VOAL

VOAL

Please Wait ...
0%

Konjufca: Me territor të Kosovës Thaçi po përpiqet të blejë njohjen nga Serbia

By | November 8, 2018

Komentet

Monumentet kulturore në Kosovë pa mbrojtje nga zjarri

Donika Alihajdaraj

Asnjë objekt kulturor në Kosovë nuk ka sistem të mbrojtjes kundër zjarrit dhe kjo paraqet rrezik për shkatërrimin e trashëgimisë kulturore, ka thënë Kaltrina Thaçi, arkitekte në organizatën “Cultura Heritage Without Borders” (Trashëgimia Kulturore pa Kufij), zyra në Kosovë.

Shumë vende në Evropë kanë filluar t’i shikojnë masat mbrojtëse kundër zjarrit në ndërtesa me rëndësi të veçante kulturore, pas zjarrit në Katedralen mesjetare, Notre Dame, në Paris.

Katedralja mesjetare, Notre Dame, në zemër të Parisit, është përfshirë nga zjarri ditën e hënën, mirëpo zjarrfikësit arritën të shpëtojnë strukturën kryesore të gurit të ndërtesës gotike, të vjetër 850 vjet, pavarësisht se maja dhe çatia u shembën.

“Asnjë aset i trashëgimisë kulturore nuk ka sistem të mbrojtjes kundër zjarrit të instaluar brenda”, ka thënë Kaltrina Thaçi nga CHWB, zyra në Kosovë për Radion Evropa e Lirë.

“Në Kosovë kemi mungesë të rregullores, e cila do të thotë përcakton kushtet e mbrojtjes kundër zjarrit në ndërtesat e trashëgimisë kulturore. Kjo duhet të jetë një rregullore specifike, e cila të tregon se çfarë parametra duhet të ketë ndërtesa dhe si të bëhet instalimi i mbrojtjes kundër zjarrit në ndërtesa historike, për shkak që kjo dallon prej ndërtesave të tjera publike, të cilat nuk kanë status të mbrojtjes”, ka shpjeguar ajo.

Gjithashtu, sipas Thaçit, gjendja e trashëgimisë kulturore në shtetin e Kosovës është shumë e degraduar.

Trashëgimia Kulturore dhe Fetare e Kosovës

Më 21 tetor të vitit 2015, 58 anëtarë të UNESCO-s votuan prapa dyerve të mbyllura në Paris, për rekomandimin mbi anëtarësimin e Kosovës në këtë organizatë, edhe pas kundërshtimeve të ashpra të Serbisë dhe aleatëve të saj. Anëtarësimi i Kosovës do të vendoset me votën finale në Konferencën e Përgjithshme të hënën më 9 nëntor, ku Kosovës do t’i duhen 2/3 e 195 anëtarëve të agjencisë së Kombeve të Bashkuara. Asnjë anëtar nuk e ka fuqinë e vetos. Radio Evropa e Lirë ka përgatitur një fotogaleri me disa pamje të trashëgimisë kulturore dhe fetare të Kosovës.

Në vitin 2018, CHWB-ja ka bërë një raport për gjendjen e trashëgimisë kulturore në Kosovë. Në raport thuhet se mbrojtja e trashëgimisë kulturore ka qenë fare pak në agjendë të qeverive qendrore dhe atyre komunale.

“Rezultatet e intervistave të realizuara dëshmojnë që një përqindje e madhe e institucioneve lokale dhe qendrore në Kosovë, nuk posedojnë plane konkrete për mbrojtjen dhe trajtimin e aseteve të trashëgimisë kulturore, rezultat ky që dëshmon që trashëgimia kulturore vazhdon të mos jetë një aspekt i rëndësishëm i agjendave vjetore të institucioneve të Kosovës, duke e lënë atë si një temë, e cila shtjellohet vetëm në raste kur këto asete janë në rrezik të shkatërrimit”, thuhet në raport.

*Video nga arkivi: Kullat, shënjestra të luftës që mbijetuan

Ndërsa, Vjollca Aliu, drejtoreshë në Departamentin e Trashëgimisë Kulturore në Ministrinë e Kulturës, Rinisë dhe Sportit ka thënë për Radion Evropa e Lirë se rreziqet kryesore që i kanosen trashëgimisë kulturore në Kosovë, janë zhvillimet e pakontrolluara.

“Aseteve të trashëgimisë kulturore u kanosen rreziqe nga më të ndryshme siç janë transformimet strukturore nga shkaqet klimatike, nga gjelbërimi i pakontrolluar, nga faktori njeri dhe sa i përket zhvillimit hapësinor trashëgimisë i kanoset rreziku posaçërisht nga zhvillimi i pakontrolluar. Zhvillimi i pakontrolluar më vete bie një mori problemesh, jo vetëm siç është prishja e kuadrit vizual, por edhe prishja e qasjes hapësinore në objekt që shpesh rezulton me probleme në implementimin e strategjive për parandalimit të rrezikut”, ka thënë Aliu.

Prizreni është qyteti që ka një numër të madh të objekteve më rëndësi kulturore.

Qeveria e Kosovës tashmë ka marrë vendim për zhvendosjen e Ministrisë së Kulturës në Prizren.

Shumë objekte kulturore në këtë qytet kanë pësuar dëmtime si pasojë e protestave të dhunshme, moskujdesi nga komuna, ndërtimet ilegale etj.

