VOAL

VOAL

Please Wait ...
0%

Ligjvënësi republikan largohet nga partia, në Kongres si i pavarur

By | July 4, 2019

Komentet

Trumpi kritikon eksperten e Shtëpisë së Bardhë mbi koronavirusin

Presidenti Donald Trump kritikoi të hënën një prej këshilltareve kryesore të grupit të punës të Shtëpisë së Bardhë që menaxhon situatën e krijuar nga pandemia, pas një komenti televiziv të saj se infeksionet e reja me koronavirus janë “përhapur jashtëzakonisht shumë” në zonat rurale dhe në qytetet e mëdha.

Gjatë një interviste për rrjetin televiziv CNN doktoreshë Deborah Birx, koordinatore e grupit punës së Shtëpisë së Bardhë, iu drejtua amerikanëve që jetojnë në zonat rurale duke theksuar se ata nuk janë imunë ose të mbrojtur nga virusi. Ajo tha gjithashtu se situata e krijuar nga COVID-19 në muajin gusht nuk është ashtu sikurse shfaqej në muajin mars dhe prill, kur raportoheshin raste vetëm në qytetet e mëdha dhe shtetet me popullsi të madhe. Zonja Birx theksoi rëndësinë e mbajtjes së maskave në ambiente të mbyllura. Rreth së njëjtën kohë kur zonja Birx po jepte një intervistë për rrjetin televiziv CNN, kryetarja e Dhomës së Përfaqësuesve Nancy Pelosi kritikoi në televizionin ABC zonjën Birx duke e akuzuar se po ndihmonte Presidentin Donald Trump që të përhapte dezinformata lidhur COVID-19. Zonja Pelosi po i përgjigjej një pyetjeje lidhur me një artikull të gazetës “Politico”, ku thuhej se ajo kishte thënë se administrata Trump ndodhet në “duar të tmerrshme” pjesërisht për shkak të zonjës Birx. Zonja Pelosi tha për televizionin ABC “se presidenti po përhap dezinformacion në lidhje me virusin dhe se ajo nuk kishte besim tek zonja Birx”.

Në një postim në twitter Presidenti Trump shkruante se “E marra Nancy Pelosi tha gjëra të tmerrshme lidhur me Dr. Deborah Birx, duke iu vënë pas për shkak se ajo ishte shumë pozitive mbi punën shumë të mirë që po bëjmë për të luftuar virusin kinez, përfshirë vaksinat dhe terapitë. Për të kundërshtuar Nancy-n, Deborah ra pre e provokimit dhe na goditi. Patetike!”

Në një tjetër twitter zoti Trump shkruante se: “me përjashtim të Nju Jorkut dhe disa zonave, kemi bërë përparim më shumë se shumica e vendeve të tjera në trajtimin e virusit kinez. Shumë nga këto vende tashmë po përballen me valë të dytë të madhe. Lajmet e rreme po punojnë jashtë orarit për të bërë që SHBA dhe unë të dukemi sa më keq sa të jetë e mundur!“.

Zoti Trump paraqet një qasje më të favorshme mbi mënyrën sesi SHBA po lufton kundër virusit ndërsa afrojnë zgjedhjet e 3 nëntorit kundër një kundërshtari demokrat, ish-Nënpresidentit Joe Biden, i cili me javë të tëra ka udhëhequr sondazhet në nivel kombëtar.

Zoti Trump ka thënë se ai është “një president për kohë lufte” nisur nga përpjekjet e tij kundër pandemisë së koronavirusit, por zoti Biden e ka kritikuar zotin Trump duke thënë se ai ka e braktisur fushëbetejën kundër sëmundjes.

Një tjetër ekspert i grupit të punës së Shtëpisë së Bardhë është shprehur me shqetësim lidhur me situatën.

Admiral Brett Giroir, zyrtar i lartë i Departamentit të Shëndetit dhe Shërbimeve Humane, theksoi gjithashtu rëndësinë e mbajtjes së maskave dhe shmangies së turmave gjatë një interviste për rrjetin televiziv NBC.

SHBA ka regjistruar afro 155 mijë vdekje si pasojë e koronavirusit dhe më shumë se 4.6 milionë infeksione, të dyja këto shifrat më të larta në nivel botëror.

Presidenti Trump vazhdon të këmbëngulë se arsyeja pse Shtetet e Bashkuara kanë numrin më të madh të rasteve me COVID-19 është sepse SHBA ka kryer numrin më të madh të testimeve në botë. Në një postim në twitter të dielën zoti Trump shkruante se eksperti i sëmundjeve infektive doktor Anthony Fauci gaboi kur tha javën e kaluar se suksesi i Evropës në luftën kundër virusit qëndron në faktin se mbylli dy herë më shumë biznese sesa SHBA. zëri i amerikës

SHBA, Departamenti i Sigurisë Kombëtare harton raporte për gazetarët

Departamenti amerikan i Sigurisë Kombëtare (DHS) njoftoi të premten se ka urdhëruar agjentët që të ndalojnë përpilimin dhe qarkullimin e “raporteve të zbulimit” me subjekt gazetarët.

Vendimi erdhi një ditë pasi gazeta “Washington Post” bëri të ditur se një zyrë e DHS-së kishte hartuar tre raporte mbi dy gazetarë që kishin mbuluar demonstratat në Portland të Oregonit, të cilat u ishin shpërndarë agjencive federale të zbatimit të ligjit.

Raportet, të përpiluara nga zyra e Zbulimit dhe Analizës, vinin në dukje se gazetarët kishin botuar dokumente që kishin dalë pa leje nga agjencitë federale, por që përmbanin informacion të paklasifikuar në lidhje me vendosjen e agjentëve federalë gjatë protestave në Portland. Zyra ka si detyrë të integrojë informacionet e zbulimit të DHS-së dhe të shpërndarje informacionit tek autoritetet shtetërore e lokale si dhe partnerët privatë. Në një deklaratë, zyra e Zbulimit tha se sekretari në detyrë i DHS-së, Chad Wolf kishte pezulluar mbledhjen e informacionit mbi gazetarët dhe kishte urdhëruar kryerjen e një hetimi.

