VOAL

VOAL

Please Wait ...
0%

Kur hani shegë – Çfarë ndodh në organizmin tuaj brenda 30 minutash

By | October 5, 2019

Komentet

Vitaminat që duhet të marrim për të luftuar koronavirusin

 

“Vitamina D është një nga vitaminat më të rëndësishme për mirëfunksionimin e trupit të çdo njeriu’. Kështu pohon mjeku endokrinolog Dashamir Gjergji, i cili na njeh me rolin e jashtëzakonshëm që ka kjo vitaminë ne organizëm dhe sidomos efektin e saj ne fuqizimin e imunitetit tone.

Kjo merr me tepër vlera ne kushtet ku jemi si shkak i pandemisë virale, nga COVID -19. Vitaminë D, Vitamina C dhe Magneziumi sipas doktorit janë 3 elementet baze qe rrisin ne mënyre te  shkëlqyer fuqinë e imunitetit tone, qe te mos prekemi apo ta kalojmë sa me lehte ketë infeksion te rende viral.

Doktor cili është roli i vitaminës D në organizëm?

Sezoni i dimrit shoqërohet me sëmundshëmeri të shumta, kryesisht infektive p.sh virozat etj. Qe te përballet mire me ketë sezon organizmi ynë duhet te ketë mjaftueshëm nivel energjie dhe imuniteti.

Një nga elementet kyç qe mban ne tonus dhe efektiv organizmin tone është prezenca e Vitaminës D apo vitaminës se Diellit siç njihet ndryshe . Quhet vitamina e diellit sepse krijohet prej tij dhe kush ka marre rreze te mjaftueshme dielli ne vere  do ta ketë me te lehtë përballimin e sezonit te dimrit ne te gjithë aspektet.

Pra është koha e duhur për kontrolluar nivelin e kësaj vitamine, ne mënyre qe te gjithë ata qe nuk kane bere banjo dielli, gjatë vitit, veçanërisht grupet e caktuara shoqërore me risk te larte pre retiçencë te kësaj vitamine, duhet të marrin patjetër suplemente  me përmbajtje te kësaj vitamine.

Vitamina D është një nga vitaminat më të rëndësishme për mirëfunksionimin e trupit të çdo njeriu. Vitamina D konsiderohet vitaminë unike sepse është e vetmja vitaminë, e cila sekretohet ose prodhohet nga lëkura nën efektin ndaj rrezeve të diellit. Është unike sepse ne nuk mund ta prodhojmë dot në trupin tonë pa kontakt diellor. Shumë pak ushqime përmbajnë ketë vitamine.

Vitamina D më shumë sillet si hormone se sa si vitaminë. Interesant është fakti që mjafton ekspozimi i përditshëm në diell për pak minuta në sezonin  e verës, për të na prodhuar dhe akumuluar në trupin tonë sasinë e duhur dhe të mjaftueshme të Vitaminës D për 1 vit.

Çfarë efektesh ka në trupin tonë Vitamina D? 

Vitamina D na siguron përthithjen e mjaftueshme të kalciumit nga zorrët, mbajtjen në normë të vlerave të kalciumit në kocka dhe në dhembë duke siguruar fortësinë e tyre.

Ndihmon gjithashtu në mbrojtjen dhe rritjen e imunitetit si dhe redukton rrezikun për disa lloje të tumoreve në organizëm.

Në jo pak studime tregohet që mungesa e kësaj vitamine jo vetëm sjell  sëmundjen e rakitizmit tek fëmijët, por është shkaktare për shumë sëmundje të rënda kronike p.sh skleroza multiple, sëmundje te zemrës etj.

Më sipër ju pohuat se Vitamina D konsiderohet vitaminë unike sepse është e vetmja vitaminë, e cila sekretohet ose prodhohet nga lëkura nën efektin ndaj rrezeve të diellit… 

Po,  ekspozimi ndaj rrezeve të diellit dhe rrezeve ultraviolet janë stimuluesit  kryesor në sintezën dhe prodhimin e Vitaminës D, sa më i madh të jetë ekspozimi aq më shumë prodhohet.

Dozat e mjaftueshme në organizëm të Vitaminës D mund të realizohen edhe me ekspozime të vogla në diell i pjesëve të caktuara të duarve dhe kokës.

Por gjithashtu nevojitet ekspozim në muajt e verës në mënyrë që të shtojë rezervat e Vitaminës D, të cilat harxhohen në dimër.

Duhet  bërë kujdes në ekspozimin e tepërt ndaj rrezeve sepse mund të bëhet shkak për tumore të lëkurës si nishanet, melanoma etj.. Sa më e errët të jetë lëkura aq më pak prodhohet Vitaminë D dhe aq më shumë rritet rreziku për deficit të saj.

 Po cilët janë grupet e riskut qe vuajnë deficitin e Vitaminës D?

Të gjithë njerëzit që qëndrojnë në ambiente të mbyllura, ata që mbulohen në të gjithë trupin kur dalin në natyrë, njerëzit me lëkurë të zezë, ata që banojnë në ajër të ndotur si edhe të gjithë ata që përdorin kremra kundra diellit me faktor mbrojtës mbi 8.  Zakonisht rrobat sintetike e ulin shumë mundësinë e sekretimit të Vitaminës D.

Rekomandohet ekspozimi në diell nga ora 10:00 – 15:00 pasdite nga muaj prill deri në shtator jo më pak  se 20 minuta, përveç moshës së tretë dhe njerëzve me lëkurë të zezë që kanë nevojë për më shumë rrezatim.

Periudha nga shtatori deri në prill nuk e ka forcën e rrezatimit të mjaftueshëm për të siguruar rezerva të Vitaminës D, ndaj ne kete periudhe rekomandohet marrja e suplementeve te Vitaminës D.

Tek personat me risk për kancerin e lëkurës duhet të përdorin kremra mbrojtës me faktor të lartë ose të mbulojnë lëkurën dhe e vetmja mundësi për marrjen e kësaj vitamine mbeten suplementet.

Sa te rrezikuar jemi ne nga mungesa e vitaminës D?

Nuk mund te jap shifra te sakta pre vendin tone, por mund t’ju  them qe në të shumtën e rasteve kur e kemi analizuar ketë element kane rezultuar me deficenca dhe jo rralle here te deficite te renda te kesaj vitamine.

Ne vendet me te zhvilluara edhe pse i ofrojne popullatës tyre ushqime te fortifikuara me Vitamine D, serish niveli i deficittit te saj haset nga 40 deri ne 60% te popullatës.

Kjo vjen edhe per faktin se shumica e njerzve gati 75% e tyre vuajne intolerancen e qumështit apo te laktozësh, qe e ben te pavlefshem marrjen e Vitamines D nga ushime te pasuruara me prezencen e saj.

Doktor, kush mund të përdorë Vitaminën D?

Vitaminen  D mund ta përdore çdo njeri, por se pari duhet vlerësuar niveli i Vitamina D te çdo individ qe mund ta përdore kete vitamine.

Matje duhen bere gjate gjithë trajtimit me kete vitamine ne menyre qe te kompesojme si duhet deficitet e saj dhe te mos kalojmë ne mbingopje apo “helmim” te organizmit nga kjo vitamine.

