VOAL

VOAL

Please Wait ...
0%

Ikja e turpshme e një Kryeprokurori… – Nga PËRPARIM KABO

By | February 13, 2018

Komentet

Është imediate që shteti të merret seriozisht me çarmatosjen e popullatës – Nga HYSEN ARAPI

Ngushellime familjareve te tragjedise se fshatit Resulaj (Vlore).
Eshte imediate qe shteti te merret seriozisht me çarmatosjen e popullates , pasi ka deshtuar per 20 vjet me rradhe. Kjo realizohet me ligj te posaçem , me nje polici profesionale dhe me angazhim qytetar, nepermjet disa etapave qe fatkeqesisht deri tani jane djegur si pasoje e vullneteve politike.
Bejeni kete, pasi shqiptaret, ndonese me mijera probleme ne kurriz , nuk meritojne qe ne ankth te numerojne viktimat e radhes. Shtet je pergjegjes per parandalimin e tragjedive te tilla dhe sigurine e jetes se qytetareve shqiptare.

Njerëzit e Serbisë në Tiranë, Prishtinë dhe Shkup i drejton me telekomandë Beogradi – Nga SHABAN MURATI

Është naive të pritet që një Serbi e demokratizuar të gjejë në të ardhmen, pas 50 apo 100 vjetësh, gatishmërinë për të publikuar emrat e shqiptarëve, që u kanë shërbyer interesave serbe në Tiranë, në Prishtinë apo në Shkup.

Kjo mbetet detyrë ekskluzive e shtetit në Shqipëri dhe në Kosovë. Një detyrë tepër e vështirë, sepse Serbia është kujdesur që njerëzit e saj në këto kryeqytete të jenë shumë të pasur, me shumë pushtet, me shumë influencë politike, zyrtare dhe publike.

Dhe këta drejtohen nga Beogradi me telekomandën e dosjeve. Ndaj dosjet e Serbisë janë një litar në qafën e kombit shqiptar.

xhungël Poezi nga Elida Buçpapaj

pylli është
shpopulluar
nga banorët e tij
legjitimë
luanët,
tigrat e ketrat
janë larguar
në emigrim

elefantët, xhirafat
varur degësh
noçke e qafe
prangosur
prej rrjetash – çarqe
që kamuflohen
herë si brirë drerësh
herë si lastarë pemësh

lepujt dhe urithët
si gjithnjë
me veshët përpjetë
bëjnë jetë të lirë
nga bira në birë

arinjtë gjithë vitin
flenë gjumin
letargjik
kur zgjohen në
intervale të shkurtra
epike
dhelprat u rrinë
gati pranë
ne vend të presë e mjaltit
i mēkojnë
si erbivorë
me gjethe hashashi
e marihuanë

pylli është kthyer
në xhungël
ujqit e dhelprat
bëjnë ligjin
dhelprat vetëm
tundin e dredhin
bishtin
duke e gjunjëzuar
gjithë lukuninë e ujqërve
me talentin e tyre
herë si shkrimtare,
herë si ministre
herë si pornostare

kafshët e pyllit
nga strofullat
kanë marrë ikën
prej frikës
janë strehuar
bërë sa një grusht
në foletë e zogjve
sepse aty lart
dhelpra nuk i arrin
dot rrushtë

si zogj zvogëluar
kafshët e pyllit
rrinë duke u lutur
që në pyll bashkë
me luanēt
të kthehet
rregulli e harmonia
që sorkadhet
të luajnë në piano
e bilbilat të këndojnë
a capella me rend
ndërsa ujqit e dhelprat
në burgun e bordellove
të bëjnë aheng

Fitorja sportive, krenari kombëtare edhe për Zvicrën, edhe për shqiptarët! – Nga Elida Buçpapaj

Prej dje komentuesit e ndeshjes dhe shtypi e mediat zvicerane, kanë përmendur  simbolin e shqiponjës me dy koka që bënë me gjestikulacion pas golave Granit Xhaka dhe Xherdan Shaqiri. Këtë simbol për solidaritet e ka bërë edhe Lichtsteiner, kapiteni i kombëtares të Zvicrës!