Në asnjë mënyrë sekretari i përkohshëm nuk e lejon këtë praktikë“, tha zëdhënësi i DHS-së, Alexei Woltornist. “Sekretari në detyrë është i përkushtuar të sigurojë që i gjithë personeli i DHS-së të mbështesë parimet e profesionalizmit, paanshmërisë dhe respektimit të të drejtave dhe lirive civile, veçanërisht ato që lidhen me Amendamentin e Parë të Kushtetutës“, tha më tej ai.

Media amerikane njoftoi gjithashtu se DHS-së kishte larguar nga detyra zyrtarët përgjegjës për hartimin e raporteve mbi gazetarët.

Njoftimet rreth raporteve të zbulimit vijnë mes trazirash në Portland dhe në qytetin e Nju Jorkut, ku oficerë të zbatimit të ligjit, por pa uniformë janë parë duke futur protestues në furgonë që gjithashtu nuk kishin asnjë shenjë që dalluese se i përkisnin policisë. Sipas gazetës “Washington Post” raportet e zbulimit përmbajnë imazhe dhe postime në tweeter nga Mike Baker, një gazetar i “The New York Times” dhe Benjamin Wittes, kryeredaktor i “Lawfare”, një blog që përqendrohet tek siguria e politika kombëtare. Raportet përfshinin numrin e pëlqimeve që kishin marrë postimet si dhe ripostimet në tweeter apo në mediat e tjera sociale.

Zoti Baker është raportuar për dy memorandume të brendshme të DHS-së në lidhje me protestat dhe trazirat në Portland. Në një postim në Twitter në lidhje me raportet e zbulimit, zoti Wittes shkruante se ai po shqyrtonte opsionet e tij ligjore.

Nuk jam i sigurt se si raportimi im mbi dokumente jo sekrete përbën ndonjë lloj kërcënimi për sigurinë kombëtare që justifikon shpërndarjen e një raporti zbulimi ndaj një shtetasi amerikan”.

Analistët thonë se veprimi i struktuarave të zbatimit të ligjit mund të jetë një kërcënim për Amendametin e Parë të Kushtetutës që mbron lirinë e fjalës në SHBA. zëri i amerikës

SHBA njoftojnë plane për tërheqjen e 12 mijë trupave nga Gjermania

Shtetet e Bashkuara njoftojnë të mërkurën planet për tërheqjen e rreth 12,000 trupave nga Gjermania, pas një vendimi të Presidentit Donald Trump, por do ta mbajnë gati gjysmën e tyre në Evropë për shkak të tensioneve me Rusinë, thanë zyrtarët amerikanë.

Zyrtarët, duke folur me kusht që të mos identifikoheshin, theksuan se vetëm një numër relativisht i vogël trupash do të lëvizin së shpejti. Për zhvendosjen e pjesës tjetër do të duhen vite që të realizohet plotësisht.

“Do të duhen muaj për t’u planifikuar dhe vite për t’u ekzekutuar sepse është një lëvizje shumë komplekse,” tha njëri nga zyrtarët, duke përmendur se kjo mund të kërkojë miliarda dollarë fonde dhe planifikime të mëtejshme nga degët e ndryshme të forcave të armatosura.

Presidenti Donald Trump njoftoi synimin e tij për ta ulur numrin e trupave amerikane në Gjermani në 25,000, duke e fajësuar aleatin e afërt se nuk ka përmbushur objektivin e NATO-s për shpenzimet e mbrojtjes dhe duke e akuzuar atë se përfiton nga Amerika në tregti.

Megjithatë, Pentagoni nuk ka komentuar shumë se si do ta realizonte planin e presidentit, që përfaqëson një kritikë të pazakontë ndaj njërit prej partnerëve më të ngushtë tregtarë dhe ushtarakë të SHBA.

Kryeministrat e katër landeve gjermane, ku janë stacionuar trupa të SHBA, u kanë bërë thirrje anëtarëve të Kongresit amerikan të bllokojnë planet e Presidentit për tërheqjen e tyre, që disa zyrtarë të tanishëm dhe të mëparshëm amerikanë e kritikojnë si një lëvizje me motive politike dhe jo strategjike.

Sekretari i Mbrojtjes Mark Esper pritet të japë hollësi mbi planin në një konferencë shtypi të mërkurën, ku do të flasë mbi shqetësimet e disave se ky hap mund të përfaqësojë një tërheqje nga aleanca e NATO-s.

Përveç shpalljes së planeve për lëvizjen e rreth 5,400 trupave për në pjesë të tjera të Evropës, Sekretari Esper pritet të flasë edhe mbi projektin për të dislokuar përkohësisht forca amerikane shtesë në bazat e SHBA gjetkë në vendet evropiane.

Zoti Esper kishte bërë një rishikim të shpërndarjes së forcave amerikane në botë, ndërsa debatet e Presidentit Trump me Gjermaninë vazhdonin.

“Udhëzimet e presidentit e shtynë këtë proces përpara, duke i lejuar të gjitha palët të përqëndroheshin tek ajo që synonte presidenti,” u shpreh një zyrtar i dytë amerikan.

SHBA, përfshihet në aksident kryetari i komisionit Juridik, Jerry Nadler

Mediat amerikane njoftuan se makina me të cilën udhëtonte Kryetari i komisionit Juridik i Dhomës së Përfaqësuesve Jerry Nadler u përfshi në një aksident të martën, por zoti Nadler nuk ka pësuar dëmtime.

Jerry Nadler drejton komisionin ku do të zhvillohet seanca dëgjimore me Prokurorin e Përgjithshëm William Barr, seancë e cila për shkak të incidentit është shtyrë për më vonë gjatë ditës së sotme (e martë).

Prokurori i Përgjithshëm William Barr pritet të dëshmojë përpara Komisionit të Juridik të Dhomës së Përfaqësuesve mbi një sërë temash që lidhen me administratën Trump, përfshirë dislokimin e oficerëve federalë në qytetin e Portlandit të shtetit të Oregonit, si përgjigje ndaj protestave.

Në tekstin e një fjalimi hyrës të zotit Barr të publikuar përpara seancës dëgjimore në Kongres, thuhet se vdekja në muajin maj e George Floyd nën arrest policor ishte një ngjarje “e tmerrshme” që nxiti një shqyrtim të nevojshëm të marrëdhënieve mes strukturave të zbatimit të ligjit dhe komunitetit afrikano-amerikan. Por zoti Barr thotë se protestat e vazhdueshme në Portland dhe gjetkë janë shkëputur nga vdekja e zotit Floyd.