Me e rëndësishme është marrja e kesaj vitamine te grupe si:

Fëmijët dhe adoleshentët, të cilët rriten shpejt, kanë nevojë për doza të Vitaminës D, shtatzënat ose nënat që kanë fëmijët me ushqyerje me gji, kanë më shumë nevojë se sa gratë e tjera sidomos adoleshentet shtatzëna kockat, e të cilave janë akoma duke u zhvilluar vetë, kanë nevojë për sasi ekstra të kësaj vitamine për rrjedhoje dhe kalciumit, për fëmijët e tyre.

Po ashtu, moshat e treta meqenëse lëkura e tyre nuk është në gjendje të prodhojë normalisht sasitë e nevojshme të Vitaminës D, njerëzit që jetojnë në vende nordike, ku ka pak rrezatim diellor, personat që mbulojnë gjithë trupin me rroba, çdo person që harxhon pak kohë jashtë shtëpisë apo zyrës, sidomos në verë si edhe  personat që punojnë turnet e natës dhe që flenë gjatë ditës.

Vitamina D mund të sigurohet edhe përmes ushqimeve, cilat produkte përmbajnë Vitaminë D? 

Vitamina D gjendet ne sasi te caktuara ne shume ushqime, por ne sasi te konsiderueshëm gjendet te peshqit me yndyre ( salmon, sardelet).  Prodhimet e tjera të detit përmbajnë sasi të mjaftueshme të Vitaminës D.

Vezët dhe mishi përmbajnë sasi të pakët të vitaminës. Margarina dhe disa formula të tjera si ushqimet e mëngjesit të fëmijëve. Mëlçitë e merlucit  përmbajnë sasi të mëdha të Vitaminës D.

A matet niveli i kesaj vitamine?

Po, fatmirësisht laborator te zhvilluar masin direkt nivelin e vitaminës D me gjak. Kryesisht dozohet 25 (OH)D. Edhe te ne vitet e fundit është rritur ndjehem numeri i laboratorëve qe e dozojnë si dhe interesi i njerezve per ta matur. Ne pergjithesi shumica e rasteve ka rezultuar me pamjaftueshmëri,ose deficit te kesaj vitamine.

Të ndalemi tek trajtimi i deficitit, në çfarë doze rekomandohet Vitamina D? 

Ka protokolle te ndryshme persa i perket trajtimit. Ne varesi te mungeses jepen edhe dozat e saj. Përgjithësisht ato variojne nga 1000 ui deri 5000 ui  ne dite. Ecuria e mjekimit ndiqet me kontrolle te here pas hershme te te nivelit te Vitaminës D ne gjak.

Çfarë ndodh nëse nuk marrim sasi të caktuara të Vitaminës D?

Tek të porsalindurit dhe fëmijët ndodh rakitizmi, të rriturit mund të kenë hollim të kockave osteoporoze ose dobesim te tyre, osteomaloci. Gjithashtu mund të jenë të predispozuar të bëjnë tumore të gjirit dhe prostatës.

Disa shkencëtarë besojnë se mungesa e Vitaminës D çon në Diabet Mellitus(sheqerit) tip 1, sëmundjeve të zorrëve, semundje te zemres, semundje te tiroides, çrregullime te riprodhimit, sklerozës multiple etj.

Cilët grupe i kane te domosdoshme suplementet e Vitaminës D?

Çdo njeri që ka lëkurë të zezë.  Shumica e tyre që mbulohen dhe nuk dalin në verë. Nënat shtatzëna dhe në gji kanë nevojë për me tepër se 400 UI Vitaminë D në ditë, e cila është e mjaftueshme për fëmijët dhe vetë ato.

Tek fëmijët që ushqehen me gji kanë  për 300 Ui Vitaminë D pas 6 muajve të parë të jetës së tyre.  Suplementet e Vitaminës D në veçanti nuk janë shumë të përhapura, por të kombinuara me vitamina të tjera si A, B, D ekzistojnë shumë dhe në vendin tonë.

Vitamina D si rregull duhet të merret  1 herë në ditë,por ne raste kur eshte e perqendruar mund te merret edhe nje here ne jave apo ne muaj. Shpesh mund te  mund të përdoret  edhe me vitamina të tjera, por dhe me suplementet e kalciumit.

Tek gratë në menopauze dhe në fillimet e osteoporozës duhet marrë suplemete të mjaftueshme të Vitaminës D dhe kalciumi përgjithësisht në dozat 400 – 800 ui D3 dhe 1 – 1.5 gr kalcium. Gjithsesi ajo çka është e këshillueshme është marrja në mënyrë sa më natyrale e Vitaminës D.

Lidhur me pandeminë e COVID-19, cilët janë rekomandimet pre trajtim me ketë vitamine?

Vende te ndryshme kane rekomanduar përdorimin ne doza te mëdha te Vitaminës D, fillohet me 5000ui ne dite, ose 50.000 ne jave (pre 2 deri 4 jave)ose ne forme injeksioni 300.000 apo 600.000ui/3muaj.

Përgjithësisht këshillohet te përdoret edhe Vitamina C me doza te larta  2 ose 3 here ne dite nga 1000mg plus, Magnezium 400mg ne dite.

Këto janë 3 elementet baze qe rrisin ne mënyre te  shkëlqyer fuqinë e imunitetit tone, qe te mos prekemi apo ta kalojmë sa me lehte kete infeksion te rende viral./ Marrë ngaPanorama.al

Universiteti i Oksfordit kërkon vullnetarë për testimin e vaksinës kundër COVID-19

Universiteti i Oksfordit në Britani ka bërë thirrje për vullnetarë tek të cilët do të testohet vaksina e re e mundshme kundër koronavirusit, raporton Anadolu Agency (AA).

Universiteti u shpreh: “Ne po punojmë shumë për të zhvilluar vaksinën kundër COVID-19. Sot jemi duke rekrutuar individë për të marrë pjesë në testet klinike. Ky është një hap i rëndësishëm. Ne kemi nevojë për vullnetarë të shëndetshëm nga mosha 18 deri 55 vjeç, për të ndihmuar në testimin e mundshëm të efektivitetit të tij”.

Më tej në deklaratë shtohet se : “Studiuesit tanë po punojnë me kujdes të madh dhe nxitim që ta bëjnë këtë vaksinë të gatshme për t’u përdorur në testet klinike”.

Universiteti ka bërë thirrje për 510 vullnetarë, rreth gjysma e të cilëve do të vaksinohen me një version sintetik të virusit, ndërsa gjithashtu grupi që do të kontrollohet do të marrë një qetësues (placebo).

Vullnetarët do t’u tregojnë studiuesve për çdo efekt anësor ose simptomë që ata mund të përjetojnë gjatë testimit gjashtëmujor. Mund të kenë simptoma të ngjashme me gripin për dy javë pasi të kenë marrë vaksina.

Projekti drejtohet nga Instituti Jenner dhe Grupi i Vaksinave në Oxford.

Javën e kaluar, Universiteti i Oksfordit njoftoi se tre nga projektet e tyre të COVID-19 ishin ndër të parat që morën një këst prej 20 milionë funta (24.9 milionë dollarë) të fondit qeveritar.