Dhe për t’i paraprirë çdo paragjykimi për simbolin shqiptar është reaguar menjëherë.

Tages-Anzeiger sjell fjalët e trajnerit të kombëtares kroatit Vladimir Petkoviç: “Shqipëria, Kosova? Kjo gjë nuk është një çështje. Këtu në Kaliningrad, Zvicra luan kundër Serbisë. Futbolli nuk është politika.” Ky ishte mesazhi që ekipi kombëtar zviceran dëshiron të vendosë përpara ndeshjes.”

Pastaj ndeshja doli sikur dihet. Dy golashënuesit ishin Xhaka dhe Shaqiri.

Për shqiptarët Xhaka dhe Shaqiri ishin vetë shqiponja në flamur!

Pa lidhje me politikën por me lidhje me krenarinë kombëtare!

Për 20 Minuten, më të lexuarin gratis në Zvicër, dhanë shpjegime të tre, Kapiteni i Kombëtares zvicerane dhe dy golashënesit:

“Ishte thjesht emocion, nuk dua të diskutoj politikën”, tha Xherdan Shaqiri.

Granit Xhaka u shpreh “Shqiponja me dy koka nuk ishte një mesazh ndaj kundërshtarit, ishte një përshëndetje për njerëzit nga e kanë prejardhjen prindërit e mi, për ata që më përkrahin si fansa. Ishte emocion i pastër, nuk ishte një reagim i vetëdijshëm “.

Edhe Kapiteni Stephan Lichtsteiner ka dhënë shpjegimin e tij: “Nuk mendoj se zviceranët kanë një problem me të, sepse ne e dimë se ata janë me shtetësi të dyfishtë. S’ka lidhje me provokim. Si kapiten, nuk kam asnjë problem me këtë. Kishte kaq shumë tension dhe unë mendoj se është e drejtë ta kremtojmë atë gjerësisht.”

Më bukur atë që ka ndodhur e përshkruan portieri i kombëtares zvicerane Yann Sommer: “Përpara ndeshjes si skuadër ne thamë se në një ndeshje futbolli nuk mund të flitet për asgjë tjetër veç për futboll. Dhe ne nuk deshëm që të flisnim për asgjë tjetër. Por ne nuk mund të gjykojmë për gjëra që nuk kemi qenë asnjëherë dëshmitarë më parë sikur kjo që ndodhi. Këtu futen edhe emocionet”

Sommer ka shumë të drejtë!

E cili fallxhor parashikoi se do të shënonin duke përcaktuar fitoren e kombëtares zvicerane dy zvicerano-shqiptarë?

Për fitoren e Zvicrës u gëzuan dhe u bënë fansa të gjithë shqiptarët.

Pse provokim qenka ky?!

Jo nuk ka si të jetë provokim.

Zviceranët u çmendën prej gëzimit se skudara e tyre fitoi, edhe shqiptarët u çmendën prej gëzimit se Zvicra fitoi dhe dy golat i bënë dy shqiptaro-zviceranë.

Shqiponja dykrenore është simboli kombëtar i shqiptarëve, i një kombi që ka vuajtur dhe vazhdon e vuan. Shqiptarët kanë përjetuar drama e tragjedi nga ish-pushtuesit, nga diktaturat, por sot edhe nga mungesa e standarteve të demokracisë, ndërsa Graniti dhe Xherdani, si përfaqësues të rinisë shqiptare, janë arsye për t’u emocionuar. Kur ka rini të motivuar si Graniti dhe Xherdani, ka shpresë edhe për vendet nga e kanë prejardhjen lojtarët dhe shqiponja dykrenore.

Zvicra është shteti model për shqiptarët, ku ata kanë gjetur strehë dhe sukses, prandaj e duan Konfederatën Helvetike. Lojtarët shqiptarë që luajnë me kombëtaren, duan t’i japin Zvicrës atë çka kanë marrë prej saj. Zvicra i bëri ata që janë dhe ata ia shpërblejnë me dashuri, pasion dhe përpjekje maksimale për të siguruar fitoren.

