VOAL

VOAL

Please Wait ...
0%

“Ma vrau para syve”- dëshmia e motrës së Arielës në polici

By | January 22, 2018

Komentet

Çun Lajçi vajton Çakorrin

Aktori i njohur, Çun Lajçi ia ka dedikuar një shkrim aneks-marrëveshjes për Demarkacion që u nënshkrua dje mes presidentit të Kosovës, Hashim Thaçi e atij të Malit të Zi, Filip Vujanoviq, që i hap rrugë ratifikimit të Marrëveshjes së vitit 2015, shkruan Periskopi.

Lajçi ka vajtuar Çakorrin që mbetet jashtë në bazë të asaj marrëveshje.

“Tani kur mua m’la Zoti pa Bubulinën, e kur Hashimi e vuni edhe nji “ IMZA” në letrat e Malit Zi, lirisht iu thërras t’ma shnoshni kryet për Çakorrin, ( mua, Jo Juve ) njisoj siç vepruet për Bubulinën, se këtu muer fund andrra ime për“Gjeneralët e Dukagjinit e të Drenicës”, ka shkruar ai, teksa ka shprehur dëshpërimin e tij madje edhe me kryeministrin Ramush Haradinaj, i cili sa ishte në opozitë kishte qenë zë i fuqishëm kundër kësaj marrëveshje.

Lexoni të plotë shkrimin e Lajçit:

Kur shkrova para 4 muajve:

ZOTI NA LASHT SHNOSH RUGOVË

shumë nga malsortë e mi m’u idhnuan, e nder ta edhe Ali Lajçi. Por unë përkundër apolitizimit tim e kisha nuhat TRADHËTINË!

-Qysh me thanë ashtu Ti që tre libra me poezi ia kushtove Çakorrit e 12 videoxhirime i bane vet atyne bjeshkëve tue kundershtua Muratin, Hashimin e Isën.

-Fshije m’tha shkrimin se n’kofshim Ne gjallë nuk kemi me lanë.

-Kush Ju, i thashë.

-Ne të VV ma ktheu.

-Aiii bre Ali, prita mos po thua: NE RUGOVAST, se Nuro Kurti nuk priti me mbrojt Çakorrin partitë jo, po e thirri Rugovën e ata me gjoksa e krena e murosen, e ti po m’thua për partinë tande.

-Rugovën i thashë ku e ke, Rugovën, se kanë me të ngi partitë edhe Ty!

-Dhe e fshina shkrimin, se s’deshta me deshpërua as vetën.

Tani kur mua m’la Zoti pa Bubulinën, e kur Hashimi e vuni edhe nji “ IMZA” në letrat e Malit Zi, lirisht iu thërras t’ma shnoshni kryet për Çakorrin, ( mua, Jo Juve ) njisoj siç vepruet për Bubulinën, se këtu muer fund andrra ime për

“ Gjeneralët e Dukagjinit e të Drenicës” e Ti Ali lufto me krahtë e thyem të VV-së!

Unë sonte po qaj këtu në Vankuver për Rugovën, si Azem Shkreli dekada para për Arberinë!

Ai pati të drejt, por unë s’dua me besua ne mashtrimet e

“ Melaqeve të Perendisë” Hashim, Fatmir, Kadri.

-Ramush, mos m’thuej cili do t’jeshë Ti!

Atëherë:

M’thuej Vankuver, për çka e festoj sonte 17 Shkurtin me mergimtarët e tretun kaq larg?

Për humbjen e 80 Km tokë Kosove?

ZOTI m’lasht shnosh për Ty Çakorr. M’i ruej t’pakten eshtnat e Bubulinës!

Postimi i Ermal Metës: Mesazh për të gjithë gazetarët shqiptarë: Mos spekulloni mbi jetën time, ju nuk dini asgjë nga jeta ime!

Kantautori i shquar Erman Meta që posa fitoi çmimin e parë në festivalin e San Remos i komentuar flliqshëm nga shtypi shqiptar ka reaguar përmes këtij mesazhi:

“Mos spekulloni mbi jetën time, ju nuk dini asgjë nga jeta ime. Kur në atë intervistë përdora fjalën “bastard” nuk thash asnjë emër.

Mos e shtoni ju atë emër sepse gaboni rëndë jo vetëm me mua por edhe me familjen e personit për të cilin po shkruani ose po flisni.

Kënga që fitoi festivalin e Sanremos është kundër terrorizmit, asgjë më shumë. Shpresoj mos te lexoj më gjëra të tilla.”

Zbulohet lidhja e presidentit grek me Serbinë (Foto)

Presidenti grek, Prokopis Pavlopuolos, është vënë në qendër të vëmendjes ditët e fundit për deklaratat e tij të ashpra kundër Shqipërisë.

Kreu i shtetit grek ka përdorur një retorikë të fortë në aspektin diplomatik duke kërcënuar me veto për anëtarësimin e Shqipërisë në BE, kundrejt çështjes çame.

Por së fundi mediat kanë zbuluar se Pavlopuolo ka lidhje të forta me Serbinë. Në faqen e tij në Wikipedia, është e shkruar se Prokopis Pavlopoulos është kumbari i David Davis dhe Alexander Davis, dy djemve të Katherine Karađorđević, Princeshës së Jugosllavisë.

Prokopis

“Lidhjet e Pavlopuolos me Serbinë i bëjnë të qarta edhe qëndrimit e kreut të shtetit grek ndaj shqiptarëve, duke dalë madje edhe jashtë linjës së qëndrimeve zyrtare të qeverisë greke e duke lëshuar kërcënime. Në vend që të bëjë thirrje për maturi dhe dialog, Pavlopuolos po flet me gjuhën e një serbi, duke ngjallur urrejtje dhe përçarje mes dy vendeve tona”, shkruan Zhurnal.

Letra e shqiptarit nga Kosova për Enver Hoxhën: Që kur erdha në Shqipëri, kam qenë vetëm nëpër burgje

Studiuesi dhe njëherësh ish-Drejtori i Arkivës në Ministrinë e Brendshme,  Kastriot Dervishi ka publikuar sot një letër që i përket një shqiptari me origjinë nga Kosova, i burgosur në kampet e diktaturës komuniste në Shqipëri.

Në letrën e tij, shqiptari i shkruan diktatorit Enver Hoxha ku tregon se ashtu si shumë kosovarë kanë ardhur në Shqipëri për t’i shpëtuar gjenocidit serb.

Por se me ardhjen e tij në Shqipëri, sërish torturat nëpër burgje e qeli nuk kishin fund.

