VOAL

VOAL

Please Wait ...
0%

Masakra partizane në Buzëmadhe. Ja si shkruan partizani dëshmitar në masakër…

By | September 27, 2018
blank

Komentet

blank

“Grushti i shtetit Soros”/ Si e kontrollon miliarderi OKB-në përmes OJF-ve të tij

Konspiracioni rreth figurës së George Soros nuk ka fund. Ai nuk ka të bëjë vetëm me një paranojë lokale, kur Sali Berisha e akuzon miliarderin spekulant të bursave, se ka luajtur rol në shpalljen e tij “non grata”, apo kur Ilir Meta e fajëson për qëndrimet që mbajnë diplomatët e SHBA.

Nga kryeministri hungarez Orban e deri tek ish presidenti amerikan Trump janë të shumtë ata që kanë parë gjithmonë pas krijuesit të Fonadacionit për Shoqëri të Hapur një komplotues kundër shteteve sovrane në favor të një qeverisjeje globale.

The Washington Times: Presioni ndaj Blinken mbi dyshimet e lidhjeve të Sorosit për shpalljen non grata të Berishës

Në këtë armatë renditet edhe e përjavshmja franceze “Valeurs Actuelles”, që mbron idetë populiste të së djathtës radikale.

Kjo revistë i ka kushtuar këtë javë një investigim të gjatë mënyrës se si përmes OJF-ve të kontrolluara prej tij, Soros ka arritur të ndikojë OKB-në. Lapsi.al e ka lexuar këtë shkrim të gjatë dhe po sjell një ekstrakt të tij. Aty tregohet me dëshmi, se si interesat private janë infiltruar në rangjet më të larta të mbrojtjes së të drejtave të njeriut në nivel global, tek “Këshilli i Kombeve të Bashkuara për të Drejtat e Njeriut”.

Për të kuptuar më mirë sfondin e këtij investigimi revista bën një pasqyrë të funksionimit të OKB-së e cila konsiston në tre shtylla: siguria, zhvillimi dhe të drejtat e njeriut. Një nga aspektet e kësaj të fundit është edhe investigimi i problemeve me të drejtat e njeriut shtete të veçanta. Për këtë qëllim, “Këshilli i Kombeve të Bashkuara për të Drejtat e Njeriut” dërgon në këto vende emisarë specialë. Ata nuk janë punonjës të OKB-së, por specialistë të fushave të tyre, të cilët marrin një fond nga OKB dhe pastaj kanë të drejtën të ngrenë vetë fonde të tjera për të vijuar misionin e tyre.

Pikërisht këtu hyjnë në lojë OJF e Soros, të cilat nisur nga parimi se e vërteta ndikohet nga ai që paguan më shumë, i financojnë këto projekte që pastaj përmes vulës së OKB marrin forcën politike të përcaktimit të të drejtëve të njeriut në një shtet të caktuar.

Portret i Xhorxh Soros/ Si po dështon projekti i Shoqërisë së hapur

Shkrimi i “Valeurs Actuelles” që Lapsi.al e ka lexuar bazohet në një raport të juristit konservator, Grégor Puppinck (foto poshte), i cili është drejtor i Qendrës Evropiane për Ligj dhe Drejtësi (ECLJ). Në hyrje të raportit të tij ai parashtron si funksionon skema e influencimit.

“Në epokën e globalizimit,” shkruan ai, “qendrat vendimmarrëse po largohen nga popujt dhe kryeqytetet e tyre historike për t’u përqëndruar në disa kryeqytete të reja të qeverisjes botërore…Ndërsa fuqia lëviz ajo ndryshon edhe natyrën e saj: ajo synon të jetë globale dhe për këtë arsye do të shkëputet nga varësia prej sovranitetit të popujve të veçantë. Në këtë kontekst të globalizuar, shumica e Shteteve janë aktorë lokalë, të kufizuar nga natyra dhe pa mjete të mëdha; përkundrazi, kompani të caktuara dhe fondacione private janë lojtarë globalë me burime të konsiderueshme, të çliruar nga burokracia administrative dhe demokratike”. Këto OJF dhe organizma ndërkombëtare plotësojnë dhe ndihmojnë njëra tjetrën thotë ai: “OJQ –shërbejnë si leva që i mundëson organizmave ndërkombëtarë të veprojnë në shtete të veçanta, ku ato mbledhin të dhënat dhe bëjnë kokluzionet. Më pas organizatat ndërkombëtare e përkthejnë në mesazh politik përfundimin që kanë nxjerrë OJF-të”.

Zbulohet dokumenti/ Pas mini Shengenit qëndron Soros

Pra, sipas “Valeurs Actuelles”, ajo që revista e konsideron si grusht shteti të fondacionit Soros, konsiston në tentativën e Organizatave Jo Fitimprurëse të financuara prej tii për tu infiltruar në OKB duke shmangur kështu nga vendimmarrja shtetet sovrane. Dhe siç u shpjegua më sipër kjo realizohet përmes emisarëve specialë të OKB-së që inspektojnë një shtet të caktuar.

Po cili është qëllimi i sistemit të procedurave speciale dhe i dërgimit të këtyre emisarëve? Sipas Kofi Annanit, ish sekretarit të Përgjithshëm të Kombeve të Bashkuara ato janë “margaritarët e kurorës së sistemit ndërkombëtar të mbrojtjes së të drejtave të njeriut”. OKB-ja merr rreth 600 kërkesa në vit pëmes të cilave asaj i kërkohet të analizojë faktet në një vend të veçantë dhe t’u bëjë rekomandime Shteteve për të korrigjuar situatën. Ky mekanizëm është shumë i gjerë, pasi i lejon çdo individi të ankohet për secilin shtet në botë. Ato përfshijnë çështje si të drejtat për ushqim, arsimim, diskriminim kundër grave dhe vajzave, liria e fesë ose besimit, të drejtat e migrantëve, fëmijëve, dhuna dhe diskriminimi për shkak të orientimit seksualiteti dhe identiteti gjinor, format bashkëkohore të racizmit, ndalimi arbitrar, zhdukjet me forcë, etj. Pikërisht për këto tema inestigojnë në shtetet sovrane emisarët specialë të OKB-së.

Shkrimi i revistës franceze që lexoi Lapsi.al, ka zbuluar se një pjesë e madhe e këtyre emisarëve ose janë ish punonjës apo drejtues të OJF-ve të Sorosit, ose janë financuar në misionet e tyre nga Fondacioni për Shoqëri të hapur. Kështu Sorosi ndikon direkt në raportet përfundimtare të OKB-së për të drejtat e njeriut. Dhe për të kuptuar influencën që një gjë e tillë ka duhet ditur se këto raporte me vulën e Kombeve të Bashkuara shërbejnë si referenca juridike në mbarë botën. Për të dhënë një shembull: Gjykata Europiane e të drejtave të njeriut në Strasburg, përmend në 14 nga vendimet e saj një nga raportet e emisarëve specialë të OKB-së.

Kjo nuk është hera e parë që revista “Valeurs Actuelles” dhe juristi Grégor Puppinck denoncojnë tentakulat e Sorosit.

Në Shkurt 2020, disa javë para se koronavirusi të pushtonte kontinentin e vjetër ata publikuan një studim tregonte se një pjesë e madhe e gjyqtarëve të Gjykatës Evropiane të të Drejtave të Njeriut, vinin direkt nga rrjeti i OJQ -ve të Fondacionit për Shoqëri të hapur. Madje këta gjyqtarë kishin qenë edhe në konflikt interesi sepse kishin gjykuar kazuse të ngritura nga organizatat për të cilat patën punuar më parë.

©Lapsi.al/ Burimi: Valeus Actuelles

blank

Ndërron jetën në moshën 89-vjeçare solistja e parë e Ansamblit Lili Këlliçi (Madhi)

Ndërron jetën në moshën 89-vjecare solistja e parë e Ansamblit Lili Këlliçi (Madhi)

Lili Këlliçi(Madhi) ishte një personalitet i padiskutueshëm i botës së artit të koreografisë shqiptare për rreth 30-të vjet. Hapësira ku ajo punoi ,ekzekutoi dhe interpretoi ishte jo vetëm e gjërë ,por edhe shumë komplekse.Koha kur vallëzoi që një kohë krejtësisht e pabesueshme për ditët tona dhe shpesh ngjan si një kohë e filmave fiction.

Lejla Këlliçi (Madhi) apo siç e njohin të gjithë Lili lindi në 2 Qershor 1932 në kryeqytetin e Mbretërisë Shqiptare, Tiranë.
Familja ku ajo lindi ishte një ndër familjet autoktone më të spikatura të kryeqytetit .Një familje e intelektuale dhe me një traditë të çmuar patriotike.Një familje ku ishte gërshetuar dashuria për Atdheun me dashurinë për dijen dhe ëndërrën Europeane.

Babai i Lilit ,Qemal Këlliçi ,ish-student i shkëlqyer i “Robert College”, Stamboll dhe nëna e saj Behije Vigani (shkodrane), bijë noteri e rritën Lilin dhe dy vëllezërit e saj binjakë Skifterin dhe Luanin ,jo vetëm me shumë dashuri ,por me një hapësirë emancipimi dhe një nxitje të vazhdueshme drejt rrënjëve të dijes.

