VOAL

VOAL

Please Wait ...
0%

Kosovë, fillon votimi përmes postës për zgjedhjet e 6 tetorit

By | September 20, 2019

Komentet

VOTUESVE QË VOTUEN VETVENDOSJEN DHE ALBIN KURTIN – Nga Bardh Nengurra

( Nji dyzinë pyetje per juve )
Me 6 tetor ishin zgjedhjet e parakoshme parlamentare në Dardani. Që do mbahen këto zgjedhje dihej që ma parë pasi ish kryeministri Ramush Haradinaj dha dorëheqje nga posti që e mbajti pak ma shumë se dy vite e gjysëm.
Isha atje në vendlindje deri me 25 shtator dhe ndegjoja opinionet e qytetarve per aktualitetin politik dhe edhe per zgjedhjet e radhës që do mbaheshin. Pata fitue bindjen se pjesëmarrja në zgjedhje do jet shumë e vogël. Mirpo pasi Kryesia e LDK-së me në krye Akasemik Isa Mustafa emnojë zonjën Vjosa Osmani si bartëse e listës së LDK-së e që do thotë kandidate per Kryeministreshë të vendit pash se të populli disi ndërroj atmosfera. Tash disa flitshin e thojshin se pasi asht Vjosa do dalin me votue.
Unë quditesha se si të gjithë ishin me kritika per pushtetin që per 20 vjet rresht e mbajten  partitë e dala nga i ashtuquajtuni krahu i luftës me në krye nga nji kastë e komandantve të luftës që unë gjithmonë i quej KOMANDIRA pasi që gjithcka asht tashma e kjart se ata  ( 95% e tyne ) nuk kan ba asfar lufte por arriten me e marr primatin e çlirimtarve të vendit pa pikë merite.
Pra populli fliste se asht lodhë me ta dhe se mendon se asht e pamundun me i hjek nga pushteti andaj as që do dalin tash me votue.
Per fatë të mirë të vendit, pjesëmarrja në votime ishte e kënaqëshme , votimet kaluen pa ekscese , ishin në nivel dhe u vlersuen si të suksesëshme. Mirpo si edhe herat tjera edhe këtë here ndodhi diçka që nuk asht pritë. Dy partitë opozitare te deridjeshme pasi nuk u dakorduen per koalicion parazgjedhor ato u futen në garë me sllogane që në fushatë vepronin kundër njena tjetrës. Mendimi im asht se kan ba mirë që nuk jan futë në fushatë në koalicion sepse mendojë se secila parti apo subjekt politik që aspiron ulse në Parlament duhet me luftue vetë per vete e jo me depertue në Parlament thue se dikush i ka nxjerr nga xhepi ashtu sikur se ka ndodhë disa herë me AKR-në e Behxhet Pacollit, pastaj me lista të ndryshme të formueme nga individ matrapaz etj.
Personalisht kam pas frikën se AAK do fiton shumë këtë herë sepse të gjith ato miliona euro që i zhvaten nga buxheti i shtetit per dy vite e gjysem sa ishte muskulozi i kësaj partije Ramush Haradinaj Kryeministër flitej se i kan diku dhe do i perdorin per vota. E thash se kisha frikë sepse unë mendojë se fatkeqësia ma e madhe e vendit pas lufte asht formimi i kësaj partije në gjiun e së cilës asnjihere nuk pat njerëz ekspert, të ndershem e dinjotoz. Kjo parti qendron në kambë në supet e vllaznive Haradinaj dhe ate e mbajnë gjallë grupe të individve të pashkollë, me të kalueme të dyshimt familjare e personale të njerzve kriminel dhe banditë. Mafi hesapi sikur thotë populli.
Për fat edhe kësaj here u deshmue se AAK asht parti e klanit të djemve të Gllogjanit dhe të Jabllanicës së Dushkajës dhe pertej rrjetit familjar të dajve , tezakve , tezeve e kusherinjve nuk kalon. Kësaj partije me kryesinë e sajë mafioze populli ja theu turinjët dhe mirë ja bani. Shpresojë së në zgjedhjet e radhës nuk e kalon pragun zgjedhor dhe do shuhet fare.
Gara në fushatë ishte mes LDK-së dhe Levizjes Vetvendosje. Dy kandidatët per Kryeministër të këtyne pative Prof. Vjosa Osmai LDK dhe Albin Kurti Vetvendosje ishin të preferuemit e popullit. Votuesit e LDK-së që moti e preferojne Vjosa Osmanin para kujdo tjetër nga LDK-ja. Lideri i LDK-së Akademik Isa Mustafa për të satën here per të miren e LDK-së dhe vendit merr hapa të duhun dhe me vend. Ashtu sikur që pat perzgjedhë Prof. Avdullah Hoti në zgjedhjet e parafundit edhe këtë here per tja plotësue dëshiren elektoratit të vetë emnojë Prof. Vjosa Osmanin per bartëse të listës.
Pas perfundimit të votimeve dhe numrimit të votave doli se Levizja Vetvendosje del partija e parë me pak perparsi para LDK-së. Tash pritet të formohet qeverija në koalicion mes këtyne dy subjekteve politkike. Bisedimet veq kan fillue. Unë si aktivist dhe edhe si votues ju urojë suksese në formimin e koalicionit dhe në qeverisjen e vendit per mandatin qe e moren me vota.
Pse disa ish LDK-ista, disa veprimtar të LDK-së dhe edhe ju disa shqiptar të besimit katolik ( nuk po ju permend me emna, por këtu e kam fjalën per të tillët që unë ju njof si fanatik fetar dhe si njerez të shqetsuem per ardhmeninë e Dardanisë nga rreziku islam ) e perkrahni Albin Kurtin?!
Pse ju keni kaq memorje të varfën dhe keni harrue se cila ishte rruga e Albin Kurtit deri te majat e pushtetit në Dardani.
A keni ba mirë që keni harrue të gjitha këto ngjarje , veprime e ndodhi që lidhen me Albin Kurtin pasi ai edhe ju parapriu dhe ju priu tan kohën që nga dita kur doli me 1998 në Protesta të Studentve të Universitetit të Prishtinës bashk me Rektorin Prof. Ejup Statovcin e ndjer dhe me ata enverostalinistët e LPK-së që ishin tandem i pandashem i Albin Kurtit e që ishin; Bujar Dugolli, Muhamet Mavraj dhe Besnik Lajqi.
Pra ju ish LDK-ista që votuet VV-në si harruet se Albin Kurti hapat e parë në politikë i bani tue dalë kunder qendrimeve të Presidentit të Dardanisë Dr. Ibrahim Rugovës i cili në atë kohë aludonte në qetsi qytetare sepse i dhimbsej populli që do torturohej , do vritej dhe do arrestohej nga falanga serbe. Albin Kurti me enverostalinistat e vetë bashkveprimtar doli rrugve dhe kerkojë të pergjakej populli.
Pse harruet se cila ishte pozita e Albin Kurtit në të ashtuquejtunën ZYRE E UÇK-së në Prishtinë? A ishteAlbini aty në atë zyre bashk me të ashtuquejtunin Zëdhenës i zyrës së UÇK-së me ideatorin e Ballkanisë shokun Adem Demaqi?!.
Pse harruet se atë zyre e hapi i ashtuqujtuni Shtab i Pergjithshëm i UÇK-së me në krye Hashim Thaçin që do thotë se Albin Kurti hapat e parë në fillimet e luftës në Dardani i bani si njeri i Hashim Thaçit. Pse nuk e vrani mendjen dhe të mendoni se pse policia serbe nuk i ngucte as Adem Demaqin e as Albin Kurtin të cilët publikisht kishin dalë se jan zyrtar të Zyrës së UÇK-së në Prishtinë?! Pse nuk e vrani mendjen e të mendoni se pse dikur u arrestue Albin Kurti dhe u dergue në burgejt serbe në Serbi? Ai atje doli trim per mendjet e juve shumicës dhe në oborrin e burgut në Pozharevc foli kunder sistemit serb të Millosheviqit. Si ka mundësi të ndodhë kjo pa pas Albini asnji pasojë. Ate posa e çlirojë NATO Dardaninë dhe hyni KFOR-i , Albinin e leshuen nga burgu dhe erdh shendosh e mirë në Prishtinë. Pse nga burgu doli  edhe Ukshin Hoti, por posa doli ati ju zhduk çdo gjurmë?!