Letra

I nënshkruari Mark Gjolaj me kombësi shqiptare, tani emigrant, nga Jugosllavia, me qëndrim në NBSH “Çlirimi” sektori Seman në Fier, ju paraqes sa vijon:

Më datë 12.3.1953 kam emigruar në RP të Shqipërisë, me qenë se si shqiptar kam dëshiruar dhe dëshiroj të jetoj këtu.

Qysh nga dita e ardhjes sime në Shqipëri, kam qenë vetëm nëpër burgje dhe kampe duke mos qenë kurrë i lirë, megjithëse kam një të kaluar të mirë patriotike shqiptare.
Për këtë arsye ju drejtohem juve dhe ju lus që të më ndihmoni duke urdhëruar lirimin tim nga Semani.
Seman, më 15.12.1957
Me nderime
Mark Gjolaj
NBSH “Çlirimi” sektori Seman, Fier

Reuf Fico, vijnë dokumentet origjinale unikale të këshilltarit të Ismail Qemalit e ish-ministrit

Reuf Fico, ka qene këshilltar në Ministrinë e Punëve të Brëndshme të Qeverisë së Ismail Qemalit, ish ministër i Punëve të Brëndshme në vitin 1921, ish Ministër i Punëve të Jashtme të Shqipërisë në vitet 1929-1931, ish ambasador i Shqipërisë në Jugosllavi në vitet1933–36, ish ambasador në Greqi në vitin 1937 dhe ish ambasador në Gjermani në vitet 1938-1939.

Nesër në datë 9 shkurt në Drejtorinë e Përgjithshme të Arkivave organizohet ceremonia e dhurimit të dokumenteve origjinale të jetës dhe veprimtarisë politike, sociale dhe kulturore të Këto dokumenteve dhurohen nga mbesa e tij znj. Nahlel Fico dhe kanë vlera unikale për trashëgiminë historike dhe politike të periudhës pas pavarësisë dhe në hapat e para të krijimit të shtetit shqiptar. Dokumentet janë një pasuri e paçmuar sepse janë origjinale dhe një pjesë e madhe e tyre bëjnë fjalë për korrespondenca të ndryshme të mbajtura nga Z. Reuf Fico me figurat më të njohura politike të kohës si: Ismail Qemali, Ahmet Zogu, etj., po ashtu ka dëshmi të qarta mbi situatën e kohës gjatë të cilës ka qenë ambasador në Jugosllavi mbi lëvizjet social politike të shqiptarëve të Kosovës në ish Jugosllavi.

Ish-presidentja e Kosovës Atifete Jahjaga paditet për shpifje

Ish-presidentja e Kosovës, Atifete Jahjaga, është paditur për shpifje nga familja Berisha nga Suhareka për shkak të deklaratave të saj publike, lidhur me rastin e Shyhrete Berishës.

Avokatja e Familjes Berisha, Vahide Braha, tha për Insajderin, se padia është bërë për shkak se Jahjaga ka thënë se Shyhrete Berisha, “është nxjerrë zhag nga shtëpia ku kishte jetuar me burrin dhe fëmijët e saj”.

Braha tha se seanca fillestare për këtë rast do të mbahet gjatë këtij muaji.

“Seanca fillestare do të mbahet me 14 shkurt në Gjykatën Themelore të Prishtinës”, tha ajo.

Insajderi ka provuar të kontaktoj edhe me avokatin e Atifete Jahjagës dhe është në pritje të një përgjigje nga ai.

Shyhrete Berisha, e cila i ka mbijetuar masakrës së familjes Berisha të 26 marsit 1999 në Suharekë, ku iu vranë bashkëshorti dhe katër fëmijët, pas luftës kishte nisur një betejë gjyqësore për të marrë gjysmën e shtëpisë që ajo pretendonte se i takonte.

Për disa vite ajo u përball në proces gjyqësor me kunetërit e saj, Arben dhe Xhelal Berisha, deri në korrik të vitit të kaluar kur e fitoj rastin.

Gjykata në Suharekë mori vendim se Shyhrete Berisha është pronare e gjysmës së shtëpisë së banimit dhe po ashtu pronare e gjysmës së paluejtshmërisë së pronës në Suharekë.

Vëllezërit Arben dhe Xhlal Berisha janë ankuar në shkallën e dytë ndaj vendimit të Gjykatës së Suharekës.

Jahjaga ka dal në mbrojtje të Shyhrete Berishës, ajo edhe pas vendimit të gjykatës pati disa fjalë për “Drejtësinë e mohuar”.

Fakte interesante për njerëzit e lindur në muajin shkurt

Muaji i dytë i vitit sjell shumë raste për të festuar, duke përfshirë edhe ditëlindjet e njerëzve që kanë lindur gjatë këtij muaji të ftohët e festiv.

Më poshtë ju sjell disa fakte interesante për njerëzit e lindur gjatë këtij muaji.

– Personat e lindur në muajin shkurt priren të bëhen artistë… ose policë trafiku

– Personat e lindur mes 1-18 shkurtit i përkasin shenjës ‘Ujori’ në horoskop, ndërsa ata që lindin pas 18 shkurtit i përkasin shenjës ‘Peshqit’

– Vendi më i mirë për të udhëtuar ‘Ujorët’ gjatë vitit 2018 është Japonia

– Por ‘Peshqit’ duhet ta vizitojnë Ekuatorin

– Janë të prirë të bëhen të famshëm

– Në fakt, shumë njerëz të njohur janë lindur gjatë muajit shkurt, duke përfshirë George Washington-in, Abraham Lincolni, Michael Jordani, Steve Jobs, Jennifer Aniston, etj.

– Janë më pak të prirë të vuajnë nga sëmundjet neurologjike, ndonëse duhet të kujdesen për sasinë e kripës që e konsumojnë sepse janë pak më të rrezikuar për sëmundje kardiovaskulare

– Personat e lindur në shkurt janë më të prirë të vuajnë nga problemet e gjumit.

Si u pushkatua natën e vitit të ri 1946 pronari i kantierit të Durrësit

Ai themeloi të parin kantier modern detar.

Por historia e tij  do të përfundonte tragjikisht. Pas një gjyqi të montuar nga sigurimi i shteitt dënohet me vdekje së bashku me ekonomistin Kristaq Koçinë dhe 5 ditë më vonë pushkatohen në Spitallë te  kanali i varrezave të vjetra të Durrësit.

