VOAL

VOAL

Please Wait ...
0%

Komentet

Shkarkohet edhe anëtari i tretë i Gjykatës së Lartë, Artan Zeneli

Shkarkohet edhe gjyqtari Artan Zeneli i Gjykates se Larte. Kjo Gjykate aktualisht ka mbetur me 6 anetare, pasi Zeneli eshte gjyqtari i trete qe shkarkohet nga KPK.

LAJMI I DATES 16 KORRIK

Skeda e pasurisë/ Para vetingut gjyqtari Artan Zeneli, relatorja: Nuk deklaroi heqjen e vizës amerikane

Artan Zeneli është anëtari i tretë i Gjykatës së Lartë që përballet me procesin e vetingut, pas Edmond Islamajt dhe Tom Ndrecës. Ai është gjithashtu pjesë e listës prioritare të vetingut, pasi kandidon për Këshillin e Lartë Gjyqësor.

 

Seanca dëgjimore me gjyqtarin Zeneli ka nisur ne mesdite në Komisionin e Pavarur të Kualifikimit. Trupi gjykues drejtohet nga Etleda Çiftja dhe ka si anëtare Xhensila Pinen dhe Valbona Sanxhaktarin. Zeneli eshte i pranishem ne seance, pa avokat.

Relatorja Xensila Pine thote se Artan Zenelit i eshte revokuar viza amerikane, ne vitin 2017 dhe nuk e ka deklaruar kete ne formularin e DSIK, ndaj tha ajo sipas KPK ai eshte i papershtashem per te vazhduar detyren.

Sa i perket pasurise, KPK ka kryer hetimin e saj administrativ. KPK ka konkluduar se gjyqtari ka nje vile ne Kodren e Diellit per te cilen ka mosperputhje mes vleres se deklaruar ne formular dhe kontrates se shitjes 197 mije euro.

“Pagesa per vilen eshte bere nepermjet bankes, por jo te shoqeria e ndertimit, por te njeri prej ortakeve. Ka mosperputhje ne lidhje me periudhen e blerjes dhe vleren e nje apartamenti tjeter ne Tirane, qe nje here thote qe e ka blere ne 1999 nje here ne 2000. Ai ka edhe nje apartament tjeter 100 mije dollare ne Tirane per te cilin ka gjithashtu mosperputhje per vleren dhe siperfaqjen. Per apartamentin 74 metra katrore ne Kavaje, rezultojne mosperputhje per siperfaqen.

Per banesen dykateshe ne rrugen “Mujo Ulqinaku” ne Tirane rezulton se ne vitin 2016 eshte blere nje pjesen nga bashkia Tirane dhe nuk eshte deklaruar ne veting”, tha KPK.

 

Artan Zeneli e ka filluar karrierën në vitin 1991 si gjyqtar, është shkëputur për një dekadë për të ushtruar profesionin e avokatit dhe është rikthyer sërish në sistem në vitin 2009. Në vitet 1991-1999 ai ka punuar si gjyqtar në Krujë dhe në Tiranë.  Në vitin 1999, Zeneli është larguar me dëshirën e tij për t’u bërë avokat, profesion të cilin e ka ushtruar deri në vitin 2009, duke qenë njëkohësisht edhe këshilltar ligjor për kompanitë AMC, Top Channel apo INSIG.

Në qershor të vitit 2009 rikthehet në detyrën e gjyqtarit  dhe kryetarit të Gjykatës së Tiranës-zgjedhje e cila u kontestua asokohe nga ish-ministri i Drejtësisë, Enkelejd Alibeaj. Artan Zeneli u zgjodh anëtar i Gjykatës së Lartë në korrik 2012 nga Kuvendi i Shqipërisë.

Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtarit Artan Zeneli nga viti 2007 deri në fund të vitit 2017. [Kliko për skedën në PDF]

Ky raport është prodhuar nga BIRN pas administrimit të deklaratave të pasurisë së këtij subjekti nga Inspektoriati i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.

Të dhënat e analizuara nga BIRN tregojnë se Artan Zeneli zotëronte një pasuri familjare me vlerë 49.7 milionë lekësh në vitin 2007-kur deklaroi pasurinë për herë të parë për shkak të funksionit si anëtar i Këshillit Kombëtar të Radio-Televizionit.

Pasuria e tij përbëhej asokohe nga dy shtëpi private në Tiranë dhe tre apartamente të blera respektivisht në vitet 1999, 2002 dhe 2006. Gjithashtu, Zeneli deklaronte një sipërfaqe toke në Velipojë, 4 automjete si dhe disa llogari familjare në emër të tij dhe bashkëshortes.

Në fund të vitit 2017, pasuria familjare e anëtarit të Gjykatës së Lartë është thuajse dyfishuar, duke kapur vlerën e rreth 96.7 milionë lekëve.

Pasuritë e paluajtshme zënë pjesën kryesore të pasurisë së Zenelit dhe kapin së bashku një vlerë të deklaruar prej 61 milionë lekësh. Familja e tij zotëron gjithashtu rreth 32.6 milionë lekë likujditete në bankë, 1.4 milionë lekë kursime në cash dhe automjete në vlerën e 1.5 milionë lekëve.