Pse harruet se pasluftës Albin Kurti me porosinë e ndonji organizate nderkombëtare ( sipas së gjitha gjasave me porosi dhe sponsorizim të SOROSIT ) bashk me minoritar të Dardanisë ku kishte edhe serb, mes tyne edhe Nenad Rikalo ish torturuesi i shqiptarve në lagjen e Dardanisë në Prishtinë e formuen OJQ-në ( organizatë joqeveritare ) me enin KAN. Dhe si harruet se po me urdhnin e dikujt kjo organizatë u shue dhe nga ajo u formue LEVIZJA VETVENDOSJE me Albin Kurtin në krye.
Pse harruet se VV-ja me Albin Kurtin në krye dhunshëm tue demolue sheshet e Kryeqendrës Dardane kundërshtojë Planin e Ahtisarit i cili plan e percaktojë rrugtimin se si do shpallet Dardania shtet i mvetsishëm dhe si do ndertohet ky shtet. Marti Ahtisari nuk e bani atë plan kokë në vete, por ishte urdhen i KS ( Këshillit të Sigurimit ) të OKB-së. Si harruet se kundershtimet e VV-së të Albinit nuk ishin asgja tjetër pos kundërstim që të formohet shteti i Dardanisë?!
Pse kur votuet VV-në dhe Albin Kurtin nuk ju ra në mend se Albini nuk e pranon shtetin e Dardanisë, ja poshtron simbolet ( Flamur e Hymn ) publikisht pasi askund nuk e perdor Flamurin e shtetit e as nuk ngritet në kambë kur intonohet Hymni i shtetit.
Pse kur e votuet VV-në dhe Albin Kurtin harruet se ky njeri i mbushun me ideologji staliniste ka idol komunistin latinoamerikan Çe Guevara dhe se në stilin e Çe Guevarës me disa dhjetra here Albini ka manipulue rininë e vendit , i ka qite në rrugë , kan demolue prona shtetnore dhe private dhe kan qa koka të policve të shtetit  , ( policve shqiptar ) me gur e copa të betonit që e demolojshin neper rrugë e trotuare.
Pse kur ja dhat votat VV-se dhe Albinit harruet se me fajin e Albinit policët rumunë jua shuen jeten dy aktivistve të VV-së në protesta në Prishtinë ? Kam fjalën per ata dy aktivistët me mbiemnin Balaj e Xheladini nese nuk po gabohem.
Pse kur e votuet VV-në dhe Albinin harruet se dy djemt e vetëm të Avni Deharit u vetvriten apo u vranë ( nese janë detyrue në vetvrasje atëhere asht vrasje kjo ).
Pse kur ja dhat votat VV-së dhe Albinit nuk ju kujtue se asht ky Albini që poshtersishtë ka injorue Presidentin Ibrahim Rugova ndersa nuk ka pritue me shkue me u perkulë e me vue lule te varri i Alija Izetbegoviqit, boshnjakut që e solli islamin ekstrem i solli xhihadistët ne Bosne e Hercegovinë.
Pse kur votuet VV-në dhe Albinin juve ish LDK-ista nuk ju kujtue perkrahja qe VV-ja me Albini i ka dhanë futjes së ligjeve kuranore në sistemin e shtetit tonë Dardanisë?! Kan votue kunder ligjit per ndalimin e mbulesave te vajzave në shkolla. Kan votue kunder ligjit per ndalimin e zhurmës akustike që fokus kishte zhurmat e ulurimat shurdhuese nga minaret e xhamijave. Kan votue kundër ligjit që ndalonte futjen e mesimit fetar në shkolla. Pra jo vetem ju LDK-ista , por ne veqanti ju shqiptar katolik si i harruet këto veprime dhe qendrime të Albin Kurtit e Vetvendosjes kur ja dhatë votat.
Pse kur e votuet VV-në dhe Albinin harruet shkumjen e Albinit në Jerusalem per ti perkrah palesitnezet, pastaj spe harruet se ishte Albin Kurti i vetmi politikan i Dardanisë që shkoj në Ambasaden turke në Prishtinë në pervjetorin e puqit ushtarak në Turqi kundër Erdoganit
Pse harruet kur e votuet Vetvendosjen dhe Albin Kurtin se ka disa vjet që perflitet martesa e ti me zonjën Rita Knudsen Augestad nga Norvegjia.
Unë nuk i kam besue e as nuk i besojë thash e thanat se ajo gjoja qenka bijë, apo mbesë e ish shefit famkeq të policisë serbe në Dardani qetnikut Zoran Sokolloviq, jo nuk aludojë aty unë fare. Por unë quditem se si pat mundësi ta gjen Albin Kurti këtë zonjushë norvegjeze dhe ta njofin ai e ajo aq mirë njeni tjetrin sa të vendosin me u martue. Jetojë në Norvegji qe 30 vjet dhe e di se mentaliteti i femnave të këti populli asht i tillë sa pa jetue gjatë mes veti nuk vendos të martohet me asnji mashkull . Si u ba që Rita e Albinit paska vendos me u martue me nji djalë shqiptar nga Kosova dhe qenka dashunue aq shumë ne te vetem nga nji takim ( sipas asaj që vetë Albini e tha, e ka takue kur ky ka qenë në burg në Pozharevac të Serbisë ku ajo paska qen gazetare )?! Krejt kjo tingllon teper joserioze dhe e pabesueshme. Neve disa që jetojmë në Norvegji e dijmë se shteti dhe populli norvegjez jan miqët ma të mirë të serbve nga të gjithë popujt europrendimor. Neve e perjetojë pothuej per ditë të zotit diskriminimin dhe jobarazinë në të gjitha fushat e jetës këtu në Norvegji jo vetem per fajin tone ( e pranojë këtë ) , por ma shumë pse neve jemi në konflikt me mikun e tyne me Serbinë. Tash kjo Rita Knudsen Augestad që me vite ka jetue e punue në Beograd e neper Serbi dashunohet në nji shqiptar të burgosun nga serbet dhe në nji antiserb çfar Albin Kurti asht paraqitë. ! Kjo asht e pakapshme per trunin tim. Jam i bindun se kjo martesë asht ba ashtu si janë ba dikur neper trojet tona shqiptare martesat e individve popullor shqiptar me partizanka e lahperica tjera serbe, malazeze e maqedone. Edhe kjo martesë asht ba per të mbulue diçka që ende neve nuk e kemi idenë se çka. Koha ka me tregue, por pse juve ish perkrahes dhe votues të LDK-së i harruet të gjitha këto PSE-he që vejnë në dyshim jo vetem programin komunist- islamist të VETVENDOSJES, por edhe personalitetin e Albin Kurtit.
Dhe ma e quditshmja asht se si juve kur votuet VV-në dhe Albinin harruet se në atë listë të kandidatve per deputet të Kuvendit të shtetit ishin 45 veta ish antar e edhe ish deputet të PDK-së së Hashimit e Kadri Veselit.
Pra kaq kisha per të thanë kësaj here per VETVENDOSJEN dhe per Albin Kurtin të cilet i perkrahen shumica e votuesve disa vjeqar të LDK-së dhe perqudi moren perkrahjen edhe të shqiptarve fanatik në besimin e tyne katolik. Harruen katolikët se voten po ja japin nji simpatizanti islamik , ne mos kjoftë krejt islamik sherbtor i Erdoganit turk.
Sa bukur zë vend këtë rast ajo thanja popullore; per inati të resë më vdekt djali.
Po kam frikë se ashtu si dikur e keni perkrah Hashimin dhe thojshit se pacifizmi i Rugovës nuk na ka sjellë asgja dhe me këtë budallaki e sollët Hashimin në pushtet dhe tek pasi ai me bandat e veta bashk me AAK. AKR, PD, LDD, ORA etj etj, subjekt politik të shtetit jau kajten nanën juve dhe shtetit ju filluet me e sha Hashimin dhe kerkoni mjete si me e hjek qafe. Po kam frikë se edhe me Albinin do ju gjanë e njejta zezditë. Per mendimin tim keni ba eksperiment me Dardaninë me njeriun që ja ofroni si kryepushtetar.
Sarpsborg-Norvegji : 15.10.2019

