VOAL

VOAL

Please Wait ...
0%

Klubet angleze të futbollit bëjnë histori

By | May 10, 2019

Komentet

38 vjeç dhe plot energji, ja vendimi që ka marrë Ibra për të ardhmen

Zllatan Ibrahimoviç u rikthye në Milano për të respektuar kontratën që ka me kuqezinjtë deri në fund të qershorit, ama suedezi nuk ka në plan të rrijë më sezonin e ardhshëm në Itali.


38 vjeçari ka vendosur të rikthehet në vendlindje për të luajtur me skuadrën Hamarbi, në të cilën zotëron dhe një pjesë të aksioneve, raporton “Corriere della Sera”.

Suedezi u rikthye në Itali vetëm pak ditë më parë dhe rezultoi negativ në të dy testet e koronavirusit, çka do të thotë se është i gatshëm për t’u bashkuar me skuadrën në stërvitje.

Gjithsesi, eksperienca e dytë me kuqezinjtë me shumë mundësi do të zgjasë vetëm 6 muaj, por mbetet të shihet nëse Ivan Gazidhis do të bëjë ndonjë përpjekje për ta mbajtur dhe sezonin e ardhshëm, duke pasur parasysh ndikimin e madh për mirë që i ka sjellë Milanit.

Grabitet shtëpia e yllit të Tottenhamit, Dele Alli

Shtëpia e futbollistit të klubit të Premier Ligës Angleze, Tottenham, Dele Alli në Londër është grabitur, transmeton Anadolu Agency (AA).

Në deklaratën e policisë bëhet e ditur se dy vjedhës me maska dhe thikë kanë hyrë në mesnatë në shtëpinë në rajonin Hadley Wood në veri të Londrës duke vjedhur stoli dhe orë me vlerë prej mijëra sterlina.

24-vjeçari Alli, e dashura e tij Ruby Mae, gjysëmvëllai i tij Harry Hickford dhe dy persona të cilët ndodheshin në shtëpi në karantinë për shkak të koronavirusit të ri (COVID-19) janë përballur me grabitësit.

Sipas lajmit të mediave britanike, mes grabitësve dhe Alli ka ndodhur përleshje dhe se futbollisti i kombëtare angleze është lënduar lehtë nga fytyrë.

“Faleminderit për mesazhet dhe mbështetjen tuaj. Ishte një përvojë e tmerrshme por të gjithë jemi mirë”, shkroi në rrjetin e tij social, futbollisti anglez.

Zyrtarët e policisë filuan hetimet për të zbuluar dy grabitësit e moshës 20-vjeçare.

Përfundon aventura e pilotit gjerman me skuadrën italiane, Vettel largohet nga Ferrari

Tashmë është zyrtare, Sebastian Vettel do të largohet nga Ferrari në fund të vitit 2020.

Lajmi u bë i ditur nga shefi i kokëkuqes Mattia Binotto.

“Ne e morëm këtë vendim së bashku me Sebastian dhe besojmë se është zgjidhja më e mirë për të dyja palët. Nuk ishte një vendim i thjeshtë për tu marrë, duke pasur parasysh vlerën e Sebastianit, si pilot dhe si person. Nuk kishte asnjë arsye specifike që çoi në këtë vendim, por vëzhgimi i zakonshëm dhe miqësor se ka ardhur koha për të vazhduar udhëtimin tonë në shtigje të ndryshme për të ndjekur qëllimet tona përkatëse”.

Nga ana tjetër, 4 herë kampioni i botës deklaroi se nga ky sport duhet të marrësh maksimumin por tha se nuk ka një vullnet midis të dyja palëve.

Prej kohësh kishte një krisje në marrëdhëniet midis Ferrarit dhe gjermanit. Ardhja e Leclerc te skuderia e kuqe duket se nuk e favorizoi Vettel për të qenë më pilot i parë, pasi në sezonin 2018-2019 ai u la në hije nga monegasku dhe u rëndit më mirë në klasifikimin e përgjithshëm.

2 lojtarë pozitivë me Covid-19, i gjithë ekipi gjerman në karantinë për 14 ditë

Gjermania u shndërrua në lokomotivën e europës teksa është shteti i parë në kontinentin e vjetër që lejoj rifillimin e aktiviteteve sportive. Sipas datës së miratuar, futbolli gjerman zbret në fushë më 16 maj por sërish ka disa klube që më sa duket nuk janë ende gati. Covid-19 ka prekur klubin e Dynamo Drezden teksa kanë rezultuar pozitiv 2 lojtarë, lajm ky i bërë publik nga vetë klubi gjerman që militon në Bundesliga2:


“Pas testeve të treta që iu nënshtruan lojtarët dhe stafi, 2 lojtarë kanë rezultuar pozitiv me Covid-19. Të dy lojtarët nuk kanë simptoma. E gjithë skuadra do të futet në karantinë për 14 ditë”, lexohen në postimin e klubit gjerman.