Sipas një deklarate të universitetit: “Të tre projektet përfshijnë punën në një vaksinë efektive, duke mundësuar prova para-klinike dhe klinike të vaksinave, si dhe mbështet studiuesit për të zhvilluar procese prodhuese për të prodhuar një vaksinë në një shkallë të miliona dozave. Një projekt tjetër do të shqyrtojë se si trajtimet ekzistuese mund të rivlerësohen për të trajtuar koronavirusin”.

Autoritetet shëndetësore thanë të dielën se numri i ri i vdekjeve në mbarë Britaninë nga koronavirusi kishte arritur në 1.235 dhe me një rritje prej 207 vdekjeve në 24 orët e fundit.

Të dhënat e përpiluara nga Universiteti Johns Hopkins me qendër në SHBA tregojnë se numri i të prekurve në të gjithë botën ka arritur në rreth 725 mijë, me afër 35 000 të vdekur dhe me më shumë se 156 000 janë shëruar nga infeksioni.

Pasi u shfaq për herë të parë në Wuhan të Kinës në dhjetor, virusi është përhapur në 177 vende dhe rajone.

A mund të konsumohet kivi bashkë me lëkurë – Zbuloni të vërtetën

Fruti i kivit është një nga frutat më të veçanta me një lëkurë plot qime dhe tul të athët në të ëmbël dhe jeshil në ngjyrë.

Gjëja më e mirë me këtë frut është se mund ta gjeni kurdoherë në tregje.

Kivi ka pak kalori, aspak yndyrë dhe plot me vitamin C.

Vlerat shëndetësore të kivit

Kivi është një frut plot vlera shëndetësore nga vitamina C e deri tek antioksidantët që ndihmojnë të parandalojnë sëmundjet që plakin organizmin.

Nëse hani dy kivi në ditë keni marrë sasinë e nevojshme ditore të vitaminës C.

Kivi është perfekt për t’u konsumuar pas aktivitetit fizik

Përveç vitaminës C, kivi është i pasur me fibër që ndihmon në kontrollimin e sheqerit në gjak, ul nivelin e kolesterolit dhe ndihon në rënien nga pesha.

Është perfekt për t’u konsumuar pas aktivitetit fizik pasi është i pasur me eletkrolite, me magnez, vitaminën E, folate dhe zink.

Gjithashtu kivi arrin të normalizojë dhe nivelet e tensionit të lartë të gjakut, dhe ndihmon personat që kanë vëshrtirësi për t’i zënë gjumi.

Si të zgjedhësh kivin më të mirë

Edhe pse sezoni i tyre është nga Nëntori deri në Maj, këtë frut mund ta gjeni kurdoherë në tregje.

Kivi i përkryer është pak i  butë, jo shumë i fortë, pasi kjo do të thotë që është i papjekur, dhe as shumë i butë, pasi do të thotë që është afër prishjes.

A mund të hahet lëkura e kivit?

Zakonisht kur konsumohet ky frut, lëkura qërohet dhe hahet vetëm tuli me ngjyrë jeshile. Por burime ku bazohet dhe AgroWeb.org thonë se dhe lëkura e tij mund të konsumohet.

Madje ka më shumë vitamin C dhe fibër sesa vetë fruti.

Nëse e hani kivin bashkë me lëkurë do ta keni edhe më të lehtë pasi nuk keni nevojë që ta qëroni. Mund ta hani duke e prerë në feta të holla, por mos harroni ta lani mirë.

Udhëzimi i OBSH: Si të ushqeheni shëndetshëm në periudhën e karantinës

Duke e vlerësuar stilin e jetesës si një mjet të fortë të luftës anti covid, Organizata Botërore Shëndetësisë (OBSH) nxori një udhëzues se si njerëzit duhet të ushqehen në ditët e karantinës.

Njerëzit po nxitohen të bëjnë blerje të te tepërta në të gjithë Rajonin Evropian të OBSH-së.  Blerjet e nisura nga paniku mund të ketë pasoja negative, të tilla si rritje të çmimeve, superfurnizime të panevojshme dhe shpërndarje e pabarabartë e produkteve. OBSH këshillon përdorimin e ulët të kripës dhe sheqerit në këtë periudhe dhe gjithashtu konsumin e rezervave që tashmë janë në shtëpi dhe që mund të prishen.

Jepuni përparësi produkteve të freskëta

Përdorni përbërës të freskët dhe ato që kanë një jetë më të shkurtër. Nëse produktet e freskëta, veçanërisht frutat, perimet dhe produktet e qumështit me pak yndyrë vazhdojnë të jenë të disponueshme, jepni përparësi. Frutat dhe perimet e ngrira gjithashtu mund të përdoren me lehtësi për periudha më të gjata kohore dhe shpesh kanë një profil ushqyes të ngjashëm me ushqimet e freskëta. Ushqimin që tepron mund ta fusni në ngrirje për një vakt tjetër.

Konsumoni vakte të gatuara në shtëpi

Gjatë jetës normale shumë individë shpesh nuk kanë kohë për të përgatitur ushqim të gatuar në shtëpi. Kalimi i periudhave më të gjata në shtëpi tani mund të ofrojë mundësinë për të bërë tani ato receta që më parë nuk keni pasur kohë për ti bërë. Shumë receta të shëndetshme dhe të shijshme mund të gjenden në internet. Përfitoni nga shumëllojshmëria e informacionit të eksperimentoni me përbërësit që mund të përdorni, por mos harroni të mbani në mend parimet për ushqim të shëndetshëm.

Udhëzimi për ushqim të gatshëm

Megjithëse ushqimi i gatuar në shtëpi duhet të jetë përparësi, disa qytete dhe vende kanë sisteme mjaft të avancuara të shpërndarjes së ushqimit të gatshëm dhe shumë biznese tani kanë filluar të ofrojnë këtë shërbim. Kjo duhet të bëhet me sa më pak kontakte, ku nuk kërkohet ndërveprim njerëzor, duke mbështetur kështu vetë-karantinën dhe masa izolimi. Transporti i ushqimit duhet të mbahet nën temperatura 5 ° C ose më shumë se 60 ° C.

Kujdes me masën

Mund të jetë e vështirë të marrësh madhësitë e vakteve siç duhet, veçanërisht kur gatuani vetë. Të qenit në shtëpi për periudha të zgjatura, mund të çojë në mbi ngrënie. Qëndroni strikt me kaloritë dhe mos kaloni masën ushqimore tek të vegjlit.

Ushqim i sigurt

Siguria e ushqimit është një parakusht për një dietë të shëndetshme. Vetëm ushqimi i sigurt është ushqim i shëndetshëm. Kur përgatisni ushqim për veten dhe të tjerët, është e rëndësishme të ndiqni praktika të mira të higjienës së ushqimit për të shmangur ndotjen e ushqimit dhe sëmundjet e lindura nga ushqimi. Parimet kryesore të higjienës së mirë të ushqimit përfshijnë:

-mbajini duart, kuzhinën dhe veglat tuaja të pastra

-veçoni ushqimin e papërpunuar dhe të gatuar, veçanërisht mishin e papjekur dhe produktet e freskëta

-gatuani ushqimin tuaj tërësisht

-mbajeni ushqimin tuaj në temperatura të sigurta, nën 5 ° C ose mbi 60 ° C; dhe

-përdorni ujë të sigurt

Duke ndjekur këto pesë rekomandime kryesore për ushqim më të sigurt, mund të parandaloni shumë sëmundje të zakonshme ushqimore.

