VOAL

VOAL

Please Wait ...
0%

Lleshi kërkon shkarkimin si gjeneral (dokumente)

By | November 12, 2018

Komentet

Anti-mitingu i Ramës, administrata e jugut të vendit thërritet me lista për të ardhur në Vlorë

Mësues e punonjës të administratës në thuajse të gjithë jugun e vendit janë thërritur me detyrim që t’i hipin furgonave dhe autobusëve ditën e nesërme për të qenë të pranishëm në Vlorë, atje ku kryeministri Edi Rama do të mbajë një anti-miting kundrejt protestës së organizuar nga opozita në Tiranë.

Rama e ka “mbuluar” anti- mitingun e tij nën petkun e ciklit të takimeve “Bashkia që duam”, të cilën e zhvillon prej disa ditësh tashmë dhe nga ku bën batuta e monologje përpara qytetarëve.

Express mëson se dhjetëra autobusë nga Lushnja, Fieri, Patosi e deri nga Saranda do të nisen në drejtim të Vlorës ditën e nesërme, që Rama të mbajë një monolog në Sheshin e Flamurit në qytetin bregdetar. Punonjësit e administratës dhe mësuesit mësohet se janë thirrur me lista për të qenë të pranishëm në anti- miting.

Rama i ka dhënë porosi kryebashkiakëve dhe deputetëve të zonave respektive që të sjellin sa më shumë njerëz, në një orvatje për të bërë “luftë” numrash nëpër sheshe, pasi kujtojmë se ditën e nesërme opozita do të zhvillojë protestën e saj, e munguar prej thuajse 10 muajsh. Takimi do të tentohet të transmetohet në sa më shumë media për të “mbytur” protestën e opozitës./Express

Pezullohet greva në Aeroportin e Prishtinës, pritet të vazhdojë javën e ardhshme

Kontrollorët e trafikut ajror në Aeroportin Ndërkombëtar të Prishtinës, “Adem Jashari”, kanë thënë se nuk do të mbajnë grevën e paraparë për të shtunën dhe të hënën e javës së ardhshme.

Kryetari i Sindikatës së Kontrollorëve Ajrorë, Artan Hasani, ka thënë për Radion Evropa e Lirë se greva do të vazhdojë përsëri javën e ardhshme, përkatësisht në ditët e vikendit.

“Ne do ta mbajmë grevën e paraparë për sot (e premtë) deri në orën 16:00 por nuk do të mbajmë grevë të shtunën dhe të dielën. Greva do të vazhdojë javën e ardhshme, ditën e premte, të shtunën dhe të dielën me nga 12 orë”, ka thënë Hasani.

Kontrollorët ajrorë sot kanë hyrë në ditën e tretë të grevës, me kërkesën e vetme të mospërfshirjes së tyre në Ligjin për paga, për shkak të, siç thonë, cenimit të pavarësisë së këtij institucioni.

Ligji i ri parasheh ulje të pagave për kontrollorët ajrorë.

Menaxheri i planifikimit të fluturimeve në Aeroportin Ndërkombëtar të Prishtinës, Driton Hyseni, ka njoftuar përmes një komunikate në rrjetin social, Facebook se janë anuluar tetë fluturime për shkak të grevës.

“Gjithsej të planifikuara kemi pasur 19 arritje e 19 shkuarje, por për shkak të grevës janë anuluar 8 arritje dhe 8 shkuarje. Aktualisht mbeten 11 arritje dhe 11 shkuarje në plan të realizohen. Kuptohet se disa nga fluturimet janë riprogramuar duke evituar kornizën kohore të grevës së paralajmëruar për sot”, ka shtuar Hyseni.

Të enjten, Ministria e Infrastrukturës dhe Transportit e Kosovës ka njoftuar se ka pranuar me shqetësim vazhdimin e grevës nga kontrollorët e trafikut ajror.

“Për shërbimet e rëndësisë jetike, siç është shërbimi i navigimit ajror, nevojiten të plotësohen disa kushte të caktuara dhe të sigurohet minimumi i procesit të punës gjatë grevës, duke mos e rrezikuar në asnjë moment sigurinë e aviacionit, jetën apo shëndetin e njerëzve dhe duke parandaluar shkaktimin e dëmit me pasoja të mëdha”, është thënë në komunikatën për media të Ministrisë së Infrastrukturës.

Ndërkohë Autoriteti i Aviacionit Civil i Kosovës, iu ka bërë thirrje kontrollorëve të trafikut ajror që të ndërprejnë grevën duke pasur parasysh pasojat e mëdha për publikun që udhëton dhe humbjet tjera direkte e indirekte që mund të shkaktohen.

“Përderisa bashkë ndjejmë shqetësimin e udhëtarëve të prekur nga greva, informojmë opinionin se kompanitë ajrore janë njoftuar me kohë mbi grevën dhe orarin në mënyrë që ato të kenë mundësinë e organizimit të tyre pa e cenuar sigurinë në asnjë mënyrë” është thënë ndër të tjera në komunikatë.

Çështja Dajti, euro e municione në banesën e gjyqtarit

Në Shqipëri forcat speciale të policisë ushtruan sot kontroll në banesat e tre nga pesë anëtarët e trupës gjykuese të Apelit të Krimeve të Rënda, të cilët javën e shkuar ulën në 25 vjet burg, dënimin me burgim të përjetshëm të Dritan Dajtit, i akuzuar për vrasjen 10 vjet më parë të 4 policëve. Kontrollet u realizuan në bazë të një vendimi të Gjykatës së Krimeve të Rënda, pasi më parë, Prokuroria e Krimeve të Rënda të Shkallës së Parë hapi procedim penal ndaj tre gjyqtarëve Skënder Damini, Petrit Aliaj dhe Aleks Nikolla.

