VOAL

VOAL

Please Wait ...
0%

Lojërat Olimpike në Paris dhe në Los Anxhelos

By | September 14, 2017

Komentet

Paul Pogba nga Meka: Ky është një vend fantastik

Futbollisti më i shtrenjtë deri para do kohe Pogba, pas përfundimit të sezonit në Premier Ligë, vendosi që ditët e Ramazanit t’i kalojë në Umre, Mekë

Lojtari i kombëtares së Francës dhe njëherit futbollist i Manchester United, Paul Pogba, shpalosi një porosi emocionuese nga Meka duke shkaktuar vëmendje të madhe në rrjetin social Instagram.

Futbollisti më i shtrenjtë deri para do kohe Pogba pas përfundimit të sezonit në Premie Ligë vendosi që ditët e Ramazanit t’i kalojë në Umre, Mekë.

“Vetëm ata që tashmë kanë qenë këtu mund të kuptojnë se si ndjehem tani. Ky është një vend fantastik. Nuk mund as t’ua përshkruaj, shpresoj se ndonjëherë do të vini. Selam”, porositi Pogba në video-incizimin që e bëri në Qabë.

Videon e tij deri tani e kanë shikuar 3.6 milionë përdorues të Instagramit ndërsa komente në videon kanë lënë afër 38 mijë persona. aa

Botërorët e futbollit, Nando Martelini, Anton Mazreku dhe unë – Nga Skifter Këlliçi

Uruguai i vitit 1930

88  vjet rreth planetit te futbollit, (1930-2014) (1)

Duke filluar nga ky numër, do të botojmë ciklin “88 vjet rreth planetit të futbollit”, kushtuar historisë së botërorëve të këtij sporti më të dashur  në botë, (1930-2018), përgatitur nga shkrimtari, komentatori dhe historiani i futbollit, Skifter Këllici.

Ai ka nisur të shkruajë për botërorët e futbollit që në pranverë te vitit 1958, ende student njëzetvjeçar, që po përfundonte studimet në fakultetin histori-filologji të UT. Atëherë ne Suedi zhvillohej Botërori 6-të, ku për herë të parë triumfonte Brazili i Pelesë, Garrinces, Didit,Zagallos…U është  kthyer këtyre botërorëve më 1970 përsëri në faqet e “Zërit të Rinisë”, kur sërishmi Peleja më shokë bënin “bis” në botërorin meksikan, më 1970.

Katër vjet më pas, më 1974  ka komentuar për herë të në historinë e TV-së  botërorin e futbollit që u mbyll në Mynih me triumfin e Gjermanisë,p o ashtu si Brazili për herë të dytë, kampion botëror.

Më  1980 ka botuar  librin “Historia e Futbollit”, ose më mirë historia e kampionateve botërore të futbollit, deri më 1978, kur Argjentina bëhej për herë të parë mbretëreshë e rruzullit tokësor. Më 1987 në librin “Nga 2-3-5,në 4-4-2, (vështrim historik mbi evoluimin e sistemeve taktike të futbollit tonë”,  në një kapitull të tërë është  ndalur edhe në evoluimit e këtyre sistemeve në futbollin botëror. Së fundi, më 1998 botoi librin “Yjet e futbollit botëror”, ose një rrëfim mbi futbollistët më të mirë deri në botërorin e futbollit që zhvillohej atë vit  në Francë, i cili  u mbyll në Paris me hegjemoninë absolute të tringjyrëshëve të Zidanit dhe suitës së tij.

Dhe ja, tani para Botërorit rudi’2018,  që fillon në verën e këtij viti , ai  i  kthehet historisë së kë këtyre botërorëve.

”Por nuk dua të përsëris veteveten,- thotë ai.- Ndaj zgjodha një rrugë që më duket origjinale dhe  tërheqëse për lexuesit: të shkruaj për botërorët e futbollit, duke u bazuar në kujtimet e Nando Martelinit, komentatorit të madh italian, që ka komentuar tetë kampionate botërore nga viti 1954 deri më 1982, të Anton Mazrekut, babait të gazetarisë sportive të penës dhe mikrofonit dhe në  përjetime  të miat  nga disa prej këtyre botërorëve. Do të hedh në letër edhe ngjarje të tjera që lidhen me komentimet e mia në TVSH të këtyre botërorëve”.

Pra, ai nuk do të bëjë me lexuesit një udhëtim si Fileas Fogu i romanit  “80 ditë rreth botës”,të  shkrimtarit të famshëm Xhyl Vernit, por një udhëtim tjetër    “88 vjet rreth planetit të futbollit, (1938-2014), duke u ndalur në disa nga tiparet më kurreshtare të tij.

