VOAL

VOAL

Please Wait ...
0%

LES JOURNÉES LITTÈRAIRES ONT ATTIRÉ 15 000 PERSONNES DONT UN CONSEILLER FÉDÉRAL

By | May 17, 2015

Komentet

Zvicër, arrin në 300 numri i viktimave nga koronavirusi

Zvicra është një tjetër shtet europian i goditur nga koronavirusi.

Në shtetin zviceran, ku jetojnë shumë shqiptarë, numri i përgjithshëm i viktimave ka arritur në 300 persona.

Ndërsa, numërohen gjithsej në Zvicër 14 829 persona të infektuar me virus deri tani.

Ndryshohet ora, akrepat duhet të lëvizin përpara për 60 minuta.

VOAL – Në orën 2.00 të mëngjesit, natën ndërmjet të Shtunës dhe të Dielës, akrepat duhet të lëvizin përpara për 60 minuta. Ora diellore ka mbaruar dhe, për një natë, do të humbasim një orë gjumë, por do të jemi në gjendje të përfitojmë më shumë dritë në fund të ditës.

Që nga viti 1996, të gjitha vendet e Bashkimit Evropian dhe Zvicra kanë lëvizur akrepat e tyre dy herë në vit: fundjava e fundit e Marsit dhe Tetorit. Tradita vazhdon, megjithëse Parlamenti Evropian votoi në favor të saj  më 2021. Topi është në fushën e Komisionit Evropian, ndërsa Konfederata – ashtu si bëri në fillim të viteve 1980 – vazhdon të përshtatet me atë që ka vendosur BE.

Mbi 13 000 të prekur me koronavirus në Zvicër

VOAL – Emergjenca Covid-19 nuk ndalet: në Zvicër ka 13.221 infeksione të konfirmuara, 1.052 më shumë sesa të Premten. Zyra Federale e Shëndetit Publik gjithashtu raporton 38 vdekje të reja, për gjithsej 235 vdekje. 87 prej tyre u regjistruan në Ticino, ku 11 persona vdiqën në 24 orët e fundit. 39 raste të reja u konfirmuan në kanton, për gjithsej 1.727 të infektuar.

Këshilli i Shtetit në Ticino, pas dritës jeshile nga Berna, konfirmoi ndalimin për aktivitetet në kanton deri më 5 prill.

Pothuajse gjysma e popullsisë botërore (mbi 3 miliardë njerëz) është në karantinë, Shtetet e Bashkuara janë bërë vendi i parë që ka kapërcyer pragun e 100 000 të infektuarve, ndërsa vdekjet në të gjithë botën, deri sot, janë mbi 25 000. Në Kinë, megjithatë, nuk ka ende infeksione lokale: të gjithë pacientët e rinj të testuar pozitivisht vijnë nga jashtë (ka pasur mbi 50 në orët e fundit).

Koronavirusi- Në Zvicër 38 viktima 24 orët e fundit, 191 gjithësejt

Në Zvicër, në 24 orë kanë ndërruar jetë 38 persona për shkak të koronavirusit.

Ndërsa, po në 24 orët e fundit, numërohen 815 vetë të prekur nga virusi vdekjeprurës.

Gjithësejt nga koronavirusi në Zvicër janë prekur 11 712 persona. Derit tani janë shënuar 191 viktima.

 

Koronavirusi në Zvicër: Shenja inkurajuese në kantonin e Tiçinos

VOAL – Më shumë se 1200 veta në Ticino, kantoni më i prekur në Zvicër nga epidemia e koronavirusit, u sëmurën me këtë sëmundje deri të martën në mëngjes ndërsa vdekjet në lidhje me covid-19 ishin 53, sipas buletinit zyrtar të autoriteteve kantonale. Shenjat në lidhje me ngadalësimin e infeksioneve janë inkurajuese, gjithashtu në dritën e masave të kontrollit të ndërmarrë, por mjeku kantonal Giorgio Merlani dhe këshilltari i shtetit Raffaele De Rosa këmbëngulin që këto shenja duhet të “shikohen me kujdes dhe të vlerësohen në dritë të asaj që do të ndodhë në ditët në vijim “.

Në Zvicër, sipas buletinit të Zyrës Federale të Shëndetit Publik, infeksionet janë 9 832 dhe vdekjet 130.