Kufizoni konsumimin e kripës

Furnizimet me ushqime të freskëta mund të ulen, prandaj mund të bëhet e domosdoshme të mbështeteni më shumë tek ushqimet e konservuara, të ngrira ose të përpunuara. Shumë nga këto ushqime përmbajnë nivele të larta kripe. OBSH rekomandon të konsumoni më pak se 5 g kripë në ditë. Për ta arritur këtë, vendosni përparësi ushqimeve me nivel të ulet kripe. Ju gjithashtu shpëlani ushqimet e konservuara siç janë perimet dhe fasulet, për të hequr kripën. Kini kujdes që ushqimet turshi shpesh përmbajnë nivele të larta të kripës. Në shumë vende, 50-75% e marrjes së kripës vjen nga ushqimet që hamë, sesa nga ato që shtojmë ne vetë. Duke pasur parasysh që ju mund të konsumoni mjaft kripë tashmë, shmangni shtimin e kripës shtesë kur gatuani dhe ushqimit tuaj në tryezë. Në vend të kësaj eksperimentoni me barishte të freskëta ose të thata dhe erëza për aromë të shtuar.

Kufizoni konsumimin e sheqerit

OBSH rekomandon kufizimin e sheqerit. Nëse dëshironi diçka të ëmbël, frutat e freskëta duhet të jenë gjithmonë përparësi. Frutat e ngrira, frutat e konservuara në lëng dhe jo shurupin dhe frutat e thata pa sheqer të shtuar janë përparësi. Kur zgjidhni opsionet e ëmbëlsirave sigurohuni që ato të jenë me shumë pak sheqer dhe konsumoni shumë pak.

Kufizoni konsumimin e yndyrës

OBSH rekomandon kufizimin e konsumit total të yndyrës në më pak se 30% të konsumit total të energjisë, nga të cilat jo më shumë se 10% duhet të vijnë nga yndyra e ngopur. Për ta arritur këtë, vendosni për metodat e gatimit që kërkojnë më pak ose aspak yndyrë, të tilla si avullimi, tiganisje ose salcat në vend të tiganisjes së ushqimeve. Nëse është e nevojshme, përdorni sasi të vogla të vajrave të pangopura si, vaj ulliri ose luledielli për të gatuar ushqime. Preferoni ushqime që përmbajnë burime të shëndetshme të yndyrave të pangopura, siç janë peshqit dhe arrat. Për të kufizuar yndyrat e ngopura, shkurtoni yndyrën e tepërt nga mishi dhe shpendët dhe zgjidhni opsione pa lëkurë. Ulni ushqime të tilla si mish të kuq dhe të yndyrshëm, gjalpë dhe produkte qumështi me yndyrë të plotë, vaj palme, vaj kokosi.

Nëse etiketat e ushqimit nuk janë të disponueshme, shmangni ushqimet që zakonisht përmbajnë yndyrna të tilla si ushqime të përpunuara dhe të skuqura, si produktet e pjekura, përfshirë biskota, kore të byrekut, pica të ngrira, biskota, etj.

Konsumoni fibra

Fibra kontribuon në një sistem të shëndetshëm të tretjes dhe ofron një ndjenjë të zgjatur të ngopjes, e cila ndihmon në parandalimin e mbingrënies. Për të siguruar një konsum adekuat të fibrave, synoni të përfshini perime, fruta, plus dhe ushqime integrale në të gjitha ushqimet. Ushqimet që kanë fibra me shumicë janë tërshëra, makarona kafe dhe orizi, quinoa dhe bukë me grurë të papërpunuar.

Qëndroni të hidratuar

Hidratimi i mirë është thelbësor për shëndet optimal. Kurdoherë që është në dispozicion dhe i sigurt për konsum, uji me çezmë është pija më e shëndetshme dhe më e lirë. Gjithashtu më i qëndrueshmi, pasi nuk prodhon mbeturina, krahasuar me ujin në shishe. Pirja e ujit në vend të pijeve të ëmbëlsuara me sheqer është një mënyrë e thjeshtë për të kufizuar konsumimin e sheqerit dhe kalorive të tepërta. Për të përmirësuar shijen e saj, mund të shtohen fruta të freskëta ose të ngrira si manaferrat ose feta agrumesh, si dhe kastravec ose barishte të tilla si nenexhiku, livanda ose rozmarina.

Shmangni pirjen e sasive të mëdha të kafesë së fortë, çajit të fortë dhe sidomos pijeve joalkoolike të kafeinuara dhe pijeve energjetike. Këto mund të çojnë në dehidrim dhe mund të ndikojnë negativisht në modelet tuaja të gjumit.

Shmangni alkoolin ose të paktën zvogëloni konsumin e tij

Alkooli nuk është vetëm një substancë që ndryshon mendjen dhe prodhon varësi, por gjithashtu dobëson sistemin imunitar. Kështu, përdorimi i alkoolit dhe veçanërisht përdorimi i madh dëmton aftësinë e trupit tuaj për t’u përballur me sëmundje infektive, përfshirë COVID-19. Rekomandohet që alkooli në përgjithësi të shmanget, por veçanërisht në vetë-karantinë. Si një substancë psikoaktive, alkooli gjithashtu ndikon në gjendjen tuaj mendore dhe në vendimmarrjen dhe ju bën më të prekshëm ndaj rreziqeve, siç janë rënia, dëmtimet ose dhuna kur jeni në karantinë me dikë tjetër.

Konsumimi i alkoolit dihet gjithashtu që rrit simptomat e depresionit, ankthit, frikës dhe panikut – simptoma që mund të intensifikohen gjatë izolimit dhe vetë-karantinës. Konsumimi i alkoolit nuk është një mekanizëm i mirë përballimi, as në një afat të shkurtër ose afatgjatë, edhe pse mund të mendoni se kjo do t’ju ndihmojë të përballeni me stresin. Në asnjë rrethanë nuk duhet të konsumoni asnjë lloj produkti alkoolik si masë parandaluese ose trajtuese kundër COVID-19.

Alkooli nuk është një pjesë e nevojshme e dietës suaj dhe nuk është pjesë e një stili jetese të shëndetshme, prandaj nuk duhet të jetë në listën tuaj të blerjeve.

Ushqime të mira dhe të përballueshme

Më poshtë është një përmbledhje e ushqimeve me vlera të larta ushqyese, të cilat janë përgjithësisht të përballueshme, të arritshme dhe kanë një jetë më të gjatë. Ju mund ta përdorni këtë listë në shtëpi gjatë vetë-karantinës ose qëndrimeve më të gjata në shtëpi.