Valon Xhabai drejtor në organizatën “Ec Ma Ndryshe” në Prizren që merret me aktivizmin qytetar, e sidomos me atë kulturor, ka thënë për Radion Evropa e Lirë se rreziku më i madh, i cili i kanoset trashëgimisë kulturore, është faktori njeri.

“Faktori njeri nuk është kujdesur aq sa duhet, faktori njeri i ka rrënuar shtëpitë e vjetra, faktori njeri edhe kur është dashur të intervenohet në diçka, nuk e ka bërë intervenimin ashtu siç duhet sipas standardeve që duhet”, ka vlerësuar Xhabai.

Në vitin 2016 për herë të parë në Kosovë është krijuar databaza online e trashëgimisë kulturore nga ana e Ministrisë së Kulturës, Rinisë dhe Sportit, ku vendosen të gjitha të dhënat për çdo monument që gjendet në Republikën e Kosovës.

REAGIM – Të pavërtetat nuk i bëjnë nder heroit Sali Çekaj dhe as luftës çlirimtare e heroike të Kosovës! – Nga HAFIZ GAGICA

Dje, me 19. 04. 2019, në Prishtinë nën patronatin e kryeministrit të Qeverisë së Republikës së Kosovës u mbajt akademi përkujtimore kushtuar heroit të Kosovës, Sali Çekaj, në të cilën ushtaraku, Kastriot Hoxha, tani në pension, lexoi një fjalim i cili binte në kundërshtim me kodin ushtarak dhe politik .

E para, ushtaraku K. Hoxha dhe kolegët e tij kanë qenë të angazhuar për stërvitje të grupeve të para ushtarake të Kosovës në Shqipëri në vitin 1991 nga ushtria shqiptare dhe atë nga një rreth i ngushtë i hierarkisë së ushtrisë, si dhe për kujdesin edhe akomodimin e tyre në Surrel, por jo edhe për organizime tjera!

Ushtaraku, K. Hoxha, sikur i porositur lexoi dje në akademinë në fjalë një shkrim të përgatitur, se gjoja në bazë të marrëveshjes së “dy qeverive”, asaj të Shqipërisë dhe asaj të Kosovës në Exil, ai së bashku me kolegët tjerë në bazë të asaj marrëveshjeje e paskan bërë ‘’organizimin, planifikimin dhe trajnimin e tyre’’. Ai, mund të fliste se me çfarë armësh kanë ushtruar djemtë tanë në Shqipëri, çfarë ushqimi kanë ngrënë dhe cilat rroba i kanë përdorë, por jo edhe për përmbajtje politike dhe ushtarake të marrëveshjes. Me aq sa unë e di, personin në fjalë, janë shefat e tij të cilët e kanë dërgue atje lartë në Surel për t’i ushtrue djemtë tanë, e jo për të bërë lista, pasiqë një gjë e tillë ka qenë rrebtësisht e ndaluar!

Duke e dëgjue fjalimin e djeshëm të ushtarakut K. Hoxha, jam i shtyrë të reagoj, sidomos ndaj atyre që e kanë ftuar në akademinë përkujtimore për Sali Çekajn, sepse ai si ushtarak do duhej ta dinte se kush nga ana kosovare e bëri marrëveshjen me qeverinë shqiptare në Tiranë, sepse në kohë të marveshjes me kreun e shtetit shqiptar si dhe përgatitjet e grupeve për t’u dërguar për ushtrime ushtarake në Shqipëri, nuk kishte akoma qeveri të Kosovës në exil.

Nga kjo rrjedhë se: nuk kishte marrëveshje mes dy qeverive, që rezulton se K. Hoxha nuk e dinte se kush dhe çfarë roli kishte në ato grupe, sepse të gjithë ishin të barabartë dhe në atë kohë nuk kishte komandantë, por patriotë dhe intelektualë që shkuan me dëshirë të madhe në Shqipëri për të ushtruar me disa armë të nevojshme për rrethanat e situatës në Kosovë.

Vendimi për t’u kthye në Kosovë përmes vijës tokësore në këmbë të një pjese të stërviturve është marrë në Zyrën e Kosovës në Tiranë, me 21 tetor 1991, shef i asaj Zyre ishte Profesor Ali Aliu i deleguari i Presidentit Rugova ne Shqipëri dhe, me atë rast Sali Çekaj vullnetarisht e ka marrë përsipër me hy në këmbë në Kosovë, kurse me logjistikën dhe përgatitjet tjera është marrë Halil Hyseni!

Ata që e kanë njohur mirë Sali Çekajn, e dinë se ai nuk do pranonte shtrembërime të këtilla të historisë të cilat në 20 vjetorin e çlirimit të Kosovës përmes deklaratave kundërthënëse, vetë lavdeve dhe gënjeshtrave të shumta. Me qëllim të shtrembërimit të fakteve historike rreth përgatitjeve tona për vetëmbrojtje si dhe për vetë ecurinë e saj. Përmes gënjeshtrave të qëllimshme, nuk i bëjnë nderë luftës tonë çlirimtare dhe as heronjve të Kosovës !