Në pjesën me të madhe të tyre këto skena shkatërrimi janë përpjekje sipërfaqësore të atyre që kanë shkaktuar trazira për t’i lidhur veprimet e tyre me vdekjen e George Floydit ose ndonjë thirrje për reforma“, tha zoti Barr. Ai përsëri kritikat e administratës Trump ndaj drejtuesve vendorë, shumë prej të cilëve e kanë kritikuar përgjigjen e qeverisë federale dhe i kanë bërë thirrje Kongresit të bllokojë vendosjet e forcave federale në qytetet e tyre.

Si zyrtarë të zgjedhur të qeverisë federale, çdo anëtar i këtij Komisioni- pavarësisht nga pikëpamjet politike apo ndjenjat e tij mbi administratën Trump duhet të dënojë dhunën kundër oficerëve federalë dhe shkatërrimin e pronës federale“, shkruan zoti Barr. “Udhëheqësit shtetërorë dhe lokalë kanë përgjegjësi t’i mbajnë komunitetet e tyre të sigurta. Të dënosh me heshtje shkatërrimin dhe anarkinë do të thotë të braktisësh parimet themelore të sundimit të ligjit që duhet të na bashkojnë edhe në një kohë përçarëse politikisht“, shkruant gjithashtu zoti Barr.

Në Portland protestuesit janë përleshur me forcat federale. Oficerët federalë janë akuzuar se janë përpjekur të largojnë njerëzit nga zona e demonstratave pa ndonjë shkak gjë që ka përshkallëzuar tensionet. Zyrtarët federale e kanë mbrojtur vendimin për dislokim si të nevojshëm për të mbrojtur pronat federale siç janë gjykatat e qyteteve.

Një grup kryetarësh bashkish përfshirë kryetarin e Bashkisë së Portlandit Ted Wheeler i kërkuan nëpërmjet një letre Kongresit të veprojë për të frenuar përdorimin e forcave federale duke shtuar se “veprimet e ndërmarra javët e fundit nuk kanë vend në këtë komb”.

Ligjvënësit mund të pyesin zotin Barr dhe për një tjetër incident mes oficerëve federale dhe protestuesve ai i 1 qershor në sheshin Lafayette, shumë pranë Shtëpisë së Bardhë.

Oficerët i përzunë protestuesit nga parku duke hedhur tymuese e spërkatur ata me piper pak përpara se Presidenti Trump, i shoqëruar nga zoti Barr e të tjerë zyrtarë, të shkonin në një kishë aty pranë. Ky incident është subjekt i një seance tjetër dëgjimore të martën në Kongres përpara një tjetër komisionit të Dhomës së Përfaqësuesve. zëri i amerikës

Infektohet me koronavirus këshilltari i Trumpit për Siguri Kombëtare, Robert O’Brien

Këshilltari për Siguri Kombëtare i presidentit Trump, Robert O’Brien, ka dalë pozitiv në testin për koronavirus, ka bërë të ditur një zyrtar amerikan.

O’Brien, njëri nga ndihmësit më të lartë të kreut të Shtëpisë së Bardhë, u kthye në ShBA nga Evropa, ku bashkë me zëvendësin u takua me zyrtarë nga Britania e Madhe, Franca, Gjermania dhe Italia.

Shtëpia e Bardhë deri tani ka refuzuar të japë ndonjë koment, shkruan “CNN”, transmeton Gazeta Express.

Ende është e paqartë nëse ndonjë zyrtar tjetër që ka pasur kontakt me të do të detyrohet të futet në karantinë.

Intervista e plotë – Bolton: Thaçi e Vuçiç nisën bisedimet për ndarjen e Kosovës, Rama ishte pro, Toni Bler me kontaktoi Intervistoi Robert Papa

Që gjatë vitit 2016 kam qenë në kontakte te rregulltt me stafin e fushatës së presidentit Trump duke mbështetur krahun republikan mes televizionuit FokusTv me bazë në Nju Jork, por qe shikohet kudo ne SHBA dhe Kanada, por edhe ne Europë mes platformës TVALB. Madje pas fitores presidenti Trump do dërgonte një letër falenderuse, çka natyrisht do ishte dërguar nga truri i fushatës Levandovski.  Falë këtij aksesi  kontaktova më zotin Bolton dhe ai pranoi të jeptë një intervistë  eksluzive peë FokusTv. Ramë dakord ta realizonim mes zoom ose skype. Por stafi tij ofroi edhe opsionin në zyrën e tij, ç ka do jetë më vonë në një exlusive tjetër.

Pasi e falenderova Ambasadorin Bolton “për çdo gjë që këni bërë gjatë Luftës  së Ftohtë kundër Bashkimit Sovjetik, duke na dhënë shpresë neve që jetonim në kampin socialist” e pyeta:

Robert Papa:Javën  e kaluar mes zoom, në bisedën që patëm me median e huaj, juve iu përgjigjët dy pyetjeve të mia për Kosovën dhe më thatë se” ideja e shkëmbimit të tokave nisi nga Vucic dhe Thaci, por thatë se u angazhua edhe Toni Bleir”. A pati edhe figura të tjera nga Europa?

Bolton: Kishte diskutime se si  qe Vucic dhe Thaci nisën keto  diskutime, natyrisht kishte mospranime në të dy vendet, lidhur me drejtimin e bisedimeve. Kishte moasdakordësi edhe brenda Europës, gjithashtu.

Mendoj se nje nga aresyet që fola  më herët me Vucic, fola dhe me Toni Bler, ose një nga arësyet që ata më kontaktuan mua dhe SHBA ishte ngase  Bashkimi Europian nuk po i çonte askund .  Kishte pasur shumë mbledhje.Kundërshtimet vazhduan , pa ndryshuar asgjë për shumë vite. Të dy vendet e kupuan se futja e plotë në BE dhe NATO varej  nga zgjidhja e mosmarrëveshjeve. Eshte parim i NATO-s. Nuk pranon një anëtar ndërsa ka  disktime për kufinjtë e tij. Megjithë pozicionet e paluajtura, pas një kohe ata e kuptuam se kjo çeshjte duhej zgjidhur, që të bëhej më shumë përparim. Si rasti i emërit të  Maqedonise përshembull.