Të ardhurat familjare për periudhën deklaruese 2007-2017 dominohen nga paga e bashkëshortes në masën 66 për qind. Të ardhurat nga avokatia për vitet 2007-2009 zënë 9 për qind të të ardhurave, 16 për qind përbëhen nga paga e gjyqtarit Zeneli dhe 6.7 për qind nga të ardhurat e qerave. Në total, të ardhurat e 10 viteve kapin vlerën e 81.5 milionë lekëve.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’  që identifikohen gjatë kontrollit. BIRN kreu kontrollin aritmetik/logjik për 11 vite të deklarimit, nga të cilat njëra rezultoi me probleme dhe pasuri të pajustifikuar në vlerën e 3 milionë lekëve.

BIRN identifikoi gjithashtu si “flamur të kuq” paqartësitë që dalin nga deklaratat për vlerën e një shtëpie private në Selitë të Tiranës. Në deklaratën “Para Fillimit të Detyrës”, zoti Zeneli deklaronte se kishte paguar 195 mijë euro për shtëpinë. Ndërkohë në vitin 2008, bashkëshortja e subjektit deklaron se ka marrë kredi në vlerën e 150 mijë eurove për blerjen e kësaj shtëpie.

Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo mbulohet me burime të ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.

Deklarata e pasurisë Para Fillimit të Detyrës

Deklarata e pasurisë e vitit 2007

Deklarata e pasurisë e vitit 2008

Deklarata e pasurisë e vitit 2009

Deklarata e pasurisë e vitit 2010

Deklarata e pasurisë e vitit 2011

Deklarata e pasurisë e vitit 2012  

Deklarata e pasurisë e vitit 2013

Deklarata e pasurisë e vitit 2014

Deklarata e pasurisë e vitit 2015

Deklarata e pasurisë e vitit 2016

Deklarata e pasurisë e vitit 2017

Burimi: BIRN

Si ta sulmoni bakterin që ju shkakton fryrje dhe urth me këta përbërës të thjeshtë

Bakteri “Helicobacter pylori” është ai që shkakton një numër të madh sëmundjesh. Megjithëse është e habitshme, një bakter i tillë gjendet në dy të tretat e popullsisë së botës. Supozohet se është konsumuar përmes ujit ose ushqimit të kontaminuar, por ende nuk dihet me saktësi.

Problemi me bakterin “Helicobacter pylori” është se mund të shkaktojë sëmundje të rënda të stomakut, si kancer apo ulçer. Për këtë arsye, sot ne duam t’ju mësojmë disa metoda natyrale për të eliminuar këto baktere pa përdorur ilaçe.

Ky informacion mund të ndryshojë jetën tuaj! Me këto metoda ju mund të luftoni bakterin Helicobacter pylori. Ky bakter nuk bën dallim pasi sulmon si fëmijët ashtu edhe të rriturit.

Është shumë e rëndësishme për ta sulmuar këtë bakter sa më shpejt që të jetë e mundur, pasi ajo vepron duke shkatërruar ngadalë muret e stomakut, duke gjeneruar sëmundje shumë të rënda. Këto mjete, përveçse janë shumë ekonomike, nuk kanë efekte për shëndetin. Përveç kësaj, ato janë përbërës që mund të merren shumë lehtë në çdo dyqan lokal.

A jeni gati për të mësuar sesi të luftoni bakteret Helicobacter pylori?

Lëng boronice

Sipas studimeve shkencore të kryera në Kinë, lëngu i boronicës është shumë efektiv në luftimin e këtij bakteri. Pini një gotë me këtë lëng çdo mëngjes në një stomak bosh, për rezultate të favorshme.

Mbani mend se nuk duhet të shtoni sheqer nëse doni ta përdorni atë për të eliminuar këtë bakter. Është e këshillueshme që boronicat të jenë organike.

Manuka, mjaltë

Është e këshillueshme që të përdorni mjaltin Manuka pasi është testuar se lufton këtë bakter në mënyrë efektive. Mund të konsumoni një lugë gjelle çdo mëngjes në stomak bosh për rezultate të favorshme.

Burimi: Shije

Shtatë shenja që nuk po konsumoni karbohidrate sa duhet

Karbohidratet janë përgjegjëse për sigurimin e energjisë për trurin dhe trupin, por edhe mund t’ju ndihmojnë të humbni në peshë. Kundrejt besimit popullor, që i sheh si shkak i shtimit të kilogramëve të tepërt, ekspertët thonë se vetëm nëse ato janë në sasinë e duhur, vetëm atëherë mund të jeni në gjendje të humbisni peshë.

Sipas ekspertëve të huaj, ju duhet të konsumoni diku te 225-325 gramë çdo ditë nëse merrni rreth 2000 kalori. Tek ushqimi që konsumoni, karbohidratet ndahen në njësi të vogla sheqeri, të cilat absorbohen nga aparati tretës dhe ndihmojnë në qarkullimin e gjakut. Për më tepër, shumica e qelizave të trupit përdorin glukozën e karbohidrateve për energji. Prandaj janë aq të nevojshme. Ja disa shenja kur trupi nuk po konsumon karbohidratet e nevojshme.

 

Më pak energji

Një nga rolet kryesore të karbohidrateve është që të sigurojnë energji, veçanërisht për trurin tuaj dhe sistemin nervor. Në sasi të papërfillshme të karbohidrateve në trup, trupi juaj do të ndihhet më pak energjik dhe më i lodhur gjatë ditës.