POLITIKUAJT, VIRUSË TË SHËMTUAR E SHKATRRUES TË KOSOVËS…! – Nga Abas Fejzullahi

 

 

Në vend të hyjes për shtjellimin e temës, në vijim pas disa sqarimeve është tregimi popullor (Anekdoda) me titull:

 

          „SI E ZGJODHI MBRETI SADRIAZEMIN E RI“, që si dihet autori, as mosha, ditëlindja dhe vendi, por është marrur nga thesari popullor e që përputhet me rrethanat e krijuara pas zgjedhjeve të 6 Verdhorit (Tetorit) 20019 në Kosovë  tani më ekzistuese, si pasojë e qeverisjes së keqe nga vendorët në veçanti në 12 vitet e fundit, ku përmes një analize të bërë dhe publikuar qysh më datën 13 -01-2010, si vërejtje për qeverisjen e keqe në dy vitet e para, tani me pakë ndryshime shtesë dhe përshtatjen nga titulli :” YLEMATË DHE SADRIAZEMËT E KOSOVËS” me titull të ri:

 

” POLITIKUAJT, VIRUS  TË SHËMTUAR E SHKATRRUES TË KOSOVËS”…!

  përputhet e përshtet me rrethanat e krijuara në Kosovën hallemadhe nga të njejtit që kanë qenë nëpër pozita dhe pushtet e në bashkëqeverisje dhe veprime, pa u ndalur tinëz e pas shpinës, besa me të marrë fuqi e pushtet edhe në mënyrë të hapur e zyrtare që nga data 17-02-2008, ku tani më është dëshmua se lakmia dhe tërpia për pushtet e pasuri, përmes pozitave zyrtare.

Në momentin e kalimit në opozitë dhe humbjen e pozitave por jo edhe të lakmisë e as të pasurisë, po e shfrytzojnë situatën e krijuar nga Korona Virusi, për ta shpejtuar metastazen në të gjithë drejtimet për shkatrrim e Kosovës tue lënë pasoja afatgjata e shumë të dëmshme, të pa përmirsueshme për Kosovën dhe popullin e saj… për të përmbysur drejtuesit e pozitës nga virusët politik brenda përbrenda dhe nga jashtë…që janë tërbuar për pozita dhe pushtet… e në asnjë mënyrë për të bërë shtet si duhet, për këte dëshmia më e mirë është gjendja se ku e kanë sjellur Kosovën …!

 

“SI E ZGJODHI MBRETI SADRIAZEMIN E RI

 

Kish pas vdek sadriazemi, e mbreti dojke m`e gjetë ni sadriazem t`meçem me ja zënë venin. I thirri 12 Ylematë  ma t`dijshmit n`krejt yl-qen e vet  e po don me i pëvet se kush a`ma i meçem e ma i zoti.

 

Jau caktoi ni ditë se kur me ardhë. Po vijnë ylemaja nja ka nja. Mreti dojke me i provue dhe u dha urdhën hyzmeqarëve që rrishin te dera me marrë ni sahan me pak t`flliqt, me mlue, e ylematë me i shti mrena ka nja ka nja. Kur hin mrena, me shplue ata t`flliqt e me u than: „ Urdhni i mretit asht me e kerkue pak“.

 

Ylematë ja nisen me ren e po vinë. Kur hishin n`derë, e kërkojshin ka pak t`flliqt me gisht, me çue n`ven urdhnin e mbretit, edhe hypshin nalt n`oden e tij. Mrena hinë nimdhet ylema. Kur erdhi i dymdheti, po i thotë hyzmeqari:- Urdhni i mretit asht me e kerkue pak ata t`flliqt para se me u ngjitë n`odë t` tij.

 

Ky s`deshti kurqysh e bërtiti:

 

– Qysh kujton mbreti që unë e ha t`flliqtit?

 

Për kësi urdhnash s`e njoh për mret!

 

–Po edhe ata nimdhetë ylematë tjerë e kanë kerkue ka pak para se me hi te mreti i thanë hyzmeqarët.

 

– Sa për t`flliqt boll kam n`shpi teme, e s`kisha ardhë këtu te mbreti me e kerkue, por kam kujtue qi na ka thirrë mbreti për naj punë t`meçme e t`madhe. Hyzmeqari e pa qi ky s`po merr dhe e lajmroi mbretin. Mbreti dha urdhën me e lidhë e me e shti n`burg.