Sipas njoftimeve të para, në banesën e gjykatësit Damini, janë gjetur të pajtën 17 mijë euro si dhe “një sasi municioni”, bëri të ditur në një deklaratë të saj policia pa dhënë detaje, duke shpjegur se “operacioni policor është në vazhdim”. Gjykatësi Damini është shoqëruar në Drejtorinë e Policisë së Tiranës për të dhënë shpjegime.

Dritan Dajti i ishte drejtuar Apelit të Krimeve të Rënda duke kërkuar gjykim të shkurtuar. Për të marrë një vendim, u përzgjodhën 5 anëtarë të gjykatave të Apelit të rretheve, nga të cilët dy prej tyre, votuan kundër uljes së dënimit për Dajtin.

Vendimi shkaktoi polemika të shumta. Ministrja e Drejtësisë Etilda Gjonaj foli për një “një skandal të papranueshëm nё pёrmasa tё patolerueshme. Vendimi i trupës së gjyqtarëve për pranimin e gjykimit të shkurtuar për uljen e dënimit me 25 vjet për një të pandehur që akuzohet për vrasjen e 4 policëve tregon qartë se kemi të bëjmë me një aferë korruptive dhe në kundërshtim me kodin e procedurës penale”.

Ministrja Gjonaj i është drejtuar ndërkohë Këshillit të Lartë Gjyqësor, duke kërkuar “hetim disiplinor të veprimtarisë së anëtarëve të trupës gjyqësore, që kanë gjykuar çështjen kundër të dënuarit Dritan Dajti, për shkelje të rënda profesionale dhe etike që diskreditojnë pozitën dhe figurën e gjyqtarit gjatë ushtrimit të detyrës”. Zonja Gjonaj ka kërkuar gjithashtu dhe shkarkimin nga detyra të gjyqtarëve.

Hedhja e bojës kundër Ramës, ish-ministri i Jashtëm: Paloka zgjodhi metodë argëtuese

Ish-ministri i Jashtëm, Besnik Mustafaj, i pranishëm në rubrikën “Opinion” në News 24 foli për zhvillimet e fundit të politikës shqiptare, retorikën si dhe protestën e opozitës të parashikuar me 16 shkurt.

 

Duke u ndalur tek përplasjet e sotme në Kuvend dhe hedhjen e bojës nga Paloka në drejtim të Ramës, Mustafaj tha se metoda e zgjedhur nga deputeti i PD-së ishte simbolike dhe shumë argëtuese.

“Në vendet demokratike, protesta, pakënaqësitë janë bërë edhe spektakël, për pos përmbajtjes që kanë brenda. Në këtë kuptim mua nuk më shqetëson për sa kohë që është një bojë që nuk i bën gjë zotit Rama. Imitimi i Ramës ndaj Edi Palokës është i gabuar. Mund të themi se ia ktheu me të njëjtën monedhë. Paloka kishte zgjedh një metodë simbolike dhe argëtuese.

Unë do të kisha parapëlqyer që  ceremonia në Kuvend të ishte solemne, serioze për aq minuta sa kërkonte ratifikimi e protokollit të  Maqedonisë së Veriut në NATO. Të mos ndodhte kjo për aq kohë sa ishte aty Talat Xhaferi, sepse ai ishte një mik i nderuar në Parlament.  Ne kemi një situatë që kreu i opozitës po sjell fakte të reja, që tregojnë një qeveri  të delegjitimuar. Akuzat janë politike dhe reagimet duhet të jenë politike”, tha ai.

Mes tjerash në komenti e tij, ish-shefi i diplomacisë së shtetit shqiptar komentoi edhe rolin e Policisë së Shtetit, që sipas tij, për fat të keq, ky institucion është i përdorur nga politika kur në vend ka protesta dhe pakënaqësi popullore.

“Ka një përdorim të policisë nga Kryeministri, sepse Policia  ka njoftuar disa ditë më parë praninë eventuale të elementëve të dhunshëm brenda në protestë.  Policia e Shtetit në Shqipëri, ka vazhduar të jetë në një mënyrë apo në një tjetër e përdorur nga politika.

rama boje kuvend4

Kjo nuk është e dinjitetshme për Policinë. Ne që e kemi njohur para viti ’90 e dimë se Rama nuk është trim. Duke shkuar në Vlorë kryeministri Rama kërkon t’i shmange protestës. Kjo është edhe për të qenë në vëmendje të medias dhe larg sheshi të betejës, e thënë natyrisht në formë figurative. Në produktin më të mirë do të ishte realizimi i kërkesës së opozitës dhe krijimin e një qeveria kalimtare. Kjo mbetet për t’u parë dhe nuk besoj se do të realizohet në një ditë të caktuar. Ne presim nga kreu i maxhorancës, nga kryemistri që të lexojë pakënaqësitë dhe të shfaqet në publik me përfundimet e tij”, shto ai.

Analisti u ndal edhe tek reagimi i ambasadës amerikane në Tiranës, e cila përmes një reagimi publik bëri thirrje që protesta të jetë paqësore dhe demokratike.