Me duhet ta përsëris për të satën herë, se organizimin e grupeve të para guerile dhe dërgimin e tyre në Shqipëri për stërvitje e kanë bërë dy Degët e LDK-së, ajo në Gjermani dhe ajo në Zvicër dhe e gjithë puna është koordinuar përmes Zyrës së Kosovës në Stuttgart, Zyrës së Kosovës në Tiranë dhe Ministrinë e Mbrojtjes së Shqipërisë, nga e cila ministri ka qenë i ngarkuar Halil Hyseni, shef i furnizimit të ushtrisë shqiptare. Prandaj iu bëjë thirrje atyre që duan të merren me faktet e vërteta historike të ndalen me shtrembërimin e tyre, sepse kështu nuk i shërbejnë të mirës së Kosovës dhe kombit shqipëtar!

Saliu, ishte ndryshe nga të gjithë ata që sot flasin për të, ngase ai ishte vetë historia e re e Kosovës, dhe çuditërisht asnjëherë ata analistë dhe “historianë’’ të Saliut nuk e thonë, se ai ishte pjesë e Degës së LDK-së në Gjermani ku punoi 8 vite pa u ndalur kurrë. Saliun e madhështon edhe më shumë, përpjekja e tij për unifikimin e të gjitha forcave ushtarake duke e rreshtuar atë në pjesën më të ndritshme të historisë sonë të lavdishme, ngase pikërisht ishte madhështia e tij ajo e cila ngriti në piedestalin e heronjve të Kosovës!

Hafiz Gagica,
ish udhëheqës i Zyrës së Kosovës në Stuttgart, ish kryetar i LDK-së, Dega në Gjermani si dhe kryetar i Kolegiumit të degëve të LDK-së në Perëndim.

Stuttgart, 20. 04. 2019

110 të kthyer nga Siria në Kosovë

Të kthyerit nga Siria po mbahen në Qendrën për Mbajtjen e të Huajve në Vranidoll afër Prishtinës.

Autoritetet në Kosovë thanë të shtunën se në Kosovë janë kthyer 110 qytetarë që kanë qëndruar në vatrat e luftës në Siri.

Ministri i Drejtësisë, Abelard Tahiri, tha se kthimi ishte operacion i qeverisë së Kosovës me ndihmën e Shteteve të Bashkuara.

Rashit Qalaj, drejtor i policisë së Kosovës, tha se në mesin e të kthyerve janë “katër luftëtarë, 32 gra dhe 74 fëmijë, përfshirë 9 fëmijë që kanë humbur prindërit në luftë”.

Edhë më tej në zonat e konfliktit, sipas të dhënave që ka siguruar policia e Kosovës, janë 30 luftëtarë, 49 gra dhe tetë fëmijë.

Ministri i Drejtësisë, tha se ata që kanë kryer vepra penale do të përgjigjen para drejtësisë, ndërsa të tjerëve do t’u ofrohen mundësi për rehabilitim dhe ri integrim. Tashmë katër luftëtarëve u është caktuar masa e paraburgimit prej 48 orësh me kërkesë të prokurorisë së posaçme.

“Gra dhe fëmijë ishin viktima të papërgjegjësisë së personave që për interesa të ndryshme i kanë shfrytëzuar duke ua mohuar të ardhmen pa vullnetin e tyre, duke i lënë me pasoja të mëdha e në raste të caktuara edhe viktima”, tha ministri Tahiri.

Operacioni i kthimit u krye të premten rreth mesnatës.

Ambasada amerikane lëshoi të shtunën një komunikatë në të cilën thuhet se “Shtetet e Bashkuara e përgëzojnë Kosovën për kthimin e 110 shtetasve të saj nga Siria: katër prej të cilëve supozohet të kenë qenë luftëtarë të ISIS-it dhe të tjerë, gra dhe fëmijë. Me këtë riatdhesim, Kosova po vendos një standard të rëndësishëm për të gjithë anëtarët e Koalicionit Global për të mposhtur ISIS-in dhe bashkësinë ndërkombëtare në ndjekjen e rrugës së njëjtë”.

Në komunikatë thuhet se “Shtetet e Bashkuara u janë mirënjohëse Forcave Demokratike të Sirisë për mbështetjen e riatdhesimit dhe për vazhdimin e mbajtjes humane nën arrest të qindra luftëtarëve të ISIS-it nga dhjetëra vende tjera”.

Rënia e grupit militant Shteti Islamik, që dikur kontrollonte mbi 100 mijë kilometra katrorë territor dhe së paku tetë milionë njerëz, ka bërë që shumë luftëtarë të tij të kapen ndërsa familjarët e tyre të mbahen kampeve të ndryshme.

Në muajin shkurt presidenti amerikan, Donald Trump shkroi se “Evropa duhet të marrë mbrapsht mbi 800 luftëtarë të Shtetit Islamik të kapur në Siri – ose përndryshe Shtetet e Bashkuara mund të detyrohen t’i lirojnë dhe kjo do të bënte që ata të “depërtonin në Evropë”, tha presidenti. Aleatët duhet ta marrin parasysh mirë mesazhin, i tha Zërit të Amerikës, atëbotë ish-ligjvënësi republikan Darell Issa.

Që nga fillimi i konfliktit në Siri, rreth 400 qytetarë të Kosovës besohet se janë përfshirë në konfliktet në Lindjen e Mesme. Mbi 70 veta kanë humbur jetën, ndërsa rreth 130 syresh janë kthyer nëpër vite prej andej, kryesisht të zhgënjyer me atë me të cilën janë përballur. Mbi 50 veta janë dënuar deri tash për përfshirje në luftërat në Lindjen e Mesme nxitje dhe rekrutim të luftëtarëve.