Lili kaloi një fëmijëri të lumtur dhe natyrisht pa nga afër vitet e vështira ,por shpresëdhënëse të Luftës Anti-Fashiste Nacional-Clirimtare.Përjetoi dhe betejën me vdekjen kur fill pas luftës kaloi tifon . Të gjitha këto sëbashku me entuziazmin e viteve të para të Clirimit ,gdhendën tek Lili një karakter të fortë, një optimizëm , një dashuri dhe solidaritet për njerëzit që ajo e reflektoi për gjatë gjithë viteve të jetës së saj të gjatë.
Që në fëmijëri ajo tregoi dhunti në artin e kërcimit, duke i mahnitur banorët dhe sidomos vogëlushët e rrugës “Siri Kodra “.

Pasi mbaroi shkollën “Lidhja e Prizrenit”Lili ndoqi studimet në Institutin Femëror Pedagogjik, Tiranë ,që e përfundoi me rezultate të larta.
Por Lili dashuronte baletin dhe ishte e angazhuar drejt-përdrejt me grupet artistike të sapo ngritura!
Duhej të ishte artiste apo mësuese ? Terreni ku Lili po hynte me pasion qe i thepisur.
Shqipëria ende ishte në një betejë konceptesh dhe morali.Pavarësisht shpatës së mprehtë të vizionit të një të ardhmeje socialiste që kishin komunistët,mbeturinat e një mjedisi konservator anadollako-islamik haseshin kudo.

Cila do të ishte e ardhmja e Lilit?

Kësaj pyetje të koklavitur do ti jepte përgjigje baletmaestri rus me famë botërore i “Balshoj Teatrit “ në Moskë ,B.R.S.S , Boris Ramazin kur ai takoi prindërit e Lilit:
– “…Zonjë dhe ju zotëri … Socializmi do t’a çojë përpara këtë vend .Rinia do të jetë në
ballë . Mësuese ,inxhinierë dhe mjekë do të ketë me mijra ,por artistë të talentuar që do të ruajnë dhe zhvillojnë vlerat shpirtërore të kombit tuaj të mrekullueshëm do të ketë shumë pak…
…Prandaj e gjykoj të domosdoshme që Lili duhet të jetë balerinë! “
Dhe që nga viti i largët 1950 Lili do të ishte pjesë e pandashme e artit koreografik.Në vitin 1957 themelohet zyrtarisht “Ansambli shtetëror i këngëve dhe valleve popullore” me një efektiv prej 40-vetësh.Lili do të emërohej si një nga dy solistet e para të grupit të valleve. Ajo do të ishte soliste e parë e Ansamblit deri në vjeshtë të vitit 1972,kur një veprim absurd dhe eksperimental i Fadil Paçramit e zhvendos Lilin si instruktore baleti në “Pallatin e Pionerëve,Tiranë”.
Ajo do të rithirrej në vitin 1974 në Ansambël ,por Lili si grua me karakter e refuzoi me përbuzje këtë rikthim pa falje.

Ajo nuk e gëlltiste fyerjen dhe hipokrizinë.
Lili në interpretimet e saj shkëlqeu me elegancën,elasticitetin dhe frymën shpirtërore që i dha valles shqiptare .Gërshetoi si askush tjetër elementët klasikë të baletit me prurjen autoktone. Krijoi një model të valleve ku mpleksen rafinimi me forcën dhe historikja me të tashmen.
Që prej vitit 1949 në Festivalin e Rinisë në Hungari ajo la pas një interpretim brilant të valleve popullore, nga jugu në veri. Momentale do të ishte figura e saj në filmin dokumentar “Vallëzimi i Shqipeve” i vitit 1960 me regji të Endri Kekos.
Askush si ajo nuk e interpretoi solisten tek “Vallja e vajzave të Tropojës” dhe është meritë e saj që sot e përgjithmonë kjo valle do të jetë një margaritar i trashëgimisë tonë kombëtare.
Por,jo vetëm kaq. Ajo konfiguroi shkëlqyer tek “Mbledhja e mollëve”,”Potpuri tiranase”,”Vallja e Dardhës”,”Vallja e Dibrës”,”Dropullitja”etj.
Puna e saj vazhdon edhe si baletmaestër kur bashkë me koreografin Vlash Kallamata fituan vendin e parë në Dekadën e Majit të vitit 1985 me ansamblin “Dajti”, Tiranë.

Për punën e saj ajo është shpërblyer pak,përveçse me cmimet “Naim Frashëri” të klasit të dytë dhe të parë.As në epokën totalitare socialiste dhe më pas , në 30-të vjecarin e tranzicionit ajo nuk u vlerësua si duhet. Megjithatë figura e Lilit që midis të tjerash çau tisin mesjetar drejt kulturës perëndimore,do të ketë vendin e saj të padiskutueshëm në Panteonin e artit koreografik shqiptar.
Lili ishte gjithashtu një bashkëshorte dhe nënë e jashtëzakonshme. Nga viti 1959 bashkëshorti i saj do të ishte dr.Prof Raqi Madhi ,një burrë i vërtetë fisnik, personalitet me peshë të të madhe i histografisë politike,estetikës dhe pedagogjisë universitare .
Lili përballoi një jetë me sakrifica ,ku për shumë vite ju përkushtua bashkëshortit të saj Raqit , në aspektin e kujdesit shpirtëror dhe shëndetësor.Gjithashtu rriti me shumë dashuri dy fëmijët e saj,Ester e cila përfundoi me rezultate shumë të larta Fakultetin e Mjeksisë në Tiranë dhe Hermon që u diplomua në Akademinë e Arteve si piktor grafist .Dy fëmijë të cilëve ju skaliti dashurinë për dijen dhe jetën ,solidaritetin njerëzor dhe i përgatiti për një jetë atraktive sociale.

Ajo kurrë nuk vendosi në plan të parë ambicjet profesionale,por familjen.
Vitet e fundit i kaloi në Quincy ,MA e rrethuar nga dashuria e Esterit dhe mbesave Livia dhe Alina, e stërnipërve Lucas, Mattheë dhe Sophi, dhe nga respekti dhe zemërgjerësia e Aleksandrit ,bashkëshortit të Esterit .Ajo nuk e harroi vendlindjen duke vizituar herë pas here të birin Hermon,bashkëshorten e tij Enkelejda dhe nipin Xhon.

Edhe ne U.S.A Lili qe atraktive duke ndarë kujtime të vendlindjes dhe duke lënë mbresë tek bashkëmoshatarët e më gjërë ,të shoqatës “Vatra” në Boston.
E megjithatë koha rrjedh ,u përpoqëm t’a frenojmë për pak çaste,por nuk mundemi dot më.
Parajsa i ka hapur portat .
Ajo po e pret.
Paqja qoftë me ty përjetësisht!
Lotët s’na dalin ,por do të ngushëllohemi me Bukurinë tënde njerëzore!
Hermon Madhi

blank

Kurti: Nuk kemi hequr dorë nga reciprociteti me Serbinë

RFE/RL

Kryeministri i Kosovës, Albin Kurti tha se qeveria që ai udhëheq, nuk ka hequr dorë nga vendosja e reciprocitetit të plotë me Serbinë.

Gjatë seancës plenare të së hënës, Kurti deklaroi se për reciprocitetin ka biseduar edhe gjatë takimeve që ka pasur në Bruksel, në kuadër të dialogut me Serbinë, që ndërmjetësohet nga Bashkimi Evropian.

“Në këto 100 ditët e para (të qeverisjes) ne kemi pasur drejtor të ri të Doganave dhe duhet të përgatitemi sepse nuk mund të dështojmë sërish. Ju e dini, në Kurti 1, ne e vendosëm reciprocitetin dhe qeveria e pastajme e hoqi reciprocitetin. Nëse ne nuk arrijmë ta zbatojmë në plotni reciprocitetin sërish, atëherë ai vdes edhe si koncept”, tha Kurti.

Kryeministri Kurti tha se Kosova dëshiron që reciprociteti i plotë me Serbinë të bëhet në atë mënyrë që të mos zhbëhet më.

“Reciprocitetin nuk e kemi për hakmarrje, besojmë që është një parim i shëndoshë i marrëdhënieve midis shteteve, që derivon nga koncepti i barazisë. Përveç kësaj, reciprocitetin nuk e kemi për të shtuar barriera, por për t’i hequr ato ekzistuese dhe duam ta bëjmë në mënyrën në të cilën nuk zhbëhet më”, tha kryeministri.

Kosova në fund të vitit 2018 kishte vendosur taksën 100 për qind ndaj produkteve serbe. Kjo taksë, në Qeverinë Kurti 1, u zëvendësua me reciprocitet, ku u përfshin një sërë masash tregtare.

Por qeveria pasuese e udhëhequr nga Avdullah Hoti e hoqi reciprocitetin, masë kjo që u pa nga BE-ja dhe Shtetet e Bashkuara si pengesë për vazhdimin e dialogut ndërmjet Kosovës dhe Serbisë.

blank

Tregtia me rajonin, Shqipëria bilanc pozitiv vetëm me Kosovën. Me Serbinë, deficitin më të thellë. Çfarë thonë shifrat

Shqipëria realizoi me vendet e rajonit, Serbinë, Kosovën, Malin e Zi, Maqedoninë e Veriut rreth 10% të volumit tregtar (importe + eksporte) në vitin 2020, sipas të dhënave të INSTAT, të përpunuara nga “Monitor” (të dhënat për Bosnjën nuk janë në tabelat e INSTAT).