 

Atyne nimdhetë ylemave qi i kish n`od u dha  ka `i cigare e u tha: „Veç kam qef me ju pa e me ju ngjoftë“. Edhe dikur i percuell. Kur duelën nimdhetë ylematë, mbreti dha urdhën me i lidhë e me i mshel n`burg. Atëherë çoi e thirri at t`dymdhetin. Po i thotë me fjalë t`shtira: A ti je ai qi s`e çove n`ven urdhnin tem, a ? A e din çka t`gjan? Ky ylemaja i tha:

 

– Për qasi urdhni t`gabueshëm nuk t`njof për mbret. Unë kam mendue se na ke thirrë për naj punë t`meçme e t`madhe, se për me hanger t`flliqt, me pas dashtë, kisha hangër tu shpija e s`kishna ardhë këtu te ti hiq.

 

Mbreti e pa qi ish guximtar dhe i drejtë, e ndërroi ftyrën e ja nisi e po kesh. U çue e muer ngrykë dhe i tha:

 

– Ti do t`bahesh SADRIAZEM se kam ymyt se veç ti mundesh me e majt t`paqtë, tuj ba punë t`mira  e me drejtsi, pa u flliq, ashtu si nuk u flliqe për me e çue  n`vend urdhnin tem qi s`ish me vend. Këtë e bani SADRIAZEM e nimdhetë ylematë tjerë i kalbi haps. “

 

 ANALIZA NË VIJIM :

 

     Kishte me qenë fatbardhësi, që Kosova të kishte fatin për me pasur një drejtues shteti që do të bënte veprime, siç bëri Mbreti në tregimin e sipër shënuar, me Ylematë e tij..!

 

     Por në Kosovë, sa u pa ni fije shprese për një veprim të tillë,  Sadriazemët që kanë provuar postet dhe pozitat dhe pasuritë e tyre, besa tue ndrru e tue kërkuku me gishta e me grushta, ku kanë vjelur e mjelur ku dhe kah kan mundur,besa kërkuar jo vetem me gishtë atë lloj ëmbëlsire por edhe me grushta hiq ma pak se 12 vitet e fundit,  pa i përmendur e hulumtuar ato më heret, se ku me dit se çfarë  beteri  e sherri kishte me del..!

 

U ngriten peshë. tue thënë: se, si ne s’ka më të mirë,  se Ylematë e Sadriazemi i ri, është mashtrues, i pa ditur e çfarë si thanë nga frika, se po i rrezikonte pasurit dhe pozitat e tyre siç prmtoj me fjalë,  s’lanë gur pa lëvizur u bënë bashkë me dreqin e të birin me shpfje prrallisje për ta përmbysur e për të mos ia lënë mundësin me provuar se si do qeverisin ylemat e Sadriazemi i ri.. a do tëprovojnë edhe ata me gishta e me grushta si ata vet apo jo..!

 

PËR:

 GJENDJEN E TASHME NË KOSOVËN HALLEMADHE…!

 

Për Ylematë dhe Sadriazemët e Kosovës apo Politikuajt, kurvendarët (deputetët) e Kuvendit të Kosovës, kryepar, kryeministra, ministra, zëvendsministra, pushtshtetarë qëndrorë e lokalë të Kosovës, shumicën prej tyre, mjerë Kosova që i ka… hiq më pak se 12 vite kanë qeverisur keq tue u thirrur  në voten e popullit dhe si përfaqësues të zgjedhësve..!

 

1.Të zgjedhurit apo (vetzgjedhurit) shumica prej tyre me vota të vjedhura, apo të fituara me keqpërdorime (korrupcion-ryshfet), premtime dhe mashtrime, kërcënime dhe kushtëzime, erdhën në ulëset e Kuvendit të Kosovës, apo nëpër pushtetet e ndryshme qëndrore e lokale, kanë zënë vend dhe pozita të ndryshme, jo për të mirën e Kosovës dhe shëndetin e saj, por për interesat vetiake, familjare, grupore, partiake, klanore e farefisnore, sepse i kanë shijuar jo me gisht por edhe me grusht të mirat dhe fitimet pa djersë e mund… në forma dhe mënyra nga më të ndryshmet me pandershmëri, pa i dhënë askujt asnjëherë përgjegjësie për asgjë..!

 

  1. Në fushatatë zgjedhore, për t`u zgjedhur a rizgjedhur, për t`i ruajtur vendet në Kuvendin e Kosovës, pozitat e ndryshme qëndrore dhe lokale, kanë shpenzua miljona euro, të taksa paguesëve të Kosovës, tue shtruar dreka e darka hapur për të mashtruar votuesit në mënyrë edhe tinez e pas shpinës edhe me forma tjera, për të fituar sa më shumë vota… për t`u zgjedhur apo rizgjedhur…!