Kur Martelini ishte vetëm …9 vjeç, Uruguai kurorëzohej kampion  i parë i rruzullit tokësor, (Urugai, 1930)

Me Nando Martelinin, (1920-2004), u takova në ditët e para të shkurtit të vitit 1994 në Romë, ku ai jetonte. Kisha shkuar atje për dy javë më  një sponsorizim nga “Sorosi” për të hulumtuar dokumente që do të më duheshin për të shkruar librin “Historia e Radiotelevizionit Shqiptar,(1938-1990). Kështu qysh në ditët e para të qëndrimit tim në kryeqytetin e lashtë italian, i telefonova njerit prej komentatorëve më në zë të RAI-t të të gjithë kohëve. E njoha menjëherë zërin e tij dhe, kur më pyeti se kush isha, iu përgjigja ”Martelini albanese”. Atëbotë, qeshi me të madhe dhe pranoi

me kënaqësi  të takoheshim para ngrehinës së   “Dimensione Sounos”, radio private, shumë popullore në  Romë dhe në Italinë e mesme. Dhe aty, në një studio të saj bëra një intervistë me të për  Radio Tiranën.

Pastaj,  nën  shoqërinë e një shisheje vere “Kallmet”’që i dhurova, vazhduam bisedën. Por këtë radhë, jo për veprimtarinë e tij të gjatë dhe interesante në mikrofon dhe kamera, por për botërorët e futbollit. Dhe shkas  u bë një revistë javore italiane që kishte filluar të botonte faqe nga historia e botërorëve të  futbollit, me rastin e botërorit që do të zhvillohej  pas disa  muajsh në SHBA.

E shfletova atë revistë dhe u ndala te kampionati i parë, zhvilluar më 1930 në Uruguai. E dija që Martelini kishte lindur më 1921 dhe vështirë të kishte kujtime   për botërorin uruguajan.

“Është e vërtetë ,- mu përgjigj.- Atëherë, si $do fëmijë kisha nisur të luaja edhe unë futboll dhe kisha dëgjuar se $’ishte ky kampionat Por skuadra axurra  nuk shkoi në Uruguai. Po kështu edhe shumë vende të tjera të Evropës , dukë filluar nga Anglia Austria, Spanja, Gjermania. Përse? Sepse e nënvleftësuan, se rruga ishte e gjatë dhe udhëtimi bëhej me anije, se bota ende nuk kishte dalë nga kriza e madhe pas Luftës së Parë Botërore?…

Po e nisim me anglezët dhe skocezët. Ata i ranë shkurt: ”Ne kemi shpikur futbollin që luhet me kaq pasion në tërë kontitentet e botës, pra jemi ligjërisht kampionë të rruzullit tokësor!..”.

– Italianët, -vazhdoi Martelini, gjykuan ndryshe. Sapo kishin fituar Kupën Ndërkombëtare ku merrnin pjesë skuadra të Evropës Qendrore, duke shpartalluar 5:0 Hungarinë, bash brenda në Budapest. Ishin kështu në ekstazë…

Edhe francezët ngurronin.  Por i tundi Zhyl Rimeja , presidenti i FIFA-s  ai që kishte dhënë idenë e zhvillimit të një veprimtarie të tillë, e cila do të bëhej kaq popullore në botë dhe që ishte  përligjur në kongresin e saj të zhvilluar në Barcelonë më 1929,e quajtur  për nder të tij u Kupa Zhyl Rime. Belgët,f qinjët e francezëve, morën pjesë në botërorin e parë, vetëm  pasi  i vuri përpara  bashkatdhetari i tyre, Rudolf Seendraiers, që ishte as më shumë dhe as më pak, por… zëvendësi i Rimesë.

Nuk thonë kot që gratë shtien djallin në shishe. Por  bukuroshja Magda Lupesku, e dashura, që pastaj do të bëhej edhe gruaja e mbreti Karli  II të Rumanisë, qejfi lojërash dhe gjahu,   ia mbushi atij mendjen top që skuadra rumune   të nisej për në  aventurën e largët uruguajane. Dhe kështu u bë…