Përvjetori i dritës që nuk do të shuhet kurrë! Për ty, miku im Sali Çekaj! – Nga HAFIZ GAGICA

 

Edhe sot e kujtoj bisedën tonë të fundit, përmes telefonit, ku veç tjerave më the:
Nuk mund të vij në Tiranë dhe askund tjetër- para dy ditësh na e vranë Agimin e unë nuk largohem nga këtu pa ja marr hakun. Pas disa ditëve re edhe Ti, për të mos vdekur kurrë!
Ti bashkë me Agimin, Abazin dhe trimat tjerë, jeni vet historia e Lirisë dhe Pavarësisë së Kosovës.

Pushoni të qet te rrasa e Kosharës. Nga aty bëni dritë me idealin, trimërinë e burrërinë që patët. Ju ishit dhe mbetët shembulli më i mirë se si duhet vendi dhe si i dilet zot atij. Nga aty ndriçoni, rrafshin e Dukagjinit dhe krejt Kosovën.
Mbetët e ndritshme dhe shembulli më i sinqertë sakrifica juaj dhe dashuria e madhe për Kosovën e cila mjerisht edhe 20 vite pas kësaj lufte po lëngon nga grabitësit e saj.

Sot nuk dua të flas mbi situatën në Kosovën që ju e deshët aq shumë. E di se ju dhemb kjo gjendje e lëngatë që ka kapluar vendin tonë. E di që Kosova nuk po arrin të bëhet ajo për të cilën ti e shumë të tjerë dhatë jetën. Së paku tani jo. Por shpresoj se vendi ynë ka ende burra të mirë të cilët e duan vendin dhe kombin më shumë se interesat e tyre. Burra të besës e të dinjitetshëm siç ishe ti!

Pusho i qetë miku im Sali, pusho pranë Agimit me të cilin qëndruat besnik ndaj njeri tjetrit deri në frymën e fundit!

Miku im i shtrenjtë Sali, unë nuk jam poet por nga thellësia e zemrës ka vite që disa vargje i shkruaj për ty dhe të gjithë ata që ideal e kishin Lirinë dhe Pavarësinë e Kosovës.

Po i ripostoj me rastin e përvjetorit të rënies tënde, këto pak vargje, edhe pse e di që nuk ka fjalë që të përshkruan, miku im!

Lavdi veprës dhe sakrificës tënde!
Lavdi të gjithë të rënëve për Lirinë dhe Pavarësinë e Kosovës!

Me respekt,
Hafiz Gagica!
Stuttgart, 19.04.2019

Në QKUK kryhet një operacion i rrallë

Në Qendrën Klinike dhe Universitare të Kosovës (QKUK), mjekët kanë kryer një operacion specifik dhe të rrallë.

Operacioni u krye tek një foshnje më pak se një muajshe, e cila kishte probleme me frymëmarrje.

Foshnja kishte komplikime të lindura tek muskuli i diafragmës dhe deri në ditën e operimit ishte mbajtur gjallë me anë të frymëmarrjes artificiale.

Problemet e tilla paraqiten një në dymbëdhjetë mijë fëmijë.

Siç bëhet e ditur në njoftimin e QKUK-së, pas konsultave mes Klinikës së Neonatologjisë dhe Kirurgjisë së Fëmijëve, në ditën e 28 të saj të lindjes, foshnja, që kishte një peshë prej 1800 gramë, i është nënshtruar intervenimit kirurgjik.

“Në bashkëpunim me kirurgët e Kirurgjisë Pediatrike foshnja është operuar dhe ka shkuar më pas në shtëpi me gjendje stabile, me peshë prej 2300 gramë. Është ky rasti i parë që operohet në moshën neonatale”, ka thënë drejtori i Neonatologjisë, Xhevdet Gojnovci.

Kirurgu i Fëmijëve, Ardian Shefkiu, ndërkaq, tha se, në repartin ku punon, stafi mjekësor kryen operacione edhe më të ndërlikuara tek fëmijët.

“Në Kirurgji të Fëmijëve kryhen operacione të mëdha, të cilat i shpëtojnë fëmijët. Kemi një ekip goxha të përgatitur, në kuptimin kirurgë të fëmijëve, neonatologë dhe anesteziologë, të cilët janë në nivel”, citohet të ketë thënë Shefkiu.

Sistemi shëndetësor në Kosovë është kritikuar shumë shpesh për nivelin e ulët të shërbimeve. Ministria e Shëndetësisë, ka ndarë 50 milion euro për përmirësimin e infrastrukturës në spitalet e vendit.

Mirëpo, kryetari i Federatës Sindikale të Shëndetësisë, Blerim Syla ka thënë se duhet të bëhet një studim më i detajuar në mënyrë që të mos investohet në objekte pa e ditur se a ka staf të mjaftueshëm për t’i mbuluar të gjitha nevojat.

