VOAL

Please Wait...

Kroaci, shumë familje pas tërmetit natën e kaluan në automjete dhe tenda

By | December 30, 2020

Komentet

[easy-share buttons="facebook,google,twitter" image="https://www.voal.ch/wp-content/uploads/2021/03/termeti2.jpg" counters=0 native="no" url="https://www.voal.ch/greqia-nuk-gjen-prehje-tjeter-lekundje-e-forte-termeti-ndihet-dhe-ne-shqiperi/"]

Greqia nuk gjen prehje, tjetër lëkundje e fortë tërmeti, ndihet dhe në Shqipëri

Greqia nuk gjen prehje. Një tjetër tërmet i fuqishëm është ndjerë në orën 19:38 pak kilometra nga Larisa, në Elassona, sipas një vlerësimi paraprak nga Instituti Gjeodinamik i Observatorit Kombëtar të Athinës.

Lëkundjet janë ndjerë dhe në Juglindje të Shqipërisë deri në kryeqytet. Në Korçë e Pogradec raportohet se njerëzit kanë dalë në rrugë të frikësuar.

Paraprakisht thuhet se tërmeti është me magnitudë 5.8 të shkallës Rihter me thellësi fokale në 10 km. Tërmeti u ndie në Thesali, Achaia, por edhe në Atikë.

Paraditen e djeshme një tjetër tërmet tronditi Greqinë me magnitudë 6.3 Rihter. Pas këtij tërmeti, janë regjistruar dhe lëkundje të tjera të fuqishme passizmike. Nga lëkundjet pati vetëm dëme materiale.

[easy-share buttons="facebook,google,twitter" image="https://www.voal.ch/wp-content/uploads/2021/02/Protic.jpg" counters=0 native="no" url="https://www.voal.ch/historiani-serb-kosova-eshte-e-pavarur-te-gjithe-e-dine-por-e-fusin-koken-ne-rere/"]

Historiani serb: Kosova është e pavarur, të gjithë e dinë, por e fusin kokën në rërë

Historiani serb, Milan Protic thotë se Kosova është e pavarur, pavarësisht nga fakti se nuk ka njohje të tërësishme ndërkombëtare e as vend në disa prej organizatave ndërkombëtare.

Në një intervistë për mediumin serb, Nova.rs, ai theksoi se “Kosova ka territor, njerëz dhe qeveri të pavarur nga Serbia, dhe ky është çmimi i politikave të Titos dhe Millosheviqit”.

Protic tha se kryetari i Akademisë serbe të Shkencave dhe Arteve, Vladimir Kostic, i cili kohët e fundit shprehu një pozicion të ngjashëm në publik, tha të vërtetën.

“Me këtë qëndrim, Kostic provoi se ai është një njeri që mendon me kokë dhe vjen në përfundimet e tij në mënyrë të pavarur, pavarësisht se si do të reagojë mjedisi ndaj tij dhe cilat paragjykime shprehen në publik. Së dyti, ai e tha të vërtetën. Të gjithë e dimë se është e vërtetë, por shumë nuk duan ta dëgjojnë, por e fusin kokën në rërë, sepse nuk duan të përballen me faktet”, tha ai.

Protiq theksoi se Kostic nuk e paraqiti gjykimin e tij, por deklaroi gjendjen faktike të çështjes.

“Në këtë aspekt, unë mund të shkoj më larg se ai, por këtu ne po flasim për vërtetësinë, origjinalitetin, guximin, individualizmin e një njeriu që është në një pozitë shumë të ndjeshme dhe të rëndësishme në këtë vend. Dhe ai, përkundër kësaj, ka mjaft guxim dhe integritet personal për ta shprehur një qëndrim të tillë dhe për të mos pasur frikë se çfarë do të jenë reagimet dhe sa shigjeta helmuese do të drejtohen nga ai, ndërsa, nga ana tjetër, nuk ka asnjë që është i gatshëm ta mbrojë atë”, tha Protic.

Ai shtoi se sot Serbia po paguan çmimin e politikës së gabuar të udhëhequr nga Sllobodan Milloshevici.
“Ky është çmimi i politikës së Titos dhe Millosheviqit. Ne po e paguajmë atë sot. Tito lejoi dhe mundësoi krijimin e një territori të kufizuar në Kosovë, duke krijuar një zonë autonome, dhe pastaj një provincë. Edhe atëherë, Kosova ishte praktikisht dhe në thelb u nda nga Serbia dhe i gjithë pushteti iu dha shqiptarëve atje. Tashmë ishte e qartë në atë kohë që ishte e ndarë nga Serbia dhe nuk do të kthehej. Atëherë Milloshevici u përpoq ta rikthente me forcë, por dështoi, i cili u bë një argument shtesë kundër të drejtës së Serbisë se ‘Kosova vazhdon të trajtohet si territori i saj’. Në vetëdijen tonë, kjo përvojë mesjetare e asaj pjese të vendit tonë nuk është as territoriale, as e zakonshme”, tha ai.