“Tek deklarata e ambasadës ka një nuancë që ka munguar në reagimet e mëparshme. Në deklaratën e ambasadës nuk kemi thirrje për qytetarët amerikanë, që të shmangin rrugën.  ShBA nuk ka informacione se do të këtë dhunë. Këshilla për të ruajtur stabilitetin është rutinore dhe e domosdoshme. Se ka një padurim të popullit opozitar shqiptar për të patur rezultat nga protesta, ka.

rama boje kuvend

Unë shpresoj se Basha me ekipin e tij e lexojnë mirë këtë gjë dhe do të ndërtojnë strategji të mirë për t’iu përgjigjur reagimeve që vijnë poshtë.  Një lëvizje antisistem do të nxirrte jashtë lojë edhe opozitën edhe maxhorancën, siç ka ndodhur edhe në vendet evropiane. Jemi brenda mundësive të udhëhiqet politikisht pakënaqësia. Konkluzioni i Majkos është i vetmi realist që vjen nga mazhoranca.

Opozita shqiptare duhet të ketë një ndryshim programor për t’iu përgjigjur pakënaqësisë, sidomos të rinjve. Pjesëmarrje tregon përmasat e pakënaqësisë. Përmasat e opozitës kanë shumë rëndësi për të matur pakënaqësitë. Unë nuk jam optimist se Rama do ta lexojë. Rama nuk pranon asnjë kritikë dhe asnjë  sugjerim”,  përfundoi Besnik Mustafaj.

BalkanWeb

LDK: Dialogu për kufijtë është i ndaluar

Lidhja Demokratike e Kosovës është shprehur sërish kundër ndryshimit të kufijve të Kosovës, duke thënë se hapja e dialogut për kufijtë, është “vetagresion ndaj shtetit dhe territorit të vendit”.

Kryetari i partisë më të madhe opozitare LDK-së, Isa Mustafa, përmes një postimi në Facebook, ka thënë se kufijtë e Kosovës janë të paprekshëm dhe se dialogu për kufijtë është i ndaluar.

Presidenti i Kosovës Hashim Thaçi muajt e fundit disa herë ka deklaruar se në marrëveshjen përfundimtare gjithëpërfshirëse mes Kosovës dhe Serbisë do të jetë edhe një korrigjim i kufijve mes dy vendeve.

“Një nga pikat do të jetë edhe demarkimi i kufirit në mes të Kosovës dhe Serbisë. Kjo është mundësi për të korrigjuar kufirin edhe në veri të Kosovës, edhe në jug të Serbisë.” ka thënë presidenti Thaçi gjatë javës së kaluar në një bashkëbisedimi në “Council on Foreign Relations” në New York.

Kjo ide po kundërshtohet nga partia në pushtet, Aleanca për Ardhmërinë e Kosovës, e kryeministrit Ramush Haradinaj, si dhe nga dy partitë opozitare, Lidhja Demokratike e Kosovës dhe Lëvizja “Vetëvendosje”.

Vrasja e 49- vjeçares në Tiranë, në kërkim kunati si autor i dyshuar

Trupi i pajetë i një gruaje është gjetur i pajetë në liqenin e Sharrës në Tiranë.

Paraprakisht mësohet se viktima është 49 vjeçe dhe është identifikuar si Lirie Xhepa.

Trupi i gruas është gjetur nga banorë të zonës, të cilët kanë njoftuar edhe policinë.

Burime nga grupi hetimor bëjnë të ditur për Ora se gruaja mund të jetë vrarë, pasi në trupin e saj janë konstatuar shenja dhune.

Fillimisht mendohet se është goditur me gurë pas koke dhe më pas është qëlluar me armë zjarri, pasi janë konstatuar edhe 3 plagë nga plumbat.

Në lidhje me ngjarjen, policia ka shpallur në kërkim kunatin e viktimës, shtetasin Dashamir Xhepa.

Vendi ku është gjetur viktima nuk ka rrugë makine dhe akoma nuk është faktuar nëse është vrarë aty apo trupi është transportuar aty.

Po punohet për sqarimin e plotë të rrethanave të ngjarjes dhe identifikimin e trupit të pajetë.

Njoftimi i Policisë

Identifikohet trupi i pajetë, i gjetur pranë liqenit të Sharrës mëngjesin e sotëm. Trupi i përket shtetases L. Xh., 49 vjeçe. Nga kqyrjet në trup rezulton se shtetasia L. Xh., është qëlluar me armë zjarri pistoletë dhe si pasojë e plagëve të marra ka gjetur vdekjen.

Policia po punon për zbardhjen e plotë të rrethanave të ngjarjes, identifikimin dhe kapjen e autorit.

PD sqaron arsyet pse Edi Paloka gjuajti me bojë Edi Ramën

Partia Demokratike ka sqaruar arsyet pse Edi Paloka gjuajti me bojë Kryeministrin Edi Rama.

Sipas PD-së, qëndrimi i Nënkryetarit të Parlamentit erdhi për shkak të talljes së vazhdueshme që Rama i bëri në seancat e kaluara.

“Edi Paloka e gjuajti me boje Edi Ramën, pasi ky e talli në mënyrë të përsëritur për shkak të mënyrës së të folurit.

Gjuatja me boje është mospranim i bullizmit të ushtruar nga Kryeministri për të cilin është dëshmitar i gjithë opinion publik”, thuhet në reagimin e PD.