 

3.Premtuan në vazhdimsi: mirëqenien e popullit do ta rregullojnë dhe Kosovën do ta ndërtojnë, lulëzojnë e përparojn në të gjitha drejtimet, duke premtuar miliona euro nëse të njejtit i votojnë  për t`u zgjedhur të njejtit apo të zgjedhurit e tyre, sepse janë më të mirët, ma kombëtarët, e që do të zbatojnë sundimin e ligjit, drejtësisë e demokrasisë dhe do ta luftojnë krimin dhe keqpërdorimin (korrupsionin), terrin e tmerrin, pa  fije turpi, nuk tregonin, që ata ishin dhe janë dora vet  sot e kësaj dite, që e sollën terrin e tmerrin e pa treguar në asnjë rast se kush janë fajtorët e territ e të tmerrit, flisnin fjalë të mira meplotë premtime, ani që asnjë si kanë mbajtur asnjëhere e as që i mbajnë sot e kësaj dite, flisnin për Sovranitet e Kushtetut e me Fusnotë e hiqnin Republikën dhe përditshmëria ka dëshmuar deri më tani të kundërtën..!

 

Dëshmi:

 

  1. Cili prej liderëve të partive politike doli në Mitrovicën e ndarë, në anën tjetër të lumit Ibër, në veri ku janë vendosur me kohë strukturat paralele të Serbisë, ku asnjë flamur i Kosovës nuk shifet kund vetem të Serbisë dhe fotot e udhëheqësve të Serbisë në Beograd, ku zbatohen Ligjet e serbisë e kundërshtohen të Kosovëes, ndërsa për të zhvilluar fushtë zgjedhore si në Prishtinë, Skënderaj, Prizren e qytete tjera udhëheqësit e partive politike shqiptare shkonin me zhurmë e hallakam tue shtrua dreka e darka dhe tue ba muzikë me lodra currle e tupana  folklor e rrëmuj me tallava e tralala..!

 

  1. Kush u hetua, burgos apo u gjykua, për vrasjet e shumta pas lufte tinez e pas shpines me maska në prita e në terr, apo kushe bëri zhvillimin dhe përhapjen e kriminit të organizuar politik dhe ekonomik, të ngritur e vendosur në shkallë institucionale apo për të gjitha keqpërdorimet dhe terrin e tmerrin e pas luftës..!?

 

  1. Kush u përgjegj për vjedhjen e dokumentacionit në dhomen e dëshmive dhe pasurive tjera në tërë Kosovën..?

 

4.Cili prej kurvendarëve, kryeparëve, kryeministrave, ministrave, zëvendsmini- strave apo edhe të nivele tjera në pozita dhe pushtete institucionale të Kosovës, kanë deklaruar drejtë pasurinë e tyre, të lëvizshme e të pa lëvizshme dhe si paten mundësi të ken tash me nga qindar hektar tokë që kanë treguar vet dhe miliona pasuri tjera që po shihen  ku flitet  në Kuvend dhe shkruhet haptas për çdo ditëe që s`ka pasur mundësi ta krijojnë  ato pasuri pushshtetarët me të ardhurat mujore që kanë…?

 

Për Kosovën  hallemadhe, ka se çfarë të shkruhet e thuhet, por kësaj rradhe me këtë shkrim po e përmbyllim me disa krahasime në vijim:

 

LINDJA E KOSOVËS SI SHTET  ME SHUMË VËSHTËRSI…

 

Çdo nënë që lind fëmijë, përjeton, dhimbje, vështërsi dhe gëzimin pas lindjes së sukseshme.

 

Po lindja e Kosovës hallemadhe si Shtet, si lindi?

 

Në çfarë rrethanash dhe kushtesh Lindi Kosova si shtet dhe sa janë kujdesur përgjegjësit  për këtë..?

 

Si një fëmijë i posalindur me shumë vështërsi KOSOVA, jo për shkak të peshës e madhësisë, po për shkak të infektimeve bakteriale e virusale nga jashtë e brenda, dhe shumë përziemjeve e ndërlikimeve dhe pengesave tjera të krijuara në kohë dhe hapësirë, nga faktori robëri, nga vet vendorët përgjegjës, shumica prej tyre me lakmi e tërpi për pozitë e për pushtet e pasuri, ndikuan për ta penguar këtë lindje, që aq gjatë është pritur, KU, pa ndërhyrjen e vendosur të kirurgut me shumë kujdes dhe manevrime në kohën dhe momentin e fundit, që pa operacionin e domosdoshëm, që bëri kirurgu me shumë kujdes e mençuri, lindja do të ishte e pa mundur !