Dhe fitorja deh, edhe kur nuk ke pirë, fitorja deh, pa marrë parasysh se je zviceran apo shqiptar!

Fitorja sportive e Zvicrës është krenari kombëtare legjitime edhe për zvicranët, edhe për shqiptarët!

S’ka koment tjetër!

taulant balla, a e dorëzoi xhafa nr.1 xhafën nr.2 pas telefonatës të babales ?! Nga Elida Buçpapaj

taulant balla mos të flasë për babalen,

por për gënjeshtrën e edi ramës i cili menjëherë pas publikimit të bisedës telefonike të babales tha

se kjo bisedë ishte analizuar nga organe të specializuara jashtë vendit!

biseda telefonike e babales 24 orë pas daljes në mediat shqiptare nuk ishte analizuar nga asnjë organizëm i specializuar ndërkombëtar apo i huaj

pra edi rama rrejti

kur një kryeministër gënjen ka marrë fund shteti

sepse i përdor taulantët si letra higjenike.

Unë kam disa pyetje retorike:

A është e vërtetë se vëllai i xhafës ishte në kërkim nga qeveria italiane prej vitit 2002?

Po !

Përse u bë xhafa i ndershëm pas pilafit ?!

A nuk e dorëzoi xhafa të vëllain menjëherë posa doli telefonata e babales ?

Po !

xhafa nr1 po të kishte 1 gram integritet do të duhej ta dorëzonte xhafën nr 2 menjëherë që kur kishte dalë fletë arresti në 2002, apo jo ?

Po !

Kur nuk e dorëzoi xhafa 1 xhafën 2 në kohën e fletë arrestit a ka integritet xhafa 1?

Jo nuk ka!

Po kur ministrat e kryeministrit nuk kanë integritet, a ka integritet kryeministri gënjeshtar ?

Jo nuk ka!

Dhe këtu mbyllet tema

Kur gënjen kryeministri dhe mbahet me ministra pa integritet

qeveria është pa integritet

kur qeveria është pa integritet dmth është mafioze!

HISTORI SHQIPTARE, QË PËRSËRITEN – Nga SHABAN MURATI

Në parathënien e një libri tim kam shkruar për një element të biografisë sime krijuese në kohën e demokracisë, krijimtari e cila është përballur me mërinë dhe hakmarrjen e forcave dhe qendrave antishqiptare. Po citoj:

“Kanë qenë vite të periudhës së demokracisë, por shpesh herë po aq mosmirkuptues ndaj të së drejtës së diplomatit për të shprehur lirisht individualitetin, kontributin dhe mendimin, sa në kohrat e censurave.
Patën fatin krijues, që të mbajnë mbi supet presione të drejtpërdrejta nga drejtues të lartë të institucioneve shtetërore në të dy llojet e qeverive, për t’u larguar nga qarkullimi publik dhe diplomatik. Madje, sipas një ish ministri të jashtëm të Shqipërisë, në një takim zyrtar në Beograd në vitin 2003 i është kërkuar palës shqiptare që të ndalohet Diplomaticus, (pseudonimi i përdorur nga unë në media për shkak të detyrës), të shkruajë. Veprimtarisë sime krijuese dhe diplomatike i janë kundërvënë me përpjekje antiligjore disa titullarë të institucionit kryesor diplomatik, MPJ, për të ndërprerë karrierën time diplomatike pas mandateve si ambasador i Shqipërisë. Kjo ka ndodhur edhe në vitin 1997 nga përfaqësues të lobit grek në qeverinë e Shqipërisë, edhe në vitin 2007 nga përfaqësues të lobit serb në qeverinë e Shqipërisë”.


Historia shqiptare përsëritet në vitin 2018 nga lobi antishqiptar bizantino-sllavo-kominternist, që ka mbetur i fuqishëm në institucionet më të rëndësishme të shtetit shqiptar gjatë gjithë periudhës postkomuniste.

Postfestum: Freskim kujtese – Nga SHABAN MURATI

“Kisha Ortodokse Ruse mbështet popullin serb në qendrimin e tij për çeshtjen e Kosovës. Kosova është qendra shpirtërore e popullit serb dhe e kishës së tij”. -Patriarku Kirill.