Për mua çeshjta ishte, nëse kjo kundërshti  në Ballkan mes të tjerash, të mund të zgjidhej mes nje proçesi që të sillte stabiltet në një rajon të veshtirë, por  që veçanërisht të ndalonte  që perpjekjet  ruse, te shkaktonin më shumë destabilitet.

Duke folur me euriopianet,  po i bie gjatë të të përgjigjem, ishte e kjartë për mua se disa eurpioanë kishin shikime te fiksuara se si prisnin ezgjidhej kjo dhe disa të tjerë ishin fleksibël. Ndaj , realisht, unë bëra deklaratën time” se nëse të dy palet binin dakort për shkëmbime tokash, ne si SHBAnuk do ta kundërshtonim atë dhe natyisht kush do ta kundershtonte në Europe që të thonin se pas 30 vitesh ju arritët nje marrëveshje por s’është aq mirë për pjesën tjetër të Europës. Nuk  e pashe këtë, ashtu dhe mendova se dikush duhet ta thoshte.

Robert Papa: Kryeministri Edvin Rama  ka deklaruar se ka pasur një telefonatë me ju me 2018 duke thënë është nje marrëveshje që ndodh një herë ne 100 vjet,. A i ishte ai pro shkëmbimit të tokave apo ishte kundër?

Bolton: -E mbështeta shkëmbin e tokave  unë apo e   apo e mbesheti ai?

Robert Papa: Ai ,ai,  Rama

Bolton: Ai kishte,  thuasje pozicionin që kisha unë,  ai do ta mbështeste këmbimin e tokave, sado e veshtirë që ishte,.për Kosovën, nëse do ta pranonin, do ulte mundesinë e konfliktit dhe destabilitetit. Duhet ta them ai nuk donte  ta fuste veten në mes te debatit, sa herë që pyetej  nga gjithkush. Nëse jeni shumë specifik, shpesh ao ka një ndikim negativ në diskutimet. Mendoj se ai  së shumti ishte në të njëjtin vend që une u perpoqa të isha. Pra ishte pro.”

Robert Papa: A ka njohuri presideneti Trump per Ballkanin, për krimet serbe kundër kosovarëve? A ishte ai pro- serb apo pro- shqiptar, kur ju diskutat këtë?

Bolton: Nuk mendoj se  Ballkani ishte  nje çeshtje e madhe për atë. Një nga arësyet që doja të shikoja a ka ndonjë rruge ta zgjidhja këtë, ishte se ai gjithmonë thoshte që  “në repsekt me NATO,- n unë nuk dua të te hyj në ndonjë luftë me Rusinë prej Malit të Zi, ose pa thënë emra vendesh te tjera,( edhe shqipërinë) kur ata nuk po mbështetin mbrojtjen e tyre,”. Kesisoj meqë  historia e Ballkanit është shumë e nderlikuar,donte  do zgjidhej problemi nese do ishte një shqtesim meë pak  për Trump, që mund të kishte   një konflikt te lashte, që do kërkonte një obligim te NATO-s.

Eshte proçes i gjate por. Sa më stabilitet të kishte NATO, aq më e lehtë për Trump do ishte të pranonte një antrësim në NATO per qeveritë  e rajonit.

Robert Papa: Si  diplomat kam qenë me fat që kam takuar Xhezi Helms (Jesse Helms),një ikonë e konservatorëve amerikanë. Ai i shkruante Reganit se Ballkani do gjejë zgjdhje vetëm nëse Kosova do bashkohet me Shqipëriën, por me  një Shqiperi jo komuniste. A ka ndonjë shans që politika e Xhezi Helms të bëhet politike e SHBA-së?

Bolton: Një nga arësyet që Amerika është shumë popullore për shqitarët kur  ra komunzmi, është fakti që njerëziti  kujtonin presidentin Uillson dhe vetvenboisjen. Xhim Beker( mentori im) më tha mua kur ishte Sekretar i Departamentit të   Shtetit, dhe pasi  vizitojë  Tiranen se “Unë duhet të garojë për president i Shqiperise se me pritën shumë mirë. Mendoj se njerëzit në SHBA e dinë se kur po coptohej një perandori e lashtë dhe njëerëzit  duan të jetojnë në komunitet,  ta kenë këtë mundësi. Me renian e komunizmit kjo po ndodhte.  Nga ana tjetër Jugosllavi ishte  krijim i proçesit të Versajës, dhe pas nje kohe nuk funksionoi mire.

Unë i kuptoj argumentet që shumë vetë bëjnë në Ballkan. Nëse fillon të ndryshosh kufinjtë cdo gjë  bëhet më e  destabilizuar. Personalisht, unë nuk jam dakort domosdoshmerisht me këtë.( pra nekutopi se kufinjte mund të ndërrojnë) Une mendoj se shumë nga këto kufinj janë aksidente të historisë. Nuk dua të krijojmë më shumë destabiltet por njerëzit ndryshojnë me kohe. Në  rrethana të ndryshme ngjasin dhe njerëzit duhet ta kuptojnë këtë.

Unë thashë pse jo shqiptarët të mos bashkohen. Pse gjermanët e kanë këtë të drejtë dhe ne jo.Tundi kokën si pohim.

Robert Papa:  Pse perëndimi harroi krimet komuniste dhe pse i fali ato?

Bolton: Kam shkruar shume për krimet botërore kundër njerëzimit dhe lidhjet me konceptin e juridiksionit universal dhe gjykatës ndërkombëtare të krimeve, dhe një nga  përfundimet e mija ishte se  vendnt duhet të jenë gjykuesit, për njerëz qe kryejnë krime në emër të një vendi. Nuk besoj ti transportojme të gjithë në gjykatën ndërkombëtare .Ndërsa e kam studjuar këtë çeshtje qark botës. Vende të ndryshme e kane zgjidhur këtë çeshjte në rrugë të ndryshme. Afrika e Jugut, ka komisionin E  Vërteta dhe Pajtimi për krimet e aaprtejdit. Vende te ndryshme në Europën lindore dhe qendrore kanë lustracionin. Disa herë i  gjykojnë disa herë u japi amnisti. Shikimi im është që  njerëzit duhet jetojne me vetveten dhe ata duhet të dënojnë njerëzit që kryen krimet në emër te tyre. Në kohe të tjera thonë se kosto është shumë e madhe, në disa vende si Gjermania Lindore  thonë se të gjithë kemi qenë nga pak fajtorë dhe nuk duan ti denojne. Une mendoj se ajo që është e rëndësishme, është evidentimi i krimeve. Dhe ja pse modeli i Afrikës së Jugut  apelon më shumë ndaj meje. Komisioni i I së Vërtetës dhe i Pajtimit. Menyra se si merrni amnisti është  duke thënë të vërtetën për krimet qëkeni kryer. Ajo që është e rëndësishme është  përpikimi i arkivave   si dëshmi per brezat që vijnë që  ta dijne se çfarë ndodhi. Ky duhet të jetë fokusi real. Thellesisht  varet nga çdo vendn të vendosë se si.