Përkundrazi, mbreti i një  vendit tjetër ballkanik, Aleksandri i Jugosllavisë, ose me fjalë të tjera, i mbretërisë Serbo-Kroato-Sllovene, të mbiquajtur me këtë emërtim të  ri gjeografik- Jugosllavi, që për herë të parë i shtohej gjeografisë së Evropës  dhe ku përfshiheshin edhe Mali i Zi, Maqedonia dhe Kosova, e shkëputur përdhunshëm nga trungu i Shqipërisë në Konferencën famëkeqe  të Ambasadorëve  mbajtur në Londër, më 1913, pati shumë qejf që skuadra përfaqësuese e vendit të tij të ndërmerrte këtë rrugëtim në kontinentin e ri. Por puna është se kroatët nuk donin të luanin bashkë me serbët në një skuadër. (Edhe sot ndeshjet midis Serbisë dhe Kroacisë, tashmë dy shtete të ndryshme, u shëmbëllejnë kacafytjeve midis këndezave). Kështu  u vendos që Jugosllavinë ta përfaqësonin  futbollistët e dy klubeve të Beogradit, BSK dhe SK Jugosllavia dhe tre lojtarë, po serbë, që luanin në klube franceze…”

Ndërsa  Martelini vazhdonte, mendova me vete:” Mos ndodhi e njëjta gjë me një mbret tjetër të një vendi ballkanik, pra me mbretin tonë, Zog dhe kësisoj Shqipëria refuzoi të shkonte në Uruguai?!..Jo. Shqipëria kishte halle të tjera. Sidoqoftë, më 1930  organizonte kampionatin e parë të futbollit, e pastaj me radhë të tjerat,t ë cilat komunistët, me të ardhur në fuqi, i fshinë nga historia, si  shumë ngjarje në fusha të arsimit dhe kulturës, duke i filluar kampionatet   që nga ai që u zhvillua  më 1945-ën… Jo vetëm kaq, por nuk përmendën për vite e vite që më 1932 Shqioqria bëhej dhe anëtare e FIFA-s.”

Dukë dëgjuar vazhdimin e tregimit të Martelinit, kujtova dhe ngjarje të tjera që të bëjnë të vesh buzët në gaz, të cilat i kisha lexuar në shtypin e huaj sportiv:

Çuditërisht, me të njëjtën anije italiane “Konte Verde” që u nis nga Gjenova për në Uruguai,, por pa… italianë, udhëtuan tri ekipe,_ai  i Francës, i Rumanië dhe i Begjikës. Bashkë me ta edhe presidenti Zhyl Rime me Kupën e Botës, të mbiquajtur Kupa a e Perëndeshës së fitorës, Nike, vepër e skulptorit francez, Abel Lafrër, 30 cm, e gjate , me peshe 1.800 gr., por  aq e lakmuar, deri sa më 1970, duke e fituar për tri herë, e zotëruan përjetësisht brazilianët. Për $do të pa pritur, Zhyl Rimeja e vendosi kupën në kasafortën e kapitenit të anijes.

Bashkë me taborin e mësipërm udhëtuan edhe tre gjyqtarë, belgët Zhan Langenus, që do të bëhet më pas personazh i këtij i rrëfimit të këtij botërori   dhe Henri Kristof, si dhe francezi Xhon Baluei.

Gjatë 15 ditëve që anija çante Atllantikun, në kuvertën e saj këto skuadra  u stërvitën ashtu si mundën bashkërisht,  nën sytë e gjyqtarëve, u miqësuan kështu me njeri-tjetrin , për t’u “armiqësuar” në fushat e futbollit…

Jugosllavët, si të mos begenisnin, udhëtuan për në Uruguaj nga Marseja, me anijen “Florida”. Brazilianët po me anije zbarkuan në Montevideo nga Rio de Zhaneiro.

Të papriturat e ndeshjeve…  

Vërtet Uruguai nuk ishte veçse një pikë e vogël në globin tokësor. Por ama ishte dy herë fitues i medaljeve të arta të futbollit në olimpiadat e Anversë dhe Parisit më 1924 dhe 1928 .Dhe  më 1930 kremtonte 100- vjetorin e pavarësisë. Ndërtonte  edhe stadiumin të quajtur enkas “Sentemario” (Njëqindshi), me nxënësi prej… 90 mijë shikuesish dhe bashkë me stadiumin tjetër të Montevideos, ”Park Central”, bëhej arena e 18 ndeshjeve të Botërorit të Parë.

Dhe, për më tepër,  dëshmoi se përsëri meritonte të mbante në dorë skeptrin e sovranit të futbollin të tërë planetin tonë,  sidoqë midis 13 skuadrave, prej të cilave nga kontinenti plak ishin Belgjika, Franca, si  dhe  dy skuadrat ballkanike, Rumania dhe Jugosllavia, që përmenda më sipër. Boshllëkun e plotësonin një elitë skuadrash jugamerikane- Argjentina, Brazili, Kili, Meksika, Bolivia, Peruja…Pra, gjithsej 13 skuadra. Numër ters? Por jo për disa: Këto ishin Argjentina me SHBA-në  dhe Uruguai me  Jugosllavinë, që arritën në gjysmëfinale. Argjentinasit, sikur të luanin tenis,  shpejt e shpejt “lanë  hesapet” me kundërshtarët me të njëjtin rezultat tenistik, 6:1 dhe kryqëzuan shpata në finale me Uruguain.. .