Emrat – Miratohet anëtarësimi i Maqedonisë së Veriut në NATO, dy deputetët minoritarë grekë që nuk e votuan

Pas incidentit në Parlament, ku Edi Paloka gjuajti me bojë Kryeministrin Edi Rama dhe vendimin për ta përjashtuar me 10 ditë nga punimet e Kuvendit, maxhoranca dhe opozita bashkuan sot votat për të miratuar marrëveshjen e anëtarësimit të Maqedonisë së Veriut në NATO.

Në këtë votim mori pjesë edhe vetë Edi Paloka, i cili refuzoi të dalë nga salla e Parlamentit edhe pse në disa raste iu kërkua nga Gramoz Ruçi të largohet pas përjashtimit nga Byroja.

Por për shkak se në Kuvend ishte i ftuar Talat Xhaferri, kryetari i Parlamentit të Maqedonisë së Veriut, Ruçi nuk ka këmbëngulur dhe ka lejuar që të vijojë seanca me votimin e ratifikimit të marrëveshjes.

Sipas gazetarit të “Panorama”, Ervin Koçi, marrëveshja mori votat e të gjithë deputetëve të pranishëm, por ra në sy mungesa e dy votave të deputetëve që përfaqësojnë minoritetin grek.

Kjo marrëveshje nuk u miratua nga Vangjel Tavo i LSI-së, dhe Vangjel Dule i PBDNJ-së.

Vangjel Dule ishte në fillim te seancës, por pas ndërprerjen se saj nuk u kthye ne salle për e votuar. Ndërsa Vangjel Tavo  nuk ishte qe ne fillim në parlament.

 

Një kokë për një pëllëmbë tokë – Nga Azgan HAKLAJ

 