Nëqoftese do të kërkohej një emër ndërmarrjeje përfaqësuese të  qytetit të Durresit, padyshim që pas Portit, do të ndaleshim tek Kantieri Detar i këtij qyteti. Kantieri është një ndërmarrje simbol me një të kaluar historike të herëshme që sot pas shkatërrimit të tij, kujtohet më shumë nga ata që punuan ndër vite me shumë konsideratë dhe nostalgji njëkohësisht.

Në vitin 1944 kjo ndërmarrje zuri vënd në sheshin ndërmjet bregut të detit dhe Bankes Kombetare dhe grumbulloi nje kolektiv mjeshtrash dhe punëtoresh durrsakë që u shquan për vlerat qytetare. Gjatë viteve të mepasme  punëtorët e këtij kantieri, të drejtuar nga mjeshtrat më të aftë, ia dolen që të meremetojne por edhe të ndërtojnë lloje të ndryshme anijesh, nga më të te voglat deri te  peshkatoret e më pas  te anijet  oqeanike, duke treguar kështu vlera të shquara pune krijuese.

Kantieri Detar e ka nisur veprimtarine e tij pas luftës, në dhjetor te vitit 1944 dhe fillesa ka pasur edhe një ngjarje tragjike…Ka qënë djaloshi durrsak  22 vjeçari Tom Goga, ai që mori nismen e krijimit të tij duke bashkuar mjeshtra italianë dhe shqiptare që ishin marre me riparimin e mjeteve detare gjatë luftës. Më 13 maj 1945 kantieri ka përuruar lëshimin në det të motovelierës 75 tonëshe ” Misiri 2 ” e porositur nga pronari Riza Jakupi.

Atë kohë u thanë fjalë shumë të mira për punëtorët e kantierit, inxhinierin italian Rafaele Vangnini dhe Tom Gogën, të cilin  shtypi i kohes e cilësonte inxhinier. Në këtë përurim kanë marre pjesë figura të rëndësishme të shtetërore të asaj periudhe Koçi Xoxe dhe Bedri Spahiu. Nga kronikat e kohës mësohet se:  ” Nga autoritetet e asaj periudhe ishte i pranishëm Gjeneral Leitnant Koçi Xoxe, ndërsa fjalen e rastit e mbajti gjeneral major Bedri Spahiu.

Pas ketij përurimi po atë muaj lëshohet në det  motoveliera 70 toneshe “Kalamishi ” ndërsa në qershor të vitit 1945 U.N.R.R.A i ka falur Shqiperisë 6 anije të vogla. Sektori detar i ATASH-it ka marrë në dorezim 2 anije, 2 rimorkiatorë, nga 20 metra të gjatë dhe 2 maune 200 tonëshe.

PUSHKATIMET DHE SHTETËZIMI I KANTIERIT
Tom Gogën pak njerëz kanë pasur mundësinë për ta parë fizikisht nga brezi që është tani, por për të është folur shumë. Ilir Kavaja banues në lagjen nr 2 të Durrësit, ka një lidhje familiar me Tom Gogën. Nëna e tij Kalipsoja e ka pasur djalë xhaxhai.

Dhe Iliri ruante në shtëpinë e vet disa foto interesante ku ndodhej edhe Goga. Në njërën prej tyre Toma po përcillte nuse Kalipsonë dhe pas fotos ka të  shkruar: “ Kujtim nga martesa celebruar në Durrës me datën 21 /7/1942. Duke dalë nga shtëpia e Kalipsosë”. Toma ndodhet në krah të nuses dhe  ka të veshur një kostum të çelur afër ngjyrës bezhë, me xhakëtë dopjopet, të cilat kanë qënë shumë në modë në atë periudhë.

Ceremonia po kryhet në afërsi të Katedrales Katolike “ Shën Luçija “. Toma  është një djalë shumë simpatik mbase nga më “ tredy “-t që kishte qyteti në atë periudhë, sikurse shikohet edhe nga fotot. Një vit më pas Toma shfaqet në një foto tjetër por tashmë me statusin e  të  fejuarit. Ka 2 foto me të fejuarën e tij Jolandën. Këtu është më i lirshëm se në ceremonialin e dasmës, i veshur po me rroba të çelëta, ndërsa shoqërohet nga e fejuara.

Jane foto që po botohen eksluzivisht për herë të parë.  Iliri thotë se në fund të vitit 1946, Toma është arrestuar dhe i bëhet një gjyq i montuar nga sigurimi i Koçi Xoxes. Si pretekst , vijon Iliri, u përdor riparimi i një anije italiane, dhe u akuzua sikur nuk i kishte paguar shtetit shumën e taksave që i detyrohej.

Dënohet me vdekje sëbashku me ekonomistin Kristaq Koçinë një seancë gjyqësore farsë  më 27 dhjetor dhe 5 ditë më vonë, pikërisht në natën e vitit të ri, më 31 dhjetor, pushkatohen në Spitallë te kanali i varrezave të vjetra të Durrësit, prapa ish zdrukthtarisë. Ky qe fati tragjik i themeluesit të kantierit detar modern.

Lidhur me këtë  ngjarje të rëndë është shkruar në shtyp se  në Janar të vitit 1946 Kantieri detar i Tom Gogës u shtetëzua dhe u quajt Kantieri Detar i Marinës Shqiptare.

INCIDENTI ME ANIJEN ” ALI KELMENDI “
Se si ka qënë klima e punës në kantier nën frymën e frikës e tregon edhe një detaj mjaft interesant. Është fjala për incidentin me anijen 500 tonëshe prej druri, ” Ali Kelmendi “. Me këtë anije të porsa ndërtuar ndodhi një incident fatkeq. Projektin dhe ndertimin e saj e kishte drejtuar mjeshteri Odise Moneta, i ardhur pas lufte në Durrës.

Dy djemtë i kishte në Amerikë, ndërsa gruan e kishte italiane. Odiseja ishte mjeshtër i përgatitur dhe i talentuar. Punonte me ndershmeri dhe u bënte ballë të gjitha vështirësive. Kur anija po lëshohej në det, duke rrëshqitur mbi urën e lëshimit, ajo u nda në dy pjesë. Odisenë dhe disa të tjerë i arrestuan për sabotim. Por në fakt shkaku kishte qënë një konstrukt i ngjitur me urën e lëshimit, e cila kur anija u lëshua mbi të , i shkatoi çarjen.

Odisea u dënua, por gjithsesi punonte në kantier i shoqëruar me polic. Vonë u lejua të nisej në Amerike tek djemtë e tij.