Në krahasim me vitin 2016, kjo peshë është rritur me 2 pikë përqindje. Panorama me këto shtete është e ndryshme, teksa Kosova është partneri kryesor i eksporteve dhe shteti ku kemi bilancin më të madh pozitiv (+145 mln euro), ndërsa e kundërta, nga Serbia marrim më shumë importe dhe kemi deficitin më të madh tregtar (-134 mln euro). Me Maqedoninë e Veriut, Shqipëria ka një deficit të lehtë.

Në këtë situatë, një marrëveshje mirëkuptimi për të lehtësuar importin dhe eksportin e mallrave mes Shqipërisë, Serbisë dhe Maqedonisë së Veriut, në një kohë që Kosova nuk është e përfshirë, mund të krijojë një disavantazh për Shqipërinë, duke rrezikuar thellimin e deficitit tregtar, sidomos me Serbinë.

Kosova

Për eksportet, Kosova është partneri kryesor i Shqipërisë dhe shteti ku ne kemi suficitin më të lartë tregtar, që nënkupton se eksportojmë më shumë drejt këtij vendi, sesa importojmë prej tij. Në vitin 2020, eksportet drejt Kosovës ishin 26.2 miliardë lekë (9.7% e shitjeve totale jashtë vendit), ndërsa importet 8.3 miliardë lekë, me bilanc pozitiv 18 miliardë lekë (145 milionë eurosh). Mallrat kryesore që eksportojmë në Kosovë janë materialet e ndërtimit e metalet (kryesisht çeliku, tullat, çimento), lëndë djegëse e energji (naftë) dhe ushqime, pije e duhan. Për të gjitha grupmallrat, vlera e eksporteve është më e lartë sesa e importeve.

blank

Burimi: INSTAT

Serbia

Serbia është burimi kryesor i importeve në rajon. Sipas INSTAT, në vitin 2020 importuam nga ky shtet mallra me vlerë 23 miliardë lekë (3.8% e totalit), ndërsa eksportet ishin vetëm 6.3 miliardë lekë. Bilanci është negativ, me 16.7 miliardë lekë (134 milionë euro), që ikin neto drejt Serbisë. Serbia dominon në shitjet drejt Shqipërisë të ushqimeve, pijeve e duhanit, mineraleve, lëndëve djegëse e energjisë, si dhe materialeve të ndërtimit e metaleve. Në të kundërt me Serbinë, për të gjitha grup mallrat, bilanci tregtar është negativ.

blank

Burimi: INSTAT

Volumet e tregtisë me Maqedoninë e Veriut dhe Malin e Zi janë më të ulëta. Drejt Maqedonisë së Veriut shkojnë 3.3% e eksporteve dhe vijnë 1.5% e importeve, ndërsa me Malin e Zi këto shifra janë përkatësisht  1.95 dhe 0.38%.

Me Maqedoninë, vendi ka një deficiti tregtar të lehtë, ndërsa me Malin e Zi, eksportet janë pak më të larta sesa importet.

blank

Burimi: INSTAT

Marrëveshja rajonale

Pak ditë më parë, Shqipëria, Serbia dhe Maqedonia e Veriut, në kuadër të projektit të Mini-Shengenit ballkanik, ranë dakord për tre marrëveshje:

  1. Marrëveshje për mobilizimin e të tre vendeve për sa u përket përballimit të katastrofave natyrore. Nëse një katastrofë natyrore godet një vend, do të mobilizohen të tre për të ndihmuar.
  2. Marrëveshje mirëkuptimi për të lehtësuar importin dhe eksportin e mallrave. Kjo do të eliminojë barrierat dhe do të ndihmojë në rritjen e ekonomisë së vendeve.
  3. Marrëveshje për qarkullimin e lirë në tregun e punës. Mundësimin e qasjes së lehtë në tregun e punës dhe marrjen e lejeve të qëndrimit.

Qeveria e Kosovës reagoi duke thënë se kjo nismë nuk e ka miratimin e Kosovës. “Iniciativa e Novi Sadit nuk e ka miratimin tonë dhe si rrjedhojë, nuk kemi pasur zyrtarisht ftesë për pjesëmarrje në takim. Për ne, i ashtuquajturi ‘mini-Shengen’ është nismë pa vizion për rajonin. Ne kemi propozuar avancimin e bashkëpunimit rajonal nga CEFTA në SEFTA, sipas modelit të EFTA-EEA, nga e cila do të përfitonin njëkohësisht të gjitha vendet e Ballkanit Perëndimor”, tha Qeveria e Kosovës në një deklaratë.

blank

Burimi: INSTAT

blank

Burimi: INSTAT

blank

Kosova ndan Medaljen Presidenciale për Beau Biden

Presidentja Vjosa Osmani gjatë ceremonisë të ndarjes së Medaljes Presidenciale për Beau Biden.

RFE/RL

Presidentja e Kosovës, Vjosa Osmani, të dielën, ka ndarë Medaljen Presidenciale për Sundim të Ligjit për Beau Biden, djalin e ndjerë të presidentit amerikan, Joe Biden, i cili ka vdekur në vitin 2015 nga kanceri në tru.

Ai ka shërbyer në Kosovë pas mbarimit të luftës, përkatësisht më 2001, në trajnimin e gjykatësve dhe prokurorëve vendorë.

Presidentja e Kosovës, Vjosa Osmani, me rastin e dhënies së Medaljes Presidenciale për Sundim të Ligjit për Beau Biden, ka deklaruar se me ndarjen e kësaj medaljeje, Kosova njeh kontributin që ai dha për Kosovën.

“Sa i përket Beau, trashëgimi e tij vazhdon të jetojë. Veprimet e tij vazhdojnë të na inspirojnë sot në Kosovë dhe të atyre njerëzve që ua ndryshoi jetën në Shtetet e Bashkuara”, deklaroi Osmani.

Sipas Osmanit, në të gjallë, Beau Biden, me punën e tij preku jetë njerëzish dhe bëri ndryshime.

“Siç është edhe shprehja ‘njerëzit e mirë janë si qiriu. Ata digjen që t’iu bëjnë dritë të tjerëve’. Dhe njerëzit më të mirë e bëjnë këtë pa e kuptuar. Besoj se njeriu i mirë matet me gjatësinë e ndikimit që lënë pas. Kjo ka të bëjë me njerëzit që inspironin gjatë jetës tuaj, zemrat që prekni dhe jetët që ndryshoni pa e kuptuar. I ndjeri Beau Biden ishte një njeri i tillë. Ai është qiriu i djegur që ka dhënë dritë për shumë njerëz”, tha Osmani.

Presidentja Osmani tha se ndihmën që SHBA-ja i ka dhënë Kosovës sa i përket lirisë dhe “të drejtës për të ekzistuar”, kalon përtej çdo partneriteti që mund të shihet në mbarë botën.

Presidenti i Shteteve të Bashkuara të Amerikës, Joe Biden, përmes një video-mesazhi ka thënë se Kosova “është në zemrat e gjithë familjes Biden” dhe e ka falënderuar Kosovën për medaljen, të cilën e ka ndarë për të birin e tij të ndjerë.

“Ne thjesht duam të themi se kjo është e pabesueshme, dhe unë dua ta falënderoj Republikën e Kosovës për këtë medalje. Është një nder i madh, është një nder i madh ta vlerësosh trashëgiminë e djalit tonë Beau dhe babait të tij. Punën në Kosovë, Beau e kishte të përzemërt, ai u dashurua me vendin. Ne jemi përgjithmonë mirënjohës për të gjithë njerëzit e Kosovës me të cilët Beau u dashurua”, ka thënë presidenti Biden përmes video-mesazhit.

Ai ka shtuar se i biri i tij Beau ka besuar thellë në pavarësinë e Kosovës dhe se si avokat në Departamentin e Drejtësisë të Shteteve të Bashkuara, doli vullnetar për të ardhur në Kosovë, “për të mbështetur pavarësinë tuaj dhe demokracinë tuaj të re, dhe mbi të gjitha sundimin e ligjit”.

Presidenti Biden ka shprehur vlerësimin për përparimin, siç e ka quajtur ai, të jashtëzakonshëm që Kosova ka bërë gjatë njëzet vjetëve të fundit, me porosinë që “ka mbetur ende për t’u bërë”.

“Unë angazhohem për ju, dhe Shtetet e Bashkuara do të mbeten partneri i palëkundur i Kosovës në këtë drejtim”, ka theksuar Biden.

Ambasadori i Shteteve të Bashkuara të Amerikës, Philip Kosnett, ka pranuar medaljen në emër të familjes Biden.

Kjo është hera e dytë që Kosova nderon djalin e presidentit amerikan.