Robert Papa: Shqiptarët  ndodhen nen presion nga  Soros. Diplomacia amerikane, ambasada juaj në Shqipëri nuk kanë mbështetur kurrë nacionalistët. A është kjo e drejtë?

Bolton: Kam degjuarra shumë për në Ballkan .Mendoj është një gabim për amerikanët dhe europianët që mendojnë për nacionalizmin në nje kontekst euriopian që në mënyrë ta paevitueshme bëhet një ekstremizëm. Ashtu besojnë njerëz si Soros . Unë nuk e besoj këtë. Unë mendoj  se nacionalizmi forcon demokracinë, por në mentalitetin e departamentit të shtetit dhe ministrive të jashtme në Europq, ata nuk e pranojnë këtë. Eshte nje klufte e vazhdueshme, mendoj se ska zgjidhje te lehte.POr poltikat amerikane Duhet të inkurajojne demokracinë dhe nacionalzimin, se te dyja punojnë kundër ndërhyrjes ruse.

Robert Papa: A mendoni si unë se   Soros u tolerua nga administrata e  Trumpit? Ai përdor fonde federale për politikat e tij në Shqiperi duke krijuar kaos në reformën e drejtësisë.

Bolton: Kam dëgjuar shumë rreth këtyre historive. Nuk kam hetuar mjaftërisht personalisht.Mbase për këtë duhet të kritikohem, por mendoj se eshte diçka që duhet hetuar. Ka shqetësime por duhen publikuar faktet.

Robert Papa:  A është Ballkani i rrezikuar nga Rusia dhe Kina sot?

Bolton: Po absolkutisht. Vladimir Putin, kthehet  në termin e trete si president, jam i sigurt ju e dini këtë. Fjalimi në Duma ishte një katastrofe gjeopolitke. Mbase nuk don rithemelojë Bashkimin Sovjetik ose Paktin e Varshavës, por  pa dyshim kerkon te zgjerojë ndikimin rus në ish- territoret  e tij, veçanërisht në Europën Lindore dhe Qendrore .Mendoj  se është shumë e rrezikshme. E kemi nënvlerësuar lojë që luan prej kohësh. Nëse lejojmë që Rusia dhe Kina të lidhen bashkë,  është gabim afatgjatë  për Rusinë por gabim për perëndimin

Vitin e shkuar ata patën  manovrat detare të përbashkëta ruso -kineze në Mesdheun lindor.Diças e madhe shumë. them se mund te vijojë në destabilet në Ballkan

Robert Papa:Ju besoni se bashkimi Europian  është  armiku i Perëndimit. A duhet Ballkani të ngulmojë të hyjë në BE apo të forcojë lidhjet me SHBA-në?

Bashkimi Europian për shumë njerëz në fillim ishte organizatë e tregtise se lire . Ata  e pane  SHBA-në si zonë tregtie shumë të lirë dhe kontribuan te suksesi ynë ekonomik, ndaj shumë njerez  donin ti bashkoheshin BE-së.

Njerëz të tjerë të angazhuar në krijimin e BE-së, kishin ndërmend diçka tjeter.  Donin një Europe Federale.Mone dhe të tjerët.  Nëse Europa do rrinte aty shumica e njerëzve  do donin të rrinte, vetëm shkëmbime të lira ekonomike, do ishte më shumë e suskseshme. Mendoj se britanikët u tërhoqën se nuk donin te ishin pjesë një projekti poltiik. Eshtë një gabim për gjithkënd të mendoje se BE prodhon siguri për Europen. Ajo që jep siguri për Europën është NATO. europa është më pak se shuma e pjesëve të saj, ndaj ka aq kundërshti nga popujt e BE kundër Brukselit.

Robert Papa: Në Shqipqri këmi pasur një bazë të fuqishme ushtarake sovjetike. Aa ikën në vitet 60-të. Pasi erdhi Baker, shpresuam se bazën do e merrnin amerikanët. Psenuk e morët?

Bolton: Për këtë po flitet. Ka vende të tjera në Eropë që mendijnë se Amerika është shumë prezente dhe shumë problematike.Ka shumë arësye që ju nuk duhent të jeni në Europë në të njëjtat vende që ishin gjatë Luftës së ftohtë.

Qeveria juaj duhet ta ngrejë këtë me SHBA

Robert Papa:  shikoni ndikim turk në Ballkan? më mirë ndikimi turk apo rus dhe kinez?

Bolton:E njoh historinë. Turqia nën Erdohan është vend i ndryshëm nga Turqia nën shumë  liderë të tjerë turq  dhe  për mua Erdohan është një problem. Unë mendoj, ti afrohem  pyetjes, afërsia e tij me Rusinë është pjesa e madhe e problemit.Blerja e antiraketave 400 dhe gjera të tjera.

Nuk jam dakord që thone se Turqia të përjashtohet nga NATO prej Erdohanit. nëse shikon zgjedhjet e fundit lokale në Turqi, mendoj se Erdohan është në ikje.Shpresoj  që Turqia të behet si Turqia para 10 ose 20 vitesh, dhe të jetë më e lidhur me pjesën tjetër të NATO-s. Ti rezistojë ndikimit rus dhe kinez.  Administrata bëri trysni me sakskione dhe e gjunjëzoi keq por pati aludime ne SHBA se ai dha leje ndërtimi Trump dhe ndaj tij ka heshtje.

Robert Papa: Ishte kenaqësi zoti Ambasador, E lexova librin tuaj. E dini kush është pjesa më e bukur?

Ai dëgjon

Fotografia kur i telfononi vajzës se do jepni dorëheqjen.. Do e përktheja me dëshirë librin tuaj

Bolton:  Do të lidh me agjentin tim. Qendrojmë në kontakt për çdo gjë.