Koalicioni, apo më qartë kuarteti Putin-Erdogan-Rama-Thaçi, një aleancë antiperëndimore e antishqiptare, njëherësh kanë herë në dimrin e vetmisë së madhe.
Dy të parët, lider autokrat dhe diktator kanë zgjuar endërrat dhe po përpiqen të jetësojnë ish perandoritë ruso-otomane, njëherësh të ndajnë zonat e influencës në Ballkan permes satelitëve të tyre Rama-Thaçi.
Pak ditë na ndajnë nga 11 vjetori i pavarsisë së Kosovës.
Pak ditë na ndajnë nga 20 vjetori i Rambujesë.
Ky vit është 20 vjetori i çlirimit të Kosovës.
Edhe pak janë na ndajnë nga 20 vjetori i fillimit të bombardimeve të NATOS, Koalicionit të lirisë mbi Serbinë gjakatare të Millosheviçit.
Në 78 ditë makineria luftarake serbe u shkermoq si një kështjellë rëre e kasapi Millosheviç sëbashku me gjeneralët e tij kanibal u detyrua të kapitullonte pa kushte.
Atë kohë Rusia e Boris Jelcinit megjithë presionin diplomatik e veton në OKB nuk mundi tu vijë në ndihmë vëllezërve serbë.
Presidenti Klinton, Sekretarja e Shtetit Ollbrahit, Gjeneral Klark, Londra-Parisi-Roma i treguan mbarë botës së NATO dhe përendimi nuk do lejonin kurrë që në zemër të Europës të ushtrohej dhunë, genocid e spastrim etnik.
Makineria ushtarake kolosale e fitimtare e NATOS mbështeti djemt e vajzat e Kosovës e shumë të tjerëve nga mbarë hapsira etnike shqiptare që ishin rreshtuar në UÇK dhe me kurajo,vetmohim e trimëri të pashoqe rrokën armët e u hodhën si shqiponja në zjarrin e betejave për liri.
Kosova e mbretërve dardanë e Lek Dukagjinit, Zhuj Selmanit , Ymer Prizrenit, Sylejman Vokshit, Mic Sokolit, Sef Koshares – Haxhi Zekës e Ali Ibres.
Kosova e Lidhjes së Prizrenit, e Lidhjes së Pejës.
Kosova e Kuvendit të Verrave të Llukës.
Kosova e Kryengritjeve të mëdha 1908-1909-1910.
Kosova e Kuvendit të Junikut e trinomit të lirisë Hasan Prishtinës- Isa Boletinit-Bajram Currit me 21-25 maj 1912 hartoi platëformën e Kryengritjes së Përgjithshme e u finalizua me shpalljen e Pavarsisë së Shqipërisë dhe ngritjen e flamurit në Vlorë nga Plaku i Vlorës Ismail Qemali.
Kosova ky djep i kuvendeve, besëlidhjeve e kryengritjeve të mëdha për liri e pavarsi u mbyt nga gjaku i dragojve të ri të saj Zahir Pajaziti, Edmond Hoxha, Hakif Zejnullahu, Adem Jashari, Luan Haradini, Shkelzen Haradini, Agim Ramadani, Sali Çekajt, Fehmi e Xhevë Lladrovcit, Adrian Krasniqit, Bedri Shalës, Bekim Berishës Iliaz Kodrës e mijra djemve dhe vajzave që dhanë jetën për liri e çlirim komëbtar.
Numri i të vrarëve është aq i madh sa çdo pëllëmbë toke është e larë me gjak.
20 vjet më parë bota e lirë u ba dëshmitare e masakrës barbare e çnjerëzore të Reçakut, ku dhjetra shqiptarë të pafajshëm u ekzekutuan nga falangat gjakatare të Millosheviçit dhe Arkanit.
Kjo ngjarje shenoi një pikë kthese për Diplomacinë Euro-Atlantike e permes saj për vetë të ardhmen e Kosovës e të Kombit Shqiptar.
Sot kohët kanë ndryshuar në disfavorr të armiqve tanë historik serbo-sllav-roso-otoman.
Shqiptarët në Ballkan janë një armatë 10 miljonëshe e rreshtuar në krah të Aleancës më të madhe e më të fuqishme që ka njohur bota NATOS-SHBA e BE.
Shqipëria shënon 10 vjetorin e antarësimit në NATO.
Ketë vit Kosova shënon 20 vjetorin e Çlirimit dhe 11 vjetorin e pavarsisë.
Shqiptarët e Malit të Zi me votën e tyre përcaktuan antarësimin e Malit të Zi në NATO dhe vazhdimin e qeverisjes propërendimore.
Shqiptarët e Maqedonisë u banë përcaktues të rrugës së Maqedonisë në NATO dhe BE si dhe ndryshimin e emrit Republika e Maqedonisë së Veriut dhe zyrtarizuan gjuhën shqipe, gjuhën e Aleksandrit të Madh, Pirros, Gjergj Kastriotit (Skenderbeut), Shenjtores Nanë Terezës.
Identiteti historik e kulturor i shqiptarëve, e drejta e tyre zakonore, vyrtytet e kodi i tyre i nderit solidariteti e humanizmi i trashëguar në shekuj, në genin e tyre, janë jo vetëm pashaportë e Identitetit Europian por dhe themel i vlerave të Europës së civilizuar.
Beteja për Kosovën e lirinë e saj nuk ishte vetëm betejë ushtarake.
Ajo ishte për një kohë të gjatë betejë diplomatike e morale, një gurë prove për vlerat e civilizimit përendimor e kancelaritë e tyre.
Sot imperativ i kohës për Kombin Shqiptar është mbrojtja e Kosovës nga coptimi dhe mbrojtja e çdo pëllëmbë tokë e saj.
Kombi Shqiptar ka patur fatin të kishin nga gjaku i tij avokaten hyjnore Nanë Terezen, Gjeniun e politikës Ibrahim Rugovën, mendimtarin e filozofin, mendjendriturin, illuministin, Volterin Shqiptar Ukshin Hotin, të cilin sherbimet sekrete serbo-sllave e vranë 20 vite më parë në shkurt 1999.
Megjithëse trungu i saj ka provuar traktate, konferenca e protokolle, edhe pse ka kaluar një sagë të gjatë sakrificash e kasandrash, humbje të mëdha jetësh njerëzore, genocid të pashembullt, shfarosje masive të popullsisë, spastrim etnik, me elaborate e operacione që nga doktrina e Gjergjoviçit, pyka shqiptare e Çubriolloviçit, elaborati i Qosiçit deri tek operacioni Patkoi i Millosheviçit, Kosova sot në 11 vjetorin e shpalljes së Pavarsisë, në 20 vjetorin e çlirimit është më afër së kurrë për tu bërë pjesë e strukturave Euro-Atlantike dhe Familjes Europiane.
Garante e Mbrojtjes së arritjeve të saj janë Ushtria e Kosovës dhe SHBA.
Kjo do të thotë së në trojet etnike shqiptare krahas flamurit krenar të Gjergj Kastriotit do të valvitet edhe ai ngadhnjimtar i NATOS, i SHBA dhe BE.
Përendimi e vlerat e lirisë, demokracisë e civilizimit kanë qenë ylli polar i shqiptarëve, të tilla janë sot e përgjithmonë.
Burrështetasit e shquar, themeluesit e shtetit të Arbërit, Gjergj Kastrioti, Ismail Qemali, Mbreti Zog.
Rugova, Ramush Haradinaj, Ali Ahmeti, korifejt e Rilindjes Kombtare e të mendimit Frashëllinjtë, Pashko Vasa, Konica, Fishta, Arbër Xhaferi e Ismail Kadareja ju kanë treguar bashkëkombasve të tyre së për shqiptarët dielli lind nga përendon.
Shqiptarët sot janë faktor madhor i pamohueshëm e fuqiplotë në trojet e tyre etnike në Ballkan.
Koha e pazarlleqeve dhe e traktateve të fshehta siç është ky i ndryshimit të kufijve, pra shkëmbim territoresh në kembim të njohjes, një teater sharlatan politik, me skenarist Binomin Putin-Erdogan e aktor Trinjaket Vuçiç-Thaçi-Rama ka përenduar përgjithmonë.
Shqiptarët në shekulln e kaluar edhe pse në kushte shumë herë më të rënda e të pafavorrshme se sot kanë ditur tu tregojnë vendin Haxhi Qamilëve dhe Esadistëve të tyre.
Edi Rama siç shkruante me të drejtë këto ditë një analist nga Kosova e ka shitur praktikisht Shqipërinë të Turqia,
portet, aeroportet, minierat e hidrocentralet, ajken e pasurisë kombëtare të cilat janë mushkëritë e ekonomisë tonë, ua ka varur në qafë barbarëve të Azisë.
Rama ka pushkatuar Kauzën Çame duke ua folur grekëve sëbashku me detit.
Teza e ndryshimit të kufijve, kjo dosje e zezë e kulisave politike ruso-turke e filluar qysh me çlirimin e Kosovës para dy dekadash, është hapur nga sivllau i Putinit, krushku i Erdoganit Vuçiçi dhe po mbështetet nga dyshja kuislinge Thaçi-Rama, për interesat e tyre utilitare.
Vendosmëria e Kryeministrit Haradinaj dhe e Qeverisë së Tij, e Liderit të opozitës së bashkuar të Shqipërisë, e opinionit publik në Kosovë e Shqipëri dhe nga patriotët e Kombit Shqiptar, për të mbrojtur çdo pëllëmbë të trojeve shqiptare qoftë dhe me jetë njerëzore është vija e kuqe që nuk mund ta kalojnë despotët e Kremlinit e Ankarasë dhe sherbëtorët e tyre në Beograd e në të dy anët e kufirit etnik shqiptar.
Në epilogun e çlirimit të Kosovës, ditës së madhe të triumfit kombëtar sikur ta parandjente skenarin ogurzi për të cilin apostrofova më sipër e madhe Shkurte Fejza këndonte në kor me piskamen e shpirtit të një Kombi;
“Pa u farue djem e çka
Jo nuk ndahet Mitrovica
Nuk i leshojmë trojet tona
Krejt Kosova është e Jona”
Në rivarrimin e eshtrave të Isa Boletinit në Mitrovicë Ish Presidenti Nishani u shpreh me këto fjalë.
“Varri i Juaj Baca Ise do të jetë piramidë e kufirit me Serbinë dhe ju do të jeni gardiani i mbrojtjes së trojeve tona.”
E Drejta Ndërkombëtare ka në themel të saj sovranitetin e popujve dhe kjo është thembra e Akilit e projektit antishqiptar të ndryshimit të kufijve përmes shkembimit të territoreve për të cilin punojnë prej kohësh armiqtë tanë shekullor.
Kancelaritë ruso-turke dhe ajo e Beogradit janë mëse të bindura se nuk mund ta ndalojnë zgjerimin e NATOS e as të BE në Ballkan.
E provuan me skenarin malazez dhe maqedonas dhe deshtuan me turp.
Në të dy rastet ishin shqiptarët që i dogjën skenarët e tyre dhe i rreshtuan këto shtete në anën e NATOS e të përendimit.
Me frontin e dytë antiperendimor e antishqiptar me aktor kalifët Rama e Thaçi është përpjekja e fundit e carëve të rinj ruso-turk Putin-Erdogan për ta mbajtur Ballkanin peng të politikës së tyre.
Shqipëria sot është e uzurpuar nga Edi Rama e Qeveria e Tij kriminale.
Është kjo arsyeja madhorë që i bashkon opozitën dhe popullin në një flamur të vetëm, atë Kuqezi.
Me 16 shkurt është marrshimi i pandalshëm i lirisë.
Sovrani zbret si tajfun në sheshet Skenderbej e Nanë Tereza dhe në Bulevardin Deshmorët e Kombit për të shpetuar demokracinë e shtetin e së drejtës të marrë peng nga Sulltan Rama i cili po shet edhe trojet amtare për pushtetin e tij.
Japonezët kanë një postulat;
“Më fal tokë që të shkel”
Thaçi dhe Rama trojet shqiptare të mbytur nga gjaku i derdhur nga martirët e rënë për mbrojtjen e tyre duan të ia bajnë bonos Vuçiçit.
Mitrovica dhe çdo pëllëmbë tokë shqiptare është e jona
Ato do ta mbrojmë me jetën tonë me moton
“Një kokë për çdo pëllëmbë tokë”.