Më 2016, në vitin e fundit të Bidenit si nënpresident amerikan, ai, së bashku me familjen e tij, kanë vizituar Kosovën, për të inauguruar rrugën Beau Biden afër kampit Bondsteel.

blank

Tenori i madh i Kosovës, Ramë Lahaj, i shkruan letër Edi Ramës: Dole për të respektuar mikun tënd e vrasësin tim

Tenori i madh i Kosovës, Ramë Lahaj, i shkruan letër Edi Ramës
Ti ‘kryeministri im’
Marrë parasysh që jam artist, e nuk kuptoj shumë nga politika jote, ‘të më falësh’ se mund të gaboj, sepse unë gjykoj nga dhimbja, rrjedhimisht mund të sjellë këtë përfundim, ndoshta të nxituar për mendjen tënde të ndritur, sepse ti i di të gjitha.
S’ka shumë kohë që si 15 vjeçar, kam ecur mbi njerëz të vrarë e të masakruar, kam lënë shtratin e djepin e fëmijërisë për ta gjetur atë krejtësisht të djegur nga miqtë e tu të sotëm.
E shoh se ti nuk e kupton këtë, nuk e ke parë as ne CNN apo ndoshta edhe nëse e ke parë ishe në gjendje tjetër, e gjithçka të është duk si film. Për këtë ndoshta nuk bashkëndjenë me dhimbjen tonë.
Ti, që sot i paske ‘zhveshur trenerkat’ dhe dole në kostum për të respektuar mikun tënd, e vrasësin tim, na ftoje t’i ulemi përballë sikur asgjë të mos kishte ndodhur kurrë.
Përveç kësaj më fajëson mua përse nuk darkojë e bëj pazare me të, ti që përveç injorancës dhe ofendimit për secilin që mendon ndryshe nga ti, nuk di tjetër!
Ti edhe po deshe, s’të lejojmë që me thundrën tënde të pistë të shkelesh mbi gjakun e fëmijëve dhe dëshmorëve tanë që Kosovën e kanë larë me gjak, në çdo pëllëmbë të saj. Jo ty!
Rri andej kufirit dhe traut që na gjobite, edhe atëkohë kur të sollëm bukën e gojës, sepse ti as shqiptar s’je. S’je asgjë tjetër pos një psikopat që injoron dhimbjen e çdo nëne kosovare që sot prehrin e ka bosh mu shkaku i miqve tuaj.
Andaj duhet ta dish, që me Serbinë ulemi kur ajo të kërkojë falje për fëmijët e pleqtë e masakruar, për të zhdukurit tanë që sot as varrë për të vajtuar për ta nuk kemi, për përdhunimet e motrave e nënave tona.
Vetëm atëherë ulemi dhe prapë jo me ndërmjetësimin tënd për Mini Schengen por me praninë e SHBA-së për një Euro-Schengen.
Zoti e ruajtë Shqipërinë, nga shqiptarët si ti!
blank

FOTOT – “Unë fitova, tani është radha ime të flas”, fitoi gjyqin ndaj shtetit shqiptar, posterat e Becchetit për 100 mln eurot mbushin Romën

“Unë fitova, tani është radha ime të flas”

Me këtë slogan, Francesco Beccheti ka mbushur ambiente të shumta të Romës, ku promovon atë që ai e quan fitoren ndaj kryeministrit Edi Rama dhe qeverisë shqiptare.

Posterat ku shfaqet Beccheti janë të shumta në kryeqytetin e Italisë, ku ai i fton italianët që të klikojnë në një web që ai e ka krijuar posaçërisht se si nisi dhe u zhvillua beteja e tij me qeverinë shqiptare. Kujtojmë se sipërmarrësi italian ka fituar në gjykatën e Arbitrazhit gjyqin ndaj qeverisë shqiptare. Kjo e fundit, ka detyrimin për t’i paguar atij plot 100 milionë euro.

Ai e ka cilësuar si të padrejtë mbylljen e televizionit “Agon Channel” në vitin 2015, e për këtë, hodhi në gjyq shtetin shqiptar, gjyq të cilin dhe e fitoi. Asokohe prokuroria publikoi një skemë korruptive, pjesë e së cilës sipas tyre ishte dhe Beccheti.

Kjo ishte dhe arsyeja se përse kërkuan mbylljen e televizionit. Këto pretendime sipërmarrësi si ka pranuar asnjëherë dhe sistematikisht ka pretenduar se mbylla e televizionit ishte e motivuar politikisht.bw

blank

blank

blank

blank

Kurti për “Ballkanin e Hapur”: Hapje ndaj ndikimeve ruse dhe kineze. Kosova s’merr pjesë, për aq kohë sa Serbia s’pranon të kaluarën kriminale

Kryeministri i Kosovës, Albin Kurti, ka komentuar sërish nismën “Ballkani i Hapur” i ndërmarrë nga tre shtete, përfshirë dhe Shqipërinë.

Kurti ka theksuar për mediat në Kosovë, se problem kryesor në Ballkanin Perëndimor është mosballafaqimi i presidentit Aleksandër Vuçiç me të kaluarën.

Ai thotë se tregu i përbashkët nënkupton demokratizim dhe sundim të ligjit për të gjitha vendet e përfshira, por pjesëmarrja e Kosovës sipas tij është e pamundur, për aq kohë sa Serbia nuk pranon të kaluarën kriminale.

“Ne si Republikë e Kosovës konsiderojmë që problemi kryesor në Ballkanin Perëndimor është mosballafaqimi i kreut të Serbisë me të kaluarën. Përkatësisht me të kaluarën kriminale të Serbisë e cila i shkaktoi katër luftëra në dekadën e fundit të shekullit 20.

Tregu i përbashkët duhet patjetër të shoqërohet me ballafaqimin me të kaluarën, me demokratizimin e vendeve tona dhe me sundimin e ligjit. Përndryshe do të kemi më
shumë ngjarje që nuk ngelen në kujtesë sesa procese dhe struktura që ndryshojnë për së miri jetën e qytetarëve”, tha ai.

Kurti duke komentuar edhe ndryshimin e emrit nga “Mini Shengeni” në “Ballkan të Hapur” tha se nuk është i entuziazmuar nga ky ndryshim, pasi ky emër nënkupton hapje ndaj ndikimeve ruse dhe kineze.

“Në veçanti nuk mund të them që jam i entuziazmuar me emërtimin ‘Ballkani i Hapur’ pasi duke qenë aty kreu i Serbisë që nuk ballafaqohet me të kaluarën e shtetit të tij dhe të vetes së tij ‘Ballkani i Hapur’ ngjan më shumë si Ballkan i hapur për ndikimet nga Lindja, sidomos nga Federata Ruse dhe Kina, si dhe Ballkan i Hapur për autokracinë, korrupsionin, kriminelët e luftës, siç e dimë që vazhdojnë të jenë masivisht jo vetëm të lirë në Serbi, por jo pak prej tyre edhe në pushtet”, tha ai.

Kurti siguroi se marrëdhëniet ndërmjet Kosovës dhe Shqipërisë janë vëllazërore, pa marr parasysh raporteve të krerëve shtetërorë.

“Kosova dhe Shqipëria do t’i kenë e duhet t’i kenë marrëdhëniet e mira e gjithnjë e më të mira. Nuk i përket as kryeministrit të Kosovës e as atij të Shqipërisë që dy vendet tona që janë të një kombi që të kenë marrëdhënie jo të mira. Kosova dhe Shqipëria, qytetarët e të dyja vendeve i kanë marrëdhëniet vëllazërore, ndërkaq prej politikanëve, qofshin ato edhe prej kryeministrave si Edi Rama dhe puna ime mbetet vetëm ta përfaqësojnë këtë vullnet e interes të qytetarëve”, tha ai. bw

blank

Kryeministri Kurti i shkruan letër homologut kroat: Kosova s’do ta harrojë kurrë aktin e humanizmit të Kroacisë

Kryeministri i Republikës së Kosovës, Albin Kurti i ka dërguar letër falënderimi Kryeministrit të Republikës së Kroacisë, Andrej Plenković, nëpërmjet së cilës ia ka shprehur falënderimin e tij dhe të popullit e Qeverisë së Republikës së Kosovës, për ndihmën që shteti dhe institucionet shëndetësore kroate ua ofruan bashkatdhetarëve tanë pas aksidentit tragjik në Slavonski Brod të Kroacisë, thuhet në njoftimin e kryeministrisë të publikuar në uebfaqen zyrtare, transmeton Gazeta Express.

Kryeministri Kurti ka thënë se reagimi i shpejtë i autoriteteve kroate për t’u ofruar trajtim mjekësor të lënduarve dhe strehim udhëtarëve të tjerë, shpërfaqi vlerat më të larta dhe shpirtin bujar të popullit kroat.

Angazhimi juaj vetëmohues dhe i institucioneve të shtetit tuaj për t’ua ofruar gjithë kujdesin e nevojshëm bashkatdhetarëve tanë, ka prekur thellë zemrat tona, ka shkruar në letër kryeministri Kurti.

Ai e ka siguruar kryeministrin e Kroacisë se populli dhe Qeveria e Kosovës nuk do ta harrojë kurrë aktin e tij të humanizmit e solidaritetit dhe se Republika e Kosovës do të mbajë gjithmonë zemrën dhe derën hapur për miqtë si Plenković.

Falënderimi i plotë i kryeministrit Kurti:

Shumë i nderuari Kryeministër Plenković,
Në emër të Qeverisë dhe popullit të Republikës së Kosovës, dhe në emrin tim personal, pranoni falënderimet më të përzemërta për ndihmën që na e ofruat në një situatë të rëndë për vendin tonë.

