë së Turqisë në këto momente tragjike”, ka shkruar Thaçi në Twitter.

Kryeministri në detyrë i Kosovës, Ramush Haradinaj, ka shprehur ngushëllime për qytetarët dhe familjet e viktimave të prekur nga tërmeti vdekjeprurës që ndodhi mbrëmë në pjesën lindore të Turqisë.

Haradinaj nëpërmjet një shkrimi në rrjetet sociale tha se “me shqetësim mora lajmin për tërmetin që goditi qytetin Elazığ të Turqisë”.

“Shprehim ngushëllimet tona më të sinqerta ndaj shtetit turk, qytetarëve dhe familjeve të viktimave si dhe ju dëshirojmë shërim të shpejtë të gjithë të lënduarve nga kjo ngjarje tragjike. Mendimet dhe lutjet e mia janë me të gjithë qytetarët atje”, ka shkruar Haradinaj.

Ai pasi ka shprehur ngushëllim për familjarët e viktimave dhe qytetarët e Turqisë, dhe ka thënë se Kosova është e gatshme t’i vihet në ndihmë shtetit turk, në ndihma humanitare e operacionale.

Gjithashtu ka reaguar edhe zëvendëskryeministri në detyrë, Behgjet Pacolli, njëherësh ministër i Jashtëm, i cili tha se Kosova është e gatshme të dërgojë trupa të Forcës së Sigurisë së Kosovës për të ofruar ndihmë në zonat e prekura nga tërmeti.

Presidenti i Maqedonisë së Veriut, Stevo Pendarovski dhe kryeministri, Oliver Spasovski u kanë shprehur ngushëllime familjeve të personave të pësuar gjatë tërmetit në Turqi.

“Shpreh ngushëllime të thella deri te familjet dhe të afërmit e personave të vdekur gjatë tërmetit në Turqi. Solidarizohemi me Turqinë dhe popullin turk”, u shpreh presidenti Pendarovski në rrjetet sociale.

Po ashtu edhe kryeministri Oliver Spasovski u solidarizua me popullin turk dhe u shpreh se janë të gatshëm të ndihmojnë.

“Shprehim mbështetje dhe solidarizim të fuqishëm me Turqinë dhe popullin turk. Ngushëllime për familjet e të pësuarve në tërmetin e tmerrshëm. Mendimet tona sonte janë me qytetarët e Turqisë. Jemi të gatshëm të ndihmojmë”, tha kryeministri Spasovski në rrjetet sociale.

Nga tërmeti me magnitudë 6,8 ballë që goditi mbrëmjen e së premtes pjesën lindore të Turqisë humbën jetën 22 persona ndërsa mbi 1.000 të tjerë janë plagosur.

Presidenti Meta takohet me përfaqësues të bashkësisë izraelito-shqiptare

Në kuadër të pjesëmarrjes në Forumin e 5-të Botëror për Holokaustin, Presidenti i Republikës, Ilir Meta zhvilloi edhe një takim të ngrohtë e të përzemërt në Jeruzalem me përfaqësues të bashkësisë izraelito-shqiptare, që jeton dhe punon prej dekadash në Shtetin e Izraelit.

Presidenti Meta i falenderoi për kontributin e tyre të shkëlqyer për forcimin e marrëdhënieve midis dy vendeve dhe popujve tanë.

Kreu i Shtetit e vlerësoi si një hap të rëndësishëm në këtë drejtim edhe përkushtimin maksimal të bashkësisë izraelito-shqiptare për ngritjen në Vlorë të Muzeut të Historisë Hebraike.

VIDEO- Malazezët protestë kundër serbëve, aty shihet edhe flamuri shqiptar

Nacionalistët malazezë kanë organizuar një protestë këtë të mërkurë, në mbrojtje të shtetësisë të Malit të Zi. Ata kanë protestuar kundër serbëve që jetojnë në këtë shtet, të cilët sipas vendasve, kanë edhe mbështjetjen e Rusisë.

Në mesin e flamujve në këtë protestë ishte edhe flamuri shqiptar. Një miting kundër Kishës Serbe u organizua sot në Cetinje, nga Kisha Malazeze, raporton RTV Cetinje. Qytetarët që kishin dalë të protestojnë thërrisnin në korr “Ne do të mbështesim Malin e Zi në këto ditë të vështira” dhe “Rroftë Mali i Zi”.

Mediet serbe raportuan së në mesin e flamujve ishte dhe flamuri shqiptar.