 

E ardhmja e Kosovës do të jetë e njëjtë si e fëmijës të posalindur, që do të varet nga ushqimi që do t`i japim:

 

-Nëse kujdesemi me kohë për ushqim të mirë e si duhet, mbajmë pastërtin në çdo kohë, mbrojmë shëndetin, do të kishte rritje e zhvillim të  mirë me shëndet dhe si duhet, do të ketë ardhmëri të mirë e jetëgjatësi.

 

E Kosovës i ndodhi për fatin e keq kjo që po e paraqesim shkurtimisht shembullin e marrur në vijim;

 

Në të kundërtën, nëse s`kujdesemi për ta ushqyer mire, me kohë dhe si duhet e lamë në të lagur e s`kujdesiemi për t`ia ndërruar ndërresat, i posalinduri do të lëngojë nga infektime të ndryshme bakteriale e virusale, do ketë dhimbje e barkqitje që do të kundërmojnë rënë erë të pa këndëshme rreth e rrotull, do të ketë një rritje jo vetëm të ngadalshme por edhe të përçudnuar, me shumë të meta në të gjitha drejtimet, dhe është rreziku i pranishëm, që të merr formë aq të shëmtuar, sa  t`i përngjan ndonjë fëmije me shumë të meta fizike e psiqike  apo edhe me shenja të pranueshme rahitike dhe epileptike…!

 

FATKEQSISHT PËR KOSOVËN, është dëshmuar nga rrjedhatë e deritashme, se kujdesi jo vetem se ka munguar e ska qenë ashtu siç është dashur, nga përgjegjësit për mirëqenie dhe shëndet, por e kanë ushqyer me lloj lloj ushqimi me plotë mikrobe dhe lloje virusësh nga më të ndryshmit, të brendshëm e të jashtëm, ju kanë vërsulur Kosovës hallemadhe, e s’po e lënë të rritet si duhet e si e dëshirojmë dhe si e meriton…!

Prandaj, përgjegjësit  e kanë infektuar rëndë me virusët e lakmisë, tërpisë për pozitë e për pushtet dhe e kanë sjellur Kosovën në këtë gjendje që tani më është në rrezik të jet a të mos jetë, Shtei i Kosovës..!

 

Këto sëmurje ja sollën të gjithë ata që qeverisën keq vendin, në emër të Demokracisë, në emër të votes së popullit e të votuesëve, në emër të lakmisë dhe tërpisë për pozitë, pushtet  e pasuri, që kanë kriju për vete e shkatrruar Kosovën dhe mirëqenien e popullit..!

 

Kosova hallemadhe, tani më është në rrezik të madh, rëndë e infektuar nga virusët politikë që shpërndajnë gjithandej Kosovës politikuajt në pozita dhe pushtete të ndryshme,  s’paku qe 12 vite, e kur njeriu s’ gjen rrugdale tjetër nga gjendja e rëndë  kur gjindet, si mbetet gjë tjetër veç lutja, me këtë rast edhe unë po lutem se tjetër s’na ka mbetur, që Kirurgu që e mundësoi lindjen e rëndë të Kosovës përmes operimit që bëri, të bënë edhe një ndërhyrje kirurgjikale përsëri, sa s’është bërë vonë, për ta shpëtuar edhe njëherë, kishte me qenë një mrekulli, përmes operimit dhe terapisë me barna ti shkatrron virusët e shëmtuar e ngjitës që aq rëndë e kanë dëmtua  Kosovën hallemadhe..!

 

 

           Si përfundim:

 

           Si, s’po u vie marre të gjithë atyre që qeverisën keq deri tash dhe sollën këtë gjendje që është Kosova, të njejtit thon se ne jemi më të mirët, ne do e shpëtojm Kosovën, pa e pranuar asnjëherë, se këta e sollën këtu ku është dhe spo lejojnë që të tjerët, që nuk qeverisën deri tash, të qeverisin tue ju vërsulur me të gjitha mjetet dhe format, për t’ i penguar e për t’ mos i lënë për t’ i provuar, me pas qenë kështu të organizuar kundër armikut dhe për zhvillim ekonomik e arsimor në vend, Kosova do të ishte ndryshe nga që është sot…!