Fruta dhe perime të freskëta

OBSH rekomandon të konsumoni minimumi 400 g (d.m.th. 5 porcione) frutash dhe perimesh në ditë. Agrumet si portokalli, mandarinat dhe limonët janë zgjedhje të mira, si dhe banane e mollë, të cilat gjithashtu mund të priten në copa më të vogla dhe të ngrira për konsum të mëvonshëm ose të shtohen në lëngje. Perimet me rrënjë si karotat, rrepat dhe panxhari, si dhe perimet si lakra, brokoli dhe lulelakra janë të ushqyeshme dhe nuk prishen shpejt. Hudhra, xhenxhefili dhe qepët janë gjithashtu mundësi e mirë për ti mbajtur në shtëpi, pasi ato mund të përdoren për të shtuar aromë në një shumëllojshmëri vaktesh.

Fruta dhe perime të ngrira

Të gjitha frutat e ngrira si manaferrat, ananasi dhe mango janë opsione të shkëlqyera, pasi ato ende përmbajnë nivele të larta të fibrave dhe vitaminave dhe shpesh janë më pak të shtrenjta se versionet e freskëta. Këto fruta të ngrira mund të shtohen në lëngje ose të hahen me kos të thjeshtë.

Perimet e ngrira janë ushqyese, të përgatitura shpejt dhe konsumimi i tyre mund të ndihmojë në arritjen e rekomandimeve, edhe kur ushqimet e freskëta janë të pakta.

Fasule të thata dhe të konservuara

Fasulet, qiqrat, thjerrëzat dhe bishtajoret e tjera janë burime të shkëlqyera ose proteina bimore, fibra, vitamina dhe minerale. Këto kanë një shumëllojshmëri përdorimi që nga gjellërat deri tek sallatat.

Drithëra dhe të tjera me bazë niseshte

Orizi dhe makaronat integrale, tërshëra, kuinoa dhe drithëra të tjera të parafinuara janë ushqime të shkëlqyera pasi kanë jetëgjatësi dhe mund kontribuojnë në marrjen e fibrave.

Rrënjët e niseshtesë siç janë patatet, patatet e ëmbla janë gjithashtu burime afatgjata dhe të mira të karbohidrateve. Këto duhet të pjekën në mënyrë ideale ose të ziejnë në avull.

Fruta të thata, arra dhe fara

Yndyrnat e pangopura janë një mundësi e mirë. Yndyra e tyre gjithashtu mund të shtohet në ushqime të tjera, pasi nuk kanë sheqer. Këto gjenden tek arrat, bajamet, lajthitë etj. Këto artikuj kanë jetëgjatësi.

Vezët

Vezët janë një burim i shkëlqyeshëm i proteinave, ushqyese dhe janë jashtëzakonisht të gjithanshme. Zgjidhni të ziera më shumë se sa të skuqura.

Perime të konservuara

Edhe pse perimet e freskëta ose të ngrira janë zakonisht opsioni i preferuar, perimet e konservuara si kërpudhat, spinaqi, bizelet, domatet dhe fasulet e gjelbra janë alternativa të mira për të siguruar një marrje të mjaftueshme e tyre. Mos harroni të zgjidhni, nëse është e mundur opsione me pak kripë.

Peshk i konservuar

Ton i konservuar, sardelet dhe peshqit e tjerë janë burim i mirë i proteinave dhe yndyrave të shëndetshme. Këto mund bëhen shtesë e sallatave, pastave ose bukës me drithëra. Nëse është e mundur, zgjidhni peshk të konservuar në ujë sesa vaj.

Qumështi

Produktet e qumështit ofrojnë një burim të lirë të proteinave dhe lëndëve ushqyese të tjera. Zgjedhja e qumështit me pak yndyrë është një mënyrë për të zvogëluar konsumin e yndyrave të ngopura, duke marrë gjithashtu të gjitha përfitimet e qumështit. Qumështi UHT në një mundësi e mirë pasi qëndron gjatë në raft Qumështi pluhur është një tjetër mundësi./Monitor

SHBA, teste gjaku për të identifikuar personat me imunitet ndaj COVID-19

Në Shtetet e Bashkuara laboratorët po nxitojnë të prodhojnë teste gjaku për të identifikuar ata persona që janë shëruar nga koronavirusi. Studiuesit thonë se personat që cilët kanë fituar imunitet ndaj sëmundjes, mund të jenë ndër të parët që mund t’i kthehen jetës normale. Aktualisht nuk dihet numri i saktë i njerzve që kanë arritur ta mposhtin virusin. Gjithashtu është e paqartë se për sa kohë një person mund të jetë imun ndaj COVID-19.

Një metodë e re e testimit te gjakut mundëson zbulimin e atyre personave që kanë fituar imunitet ndaj koronavirusit një zhvillim që vjen ndërsa ekspertët në Shtetet e Bashkuara po punojnë pa pushim për të identifikuar me mijëra persona te prekur prej virusit vdekjeprurës.

Një testim i tillë mund të sillte një ndryshim radikal në betejën për të ndalur infeksionin si dhe mund të rikthente ekonominë ne shina.

Disa laboratorë e kompani mjeksore po nxitojnë të prodhojne kite testesh të reja te cilat mund të identifikojnë antitrupa që luftojnë sëmundjen tek njerëz të cilat janë prekur nga COVID-19 dhe më pas janë shëruar.

Tek shumë vetë sëmundja shfaqet me simptoma të lehta. Të tjerë janë shëruar pa e kuptuar se kanë qenë të prekur apo pa vënë re ndonjë simptomë.

Kërkues shkencorë te shkollës së mjekësisë “Mount Sinai Ichan” në Nju Jork thonë se kanë arritur të prodhojnë një nga testet e para për identifikimin e antitrupave ndaj COVID-19.

Një prej kërkuesve i tha agjencisë “Reuters” se “personat që kanë fituar imunitet mund të jenë ndër të parët që mund t’i kthehen jetës normale e të nisin gjithçka nga e para”.

Disa kompani private kanë nisur të tregtojnë jashtë Shteteve të Bashkuara të Amerikës teste gjaku që identifikojnë antitrupat ndaj COVID-19. Teste të tilla janë relativisht të lira dhe për t’u kryer kërkojnë thjesht marrjen e gjakut me një shpim të gishtit. Disa prej tyre mund të japin rezultate brenda 10 apo 15 minutave. Kjo mund të rrisë në mënyrë dramatike numrin e personave të identifikuar si imunë ndaj sëmundjes krahasuar me teste të tjera diagnostikuese. Aktualisht nuk dihet numri i saktë i njerzve që kanë arritur ta mundin virusin. Gjithashtu është e paqartë se për sa kohë një person mund të jetë imun ndaj COVID-19.

Disa ekspertë të shëndetit publik thonë se nëse testet e imunitetit do të kryhen në një shkallë të gjerë, punonjësit e kujdesit shëndetësor dhe ata të ndihmës së parë duhet të kenë prioritet. Qendra Amerikane per Kontrollin dhe Parandalimin e Sëmundjeve njoftoi se po kryen kërkime të thelluara për versionin e saj te testimit të antitrupave, por nuk dha asnjë afat se kur pritet të ndodhë një e tillë. zëri i amerikës

26 për qind e fracezëve mendojnë se Covid-19 është prodhuar në laborator

Paris

Një anketë e zhvilluar në Francë tregon se një pjesë e qytetarëve ndajnë mendimin se koronavirusi i ri (Covid-19) është prodhuar në laborator, transmeton Anadolu Agency (AA).