RAMIZ, ÇAKORIN TA MORËN TE DERA E SHTEPISË: PSE NUK E MBROJTJE? – Nga BINAK MAXHARRAJ

Si ne lojrate e kolovajzave po i ndrron partitë, nuk ke lanë parti pa u anëtaresu pos ne ate te “Lista Srepska”. Ishe në PDK, te qitën apo e lëshove, nuk e di, ishe ne AAK edhe aty nuk munde me u rahatu, shkove në LDK, aty lype copë te madhe por nuk ta dhanë. Ike nga aty sepse tashti ne LDK po frymon diçka e re, diçka rinore, aty ka doktora dhe akademik, sa një Akademi shkencash, ike se e mate se më këta nuk mund te ia dalish deri ne fund. Këtu një gjë është e qartë kah do qe kë shkuar npër parti veq çka te kanë mjelë, sepse asgjë nuk kë përfitu.

Së fundit ia nise prej fillimit rrethit te sjelljes s’uaj vicioze. Nga LDK fluturove prap te PDK, shkove vetë apo te mashtruan nuk e di, por si duket Kadri Veseli te mashtroi, te mashtruan me një copë Kryeministri në andërr, sepse ti hale se ke kuptu së epoka e PDK po perfundon ç’prej ardhjës së Kadri Veselit në krye te PDK. Heren e parë kur ike nga PDK leshoje helm e vrerë ne te, tashti kur përseri u këtheve po u dhuar oda, lavdi për te, po thuar lavdi për partin e cila e ka marrë teposhtezën, bash sikur ato teposhtezat e Çakorrit tend në te cilat e kalove djalerin dhe u rrite me ajrin e fresket dhe me tambelbore duke i shtuar mazë te deleve te cilat mallonin dhe lazdroheshin rrepjeve, luginave, liqeneve, sukave dhe qukave të Çakorrit.

A po e sheh hyre në politikë,kalove nëpër te gjitha partit,por një gjë me të madhën nuk e bërë: Ramiz nuk e mbrojte Çakorrin. Ta morën te dera e shtepisë, te dara e staneve. Pse iu bashkove shefave te tu të partive nëpër te cilat kalove Hashim Thaçit, Kadri Veselit, Ramush Harajdinaj por edhe Isa Mustafës për ta humbë përgjithëmonë Çakorrin, krenarin dhe përkrenarën e Kosovës. Pse Ramiz e bërë këtë, pse nuk e mbrojtje Çakorrin burrerisht? Ty shumë mirë të kujtohen kenget kreshnike te Rugovaseve ne neja nepër Oda të burrave të Rugoves, se si ne te kaluarën rugovasit janë kapë dhe janë pre fyt për fyt me Mark Milanin dhe kurr nuk e kanë dorezu Çakorrin, sepse Çakorri gjithëmonë ka qenë i Kosovës. Mexhën midis Malit te Zi dhe Kosovës e ka vu malazezi Milovan Gjilasi qe ne vitin 1945. Kjo vij qe ateher ësht delimituar dhe ka hyer ne histori, ne shkolla, universiteti, ne hartat e ushtrisë se ish-jugosllavisë dhe ashtu është deshte te jete. Por me ardhjën e shqiptarëve ne pushtet pas luftes e luajtën lojën e djallit me Çakorrin, por ti si birë rugove nuk i dole zotë. Po edhe ajo shtepia e jote impozante, e paq me shendet, nuk duket aq krenare pa Çakorrin, sepse i ka ardhe gadi deri te huduti i shtepise tende kufiri me Malin e Zi.

Ramiz ti unë dhe gjithëkush tjetër duhet ta kenë te qartë se qe nga 6 tetori 2019 ne Kosovë po frynë një erë tjetër, liria e ka marrë një aromë më të mirë. Kësaj ere i fryu askush tjetër pas popullit i cili deshti ndryshime të medhe, ndryshime na ata te cilët për shumë vite e shkaterruan këtë shtet duke e vjedhë, plaqkitë nga te gjitha anet, ti u bere i pasur me bisnesin tend te admiroi, por këta u banë te pasur pa bisnes, u banë milionera vetem ne bazë të hajnisë.

Krahas këtyre ndryshimeve në skenën politike po vijnë njërezit qe i zgjodhi populli me votën e vetë. Populli ka besim ne udheheqësin e re. Ka besim ne Kurtin dhe Vjosën qe po i përkrah e terë bota, sepse këta janë njerëz qe sjellin ndryshim, qe sjellin mireqenje për këtë popull i cili nga vuajtjet po ik nga atedheu i vet si ne kohën e diktaturës. Këta dy njerez Albini dhe Vjosa janë shpresa e këtij vendi janë krenaria e kombit, janë njerez qe do te vejnë një rregull në këtë vend i cili mungonte ne te gjitha këto vite të pasluftës.

Nuk është mirë te përzohesh në punët e tyre, do ta shohish se ka me qenë për popullin një Qeveri me e mirë më efikase se sa te gjitha te tjerat te më parme. Një Qeveri qe nuk ia banë Serbisë lepe-lepe, siç vepruan disa deri tani, por do te kërkon përgjegjësi për te gjitha te bërat qe ia bëri poipullit shqiptar te Kosovës duke e pre, djegë deri gadi ne asgjësim.

Na njihme, vazhdimisht të kamë respektuar dhe lavderuar për bisnesin tend të cilin e krijove me mund,por me punë te madhe dhe tashti je një storije suksesi në tere Kosovën. Deshiroj qe këtë sukses ta vazhdosh edhe me tutje, sepse e ardhmja e popujve është ne bisnes te mirë e jo ne politikë e cila nga njëherë i dalin edhe katër këmbë. Suksese…. dhe dashamirësi.