Gjashtë deputetë të Zvicrës dënojnë përpjekjet e Thaçit dhe Mustafës për rrëzimin e qeverisë së Kosovës

Gjashtë deputetë të Parlamentit të Zvicrës kanë dënuar përpjekjet për rrëzimin e qeverisë së Kosovës dhe sidomos synimin e presidentit Hashim Thaçi për t’ia marrë kompetencat kabinetit të kryeministrit Albin Kurti. Përmes një njoftimi, ata në të njëjtën kohë i kanë bërë apel edhe shefit të LDK-së, Isa Mustafës. Këta deputetë të disa partive të Zvicrës kanë shprehur shqetësimin mbi zhvillimet e fundit në Kosovë, transmeton KOHA.

“Botën e ka përfshirë koronavirusi. Edhe në Republikën e Kosovës gjendja është serioze. Si në vende të tjera edhe në Kosovë qeveria ka ndërmarrë masa drastike për të kufizuar me vendosmëri përhapjen e virusit. Por ne po e përcjellim me shqetësim të madh se si qarqe të caktuara politike po përpiqen që krizën ta shfrytëzojnë në dobi të tyre. Sidomos e kemi fjalën për presidentin Hashim Thaçi dhe për kryetarin e LDK-së, Isa Mustafa, partia e të cilit është pjesë e qeverisë. Ne e hedhim poshtë me vendosmëri përpjekjen e kryetarit Hashim Thaçi që, duke marrë si shkas koronavirusin, të shpallë gjendjen e jashtëzakonshme dhe kështu t’ia marrë kompetencat qeverisë së koalicionit nën drejtimin e kryeministrit Albin Kurti. Një kërkesë e tillë nuk ka asnjë bazë dhe do ta shkatërronte pjekurinë e sapoarritur demokratike të Kosovës”, shkruan në deklaratën e përbashkët të këtyre deputetëve.

Ata i kanë bërë apel në të njëjtën kohë edhe LDK-së, e cila është partnere koalicioni në qeverinë e kryeministrit Kurti.

“Në këto kohëra të tensionuara ne paralajmërojmë urgjentisht që të hiqet dorë nga këto lojëra politike. Rrëzimi i qeverisë së popullarizuar do ta fuste Kosovën në një situatë të pakëndshme politike në valën e koronavirusit”, është thirrja e tyre.Këta deputetë i kanë bërë thirrje të gjithë akterëve politikë që të japin kontributin e tyre në shtendosjen e situatës. “Qeveria e re sapo ka marrë detyrën dhe deri më tani nuk ka dhënë ndonjë arsye për mosbesim. Përkundrazi, kjo qeveri gëzon respekt të madh në arenën ndërkombëtare. Nëse qeveria Kurti do të rrëzohej me pretekste bajate apo do t’i merreshin kompetenca me urdhëresa të gjendjes së jashtëzakonshme, atëherë vendet si Zvicra do të rishqyrtonin thellësisht vlerësimin dhe rrjedhimisht edhe marrëdhëniet me Republikën e Kosovës”, kanë paralajmëruar ata.

Deklarata është nënshkruar nga Tiana Angelina Moser, deputete nga Partia e Gjelbër Liberale (GLP) dhe kryetare e Komisionit të politikës së Jashtme, Doris Fiala, deputete nga Partia Liberale (FDP) dhe bashkëkryesuese e Grupit Parlamentar Zvicër-Kosovë, Cédric Ëermuth, deputet i Partisë Socialdemokrate (SP) dhe bashkëkryesues i Grupit Parlamentar Zvicër-Kosovë, Fabian Molina, deputet nga Partia Socialdemokrate (SP), Sibel Arslan, deputete nga Partia e Gjelbër (GPS) dhe anëtare e Asamblesë Parlamentare të Këshillit të Europës si dhe Niklaus-Samuel Gugger, deputet nga radhët e Partisë Popullore Evangjeliste (EVP) dhe anëtar i Asamblesë Parlamentare të Këshillit të Europës.

Koronavirus: Mbi 7 000 të prekurit në Zvicër

VOAL – Rastet e koronavirusit të regjistruar në Zvicër u rritën në 7.014 të Dielën. Mbi 900 infeksione të reja janë raportuar në 24 orët e kaluara, sipas bilancit të fundit të hartuar nga Zyra Federale e Shëndetit Publik (FOPH). Ka 60 vdekje që lidhen me Covid-19, domethënë katër më shumë se e shtuna. Në Ticino ka 939 individë pozitivë dhe 37 vdekje, sipas faqes së internetit Ticino.