Mike Tysonit i ofrohet revansh nga boksieri i fundit që e nokautoi

Kthimi i shumëpërfolur i Mike Tysonit në ringun e boksit mund të jetë kundër boksierit të fundit që kishte nokautuar atë, 14 vjet pas meçit të parë mes tyre. Kjo pasi Danny Williams ka thënë se ata kanë qenë në bisedime për një rimeç.

Ish-kampioni botëror i peshave të rënda në boks, Mike Tyson, i ka emocionuar tifozët e këtij sporti gjatë javës së fundit me deklaratën e tij se dëshiron të kthehet në ring për të luftuar në një meç bamirës, transmeton Gazeta Express.

Ai e publikoi edhe një video nga një stërvitje e tij, që i kishte nxitur tifozët ta lavdërojnë atë për formën e tij, përkundër që ka kohë që është pensionuar nga karriera si boksier.

Tani, britaniku Danny Williams ka pretenduar se ai është në bisedime me Tysonin për një rimeç, pasi e kishte nokautuar legjendën e boksit në meçin e parë mes tyre në vitin 2004.

“Unë mund ta konfirmoj se disa agjentë të mi ma kanë vendosur emrin për të luftuar kundër Mike Tysonit”, ka thënë Williams, në një intervistë të dhënë për World Boxing News.

“Ne jemi ende duke e pritur një përgjigje, por unë e dua këtë meç, e them këtë pa asnjë dyshim”.

“Jam shumë i interesuar në një përballje tjetër me Mike Tysonin”.

Sot 4 vjet më parë, Kosova u pranua në UEFA

Në këtë ditë katër vjet më parë, Kosova u pranua në UEFA, organin qeverisës të futbollit evropian, përkundër kundërshtim dhe lobim të ashpër nga Serbia.

Në Kongresin e UEFA-s më 3 maj 2016, Kosova u bë anëtari i 55-të i shtëpisë evropiane të futbollit, me 28 vota pro, 24 kundër. Dy vota ishin shpallur të pavlefshme, shkruan Gazeta Express.

Pranimi në UEFA i hapi rrugë aplikimit për anëtarësim dhe përfundimisht edhe pranim po ashtu në FIFA, shtëpinë e futbollit botëror, i cili erdhi vetëm 10 ditë më vonë, më 13 maj.

Pranimi në UEFA ua mundësoi klubeve të ligës elitare kosovare, Superligës, të garojnë për pjesëmarrje në garat evropiane, Ligën e Kampionëve dhe Ligën e Evropës.

Rol kyç dhe kryesor për ta bindur Kongresin e UEFA-s ta pranojë Kosovën si anëtare të venten luajti ish-presidenti i FFK-së dhe legjenda e futbollit kosovar, Fadil Vokrri, i cili vdiq dy vjet më pas.

Kombëtarja e Kosovës është në rrugë të mirë për t’u kualifikuar në Kampionatin Evropian për herë të parë në historinë e vet, vetëm katër vjet pas pranimit.

Verdhekaltrit do të mundë ta arrijnë këtë përmes Ligës së Kombeve – turneut të parë të UEFA-s në të cilën morën pjesë pas pranimit.

Kosova la mbresa të mëdha në garën inauguruese të UEFA-s duke e fituar grupin e vet dhe duke e siguruar promovimin që ia siguroi një vend në play-off për kualifikim në Kampionatin Evropian 2020 (i shtyrë për verën e vitit 2021 për shkak të pandemisë koronavirus), në një ndeshje gjysmëfinale kundër Maqedonisë së Veriut dhe një finale të mundshme kundër Bjellorusisë apo Gjeorgjisë.

Kombëtarja dardane mori pjesë për herë të parë edhe në kualifikimet tradicionale për evropian, duke luftuar për kualifikim direkt deri në ndeshjen e parafundit.

Rritja e madhe e ekipit kombëtar të Kosovës vetëm katër vjet pas pranimit në dy shtëpitë e futbollit evropian dhe botëror mund të shpërblehet me sigurimin e një vendi në Evropianin e ardhshëm.

Franca i jep fund sezonit 2019-2020 në ligën e parë të futbollit, PSG shpallet kampion

Paris
Franca i jep fund Ligës së Parë të Futbollit për sezonin 2019-2020 dhe shpall si kampion kryesuesin aktual në tabelë, PSG.