Kosova tërhoqi kërkesën për anëtarësim në INTERPOL

Kryeministri në largim i Kosovës, Ramush Haradinaj, njoftoi se ka vendosur të kërkojë shtyrjen e votimit për anëtarësim të Kosovës në policinë Ndërkombëtarë INTERPOL për vitin e ardhshëm.

Kosova kishte planifikuar që të kërkojë anëtarësimin në këtë organizatë gjatë punimeve të Asamblesë së Përgjithshme e cila është hapur sot në Kili,

Kosova kishte aplikuar për pranim në janar të këtij viti dhe kërkesa e saj ishte pranuar nga Komitetit Ekzekutiv i Interpolit.

Në një njoftim të shkurtër të zyrës së zotit Haradinaj thuhet se “duke marrë parasysh rrethanat e krijuara, bazuar në kompetencat e tij si kryeministër në detyrë dhe nga rekomandimi i Ministrisë së Punëve të Jashtme, sot ka kërkuar shtyrjen e votimit të Kosovës për anëtarësim në INTERPOL për vitin e ardhshëm”.

Zyrtarët e Beogradit e cilësuan këtë tërheqje si fitore diplomatike ndaj Kosovës.

Në nëntor të vitit të kaluar Kosova nuk arriti të sigurojë votat e mjaftueshme për t’u bërë anëtare e kësaj organizate.

Zyrtarët serbë e cilësuan atëbotë fitore dështimin e Kosovës, kundër anëtarësimit të së cilës ata kishin shtuar përpjekjet tashmë një kohë të gjatë.

Pak ditë pas atij votimi, Kosova u vuri tarifa prej 10 për qind mallrave nga Serbia të cilat më pas u ngritën në 100 për qind, në shenjë kundërshtimi ndaj qasjes së Serbisë ndaj shtetësisë së Kosovës.

Vendimi çoi në pezullimin e bisedimeve ndërmjet Kosovës dhe Serbisë për normalizimin e marrëdhënieve, meqë Beogradi kushtëzoi me heqjen e tarifave, ndërsa qeveria e deritashme e udhëhequr nga Ramush Haradinaj, i ka rezistuar trysnisë amerikane dhe evropiane për pezullimin apo heqjen e tyre. zëri i amerikës

Zyrtarët e hospitalizuar të KQZ-së “nuk kanë sëmundje infektive”

Policia jashtë ministrisë së Infrastrukturës në Prishtinë.

Instituti Kombëtar i Shëndetit Publik dhe Klinika Infektive në Prishtinë, kanë përjashtuar mundësitë e ndonjë sëmundjeje ngjitëse për 12 personat të cilët janë hospitalizuar të dielën në Klinikën Infektive të Qendrës Klinike Universitare të Kosovës, pasi janë përballur me një reaksion teksa kanë qenë duke numëruar zarfet me vota të ardhura nga Serbia në Kosovë.

Pas rezultateve të analizave, të cilat janë bërë publike pas 48 orëve, ushtruesja e detyrës së Drejtoreshës së kësaj Klinike, Linda Ajazaj-Berisha, tha se rezultatet e analizave nuk kanë treguar ndonjë sëmundje infektive.

“Prej rezultateve të cilat i kemi marrë është konfirmuar që nuk ka sindromë infeksioze”, tha Ajazaj- Berisha.

Të 12 punonjësit e Komisionit Qendror Zgjedhor janë hospitalizuar pasi në duart dhe fytyrën e tyre, janë shfaqur shenja të një lloj alergjie.

Autoritetet e sistemit të drejtësisë në Kosovë janë në kërkim të një laboratori në një shtet të huaj, që do të mund të hetonte substancën eventuale në zarfet me vota, të cilat kanë qenë duke numëruar zyrtarët e KQZ-së.

Aktualisht numërimi i votave të ardhura nga Serbia është pezulluar.

Kryeshefi ekzekutiv i Sekretariatit të Komisionit Qendror të Zgjedhjeve, Enis Halimi ka shpjeguar për Radion Evropa e Lirë se si bëhet procedura e votimit me postë për qytetarët e Kosovës që jetojnë jashtë vendit.

“Kosova u ofron mundësinë për të votuar edhe qytetarëve që kanë shtetësi të Kosovës por që momentalisht janë rezidentë në vende tjera. Ky operacion bëhet në dy faza. Në fazën e parë bëhet regjistrimi i votuesve jashtë Kosovës. Më pas, pas konfirmimit që janë votues të ligjshëm, pra në kuptimin që i plotësojnë kriteret për të qenë votues, atyre ju dërgohet konfirmimi. Më pastaj, në fazën tjetër, ata mund ta shkarkojnë fletëvotimin dhe të procedojnë tutje me votën e tyre, me zarfin e fshehtësisë dhe me zarfin që përmban shënimet që dërgohen përmes postës”, thotë Halimi.

Ai thotë se zarfet ku vendosen votat e personave që votojnë nga jashtë Kosovë, blihen nga vetë votuesit.

Zgjedhjet e parakohshme paralmentare në Kosovë janë mbajtur më 6 tetor. Sipas rezultateve preliminare nga numërimi i votave të rregullta, Lëvizja Vetëvendosje ka fituar më së shumti vota, pasuar nga Lidhja Demokratike e Kosovës. rel

NAZET E LDK-së – Nga BINAK MAXHARRAJ

Zgjedhjet parlamentare kanë përfunduar me së miri. E para doli LVV me Albin Kurtin. Por hiç më keq nuk doli edhe LDK me Vjosa Osmanin për Kryeministre. Bile doli me mirë se sa ndonjeherë me pare. Ishin zgjedhjet me te suksesshme qe nga 2004, kur i fitonte i madhI Ibrahim Rugova.

Kurse Agim Veliu le te thotë çka te dojë nga qajtoret e Podujevës,së këto zgjedhje nuk ishin më te mirat. Pra mendojëni, veç këtë gjë sikur Agim Veliu të ishte nominuar për kryeminister, siç i pat mbrehë dhembet, LDK sot nuk do te ishte askund, apo ndoshta ne luftë për vendin e tretë se bashku me AAK.

Për hesapin tim te dyjat si LVV dhe LDK janë fituese te këtyre zgjedhjeve, te dyjat jane te parat, dallimi në vota është aq i vogë sa te mos përfillet.

Por,ju erdhë shansa ti përvjelni duart mos bani naze, as yryshe djathats e majtas. Koalicioni midis jush është i domosdoshëm. Këtë besim ua dha populli, sepse vetem ju te dyte se bashku mund ta ndiqeni te keqen qe po i ndodhë këtij vendi qe 20 vjet. Populli këtë e pret nga ju,pa hetizim,qarte dhe jo po presim kete e këtë,se çfare milli po ju gjuhet ne thes.

Një gjë këtu duhet të jete e qartë se ky koalicion (LVV dhe LDK) është koalicion i besës,jo i tredhëtisë,është kaolicion i popullit .Ky nuk është koalicion i dredhinave,mashtrimeve,nuk është koalicion me hajnat dhe plaqekitesit e shtetit,nuk është kaolicion me shkaterruesit e shtetit siç ishin ata te PAN mafisë te cilët populli ua dha besimin ti largoni nga shteti,ti gjuani diku largë ne opozuitë qe te mos këthehën më kurr,sepse me çdo farë ngjyre qe te këthehën ata nuk i duën shtetit,prap e shkaterriojnë shtetin.