Protic thotë se “Besëlidhja e Kosovës”, domethënë, “përvoja e qenies sonë, ekzistencës, historisë sonë, nuk ka asnjë lidhje me materialin”.
“Kombet e tjera kanë humbur pjesët e tyre domethënëse, dhe ne vetë kemi jetuar pa atë Kosovë për shumë shekuj. Ajo na u kthye në vitin 1912, por kurrë nuk patëm mundësinë ta integronim plotësisht. Kjo është arsyeja pse Kosova mbeti përvoja jonë e së kaluarës dhe identiteti kombëtar, dhe jo thjesht territori. Kosova është bërë një problem i vështirë, i pazgjidhshëm për ne. Ne si popull dhe shtet humbasim vetëm në atë luftë që ishte humbur paraprakisht. Nuk është më çështje nëse do ta shpëtojmë Kosovën, por nëse do ta shpëtojmë Serbinë. Ne nuk kemi njerëz as për këtë territor”, tha ai.

Sipas tij, problemi po bëhet shumë më i thellë sesa çështja e vetë Kosovës.
“Për të mos folur pastaj për atë që po ndodh në Mitrovicë, e cila është një vatër e krimit dhe dhunës… Ne i mbajmë njerëzit tanë atje, ata fëmijë të pafat, në tela me gjemba si disa pengje të idesë serbe. Çfarë të ardhme kanë këta fëmijë? Si mund që njerëzit në Serbi shohin një ndërgjegje të pastër, mundimet në të cilat rriten? Çfarë lloj e ardhme i pret dhe çfarë mund të presin nga jeta, të rrethuar nga shqiptarë, në tela me gjemba, me disa shkolla të varfra dhe të improvizuara ku mësojnë atje. Do të jetë shpirti i tyre? Pse po bëhet kjo?”, tha Protic, shkruan Express.

Kryeakademiku serb, Vladimir Kostic tha së fundi tha se “dikush duhet t’u thotë këtyre njerëzve se Kosova nuk është më de facto ose de jure në duart tona” dhe se në këtë moment, “e vetmja mençuri politike është se si ta lësh Kosovën me dinjitet”.

Një grup prej 93 të quajtur intelektualë serbë i kishin dërguar një letër të hapur Akademisë serbe të Shkencave dhe Arteve duke kërkuar që kryetari i saj, Vladimir Kostic të jepte dorëheqje lidhur me deklaratat e tij se “Kosova s’ka qenë dhe s’do të jetë e jona”.

Por në rrjedhën e kritikave e sulmeve të ashpra në drejtim të Kostiqit, atij i kishte dalë në krah politikani serb, Nebojsha Zelenovic.
“Unë mbështes propozimin e kryetarit të Akademisë, Vladimir Kostic, për fillimin e një debati serioz dhe efektiv për Kosovën. Kërkesa që Kostiq të largohet nga kreu i Akademisë është, në thelb, një ftesë për të shpëtuar nga realiteti dhe për t’iu dorëzuar fatit, të cilën nuk do ta ndikojmë” kishte shkruar Zelenovic në Twitter.

[easy-share buttons="facebook,google,twitter" image="https://www.voal.ch/wp-content/uploads/2021/02/plmz-1.jpg" counters=0 native="no" url="https://www.voal.ch/palmer-angazhimi-i-shba-ne-ballkan-i-pandryshuar/"]

Palmer: Angazhimi i SHBA në Ballkan, i pandryshuar

Dino Jahiç

Departamenti amerikan i Shtetit tha se interesat e Shteteve të Bashkuara në Ballkanin Perëndimor janë të qendrueshme dhe strategjia e tyre ndaj këtyre vendeve në thelb ka mbetur e pandryshuar. Komentet u bënë nga zyrtari i lartë Matthew Palmer, në një intervistë me shërbimin e Zërit të Amerikës në gjuhën boshnjake.

Matthew Palmer, Zv/ndihmës Sekretar i Shtetit dhe përfaqësues i posaçëm për Ballkanin Perëndimor, tha se nën administratën e re të Presidentit Biden mund të pritet një vazhdim i angazhimit amerikan në Ballkanin Perëndimor, për një partneritet të fortë dhe të qëndreshëm me SHBA.

“Politika amerikane, angazhimi amerikan, strategjia amerikane në Ballkanin Perëndimor, ka qenë në thelb e qëndrueshme nga administrata në administratë. Kjo sepse interesat amerikanë janë konstante,” tha zoti Palmer.

Zoti Palmer drejton diplomacinë amerikane për integrimin e këtyre vendeve në institucionet perëndimore.

“Ajo që ne do të dëshironim të shihnim është që vendet e Ballkanit Perëndimor të jenë të forta, të gjalla, të begata, në paqe me veten dhe me fqinjët si dhe të integruar në institucionet evropiane. Kjo do të thotë anëtarësim në Bashkimin Evropian për të gjitha vendet e Ballkanit Perëndimor, anëtarësim në Organizatën e Traktatit të Atlantikut të Veriut për të gjithë ata që e marrin këtë vendim dhe që aspirojnë anëtarësimin,” tha zoti Palmer.