Kapsllëk

Karbohidratet e shëndetshme, ku futen drithërat, perimet, fasulet, frutat dhe arrat janë me bazë bimore dhe përmbajnë fibra. Moskonsumimi i mjaftueshëm i këtyre të fundit mund të çojë në kapsllëk. Konsumimi i karbohidrateve komplekse të mjaftueshme si buka kokërr, pasta dhe drithëra do të ndihmojnë shëndetin tuaj ndihmues të tretjes dhe duke ulur më tej rrezikun e kapsllëkut

Frymëmarrje e rëndë

Kur nuk konsumoni mjaftueshëm karbohidrate, trupi juaj ka tendencë të djegë yndyrat dhe proteinat e ruajtura, një proces i quajtur ketosis. Ky proces shkakton frymëmarrje të rëndë.

As palestra nuk është efektive

Nëse nuk konsumoni mjaft karbohidrate, atëherë ka shanse të larta të jeni në gjendje letargjike gjatë stërvitjeve. Do të keni më pak mundësi të bëni një stërvitje me intensitet të lartë. Kështu që, përpara se të filloni ushtrimet, është më mirë që të furnizoheni me karbohidrate, me qëllim që të keni energji mjaftueshëm për të djegur yndyrën e tepërt.

Ndalet humbja në peshë

Nëse dikur keni humbur goxha kilogramë dhe më pas jo, kjo ndodh për shkak se nuk keni përfshirë karbohidratet e duhura në dietën tuaj. Nëse konsumoni pak karbohidrate, mëlçia tenton të kompensojë rolin e tyre duke prodhuar sheqer me tepri, të cilat nga ana e tyre rrisin nivelin e sheqerit në gjak. Kjo bën që pankreasi të prodhojë insulinën, e cila është hormoni që ruan yndyrën. Si rezultat, ju ruani dhjamin në vend që ta hiqni atë.

Ndiheni të uritur gjatë gjithë kohës

Shumica e karbohidrateve të shëndetshme janë të pasura me fibra, të cilat e mbajnë trupin tuaj të ngopur për një kohë të gjatë. Nëse nuk konsumohen karbohidrate, nuk merrni mjaftueshëm fibra, të cilat lënë një ndjesi zbrazëtie në stomak.

Luhatje humori

Ju do të ndiheni automatikisht të inatosur dhe në humor të keq, sepse ju mungon energjia dhe jeni të uritur në të njëjtën kohë. Për më tepër, karbohidratet luajnë një rol të rëndësishëm në prodhimin e serotoninës, një hormoni të mirëqenies që prodhon truri.

4 ilaçe natyralë për të kuruar mishrat e dhëmbëve

Dhëmbët tuaj kanë tendencën të zhvishen dhe krijojnë xhepa midis mishrave?! Ky është një problem që duhet t’i kushtoni vëmendje, për më tepër që, “xhepat” në dhëmbë hapin derën për baktere të dëmshme. WebMD vëren se diçka e tillë çon në dëmtim të indeve mbështetëse dhe të strukturës kockore të dhëmbëve tuaj. Nuk është e çuditshme edhe që njerëzit të përjetojnë humbje të dhëmbëve për shkak të kësaj gjendjeje.

 

Padyshim, për të kaluar këtë situatë duhet më tepër sesa thjesht të lani dhëmbët çdo ditë.

Por çfarë shkakton zhveshja e mishrave të dhëmbëve?

Një studim i publikuar në Journal of Periodontology Online përmbledh çdo gjë që duhet të dini për këtë problem. Sipas tij, një nga shkaqet kryesore të këtij problemi është mënyra sesi i lani dhëmbët, pra, ka të bëjë me rutinën e pastrimit të tyre.

Duke kërkuar më thellë do të gjeni edhe shkakun e dytë që shkakton zhveshjen e mishrave të dhëmbëve. Kjo është gjenetika.

Ju e dini se njerëzit e moshuar thonë se nuk mund t’i largohemi gjeneve tona. Në këtë rast, gjenet janë shpesh shkaku.

WebMD vëren se thuajse 30% e popullsisë ka gjene për të zhvilluar sëmundje të mishrave të dhëmbëve. Nëse jeni ndërmjet këtyre njerëzve, atëherë ka mundësi të jeni më i rrezikuar dhe nuk është e rëndësishme sesa mirë apo sa shpesh i pastroni dhëmbët.

Duhanpirja është gjithashtu një tjetër faktor që shkakton zhveshje të mishrave. Pirja e duhanit mund të jetë ndër faktorët kryesorë që provokon zhvillim të problemeve të mishrave të dhëmbëve, duke përfshirë dhe zhveshjen e tyre.

Por, çfarë mund të bëni?

Ka shumë gjëra që mund të bëni.

Më poshtë po iu tregojmë disa ilaçe natyralë që do t’iu ndihmojnë për të luftuar efektet e kësaj sëmundjeje:

Kini parasysh se këta ilaçe janë të përdorshëm nëse problemi zbulohet në kohë. Mos prisni që të bëjnë mrekulli nëse gjendja është e avancuar dhe kërkon operim.

Nëse vëreni se disa nga indet janë në lidhje direkte me vijën e zhveshur (dhe keni gjakrrjedhjen mishra të enjtur, dhimbje në vijën e mishrave të dhëmbëve dhe frymë të keqe) atëherë mund të provoni këta ilaçe natyralë dhe shikoni nëse ndihmojnë.