Duke shfletuar atë revistë, mu kujtuan episode të tjera që kam lexuar në libra revista të tjera, kushtuar këtij botërori , që nisi më dëborë , meqë në hemisferin jugor ku shtrihet Uruguai në atë periudhë  bën dimër, për të përfunduar në një ditë pranverore në takimin final.

Urugajanët dëshmuan  traditën: u shtuan dy medaljeve olimpike dhe medaljet e kampionëve të botës. Argjentina, sido që udhëhoqi 2-1, kapitulloi pas tre golave të Seas, Iriartes dhe Kastros.

Argjentinasve u hipën xhindët në kokë. Pas humbjes në finalen e Olimpiadës së Amsterdamit më 1928,(2-1), dilnin  përsëri kokulur nga stadiumi “Sentenario”. Zemërimi  arriti deri në Buenos Aires, ku turma tifozësh kërkuan  t’i vënë flakën ambasadës uruguajane. Dhe kjo, sepse argjentinasit ngulnin  këmbë se në shkallët  e “Sentenarios” ishte krijuar një gjendje e nderë që i kishte $oroditur  paraardhësit e Maradonës deri në atë farë feje, saqë kishin humbur… torruan, dhe, si pasojë, edhe ndeshjen, se, sikur ajo  të ishte luajtur në kushte normale… ta shihnin ata uruguajnët mendjemëdhenj se $’do t’u punonim, se,  $’t’i bësh atij gjyqtarit … dhe kësisoj   “fitorja na shkau nga duart”, e bla, bla, bla të tjera.

Kësaj zallalamahie i shpëtoi  për mrekulli pikërisht gjyqtari belg, Langenus, që përmenda më sipër. Gjatë takimit , me vërshëllimat e tij, ai jo rrallë  ndëshkoi futbollistët e famshëm argjentinas, Andrade dhe Monti, pa marrë me mend se $’telashe do t’i sillte vetes.

Në fakt ishte gjyqtar me përvojë, që kishte  nisur të gjykonte që më 1912, duke pasur rival të rreptë vetëm anglezin Stenli Rouz, i cili më pas do të bëhej  presidenti i FIFA-s, dhe Marrasin, që edhe ai do të bëhej më pas  presidenti i Federcalcio-s italiane.

Langenusi kishte  gjykuar në shumë fusha “të nxehta”  të Evropës, por jo si në Montevideo.Për të mos prishur qejf vendosi me urtësi që në pjesën e parë loja të luhej me topin uruguajan dhe në pjesën e dytë me topin argjentinas, thua se topat të kishin  fuqi $udibërëse.

Por  jo gjithçka shkoi vaj…

Kështu, me të mbaruar ndeshja, ashtu sic ishte, i veshur ne zhaketë kadifeje, në xhepin e sipërm të së cilës kishte  varur bilbilin, me killota, këmishë të bardhë dhe kravatë, $uditërisht rregullorja e atëhershme e futbollit e lejonte këtë… luks, doli  nga një derë e fshehtë e stadiumit, iu turr një makine, e cila e përcolli drejt e në port, ku e priste anija shpëtimtare, nga $do sulm i tifozëve argjentinas që donin  ta shqyenin.(A nuk ndodhi kështu në gjysmëfinalen e Champions League së vitit 2009 në Londër, midis Çelsit vendas dhe Barceslonës, ku gjyqtari norvegjez, Obredo, ia mbathi  nga një derë pas hotelit ku bujtte, si në filmat holivudianë, për  t’u shpëtuar tifozëvë anglezë  për dy 11-metërsha që padrejtësisht nuk ua dha ?).

Sidoqoftë, kujtimi i finales së Botërorit të Parë, në Montevideo, do ta bënte Langenusin  të ndjehej krenar, derisa të mbyllte  sytë më 1952, pasi kishte   gjykuar 84 takime ndërkombëtare, duke përfshirë edhe ndeshje të botërorëve, më 1934 në Itali dhe më 1938 në Francë.