Dy koncesionet e fundit të qeverisë “Rama” përfundojnë në vitet 2046 dhe 2047 (TABELA)

Koncesionet apo partneriteti publik-privat ka qenë një “skemë novatore” e qeverisë që është parë me skepticizëm nga një pjesë e opinionit publik dhe janë shoqëruar me akuza të rënda të opozitës ndaj kabinetit “Rama”.

Në fund të janarit, qeveria u tërhoq në fazën e negocimit për kontratën më të madhe koncesionare të saj, atë për segmentin rrugor Thumanë-Kashar me distancë 21 kilometra dhe me kosto të përgjithshme prej 435 milionë eurosh, pa dhënë shpjegime për shkaqet që sollën anulimin.

Nga ana tjetër, në mënyrë të papritur, u depozitua në Kuvend një projektligj ku vendoset “heqja e mundësisë ligjore për koncesione të pakërkuara nga 1 korriku 2019”, duke anuluar në këtë mënyrë mekanizmin ligjor që qeveria përdori përgjatë viteve të fundit.

Por, ndërkohë që s’do ketë PPP të reja, ato “të vjetrat” funksionojnë normalisht dhe me gjasë do të vazhdojnë edhe pasi Edi Rama të jetë larguar nga posti i kryeministrit.

Sipas tabelës që publikon sot “Gazeta Shqiptare” dy koncesionet më të gjata të qeverisë përfundojnë pas rreth 3 dekadash. Konkretisht: koncesioni i inceneratorit të Tiranës vijon deri në vitin 2046 ndërsa, koncesioni i mirëmbajtjes së rrugës së Kombit deri në vitin 2047.

Ministria që mban numrin rekord të PPP-ve është ajo e Infrastrukturës dhe Energjisë.