Reagimi Juaj i shpejtë pas aksidentit tragjik në Slavonski Brod, ku humbën jetën dhjetë bashkatdhetarë tanë, trajtimi mjekësor i të lënduarve dhe strehimi i udhëtarëve të tjerë, shpërfaqi vlerat Tuaja të larta dhe shpirtin bujar të popullit kroat.

Angazhimi Juaj vetëmohues dhe i institucioneve të shtetit Tuaj për t’ua ofruar gjithë kujdesin e nevojshëm bashkatdhetarëve tanë, ka prekur thellë zemrat tona.

Populli dhe Qeveria e Republikës së Kosovës nuk do ta harrojë kurrë këtë akt humanizmi dhe solidariteti me tragjedinë tonë.

Me konsideratën më të lartë, ju sigurojmë që Republika e Kosovës do të mbajë gjithmonë zemrën dhe derën hapur për miqtë si Ju.

S poštovanjem i zahvalnošću,

Albin Kurti
Kryeministër i Republikës së Kosovës

blank

Akademia Shqiptaro-Amerikane e Shkencave dhe e Arteve në Nju-Jork: MEMORANDUM KUNDËR TRADHTISË SË EDI RAMËS NDAJ KOSOVËS SHQIPTARE

Akademia Shqiptaro-Amerikane e Shkencave dhe e Arteve në Nju-Jork, SHBA, miratoi këtë

          MEMORANDUM KUNDËR TRADHTISË SË EDI RAMËS NDAJ KOSOVËS SHQIPTARE

 

Me indinjatë dhe në mënyrën më vehemente e denoncojmë lidhjen e Antantës së Re Serbosllave me përmbajtje dhe me orientim strategjik lindor të sferës ndikuese politike, ekonomike, tregtare dhe ushtarake  të Rusisë, të nënshkruar nga Aleksandër Vuçiq (president i Serbisë), nga Zoran Zaev (kryeministër i Maqedonisë Veriore) dhe nga Edi Rama (kryeministër i Shqipërisë në  “Forumin Ekonomik për Bashkëpunim Rajonal”, bërë në Shkup, më 29 korrik 2021. Këta themelues, Aleancën e Re Serbosllave nga “minishengeni ballkanik” e riemërtuan në (Ballkani i hapur. Open Blakans). Mirëpo, esenca e brumit politik, ekonomik, tregtar dhe integrues e kësaj Aleance të Re Serbosllave është kundër përcaktimit perëndimor të Serbisë, të Shqipërisë dhe të  Maqedonisë Veriore. Thjesht, është një kundërpeshë dhe injorim i institucioneve dhe mekanzimave strategjikë të agjendës integruese dhe zgjeruese të Bashkimit Evropian në shkallë rajonale ballkanike.

 Formimi i  Antantës së Re Serbo-sllave (së pari si “Minishengen ballkanik”, vetëm me 3 vende ballkanike?!) me emrin e ri “Ballkani i hapur”  nga “arkitektët vizionarë”, treshja Vuçiq-Rama-Zaev, është i dizajnuar dhe llogaritur mirë nga “kuzhina” politiko-diplomatike dhe propagandistike antishqiptare, antiamerikane, dhe antievropiane perëndimore në Beograd.

Shtrohet pyetja, pse kjo ide lindi nga udhëheqësit shtetërorë serbomëdhenj në Beograd ?

 – Sepse Qeveria serbe me Bërnabiqët, me Daçiqët dhe me presidentin e tyre Aleksandër Vuçiq në krye, që moti e kanë të qartë nga liderët drejtues të BE-së, se pa njohjen e Republikës së Kosovës, kurrë Serbia nuk do të pranohet në Bashkimin Evropian.

Ky është një nga faktorët kryesorë politikë, gjeopolitikë, gjeostrategjikë, gjeoekonomikë dhe tregtarë, që Aleksandër Vuçiqin (qeverinë serbe) e kanë detyruar që të shpikë “Minishengenin ballkanik”, përkatësisht ‘Ballkanin e hapur” me miqtët dhe aleatët e tij prosllavë: Zoran Zajev dhe Edi Rama, si pandan dhe kundërpeshë strategjisë integruese politike, ekonomike,tregtare, ushtarake dhe kulturore të Bashkimit Evropian, sepse, që tani  presidenti Aleksandër Vuçiq e ka të qartë, se Serbia kurrë nuk ka për të hyrë në BE, duke qenë se nuk po e njeh shtetin e pavarur dhe sovran të Kosovës.

Për këtë arsye, Aleksandër Vuçiq ka formuar “Minishengonin-Ballkanin e hapur” me  tradhtarin Edi Rama, sepse haptazi po luftën kundër BE-së dhe kundër Amerikës, që Kosovën ta rikthejë nën sovranitetin kolonial dhe gjenocidal të Serbisë (1912-1999).

 Presidenti Vuçiq nuk po do BE, por po do Kosovën nën Serbi, kurse Edi Rama po do Serbinë dhe Rusinë, jo Kosovën, as BE-në, as NATO-n e as Amerikën, ashtu sikurse Aleksandër Vuçiqi !

 

Ky  veprim i përbashkët kundër BE-së, është guxim i madh, por njëherazi, budallallëk edhe më i madh, sidomos për Edi Ramën, sepse  me riorientimin e tij në zonën e influencës së sferave të interesit serbo-rusosllav, direkt dhe indirekt ka dalë jo vetëm kundër Kosovës, por edhe kundër BE-së, kundër Amerikës dhe kundër NATO-s, mbase Shqipëria është anëtare e NATO-s (prill 2009). Kjo tradhti ndaj NATO-s është një humbje e madhe për intereat vitale evropianoperëndimore  të Shqipërisë.

Ndërkaq, për Serbinë edhe për Aleksandër Vuçiqin, është një fitore e madhe politike, gjeostrategjike dhe gjeopolitike, sepse me mbështetjen e Shqipërisë së Edi Ramës po fiton daljen në Detin Adriatik, ëndërr shekullore e Serbisë kolonialiste dhe gjenocidale e kryeministrit  dhe ministrit të saj historik, Nikola Pashiq (1912-1926). Straetgjia nacionale e Serbisë pushtuese “Dalja në Adriatik” ka qenë ide dhe platformë politike serbomadhe e Nikola Pashiqit, që njihet me emrin “Od Dunava do Skadra”. Dhe, ja këtë ide  serbomadhe të Nikola pasiqit, po realizojnë pasardhësit e  tij, treshja Vuçiq-Rama-Zaev me “Ballkanin e hapur”. Ja, kjo është tradhtia e Edi Ramës ka përqafuar edhe Projektin historik të Nikola Pashiqit, duke mos ditur histoirinë tragjike të marrëdhënieve serbo-shqiptare në Ballkan.

Për këtë arsye, pas nënshkrimit të Marrëveshjes së Antantës së Re serbosllave (Serbia, Shqipëria dhe Maqedonia Veriore) në “Forimin Ekonomik të Bashkëpunimit Rajonal” (Ballkani i hapur), presidenti serb Aleksandar Vuçiqi tha  “Ta harrojmë të kaluarën, të krijojmë një histori të re progresive dhe të dobishme ekonomike, politike, tregtare, kultuore të bashkëpunimit të popujve të Serbisë, të Shqipërisë dhe të Maqedonisë Veriore”, duke i “fshirë kufijtë” për të lëvizur dhe qarkulluar lirshëm e pa barriera doganore si njerëzit dhe mallrat e tyre; pa pasaporta dhe, pa kurrfarë kontrolli doganor etj… Kjo është “ide e mirë”, por sakat, sepse të formosh një Aleancë Serbosllave pandan Bashkimit Evropian (vetëm me tri shtete ballkanike: Serbia, Shqipëria dhe Maqedonia Veriore), pa Kosovën e pavarur, pa Malin e Zi, pa Kroacinë, pa Greqinë,  dhe pa Turqinë, është çmenduri edhe nacionale, edhe politike, edhe diplomatike, edhe rajonale, edhe evropiane perëndimore, kur dihet se fjalën kryesore në Ballkan e kanë Amerika, NATO-ja dhe BE-ja, jo Serbia e Aleksandër Vuçiqit që me çdo kusht po lufton për “bombardimin” e shtetit të pavarur të Kosovës.

Për këtë qëllim dhe interes afatgjatë serbo-rus-sllav në Ballkkan, Aleksandër Vuçiq(Serbia), Edi Rama( Shqipëria) dhe Zoran Zaev (Maqedonia Veriore), me formimin e “minishengenit ballkanik”, përkatësisht “Ballkani i Hapur”  i kanë shpallur  luftë politike, ekonomike dhe tregtare Bashkimit Evropian (BE-së) në tri (3) shtetet e tyre.

 

 Ne jemi me Kosovën dhe me Shqipërinë që e mbështet Kosovën, Amerikën, BE-në dhe NATO-n. Kjo është historia dhe perspektiva e sotme dhe e nesërme e  shqptarëve dhe gjithë Ballkanit !

 

-Jo me Serbinë  kolonialiste dhe gjenocidale, e cila, edhe sot në shekullin XXI po kundërhton  BE-në dhe OKB-në, që të përballet me krimet e gjenocideve që i ka kryer ndaj shqiptarëve  të Shqipërisë Etnike (1878-1999).