Çaj jeshil

Një studim ka gjetur se konsumimi i rregullt i çajit jeshil mund të ndihmojë vërtet. Ai promovon mishra dhe dhëmbë të shëndetshëm. Studimi zbuloi rënie të sëmundjeve periodontale nga konsumimi i tij për një periudhë kohe.

Aloe Vera

Aloe Vera pakëson sëmundje të ndryshme të mishrave të dhëmbëve. Nëse doni të mbroni mishrat e dhëmbëve, lexoni etiketat dhe kërkoni pasta dhëmbësh apo shpëlarës goje që ka në përmbajtje aloe vera si përbërës bazë.

Eukalipt

WholeHealthMD  jep arsye pse eukalipti mund të ndihmojë në këtë problem të mishrave të dhëmbëve. Vetitë e tij anti-inflamatore e bëjnë luftarak kundër sëmundjes së mishrave të dhëmbëve. Ai është efektiv në vrasjen e baktereve në gojë.

Krijoni një shpëlarës goje duke përzier:

  • 2 lugë çaji vaj eukalipti
  •  1 filxhan çaji ujë të ngrohtë
  •  vitaminë C

Vitamina C është përdorur prej shumë vitesh dhe është provuar se është ilaç natyral për enjtjen e mishrave të dhëmbëve dhe gjakrrjedhjen./Shije/

Lidhja e fortë mes diabetit dhe shëndetit të zemrës – Çfarë duhet të keni kujdes

Ekspertët e kanë pranuar tashmë lidhjen e fortë që ekziston mes diabetit dhe shëndetit të zemrës

Njerëzit që janë diagnostikuar me nivel të lartë të sheqerit në gjak ose diabet të tipit dy, duhet të tregohen jashtëzakonisht të kujdesshëm me shëndetin e zemrës.

Sipas studimeve të fundit, të cilave u referohet AgroWeb.org, diabetikët janë ndjeshëm më të rrezikuar nga një atak në zemër.

Meshkujt e prekur nga diabeti janë dy herë më të rrezikuar nga sëmundjet e zemrës se ata që nuk janë me diabet.

Nga ana tjetër, gratë e prekura nga diabeti janë tre ose katër herë më të rrezikuara nga sëmundjet e zemrës.

Ekspertët e kanë pranuar tashmë lidhjen e fortë që ekziston mes diabetit dhe shëndetit të zemrës.

Lidhja E Ngushtë Mes Shëndetit Të Zemrës Dhe Diabetit

Studimet e fundit kanë arritur të identifikojnë një lidhje biologjike që aktivizohet kur nivelet e sheqerit në gjak janë më të larta se zakonisht.

Një gjë e tillë shkakton rrahje të çrregullta të zemrës.

Ky problem njihet si aritmi kardiake e cila më pas çon drejt kolapsit të zemrës.

Studimi thotë se identifikimi i kësaj lidhjeje shërben për krijimin e kurave të reja për sëmundjet e zemrës të nxitura nga diabeti.

AgroWeb.org rekomandon që të sëmurët me diabet të bëjnë kontrolle të shpeshta të zemrës.

Kujdes Me Kolesterolin Dhe Tensionin

Ekspertët thonë se diabetikët duhet të tregohen të kujdesshëm jo vetëm me tensionin e gjakut por edhe me kolesterolin.

Këto dy probleme shënjojnë të ashtuquajturën sindroma metabolike e cila përmban një sërë veçorish të lidhura ngushtë me diabetin e tipit 2.

Sipas të dhënave të AgroWeb.org, tensioni i lartë është një simptomë ndaj të cilës diabetikët duhet të tregojnë kujdes.

Megjithatë, të gjitha problemet e lartpërmendura janë kontribues të fortë në rrezikun e një ataku në zemër.

Zbulimi i kësaj lidhje të ngushtë duhet të shërbejë si një alarm për diabetikët.

Këta të fundit duhet të kujdesen për shëndetin e zemrës së tyre, nëpërmjet një regjimi të shëndetshëm ushqimor.

Por nuk duhen lënë pas dore aktiviteti fizik dhe medikamentet e duhura sipas këshillës së mjekut.

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Sa ndikon mungesa e gjumit në shëndetin e syve – Efektet në shikim

Ekspertët mendojnë se mungesa e gjumit dhe stresi mund të kenë pasoja të rënda në humbjen e shikimit

Gjumi është thelbësor për rimëkëmbien e trurit, shërimin e trupit dhe shëndetin e syve.

Mungesa e tij ka ndikim të drejtpërdrejtë tek sytë dhe tek shikimi.

Sipas studimeve të cilave u referohet AgroWeb.org, lodhja e shkaktuar si pasojë e mungesës së gjumit ndikon negativisht tek shikimi dhe kujtesa.

Mungesa e gjumit përkeqëson çdo problem që mund të keni me sytë, ndërkohë që zgjimi i herëpashershëm si pasojë e problemeve me frymëmarrjen është kontribues në sëmundjet e syve.

Problemet Që Nxiten Ose Përkeqësohen Nga Mungesa E Gjumit 

Përtharja E Syve

Ekspertët thonë se mungesa e gjumit nuk shkakton përtharje të syve, por e përkeqëson këtë problem.