Pas zgjedhjeve të 14 shkurtit në Kosovë, Departamenti amerikan i Shtetit ka thënë se SHBA do të do të inkurajojnë qeverinë e re, që t’i japë përparësi dialogut me Serbinë.

Zoti Palmer thotë se përpjekjet për normalizimin Kosovë-Serbi janë me rëndësi.

“Shtetet e Bashkuara po investojnë në këtë drejtim përpjekje të konsiderueshme, energji dhe kapital politik. Ne mbështesim plotësisht procesin e dialogut të udhëhequr nga Bashkimi Evropian dhe punën e Miroslav Lajcakut si Përfaqësues i Posaçëm për Bashkimin Evropian,” tha zoti Palmer.

Ai tha se hapat pozitive në një drejtim të caktuar në Ballkanin Perëndimor sjellin pasoja pozitive diku tjetër në rajon.

“Nëse mund të ketë normalizim dhe ripajtim Serbi-Kosovë, unë do të thosha se kjo është gjë e mirë për të gjithë në rajon,” tha zëvendës ndihmës sekretari i shtetit.

[easy-share buttons="facebook,google,twitter" image="https://www.voal.ch/wp-content/uploads/2021/02/mlzslm.webp" counters=0 native="no" url="https://www.voal.ch/mali-i-zi-sulmohet-me-gure-autobusi-me-qytetare-nga-kosova/"]

Mali i Zi, sulmohet me gurë autobusi me qytetarë nga Kosova

Ali Salaj

Të mërkurën në mbrëmje, në aksin rrugor Berane-Podgoricë u sulmua me gurë në qytetin verior të Malit të Zi, Berane, autobusi me udhëtarë nga Kosova, të cilët po udhëtonin drejt një qendre për ski që ndodhet në këtë vend.

Policia malazeze nuk dha asnjë njoftim për ngjarjen në fjalë, ndërkaq lajmin e kanë bërë të ditur disa nga mediat në Mal të Zi.

Televizioni publik i Malit të Zi njoftoi se në Berane është sulmuar me gurë autobusi i Agjencisë “Gjafa tours” dhe se policia është duke u marrë me rastin. Nuk është bërë e ditur nëse ka të lënduar.

Ndërkaq, të enjten Partia Demokratike Socialiste e presidentit malazez, Milo Gjukanoviq, dega në Berane ka dënuan aktin vandal. Në një njoftim të saj thuhet se incidente të tilla shkaktohen nga individë ose grupe të papërgjegjshme, të frymëzuar nga nacionalizmi i çmendur.

“Kjo ngjarje dërgoi një mesazh shumë të shëmtuar nga qyteti ynë për turistët që vizitojnë Malin e Zi. Përpjekjet e qeverisë së mëparshme për të vlerësuar potencialet e Bjelasica dhe për ta bërë atë një qendër rajonale për ski po përpiqen të shemben me aktet që ndodhën natën e kaluar në Berane”, thuhet në njoftim.

Kjo parti i bëri thirrje autoriteteve malazeze që të gjejnë autorët e krimit dhe të mbrojnë sigurinë e qytetarëve.

“Ne do të bëjmë gjithçka për të eliminuar fenomene të tilla primitive, prandaj u bëjmë thirrje autoriteteve kompetente të gjejnë autorët e krimit dhe t’i sjellin ata para drejtësisë. Ne gjithashtu kërkojmë nga qeveria aktuale të mbrojë sigurinë e të gjithë qytetarëve dhe të gjithë turistëve që qëndrojnë ose vizitojnë Malin e Zi”, thuhet në reagimin e Partisë Demokratike Socialiste të presidentit Gjukanoviq.

Ministrja në detyrë e Punëve të Jashtme dhe Diasporës, Meliza Haradinaj-Stublla ka dënuar ashpër incidentin në Berane të Malit të Zi. Zonja Stublla vuri në dukje se ky incident ka mbjellë frikë për qarkullimin e lirë të qytetarëve ndërmjet Kosovës dhe Malit të Zi dhe se Kosova nuk do ta lejojë minimin e drejtimit euro-atlantik të rajonit, nga këto incidente të mbjella nga lufta hibride kundër anëtarëve dhe aleatëve të NATO-s në rajon.

“Si rajon ne jemi përcaktuar për integrim euro-atlantik dhe Kosova nuk do të lejojë asnjë zbrazëti për minim të kësaj përpjekjeje nga lufta hibride që po bëhet ndaj shteteve anëtare dhe aleatëve të NATO-s në Ballkanin Perendimor”, tha zonja Haradinaj-Stublla.

Ministria e Punëve të Jashtme dhe Diasporës ka kërkuar nga autoritetet malazeze sqarim të plotë të këtij incidenti, i cili nuk është në frymën e fqinjësisë së mirë e rrugës pa kthim të të shteteve për integrim euro-atlantik.

Ambasada e Kosovës në Podgoricë, përmes një note verbale drejtuar Ministrisë së Punëve të Jashtme të Malit të Zi, ka kërkuar shpjegim në lidhje me incidentin në Berane.