20 vjet nga masakra në Mitrovicë, rrëfimi i të mbijetuarit

Ragip Azemi që 20 vite, çdo mëngjes e viziton këtë vend, për të përkujtuar masakrën që forcat serbe bënë mbi shqiptarët, këtu në lagjen e Boshnjakëve në Mitrovicë. Azemi është njëri nga të mbijetuarit e kësaj masakre, i cili me dhimbje e kujton ditën e 15 Prillit të vitit 1999.

“Policia ka ardhur në ora 10:00 me urdhër të Serbisë dhe na kanë thënë se për pesë minuta duhet të niseni për Shqipëri. Sapo dolëm jashtë na thirrën dhe na vendosën në një vend bashkë me shumë të tjerë. Na rreshtoi dhe na tha “kush keni para ose dukat jepni vet, mos të filloj unë kontrollën”. Ne ashtu vepruam dhe kush ishte diçka dha dhe nuk na kontrolloi”, fillon rrëfimin Ragip Azemi.

Pas përfundimit të kontrollës, forcat serbe disa nga qytetarët i kishin ndaluar në këtë vend, ndërsa të tjerëve iu kishin thënë të largohen për në Shqipëri, në mesin e të ndaluarve ishte edhe djali i tij, Minirin.

“Pas plaçkitjes, filluan të bënin me gisht “ti, ti dhe ti, duhet të qëndroni këtu, ju tjerët shkoni në stacion të autobusëve për Shqipëri. Prej familjarëve të mi ma ndalën djalin më të madh që në atë kohë ishte 26 vjeçar”, vijon rrëfimin Ragip Azemi.

Azemi thotë se gjatë rrugës ka pasur shumë forca policore të cilat edhe ushtronin dhunë mbi popullatën.

“Kemi dalë në asfalt dhe jemi nis për stacion. Aty pamë një policë dhe një rezervist ushtarak dhe deri te xhamia askush nuk na ka nguc. Kur kemi arritur aty më kanë ndaluar mua dhe tetë veta tjerë dhe na kanë rrahur. Ai kishte rroba ushtarake”.

Azemi kujton se edhe qëndrimi në Shqipëri nuk ishte i lehtë, nuk kishin as edhe një informacion për familjarët që serbët i kishin ndalur në “Lagjen e Boshnjakëve”.

“Prej Kukësit na kanë dërguar në Gostil. Shatorri i parë që është montuar ka qenë ai që jam vendosur unë dhe familja ime”.

Kur ishin kthyer nga Shqipëria, lagjja ishte tërësisht e djegur, ndërsa vendi ku serbët e kishin ndalur djalin e tij dhe shumë të tjerë, Ragipi thotë se kundërmonte një erë të rëndë, ku edhe u gjetën edhe trupa të masakruar.

“Vinte një erë e rëndë. Ne lajmëruam francezët e ata UNMIK-un. UNMIK-u ka hyrë brenda dhe në një shporet të zi gjetën eshtrat. Ata e kanë paraparë që këtu kanë vrarë disa persona”, tregon ndër të tjera Ragip Azemi.

Forcat serbe më 15 prill të vitit 1999, pasi kishin mbledhur rreth 80 persona në shtëpinë e Mustafë Sahitit, kishin nisur torturimin e tyre dhe vranë 23 shqiptarë në gjithë lagjen. Shtëpia në të cilën ndodhi masakra tashmë është shndërruar në muze./RTV Dukagjini

TË QENUNIT NË SHIK – KRENARI APO TURPËSI?! – Nga BINAK MAXHARRAJ

(Pse Seanca e Parlamentit pas deshtimit rreshqiti në SHIK)

Seanca e Parlamentit të Kosovës e thirrur për më e trajtu çshtjen e ikjes së popullisë nga vendi dështoi. Deshtojë nga së as deputetet e as qeveritaret nuk deshtën ta pranojnë fajin dhe te marrin përgjegjësinë për këtë çështje aq të rendesishme për kombin.

Por për çudinë më të madhe Seanca e Parlamentit për ikjen e të rinjeve nga Kosova,pasiqe nuk pati vullnet politik te merret me te, filloj të merrë kahje krejte tjater, filloj te mërrët më SHIK-un pas 20 viteve në heshtje. Së pari,deputetet u morën më çështjen se kush ishte në SHIK e kush jo?!.Pse ishe ne SHIK, që nga kur ishe ne SHIK,sa te pagoi SHIK,etj.etj.

Kjo ishte e rëndësishme për te konstatuar se te qenurit në SHIK a ishte privilegjë,a ishte krenari.etj,apo te qenunit në SHIK ishte një marri dhe një turpësi në tradheti ,sepse seanca filloi me slloganin ishe apo nuk ishe ne SHIK.Sikur njërëzit turperohën kur ti pyësish a je shikist apo jo!

Kjo u ba për aresye së ekzistojnë ne opinion qendrime te ndryshme për këtë organizatë fantome,për te cilën qe 20 vite e këndej kurr nuk u tha e verteta për te.Mbeti tërësishtë ne erresirë,pa u zbardhë kurr e verteta për SHIK-un.