Liga Profesioniste Franceze ka zyrtarizuar pak çaste më parë dhe verdiktet sportive për edicionin 2019/2020. Kështu, kryesuesit e kampionatit francez, Paris Sën Zhërmeni, është shpallur kampion. Ky është titulli i nëntë në histori për kryeqytetasit dhe i treti radhazi.

Psg Kampion
Psg Kampion

Po ashtu janë vendosur dhe ekipet që zbresin dhe ngjiten në kategori. Kështu edicionin e ardhshëm do të ngjiten në Ligue 1 ekipet e Lorientit dhe Lensit, ndërsa zbresin për në Ligue 2 Amiensi dhe Toulouse.

LFP e ka stiuluar renditjen përfundimtare duke marrë mesataren e pikëve për ndeshje deri në javën e 28-të të kampionatit. Ja renditja përfundimtare

1.PARIS SAINT-GERMAIN 2,52
2.OLYMPIQUE DE MARSEILLE 2,00
3.STADE RENNAIS F.C. 1,79
4.LOSC LILLE 1,75
5.O.G.C. NICE COTE D’AZUR 1,46
6.STADE DE REIMS 1,46
7.OLYMPIQUE LYONNAIS 1,43
8.MONTPELLIER HERAULT S.C. 1,43
9.A.S. MONACO 1,43
10.R.C. STRASBOURG ALSACE 1,41
11.ANGERS S.C.O. 1,39
12.F.C. GIRONDINS DE BORDEAUX 1,32
13.F.C. NANTES 1,32
14.STADE BRESTOIS 1,21
15.FOOTBALL CLUB DE METZ 1,21
16.DIJON FOOTBALL COTE-D’OR 1,07
17.A.S. SAINT- ETIENNE 1,07
18.NIMES OLYMPIQUE 0,96
19.AMIENS S.C. 0,82
20.TOULOUSE F.C. 0,46

Ndërron jetë nga Koronavirusi në moshën 36-vjeçare futbollisti shqiptar

Futbollisti shqiptar Ermir Zulbeari ka ndërruar jetë nga Koronavirusi në moshën 36-vjeçare. Zulbeari është një emër i njohur i sportit maqedonas. Ai vuante nga pneumonia dhe pas një jave i shtrirë në Klinikën e Shkupit, i ishin shfaqur probleme edhe me zemër. Mjekët konstatuan se ish-futbollisti ka qenë i prekur edhe nga Koronavirusi.

Zulbeari qenë lojtar i KF Gradeci, ekip të cilin më vonë e drejtoi për disa sezone. Ai do të mbahet mend si dashamirës i madh i sportit. Ermiri Ishte baba i 3 fëmijëve, para 7 muajve ishte bërë baba për së treti.

E pabesueshme, Majk Tajson vendos: Do rikthehem në ring!

Ju kishte marrë malli për “Iron Mike” në ring? Tashmë të gjithë nostalgjikët do të kenë mundësinë të rishohin “bishën” e viteve ’90 të duelojë sërish, ndonëse qëllimet nuk do të jenë ato për të fituar gjerdanët e artë të federatave kryesore.

Vetë Majk Tajson, tashmë 53 vjç, ka njoftuar se do të rikthehet në ring për qëllime bamirësie. “Dua të shkoj në palestër dhe të rikthehem në formë në mënyrë që të boksoj tre apo katër raunde për bamirësi dhe gjëra të ngjashme. Dua të ndihmoj ata që kanë nevojë,” ka theksuar ai. bw

Gjokoviç nuk pranon të vaksinohet për koronavirus

Novak Gjokoviç nuk do të vaksinohet për koronavirus edhe nëse kjo i kërkohet për të vazhduar garat e tenisit.

“Personalisht, unë jam kundër vaksinimit dhe aq më tepër nëse më detyrojnë ta bëj atë. Unë nuk dua të më thuhet se duhet ta bëj atë për të udhëtuar përsëri. Nëse vjen dita kur është e detyrueshme, do të duhet të marr një vendim në lidhje me të. Nëse sezoni i komplikuar i tenisit rifillon në korrik, gusht ose shtator, do t’ju kërkohet të vaksinohemi pasi të kalojmë tashmë karantinat përkatëse. Sot nuk ka vaksinë”, ka thënë mes tjerash Gjokoviç. alsat

Trondit Lukaku: 23 lojtarë të Interit u sëmurën me simptoma të koronavirusit në janar

Romelu Lukaku ka tronditur me deklaratat e tij të fundit, duke zbuluar se 23 prej 25 futbollistëve të Interit ishin të sëmurë me temperaturë të lartë dhe kollë të thatë në janar, por nuk ishin testuar për koronavirus pavarësisht simptomave.