[easy-share buttons="facebook,google,twitter" image="https://www.voal.ch/wp-content/uploads/2021/02/ambgr.jpg" counters=0 native="no" url="https://www.voal.ch/ambasada-e-shba-ne-beograd-per-shiptari-n-e-vulinit-ne-dime-per-rreziqet-e-shkaktuara-nga-fjalimet-fyese/"]

Ambasada e SHBA në Beograd për “shiptari”-n e Vulinit: Ne dimë për rreziqet e shkaktuara nga fjalimet fyese

Gjykata e Lartë në Beograd ka refuzuar ta shpallë fajtor Ministrin Aleksandër Vulin për përdorimin e termit fyes “shiptari” për pakicën shqiptare që jeton në Serbi. Kësisoj, gjykata ka legalizuar termin pezhorativ ndaj shqiptarëve. Nga ambasada amerikane në Beograd për Gazetën Express ka thënë se përdorimi i emrave nënçmues për t’i përshkruar grupet e pakicave shkaktojnë rreziqe dhe përçarje të vazhdueshme.

Deputeti shqiptar në Parlamentin e Serbisë, Shaip Kamberi ka thënë se Gjykata i ka dhënë tashmë edhe fuqi juridike institucionalizimit të gjuhës së urrejtjes, mosdurimit dhe ksenofobisë ndaj shqiptarëve në përgjithësi, e atyre në Serbi në veçanti.

Zyrtari për media i ambasadës amerikane në Serbi, James Hagengruber, ka thënë për Express se gjykatat amerikane nuk thonë se cilat terma janë ligjorë apo fyes, por që, sipas tij, përdorimi i emrave nënçmues për pakicat sjellin rreziqe.

“Liria e të shprehurit është një vlerë themelore e Shteteve të Bashkuara. Kongresi ynë nuk ligjëson se cilat lloje të fjalimeve vlerësohen si fyese dhe gjykatat tona nuk thonë se cilat terma janë ligjorë apo fyes. Por ne dimë nga përvoja jonë kombëtare për rreziqet, dhimbjen dhe përçarjen e vazhdueshme të shkaktuara nga fjalimet fyese, në veçanti nga përdorimi i emrave nënçmues për t’i përshkruar grupet e pakicave”, thuhet në përgjigje.

Këshilli Kombëtar Shqiptar në Serbi ka paditur ministrin Aleksander Vulin për përdorimin e termit fyes “siptari” për shqiptarët që jetojnë në Serbi.

Gjykata e Lartë në Beograd e ka cilësuar padinë e Këshillit Kombëtar Shqiptar si të pabazuar dhe kësisoji i ka dhënë fuqi juridike institucionalizimit të gjuhës së urrejtjes ndaj shqiptarëvë në Serbi.

Deputeti shqiptar në parlamentin serb, Shaip Kamberi ka mbajtur dje një fjalim shqip ku ka thënë se vendimi i  Gjykatës së Lartë në Beograd për legalizimin e termit “siptari” nuk ka ndodhur as në kohën e Sllobodan Millosheviqit.

“Kjo nuk ka ndodhur as në kohën e regjimit të Sllobodan Millosheviqit i cili vrau, dhunoi dhe dëboi shqiptarët duke i quajtur Albanac. Por, ja që nën heshtjen e botës demokratike, Serbia e Aleksandër Vuciqit po kthehet në kohën e Aleksandar Rankoviqit, që njihet si periudha e fundit e përdorimit zyrtar dhe publik të termit “šiptar”. Të respektuar kolegë, Vendimi i Gjykatës së Lartë në Beograd është edhe precedent tepër i rrezikshëm për minoritetet në Serbi, por edhe në tërë Ballkanin Perëndimor. Ai krijon standard legjitimues për gjuhë të urrejtjes ndaj minoriteteve jo vetëm në Serbi, por edhe në Ballkanin Perëndimor”, ka thënë Kamberi mes tjerash.

Kamberi u ka bërë thirrje ambasadave të shteteve të fuqishme, Bashkimit Evropian dhe misionit të OSBE’së në Serbi që të reagojnë ndaj këtij vendimi.

Ndaj këtij vendimi të Gjykatës së Lartë në Beograd ka reaguar edhe u.d së presidentit Vjosa Osmani duke e cilësuar si mbështetje të racizimit ndaj shqiptarëve.

“Urrejtja serbe e sponsorizuar nga shteti ndaj popullit tonë ka qenë mbizotëruese gjatë gjithë historisë sonë. Vendimi i sotëm i gjykatës për ta miratuar racizmin kundër shqiptarëve është një njollë tjetër në regjistrin e tmerrshëm të qeverisë së tyre.Kjo duhet të jetë një hapje e syve për të gjithë ata që shpresonin që Serbia do të përmirësohej”, ka shkruar Osmani.

Ndërkaq, ambasadorja në detyrë e Kosovës në ShBA, Vlora Çitaku ka thënë se gjykatat në Serbi kanë vulosur racizmin ndaj shqiptarëve.