Po të kthehemi edhe një herë te ndeshja Uruguai-Argjentinë…

“Debatet  që qarkullonin vetëm në rrethe të mbyllura sportive,- nisi sërishmi tregimin e tij Martelini,- u frynë e morën përpjesëtime të madha. Nuk mbeti prapa edhe shtypi. Ato  pastaj u kthyen në  sharje dhe fyeje.. .Si pasojë, marrëdhëniet “diplomatike” midis dy federatave përkatëse të futbollit u ndërprenë me afat të pacaktuar.

Megjithatë,  fakti mbetet fakt: Uruguai i vokël, i njohur për kopetë e bagëtive,  që zinte një rrip tokë në juglindje të Amerikës së Jugut,  me një populllsi e cila  mezi kapërcente dy milionët ishte tashmë “Meka e futbollit botëror”.

Gjysmëfinalet:

Argjentina-SHBA 6:1;

Uruguai-Jugosllavi 6:1.

Finalja

Uruguai-Argjentinë 4:2;

Emrat  e kampionëve të parë të botës:

Balestro,Andrade,Fernandes,Pestido, Nazaci, Maskeeroni, Dorado,Skaron,Kastro,Sea, Iriatre, u shënua në librin e artë të botërorëve te futbollit.

Nënkampionët:

Botaso,Dela,Tore, Paternoster, Evaristo, Monti, Juares,Peusele, Varalo, Stabile, Ferreira, M.EM.Evaristo.

Golshënuesi më i mirë:

Stabile, (Argjentinë), 8 gola.

Nga galeria e yjeve:

Stabile, (Argjentinë), Nazazi, (Uruguai), Maskeroni, (Uruguai), Monti,(Argjentinë),Skarone, (Uruguai)

Ndeshje- 18;

Gola- 70, (3.89 për ndeshje);

Shikues- 590.549,( 32.808 për ndeshje)

Sllavët irritohen me festën kuqezi në Tetovë

Cilin shtet do të përfaqësojë Shkëndija e Tetovës? Shqipërinë apo ish-Republikën Jugosllave të Maqedonisë? Kjo është pyetja ironike që ngrenë mediat në vendin fqinj, dukshëm të bezdisura nga festa kuqezi e Tetovës. Përballja ndaj Pelisterit legjitmoi një titull të fituar javë më parë dhe që i dha jetë festës së nje etnie të tërë.

Shqiptarët në Maqedoni janë praktikisht gjysma e popullatës, etni shtetformuese, por që në 27 vitet e ekzistencës së FYROM-it, ka vuajtur trajtimin e pabarabartë nga pjesa sllave ndaj dhe kurrë nuk ka harruar të evokojë origjinën e saj. Prandaj dhe stadiumi i Tetovës ishte i gjithi kuqezi. Kuqezi si fanella e Shkëndijës, kuqezi si uniforma e Ballistëve, kuqezi si flamujt kombëtarë të shpërndara në tribunat e impiantit.

Portali “Sport” shkruan: “Pas dy muajsh, kur të nisë champions league cilin vend do të përfaësojë Shkëndija? Festa në Tetovë ishte kuqezi me shqiponjat që fluturoi në stadium si pjesë e koreografisë së tifozëve”. Sezonin e shkuar Shkëndija u aktivizua në Europa League.

Në të gjitha transfertat që mori pjesë, skuadra e Tetovës u mirëprit në gjuhën shqipe “Mirë se vini”, por edhe atëherë mediat sllave u bezdisën!

Era do të këndojë himnin e Kampionatit Botëror, ja kur publikohet kënga

Një tjetër arritje do të shënohet në karrierën e këngëtares Era Istrefit.

Siç u njoftua më parë, Era do të jetë ajo që do të këndojë himnin e Kampionatit Botëror të FIFA-s së bashku me Will Smith dhe Nicky Jam.

Por a jeni kurioz se kur do të publikohet kënga? “The Guardian” pohon se menaxheri i Nicky Jam, në një intervistë për “W Radio”, deklaroi se kënga do të lancohet këtë të premte, më 25 maj.

Me siguri ky bashkëpunim do të jetë i suksesshëm dhe kënga do të kthehet në hit.

Kampionati do të zhvillohet në Rusi, nga 14 qershor-15 gusht.

HRW thirrje liderëve botërorë: të bojkotohet Kupa e Botës në Rusi

Pamje e stadiumit të ri Mordovia Arena në Saransk, Rusi
Organizata ndërkombëtare për të drejtat e njeriut Human Rights Watch u bëri thirrje udhëheqësve botërorë të bojkotojnë ceremoninë e hapjes së Kampionatit Botëror të Futbollit në Rusi, nëse presidenti rus, Vladimir Putin, nuk ndërmerr hapa për të mbrojtur civilët sirianë.