Republika e Kosovës nuk është pronë e politikanëve – Nga Florim Zeqa

Ata që mendojnë të presin fundin e mandatit të kësaj qeverie, gjegjësisht përmbysjen e këtyre strukturave korruptive me votë të “lirë”, do të zhgënjehen akoma më keq, ngase deri atëherë, këta liderë të korruptuar, do ta rëndojnë akoma më shumë jetën e qytetarëve, do ta ngulfatin vullnetin e shumicës shqiptare në Kosovë.
Mirëpo, siq po shihet zgjedhjet parlamentare mund të jenë shumë afër shkaku i humbjes së legjitimitetit të kësaj qeverie nga humbja e besimit në popull dhe nga humbja e besimit të partnerëve të koalicionit në njëri-tjetrin.
Do të ishte absurde t’i lejohet kësaj qeverie të shkojë tutje me qeverisjen e shumicës shqiptare me 52 deputet dhe me votat e pakicës minoritare serbe, kësaj pakice e cila përveqse muk e njeh Republikën e Kosovës, e saboton dhe shkatërron nga brenda ekzisten e shtetit tonë.
Në Kosovën e sotme, me secilin që flet veq e veq, askush nuk pajtohet me situaten e krijuar, mirëpo kur është në pyetje bashkërendimi i forcave (organizimi), të gjithë hezitojnë, sikur mungon vullneti dhe guximi qytetar për t’u përballur me sfidat e kohës!
Zërat kundërshtues nga popullata duhet të bëhen më aktiv, më të zhurmshëm dhe më sfidues për pushtetarët, për shkak se situatën e heshtur të popullatës janë duke e shfrytëzuar në mënyrën më të mirë pushtetarët, liderët e dështuar shtetëror dhe partiakë duke u thirrur duke u thirrur në “vullnetin” e heshtur të qytetarëve!

Heshtja e qytetarëve, impresionon pushtetarët e korruptuar

Qeveritarët, të impresionuar me heshtjen e popullatës i kanë shtuar zërat për vazhdimin e dialogut të Brukselit, vrastar për Kosovën, të bindur në mandatin e tyre “kushtetues”.
Koalicioni aktual qeverisës PAN-Lista “Srpska”, përmes bisedimeve të Brukselit, është duke e shpërblyer Serbinë përveq me territor dhe sovranitet në mbi 25 përqind të territorit të Kosovës, edhe me integrim të shpejtë në BE, duke e gjymtuar kështu pavarësinë e shtetit dhe tkurrur sovranitetin e Republikës së Kosovës.
Me marrëveshjet e Brukselit, klasa e stërkequr politike e Kosovës ka nënshkruar kapitullimin e Kosovës duke pranuar të gjitha kërkesat e qeverisë së Beogradit, siq janë; fusnota*, mosnjohja e pavarësisë dhe institucioneve të Kosovës, Asosacioni i komunave serbe me kompetenca ekzekutive, me lidhje të drejtëpërdrejtë me Beogradin.
Jo vetem kaq, qeveria e kuislinge në Prishtinë, Serbisë ia plotësoi të gjitha dëshirat, ia fali dëmet e luftës, ia rehabilitoi kryersit e masakrave ndaj shqiptarëve, pra i falenn vrasësit, paramilitarët, kriminelët duke i sistemuar nëpër institucionet kyqe të vendit, si në; qeveri, parlament, FSK, Polici,…etj!
Pushtetarët aktualë përmes dialogut të Brukselit, përveq Zajednicës do ta degradojnë akoma më tepër sovranitetin e shtetit me zgjerimin territorial dhe politik të pakicës serbe në Kosovë.

Mentaliteti primitiv i politikanëve, rrënoi shpresat e qytetarëve

Kjo klasë politike, Kosovën e pasur me resurse natyrore dhe pasuri të shumëta nëntokësore e ka bërë të pajetueshme për qytetarët!
Sipas logjikës qeverisëse të këtyre politikanëve, të drejtë punësimi në instiucione shtetërore të këtij vendi kanë vetëm familjarët e tyre dhe militantët partiak, ndërsa për qytetarët që nuk janë pjesë e partive në pushtet (shumica e popullatës), nuk ka shpresë dhe përspektivë për asgjë në këtë vend.
Për këtë realitet të hidhur, ditëve të fundit na ka rënë t’i dëgjojmë edhe zyrtarët e partive në pushtet duke e thënë hapur; ” Po t’u jepet rasti,
do t’i punësonin në vendet më të mira krejt farefisin, shoqërinë e tyre dhe klientelën partiake”.
Ky është mentaliteti primitiv i politikanëve të sotëm që qeverisin me vendin.
Andaj, jo rastësisht shkaku i politikanëve të papërgjegjshëm, shteti i Kosovës është bërë i neveritshëm dhe i papërspektivë për jetë për qyetarët e saj.
Është e dhimbshme dhe tmerrshme njëkohësisht gjëndja në të cilën e kanë sjellë shetin kjo klasë kusarësh politikë, që nuk shohin përtej hundës së tyre, që nuk shohin gjë tjetër përveq lekut dhe privilegjeve të pushtetit.

T’i ndalim sot, nesër mund të bëhet vonë

Për ndaljen e dialogut të pabarabartë me Serbinë në Bruksel dhe ndërrimin e kursit qeverisës, përkatësisht të ndryshimit substancial në qeverisjen e vendit, ekziston vetëm një zgjidhje; ajo është revolta e përgjithshme popullore, padëgjueshmëria qytetare ndaj insitucioneve të korruptuara deri të bllokimi i tërësishëm i jetës institucionale.
Prandaj duhet të ngrihemi të gjithë kundër politikanëve të korruptuar, t’i largojmë sa më parë kolltuku i pushtetit, sepse Republika e Kosovës është atdheu ynë, nuk është produkt dhe as pronë e tyre, për shkak se për 20 vjet rresht e trajtuan Kosovën si plaçkë lufte, ndërsa qytetarët si skllëvër të tyre.
Lënja edhe më tutje e fatit të Kosovës në duart e një klase të korruptuar dhe shantazhuar politike do të jetë rrezik akoma më i madh për vendin.
Çdo ditë e mbetur në pushtet e kësaj klase politike është një ditë e humbur për Kosovën dhe një ditë më pak për qytetarët.