– Intervistë eksluzive për FokusTV

ROBERT PAPA Msc

Racizmi në komunitetet e emigrantëve në Shtetet e Bashkuara

Vdekja e afrikano-amerikanëve në duart e policisë dhe protestat e vazhdueshme që kërkojnë drejtësi raciale, kanë patur një ndikim të madh tek shumica e amerikanëve, përfshi imigrantët, shumë prej të cilëve thonë se kanë patur përvojë me racizmin. Materiali në vazhdim na njeh me opinionet e imigratëve indoneziano-amerikanë lidhur me problemet raciale.

Sinta Penyami Storms ishte mes protestuesve që marshuan kohët e fundit në Filalelfia, me kërkesat për drejtësi për afrikano-amerikanin George Floyd, vdekja e të cilit ndërsa ishte i ndaluar nga policia ka nxitur protesta në mbarë vendin. Për atë lëvizja “Black Lives Matter” është personale sepse burri i saj është afrikano-amerikan.

“Për familjen tonë indoneziano-afrikano-amerikane me komplekse afrikane, ne duhet të flasim për këto gjëra. Duhet të jesh i kujdesshëm kur del në publik për shkak të ngjyrës së lëkurës.”

Ajo filloi të shqetësohej rreth sigurisë së fëmijëve të saj pas vdekjes së Trayvon Martin në Florida në vitin 2012. Vrasësi i adoleshentit afrikano-amerikan doli i pafajshëm. Ajo e lidh ngjarjen me atë që i ndodhi djalit të saj kur i ndalua nga policia.

“Kur djali im u ndalua nga policia, ishte aq i frikësuar sa lagu pantallonat. Ai u frikësua dhe mendoi se do të vdiste.”

Indoneziano-amerikani Yusuf Arifin është shumë i përkushtuar pas drejtësisë racore. Nga shteti Kalifornia, ai është shumë i angazhuar në lëvizjen “Black Lives Matter”.

“Ne brohorasim që jetët e afrikano-amerikanëve kanë vlerës sepse më parë nuk kanë patur vlerë. Nëse shikon shkallën e arresteve, policët arrestojnë më shumë njerëz me ngjyrë se sa të bardhë. Egziston një padrejtësi e madhe ku afrikano-amerikanët vihen në shënjestër bazuar vetëm në ngjyrën e lëkurës”.

Paragjykimet racore ende ndihen në komunitetet e imigrantëve, përfshi amerikanët aziatikë. Kjo vihet re në takimet që tani kryhen në rrugë virtuale, që Sinta Storms zhvillon me familjet e tjera shumë-raciale me përbërje indoneziane dhe afrikano-amerikane. Ata shkëmbejnë eksperiencat, përfshi ato të pakëndshme, mes emigrantëve indonezianë.

Një prej pjesmarrësve në takime ishte edhe Curtis Johnson. Ai është afrikano-amerikan që ka punuar në Indonezi por që u kthye në Shtetet e

Bashkura pas pandemisë. Ai thotë se diskutime të tilla janë të rëndësishme.

“Vazhdoni të ngrini zërin. Njerëzit nuk po marrin shembull vetëm nga Shtetet e Bashkuara por edhe në vendet e tyre. Po vërejmë se çfarë po ndodh këtu në Amerikë, dhe si të sigurohemi që kjo të mos vazhdojë të ndodhë edhe në Indonezi.”

Për shumë njerëz, lufta kundër padrejtësive nuk merr fund me përfundimin e protestave, ndërsa diskutimet e vështira ndodhin brenda familjeve. zëri i amerikës

Florida tejkalon Nju Jorkun për nga numri i infeksioneve me COVID-19

Të dielën Florida u bë shteti i dytë pas Kalifornisë që tejkalon për nga numri i të infektuarve Nju Jorkun shtetin që u godit më rëndë nga pandemia në fillimin e shpërthimit të koronavirusit.

Sipas agjencisë “Reuters” rastet me COVID-19 në Florida u rritën të dielën me 9,300 të infektuar duke e çuar totalin e përgjithshëm në 423,855 vetë duke u renditur pas Kalifornisë që udhëheq tashmë përsa i takon numrit të infeksioneve me 448.497 raste. Nju Jorkut renditet i treti me 415.827 raste.

Megjithatë Nju Jorku vazhdon të ketë numrin më të madh të vdekjeve në rang vendi me më shumë se 32 mijë që prej fillimit të pandemisë ndërsa Florida renditet në vendin e tetë me rreth 6 mijë vdekje.

Infeksionet në Florida janë rritur mesatarisht çdo ditë me më shumë se 10 mijë raste të reja gjatë muajit korrik ndërsa Kalifornia me 8,300 raste në ditë dhe Nju Jorku me 700 raste. Rritja e e infektuarve në Florida vazhdon, por guvernatori i shtetit Ron DeSantis ka thënë se nuk ka në plan të lëshojë një urdhër për vendosjen e maskave me detyrim në publik ndërsa ka folur për rihapjen e shkollave në muajin gusht.

Në ndryshim shteti i Nju Jorkut ka arritur ta vendosë nën kontroll virusin, duke mbajtur dyqat e restorantet e mbyllur si dhe duke e bërë të detyrueshëm vendosjen e maskave në publik.

Teksasi është një tjetër shtet që ka shënuar një rritje të numrit të rasteve të reja me koronavirus. Prej fillimit të pandemisë ky shtet ka konfirmuar 391 mijë persona të infektuar. Guvernatori i Teksasit Greg Abbott tha se stuhia tropikale Hanna, e cila goditi tokë të shtunën si një stuhi e kategorisë 1 krijoi një situatë ishte tejet sfiduese pasi përshkroi një zonë të shtetit që ka qenë më e goditura nga koronavirusi.

Që ka fillimi i pandemisë më shumë se 146 mijë amerikanë kanë humbur jetën si pasojë e COVID-19, ose rreth një e katërta e totalit botëror ndërsa rreth 4.2 milionë persona janë infektuar nga koronavirusi. zëri i amerikës

(Foto) Presidenti Donald Trump kujton Regis Philbin, legjendën e TV Amerikan me rrënjë arbëreshe: Ai ishte miku im! Regis ju duam!