Kampionati nis muajin e ardhshëm.

Rusia, e cila është nikoqire e tij për herë të parë, është mbështetëse e presidentit të Sirisë, Bashar al-Assad, në luftën civile të këtij vendi.

Human Rights Watch tha se përgjegjësia e Moskës për vuajtjet e civilëve sirianë nuk duhet të neglizhohet.

“Me organizimin e njërës prej ngjarjeve më të shikuara televizive në botë, Rusia ballafaqohet me opinionin publik dhe kërkon respekt”, tha drejtori ekzekutiv i Human Rights Watch, Kenneth Roth.

Ai tha se udhëheqësit botërorë “duhet t’ia bëjnë me dije Putinit se nëse ai nuk e ndryshon rrugën dhe nuk vepron për t’iu dhënë fund mizorive nga focat ruse dhe siriane në Siri, ata nuk do të jenë në ulëset e tyre në natën e hapjes së Kampionatit”.

Kampionati Botëror i Futbollit pritet të shihet në televizion nga miliarda njerëz në mbarë botën.

Mancini publikon listën, spikatin Balotelli dhe shumë emra të rinj

Ka nisur edhe ‘era’ Mancini për Italinë, me teknikun e sapoemëruar që ka bërë publike listën me 30 lojtarët që do të grumbullojë në debutimin e tij me 3 ndeshje miqësore.

Bie në sy, ashtu siç pritej, rikthimi i Mario Balotellit, ndërsa janë lënë jashtë disa emra të rëndësishëm, përfshirë këtu edhe Gigi Buffonin dhe Daniele De Rossin.

Italia do të luajë 3 miqësore, fillimisht me Arabinë Saudite më 28 Maj, në St. Gallen të Zvicrës, më pas në 1 Qershor me Francën, në Nicë dhe më 4 Qershor me Holandën në Torino.

Ja lista me 30 të grumbulluarit e Mancinit:

Portierë: Gianluigi Donnarumma (Milan), Mattia Perin (Genoa), Salvatore Sirigu (Torino);

Mbrojtës: Leonardo Bonucci (Milan), Mattia Caldara (Atalanta), Domenico Criscito (Zenit San Pietroburgo), Danilo D’Ambrosio (Inter), Mattia De Sciglio (Juventus), Emerson Palmieri Dos Santos (Chelsea), Alessio Romagnoli (Milan), Daniele Rugani (Juventus), Davide Zappacosta (Chelsea);

Mesfushorë: Daniele Baselli (Torino), Giacomo Bonaventura (Milan), Bryan Cristante (Atalanta), Alessandro Florenzi (Roma), Frello Filho Jorge Luiz Jorginho (Napoli), Rolando Mandragora (Crotone), Claudio Marchisio (Juventus), Lorenzo Pellegrini (Roma);

Sulmues: Mario Balotelli (Nizza), Andrea Belotti (Torino), Domenico Berardi (Sassuolo), Federico Bernardeschi (Juventus), Federico Chiesa (Fiorentina), Ciro Immobile (Lazio), Lorenzo Insigne (Napoli), Matteo Politano (Sassuolo), Simone Verdi (Bologna), Simone Zaza (Valencia).

Conte: Unë jam fitues serial, nuk do të ndryshoj

“Nëse duan edhe më tej të vazhdojnë me mua, ata më njohin, unë nuk mund të ndryshoj. Rruga ime çdo herë është e njëjtë”, ka thënë Conte

LONDËR – Trajneri i Chelsea-t, Antonio Conte (48), pas triumfit të djeshëm në finalen e FA Kupës së Anglisë ndaj Manchester United-it me rezultatin 1:0 deklaroi se ai është një “fitues serial” dhe se kurrë nuk do të ndryshojë.

Edhe pse Chelsea radhitet në vendin e pestë në tabelën e Premier Ligës dhe nuk ka siguruar vend në Ligën e Kampionëve, trajneri italian beson se sezoni ishte i suksesshëm.

“Ky sezon ishte i rëndë për disa arsye. Unë parashikoja në fillim të sezonit se do të jetë e vështirë, por morëm vendin e pestë dhe fituam FA Kupën. Kemi humbur një vend në Ligën e Kampionëve, kjo nuk është e mirë për një klub si Chelsea. Duhet ta them sinqerisht, por në të njëjtën kohë mendoj se duhet ta dini situatën reale që ky grup lojtarësh dha gjithçka. Madje, edhe në sezonin e vështirë unë dëshmova se jam një fitues serial”, tha Conte.