Kosovë: Propozim për ligj për dënimin e atyre që mohojnë krimet e luftës

Qeveria e Kosovës hodhi të enjten nismën për hartimin e një ligji në bazë të të cilit do të dënohen të gjithë ata që mohojnë krimet e luftës në Kosovë.

Nisma u paraqit në mbledhjen e qeverisë së Kosovës, pas deklaratave të fundit të zyrtarëve serbë të përfshirë në institucionet e Kosovës që mohuan krimet e luftës.

Brenda dy javësh kryeministri i Kosovës Ramush Haradinaj shkarkoi ministrin e Pushtetit Lokal në qeverinë e tij, Ivan Teodosijeviç dhe zëvendësministren e drejtësisë, Vesna Mikiç, për shkak të “gjuhës së urrejtjes dhe deklaratave të papranueshme”. Të dy ish zyrtarët e qeverisë së Kosovës mohuan krimet e Serbisë gjatë luftës së viteve 1998 dhe 1999 ndërsa akuzuan shqiptarët si terroristë dhe shpikje të masakrave për të nxitur bombardimet e NATO-s ndaj forcave serbe.

Beogradi i cilësoi shkarkimet si shkelje të lirisë së fjalës dhe trysni mbi pjesëtarët e komunitetit serb dhe ritheksoi mohimin e krimeve të kryera nga forcat serbe në Kosovë.

Zëvendëskryeministri Enver Hoxhaj tha të enjten se deklarimet e tilla duhet të dënohen me ligj, ashtu siç ndodhë edhe në vendet perëndimore.

Kosova po shënon njëzet vjetorin e bombardimeve të NATO-s ndaj forcave serbe dhe pothuajse cdo ditë shënohet një nga datat e mizorive të kryera nga forcat serbe.

Por derisa institucionet e Kosovës e vlerësojnë ndërhyrjen e NATO-s me rëndësi vendimtare për historinë e vendit, zyrtarët serbë e cilësojnë Serbinë si “viktimë të agresionit të NATO-s”.

Njëzet vjet më pas, Kosova dhe Serbia ndodhen në një proces aktualisht të pezulluar bisedimesh për normalizimin e marrëdhënieve ndërmjet tyre në shkëmbim të afrimit me Bashkimin Evropian. Por, tensionet ndërmjet të dyja vendeve mbeten të larta.

Udhëheqësit e dyja vendeve pritet të takohen më 29 prill në Berlin, me ftesë të Gjermanisë dhe Francës, që do të jetë edhe takimi i parë i nivelit të lartë që pas pezullimit të bisedimeve në vjeshtën e vitit të kaluar kur qeveria e Kosovës vendosi tarifa prej 100 për qind ndaj mallrave serbe në shenjë kundërshtimi ndaj siç është thënë, fushatës agresive të Serbisë ndaj shtetësisë së Kosovës.

Kurti: Nga Kosova nuk ikin kriminelët, por të ndershmit

Lideri i Vetëvendosjes Albin Kurti duke folur në parlamentin e Kosovës tha se nga Kosova nuk po ikin kriminelët, por njerëzit e ndershëm dhe prokurorët.

Kurti përmendi rastin e ikjes së prokurorit Elez Blakaj, duke thënë se ai iku nga kryeministri dhe qeveria. Numri një i VV u shpreh se emigrimi që po ndodh në Kosovë është për shkaqe të theksuara ekonomike.

“Njerëzit ikin nga ky shtet sepse iku edhe prokurori, si puna e Elez Blakajt, nga kryeministri dhe qeveria. Kosova është një vend prej nga nuk po ikin kriminelët, por po ikin prokurorët. Edhe ish ambasadori amerikan Greg Delawie, më 15 gusht të vitit të kaluar pat thënë ‘kemi parë frikësim të hapur politik dhe institucional përmes kërcënimeve dhe sulmeve personale kundër një prokurori, sjellje që vetëm mbështesin pohimet e tij për kërcënime dhe presione politike si arsye për dorëheqjen e tij. Kjo krijon mjedis armiqësor për cilindo prokuror apo gjykatës të ardhshëm’. Për t’i kthyer njerëzit ne duhet ta kthejmë njëherë Elez Blakajn”, tha ai

Albin Kurti theksoi se Kosova duhet që të forcojë sigurinë, rendin dhe sundimin e ligjit.