RRITJA GRADUALE E POTENCËS SË KANTIERIT
Me kthimin e një grupi inxhinierësh të rinj që kishin studiuar në Rusi, Bullgari e Poloni, për ndërtime mjetesh detare, ndërtimi i mjeteve të reja dhe futja e teknologjive të përparuara shton shumëllojshmërinë e shërbimeve dhe të ndërtimeve të mjeteve lundruese. Në vitin 1960 u hapën kurse për ngritjen e aftësive profesionale me programe teorike dhe praktike për motorristë, elektriçistë, mekanike skafi, saldatorë, oksigjenistë, vinçierë.

Më pas një pjesë e mirë e këtyre kursantëve shërbyen në Floten Tregtare. Në vitin 1968, prodhohet anija metalike “Punëtori ” dhe me pas leshohet në det rimorkiatori i parë i prodhimit shqipatar “14 Nentori” e ” Debatik” me fuqi 1000 kuaj fuqi dhe gjatesi 32 m. Në vitin 1970 filloi riparimi i anijes 5000 toneshe “Durresi”, riparim i cili tregoi aftesitë e rritura të punonjësve të  Kantierit Detar, i cili po fillonte tashmë të hynte në periudhën e riparimit të anijeve oqeanike.
KANTIERI I RI
Në vitin 1974, Kantieri është transferuar në  sheshin përtej portit të peshkimit afër kalatës lindore. Kjo u bë pas një një përvoje 30 vjeçare të tij dhe për këtë u ndërtuan shkallë me përmasa të mëdha në të cilat u lëshuan në det anijet ” Saranda ” 1000 DëT dhe ” Gjirokastra” 2700 DëT.

Me pas zhvillimet në Kantierin Detar vazhduan me krijimin e repartit te riparimit te vaporëve e mjeteve të mëdha detare që arriti të kryejë riparime kapitale te rimorkiatoreve, shalandave, bigen ” Adem Reka ” ,  Dragave ” Rodon” e ” Adriatik”, të anijeve 500 tonëshe, të avulloreve ” Durrësi” , ” Partizani ” , ” Liria” etj.

Punime kapitale u kryen edhe në anijet oqeanike ” Tirana ” , ” Vlora “, ” Shkodra”, dhe ” Arberia”. Me shume vlerë ishte  ngritja e repartit te prodhimeve te reja, sepse aty u realizua ndertimi i shumë mjeteve detare deri në seri si anije pilotazhi, anije peshkimi KP 300, peshkatore 2KP- 408, anije 500 toneshe si ” Ali Kelmendi”, ” Vjosa “, ” Ylli i Kuq “, ” Dajti “, ” Bajram Curri “, ” Beqir Nova”, ” Adriatiku”, ” Tomorri “, tragete të ndryshme për zonat e liqeneve në veri si dhe u projektuan e u prodhuan portat e H/C- ve të veriut.

SHUARJA
Në vitin 1991 u krye  kalimi i Kantierit në shoqëri të përbashkët Durrës – Gdansk e më pas kur kaluan aksionet e Gdanskut te shoqëria turke “Korum” kantieri mori emrin ” Durres – Korum shiping” dhe më pas shkoi  drejt mbylljes së veprimtarisë ndertuese. I gjithë kantieri shkoi për skrap. Dhe ndertesat u rrafshuan duke e kthyer në një rrafshirë të trishtuar atë zonë.

Përfaqësuesi i sindikatës së peshkatarëve Klodjan Kapiti thekson se nga 140 mjete detare që ka peshkimi , gjysma e tyre është jashtë funsionimit për arësye të mungesës së kantierit detar, eleminimi i të cilit  ka qënë vdekjeprurës për peshkimin e qytetit të Durresit. Kjo sepse tashmë mjetet e peshkimit për riparime duhet ti drejtohen kantiereve në vendet fqinje me kosto të shumfishuar, të papërballueshme për shumë pronarë.

Ai e quan krim ekonomik lejimin e elminimit të kantierit nga sipermarrësit:” Është njelloj si të lësh një qytet pa spital”, shprehet ai me keqardhje. Ky është historiku i këtij kantieri, një nga qëndrat më të mëdha krijuese të qytetit bregdetar  dhe simbol i rinisë durrsake, ku punonin rreth 4000 punonjës, histori  që nisi me pushkatimin e pronarit të parë të sajë Tom Gogës dhe u shua 70 vite më pas tërësisht.

Po të jesh shqiptar lexoje: Motra Jeni Zari tregon historinë e vrasjes të vëllait Ilir Zari në kufi më 1990

TIRANE- Sot mbushen plot 28 vite nga vdekja makabre e Ilir Zarit, të riut që u ekzekutua në kufi në vitin 1990. Mes dhimbjes motra e tij, Jeni Zari kujton vëllain e saj, ndërsa tregon se çfarë kishte ndodhur në atë kohë. Përmes një mesazhi në ‘Facebook’, Jani tregon se vëllai i saj u vra nga ushtarët vigjilentë të sistemit komunist.
Mes të tjerash ajo ka postuar edhe disa foto, ku shihet trupi i pajetë i vëllait të saj, bashkë me atë të dy personave të tjerë. Po ashtu Jeni Zari i bën apel shtetit shqiptar drejtësia të vihet në vend për këta martirë.