“Gjykatat në Serbi vulosën racizmin ndaj shqiptarëve. E papranueshme, por jo befasuese. Kjo nuk është dhe nuk duhet të mbetet vetëm betejë e shqiptarëve të Luginës”, ka thënë Çitaku./GazetaExpress/

[easy-share buttons="facebook,google,twitter" image="https://www.voal.ch/wp-content/uploads/2021/02/vulinit.webp" counters=0 native="no" url="https://www.voal.ch/vendimi-ndaj-vulinit-per-termin-shiptari-kalon-ne-apel/"]

Vendimi ndaj Vulinit për termin “shiptari” kalon në apel

Gjykata e Lartë në Beograd ka konfirmuar se vendimi për të hedhur poshtë padinë e Këshillit Kombëtar Shqiptar ndaj ministrit të Brendshëm, Aleksandër Vulin është miratuar më 28 dhjetor të vitit 2020, dhe se i njëjti nuk është i plotfuqishëm.

Në një përgjigje për Radion Evropa e Lirë, Gjykata e Lartë tha se nuk është në gjendje të komentojë sepse procedura e apelimit ndaj këtij vendimi është në proces.

“Në lidhje me këtë gjyqtari merr vendime në mënyrë të pavarur, në përputhje me vlerësimin që ai u bën fakteve dhe interpretimin e ligjit në përputhje me Kushtetutën”, tha Gjykata e Lartë në Beograd.

Të hënën deputeti shqiptar i parlamentit të Serbisë, Shaip Kamberi, ka njoftuar se Gjykata e Lartë në Beograd e ka hedhur poshtë padinë e Këshillit Kombëtar Shqiptar ndaj ministrit të Brendshëm të Serbisë, Aleksandar Vullin.

Këshilli e kishte paditur Vullinin vitin e kaluar për shkak të “gjuhës së urrejtjes” përkatësisht përdorimit të termit pezhorativ “shiptari”.

Deputeti Kamberi tha përmes një postimi në Facebook se refuzimi i gjykatës për të shpallur fajtor Vullinin “i ka dhënë tashmë edhe fuqi juridike institucionalizimit të gjuhës së urrejtjes, mosdurimit dhe ksenofobisë ndaj shqiptarëve në përgjithësi, e atyre në Serbi në veçanti”.

Ministri i Brendshëm i Serbisë, Aleksandar Vullin, edhe në kohën kur ka qenë ministër i Mbrojtjes, disa herë në paraqitjet e tij e ka përdorur termin pezhorativ “shiptari”. Vullin iu kishte përgjigjur kritikave për përdorimin e këtij termi, duke thënë se “ai do të vazhdonte t’i quante shqiptarët ashtu siç e quajnë ata veten”.

Partia Lëvizja Socialiste, të cilën e udhëheq Vullin, tha më 9 shkurt se fitorja e Vullinit në gjykatë dëshmoi se ai nuk ka fyer dhe diskriminuar.

Për përdorimin e këtij termi është zhvilluar një proces gjyqësor në Serbi.

Në fund të vitit 2018, Gjykata e Apelit në Beograd konfirmoi vendimin e shkallës së parë të Gjykatës së Lartë në Beograd mbi padinë e Anita Mitiq, një ish-aktiviste e Nismës Rinore për të Drejtat e Njeriut, kundër tabloidit “Informer”. Gjykata sanksionoi përdorimin e termit “Shiptar” si gjuhë urrejtjeje. Ekziston edhe mendimi i Komisioneres për Mbrojtjen e Barazisë, Bërnakica Jankoviq, sipas së cilës, thirrja e popullit shqiptar “Shiptar” është nënçmuese dhe fyen anëtarët e asaj kombësie.

Ajo gjashtë vjet më parë paraqiti mendimin se dy tabloide në Serbi, shkelën Ligjin për Ndalimin e Diskriminimit sepse ata i quanin shqiptarët “Shiptari”. rel

[easy-share buttons="facebook,google,twitter" image="https://www.voal.ch/wp-content/uploads/2021/02/bdnts-1.jpg" counters=0 native="no" url="https://www.voal.ch/biserko-vuciq-e-kupton-shume-mire-politiken-e-bidenit-dhe-e-di-se-ajo-do-te-zbatohet/"]

Biserko: Vuçiq e kupton shumë mirë politikën e Bidenit dhe e di se ajo do të zbatohet

“Kjo është një politikë që Vuçiq e kupton shumë mirë dhe e cila do të zbatohet në Ballkan dhe Serbi, veçanërisht në periudhën e ardhshme”.

Kryetarja e Komitetit të Helsinkit për të Drejtat e Njeriut në Serbi, Sonja Biserko, beson se askush nuk mund të habitet nga letra e presidentit të SHBA-së, Joe Biden, sepse një politikë e tillë u paralajmërua kur ai i fitoi zgjedhjet. Ajo thotë se Biden i kujtoi Serbisë detyrimet e saj në dialog me Kosovën, transmeton Gazeta Express.

“Kishte shumë deklarata nga bashkëpunëtorët e tij të ngushtë, ai është i rrethuar nga njerëz që e njohin mirë Ballkanin”, i tha Biserko RTK-së në gjuhën serbe.