DESPOTET RRËZOHEN ME SHPËRTHIMIN E POPULLIT NË PROTESTA – Nga BINAK MAXHARRAJ

Despotet, diktatoret edhe përkundrejtë jetes së tyre luksioze dhe shtypjes së popullit gjithmonë e kanë pësu keq, kur i ka kapë  stuhija apo shpërthimi i popullit. Ne vitet e 90-dhjeta diktatori dhe satrapi i Ballkanit Sllobodan Millosheviq pasi i zhvilloi katër luftra në ish-jugosllavin qe nga Sllovenija e deri ne Kosove për te krijuar Serbin e Madhe , por nuk ia doli. Beri masakra te medha, por te gjitha i humbi. I ndodhi stuhija dhe shperthimi i popullit.
Protestat për disa muaj nuk u ndalen dite e nate. Me ne fund e mundi poppulli. Kryeministri i atehershem Zoran Gjingjiq urdhëroi policin dhe ne shtepin e vet e arrestoi, e futi ne burg dhe e dergoi ne Hage ku e priste gjukimi për krimet e bëra,e sidomos per ato ne Kosove.Arrestimin e tij Kryeministri i Serbisë Gjingjiq e pagoi me koke, te cilin e vran Falangat e Klanit te Zemunit pro Millosheviq.
Por a do të prete i njejti fat edhe pinjollin e tij diktatori dhe despoti Aleksander Vuqit i cili ka krijuar errësirë të plote, varferi dhe skamje ne tere Serbin. Si duket do ta këtë te njejtin fat. Qe sa muaj ne tërë Serbin ndodhi populli, protestat po bahën gjithënjë e me te medha, me te fuqishme. Kërkohet dorëheqja e tij, arrestimi i tij deri ne kercnim me vrasje. Si do te perfundoi ky diktator do shohim se shpejti, por perfundimin e ka te keq, te zymet.Edhe në Shqiperi Edi Rama i ka te gjitha tiparet e një diktatori mafioz i cili e bëri vendin rremuej me çmendurin e tij i cili as vet nuk dine se kah po shkone, çka bene si vepron, e ka kap shtetin ku korrupcioni dhe papunesija jane te larta. Asnjëherë ne historin e Shqiperise nuk po ikun me shume te rijte se sa gjate sundimit te tij. Populli i Shqiperis gadi se eshte pergjysmuar. Bane pazare me Greket per detin e Jugut me te pasurin ne Adriatik me nafte. Kurse kendej përzihet ne Kosove për korrigjimin e kufijve. Për këtë është lidhë edhe me djallin serbe per ta shaktërru Kosovën. Mu per kët arësye edhe ky eshte perfshije nga protestat e medha disa mujshe njëherë nga studentet e tani i ndodhi populli. Kërkon doreheqjen e tij,apo edhe rreximin e tij nga pushteti. Eshte per se tepermi arrogant, injorant, trap dhe i pagdhendur. Perfundimin nuk e ka te gjate, sepse protestat po jane gjithenje e me te fuqishme. Populli don qe ai te ikë nga pushteti sepse ate e rrembeu me vota të shitura.

Dhe i fundit despton qendron në këto troje  ëshë Presidenti i Kosoves Hashim Thaqi. Ky njeri nuk la gur pa rrexu,ne ëmër te lufteës,per ta kap dhe pushtu shtetin.Shoket e tij te luftes qe e kapen shtetin te gjithe
u korruptuan, u pasuruan me hajni, vjedhje dhe plaqkitje. Eshte nje njeri qe punon per vehte nuk eshte aspak trensparet, nuk eshte unifikues i popullit përkundrazi populli e injoron, askush nuk i shkon ne zyre nga lideret e partive politike. Thjeshtë te ky njeri interesi personal është me i madhe se sa ai i popullit. Interesi i tij personal eshte aq i madh sa qe ai per kete edhe e shkaterron shtetin. Gjate sundimit te tij per gadi nje dekade populli u varferu, e humbem Qakorrin krenarin e Kosoves. Eshte ne rrezike qe ta humbim edhe Veriun e Kosoves, permes ides se tij per copetimin, ndarjen apo korrigjimin e kufijve për shkak të rahatis së tij.

Ligjet e as Kushtetuten e vendit nuk e përfillë.bile kërkon te ndrrohet për ti realizuar interesat e tij personala, për ta realizu ikjën nga kapja e Hagës. Prokuroria dhe gjykatat jane te kapura.Korrupcioni po
lulëzon. Rinia po ik nga vendi bile edhe më shumë se sa ne kohën e diktaturës. Edhe ne Kosovë ka fillu të levize, të ndodhë populli. Shpërthimi po i afrohet pikës së vlimit dhe protestat e popullit veq qe skan fillu. Do te jene protesta te rrepeta,te ashpra por te dinjitetshme deri ne largimin apo rreximin e tij nga pushteti më të gjitha struktuat përmes te cilave ai e ka kapë shtetin.

Me familjet në nevojë nëpër rrugët me baltë, vizita e Rita Orës në Kosovë

Rita Ora ka qenë për një vizitë tre ditore në Kosovë. Vizita e divës së muzikës këtë herë ishte për nismën që ka marrë përsipër për të bërë bamirësi për familjet në nevojë. Ka qenë mamaja e këngëtares së famshmë që nëpërmjet një postimi ka zbuluar pamjen e Ritës nëpër rrugët e varfëra të Ferizajt.

“Duke mbështetur UNICEF dhe Rita Orën në punën e tyre të përkushtuar. Shumë krenare që Rita gjen kohë, përgjatë turit të saj të ngarkuar, për të vizituar Kosovën”,-shkruan Vera Ora, nëna e Rita Orës.