No automatic alt text available.
MESAZHI I JENI ZARIT
Ne kujtim te vellait tone te shtrenjte
…si sot 28 vite me pare pushoi zemra e tim vellai, i vrare barbarisht nga ushtaret “vigjelent te sistemit Komunist” .
shikoni hetuesit me duar ne xhepa (foto si me poshte), gjate perpilimit te dokumentacionit qe duhej derguar Ministrise se Mbrojtjes ne Tirane, per punen e lavderueshme e te devotshme te njesitit kufitar si edhe te repartit ushtarak te kesaj Poste kufitare, qe sigurisht do merrnin shperblimin e duhur (1 jave leje per te shkuar ne shtepi te pushonin) nga shteti per punen e nderuar te tyre “vigjilente” per ta mbrojtur nga “ARMIQTE”,
“Atdheun e tyre te dashur”.
Trupi i tim vellai eshte lene gjithe naten e deri te nesermen ne vendin e ngjarjes deri sa te vinin “expertet” te shtjellonin kete ndodhi ne maje te malit pra vrasja eshte bere ne oren 12te te nates te dt. 2-duke hyre 3 shkurti i vitit 90te.
Historia e tim vellai, ende nuk eshte gjykuar as me gjygj e as nuk ju dha familjes trupi i tij, por u hodh ne nje grope provizore te malit dhe nuk i dihej as nami e as nishani me vone, pra nuk u tha familjes qe e kemi vrare.
Ne ishim familja e pare ne Tirane qe provuam shkopin e gomes ne koke dhe kamzhikun nga sigurimi i shtetit, e dita sot asnjeri nuk e njeh kete histori , por u mbyll me dosjen e famshme “TOP SEKRET” ngaqe e kishin zhdukur tim vella pa lene gjurme … im vella i pari qe pati e mori guximin te cante kufirin, pra shkendia e pare e DEMOKRACISE qe mesa duket e paska ndjere qe ketij sistemi duhej ti vinte fundi…..por fatkeqesisht askund neper media nuk njihet emri i TIJ si djale guximtar e Fisnik, nje nga Martiret e pare te kryeqytetit.
Nene gjora dhe ne e gjithe familja perjetuam ngjarje nga me MAKABER qe mund te mendohet…..se si dhe cfare ka ndodhur me pas (une dhe ime moter ishim larguar nga vendi), im ate dhe mamaja mesa duket kane gjetur ngushellim ne ditaret e tyre duke shkruar cdo dite se si kane perjetuar dhe kane rjedhur ngjarjet e mepasshme dhe torturat qe ka hequr deri sa ka gjetur te birin dhe e ka cvarrosur me duart e saja duke mos lene pas edhe ndihmen e mbeshtetjen e njerezve te ngushte te familjes se saj dhe te babait tone.
(ditaret me jane dhene mua nga mamaja vjet, si amanet qe nje dite te dale historia e djalit dhe shkrimet e saja e te tim eti edhe Titullin e kane vene te cilin nuk po e bej te njohur tani deri sa te vije dita e botimit)…premtimin e dhene me duhet ta mbaj se eshte AMANETI qe nuk e tret as dheu!
Nena jone me lot e me oiiiiiiiiiiii te qarat e saja neper malet me debore dite e net duke kerkuar te birin dhe rrenkimet me dite, muaj dhe vite e bene gjysem njeriu…….sigurimin e kishim te pranishem NON STOP ne shtepi, duke plackitur e kontrolluar te gjithe garderoben e tim vellai e tonen si vajza e deri tek djegja e te gjitha pikturave te tija e penelave e bojerave e kornizat libra me dhjetra etj etj qe perfunduan para pallatit ne zjarr te madh e komshinjte pas perdeve shikonin me lot ne sy pa ditur ende cpo ndodh me njerezit dhe komshinjte per te cilet kishin nje respekt te vecante.
Im ate burre zoteri qe kish respekt nje Tirane e tere, u thinj brenda nates e nuk e njihnim te nesermen nese ish ai apo ndonje burre tjeter ne shtepi. Nuk e ngriti me koken e te buzeqeshte deri sa u nda nga kjo jete. Nuk i hynte asgje ne sy vetem kujtonte djalin e tij te mire e te dashur qe kish vetem nje ender …….
te shikonte muzeumet e botes e te takonte Da Vincin Rembrandtin, Gojen, Cezanne, Vermmer, Monet, Renoir …..e lista vazhdon pa fund :'( :'( :'(
Endera e nje artisti e nje poligloti e nje nxenesi qe ne shkollen fillore e deri me tej nuk njihte nota te tjera vetem 10-te me yll e me fleta lavderimi, djale qe vetem buzeqeshte qe ndihmonte cdo te moshuar qe shikonte rruges apo qe i dilte para syve, cdo femije te vogel te rreckosur qe shikonte neper rruget e Tiranes atje ku punonte ne Kinostudio Shqiperia e Re e qe priste radhen sa ti hapej vendi i punes qe i ish premtuar si piktor……kjo ender nuk ju realizua :'( megjithese talenti i tij ishte i pertejshem, dhe ja nje dite pa pritur e pa kujtuar i riu inteligjent humbi durimin dhe mori malet , atje ku endera e tij u bashkua me qiellin ne parajsen e perjetshme, e ne dita sot shohim qiellin e flasim me yjet, se:
– njeri nga ato eshte DJALI IM – thote mamaja jone .
E GJORA NENE te GJORET ne te gjithe si familje PSE E PATEM KETE FAT, pse humben njeriun me te mire te familjes, pse ja shuajten endrat ketij te riu qe vec artin e librat kish pasuri edhe ato ja dogjen e nuk na lane asnje kujtim te TIJ?!!!
KJO ESHTE DHURATA QE NA DHA SISTEMI YNE I MADHERISHEM e qe do ta marrim edhe ne boten e pertejme si kujtim, eshte skalitur ne cdo kocke te trupit tone deri ne perjetesi dhimbja :'(……mjere kujt i ka rene per pjese ta provoje mbi kurriz :'(
Ne ate kohe te vrisnin po te mos kerceje vallen e tyre (te sistemit) sot te buzeqeshin para syve bejne premtime qesharake dhe POPULLI PERSERI JU JEP VOTEN,
pra VETE NE ZGJEDHIM FATIN TONE.
PARADOKS……sa qesharake !!!!
——————————————————————-
ZGJOHU SHQIPERI !!!!
I bej thirrje te gjithe familjeve e nenave te shume vuajtura te viktimave ( lista e te vrareve si me poshte) tu kerkojne qeverise ne fuqi, per te cilen kane votuar t’u kthehet nderi dhe respekti qe meritojne MARTIRET te vrare ne kufi si dhe te mbeshtesin keto familje qe e vuajten mbi kurriz kete akt cnjerezor qe ju la ish sistemi Komunist. Ata nuk vrane vetem nje individ por thyen zemera NENE e mijera zemra te kesaj shoqerie.
Emrat e tyre te shoqeruara me dokumente perkatese si edhe foto duhet te jene ne MUZEUM te vecante, per brezat qe do vijne, te mesojne pasojat e sistemit dhe ne cfare fazash ka kaluar ky i mjere POPULL qe mbijeton me zemer te thyer edhe dita sot.
Kur kerkohet nga vendet e huaja t’u kthehet demshperblimi familjareve apo vendit, te njihet hapur ceshtja kjo apo ajo padrejtesi apo akt genocid qe i eshte bere ketij Populli, pse nuk filloni nga vetja, te dashur POLITIKANE te Vendit tone???!!!
Ju lutem mendoni pak me thelle,
Llogjikoni, analizoni e aresyetoni drejte e me maturi, filloni ju lutem te ndergjegjesoheni, pra duke pare nga VATRA JUAJ nga njerezit Tuaj nga ligjet Tuaja, si silleni me problemet e njerezve brenda KONAKUT tuaj.
NENAT TONA jane lodhur me mendimin qe i eshte krijuar ne dekada :
– MOS BENI SI BEJ UNE, POR BENI SI THEM UNE – !!
edhe sa kohe duhet te BEJNE nenat tona dhe i gjithe ky komb
si THONI JU……..deri kur dhe sa gjate, eshte PYETJA ????!!
———————————————————-
shpresoj te postohet kjo leter e hapur e imja ne organet perkatese apo tek institucionet qe jane te ligjshme per te pare dhe marre parasysh hallet e ketij populli….Media e ka fjalen, ju lutem !..im vella i vrare i shtrire ne male , ketu perfundoi dhe ENDERA E TIJ ….mamase sone ju desh vite te tera deri sa e gjeti te birin ne gropat e ketij mali ….ja cdo te thote NENE …. HEROINE , te gjithe i thonin nuk e dime se gjejme dot trupin se s’dime , s’ka shenje gjekundi eshte gjithe ky mal ,…ndersa NENA E MAGJISHME me forca magjike te cuditshme e drejtonte ZOTI ne vendin e duhur …E NDJEJ THOSH IME MAMA E NDJEJ QE JA DIKU KETU JANE KOCKAT E DJALIT …dhe e gjeti djalin me fytyre te pa prishur qe u bind qe ish femija e saja , ZOTI E KISH NGRIRE NE MAL dhe i pa prishur …tregon NENA JONE E GJORE …..Zot sa lutem qe te ndihmosh nenen time se ka vuajtur shume, neve vajzave na dha mundesine te jetonim jeten qe im vella enderonte e vete mamaja u perball me keto veshtiresi e vuajtje shpirterore …. prandaj qaj une per kete nene se ja di hallet dhimbjet por edhe vlerat e saja ,…per mua ajo duhet te ish NENE NDERI E TIRANES aq shume ka bere edhe per njerezine qe i ndihmonte pa kursyer….jepi jete e shendet o ZOT …amen !!!
Ju faleminderit
Jeni Zari 3. Shkurt 2018