Ky koalicion midis LVV dhe LDK duhet te jetë koalicion i mire besimit të ndërsjellt,i bashkëpunimit të shkelqyer në ndërtimin e shtetit,pa ndeskamca dhe hetizime por me bindje të plotë ne njeri tjetrin.

Koalicioniu i shpreses për këtë ven është më i mirë,shumë më i mirë se sa ai me PDK,i cili ishte kalicion jo i zhvillimit por i pehlivaneve,mundësve,i nderskamcave.Albin Kurti është njëmijëhere me i mirë se ata të PDK qe qellim kishin vetem punet e papasterta.

Më nje fjalë,le te thonë humbësit çfarë te donë për Albinin,por ai i cili nuk është hajnë,nuk e vjedh dhe plaqkit shtetin e vet është shumë më i mirë.Albin Kurti është edhe shumë më proamerikan se sa disa qe kërqethen më plotë amerikanizem ne goj i cili u pa ne këto zgjedhje kur ju tha rrini para kijeve se nuk përkrahim asnjë parti.

Thjeshte Albin Kurti nuk do te ua dreg çërgën siç ua bani PDK dhe PAN mafia e cila dy herë ju hodhë në rrugë si paqavër.

Kosovë: E mbijetuara e përdhunimeve – denoncon publikisht krimin ndaj saj

Shyhrete Tahiri-Sylejmani, e mbijetuar e përdhunimeve nga forcat serbe gjatë luftës në Kosovë, dorëzoi të hënën kallëzim penal në Prokurorinë e Posaçme të Kosovës, duke u bërë kësisoj gruaja e dytë pas zonjës Vasfije Krasniqi Goodman, e cila rrëfen publikisht për krimin e përdhunimeve.

Zonja Tahiri – Sylejmani, tha se ka vendosur që publikisht të kërkojë drejtësi.

 

Sot jam këtu të ndaj me ju dhimbjen që e kam në shpirt edhe përfaqësoj të gjitha nënat, vëllezërit, motrat, bijat që e kanë dhimbjen e njëjtë si unë, të ju jap kurajë edhe atyre. Nuk është e lehtë aspak, asnjëherë. Mendo atë dhimbje të shpirtit që thyen zemrat dhe nuk bëhen asnjëherë më bashkë. Jam këtu të kërkoj drejtësinë time”, tha zonja Sylejmani.

Feride Rushiti nga Qendra për Rehabilitimin e Viktimave të Torturës, shprehu shqetësimin e saj për mungesën e drejtësisë, dora e së cilës ende nuk arriti autorët e këtij krimi.

Me kompetencë të plotë them se në periudhën e OKB-së por edhe në periudhën e EULEX-it, këto krime kanë mbetur të pandëshkuara. Prandaj jemi mbledhur këtu për të kërkuar drejtësi për 20 mijë gra, burra, vajza dhe djem që kanë përjetuar këtë krim, tmerr, torturë, keqtrajtim gjatë periudhës së luftës”, tha zonja Rushiti.

Në mars të vitit 2014, parlamenti i Kosovës kishte miratuar ndryshimet ligjore për njohjen e statusit të të mbijetuarve të përdhunimeve, ndërsa ky status u njoh nga një komision qeveritar tek në fund të vitit 2017 kur edhe u caktua një pension prej 230 eurosh.

Në muajin shkurt të vitit 2018 autoritetet në Kosovë hapën procesin e verifikimit të statusit të personave të mbijetuar të përdhunimeve gjatë luftës në Kosovë, një proces që pritet të zgjasë 5 vjet.

Veprimtarët humanitar shpresojnë që hapja e procesit ka hapur mundësinë për zbulimin e rasteve të panjohura e të fshehura deri tash të të prekurve nga kjo formë e krimit të luftës, që ngurrojnë të dalin sheshazi ende nga frika e stigmatizimit por edhe dëshpërimi me faktin se deri tash askush nuk është dënuar për këtë krim.

Ndërpritet verifikimi i votave nga Serbia – zyrtarët ankohen për alergji

Në Kosovë, autoritetet ndërprenë të dielën procesin e verifikimit të votave të dërguara me postë nga Serbia, pasi që një numër i zyrtarëve që ishin në kontakt me zarfet e hapura shfaqën shenja alergjie.

Besnik Buzhala nga Divizioni i shërbimit të votuesve të Komisionit Qendror të Zgjedhjeve, tha se “tek disa zyrtarë u shfaqën disa shenja alergjie në fytyrë dhe duar. Tash janë duke u bërë kontrollet”, tha ai.

Policia e Kosovës ka rrethuar hapësirën e ndërtesës së ministrisë së Infrastrukturës në qendër të Prishtinës ku është vendosur shërbimi votues. Zëdhënësi i policisë, Daut Hoxha i tha Zërit të Amerikës se “policia është duke e trajtuar rastin”, ndërsa në vendin e ngjarjes janë edhe zyrtarët e prokurorisë së posaçme.

 

Në kohën e hapjes së zarfeve në mjediset ku po kryhet verifikimi ndodheshin 26 zyrtare, disa prej të cilëve janë shtruar për trajtim në Klinikën Infektive të spitaleve të Prishtinës.

Qendra Klinike Universitare e Kosovës tha se ka pranuar nëntë paciente, “me kruarje të duarve të intensitetit të ultë. Dy nga to kanë pasur edhe vjellje. Të gjitha kishin ndjenjë diskonforti dhe frikë. Te të gjitha rastet nuk ka pasur sindromë infeksioze dhe gjendja e përgjithshme është stabël. Pacientët pohojnë se menjëherë pas hapjes së zarfeve brenda në kuti të votimeve kanë ndjerë aromë kundërmuese. Ekipet kujdestare të Klinikës Infektive kanë ndërmarrë masat e duhura duke i hospitalizuar dhe duke u ofruar ndihmën e duhur mjekësore”,thuhet në komunikatën e Qendrës Klinike Universitare të Kosovës.

Votat nga Serbia janë pjesë e votimeve me postë për zgjedhjet e parakohshme parlamentare të 6 tetorit në Kosovë.

Lista Serbe, subjekti kryesor politik i serbëve të Kosovës që mbështetet nga Beogradi dhe shefi i zyrës për Kosovën në qeverinë e Serbisë, Marko Gjuriç, thanë se zhvillimet e sotme në Prishtinë janë “shfaqje” me të cilën siç thuhet, “është duke u përgatitur manipulim me votat e serbëve, me qëllim që me çdo kusht në parlamentin Kosovës, pavarësisht vullnetit të serbëve, të futen ‘serbët e Kurtit’”, duke ju referuar përfaqësuesve politik të serbëve të Kosovës që morën pjesë në zgjedhje kundër dëshirës së Beogradit.