“Kjo është adresimi i parë me shkrim drejtuar Serbisë zyrtare për të thënë urime për festën dhe atë që ata presin nga ajo në të ardhmen. Kjo është një politikë që Vuçiq e kupton shumë mirë dhe e cila do të zbatohet në Ballkan dhe Serbi, veçanërisht në periudhën e ardhshme”, thekson Biserko.

Siç thotë ajo, kjo është një periudhë pritjeje për të filluar politika aktive e SHBA-së dhe BE-së për çështjen e Kosovës, por edhe të rajonit.

Sipas saj, Kosova mbahet e hapur si një çështje që as opozita dhe as qeveria serbe nuk do ta heqin, për sa kohë që ata mund të mobilizojnë mbështetje në zgjedhje dhe për çdo situatë në të cilën nevojitet homogjenizimi i kombit serb.

Ajo vlerësoi se nuk pritet përparim në dialogun midis Prishtinës dhe Beogradit nën ndërmjetësimin e BE-së, kryeissht për shkak të zgjedhjeve në Kosovë.

Të premten, presidenti i Shteteve të Bashkuara të Amerikës, Joe Biden, vendosi t’ia shkruante një letër urimi presidentit serb, Aleksandar Vuçiqit, me rastin e 15 shkurtit, ditës së shtetësisë së Serbisë. Kjo letër që mbërriti të dielen në Presidencën serbe, ndonëse kishte brenda urime të përzemërta të presidentit të shtetit më të fuqishëm në botë, përmbante edhe një fjali, e cila ia prishi ditën kreut të Serbisë.

Në një mënyrë aspak të zakontë në diplomaci, me anë të një letre urimi, që ishte e para e tij si president, drejtuar Serbisë, Joe Biden i kërkoi presidentit serb, Aleksandar Vuçiq që ta njohë Kosovën si shtet të pavarur.

[easy-share buttons="facebook,google,twitter" image="https://www.voal.ch/wp-content/uploads/2021/02/DIALOGUE-AND-METRO-ON-THE-TABLE-Vucic-has-important-talks-600x360-1.jpg" counters=0 native="no" url="https://www.voal.ch/vuciq-del-nga-takimi-me-macronin-me-nje-ide-per-zgjidhje-inovative-me-kosoven/"]

Vuçiq del nga takimi me Macronin me një ide për “zgjidhje inovative” me Kosovën

Presidenti i Serbisë, Aleksandër Vuçiq sot ka qëndruar në Pallatin Elysee në Paris, ku për rreth 4 orë ka zhvilluar një takim me presidentin e Francës, Emmanuel Macron, ku temë kryesore ka qenë dialogu Kosovë-Serbi, transmeton Gazeta Express.

Vuçiq tha se ia shpjegoi Macronit pozicionin e Serbisë në dy bisedat që tha se u zhvilluan në “katër sy”, ndërsa përmendi “gjetjen e një zgjidhjeje inovative” lidhur me problemin me Kosovën.

“Ne kryesisht biseduam për marrëdhëniet midis Beogradit dhe Prishtinës, i tregova se cili është pozicioni i Serbisë. Unë besoj se do të kemi mbështetje serioze nga Franca në rrugën evropiane. Franca do ta mbështesë Serbinë në rrugën evropiane dhe unë besoj në gjetjen e zgjidhjeve inovative të kompromisit për Kosovën dhe Metohinë”, tha ai.

Lidhur me Kosovën, Vuçiq deklaroi se është e nevojshme që pala kosovare ta kuptojë se dialogu “nuk është një pus dëshirash”.

“Unë nuk shoh asgjë që mund të na sjellë më pranë një dialog serioz. Ne jemi gjithmonë të gatshëm për bisedime, por çdo marrëveshje kërkon dy palë që përpiqen, por për momentin nuk shoh palë tjetër”, tha ai.

Ai tha se Macron do ta vizitojë Serbinë në shtator ose tetor.

“Do të jetë një vizitë e madhe, do të kemi shumë kontrata për të nënshkruar”, tha ai. /Express/

[easy-share buttons="facebook,google,twitter" image="https://www.voal.ch/wp-content/uploads/2021/02/vcmkr-2.jpg" counters=0 native="no" url="https://www.voal.ch/vucici-pres-idete-origjinale-te-makronit-per-marreveshjen-me-kosoven/"]

Vuçiçi: Pres idetë origjinale të Makronit për marrëveshjen me Kosovën

Presidenti francez Emmanuel Macron dhe presidenti serb Aleksandër Vuçiq shikojnë një glob gjatë takimit të tyre në Pallatin Presidencial, Beograd, 15 korrik 2019.

Në prag të takimit me presidentin e Francës, Emmanuel Macron, presidenti i Serbisë, Aleksandër Vuçiq ka thënë se zgjidhja e problemit të Kosovës nuk është çështje e lehtë për Serbinë, por shpreson se në fund të procesit do të arrihet një zgjidhje kompromisi e cila do të jetë e pranueshme për dyja palët.

“Që të gjithë duhet të bëjmë gjithçka të arrijnë deri te një zgjidhje kompromisi për të dyja palët. Gjithmonë kam qenë i gatshëm të dëgjoj nga Macron idetë e tij origjinale dhe të përparuara për të arritur pranë marrëveshjes. Do ta prezentoj në mënyrë të sinqertë platformën tonë dhe jam i sigurt se me udhëheqjen e tij ne do të arrijmë rezultate në periudhën e ardhshme”, tha presidenti Vuçiq.