Sipas anketës së Institutit Francez për Opinionin Publik (IFOP), 57 për qind e qytetarëve vlerësojnë se Covid-19 është shfaqur me rrugë natyrale.

Ndërsa 26 për qind e francezëve mendojnë se virusi është prodhuar në laborator. Gjithashtu thuhet se 40 për qind e simpatizantëve të Partisë së Unitetit Kombëtar (RN), kanë mbrojtur idenë e tyre se Covid-19 është prodhuar “qëllimisht” në laborator.

Porosi për maska nga Kina

Ndërkohë sipas lajmit të “France Info”, Franca ka porositur 1 miliard maska nga Kina.

Në vend prej disa kohësh personeli shëndetësor që mjekon të sëmurët e prekur me virus ankohen për pamjaftueshmëri të maskave.

Për shkak të epidemisë në zonën Sanary-sur-Mer në jug të vendit është ndaluar largimi nga shtëpia më shumë se 10 metra.

Kryetari i Bashkisë Sanary-sur-Mer, Ferdinand Bernhard deklaroi se ky vendim është marrë pasi një pjesë e njerëzve nuk kanë zbatuar kufizimin e lëvizjes së lirë.

Ilaçet ekzistuese, përgjigja më e shpejtë ndaj koronavirusit

Ndërsa numri i viktimave në mbarë globin nga COVID-19 u rrit në mbi 28 mijë, përpjekjet e përshpejtuara për të zhvilluar një kurë janë përqëndruar kryesisht tek përshtatja e ilaçeve ekzistuese që prodhohen për të luftuar sëmundje të tjera. Testimet janë përqëndruar në tre fusha, tek neutralizimi i vetë virusit, lehtësimi i disa prej simptomave të tij që rrezikojnë jetën, si dhe tek forcimi i sistemit imunitar të pacientëve për të luftuar infeksionin. Korrespondenti i Zërit të Amerikës Brian Padden njofton.

Ilaçet e vjetra për malarjen, si klorokina dhe hidroklorokina, po testohen nëse janë në gjendje ta vrasin koronavirusin në stadin fillestar të infeksionit.

“Ky ilaç dëmton aftësinë e virusit për të hyrë në qeliza, duke e bërë atë që ta refuzojnë virusin. Nëse virusi nuk i infekton dot qelizat, nuk do të jetë aq efikas të riprodhohet apo të vetëshumëfishohet”, thotë dr. Hana Akselrod, e Shkollës së Mjekësisë në universitetin “George Washington”.

Presidenti Donald Trump thotë se ky kombinim ilaçesh do ta ndryshojë rrjedhën e gjërave. Por shkencëtarët thonë se nevojitet një studim për të verifikuar rezultatet dhe se këto ilaçe mund të jenë edhe toksike.

Një tjetër ilaç, i quajtur remdesivir, i cili nuk pati rezultat në trajtimin e pacientëve me Ebola, duket premtues ndaj koronavirusit. Edhe ky ilaç e pengon virusin të hyjë në qelizat e njeriut dhe të riprodhohet.

Ndër ilaçet që po testohen për të trajtuar simptomat e koronavirusit është Kevzara, një ilaç që përdoret për trajtimin e artritit reumatoid. Ky ilaç lehtëson bllokimin e mushkërive duke ulur reagimin e sistemit imunitar që e shkakton këtë irritim gjatë përpjekjes për të luftuar infeksionin.

“Ndërhyn në një pjesë të procesit të acarimit që është pjesë e mekanizmit mbrojtës të trupit ndaj një infeksioni masiv”, thotë dr. Akselrod.

Ndërkohë po zhvillohen testime masive të këtyre ilaçeve për të parë ndikimin që ato kanë dhe për të përcaktuar efektet dytësore negative.

Në Shtetet e Bashkuara po testohet edhe shërimi i pacientëve të sëmurë rëndë me koronavirusin, nëpërmjet plazmës së ripërtërirë. Kjo kërkon marrjen e antitrupave nga gjaku i pacientëve që janë shëruar plotësisht nga koronavirusi dhe injektimin tek pacientët e sëmurë.

“Kjo është një zgjidhje sipas metodës së vjetër, ashtu siç veprohej përpara se të shpikeshin antibiotikët”, thotë dr. Shmuel Shoham, i Shkollës së Mjekësisë të Universitetit Johns Hopkins.

Megjithatë, mjekët e përfshirë në të kaluarën në testet me plazmën e rikuperuar thonë se kjo metodë nuk është shumë efikase tek të sëmurët rëndë dhe e rekomandojnë kryesisht për parandalim dhe trajtimin e hershëm në sëmundjes.

Eskpertët e sëmundjeve ngjitëse thonë se gjetja e një kure efikase për koronavirusin mund të kërkojë muaj të tërë. Ndërsa zhvillimi i një vaksine për të parandaluar infeksionin mund të kërkojë mbi një vit.

COVID-19 i shndërron qelizat e pacientit në “fabrika të viruseve”

Sipas ekspertëve kur COVID-19 sulmon, ai e kthen qelizën e pacientit në një “fabrikë virusesh”. Ai e nis me sipërfaqen e qelizës, ku virusi ngjitet në një proteinë që normalisht ndihmon për rregullimin e presionit të gjakut të pacientit.

Pa dashur, qeliza e fut virusin brenda, aty ku “sulmuesi” shkarkon ngarkesën e tij dhe nxit atë (qelizën) të prodhojë më shumë viruse. Virusi komandon mekanizmat e vet qelizës për t’u bërë kopje kodit të tij gjenetik, duke prodhuar më shumë viruse, e duke shpërndarë mikrobe të tëra në sipërfaqen e qelizës, gjë që çon në infektimin e më shumë qelizave të tjera.

Barnat ekzistuese në farmaci mund të veprojnë për të goditur pjesë të ndryshme të kësaj “makinerie”. Megjithëse ato nuk janë prodhuar me qëllimin për t’u përdorur si ilaçe antivirale, në përpjekjen për të trajtuar numrin në rritje të infeksioneve me COVID-19, shkencëtarët shpresojnë se këto ilaçe mund të ofrojnë ndihmë.

Ne nuk kemi luksin e një programi pesë-vjeçar për zbulimin e ilaçit. Kemi nevojë për diçka tani“, thotë Warner Greene, mjek e studiues në Institutin “Gladstone” të Virologjisë dhe Imunologjisë.

Kërkimet janë përqëndruar tek disa ilaçe që shihen si “kandidatë” potencialë e çuditshëm njëkohësisht, siç janë ilaçet kundër kancerit, ato ndaj sëmundjes së zemrës, një ilaç kundër skizofrenisë dhe një trajtim për sëmundjen e Parkinsonit. Aktualisht po kryehet testimi me klorokinën, një ilaç kundër malaries. zëri i amerikës

Njerëzit e prekur nga Covid-19 rrëfejnë sfidën e madhe

COVID-19 po merr jetë njerëzish dita ditës me një ritëm që i ka lënë shkencëtarët gojëhapur.