Voal.ch – Dje ka kaluar në botën tjetër legjenda e televizionit Amerikan Regis Philbin, në gjakun e të cilit rridhte edhe ai arbëresh pasi nëna e tij ishte nga Greçi. Regis kishte lidhje farefisnore edhe me ish kongresmenin Joe DioGuardi sepse edhe familja e ish kongresmenit e ka origjinën nga Greçi, ngulitje arbëreshe e krijuar me emigrantë shqiptarë që lanë vendin pas vdekjes të Skënderbeut.

Ka qenë vetë Presidenti i SHBA Donald Trump që dje ka shprehur ngushëllimet. Po të kërkosh në google do të zbulosh foto pafund të Regis dhe Trump. Regis e ftonte Trump në emisionet e tij.

Ja si shkruan Presidenti Trump në Twitter: “Një nga më të mëdhenjtë në historinë e televizionit, Regis Philbin ka kaluar në valë edhe më të mëdha ajrore, në moshën 88 vjeçare. Ai ishte një person fantastik dhe miku im. Ai vazhdonte të më thoshte gjithmonë që të kandidoja për President. Mban rekordin për “televizionin më të drejtpërdrejtë” dhe ai e bëri gjithçka mirë. Regis, ju duam…” Përfundon tweet-in e tij Presidenti Trump./EB

 

 

 

 

U nda nga jeta Regis Philbin, legjenda e televizionit amerikan – ai ishte me rrënjë arbëreshe që nuk i harronte kurrë!

Ka ndërruar jetë dje Regis Philbin (25 gusht 1931 – 24 korrik 2020), ikëna e Televizionit Amerikan, figurë brilante, personalitet shumë dimensional, aktor, këngëtar, drejtues i talkshow, quiz-show, talentshow. Duke qenë quajtur “njeriu më i zellshëm në biznesin e shfaqjes”, Philbin mban rekordin botëror të Guinness për shumicën e orëve në televizionin amerikan. Kishte krijuar fytyrën e tij me mënyrat e tij plot humor dhe enthusiazëm, theksin e tij njukorkez, inteligjencien e tij. 

E pra në gjakun e tij rridhte edhe ai shqiptar,  pasi nëna e tij ishte arbëreshe nga Greçi dhe Regis Philbin nuk e fshihte kurrë këtë fakt, për kundrazi.

Pasi u diplomua në Universitetin e Notre Dame, ai shërbeu në Marinën e ShBA-së dhe filloi me në herë të shfaqet në The Tonight Show në vitet 1950. Dhe nga eksperienca e parë nuk u ndal deri sa dha frymën e fundit, pas një ataku zemre pak ditë se të mbushte 89 vjeç.

Philbin drejtoi show-n në nivelin mbarëkombëtar me qendër në New York Live bashkë me Kathie Lee nga 1988, e cila u bë Livenga 2001 dhe deri në vitin 2011 kur Regis u tërhoq dhe vendin e tij e zuri ish-futbollisti Michael Strahan.

Philbin drejtoi  Who Wants to Be a Millionaire, Million Dollar Password, American Idos , sezonin e parë të America’s Got Talent etj etj..

Voal.ch shpreh ngushëllimet më të thella legjendën e televizionit amerikan me gjak e rrënjë shqiptare! RIP Regis Philbin

 

SHBA – Përpjekje nga jashtë për ndërhyrje në zgjedhje, paralajmëron Drejtori i Kundërzbulimit

Drejtori i Qendrës Kombëtare amerikane të Kundërzbulimit paralajmëroi se Kina, Rusia, Irani dhe vende të tjera po ndërhyjnë në fushatën zgjedhore amerikane për votimet e 3 nëntorit.

“Vërejmë se kundërshtarët tanë po përpiqen të kompromentojnë linjat e mbrojtura të komunikimit të fushatave politike dhe të entiteteve të tjera politike,” tha përmes një deklarate të premten zoti William Evanina.

Drejtori Evanina tha se ndërkohë që Shtetet e Bashkuara janë të preokupuara kryesisht “me Kinën, Rusinë dhe Iranin,” vende të tjera “dhe organizata jo-shtetërore” mund të shkaktojnë “dëme në procesin tonë zgjedhor”.

Kina po përpiqet të influencojë “mjedisin e politik-bërjes” në Shtetet e Bashkuara me synimin për të ndikuar tek gara mes Presidentit Trump dhe pretendenti demokrat në zgjedhje, Joe Biden, tha zoti Evanina.

Ai shtoi se “aktorë të paidentifikuar në internet dhe palë të tjera” janë përfshirë në fushata dizinformimi që Rusia po i shfrytëzon “për të minuar besimin në procesin tonë demokratik”.

Irani po ashtu po përhap dizinformim përmes internetit dhe në median sociale në përpjekje “për të minuar institucionet demokratike amerikane dhe për të përçarë vendin para zgjedhjeve,” tha ai.

Zoti Evanina tha se agjencitë amerikane të zbulimit do të vazhdojnë të ndjekin situatën për të interceptuar “aktorë me qëllime keqdashëse në hapësirën kibernetike” dhe nënvizoi sigurinë e lartë të sistemeve zgjedhore të shteteve amerikane duke thënë se e bëjnë “tepër të vështirë që kundërshtarë të huaj të ndërpresin apo ndryshojnë numërimin e votave pa u diktuar”.

Ai u bën thirrje amerikanëve të ndihmojnë për të garantuar zhvillimin e një procesi të rregullt zgjedhor duke analizuar me sy kritik informacionin që marrin dhe duke ndjekur praktika të “higjenës së mirë kibernetike dhe mirë-informimit mediatik”. Drejtori i Qendrës Kombëtare të Kundërzbulimit po ashtu u bëri thirrje amerikanëve të raportojnë pranë autoriteteve aktivitete të dyshimta. zëri i amerikës

Shtëpia e Bardhë paralajmëron Kinën: Jo veprime për hakmarrje

Joyce Huang

Shtëpia e Bardhë i bëri thirrje Kinës të premten të mos angazhohet në veprime “hakmarrëse” duke urdhëruar konsullatën amerikane në Chengdu të mbyllet, si përgjigje ndaj mbylljes nga Uashingtoni të konsullatës kineze në Hjuston.

Veprimi ynë për mbylljen e konsullatës së përgjithshme të Republikës Popullore Kineze u morr për të mbrojtur pronësinë intelektuale amerikane dhe informacionin privat të amerikanëve“, tha zëdhënësi i Këshillit të Sigurisë Kombëtare John Ullyot. “I bëjmë thirrje Partisë Komuniste kineze të ndalë këto veprime keqdashëse e të mos angazhohet veprime hakmarrëse“, tha ai.