Mbyllja e syve gjatë gjumit ndihmon në lehtësimin e simptomave, ndaj kur njeriu nuk fle, syhet thahen më shumë.

Nga ana tjetër, përdorimi i ilaçeve të gjumit ka efekte anësore, një prej të cilëve është përtharja e membranës në pjesën e gojës dhe syve.

Glaukoma

Bëhet fjalë për sëmundje të syrit që shkaktohet nga dëmet e pariparueshme të nervit optik.

Një prej shkaktarëve të kësaj sëmundje është tensioni i ulët ose të lartë të gjakut gjatë natës, thonë informacionet e AgroWeb.org.

Kjo sëmundje njihet si hajdutja tinëzare e shikimit.

Sëmundja shfaqet pa simptoma.

Njerëzit që marrin medikamente kundër tensionit të lartë, kur shtrihen për të fjetur përjetojnë rënie të fortë të tensionit që shkatërron shikimin.

Një gjumë më i qetë ndikon pozitivisht.

Shëndeti I Syve Dhe i Gjithë Organizmit

Gjumi është element kyç në shëndetin e syve por edhe atë të përgjithshëm.

Një gjumë i mirë gjatë natës u jep syve forcë dhe qëndresë.

Po ashtu, përpunimi i ushqyesve nga mëlçia është më i mirë kur sytë janë të mbyllur dhe trupi është i qetë e në gjumë të paqtë.

Përpiquni të krijoni një rutinë të shëndetshme gjumi./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Zbuloni shenjat kur trurit i mungon oksigjeni

Kur nivelet e oksigjenit në gjak bien atëherë trupi përballet me një sëmundje që njihet si hipoksemia

Një nga ironitë më të mëdha në këtë botë është se ndonëse oksigjeni është një elementët më të bollshëm të kësaj toke, miliona njerëz vuajnë nga mungesa e ajrit.

Trupi ka nevojë për një sasi të caktuar oksigjeni.

Oksigjeni ushqen qelizat, indet dhe organet.

Kur nivelet e oksigjenit në gjak bien atëherë trupi përballet me një sëmundje që njihet si hipoksemia.

Kjo sëmundje mund të jetë akute por edhe kronike nëse përsëritet shpesh dhe nxit sëmundje të tjera të rrugëve të frymëmarrjes.

Hipoksemia tregon kur niveli i oksigjenit në enët e gjakut është më pak se 80 mm Hg.

Nëse enët e gjakut kanë më pak oksigjen atëherë ato nuk funksionojnë siç duhet dhe rëndohet zemra, truri dhe energjia trupore.

Nëse kjo sëmundje nuk trajtohet atëherë mund të jetë e rrezikshme, duke çuar në kolapsin e zemrës dhe të trurit.

Sëmundje të tilla shpesh trajtohen me terapi shtesë oksigjeni.

Problemi është që njerëzit janë të paaftë ose të pavëmendshëm për të dalluar që vuajnë nga mungesa e oksigjenit, duke i çelur rrugën kështu problemeve më të rënda me frymëmarrjen.

Simptomat e Niveleve Të Ulëta Të Oksigjenit Në Gjak

Hipoksemia është një sëmundje që kapërcen faza dhe intensitete të ndryshme.

Problemi i menjëhershëm është frymëmarrja.

Ritmi normal i frymëmarrjes është 12-16 frymë në minutë.

Në mungesën e oksigjenit, njeriu përpiqet të marrë 24 frymë në një minutë që do të thotë se organizmi është i uritur për ajër.

Për më tepër, në këto raste, çdo frymëmarrje është e pamjaftueshme.

Nga ana tjetër lëvizja e duarve dhe e gjymtyrëve ngadalësohet dhe njeriu humbet orientimin.

Kjo sëmundje shoqërohet me simptomat e mëposhtme:

Konfuzion

Eufori

Nervozizëm

Dhimbje koke

Marrje fryme

Frymëmarrje e shpejtuar

Marramendje

Rrahje të shpejta zemre

Çorientim

Tension të lartë gjaku

Probleme me shikimin

Skuqje të buzëve, veshëve ose thonjve

Rritje të numrit të rruazave të kuqe të gjakut

Çfarë Të Bësh Nëse Nivelet e Oksigjenit Në Gjak Janë Të Ulëta.

Përveç shëtitjeve në ajër të pastër, ekzistojnë pajisje specifike që masin nivelin e oksigjenit në gjak.

Niveli normal duhet të jetë mes 95% dhe100%. Nëse ky nivel bie nën 95% atëherë duhet të shkoni menjëherë tek mjeku.

Terapitë e oksigjenit janë ato që zakonisht rekomandohen jo vetëm për hipokseminë por edhe për sëmundje të tjera të rrugëve të frymëmarrjes./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Çfarë ndodh me tensionin e gjakut gjatë verës – Ndikimi i temperaturave të larta

Personat që vuajnë nga tensioni i lartë i gjakut, kanë më shumë mundësi për ta normalizuar atë gjatë stinës së verës sesa në dimër

Qarkullimi jo i mirë i gjakut është një nga shkaktarët e shumë sëmundjeve të zemrës dhe jo vetëm.

Problemi më i përhapur shëndetësor i lidhur me të, sipas të dhënave të AgroWeb.org, është tensioni i lartë i gjakut.

Ky fenomen ndodh kur enët e gjakut nuk përballojnë dot presionin e lartë të qarkullimit të gjakut në organizmin tonë.