 Prandaj, Akademia  Shqiptaro-Amerikane e Shkencave dhe e Arteve e Nju-Jorkut në SHBA, e mbështet fuqimisht dhe katërcipërisht politikën largpamëse kombëtare, evropianoperëndimore ndërkombëtare dhe patriotike të kryeministrit të Kosovës, Albin Kurti dhe të kryediplomates së Ministrisë së Punëve të Jashtme të Kosovës, Donika Gërvalla, që me fakte dhe me argumente të qëndrueshme dhe të justifikueshme kanë hedhur poshtë si të dëmshme dhe shumë të rrezikshme për Kosovën, për Shqipërinë, për shqiptarët dhe për interesat komplementare strategjike të BE-së, të Amerikës dhe të NATO-s në Ballkan,

Duke qenë se kryeministri i Shqipërisë, Edi Rama tradhtoi Kosovën, Amerikën, BE-në dhe NATO-n, duke u rreshtuar në  kampin e Antanës së Re Serbo-Sllave(Ballkani i hapur) të Vuçiqit dhe të Zajevit, gjë që kjo Aleancë sllave (edhe pse paqësore) të kujton Traktatin e dikurshëm të Varshavës (1955), i cili qe formuar si kundërpeshë dhe përgjigje Paktit të Atlantikut Verior(NATO), më 1949.

KJo tradhti e Edi Ramës ndaj aleatëve evropianoperëndimorë, dhe posaçrisht ndaj Kosovës nuk është e para në historinë më të re të Kosovës (1989-2021), por e dyta (2) me radhë brenda 30 viteve të shkaura, ngaqë tradhtia e parë ndaj Kosovës u bë gjatë viteve 1989-1999, kur Shqipëria nuk ndërhyri ushtarakisht me Ushtrinë Kombëtare të saj për t’i marrë në mbrojtje mbi 2 milionë e gjysmë shqiptarë nga terrori, nga flaka dhe nga zjarri i gjenocidit të Serbisë së Slobodan Milosheviqit. Si rrjedhojë, çetnikët fashistë paramilitarë, militarë dhe policorë serbë masakruan dhe vranë mbi “11.800” civilë shqiptarë; i zhdukën edhe “1647” shqiptarë të tjerë, të cilët sot evidencohen si të “pagjetur”;  i dhunuan mbi “20000 mijë” femra shqiptare, si dhe i deportuan jashtë Kosove mbi  “ 1 milion shqiptarë”.

Ja , kjo ishte tradhtia e parë ndaj Kosovës në kohën e historisë së saj më të re (1989-1999). Kjo tragjedi pati për pasojë direkte politikën e gabuar të boshtit Prishtinë – Tiranë, mbase në vend të  politikës inerte dhe të dështuar paqësore, domodo nevojitej ndërhyrje ushtarake të gjithë shqiptarëve në Ballkan, duke qenë se ishin konsumuar të të gjitha të ashtuquajturat  politika pasive paqësore, që  gjithë bota liridashëse trishtohej prej tyre, ngase nuk ndërmorën asnjë veprim ushtarak të përbashkët për shpëtimin e 2 milionë e gjysmë shqiptarëve, ku shumë prej tyre (mbi 13.0000) gjetën vdekjen nga zjarri i gjenocidit serb (1989-1999).

Poshtë tradhtia! Rroftë Kosova dhe Shqipëria Etnike!

Ne jemi me Evropën Perëndiore, me NATO-n dhe me Amerikën, jo me Rusinë e as me Serbinë e Edi Ramës dhe Alekandër Vuçiqit.

 I nderuar z.Kryeministër Kurti,

-Albin ne jemi me Ty , me Kosovën e pavarur dhe sovrane  me bashkimin e saj me Shqipërinë, jo me Serbinë e Edi Ramës!

Me të lexuar se çfarë tradhtie gjithëkombëtare nënshkroi Edi Rama në Shkup, duke u puthur me serbosllavomaqedonët Aleksandër Vuçiq dhe Zoran Zaev kinse për një “Ballkan të hapur bashkëpunimi e paqeje”, më 29 korrik 2021, ne Bordi i Akademisë Shqiptaro-Amerikane  të Shkenave dhe të Arteve në Nju-Jork, u mblodhëm dhe morëm vendimin e prerë, se jo vetëm ne, por të gjithë shqiptarët në  Mërgatë jemi me kryeministrin Albin Kurti dhe me Qeverinë e tij në Kosovë, jo me asnjë marrëveshje apo Memorandum të Edi Ramës, të nënshkruar në Shkup në emër të “nimishengeni ballkanik” me emër të ri, që për Kosovën dhe për të gjithë shqiptarët, është një tradhti e madhe, sepse me arritjen e saj, kryeministri Edi Rama ia hapi portat Serbisë kolonialiste pushtues dhe gjenocidale të Nikola Pashiqit, të Slobodan Milosheviqit dhe të Aleksandër Vuçiq, që pa asnjë lek të dalë në Detin Adriatik. Ky është objektivi strategjik parësor politik, ekonomik e tregtar i Anshlusit Rama-Vuçiq-Zaev. –Jo assesi zhvillimi dhe mirëqenia e shqiptarëve, as e Kosovës e as e Shqipërisë.

Për daljen në Detin Adriatik, Serbia ka bërë disa pushtime gjenocidale dhe koloniale ndaj shqiptarëve dhe territoreve të tyre etnike (1912-1941). Kjo e kaluar e hidhur historike assesi nuk mund të heshtet e as të amnistohet me asnjë marrëveshje apo traktat tradhtie të Edi Ramës  të lidhur me presidentin serb Aleksandër Vuçiq, gjoja për të “mirën e shqiptarëve të Kosovës dhe të Shqipërisë. Ky mashtrim dhe kjo tradhti e Edi Ramës nuk duhet pranuar me asnjë çmim, para se Serbia t’i paguajë të gjitha reparacionet jo vetëm të luftërave gjenocidale, por edhe dëmshpërblimin për shfrytëzimin e pasurive nëntokësore në Kosovë (1912-1999).

(2) Pasi Serbia t’i ketë zbululuar të të gjitha varrezat masive në territorin e saj;

(3) Pasi të ketë kërkuar falje kolektive për “3 gjenocidet ndaj shqiptarëve”, ashtu siç ia keni përplasur në fytyrë në Bruksel, më 15 dhe më 19 korrik 2021;

(4) Pasi Serbia ta ketë njohur Republikën e Kosovës;

(5) Pasi Serbia t’ua njohë të drejtën  e vetëvendosjes shqiptarëve në Preshevë, në Bujanoc e Medvegjë;

(6) Pasi Shqipëria t’ia ketë dorëzuar AP-së së OKB-së, Padinë e  Qeverisë së Kosovës kundër gjenocideve serbe (1878-1999).

Tani, pas nënshkrimit të 2 memorandumeve dhe të 1 marrëveshjeje të Edi Ramës në “Shengenin numër 2” të riemërtuar në “Ballkani i hapur”, u bë çdo gjë e qartë se Shqipëria për të dytën e herë e tradhtoi Kosovën brenda tri dekadave të fundit (1990-2021).

Prandaj, nuk kanë lënë asnjë “deriçkë” të hapur bashkëpunimi derisa kanë përqafuar Serbinë çetniko-fashiste dhe gjenocidale të Slobodan Milosheviqit, ashtu si Milosheviqi, presidenti Aleksandër Vuçiq po kërcën haptazi para Evropës dhe para botës se “kurrë nuk do ta njohë Kosovën”. Kjo është kryetradhti me vulë të thatë, edhe më e trishtë sesa tradhtia e Esat Pashë Toptanit dhe e Ahmet Zogut me Nikola Pashiqin.

Ne plotësisht pajtohemi dhe e mbështetim Vendimin e Qeverisë së juaj, që  nuk keni pranuar të merrni pjesë, dhe se  nuk do të jeni pjesë e  atijfarë “Minishengeni jugosllav”-tani të riemërtuar në “Ballkani i hapur” për ta fuqizuar dhe zhvilluar Serbinë në një superfuqi ekonomike, gjepolitike dhe gjeostrategjike mbizotëruse në Ballkan.

Ndaj, z. Kryetar Albin Kurti,

Duke ju mbështetur me gjithë zemër dhe me potecialin tonë, ju lusim, që sa më parë të urdhëroni mbajtjen e një Séance të Jashtëzakonshme të Kuvendit të Kosovës, dhe të nxirrni një Rezolutë a Memorandum për distancimin dhe për denoncimin e Marrëveshjes tradhtare të kryeministrit  të Shqipërisë, Edi Rama të lidhur me Serbinë kundër interesave vitale kombëtare dhe shtetërore të Republikës së Kosovë.

 

Të  mbështesim pa asnjë rezervë!