Kina urdhëroi mbylljen e Konsullatës amerikane në Chengdu në shenjë hakmarrjeje për vendimin e Shteteve të Bashkuara për të mbyllur brenda ditës së premte konsullatën e Kinës në Houston të Teksasit.

Ka gjithashtu thirrje për Pekinin në mediat kineze dhe në një anketim në Twitter që të “godasë më fort” duke mbyllur Konsullatën amerikane në Hong Kong, ndërsa Presidenti amerikan Donald Trump ka lënë të kuptohet se do të mbyllen konsullata të tjera kineze në Shtetet e Bashkuara.

Dy analistë që folën për Zërin e Amerikës thonë se nëse mbylljet reciproke përshkallëzohen, marrëdhëniet SHBA-Kinë do të jenë në një spirale në rënie dhe se vetëm do të përkeqësohen.

Një Luftë e re e Ftohtë

“Është një përshkallëzim (i tensioneve diplomatike). Dhe është një luftë e re e ftohtë që po fillon, hap pas hapi, nga Shtetet e Bashkuara dhe Kina”, tha Sang Pu, një komentues politik në Hong Kong.

“Marrëdhëniet SHBA-Kinë kanë arritur në nivelin më të ulët që prej fillimit të pandemisë së koronavirusit, ose në veçanti që kur ligji i sigurisë kombëtare të Hong Kong-ut hyri në fuqi”, tha për Zërin e Amerikës, Shi Yinhong, profesor i marrëdhënieve ndërkombëtare në Universitetin Renmin të Pekinit.

“Ka ende katër muaj deri në zgjedhjet presidenciale amerikane dhe gjashtë muaj përpara se administrata tjetër të marrë detyrën në Shtëpinë e Bardhë. Gjatë asaj periudhe kohore, (Presidenti) Trump pa dyshim që do të bëjë shumë lëvizje të tjera për të përkeqësuar marrëdhëniet midis dy vendeve”, parashikoi profesori.

Një risk elektoral

Zoti Shi beson se mbyllja e konsullatës në Houston nuk synon vetëm provokimin e Kinës, por se është një risk i ndërmarrë nga Presidenti Trump për ta ndalur rënien e tij në anketime.

Zoti Shi tha se Kina i gjen të pabazuara akuzat e bëra nga Departamenti amerikan i Shtetit – megjithëse administrata Trump tha se mbyllja e konsullatës në Houston ishte plotësisht e justifikueshme.

NNjë furgon po ngarkohet në konsullatën kineze në Houston, 23 korrik 2020

NNjë furgon po ngarkohet në konsullatën kineze në Houston, 23 korrik 2020

David Stilwell, i cili është përgjegjës për politikën e jashtme për Azinë Lindore dhe Paqësorin në Departamentin e Shtetit, i tha të mërkurën gazetës “The New York Times” se konsullata në Houston kishte një historik të përfshirjes në “sjellje dëmtuese” dhe se ishte epiqendra e vjedhjeve të kërkimeve shkencore në Shtetet e Bashkuara.

Ai tha se Konsulli i Përgjithshëm Cai Wei dhe dy diplomatë të tjerë kinezë u kapën duke përdorur identitete të rreme më 31 maj për të shoqëruar disa udhëtarë kinezë në zonën e nisjes së një avioni privat nga një aeroport në Houston.

Spiunazh dhe vjedhje të zbulimeve shkencore

Zoti Stilwell shtoi se disa nga përpjekjet e Kinës për të vjedhur zbulimet shkencore në Shtetet e Bashkuara ishin përshpejtuar në gjashtë muajt e fundit dhe mund të lidheshin me përpjekjet për të zhvilluar një vaksinë për koronavirusin, thuhet në gazetën “The New York Times”.

Në përgjigje, Konsulli kinez Cai mohoi pretendimin në një intervistë me KTRK-TV në Houston. “Ku janë provat?”, pyeti ai. Ai e quajti zyrtarin amerikan një gënjeshtar.

Përballje të stilit të Luftës së Ftohtë

Shtetet e Bashkuara janë përplasur në mënyrë të përsëritur me Kinën për çështjet e tregtisë dhe pronësisë intelektuale, për të cilat zoti Sang në Hong Kong tha se nuk do të marrin fund lehtë, pasi konfrontimet e stilit të luftës së ftohtë midis dy vendeve vazhdojnë të shfaqen.

Ekzistojnë spekulime se Shtetet e Bashkuara mund të mbyllin konsullatën e Kinës në San Françisko, Kaliforni, sepse një studiuese kineze, e akuzuar nga FBI-ja për fshehjen e lidhjeve të saj me ushtrinë kineze, është strehuar brenda këtij objekti.

Zëdhënësi i ministrisë së jashtme kineze Wang Wenbin tha në një konferencë të rregullt për shtyp se konsullata e Kinës në Houston ka bërë punë pozitive në 40 vitet e fundit, duke thënë se “Shtetet e Bashkuara pretenduan se Konsullata e Kinës në Houston ishte e angazhuar në veprimtari të papajtueshme me statusin e saj, që është plotësisht një shpifje keqdashëse”.

Ai shtoi se mbyllja e konsullatës “dëmton rëndë marrëdhëniet SHBA-Kinë dhe po prish urën e miqësisë mes dy palëve.”

Pasojat e mundshme

Investuesit në Kinë dhe Hong Kong janë të shqetësuar se mbylljet e konsullatave mund të çojnë në prerjen e lidhjeve zyrtare nga Shtetet e Bashkuara, ose në një shkëputje të ardhshme ndërmjet ekonomisë amerikane dhe asaj kineze, sipas Liao Qun, krye-ekonomist në “China CITIC Bank International Ltd”.

Niveli i pasigurisë përbën lajm të keq për investimet, tha ai.

Nëse tensionet përshkallëzohen, “kapitali mund të largohet nga Hong Kongu dhe Kina. Për më tepër, tregtia globale do të ndikohet shumë. Nëse Shtetet e Bashkuara ndërpresin lidhjet me Kinën, pakti i tyre tregtar i fazës së parë do të shfuqizohet, çka do të de-stabilizojë dinamikën (globale) të tregtisë. Pra, gjithçka varet nga ajo që vjen më pas”, tha zoti Liao.