Të shumtë janë ata persona që kurohen me medikamente apo me metoda natyrale, për të ekuilibruar tensionin e gjakut.

Por jo shumë e dinë se tensioni i gjakut ka dy lloj luhatjesh.

Ndryshim i presionit të gjakut përgjatë ditës

Gjatë natës, kur trupi është në qetësi, tensioni është i ulët.

Presioni i gjakut fillon të rritet disa orë para se të zgjoheni në mëngjes, dhe vazhdon të rritet me vazhdimësinë e ditës.

Pika kulmore e presionit të gjakut është pikërisht mesdita, dhe mjekët gjithmonë sugjerojnë që në këto orare të tregohet më shumë kujdes.

Sipas ekspertëve tensioni i gjakut fillon dhe ulet përsëri në darkë.

Kjo luhatje ndodh për shkak të aktivitetit të brendshëm të trupit

Kur flemë organizmi është në qetësi, dhe nuk harxhohet energji e tepërt.

Ndërsa kur jemi aktivë, trupit i duhet një qarkullim më i shpejtë i gjakut pasi i nevojitet më shumë energji.

Kështu shpjegohet dhe fakti pse tensioni i gjakut rritet.

Por nëse kjo luhatje është jo normale, siç është një tension i lartë gjatë natës dhe një ulje drastike gjatë ditës, do të thotë që keni një problem shëndetësor.

Shkaqet me ndikimin më të madh përveç sëmundjeve të zemrës janë stresi, ankthi, sistemi nervor dhe duhanpirja.

Çekuilibrim sezonal i tensionit të gjakut

Sipas studimeve të cilave u referohet AgroWeb.org, personat që vuajnë nga tensioni i lartë i gjakut, kanë më shumë mundësi për ta normalizuar atë gjatë stinës së verës sesa në dimër.

Në dimër temperaturat fillojnë e ulen në mënyrë dhe drastike. Diçka e tillë reflektohet në organizëm me një tkurrje të enëve të gjakut.

Sipas të dhënave të AgroWeb.org, tkurrja e enëve të gjakut arrin deri në 3% të volumit të saj, gjë që e vështirëson qarkullimin e gjakut në organizëm.

Si pasojë presioni i gjakut rritet, dhe zemra punon me vështirësi.

Ndërsa në verë enët e gjakut bymehen, duke ja lehtësuar kalimin nëpër kapilarë gjakut, dhe duke e ndihmuar zemrën të mos punojë më me kapacitet të dyfishuar.

Pesha dhe tensioni i lartë i gjakut

Sipas mjekëve pesha trupore është një nga arsyet kryesore për luhatjet sezonale të tensionit.

Në dimër trupi kërkon më shumë masë yndyrore, të cilën e përdor për normalizim të temperaturës.

Ndërsa në verë humbasim këtë peshë të tepërt në saj të aktivitetit më të shpeshtë.

Tensioni i gjakut rritet me shtimin në peshë dhe ulet me rënien nga pesha.

AgroWeb.org  sugjeron që personat që vuajnë nga tensioni i lartë i gjakut, të kryejnë matje të tij dy herë në ditë, në mëngjes dhe në darkë.

Në këtë mënyrë kuptojnë dhe më qartë luhatjet e tensionit të gjakut.

Në rastet kur kjo luhatje është e madhe ju duhet konsulta me  specialistin dhe mjekun  tuaj.

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Shqipëria si Serbia? Kosova vendos tarifa shtesë edhe për frutat dhe perimet nga Shqipëria

Ministri i Tregtisë dhe Industrisë së Republikës së Kosovës Bajram Hasani ka miratuar vendimin për të aplikuar tarifa shtesë për frutat dhe perimet e importit. Edhe nga Shqipëria!

Këto tarifa sipas arsyetimit të Ministrit vendosen për të mbrojtur 21 produktet bujqësore të Kosovës.

Të gjitha frutat dhe perimet që hyjnë në Kosovë nga data 18 Korrik 2018 do të duhet të paguajnë një masë të përkohshme prej 30 për qind të vlerës doganore, shkruan Kosovapress.

Kjo masë është caktuar të premten e kaluar nga ministri i Tregtisë dhe Industrisë, Bajram Hasani. Vendimi do të hyjë në fuqi me datën 18 të këtij muaji.

Në vendimin e publikuar nga KosovaPress, thuhet se deri te caktimi i kësaj mase  ka ardhur pas një hetimi të gjerë dhe konsultave me prodhuesit vendor, siç parashihet me Ligjin për Masa Mbrojtëse në Importe ku janë hetuar të gjithë pemët dhe perimet me origjinë nga të gjitha vendet e botës.

Vendimi i Ministrit të Tregtisë dhe Industrisë së Kosovës

“Njoftimi erdhi pas vlerësimit paraprak të gjendjes; përfshirë konsultimet me prodhuesit siç parashihet në paragrafin 1 të nenit 6 të Ligjit nr.04/l-04 për Masat Mbrojtëse në Importe.

Vlerësimi ofroi bazë të mjaftueshme për të përcaktuar se produktet që do të hetohen, importohen në Republikën e Kosovës në sasi aq të mëdha dhe në ato kushte të cilat kërcënojnë t’u shkaktojnë dëm serioz prodhueseve të pemëve dhe perimeve në vend ose të shkaktojnë parregullsi që mund të përkeqësojnë gjendjen ekonomike të prodhuesve të pemëve dhe perimeve në Republikën e Kosovës”, thuhet në vendim.