Me nderime dhe konsiderata,

Skënder Kodra, akademik,

Mehdi Hyseni, Akademik

 

Nju-Jork, më 29 korrik

blank

Polarizohet zhvillimi i rajoneve- Varfërohet Veriu, Kukësit i duhen 20 vjet të arrijë nivelin kombëtar dhe 37 vjet kryeqytetin

Nga viti në vit, të dhënat ekonomike të 12 qarqeve të vendit po tregojnë zhvillim të pabarabartë. Sipas INSTAT, në 10 vitet e fundit, ekonomia e rajonit të Qendrës është rritur mesatarisht me 3.4% në vit, Rajoni i Veriut u rrit mesatarisht me 2.4% në vit, ndërsa Jugu me 2.6%. Qarku më i varfër, Kukësi, shënoi rënie të ekonomisë gjatë dekadës me 2.7%, duke u varfëruar më tej. Zhvillimi ekonomik i rajoneve është ndikuar negativisht nga emigracioni i lartë, teksa mungojnë politikat zhvillimore me fokus qarku. Ekspertët bëjnë thirrje për një diagnozë të re të varfërisë dhe projekte që sigurojnë zhvillim të qëndrueshëm të qarqeve të varfra

Rritja ekonomike e vendit në dekadën e fundit është shpërndarë në mënyrë të pabarabartë në rajonet e tij. Vit pas viti, qendra e vendit po fuqizohet ekonomikisht, kurse rajonet e Veriut dhe Jugut janë rritur nën mesataren kombëtare. Qarqet e Dibrës dhe Kukësit, që u vlerësuan si më të varfrat në vitin 2011, janë varfëruar më tej në dekadën e fundit. Politikat ekonomike dhe sociale nuk po sigurojnë kohezionin social dhe për shkak të kësaj dukurie, qarqet e vendit, sidomos Veriu, po shpopullohet me shpejtësi duke zgjedhur emigracionin kryesisht, edhe pse disponojnë burime natyrore të shumta.

Instituti i Statistikave publikoi së fundmi ndryshimet në Prodhimin e Brendshëm të Bruto të Rajoneve në të cilin u rezultoi se në tre qarqe ekonomia ishte me rënie në vitin 2019, Dibra me 3%, Kukësi me 2.8% dhe Berati me 2%%. Në të kundërt, qarqet me rritjen ekonomike të lartë ishin Durrësi me 4.3%, Gjirokastra me 4%, Fieri me 3.25 dhe Tirana mbi 2.5%.

Në rang vendi, ekonomia u zgjerua me 2.1% në vitin 2009. E ndarë sipas rajoneve, qendra ku bën pjesë Tirana dhe Elbasani u rritën mbi mesataren kombëtare me 2.2%. Rajoni i Veriut me qarqet e Dibrës, Kukësit, Durrësit, Lezhës, Shkodrës u rrit me 2.1% thuajse në mesataren kombëtare, kryesisht prej zgjerimit të ekonomisë së Durrësit, i cili në 2019-ën u ndikua nga zhvillime pozitive në turizëm. Rajoni i Jugut me qarqet e Beratit, Fierit, Gjirokastrës, Korçës dhe Vlorës u rrit 1.78% me ritme më të ulëta se mesatarja kombëtare, për shkak të ndikimeve negative në ekonominë e Beratit.

Shtesa Renia E Pbb Sipas Qarqeve Me 2019 991
Shtesa Renia E Pbb Sipas Qarqeve Me 2019 991

Gjatë 10 viteve të fundit, ekonomia e rajonit të Qendrës është rritur mesatarisht me 3.4% në vit, Rajoni Veriut u rrit mesatarisht me 2.4%, ndërsa i Jugut me 2.6. Merita Toska, nga Co-Plan, njohëse e financave vendore, tha se, pabarazitë në vend janë të dukshme dhe thellohen çdo ditë më shumë, në disa nivele. Ajo pohoi se diferenca në nivelin ekonomik po theksohen në nivel rajoni, qarku, në nivel bashkie dhe në terma urbanë dhe ruralë. Shpërndarja e burimeve të rritjes në territor, sipas saj, është përcaktuese për këto diferenca, gërshetuar dhe me faktorë të tjerë. Politikat rishpërndarëse janë të vakëta dhe nuk po arrijnë të japin rezultate për t’i zbutur këto pabarazi.

Edhe pse qeveritë tashmë kanë një hartë të rajonalizuar dhe të detajuar për varfërinë që në vitin 2011 nuk kanë mundur të shpërndajnë në mënyrë t’i drejtë burimet ekonomike. P.sh., rajoni më i varfër i vendit, Kukësi, në vitin 2019 kishte një ekonomi më të vogël se në vitin 2009.

Sherefedin Shehu, ish-zv.ministër i Financave, ekspert për politikat rajonale, tha se arsyet kryesore të thellimit të varfërisë në qarqet e varfra janë mungesa e politikave efektive ekonomike dhe sociale. Politikat sociale në Shqipëri nuk garantojnë mbështetje reale për të varfrit, pasi ato ofrojnë një mbështetje simbolike financiare, e cila ka mbetur pothuajse e pandryshuar prej më shumë se 25 vitesh dhe indeksimi i saj është disproporcional krahasuar me rritjen e shumëfishtë të kostos së jetesës, tha Shehu.

10 vite ekonomia e Kukësit me rënie, qarku më i varfër, varfërohet më tej
Në vitin 2012, në një anketë të posaçme, INSTAT e mati nivelin e varfërisë në vend. Si kufi i varfërisë u përcaktua një konsum për frymë në 4891 lekë (39 euro) në muaj. Familjet dhe individët që konsumonin poshtë kësaj sasie u konsideruan të varfër, pasi me burimet e tyre të të ardhurave nuk mund të siguronin konsumin e 2200 kalorive në ditë.

Rezultatet e anketës treguan se qarqet Vlorë dhe Gjirokastër kishin shkallën më të ulët të varfërisë, ndërsa Qarku i Kukësit kishte shkallën më të lartë të varfërisë, pasi më shumë se 28% e popullsisë në këtë qark konsumonte poshtë kufirit 39 euro në muaj. Harta e varfërisë duhet t’u shërbente qeverive shqiptare më pas për të realizuar ndërhyrje me fokus pikërisht në zonat më të varfra. Por sot, mbas 10 vitesh prej këtyre rezultateve, ekonomia e qarkut më të varfër në vend është thelluar më tej.

Sipas të dhënave të INSTAT, ekonomia e Kukësit nga viti 2009 deri në 2019 ka pësuar rënie me 0.3% çdo vit, ndërkohë që ekonomia në tërësi, në këto dhjetë vjet, është zgjeruar mesatarisht me 2.9% në vit. Gjatë dekadës 2009-2019, Qarku i Kukësit ishte vetmi me rënie në shkallë kombëtare, teksa qarqet e tjera, dikush më pak e dikush më shumë, kanë shkuar drejt rritjes.

Ish-kryetari i Bashkisë së Kukësit, Sheqfet Bruka, ekspert i çështjeve vendore, tha se politikat ekonomike dhe sistemi i rishpërndarjes së të ardhurave kanë qenë në disfavor të Kukësit. Sipas tij, Qarku i Kukësit është i pasur me burime natyrore pasi ka minierat, prodhon më shumë se cilido tjetër energji elektrike, ka pyje dhe kullota pafund, resurse turistike, etj. Z. Bruka u shpreh se duhet ndryshuar politika e shpërndarjes së të ardhurave dhe duhen rindërtuar politikat ekonomike. Ai shtoi se, duhet decentralizim dhe njerëzit duhet të jenë pjesëmarrës në ndërtimin e politikave zhvillimit.

Rritja Mesatare Ekonomike Vjetore 2009 2019 991
Rritja Mesatare Ekonomike Vjetore 2009 2019 991

Kukësit i duhen 20 vjet të arrijë nivelin kombëtar dhe 37 vjet, Tiranën

Në vitin 2008, Prodhimi i Brendshëm për Frymë në Kukës ishte sa 67% e mesatares kombëtare, ndërsa në vitin 2019, PBB-ja për frymë në këtë qark ishte sa 60% e mesatares kombëtare. Diferenca në nivelin e jetës është thelluar për më keq.
Sikur ekonomia kombëtare të qëndrojë në vendnumëro, dhe ekonomia e Kukësit të rritet me 2% në vit, do të duhen rreth 20 vjet të arrijë nivelin kombëtar, ndërsa për të arritur nivelin e Tiranës, do të duhen rreth 37 vite. PBB për frymë në Tiranë është 74% më e lartë, se ajo e Kukësit.

Eksperti i ekonomisë, Sherefedin Shehu, tha se, rënia ekonomike në Qarkun e Dibrës në vitin 2019 dhe rënia më e thellë ekonomike në Qarkun e Kukësit ku Produkti i Brendshëm Bruto (PBB) në vitin 2019 ishte më i ulët se në vitin 2009, tregojnë më qartë se, shkaku i saj është mungesa e politikave efektive ekonomike dhe sociale. Ndonëse këto dy qarqe kanë burime natyrore më të shumta krahasuar me qarqe të tjera, ato kanë nivelin më të lartë të migrimit të brendshëm dhe të jashtëm, si rezultat i thellimit të varfërisë, tha ai.

Vitet e fundit, Kukësi u përball me emigracion të pazakontë, ku mijëra qytetarë emigruan duke kërkuar azil ekonomik kryesisht në Francë dhe Gjermani. Ndërsa në vitin 2019, hyri tërësisht në fuqi vjelja e taksës në Rrugën e Kombit, 100 lekë për çdo automjet të qarkut dhe 5 euro për automjetet e tjera.

Në të gjithë dekadën, ekonomia e Kukësit, në pesë vjet pësoi rënie dhe në pesë të tjera, rritje. Rënia më e fortë ishte në vitin 2014 me -14.5%, si pasojë e ikjes masive në emigracion të mijëra qytetarëve, ku lagje të tëra u zbrazën.