Mbi 537,873 njerëz janë infektuar prej tij tashmë dhe gjasat janë që ky numër të jetë më i lartë të nesërmen e këtij artikulli.

Nga ana tjetër, mbi 124,564 njerëz janë infektuar prej tij por janë rikuperuar.

Ata tashmë e dinë progresin e simptomave dhe rëndësinë e vetë-izolimit.

Ata e njohin panikun por edhe sikletin e temperaturës së lartë, kollës dhe frikës së humbjes së jetës.

Një artikull i Huffington Post, i përshtatur në shqip nga AgroWeb.org ofron pikëpamjet dhe këshillat që japin njerëzit që e kanë kaluar COVID-19.

Ai Përhapet Shpejt.

Trevor Mankin nga Siatëlli u infektua me COVID-19 kur me 1 Mars vizitoi një mik në spital.

Ai supozonte se ishte i mbrojtur dhe besonte me të vërtetë që i kishte marrë të gjitha masat.

Ai vuri maskë, mbajti doreza dhe i lau duart para dhe pas vizitës.

Mjaftuan 10 ditë dhe si Mankin ashtu edhe e shoqja rezultuan të infektuar me COVID-19.

Përpara shfaqjes së simptomave, Mankin vendosi të shkojë në zyrë për të marrë ca dokumenta. Të nesërmen, sekretarja e tij shkoi gjithashtu në zyrë.

Edhe përse të dy nuk kishin asnjë kontakt me njëri tjetrin, sekretarja u sëmur.

Mankin kishte prekur dorezën dhe ishte kollitur në zyrë.

Kjo është arsyeja përse sipas Mankin, distancimi fizik është tepër i rëndësishëm.

Nuk Është Njësoj Me Gripin

Chiara Di Giallorenzo, 25 vjeç nga Miami u sëmur me COVID-19 në 6 Mars.

Simptomat e para ishin temperaturë e lartë dhe plogështi.

Në fillim ajo mendoi se ishte me grip, por më pas përjetoi një shtrëngim të fortë në kraharor dhe nuk mbushej dot me frymë.

Një grua tjetër nga Siatëlli tha se simptomat e saj përveç temperaturës së lartë përfshinin bllokim të rrugëve të frymëmarrjes, dhimbje koke dhe mjegullim të trurit.

Kujdes Me Lajmet

Mankin, të cilin e përmendëm më lart, këshilloi se ekspozimi i tepruar ndaj lajmeve e dëshpëroi atë.

Kësisoj, gjatë izolimit, ai vendosi të informohet për situatën vetëm një orë në ditë.

Ka shumë negativitet- tha ai- dhe lajmet më mërzisnin dhe shqetësonin.

Ushqimet

Njerëzit që e kanë kaluar COVID-19 thonë se njerëzit duhet të frenohen nga dëshira dhe paniku për të bërë sa më shumë blerje ushqimesh.

“Përse duhet të marrësh 600 topa letre higjenike. Ato nuk janë vaksina. Njerëzit duhet ta mbledhin mendjen dhe të ruajnë toruan,” tha Christi, një tjetër histori suksesi në betejën kundër virusit.

Situata Duhet Marrë Seriozisht

Sipas ekspertëve, 80 përqind e njerëzve që preken nga COVID-19 përjetojnë simptoma të një intensiteti mesatar dhe arrijnë t’ia hedhin situatës duke qëndruar në shtëpi.

Por kjo nuk do të thotë që njerëzit që janë më pak të rrezikuar, nuk duhet ta marrin seriozisht situatën, përkundrazi!

Të rinjtë dhe adoleshentët që mendojnë se jeta duhet të vazhdojë dhe se nuk do t’i gjejë gjë nga virusi, gabohen rëndë dhe rrezikojnë jo vetëm jetën e tyre por edhe familjarët dhe miqtë.

6 arsye përse duhet të qeshni edhe në kohë pandemie

Këtë e thonë ekspertët, të cilët kanë identifikuar mënyrat se si e qeshura na ndihmon të jemi më mirë fizikisht dhe shpirtërisht.

Pandemia e Koronavirusit ka tronditur rëndë themelet bazë të jetës së njeriut.

Por pavarësisht vetë-izolimit dhe situatës së frikshme, njeriu jo vetëm që duhet të lajë duart e të kujdeset për veten dhe familjen por nuk duhet të harrojë të buzëqeshë.

Tani në këto kohë, e qeshura është arma më e fortë ndaj mërzisë, trishtimit dhe ankthit.

Këtë e thonë ekspertët, të cilët kanë identifikuar mënyrat se si e qeshura na ndihmon të jemi më mirë fizikisht dhe shpirtërisht.

E Qeshura Largon Stresin

Stresi lë shumë gjurmë jo vetëm në fytyrë por edhe në organizëm. Buzëqeshja nga ana tjetër bën të mundur që ne të mos ngjajmë të lodhur e të drobitur.

Besojeni ose jo, buzëqeshja dhe e qeshura në përgjithësi largojnë stresin.

E Qeshura Të Dobëson

Një studim i fundit të cilit i referohet AgroWeb.org ka zbuluar se njeriu mund të dobësohet edhe duke qeshur.

Sipas tyre, nëse njeriu qesh gjatë një komedie që zgjat minimalisht 15 minuta, djeg 10-40 kalori.

E gjitha i atribuohet hormonit të serotoninës, që njihet ndryshe edhe si hormoni i lumturisë.

Ky hormon besohet të ulë oreksin dhe rrjedhimisht nuk do të duhet të duhet ta shuani stresin me ushqim.

Qeshni Për Një Humor të Mirë

E qeshura përmirëson humorin për faktin e rëndësishëm se falë saj aktivizohen një sërë sinjale neuronesh në tru por edhe sekretohen hormone si dopamine dhe serotonina.

Buzëqeshjen mund ta përshkruajmë si një anti-depresant natyral.

E Qeshura Forcon Imunitetin

Buzëqeshja ndihmon sistemin imunitar të funksionojë më mirë.

Buzëqeshja e qetëson njeriun dhe imuniteti është më i fortë në përballjen me të ftohurën apo gripin.

E Qeshura Ul Tensionin e Gjakut

Kur njeriu qesh, tensioni i gjakut në organizëm ulet. Mund ta provoni edhe vetë në shtëpi. Mateni tensionin duke ndenjur ulur në shtëpi. Më pas qeshni për rreth një minutë dhe mateni sërish dhe do të vëreni ndryshime.

E Qeshura i Bën Mirë Zemrës

Studimet kanë treguar se e qeshura e vërtetë dhe me zemër, ka ndikim të fortë në këtë organ.

Njerëzit që buzëqeshin e qeshin kanë rrahje më të ulëta të zemrës.

COVID-19 në Shqipëri: Testimet konifrmojnë zgjerimin e hartës së të prekurve

Në një deklaratë për të gjitha mediat, Drejtoresha e Institutit të Shëndetit Publik, Albana Fico, informoi mbi situatën e COVID-19 në Shqipëri.

Ajo pohoi se epidemiologët janë duke punuar në terren për të identifikuar në kohë kontaktet, pas verifikimit të rasteve të dyshuara.