Të gjitha kantonet dhe Lihtenshtajni janë të prekur nga sëmundja. Më të prekurit janë Ticino, me një incidencë prej 263.5 raste për 100,000 banorë, përpara Vaud (205.8) dhe Bazel-City (203.8).

Të rriturit janë shumë më shpesh të infektuar se fëmijët. Infeksioni prek si gratë ashtu edhe burrat, por burrat janë më shpesh të sëmurë nga mosha 60 vjeç. Nga 0 deri në 100 vjet, të gjitha grupmoshat preken.
ATS

Koronavirus: Rekord infektimesh në Zvicër

VOAL – Në të gjithë botën, rastet e koronavirusëve janë mbi 275 000 dhe numri i vdekjeve të shtunën në mëngjes tejkaloi 11.400. Mbi 88000 njerëz janë shëruar nga sëmundja.

Në Zvicër ka 6113 raste pozitive, pra 1 273 më shumë se dje, gjysma e të infektuarve është nën 51 vjeç. Vdekjet gjithashtu janë në rritje: 56 (13 më shumë).

Në Ticino 918 infeksione u raportuan këtë mëngjes (dje ishin 834) dhe 28 vdekje (ose 6 më shumë). Graubynden: 213 raste dhe 3 vdekje.

Presidentja e Konfederatës Simonetta Sommaruga i drejtohet popullatës me një letër të hapur:”Ne jemi një vend, le të ndihmojmë njëri-tjetrin”

Voal.ch – Presidentja e Konfederatës Simonetta Sommaruga sot i drejtohet popullatës me një letër të hapur në katër gjuhë të botuar nga media zvicerane. Në letër vendosen në qendër të vemendjes masat e reja që ka marrë dje qeveria për të luftuar koronavirusin.

Të dashur bashkëqytetare, të dashur bashkëqytetarë,


Nga sot e nesër jeta jonë ka ndryshuar. Afërsia gjeografike me Italinë e detyroi Ticinon dhe luginat e Graubünden të reagojnë më shpejt se rajonet e tjera dhe kufizimet e vendosura për jetën tonë të përditshme u ndjenë atje më herët: shkollat, kinematë dhe dyqanet janë të mbyllura, demonstrimet janë të ndaluara . Njerëzit e moshuar dhe të sëmurë qëndrojnë në shtëpi. Shumë punojnë në shtëpi. Në zyrë, apo në rrugë, nuk afrohemi më shumë se dy metra. Ndalohet mbledhja në natyrë me më shumë se pesë persona.

Këto rregulla janë të rëndësishme. Sepse këto rregulla shpëtojnë jetë. Prandaj duhet t’i respektojmë ato absolutisht. Vetëm në këtë mënyrë ne do të jemi në gjendje të shmangim infeksionet dhe të ngadalësojmë përhapjen e koronavirusit. Dhe kjo është vendimtare.

Nëse epidemia përhapet shumë shpejt, njësitë e kujdesit intensiv në spitalet tona nuk do të kenë kapacitete të mjaftueshme. Pasojat mund të jenë shkatërruese.

Të gjithë duhet të japim kontributin tonë.

Numri i viktimave në Ticino po rritet. Po rritet në të gjithë Zvicrën dhe kjo dhemb. Konfederata, kantonet dhe bashkitë punojnë ditë e natë për të gjetur zgjidhje. Por siç ndodh shpesh në vendin tonë, nevojitet mbështetja e popullatës.

Gjithçka është në duart tona, të dashur bashkëqytetare dhe bashkëqytetarë të dashur. Në emër të Këshillit Federal, ju kërkoj të qëndroni në shtëpi nëse jeni mbi 65 vjeç ose nëse jeni të sëmurë. Mbani distancën tuaj nga njerëzit e tjerë. Kështu mbroni veten dhe mbroni të tjerët.

Autoritetet nuk braktisin popullsinë. Le të mendojmë për bizneset dhe vendet e punës. Këshilli Federal ofron ndihmë për bizneset, punonjësit dhe punëtorët e vetëpunësuar që luftojnë për ekzistencën e tyre.

Këshilli Federal siguron që pagat të paguhen dhe bizneset të marrin kredi. Më shumë se 40 miliardë franga janë në dispozicion tani, shpejt dhe pa shirita të kuq.