“Institucione të ndryshme, përfshirë Fondin Monetar Ndërkombëtar, Departamentin e Shtetit të SHBA apo Komisionin Europian kanë ngritur pikëpyetje të mëdha mbi format ekstraligjore të ndjekura nga qeveria aktuale për negocimin e kontratave koncesionare në kurriz të taksapaguesve”, shkruan kolegu Gjergj Erebara në Reporter.al.

Kështu, sipas FMN, “kuadri i punës së qeverisë për përzgjedhjen dhe priorizimin e projekteve të investimit, si dhe për vlerësimin e kostove dhe rreziqeve fiskale, mbetet i pamjaftueshëm,” dhe fondi pati kërkuar në fillim të vitit 2018 ndalimin e dhënies së koncesioneve të reja.

Sipas Departamentit të Shtetit, “përdorimi në rritje i kontratave të partneriteteve publike dhe private ka ngushtuar mundësitë për konkurrencë, përfshirë nga investitorët e huaj, në infrastrukturë dhe sektorë të tjerë.”

“Në dorë armë do t’i mbajmë…”, studentët bllokojnë policinë: Stop përdhunimit

Nje dite pas ngjarjes flagrante, ku denocnuar nje punonjes policie qe ngacmonte shoqen e tyre ne fakultet, sot studentet e Universitetit te Shkodres te mbledhur bashke kane protestuar para godines se Policise, raporton gazetari i “Panorama”.

Ata thone se jane ne kete proteste kunder ngjarjeve skandaloze te fundit, si rastit te videos se policit me 15 vjecaren, ashtu edhe rastit me te fundit, kur nje polic u shfaq duke ngacmuar studenten ne fakultet.

 

Te ulur ne toke kane bllokuar hyrjen e komisariatit, nderkohe qe kendojne himnin kombetar dhe kenge te tjera.

Ata kane bllkokuar efektivet, bashke me mjetet e tyre ne komisariatin e Shkodres.

Meta flet sërish për Kosovën: E ardhmja e Ballkanit nuk është ndryshimi i kufijve

Presidenti Ilir Meta, në një intervistë për “ALB UK TV”, ka folur edhe një herë në lidhje me  çështjen e Kosovës, ku ka thënë se ardhmja e Ballkanit nuk është ndryshimi i kufijve.

 

Në këtë intervistë Meta ka folur dhe rreth negociatave të Shqipërisë me BE-së, dhe shtoi se do donte që të intensifikohej marrëdhënia e vendit tonë me unionin.

Gazetari Ian Pelham Turner: President, dua ta nis me një thënie të vitit 2010 për ju, që ju cilësonte si “personaliteti më pozitiv në politikën e jashtme””. Si do ta cilësonit këtë vlerësim dhe a e keni ju ndjesinë se të qenit gjithmonë pozitiv në politikë është shumë e rëndësishme?

Presidentit Meta: Padyshim që vullneti pozitiv dhe energjia pozitive janë të domosdoshme për t’i lëvizur ngjarjet dhe zhvillimet në një perspektivë të qëndrueshme dhe të shëndetshme, larg frymës së konfliktualitetit, si në politikën e brendshme, aq më tepër në politikën rajonale dhe në politikën e jashtme.

Dhe unë besoj se fuqia kryesore e Shqipërisë ka qenë pikërisht duke shprehur këtë pozitivitet në politikën e jashtme, sidomos në raport me fqinjët dhe në gjithë bashkëpunimin rajonal, duke qenë gjithmonë një shtyllë e fortë e stabilitetit rajonal dhe e integrimit europian. Unë kam qenë gjithmonë i përkushtuar për afirmimin e këtij vizioni të Shqipërisë dhe për implementimin e tij konkret në të gjitha detyrat dhe funksionet që kam pasur, përfshirë edhe vitin 2010 kur unë kam qenë Ministër i Jashtëm dhe Zv.Kryeministër.

Gazetari: Ju njiheni dhe si një reformator i madh, keni punuar në sistemin makro-ekonomik, keni ndërtuar sistem më të mirë infrastrukturor, keni pasur suksese në strategjinë e privatizimeve në ekonomi. Sipas jush, kush është fusha më e suksesshme në të cilën keni punuar gjatë karrierës suaj?

Presidentit Meta: Ju përmendet disa nga fushat kryesore, ku në veçanti gjatë periudhës që unë kam qenë Kryeministër janë shënuar disa progrese të dukshme, sidomos në raport me të kaluarën, përfshirë këtu edhe rritjen ekonomike mjaft të lartë në atë kohë, gati 8%. Por ka edhe mjaft elementë të tjerë, përveç këtyre që ju përmendët, sikurse është reforma shumë e rëndësishme në administratën publike bazuar në ligjin për statusin e nëpunësit civil. Tepër zhvillime pozitive në fushën e sundimit të ligjit, por më pozitivja për mua ka qenë përgatitja e Shqipërisë për procesin e Stabilizim-Asociimit me Bashkimin Europian në atë periudhë.

Gazetari: E di që keni dëshira të mëdha dhe unë besoj se filozofia juaj është të krijoni stabilitet me vendet e tjera të rajonit. A mund të na e shpjegoni se si ndiheni në lidhje me këtë filozofi tuajën?

Presidentit Meta: Kjo është filozofia mbi të cilën është ndërtuar Bashkimi Europian, e bashkëpunimit, e bashkëjetesës për të garantuar një ambient të sigurt dhe të shëndetshëm për të gjithë pavarësisht nga kombësia, pavarësisht nga përkatësia fetare apo përkatësive të tjera. Dhe unë besoj se për Ballkanin kjo ka qenë dhe mbetet tepër vitale.