Për shkak të vendit të pestë në kampionat, në vitet e fundit janë shtuar spekulimet se Conte do të largohet nga stoli i Chelsea-t, pavarësisht nga trofeu i FA Kupës.

“Kam një kontratë dhe jam i përkushtuar në këtë klub. Edhe me spekulime pozicioni im ka qenë gjithmonë i njëjtë, dhe kjo është se unë jam plotësisht i përkushtuar ndaj Chelsea-t. Unë e kuptoj se klubi mund të marrë një vendim pozitiv ose negativ. Është e vërtetë se klubi po kërkon shumë. Por, pas dy vitesh klubi im më njeh shumë mirë. Nëse ata duan të vazhdojnë të punojnë me mua ata më njohin, nuk mund të ndryshoj. Rruga ime është gjithmonë e njëjtë, dhe kjo është një punë e vështirë dhe ndërtimi i një mentaliteti të fortë me lojtarët e mi. Jam një fitues serik dhe këtë e dëshmova në Angli pas momenteve të vështira në klub. Vendimi për të më vendosur si trajner, klubit i sollën dy trofe në dy sezone”, përfundoi Conte.

Karrierën e tij eksperti italian e filloi në Arezzo dhe pastaj udhëhoqi skuadrat si Bari, Atalanta, Siena, Juventus dhe kombëtaren e Italisë. aa

Platini pranon se është trukuar shorti për Botërorin Francë 1998

Michel Platini ka thënë se orari ka qenë i kurdisur në atë mënyrë që, nëse Franca dhe Brazili përfundojnë të parët në grupet e tyre të mos mund të takohen deri në finale

SHKUP – Ish-kryetari i UEFA-s, Michel Platini, ka pranuar se gjatë shortit për Botërorin Francë 1998, është bërë “një trukim i vogël”, në mënyrë që Franca të shmang Brazilin deri në finale të Kampionatit Botëror.

Platini, në atë kohë anëtar i komitetit organizativ të kampionatit, pohimet i bëri gjatë një interviste me radion France Bleu Sport.

“Kur organizuam orarin e takimeve, bëmë një trukim të vogël. Francë-Brazil në finale të kampionatit ishte një ëndërr për secilin”, tha Platini në intervistën në fjalë.

Ai ka thënë se orari ka qenë i kurdisur në atë mënyrë që, nëse Franca dhe Brazili përfundojnë të parët në grupet e tyre të mos mund të takohen deri në finale.

“Mendon se organizatorët tjerë të Kampionateve Botërore nuk bëjnë diçka të tillë?”, i tha Platini gazetarit të radios France Bleu Sport.

Në finale, Franca mundi Brazilin me rezultatin 3:0.

Dy ditë para se të mbahej shorti, FIFA bëri të ditur se Brazili do të vendoset në grupin A, ndërsa Franca në grupin C, që nënkuptonte se nëse fitojnë vendin e parë në grup, dy kombëtaret do të ndodhen në anët e kundërta të shortit për fazën eliminatore.

FIFA me arsyen se ish-presidenti i FIFA-s, Sep Blatter i kishte dhënë Platini-së 2 milionë franga zvicerane, i pati dënuar të dy me nga 8 vite largim nga futbolli.

Më pas Bordi i Arbitrazhit të FIFA-s pati ulur dënimin e Platini-së nga 8 në 6 vite, dhe më pas Platini e apeloi serish këtë masë në CAS, e cila zbuti dënimin në katër vite. aa

Buffon i thotë lamtumirë Juventusit

“Këtë të shtunë për herë të fundit do të mbrojë portën e Juventusit kundër ekipit Hellas Verona”, tha portieri me famë botërore i Juventusit, Gianluigi Buffon

Portieri me famë botërore i klubit të Seria A, Juventus, Gianluigi Buffon, njoftoi se këtë të shtunë do të paraqitet në ndeshjen e fundit me klubin e tij.

Portieri 40 vjeçar në një konferencë për media tha se edhe pse ende nuk ka vendosur në lidhje me pensionim do të largohet nga Juventusi. “Këtë të shtunë për herë të fundit do të mbrojë golin e Juventusit kundër ekipit Hellas Verona”, tha ai.

Buffon tha se ka rishikuar vendimin për pensionim dhe në këtë periudhë ka marrë shumë oferta. “Para 15 ditëve kisha vendosur që ta braktis futbollin. Ndërsa sot nuk jam i sigurtë me këtë vendim timin. Mora oferta nga shumë klube për brenda dhe jashtë fushës. Ofertën më të mirë jashtë fushës e bëri Juventusi”, tha Buffon.