Fitorja e vonuar e Albin Kurtit, fitore e “Pirros” për Kosovën! – Nga Florim Zeqa

 

Dy personalitete të kundërta me analogji të njëjtë

Edhe pse dy personalitete të kundërta, Ibrahim Rugova dhe Albin Kurti janë të vetmit liderë në historinë më të re të Kosovës që nuk u tërhoqën për as një milimetër nga qëndrimet e tyre politike dhe kombëtare.
I pari, Ibrahim Rugova (i dëshmuar në qeverisjen e vendit) edhe përkundër pengesave të shumta, nuk u tërhoq nga përcaktimet e tij, deri në frymën e tij të fundit nuk e hoqi nga goja pavarësimin plotë të Kosovës nga Serbia.
Për asnjë çast të vetëm Ibrahim Rugova nuk u lëkund nga binarët e lirisë, pavarësisë dhe demokracisë së vendit të tij.
Edhe i dyti, Albin Kurti (i pa dëshmuar akoma në qeverisjen qendrore) nuk heqë dorë nga mbrojtja e integritetit territorial dhe sovranitetit të shtetit të njohur ndërkombëtarisht.
Sikurse Ibrahim Rugovën, ashtu edhe Albin Kurtin, konsistenca në qëndrime dhe vendosmëria në arritjen e qëllimeve politike, i bën të dallohen prej politikanëve tjerë jo vetëm në Kosovë, por në mbarë trojet etnike shqiptare.
Tani radhën e ka Albin Kurti që të dëshmohet në qeverisjen e vendit për mbrojtjen e shtetit, themelet e të cilit i vuri Ibrahim Rugova tri dekada më parë.

“Zajednica” patate e nxehtë në duart e Albin Kurtit

Nëse ju referohemi aspekteve parimore për bërjen e shtetit, premtimeve dhe qëndrimeve të liderit të VV-së, do të ishte fat i madh për vendin sikur Albin Kurti të vinte në pushtet në zgjedhjet e vitit 2007-të, respektivisht para shpalljes së pavarësisë së 17 shkurtit 2008.
Mirëpo, ardhja në pushtet e Albin Kurtit 12 vite më pas, përveqse e vonuar, do të jetë me efekte minimale për kthimin e gjërave në vendin e duhur.
Kur e themë këtë, e kam parasyshë faktin se, jo Kurti, por edhe kush do tjetër nuk mund t’i kthenë Kosovës territorin e humbur me demarkim me Maqedoninë e Veriut dhe Malin e Zi.
Po ashtu, do të jetë shumë e vështirë, për të mos thënë e pamundur që të anulohen marrëveshjet me Serbinë në Bruksel, të nënshkurara nga dy ish kryeministrat e Kosovës, Hashim Thaçi dhe Isa Mustafa për Asociacionin e Komunave Serbe (“Zajednicën”) në veri të vendit.
E vetmja gjë që ka mbetur e hapur akoma për diskutim, është demarkimi i kufirit me Serbinë, gjegjësisht çështja e shkëmbimit të territoreve mes Serbisë dhe Kosovës sipas planit serb, të mbështetur nga presidenti i Kosovës Hashim Thaçi dhe kryemistri shqiptar Edi Rama.
Ashtu sikurse ish kryeministri Ramush Haradinaj që nuk mundi ta kthejë ne pikën zero dialogun me Serbinë, as Albin Kurti nuk do mund t’i kthejë mbrapa proceset e avancuara të dialogut Kosovë-Serbi.
Fitorja e VV-së e 6 tetorit 2019-të, më shumë është meritë dhe produkt i lojës me fjalë të Albin Kurtit sesa kontribut i kësaj organizate politike për shtetndërtimin e Republikës së Kosovës.

Përballja e Kurtit me ndërkombëtarët

Se cili do të jetë vizioni i Kurtit në përballje me ndërkombëtarët do ta shohim nga momenti i konstituimit të qeverisë së re. Na mbetët të shohim e dëgjojmë se cila do të jetë gjuha e Albin Kurtit me ndërkombëtarët.
Ndërkombëtarëve nuk ju interesojnë thënjet filozofike me nga dy-tri kuptime, por gjuha e shkurtër dhe e qartë, e prerë dhe pa ekuivoke politike.
Bazuar nga gjuha filozofike dhe konceptet politike, qeveria e re e drejtuar nga Albin Kurti, edhe pse e gatshme, nuk do mund të përballet me ndërkombëtarët për temat që kanë evolvuar nga qeveritë paraprake. E vetmja gjë që mund të bëjë “Qeveria Kurti” për të arsyetuar vendimin historik do jetë “karta” e rrezikshme e bashkimit kombëtar.
Në rrethanat aktuale, pas ndarjes territoriale të Kosovës, “karta” e Kurtit për bashkim kombëtar mund t’i jepë fund tragjik shtetësisë së Kosovës, ku dështimin në parandalimin e ndarjes së Kosovës, Albin Kurti do t’ia “faturojë” qeverisjes 11 vjeçare, përkatësisht presidentit Thaçi, ish kryeministrit Mustafa dhe kryeministrit paraprak Ramush Hradinaj.
Fitorja e vonuar e Albin Kurtit do të jetë fitore e “Pirros” për Kosovën!

Analogjitë e “fitoreve” të mëdha

Rezultati i zgjedhjeve të 6 tetorit, nga qytetarët e Kosovës po vlerësohet herë si fitore e demokracisë e herë si fitore “çlirimtare”, e krahasuar me çlirimin ndaj Serbisë!
Mbarëvajtja e zgjedhjeve e arsyeton konstatimin e parë, mirëpo konstatimi i dytë lenë shumë për të dëshiruar, për shkak se, sikurse LVV-ja që është e pushtuar nga brenda prej komandantëve, LPK-istëve (PDK-istëve), enveristëve, titistëve dhe ekstremistëve fetarë, ashtu edhe LDK-ja është akoma e pushtuar prej titistëve, strukturave të SHIK-ut famëkeq, klaneve dhe grupeve të interesit, matrapazëve dhe rrahagjokësve politikë.
Prandaj, me të drejtë mund të thuhet se zgjedhjet e 6 tetorit janë fitore e demokracisë, por jo edhe fitore që çliron Kosovën nga kapësit e shtetit, për shkak se kapësit e shtetit janë kudo dhe ngado në të gjitha subjektet politike.
Kosovën nga kapësit dhe uzurpatorët, nga korrupsioni dhe krimi i organizuar e çliron vetëm një proces i monitoruar ndërkombëtar i VETTING-ut, që nuk i nënshtrohet asnjë presioni nga partitë politike dhe nëntokat kriminale të tyre.

URIME ALBIN, URIME VJOSA- KOALICIONI I BESËS?! – Nga BINAK MAXHARRAJ

-Kalicioni midis PDK dhe LDK ishte një koalicion i pabesë.

1.
Sot ka ndodhë edhe nje ngjarje po aq e madhe se ajo e 6 tetorit 2019 kur u mbajtën zgjedhjet dhe që fitoi opozita. Më këtë fitore te opoziës u trazuan dhe shastrisën shpirterat e zi vjelln xeher e vnerë nga zori dhe inati.

Derisa koalicioni midis PDK dhe LDK ishte një koalicion i natës,një koalicion jo transparent,ashtu siç u lidhë edhe u shkaterru pas dy vjetesh.E çartë koalicioni midis këtyre u lidhë jo ne parime te plota,ishte një koalicion jo parimor, ishte një koalicion i pehlivanave,i mundësve,i muskujve dhe si i tillë edhe deshtoj.Ishte nj koalicion jo i besës,i pabesë sepse LDK lidhi koalicon me PDK e pa besë,qe se mbanë fjalën dhe kurr nuk e ka mbajtë as fjaën e as besën.Krejtë ajo së çka doli si mësim nga ky koalicion është së LDK mblodhi mend,kurse për pabesen e sajë PDK u rrokullisë ne opozitë,sepse më as populli nuk i besoi.