Presidenti serb në profilin e tij në Instagram tha se me homologun e tij francez do të bisedojë për tri tema: zgjidhjen për Kosovën, integrimet evropiane të Serbisë dhe bashkëpunimin ekonomik mes dy vendeve.

Takimi pritet të mbahet të hënën (1 shkurt) në Paris.

Edhe presidenti Macron gjatë një adresimi para gazetarëve në Paris ka thënë se në dialogun mes Prishtinës dhe Beogradit është e rëndësishme që të arrihet një zgjidhje për të cilën bien dakord të dyja palët.

“Në këtë çështje, të vetmet zgjidhje që çojnë në përpara, janë zgjidhjet për të cilat të dyja palët pajtohen, dhe të cilat do të na mundësonin të zgjidhim përfundimisht këtë çështje të rëndësishme që është në zemër të Evropës”, ka thënë Macron.

Ai u tha gazetarëve se ai gjithashtu do të angazhohej dhe do të siguronte mbështetje për të gjithë ata që janë të interesuar në zgjidhjen e çështjes së marrëdhënieve midis Beogradit dhe Prishtinës.

Bisedimet e fundit të tyre, Vuçiq dhe Macron i kanë pasur në korrik të vitit 2020 kur u mbajt një video-samit për Kosovën dhe Serbinë, i organizuar nga Macron dhe kancelarja gjermane, Angela Merkel.

Macron zhvilloi një vizitë dy-ditore në Serbi më 15 korrik 2019.

Dialogu politik ndërmjet Kosovës dhe Serbisë, me ndërmjetësimin e Bashkimit Evropian, ka nisur më 2011.

Takimi i fundit ndërmjet krerëve shtetërorë të këtyre vendeve është zhvilluar në shtator të vitit të kaluar. Prej atëherë, nuk është mbajtur takim i nivelit të lartë.

Deri në zgjedhjen e Qeverisë së re të Kosovës, Brukseli zyrtar ka paralajmëruar se nuk do të ketë takime në kuadër të dialogut.

Zgjedhjet e parakohshme parlamentare në Kosovë do të mbahen më 14 shkurt.

 

[easy-share buttons="facebook,google,twitter" image="https://www.voal.ch/wp-content/uploads/2021/01/grnnsh-1.jpg" counters=0 native="no" url="https://www.voal.ch/greqia-nenshkroi-marreveshje-me-francen-per-blerjen-e-avioneve-luftarake/"]

Greqia nënshkroi marrëveshje me Francën për blerjen e avionëve luftarakë

Athinë

Greqia nënshkroi sot marrëveshje me vlerë disa miliardë eurosh me Francën për blerjen e 18 avionëve luftarakë Rafale të prodhuar nga Dassault. transmeton Anadolu Agency (AA).

Marrëveshja prej 2,5 miliardë eurosh u nënshkrua nga ministri i Mbrojtjes i Greqisë, Nikos Panagiotopulos, dhe homologia i tij franceze, Florence Parly në Ministrinë e Mbrojtjes.

Panagiotopulos theksoi se blerja e avionëve luftarakë “është një moment historik në bashkëpunimin e mbrojtjes dhe marrëdhëniet midis Greqisë dhe Francës”, duke shtuar se Forca Ajrore Greke janë forcuar ndjeshëm.

Gjashtë avionët e parë të rinj do të mbërrijnë në Bazën e Forcave Ajrore “Tanagra” në korrik.

“Vendet tona ndajnë shumë gjëra të përbashkëta”, tha Parly, duke theksuar se shpreson që Marina Greke do të blejë anije franceze në kontekstin e rinovimit të flotës së saj.

“Franca së shpejti do t’i ofrojë Greqisë propozime për të rinovuar flotën e saj të fregatave”, shtoi ajo.

Kryeministri grek Kyriakos Mitsotakis tha se blerjet e fundit ushtarake të Greqisë nuk janë kërcënim për asnjë vend tjetër.

“Në fund të fundit, mburoja e Greqisë nuk ka qenë kurrë një rrezik për një vend tjetër. Përkundrazi, ajo ka qenë gjithmonë një faktor sigurie në rajonin e gjerë”, tha ai pas takimit me ministren Parly.

Greqia planifikon të blejë 6 avionë të rinj Rafale dhe 12 avionë të përdorur nga Franca dhe do të shpenzojë 400 milionë euro për pajisjet e nevojshme.

Buxheti grek i mbrojtjes parashikohet të arrijë rreth 5,5 miliardë euro, më shumë se dyfishi i shpenzimeve të vitit të kaluar.

Pavarësisht vështirësive ekonomike, Greqia shpenzoi 2,3 për qind të Prodhimit të Brendshëm Bruto (PBB) për mbrojtje në vitin 2019.