Po të jesh shqiptar lexoje: Vëllai i pari që çau kufirin, si ma vranë barbarisht në ’90 (Pamje të rënda) –

TIRANE- Sot mbushen plot 28 vite nga vdekja makabre e Ilir Zarit, të riut që u ekzekutua në kufi në vitin 1990. Mes dhimbjes motra e tij, Jeni Zari kujton vëllain e saj, ndërsa tregon se çfarë kishte ndodhur në atë kohë. Përmes një mesazhi në ‘Facebook’, Jani tregon se vëllai i saj u vra nga ushtarët vigjilentë të sistemit komunist.
Mes të tjerash ajo ka postuar edhe disa foto, ku shihet trupi i pajetë i vëllait të saj, bashkë me atë të dy personave të tjerë. Po ashtu Jeni Zari i bën apel shtetit shqiptar drejtësia të vihet në vend për këta martirë.
No automatic alt text available.
MESAZHI I JENI ZARIT
Ne kujtim te vellait tone te shtrenjte
…si sot 28 vite me pare pushoi zemra e tim vellai, i vrare barbarisht nga ushtaret “vigjelent te sistemit Komunist” .
shikoni hetuesit me duar ne xhepa (foto si me poshte), gjate perpilimit te dokumentacionit qe duhej derguar Ministrise se Mbrojtjes ne Tirane, per punen e lavderueshme e te devotshme te njesitit kufitar si edhe te repartit ushtarak te kesaj Poste kufitare, qe sigurisht do merrnin shperblimin e duhur (1 jave leje per te shkuar ne shtepi te pushonin) nga shteti per punen e nderuar te tyre “vigjilente” per ta mbrojtur nga “ARMIQTE”,
“Atdheun e tyre te dashur”.
Trupi i tim vellai eshte lene gjithe naten e deri te nesermen ne vendin e ngjarjes deri sa te vinin “expertet” te shtjellonin kete ndodhi ne maje te malit pra vrasja eshte bere ne oren 12te te nates te dt. 2-duke hyre 3 shkurti i vitit 90te.
Historia e tim vellai, ende nuk eshte gjykuar as me gjygj e as nuk ju dha familjes trupi i tij, por u hodh ne nje grope provizore te malit dhe nuk i dihej as nami e as nishani me vone, pra nuk u tha familjes qe e kemi vrare.
Ne ishim familja e pare ne Tirane qe provuam shkopin e gomes ne koke dhe kamzhikun nga sigurimi i shtetit, e dita sot asnjeri nuk e njeh kete histori , por u mbyll me dosjen e famshme “TOP SEKRET” ngaqe e kishin zhdukur tim vella pa lene gjurme … im vella i pari qe pati e mori guximin te cante kufirin, pra shkendia e pare e DEMOKRACISE qe mesa duket e paska ndjere qe ketij sistemi duhej ti vinte fundi…..por fatkeqesisht askund neper media nuk njihet emri i TIJ si djale guximtar e Fisnik, nje nga Martiret e pare te kryeqytetit.
Nene gjora dhe ne e gjithe familja perjetuam ngjarje nga me MAKABER qe mund te mendohet…..se si dhe cfare ka ndodhur me pas (une dhe ime moter ishim larguar nga vendi), im ate dhe mamaja mesa duket kane gjetur ngushellim ne ditaret e tyre duke shkruar cdo dite se si kane perjetuar dhe kane rjedhur ngjarjet e mepasshme dhe torturat qe ka hequr deri sa ka gjetur te birin dhe e ka cvarrosur me duart e saja duke mos lene pas edhe ndihmen e mbeshtetjen e njerezve te ngushte te familjes se saj dhe te babait tone.
(ditaret me jane dhene mua nga mamaja vjet, si amanet qe nje dite te dale historia e djalit dhe shkrimet e saja e te tim eti edhe Titullin e kane vene te cilin nuk po e bej te njohur tani deri sa te vije dita e botimit)…premtimin e dhene me duhet ta mbaj se eshte AMANETI qe nuk e tret as dheu!
Nena jone me lot e me oiiiiiiiiiiii te qarat e saja neper malet me debore dite e net duke kerkuar te birin dhe rrenkimet me dite, muaj dhe vite e bene gjysem njeriu…….sigurimin e kishim te pranishem NON STOP ne shtepi, duke plackitur e kontrolluar te gjithe garderoben e tim vellai e tonen si vajza e deri tek djegja e te gjitha pikturave te tija e penelave e bojerave e kornizat libra me dhjetra etj etj qe perfunduan para pallatit ne zjarr te madh e komshinjte pas perdeve shikonin me lot ne sy pa ditur ende cpo ndodh me njerezit dhe komshinjte per te cilet kishin nje respekt te vecante.
Im ate burre zoteri qe kish respekt nje Tirane e tere, u thinj brenda nates e nuk e njihnim te nesermen nese ish ai apo ndonje burre tjeter ne shtepi. Nuk e ngriti me koken e te buzeqeshte deri sa u nda nga kjo jete. Nuk i hynte asgje ne sy vetem kujtonte djalin e tij te mire e te dashur qe kish vetem nje ender …….
te shikonte muzeumet e botes e te takonte Da Vincin Rembrandtin, Gojen, Cezanne, Vermmer, Monet, Renoir …..e lista vazhdon pa fund :'( :'( :'(
Endera e nje artisti e nje poligloti e nje nxenesi qe ne shkollen fillore e deri me tej nuk njihte nota te tjera vetem 10-te me yll e me fleta lavderimi, djale qe vetem buzeqeshte qe ndihmonte cdo te moshuar qe shikonte rruges apo qe i dilte para syve, cdo femije te vogel te rreckosur qe shikonte neper rruget e Tiranes atje ku punonte ne Kinostudio Shqiperia e Re e qe priste radhen sa ti hapej vendi i punes qe i ish premtuar si piktor……kjo ender nuk ju realizua :'( megjithese talenti i tij ishte i pertejshem, dhe ja nje dite pa pritur e pa kujtuar i riu inteligjent humbi durimin dhe mori malet , atje ku endera e tij u bashkua me qiellin ne parajsen e perjetshme, e ne dita sot shohim qiellin e flasim me yjet, se:
– njeri nga ato eshte DJALI IM – thote mamaja jone .
E GJORA NENE te GJORET ne te gjithe si familje PSE E PATEM KETE FAT, pse humben njeriun me te mire te familjes, pse ja shuajten endrat ketij te riu qe vec artin e librat kish pasuri edhe ato ja dogjen e nuk na lane asnje kujtim te TIJ?!!!
KJO ESHTE DHURATA QE NA DHA SISTEMI YNE I MADHERISHEM e qe do ta marrim edhe ne boten e pertejme si kujtim, eshte skalitur ne cdo kocke te trupit tone deri ne perjetesi dhimbja :'(……mjere kujt i ka rene per pjese ta provoje mbi kurriz :'(
Ne ate kohe te vrisnin po te mos kerceje vallen e tyre (te sistemit) sot te buzeqeshin para syve bejne premtime qesharake dhe POPULLI PERSERI JU JEP VOTEN,
pra VETE NE ZGJEDHIM FATIN TONE.
PARADOKS……sa qesharake !!!!
——————————————————————-
ZGJOHU SHQIPERI !!!!
I bej thirrje te gjithe familjeve e nenave te shume vuajtura te viktimave ( lista e te vrareve si me poshte) tu kerkojne qeverise ne fuqi, per te cilen kane votuar t’u kthehet nderi dhe respekti qe meritojne MARTIRET te vrare ne kufi si dhe te mbeshtesin keto familje qe e vuajten mbi kurriz kete akt cnjerezor qe ju la ish sistemi Komunist. Ata nuk vrane vetem nje individ por thyen zemera NENE e mijera zemra te kesaj shoqerie.
Emrat e tyre te shoqeruara me dokumente perkatese si edhe foto duhet te jene ne MUZEUM te vecante, per brezat qe do vijne, te mesojne pasojat e sistemit dhe ne cfare fazash ka kaluar ky i mjere POPULL qe mbijeton me zemer te thyer edhe dita sot.
Kur kerkohet nga vendet e huaja t’u kthehet demshperblimi familjareve apo vendit, te njihet hapur ceshtja kjo apo ajo padrejtesi apo akt genocid qe i eshte bere ketij Populli, pse nuk filloni nga vetja, te dashur POLITIKANE te Vendit tone???!!!
Ju lutem mendoni pak me thelle,
Llogjikoni, analizoni e aresyetoni drejte e me maturi, filloni ju lutem te ndergjegjesoheni, pra duke pare nga VATRA JUAJ nga njerezit Tuaj nga ligjet Tuaja, si silleni me problemet e njerezve brenda KONAKUT tuaj.
NENAT TONA jane lodhur me mendimin qe i eshte krijuar ne dekada :
– MOS BENI SI BEJ UNE, POR BENI SI THEM UNE – !!
edhe sa kohe duhet te BEJNE nenat tona dhe i gjithe ky komb
si THONI JU……..deri kur dhe sa gjate, eshte PYETJA ????!!
———————————————————-
shpresoj te postohet kjo leter e hapur e imja ne organet perkatese apo tek institucionet qe jane te ligjshme per te pare dhe marre parasysh hallet e ketij populli….Media e ka fjalen, ju lutem !