Sipas të dhënave që AgroWeb.org ka siguruar, në 24 orët e fundit janë testuar 102 persona të dyshuar, prej të cilëve 12 kanë rezultuar pozitivë.

“Deri në këto momente janë testuar 1246 raste të dyshuara dhe prej tyre janë të konfirmuar pozitivë me COVID-19, 186 raste,” deklaroi Fico.

Ndërkohë që ajo vijoji me gjendjen e pacientëve, duke informuar se gjatë mbrëmjes së djeshme dhe sot në mëngjes kanë ndërruar jetë dy pacient.

Një 85 vjeçare nga Tirana dhe një 66-vjeçar nga Fieri të konfirmuar me COVID-19 në spitalin infektiv.

Numri i viktimave prej COVID-19 në Shqipëri ka shkuar në 8 pas konfirmimit të fundit nga ISHP.

Në shërbimin infektiv aktualisht janë 77 të shtruar dhe prej tyre 5 janë në terapi intensive.

Pjesa tjetër e të shtruarve në pavion janë në gjendje të stabilizuar deri në këto momente.

Përsa i përket përhapjes së COVID-19, Puka është një tjetër qytet që i shtohet hartës.

Ndërsa harta zgjerohet në Tiranë, Korçë, Fier, Shkodër dhe Durrës.

Shpërndarja gjeografike e rasteve pozitive, është si vijon:

– Tiranë 107 raste

– Durrës 11 raste

– Lushnje 4 raste

– Elbasan 5 raste

– Rrogozhinë 2 raste

– Fier 20 raste

– Kavajë 4 raste

– Korçë 12 raste

– Vlorë 5 raste

– Shkodër 4 raste

– Lezhë 4 rast

– Berat 1 rast

– Has 2 raste

– Krujë 1 rast

-Tropojë 2 raste

– Pukë 2 raste

Fico konfirmoi se deri tani një mjek dhe një infermier janë shëruar dhe në total janë 31 të shëruar, pas testeve të kontrollit të kryera kanë rezultuar negativë.

Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!

Duke i rikujtuar se ka vënë në dijeni një linjë të gjelbër FALAS 0800 40 40 për çdo qytetar që kërkon informacion apo këshilla në lidhje me COVID-19.

Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për çdo shqetësim tjetër që ata kanë.

Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!/AgroWeb.org

Ilaçi eksperimental Remdesivir mund të bëhet më i disponueshëm

Një kompani bioteknike amerikane ka ndaluar miratimin e veçantë që kishte marrë për përdorimin e një ilaçi që po testohet si një trajtim i mundshëm për COVID-19, por thotë se po punon me Shtetet e Bashkuara dhe vendet e tjera për ta bërë ilaçin eksperimental më të disponueshëm në më shumë vende.

Remdesivir, një ilaç i prodhuar fillimisht për trajtimin e Ebolës, po kalon një numër provash klinike në SHBA dhe gjetkë për të përcaktuar sigurinë dhe efikasitetin e tij kundër sëmundjes së lindur nga koronavirusi, me rezultatet e para që priten në muajt e ardhshëm.

Shpresat janë rritur për ilaçin pasi u administrua te një pacient në Shtetet e Bashkuara në janar. Pacienti, i pari në Sh.B.A, pa kontakte të njohura me një burim infeksioni jashtë vendit, tregoi shenja përmirësimi brenda 24 orëve nga marrja e ilaçit.

Qysh atëherë, kompania Gilead Science e Kalifornisë e ka administruar ilaçin në rreth 250 individë në Shtetet e Bashkuara, Japoni dhe Evropë sipas procedurave të posaçme që lejojnë përdorimin e një ilaçi akoma të pa miratuar, kur nuk është në dispozicion asnjë alternativë tjetër e zbatueshme.

Por kompania thotë se ka qenë e mbingarkuar me kërkesa të tilla dhe se ka ndaluar përkohësisht procesin. Ndërkohë ajo thotë se po kërkon të kalojë në “programe të zgjeruara të qasjes”, ku mund ta bëjë ilaçin të disponueshëm tek një numër më i gjerë pacientësh, si në Shtetet e Bashkuara ashtu edhe jashtë saj.

Menjëherë pasi pacienti amerikan u trajtua me Remdesivir në janar, Gilead punoi me autoritetet amerikane për të dërguar sasi të mjaftueshme të ilaçit në Kinë për të lejuar deri në 500 pacientë të merrnin pjesë në provat klinike të kryera në spitalet në Wuhan.

Këto prova filluan në fillim të shkurtit, por rezultatet nuk priten deri në fund të prillit, ose në fillim të majit për shkak të “maskimit”, që do të thotë se studiuesit nuk do ta dinë deri atëherë se cilët pacientë morën ilaçin dhe cilët kanë marrë thjesht një qetësues.

Kompania Gilead nisi provat e veta klinike në fillim të këtij muaji, duke përfshirë 1.000 pacientë të konfirmuar me COVID-19 në gjithsej 17 vende, duke përfshirë Korenë e Jugut, Singaporin, Hong Kongun, Tajvanin dhe disa shtete amerikane. Këto prova nuk shoqërohen nga maskimet, kështu që rezultatet do të jenë më të shpejta.

Prova klinike të veçanta nga Instituti Kombëtar i Alergjisë dhe Sëmundjeve Infektive të Shteteve të Bashkuara (NIAID) kanë për qëllim studimin afatgjatë të efektiviteteve të ilaçit Remdesivir në luftën kundër COVID-19. Ky studim është duke u zhvilluar në 33 vende në Shtetet e Bashkuara, përfshirë vendet e goditjura më rëndë si Nju Jorku, Kalifornia dhe shteti i Uashingtonit. Studimi përfshin gjithashtu pacientë në Japoni, Korenë e Jugut, Singapor dhe Hong Kong dhe përfundon në vitin 2023.

Gilead, e cila fillimisht zhvilloi ilaçin Remdesivir për të trajtuar Ebolçn, thotë se e ka dhuruar ilaçin për provat klinike në të gjithë botën, dhe qeverisë së Shteteve të Bashkuara për të mbuluar trajtimin e personelit ushtarak amerikan dhe familjeve të tyre.

Kompania është kritikuar për kërkimin dhe marrjen e një statusi të veçantë për për ilaçin nga Administrata e Ushqimit dhe e Barnave në Sh.B.A. Ky status siguron zbritje të taksave dhe stimuj për patenta për kompani që zhvillojnë trajtime të cilat normalisht nuk do të ishin fitimprurëse për sëmundje të rralla.

Pas reagimeve në internet, që vunë në dukje se COVID-19 është vështirë të shihet si një sëmundje e rrallë në këtë pikë, Gilead i kërkoi FDA të tërhiqte statusin e veçantë.

Michael Felberbaum, një zyrtar i FDA-së, i tha Zërit të Amerikës se kompanisë iu dha statusi i veçantë për Remdesivir sepse i plotësonte kriteret në kohën e paraqitjes së kërkesës. Statusi është i disponueshëm për sëmundjet që prekin më pak se 200,000 njerëz në Shtetet e Bashkuara.