Portieri italian tha se javën e ardhshme do të japë vendimin përfundimtar në lidhje me karrierën e tij.

Në Juventus pas Buffonit pritet që portieri i kombëtares së Polonisë, Wojciech Szczesny të mbrojë portën e “Zonjës së vjetër”.

Buffon është në mesin e portierëve më të mirë të futbollit botëror. Ai për 17 sezone pandërprerë ka veshur fanellën e Juventusit ndërsa ka fituar 10 herë titullin e kampionit me skuadrën e tij në Serie A dhe një në Serie B, 4 Kupa të Italisë dhe 5 Super Kupa të Italisë.

Ai me klubin e mëparshëm Parma fitoi UEFA Kupën, Kupën e Italisë dhe Super Kupën e Italisë. Buffon ka veshur fanellën e kombëtares së Italisë në 176 ndeshje me të cilën fitoi Kampionatin Botëror në vitin 2006.

Maradona emërohet president i Dinamo Brest

Maradona me punë do të duhet të fillojë pas Kampionatit Botëror në Rusi

MINSK – Ish-futbollisti legjendar argjentinas Diego Armando Maradona është emëruar për president të klubit futbollistik bjellorus Dinamo Brest.

Në njoftimin e klubit thuhet se me Maradona-n (57) është nënshkruar kontratë në periudhë prej tre viteve, ndërsa argjentinasi do të vazhdojë të kontribuojë në zhvillimin strategjik, interaksion të njësive strukturale dhe akademinë e klubit.

Maradona me punë do të duhet të fillojë pas Kampionatit Botëror në Rusi.

Në karrierën e tij të pasur, Maradona me fanellën e Argjentinës ka fituar Botërorin në vitin 1986 si dhe ka luajtur për klubet si Boca Juniors, Napoli, Barcelona dhe Sevilla.

 

Mancini zyrtarisht trajner i Italisë

“Federata e Futbollit të Italisë bën të ditur se është arritur marrëveshje me Roberto Mancinin, i cili është trajner i ri i kombëtares dhe do të prezantohet më 12 maj”, njoftuan nga FF e Italisë

ROMË – Federata e Futbollit të Italisë mbrëmë edhe zyrtarisht bëri të ditur se Roberto Mancini është trajner i ri i kombëtares.

Pasi javën e kaluar arriti marrëveshje për shkëputjen e kontratës me Zenit-in e Shën Petersburgut, Mancini të hënën qëndroi në Romë ku dakordoi detajet.

“Federata e Futbollit të Italisë bën të ditur se është arritur marrëveshje me Roberto Mancinin, i cili është trajner i ri i kombëtares dhe do të prezantohet më 12 maj në qendrën teknike në Covercian”, njoftuan nga FF e Italisë.

Ndonëse nga Federata nuk është konfirmuar, mediat italiane pohojnë se Mancini ka nënshkruar kontratë për ciklin kualifikues për Kampionatin Evropian 2020. Ai duhet të fitojë nga dy milionë euro në vit, me bonuse për plasimin eventual në EURO 2020.

Mancini në pankinën e “Azzurëve” duhet të debutojë më 28 maj në ndeshjen miqësore kundër Emirateve të Bashkuara Arabe. aa

Salah merr edhe një çmim të futbollistit të vitit

Në votimin e bërë me pjesëmarrjen e kapitenëve të klubeve, ekspertëve dhe tifozëve, Salah ka fituar çmimin e futbollistit të vitit

Futbollisti egjiptian i Liverpool-it, Mohamed Salah, këtë vit për herë të tretë ka fituar çmimin futbollisti i vitit në Premier Ligën Angleze.

Sipas njoftimit nga ueb faqja e Premier Ligës, në votimin e bërë me pjesëmarrjen e kapitenëve të klubeve, ekspertëve dhe tifozëve, Salah ka fituar çmimin e futbollistit të vitit duke lënë pas Kevin De Bruyne dhe Raheem Sterling nga Manchester City, Harry Kane nga Tottenham, David De Gea nga Manchester United, dhe James Tarkowski nga Burnley.

Salah më parë kishte fituar çmimin e futbollistit të vitit nga Shoqata e Futbollistëve Profesionistë dhe Shoqata e Shkrimtarëve të Futbollit, ku e fitoi për herë të tretë këtë çmim në sezonin në vijim.

Ylli egjiptian këtë sezon me fanellën e Liverpool shënoi 31 gola në 35 ndeshje të Preimer Ligës, ndërsa 3 herë kishte fituar çmimin futbollisti i muajit. aa