..im vella i vrare i shtrire ne male , ketu perfundoi dhe ENDERA E TIJ ….mamase sone ju desh vite te tera deri sa e gjeti te birin ne gropat e ketij mali ….ja cdo te thote NENE …. HEROINE , te gjithe i thonin nuk e dime se gjejme dot trupin se s’dime , s’ka shenje gjekundi eshte gjithe ky mal ,…ndersa NENA E MAGJISHME me forca magjike te cuditshme e drejtonte ZOTI ne vendin e duhur …E NDJEJ THOSH IME MAMA E NDJEJ QE JA DIKU KETU JANE KOCKAT E DJALIT …dhe e gjeti djalin me fytyre te pa prishur qe u bind qe ish femija e saja , ZOTI E KISH NGRIRE NE MAL dhe i pa prishur …tregon NENA JONE E GJORE …..Zot sa lutem qe te ndihmosh nenen time se ka vuajtur shume, neve vajzave na dha mundesine te jetonim jeten qe im vella enderonte e vete mamaja u perball me keto veshtiresi e vuajtje shpirterore …. prandaj qaj une per kete nene se ja di hallet dhimbjet por edhe vlerat e saja ,…per mua ajo duhet te ish NENE NDERI E TIRANES aq shume ka bere edhe per njerezine qe i ndihmonte pa kursyer….jepi jete e shendet o ZOT …amen !!!
Ju faleminderit
Jeni Zari 3. Shkurt 2018

Ai që demokratizoi dijen: në përvjetorin e 550-të të Johannes Gutenbergut

Me shpikjen prej tij të shtypshkronjës ai konsiderohet si ati i komunikimit masiv. Por a ka qenë vërtet ai i pari që shtypi libra? Edhe 550 vjet pas vdekjes së Gutenbergut, shumë çështje mbeten pa përgjigje.