2.
Koalicioni midis LVV dhe LDK i cili veç ndodhi i qiti krejtë mendesh të pa mendet,shpresoni së do te shkpurdhin diçka për me nejtë ne pushte,prë me vjedhë hala.Koalicioni midis LVV dhe LDK , më ndryshim me ate të PDK,është një koalicion i besës,sepse që te dyja si LVV dhe LDK janë te beses,e mbajnë fjalën,e morën edhe besën e sovranit për me e udhëheq vendin e shkaterruar nga ata që vodhën,e plaqkiten dhe e ropën deri ne palcë.

Ky koalicion ështe koalicion qe rodhi nga populli,këtij koalicioni poppulli aia dha besen dhe do te jetë i popullit dhe se ka marrë obligim qe te zhdukë kapjen e sjhtetit nga shkaterruesit e shtetit,nga mafia ekonomike dhe politike,nga kupola ekrimit te organizuar dhe te qetë ne drite dhe selamet këtë vend.

Taksa pritet të shndërrohet në reciprocitet

Nadie Ahmeti

Lëvizja Vetëvendosje dhe Lidhja Demokratike e Kosovës, të cilat në bazë të rezultatit të zgjedhjeve parlamentare të 6 tetorit, pritet të formojnë Qeverinë e ardhshme të Kosovës, paralajmërojnë zëvendësimin e taksës 100 për qind ndaj importeve nga Serbia dhe Bosnjë e Hercegovina me reciprocitet ndaj këtyre dy shteteve.

Qeveria në largim e Kosovës, më 21 nëntor të vitit 2018 kishte vendosur taksën 100 për qind ndaj importeve nga Serbia dhe Bosnje e Hercegovina, si kundërpërgjigje ndaj politikave të këtyre dy shteteve kundër shtetësisë së Kosovës dhe anëtarësimit të saj në mekanizma e organizata ndërkombëtare.

Që nga vendosja e tarifës doganore 100 për qind, produktet nga këto shtete tashmë janë fare pak të pranishme në tregun e Kosovës, ngase ato tashmë janë zëvendësuar me produkte të ngjashme nga vendet e Bashkimit Evropian si dhe nga Shqipëria e Maqedonia e Veriut.

Para vendosjes së taksës, tregu i Kosovës ka qenë i mbushur me produkte nga Serbia. Ky vend ka qenë eksportuesi më i madh i mallrave në Kosovë. Sipas të dhënave zyrtare, rreth 1.2 milion euro në ditë apo mbi 400 milionë euro në vit, ka qenë vlera e produkteve që kanë hyrë nga shteti i Serbisë në tregun e Republikës së Kosovës.

Ndërkaq, vlera e prodhimeve “Made in Kosova” në territorin e Serbisë ka qenë rreth 40 milionë euro në vit. Sipas të dhënave zyrtare të Doganës së Kosovës, që nga vendosja e taksës, vlera e importeve nga këto shtete ka rënë për 99 për qind.

Bahri Berisha, drejtor i Doganës së Kosovës, në një bisedë për Radion Evropa e Lirë, thotë se nga fillimi i këtij viti deri në fund të muajit shtator, vlera e importeve të mallrave nga Serbia ka qenë 3.3 milionë euro. Kurse në periudhën e njëjtë të vitit 2018, sipas tij, vlera e produkteve të importuara nga Serbia ka qenë 328 milionë euro.

Ndërkaq, nga Bosnje e Hercegovina, për nëntë muajit e këtij viti në Kosovë kanë hyrë mallra në vlerë prej 1.9 milion euro nga 57 milionë euro sa ka qenë në periudhën e njëjtë të vitit të 2018.

“Sa i përket eksportit, Kosova në vitin 2019 në Serbi ka eksportuar 13.6 milionë euro, ndërsa nëse krahasojmë me vitin 2018 kanë qenë 24 milionë euro. Sasia e produkteve kosovare që janë eksportuar në Serbi, ka rënie në 44 për qind”, thotë Berisha.

“E njëjta është edhe me Bosnjë e Hercegovinën edhe pse eksporti në këtë shtet ka qenë jo i madh nga ana e Kosovës. Në këtë vit është 4.2 milionë euro, kurse në vitin 2018 (janar- shtator) ka qenë 6 milionë euro, pra ka një rënie rreth 30 për qind të totalit të eksportit”, theksoi Berisha.

Ndërkohë, në Kosovë pritet që në pushtet të vijnë dy ish-partitë opozitare, Lëvizja Vetëvendosje dhe Lidhja Demokratike e Kosovës. Të dy këto subjekte politike kanë paralajmëruar se taksa apo tarifa doganore mund të zëvendësohet me masën e reciprocitetit ndaj Serbisë dhe Bosnjë e Hercegovinës.

Kryetari i Lëvizjes Vetëvendosje, Albin Kurti i cili është edhe kandidat i këtij subjekti politik për kryeministër të Kosovës, ka thënë në një intervistë për Radion Evropa e Lirë, se është i gatshëm dhe i interesuar që tarifën 100 për qind, të zëvendësojë me reciprocitet të plotë ndaj Serbisë, siç ka thënë ai, në përputhje me rezolutën e Kuvendit të Kosovës të datës 7 dhjetor 2011.

“Edhe sa i përket dokumentacionit të mallrave, certifikatës së prodhimit të mallit, edhe sa i përket targave të automjeteve, qofshin për qarkullimin e udhëtarëve apo të mallrave, shpedicionit e kështu me radhë, qoftë sa i përket investimeve te njëri- tjetri, duhet ta përdorim parimin e reciprocitetit si garantues normal i bilateralizmit konstruktiv midis Kosovës dhe Serbisë”, ka thënë Kurti për Radion Evropa e Lirë.

Në atë kohë, më 7 dhjetor 2011, me propozim të Grupit Parlamentar të Lëvizjes Vetëvendosjes, Kuvendi i Kosovës kishte miratuar një rezolutë, e cila në pikën e parë të saj, thoshte se “Qeveria e Kosovës, duhet t’i ndërmarrë masat e reciprocitetit të plotë politik, tregtar ndaj Serbisë”.

Një masë reciprociteti, Qeveria e Kosovës kishte zbatuar ndaj Serbisë në muajin korrik të vitit 2011, por vendimi ishte zbatuar vetëm për 50 ditë dhe më pas ishte shfuqizuar.

Kandidatja për kryeministre nga Lidhja Demokratike e Kosovës, Vjosa Osmani, më herët ka thënë se tarifa duhet të bëhet pjesë e marrëdhënieve reciproke me Serbinë, qoftë reciprocitet politik, por edhe ashtu ekonomik, dhe pastaj, sipas saj, Kosova do të insistonte që Serbia mos të kushtëzojë uljen në tavolinën e Brukselit apo të Bashkimit Evropian me tarifën.

Zbatimi i taksës 100 për qind për produktet nga Serbia dhe Bosnja Hercegovina, në aspektin e brendshëm, sipas përfaqësuesve të komunitetit të biznesit ka pasur efekte pozitive në rritjen e kapaciteteve prodhuese vendore, kurse në aspektin e jashtëm mbajtja e kësaj takse disa herë është kritikuar nga faktori ndërkombëtar.