“Patriarkati i Moskës ka mbështetur në mënyrë të pandryshueshme qendrimin e Kishës serbe përsa i takon statusit të Kosovës”. -Patriarku Kirill.

“Një përfaqësues i Kishës Ortodokse Ruse njoftoi se Kisha Ruse vazhdon ta shohë Kosovën si tokë e shenjtë serbe”.

unë jam amerika Poezi nga Elida Buçpapaj

unë jam amerika
nga qielli dhe toka ime ngrihen
dhe aterrojnë çdo të mijtën e sekondës
avionët
si shqiponja
me krahë gjigandë
duke e shpuar
tej e përtej
trupin e brishtë
të mjergullës

nga paqsori në atlantik
amerika jam
një sanduiç gjigand McDonaldi
midis dy oqeanëve
për të ngopur
oqeanët e emigrantëve
që po vdesin urie
për liri
për të prehur në paqe
eshtrat e gjyshit tim
që nuk na pa asnjëherë
kur erdhi këtu fëmijë
kur e la nënën e tij
në shtëpizën e zbrazur
ndërtuar me thupra malli
aty buzë Liqenit të Ohrit
e nisi të punojë tek Fordi në Miçigan

unë jam amerika
hyra si zog shtegtar
i kalova të gjitha telat me gjemba
muret e larta si pishat e pyllit
fluturova mbi detra e oqeanë
të frikshëm e të panjohur
që i kisha parë vetëm
në globa si topa llastiku
në harta prej letre dhe atlasë

që të jem amerika
nga hiri u rilinda pafundësisht
s’lashë sakrificë e vuajtje pa provuar
shita shtëpinë
mbeta në mes të rrugëve të egra të botës
gjithçka që kisha e dhashë
i lashë fëmijët thatë
pa asnjë trashëgimi

për tokën e premtuar
pagova trafikantët
e të gjitha ngjyrave
u bëra hiç
u bëra bagëti
nēpër hangarët e kamionëve
hyra nga Alaska
nga Kanadaja,
Meksika,
me pasaportë fallco
lumenjtë i thava
dhe krijova rrugë të pashkelura
as nga indianët
apo kërkuesit e arit
i rash botës rrotull
nga njëri kontinent në tjetrin
sa herë më shporrnin
unë rikthehesha
e cfilitur, e mpakur
humba gjithçka
se më mashtruan
tē gjithë
në fund
mbeta një lypëse e lirisë
e shkela ligjin
si e vetmja mundësi
pēr të arritur tek ty

kur flokët e mija biond
u bënë tela të bardhë
kur prej meje s’mbeti
më asgjë
atēherë nga vuajtja ime
mbiu farë
gruri e guri
gruri për t’u bërë bukë për ëndërrat
e për t’u mbjellë
e ringjallur çdo vit
brez pas brezi
të gjithë të parët e mi
dhe ata që të deshën
por nuk të arritën dot kurrë
megjithë mundin
dhe mundimin e Sizifit
dhe farë guri
për t’u ngulitur
aty rrethuar
nga kaktuset
e shkretëtirës
dhe fëmijët e lirisë

unë jam amerika

eldorado jam

E kam një pyetje për ju shkodranë! Nga Elida Buçpapaj

E kam një pyetje për ju shkodranë!

Shkodra asht qyteti i kulturës, i dritës, i artit dhe kangës!

Asht qytet i artistëve,

ku çdo shkodran dhe shkodrane asht një artist më vete.

Asht qytet i jareve,

i harmonisë

i kalasë të Rozafës,

qyteti ka pranë liqenin nga ku buron Buna,

por mbi të gjitha Shkodra asht shquar për humorin

shkodranët nuk rrinë dot pa qeshun

shkodranët rrinë pa bukë

por jo pa qesh

dhe të qeshunën e kanë ngjitëse si gripi

ia kanë ngjitë të qeshmen tanë Shqipnisë dhe shqiptarëve!