Rritja Mesatare Ekonomike Vjetore 2009 2019 991 1
Rritja Mesatare Ekonomike Vjetore 2009 2019 991 1

Rritet numri i qarqeve me rënie ekonomike më 2019, emigracioni shkaktar

Në vitin 2019, numri i qarqeve që përjetuan rënie të ekonomisë u rrit, në tre gjithsej (Dibra, Kukësi dhe Berati) në raport me vitin 2018, ku ishin me rënie vetëm Dibra dhe Berati. Ekonomia e qarkut të Beratit shënoi rënie me 2% më 2019. Ky ishte viti i dytë me rënie. Megjithëse qarku ka potenciale për zhvillimin e bujqësisë dhe turizmit, duket se shkak për rënien është bërë emigracioni i lartë që po sjell rënie të konsumit. Qarku i Dibrës pësoi rënie me 2.8% më 2019, pasi një rritje sistematike nga 2012 -2019.

Të dhënat e INSTAT tregojnë se ka një lidhje të drejtë ndërmjet emigracionit dhe ecurisë ekonomike të rajoneve. P.sh., në vitin 2019, qarqet me rënien më të madhe të ekonomisë kishin edhe humbjet më të mëdha në popullsi.
Në raport me janarin 2020, në janar të këtij viti, uljet më të mëdha të popullsisë u shënuan në qarqet Gjirokastër (- 2,3%) si pasojë e plakjes, Berat (- 2,1%) dhe Dibër (- 1,9%) si pasojë e emigracionit.

Popullsia në numër shënoi rënien më të madhe në Berat, me një pakësim prej 2500 personash, ndërsa Tirana kishte shtesë më të lartë, me rreth 6 mijë persona plus në vitin 2021. Popullsia e vendit në tërësi, në fillim të vitit 2021, ishte 0,6% më e ulët se më 1 janar 2020.

Zoti Shehu tha se, nëse Qarqeve të Dibrës dhe të Kukësit apo edhe qarqeve të tjera do t’u lihet një përqindje e caktuar e të ardhurave që sigurohen nga koncesionet e hidrocentraleve dhe minierave apo resortet e mëdha turistikë, ato do të shndërroheshin në rajonet më të pasura të vendit.

Ndryshimet e një dekade
Gjatë 2008-2019, të ardhurat për frymë në raport me mesataren kombëtare u rritën më së shumti në Dibër për shkak se ekonomia e këtij qarku pësoi rritje të fortë në vitin 2015, ku për shkak të zgjedhjeve lokale u investua, duke ndryshuar për herë të parë drejtimin politik nga demokratët te socialistët.

Në vitin 2008, Dibra i kishte PBB-në për frymë sa 55% e mesatares kombëtare, ndërsa në vitin 2019, rreth 73% me një rritje 17 pikë përqindje gjatë dekadës. Fieri dhe Gjirokastra përmirësuan të ardhurat për frymë gjatë dekadës në raport me mesataren kombëtare, duke e ngushtuar hendekun me 19 dhe 29 pikë përqindje secili. Në të kundërt, Tirana shënoi përkeqësim me mesataren kombëtare në PBB për frymë.

Në vitin 2008, PBB për frymë e Tiranës ishte sa 165% e mesatares kombëtare dhe në vitin 2019 ishte sa 135% e mesatares kombëtare. Ky ndryshim ka ardhur si pasojë e rritje së popullsisë së kryeqytetit me ritme më të shpejta se sa ekonomia e saj. Tirana e Durrësi janë dy qarqet të vetme në vend me rritje pozitive të popullsisë gjatë tre dekadave të fundit. Siç shihet, shtesa e popullsisë nuk ka qenë aq produktive sa të mbajë nivelet e PBB-së për frymë në ritmet e mesatares kombëtare si para dhjetë viteve.

Ekspertja nga Co Plan, zonja Toska, thotë se hapi i parë për të sheshuar pabarazitë mes rajoneve është një studim i thelluar i pabarazive në vend, shkaqeve dhe parashtrimi i alternativave për ndërhyrje. Më tej duhet të aplikohet një programim i qartë i investimeve të paktën në terma afatmesëm (plan investimesh i qartë dhe i publikuar), për të ankoruar pritshmëritë e biznesit dhe për të ulur nivelin e paqartësive të krijuara nga luhatshmëria e politikave publike. Me vlerë do të ishte ndërmarrja e politikave ekonomike rishpërndarëse (por gjithmonë duke pasur një vizion afatgjatë), shtoi ajo.

Pbb Per Fryme Ne Perqindje Te Mesatares Kombetare Shqiperia 100 991
Pbb Per Fryme Ne Perqindje Te Mesatares Kombetare Shqiperia 100 991

Struktura e PBB-së, në Jug rritet pesha e bujqësisë, në Veri, industria

Struktura e PBB-së së rajoneve gjatë 2014-2019 nuk ka pësuar ndryshime të dukshme. Në Veri është rritur pesha e industrisë, në Jug pesha e bujqësisë dhe në qendër, aktivitetet profesionale. Sipas të dhënave të INSTAT, në rajonin e Veriut, bujqësia ishte sektori me peshën më të madhe në PBB-në e rajonit me 25,3% të totalit në vitin 2019. Pesha e sektorit të bujqësisë në PBB ra me 5 pikë përqindje që nga viti 2014. Pesha e shërbimeve në Veri u rrit me gati 3 pikë përqindje, për shkak të zhvillimit të turizmit në zonën e Valbonës. Në rajonin e Veriut, sektorët që dominojnë ekonominë janë bujqësia, shërbimet dhe industria.

Në rajonin e qendrës, sektorët me peshën më të madhe janë shërbimet me 22% të totalit të PBB- më 2019 dhe aktivitetet e administratës publike, me 15.4% të totalit, për shkak të përqendrimit të institucioneve të qeverisë qendrore dhe aktivitetit me të lartë të administratës publike. Në rajonin e Qendrës, struktura e ekonomisë ka mbetur pothuajse e njëjtë me atë të vitit 2015, me një ulje të lehtë të peshës së bujqësisë, rritje të lehtë të aktivitetit të administratës publike dhe industrisë.

Në rajonin e Jugut, sektori më i madh në vitin 2019 ishte bujqësia, e cila zuri 40% të ekonomisë së këtij rajoni, me një rritje të peshës me 4.3 pikë përqindje në raport me vitin 2014.

Sektori i shërbimeve ishte i dyti më i madh në Jug me 14.6% të totalit, më pas industria me 14% të totalit dhe aktivitetet e administratës publike me 10%. Nga viti 2014-2019, pesha e sektorit të industrisë në ekonominë e Jugut ra me 6 pikë përqindje. Në Rajonin e Jugut të vendit, edhe pse ka potencial të lartë për turizëm, bujqësia mbetet dominuese për shkak të përqendrimit të lartë të prodhimit bujqësor në Lushnjë, Fier dhe Berat./Monitor/

Pbb I Rajoneve Per Fryme Ne Te Mesatares Se Be 991
Pbb I Rajoneve Per Fryme Ne Te Mesatares Se Be 991
blank

Qeveria e Kosovës ndriçohet me ngjyrat e flamurit kroat në shenjë falënderimi

Prishtinë

Ngjyrat e flamurit të Kroacisë me mbishkrimin “Faleminderit Kroaci/Hvala Hrvatska”, kanë ndriçuar në mbrëmje ndërtesën e Qeverisë së Kosovës në Prishtinë, transmeton Anadolu Agency (AA).

Siç njoftoi Zyra e Kryeministrit të Kosovës, nëpërmjet ngjyrave ndriçuese, Qeveria e Republikës së Kosovës ka falënderuar edhe simbolikisht Republikën e Kroacisë “për ndihmën që ajo ua dha bashkatdhetarëve tanë, pas aksidentit tragjik në afërsi të qytetit Slavonski Brod, ku humbën jetën dhjetë bashkatdhetarë të cilët udhëtonin nga Gjermania për në Kosovë”.

“Mirënjohje dhe respekt të veçantë Qeveria e Kosovës shprehë për Kryeministrin e Republikës së Kroacisë, Andrej Plenkoviq dhe përkushtimin e tij personal për të ndihmuar bashkëqytetarët e lënduar dhe institucionet e Kosovës”, thuhet në njoftim.

Tutje shkruan se Qeveria e Republikës së Kosovës do të vazhdojë të ruajë miqësinë dhe marrëdhëniet e shkëlqyeshme me shtetin mik të Kroacisë, “që e ka përkrahur shtetin tonë në të gjitha fazat e shtetndërtimit”.

Më 25 korrik në mëngjes, autobusi me targa kosovare i cili po kthehej nga Frankurti për në Prishtinë, devijoji dhe u rrëzua jashtë rrugës në magjistralen afër Slavonski Brodit në Kroaci, ku humbën jetën dhjetë qytetarë nga Kosova, ndërsa mbi 40 të tjerë u lënduan.

Bashkë me pasagjerët, jetën në këtë aksident e humbi edhe njëri nga shoferët, kurse shoferi tjetër po mbahet ende nga policia kroate e cila po hetohen arsyet e aksidentit. Për viktimat dhe të lënduarit të cilët morën trajtim mjekësor në Kroaci disa ditë me radhë, presidentja e Kosovës Vjosa Osmani e kishte shpallur 26 korrikun ditë zie në Kosovë.


Send this to a friend