Kjo është lista e frutave dhe perimeve që u është caktuar tarifa shtesë e importit prej 30% të vlerës

Patatja, Domatja, Speci, Trangulli,

Shalqini, Pjepri, Lakra e hershme (pranverore), Lakra e vonshme (vjeshtore),

Sallatë, Spinaqi, Qepa, Karrota, Fasulja,

Molla, Dardha, Kumbulla, Qershia,

Dredhëza, Mjedra, Manaferra, Misri.

Aplikimi i masave proteksioniste dhe tarifave shtesë ka vënë në alarm eksportuesit e Shqipërisë, por edhe vendeve të tjera të rajonit si Maqedonia.

Përfshirja në listë e frutave të stinës si shalqini, pjepri, dardha dhe kumbulla i bëjnë të pamundura volumet e eksporteve shqiptare në Kosovë pasi çmimet e tyre do të jenë automatikisht 30% më të larta sesa sot.

Burime të mirëinformuara të AgroWeb.org në Maqedoni tregojnë se ekipe të Ministrisë së Bujqësisë dhe të Tregtisë së Maqedonisë po llogarisin impaktin e tarifave dhe po konsiderojnë marrjen e masave reciproke për të tarifuar eksportet kosovare.

Ndërkohë që nëse autoritetet shqiptare aplikojnë masa reciproke kundër eksporteve të Kosovës, një nga produktet e prekura do të jetë gruri dhe mielli që importohen prej Kosovës në Shqipëri.

Një rritje e çmimit të miellit që kompanitë kosovare e rishesin në Shqipëri me origjinë nga Serbia apo vende të tjera të rajonit, do të sillte padiskutim lëvizje të çmimit të bukës në vend.

AgroWeb.org po kërkon informacion të verifikuar nga Ministria e Bujqësisë dhe autoritetet të tjera në Shqipëri për të mësuar mbi masat reciproke që do të ndërmerren ndaj tarifimit shtesë të eksporteve shqiptare në Kosovë./AgroWeb.org

Në foto vendimi i Ministrit të Tregtisë dhe Industrisë së Kosovës:

Linku origjinal i botimit nga KosovaPress

Faqja 1 e Vendimit

Faqja 2 e Vendimit

Faqja 3 e Vendimit

Thaçi e Vuçiçi diskutojnë sot kornizën e intensifikimit të dialogut

Zijadin Gashi

Prishtina dhe Beogradi pritet të vazhdojnë sot dialogun në nivel të presidentëve në Bruksel. Takimi lehtësohet sërish nga Përfaqësuesja e Lartë e Bashkimit Evropian, Federica Mogherini.

Zëdhënësja e BE-së, Maja Kocijançiq ka thënë se në këtë takim do të diskutohet përparimi i arritur në zbatimin e marrëveshjes për normalizimin e marrëdhënieve, por edhe intensifikimi i punës për marrëveshjen gjithëpërfshirëse.

Si zakonisht, para se të realizohet takimi midis presidentëve Hashim Thaçi e Aleksander Vuçiq, pritet që të realizohen takime të ndara me Përfaqësuesen e Lartë, Federica Mogherini.

Delegacioni i Kosovës këtë herë do të udhëtojë në Bruksel në një përbërje shumë më të gjerë. Ky delegacion, i kryesuar nga presidenti Hashim Thaçi, do të ketë në përbërje edhe kryeministrin Ramush Haradinaj, kryetarin e Kuvendit Kadri Veselin, ministrin e Jashtëm, Behgjet e Pacollin dhe zëvendëskryeministrin Fatmir Limaj dhe pritet që të realizojnë një takim me Përfaqësuesen e Lartë të BE-së, Federica Mogherini.

Kurse në takimin me delegacionin nga Serbia, të cilit i prin presidenti Aleksander Vuçiq, pritet që të marrë pjesë vetëm presidenti Hashim Thaçi me ekipin e tij.

Që nga kërkesat e Bashkimit Evropian që dialogu të intensifikohet dhe përmbyllet me një marrëveshje gjithëpërfshirëse, në Prishtinë, por edhe në Beograd, janë zhvilluar konsultime të brendshme për qëndrimet dhe pozicionet që do të mbajnë palët në raport me marrëveshjen që po paralajmërohet.

Të dyja palët kanë paralajmëruar vendime e kompromise të vështira.

Këto paralajmërime, nga opozita në Prishtinë nuk janë mirëpritur dhe janë përcjellë me kritika ndaj presidentit Thaçi. Sipas opozitës, paralajmërimet për vendime të vështira dhe kompromise mund të jenë të rrezikshme për Kosovën.

Ndërsa dialogu po hyn në një fazë më dinamike, në Prishtinë ka edhe përpjekje që si pjesë e ekipit të përfshihen edhe partitë opozitare, sado që ka një rezistencë të vazhdueshme nga opozita që të hyjë në këtë delegacion që po kryesohet nga presidenti Hashim Thaçi, pa një mandat paraprak nga Kuvendi i Kosovës.