Por tash duket sikur humori shkodran ka marrë arratinë

ose ka dalë në emigracion

dhe ka kriju një mungesë të madhe

se kur nuk qesh Shkodra

e tanë Shqipnia rrin buzavarë!

Shkodra me humorin e vet i ka bo shqiptarët me qeshë edhe në kohë të kjametit,

ka tallë e ia ka ngjeshë diktaturës kur regjimi barbar të fuste në burg për një fjalë goje

e Shkodra i triblonte diktaturës, tallej me te

dhe i çmërziste shqiptarët prej varfërisë e halleve të përditshmërisë,

i çfriksonte edhe prej regjimit të egër.

E tash pse nuk bon humor Shkodra ?

A ka i dhem barku?

Mos thoni se i kanë dekë ata që bajshin humor

se Shkodrës nuk i vdes kurrë humori

e na ka mësu me qeshë prej gjithmonit.

Kjo asht pyetja që deshta me i ba shkodranëve.

Ku jeni pra, me humorin tuaj gjithë spec djegs,

që tallej me ata që e kishin shpallë veten si Zot

e Zotin e kishin kallë flakë.

Shkodra asht toka ku ka le humori

humori anglez duket humor katuni kur krahasohet me humorin shkodran

që i ka mbrenë erëzat dhe lezetin e gjithë botës!

Zgjohu pra Shkodër loce,

se mjesi asht ardhë!

 

 

 

Sot LDK ka festë të madhe: U KTHYE NGA “AZILI POLITIK” LIDERI I SAJ ISA MUSTAFA!! – Nga BINAK MAXHARRAJ

Aq i fortë kishte qenë shkelmimi më të katër këmbet i Hashim Thaqit në Isa Mustafën sa që ky ishte rrexue aq keq sa për disa dite nuk mujti më ardhë  në vehte. Nisi t’i këqësohet gjendja e tij shëndetësore sa qe ju deshtë të shkoj jashte vendit për sherim.

Por sot në Konferencën për media të LDK-së e cila ka nisë të mbahet në çdo xhuma, u dha lajmi shumë i pritur së Lideri i LDK-së Isa Mustafa po këthehet  nga”azili politik”,ku kishte qendru gadi tre muaj.Pritja e Liderit  Isa Mustafa nëAeroportin”Adem Jashari”ishte shumë madhështore,sa qe e gjithë Paria e LDK ishin dalë në pritje.Ishin ba rreshte ne te dy anët e rrugës me lule dhe flamuj te Partisë dhe më përshendëtje dhe brohoritje frenetike i deshiruan kthimin ne atdhe Liderit të tyre te madh Isa Mustafës. Por,edhe gjatë rrugës nga Aeroporti deri në Prishtinë kishin dal me flamuj ne dorë anëtarësia dhe qytetaret për ti shprehë  mireseardhjen .Vertet sot ishte nje festë e madhe për LDK-në,sepse u këthye Lideri i tyre i cili u mungonte aq shumë.U këthye shendosh e mire,sepse siç po thonë “azili politik” i paka ba mirë në shendet.

Të nesërmën në selin e LDK e filloj punën.Pasiqe u njohtue gjanë e gatë për aktivitëtin e LDK-së për atë kohë sa ai mungonte,Isa Mustafa propozoi se tashti duhet të zhvillohet një aktivitet e denjë Partiak për te krijuar strategjinë që edhe këta ta “gjuajnë më shkelma” Hashim Thaqin duke e rrexuar për tokë me qellim qe edhe ai të kërkoj “azil politik” ne ndonje shtet për sherim.

Serbia terrorizon popullsinë shqiptare në Luginën e Preshevës – Nga ROMEO GURAKUQI

Avionet ushtarake te Armates se Serbise vazhdojne te fluturojne shume ulet permbi çatite e shtepive shqiptare ne Luginen e Presheves, duke terrorizuar qytetaret, qe qeveria e po atij vendi ka detyrimin qe t’i mbroje. Mesazhe te shumta te ardhura nga banoret shqiptare te kesaj ane kane kerkuar mbrojtjen e shtetit shqiptar, deputeteve dhe intelektualeve.