Integrimi europian ka qenë dhe mbetet ende fuqia më inkurajuese për transformimin e këtij rajoni gjithmonë bazuar në bashkëjetesë dhe duke i kthyer shpinën nacionalizmit të sëmurë dhe provokativ, i cili ka shkaktuar drama të jashtëzakonshme, jo vetëm për rajonin tonë, por edhe për kontinentin.

Në këtë drejtim filozofia kryesore është pikërisht kjo, se në Ballkan vetëm bashkëjetesa mund të funksionojë për arsye sepse çdo komb në Ballkan është shumicë në një shtet, është pakicë në një apo në disa shtetet të tjera. Dhe e vetmja zgjidhje është pikërisht, të gjithë vendet të respektojnë sipas standardeve europiane të drejtat e pakicave.

E ardhmja e Ballkanit nuk është ndryshimi i kufijve, por është heqja e kufijve si në vetë Bashkimin Europian. Kjo është filozofia kryesore që më ka motivuar mua të punoj mjaft ngushtë me të gjithë fqinjët dhe me vendet e rajonit tonë, me të cilat në të kaluarën për arsye të ditura kemi qenë në një marrëdhënie jo miqësore.

Gazetari: Të kthehemi te tema e të qenit pozitiv. Çfarë dëshiron të shohësh për vendin tënd në 2019-n dhe çfarë dëshironi të shikoni si të ardhmen e vendit tuaj?

Presidentit Meta: Gjatë këtij viti unë do të doja shumë që ne të çelnim negociatat për anëtarësim në Bashkimin Europian. Do të ishte një arritje pozitive për Shqipërinë dhe këtë ta arrinim bashkë me fqinjën tonë, Maqedoninë, që arriti një sukses të madh duke zgjidhur çështjen e emrit me Greqinë, duke qenë e gatshme tashmë për t’u anëtarësuar edhe në NATO.

Së dyti do të dëshiroja shumë që të kemi edhe një finalizim të suksesshëm të dialogut mes Kosovës dhe Serbisë, pasi kjo do të ishte vendimtare për forcimin e paqes, stabilitetit dhe të bashkëjetesës në rajonin tonë, por edhe për të garantuar perspektivën europiane të dy vendeve, si të Serbisë edhe të Kosovës njëkohësisht.

Gazetari: Ne mbulojmë gjerësisht Diasporën në Europë dhe në Angli veçanërisht. A mund të jepni një mesazh për shqiptarët që jetojnë në vendin tonë?

Presidentit Meta: Shqiptarët në Britaninë e Madhe janë një komunitet mjaft i rëndësishëm për ne dhe janë të kudogjendur. Unë sa herë kam pasur rastin të vizitoj Britaninë e Madhe, jo vetëm në Londër, por edhe në qytete modeste apo më periferike, gjithnjë kam takuar shumë bashkatdhetarë. Mendoj që ata janë njerëz jashtëzakonisht punëtorë, të cilët kontribuojnë shumë edhe për familjen e tyre këtu dhe për ekonominë tonë kombëtare, ndaj të cilëve duhet të tregojmë edhe më shumë vëmendje dhe kujdes në të ardhmen.

Dhe shpresojmë që një ditë shumë prej tyre të rikthehen në vendin tonë, të investojnë njohuritë dhe gjithçka ata kanë arritur atje për zhvillimin e Shqipërisë. Ashtu sikurse jam i sigurt se duhet të bashkëpunojmë edhe më ngushtë me Britaninë e Madhe për të goditur në mënyrë më të fortë dhe më efikase disa elementë kriminalë, të cilët janë një pakicë e papërfillshme dhe që shpesh për fat të keq zënë faqet e para të mediave britanike, duke cenuar imazhin e shqiptarëve në përgjithësi në Britaninë e Madhe apo edhe në vende të tjera të Europës, i cili është imazhi i njerëzve të cilët bëjnë çdo sakrificë për të ardhmen e fëmijëve të tyre. Por njëkohësisht të cilët kanë një dashuri shumë të fortë për atdheun e tyre.

Gazetari: Në 53 vite karrierë, ju jeni Presidenti i parë që kam intervistuar. Kam intervistuar Kryeministra, por asnjë Presidenti më parë. Si është të jesh President i Shqipërisë?

Presidentit Meta: Për mua është një nder i veçantë që jam President i vendit tim. Në këtë detyrë mund të kishte edhe shumë figura, personalitete të nderuara, të respektuara, të afta që Shqipëria ka, ndaj dhe ndihem i privilegjuar që jam në këtë pozicion, në këtë detyrë dhe duke qenë në këtë detyrë si simbol i unitetit të popullit, si kryetar i shtetit padyshim që përgjegjësia e interesave shtetërore, kombëtare dhe interesi publik prevalon mbi çdo lloj interesi tjetër, që një politikan ka kur është në një politikë më aktive apo kur është pjesë e një partie të caktuar, apo e një shumice a pakice politike.

Kështu që kjo detyrë të jep një lartësi tjetër, jo për t’u shkëputur nga qytetarët dhe nga njerëzit, por përkundrazi për t’i përfaqësuar ata dhe interesat e tyre në një nivel kombëtar dhe po kështu edhe afatgjatë.

Gazetari: Faleminderit për kohën tuaj zoti President!