“Të gjithë e njohin Johannes Gutenbergun, megjithëse për të thuajse nuk dihet asgjë”, thotë zëvendësdrejtorja e muzeut Gutenberg në Mainz, Elke Schutt-Kehm. Kjo nis që me ditën e tij të lindjes dhe përfundon me datën e vdekjes, me të cilën ka lidhje përkujtimi i sivjetshëm i 550 të vdekjes së Gutenbergut. Vetëm kaq dihet: Johannes Gutenberg është shpikësi i shtypjes së librave me gërma të lëvizshme metali dhe me këtë ai kontribuoi në mënyrë vendimtare në suksesin e Reformacionit. Për këtë gazetarët amerikanë e zgjodhën atë “njeriun e mijëvjeçarit”.

Ai lindi rreth vitit 1400. Ndoshta në Mainz, por ndoshta edhe në Eltville në anën tjetër të Rinit në Rheingau. Ai vinte nga familja e pasur tregtare Gensfleisch. Më vonë ai e ndryshoi emrin e lindjes, siç ishte moda atëherë, dhe mori emrin e rezidencës së familjes “Hof zum Gutenberg”.

Përgatitje në Strasburg

Ndoshta Johannes Gutenbergu studioi në Erfurt. Këtë e tregon një shënim në regjistrat e Universitetit. Rreth vitit 1428 familja Gensfleisch u largua nga Mainzi për shkak të konflikteve midis familjeve drejtuese të qytetit. Se ku qendroi pas kësaj Gutenbergu, nuk është dokumentuar. Qëndrimi i tij dokumentohet sërish në vitin 1434 në Strasburg.

Në këtë qytet, që sot është qytet francez, atij ju ofruan mundësi të shumta fitimi. Gutenbergu punoi atje ndër të tjera në zejet e monedhave dhe të argjendarisë, themeloi një shoqëri financimi dhe prodhoi objekte për t’i marrë me vete në pelegrinazhe. Ai kaloi atje gjithsej dhjetë vjet.

Suksesi në Mainz

Pasi u kthye në Mainz ai vazhdoi punën për shtypjen e librave me ndihmën e tregtarit Johannes Fust dhe të shkruesit Peter Schöffer. Midis 1452 dhe 1454 puna përfundoi: u prodhuan gërmat e tij metalike të lëvizshme. Dhe meqenëse Guttenbergu qe mekanik i aftë dhe njëkohësisht sipërmarrës që i hynte rrezikut, ai ndërtoi për to edhe shtypshkronjën manuale me levë. Për shekuj të tërë librat qenë shkruar me mundim me shkrim dore, shumicën e herëve në dhomat e shkrimit të manastireve. Vetëm kleri dhe shtresa e lartë mund t’i blenin ato produkte të shtrenjta – pa folur për leximin. Kurse tani gërmat mund të shtoheshin si dëshiroje, fjalë dhe fjali të tëra mund të hidheshin në faqe – dhe e gjitha të riprodhohej sa herë të doje. Një shpikje që e revolucionarizoi shkëmbimin e dijes dhe solli ide të reja në popull me tirazh të lartë – për kushtet e Mesjetës.

Bibla origjinale e shtypur nga Gutenbergu Bibla origjinale e shtypur nga Gutenbergu

Në vitin 1450 mjeshtri ndërmori punën më ambicioze të tij: brenda dy vjetësh ai shtypi me ndihmën e 20 të punësuarve të tij 180 kopje të Biblës së Luterit. Bibla është jo vetëm vepra e parë, por edhe libri më i bukur, që është shtypur ndonjëherë, mendon Elke Schutt-Kehm.

Teknika e Gutenbergut u shpërnda tepër shpejt. Në vitin 1500 shtypshkronja në të gjithë Evropën prodhonin jo vetëm vepra dijetarësh, por edhe shkrime denigruese kundër tregtisë së çertifikatave të faljes së mëkateve. Rreth 100 vjet më vonë u shfaq gazeta e parë.

Model Azia?

Po a ishte Gutenbergu i pari që e mundësoi shtypjen e librit? Përgjigja është: jo. Shtypja e librave me gërma të këmbyeshme qe shpikur që në shekullin e 11-të në Kinë dhe qe përhapur në shekullin e 13-të edhe në Kore. Por në një kohë kur në Azi gërmat gdhendeshin me procese të derdhjes së dyllit ose gdhendeshin në dru, Gutenbergu shpiku një teknikë krejt të vetën me një instrument që pikonte bojën dhe me një shtypshkronjë me levë. Ai është “i pari që konceptoi një prodhim serial të pjesëve të veçanta të standardizuara”, thotë Schutt-Kehm. Kjo ishte një metodë e re dhe një hap shumë i madh në historinë e teknikës. Në 3 tetor në Mainz dhe jo vetëm aty kremtohet 550 vjetori i ditës së vdekjes së pionerit të mediave – edhe nëse shkencërisht për 03.02.1486 si datë të vdekjes ka diskutime e mendime që e kundërshtojnë.

Dokument: Si u ridënua Uran Kostreci se pa “shtrembër” fotografinë e diktatorit

Nga Kastriot Dervishi

Uran Kostreci dhe ridënimi se shikoi “shtrembër” fotografinë e diktatorit

Data e sotme është 80-vjetori i lindjes së një prej qëndrestarëve të burgjeve komuniste, Uran Kostrecit. Është një prej rasteve të rralla në Lindjen komuniste sepse është ridënuar duke vuajtur dënimin me 8 vjet burgim sepse shikoi pa simpati fotografinë e diktatorit në zyrën e komandantit të burgut të Burrelit.

27067497_1565137936867369_845099677062996575_n
Uran Kostreci u orvat të arratisej nëpërmjet liqenit të Pogradecit, por u arrestua më 5.8.1961 dhe u dënua me 15 vjet burgim. Gjatë vuajtjes së dënimit në kampin nr.303 Elbasan, më 9.5.1965, u qëllua për t’u vrarë nga tre vendroje.
Më 13.6.1973, pasi refuzoi ushqimin, u denoncua nga komandanti i burgut të Burrelit, Hajri Leskaj, se kishte parë “shtrembër” fotografinë e diktatorit. Në vendimin e gjykatës që e ridënoi me 8 vjet të tjera burgim, ndër të tjera thuhet:
“Vërtetohet se në këtë moment i pandehuri kishte drejtuar nga fotografia e shokut Enver. Mirëpo ky shikim, i kishte bërë përshtypje të dëmtuarit Hajri dhe iu drejtua me pyetje të pandehurit që pse e shikonte me vërejtje apo nuk i pëlqente”.
Uran Kostreci u lirua nga burgu i Burrelit më 13.6.1981, pasi vuajti gati 20 vjet heqjen e lirisë.