Greqia ka ndërmarrë hapa për të përmirësuar forcat e saj ushtarake dhe kapacitetin mbrojtës, ndërsa në muajin maj pritet që shërbimi i detyrueshëm ushtarak në forcat tokësore të zgjatet nga 9 në 12 muaj.

[easy-share buttons="facebook,google,twitter" image="https://www.voal.ch/wp-content/uploads/2021/01/shbprsh-1.jpg" counters=0 native="no" url="https://www.voal.ch/shba-pershendet-rifillimin-e-bisedimeve-midis-turqise-dhe-greqise/"]

SHBA përshëndet rifillimin e bisedimeve midis Turqisë dhe Greqisë

Washington

SHBA ka përshëndetur raundin e parë të bisedimeve midis Greqisë dhe Turqisë pas pothuajse pesë viteve, të cilat kanë për qëllim zgjidhjen e mosmarrëveshjeve të energjisë dhe kufirit në Mesdheun Lindor, transmeton Anadolu Agency (AA).

Në llogarinë e tij në twitter, zëdhënësi i Departmentit Amerikan të Shtetit, Ned Price, njoftoi se SHBA përshëndet “rifillimin e bisedimeve mbi eksplorimet sot në Stamboll midis Greqisë dhe Turqisë, si dhe angazhimin e të dy qeverive për këtë proces”.

Sot më herët përfunduan bisedimet në Dolmabahçe në Stamboll, ndërsa burime diplomatike turke për AA njoftuan se negociatat përfshinin diskutime të çështjeve të pazgjidhura nga negociatat e mëparshme, si dhe situatën aktuale, zhvillimet e fundit dhe hapat e mundshme që do të ndërmerren para raundit tjetër që do të mbahet në Athinë.

Më 11 janar, ministri turk i Punëve të Jashtme, Mevlüt Çavuşoğlu, ftoi Greqinë për të rifilluar bisedimet, ndërsa kryeministri grek, Kyriakos Mitsotakis, një javë më vonë pranoi ftesën.

Bisedimet mbi eksplorimet midis Turqisë dhe Greqisë, të destinuara për të arritur zgjidhje të drejta për çështjet në Egje, filluan në vitin 2002. Pas raundit të 60-të të bisedimeve në mars të vitit 2016, Athina pezulloi takimet.

Turqia, e cila ka vijën bregdetare më të gjatë kontinentale në Mesdheun Lindor, ka mohuar pretendimet e kufijve detarë nga Greqia dhe Qiproja Greke, duke theksuar se ato shkelin të drejtat sovrane të Turqisë dhe Qipros Turke.

Ankaraja vitin e kaluar dërgoi disa anije të shpimit për të kërkuar burime të energjisë në Mesdheun Lindor, duke pohuar të drejtat e saj në rajon, si dhe ato të Qipros Turke.

Liderët turq në vazhdimësi kanë theksuar se Ankaraja është në favor të zgjidhjes së problemeve të pazgjidhura në rajon përmes ligjit ndërkombëtar, marrëdhënieve të fqinjësisë së mirë, dialogut dhe negociatave.

[easy-share buttons="facebook,google,twitter" image="https://www.voal.ch/wp-content/uploads/2021/01/sakibv-1.jpg" counters=0 native="no" url="https://www.voal.ch/ish-komandanti-i-ushtrise-boshnjake-denohet-per-krime-lufte/"]

Ish-komandanti i ushtrisë boshnjake dënohet për krime lufte

Gjykata e Sarajevës e ka dënuar me 10 vjet burgim një ish-komandant të ushtrisë boshnjake, pasi erdhi në përfundimin se ai ka dështuar të ndalojë vrasjet dhe torturat e kryera nga luftëtarët vullnetarë islamikë të cilët u bashkuan me trupat e tij gjatë luftës së Bosnjës më 1992-1995.

Gjykata tha se Sakib Mahmulin, 68 vjeç, ishte fajtor për vdekjen e më shumë se 50 të burgosurve etnikë serbë në rajonet veri-lindore të Vozuçës dhe Zavidoviçit më 1995.

Viktimat u vranë nga anëtarët e grupit “El Mujahid”, një njësi famëkeqe e vullnetarëve islamikë kryesisht të huaj nga Afrika e Veriut dhe Lindja e Mesme, megjithëse kishte edhe nga disa vende perëndimore.

Gjykata tha se krimet e kryera nën vëzhgimin e Mahmulin përfshinin tortura ndaj robërve të luftës, disa prej të cilëve u plagosën dhe disa civilë. Mahmulin u arrestua në dhjetor të vitit 2015, por më pas u lirua me kusht.

Padia ndaj tij u ngrit më 7 janar të vitit 2016.

Mahmulin është një nga zyrtarët e lartë të ushtrisë myslimane të Bosnjës që është dënuar për luftën e viteve 1992-1995 nga e cila mbetën të vdekur më shumë se 100.000 njerëz.

Avokatët e tij mbrojtës thanë gjatë gjykimit se ai “nuk kishte kontroll efektiv mbi njësinë”. Vendimi mund të apelohet.

Shumica e luftëtarëve të huaj islamikë që iu bashkuan luftës në Bosnje u larguan pas përfundimit të saj. rel