Një falenderim i madh!

Jo të gjithë njerëzit mund të punojnë nga shtëpia. Ne kemi nevojë për punëtorët shëndetësorë, postierët, personelin e supermerkatove dhe dyqaneve, shoferët e autobusëve, tramave, kamionëve, kemi nevojë për fermerët dhe ushtarët tanë. Të gjithë po punojnë për të siguruar që furnizimi i mallrave dhe i shërbimeve në vendin tonë të mbetet i garantuar. Një falënderim i madh për ta!

Pikërisht kjo e ka dalluar gjithnjë Zvicrën. Kur situata bëhet serioze, ne jemi më shumë se 26 kantone dhe 8.5 milion njerëz. Ne jemi një vend. Dhe ne jemi në shërbim të njëri-tjetrit.

Simonetta Sommaruga,

Presidentja e Konfederatës

Përktheu E.B./Burimiswissinfo.ch

 

(Video) Këshilltari Federal Alain Berset përfshin Roger Federer në fushatën: Rri në shtëpi – me Hashtag: “Kështu mbron veten dhe të tjerët #Protectyourselfandothers”

“Themelore të mbrohen të moshuarit” (Roger Federer / Instagram)

Voal.ch – Këshilltari Federal Alain Berset ka lançuar përmes rrjeteve sociale një fushatë kundër koronavirusit. “Bashkë dhe solidarë. Mos harroni: rrini sa më tepër që të keni mundësi në shtëpi”. Fushata në rrjetet sociale është e stilit – “Ice bucket challange” – “Sfidë kovës me akull” se si të mbroheni nga koronavirusi. Këshilltari Federal Alain Berset ka nominuar me Hashtag – #soschützenwiruns – #Protectyourselfandothers – #Kështu mbrojmë veten dhe të tjerët Roger Federer dhe Ish-Miss- Zvicra Christa Rigozzi.

Ja reagimi i Këshilltarit Federal Alain Berset në Instagram: «Bashkë dhe solidarë. Të gjithë kemi një rol shumë të rëndësishëm për të luajtur. Në spitale, në shtëpitë e njerëzve të moshuar, gjithashtu në dyqane, midis fqinjëve. Ju duhet të ndiqni udhëzimet. Duhet të mbani distancën dhe mos harroni: qëndroni në shtëpi. Kjo është një çështje përgjegjësie për të gjithë. Na tregoni se çfarë bëni në Hashtag-un #voicicommentnousproteger. Ju mund të emëroni tre persona. Unë mendova për : Christa Rigozzi, Stresi dhe Roger Federer, “tha Berset në Instagram.

Roger Federer u bë menjëherë bëhej pjesë e fushatës me video dhe zërin e tij për të sensibilizuar shoqerinë dhe sidomos rininë. Përmes Instagram-it, bazilezi theksoi rëndësinë e qëndrimit në shtëpi, pasi ai ka disa ditë duke bërë atë që thotë.

“Situata është shumë e rëndë – tha mbreti Roger Federer – kështu që është e rëndësishme të ndihmojmë njëri-tjetrin dhe në mënyrë të veçantë për të mbrojtur të moshuarit, të cilët janë kategoria më e rrezikuar”.

Federer më pas thirri për sfidë duke emëruar me Hashtag Wendy Holdener, Roman Josi dhe DJ Bobo./EB/20Minuten

 

 

 

 

 

Sot e gjithë Zvicra një minutë duartrokiti për bluzat e bardha!

VOAL.CH – Nga ballkonet,  dritaret apo edhe nga rruga për një minutë sot e gjithë Zvicra duartroki për ata që sot janë vënë në shërbim të pacientëve të infektuar nga coronavirus Covid 19.

Duartrokitje kolektive. Të falënderohen mjekët, infermierët, farmacistët dhe punonjësit e shëndetit. Për t’u dhënë atyre forcë për të vazhduar luftën në vijën e parë të frontit kundër koronavirusit.

Sot është bërë një himn kolektiv për jetën dhe guximin. Inisiativa është e botuesve të NZZ, CH Media, SRG, Ringier, Tamedia dhe 20 minuta.

Nga ballkonet, nga dritaret, apo edhe nga rruga. Minuta e duartrokitjes u përhap për të arritur tek ata që kanë më shumë nevojë për momentin e vështirë që po kalon e gjithë Zvicra./EB/20Minuten