Eksperti i çështjeve ekonomike, Safet Gërxhaliu, thotë se “arma” më e fuqishme e qeverisë së re, e cila do të formohet pas zgjedhjeve të 6 tetorit, është dialogu dhe adresimi i problemeve, pasi sipas tij, taksa ka qenë më shumë populizëm sesa substancë ekonomike.

“Ne si ekspertë kemi rekomanduar edhe në të kaluarën se shumë më e rrugës do të ishte që kryeministri Ramush Haradinaj, së bashku me ministrin e Tregtisë dhe Industrisë, pastaj përfaqësuesit e Doganës dhe Administratës Tatimore, të kërkojnë një takim me përfaqësues të Bashkimit Evropian në Bruksel. T’i adresojnë problemet me të cilat ballafaqohet të bërit biznes dhe tregtia me Serbinë dhe t’i jep një periudhë kohore 60-90 ditë, që këto probleme të zgjidhen duke u bazuar në argumente. Dhe në qoftë se nga BE-ja nuk do kishte përgjigje pozitive, atëherë ka qenë e arsyeshme që Kosova të ishte mbështetur në reciprocitet”, tha ai.

Krahasuar taksën dhe reciprocitetin, Gërxhaliu konsideron se masat reciproke janë më të favorshme për Kosovën.

“Por, dua të besoj se edhe qeveria e re do të ketë prioritet dialogun dhe partneritetin ndërkombëtar, që përmes gjuhës argumentuese këto probleme t‘i kalojnë të kaluarës. Në këtë drejtim, dallimi në mes taksës dhe reciprocitetit është shumë i madh. Përderisa taksa ka qenë një vendim populist politik i pa analizuar mirë, besoj se me mbështetjen e Bashkimit Evropian dhe faktorëve ndërkombëtarë për një dialog dhe argumentim të sfidave të provohet të zgjidhet çështja dhe nëse aty nuk ka rezultate, atëherë është shumë më e rrugës që të kemi reciprocitet sesa të kemi taksë”, tha Gërxhaliu për Radion Evropa e Lirë.

Shtetet e Bashkuara dhe Bashkimi Evropian në vazhdimësi kanë kërkuar pezullimin apo edhe shfuqizimin e kësaj takse, pasi ajo u konsiderua si shkak që Serbia të tërhiqet nga tavolina e bisedimeve me Kosovën, deri në heqjen e tarifave doganore apo taksës.

Kandidati për kryeministër nga Lëvizja Vetëvendosje, Albin Kurti, i cili bazuar në rezultatin preliminar po shihet edhe si mandatari i ardhshëm për formimin e qeverisë, ka thënë se taksa do të zëvendësohet me reciprocitet dhe, siç është shprehur ai, faktorët ndërkombëtarë do të kenë mirëkuptim për këtë.

Apologu i Slobodan Millosheviçit, Peter Handke fitues i çmimit Nobel për Letërsi?! – Nga Skënder MULLIQI

Fituesi jo meritor I çmimit prestigjioz Hanke, me përkrahëjn që ia bëni regjimit criminal të Millosheviqit, e shiti shpirtin për ideologji uuryese komuniste , edhe më gjasë e shiti shpirtin edhe për para.Kjo është gjeja më e keqe që mund ta godas një shkrimtarë.Me qendrimet politike të austriakut Peter Handke nuk u pajtuan kurrë shumë kolegë të vet. Ai më të drejtë edhe mori epitetin “monstrum ideologjik”. Me shumë së kurrë intelektualët e njohur do të duhej të rreshtohen në mbrojtën e lirive elemenatare njerëzore .Handke nuk është përson I tillë, përkundrazi u tregua cinik dhe shumë shpirt ngusht, duke mbrojtur regjimin gjenocidial të Millosheviqit.Ai në vitin 2014 kishte bërë thirrje që të hiqet Nobeli. Fakti së Handke e mori këtë qmim për vitin 2019 nga Akedemia Suedeze, kishte të drejtë.Kjo është Suedia sot: ai që përkrahu hapatazi masakrat më të mëdha pas Luftës së Dytë Botërore behët fitues i Nobelit për Letërsi!Dhënja e çmimit një hendikapi si Handke , është fyerja më e rëndë për të gjitha viktimat e luftës në ish-Jugosllavi.Serbia e cila ka merituar të dënohet për gjenocid, në vitin 2015, shkrimtarin austriak Handke, e shpallë qytetarë nderi , dhe anëtar I të SANU. Por, jo më kot ai është antishqiptar dhe proserb, pasi që gruaja e tij është me origjinë serbe…

Ministria e Jashtme e Kosovës: Të rishqyrtohet ndarja e Çmimit Nobel për Peter Handke

Ministria e Punëve të Jashtme të Kosovës, përmes një komunikate për media, ka shprehur “shqetësimin e thellë për ndarjen e Çmimit Nobel për shkrimtarit austriak, Peter Handke”

MPJ-ja kërkon nga Akademia Suedeze të rishqyrtojë dhënien e Çmimit Nobel për Letërsi shkrimtarit Peter Handke.

“Ne gjykojmë se kësaj radhe çmimi i është dhënë njeriut të gabuar – mohuesit të gjenocidit, thuhet në reagimin e Ministrisë së Jashtme, në të cilin u bëhet thirrje institucioneve relevante botërore, akademive shkencore dhe organizatave që merren me mbrojtjen e të drejtave të njeriut, të ngrehin zërin e tyre dhe të shprehin kundërshtimin me vendimin e Komitetit të Nobel-it.

Shpallja e shkrimtarit austriak si fitues i çmimit Nobël ka ngjallur reagime të shumta.

Presidenti i Kosovës, Hashim Thaçi, tha më 10 tetor se ky vendim solli dhimbje të të jashtëzakonshme për viktimat e panumërta.

“E mbaj mend, në vitin 1990 Vaclav Havel, Susan Sontag e shumë të tjerë e dinin se ligësia në Evropë duhet të ndalet dhe se gjenocidi në Kosovë e në Bosnje e kishte një përgjegjës. Handke vendosi t’i mbrojë e përkrah përgjegjësit. Ky vendim sjell dhimbje të thellë për shumë viktima”, shkroi presidenti Thaçi, në rrjetin social Twitter.

Edhe Organizata amerikane Pen, e cila mbron lirinë e shprehjes dhe promovon letërsinë, tha se zgjedhja e Komitetit të Nobelit për laureat të çmimit në letërsi është për keqardhje.

Ndonëse kritika shumë shpesh e ka cilësuar si një nga shkrimtarët më të mirë bashkëkohorë në Evropë, opusi letrar i Handkes pati rënë në plan të dytë pasi që vitit 1996 pati publikuar esenë “Një udhëtim dimëror kah Danubi, Sava, Morava dhe Drina – ose drejtësia për Serbinë” dhe më pas edhe katër libra të intonuara në të njëjtën mënyrë.

Për shkak të mbështetjes së Serbisë së izoluar ndërkombëtarisht, vizitës së mëvonshme të ish-presidentit të Serbisë, Slobodan Millosheviq në njësinë e paraburgimit të Tribunalit të Hagës, si dhe shkuarjes në varrimin e tij, Handke kryesisht është kritikuar, madje edhe është parë si famëkeq në opinionin ndërkombëtar, sikurse asnjë shkrimtar tjetër.