Shkencëtarët australianë zbulojnë testin e gjakut që vëren kanceret e lëkurës

Hulumtuesit austrialianë kanë thënë të mërkurën se kanë zbuluar një test të gjakut për fazat fillestare të kancerit të lëkurës, duke e cilësuar të njëjtin si pikë kthese që mund të shpëtojë jetën e shumë personave.

Shkencëtarët nga Universiteti Edith Cowan, kanë thënë se testi i ri mund t’iu ndihmojë doktorëve të zbulojnë kancerin e lëkurës para se të shpërndahet në trupin e njeriut.

“Pacientët që zbulojnë fazat e para të sëmundjes kanë një normë të mbijetesës pesëvjeçare në mes të 90 dhe 99 përqind”, ka thënë udhëheqësja e studimit, Pauline Zaenker.

Ajo ka shtuar se normat e mbijetesës ulen në më pak se 50 përqind nëse kanceri shpërndahet në trup.

“Kjo është ajo çfarë e bën këtë test të gjakut kaq të mrekullueshëm sepse mund të vërejë tumoret në fazat e para kur ende janë të trajtueshme”, ka thënë ajo.

Në hulumtim kanë marrë pjesë 105 pacientë me kancer të lëkurës dhe 104 persona të shëndetshëm.

Testet kanë rezultuar me zbulim të tumoreve në fazat e para në 79 përqind të rasteve, kanë thënë shkencëtarët.

Sipas Organizatës Botërore të Shëndetësisë, një në tre rastet e prekura me kancer diagnostikohet me kancer në lëkurë, derisa Australia ka numrin më të madh të personave të prekur me këtë tip të kësaj sëmundje.

Samiti i Helsinkit dhe çështja Browder

Nga të gjitha pyetjet e ngritura për Presidentin Donald Trump dhe Presidentin rus Vladimir Putin pas takimit të tyre në Helsinki, asnjë nuk përmendi financierin britanik të lindur në Shtetet e Bashkuara, Bill Browder.

Por presidenti Putin e veçoi atë gjithsesi duke sugjeruar se do t’i jepte Prokurorit të Posaçëm Robert Mueller qasje tek 12 rusët e akuzuar për ndërhyrje në zgjedhjet e vitit 2016 në SHBA, nëse hetuesit rusë mund të merrnin në pyetje mashtruesit me taksat.

“Për shembull, bashkëpunëtorët e biznesit të zotit Browder kanë fituar mbi 1.5 miliardë dollarë në Rusi, dhe nuk kanë paguar asnjë taksë, as në Rusi, as në Shtetet e Bashkuara, por paratë e tyre kanë ikur nga vendi”, tha zoti Putin, duke përsëritur akuzat që janë konsideruar prej kohësh si të pabazuara.

Browder, Drejtor Ekzekutiv i kompanisë Hermitage Capital, ka qenë forca lëvizëse prapa Aktit Magnitsky, një ligj amerikan i vitit 2012 që autorizon sanksione kundër abuzuesve të të drejtave të njeriut në Rusi, që ngrin pasuritë e tyre dhe ndalon hyrjen e tyre në Shtetet e Bashkuara.

I titulluar pas avokatit të zotit Browder, Sergei Magnitsky, i cili vdiq mes akuzave për rrahje dhe neglizhim mjekësor në një burg rus pas punës së tij për të ekspozuar një skemë të mashtrimit të taksave nga zyrtarët rusë, ky ligj amerikan, që është miratuar më vonë edhe në shtatë vende të tjera, mund të jetë kërcënimi më i madh për pasuritë e mëdha personale të liderit rus.

Qeveria ruse, e cila ka mohuar akuzat për mashtrim dhe zyrtarisht ia atribuoi vdekjen e Magnitskyit një goditjeje në zemër, ka vazhduar ta ndjekë Browderin, së fundmi duke kërkuar që ai të ndalohej ndërsa ishte në Spanjë. (( www.voanews.com/a/putin-critic-browder-detained-released-by-spanish-police/4415846.html ))

Vetëm pas mbërritjes së tij në një stacion policor, autoritetet zbuluan se urdhri i Interpolit ndaj zotit Browder kishte skaduar.

Browder i tha Shërbimit rus të Zërit të Amerikës se fakti që udhëheqësi rus përsëri e përmendi atë me emër në një forum publik të profilit të lartë, provon se sanksionet perëndimore po ndihen në Moskë.

((http://old.themoscowtimes.com/sitemap/free/2006/7/article/putin-has-no-answers-in-browder-visa-case/203711.html ))

“Mendoj se Putin po e merr personalisht çështjen për shkak të gjithë suksesit që kam pasur në miratimin e aktit Magnitsky kudo në botë,” tha Browder. “Ai nuk e fshehu faktin se shfuqizimi i Aktit Magnitsky është prioriteti i tij i vetëm më i madh i politikës së jashtme. Ai duket qartë se është shumë i tronditur dhe i mërzitur nga të gjithë njerëzit e ndryshëm që janë sanksionuar sipas këtij akti dhe programeve të tjera të sanksioneve, dhe kjo përbën thembrën e tij të Akilit “.

Browder i ka thënë Zërit të Amerikës në intervista të mëparshme se një nga arsyet kryesore përse Putini e urren Aktin Magnitsky, është se ai u kërkon njerëzve përreth tij të kryejnë krime shumë të rënda në emër të tij, siç janë sekuestrimi i pasurive dhe pronave private në mënyrë të paligjshme.