Ata kerkojne t’i ofrohet e gjithe perkrahja politike dhe diplomatike, popullsise civile dhe Kryetarit te Komunes se Presheves, zotit Shqiprim Arifi, ne menyre qe mos te ndodhin provokime tilla nga qeveria e Serbise.

Qeveria e Republikes se Shqiperise, e fshehur ne panik ne Kullen e Surrelit, e shmangur nga revolta e njerezve te thjeshte ne strofkullat e sarajeve te grabitura ne Bregdet, eshte perqendruar ne punen hetimore te drejtuar nga kryehetuesi i diktatures, per te burgosur Opoziten shqiptare dhe nuk e ka ne axhende mbrojtjen e vellezerve te nje gjaku, qe jetojne nen terror ne cepin me jugor te Republikes se Serbise.

Mirepo askush nuk pret qe nje qeveri despotike, e korruptuar, ne te gjitha poret e veta, e mbajtur me patericat policore te hetuesve dhe oficereve te diktatures, nje qeveri e cila as ne ditet e veta te para, nuk ka qene asnjehere serioze ne ndertimin e rrugeve te komunikimit modern ne Ballkan, te kryeje detyrat ndaj bashkekombasve te vet te kercenuar nga soldateska e Serbise.

Eshte ne detyren e opinionit publik dhe intelektual te Republikes se Shqiperise dhe te Republikes se Kosoves, Diaspores ne SHBA dhe ne Europe, te perdore te gjitha mjetet ne dispozicion, per te sensibilizuar qeverite demokratike perendimore mbi gjendjen e rende qe po kalon pakica shqiptare ne Serbi.

Une besoj se as shoqeria civile e Republikes se Serbise dhe as parlamentaret mirefille europianiste te atij vendi, nuk mund ta pranojne terrorizimin e programuar ndaj bashkeqytetareve te te njejtit shtet. Por ne mes denimit te heshtur dhe veprimit te njimendte dhe serioz, ka nje te ndare te madhe qe duhet kapercyer, per hir te vlerave demokratike te Ballkanit te shekullit XXI.

ERDOGAN LARG DUART NGA KOSOVA – Nga Prof. dr. BINAK MAXHARRAJ

Erdh si në bahçe te babës ne Kosovë pa e pengue askush, bile nuk u pengu as nga vellau i tij qe e ka në Kosovë, dhe si rrufeja i vodhi,i kidnapoj shtetasit e vetë,pa u pengu nag askush,por edhe bile i ndihmuar edhe nga pushtetarët te cilët ia moren fytyrën shtetit.Por tash veq po dihet së kush nga shtetaret tanë ishte i përyier ne këtë përmbytje te turpshme.Nuk kishte dije Hashim Harajdinaj dhe Kadri Veseli,por është shumë besueshme se kush qendron prapa ketij skandali,mediat veq po e citojnë emrin e tij.
Në vend se ti vjenë turp ketij fare Erdoganit dhe te kërkoj falje që u “përzi direkte ne punet e mbrendshme”ne nje shtet sovran,bile më shumë arrogancë,ai si ne stilin e dikatatoreve te Sadam Hysenit,apo te Sllobodan Millosheviqit,nisë të turrët Kosovës,te kritikon Kryeministrin Harajdinaj dhe turpshem e lavderon Hashim Thaqin,me siguri së i ka dalë ne ndihme me varëseit e tij për ta kryer këtë punë te fliqët,bile kërcnon edhe me terheqjen e Ambasades Turke nga Kosova.Ja kjo fytyra e vertet e njeriu qe vinte e delte dikuar nga Kosova si me kone e vetje,bile edhe thoshte pa fije turpi se”Kosova është e Turqis”.
Por ky i gjorë ka harruar se Kosova nuk është e nemur,se Kosova eshtë shtet sovran,së Kosova ka zote shtepije,se eshte vetevehtja,se ne Kosovë zot shtepije janë populli i sajë Shqiptarë,e jo dofare pushtetaresh qe ai luan me ta si te doj e kur te doje.Jo,Jo..birë Anadolli nuk ke te drejtë asnjecentimetër mbi Kosovën,hiq duart nga Kosova.