Deri tani, Interi nuk e ka konfirmuar asnjë rast pozitiv me koronavirus, edhe pse është në Lombardi, epiqendrën e pandemisë Covid-19 në Itali, transmeton Gazeta Express.

Tani, sulmues belg i zikaltërve ka sugjeruar se në klub kishte raste shumë të dyshimta, duke sugjeruar se lojtarët mund të kishin prekur nga kjo sëmundje pas ndeshjes kundër Cagliarit në dhjetor.

“E patëm një javë pushim në dhjetor dhe betohem se pasi iu kthyem punës, 23 prej 25 lojtarëve ishin të sëmurë. Nuk bëj shaka. Ne luajtëm kundër Cagliarit të Radja Nainggolanit dhe pas 25 minutave lojë, njëri prej mbrojtësve tanë iu desh të largohej nga fusha. Ai nuk mundi të vazhdonte sepse për pak sa nuk i ra të fikët”, zbuloi Lukaku gjatë një bisedë drejtpërdrejt në Instagram.

Lukaku iu referua Milan Skriniarit, i cili e braktisi fushën pas vetëm 17 minutave lojë në atë ndeshje të zhvilluar më 26 janar. Njoftimi zyrtar i Interit atë kohë ishte se qendërmbrojtësi ndihej i trullosur sepse nuk ishte riaftësuar plotësisht nga gripi.

Rasti i parë zyrtar me koronavirus në Itali ndodhi më 21 shkurt, prandaj lojtarët e Interit nuk ishin testuar.

“Të gjithë po kolliteshin dhe kishin temperaturë. Kur ngrohesha ndieja shumë më shumë të nxehtë se zakonisht. Kisha vite që nuk kisha temperaturë”, shtoi ai.

“Pas ndeshjes, patëm një darkë të planifikuar me mysafirë nga Puma, por unë i falënderova ata dhe ika drejt e në shtrat. Neve nuk na u bënë testet për Covid-19 në atë kohë, prandaj nuk do ta dimë kurrë sigurt nëse kishim koronavirus”, theksoi Lukaku.

megjithatë, ata mund ta kuptojnë, sepse protokolli i Serie A për lojtarët që rikthehen në stërvitje përfshirë edhe testet e gjakut për të kontrolluar nëse kanë antitrupa.

Nëse kanë antitrupa, atëherë kjo nënkupton se ata kanë pasur koronavirus por janë riaftësuar plotësisht.

Vdes legjenda e futbollit anglez, pasi u infektua me koronavirus

Legjenda e futbollit anglez dhe Leeds Unitedit, Norman Hunter, ka vdekur në moshën 76-vjeçare pasi ishte infektuar me koronavirus. Nga shkaku i këtij virusi, Hunter e kishte kaluar javën e fundit i shtrirë në spital.

76-vjeçari u dërgua në spital në fillim të këtij muaji, pasi testoi pozitiv për koronavirus. Ai i kishte shfaqur disa simptoma të këtij virusi dhe shkaku i moshës së tij, ishte dërguar menjëherë në spital për të marrë kujdes më të mirë, transmeton Gazeta Express.

“Ne mund ta konfirmojnë dhe legjenda e Leeds Unitedit dhe Anglisë, Norman Hunter, po trajtohet në spital pasi ka dalë pozitiv në testin për virusin Covid-19”, thuhej në deklaratën e lëshuar nga ish-klubi i tij, Leeds United.

“Ne duam ta shfrytëzojmë këtë rast t’ua përkujtojmë të gjithëve që t’i respektojnë kërkesat e Normanit dhe familjes së tij dhe t’u jepet atyre kohë e mjaftueshme gjatë kësaj kohe të vështirë. Vazhdo të luftosh Norman, jemi të gjithë me ty”.

Megjithatë, tashmë është konfirmuar se legjenda e futbollit anglez nuk ka mundur t’i mbijetojë këtij virusi dhe ka ndërruar jetë sot, tetë ditë pasi doli pozitiv në testin për koronavirus.

Hunter kishte luajtur 14 vjet për Leeds, duke e fituar dy herë titullin e ligës, një herë trofeun e EFL Cup dhe një herë kishte arritur në finale të Kupës Evropian në vitin 1975, kur kishte humbur 2:0 kundër Bayern Munichut. Ai pastaj kishte luajtur për Bristol Cityn dhe Barnsleyn, ku e mbylli karrierën në vitin 1982.

I njohur për stilin e tij agresiv të lojës, Hunter i bëri edhe 28 paraqitje për ekipin kombëtar të Anglisë dhe ishte pjesë e skuadrës që e kishte fituar Kupën e Botës në vitin 1966. Ai kishte qenë një kohë edhe trajner, në Barnsley në vitet 1980-84 dhe në Rotherham United në vitet 1985-87.